| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
3. самужжаяагканд̇хагам̣
3. Samuccayakkhandhakaṃ
суггависсадтигат̇ааван̣н̣анаа
Sukkavissaṭṭhikathāvaṇṇanā
97. самужжаяагканд̇хагз вуд̇д̇анаязна вад̇д̇ам̣ самаад̣̇аад̇аб̣б̣анд̇и баариваасигагканд̇хагаван̣н̣анааяам̣ вуд̇д̇анаязна д̣̇вийхи бад̣̇зхи згзна ваа самаад̣̇аад̇аб̣б̣ам̣. взд̣̇ияаамийд̇и жид̇д̇зна самбадижчид̇ваа сукам̣ анубхаваами, на д̇аббажжаяаа ахам̣ д̣̇угкид̇од̇и ад̇хиббааяо. вуд̇д̇анаязнзва сан̇гхамаж̇жхз нигкибид̇аб̣б̣анд̇и баариваасигагканд̇хагз вуд̇д̇анаязна ‘‘маанад̇д̇ам̣ нигкибаами, вад̇д̇ам̣ нигкибаамий’’д̇и имзхи д̣̇вийхи згзна ваа нигкибид̇аб̣б̣ам̣. д̇асса аарожзд̇ваа нигкибид̇аб̣б̣анд̇и анаарожанзна вад̇д̇абхзд̣̇ад̣̇уггадабариможанад̇т̇ам̣ вуд̇д̇ам̣. д̣̇вз лзд̣д̣убаад̇з ад̇иггамид̇ваад̇и бхигкуунам̣ саж̇жхааяанасад̣̇д̣̇асавануубажааравиж̇аханад̇т̇ам̣ вуд̇д̇ам̣, махаамаг̇г̇ад̇о оггаммаад̇и маг̇г̇аббадибаннабхигкуунам̣ убажааравиж̇аханад̇т̇ам̣, г̇умб̣зна ваа вад̇ияаа ваа бадижчаннадтаанзд̇и д̣̇ассануубажааравиж̇аханад̇т̇ам̣. анигкид̇д̇авад̇д̇зна анд̇оубажаараг̇ад̇аанам̣ саб̣б̣зсамби аарожзд̇аб̣б̣ад̇д̇аа ‘‘аяам̣ нигкид̇д̇авад̇д̇асса барихааро’’д̇и вуд̇д̇ам̣. д̇ад̇т̇а нигкид̇д̇авад̇д̇ассаад̇и вад̇д̇ам̣ нигкибид̇ваа баривасанд̇ассаад̇и ад̇т̇о. аяам̣ банзд̇т̇а т̇зрасса ад̇хиббааяо – вад̇д̇ам̣ нигкибид̇ваа баривасанд̇асса убажаараг̇ад̇аанам̣ саб̣б̣зсам̣ аарожанагижжам̣ над̇т̇и, д̣̇идтаруубаанам̣ суд̇асад̣̇д̣̇аанам̣ аарожзд̇аб̣б̣ам̣, ад̣̇идтаасуд̇аанамби анд̇од̣̇ваад̣̇асахад̇т̇аг̇ад̇аанам̣ аарожзд̇аб̣б̣ам̣. ид̣̇ам̣ вад̇д̇ам̣ нигкибид̇ваа баривасанд̇асса лагкан̣анд̇и.
97. Samuccayakkhandhake vuttanayena vattaṃ samādātabbanti pārivāsikakkhandhakavaṇṇanāyaṃ vuttanayena dvīhi padehi ekena vā samādātabbaṃ. Vediyāmīti cittena sampaṭicchitvā sukhaṃ anubhavāmi, na tappaccayā ahaṃ dukkhitoti adhippāyo. Vuttanayeneva saṅghamajjhe nikkhipitabbanti pārivāsikakkhandhake vuttanayena ‘‘mānattaṃ nikkhipāmi, vattaṃ nikkhipāmī’’ti imehi dvīhi ekena vā nikkhipitabbaṃ. Tassa ārocetvā nikkhipitabbanti anārocanena vattabhedadukkaṭaparimocanatthaṃ vuttaṃ. Dve leḍḍupāte atikkamitvāti bhikkhūnaṃ sajjhāyanasaddasavanūpacāravijahanatthaṃ vuttaṃ, mahāmaggato okkammāti maggappaṭipannabhikkhūnaṃ upacāravijahanatthaṃ, gumbena vā vatiyā vā paṭicchannaṭṭhāneti dassanūpacāravijahanatthaṃ. Anikkhittavattena antoupacāragatānaṃ sabbesampi ārocetabbattā ‘‘ayaṃ nikkhittavattassa parihāro’’ti vuttaṃ. Tattha nikkhittavattassāti vattaṃ nikkhipitvā parivasantassāti attho. Ayaṃ panettha therassa adhippāyo – vattaṃ nikkhipitvā parivasantassa upacāragatānaṃ sabbesaṃ ārocanakiccaṃ natthi, diṭṭharūpānaṃ sutasaddānaṃ ārocetabbaṃ, adiṭṭhaasutānampi antodvādasahatthagatānaṃ ārocetabbaṃ. Idaṃ vattaṃ nikkhipitvā parivasantassa lakkhaṇanti.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi / 1. суггависсадти • 1. Sukkavissaṭṭhi
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / суггависсадтигат̇аа • Sukkavissaṭṭhikathā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / суггависсадтигат̇ааван̣н̣анаа • Sukkavissaṭṭhikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / суггависсадтигат̇ааван̣н̣анаа • Sukkavissaṭṭhikathāvaṇṇanā
