| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
9. сукумааласуд̇д̇аван̣н̣анаа
9. Sukhumālasuttavaṇṇanā
39. навамз сукумаалод̇и нид̣̇д̣̇угко. барамасукумаалод̇и бараманид̣̇д̣̇угко. ажжанд̇асукумаалод̇и сад̇ад̇анид̣̇д̣̇угко. имам̣ бхаг̇аваа габилабурз ниб̣б̣ад̇д̇агаалад̇о бадтааяа нид̣̇д̣̇угкабхаавам̣ г̇ахзд̇ваа ааха, жарияагаалз бана д̇зна анубхууд̇ад̣̇угкасса анд̇о над̇т̇ийд̇и. згад̇т̇аад̇и згиссаа богкаран̣ияаа. уббалам̣ ваббад̇ийд̇и уббалам̣ робзд̇и. саа нийлуббалаванасан̃чаннаа ход̇и. бад̣̇уманд̇и бан̣д̣арабад̣̇умам̣. бун̣д̣арийганд̇и рад̇д̇абад̣̇умам̣. звам̣ ид̇арааби д̣̇вз бад̣̇умабун̣д̣арийгаванзхи сан̃чаннаа хонд̇и. б̣од̇хисад̇д̇асса гира сад̇д̇адтавассигагаалз рааж̇аа амажжз бужчи – ‘‘д̇арун̣ад̣̇аарагаа гад̇арагийл̣игам̣ бияааяанд̇ий’’д̇и? уд̣̇агагийл̣игам̣ д̣̇зваад̇и. д̇ад̇о рааж̇аа гуд̣̇д̣̇аалагаммагаарагз саннибаад̇зд̇ваа богкаран̣идтаанаани г̇ан̣хаабзси. ат̇а сагго д̣̇зварааж̇аа ааваж̇ж̇знд̇о д̇ам̣ бавад̇д̇им̣ н̃ад̇ваа – ‘‘на яуд̇д̇о махаасад̇д̇асса маанусагабарибхог̇о, д̣̇иб̣б̣абарибхог̇о яуд̇д̇о’’д̇и виссагаммам̣ ааманд̇зд̇ваа – ‘‘г̇ажча, д̇аад̇а, махаасад̇д̇асса гийл̣аабхуумияам̣ богкаран̣ияо маабзхий’’д̇и ааха. гийд̣̇исаа хонд̇у , д̣̇зваад̇и? абаг̇ад̇агалалагад̣̇д̣̇амаа хонд̇у виббагин̣н̣аман̣имуд̇д̇абаваал̣игаа сад̇д̇арад̇анамаяабаагаарабаригкид̇д̇аа баваал̣амаяаун̣хийсзхи ман̣имаяасобаанаб̣аахугзхи суван̣н̣араж̇ад̇аман̣имаяапалагзхи собаанзхи саманнааг̇ад̇аа. суван̣н̣араж̇ад̇аман̣ибаваал̣амаяаа жзд̇т̇а нааваа хонд̇у, суван̣н̣анаавааяа раж̇ад̇абаллан̇го ход̇у, раж̇ад̇анаавааяа суван̣н̣абаллан̇го, ман̣инаавааяа баваал̣абаллан̇го, баваал̣анаавааяа ман̣ибаллан̇го, суван̣н̣араж̇ад̇аман̣ибаваал̣амаяаава уд̣̇агасзжананаал̣игаа хонд̇у, бан̃жаван̣н̣зхи жа бад̣̇умзхи сан̃чаннаа хонд̇ууд̇и. ‘‘саад̇ху, д̣̇зваа’’д̇и виссагаммад̣̇звабуд̇д̇о саггасса бадиссуд̇ваа рад̇д̇ибхааг̇з од̇арид̇ваа ран̃н̃о г̇аахаабид̇абогкаран̣идтаанзсуязва д̇знзва нияаамзна богкаран̣ияо маабзси.
39. Navame sukhumāloti niddukkho. Paramasukhumāloti paramaniddukkho. Accantasukhumāloti satataniddukkho. Imaṃ bhagavā kapilapure nibbattakālato paṭṭhāya niddukkhabhāvaṃ gahetvā āha, cariyakāle pana tena anubhūtadukkhassa anto natthīti. Ekatthāti ekissā pokkharaṇiyā. Uppalaṃ vappatīti uppalaṃ ropeti. Sā nīluppalavanasañchannā hoti. Padumanti paṇḍarapadumaṃ. Puṇḍarīkanti rattapadumaṃ. Evaṃ itarāpi dve padumapuṇḍarīkavanehi sañchannā honti. Bodhisattassa kira sattaṭṭhavassikakāle rājā amacce pucchi – ‘‘taruṇadārakā katarakīḷikaṃ piyāyantī’’ti? Udakakīḷikaṃ devāti. Tato rājā kuddālakammakārake sannipātetvā pokkharaṇiṭṭhānāni gaṇhāpesi. Atha sakko devarājā āvajjento taṃ pavattiṃ ñatvā – ‘‘na yutto mahāsattassa mānusakaparibhogo, dibbaparibhogo yutto’’ti vissakammaṃ āmantetvā – ‘‘gaccha, tāta, mahāsattassa kīḷābhūmiyaṃ pokkharaṇiyo māpehī’’ti āha. Kīdisā hontu , devāti? Apagatakalalakaddamā hontu vippakiṇṇamaṇimuttapavāḷikā sattaratanamayapākāraparikkhittā pavāḷamayauṇhīsehi maṇimayasopānabāhukehi suvaṇṇarajatamaṇimayaphalakehi sopānehi samannāgatā. Suvaṇṇarajatamaṇipavāḷamayā cettha nāvā hontu, suvaṇṇanāvāya rajatapallaṅko hotu, rajatanāvāya suvaṇṇapallaṅko, maṇināvāya pavāḷapallaṅko, pavāḷanāvāya maṇipallaṅko, suvaṇṇarajatamaṇipavāḷamayāva udakasecananāḷikā hontu, pañcavaṇṇehi ca padumehi sañchannā hontūti. ‘‘Sādhu, devā’’ti vissakammadevaputto sakkassa paṭissutvā rattibhāge otaritvā rañño gāhāpitapokkharaṇiṭṭhānesuyeva teneva niyāmena pokkharaṇiyo māpesi.
нану жзд̇аа абаг̇ад̇агалалагад̣̇д̣̇амаа, гат̇амзд̇т̇а бад̣̇умаани бубпим̣сууд̇и? со гира д̇аасу богкаран̣ийсу д̇ад̇т̇а д̇ад̇т̇а суван̣н̣араж̇ад̇аман̣ибаваал̣амаяаа куд̣̇д̣̇аганаавааяо маабзд̇ваа ‘‘зд̇аа галалагад̣̇д̣̇амабуурид̇аа жа хонд̇у, бан̃жаван̣н̣аани жзд̇т̇а бад̣̇умаани бубпанд̇уу’’д̇и ад̇хидтааси. звам̣ бан̃жаван̣н̣аани бад̣̇умаани бубпим̣су, рзн̣уваддияо уг̇г̇анд̇ваа уд̣̇агабидтам̣ аж̇жход̇т̇арид̇ваа вижаранд̇и. бан̃жавид̇хаа бхамараг̇ан̣аа убагууж̇анд̇аа вижаранд̇и. звам̣ д̇аа маабзд̇ваа виссагаммо д̣̇звабурамзва г̇ад̇о. д̇ад̇о вибхаад̇ааяа рад̇д̇ияаа махааж̇ано д̣̇исваа ‘‘махаабуриссасса маабид̇аа бхависсанд̇ий’’д̇и г̇анд̇ваа ран̃н̃о аарожзси. рааж̇аа махааж̇анабаривааро г̇анд̇ваа богкаран̣ияо д̣̇исваа ‘‘мама буд̇д̇асса бун̃н̃ид̣̇д̇хияаа д̣̇звад̇аахи маабид̇аа бхависсанд̇ий’’д̇и ад̇д̇амано ахоси. д̇ад̇о бадтааяа махаабурисо уд̣̇агагийл̣игам̣ аг̇амааси.
Nanu cetā apagatakalalakaddamā, kathamettha padumāni pupphiṃsūti? So kira tāsu pokkharaṇīsu tattha tattha suvaṇṇarajatamaṇipavāḷamayā khuddakanāvāyo māpetvā ‘‘etā kalalakaddamapūritā ca hontu, pañcavaṇṇāni cettha padumāni pupphantū’’ti adhiṭṭhāsi. Evaṃ pañcavaṇṇāni padumāni pupphiṃsu, reṇuvaṭṭiyo uggantvā udakapiṭṭhaṃ ajjhottharitvā vicaranti. Pañcavidhā bhamaragaṇā upakūjantā vicaranti. Evaṃ tā māpetvā vissakammo devapurameva gato. Tato vibhātāya rattiyā mahājano disvā ‘‘mahāpurissassa māpitā bhavissantī’’ti gantvā rañño ārocesi. Rājā mahājanaparivāro gantvā pokkharaṇiyo disvā ‘‘mama puttassa puññiddhiyā devatāhi māpitā bhavissantī’’ti attamano ahosi. Tato paṭṭhāya mahāpuriso udakakīḷikaṃ agamāsi.
яаавад̣̇зва мамад̇т̇ааяаад̇и зд̇т̇а яаавад̣̇зваад̇и баяож̇анаавад̇хинияаамаважанам̣, яаава мамзва ад̇т̇ааяа, над̇т̇зд̇т̇а ан̃н̃ам̣ гааран̣анд̇и ад̇т̇о. на ко банассааханд̇и на ко банасса ахам̣. агаасигам̣ жанд̣̇ананд̇и асан̣хам̣ жанд̣̇анам̣. гаасигам̣, бхигкавз, су мз д̇ам̣ взтананд̇и, бхигкавз, взтанамби мз гаасигам̣ ход̇и. зд̇т̇а хи суид̇и жа д̇анд̇и жа нибаад̇амад̇д̇ам̣, мзд̇и саамиважанам̣. взтанамби мз сан̣хамзва ход̇ийд̇и д̣̇ассзд̇и. гаасигаа ган̃жугаад̇и баарубанаган̃жугоби сан̣хаган̃жугова. сзд̇ажчад̇д̇ам̣ д̇хаарийяад̇ийд̇и маанусагасзд̇ажчад̇д̇амби д̣̇иб̣б̣асзд̇ажчад̇д̇амби убарид̇хаарид̇амзва ход̇и. маа нам̣ пуси сийд̇ам̣ ваад̇и маа зд̇ам̣ б̣од̇хисад̇д̇ам̣ сийд̇ам̣ ваа ун̣хаад̣̇ийсу ваа ан̃н̃ад̇арам̣ пусад̇ууд̇и ад̇т̇о.
Yāvadeva mamatthāyāti ettha yāvadevāti payojanāvadhiniyāmavacanaṃ, yāva mameva atthāya, natthettha aññaṃ kāraṇanti attho. Na kho panassāhanti na kho panassa ahaṃ. Akāsikaṃ candananti asaṇhaṃ candanaṃ. Kāsikaṃ, bhikkhave, su me taṃ veṭhananti, bhikkhave, veṭhanampi me kāsikaṃ hoti. Ettha hi suiti ca tanti ca nipātamattaṃ, meti sāmivacanaṃ. Veṭhanampi me saṇhameva hotīti dasseti. Kāsikā kañcukāti pārupanakañcukopi saṇhakañcukova. Setacchattaṃ dhārīyatīti mānusakasetacchattampi dibbasetacchattampi uparidhāritameva hoti. Mā naṃ phusi sītaṃ vāti mā etaṃ bodhisattaṃ sītaṃ vā uṇhādīsu vā aññataraṃ phusatūti attho.
д̇аяо баасаад̣̇аа ахзсунд̇и б̣од̇хисад̇д̇з гира сол̣асавассуд̣̇д̣̇зсигз ж̇аад̇з суд̣̇д̇ход̣̇анамахаарааж̇аа ‘‘буд̇д̇асса васанагабаасаад̣̇з гаарзссаамий’’д̇и вад̣дхагино саннибаад̇аабзд̇ваа бхад̣̇д̣̇агзна нагкад̇д̇амухуд̇д̇зна навабхуумигад̇абаригаммам̣ гаарзд̇ваа д̇аяо баасаад̣̇з гаараабзси. д̇з санд̇хааязд̇ам̣ вуд̇д̇ам̣. хзманд̇игод̇иаад̣̇ийсу яад̇т̇а сукам̣ хзманд̇з васид̇ум̣, аяам̣ хзманд̇иго. ид̇арзсуби зсзва наяо. аяам̣ банзд̇т̇а важанад̇т̇о – хзманд̇з ваасо хзманд̇ам̣, хзманд̇ам̣ арахад̇ийд̇и хзманд̇иго. ид̇арзсуби зсзва наяо.
Tayopāsādā ahesunti bodhisatte kira soḷasavassuddesike jāte suddhodanamahārājā ‘‘puttassa vasanakapāsāde kāressāmī’’ti vaḍḍhakino sannipātāpetvā bhaddakena nakkhattamuhuttena navabhūmikataparikammaṃ kāretvā tayo pāsāde kārāpesi. Te sandhāyetaṃ vuttaṃ. Hemantikotiādīsu yattha sukhaṃ hemante vasituṃ, ayaṃ hemantiko. Itaresupi eseva nayo. Ayaṃ panettha vacanattho – hemante vāso hemantaṃ, hemantaṃ arahatīti hemantiko. Itaresupi eseva nayo.
д̇ад̇т̇а хзманд̇иго баасаад̣̇о навабхуумаго ахоси, бхуумияо банасса ун̣хауд̇уг̇г̇аахаабанад̇т̇ааяа нийжаа ахзсум̣. д̇ад̇т̇а д̣̇ваараваад̇абаанаани супусид̇агаваадаани ахзсум̣ ниб̣б̣ивараани. жид̇д̇агаммамби гаронд̇аа д̇ад̇т̇а д̇ад̇т̇а баж̇ж̇алид̇з аг̇г̇игканд̇хзязва агам̣су. бхуумад̇т̇аран̣ам̣ банзд̇т̇а гамб̣аламаяам̣, д̇ат̇аа саан̣ивид̇аананиваасанабаарубанавзтанаани. ваад̇абаанаани ун̣хаг̇г̇аахаабанад̇т̇ам̣ д̣̇иваа вивадаани рад̇д̇им̣ бихид̇аани хонд̇и.
Tattha hemantiko pāsādo navabhūmako ahosi, bhūmiyo panassa uṇhautuggāhāpanatthāya nīcā ahesuṃ. Tattha dvāravātapānāni suphusitakavāṭāni ahesuṃ nibbivarāni. Cittakammampi karontā tattha tattha pajjalite aggikkhandheyeva akaṃsu. Bhūmattharaṇaṃ panettha kambalamayaṃ, tathā sāṇivitānanivāsanapārupanaveṭhanāni. Vātapānāni uṇhaggāhāpanatthaṃ divā vivaṭāni rattiṃ pihitāni honti.
г̇имхиго бана бан̃жабхуумаго ахоси. сийд̇ауд̇уг̇г̇аахаабанад̇т̇ам̣ банзд̇т̇а бхуумияо ужжаа асамб̣аад̇хаа ахзсум̣. д̣̇ваараваад̇абаанаани наад̇ипусид̇аани савивараани саж̇аалаани ахзсум̣. жид̇д̇агаммз уббалаани бад̣̇умаани бун̣д̣арийгааниязва агам̣су. бхуумад̇т̇аран̣ам̣ банзд̇т̇а д̣̇угууламаяам̣, д̇ат̇аа саан̣ивид̇аананиваасанабаарубанавзтанаани. ваад̇абаанасамийбзсу жзд̇т̇а нава жаадияо табзд̇ваа уд̣̇агасса буурзд̇ваа нийлуббалаад̣̇ийхи сан̃чаад̣̇знд̇и. д̇зсу д̇зсу бад̣̇зсзсу уд̣̇агаяанд̇аани гаронд̇и, язхи д̣̇звз вассанд̇з вияа уд̣̇агад̇хаараа нигкаманд̇и. анд̇обаасаад̣̇з д̇ад̇т̇а д̇ад̇т̇а галалабуураа д̣̇он̣ияо табзд̇ваа бан̃жаван̣н̣аани бад̣̇умаани робаяим̣су. баасаад̣̇амад̇т̇агз сугкамахим̣сажаммам̣ б̣анд̇хид̇ваа яанд̇ам̣ баривад̇д̇зд̇ваа яаава чад̣̇анабидтияаа баасаан̣з ааробзд̇ваа д̇асмим̣ виссаж̇ж̇знд̇и. д̇зсам̣ жаммз бавадданд̇аанам̣ сад̣̇д̣̇о мзгхаг̇аж̇ж̇ид̇ам̣ вияа ход̇и. д̣̇ваараваад̇абаанаани банзд̇т̇а д̣̇иваа бихид̇аани хонд̇и рад̇д̇им̣ вивадаани.
Gimhiko pana pañcabhūmako ahosi. Sītautuggāhāpanatthaṃ panettha bhūmiyo uccā asambādhā ahesuṃ. Dvāravātapānāni nātiphusitāni savivarāni sajālāni ahesuṃ. Cittakamme uppalāni padumāni puṇḍarīkāniyeva akaṃsu. Bhūmattharaṇaṃ panettha dukūlamayaṃ, tathā sāṇivitānanivāsanapārupanaveṭhanāni. Vātapānasamīpesu cettha nava cāṭiyo ṭhapetvā udakassa pūretvā nīluppalādīhi sañchādenti. Tesu tesu padesesu udakayantāni karonti, yehi deve vassante viya udakadhārā nikkhamanti. Antopāsāde tattha tattha kalalapūrā doṇiyo ṭhapetvā pañcavaṇṇāni padumāni ropayiṃsu. Pāsādamatthake sukkhamahiṃsacammaṃ bandhitvā yantaṃ parivattetvā yāva chadanapiṭṭhiyā pāsāṇe āropetvā tasmiṃ vissajjenti. Tesaṃ camme pavaṭṭantānaṃ saddo meghagajjitaṃ viya hoti. Dvāravātapānāni panettha divā pihitāni honti rattiṃ vivaṭāni.
вассиго сад̇д̇абхуумаго ахоси. бхуумияо банзд̇т̇а д̣̇виннамби уд̇уунам̣ г̇аахаабанад̇т̇ааяа наад̇иужжаа наад̇инийжаа агам̣су. згажжаани д̣̇ваараваад̇абаанаани супусид̇аани, згажжаани савивараани. д̇ад̇т̇а жид̇д̇агаммамби гзсужи таанзсу баж̇ж̇алид̇ааг̇г̇игканд̇хавасзна, гзсужи ж̇аад̇ассаравасзна гад̇ам̣. бхуумад̇т̇аран̣аад̣̇ийни банзд̇т̇а гамб̣алад̣̇угуулавасзна убхаяамиссагаани. згажжз д̣̇ваараваад̇абаанаа рад̇д̇им̣ вивадаа д̣̇иваа бихид̇аа, згажжз д̣̇иваа вивадаа рад̇д̇им̣ бихид̇аа. д̇аяоби баасаад̣̇аа уб̣б̣зд̇хзна самаббамаан̣аа. бхуумигаасу бана наанад̇д̇ам̣ ахоси.
Vassiko sattabhūmako ahosi. Bhūmiyo panettha dvinnampi utūnaṃ gāhāpanatthāya nātiuccā nātinīcā akaṃsu. Ekaccāni dvāravātapānāni suphusitāni, ekaccāni savivarāni. Tattha cittakammampi kesuci ṭhānesu pajjalitaaggikkhandhavasena, kesuci jātassaravasena kataṃ. Bhūmattharaṇādīni panettha kambaladukūlavasena ubhayamissakāni. Ekacce dvāravātapānā rattiṃ vivaṭā divā pihitā, ekacce divā vivaṭā rattiṃ pihitā. Tayopi pāsādā ubbedhena samappamāṇā. Bhūmikāsu pana nānattaṃ ahosi.
звам̣ нидтид̇зсу баасаад̣̇зсу рааж̇аа жинд̇зси – ‘‘буд̇д̇о мз ваяаббад̇д̇о, чад̇д̇амасса уссаабзд̇ваа раж̇ж̇асирим̣ бассиссаамий’’д̇и. со саагияаанам̣ бан̣н̣аани бахин̣и – ‘‘буд̇д̇о мз ваяаббад̇д̇о, раж̇ж̇з нам̣ бад̇идтаабзссаами, саб̣б̣з ад̇д̇ано ад̇д̇ано г̇зхзсу ваяаббад̇д̇аа, д̣̇ааригаа имам̣ г̇зхам̣ бзсзнд̇уу’’д̇и. д̇з саасанам̣ суд̇ваа – ‘‘гумааро гзвалам̣ д̣̇ассанагкамо руубасамбанно, на гин̃жи сиббам̣ ж̇аанаад̇и, д̣̇аарабхаран̣ам̣ гаад̇ум̣ на сагкиссад̇и, на маяам̣ д̇хийд̇аро д̣̇ассаамаа’’д̇и аахам̣су. рааж̇аа д̇ам̣ бавад̇д̇им̣ суд̇ваа буд̇д̇асса санд̇игам̣ г̇анд̇ваа аарожзси. б̣од̇хисад̇д̇о ‘‘гим̣ сиббам̣ д̣̇ассзд̇ум̣ ваддад̇и, д̇аад̇аа’’д̇и ааха. сахассат̇аамад̇ханум̣ ааробзд̇ум̣ ваддад̇и, д̇аад̇аад̇и. д̇зна хи аахараабзт̇аад̇и. рааж̇аа аахараабзд̇ваа ад̣̇ааси. д̇ханум̣ бурисасахассам̣ ааробзд̇и, бурисасахассам̣ оробзд̇и. махаабурисо д̇ханум̣ аахараабзд̇ваа баллан̇гз нисиннова ж̇ияам̣ баад̣̇ан̇г̇удтагз взтзд̇ваа гад̣дханд̇о баад̣̇ан̇г̇удтагзнзва д̇ханум̣ ааробзд̇ваа ваамзна хад̇т̇зна д̣̇ан̣д̣з г̇ахзд̇ваа д̣̇агкин̣зна хад̇т̇зна гад̣дхид̇ваа ж̇ияам̣ бот̇зси. сагаланаг̇арам̣ уббад̇анаагаараббад̇д̇ам̣ ахоси. ‘‘гим̣ сад̣̇д̣̇о зсо’’д̇и жа вуд̇д̇з ‘‘д̣̇зво г̇аж̇ж̇ад̇ий’’д̇и аахам̣су. ат̇ан̃н̃з ‘‘д̇умхз на ж̇аанаат̇а, на д̣̇зво г̇аж̇ж̇ад̇и, ан̇г̇ийрасасса гумаарасса сахассат̇аамад̇ханум̣ ааробзд̇ваа ж̇ияам̣ бот̇знд̇асса ж̇ияаббахаарасад̣̇д̣̇о зсо’’д̇и аахам̣су. саагияаа д̇аавад̇агзнзва аарад̣̇д̇хажид̇д̇аа ахзсум̣.
Evaṃ niṭṭhitesu pāsādesu rājā cintesi – ‘‘putto me vayappatto, chattamassa ussāpetvā rajjasiriṃ passissāmī’’ti. So sākiyānaṃ paṇṇāni pahiṇi – ‘‘putto me vayappatto, rajje naṃ patiṭṭhāpessāmi, sabbe attano attano gehesu vayappattā, dārikā imaṃ gehaṃ pesentū’’ti. Te sāsanaṃ sutvā – ‘‘kumāro kevalaṃ dassanakkhamo rūpasampanno, na kiñci sippaṃ jānāti, dārabharaṇaṃ kātuṃ na sakkhissati, na mayaṃ dhītaro dassāmā’’ti āhaṃsu. Rājā taṃ pavattiṃ sutvā puttassa santikaṃ gantvā ārocesi. Bodhisatto ‘‘kiṃ sippaṃ dassetuṃ vaṭṭati, tātā’’ti āha. Sahassathāmadhanuṃ āropetuṃ vaṭṭati, tātāti. Tena hi āharāpethāti. Rājā āharāpetvā adāsi. Dhanuṃ purisasahassaṃ āropeti, purisasahassaṃ oropeti. Mahāpuriso dhanuṃ āharāpetvā pallaṅke nisinnova jiyaṃ pādaṅguṭṭhake veṭhetvā kaḍḍhanto pādaṅguṭṭhakeneva dhanuṃ āropetvā vāmena hatthena daṇḍe gahetvā dakkhiṇena hatthena kaḍḍhitvā jiyaṃ pothesi. Sakalanagaraṃ uppatanākārappattaṃ ahosi. ‘‘Kiṃ saddo eso’’ti ca vutte ‘‘devo gajjatī’’ti āhaṃsu. Athaññe ‘‘tumhe na jānātha, na devo gajjati, aṅgīrasassa kumārassa sahassathāmadhanuṃ āropetvā jiyaṃ pothentassa jiyappahārasaddo eso’’ti āhaṃsu. Sākiyā tāvatakeneva āraddhacittā ahesuṃ.
махаабурисо ‘‘ан̃н̃ам̣ гим̣ гаад̇ум̣ ваддад̇ий’’д̇и ааха. адтан̇г̇уламад̇д̇аб̣ахалам̣ аяобаддам̣ ган̣д̣зна винивиж̇жхид̇ум̣ ваддад̇ийд̇и. д̇ам̣ винивиж̇жхид̇ваа ‘‘ан̃н̃ам̣ гим̣ гаад̇ум̣ ваддад̇ий’’д̇и ааха. жад̇уран̇г̇улаб̣ахалам̣ асанапалагам̣ винивиж̇жхид̇ум̣ ваддад̇ийд̇и. д̇ам̣ винивиж̇жхид̇ваа ‘‘ан̃н̃ам̣ гим̣ гаад̇ум̣ ваддад̇ий’’д̇и ааха. вид̣̇ад̇т̇иб̣ахалам̣ уд̣̇умб̣арапалагам̣ винивиж̇жхид̇ум̣ ваддад̇ийд̇и. д̇ам̣ винивиж̇жхид̇ваа ‘‘ан̃н̃ам̣ гим̣ гаад̇ум̣ ваддад̇ий’’д̇и. яанд̇з б̣ад̣̇д̇хам̣ палагасад̇ам̣ винивиж̇жхид̇ум̣ ваддад̇ийд̇и. д̇ам̣ винивиж̇жхид̇ваа ‘‘ан̃н̃ам̣ гим̣ гаад̇ум̣ ваддад̇ий’’д̇и ааха. садтибадалам̣ сугкамахим̣сажаммам̣ винивиж̇жхид̇ум̣ ваддад̇ийд̇и. д̇амби винивиж̇жхид̇ваа ‘‘ан̃н̃ам̣ гим̣ гаад̇ум̣ ваддад̇ий’’д̇и ааха. д̇ад̇о ваалигасагадаад̣̇ийни аажигким̣су. махаасад̇д̇о ваалигасагадамби балааласагадамби винивиж̇жхид̇ваа уд̣̇агз згусабхаббамаан̣ам̣ ган̣д̣ам̣ бзсзси, т̇алз адтаусабхаббамаан̣ам̣. ат̇а нам̣ ‘‘ид̣̇аани ваад̇ин̇г̇ан̣асан̃н̃ааяа ваалам̣ виж̇жхид̇ум̣ ваддад̇ий’’д̇и аахам̣су. д̇зна хи б̣анд̇хаабзт̇аад̇и. сад̣̇д̣̇анд̇арз б̣аж̇жхад̇у, д̇аад̇аад̇и. бурад̇о г̇ажчанд̇у, г̇аавуд̇анд̇арз б̣анд̇ханд̇ууд̇и. бурад̇о г̇ажчанд̇у, ад̣̇д̇хаяож̇анз б̣анд̇ханд̇ууд̇и . бурад̇о г̇ажчанд̇у яож̇анз б̣анд̇ханд̇ууд̇и. б̣анд̇хаабзт̇а, д̇аад̇аад̇и яож̇анамад̇т̇агз ваад̇ин̇г̇ан̣асан̃н̃ааяа ваалам̣ б̣анд̇хаабзд̇ваа рад̇д̇анд̇хагаарз мзгхабадалажчаннаасу д̣̇исаасу ган̣д̣ам̣ киби, д̇ам̣ г̇анд̇ваа яож̇анамад̇т̇агз ваалам̣ паалзд̇ваа бат̇авим̣ баависи. на гзвалан̃жа зд̇д̇агамзва, д̇ам̣ д̣̇ивасам̣ бана махаасад̇д̇о логз вад̇д̇амаанасиббам̣ саб̣б̣амзва санд̣̇ассзси. сагяарааж̇аано ад̇д̇ано ад̇д̇ано д̇хийд̇аро алан̇гарид̇ваа бзсаяим̣су, жад̇д̇аалийсасахассанаадагид̇т̇ияо ахзсум̣. махаабурисо д̇ийсу баасаад̣̇зсу д̣̇зво ман̃н̃з барижаарзнд̇о махаасамбад̇д̇им̣ анубхавад̇и.
Mahāpuriso ‘‘aññaṃ kiṃ kātuṃ vaṭṭatī’’ti āha. Aṭṭhaṅgulamattabahalaṃ ayopaṭṭaṃ kaṇḍena vinivijjhituṃ vaṭṭatīti. Taṃ vinivijjhitvā ‘‘aññaṃ kiṃ kātuṃ vaṭṭatī’’ti āha. Caturaṅgulabahalaṃ asanaphalakaṃ vinivijjhituṃ vaṭṭatīti. Taṃ vinivijjhitvā ‘‘aññaṃ kiṃ kātuṃ vaṭṭatī’’ti āha. Vidatthibahalaṃ udumbaraphalakaṃ vinivijjhituṃ vaṭṭatīti. Taṃ vinivijjhitvā ‘‘aññaṃ kiṃ kātuṃ vaṭṭatī’’ti. Yante baddhaṃ phalakasataṃ vinivijjhituṃ vaṭṭatīti. Taṃ vinivijjhitvā ‘‘aññaṃ kiṃ kātuṃ vaṭṭatī’’ti āha. Saṭṭhipaṭalaṃ sukkhamahiṃsacammaṃ vinivijjhituṃ vaṭṭatīti. Tampi vinivijjhitvā ‘‘aññaṃ kiṃ kātuṃ vaṭṭatī’’ti āha. Tato vālikasakaṭādīni ācikkhiṃsu. Mahāsatto vālikasakaṭampi palālasakaṭampi vinivijjhitvā udake ekusabhappamāṇaṃ kaṇḍaṃ pesesi, thale aṭṭhausabhappamāṇaṃ. Atha naṃ ‘‘idāni vātiṅgaṇasaññāya vālaṃ vijjhituṃ vaṭṭatī’’ti āhaṃsu. Tena hi bandhāpethāti. Saddantare bajjhatu, tātāti. Purato gacchantu, gāvutantare bandhantūti. Purato gacchantu, addhayojane bandhantūti . Purato gacchantu yojane bandhantūti. Bandhāpetha, tātāti yojanamatthake vātiṅgaṇasaññāya vālaṃ bandhāpetvā rattandhakāre meghapaṭalacchannāsu disāsu kaṇḍaṃ khipi, taṃ gantvā yojanamatthake vālaṃ phāletvā pathaviṃ pāvisi. Na kevalañca ettakameva, taṃ divasaṃ pana mahāsatto loke vattamānasippaṃ sabbameva sandassesi. Sakyarājāno attano attano dhītaro alaṅkaritvā pesayiṃsu, cattālīsasahassanāṭakitthiyo ahesuṃ. Mahāpuriso tīsu pāsādesu devo maññe paricārento mahāsampattiṃ anubhavati.
ниббурисзхийд̇и бурисавирахид̇зхи. на гзвалам̣ жзд̇т̇а д̇уурияаанзва ниббурисаани, саб̣б̣адтаанааниби ниббурисаанзва. д̣̇овааригааби ид̇т̇ияова, нхаабанаад̣̇ибаригаммагарааби ид̇т̇ияова . рааж̇аа гира ‘‘д̇ат̇ааруубам̣ иссарияасукасамбад̇д̇им̣ анубхавамаанасса бурисам̣ д̣̇исваа барисан̇гаа уббаж̇ж̇ад̇и, саа мз буд̇д̇асса маа ахосий’’д̇и саб̣б̣агижжзсу ид̇т̇ияова табзси. барижаараяамаанод̇и мод̣̇амаано. на хздтаабаасаад̣̇ам̣ орохаамийд̇и баасаад̣̇ад̇о хздтаа на од̇араами. ид̇и мам̣ жад̇д̇ааро маасз ан̃н̃о сикааб̣ад̣̇д̇хо бурисо наама бассид̇ум̣ наалад̇т̇а. яат̇аад̇и язна нияаамзна. д̣̇аасагаммагараборисассаад̇и д̣̇аасаанан̃жзва д̣̇звасигабхад̇д̇авзд̇анаабхад̇аанам̣ гаммагараанан̃жа ниссааяа ж̇ийвамаанабурисаанан̃жа. ган̣ааж̇аганд̇и сагун̣д̣агабхад̇д̇ам̣. б̣илан̇г̇ад̣̇уд̇ияанд̇и ган̃ж̇игад̣̇уд̇ияам̣.
Nippurisehīti purisavirahitehi. Na kevalaṃ cettha tūriyāneva nippurisāni, sabbaṭṭhānānipi nippurisāneva. Dovārikāpi itthiyova, nhāpanādiparikammakarāpi itthiyova . Rājā kira ‘‘tathārūpaṃ issariyasukhasampattiṃ anubhavamānassa purisaṃ disvā parisaṅkā uppajjati, sā me puttassa mā ahosī’’ti sabbakiccesu itthiyova ṭhapesi. Paricārayamānoti modamāno. Na heṭṭhāpāsādaṃ orohāmīti pāsādato heṭṭhā na otarāmi. Iti maṃ cattāro māse añño sikhābaddho puriso nāma passituṃ nālattha. Yathāti yena niyāmena. Dāsakammakaraporisassāti dāsānañceva devasikabhattavetanābhatānaṃ kammakarānañca nissāya jīvamānapurisānañca. Kaṇājakanti sakuṇḍakabhattaṃ. Bilaṅgadutiyanti kañjikadutiyaṃ.
зваруубааяа ид̣̇д̇хияаад̇и звам̣ж̇аад̇игааяа бун̃н̃ид̣̇д̇хияаа саманнааг̇ад̇асса. зваруубзна жа сукумаалзнаад̇и звам̣ж̇аад̇игзна жа нид̣̇д̣̇угкабхаавзна. сокумаалзнаад̇иби баато. звам̣ д̇ат̇ааг̇ад̇о зд̇д̇агзна таанзна ад̇д̇ано сирисамбад̇д̇им̣ гат̇зси. гат̇знд̇о жа на уббилаавид̇абхаавад̇т̇ам̣ гат̇зси, ‘‘зваруубааяаби бана самбад̇д̇ияаа тид̇о бамаад̣̇ам̣ агад̇ваа аббамад̇д̇ова ахоси’’нд̇и аббамаад̣̇алагкан̣ассзва д̣̇ийбанад̇т̇ам̣ гат̇зси. д̇знзва ассуд̇аваа ко бут̇уж̇ж̇анод̇иаад̣̇имааха. д̇ад̇т̇а баранд̇и барабуг̇г̇алам̣. ж̇ин̣н̣анд̇и ж̇арааж̇ин̣н̣ам̣. аддийяад̇ийд̇и аддо бийл̣ид̇о ход̇и. харааяад̇ийд̇и хирим̣ гарод̇и лаж̇ж̇ад̇и. ж̇иг̇ужчад̇ийд̇и асужим̣ вияа д̣̇исваа ж̇иг̇ужчам̣ уббаад̣̇зд̇и. ад̇д̇аанам̣язва ад̇исид̇ваад̇и ж̇араад̇хаммамби самаанам̣ ад̇д̇аанам̣ ад̇иггамид̇ваа аддийяад̇и харааяад̇ийд̇и ад̇т̇о. ж̇араад̇хаммод̇и ж̇араасабхааво. ж̇арам̣ анад̇ийд̇од̇и ж̇арам̣ анад̇игганд̇о, анд̇о ж̇арааяа вад̇д̇аами. ид̇и бадисан̃жигкад̇од̇и звам̣ бажжавзгканд̇асса. яоб̣б̣анамад̣̇од̇и яоб̣б̣анам̣ ниссааяа уббаж̇ж̇анаго маанамад̣̇о. саб̣б̣асо бахийяийд̇и саб̣б̣аагаарзна бахийно. маг̇г̇зна бахийнасад̣̇исо гад̇ваа д̣̇ассид̇о. на банзса маг̇г̇зна бахийно, бадисан̇каанзна бахийнова гат̇ид̇од̇и взд̣̇ид̇аб̣б̣о. б̣од̇хисад̇д̇асса хи д̣̇звад̇аа ж̇араабад̇д̇ам̣ д̣̇ассзсум̣. д̇ад̇о бадтааяа яаава арахад̇д̇аа анд̇араа махаасад̇д̇асса яоб̣б̣анамад̣̇о наама на уббаж̇ж̇ад̇и. сзсабад̣̇ад̣̇ваязби зсзва наяо. зд̇т̇а бана аарог̇яамад̣̇од̇и ахам̣ нирог̇од̇и аарог̇яам̣ ниссааяа уббаж̇ж̇анаго маанамад̣̇о. ж̇ийвид̇амад̣̇од̇и ахам̣ жирам̣ ж̇ийвийд̇и д̇ам̣ ниссааяа уббаж̇ж̇анаго маанамад̣̇о. сигкам̣ бажжагкааяаад̇и сигкам̣ бадигкибид̇ваа. хийнааяаавад̇д̇ад̇ийд̇и хийнааяа лаамагааяа г̇ихибхаавааяа аавад̇д̇ад̇и.
Evarūpāya iddhiyāti evaṃjātikāya puññiddhiyā samannāgatassa. Evarūpena ca sukhumālenāti evaṃjātikena ca niddukkhabhāvena. Sokhumālenātipi pāṭho. Evaṃ tathāgato ettakena ṭhānena attano sirisampattiṃ kathesi. Kathento ca na uppilāvitabhāvatthaṃ kathesi, ‘‘evarūpāyapi pana sampattiyā ṭhito pamādaṃ akatvā appamattova ahosi’’nti appamādalakkhaṇasseva dīpanatthaṃ kathesi. Teneva assutavā kho puthujjanotiādimāha. Tattha paranti parapuggalaṃ. Jiṇṇanti jarājiṇṇaṃ. Aṭṭīyatīti aṭṭo pīḷito hoti. Harāyatīti hiriṃ karoti lajjati. Jigucchatīti asuciṃ viya disvā jigucchaṃ uppādeti. Attānaṃyeva atisitvāti jarādhammampi samānaṃ attānaṃ atikkamitvā aṭṭīyati harāyatīti attho. Jarādhammoti jarāsabhāvo. Jaraṃ anatītoti jaraṃ anatikkanto, anto jarāya vattāmi. Iti paṭisañcikkhatoti evaṃ paccavekkhantassa. Yobbanamadoti yobbanaṃ nissāya uppajjanako mānamado. Sabbasopahīyīti sabbākārena pahīno. Maggena pahīnasadiso katvā dassito. Na panesa maggena pahīno, paṭisaṅkhānena pahīnova kathitoti veditabbo. Bodhisattassa hi devatā jarāpattaṃ dassesuṃ. Tato paṭṭhāya yāva arahattā antarā mahāsattassa yobbanamado nāma na uppajjati. Sesapadadvayepi eseva nayo. Ettha pana ārogyamadoti ahaṃ nirogoti ārogyaṃ nissāya uppajjanako mānamado. Jīvitamadoti ahaṃ ciraṃ jīvīti taṃ nissāya uppajjanako mānamado. Sikkhaṃ paccakkhāyāti sikkhaṃ paṭikkhipitvā. Hīnāyāvattatīti hīnāya lāmakāya gihibhāvāya āvattati.
яат̇аад̇хаммаад̇и б̣яаад̇хиаад̣̇ийхи яат̇аасабхааваа. д̇ат̇аасанд̇аад̇и яат̇аа санд̇аа зва авибарийд̇аб̣яаад̇хиаад̣̇исабхааваава худ̇ваад̇и ад̇т̇о. ж̇иг̇ужчанд̇ийд̇и барабуг̇г̇алам̣ ж̇иг̇ужчанд̇и. мама звам̣ вихааринод̇и маяхам̣ звам̣ ж̇иг̇ужчаавихаарзна вихаранд̇асса звам̣ ж̇иг̇ужчанам̣ наббад̇ируубам̣ бхавзяяа наанужчавигам̣. сохам̣ звам̣ вихаранд̇од̇и со ахам̣ звам̣ барам̣ ж̇иг̇ужчамаано вихаранд̇о, звам̣ ваа иминаа бадисан̇каанавихаарзна вихаранд̇о. н̃ад̇ваа д̇хаммам̣ нируубад̇хинд̇и саб̣б̣уубад̇хивирахид̇ам̣ ниб̣б̣аанад̇хаммам̣ н̃ад̇ваа. саб̣б̣з мад̣̇з абхибхосмийд̇и саб̣б̣з д̇аяоби мад̣̇з абхибхавим̣ самад̇иггамим̣. нзгкаммз д̣̇адту кзмад̇анд̇и ниб̣б̣аанз кзмабхаавам̣ д̣̇исваа. нзгкаммам̣ д̣̇адту кзмад̇од̇иби баато, ниб̣б̣аанам̣ кзмад̇о д̣̇исваад̇и ад̇т̇о. д̇асса мз аху уссааход̇и д̇асса маяхам̣ д̇ам̣ нзгкаммасан̇каад̇ам̣ ниб̣б̣аанам̣ абхибассанд̇асса уссаахо аху, вааяаамо ахосийд̇и ад̇т̇о. наахам̣ бхаб̣б̣о зд̇арахи, гаамаани бадисзвид̇унд̇и ахам̣ д̣̇аани д̣̇увид̇хзби гаамз бадисзвид̇ум̣ абхаб̣б̣о. анивад̇д̇и бхависсаамийд̇и баб̣б̣аж̇ж̇ад̇о жа саб̣б̣ан̃н̃уд̇ан̃н̃аан̣ад̇о жа на нивад̇д̇иссаами, анивад̇д̇аго бхависсаами. б̣рахмажарияабарааяан̣од̇и маг̇г̇аб̣рахмажарияабарааяан̣о ж̇аад̇осмийд̇и ад̇т̇о. ид̇и имаахи г̇аат̇аахи махааб̣од̇хибаллан̇гз ад̇д̇ано ааг̇аманийяавийрияам̣ гат̇зси.
Yathādhammāti byādhiādīhi yathāsabhāvā. Tathāsantāti yathā santā eva aviparītabyādhiādisabhāvāva hutvāti attho. Jigucchantīti parapuggalaṃ jigucchanti. Mama evaṃ vihārinoti mayhaṃ evaṃ jigucchāvihārena viharantassa evaṃ jigucchanaṃ nappatirūpaṃ bhaveyya nānucchavikaṃ. Sohaṃ evaṃ viharantoti so ahaṃ evaṃ paraṃ jigucchamāno viharanto, evaṃ vā iminā paṭisaṅkhānavihārena viharanto. Ñatvā dhammaṃ nirūpadhinti sabbūpadhivirahitaṃ nibbānadhammaṃ ñatvā. Sabbe made abhibhosmīti sabbe tayopi made abhibhaviṃ samatikkamiṃ. Nekkhamme daṭṭhu khematanti nibbāne khemabhāvaṃ disvā. Nekkhammaṃ daṭṭhu khematotipi pāṭho, nibbānaṃ khemato disvāti attho. Tassame ahu ussāhoti tassa mayhaṃ taṃ nekkhammasaṅkhātaṃ nibbānaṃ abhipassantassa ussāho ahu, vāyāmo ahosīti attho. Nāhaṃbhabbo etarahi, kāmāni paṭisevitunti ahaṃ dāni duvidhepi kāme paṭisevituṃ abhabbo. Anivatti bhavissāmīti pabbajjato ca sabbaññutaññāṇato ca na nivattissāmi, anivattako bhavissāmi. Brahmacariyaparāyaṇoti maggabrahmacariyaparāyaṇo jātosmīti attho. Iti imāhi gāthāhi mahābodhipallaṅke attano āgamanīyavīriyaṃ kathesi.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 9. сукумааласуд̇д̇ам̣ • 9. Sukhumālasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 9. сукумааласуд̇д̇аван̣н̣анаа • 9. Sukhumālasuttavaṇṇanā
