| Library / Tipiṭaka / ਤਿਪਿਟਕ • Tipiṭaka / ਇਤਿવੁਤ੍ਤਕਪਾਲ਼ਿ • Itivuttakapāḷi |
੫. ਸੁਕ੍ਕਧਮ੍ਮਸੁਤ੍ਤਂ
5. Sukkadhammasuttaṃ
੪੨. વੁਤ੍ਤਞ੍ਹੇਤਂ ਭਗવਤਾ, વੁਤ੍ਤਮਰਹਤਾਤਿ ਮੇ ਸੁਤਂ –
42. Vuttañhetaṃ bhagavatā, vuttamarahatāti me sutaṃ –
‘‘ਦ੍વੇਮੇ, ਭਿਕ੍ਖવੇ, ਸੁਕ੍ਕਾ ਧਮ੍ਮਾ ਲੋਕਂ ਪਾਲੇਨ੍ਤਿ। ਕਤਮੇ ਦ੍વੇ? ਹਿਰੀ 1 ਚ, ਓਤ੍ਤਪ੍ਪਞ੍ਚ। ਇਮੇ ਚੇ, ਭਿਕ੍ਖવੇ, ਦ੍વੇ ਸੁਕ੍ਕਾ ਧਮ੍ਮਾ ਲੋਕਂ ਨ ਪਾਲੇਯ੍ਯੁਂ, ਨਯਿਧ ਪਞ੍ਞਾਯੇਥ ਮਾਤਾਤਿ વਾ ਮਾਤੁਚ੍ਛਾਤਿ વਾ ਮਾਤੁਲਾਨੀਤਿ વਾ ਆਚਰਿਯਭਰਿਯਾਤਿ વਾ ਗਰੂਨਂ ਦਾਰਾਤਿ વਾ। ਸਮ੍ਭੇਦਂ ਲੋਕੋ ਅਗਮਿਸ੍ਸ ਯਥਾ ਅਜੇਲ਼ਕਾ ਕੁਕ੍ਕੁਟਸੂਕਰਾ ਸੋਣਸਿਙ੍ਗਾਲਾ 2। ਯਸ੍ਮਾ ਚ ਖੋ, ਭਿਕ੍ਖવੇ, ਇਮੇ ਦ੍વੇ ਸੁਕ੍ਕਾ ਧਮ੍ਮਾ ਲੋਕਂ ਪਾਲੇਨ੍ਤਿ ਤਸ੍ਮਾ ਪਞ੍ਞਾਯਤਿ ਮਾਤਾਤਿ વਾ ਮਾਤੁਚ੍ਛਾਤਿ વਾ ਮਾਤੁਲਾਨੀਤਿ વਾ ਆਚਰਿਯਭਰਿਯਾਤਿ વਾ ਗਰੂਨਂ ਦਾਰਾਤਿ વਾ’’ਤਿ। ਏਤਮਤ੍ਥਂ ਭਗવਾ ਅવੋਚ। ਤਤ੍ਥੇਤਂ ਇਤਿ વੁਚ੍ਚਤਿ –
‘‘Dveme, bhikkhave, sukkā dhammā lokaṃ pālenti. Katame dve? Hirī 3 ca, ottappañca. Ime ce, bhikkhave, dve sukkā dhammā lokaṃ na pāleyyuṃ, nayidha paññāyetha mātāti vā mātucchāti vā mātulānīti vā ācariyabhariyāti vā garūnaṃ dārāti vā. Sambhedaṃ loko agamissa yathā ajeḷakā kukkuṭasūkarā soṇasiṅgālā 4. Yasmā ca kho, bhikkhave, ime dve sukkā dhammā lokaṃ pālenti tasmā paññāyati mātāti vā mātucchāti vā mātulānīti vā ācariyabhariyāti vā garūnaṃ dārāti vā’’ti. Etamatthaṃ bhagavā avoca. Tatthetaṃ iti vuccati –
‘‘ਯੇਸਂ ਚੇ ਹਿਰਿਓਤ੍ਤਪ੍ਪਂ, ਸਬ੍ਬਦਾ ਚ ਨ વਿਜ੍ਜਤਿ।
‘‘Yesaṃ ce hiriottappaṃ, sabbadā ca na vijjati;
વੋਕ੍ਕਨ੍ਤਾ ਸੁਕ੍ਕਮੂਲਾ ਤੇ, ਜਾਤਿਮਰਣਗਾਮਿਨੋ॥
Vokkantā sukkamūlā te, jātimaraṇagāmino.
‘‘ਯੇਸਞ੍ਚ ਹਿਰਿਓਤ੍ਤਪ੍ਪਂ, ਸਦਾ ਸਮ੍ਮਾ ਉਪਟ੍ਠਿਤਾ।
‘‘Yesañca hiriottappaṃ, sadā sammā upaṭṭhitā;
વਿਰੂਲ਼੍ਹਬ੍ਰਹ੍ਮਚਰਿਯਾ ਤੇ, ਸਨ੍ਤੋ ਖੀਣਪੁਨਬ੍ਭવਾ’’ਤਿ॥
Virūḷhabrahmacariyā te, santo khīṇapunabbhavā’’ti.
ਅਯਮ੍ਪਿ ਅਤ੍ਥੋ વੁਤ੍ਤੋ ਭਗવਤਾ, ਇਤਿ ਮੇ ਸੁਤਨ੍ਤਿ। ਪਞ੍ਚਮਂ।
Ayampi attho vutto bhagavatā, iti me sutanti. Pañcamaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਇਤਿવੁਤ੍ਤਕ-ਅਟ੍ਠਕਥਾ • Itivuttaka-aṭṭhakathā / ੫. ਸੁਕ੍ਕਧਮ੍ਮਸੁਤ੍ਤવਣ੍ਣਨਾ • 5. Sukkadhammasuttavaṇṇanā
