| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
10. сукавихаариж̇аад̇агаван̣н̣анаа
10. Sukhavihārijātakavaṇṇanā
яан̃жа ан̃н̃з на рагканд̇ийд̇и ид̣̇ам̣ сад̇т̇аа анубияанаг̇арам̣ ниссааяа анубияаамб̣аванз вихаранд̇о сукавихаарим̣ бхад̣̇д̣̇ияад̇т̇зрам̣ аараб̣бха гат̇зси. сукавихаарий бхад̣̇д̣̇ияад̇т̇зро чакад̇д̇ияасамааг̇амз убаалисад̇д̇амо баб̣б̣аж̇ид̇о. д̇зсу бхад̣̇д̣̇ияад̇т̇зро жа, гимилад̇т̇зро жа, бхаг̇уд̇т̇зро жа, убаалид̇т̇зро жа арахад̇д̇ам̣ бад̇д̇аа, аананд̣̇ад̇т̇зро сод̇аабанно ж̇аад̇о, ануруд̣̇д̇хад̇т̇зро д̣̇иб̣б̣ажагкуго, д̣̇звад̣̇ад̇д̇о жхааналаабхий ж̇аад̇о. чаннам̣ бана кад̇д̇ияаанам̣ вад̇т̇у яаава анубияанаг̇араа кан̣д̣ахаалаж̇аад̇агз аавибхависсад̇и. ааяасмаа бана бхад̣̇д̣̇ияо рааж̇агаалз ад̇д̇ано рагкасам̣вид̇хаанан̃жзва д̇аава б̣ахуухи рагкаахи рагкияамаанасса убарибаасаад̣̇аварад̇алз махаасаяанз самбаривад̇д̇амаанассааби ад̇д̇ано бхаяуббад̇д̇ин̃жа ид̣̇аани арахад̇д̇ам̣ бад̇ваа аран̃н̃аад̣̇ийсу яад̇т̇а гад̇т̇ажи вихаранд̇оби ад̇д̇ано виг̇ад̇абхаяад̇ан̃жа самануссаранд̇о ‘‘ахо сукам̣, ахо сука’’нд̇и уд̣̇аанам̣ уд̣̇аанзси. д̇ам̣ суд̇ваа бхигкуу ‘‘ааяасмаа бхад̣̇д̣̇ияо ан̃н̃ам̣ б̣яаагарод̇ий’’д̇и бхаг̇авад̇о аарожзсум̣. бхаг̇аваа ‘‘на, бхигкавз , бхад̣̇д̣̇ияо ид̣̇аанзва сукавихаарий, буб̣б̣зби сукавихаарийязваа’’д̇и ааха. бхигкуу д̇ассад̇т̇ассаавибхаавад̇т̇ааяа бхаг̇аванд̇ам̣ яаажим̣су. бхаг̇аваа бхаванд̇арзна бадижчаннам̣ гааран̣ам̣ баагадам̣ агааси.
Yañcaaññe na rakkhantīti idaṃ satthā anupiyanagaraṃ nissāya anupiyaambavane viharanto sukhavihāriṃ bhaddiyattheraṃ ārabbha kathesi. Sukhavihārī bhaddiyatthero chakhattiyasamāgame upālisattamo pabbajito. Tesu bhaddiyatthero ca, kimilatthero ca, bhagutthero ca, upālitthero ca arahattaṃ pattā, ānandatthero sotāpanno jāto, anuruddhatthero dibbacakkhuko, devadatto jhānalābhī jāto. Channaṃ pana khattiyānaṃ vatthu yāva anupiyanagarā khaṇḍahālajātake āvibhavissati. Āyasmā pana bhaddiyo rājakāle attano rakkhasaṃvidhānañceva tāva bahūhi rakkhāhi rakkhiyamānassa uparipāsādavaratale mahāsayane samparivattamānassāpi attano bhayuppattiñca idāni arahattaṃ patvā araññādīsu yattha katthaci viharantopi attano vigatabhayatañca samanussaranto ‘‘aho sukhaṃ, aho sukha’’nti udānaṃ udānesi. Taṃ sutvā bhikkhū ‘‘āyasmā bhaddiyo aññaṃ byākarotī’’ti bhagavato ārocesuṃ. Bhagavā ‘‘na, bhikkhave , bhaddiyo idāneva sukhavihārī, pubbepi sukhavihārīyevā’’ti āha. Bhikkhū tassatthassāvibhāvatthāya bhagavantaṃ yāciṃsu. Bhagavā bhavantarena paṭicchannaṃ kāraṇaṃ pākaṭaṃ akāsi.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаараяамаанз б̣од̇хисад̇д̇о уд̣̇ижжаб̣раахман̣амахаасаало худ̇ваа гаамзсу аад̣̇ийнавам̣, нзгкаммз жаанисам̣сам̣ д̣̇исваа гаамз бахааяа химаванд̇ам̣ бависид̇ваа исибаб̣б̣аж̇ж̇ам̣ баб̣б̣аж̇ид̇ваа адта самаабад̇д̇ияо ниб̣б̣ад̇д̇зси, баривааробисса махаа ахоси бан̃жа д̇аабасасад̇аани. со вассагаалз химаванд̇ад̇о нигкамид̇ваа д̇аабасаг̇ан̣абаривуд̇о г̇ааманиг̇амаад̣̇ийсу жааригам̣ жаранд̇о б̣аараан̣асим̣ бад̇ваа рааж̇аанам̣ ниссааяа рааж̇уяяаанз ваасам̣ габбзси. д̇ад̇т̇а вассигз жад̇д̇ааро маасз васид̇ваа рааж̇аанам̣ аабужчи. ат̇а нам̣ рааж̇аа ‘‘д̇умхз, бханд̇з, махаллагаа, гим̣ во химаванд̇зна, анд̇зваасигз химаванд̇ам̣ бзсзд̇ваа ид̇хзва васат̇аа’’д̇и яаажи. б̣од̇хисад̇д̇о ж̇здтанд̇зваасигам̣ бан̃жа д̇аабасасад̇аани бадижчаабзд̇ваа ‘‘г̇ажча, д̇вам̣ имзхи сад̣̇д̇хим̣ химаванд̇з васа, ахам̣ бана ид̇хзва васиссаамий’’д̇и д̇з уяяож̇зд̇ваа саяам̣ д̇ад̇т̇зва ваасам̣ габбзси.
Atīte bārāṇasiyaṃ brahmadatte rajjaṃ kārayamāne bodhisatto udiccabrāhmaṇamahāsālo hutvā kāmesu ādīnavaṃ, nekkhamme cānisaṃsaṃ disvā kāme pahāya himavantaṃ pavisitvā isipabbajjaṃ pabbajitvā aṭṭha samāpattiyo nibbattesi, parivāropissa mahā ahosi pañca tāpasasatāni. So vassakāle himavantato nikkhamitvā tāpasagaṇaparivuto gāmanigamādīsu cārikaṃ caranto bārāṇasiṃ patvā rājānaṃ nissāya rājuyyāne vāsaṃ kappesi. Tattha vassike cattāro māse vasitvā rājānaṃ āpucchi. Atha naṃ rājā ‘‘tumhe, bhante, mahallakā, kiṃ vo himavantena, antevāsike himavantaṃ pesetvā idheva vasathā’’ti yāci. Bodhisatto jeṭṭhantevāsikaṃ pañca tāpasasatāni paṭicchāpetvā ‘‘gaccha, tvaṃ imehi saddhiṃ himavante vasa, ahaṃ pana idheva vasissāmī’’ti te uyyojetvā sayaṃ tattheva vāsaṃ kappesi.
со банасса ж̇здтанд̇зваасиго рааж̇абаб̣б̣аж̇ид̇о маханд̇ам̣ раж̇ж̇ам̣ бахааяа баб̣б̣аж̇ид̇ваа гасин̣абаригаммам̣ гад̇ваа адтасамаабад̇д̇илаабхий ахоси. со д̇аабасзхи сад̣̇д̇хим̣ химаванд̇з васамаано згад̣̇ивасам̣ аажарияам̣ д̣̇адтугаамо худ̇ваа д̇з д̇аабасз ааманд̇зд̇ваа ‘‘д̇умхз анугган̣тамаанаа ид̇хзва васат̇а, ахам̣ аажарияам̣ ванд̣̇ид̇ваа ааг̇амиссаамий’’д̇и аажарияасса санд̇игам̣ г̇анд̇ваа ванд̣̇ид̇ваа бадисант̇аарам̣ гад̇ваа згам̣ гадтад̇т̇аригам̣ ад̇т̇арид̇ваа аажарияасса санд̇игзязва нибаж̇ж̇и. д̇асмин̃жа самаяз рааж̇аа ‘‘д̇аабасам̣ бассиссаамий’’д̇и уяяаанам̣ г̇анд̇ваа ванд̣̇ид̇ваа згаманд̇ам̣ нисийд̣̇и. анд̇зваасигад̇аабасо рааж̇аанам̣ д̣̇исваа нзва вудтааси, нибанноязва бана ‘‘ахо сукам̣, ахо сука’’нд̇и уд̣̇аанам̣ уд̣̇аанзси. рааж̇аа ‘‘аяам̣ д̇аабасо мам̣ д̣̇исвааби на удтид̇о’’д̇и анад̇д̇амано б̣од̇хисад̇д̇ам̣ ааха – ‘‘бханд̇з, аяам̣ д̇аабасо яад̣̇ижчагам̣ бхуд̇д̇о бхависсад̇и, уд̣̇аанам̣ уд̣̇аанзнд̇о сукасзяяамзва габбзд̇ий’’д̇и. махаарааж̇а, аяам̣ д̇аабасо буб̣б̣з д̇умхаад̣̇исо зго рааж̇аа ахоси, свааяам̣ ‘‘ахам̣ буб̣б̣з г̇ихигаалз раж̇ж̇асирим̣ анубхаванд̇о аавуд̇хахад̇т̇зхи б̣ахуухи рагкияамааноби зваруубам̣ сукам̣ наама наалад̇т̇а’’нд̇и ад̇д̇ано баб̣б̣аж̇ж̇аасукам̣ жхаанасукан̃жа аараб̣бха имам̣ уд̣̇аанам̣ уд̣̇аанзд̇ийд̇и. зван̃жа бана вад̇ваа б̣од̇хисад̇д̇о ран̃н̃о д̇хаммагат̇ам̣ гат̇зд̇ум̣ имам̣ г̇аат̇амааха –
So panassa jeṭṭhantevāsiko rājapabbajito mahantaṃ rajjaṃ pahāya pabbajitvā kasiṇaparikammaṃ katvā aṭṭhasamāpattilābhī ahosi. So tāpasehi saddhiṃ himavante vasamāno ekadivasaṃ ācariyaṃ daṭṭhukāmo hutvā te tāpase āmantetvā ‘‘tumhe anukkaṇṭhamānā idheva vasatha, ahaṃ ācariyaṃ vanditvā āgamissāmī’’ti ācariyassa santikaṃ gantvā vanditvā paṭisanthāraṃ katvā ekaṃ kaṭṭhattharikaṃ attharitvā ācariyassa santikeyeva nipajji. Tasmiñca samaye rājā ‘‘tāpasaṃ passissāmī’’ti uyyānaṃ gantvā vanditvā ekamantaṃ nisīdi. Antevāsikatāpaso rājānaṃ disvā neva vuṭṭhāsi, nipannoyeva pana ‘‘aho sukhaṃ, aho sukha’’nti udānaṃ udānesi. Rājā ‘‘ayaṃ tāpaso maṃ disvāpi na uṭṭhito’’ti anattamano bodhisattaṃ āha – ‘‘bhante, ayaṃ tāpaso yadicchakaṃ bhutto bhavissati, udānaṃ udānento sukhaseyyameva kappetī’’ti. Mahārāja, ayaṃ tāpaso pubbe tumhādiso eko rājā ahosi, svāyaṃ ‘‘ahaṃ pubbe gihikāle rajjasiriṃ anubhavanto āvudhahatthehi bahūhi rakkhiyamānopi evarūpaṃ sukhaṃ nāma nālattha’’nti attano pabbajjāsukhaṃ jhānasukhañca ārabbha imaṃ udānaṃ udānetīti. Evañca pana vatvā bodhisatto rañño dhammakathaṃ kathetuṃ imaṃ gāthamāha –
10.
10.
‘‘яан̃жа ан̃н̃з на рагканд̇и, яо жа ан̃н̃з на рагкад̇и;
‘‘Yañca aññe na rakkhanti, yo ca aññe na rakkhati;
са вз рааж̇а сукам̣ сзд̇и, гаамзсу анабзгкаваа’’д̇и.
Sa ve rāja sukhaṃ seti, kāmesu anapekkhavā’’ti.
д̇ад̇т̇а яан̃жа ан̃н̃з на рагканд̇ийд̇и яам̣ буг̇г̇алам̣ ан̃н̃з б̣ахуу буг̇г̇алаа на рагканд̇и. яо жа ан̃н̃з на рагкад̇ийд̇и яо жа ‘‘згаго ахам̣ раж̇ж̇ам̣ гаарзмий’’д̇и ан̃н̃з б̣ахуу ж̇анз на рагкад̇и. са вз рааж̇а сукам̣ сзд̇ийд̇и махаарааж̇а со буг̇г̇ало зго ад̣̇уд̇ияо бавивид̇д̇о гааяигажзд̇асигасукасаман̇г̇ий худ̇ваа сукам̣ сзд̇и. ид̣̇ан̃жа д̣̇зсанаасийсамзва. на гзвалам̣ бана сзд̇иязва, зваруубо бана буг̇г̇ало сукам̣ г̇ажчад̇и д̇идтад̇и нисийд̣̇ад̇и саяад̇ийд̇и саб̣б̣ирияаабат̇зсу сукаббад̇д̇ова ход̇и. гаамзсу анабзгкаваад̇и вад̇т̇у гаамагилзсагаамзсу абзгкаарахид̇о виг̇ад̇ажчанд̣̇арааг̇о нид̇д̇ан̣хо зваруубо буг̇г̇ало саб̣б̣ирияаабат̇зсу сукам̣ вихарад̇и махаарааж̇аад̇и.
Tattha yañca aññe na rakkhantīti yaṃ puggalaṃ aññe bahū puggalā na rakkhanti. Yo ca aññe na rakkhatīti yo ca ‘‘ekako ahaṃ rajjaṃ kāremī’’ti aññe bahū jane na rakkhati. Sa ve rāja sukhaṃ setīti mahārāja so puggalo eko adutiyo pavivitto kāyikacetasikasukhasamaṅgī hutvā sukhaṃ seti. Idañca desanāsīsameva. Na kevalaṃ pana setiyeva, evarūpo pana puggalo sukhaṃ gacchati tiṭṭhati nisīdati sayatīti sabbiriyāpathesu sukhappattova hoti. Kāmesu anapekkhavāti vatthu kāmakilesakāmesu apekkhārahito vigatacchandarāgo nittaṇho evarūpo puggalo sabbiriyāpathesu sukhaṃ viharati mahārājāti.
рааж̇аа д̇хаммад̣̇зсанам̣ суд̇ваа д̇удтамаанасо ванд̣̇ид̇ваа нивзсанамзва г̇ад̇о, анд̇зваасигоби аажарияам̣ ванд̣̇ид̇ваа химаванд̇амзва г̇ад̇о. б̣од̇хисад̇д̇о бана д̇ад̇т̇зва вихаранд̇о абарихийнаж̇жхаано гаалам̣ гад̇ваа б̣рахмалогз ниб̣б̣ад̇д̇и.
Rājā dhammadesanaṃ sutvā tuṭṭhamānaso vanditvā nivesanameva gato, antevāsikopi ācariyaṃ vanditvā himavantameva gato. Bodhisatto pana tattheva viharanto aparihīnajjhāno kālaṃ katvā brahmaloke nibbatti.
сад̇т̇аа имам̣ д̇хаммад̣̇зсанам̣ аахарид̇ваа д̣̇ассзд̇ваа д̣̇вз вад̇т̇ууни гат̇зд̇ваа анусанд̇хим̣ гхадзд̇ваа ж̇аад̇агам̣ самод̇хаанзси – ‘‘д̇ад̣̇аа анд̇зваасиго бхад̣̇д̣̇ияад̇т̇зро ахоси, г̇ан̣асад̇т̇аа бана ахамзва ахоси’’нд̇и.
Satthā imaṃ dhammadesanaṃ āharitvā dassetvā dve vatthūni kathetvā anusandhiṃ ghaṭetvā jātakaṃ samodhānesi – ‘‘tadā antevāsiko bhaddiyatthero ahosi, gaṇasatthā pana ahameva ahosi’’nti.
сукавихаариж̇аад̇агаван̣н̣анаа д̣̇асамаа.
Sukhavihārijātakavaṇṇanā dasamā.
абан̣н̣агаваг̇г̇о батамо.
Apaṇṇakavaggo paṭhamo.
д̇ассуд̣̇д̣̇аанам̣ –
Tassuddānaṃ –
абан̣н̣агам̣ ван̣н̣убат̇ам̣, сзривам̣ жуул̣асздти жа;
Apaṇṇakaṃ vaṇṇupathaṃ, serivaṃ cūḷaseṭṭhi ca;
д̇ан̣д̣улам̣ д̣̇звад̇хамман̃жа, гадтавааханаг̇ааман̣и;
Taṇḍulaṃ devadhammañca, kaṭṭhavāhanagāmaṇi;
магхад̣̇звам̣ вихаарийд̇и, бин̣д̣ид̇аа д̣̇аса ж̇аад̇агаад̇и.
Maghadevaṃ vihārīti, piṇḍitā dasa jātakāti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 10. сукавихаариж̇аад̇агам̣ • 10. Sukhavihārijātakaṃ
