| Library / Tipiṭaka / ཏིཔིཊཀ • Tipiṭaka / སཱརཏྠདཱིཔནཱི-ཊཱིཀཱ • Sāratthadīpanī-ṭīkā |
༣. སམུཙྩཡཀྑནྡྷཀཾ
3. Samuccayakkhandhakaṃ
སུཀྐཝིསྶཊྛིཀཐཱཝཎྞནཱ
Sukkavissaṭṭhikathāvaṇṇanā
༩༧. སམུཙྩཡཀྑནྡྷཀེ ཝུཏྟནཡེན ཝཏྟཾ སམཱདཱཏབྦནྟི པཱརིཝཱསིཀཀྑནྡྷཀཝཎྞནཱཡཾ ཝུཏྟནཡེན དྭཱིཧི པདེཧི ཨེཀེན ཝཱ སམཱདཱཏབྦཾ། ཝེདིཡཱམཱིཏི ཙིཏྟེན སམྤཊིཙྪིཏྭཱ སུཁཾ ཨནུབྷཝཱམི, ན ཏཔྤཙྩཡཱ ཨཧཾ དུཀྑིཏོཏི ཨདྷིཔྤཱཡོ། ཝུཏྟནཡེནེཝ སངྒྷམཛ྄ཛྷེ ནིཀྑིཔིཏབྦནྟི པཱརིཝཱསིཀཀྑནྡྷཀེ ཝུཏྟནཡེན ‘‘མཱནཏྟཾ ནིཀྑིཔཱམི, ཝཏྟཾ ནིཀྑིཔཱམཱི’’ཏི ཨིམེཧི དྭཱིཧི ཨེཀེན ཝཱ ནིཀྑིཔིཏབྦཾ། ཏསྶ ཨཱརོཙེཏྭཱ ནིཀྑིཔིཏབྦནྟི ཨནཱརོཙནེན ཝཏྟབྷེདདུཀྐཊཔརིམོཙནཏྠཾ ཝུཏྟཾ། དྭེ ལེཌྜུཔཱཏེ ཨཏིཀྐམིཏྭཱཏི བྷིཀྑཱུནཾ སཛ྄ཛྷཱཡནསདྡསཝནཱུཔཙཱརཝིཛཧནཏྠཾ ཝུཏྟཾ, མཧཱམགྒཏོ ཨོཀྐམྨཱཏི མགྒཔྤཊིཔནྣབྷིཀྑཱུནཾ ཨུཔཙཱརཝིཛཧནཏྠཾ, གུམྦེན ཝཱ ཝཏིཡཱ ཝཱ པཊིཙྪནྣཊྛཱནེཏི དསྶནཱུཔཙཱརཝིཛཧནཏྠཾ། ཨནིཀྑིཏྟཝཏྟེན ཨནྟོཨུཔཙཱརགཏཱནཾ སབྦེསམྤི ཨཱརོཙེཏབྦཏྟཱ ‘‘ཨཡཾ ནིཀྑིཏྟཝཏྟསྶ པརིཧཱརོ’’ཏི ཝུཏྟཾ། ཏཏྠ ནིཀྑིཏྟཝཏྟསྶཱཏི ཝཏྟཾ ནིཀྑིཔིཏྭཱ པརིཝསནྟསྶཱཏི ཨཏྠོ། ཨཡཾ པནེཏྠ ཐེརསྶ ཨདྷིཔྤཱཡོ – ཝཏྟཾ ནིཀྑིཔིཏྭཱ པརིཝསནྟསྶ ཨུཔཙཱརགཏཱནཾ སབྦེསཾ ཨཱརོཙནཀིཙྩཾ ནཏྠི, དིཊྛརཱུཔཱནཾ སུཏསདྡཱནཾ ཨཱརོཙེཏབྦཾ, ཨདིཊྛཨསུཏཱནམྤི ཨནྟོདྭཱདསཧཏྠགཏཱནཾ ཨཱརོཙེཏབྦཾ། ཨིདཾ ཝཏྟཾ ནིཀྑིཔིཏྭཱ པརིཝསནྟསྶ ལཀྑཎནྟི།
97. Samuccayakkhandhake vuttanayena vattaṃ samādātabbanti pārivāsikakkhandhakavaṇṇanāyaṃ vuttanayena dvīhi padehi ekena vā samādātabbaṃ. Vediyāmīti cittena sampaṭicchitvā sukhaṃ anubhavāmi, na tappaccayā ahaṃ dukkhitoti adhippāyo. Vuttanayeneva saṅghamajjhe nikkhipitabbanti pārivāsikakkhandhake vuttanayena ‘‘mānattaṃ nikkhipāmi, vattaṃ nikkhipāmī’’ti imehi dvīhi ekena vā nikkhipitabbaṃ. Tassa ārocetvā nikkhipitabbanti anārocanena vattabhedadukkaṭaparimocanatthaṃ vuttaṃ. Dve leḍḍupāte atikkamitvāti bhikkhūnaṃ sajjhāyanasaddasavanūpacāravijahanatthaṃ vuttaṃ, mahāmaggato okkammāti maggappaṭipannabhikkhūnaṃ upacāravijahanatthaṃ, gumbena vā vatiyā vā paṭicchannaṭṭhāneti dassanūpacāravijahanatthaṃ. Anikkhittavattena antoupacāragatānaṃ sabbesampi ārocetabbattā ‘‘ayaṃ nikkhittavattassa parihāro’’ti vuttaṃ. Tattha nikkhittavattassāti vattaṃ nikkhipitvā parivasantassāti attho. Ayaṃ panettha therassa adhippāyo – vattaṃ nikkhipitvā parivasantassa upacāragatānaṃ sabbesaṃ ārocanakiccaṃ natthi, diṭṭharūpānaṃ sutasaddānaṃ ārocetabbaṃ, adiṭṭhaasutānampi antodvādasahatthagatānaṃ ārocetabbaṃ. Idaṃ vattaṃ nikkhipitvā parivasantassa lakkhaṇanti.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / ཙཱུལ༹ཝགྒཔཱལི༹ • Cūḷavaggapāḷi / ༡. སུཀྐཝིསྶཊྛི • 1. Sukkavissaṭṭhi
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / ཙཱུལ༹ཝགྒ-ཨཊྛཀཐཱ • Cūḷavagga-aṭṭhakathā / སུཀྐཝིསྶཊྛིཀཐཱ • Sukkavissaṭṭhikathā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / སུཀྐཝིསྶཊྛིཀཐཱཝཎྞནཱ • Sukkavissaṭṭhikathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / སུཀྐཝིསྶཊྛིཀཐཱཝཎྞནཱ • Sukkavissaṭṭhikathāvaṇṇanā
