| Library / Tipiṭaka / д̇ибидага • Tipiṭaka / ид̇ивуд̇д̇ага-адтагат̇аа • Itivuttaka-aṭṭhakathā |
5. суггад̇хаммасуд̇д̇аван̣н̣анаа
5. Sukkadhammasuttavaṇṇanā
42. бан̃жамз суггаад̇и на ван̣н̣асуггад̇ааяа суггаа, суггабхаавааяа бана барамавод̣̇аанааяа сам̣вад̇д̇анд̇ийд̇и нибпад̇д̇исуггад̇ааяа суггаа. сарасзнаби саб̣б̣з гусалаа д̇хаммаа суггаа зва ган̣хабхаавабадибагкад̇о . д̇зсан̃хи уббад̇д̇ияаа жид̇д̇ам̣ бабхассарам̣ ход̇и барисуд̣̇д̇хам̣. д̇хаммаад̇и гусалаа д̇хаммаа. логанд̇и сад̇д̇алогам̣. баалзнд̇ийд̇и аад̇хаарасанд̇хааран̣зна марияаад̣̇ам̣ табзнд̇аа рагканд̇и. хирий жа од̇д̇аббан̃жаад̇и зд̇т̇а хирияад̇и хирияид̇аб̣б̣зна, хирияанд̇и зд̇знаад̇и ваа хирий. вуд̇д̇амби жзд̇ам̣ ‘‘яам̣ хирияад̇и хирияид̇аб̣б̣зна, хирияад̇и баабагаанам̣ агусалаанам̣ д̇хаммаанам̣ самаабад̇д̇ияаа, аяам̣ вужжад̇и хирий’’д̇и (д̇ха. са. 30). од̇д̇аббад̇и од̇д̇аббид̇аб̣б̣зна, од̇д̇аббанд̇и зд̇знаад̇и ваа од̇д̇аббам̣. вуд̇д̇амбижзд̇ам̣ ‘‘яам̣ од̇д̇аббад̇и од̇д̇аббид̇аб̣б̣зна, од̇д̇аббад̇и баабагаанам̣ агусалаанам̣ д̇хаммаанам̣ самаабад̇д̇ияаа, ид̣̇ам̣ вужжад̇и од̇д̇абба’’нд̇и (д̇ха. са. 31).
42. Pañcame sukkāti na vaṇṇasukkatāya sukkā, sukkabhāvāya pana paramavodānāya saṃvattantīti nipphattisukkatāya sukkā. Sarasenapi sabbe kusalā dhammā sukkā eva kaṇhabhāvapaṭipakkhato . Tesañhi uppattiyā cittaṃ pabhassaraṃ hoti parisuddhaṃ. Dhammāti kusalā dhammā. Lokanti sattalokaṃ. Pālentīti ādhārasandhāraṇena mariyādaṃ ṭhapentā rakkhanti. Hirī ca ottappañcāti ettha hiriyati hiriyitabbena, hiriyanti etenāti vā hirī. Vuttampi cetaṃ ‘‘yaṃ hiriyati hiriyitabbena, hiriyati pāpakānaṃ akusalānaṃ dhammānaṃ samāpattiyā, ayaṃ vuccati hirī’’ti (dha. sa. 30). Ottappati ottappitabbena, ottappanti etenāti vā ottappaṃ. Vuttampicetaṃ ‘‘yaṃ ottappati ottappitabbena, ottappati pāpakānaṃ akusalānaṃ dhammānaṃ samāpattiyā, idaṃ vuccati ottappa’’nti (dha. sa. 31).
д̇ад̇т̇а аж̇жхад̇д̇асамудтаанаа хирий, б̣ахид̣̇д̇хаасамудтаанам̣ од̇д̇аббам̣. ад̇д̇аад̇хибад̇зяяаа хирий, логаад̇хибад̇зяяам̣ од̇д̇аббам̣. лаж̇ж̇аасабхаавасан̣тид̇аа хирий, бхаяасабхаавасан̣тид̇ам̣ од̇д̇аббам̣. саббад̇иссавалагкан̣аа хирий, важ̇ж̇абхийругабхаяад̣̇ассаавилагкан̣ам̣ од̇д̇аббам̣.
Tattha ajjhattasamuṭṭhānā hirī, bahiddhāsamuṭṭhānaṃ ottappaṃ. Attādhipateyyā hirī, lokādhipateyyaṃ ottappaṃ. Lajjāsabhāvasaṇṭhitā hirī, bhayasabhāvasaṇṭhitaṃ ottappaṃ. Sappatissavalakkhaṇā hirī, vajjabhīrukabhayadassāvilakkhaṇaṃ ottappaṃ.
д̇ад̇т̇а аж̇жхад̇д̇асамудтаанам̣ хирим̣ жад̇уухи гааран̣зхи самудтаабзд̇и – ж̇аад̇им̣ бажжавзгкид̇ваа, ваяам̣ бажжавзгкид̇ваа, суурабхаавам̣ бажжавзгкид̇ваа, б̣аахусажжам̣ бажжавзгкид̇ваа. гат̇ам̣? ‘‘баабагаран̣ам̣ наамзд̇ам̣ на ж̇аад̇исамбаннаанам̣ гаммам̣, хийнаж̇ажжаанам̣ гзваддаад̣̇ийнам̣ гаммам̣, маад̣̇исасса ж̇аад̇исамбаннасса ид̣̇ам̣ гаммам̣ гаад̇ум̣ на яуд̇д̇а’’нд̇и звам̣ д̇аава ж̇аад̇им̣ бажжавзгкид̇ваа баан̣аад̇ибаад̇аад̣̇ибаабагаммам̣ агаронд̇о хирим̣ самудтаабзд̇и. д̇ат̇аа ‘‘баабагаран̣ам̣ наамзд̇ам̣ д̣̇ахарзхи гад̇д̇аб̣б̣агаммам̣, маад̣̇исасса ваяз тид̇асса ид̣̇ам̣ гаммам̣ гаад̇ум̣ на яуд̇д̇а’’нд̇и звам̣ ваяам̣ бажжавзгкид̇ваа баан̣аад̇ибаад̇аад̣̇ибаабагаммам̣ агаронд̇о хирим̣ самудтаабзд̇и. д̇ат̇аа ‘‘баабагаран̣ам̣ наамзд̇ам̣ д̣̇уб̣б̣алаж̇аад̇игаанам̣ гаммам̣, маад̣̇исасса суурабхаавасамбаннасса ид̣̇ам̣ гаммам̣ гаад̇ум̣ на яуд̇д̇а’’нд̇и звам̣ суурабхаавам̣ бажжавзгкид̇ваа баан̣аад̇ибаад̇аад̣̇ибаабагаммам̣ агаронд̇о хирим̣ самудтаабзд̇и. д̇ат̇аа ‘‘баабагаран̣ам̣ наамзд̇ам̣ анд̇хаб̣аалаанам̣ гаммам̣, на бан̣д̣ид̇аанам̣, маад̣̇исасса бан̣д̣ид̇асса б̣ахуссуд̇асса ид̣̇ам̣ гаммам̣ гаад̇ум̣ на яуд̇д̇а’’нд̇и звам̣ б̣аахусажжам̣ бажжавзгкид̇ваа баан̣аад̇ибаад̇аад̣̇ибаабагаммам̣ агаронд̇о хирим̣ самудтаабзд̇и. звам̣ аж̇жхад̇д̇асамудтаанам̣ хирим̣ жад̇уухи гааран̣зхи самудтаабзд̇и. самудтаабзд̇ваа жа бана ад̇д̇ано жид̇д̇з хирим̣ бавзсзд̇ваа баабагаммам̣ на гарод̇и. звам̣ хирий аж̇жхад̇д̇асамудтаанаа наама ход̇и.
Tattha ajjhattasamuṭṭhānaṃ hiriṃ catūhi kāraṇehi samuṭṭhāpeti – jātiṃ paccavekkhitvā, vayaṃ paccavekkhitvā, sūrabhāvaṃ paccavekkhitvā, bāhusaccaṃ paccavekkhitvā. Kathaṃ? ‘‘Pāpakaraṇaṃ nāmetaṃ na jātisampannānaṃ kammaṃ, hīnajaccānaṃ kevaṭṭādīnaṃ kammaṃ, mādisassa jātisampannassa idaṃ kammaṃ kātuṃ na yutta’’nti evaṃ tāva jātiṃ paccavekkhitvā pāṇātipātādipāpakammaṃ akaronto hiriṃ samuṭṭhāpeti. Tathā ‘‘pāpakaraṇaṃ nāmetaṃ daharehi kattabbakammaṃ, mādisassa vaye ṭhitassa idaṃ kammaṃ kātuṃ na yutta’’nti evaṃ vayaṃ paccavekkhitvā pāṇātipātādipāpakammaṃ akaronto hiriṃ samuṭṭhāpeti. Tathā ‘‘pāpakaraṇaṃ nāmetaṃ dubbalajātikānaṃ kammaṃ, mādisassa sūrabhāvasampannassa idaṃ kammaṃ kātuṃ na yutta’’nti evaṃ sūrabhāvaṃ paccavekkhitvā pāṇātipātādipāpakammaṃ akaronto hiriṃ samuṭṭhāpeti. Tathā ‘‘pāpakaraṇaṃ nāmetaṃ andhabālānaṃ kammaṃ, na paṇḍitānaṃ, mādisassa paṇḍitassa bahussutassa idaṃ kammaṃ kātuṃ na yutta’’nti evaṃ bāhusaccaṃ paccavekkhitvā pāṇātipātādipāpakammaṃ akaronto hiriṃ samuṭṭhāpeti. Evaṃ ajjhattasamuṭṭhānaṃ hiriṃ catūhi kāraṇehi samuṭṭhāpeti. Samuṭṭhāpetvā ca pana attano citte hiriṃ pavesetvā pāpakammaṃ na karoti. Evaṃ hirī ajjhattasamuṭṭhānā nāma hoti.
гат̇ам̣ од̇д̇аббам̣ б̣ахид̣̇д̇хаасамудтаанам̣ наама? ‘‘сажз д̇вам̣ баабагаммам̣ гариссаси, жад̇уусу барисаасу г̇арахаббад̇д̇о бхависсаси.
Kathaṃ ottappaṃ bahiddhāsamuṭṭhānaṃ nāma? ‘‘Sace tvaṃ pāpakammaṃ karissasi, catūsu parisāsu garahappatto bhavissasi.
‘‘г̇арахиссанд̇и д̇ам̣ вин̃н̃уу, асужим̣ нааг̇ариго яат̇аа;
‘‘Garahissanti taṃ viññū, asuciṃ nāgariko yathā;
важ̇ж̇ид̇о сийлаванд̇зхи, гат̇ам̣ бхигку гариссасий’’д̇и. –
Vajjito sīlavantehi, kathaṃ bhikkhu karissasī’’ti. –
бажжавзгканд̇о хи б̣ахид̣̇д̇хаасамудтид̇зна од̇д̇аббзна баабагаммам̣ на гарод̇и. звам̣ од̇д̇аббам̣ б̣ахид̣̇д̇хаасамудтаанам̣ наама ход̇и.
Paccavekkhanto hi bahiddhāsamuṭṭhitena ottappena pāpakammaṃ na karoti. Evaṃ ottappaṃ bahiddhāsamuṭṭhānaṃ nāma hoti.
гат̇ам̣ хирий ад̇д̇аад̇хибад̇зяяаа наама? ид̇хзгажжо гулабуд̇д̇о ад̇д̇аанам̣ ад̇хибад̇им̣ ж̇здтагам̣ гад̇ваа ‘‘маад̣̇исасса сад̣̇д̇хаабаб̣б̣аж̇ид̇асса б̣ахуссуд̇асса д̇худ̇аваад̣̇исса на яуд̇д̇ам̣ баабагаммам̣ гаад̇у’’нд̇и баабагаммам̣ на гарод̇и. звам̣ хирий ад̇д̇аад̇хибад̇зяяаа наама ход̇и. д̇знааха бхаг̇аваа –
Kathaṃ hirī attādhipateyyā nāma? Idhekacco kulaputto attānaṃ adhipatiṃ jeṭṭhakaṃ katvā ‘‘mādisassa saddhāpabbajitassa bahussutassa dhutavādissa na yuttaṃ pāpakammaṃ kātu’’nti pāpakammaṃ na karoti. Evaṃ hirī attādhipateyyā nāma hoti. Tenāha bhagavā –
‘‘со ад̇д̇аанам̣язва ад̇хибад̇им̣ гарид̇ваа агусалам̣ баж̇ахад̇и, гусалам̣ бхаавзд̇и, сааваж̇ж̇ам̣ баж̇ахад̇и, анаваж̇ж̇ам̣ бхаавзд̇и, суд̣̇д̇хамад̇д̇аанам̣ барихарад̇ий’’д̇и (а. ни. 3.40).
‘‘So attānaṃyeva adhipatiṃ karitvā akusalaṃ pajahati, kusalaṃ bhāveti, sāvajjaṃ pajahati, anavajjaṃ bhāveti, suddhamattānaṃ pariharatī’’ti (a. ni. 3.40).
гат̇ам̣ од̇д̇аббам̣ логаад̇хибад̇зяяам̣ наама? ид̇хзгажжо гулабуд̇д̇о логам̣ ад̇хибад̇им̣ ж̇здтагам̣ гад̇ваа баабагаммам̣ на гарод̇и. яат̇ааха –
Kathaṃ ottappaṃ lokādhipateyyaṃ nāma? Idhekacco kulaputto lokaṃ adhipatiṃ jeṭṭhakaṃ katvā pāpakammaṃ na karoti. Yathāha –
‘‘махаа ко банааяам̣ логасанниваасо. маханд̇асмим̣ ко бана логасанниваасз санд̇и саман̣аб̣раахман̣аа ид̣̇д̇химанд̇о д̣̇иб̣б̣ажагкугаа баражид̇д̇авид̣̇уно , д̇з д̣̇уурад̇оби бассанд̇и, аасаннааби на д̣̇иссанд̇и, жзд̇асааби жид̇д̇ам̣ баж̇аананд̇и, д̇зби мам̣ звам̣ ж̇ааниссанд̇и ‘бассат̇а бхо имам̣ гулабуд̇д̇ам̣, сад̣̇д̇хаа аг̇аарасмаа анаг̇аарияам̣ баб̣б̣аж̇ид̇о самаано вогин̣н̣о вихарад̇и баабагзхи агусалзхи д̇хаммзхий’д̇и. санд̇и д̣̇звад̇аа ид̣̇д̇химанд̇инияо д̣̇иб̣б̣ажагкугаа баражид̇д̇авид̣̇унияо, д̇аа д̣̇уурад̇оби бассанд̇и, аасаннааби на д̣̇иссанд̇и, жзд̇асааби жид̇д̇ам̣ баж̇аананд̇и, д̇ааби мам̣ звам̣ ж̇ааниссанд̇и ‘бассат̇а бхо имам̣, гулабуд̇д̇ам̣, сад̣̇д̇хаа аг̇аарасмаа анаг̇аарияам̣ баб̣б̣аж̇ид̇о самаано вогин̣н̣о вихарад̇и баабагзхи агусалзхи д̇хаммзхий’д̇и. со логам̣язва ад̇хибад̇им̣ гад̇ваа агусалам̣ баж̇ахад̇ий’’д̇и (а. ни. 3.40).
‘‘Mahā kho panāyaṃ lokasannivāso. Mahantasmiṃ kho pana lokasannivāse santi samaṇabrāhmaṇā iddhimanto dibbacakkhukā paracittaviduno , te dūratopi passanti, āsannāpi na dissanti, cetasāpi cittaṃ pajānanti, tepi maṃ evaṃ jānissanti ‘passatha bho imaṃ kulaputtaṃ, saddhā agārasmā anagāriyaṃ pabbajito samāno vokiṇṇo viharati pāpakehi akusalehi dhammehī’ti. Santi devatā iddhimantiniyo dibbacakkhukā paracittaviduniyo, tā dūratopi passanti, āsannāpi na dissanti, cetasāpi cittaṃ pajānanti, tāpi maṃ evaṃ jānissanti ‘passatha bho imaṃ, kulaputtaṃ, saddhā agārasmā anagāriyaṃ pabbajito samāno vokiṇṇo viharati pāpakehi akusalehi dhammehī’ti. So lokaṃyeva adhipatiṃ katvā akusalaṃ pajahatī’’ti (a. ni. 3.40).
звам̣ логаад̇хибад̇зяяам̣ од̇д̇аббам̣.
Evaṃ lokādhipateyyaṃ ottappaṃ.
лаж̇ж̇аасабхаавасан̣тид̇аад̇и зд̇т̇а лаж̇ж̇аад̇и лаж̇ж̇анаагааро, д̇зна сабхаавзна сан̣тид̇аа хирий. бхаяанд̇и абааяабхаяам̣, д̇зна сабхаавзна сан̣тид̇ам̣ од̇д̇аббам̣. д̇ад̣̇убхаяам̣ баабабариваж̇ж̇анз баагадам̣ ход̇и. д̇ад̇т̇а яат̇аа д̣̇вийсу аяог̇ул̣зсу зго сийд̇ало бхавзяяа г̇уут̇амагкид̇о, зго ун̣хо аад̣̇ид̇д̇о. д̇зсу яат̇аа сийд̇алам̣ г̇уут̇амагкид̇ад̇д̇аа ж̇иг̇ужчанд̇о вин̃н̃уж̇аад̇иго на г̇ан̣хаад̇и, ид̇арам̣ д̣̇аахабхаязна, звам̣ бан̣д̣ид̇о лаж̇ж̇ааяа ж̇иг̇ужчанд̇о баабам̣ на гарод̇и, од̇д̇аббзна абааяабхийд̇о баабам̣ на гарод̇и. звам̣ лаж̇ж̇аасабхаавасан̣тид̇аа хирий, бхаяасабхаавасан̣тид̇ам̣ од̇д̇аббам̣.
Lajjāsabhāvasaṇṭhitāti ettha lajjāti lajjanākāro, tena sabhāvena saṇṭhitā hirī. Bhayanti apāyabhayaṃ, tena sabhāvena saṇṭhitaṃ ottappaṃ. Tadubhayaṃ pāpaparivajjane pākaṭaṃ hoti. Tattha yathā dvīsu ayoguḷesu eko sītalo bhaveyya gūthamakkhito, eko uṇho āditto. Tesu yathā sītalaṃ gūthamakkhitattā jigucchanto viññujātiko na gaṇhāti, itaraṃ dāhabhayena, evaṃ paṇḍito lajjāya jigucchanto pāpaṃ na karoti, ottappena apāyabhīto pāpaṃ na karoti. Evaṃ lajjāsabhāvasaṇṭhitā hirī, bhayasabhāvasaṇṭhitaṃ ottappaṃ.
гат̇ам̣ саббад̇иссавалагкан̣аа хирий, важ̇ж̇абхийругабхаяад̣̇ассаавилагкан̣ам̣ од̇д̇аббам̣? згажжо хи ж̇аад̇имахад̇д̇абажжавзгкан̣аа, сад̇т̇умахад̇д̇абажжавзгкан̣аа, д̣̇ааяаж̇ж̇амахад̇д̇абажжавзгкан̣аа, саб̣рахмажааримахад̇д̇абажжавзгкан̣аад̇и жад̇уухи гааран̣зхи д̇ад̇т̇а г̇ааравзна саббад̇иссавалагкан̣ам̣ хирим̣ самудтаабзд̇ваа баабам̣ на гарод̇и, згажжо ад̇д̇аануваад̣̇абхаяам̣, бараануваад̣̇абхаяам̣, д̣̇ан̣д̣абхаяам̣, д̣̇уг̇г̇ад̇ибхаяанд̇и жад̇уухи гааран̣зхи важ̇ж̇ад̇о бхааяанд̇о важ̇ж̇абхийругабхаяад̣̇ассаавилагкан̣ам̣ од̇д̇аббам̣ самудтаабзд̇ваа баабам̣ на гарод̇и. зд̇т̇а жа аж̇жхад̇д̇асамудтаанаад̣̇ид̇аа хирод̇д̇аббаанам̣ д̇ад̇т̇а д̇ад̇т̇а баагадабхаавзна вуд̇д̇аа, на бана нзсам̣ гад̣̇аажи ан̃н̃аман̃н̃авиббаяог̇о. на хи лаж̇ж̇анам̣ ниб̣бхаяам̣, баабабхаяам̣ ваа алаж̇ж̇анам̣ ад̇т̇ийд̇и.
Kathaṃ sappatissavalakkhaṇā hirī, vajjabhīrukabhayadassāvilakkhaṇaṃ ottappaṃ? Ekacco hi jātimahattapaccavekkhaṇā, satthumahattapaccavekkhaṇā, dāyajjamahattapaccavekkhaṇā, sabrahmacārimahattapaccavekkhaṇāti catūhi kāraṇehi tattha gāravena sappatissavalakkhaṇaṃ hiriṃ samuṭṭhāpetvā pāpaṃ na karoti, ekacco attānuvādabhayaṃ, parānuvādabhayaṃ, daṇḍabhayaṃ, duggatibhayanti catūhi kāraṇehi vajjato bhāyanto vajjabhīrukabhayadassāvilakkhaṇaṃ ottappaṃ samuṭṭhāpetvā pāpaṃ na karoti. Ettha ca ajjhattasamuṭṭhānāditā hirottappānaṃ tattha tattha pākaṭabhāvena vuttā, na pana nesaṃ kadāci aññamaññavippayogo. Na hi lajjanaṃ nibbhayaṃ, pāpabhayaṃ vā alajjanaṃ atthīti.
имз жз, бхигкавз, д̣̇вз суггаа д̇хаммаа логам̣ на баалзяяунд̇и бхигкавз, имз д̣̇вз анаваж̇ж̇ад̇хаммаа яад̣̇и логам̣ на рагкзяяум̣, логабаалагаа яад̣̇и на бхавзяяум̣. наяид̇ха бан̃н̃ааязт̇а маад̇аад̇и ид̇ха имасмим̣ логз ж̇анигаа маад̇аа ‘‘аяам̣ мз маад̇аа’’д̇и г̇аружид̇д̇ийгааравасзна на бан̃н̃ааязт̇а, ‘‘аяам̣ маад̇аа’’д̇и на лаб̣бхзяяа. сзсабад̣̇зсуби зсзва наяо. маад̇ужчаад̇и маад̇убхаг̇иний. маад̇улаанийд̇и маад̇улабхарияаа. г̇аруунанд̇и махаабид̇ужуул̣абид̇уж̇здтабхаад̇уаад̣̇ийнам̣ г̇арудтаанияаанам̣. самбхзд̣̇анд̇и сан̇гарам̣, марияаад̣̇абхзд̣̇ам̣ ваа. яат̇аа аж̇зл̣агаад̇иаад̣̇ийхи убамам̣ д̣̇ассзд̇и. зд̇з хи сад̇д̇аа ‘‘аяам̣ мз маад̇аа’’д̇и ваа ‘‘маад̇ужчаа’’д̇и ваа г̇аружид̇д̇ийгааравасзна на ж̇аананд̇и, яам̣ вад̇т̇ум̣ ниссааяа уббаннаа, д̇ад̇т̇аби виббадибаж̇ж̇анд̇и. д̇асмаа убамам̣ аахаранд̇о аж̇зл̣агаад̣̇аяо аахари. аяан̃хзд̇т̇а сан̇кзбад̇т̇о – яат̇аа аж̇зл̣агаад̣̇аяо д̇иражчаанаа хирод̇д̇аббарахид̇аа маад̇аад̣̇исан̃н̃ам̣ агад̇ваа бхиннамарияаад̣̇аа саб̣б̣ад̇т̇а самбхзд̣̇зна вад̇д̇анд̇и, звамаяам̣ мануссалого яад̣̇и логабаалагад̇хаммаа на бхавзяяум̣, саб̣б̣ад̇т̇а самбхзд̣̇зна вад̇д̇зяяа. яасмаа банимз логабаалагад̇хаммаа логам̣ баалзнд̇и, д̇асмаа над̇т̇и самбхзд̣̇од̇и.
Imece, bhikkhave, dve sukkā dhammā lokaṃ na pāleyyunti bhikkhave, ime dve anavajjadhammā yadi lokaṃ na rakkheyyuṃ, lokapālakā yadi na bhaveyyuṃ. Nayidha paññāyetha mātāti idha imasmiṃ loke janikā mātā ‘‘ayaṃ me mātā’’ti garucittīkāravasena na paññāyetha, ‘‘ayaṃ mātā’’ti na labbheyya. Sesapadesupi eseva nayo. Mātucchāti mātubhaginī. Mātulānīti mātulabhariyā. Garūnanti mahāpitucūḷapitujeṭṭhabhātuādīnaṃ garuṭṭhāniyānaṃ. Sambhedanti saṅkaraṃ, mariyādabhedaṃ vā. Yathā ajeḷakātiādīhi upamaṃ dasseti. Ete hi sattā ‘‘ayaṃ me mātā’’ti vā ‘‘mātucchā’’ti vā garucittīkāravasena na jānanti, yaṃ vatthuṃ nissāya uppannā, tatthapi vippaṭipajjanti. Tasmā upamaṃ āharanto ajeḷakādayo āhari. Ayañhettha saṅkhepattho – yathā ajeḷakādayo tiracchānā hirottapparahitā mātādisaññaṃ akatvā bhinnamariyādā sabbattha sambhedena vattanti, evamayaṃ manussaloko yadi lokapālakadhammā na bhaveyyuṃ, sabbattha sambhedena vatteyya. Yasmā panime lokapālakadhammā lokaṃ pālenti, tasmā natthi sambhedoti.
г̇аат̇аасу язсам̣ жз хириод̇д̇аббанд̇и жзд̇и нибаад̇амад̇д̇ам̣. язсам̣ сад̇д̇аанам̣ хирий жа од̇д̇аббан̃жа саб̣б̣ад̣̇аава саб̣б̣агааламзва на виж̇ж̇ад̇и на убалаб̣бхад̇и. вогганд̇аа суггамуулаа д̇зд̇и д̇з сад̇д̇аа гусаламуулабажчзд̣̇аавахассааби гаммасса гаран̣ад̇о гусалагаммаанам̣ бад̇идтаанабхууд̇аанам̣ хирод̇д̇аббаанамзва ваа абхаавад̇о гусалад̇о воггамид̇ваа, абасаггид̇ваа, тид̇ад̇д̇аа вогганд̇аа суггамуулаа, бунаббунам̣ ж̇ааяанамийяанасабхаавад̇д̇аа ж̇аад̇имаран̣аг̇аамино сам̣саарам̣ наад̇ивад̇д̇анд̇ийд̇и ад̇т̇о.
Gāthāsu yesaṃ ce hiriottappanti ceti nipātamattaṃ. Yesaṃ sattānaṃ hirī ca ottappañca sabbadāva sabbakālameva na vijjati na upalabbhati. Vokkantā sukkamūlā teti te sattā kusalamūlapacchedāvahassāpi kammassa karaṇato kusalakammānaṃ patiṭṭhānabhūtānaṃ hirottappānameva vā abhāvato kusalato vokkamitvā, apasakkitvā, ṭhitattā vokkantā sukkamūlā, punappunaṃ jāyanamīyanasabhāvattā jātimaraṇagāmino saṃsāraṃ nātivattantīti attho.
язсан̃жа хириод̇д̇аббанд̇и язсам̣ бана барисуд̣̇д̇хамад̇ийнам̣ сад̇д̇аанам̣ хирий жа од̇д̇аббан̃жаад̇и имз д̇хаммаа сад̣̇аа саб̣б̣агаалам̣ рад̇д̇инд̣̇ивам̣ навамаж̇жхимад̇т̇зрагаалзсу саммаа убаг̇амма тид̇аа баабаа ж̇иг̇ужчанд̇аа бхааяанд̇аа д̇ад̣̇ан̇г̇аад̣̇ивасзна баабам̣ баж̇аханд̇аа. вируул̣хаб̣рахмажарияаад̇и саасанаб̣рахмажарияз маг̇г̇аб̣рахмажарияз жа вируул̣хам̣ аабаннаа, аг̇г̇амаг̇г̇аад̇хиг̇амзна саб̣б̣асо санд̇агилзсад̇ааяа санд̇аг̇ун̣ад̇ааяа ваа санд̇о, бунаб̣бхавасса кзбид̇ад̇д̇аа кийн̣абунаб̣бхаваа хонд̇ийд̇и.
Yesañca hiriottappanti yesaṃ pana parisuddhamatīnaṃ sattānaṃ hirī ca ottappañcāti ime dhammā sadā sabbakālaṃ rattindivaṃ navamajjhimattherakālesu sammā upagamma ṭhitā pāpā jigucchantā bhāyantā tadaṅgādivasena pāpaṃ pajahantā. Virūḷhabrahmacariyāti sāsanabrahmacariye maggabrahmacariye ca virūḷhaṃ āpannā, aggamaggādhigamena sabbaso santakilesatāya santaguṇatāya vā santo, punabbhavassa khepitattā khīṇapunabbhavā hontīti.
бан̃жамасуд̇д̇аван̣н̣анаа нидтид̇аа.
Pañcamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ид̇ивуд̇д̇агабаал̣и • Itivuttakapāḷi / 5. суггад̇хаммасуд̇д̇ам̣ • 5. Sukkadhammasuttaṃ
