| Library / Tipiṭaka / তিপিটক • Tipiṭaka / ইতিৰুত্তকপাল়ি • Itivuttakapāḷi |
৫. সুক্কধম্মসুত্তং
5. Sukkadhammasuttaṃ
৪২. ৰুত্তঞ্হেতং ভগৰতা, ৰুত্তমরহতাতি মে সুতং –
42. Vuttañhetaṃ bhagavatā, vuttamarahatāti me sutaṃ –
‘‘দ্ৰেমে, ভিক্খৰে, সুক্কা ধম্মা লোকং পালেন্তি। কতমে দ্ৰে? হিরী 1 চ, ওত্তপ্পঞ্চ। ইমে চে, ভিক্খৰে, দ্ৰে সুক্কা ধম্মা লোকং ন পালেয্যুং, নযিধ পঞ্ঞাযেথ মাতাতি ৰা মাতুচ্ছাতি ৰা মাতুলানীতি ৰা আচরিযভরিযাতি ৰা গরূনং দারাতি ৰা। সম্ভেদং লোকো অগমিস্স যথা অজেল়কা কুক্কুটসূকরা সোণসিঙ্গালা 2। যস্মা চ খো, ভিক্খৰে, ইমে দ্ৰে সুক্কা ধম্মা লোকং পালেন্তি তস্মা পঞ্ঞাযতি মাতাতি ৰা মাতুচ্ছাতি ৰা মাতুলানীতি ৰা আচরিযভরিযাতি ৰা গরূনং দারাতি ৰা’’তি। এতমত্থং ভগৰা অৰোচ। তত্থেতং ইতি ৰুচ্চতি –
‘‘Dveme, bhikkhave, sukkā dhammā lokaṃ pālenti. Katame dve? Hirī 3 ca, ottappañca. Ime ce, bhikkhave, dve sukkā dhammā lokaṃ na pāleyyuṃ, nayidha paññāyetha mātāti vā mātucchāti vā mātulānīti vā ācariyabhariyāti vā garūnaṃ dārāti vā. Sambhedaṃ loko agamissa yathā ajeḷakā kukkuṭasūkarā soṇasiṅgālā 4. Yasmā ca kho, bhikkhave, ime dve sukkā dhammā lokaṃ pālenti tasmā paññāyati mātāti vā mātucchāti vā mātulānīti vā ācariyabhariyāti vā garūnaṃ dārāti vā’’ti. Etamatthaṃ bhagavā avoca. Tatthetaṃ iti vuccati –
‘‘যেসং চে হিরিওত্তপ্পং, সব্বদা চ ন ৰিজ্জতি।
‘‘Yesaṃ ce hiriottappaṃ, sabbadā ca na vijjati;
ৰোক্কন্তা সুক্কমূলা তে, জাতিমরণগামিনো॥
Vokkantā sukkamūlā te, jātimaraṇagāmino.
‘‘যেসঞ্চ হিরিওত্তপ্পং, সদা সম্মা উপট্ঠিতা।
‘‘Yesañca hiriottappaṃ, sadā sammā upaṭṭhitā;
ৰিরূল়্হব্রহ্মচরিযা তে, সন্তো খীণপুনব্ভৰা’’তি॥
Virūḷhabrahmacariyā te, santo khīṇapunabbhavā’’ti.
অযম্পি অত্থো ৰুত্তো ভগৰতা, ইতি মে সুতন্তি। পঞ্চমং।
Ayampi attho vutto bhagavatā, iti me sutanti. Pañcamaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / ইতিৰুত্তক-অট্ঠকথা • Itivuttaka-aṭṭhakathā / ৫. সুক্কধম্মসুত্তৰণ্ণনা • 5. Sukkadhammasuttavaṇṇanā
