| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
8. суггасуд̇д̇аван̣н̣анаа
8. Sukkasuttavaṇṇanā
8. адтамз ‘‘суггам̣ вад̇т̇а’’нд̇иаад̣̇ийсу вияа на ван̣н̣асуггад̇ааяа д̇хаммаанам̣ суггад̇аа, ат̇а ко суггаабхиж̇аад̇ихзд̇уд̇о бабхассарабхаавагаран̣ад̇о жаад̇и д̣̇ассзнд̇о ‘‘на ван̣н̣асуггад̇ааяаа’’д̇иаад̣̇имааха. суггад̇ааяаад̇и суггаабхиж̇аад̇ид̇ааяа. хирий баабад̇хаммз г̇уут̇ам̣ вияа бассанд̇ий ж̇иг̇ужчад̇ийд̇и ааха ‘‘баабад̇о ж̇иг̇ужчаналагкан̣аа хирий’’д̇и. од̇д̇аббам̣ д̇з ун̣хам̣ вияа бассанд̇ам̣ д̇ад̇о бхааяад̇ийд̇и вуд̇д̇ам̣ ‘‘бхааяаналагкан̣ам̣ од̇абба’’нд̇и. ид̣̇ан̃жа хирод̇д̇аббам̣ ан̃н̃аман̃н̃авиббаяог̇ий баабад̇о вимукабхууд̇ан̃жа, д̇асмаа нзсам̣ ид̣̇ам̣ наанаагаран̣ам̣ – аж̇жхад̇д̇асамудтаанаа хирий, б̣ахид̣̇д̇хаасамудтаанам̣ од̇д̇аббам̣. ад̇д̇аад̇хибад̇и хирий, логаад̇хибад̇и од̇аббам̣. лаж̇ж̇аасабхаавасан̣тид̇аа хирий, бхаяасабхаавасан̣тид̇ам̣ од̇д̇аббам̣. саббад̇иссавалагкан̣аа хирий, важ̇ж̇абхийругабхаяад̣̇ассаавилагкан̣ам̣ од̇д̇аббанд̇и.
8. Aṭṭhame ‘‘sukkaṃ vattha’’ntiādīsu viya na vaṇṇasukkatāya dhammānaṃ sukkatā, atha kho sukkābhijātihetuto pabhassarabhāvakaraṇato cāti dassento ‘‘na vaṇṇasukkatāyā’’tiādimāha. Sukkatāyāti sukkābhijātitāya. Hirī pāpadhamme gūthaṃ viya passantī jigucchatīti āha ‘‘pāpato jigucchanalakkhaṇā hirī’’ti. Ottappaṃ te uṇhaṃ viya passantaṃ tato bhāyatīti vuttaṃ ‘‘bhāyanalakkhaṇaṃ otappa’’nti. Idañca hirottappaṃ aññamaññavippayogī pāpato vimukhabhūtañca, tasmā nesaṃ idaṃ nānākaraṇaṃ – ajjhattasamuṭṭhānā hirī, bahiddhāsamuṭṭhānaṃ ottappaṃ. Attādhipati hirī, lokādhipati otappaṃ. Lajjāsabhāvasaṇṭhitā hirī, bhayasabhāvasaṇṭhitaṃ ottappaṃ. Sappatissavalakkhaṇā hirī, vajjabhīrukabhayadassāvilakkhaṇaṃ ottappanti.
д̇ад̇т̇а аж̇жхад̇д̇асамудтаанам̣ хирим̣ жад̇уухи гааран̣зхи самудтаабзд̇и ж̇аад̇им̣ бажжавзгкид̇ваа, ваяам̣, суурабхаавам̣, б̣аахусажжам̣ бажжавзгкид̇ваа. гат̇ам̣? ‘‘баабагаран̣ам̣ наамзд̇ам̣ на ж̇аад̇исамбаннаанам̣ гаммам̣, хийнаж̇ажжаанам̣ гзваддаад̣̇ийнам̣ гаммам̣, маад̣̇исасса ж̇аад̇исамбаннасса ид̣̇ам̣ гаад̇ум̣ на яуд̇д̇а’’нд̇и звам̣ д̇аава ж̇аад̇им̣ бажжавзгкид̇ваа баабам̣ агаронд̇о хирим̣ самудтаабзд̇и. д̇ат̇аа ‘‘баабагаран̣ам̣ наамзд̇ам̣ д̣̇ахарзхи гад̇д̇аб̣б̣ам̣ гаммам̣, маад̣̇исасса ваяз тид̇асса ид̣̇ам̣ гаад̇ум̣ на яуд̇д̇а’’нд̇и звам̣ ваяам̣ бажжавзгкид̇ваа баабам̣ агаронд̇о хирим̣ самудтаабзд̇и. д̇ат̇аа ‘‘баабагаран̣ам̣ наамзд̇ам̣ д̣̇уб̣б̣алаж̇аад̇игаанам̣ гаммам̣, маад̣̇исасса суурабхаавасамбаннасса ид̣̇ам̣ гаад̇ум̣ на яуд̇д̇а’’нд̇и звам̣ суурабхаавам̣ бажжавзгкид̇ваа баабам̣ агаронд̇о хирим̣ самудтаабзд̇и. д̇ат̇аа ‘‘баабагаммам̣ наамзд̇ам̣ анд̇хаб̣аалаанам̣ гаммам̣, на бан̣д̣ид̇аанам̣, маад̣̇исасса бан̣д̣ид̇асса б̣ахуссуд̇асса ид̣̇ам̣ гаад̇ум̣ на яуд̇д̇а’’нд̇и звам̣ б̣аахусажжам̣ бажжавзгкид̇ваа баабам̣ агаронд̇о хирим̣ самудтаабзд̇и. звам̣ аж̇жхад̇д̇асамудтаанам̣ хирим̣ жад̇уухи гааран̣зхи самудтаабзд̇и, самудтаабзнд̇о жа хирим̣ ниссааяа баабагаммам̣ на гарод̇и.
Tattha ajjhattasamuṭṭhānaṃ hiriṃ catūhi kāraṇehi samuṭṭhāpeti jātiṃ paccavekkhitvā, vayaṃ, sūrabhāvaṃ, bāhusaccaṃ paccavekkhitvā. Kathaṃ? ‘‘Pāpakaraṇaṃ nāmetaṃ na jātisampannānaṃ kammaṃ, hīnajaccānaṃ kevaṭṭādīnaṃ kammaṃ, mādisassa jātisampannassa idaṃ kātuṃ na yutta’’nti evaṃ tāva jātiṃ paccavekkhitvā pāpaṃ akaronto hiriṃ samuṭṭhāpeti. Tathā ‘‘pāpakaraṇaṃ nāmetaṃ daharehi kattabbaṃ kammaṃ, mādisassa vaye ṭhitassa idaṃ kātuṃ na yutta’’nti evaṃ vayaṃ paccavekkhitvā pāpaṃ akaronto hiriṃ samuṭṭhāpeti. Tathā ‘‘pāpakaraṇaṃ nāmetaṃ dubbalajātikānaṃ kammaṃ, mādisassa sūrabhāvasampannassa idaṃ kātuṃ na yutta’’nti evaṃ sūrabhāvaṃ paccavekkhitvā pāpaṃ akaronto hiriṃ samuṭṭhāpeti. Tathā ‘‘pāpakammaṃ nāmetaṃ andhabālānaṃ kammaṃ, na paṇḍitānaṃ, mādisassa paṇḍitassa bahussutassa idaṃ kātuṃ na yutta’’nti evaṃ bāhusaccaṃ paccavekkhitvā pāpaṃ akaronto hiriṃ samuṭṭhāpeti. Evaṃ ajjhattasamuṭṭhānaṃ hiriṃ catūhi kāraṇehi samuṭṭhāpeti, samuṭṭhāpento ca hiriṃ nissāya pāpakammaṃ na karoti.
гат̇ам̣ б̣ахид̣̇д̇хаасамудтаанам̣ од̇д̇аббам̣? ‘‘сажз д̇вам̣ баабагаммам̣ гариссаси, жад̇уусу барисаасу г̇арахаббад̇д̇о бхависсаси, д̇ад̇о д̇ам̣ сийлаванд̇о саб̣рахмажаарий виваж̇ж̇иссанд̇ий’’д̇и бажжавзгкид̇ваа б̣ахид̣̇д̇хаасамудтаанам̣ од̇д̇аббам̣ ниссааяа баабагаммам̣ на гарод̇и. звам̣ б̣ахид̣̇д̇хаасамудтаанам̣ од̇д̇аббам̣.
Kathaṃ bahiddhāsamuṭṭhānaṃ ottappaṃ? ‘‘Sace tvaṃ pāpakammaṃ karissasi, catūsu parisāsu garahappatto bhavissasi, tato taṃ sīlavanto sabrahmacārī vivajjissantī’’ti paccavekkhitvā bahiddhāsamuṭṭhānaṃ ottappaṃ nissāya pāpakammaṃ na karoti. Evaṃ bahiddhāsamuṭṭhānaṃ ottappaṃ.
гат̇ам̣ ад̇д̇аад̇хибад̇и хирий? ид̇хзгажжо гулабуд̇д̇о ад̇д̇аанам̣ ад̇хибад̇им̣ ж̇здтагам̣ гад̇ваа ‘‘маад̣̇исасса сад̣̇д̇хаабаб̣б̣аж̇ид̇асса б̣ахуссуд̇асса д̇худ̇ад̇харасса на яуд̇д̇ам̣ баабагаммам̣ гаад̇у’’нд̇и баабам̣ на гарод̇и. звам̣ ад̇д̇аад̇хибад̇и хирий. д̇знааха бхаг̇аваа ‘‘со ад̇д̇аанам̣язва ад̇хибад̇им̣ гарид̇ваа агусалам̣ баж̇ахад̇и, гусалам̣ бхаавзд̇и, сааваж̇ж̇ам̣ баж̇ахад̇и, анаваж̇ж̇ам̣ бхаавзд̇и, суд̣̇д̇хам̣ ад̇д̇аанам̣ барихарад̇ий’’д̇и (а. ни. 3.40).
Kathaṃ attādhipati hirī? Idhekacco kulaputto attānaṃ adhipatiṃ jeṭṭhakaṃ katvā ‘‘mādisassa saddhāpabbajitassa bahussutassa dhutadharassa na yuttaṃ pāpakammaṃ kātu’’nti pāpaṃ na karoti. Evaṃ attādhipati hirī. Tenāha bhagavā ‘‘so attānaṃyeva adhipatiṃ karitvā akusalaṃ pajahati, kusalaṃ bhāveti, sāvajjaṃ pajahati, anavajjaṃ bhāveti, suddhaṃ attānaṃ pariharatī’’ti (a. ni. 3.40).
гат̇ам̣ логаад̇хибад̇и од̇д̇аббам̣? ид̇хзгажжо гулабуд̇д̇о логам̣ ад̇хибад̇им̣ ж̇здтагам̣ гад̇ваа ‘‘сажз ко д̇вам̣ баабагаммам̣ гарзяяааси, саб̣рахмажаарино д̇аава д̇ам̣ ж̇ааниссанд̇и, махид̣̇д̇хигаа махаанубхааваа логз жа саман̣аб̣раахман̣аа д̣̇звад̇аа жа, д̇асмаа д̇з на яуд̇д̇ам̣ баабам̣ гаад̇у’’нд̇и баабагаммам̣ на гарод̇и. яат̇ааха – ‘‘махаа ко банааяам̣ логасанниваасо, маханд̇асмим̣ ко бана логасанниваасз санд̇и саман̣аб̣раахман̣аа ид̣̇д̇химанд̇о д̣̇иб̣б̣ажагкугаа баражид̇д̇авид̣̇уно. д̇з д̣̇уурад̇оби бассанд̇и, аасаннааби на д̣̇иссанд̇и, жзд̇асааби жид̇д̇ам̣ ж̇аананд̇и, д̇зби мам̣ звам̣ ж̇ааниссанд̇и ‘бассат̇а, бхо, имам̣ гулабуд̇д̇ам̣, сад̣̇д̇хаа аг̇аарасмаа анаг̇аарияам̣ баб̣б̣аж̇ид̇о самаано вогин̣н̣о вихарад̇и баабагзхи агусалзхи д̇хаммзхий’д̇и. санд̇и д̣̇звад̇аа ид̣̇д̇химанд̇инияо д̣̇иб̣б̣ажагкугаа баражид̇д̇авид̣̇унияо, д̇аа д̣̇уурад̇оби бассанд̇и, аасаннааби на д̣̇иссанд̇и, жзд̇асааби жид̇д̇ам̣ ж̇аананд̇и, д̇ааби мам̣ ж̇ааниссанд̇и ‘бассат̇а, бхо, имам̣ гулабуд̇д̇ам̣, сад̣̇д̇хаа аг̇аарасмаа анаг̇аарияам̣ баб̣б̣аж̇ид̇о самаано вогин̣н̣о вихарад̇и баабагзхи агусалзхи д̇хаммзхий’д̇и…бз… со логам̣язва ад̇хибад̇им̣ гарид̇ваа агусалам̣…бз… барихарад̇ий’’д̇и. звам̣ логаад̇хибад̇и од̇д̇аббам̣.
Kathaṃ lokādhipati ottappaṃ? Idhekacco kulaputto lokaṃ adhipatiṃ jeṭṭhakaṃ katvā ‘‘sace kho tvaṃ pāpakammaṃ kareyyāsi, sabrahmacārino tāva taṃ jānissanti, mahiddhikā mahānubhāvā loke ca samaṇabrāhmaṇā devatā ca, tasmā te na yuttaṃ pāpaṃ kātu’’nti pāpakammaṃ na karoti. Yathāha – ‘‘mahā kho panāyaṃ lokasannivāso, mahantasmiṃ kho pana lokasannivāse santi samaṇabrāhmaṇā iddhimanto dibbacakkhukā paracittaviduno. Te dūratopi passanti, āsannāpi na dissanti, cetasāpi cittaṃ jānanti, tepi maṃ evaṃ jānissanti ‘passatha, bho, imaṃ kulaputtaṃ, saddhā agārasmā anagāriyaṃ pabbajito samāno vokiṇṇo viharati pāpakehi akusalehi dhammehī’ti. Santi devatā iddhimantiniyo dibbacakkhukā paracittaviduniyo, tā dūratopi passanti, āsannāpi na dissanti, cetasāpi cittaṃ jānanti, tāpi maṃ jānissanti ‘passatha, bho, imaṃ kulaputtaṃ, saddhā agārasmā anagāriyaṃ pabbajito samāno vokiṇṇo viharati pāpakehi akusalehi dhammehī’ti…pe… so lokaṃyeva adhipatiṃ karitvā akusalaṃ…pe… pariharatī’’ti. Evaṃ lokādhipati ottappaṃ.
лаж̇ж̇аасабхаавасан̣тид̇аад̇и зд̇т̇а лаж̇ж̇аад̇и лаж̇ж̇анаагааро, д̇зна сабхаавзна сан̣тид̇аа хирий. бхаяанд̇и абааяабхаяам̣, д̇зна сабхаавзна сан̣тид̇ам̣ од̇д̇аббам̣. д̇ад̣̇убхаяам̣ баабабариваж̇ж̇анз баагадам̣ ход̇и. д̇ад̇т̇а яат̇аа д̣̇вийсу аяог̇ул̣зсу зго сийд̇ало бхавзяяа г̇уут̇амагкид̇о, зго ун̣хо аад̣̇ид̇д̇о. д̇зсу яат̇аа сийд̇алам̣ г̇уут̇амагкид̇ад̇д̇аа ж̇иг̇ужчанд̇о вин̃н̃уж̇аад̇иго на г̇ан̣хаад̇и, ид̇арам̣ д̣аахабхаязна. звам̣ бан̣д̣ид̇о лаж̇ж̇ааяа ж̇иг̇ужчанд̇о баабам̣ на гарод̇и, од̇д̇аббзна абааяабхаяабхийд̇о баабам̣ на гарод̇и, звам̣ лаж̇ж̇аасабхаавасан̣тид̇аа хирий, бхаяасабхаавасан̣тид̇ам̣ од̇д̇аббам̣.
Lajjāsabhāvasaṇṭhitāti ettha lajjāti lajjanākāro, tena sabhāvena saṇṭhitā hirī. Bhayanti apāyabhayaṃ, tena sabhāvena saṇṭhitaṃ ottappaṃ. Tadubhayaṃ pāpaparivajjane pākaṭaṃ hoti. Tattha yathā dvīsu ayoguḷesu eko sītalo bhaveyya gūthamakkhito, eko uṇho āditto. Tesu yathā sītalaṃ gūthamakkhitattā jigucchanto viññujātiko na gaṇhāti, itaraṃ ḍāhabhayena. Evaṃ paṇḍito lajjāya jigucchanto pāpaṃ na karoti, ottappena apāyabhayabhīto pāpaṃ na karoti, evaṃ lajjāsabhāvasaṇṭhitā hirī, bhayasabhāvasaṇṭhitaṃ ottappaṃ.
гат̇ам̣ саббад̇иссавалагкан̣аа хирий, важ̇ж̇абхийругабхаяад̣̇ассаавилагкан̣ам̣ од̇д̇аббам̣? згажжо хи ж̇аад̇имахад̇д̇абажжавзгкан̣аа, сад̇т̇умахад̇д̇абажжавзгкан̣аа, д̣̇ааяаж̇ж̇амахад̇д̇абажжавзгкан̣аа, саб̣рахмажааримахад̇д̇абажжавзгкан̣аад̇и звам̣ жад̇уухи гааран̣зхи д̇ад̇т̇а г̇ааравзна саббад̇иссавалагкан̣ам̣ хирим̣ самудтаабзд̇ваа баабам̣ на гарод̇и. згажжо ад̇д̇аануваад̣̇абхаяам̣, бараануваад̣̇абхаяам̣, д̣̇ан̣д̣абхаяам̣, д̣̇уг̇г̇ад̇ибхаяанд̇и звам̣ жад̇уухи гааран̣зхи важ̇ж̇ад̇о бхааяанд̇о важ̇ж̇абхийругабхаяад̣̇ассаавилагкан̣ам̣ од̇д̇аббам̣ бажжубадтаабзд̇ваа баабагаммам̣ на гарод̇и. зд̇т̇а жа аж̇жхад̇д̇асамудтаанаад̣̇ид̇аа хирод̇д̇аббаанам̣ д̇ад̇т̇а д̇ад̇т̇а баагадабхаавзна вуд̇д̇аа, на бана нзсам̣ гад̣̇аажи ан̃н̃аман̃н̃авиббаяог̇о. на хи лаж̇ж̇анам̣ ниб̣бхаяам̣, баабабхаяам̣ ваа алаж̇ж̇анам̣ ад̇т̇ийд̇и. звамзд̇т̇а вид̇т̇аарад̇о ад̇т̇аван̣н̣анаа взд̣̇ид̇аб̣б̣аа.
Kathaṃ sappatissavalakkhaṇā hirī, vajjabhīrukabhayadassāvilakkhaṇaṃ ottappaṃ? Ekacco hi jātimahattapaccavekkhaṇā, satthumahattapaccavekkhaṇā, dāyajjamahattapaccavekkhaṇā, sabrahmacārimahattapaccavekkhaṇāti evaṃ catūhi kāraṇehi tattha gāravena sappatissavalakkhaṇaṃ hiriṃ samuṭṭhāpetvā pāpaṃ na karoti. Ekacco attānuvādabhayaṃ, parānuvādabhayaṃ, daṇḍabhayaṃ, duggatibhayanti evaṃ catūhi kāraṇehi vajjato bhāyanto vajjabhīrukabhayadassāvilakkhaṇaṃ ottappaṃ paccupaṭṭhāpetvā pāpakammaṃ na karoti. Ettha ca ajjhattasamuṭṭhānāditā hirottappānaṃ tattha tattha pākaṭabhāvena vuttā, na pana nesaṃ kadāci aññamaññavippayogo. Na hi lajjanaṃ nibbhayaṃ, pāpabhayaṃ vā alajjanaṃ atthīti. Evamettha vitthārato atthavaṇṇanā veditabbā.
суггасуд̇д̇аван̣н̣анаа нидтид̇аа.
Sukkasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 8. суггасуд̇д̇ам̣ • 8. Sukkasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 8. суггасуд̇д̇аван̣н̣анаа • 8. Sukkasuttavaṇṇanā
