| Library / Tipiṭaka / ਤਿਪਿਟਕ • Tipiṭaka / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā |
੩. ਸਮੁਚ੍ਚਯਕ੍ਖਨ੍ਧਕੋ
3. Samuccayakkhandhako
ਸੁਕ੍ਕવਿਸ੍ਸਟ੍ਠਿਕਥਾવਣ੍ਣਨਾ
Sukkavissaṭṭhikathāvaṇṇanā
੯੭. ਸਮੁਚ੍ਚਯਕ੍ਖਨ੍ਧਕੇ વੇਦਯਾਮਹਨ੍ਤਿ ਜਾਨਾਪੇਮਿ ਅਹਂ, ਆਰੋਚੇਮੀਤਿਅਤ੍ਥੋ। ਅਨੁਭવਾਮੀਤਿਪਿਸ੍ਸ ਅਤ੍ਥਂ વਦਨ੍ਤਿ। ਪੁਰਿਮਂ ਪਨ ਪਸਂਸਨ੍ਤਿ ਆਰੋਪਨવਚਨਤ੍ਤਾ। ਆਰੋਚੇਤ੍વਾ ਨਿਕ੍ਖਿਪਿਤਬ੍ਬਨ੍ਤਿ ਦੁਕ੍ਕਟਪਰਿਮੋਚਨਤ੍ਥਂ વੁਤ੍ਤਂ। ਕੇਚਿ ਪਨ ‘‘ਤਦਹੇવ ਪੁਨ વਤ੍ਤਂ ਸਮਾਦਿਯਿਤ੍વਾ ਅਰੁਣਂ ਉਟ੍ਠਾਪੇਤੁਕਾਮਸ੍ਸ ਰਤ੍ਤਿਚ੍ਛੇਦਪਰਿਹਾਰਤ੍ਥਮ੍ਪੀ’’ਤਿ વਦਨ੍ਤਿ।
97. Samuccayakkhandhake vedayāmahanti jānāpemi ahaṃ, ārocemītiattho. Anubhavāmītipissa atthaṃ vadanti. Purimaṃ pana pasaṃsanti āropanavacanattā. Ārocetvā nikkhipitabbanti dukkaṭaparimocanatthaṃ vuttaṃ. Keci pana ‘‘tadaheva puna vattaṃ samādiyitvā aruṇaṃ uṭṭhāpetukāmassa ratticchedaparihāratthampī’’ti vadanti.
‘‘ਸਭਾਗਾ ਭਿਕ੍ਖੂ વਸਨ੍ਤੀ’’ਤਿ વੁਤ੍ਤਤ੍ਤਾ વਿਸਭਾਗਾਨਂ વਸਨਟ੍ਠਾਨੇ વਤ੍ਤਂ ਅਸਮਾਦਿਯਿਤ੍વਾ ਬਹਿ ਏવ ਕਾਤੁਮ੍ਪਿ વਟ੍ਟਤੀਤਿ ਦਟ੍ਠਬ੍ਬਂ। ‘‘ਦ੍વੇ ਲੇਡ੍ਡੁਪਾਤੇ ਅਤਿਕ੍ਕਮਿਤ੍વਾ’’ਤਿ ਇਦਂ વਿਹਾਰੇ ਭਿਕ੍ਖੂਨਂ ਸਜ੍ਝਾਯਾਦਿਸਦ੍ਦਸવਨੂਪਚਾਰવਿਜਹਨਤ੍ਥਂ વੁਤ੍ਤਂ। ‘‘ਮਹਾਮਗ੍ਗਤੋ ਓਕ੍ਕਮ੍ਮਾ’’ਤਿ ਇਦਂ ਮਗ੍ਗਪਟਿਪਨ੍ਨਾਨਂ ਭਿਕ੍ਖੂਨਂ ਉਪਚਾਰਾਤਿਕ੍ਕਮਨਤ੍ਥਂ વੁਤ੍ਤਂ। ਗੁਮ੍ਬੇਨ વਾਤਿਆਦਿ ਦਸ੍ਸਨੂਪਚਾਰવਿਜਹਨਤ੍ਥਂ।
‘‘Sabhāgā bhikkhū vasantī’’ti vuttattā visabhāgānaṃ vasanaṭṭhāne vattaṃ asamādiyitvā bahi eva kātumpi vaṭṭatīti daṭṭhabbaṃ. ‘‘Dve leḍḍupāte atikkamitvā’’ti idaṃ vihāre bhikkhūnaṃ sajjhāyādisaddasavanūpacāravijahanatthaṃ vuttaṃ. ‘‘Mahāmaggato okkammā’’ti idaṃ maggapaṭipannānaṃ bhikkhūnaṃ upacārātikkamanatthaṃ vuttaṃ. Gumbena vātiādi dassanūpacāravijahanatthaṃ.
‘‘ਸੋਪਿ ਕੇਨਚਿ ਕਮ੍ਮੇਨ ਪੁਰੇ ਅਰੁਣੇ ਏવ ਗਚ੍ਛਤੀ’’ਤਿ ਇਮਿਨਾ ਆਰੋਚਨਾਯ ਕਤਾਯ ਸਬ੍ਬੇਸੁਪਿ ਭਿਕ੍ਖੂਸੁ વਿਹਾਰਗਤੇਸੁ ਊਨੇ ਗਣੇ ਚਰਣਦੋਸੋ વਾ વਿਪ੍ਪવਾਸਦੋਸੋ વਾ ਨ ਹੋਤਿ ਆਰੋਚਿਤਤ੍ਤਾ ਸਹવਾਸਸ੍ਸਾਤਿ ਦਸ੍ਸੇਤਿ। ਤੇਨਾਹ ‘‘ਅਯਞ੍ਚਾ’’ ਤਿਆਦਿ। ਅਬ੍ਭਾਨਂ ਕਾਤੁਂ ਨ વਟ੍ਟਤੀਤਿ ਕਤਮ੍ਪਿ ਅਕਤਮੇવ ਹੋਤੀਤਿ ਅਤ੍ਥੋ।
‘‘Sopi kenaci kammena pure aruṇe eva gacchatī’’ti iminā ārocanāya katāya sabbesupi bhikkhūsu vihāragatesu ūne gaṇe caraṇadoso vā vippavāsadoso vā na hoti ārocitattā sahavāsassāti dasseti. Tenāha ‘‘ayañcā’’ tiādi. Abbhānaṃ kātuṃ na vaṭṭatīti katampi akatameva hotīti attho.
ਸੁਕ੍ਕવਿਸ੍ਸਟ੍ਠਿਕਥਾવਣ੍ਣਨਾ ਨਿਟ੍ਠਿਤਾ।
Sukkavissaṭṭhikathāvaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਚੂਲ਼વਗ੍ਗਪਾਲ਼ਿ • Cūḷavaggapāḷi / ੧. ਸੁਕ੍ਕવਿਸ੍ਸਟ੍ਠਿ • 1. Sukkavissaṭṭhi
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਚੂਲ਼વਗ੍ਗ-ਅਟ੍ਠਕਥਾ • Cūḷavagga-aṭṭhakathā / ਸੁਕ੍ਕવਿਸ੍ਸਟ੍ਠਿਕਥਾ • Sukkavissaṭṭhikathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਸੁਕ੍ਕવਿਸ੍ਸਟ੍ਠਿਕਥਾવਣ੍ਣਨਾ • Sukkavissaṭṭhikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਸੁਕ੍ਕવਿਸ੍ਸਟ੍ਠਿਕਥਾવਣ੍ਣਨਾ • Sukkavissaṭṭhikathāvaṇṇanā
