| Library / Tipiṭaka / д̇ибидага • Tipiṭaka / д̇хаммабад̣̇а-адтагат̇аа • Dhammapada-aṭṭhakathā |
15. сукаваг̇г̇о
15. Sukhavaggo
1. н̃аааад̇игалахавуубасаманавад̇т̇у
1. Ñāātikalahavūpasamanavatthu
сусукам̣ вад̇аад̇и имам̣ д̇хаммад̣̇зсанам̣ сад̇т̇аа саггзсу вихаранд̇о галахавуубасаманад̇т̇ам̣ н̃аад̇агз аараб̣бха гат̇зси.
Susukhaṃvatāti imaṃ dhammadesanaṃ satthā sakkesu viharanto kalahavūpasamanatthaṃ ñātake ārabbha kathesi.
саагияаголияаа гира габилавад̇т̇унаг̇арасса жа голияанаг̇арасса жа анд̇арз рохин̣им̣ наама над̣̇им̣ згзнзва ааваран̣зна б̣анд̇хаабзд̇ваа сассаани гаронд̇и. ат̇а ж̇здтамууламаасз сассзсу милааяанд̇зсу убхаяанаг̇араваасигаанамби гаммагаараа саннибад̇им̣су. д̇ад̇т̇а голияанаг̇араваасино аахам̣су – ‘‘ид̣̇ам̣ уд̣̇агам̣ убхаяад̇о харияамаанам̣ нзва д̇умхаагам̣, на амхаагам̣ бахоссад̇и, амхаагам̣ бана сассам̣ згауд̣̇агзнзва нибпаж̇ж̇иссад̇и, ид̣̇ам̣ уд̣̇агам̣ амхаагам̣ д̣̇зт̇аа’’д̇и. ид̇арзби аахам̣су – ‘‘д̇умхзсу годтагз буурзд̇ваа тид̇зсу маяам̣ рад̇д̇асуван̣н̣анийламан̣игаал̣агахаабан̣з жа г̇ахзд̇ваа бажчибасиб̣б̣агаад̣̇ихад̇т̇аа на сагкиссаама д̇умхаагам̣ гхарад̣̇ваарз вижарид̇ум̣, амхаагамби сассам̣ згауд̣̇агзнзва нибпаж̇ж̇иссад̇и, ид̣̇ам̣ уд̣̇агам̣ амхаагам̣ д̣̇зт̇аа’’д̇и. на маяам̣ д̣̇ассаамаад̇и. маяамби на д̣̇ассаамаад̇и звам̣ гат̇ам̣ вад̣дхзд̇ваа зго удтааяа згасса бахаарам̣ ад̣̇ааси, соби ан̃н̃ассаад̇и звам̣ ан̃н̃аман̃н̃ам̣ бахарид̇ваа рааж̇агулаанам̣ ж̇аад̇им̣ гхаддзд̇ваа галахам̣ вад̣дхаяим̣су.
Sākiyakoliyā kira kapilavatthunagarassa ca koliyanagarassa ca antare rohiṇiṃ nāma nadiṃ ekeneva āvaraṇena bandhāpetvā sassāni karonti. Atha jeṭṭhamūlamāse sassesu milāyantesu ubhayanagaravāsikānampi kammakārā sannipatiṃsu. Tattha koliyanagaravāsino āhaṃsu – ‘‘idaṃ udakaṃ ubhayato hariyamānaṃ neva tumhākaṃ, na amhākaṃ pahossati, amhākaṃ pana sassaṃ ekaudakeneva nipphajjissati, idaṃ udakaṃ amhākaṃ dethā’’ti. Itarepi āhaṃsu – ‘‘tumhesu koṭṭhake pūretvā ṭhitesu mayaṃ rattasuvaṇṇanīlamaṇikāḷakahāpaṇe ca gahetvā pacchipasibbakādihatthā na sakkhissāma tumhākaṃ gharadvāre vicarituṃ, amhākampi sassaṃ ekaudakeneva nipphajjissati, idaṃ udakaṃ amhākaṃ dethā’’ti. Na mayaṃ dassāmāti. Mayampi na dassāmāti evaṃ kathaṃ vaḍḍhetvā eko uṭṭhāya ekassa pahāraṃ adāsi, sopi aññassāti evaṃ aññamaññaṃ paharitvā rājakulānaṃ jātiṃ ghaṭṭetvā kalahaṃ vaḍḍhayiṃsu.
голияагаммагаараа вад̣̇анд̇и – ‘‘д̇умхз габилавад̇т̇уваасигз г̇ахзд̇ваа г̇аж̇ж̇ат̇а, яз сон̣асин̇г̇аалаад̣̇аяо вияа ад̇д̇ано бхаг̇инийхи сад̣̇д̇хим̣ сам̣васим̣су, зд̇зсам̣ хад̇т̇ино жзва ассаа жа палагаавуд̇хаани жа амхаагам̣ гим̣ гариссанд̇ий’’д̇и. саагияагаммагаарааби вад̣̇анд̇и ‘‘д̇умхз ид̣̇аани гудтино д̣̇аарагз г̇ахзд̇ваа г̇аж̇ж̇ат̇а, яз анаат̇аа ниг̇г̇ад̇игаа д̇иражчаанаа вияа голаругкз васим̣су, зд̇зсам̣ хад̇т̇ино жа ассаа жа палагаавуд̇хаани жа амхаагам̣ гим̣ гариссанд̇ий’’д̇и. д̇з г̇анд̇ваа д̇асмим̣ гаммз нияуд̇д̇аанам̣ амажжаанам̣ гат̇аяим̣су, амажжаа рааж̇агулаанам̣ гат̇зсум̣. д̇ад̇о саагияаа ‘‘бхаг̇инийхи сад̣̇д̇хим̣ сам̣васид̇агаанам̣ т̇ааман̃жа б̣алан̃жа д̣̇ассзссаамаа’’д̇и яуд̣̇д̇хасаж̇ж̇аа нигкамим̣су. голияааби ‘‘голаругкаваасийнам̣ т̇ааман̃жа б̣алан̃жа д̣̇ассзссаамаа’’д̇и яуд̣̇д̇хасаж̇ж̇аа нигкамим̣су.
Koliyakammakārā vadanti – ‘‘tumhe kapilavatthuvāsike gahetvā gajjatha, ye soṇasiṅgālādayo viya attano bhaginīhi saddhiṃ saṃvasiṃsu, etesaṃ hatthino ceva assā ca phalakāvudhāni ca amhākaṃ kiṃ karissantī’’ti. Sākiyakammakārāpi vadanti ‘‘tumhe idāni kuṭṭhino dārake gahetvā gajjatha, ye anāthā niggatikā tiracchānā viya kolarukkhe vasiṃsu, etesaṃ hatthino ca assā ca phalakāvudhāni ca amhākaṃ kiṃ karissantī’’ti. Te gantvā tasmiṃ kamme niyuttānaṃ amaccānaṃ kathayiṃsu, amaccā rājakulānaṃ kathesuṃ. Tato sākiyā ‘‘bhaginīhi saddhiṃ saṃvasitakānaṃ thāmañca balañca dassessāmā’’ti yuddhasajjā nikkhamiṃsu. Koliyāpi ‘‘kolarukkhavāsīnaṃ thāmañca balañca dassessāmā’’ti yuddhasajjā nikkhamiṃsu.
сад̇т̇ааби бажжуусасамаяз логам̣ вологзнд̇о н̃аад̇агз д̣̇исваа ‘‘маяи аг̇ажчанд̇з имз нассиссанд̇и, маяаа г̇анд̇ум̣ ваддад̇ий’’д̇и жинд̇зд̇ваа згагова аагаасзна г̇анд̇ваа рохин̣инад̣̇ияаа маж̇жхз аагаасз баллан̇гзна нисийд̣̇и. н̃аад̇агаа сад̇т̇аарам̣ д̣̇исваа аавуд̇хаани чад̣д̣зд̇ваа ванд̣̇им̣су. ат̇а нз сад̇т̇аа ааха – ‘‘гим̣ галахо наамзса, махаарааж̇аа’’д̇и? ‘‘на ж̇аанаама, бханд̇з’’д̇и. ‘‘го д̣̇аани ж̇ааниссад̇ий’’д̇и? д̇з ‘‘убарааж̇аа ж̇ааниссад̇и, сзнаабад̇и ж̇ааниссад̇ий’’д̇и иминаа убааязна яаава д̣̇аасагаммагарз бужчид̇ваа, ‘‘бханд̇з, уд̣̇агагалахо’’д̇и аахам̣су. ‘‘уд̣̇агам̣ гим̣ аг̇гхад̇и, махаарааж̇аа’’д̇и? ‘‘аббаг̇гхам̣, бханд̇з’’д̇и. ‘‘кад̇д̇ияаа гим̣ аг̇гханд̇и махаарааж̇аа’’д̇и? ‘‘кад̇д̇ияаа наама анаг̇гхаа, бханд̇з’’д̇и. ‘‘аяуд̇д̇ам̣ д̇умхаагам̣ аббамад̇д̇ад̇ам̣ уд̣̇агам̣ ниссааяа анаг̇гхз кад̇д̇ияз наасзд̇у’’нд̇и. д̇з д̇ун̣хий ахзсум̣. ат̇а д̇з сад̇т̇аа ааманд̇зд̇ваа ‘‘гасмаа махаарааж̇аа зваруубам̣ гарот̇а, маяи асанд̇з аж̇ж̇а лохид̇анад̣̇ий бавад̇д̇иссад̇и, аяуд̇д̇ам̣ во гад̇ам̣, д̇умхз бан̃жахи взрзхи савзраа вихарат̇а, ахам̣ авзро вихараами. д̇умхз гилзсаад̇ураа худ̇ваа вихарат̇а, ахам̣ анаад̇уро. д̇умхз гаамаг̇ун̣абариязсануссуггаа худ̇ваа вихарат̇а, ахам̣ ануссугго вихараамий’’д̇и вад̇ваа имаа г̇аат̇аа абхааси –
Satthāpi paccūsasamaye lokaṃ volokento ñātake disvā ‘‘mayi agacchante ime nassissanti, mayā gantuṃ vaṭṭatī’’ti cintetvā ekakova ākāsena gantvā rohiṇinadiyā majjhe ākāse pallaṅkena nisīdi. Ñātakā satthāraṃ disvā āvudhāni chaḍḍetvā vandiṃsu. Atha ne satthā āha – ‘‘kiṃ kalaho nāmesa, mahārājā’’ti? ‘‘Na jānāma, bhante’’ti. ‘‘Ko dāni jānissatī’’ti? Te ‘‘uparājā jānissati, senāpati jānissatī’’ti iminā upāyena yāva dāsakammakare pucchitvā, ‘‘bhante, udakakalaho’’ti āhaṃsu. ‘‘Udakaṃ kiṃ agghati, mahārājā’’ti? ‘‘Appagghaṃ, bhante’’ti. ‘‘Khattiyā kiṃ agghanti mahārājā’’ti? ‘‘Khattiyā nāma anagghā, bhante’’ti. ‘‘Ayuttaṃ tumhākaṃ appamattataṃ udakaṃ nissāya anagghe khattiye nāsetu’’nti. Te tuṇhī ahesuṃ. Atha te satthā āmantetvā ‘‘kasmā mahārājā evarūpaṃ karotha, mayi asante ajja lohitanadī pavattissati, ayuttaṃ vo kataṃ, tumhe pañcahi verehi saverā viharatha, ahaṃ avero viharāmi. Tumhe kilesāturā hutvā viharatha, ahaṃ anāturo. Tumhe kāmaguṇapariyesanussukkā hutvā viharatha, ahaṃ anussukko viharāmī’’ti vatvā imā gāthā abhāsi –
197.
197.
‘‘сусукам̣ вад̇а ж̇ийваама, взринзсу авзрино,
‘‘Susukhaṃ vata jīvāma, verinesu averino,
взринзсу мануссзсу, вихараама авзрино.
Verinesu manussesu, viharāma averino.
198.
198.
‘‘сусукам̣ вад̇а ж̇ийваама, аад̇урзсу анаад̇ураа;
‘‘Susukhaṃ vata jīvāma, āturesu anāturā;
аад̇урзсу мануссзсу, вихараама анаад̇ураа.
Āturesu manussesu, viharāma anāturā.
199.
199.
‘‘сусукам̣ вад̇а ж̇ийваама, уссугзсу ануссугаа;
‘‘Susukhaṃ vata jīvāma, ussukesu anussukā;
уссугзсу мануссзсу, вихараама ануссугаа’’д̇и.
Ussukesu manussesu, viharāma anussukā’’ti.
д̇ад̇т̇а сусуканд̇и судту сукам̣. ид̣̇ам̣ вуд̇д̇ам̣ ход̇и – яз г̇ихино санд̇хижчзд̣̇аад̣̇ивасзна, баб̣б̣аж̇ид̇аа ваа бана взж̇ж̇агаммаад̣̇ивасзна ж̇ийвид̇авуд̇д̇им̣ уббаад̣̇зд̇ваа ‘‘сукзна ж̇ийваамаа’’д̇и вад̣̇анд̇и, д̇зхи маяамзва сусукам̣ вад̇а ж̇ийваама, яз маяам̣ бан̃жахи взрийхи взринзсу мануссзсу авзрино, гилзсаад̇урзсу мануссзсу ниггилзсад̇ааяа анаад̇ураа, бан̃жагаамаг̇ун̣абариязсанз уссугзсу д̇ааяа бариязсанааяа абхаавзна ануссугаад̇и. сзсам̣ уд̇д̇аанад̇т̇амзва.
Tattha susukhanti suṭṭhu sukhaṃ. Idaṃ vuttaṃ hoti – ye gihino sandhicchedādivasena, pabbajitā vā pana vejjakammādivasena jīvitavuttiṃ uppādetvā ‘‘sukhena jīvāmā’’ti vadanti, tehi mayameva susukhaṃ vata jīvāma, ye mayaṃ pañcahi verīhi verinesu manussesu averino, kilesāturesu manussesu nikkilesatāya anāturā, pañcakāmaguṇapariyesane ussukesu tāya pariyesanāya abhāvena anussukāti. Sesaṃ uttānatthameva.
д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.
Desanāvasāne bahū sotāpattiphalādīni pāpuṇiṃsūti.
н̃аад̇игалахавуубасаманавад̇т̇у батамам̣.
Ñātikalahavūpasamanavatthu paṭhamaṃ.
2. мааравад̇т̇у
2. Māravatthu
сусукам̣ вад̇а ж̇ийваамаад̇и имам̣ д̇хаммад̣̇зсанам̣ сад̇т̇аа бан̃жасаалааяа б̣раахман̣аг̇аамз вихаранд̇о маарам̣ аараб̣бха гат̇зси.
Susukhaṃvata jīvāmāti imaṃ dhammadesanaṃ satthā pañcasālāya brāhmaṇagāme viharanto māraṃ ārabbha kathesi.
згад̣̇ивасан̃хи сад̇т̇аа бан̃жасад̇аанам̣ гумааригаанам̣ сод̇аабад̇д̇имаг̇г̇ассуубаниссаяам̣ д̣̇исваа д̇ам̣ г̇аамам̣ убаниссааяа вихааси. д̇ааби гумааригааяо згасмим̣ нагкад̇д̇ад̣̇ивасз над̣̇им̣ г̇анд̇ваа нхад̇ваа алан̇гад̇абадияад̇д̇аа г̇аамаабхимукияо бааяим̣су. сад̇т̇ааби д̇ам̣ г̇аамам̣ бависид̇ваа бин̣д̣ааяа жарад̇и. ат̇а мааро сагалаг̇аамаваасийнам̣ сарийрз ад̇химужжид̇ваа яат̇аа сад̇т̇аа гадажчубхад̇д̇амад̇д̇амби на лабхад̇и, звам̣ гад̇ваа яат̇аад̇ход̇зна бад̇д̇зна нигкаманд̇ам̣ сад̇т̇аарам̣ г̇аамад̣̇ваарз тад̇ваа ааха – ‘‘аби, саман̣а, бин̣д̣абаад̇ам̣ лабхид̇т̇аа’’д̇и. ‘‘гим̣ бана д̇вам̣, баабима, д̇ат̇аа агааси, яат̇аахам̣ бин̣д̣ам̣ на лабхзяяа’’нд̇и? ‘‘д̇зна хи, бханд̇з, буна бависат̇аа’’д̇и. звам̣ гирасса ахоси – ‘‘сажз буна бависад̇и, саб̣б̣зсам̣ сарийрз ад̇химужжид̇ваа имасса бурад̇о баан̣им̣ бахарид̇ваа хассагзл̣им̣ гариссаамий’’д̇и. д̇асмим̣ кан̣з д̇аа гумааригааяо г̇аамад̣̇ваарам̣ бад̇ваа сад̇т̇аарам̣ д̣̇исваа ванд̣̇ид̇ваа згаманд̇ам̣ адтам̣су. маароби сад̇т̇аарам̣ ааха – ‘‘аби, бханд̇з, бин̣д̣ам̣ алабхамаанаа ж̇игхажчаад̣̇угкзна бийл̣ид̇ад̇т̇аа’’д̇и. сад̇т̇аа ‘‘аж̇ж̇а маяам̣, баабима, гин̃жи алабхид̇вааби аабхассаралогз махааб̣рахмаано вияа бийд̇исукзнзва вийд̇инаамзссаамаа’’д̇и вад̇ваа имам̣ г̇аат̇амааха –
Ekadivasañhi satthā pañcasatānaṃ kumārikānaṃ sotāpattimaggassūpanissayaṃ disvā taṃ gāmaṃ upanissāya vihāsi. Tāpi kumārikāyo ekasmiṃ nakkhattadivase nadiṃ gantvā nhatvā alaṅkatapaṭiyattā gāmābhimukhiyo pāyiṃsu. Satthāpi taṃ gāmaṃ pavisitvā piṇḍāya carati. Atha māro sakalagāmavāsīnaṃ sarīre adhimuccitvā yathā satthā kaṭacchubhattamattampi na labhati, evaṃ katvā yathādhotena pattena nikkhamantaṃ satthāraṃ gāmadvāre ṭhatvā āha – ‘‘api, samaṇa, piṇḍapātaṃ labhitthā’’ti. ‘‘Kiṃ pana tvaṃ, pāpima, tathā akāsi, yathāhaṃ piṇḍaṃ na labheyya’’nti? ‘‘Tena hi, bhante, puna pavisathā’’ti. Evaṃ kirassa ahosi – ‘‘sace puna pavisati, sabbesaṃ sarīre adhimuccitvā imassa purato pāṇiṃ paharitvā hassakeḷiṃ karissāmī’’ti. Tasmiṃ khaṇe tā kumārikāyo gāmadvāraṃ patvā satthāraṃ disvā vanditvā ekamantaṃ aṭṭhaṃsu. Māropi satthāraṃ āha – ‘‘api, bhante, piṇḍaṃ alabhamānā jighacchādukkhena pīḷitatthā’’ti. Satthā ‘‘ajja mayaṃ, pāpima, kiñci alabhitvāpi ābhassaraloke mahābrahmāno viya pītisukheneva vītināmessāmā’’ti vatvā imaṃ gāthamāha –
200.
200.
‘‘сусукам̣ вад̇а ж̇ийваама, язсам̣ но над̇т̇и гин̃жанам̣;
‘‘Susukhaṃ vata jīvāma, yesaṃ no natthi kiñcanaṃ;
бийд̇ибхагкаа бхависсаама, д̣̇зваа аабхассараа яат̇аа’’д̇и.
Pītibhakkhā bhavissāma, devā ābhassarā yathā’’ti.
д̇ад̇т̇а язсам̣ нод̇и язсам̣ амхаагам̣ балиб̣уж̇жханад̇т̇зна рааг̇аад̣̇ийсу гин̃жанзсу згамби гин̃жанам̣ над̇т̇и. бийд̇ибхагкаад̇и яат̇аа аабхассараа д̣̇зваа бийд̇ибхагкаа худ̇ваа бийд̇исукзнзва вийд̇инаамзнд̇и, звам̣ маяамби, баабима, гин̃жи алабхид̇ваа бийд̇ибхагкаа бхависсаамаад̇и ад̇т̇о.
Tattha yesaṃ noti yesaṃ amhākaṃ palibujjhanatthena rāgādīsu kiñcanesu ekampi kiñcanaṃ natthi. Pītibhakkhāti yathā ābhassarā devā pītibhakkhā hutvā pītisukheneva vītināmenti, evaṃ mayampi, pāpima, kiñci alabhitvā pītibhakkhā bhavissāmāti attho.
д̣̇зсанаавасаанз бан̃жасад̇ааби гумааригааяо сод̇аабад̇д̇ипалз бад̇идтахим̣сууд̇и.
Desanāvasāne pañcasatāpi kumārikāyo sotāpattiphale patiṭṭhahiṃsūti.
мааравад̇т̇у д̣̇уд̇ияам̣.
Māravatthu dutiyaṃ.
3. госаларан̃н̃о барааж̇аяавад̇т̇у
3. Kosalarañño parājayavatthu
ж̇аяам̣ взранд̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о госаларан̃н̃о барааж̇аяам̣ аараб̣бха гат̇зси.
Jayaṃveranti imaṃ dhammadesanaṃ satthā jetavane viharanto kosalarañño parājayaṃ ārabbha kathesi.
со гира гаасигаг̇аамам̣ ниссааяа бхааг̇инзяязна аж̇аад̇асад̇д̇унаа сад̣̇д̇хим̣ яуж̇жханд̇о д̇зна д̇аяо ваарз барааж̇ид̇о д̇ад̇ияаваарз жинд̇зси – ‘‘ахам̣ кийрамукамби д̣̇аарагам̣ барааж̇зд̇ум̣ наасагким̣, гим̣ мз ж̇ийвид̇знаа’’д̇и. со аахааруубажчзд̣̇ам̣ гад̇ваа ман̃жагз нибаж̇ж̇и. ат̇асса саа бавад̇д̇и сагаланаг̇арам̣ бад̇т̇ари. бхигкуу д̇ат̇ааг̇ад̇асса аарожзсум̣ – ‘‘бханд̇з, рааж̇аа гира гаасигаг̇аамагам̣ ниссааяа д̇аяо ваарз барааж̇ид̇о, со ид̣̇аани барааж̇ид̇ваа ааг̇ад̇о ‘кийрамукамби д̣̇аарагам̣ барааж̇зд̇ум̣ наасагким̣, гим̣ мз ж̇ийвид̇знаа’д̇и аахааруубажчзд̣̇ам̣ гад̇ваа ман̃жагз нибанно’’д̇и. сад̇т̇аа д̇зсам̣ гат̇ам̣ суд̇ваа, ‘‘бхигкавз, ж̇инанд̇оби взрам̣ басавад̇и, барааж̇ид̇о бана д̣̇угкам̣ сзд̇иязваа’’д̇и вад̇ваа имам̣ г̇аат̇амааха –
So kira kāsikagāmaṃ nissāya bhāgineyyena ajātasattunā saddhiṃ yujjhanto tena tayo vāre parājito tatiyavāre cintesi – ‘‘ahaṃ khīramukhampi dārakaṃ parājetuṃ nāsakkhiṃ, kiṃ me jīvitenā’’ti. So āhārūpacchedaṃ katvā mañcake nipajji. Athassa sā pavatti sakalanagaraṃ patthari. Bhikkhū tathāgatassa ārocesuṃ – ‘‘bhante, rājā kira kāsikagāmakaṃ nissāya tayo vāre parājito, so idāni parājitvā āgato ‘khīramukhampi dārakaṃ parājetuṃ nāsakkhiṃ, kiṃ me jīvitenā’ti āhārūpacchedaṃ katvā mañcake nipanno’’ti. Satthā tesaṃ kathaṃ sutvā, ‘‘bhikkhave, jinantopi veraṃ pasavati, parājito pana dukkhaṃ setiyevā’’ti vatvā imaṃ gāthamāha –
201.
201.
‘‘ж̇аяам̣ взрам̣ басавад̇и, д̣̇угкам̣ сзд̇и барааж̇ид̇о;
‘‘Jayaṃ veraṃ pasavati, dukkhaṃ seti parājito;
убасанд̇о сукам̣ сзд̇и, хид̇ваа ж̇аяабарааж̇аяа’’нд̇и.
Upasanto sukhaṃ seti, hitvā jayaparājaya’’nti.
д̇ад̇т̇а ж̇аяанд̇и барам̣ ж̇инанд̇о взрам̣ бадилабхад̇и. барааж̇ид̇од̇и барзна барааж̇ид̇о ‘‘гад̣̇аа ну ко бажжаамид̇д̇асса бидтим̣ д̣̇адтум̣ сагкиссаамий’’д̇и д̣̇угкам̣ сзд̇и саб̣б̣ирияаабат̇зсу д̣̇угкамзва вихарад̇ийд̇и ад̇т̇о. убасанд̇од̇и аб̣бханд̇арз убасанд̇арааг̇аад̣̇игилзсо кийн̣аасаво ж̇аяан̃жа барааж̇аяан̃жа хид̇ваа сукам̣ сзд̇и, саб̣б̣ирияаабат̇зсу сукамзва вихарад̇ийд̇и ад̇т̇о.
Tattha jayanti paraṃ jinanto veraṃ paṭilabhati. Parājitoti parena parājito ‘‘kadā nu kho paccāmittassa piṭṭhiṃ daṭṭhuṃ sakkhissāmī’’ti dukkhaṃ seti sabbiriyāpathesu dukkhameva viharatīti attho. Upasantoti abbhantare upasantarāgādikileso khīṇāsavo jayañca parājayañca hitvā sukhaṃ seti, sabbiriyāpathesu sukhameva viharatīti attho.
д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.
Desanāvasāne bahū sotāpattiphalādīni pāpuṇiṃsūti.
госаларан̃н̃о барааж̇аяавад̇т̇у д̇ад̇ияам̣.
Kosalarañño parājayavatthu tatiyaṃ.
4. ан̃н̃ад̇арагулад̣̇ааригаавад̇т̇у
4. Aññatarakuladārikāvatthu
над̇т̇и рааг̇асамод̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о ан̃н̃ад̇арам̣ гулад̣̇ааригам̣ аараб̣бха гат̇зси.
Natthi rāgasamoti imaṃ dhammadesanaṃ satthā jetavane viharanto aññataraṃ kuladārikaṃ ārabbha kathesi.
д̇ассаа гира маад̇аабид̇аро ааваахам̣ гад̇ваа ман̇г̇алад̣̇ивасз сад̇т̇аарам̣ ниманд̇аяим̣су. сад̇т̇аа бхигкусан̇гхабаривуд̇о д̇ад̇т̇а г̇анд̇ваа нисийд̣̇и. сааби ко вад̇хугаа бхигкусан̇гхасса уд̣̇агабариссааванаад̣̇ийни гаронд̇ий абараабарам̣ сан̃жарад̇и. саамигобиссаа д̇ам̣ ологзнд̇о адтааси. д̇асса рааг̇авасзна ологзнд̇асса анд̇о гилзсо самуд̣̇аажари. со ан̃н̃аан̣аабхибхууд̇о нзва б̣уд̣̇д̇хам̣ убадтахи, на асийд̇и махаат̇зрз. хад̇т̇ам̣ басаарзд̇ваа ‘‘д̇ам̣ вад̇хугам̣ г̇ан̣хиссаамий’’д̇и бана жид̇д̇ам̣ агааси. сад̇т̇аа д̇ассаж̇жхаасаяам̣ ологзд̇ваа яат̇аа д̇ам̣ ид̇т̇им̣ на бассад̇и, звамагааси. со ад̣̇исваа сад̇т̇аарам̣ ологзнд̇о адтааси. сад̇т̇аа д̇асса ологзд̇ваа тид̇агаалз ‘‘гумаарага, на хи рааг̇аг̇г̇инаа сад̣̇исо аг̇г̇и наама , д̣̇осагалинаа сад̣̇исо гали наама, канд̇хабарихаран̣ад̣̇угкзна сад̣̇исам̣ д̣̇угкам̣ наама ад̇т̇и, ниб̣б̣аанасукасад̣̇исам̣ сукамби над̇т̇иязваа’’д̇и вад̇ваа имам̣ г̇аат̇амааха –
Tassā kira mātāpitaro āvāhaṃ katvā maṅgaladivase satthāraṃ nimantayiṃsu. Satthā bhikkhusaṅghaparivuto tattha gantvā nisīdi. Sāpi kho vadhukā bhikkhusaṅghassa udakaparissāvanādīni karontī aparāparaṃ sañcarati. Sāmikopissā taṃ olokento aṭṭhāsi. Tassa rāgavasena olokentassa anto kileso samudācari. So aññāṇābhibhūto neva buddhaṃ upaṭṭhahi, na asīti mahāthere. Hatthaṃ pasāretvā ‘‘taṃ vadhukaṃ gaṇhissāmī’’ti pana cittaṃ akāsi. Satthā tassajjhāsayaṃ oloketvā yathā taṃ itthiṃ na passati, evamakāsi. So adisvā satthāraṃ olokento aṭṭhāsi. Satthā tassa oloketvā ṭhitakāle ‘‘kumāraka, na hi rāgagginā sadiso aggi nāma , dosakalinā sadiso kali nāma, khandhapariharaṇadukkhena sadisaṃ dukkhaṃ nāma atthi, nibbānasukhasadisaṃ sukhampi natthiyevā’’ti vatvā imaṃ gāthamāha –
202.
202.
‘‘над̇т̇и рааг̇асамо аг̇г̇и, над̇т̇и д̣̇осасамо гали;
‘‘Natthi rāgasamo aggi, natthi dosasamo kali;
над̇т̇и канд̇хасамаа д̣̇угкаа, над̇т̇и санд̇ибарам̣ сука’’нд̇и.
Natthi khandhasamā dukkhā, natthi santiparaṃ sukha’’nti.
д̇ад̇т̇а над̇т̇и рааг̇асамод̇и д̇хуумам̣ ваа ж̇аалам̣ ваа ан̇г̇аарам̣ ваа ад̣̇ассзд̇ваа анд̇оязва жхаабзд̇ваа бхасмамудтим̣ гаад̇ум̣ самад̇т̇о рааг̇зна само ан̃н̃о аг̇г̇и наама над̇т̇и. галийд̇и д̣̇осзна само абараад̇хоби над̇т̇и. канд̇хасамаад̇и канд̇хзхи самаа. яат̇аа барихарияамаанаа канд̇хаа д̣̇угкаа, звам̣ ан̃н̃ам̣ д̣̇угкам̣ наама над̇т̇и. санд̇ибаранд̇и ниб̣б̣аанад̇о уд̇д̇арим̣ ан̃н̃ам̣ сукамби над̇т̇и. ан̃н̃ан̃хи сукам̣ сукамзва, ниб̣б̣аанам̣ барамасуканд̇и ад̇т̇о.
Tattha natthi rāgasamoti dhūmaṃ vā jālaṃ vā aṅgāraṃ vā adassetvā antoyeva jhāpetvā bhasmamuṭṭhiṃ kātuṃ samattho rāgena samo añño aggi nāma natthi. Kalīti dosena samo aparādhopi natthi. Khandhasamāti khandhehi samā. Yathā parihariyamānā khandhā dukkhā, evaṃ aññaṃ dukkhaṃ nāma natthi. Santiparanti nibbānato uttariṃ aññaṃ sukhampi natthi. Aññañhi sukhaṃ sukhameva, nibbānaṃ paramasukhanti attho.
д̣̇зсанаавасаанз гумааригаа жа гумаараго жа сод̇аабад̇д̇ипалз бад̇идтахим̣су. д̇асмим̣ самаяз бхаг̇аваа д̇зсам̣ ан̃н̃аман̃н̃ам̣ д̣̇ассанаагаарам̣ агаасийд̇и.
Desanāvasāne kumārikā ca kumārako ca sotāpattiphale patiṭṭhahiṃsu. Tasmiṃ samaye bhagavā tesaṃ aññamaññaṃ dassanākāraṃ akāsīti.
ан̃н̃ад̇арагулад̣̇ааригаавад̇т̇у жад̇уд̇т̇ам̣.
Aññatarakuladārikāvatthu catutthaṃ.
5. згаубаасагавад̇т̇у
5. Ekaupāsakavatthu
ж̇игхажчаад̇и имам̣ д̇хаммад̣̇зсанам̣ сад̇т̇аа аал̣авияам̣ вихаранд̇о згам̣ убаасагам̣ аараб̣бха гат̇зси.
Jighacchāti imaṃ dhammadesanaṃ satthā āḷaviyaṃ viharanto ekaṃ upāsakaṃ ārabbha kathesi.
згасмин̃хи д̣̇ивасз сад̇т̇аа ж̇зд̇аванз г̇анд̇хагудияам̣ нисиннова бажжуусагаалз логам̣ вологзнд̇о аал̣авияам̣ згам̣ д̣̇уг̇г̇ад̇амануссам̣ д̣̇исваа д̇ассуубаниссаяасамбад̇д̇им̣ н̃ад̇ваа бан̃жасад̇абхигкубаривааро аал̣авим̣ аг̇амааси. аал̣авиваасино сад̇т̇аарам̣ ниманд̇аяим̣су. соби д̣̇уг̇г̇ад̇амануссо ‘‘сад̇т̇аа гира ааг̇ад̇о’’д̇и суд̇ваа ‘‘сад̇т̇у санд̇игз д̇хаммам̣ соссаамий’’д̇и манам̣ агааси. д̇ам̣д̣̇ивасамзва жасса зго г̇он̣о балааяи. со ‘‘гим̣ ну ко г̇он̣ам̣ бариязсиссаами, уд̣̇ааху д̇хаммам̣ сун̣аамий’’д̇и жинд̇зд̇ваа ‘‘г̇он̣ам̣ бариязсид̇ваа бажчаа д̇хаммам̣ соссаамий’’д̇и баад̇ова г̇зхаа нигками. аал̣авиваасиноби б̣уд̣̇д̇хаббамукам̣ бхигкусан̇гхам̣ нисийд̣̇аабзд̇ваа баривисид̇ваа анумод̣̇анад̇т̇ааяа бад̇д̇ам̣ г̇ан̣хим̣су. сад̇т̇аа ‘‘яам̣ ниссааяа ахам̣ д̇им̣саяож̇анамаг̇г̇ам̣ ааг̇ад̇о, со г̇он̣ам̣ бариязсид̇ум̣ аран̃н̃ам̣ бавидто, д̇асмим̣ ааг̇ад̇зязва д̇хаммам̣ д̣̇зсзссаамий’’д̇и д̇ун̣хий ахоси.
Ekasmiñhi divase satthā jetavane gandhakuṭiyaṃ nisinnova paccūsakāle lokaṃ volokento āḷaviyaṃ ekaṃ duggatamanussaṃ disvā tassūpanissayasampattiṃ ñatvā pañcasatabhikkhuparivāro āḷaviṃ agamāsi. Āḷavivāsino satthāraṃ nimantayiṃsu. Sopi duggatamanusso ‘‘satthā kira āgato’’ti sutvā ‘‘satthu santike dhammaṃ sossāmī’’ti manaṃ akāsi. Taṃdivasameva cassa eko goṇo palāyi. So ‘‘kiṃ nu kho goṇaṃ pariyesissāmi, udāhu dhammaṃ suṇāmī’’ti cintetvā ‘‘goṇaṃ pariyesitvā pacchā dhammaṃ sossāmī’’ti pātova gehā nikkhami. Āḷavivāsinopi buddhappamukhaṃ bhikkhusaṅghaṃ nisīdāpetvā parivisitvā anumodanatthāya pattaṃ gaṇhiṃsu. Satthā ‘‘yaṃ nissāya ahaṃ tiṃsayojanamaggaṃ āgato, so goṇaṃ pariyesituṃ araññaṃ paviṭṭho, tasmiṃ āgateyeva dhammaṃ desessāmī’’ti tuṇhī ahosi.
соби мануссо д̣̇иваа г̇он̣ам̣ д̣̇исваа г̇ог̇ан̣з багкибид̇ваа ‘‘сажзби ан̃н̃ам̣ над̇т̇и, сад̇т̇у ванд̣̇анамад̇д̇амби гариссаамий’’д̇и ж̇игхажчаабийл̣ид̇оби г̇зхам̣ г̇аманааяа манам̣ агад̇ваа взг̇зна сад̇т̇у санд̇игам̣ ааг̇анд̇ваа сад̇т̇аарам̣ ванд̣̇ид̇ваа згаманд̇ам̣ адтааси. сад̇т̇аа д̇асса тид̇агаалз д̣̇аанавзяяаавадигам̣ ааха – ‘‘ад̇т̇и гин̃жи бхигкусан̇гхасса ад̇ирид̇д̇абхад̇д̇а’’нд̇и? ‘‘бханд̇з, саб̣б̣ам̣ ад̇т̇ий’’д̇и. д̇зна хи ‘‘имам̣ баривисаахий’’д̇и. со сад̇т̇аараа вуд̇д̇адтаанзязва д̇ам̣ нисийд̣̇аабзд̇ваа яааг̇укаад̣̇анийяабхож̇анийязхи саггажжам̣ баривиси. со бхуд̇д̇абхад̇д̇о мукам̣ вигкаалзси. табзд̇ваа гира имам̣ таанам̣ д̇ийсу бидагзсу ан̃н̃ад̇т̇а г̇ад̇ааг̇ад̇асса бхад̇д̇авижааран̣ам̣ наама над̇т̇и. д̇асса бассад̣̇д̇хад̣̇арат̇асса жид̇д̇ам̣ згаг̇г̇ам̣ ахоси. ат̇асса сад̇т̇аа анубуб̣б̣им̣ гат̇ам̣ гат̇зд̇ваа сажжаани багаасзси. со д̣̇зсанаавасаанз сод̇аабад̇д̇ипалз бад̇идтахи. сад̇т̇ааби анумод̣̇анам̣ гад̇ваа удтааяаасанаа баггаами. махааж̇ано сад̇т̇аарам̣ ануг̇анд̇ваа нивад̇д̇и.
Sopi manusso divā goṇaṃ disvā gogaṇe pakkhipitvā ‘‘sacepi aññaṃ natthi, satthu vandanamattampi karissāmī’’ti jighacchāpīḷitopi gehaṃ gamanāya manaṃ akatvā vegena satthu santikaṃ āgantvā satthāraṃ vanditvā ekamantaṃ aṭṭhāsi. Satthā tassa ṭhitakāle dānaveyyāvaṭikaṃ āha – ‘‘atthi kiñci bhikkhusaṅghassa atirittabhatta’’nti? ‘‘Bhante, sabbaṃ atthī’’ti. Tena hi ‘‘imaṃ parivisāhī’’ti. So satthārā vuttaṭṭhāneyeva taṃ nisīdāpetvā yāgukhādanīyabhojanīyehi sakkaccaṃ parivisi. So bhuttabhatto mukhaṃ vikkhālesi. Ṭhapetvā kira imaṃ ṭhānaṃ tīsu piṭakesu aññattha gatāgatassa bhattavicāraṇaṃ nāma natthi. Tassa passaddhadarathassa cittaṃ ekaggaṃ ahosi. Athassa satthā anupubbiṃ kathaṃ kathetvā saccāni pakāsesi. So desanāvasāne sotāpattiphale patiṭṭhahi. Satthāpi anumodanaṃ katvā uṭṭhāyāsanā pakkāmi. Mahājano satthāraṃ anugantvā nivatti.
бхигкуу сад̇т̇аараа сад̣̇д̇хим̣ г̇ажчанд̇ааязва уж̇жхааяим̣су – ‘‘бассат̇аавусо, сад̇т̇у гаммам̣, ан̃н̃зсу д̣̇ивасзсу зваруубам̣ над̇т̇и, аж̇ж̇а банзгам̣ мануссам̣ д̣̇исваава яааг̇уаад̣̇ийни вижаарзд̇ваа д̣̇аабзсий’’д̇и. сад̇т̇аа нивад̇д̇ид̇ваа тид̇агова ‘‘гим̣ гат̇зт̇а, бхигкавз’’д̇и бужчид̇ваа д̇амад̇т̇ам̣ суд̇ваа ‘‘аама, бхигкавз, ахам̣ д̇им̣саяож̇анам̣ ганд̇аарам̣ ааг̇ажчанд̇о д̇асса убаасагассуубаниссаяам̣ д̣̇исваа ааг̇ад̇о, со ад̇ивияа ж̇игхажчид̇о, баад̇ова бадтааяа г̇он̣ам̣ бариязсанд̇о аран̃н̃з вижари. ‘ж̇игхажчад̣̇угкзна д̇хаммз д̣̇зсияамаанзби бадивиж̇жхид̇ум̣ на сагкиссад̇ий’д̇и жинд̇зд̇ваа звам̣ агаасим̣, ж̇игхажчаарог̇асад̣̇исо рог̇о наама над̇т̇ий’’д̇и вад̇ваа имам̣ г̇аат̇амааха –
Bhikkhū satthārā saddhiṃ gacchantāyeva ujjhāyiṃsu – ‘‘passathāvuso, satthu kammaṃ, aññesu divasesu evarūpaṃ natthi, ajja panekaṃ manussaṃ disvāva yāguādīni vicāretvā dāpesī’’ti. Satthā nivattitvā ṭhitakova ‘‘kiṃ kathetha, bhikkhave’’ti pucchitvā tamatthaṃ sutvā ‘‘āma, bhikkhave, ahaṃ tiṃsayojanaṃ kantāraṃ āgacchanto tassa upāsakassūpanissayaṃ disvā āgato, so ativiya jighacchito, pātova paṭṭhāya goṇaṃ pariyesanto araññe vicari. ‘Jighacchadukkhena dhamme desiyamānepi paṭivijjhituṃ na sakkhissatī’ti cintetvā evaṃ akāsiṃ, jighacchārogasadiso rogo nāma natthī’’ti vatvā imaṃ gāthamāha –
203.
203.
‘‘ж̇игхажчаабарамаа рог̇аа, сан̇каарабарамаа д̣̇укаа;
‘‘Jighacchāparamā rogā, saṅkhāraparamā dukhā;
зд̇ам̣ н̃ад̇ваа яат̇аабхууд̇ам̣, ниб̣б̣аанам̣ барамам̣ сука’’нд̇и.
Etaṃ ñatvā yathābhūtaṃ, nibbānaṃ paramaṃ sukha’’nti.
д̇ад̇т̇а ж̇игхажчаабарамаа рог̇аад̇и яасмаа ан̃н̃о рог̇о сагим̣ д̇игижчид̇о винассад̇и ваа д̇ад̣̇ан̇г̇авасзна ваа бахийяад̇и , ж̇игхажчаа бана нижжагаалам̣ д̇игижчид̇аб̣б̣ааязваад̇и сзсарог̇аанам̣ аяам̣ барамаа наама. сан̇каараад̇и бан̃жа канд̇хаа. зд̇ам̣ н̃ад̇ваад̇и ж̇игхажчаасамо рог̇о над̇т̇и, канд̇хабарихаран̣асамам̣ д̣̇угкам̣ наама над̇т̇ийд̇и зд̇амад̇т̇ам̣ яат̇аабхууд̇ам̣ н̃ад̇ваа бан̣д̣ид̇о ниб̣б̣аанам̣ сажчи гарод̇и. ниб̣б̣аанам̣ барамам̣ суканд̇и д̇ан̃хи саб̣б̣асукаанам̣ барамам̣ уд̇д̇амам̣ суканд̇и ад̇т̇о.
Tattha jighacchāparamā rogāti yasmā añño rogo sakiṃ tikicchito vinassati vā tadaṅgavasena vā pahīyati , jighacchā pana niccakālaṃ tikicchitabbāyevāti sesarogānaṃ ayaṃ paramā nāma. Saṅkhārāti pañca khandhā. Etaṃ ñatvāti jighacchāsamo rogo natthi, khandhapariharaṇasamaṃ dukkhaṃ nāma natthīti etamatthaṃ yathābhūtaṃ ñatvā paṇḍito nibbānaṃ sacchi karoti. Nibbānaṃ paramaṃ sukhanti tañhi sabbasukhānaṃ paramaṃ uttamaṃ sukhanti attho.
д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.
Desanāvasāne bahū sotāpattiphalādīni pāpuṇiṃsūti.
згаубаасагавад̇т̇у бан̃жамам̣.
Ekaupāsakavatthu pañcamaṃ.
6. басзнад̣̇игосалавад̇т̇у
6. Pasenadikosalavatthu
аарог̇яабарамаа лаабхаад̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о рааж̇аанам̣ басзнад̣̇игосалам̣ аараб̣бха гат̇зси.
Ārogyaparamā lābhāti imaṃ dhammadesanaṃ satthā jetavane viharanto rājānaṃ pasenadikosalaṃ ārabbha kathesi.
згасмин̃хи самаяз рааж̇аа д̇ан̣д̣улад̣̇он̣асса од̣̇анам̣ д̇ад̣̇убиязна суубаб̣яан̃ж̇анзна бхун̃ж̇ад̇и. згад̣̇ивасам̣ бхуд̇д̇абаад̇араасо бхад̇д̇асаммад̣̇ам̣ авинод̣̇зд̇ваа сад̇т̇у санд̇игам̣ г̇анд̇ваа гиланд̇аруубо ид̇о жид̇о жа самбаривад̇д̇ад̇и, нид̣̇д̣̇ааяа абхибхууяамааноби уж̇угам̣ нибаж̇ж̇ид̇ум̣ асаггонд̇о згаманд̇ам̣ нисийд̣̇и. ат̇а нам̣ сад̇т̇аа ааха – ‘‘гим̣, махаарааж̇а, ависсамид̇ваава ааг̇ад̇осий’’д̇и? ‘‘аама, бханд̇з, бхуд̇д̇агаалад̇о бадтааяа мз махаад̣̇угкам̣ ход̇ий’’д̇и. ат̇а нам̣ сад̇т̇аа, ‘‘махаарааж̇а , ад̇иб̣ахубхож̇анам̣ звам̣ д̣̇угкам̣ ход̇ий’’д̇и вад̇ваа имам̣ г̇аат̇амааха –
Ekasmiñhi samaye rājā taṇḍuladoṇassa odanaṃ tadupiyena sūpabyañjanena bhuñjati. Ekadivasaṃ bhuttapātarāso bhattasammadaṃ avinodetvā satthu santikaṃ gantvā kilantarūpo ito cito ca samparivattati, niddāya abhibhūyamānopi ujukaṃ nipajjituṃ asakkonto ekamantaṃ nisīdi. Atha naṃ satthā āha – ‘‘kiṃ, mahārāja, avissamitvāva āgatosī’’ti? ‘‘Āma, bhante, bhuttakālato paṭṭhāya me mahādukkhaṃ hotī’’ti. Atha naṃ satthā, ‘‘mahārāja , atibahubhojanaṃ evaṃ dukkhaṃ hotī’’ti vatvā imaṃ gāthamāha –
‘‘мид̣̇д̇хий яад̣̇аа ход̇и махаг̇гхасо жа,
‘‘Middhī yadā hoti mahagghaso ca,
нид̣̇д̣̇ааяид̇аа самбаривад̇д̇асааяий;
Niddāyitā samparivattasāyī;
махаавараахова ниваабабудто,
Mahāvarāhova nivāpapuṭṭho,
бунаббунам̣ г̇аб̣бхамубзд̇и манд̣̇о’’д̇и. (д̇ха. ба. 325); –
Punappunaṃ gabbhamupeti mando’’ti. (dha. pa. 325); –
имааяа г̇аат̇ааяа овад̣̇ид̇ваа, ‘‘махаарааж̇а, бхож̇анам̣ наама мад̇д̇ааяа бхун̃ж̇ид̇ум̣ ваддад̇и. мад̇д̇абхож̇ино хи сукам̣ ход̇ий’’д̇и уд̇д̇ари овад̣̇анд̇о имам̣ г̇аат̇амааха –
Imāya gāthāya ovaditvā, ‘‘mahārāja, bhojanaṃ nāma mattāya bhuñjituṃ vaṭṭati. Mattabhojino hi sukhaṃ hotī’’ti uttari ovadanto imaṃ gāthamāha –
‘‘мануж̇асса сад̣̇аа сад̇иймад̇о,
‘‘Manujassa sadā satīmato,
мад̇д̇ам̣ ж̇аанад̇о лад̣̇д̇хабхож̇анз;
Mattaṃ jānato laddhabhojane;
д̇анугасса бхаванд̇и взд̣̇анаа,
Tanukassa bhavanti vedanā,
сан̣игам̣ ж̇ийрад̇и ааяубаалаяа’’нд̇и. (сам̣. ни. 1.124);
Saṇikaṃ jīrati āyupālaya’’nti. (saṃ. ni. 1.124);
рааж̇аа г̇аат̇ам̣ уг̇г̇ан̣хид̇ум̣ наасагки, самийбз тид̇ам̣ бана бхааг̇инзяяам̣, суд̣̇ассанам̣ наама маан̣авам̣ ‘‘имам̣ г̇аат̇ам̣ уг̇г̇ан̣ха, д̇аад̇аа’’д̇и ааха. со д̇ам̣ г̇аат̇ам̣ уг̇г̇ан̣хид̇ваа ‘‘гим̣ гароми, бханд̇з’’д̇и сад̇т̇аарам̣ бужчи. ат̇а нам̣ сад̇т̇аа ааха – ‘‘ран̃н̃о бхун̃ж̇анд̇асса осаанабин̣д̣агаалз имам̣ г̇аат̇ам̣ вад̣̇зяяааси, рааж̇аа ад̇т̇ам̣ саллагкзд̇ваа яам̣ бин̣д̣ам̣ чад̣д̣зссад̇и, д̇асмим̣ бин̣д̣з сид̇т̇аг̇ан̣анааяа ран̃н̃о бхад̇д̇абажанагаалз д̇ад̇д̇агз д̇ан̣д̣улз харзяяаасий’’д̇и. со ‘‘саад̇ху, бханд̇з’’д̇и сааяамби баад̇оби ран̃н̃о бхун̃ж̇анд̇асса осаанабин̣д̣агаалз д̇ам̣ г̇аат̇ам̣ уд̣̇аахарид̇ваа д̇зна чад̣д̣ид̇абин̣д̣з сид̇т̇аг̇ан̣анааяа д̇ан̣д̣улз хаабзси. рааж̇ааби д̇асса г̇аат̇ам̣ суд̇ваа сахассам̣ сахассам̣ д̣̇аабзси . со абарзна самаязна наал̣игод̣̇анабарамад̇ааяа сан̣тахид̇ваа сукаббад̇д̇о д̇анусарийро ахоси.
Rājā gāthaṃ uggaṇhituṃ nāsakkhi, samīpe ṭhitaṃ pana bhāgineyyaṃ, sudassanaṃ nāma māṇavaṃ ‘‘imaṃ gāthaṃ uggaṇha, tātā’’ti āha. So taṃ gāthaṃ uggaṇhitvā ‘‘kiṃ karomi, bhante’’ti satthāraṃ pucchi. Atha naṃ satthā āha – ‘‘rañño bhuñjantassa osānapiṇḍakāle imaṃ gāthaṃ vadeyyāsi, rājā atthaṃ sallakkhetvā yaṃ piṇḍaṃ chaḍḍessati, tasmiṃ piṇḍe sitthagaṇanāya rañño bhattapacanakāle tattake taṇḍule hareyyāsī’’ti. So ‘‘sādhu, bhante’’ti sāyampi pātopi rañño bhuñjantassa osānapiṇḍakāle taṃ gāthaṃ udāharitvā tena chaḍḍitapiṇḍe sitthagaṇanāya taṇḍule hāpesi. Rājāpi tassa gāthaṃ sutvā sahassaṃ sahassaṃ dāpesi . So aparena samayena nāḷikodanaparamatāya saṇṭhahitvā sukhappatto tanusarīro ahosi.
ат̇згад̣̇ивасам̣ сад̇т̇у санд̇игам̣ г̇анд̇ваа сад̇т̇аарам̣ ванд̣̇ид̇ваа ааха – ‘‘бханд̇з, ид̣̇аани мз сукам̣ ж̇аад̇ам̣, миг̇амби ассамби ануб̣анд̇хид̇ваа г̇ан̣ханасамад̇т̇о ж̇аад̇омхи. буб̣б̣з мз бхааг̇инзяязна сад̣̇д̇хим̣ яуд̣̇д̇хамзва ход̇и, ид̣̇аани важ̇ийрагумаарим̣ наама д̇хийд̇арам̣ бхааг̇инзяяасса д̣̇ад̇ваа со г̇аамо д̇ассааязва нхаанажун̣н̣амуулам̣ гад̇ваа д̣̇инно, д̇зна сад̣̇д̇хим̣ виг̇г̇ахо вуубасанд̇о, иминааби мз гааран̣зна сукамзва ж̇аад̇ам̣. гуласанд̇агам̣ рааж̇аман̣ирад̇анам̣ но г̇зхз буримад̣̇ивасз надтам̣, д̇амби ид̣̇аани хад̇т̇абад̇д̇ам̣ ааг̇ад̇ам̣, иминааби мз гааран̣зна сукамзва ж̇аад̇ам̣. д̇умхаагам̣ саавагзхи сад̣̇д̇хим̣ виссаасам̣ ижчанд̇зна н̃аад̇ид̇хийд̇ааби но г̇зхз гад̇аа, иминааби мз гааран̣зна сукамзва ж̇аад̇а’’нд̇и. сад̇т̇аа ‘‘аарог̇яам̣ наама, махаарааж̇а, барамо лаабхо, яат̇аалад̣̇д̇хзна санд̇удтабхаавасад̣̇исамби д̇ханам̣, виссаасасад̣̇исо жа барамаа н̃аад̇и, ниб̣б̣аанасад̣̇исан̃жа сукам̣ наама над̇т̇ий’’д̇и вад̇ваа имам̣ г̇аат̇амааха –
Athekadivasaṃ satthu santikaṃ gantvā satthāraṃ vanditvā āha – ‘‘bhante, idāni me sukhaṃ jātaṃ, migampi assampi anubandhitvā gaṇhanasamattho jātomhi. Pubbe me bhāgineyyena saddhiṃ yuddhameva hoti, idāni vajīrakumāriṃ nāma dhītaraṃ bhāgineyyassa datvā so gāmo tassāyeva nhānacuṇṇamūlaṃ katvā dinno, tena saddhiṃ viggaho vūpasanto, imināpi me kāraṇena sukhameva jātaṃ. Kulasantakaṃ rājamaṇiratanaṃ no gehe purimadivase naṭṭhaṃ, tampi idāni hatthapattaṃ āgataṃ, imināpi me kāraṇena sukhameva jātaṃ. Tumhākaṃ sāvakehi saddhiṃ vissāsaṃ icchantena ñātidhītāpi no gehe katā, imināpi me kāraṇena sukhameva jāta’’nti. Satthā ‘‘ārogyaṃ nāma, mahārāja, paramo lābho, yathāladdhena santuṭṭhabhāvasadisampi dhanaṃ, vissāsasadiso ca paramā ñāti, nibbānasadisañca sukhaṃ nāma natthī’’ti vatvā imaṃ gāthamāha –
204.
204.
‘‘аарог̇яабарамаа лаабхаа, санд̇удтибарамам̣ д̇ханам̣;
‘‘Ārogyaparamā lābhā, santuṭṭhiparamaṃ dhanaṃ;
виссаасабарамаа н̃аад̇и, ниб̣б̣аанабарамам̣ сука’’нд̇и.
Vissāsaparamā ñāti, nibbānaparamaṃ sukha’’nti.
д̇ад̇т̇а аарог̇яабарамаа лаабхаад̇и арог̇абхаавабарамаа лаабхаа. рог̇ино хи виж̇ж̇амаанааби лаабхаа алаабхааязва, д̇асмаа арог̇асса саб̣б̣алаабхаа ааг̇ад̇аава хонд̇и. д̇знзд̇ам̣ вуд̇д̇ам̣ – ‘‘аарог̇яабарамаа лаабхаа’’д̇и. санд̇удтибарамам̣ д̇хананд̇и г̇ихино ваа баб̣б̣аж̇ид̇асса ваа яам̣ ад̇д̇анаа лад̣̇д̇хам̣ ад̇д̇ано санд̇агам̣, д̇знзва д̇уссанабхааво санд̇удтий наама сзсад̇ханзхи барамам̣ д̇ханам̣. виссаасабарамаа н̃аад̇ийд̇и маад̇аа ваа ход̇у бид̇аа ваа, язна сад̣̇д̇хим̣ виссаасо над̇т̇и, со ан̃н̃аад̇агова. язна ан̃н̃аад̇агзна бана сад̣̇д̇хим̣ виссаасо ад̇т̇и, со асамб̣анд̇хоби барамо уд̇д̇амо н̃аад̇и. д̇зна вуд̇д̇ам̣ – ‘‘виссаасабарамаа н̃аад̇ий’’д̇и. ниб̣б̣аанасад̣̇исам̣ бана сукам̣ наама над̇т̇и, д̇знзвааха – ниб̣б̣аанабарамам̣ суканд̇и.
Tattha ārogyaparamā lābhāti arogabhāvaparamā lābhā. Rogino hi vijjamānāpi lābhā alābhāyeva, tasmā arogassa sabbalābhā āgatāva honti. Tenetaṃ vuttaṃ – ‘‘ārogyaparamā lābhā’’ti. Santuṭṭhiparamaṃ dhananti gihino vā pabbajitassa vā yaṃ attanā laddhaṃ attano santakaṃ, teneva tussanabhāvo santuṭṭhī nāma sesadhanehi paramaṃ dhanaṃ. Vissāsaparamā ñātīti mātā vā hotu pitā vā, yena saddhiṃ vissāso natthi, so aññātakova. Yena aññātakena pana saddhiṃ vissāso atthi, so asambandhopi paramo uttamo ñāti. Tena vuttaṃ – ‘‘vissāsaparamā ñātī’’ti. Nibbānasadisaṃ pana sukhaṃ nāma natthi, tenevāha – nibbānaparamaṃ sukhanti.
д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.
Desanāvasāne bahū sotāpattiphalādīni pāpuṇiṃsūti.
басзнад̣̇игосалавад̇т̇у чадтам̣.
Pasenadikosalavatthu chaṭṭhaṃ.
7. д̇иссад̇т̇зравад̇т̇у
7. Tissattheravatthu
бавивзгарасанд̇и имам̣ д̇хаммад̣̇зсанам̣ сад̇т̇аа взсаалияам̣ вихаранд̇о ан̃н̃ад̇арам̣ бхигкум̣ аараб̣бха гат̇зси.
Pavivekarasanti imaṃ dhammadesanaṃ satthā vesāliyaṃ viharanto aññataraṃ bhikkhuṃ ārabbha kathesi.
сад̇т̇аараа хи, ‘‘бхигкавз, ахам̣ ид̇о жад̇уухи маасзхи бариниб̣б̣ааяиссаамий’’д̇и вуд̇д̇з сад̇т̇у санд̇игз сад̇д̇а бхигкусад̇аани санд̇аасам̣ аабаж̇ж̇им̣су, кийн̣аасаваанам̣ д̇хаммасам̣взг̇о уббаж̇ж̇и, бут̇уж̇ж̇анаа ассууни санд̇хаарзд̇ум̣ наасагким̣су. бхигкуу ваг̇г̇аа ваг̇г̇аа худ̇ваа ‘‘гим̣ ну ко гариссаамаа’’д̇и манд̇знд̇аа вижаранд̇и. ат̇зго д̇иссад̇т̇зро наама бхигкуу ‘‘сад̇т̇аа гира жад̇умаасажжаязна бариниб̣б̣ааяиссад̇и, ахан̃жамхи авийд̇арааг̇о, сад̇т̇ари д̇харамаанзязва маяаа арахад̇д̇ам̣ г̇ан̣хид̇ум̣ ваддад̇ий’’д̇и жад̇уусу ирияаабат̇зсу згагова вихааси. бхигкуунам̣ санд̇игз г̇аманам̣ ваа гзнажи сад̣̇д̇хим̣ гат̇аасаллаабо ваа над̇т̇и. ат̇а нам̣ бхигкуу аахам̣су – ‘‘аавусо, д̇исса д̇асмаа звам̣ гаросий’’д̇и. со д̇зсам̣ гат̇ам̣ на сун̣аад̇и. д̇з д̇асса бавад̇д̇им̣ сад̇т̇у аарожзд̇ваа, ‘‘бханд̇з, д̇умхзсу д̇иссад̇т̇зрасса синзхо над̇т̇ий’’д̇и аахам̣су. сад̇т̇аа д̇ам̣ баггосаабзд̇ваа ‘‘гасмаа д̇исса звам̣ агаасий’’д̇и бужчид̇ваа д̇зна ад̇д̇ано ад̇хиббааяз аарожид̇з ‘‘саад̇ху, д̇иссаа’’д̇и саад̇хугаарам̣ д̣̇ад̇ваа, ‘‘бхигкавз, маяи синзхо д̇иссасад̣̇исова ход̇у. г̇анд̇хамаалаад̣̇ийхи бууж̇ам̣ гаронд̇ааби нзва мам̣ бууж̇знд̇и, д̇хаммаануд̇хаммам̣ бадибаж̇ж̇амаанааязва бана мам̣ бууж̇знд̇ий’’д̇и вад̇ваа имам̣ г̇аат̇амааха –
Satthārā hi, ‘‘bhikkhave, ahaṃ ito catūhi māsehi parinibbāyissāmī’’ti vutte satthu santike satta bhikkhusatāni santāsaṃ āpajjiṃsu, khīṇāsavānaṃ dhammasaṃvego uppajji, puthujjanā assūni sandhāretuṃ nāsakkhiṃsu. Bhikkhū vaggā vaggā hutvā ‘‘kiṃ nu kho karissāmā’’ti mantentā vicaranti. Atheko tissatthero nāma bhikkhū ‘‘satthā kira catumāsaccayena parinibbāyissati, ahañcamhi avītarāgo, satthari dharamāneyeva mayā arahattaṃ gaṇhituṃ vaṭṭatī’’ti catūsu iriyāpathesu ekakova vihāsi. Bhikkhūnaṃ santike gamanaṃ vā kenaci saddhiṃ kathāsallāpo vā natthi. Atha naṃ bhikkhū āhaṃsu – ‘‘āvuso, tissa tasmā evaṃ karosī’’ti. So tesaṃ kathaṃ na suṇāti. Te tassa pavattiṃ satthu ārocetvā, ‘‘bhante, tumhesu tissattherassa sineho natthī’’ti āhaṃsu. Satthā taṃ pakkosāpetvā ‘‘kasmā tissa evaṃ akāsī’’ti pucchitvā tena attano adhippāye ārocite ‘‘sādhu, tissā’’ti sādhukāraṃ datvā, ‘‘bhikkhave, mayi sineho tissasadisova hotu. Gandhamālādīhi pūjaṃ karontāpi neva maṃ pūjenti, dhammānudhammaṃ paṭipajjamānāyeva pana maṃ pūjentī’’ti vatvā imaṃ gāthamāha –
205.
205.
‘‘бавивзгарасам̣ бид̇ваа, расам̣ убасамасса жа;
‘‘Pavivekarasaṃ pitvā, rasaṃ upasamassa ca;
нид̣̇д̣̇аро ход̇и ниббаабо, д̇хаммабийд̇ирасам̣ бива’’нд̇и.
Niddaro hoti nippāpo, dhammapītirasaṃ piva’’nti.
д̇ад̇т̇а бавивзгарасанд̇и бавивзгад̇о уббаннам̣ расам̣, згийбхаавасуканд̇и ад̇т̇о. бид̇ваад̇и д̣̇угкабарин̃н̃аад̣̇ийни гаронд̇о аарамман̣ад̇о сажчигирияаавасзна бивид̇ваа. убасамасса жаад̇и гилзсуубасаманиб̣б̣аанасса жа расам̣ бид̇ваа. нид̣̇д̣̇аро ход̇ийд̇и д̇зна убхаяарасабаанзна кийн̣аасаво бхигку аб̣бханд̇арз рааг̇ад̣̇арат̇аад̣̇ийнам̣ абхаавзна нид̣̇д̣̇аро жзва ниббаабо жа ход̇и. расам̣ биванд̇и нававид̇халогуд̇д̇арад̇хаммавасзна уббаннам̣ бийд̇ирасам̣ биванд̇оби нид̣̇д̣̇аро ниббаабо жа ход̇и.
Tattha pavivekarasanti pavivekato uppannaṃ rasaṃ, ekībhāvasukhanti attho. Pitvāti dukkhapariññādīni karonto ārammaṇato sacchikiriyāvasena pivitvā. Upasamassacāti kilesūpasamanibbānassa ca rasaṃ pitvā. Niddaro hotīti tena ubhayarasapānena khīṇāsavo bhikkhu abbhantare rāgadarathādīnaṃ abhāvena niddaro ceva nippāpo ca hoti. Rasaṃ pivanti navavidhalokuttaradhammavasena uppannaṃ pītirasaṃ pivantopi niddaro nippāpo ca hoti.
д̣̇зсанаавасаанз д̇иссад̇т̇зро арахад̇д̇ам̣ баабун̣и, махааж̇анассааби саад̇т̇игаа д̇хаммад̣̇зсанаа ахосийд̇и.
Desanāvasāne tissatthero arahattaṃ pāpuṇi, mahājanassāpi sātthikā dhammadesanā ahosīti.
д̇иссад̇т̇зравад̇т̇у сад̇д̇амам̣.
Tissattheravatthu sattamaṃ.
8. саггавад̇т̇у
8. Sakkavatthu
сааху д̣̇ассананд̇и имам̣ д̇хаммад̣̇зсанам̣ сад̇т̇аа взл̣уваг̇аамагз вихаранд̇о саггам̣ аараб̣бха гат̇зси.
Sāhudassananti imaṃ dhammadesanaṃ satthā veḷuvagāmake viharanto sakkaṃ ārabbha kathesi.
д̇ат̇ааг̇ад̇асса хи ааяусан̇каарз виссадтз лохид̇абагканд̣̇игааб̣аад̇хасса уббаннабхаавам̣ н̃ад̇ваа сагго д̣̇зварааж̇аа ‘‘маяаа сад̇т̇у санд̇игам̣ г̇анд̇ваа г̇илаанубадтаанам̣ гаад̇ум̣ ваддад̇ий’’д̇и жинд̇зд̇ваа д̇иг̇аавуд̇аббамаан̣ам̣ ад̇д̇абхаавам̣ виж̇ахид̇ваа сад̇т̇аарам̣ убасан̇гамид̇ваа хад̇т̇зхи баад̣̇з баримаж̇ж̇и. ат̇а нам̣ сад̇т̇аа ааха ‘‘го зсо’’д̇и? ‘‘ахам̣, бханд̇з, сагго’’д̇и. ‘‘гасмаа ааг̇ад̇осий’’д̇и? ‘‘д̇умхз г̇илаанз убадтахид̇ум̣, бханд̇з’’д̇и. ‘‘сагга, д̣̇зваанам̣ мануссаг̇анд̇хо яож̇анасад̇ад̇о бадтааяа г̇алз б̣ад̣̇д̇хагун̣абам̣ вияа ход̇и , г̇ажча д̇вам̣, ад̇т̇и мз г̇илаанубадтагаа бхигкуу’’д̇и. ‘‘бханд̇з, жад̇ураасийд̇ияож̇анасахассамад̇т̇агз тид̇о д̇умхаагам̣ сийлаг̇анд̇хам̣ гхааяид̇ваа ааг̇ад̇о, ахамзва убадтахиссаамий’’д̇и со сад̇т̇у сарийравал̣ан̃ж̇анабхааж̇анам̣ ан̃н̃асса хад̇т̇знааби пусид̇ум̣ ад̣̇ад̇ваа сийсзязва табзд̇ваа нийхаранд̇о мукасан̇гожанамад̇д̇амби на агааси, г̇анд̇хабхааж̇анам̣ барихаранд̇о вияа ахоси. звам̣ сад̇т̇аарам̣ бадиж̇аг̇г̇ид̇ваа сад̇т̇у паасугагаалзязва аг̇амааси.
Tathāgatassa hi āyusaṅkhāre vissaṭṭhe lohitapakkhandikābādhassa uppannabhāvaṃ ñatvā sakko devarājā ‘‘mayā satthu santikaṃ gantvā gilānupaṭṭhānaṃ kātuṃ vaṭṭatī’’ti cintetvā tigāvutappamāṇaṃ attabhāvaṃ vijahitvā satthāraṃ upasaṅkamitvā hatthehi pāde parimajji. Atha naṃ satthā āha ‘‘ko eso’’ti? ‘‘Ahaṃ, bhante, sakko’’ti. ‘‘Kasmā āgatosī’’ti? ‘‘Tumhe gilāne upaṭṭhahituṃ, bhante’’ti. ‘‘Sakka, devānaṃ manussagandho yojanasatato paṭṭhāya gale baddhakuṇapaṃ viya hoti , gaccha tvaṃ, atthi me gilānupaṭṭhakā bhikkhū’’ti. ‘‘Bhante, caturāsītiyojanasahassamatthake ṭhito tumhākaṃ sīlagandhaṃ ghāyitvā āgato, ahameva upaṭṭhahissāmī’’ti so satthu sarīravaḷañjanabhājanaṃ aññassa hatthenāpi phusituṃ adatvā sīseyeva ṭhapetvā nīharanto mukhasaṅkocanamattampi na akāsi, gandhabhājanaṃ pariharanto viya ahosi. Evaṃ satthāraṃ paṭijaggitvā satthu phāsukakāleyeva agamāsi.
бхигкуу гат̇ам̣ самудтаабзсум̣ ‘‘ахо сад̇т̇ари саггасса синзхо, зваруубам̣ наама д̣̇иб̣б̣асамбад̇д̇им̣ бахааяа мукасан̇гожанамад̇д̇амби агад̇ваа г̇анд̇хабхааж̇анам̣ нийхаранд̇о вияа сад̇т̇у сарийравал̣ан̃ж̇анабхааж̇анам̣ сийсзна нийхаранд̇о убадтаанамагаасий’’д̇и. сад̇т̇аа д̇зсам̣ гат̇ам̣ суд̇ваа гим̣ вад̣̇зт̇а, бхигкавз, анажчарияам̣ зд̇ам̣, яам̣ сагго д̣̇зварааж̇аа маяи синзхам̣ гарод̇и. аяам̣ сагго хи д̣̇зварааж̇аа мам̣ ниссааяа ж̇арасаггабхаавам̣ виж̇ахид̇ваа сод̇аабанно худ̇ваа д̇арун̣асаггасса бхаавам̣ бад̇д̇о, ахам̣ хисса маран̣абхаяад̇аж̇ж̇ид̇асса бан̃жасикаг̇анд̇хаб̣б̣ад̣̇звабуд̇д̇ам̣ бурад̇о гад̇ваа ааг̇ад̇агаалз инд̣̇асаалаг̇ухааяам̣ д̣̇звабарисааяа маж̇жхз нисиннасса –
Bhikkhū kathaṃ samuṭṭhāpesuṃ ‘‘aho satthari sakkassa sineho, evarūpaṃ nāma dibbasampattiṃ pahāya mukhasaṅkocanamattampi akatvā gandhabhājanaṃ nīharanto viya satthu sarīravaḷañjanabhājanaṃ sīsena nīharanto upaṭṭhānamakāsī’’ti. Satthā tesaṃ kathaṃ sutvā kiṃ vadetha, bhikkhave, anacchariyaṃ etaṃ, yaṃ sakko devarājā mayi sinehaṃ karoti. Ayaṃ sakko hi devarājā maṃ nissāya jarasakkabhāvaṃ vijahitvā sotāpanno hutvā taruṇasakkassa bhāvaṃ patto, ahaṃ hissa maraṇabhayatajjitassa pañcasikhagandhabbadevaputtaṃ purato katvā āgatakāle indasālaguhāyaṃ devaparisāya majjhe nisinnassa –
‘‘бужча ваасава мам̣ бан̃хам̣, яам̣ гин̃жи манасижчаси;
‘‘Puccha vāsava maṃ pañhaṃ, yaṃ kiñci manasicchasi;
д̇асса д̇ассзва бан̃хасса, ахам̣ анд̇ам̣ гароми д̇з’’д̇и. (д̣̇ий. ни. 2.356) –
Tassa tasseva pañhassa, ahaṃ antaṃ karomi te’’ti. (dī. ni. 2.356) –
вад̇ваа д̇асса ган̇кам̣ винод̣̇знд̇о д̇хаммам̣ д̣̇зсзсим̣. д̣̇зсанаавасаанз жуд̣̇д̣̇асаннам̣ баан̣агодийнам̣ д̇хаммаабхисамаяо ахоси, саггоби яат̇аанисиннова сод̇аабад̇д̇ипалам̣ бад̇ваа д̇арун̣асагго ж̇аад̇о. звамассаахам̣ б̣ахуубагааро. д̇асса маяи синзхо наама анажчарияо. бхигкавз, арияаанан̃хи д̣̇ассанамби сукам̣, д̇зхи сад̣̇д̇хим̣ згадтаанз санниваасоби суко. б̣аалзхи сад̣̇д̇хим̣ бана саб̣б̣амзд̇ам̣ д̣̇угканд̇и вад̇ваа имаа г̇аат̇аа абхааси –
Vatvā tassa kaṅkhaṃ vinodento dhammaṃ desesiṃ. Desanāvasāne cuddasannaṃ pāṇakoṭīnaṃ dhammābhisamayo ahosi, sakkopi yathānisinnova sotāpattiphalaṃ patvā taruṇasakko jāto. Evamassāhaṃ bahūpakāro. Tassa mayi sineho nāma anacchariyo. Bhikkhave, ariyānañhi dassanampi sukhaṃ, tehi saddhiṃ ekaṭṭhāne sannivāsopi sukho. Bālehi saddhiṃ pana sabbametaṃ dukkhanti vatvā imā gāthā abhāsi –
206.
206.
‘‘сааху д̣̇ассанамарияаанам̣, санниваасо сад̣̇аа суко;
‘‘Sāhu dassanamariyānaṃ, sannivāso sadā sukho;
ад̣̇ассанзна б̣аалаанам̣, нижжамзва сукий сияаа.
Adassanena bālānaṃ, niccameva sukhī siyā.
207.
207.
‘‘б̣ааласан̇г̇ад̇ажаарий хи, д̣̇ийгхамад̣̇д̇хаана сожад̇и;
‘‘Bālasaṅgatacārī hi, dīghamaddhāna socati;
д̣̇угко б̣аалзхи сам̣ваасо, амид̇д̇знзва саб̣б̣ад̣̇аа;
Dukkho bālehi saṃvāso, amitteneva sabbadā;
д̇хийро жа сукасам̣ваасо, н̃аад̇ийнам̣ва самааг̇амо’’.
Dhīro ca sukhasaṃvāso, ñātīnaṃva samāgamo’’.
д̇асмаа хи –
Tasmā hi –
208.
208.
‘‘д̇хийран̃жа бан̃н̃ан̃жа б̣ахуссуд̇ан̃жа,д̇хораяхасийлам̣ вад̇аванд̇амарияам̣;
‘‘Dhīrañca paññañca bahussutañca,dhorayhasīlaṃ vatavantamariyaṃ;
д̇ам̣ д̇аад̣̇исам̣ саббурисам̣ сумзд̇хам̣,бхаж̇зт̇а нагкад̇д̇абат̇ам̣ ва жанд̣̇имаа’’д̇и.
Taṃ tādisaṃ sappurisaṃ sumedhaṃ,bhajetha nakkhattapathaṃ va candimā’’ti.
д̇ад̇т̇а саахууд̇и сунд̣̇арам̣ бхад̣̇д̣̇агам̣. санниваасод̇и на гзвалан̃жа д̇зсам̣ д̣̇ассанамзва, д̇зхи сад̣̇д̇хим̣ згадтаанз нисийд̣̇анаад̣̇ибхаавоби д̇зсам̣ вад̇д̇абадивад̇д̇ам̣ гаад̇ум̣ лабханабхаавоби саад̇хуязва. б̣ааласан̇г̇ад̇ажаарий хийд̇и яо б̣аалзна сахажаарий. д̣̇ийгхамад̣̇д̇хаананд̇и со б̣ааласахааязна ‘‘зхи санд̇хижчзд̣̇аад̣̇ийни гаромаа’’д̇и вужжамаано д̇зна сад̣̇д̇хим̣ згажчанд̣̇о худ̇ваа д̇аани гаронд̇о хад̇т̇ажчзд̣̇аад̣̇ийни бад̇ваа д̣̇ийгхамад̣̇д̇хаанам̣ сожад̇и. саб̣б̣ад̣̇аад̇и яат̇аа асихад̇т̇зна ваа амид̇д̇зна аасийвисаад̣̇ийхи ваа сад̣̇д̇хим̣ згад̇о ваасо наама нижжам̣ д̣̇угко, д̇ат̇зва б̣аалзхи сад̣̇д̇хинд̇и ад̇т̇о. д̇хийро жа сукасам̣ваасод̇и зд̇т̇а суко сам̣ваасо зд̇знаад̇и сукасам̣ваасо, бан̣д̣ид̇зна сад̣̇д̇хим̣ згадтаанз сам̣ваасо сукод̇и ад̇т̇о. гат̇ам̣? н̃аад̇ийнам̣ва самааг̇амод̇и яат̇ааби н̃аад̇ийнам̣ самааг̇амо суко, звам̣ суко.
Tattha sāhūti sundaraṃ bhaddakaṃ. Sannivāsoti na kevalañca tesaṃ dassanameva, tehi saddhiṃ ekaṭṭhāne nisīdanādibhāvopi tesaṃ vattapaṭivattaṃ kātuṃ labhanabhāvopi sādhuyeva. Bālasaṅgatacārī hīti yo bālena sahacārī. Dīghamaddhānanti so bālasahāyena ‘‘ehi sandhicchedādīni karomā’’ti vuccamāno tena saddhiṃ ekacchando hutvā tāni karonto hatthacchedādīni patvā dīghamaddhānaṃ socati. Sabbadāti yathā asihatthena vā amittena āsīvisādīhi vā saddhiṃ ekato vāso nāma niccaṃ dukkho, tatheva bālehi saddhinti attho. Dhīro ca sukhasaṃvāsoti ettha sukho saṃvāso etenāti sukhasaṃvāso, paṇḍitena saddhiṃ ekaṭṭhāne saṃvāso sukhoti attho. Kathaṃ? Ñātīnaṃva samāgamoti yathāpi ñātīnaṃ samāgamo sukho, evaṃ sukho.
д̇асмаа хийд̇и яасмаа б̣аалзхи сад̣̇д̇хим̣ сам̣ваасо д̣̇угко, бан̣д̣ид̇зна сад̣̇д̇хим̣ суко, д̇асмаа хи д̇хид̇исамбаннам̣ д̇хийран̃жа, логияалогуд̇д̇арабан̃н̃аасамбаннам̣ бан̃н̃ан̃жа , ааг̇амаад̇хиг̇амасамбаннам̣ б̣ахуссуд̇ан̃жа, арахад̇д̇абаабанагасан̇каад̇ааяа д̇хураваханасийлад̇ааяа д̇хораяхасийлам̣, сийлавад̇зна жзва д̇худ̇ан̇г̇авад̇зна жа вад̇аванд̇ам̣, гилзсзхи аарагад̇ааяа арияам̣, д̇ат̇ааруубам̣ саббурисам̣ собханабан̃хам̣ яат̇аа ниммалам̣ нагкад̇д̇абат̇асан̇каад̇ам̣ аагаасам̣ жанд̣̇имаа бхаж̇ад̇и, звам̣ бхаж̇зт̇а баяирубаасзт̇аад̇и ад̇т̇о.
Tasmā hīti yasmā bālehi saddhiṃ saṃvāso dukkho, paṇḍitena saddhiṃ sukho, tasmā hi dhitisampannaṃ dhīrañca, lokiyalokuttarapaññāsampannaṃ paññañca , āgamādhigamasampannaṃ bahussutañca, arahattapāpanakasaṅkhātāya dhuravahanasīlatāya dhorayhasīlaṃ, sīlavatena ceva dhutaṅgavatena ca vatavantaṃ, kilesehi ārakatāya ariyaṃ, tathārūpaṃ sappurisaṃ sobhanapañhaṃ yathā nimmalaṃ nakkhattapathasaṅkhātaṃ ākāsaṃ candimā bhajati, evaṃ bhajetha payirupāsethāti attho.
д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.
Desanāvasāne bahū sotāpattiphalādīni pāpuṇiṃsūti.
саггавад̇т̇у адтамам̣.
Sakkavatthu aṭṭhamaṃ.
сукаваг̇г̇аван̣н̣анаа нидтид̇аа.
Sukhavaggavaṇṇanā niṭṭhitā.
баннарасамо ваг̇г̇о.
Pannarasamo vaggo.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / д̇хаммабад̣̇абаал̣и • Dhammapadapāḷi / 15. сукаваг̇г̇о • 15. Sukhavaggo
