| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
(੭) ੨. ਸੁਖવਗ੍ਗવਣ੍ਣਨਾ
(7) 2. Sukhavaggavaṇṇanā
੬੫. ਦੁਤਿਯਸ੍ਸ ਪਠਮੇ ਗਿਹਿਸੁਖਨ੍ਤਿ ਗਿਹੀਨਂ ਸਬ੍ਬਕਾਮਨਿਪ੍ਫਤ੍ਤਿਮੂਲਕਂ ਸੁਖਂ। ਪਬ੍ਬਜਿਤਸੁਖਨ੍ਤਿ ਪਬ੍ਬਜਿਤਾਨਂ ਪਬ੍ਬਜ੍ਜਾਮੂਲਕਂ ਸੁਖਂ।
65. Dutiyassa paṭhame gihisukhanti gihīnaṃ sabbakāmanipphattimūlakaṃ sukhaṃ. Pabbajitasukhanti pabbajitānaṃ pabbajjāmūlakaṃ sukhaṃ.
੬੬. ਦੁਤਿਯੇ ਕਾਮਸੁਖਨ੍ਤਿ ਕਾਮੇ ਆਰਬ੍ਭ ਉਪ੍ਪਜ੍ਜਨਕਸੁਖਂ। ਨੇਕ੍ਖਮ੍ਮਸੁਖਨ੍ਤਿ ਨੇਕ੍ਖਮ੍ਮਂ વੁਚ੍ਚਤਿ ਪਬ੍ਬਜ੍ਜਾ, ਤਂ ਆਰਬ੍ਭ ਉਪ੍ਪਜ੍ਜਨਕਸੁਖਂ।
66. Dutiye kāmasukhanti kāme ārabbha uppajjanakasukhaṃ. Nekkhammasukhanti nekkhammaṃ vuccati pabbajjā, taṃ ārabbha uppajjanakasukhaṃ.
੬੭. ਤਤਿਯੇ ਉਪਧਿਸੁਖਨ੍ਤਿ ਤੇਭੂਮਕਸੁਖਂ। ਨਿਰੁਪਧਿਸੁਖਨ੍ਤਿ ਲੋਕੁਤ੍ਤਰਸੁਖਂ।
67. Tatiye upadhisukhanti tebhūmakasukhaṃ. Nirupadhisukhanti lokuttarasukhaṃ.
੬੮. ਚਤੁਤ੍ਥੇ ਸਾਸવਸੁਖਨ੍ਤਿ ਆਸવਾਨਂ ਪਚ੍ਚਯਭੂਤਂ વਟ੍ਟਸੁਖਂ। ਅਨਾਸવਸੁਖਨ੍ਤਿ ਤੇਸਂ ਅਪਚ੍ਚਯਭੂਤਂ વਿવਟ੍ਟਸੁਖਂ।
68. Catutthe sāsavasukhanti āsavānaṃ paccayabhūtaṃ vaṭṭasukhaṃ. Anāsavasukhanti tesaṃ apaccayabhūtaṃ vivaṭṭasukhaṃ.
੬੯. ਪਞ੍ਚਮੇ ਸਾਮਿਸਨ੍ਤਿ ਸਂਕਿਲੇਸਂ વਟ੍ਟਗਾਮਿਸੁਖਂ। ਨਿਰਾਮਿਸਨ੍ਤਿ ਨਿਕ੍ਕਿਲੇਸਂ વਿવਟ੍ਟਗਾਮਿਸੁਖਂ।
69. Pañcame sāmisanti saṃkilesaṃ vaṭṭagāmisukhaṃ. Nirāmisanti nikkilesaṃ vivaṭṭagāmisukhaṃ.
੭੦. ਛਟ੍ਠੇ ਅਰਿਯਸੁਖਨ੍ਤਿ ਅਪੁਥੁਜ੍ਜਨਸੁਖਂ। ਅਨਰਿਯਸੁਖਨ੍ਤਿ ਪੁਥੁਜ੍ਜਨਸੁਖਂ।
70. Chaṭṭhe ariyasukhanti aputhujjanasukhaṃ. Anariyasukhanti puthujjanasukhaṃ.
੭੧. ਸਤ੍ਤਮੇ ਕਾਯਿਕਨ੍ਤਿ ਕਾਯવਿਞ੍ਞਾਣਸਹਜਾਤਂ। ਚੇਤਸਿਕਨ੍ਤਿ ਮਨੋਦ੍વਾਰਿਕਸੁਖਂ। ਤਂ ਲੋਕਿਯਲੋਕੁਤ੍ਤਰਮਿਸ੍ਸਕਂ ਕਥਿਤਂ।
71. Sattame kāyikanti kāyaviññāṇasahajātaṃ. Cetasikanti manodvārikasukhaṃ. Taṃ lokiyalokuttaramissakaṃ kathitaṃ.
੭੨. ਅਟ੍ਠਮੇ ਸਪ੍ਪੀਤਿਕਨ੍ਤਿ ਪਠਮਦੁਤਿਯਜ੍ਝਾਨਸੁਖਂ। ਨਿਪ੍ਪੀਤਿਕਨ੍ਤਿ ਤਤਿਯਚਤੁਤ੍ਥਜ੍ਝਾਨਸੁਖਂ। ਤਤ੍ਥ ਲੋਕਿਯਸਪ੍ਪੀਤਿਕਤੋ ਲੋਕਿਯਨਿਪ੍ਪੀਤਿਕਂ, ਲੋਕੁਤ੍ਤਰਸਪ੍ਪੀਤਿਕਤੋ ਚ ਲੋਕੁਤ੍ਤਰਨਿਪ੍ਪੀਤਿਕਂ ਅਗ੍ਗਨ੍ਤਿ ਏવਂ ਭੁਮ੍ਮਨ੍ਤਰਂ ਅਭਿਨ੍ਦਿਤ੍વਾ ਅਗ੍ਗਭਾવੋ વੇਦਿਤਬ੍ਬੋ।
72. Aṭṭhame sappītikanti paṭhamadutiyajjhānasukhaṃ. Nippītikanti tatiyacatutthajjhānasukhaṃ. Tattha lokiyasappītikato lokiyanippītikaṃ, lokuttarasappītikato ca lokuttaranippītikaṃ agganti evaṃ bhummantaraṃ abhinditvā aggabhāvo veditabbo.
੭੩. ਨવਮੇ ਸਾਤਸੁਖਨ੍ਤਿ ਤੀਸੁ ਝਾਨੇਸੁ ਸੁਖਂ। ਉਪੇਕ੍ਖਾਸੁਖਨ੍ਤਿ ਚਤੁਤ੍ਥਜ੍ਝਾਨਸੁਖਂ।
73. Navame sātasukhanti tīsu jhānesu sukhaṃ. Upekkhāsukhanti catutthajjhānasukhaṃ.
੭੪. ਦਸਮੇ ਸਮਾਧਿਸੁਖਨ੍ਤਿ ਅਪ੍ਪਨਂ વਾ ਉਪਚਾਰਂ વਾ ਪਤ੍ਤਸੁਖਂ। ਅਸਮਾਧਿਸੁਖਨ੍ਤਿ ਤਦੁਭਯਂ ਅਪ੍ਪਤ੍ਤਸੁਖਂ।
74. Dasame samādhisukhanti appanaṃ vā upacāraṃ vā pattasukhaṃ. Asamādhisukhanti tadubhayaṃ appattasukhaṃ.
੭੫. ਏਕਾਦਸਮੇ ਸਪ੍ਪੀਤਿਕਾਰਮ੍ਮਣਨ੍ਤਿ ਸਪ੍ਪੀਤਿਕਂ ਝਾਨਦ੍વਯਂ ਪਚ੍ਚવੇਕ੍ਖਨ੍ਤਸ੍ਸ ਉਪ੍ਪਨ੍ਨਸੁਖਂ। ਨਿਪ੍ਪੀਤਿਕਾਰਮ੍ਮਣੇਪਿ ਏਸੇવ ਨਯੋ। ਦ੍વਾਦਸਮੇਪਿ ਇਮਿਨਾવ ਉਪਾਯੇਨ ਅਤ੍ਥੋ વੇਦਿਤਬ੍ਬੋ।
75. Ekādasame sappītikārammaṇanti sappītikaṃ jhānadvayaṃ paccavekkhantassa uppannasukhaṃ. Nippītikārammaṇepi eseva nayo. Dvādasamepi imināva upāyena attho veditabbo.
੭੭. ਤੇਰਸਮੇ ਰੂਪਾਰਮ੍ਮਣਨ੍ਤਿ ਰੂਪਾવਚਰਚਤੁਤ੍ਥਜ੍ਝਾਨਾਰਮ੍ਮਣਂ, ਯਂਕਿਞ੍ਚਿ ਰੂਪਂ ਆਰਬ੍ਭ ਉਪ੍ਪਜ੍ਜਨਕਂ વਾ। ਅਰੂਪਾਰਮ੍ਮਣਨ੍ਤਿ ਅਰੂਪਾવਚਰਜ੍ਝਾਨਾਰਮ੍ਮਣਂ, ਯਂਕਿਞ੍ਚਿ ਅਰੂਪਂ ਆਰਬ੍ਭ ਉਪ੍ਪਜ੍ਜਨਕਂ વਾਤਿ।
77. Terasame rūpārammaṇanti rūpāvacaracatutthajjhānārammaṇaṃ, yaṃkiñci rūpaṃ ārabbha uppajjanakaṃ vā. Arūpārammaṇanti arūpāvacarajjhānārammaṇaṃ, yaṃkiñci arūpaṃ ārabbha uppajjanakaṃ vāti.
ਸੁਖવਗ੍ਗੋ ਦੁਤਿਯੋ।
Sukhavaggo dutiyo.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / (੭) ੨. ਸੁਖવਗ੍ਗੋ • (7) 2. Sukhavaggo
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / (੭) ੨. ਸੁਖવਗ੍ਗવਣ੍ਣਨਾ • (7) 2. Sukhavaggavaṇṇanā
