| Library / Tipiṭaka / တိပိဋက • Tipiṭaka / သာရတ္ထဒီပနီ-ဋီကာ • Sāratthadīpanī-ṭīkā |
၃. သမုစ္စယက္ခန္ဓကံ
3. Samuccayakkhandhakaṃ
သုက္ကဝိသ္သဋ္ဌိကထာဝဏ္ဏနာ
Sukkavissaṭṭhikathāvaṇṇanā
၉၇. သမုစ္စယက္ခန္ဓကေ ဝုတ္တနယေန ဝတ္တံ သမာဒာတဗ္ဗန္တိ ပာရိဝာသိကက္ခန္ဓကဝဏ္ဏနာယံ ဝုတ္တနယေန ဒ္ဝီဟိ ပဒေဟိ ဧကေန ဝာ သမာဒာတဗ္ဗံ။ ဝေဒိယာမီတိ စိတ္တေန သမ္ပဋိစ္ဆိတ္ဝာ သုခံ အနုဘဝာမိ, န တပ္ပစ္စယာ အဟံ ဒုက္ခိတောတိ အဓိပ္ပာယော။ ဝုတ္တနယေနေဝ သင္ဃမဇ္ဈေ နိက္ခိပိတဗ္ဗန္တိ ပာရိဝာသိကက္ခန္ဓကေ ဝုတ္တနယေန ‘‘မာနတ္တံ နိက္ခိပာမိ, ဝတ္တံ နိက္ခိပာမီ’’တိ ဣမေဟိ ဒ္ဝီဟိ ဧကေန ဝာ နိက္ခိပိတဗ္ဗံ။ တသ္သ အာရောစေတ္ဝာ နိက္ခိပိတဗ္ဗန္တိ အနာရောစနေန ဝတ္တဘေဒဒုက္ကဋပရိမောစနတ္ထံ ဝုတ္တံ။ ဒ္ဝေ လေဍ္ဍုပာတေ အတိက္ကမိတ္ဝာတိ ဘိက္ခူနံ သဇ္ဈာယနသဒ္ဒသဝနူပစာရဝိဇဟနတ္ထံ ဝုတ္တံ, မဟာမဂ္ဂတော ဩက္ကမ္မာတိ မဂ္ဂပ္ပဋိပန္နဘိက္ခူနံ ဥပစာရဝိဇဟနတ္ထံ, ဂုမ္ဗေန ဝာ ဝတိယာ ဝာ ပဋိစ္ဆန္နဋ္ဌာနေတိ ဒသ္သနူပစာရဝိဇဟနတ္ထံ။ အနိက္ခိတ္တဝတ္တေန အန္တောဥပစာရဂတာနံ သဗ္ဗေသမ္ပိ အာရောစေတဗ္ဗတ္တာ ‘‘အယံ နိက္ခိတ္တဝတ္တသ္သ ပရိဟာရော’’တိ ဝုတ္တံ။ တတ္ထ နိက္ခိတ္တဝတ္တသ္သာတိ ဝတ္တံ နိက္ခိပိတ္ဝာ ပရိဝသန္တသ္သာတိ အတ္ထော။ အယံ ပနေတ္ထ ထေရသ္သ အဓိပ္ပာယော – ဝတ္တံ နိက္ခိပိတ္ဝာ ပရိဝသန္တသ္သ ဥပစာရဂတာနံ သဗ္ဗေသံ အာရောစနကိစ္စံ နတ္ထိ, ဒိဋ္ဌရူပာနံ သုတသဒ္ဒာနံ အာရောစေတဗ္ဗံ, အဒိဋ္ဌအသုတာနမ္ပိ အန္တောဒ္ဝာဒသဟတ္ထဂတာနံ အာရောစေတဗ္ဗံ။ ဣဒံ ဝတ္တံ နိက္ခိပိတ္ဝာ ပရိဝသန္တသ္သ လက္ခဏန္တိ။
97. Samuccayakkhandhake vuttanayena vattaṃ samādātabbanti pārivāsikakkhandhakavaṇṇanāyaṃ vuttanayena dvīhi padehi ekena vā samādātabbaṃ. Vediyāmīti cittena sampaṭicchitvā sukhaṃ anubhavāmi, na tappaccayā ahaṃ dukkhitoti adhippāyo. Vuttanayeneva saṅghamajjhe nikkhipitabbanti pārivāsikakkhandhake vuttanayena ‘‘mānattaṃ nikkhipāmi, vattaṃ nikkhipāmī’’ti imehi dvīhi ekena vā nikkhipitabbaṃ. Tassa ārocetvā nikkhipitabbanti anārocanena vattabhedadukkaṭaparimocanatthaṃ vuttaṃ. Dve leḍḍupāte atikkamitvāti bhikkhūnaṃ sajjhāyanasaddasavanūpacāravijahanatthaṃ vuttaṃ, mahāmaggato okkammāti maggappaṭipannabhikkhūnaṃ upacāravijahanatthaṃ, gumbena vā vatiyā vā paṭicchannaṭṭhāneti dassanūpacāravijahanatthaṃ. Anikkhittavattena antoupacāragatānaṃ sabbesampi ārocetabbattā ‘‘ayaṃ nikkhittavattassa parihāro’’ti vuttaṃ. Tattha nikkhittavattassāti vattaṃ nikkhipitvā parivasantassāti attho. Ayaṃ panettha therassa adhippāyo – vattaṃ nikkhipitvā parivasantassa upacāragatānaṃ sabbesaṃ ārocanakiccaṃ natthi, diṭṭharūpānaṃ sutasaddānaṃ ārocetabbaṃ, adiṭṭhaasutānampi antodvādasahatthagatānaṃ ārocetabbaṃ. Idaṃ vattaṃ nikkhipitvā parivasantassa lakkhaṇanti.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / စူဠဝဂ္ဂပာဠိ • Cūḷavaggapāḷi / ၁. သုက္ကဝိသ္သဋ္ဌိ • 1. Sukkavissaṭṭhi
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / စူဠဝဂ္ဂ-အဋ္ဌကထာ • Cūḷavagga-aṭṭhakathā / သုက္ကဝိသ္သဋ္ဌိကထာ • Sukkavissaṭṭhikathā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / သုက္ကဝိသ္သဋ္ဌိကထာဝဏ္ဏနာ • Sukkavissaṭṭhikathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / သုက္ကဝိသ္သဋ္ဌိကထာဝဏ္ဏနာ • Sukkavissaṭṭhikathāvaṇṇanā
