| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
9. сукумааласуд̇д̇аван̣н̣анаа
9. Sukhumālasuttavaṇṇanā
39. навамз нид̣̇д̣̇угкод̇и гааяигажзд̇асигад̣̇угкавирахид̇о. сад̣̇угкз хи савигхаад̇з сукумаалад̇д̇аа анавасараа, д̇асмаа сукид̇о нид̣̇д̣̇угкад̇ааяа сукумаало наама. яаавасса сукумаалад̇д̇аа барамуггам̣саг̇ад̇аад̇и ааха ‘‘барамасукумаало’’д̇и. ад̇ивияа сукумаалод̇и ад̇т̇о. анд̇амад̇ийд̇ам̣ ажжанд̇ам̣. саб̣б̣ад̣̇аа сукумаалод̇и ааха ‘‘сад̇ад̇анид̣̇д̣̇угко’’д̇и. жарияагаалзд̇и б̣од̇хижарияааяа жаран̣агаалз. д̇знаад̇и б̣од̇хисад̇д̇зна. ан̃н̃ад̇т̇а бана бад̣̇уманд̇и рад̇д̇ам̣ гамалам̣. бун̣д̣арийганд̇и сзд̇ам̣ вужжад̇и. ид̇араад̇и ид̇арабогкаран̣ияо. ‘‘б̣од̇хисад̇д̇асса гираа’’д̇иаад̣̇игам̣ богкаран̣ийнам̣ уббад̇д̇ид̣̇ассанам̣. гуд̣̇д̣̇аалагаммагаарзд̇и кан̣агз. богкаран̣идтаанаанийд̇и богкаран̣икан̣анаяог̇г̇адтаанаани. г̇ан̣хаабзсийд̇и кан̣аабзси. богкаран̣исад̣̇д̣̇о жзд̇т̇а д̇аад̣̇исз ж̇алаасаяз нирул̣хо д̣̇адтаб̣б̣о бан̇гаж̇аад̣̇исад̣̇д̣̇аа вияа. собаанаб̣аахугаанам̣ мад̇т̇агадтаанам̣ ун̣хийсанд̇и ад̇хиббзд̇ам̣. уд̣̇агасзжананаал̣игаад̇и уд̣̇агажчадаависсаж̇ж̇ананаал̣ияанд̇аани. бан̃жавид̇хаад̇и ван̣н̣авасзна ж̇аад̇ивасзна жа.
39. Navame niddukkhoti kāyikacetasikadukkhavirahito. Sadukkhe hi savighāte sukhumālattā anavasarā, tasmā sukhito niddukkhatāya sukhumālo nāma. Yāvassa sukhumālattā paramukkaṃsagatāti āha ‘‘paramasukhumālo’’ti. Ativiya sukhumāloti attho. Antamatītaṃ accantaṃ. Sabbadā sukhumāloti āha ‘‘satataniddukkho’’ti. Cariyakāleti bodhicariyāya caraṇakāle. Tenāti bodhisattena. Aññattha pana padumanti rattaṃ kamalaṃ. Puṇḍarīkanti setaṃ vuccati. Itarāti itarapokkharaṇiyo. ‘‘Bodhisattassa kirā’’tiādikaṃ pokkharaṇīnaṃ uppattidassanaṃ. Kuddālakammakāreti khaṇake. Pokkharaṇiṭṭhānānīti pokkharaṇikhaṇanayoggaṭṭhānāni. Gaṇhāpesīti khaṇāpesi. Pokkharaṇisaddo cettha tādise jalāsaye niruḷho daṭṭhabbo paṅkajādisaddā viya. Sopānabāhukānaṃ matthakaṭṭhānaṃ uṇhīsanti adhippetaṃ. Udakasecananāḷikāti udakacchaṭāvissajjananāḷiyantāni. Pañcavidhāti vaṇṇavasena jātivasena ca.
ко банассаад̇и нибаад̇амад̇д̇ам̣. гаасига-сад̣̇д̣̇о ад̇ивияа сан̣хз сукумз махаг̇гхавад̇т̇з нирул̣хо, ан̃н̃асмимби д̇ат̇ааж̇аад̇игз рул̣хивасзна бавад̇д̇ад̇ийд̇и д̣̇адтаб̣б̣ам̣. д̇знааха ‘‘агаасигам̣ жанд̣̇ана’’нд̇и. хзманд̇з ваасо хзманд̇ам̣, хзманд̇ам̣ арахад̇ийд̇и хзманд̇иго, баасаад̣̇о. ‘‘ид̇арзсуби зсзва наяо’’д̇и вад̇ваа д̇ад̣̇зва нзсам̣ арахад̇ам̣ д̣̇ассзд̇ум̣ ‘‘д̇ад̇т̇а хзманд̇иго’’д̇иаад̣̇и вуд̇д̇ам̣. саж̇аалаанийд̇и саж̇аалаваад̇абаанаани, уд̣̇агаяанд̇аанийд̇и уд̣̇агад̇хаараависсанд̣̇анагаяанд̇аани. баасаад̣̇амад̇т̇агзд̇и баасаад̣̇асса убариаагаасад̇алз. б̣анд̇хид̇ваад̇и баяож̇ид̇аяанд̇з сугкамахим̣сажаммам̣ б̣анд̇хид̇ваа. яанд̇ам̣ баривад̇д̇зд̇ваад̇и яат̇аабаяож̇ид̇ам̣ яанд̇ам̣ баасаан̣ааробанад̇т̇ан̃жзва буна д̇зсам̣ виссаж̇ж̇анад̇т̇ан̃жа баривад̇д̇зд̇ваа. д̇асмим̣ виссаж̇ж̇знд̇ийд̇и чад̣̇анабидтз б̣ад̣̇д̇хасугкамахим̣сажаммз виссаж̇ж̇знд̇и.
Kho panassāti nipātamattaṃ. Kāsika-saddo ativiya saṇhe sukhume mahagghavatthe niruḷho, aññasmimpi tathājātike ruḷhivasena pavattatīti daṭṭhabbaṃ. Tenāha ‘‘akāsikaṃ candana’’nti. Hemante vāso hemantaṃ, hemantaṃ arahatīti hemantiko, pāsādo. ‘‘Itaresupi eseva nayo’’ti vatvā tadeva nesaṃ arahataṃ dassetuṃ ‘‘tattha hemantiko’’tiādi vuttaṃ. Sajālānīti sajālavātapānāni, udakayantānīti udakadhārāvissandanakayantāni. Pāsādamatthaketi pāsādassa upariākāsatale. Bandhitvāti payojitayante sukkhamahiṃsacammaṃ bandhitvā. Yantaṃ parivattetvāti yathāpayojitaṃ yantaṃ pāsāṇāropanatthañceva puna tesaṃ vissajjanatthañca parivattetvā. Tasmiṃ vissajjentīti chadanapiṭṭhe baddhasukkhamahiṃsacamme vissajjenti.
сахассат̇ааманд̇и бурисасахассаб̣алам̣, бурисасахассзна вахид̇аб̣б̣абхааравахам̣. баллан̇гз нисинноваад̇и рад̇анамаяабаллан̇гз яат̇аанисинно зва. уббад̇анаагаарабад̇д̇анд̇и уббад̇ид̇ваа тид̇ам̣ вияа. ж̇ияам̣ бот̇знд̇ассаад̇и ж̇ияаагхаад̇ам̣ гаронд̇асса. ж̇ияаббахаарасад̣̇д̣̇од̇и ж̇ияаагхаад̇асад̣̇д̣̇о. яанд̇з б̣ад̣̇д̇ханд̇и яанд̇аб̣ад̣̇д̇хам̣ гад̇ваа табид̇ам̣. сад̣̇д̣̇анд̇арзд̇и т̇аамамаж̇жхимасса бурисасса сад̣̇д̣̇асаванадтаанз. г̇аавуд̇асса жад̇уд̇т̇о бхааг̇о госод̇иби вужжад̇и д̣̇висахассад̣̇ан̣д̣аббамаан̣адтаанам̣.
Sahassathāmanti purisasahassabalaṃ, purisasahassena vahitabbabhāravahaṃ. Pallaṅke nisinnovāti ratanamayapallaṅke yathānisinno eva. Uppatanākārapattanti uppatitvā ṭhitaṃ viya. Jiyaṃ pothentassāti jiyāghātaṃ karontassa. Jiyappahārasaddoti jiyāghātasaddo. Yante baddhanti yantabaddhaṃ katvā ṭhapitaṃ. Saddantareti thāmamajjhimassa purisassa saddasavanaṭṭhāne. Gāvutassa catuttho bhāgo kosotipi vuccati dvisahassadaṇḍappamāṇaṭṭhānaṃ.
саб̣б̣адтаанаанийд̇и махаабурисасса д̇аани д̇аани саб̣б̣аани васанадтаанаани. сикааб̣ад̣̇д̇ход̇и бурисасабхаавассзва висзсад̇о д̣̇ассанамзд̇ам̣. на уббилаавид̇абхаавад̇т̇анд̇и уббилаавид̇абхаавасан̇каад̇ам̣ ад̇т̇ам̣ на гат̇зсийд̇и ад̇т̇о. д̇асса хи б̣од̇химуулзязва сзд̇угхаад̇о. д̇знзваад̇и аббамаад̣̇алагкан̣асса д̣̇ийбанад̇о зва. ад̇д̇аанам̣ ад̇иггамид̇ваад̇и ад̇д̇ано ж̇араабад̇д̇им̣ ажинд̇зд̇ваа аддийяад̇и. на банзса маг̇г̇зна бахийно д̇ад̣̇аа маг̇г̇асса анад̇хиг̇ад̇ад̇д̇аа. сигкам̣ бадигкибид̇ваад̇и яат̇аасамаад̣̇иннасигкам̣ бахааяа.
Sabbaṭṭhānānīti mahāpurisassa tāni tāni sabbāni vasanaṭṭhānāni. Sikhābaddhoti purisasabhāvasseva visesato dassanametaṃ. Na uppilāvitabhāvatthanti uppilāvitabhāvasaṅkhātaṃ atthaṃ na kathesīti attho. Tassa hi bodhimūleyeva setughāto. Tenevāti appamādalakkhaṇassa dīpanato eva. Attānaṃ atikkamitvāti attano jarāpattiṃ acintetvā aṭṭīyati. Na panesa maggena pahīno tadā maggassa anadhigatattā. Sikkhaṃ paṭikkhipitvāti yathāsamādinnasikkhaṃ pahāya.
авибарийд̇аб̣яаад̇хиаад̣̇исабхаавааваад̇и зганд̇зна б̣яаад̇хиаад̣̇исабхааваа зва. звам̣ ж̇иг̇ужчаавихаарзнаад̇и звам̣ сагалассзва ваддад̣̇угкасса ж̇иг̇ужчанавихаарзна вихаранд̇асса. звам̣ ж̇иг̇ужчананд̇и звам̣ барасса ж̇иг̇ужчанам̣. барам̣ аж̇иг̇ужчамаанод̇и гарун̣ааяанзна звам̣ барам̣ аж̇иг̇ужчанд̇о. абхибхосмийд̇и абхибхавид̇аа асми. уссаахо ахууд̇и жад̇уран̇г̇асаманнааг̇ад̇ам̣ вийрияамзва жад̇уб̣б̣ид̇хасаммаббад̇хаанавийрияан̃жа ахоси, язна маг̇г̇аб̣рахмажарияабарааяан̣о ж̇аад̇о.
Aviparītabyādhiādisabhāvāvāti ekantena byādhiādisabhāvā eva. Evaṃ jigucchāvihārenāti evaṃ sakalasseva vaṭṭadukkhassa jigucchanavihārena viharantassa. Evaṃ jigucchananti evaṃ parassa jigucchanaṃ. Paraṃ ajigucchamānoti karuṇāyanena evaṃ paraṃ ajigucchanto. Abhibhosmīti abhibhavitā asmi. Ussāho ahūti caturaṅgasamannāgataṃ vīriyameva catubbidhasammappadhānavīriyañca ahosi, yena maggabrahmacariyaparāyaṇo jāto.
сукумааласуд̇д̇аван̣н̣анаа нидтид̇аа.
Sukhumālasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 9. сукумааласуд̇д̇ам̣ • 9. Sukhumālasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 9. сукумааласуд̇д̇аван̣н̣анаа • 9. Sukhumālasuttavaṇṇanā
