| Library / Tipiṭaka / តិបិដក • Tipiṭaka / ឥតិវុត្តកបាឡិ • Itivuttakapāḷi |
២. សុខវិហារសុត្តំ
2. Sukhavihārasuttaṃ
២៩. វុត្តញ្ហេតំ ភគវតា, វុត្តមរហតាតិ មេ សុតំ –
29. Vuttañhetaṃ bhagavatā, vuttamarahatāti me sutaṃ –
‘‘ទ្វីហិ, ភិក្ខវេ, ធម្មេហិ សមន្នាគតោ ភិក្ខុ ទិដ្ឋេវ ធម្មេ សុខំ វិហរតិ អវិឃាតំ អនុបាយាសំ អបរិឡាហំ; កាយស្ស ភេទា បរំ មរណា សុគតិ បាដិកង្ខា ។ កតមេហិ ទ្វីហិ? ឥន្ទ្រិយេសុ គុត្តទ្វារតាយ ច, ភោជនេ មត្តញ្ញុតាយ ច។ ឥមេហិ ខោ, ភិក្ខវេ, ទ្វីហិ ធម្មេហិ សមន្នាគតោ ភិក្ខុ ទិដ្ឋេវ ធម្មេ សុខំ វិហរតិ អវិឃាតំ អនុបាយាសំ អបរិឡាហំ; កាយស្ស ភេទា បរំ មរណា សុគតិ បាដិកង្ខា’’តិ។ ឯតមត្ថំ ភគវា អវោច។ តត្ថេតំ ឥតិ វុច្ចតិ –
‘‘Dvīhi, bhikkhave, dhammehi samannāgato bhikkhu diṭṭheva dhamme sukhaṃ viharati avighātaṃ anupāyāsaṃ apariḷāhaṃ; kāyassa bhedā paraṃ maraṇā sugati pāṭikaṅkhā . Katamehi dvīhi? Indriyesu guttadvāratāya ca, bhojane mattaññutāya ca. Imehi kho, bhikkhave, dvīhi dhammehi samannāgato bhikkhu diṭṭheva dhamme sukhaṃ viharati avighātaṃ anupāyāsaṃ apariḷāhaṃ; kāyassa bhedā paraṃ maraṇā sugati pāṭikaṅkhā’’ti. Etamatthaṃ bhagavā avoca. Tatthetaṃ iti vuccati –
ឯតានិ យស្ស ទ្វារានិ, សុគុត្តានិធ ភិក្ខុនោ។
Etāni yassa dvārāni, suguttānidha bhikkhuno.
‘‘ភោជនម្ហិ ច មត្តញ្ញូ, ឥន្ទ្រិយេសុ ច សំវុតោ;
‘‘Bhojanamhi ca mattaññū, indriyesu ca saṃvuto;
កាយសុខំ ចេតោសុខំ, សុខំ សោ អធិគច្ឆតិ។
Kāyasukhaṃ cetosukhaṃ, sukhaṃ so adhigacchati.
‘‘អឌយ្ហមានេន កាយេន, អឌយ្ហមានេន ចេតសា;
‘‘Aḍayhamānena kāyena, aḍayhamānena cetasā;
ទិវា វា យទិ វា រត្តិំ, សុខំ វិហរតិ តាទិសោ’’តិ។
Divā vā yadi vā rattiṃ, sukhaṃ viharati tādiso’’ti.
អយម្បិ អត្ថោ វុត្តោ ភគវតា, ឥតិ មេ សុតន្តិ។ ទុតិយំ។
Ayampi attho vutto bhagavatā, iti me sutanti. Dutiyaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ឥតិវុត្តក-អដ្ឋកថា • Itivuttaka-aṭṭhakathā / ២. សុខវិហារសុត្តវណ្ណនា • 2. Sukhavihārasuttavaṇṇanā
