| Library / Tipiṭaka / ཏིཔིཊཀ • Tipiṭaka / ཝིམཏིཝིནོདནཱི-ཊཱིཀཱ • Vimativinodanī-ṭīkā |
༣. སམུཙྩཡཀྑནྡྷཀོ
3. Samuccayakkhandhako
སུཀྐཝིསྶཊྛིཀཐཱཝཎྞནཱ
Sukkavissaṭṭhikathāvaṇṇanā
༩༧. སམུཙྩཡཀྑནྡྷཀེ ཝེདཡཱམཧནྟི ཛཱནཱཔེམི ཨཧཾ, ཨཱརོཙེམཱིཏིཨཏྠོ། ཨནུབྷཝཱམཱིཏིཔིསྶ ཨཏྠཾ ཝདནྟི། པུརིམཾ པན པསཾསནྟི ཨཱརོཔནཝཙནཏྟཱ། ཨཱརོཙེཏྭཱ ནིཀྑིཔིཏབྦནྟི དུཀྐཊཔརིམོཙནཏྠཾ ཝུཏྟཾ། ཀེཙི པན ‘‘ཏདཧེཝ པུན ཝཏྟཾ སམཱདིཡིཏྭཱ ཨརུཎཾ ཨུཊྛཱཔེཏུཀཱམསྶ རཏྟིཙྪེདཔརིཧཱརཏྠམྤཱི’’ཏི ཝདནྟི།
97. Samuccayakkhandhake vedayāmahanti jānāpemi ahaṃ, ārocemītiattho. Anubhavāmītipissa atthaṃ vadanti. Purimaṃ pana pasaṃsanti āropanavacanattā. Ārocetvā nikkhipitabbanti dukkaṭaparimocanatthaṃ vuttaṃ. Keci pana ‘‘tadaheva puna vattaṃ samādiyitvā aruṇaṃ uṭṭhāpetukāmassa ratticchedaparihāratthampī’’ti vadanti.
‘‘སབྷཱགཱ བྷིཀྑཱུ ཝསནྟཱི’’ཏི ཝུཏྟཏྟཱ ཝིསབྷཱགཱནཾ ཝསནཊྛཱནེ ཝཏྟཾ ཨསམཱདིཡིཏྭཱ བཧི ཨེཝ ཀཱཏུམྤི ཝཊྚཏཱིཏི དཊྛབྦཾ། ‘‘དྭེ ལེཌྜུཔཱཏེ ཨཏིཀྐམིཏྭཱ’’ཏི ཨིདཾ ཝིཧཱརེ བྷིཀྑཱུནཾ སཛ྄ཛྷཱཡཱདིསདྡསཝནཱུཔཙཱརཝིཛཧནཏྠཾ ཝུཏྟཾ། ‘‘མཧཱམགྒཏོ ཨོཀྐམྨཱ’’ཏི ཨིདཾ མགྒཔཊིཔནྣཱནཾ བྷིཀྑཱུནཾ ཨུཔཙཱརཱཏིཀྐམནཏྠཾ ཝུཏྟཾ། གུམྦེན ཝཱཏིཨཱདི དསྶནཱུཔཙཱརཝིཛཧནཏྠཾ།
‘‘Sabhāgā bhikkhū vasantī’’ti vuttattā visabhāgānaṃ vasanaṭṭhāne vattaṃ asamādiyitvā bahi eva kātumpi vaṭṭatīti daṭṭhabbaṃ. ‘‘Dve leḍḍupāte atikkamitvā’’ti idaṃ vihāre bhikkhūnaṃ sajjhāyādisaddasavanūpacāravijahanatthaṃ vuttaṃ. ‘‘Mahāmaggato okkammā’’ti idaṃ maggapaṭipannānaṃ bhikkhūnaṃ upacārātikkamanatthaṃ vuttaṃ. Gumbena vātiādi dassanūpacāravijahanatthaṃ.
‘‘སོཔི ཀེནཙི ཀམྨེན པུརེ ཨརུཎེ ཨེཝ གཙྪཏཱི’’ཏི ཨིམིནཱ ཨཱརོཙནཱཡ ཀཏཱཡ སབྦེསུཔི བྷིཀྑཱུསུ ཝིཧཱརགཏེསུ ཨཱུནེ གཎེ ཙརཎདོསོ ཝཱ ཝིཔྤཝཱསདོསོ ཝཱ ན ཧོཏི ཨཱརོཙིཏཏྟཱ སཧཝཱསསྶཱཏི དསྶེཏི། ཏེནཱཧ ‘‘ཨཡཉྩཱ’’ ཏིཨཱདི། ཨབྦྷཱནཾ ཀཱཏུཾ ན ཝཊྚཏཱིཏི ཀཏམྤི ཨཀཏམེཝ ཧོཏཱིཏི ཨཏྠོ།
‘‘Sopi kenaci kammena pure aruṇe eva gacchatī’’ti iminā ārocanāya katāya sabbesupi bhikkhūsu vihāragatesu ūne gaṇe caraṇadoso vā vippavāsadoso vā na hoti ārocitattā sahavāsassāti dasseti. Tenāha ‘‘ayañcā’’ tiādi. Abbhānaṃ kātuṃ na vaṭṭatīti katampi akatameva hotīti attho.
སུཀྐཝིསྶཊྛིཀཐཱཝཎྞནཱ ནིཊྛིཏཱ།
Sukkavissaṭṭhikathāvaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / ཙཱུལ༹ཝགྒཔཱལི༹ • Cūḷavaggapāḷi / ༡. སུཀྐཝིསྶཊྛི • 1. Sukkavissaṭṭhi
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / ཙཱུལ༹ཝགྒ-ཨཊྛཀཐཱ • Cūḷavagga-aṭṭhakathā / སུཀྐཝིསྶཊྛིཀཐཱ • Sukkavissaṭṭhikathā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / སུཀྐཝིསྶཊྛིཀཐཱཝཎྞནཱ • Sukkavissaṭṭhikathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / སུཀྐཝིསྶཊྛིཀཐཱཝཎྞནཱ • Sukkavissaṭṭhikathāvaṇṇanā
