| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
(੭) ੨. ਸੁਖવਗ੍ਗવਣ੍ਣਨਾ
(7) 2. Sukhavaggavaṇṇanā
੬੫. ਦੁਤਿਯਸ੍ਸ ਪਠਮੇ ਸਬ੍ਬਕਾਮਨਿਪ੍ਫਤ੍ਤਿਮੂਲਕਂ ਸੁਖਨ੍ਤਿ ਅਨવਸੇਸਉਪਭੋਗਪਰਿਭੋਗવਤ੍ਥੁਨਿਪ੍ਫਤ੍ਤਿਹੇਤੁਕਂ ਕਾਮਸੁਖਂ। ਪਬ੍ਬਜ੍ਜਾਮੂਲਕਂ ਸੁਖਨ੍ਤਿ ਪਬ੍ਬਜ੍ਜਾਹੇਤੁਕਂ ਪવਿવੇਕਸੁਖਂ।
65. Dutiyassa paṭhame sabbakāmanipphattimūlakaṃ sukhanti anavasesaupabhogaparibhogavatthunipphattihetukaṃ kāmasukhaṃ. Pabbajjāmūlakaṃ sukhanti pabbajjāhetukaṃ pavivekasukhaṃ.
੬੬. ਦੁਤਿਯੇ ਕਾਮੇਤਿ ਪਞ੍ਚ ਕਾਮਗੁਣੇ, ਸਬ੍ਬੇਪਿ વਾ ਤੇਭੂਮਕੇ ਧਮ੍ਮੇ। વੁਤ੍ਤਞ੍ਹੇਤਂ ‘‘ਸਬ੍ਬੇਪਿ ਤੇਭੂਮਕਾ ਧਮ੍ਮਾ ਕਮਨੀਯਟ੍ਠੇਨ ਕਾਮਾ’’ਤਿ (ਮਹਾਨਿ॰ ੧)। ਨੇਕ੍ਖਮ੍ਮਂ વੁਚ੍ਚਤਿ ਪਬ੍ਬਜ੍ਜਾ ਘਰਬਨ੍ਧਨਤੋ ਨਿਕ੍ਖਨ੍ਤਤ੍ਤਾ। ਨਿਬ੍ਬਾਨਮੇવ વਾ –
66. Dutiye kāmeti pañca kāmaguṇe, sabbepi vā tebhūmake dhamme. Vuttañhetaṃ ‘‘sabbepi tebhūmakā dhammā kamanīyaṭṭhena kāmā’’ti (mahāni. 1). Nekkhammaṃ vuccati pabbajjā gharabandhanato nikkhantattā. Nibbānameva vā –
‘‘ਪਬ੍ਬਜ੍ਜਾ ਪਠਮਂ ਝਾਨਂ, ਨਿਬ੍ਬਾਨਞ੍ਚ વਿਪਸ੍ਸਨਾ।
‘‘Pabbajjā paṭhamaṃ jhānaṃ, nibbānañca vipassanā;
ਸਬ੍ਬੇਪਿ ਕੁਸਲਾ ਧਮ੍ਮਾ, ਨੇਕ੍ਖਮ੍ਮਨ੍ਤਿ ਪવੁਚ੍ਚਰੇ’’ਤਿ॥ (ਇਤਿવੁ॰ ਅਟ੍ਠ॰ ੧੦੯) –
Sabbepi kusalā dhammā, nekkhammanti pavuccare’’ti. (itivu. aṭṭha. 109) –
ਹਿ વੁਤ੍ਤਂ।
Hi vuttaṃ.
੬੭. ਤਤਿਯੇ ਉਪਧੀ વੁਚ੍ਚਨ੍ਤਿ ਪਞ੍ਚੁਪਾਦਾਨਕ੍ਖਨ੍ਧਾ, ਤਨ੍ਨਿਸ੍ਸਿਤਂ ਸੁਖਂ ਉਪਧਿਸੁਖਂ। ਤਪ੍ਪਟਿਪਕ੍ਖਤੋ ਨਿਰੁਪਧਿਸੁਖਂ ਲੋਕੁਤ੍ਤਰਸੁਖਂ।
67. Tatiye upadhī vuccanti pañcupādānakkhandhā, tannissitaṃ sukhaṃ upadhisukhaṃ. Tappaṭipakkhato nirupadhisukhaṃ lokuttarasukhaṃ.
੬੮. ਚਤੁਤ੍ਥੇ વਟ੍ਟਪਰਿਯਾਪਨ੍ਨਂ ਸੁਖਂ વਟ੍ਟਸੁਖਂ। ਨਿਬ੍ਬਾਨਾਰਮ੍ਮਣਂ ਸੁਖਂ વਿવਟ੍ਟਸੁਖਂ।
68. Catutthe vaṭṭapariyāpannaṃ sukhaṃ vaṭṭasukhaṃ. Nibbānārammaṇaṃ sukhaṃ vivaṭṭasukhaṃ.
੬੯. ਪਞ੍ਚਮੇ ਸਂਕਿਲੇਸਨ੍ਤਿ ਸਂਕਿਲਿਟ੍ਠਂ। ਤੇਨਾਹ ‘‘વਟ੍ਟਗਾਮਿਸੁਖ’’ਨ੍ਤਿ। વਿવਟ੍ਟਸੁਖਨ੍ਤਿ ਮਗ੍ਗਫਲਸਹਗਤਂ ਸੁਖਂ।
69. Pañcame saṃkilesanti saṃkiliṭṭhaṃ. Tenāha ‘‘vaṭṭagāmisukha’’nti. Vivaṭṭasukhanti maggaphalasahagataṃ sukhaṃ.
੭੦. ਛਟ੍ਠੇ ਅਰਿਯਾਨਮੇવ ਸੁਖਂ ਅਰਿਯਸੁਖਂ, ਅਰਿਯਞ੍ਚ ਤਂ ਸੁਖਞ੍ਚਾਤਿਪਿ ਅਰਿਯਸੁਖਂ। ਅਨਰਿਯਾਨਮੇવ ਸੁਖਂ ਅਨਰਿਯਸੁਖਂ। ਅਨਰਿਯਞ੍ਚ ਤਂ ਸੁਖਞ੍ਚਾਤਿਪਿ ਅਨਰਿਯਸੁਖਂ।
70. Chaṭṭhe ariyānameva sukhaṃ ariyasukhaṃ, ariyañca taṃ sukhañcātipi ariyasukhaṃ. Anariyānameva sukhaṃ anariyasukhaṃ. Anariyañca taṃ sukhañcātipi anariyasukhaṃ.
੭੧. ਸਤ੍ਤਮੇ ਤਨ੍ਤਿ ਚੇਤਸਿਕਸੁਖਂ।
71. Sattame tanti cetasikasukhaṃ.
੭੨. ਅਟ੍ਠਮੇ ਸਹ ਪੀਤਿਯਾ વਤ੍ਤਤੀਤਿ ਸਪ੍ਪੀਤਿਕਂ, ਪੀਤਿਸਹਗਤਂ ਸੁਖਂ। ਸਭਾવਤੋ વਿਰਾਗਤੋ ਚ ਨਤ੍ਥਿ ਏਤਸ੍ਸ ਪੀਤੀਤਿ ਨਿਪ੍ਪੀਤਿਕਂ ਸੁਖਂ। ਅਟ੍ਠਕਥਾਯਂ ਪਨੇਤ੍ਥ ਝਾਨਸੁਖਮੇવ ਉਦ੍ਧਟਂ, ਤਥਾ ਚ ‘‘ਲੋਕਿਯਸਪ੍ਪੀਤਿਕਸੁਖਤੋ ਲੋਕਿਯਨਿਪ੍ਪੀਤਿਕਸੁਖਂ ਅਗ੍ਗ’’ਨ੍ਤਿ વੁਤ੍ਤਂ। ਲੋਕਿਯਨਿਪ੍ਪੀਤਿਕਮ੍ਪਿ ਹਿ ਅਗ੍ਗਂ ਲਬ੍ਭਤੇવਾਤਿ ਭੂਮਨ੍ਤਰਂ ਭਿਨ੍ਦਿਤ੍વਾ ਅਗ੍ਗਭਾવੋ વੇਦਿਤਬ੍ਬੋ।
72. Aṭṭhame saha pītiyā vattatīti sappītikaṃ, pītisahagataṃ sukhaṃ. Sabhāvato virāgato ca natthi etassa pītīti nippītikaṃ sukhaṃ. Aṭṭhakathāyaṃ panettha jhānasukhameva uddhaṭaṃ, tathā ca ‘‘lokiyasappītikasukhato lokiyanippītikasukhaṃ agga’’nti vuttaṃ. Lokiyanippītikampi hi aggaṃ labbhatevāti bhūmantaraṃ bhinditvā aggabhāvo veditabbo.
੭੩. ਨવਮੇ ਸਾਤਸਭਾવਮੇવ ਸੁਖਂ ਸਾਤਸੁਖਂ, ਨ ਉਪੇਕ੍ਖਾਸੁਖਂ વਿਯ ਅਸਾਤਸਭਾવਂ। ਕਾਮਞ੍ਚੇਤ੍ਥ ਕਾਯવਿਞ੍ਞਾਣਸਹਗਤਮ੍ਪਿ ਸਾਤਸੁਖਮੇવ, ਅਟ੍ਠਕਥਾਯਂ ਪਨ ‘‘ਤੀਸੁ ਝਾਨੇਸੁ ਸੁਖ’’ਨ੍ਤੇવ વੁਤ੍ਤਂ।
73. Navame sātasabhāvameva sukhaṃ sātasukhaṃ, na upekkhāsukhaṃ viya asātasabhāvaṃ. Kāmañcettha kāyaviññāṇasahagatampi sātasukhameva, aṭṭhakathāyaṃ pana ‘‘tīsu jhānesu sukha’’nteva vuttaṃ.
੭੪. ਦਸਮੇ ਸਮਾਧਿਸਮ੍ਪਯੁਤ੍ਤਂ ਸੁਖਂ ਸਮਾਧਿਸੁਖਂ। ਨ ਸਮਾਧਿਸਮ੍ਪਯੁਤ੍ਤਂ ਸੁਖਂ ਅਸਮਾਧਿਸੁਖਂ।
74. Dasame samādhisampayuttaṃ sukhaṃ samādhisukhaṃ. Na samādhisampayuttaṃ sukhaṃ asamādhisukhaṃ.
੭੫. ਏਕਾਦਸਮੇ ਸੁਤ੍ਤਨ੍ਤਕਥਾ ਏਸਾਤਿ ‘‘ਸਪ੍ਪੀਤਿਕਂ ਝਾਨਦ੍વਯ’’ਨ੍ਤਿ વੁਤ੍ਤਂ।
75. Ekādasame suttantakathā esāti ‘‘sappītikaṃ jhānadvaya’’nti vuttaṃ.
੭੭. ਤੇਰਸਮੇ ਰੂਪਜ੍ਝਾਨਂ ਰੂਪਂ ਉਤ੍ਤਰਪਦਲੋਪੇਨ, ਤਂ ਆਰਮ੍ਮਣਂ ਏਤਸ੍ਸਾਤਿ ਰੂਪਾਰਮ੍ਮਣਂ। ਚਤੁਤ੍ਥਜ੍ਝਾਨਗ੍ਗਹਣਂ ਪਨ ਯਦਸ੍ਸ ਪਟਿਯੋਗੀ, ਤੇਨ ਸਮਾਨਯੋਗਕ੍ਖਮਦਸ੍ਸਨਪਰਂ। ਯਂ ਕਿਞ੍ਚਿ ਰੂਪਨ੍ਤਿ ਯਂ ਕਿਞ੍ਚਿ ਰੁਪ੍ਪਨਲਕ੍ਖਣਂ ਰੂਪਂ। ਤਪ੍ਪਟਿਕ੍ਖੇਪੇਨ ਅਰੂਪਂ વੇਦਿਤਬ੍ਬਂ।
77. Terasame rūpajjhānaṃ rūpaṃ uttarapadalopena, taṃ ārammaṇaṃ etassāti rūpārammaṇaṃ. Catutthajjhānaggahaṇaṃ pana yadassa paṭiyogī, tena samānayogakkhamadassanaparaṃ. Yaṃ kiñci rūpanti yaṃ kiñci ruppanalakkhaṇaṃ rūpaṃ. Tappaṭikkhepena arūpaṃ veditabbaṃ.
ਸੁਖવਗ੍ਗવਣ੍ਣਨਾ ਨਿਟ੍ਠਿਤਾ।
Sukhavaggavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / (੭) ੨. ਸੁਖવਗ੍ਗੋ • (7) 2. Sukhavaggo
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / (੭) ੨. ਸੁਖવਗ੍ਗવਣ੍ਣਨਾ • (7) 2. Sukhavaggavaṇṇanā
