| Library / Tipiṭaka / திபிடக • Tipiṭaka / மஹாவிப⁴ங்க³ • Mahāvibhaṅga |
2. ஸங்கா⁴தி³ஸேஸகண்ட³ங்
2. Saṅghādisesakaṇḍaṃ
1. ஸுக்கவிஸ்ஸட்டி²ஸிக்கா²பத³ங்
1. Sukkavissaṭṭhisikkhāpadaṃ
இமே கோ² பனாயஸ்மந்தோ தேரஸ ஸங்கா⁴தி³ஸேஸா
Ime kho panāyasmanto terasa saṅghādisesā
த⁴ம்மா உத்³தே³ஸங் ஆக³ச்ச²ந்தி.
Dhammā uddesaṃ āgacchanti.
234. தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ ஆராமே. தேன கோ² பன ஸமயேன ஆயஸ்மா ஸெய்யஸகோ அனபி⁴ரதோ ப்³ரஹ்மசரியங் சரதி. ஸோ தேன கிஸோ ஹோதி லூகோ² து³ப்³ப³ண்ணோ உப்பண்டு³ப்பண்டு³கஜாதோ த⁴மனிஸந்த²தக³த்தோ. அத்³த³ஸ கோ² ஆயஸ்மா உதா³யீ ஆயஸ்மந்தங் ஸெய்யஸகங் கிஸங் லூக²ங் து³ப்³ப³ண்ணங் உப்பண்டு³ப்பண்டு³கஜாதங் த⁴மனிஸந்த²தக³த்தங். தி³ஸ்வான ஆயஸ்மந்தங் ஸெய்யஸகங் ஏதத³வோச – ‘‘கிஸ்ஸ த்வங், ஆவுஸோ ஸெய்யஸக, கிஸோ லூகோ² து³ப்³ப³ண்ணோ உப்பண்டு³ப்பண்டு³கஜாதோ த⁴மனிஸந்த²தக³த்தோ? கச்சி நோ த்வங், ஆவுஸோ ஸெய்யஸக, அனபி⁴ரதோ ப்³ரஹ்மசரியங் சரஸீ’’தி? ‘‘ஏவமாவுஸோ’’தி. ‘‘தேன ஹி த்வங், ஆவுஸோ ஸெய்யஸக, யாவத³த்த²ங் பு⁴ஞ்ஜ யாவத³த்த²ங் ஸுப யாவத³த்த²ங் ந்ஹாய. யாவத³த்த²ங் பு⁴ஞ்ஜித்வா யாவத³த்த²ங் ஸுபித்வா யாவத³த்த²ங் ந்ஹாயித்வா யதா³ தே அனபி⁴ரதி உப்பஜ்ஜதி ராகோ³ சித்தங் அனுத்³த⁴ங்ஸேதி ததா³ ஹத்தே²ன உபக்கமித்வா அஸுசிங் மோசேஹீ’’தி. ‘‘கிங் நு கோ², ஆவுஸோ, கப்பதி ஏவரூபங் காது’’ந்தி? ‘‘ஆம, ஆவுஸோ. அஹம்பி ஏவங் கரோமீ’’தி.
234. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena āyasmā seyyasako anabhirato brahmacariyaṃ carati. So tena kiso hoti lūkho dubbaṇṇo uppaṇḍuppaṇḍukajāto dhamanisanthatagatto. Addasa kho āyasmā udāyī āyasmantaṃ seyyasakaṃ kisaṃ lūkhaṃ dubbaṇṇaṃ uppaṇḍuppaṇḍukajātaṃ dhamanisanthatagattaṃ. Disvāna āyasmantaṃ seyyasakaṃ etadavoca – ‘‘kissa tvaṃ, āvuso seyyasaka, kiso lūkho dubbaṇṇo uppaṇḍuppaṇḍukajāto dhamanisanthatagatto? Kacci no tvaṃ, āvuso seyyasaka, anabhirato brahmacariyaṃ carasī’’ti? ‘‘Evamāvuso’’ti. ‘‘Tena hi tvaṃ, āvuso seyyasaka, yāvadatthaṃ bhuñja yāvadatthaṃ supa yāvadatthaṃ nhāya. Yāvadatthaṃ bhuñjitvā yāvadatthaṃ supitvā yāvadatthaṃ nhāyitvā yadā te anabhirati uppajjati rāgo cittaṃ anuddhaṃseti tadā hatthena upakkamitvā asuciṃ mocehī’’ti. ‘‘Kiṃ nu kho, āvuso, kappati evarūpaṃ kātu’’nti? ‘‘Āma, āvuso. Ahampi evaṃ karomī’’ti.
அத² கோ² ஆயஸ்மா ஸெய்யஸகோ யாவத³த்த²ங் பு⁴ஞ்ஜி யாவத³த்த²ங் ஸுபி யாவத³த்த²ங் ந்ஹாயி. யாவத³த்த²ங் பு⁴ஞ்ஜித்வா யாவத³த்த²ங் ஸுபித்வா யாவத³த்த²ங் ந்ஹாயித்வா யதா³ அனபி⁴ரதி உப்பஜ்ஜதி ராகோ³ சித்தங் அனுத்³த⁴ங்ஸேதி ததா³ ஹத்தே²ன உபக்கமித்வா அஸுசிங் மோசேஸி . அத² கோ² ஆயஸ்மா ஸெய்யஸகோ அபரேன ஸமயேன வண்ணவா அஹோஸி பீணிந்த்³ரியோ பஸன்னமுக²வண்ணோ விப்பஸன்னச²விவண்ணோ. அத² கோ² ஆயஸ்மதோ ஸெய்யஸகஸ்ஸ ஸஹாயகா பி⁴க்கூ² ஆயஸ்மந்தங் ஸெய்யஸகங் ஏதத³வோசுங் – ‘‘புப்³பே³ கோ² த்வங், ஆவுஸோ ஸெய்யஸக, கிஸோ அஹோஸி லூகோ² து³ப்³ப³ண்ணோ உப்பண்டு³ப்பண்டு³கஜாதோ த⁴மனிஸந்த²தக³த்தோ. ஸோ தா³னி த்வங் ஏதரஹி வண்ணவா பீணிந்த்³ரியோ பஸன்னமுக²வண்ணோ விப்பஸன்னச²விவண்ணோ. கிங் நு கோ² த்வங், ஆவுஸோ ஸெய்யஸக, பே⁴ஸஜ்ஜங் கரோஸீ’’தி? ‘‘ந கோ² அஹங், ஆவுஸோ, பே⁴ஸஜ்ஜங் கரோமி . அபிசாஹங் யாவத³த்த²ங் பு⁴ஞ்ஜாமி யாவத³த்த²ங் ஸுபாமி யாவத³த்த²ங் ந்ஹாயாமி. யாவத³த்த²ங் பு⁴ஞ்ஜித்வா யாவத³த்த²ங் ஸுபித்வா யாவத³த்த²ங் ந்ஹாயித்வா யதா³ மே அனபி⁴ரதி உப்பஜ்ஜதி ராகோ³ சித்தங் அனுத்³த⁴ங்ஸேதி ததா³ ஹத்தே²ன உபக்கமித்வா அஸுசிங் மோசேமீ’’தி. ‘‘கிங் பன த்வங், ஆவுஸோ ஸெய்யஸக, யேனேவ ஹத்தே²ன ஸத்³தா⁴தெ³ய்யங் பு⁴ஞ்ஜஸி தேனேவ ஹத்தே²ன உபக்கமித்வா அஸுசிங் மோசேஸீ’’தி? ‘‘ஏவமாவுஸோ’’தி. யே தே பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ஆயஸ்மா ஸெய்யஸகோ ஹத்தே²ன உபக்கமித்வா அஸுசிங் மோசெஸ்ஸதீ’’தி!
Atha kho āyasmā seyyasako yāvadatthaṃ bhuñji yāvadatthaṃ supi yāvadatthaṃ nhāyi. Yāvadatthaṃ bhuñjitvā yāvadatthaṃ supitvā yāvadatthaṃ nhāyitvā yadā anabhirati uppajjati rāgo cittaṃ anuddhaṃseti tadā hatthena upakkamitvā asuciṃ mocesi . Atha kho āyasmā seyyasako aparena samayena vaṇṇavā ahosi pīṇindriyo pasannamukhavaṇṇo vippasannachavivaṇṇo. Atha kho āyasmato seyyasakassa sahāyakā bhikkhū āyasmantaṃ seyyasakaṃ etadavocuṃ – ‘‘pubbe kho tvaṃ, āvuso seyyasaka, kiso ahosi lūkho dubbaṇṇo uppaṇḍuppaṇḍukajāto dhamanisanthatagatto. So dāni tvaṃ etarahi vaṇṇavā pīṇindriyo pasannamukhavaṇṇo vippasannachavivaṇṇo. Kiṃ nu kho tvaṃ, āvuso seyyasaka, bhesajjaṃ karosī’’ti? ‘‘Na kho ahaṃ, āvuso, bhesajjaṃ karomi . Apicāhaṃ yāvadatthaṃ bhuñjāmi yāvadatthaṃ supāmi yāvadatthaṃ nhāyāmi. Yāvadatthaṃ bhuñjitvā yāvadatthaṃ supitvā yāvadatthaṃ nhāyitvā yadā me anabhirati uppajjati rāgo cittaṃ anuddhaṃseti tadā hatthena upakkamitvā asuciṃ mocemī’’ti. ‘‘Kiṃ pana tvaṃ, āvuso seyyasaka, yeneva hatthena saddhādeyyaṃ bhuñjasi teneva hatthena upakkamitvā asuciṃ mocesī’’ti? ‘‘Evamāvuso’’ti. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma āyasmā seyyasako hatthena upakkamitvā asuciṃ mocessatī’’ti!
அத² கோ² தே பி⁴க்கூ² ஆயஸ்மந்தங் ஸெய்யஸகங் அனேகபரியாயேன விக³ரஹித்வா ப⁴க³வதோ ஏதமத்த²ங் ஆரோசேஸுங். அத² கோ² ப⁴க³வா ஏதஸ்மிங் நிதா³னே ஏதஸ்மிங் பகரணே பி⁴க்கு²ஸங்க⁴ங் ஸன்னிபாதாபெத்வா ஆயஸ்மந்தங் ஸெய்யஸகங் படிபுச்சி² – ‘‘ஸச்சங் கிர த்வங், ஸெய்யஸக, ஹத்தே²ன உபக்கமித்வா அஸுசிங் மோசேஸீ’’தி? ‘‘ஸச்சங், ப⁴க³வா’’தி . விக³ரஹி பு³த்³தோ⁴ ப⁴க³வா – ‘‘அனநுச்ச²விகங், மோக⁴புரிஸ, அனநுலோமிகங் அப்பதிரூபங் அஸ்ஸாமணகங் அகப்பியங் அகரணீயங். கத²ஞ்ஹி நாம த்வங், மோக⁴புரிஸ, ஹத்தே²ன உபக்கமித்வா அஸுசிங் மோசெஸ்ஸஸி! நனு மயா, மோக⁴புரிஸ, அனேகபரியாயேன விராகா³ய த⁴ம்மோ தே³ஸிதோ நோ ஸராகா³ய, விஸஞ்ஞோகா³ய த⁴ம்மோ தே³ஸிதோ நோ ஸஞ்ஞோகா³ய, அனுபாதா³னாய த⁴ம்மோ தே³ஸிதோ நோ ஸஉபாதா³னாய! தத்த² நாம த்வங், மோக⁴புரிஸ, மயா விராகா³ய த⁴ம்மே தே³ஸிதே ஸராகா³ய சேதெஸ்ஸஸி, விஸஞ்ஞோகா³ய த⁴ம்மே தே³ஸிதே ஸஞ்ஞோகா³ய சேதெஸ்ஸஸி, அனுபாதா³னாய த⁴ம்மே தே³ஸிதே ஸஉபாதா³னாய சேதெஸ்ஸஸி! நனு மயா, மோக⁴புரிஸ, அனேகபரியாயேன ராக³விராகா³ய த⁴ம்மோ தே³ஸிதோ, மத³னிம்மத³னாய பிபாஸவினயாய ஆலயஸமுக்³கா⁴தாய வட்டுபச்சே²தா³ய தண்ஹக்க²யாய விராகா³ய நிரோதா⁴ய நிப்³பா³னாய த⁴ம்மோ தே³ஸிதோ? நனு மயா, மோக⁴புரிஸ, அனேகபரியாயேன காமானங் பஹானங் அக்கா²தங், காமஸஞ்ஞானங் பரிஞ்ஞா அக்கா²தா, காமபிபாஸானங் படிவினயோ அக்கா²தோ, காமவிதக்கானங் ஸமுக்³கா⁴தோ அக்கா²தோ, காமபரிளாஹானங் வூபஸமோ அக்கா²தோ? நேதங், மோக⁴புரிஸ, அப்பஸன்னானங் வா பஸாதா³ய, பஸன்னானங் வா பி⁴ய்யோபா⁴வாய. அத² க்²வேதங், மோக⁴புரிஸ, அப்பஸன்னானஞ்சேவ அப்பஸாதா³ய, பஸன்னானஞ்ச ஏகச்சானங் அஞ்ஞத²த்தாயா’’தி. அத² கோ² ப⁴க³வா ஆயஸ்மந்தங் ஸெய்யஸகங் அனேகபரியாயேன விக³ரஹித்வா து³ப்³ப⁴ரதாய…பே॰… ‘‘ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
Atha kho te bhikkhū āyasmantaṃ seyyasakaṃ anekapariyāyena vigarahitvā bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe bhikkhusaṅghaṃ sannipātāpetvā āyasmantaṃ seyyasakaṃ paṭipucchi – ‘‘saccaṃ kira tvaṃ, seyyasaka, hatthena upakkamitvā asuciṃ mocesī’’ti? ‘‘Saccaṃ, bhagavā’’ti . Vigarahi buddho bhagavā – ‘‘ananucchavikaṃ, moghapurisa, ananulomikaṃ appatirūpaṃ assāmaṇakaṃ akappiyaṃ akaraṇīyaṃ. Kathañhi nāma tvaṃ, moghapurisa, hatthena upakkamitvā asuciṃ mocessasi! Nanu mayā, moghapurisa, anekapariyāyena virāgāya dhammo desito no sarāgāya, visaññogāya dhammo desito no saññogāya, anupādānāya dhammo desito no saupādānāya! Tattha nāma tvaṃ, moghapurisa, mayā virāgāya dhamme desite sarāgāya cetessasi, visaññogāya dhamme desite saññogāya cetessasi, anupādānāya dhamme desite saupādānāya cetessasi! Nanu mayā, moghapurisa, anekapariyāyena rāgavirāgāya dhammo desito, madanimmadanāya pipāsavinayāya ālayasamugghātāya vaṭṭupacchedāya taṇhakkhayāya virāgāya nirodhāya nibbānāya dhammo desito? Nanu mayā, moghapurisa, anekapariyāyena kāmānaṃ pahānaṃ akkhātaṃ, kāmasaññānaṃ pariññā akkhātā, kāmapipāsānaṃ paṭivinayo akkhāto, kāmavitakkānaṃ samugghāto akkhāto, kāmapariḷāhānaṃ vūpasamo akkhāto? Netaṃ, moghapurisa, appasannānaṃ vā pasādāya, pasannānaṃ vā bhiyyobhāvāya. Atha khvetaṃ, moghapurisa, appasannānañceva appasādāya, pasannānañca ekaccānaṃ aññathattāyā’’ti. Atha kho bhagavā āyasmantaṃ seyyasakaṃ anekapariyāyena vigarahitvā dubbharatāya…pe… ‘‘evañca pana, bhikkhave, imaṃ sikkhāpadaṃ uddiseyyātha –
ஏவஞ்சித³ங் ப⁴க³வதா பி⁴க்கூ²னங் ஸிக்கா²பத³ங் பஞ்ஞத்தங் ஹோதி.
Evañcidaṃ bhagavatā bhikkhūnaṃ sikkhāpadaṃ paññattaṃ hoti.
235. தேன கோ² பன ஸமயேன பி⁴க்கூ² பணீதபோ⁴ஜனானி பு⁴ஞ்ஜித்வா முட்ட²ஸ்ஸதீ அஸம்பஜானா நித்³த³ங் ஓக்கமந்தி. தேஸங் முட்ட²ஸ்ஸதீனங் அஸம்பஜானானங் நித்³த³ங் ஓக்கமந்தானங் ஸுபினந்தேன அஸுசி முச்சதி. தேஸங் குக்குச்சங் அஹோஸி – ‘‘ப⁴க³வதா ஸிக்கா²பத³ங் பஞ்ஞத்தங் – ‘ஸஞ்சேதனிகா ஸுக்கவிஸ்ஸட்டி² ஸங்கா⁴தி³ஸேஸோ’தி. அம்ஹாகஞ்ச ஸுபினந்தேன அஸுசி முச்சதி. அத்தி² செத்த² சேதனா லப்³ப⁴தி. கச்சி நு கோ² மயங் ஸங்கா⁴தி³ஸேஸங் ஆபத்திங் ஆபன்னா’’தி? ப⁴க³வதோ ஏதமத்த²ங் ஆரோசேஸுங். ‘‘அத்தே²ஸா, பி⁴க்க²வே, சேதனா; ஸா ச கோ² அப்³போ³ஹாரிகாதி. ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
235. Tena kho pana samayena bhikkhū paṇītabhojanāni bhuñjitvā muṭṭhassatī asampajānā niddaṃ okkamanti. Tesaṃ muṭṭhassatīnaṃ asampajānānaṃ niddaṃ okkamantānaṃ supinantena asuci muccati. Tesaṃ kukkuccaṃ ahosi – ‘‘bhagavatā sikkhāpadaṃ paññattaṃ – ‘sañcetanikā sukkavissaṭṭhi saṅghādiseso’ti. Amhākañca supinantena asuci muccati. Atthi cettha cetanā labbhati. Kacci nu kho mayaṃ saṅghādisesaṃ āpattiṃ āpannā’’ti? Bhagavato etamatthaṃ ārocesuṃ. ‘‘Atthesā, bhikkhave, cetanā; sā ca kho abbohārikāti. Evañca pana, bhikkhave, imaṃ sikkhāpadaṃ uddiseyyātha –
236. ‘‘ஸஞ்சேதனிகா ஸுக்கவிஸ்ஸட்டி² அஞ்ஞத்ர ஸுபினந்தா ஸங்கா⁴தி³ஸேஸோ’’தி.
236.‘‘Sañcetanikā sukkavissaṭṭhi aññatra supinantā saṅghādiseso’’ti.
237. ஸஞ்சேதனிகாதி ஜானந்தோ ஸஞ்ஜானந்தோ சேச்ச அபி⁴விதரித்வா வீதிக்கமோ.
237.Sañcetanikāti jānanto sañjānanto cecca abhivitaritvā vītikkamo.
ஸுக்கந்தி த³ஸ ஸுக்கானி – நீலங் பீதகங் லோஹிதகங் ஓதா³தங் தக்கவண்ணங் த³கவண்ணங் தேலவண்ணங் கீ²ரவண்ணங் த³தி⁴வண்ணங் ஸப்பிவண்ணங்.
Sukkanti dasa sukkāni – nīlaṃ pītakaṃ lohitakaṃ odātaṃ takkavaṇṇaṃ dakavaṇṇaṃ telavaṇṇaṃ khīravaṇṇaṃ dadhivaṇṇaṃ sappivaṇṇaṃ.
விஸ்ஸட்டீ²தி டா²னதோ சாவனா வுச்சதி விஸ்ஸட்டீ²தி.
Vissaṭṭhīti ṭhānato cāvanā vuccati vissaṭṭhīti.
அஞ்ஞத்ர ஸுபினந்தாதி ட²பெத்வா ஸுபினந்தங்.
Aññatra supinantāti ṭhapetvā supinantaṃ.
ஸங்கா⁴தி³ஸேஸோதி ஸங்கோ⁴வ தஸ்ஸா ஆபத்தியா பரிவாஸங் தே³தி, மூலாய படிகஸ்ஸதி, மானத்தங் தே³தி , அப்³பே⁴தி; ந ஸம்ப³ஹுலா, ந ஏகபுக்³க³லோ. தேன வுச்சதி – ‘‘ஸங்கா⁴தி³ஸேஸோ’’தி. தஸ்ஸேவ ஆபத்தினிகாயஸ்ஸ நாமகம்மங் அதி⁴வசனங். தேனபி வுச்சதி – ‘‘ஸங்கா⁴தி³ஸேஸோ’’தி.
Saṅghādisesoti saṅghova tassā āpattiyā parivāsaṃ deti, mūlāya paṭikassati, mānattaṃ deti , abbheti; na sambahulā, na ekapuggalo. Tena vuccati – ‘‘saṅghādiseso’’ti. Tasseva āpattinikāyassa nāmakammaṃ adhivacanaṃ. Tenapi vuccati – ‘‘saṅghādiseso’’ti.
அஜ்ஜ²த்தரூபே மோசேதி, ப³ஹித்³தா⁴ரூபே மோசேதி, அஜ்ஜ²த்தப³ஹித்³தா⁴ரூபே மோசேதி, ஆகாஸே கடிங் கம்பெந்தோ மோசேதி; ராகூ³பத்த²ம்பே⁴ மோசேதி, வச்சூபத்த²ம்பே⁴ மோசேதி, பஸ்ஸாவூபத்த²ம்பே⁴ மோசேதி, வாதூபத்த²ம்பே⁴ மோசேதி , உச்சாலிங்க³பாணகத³ட்டூ²பத்த²ம்பே⁴ மோசேதி; ஆரொக்³யத்தா²ய மோசேதி, ஸுக²த்தா²ய மோசேதி, பே⁴ஸஜ்ஜத்தா²ய மோசேதி, தா³னத்தா²ய மோசேதி, புஞ்ஞத்தா²ய மோசேதி, யஞ்ஞத்தா²ய மோசேதி, ஸக்³க³த்தா²ய மோசேதி, பீ³ஜத்தா²ய மோசேதி, வீமங்ஸத்தா²ய மோசேதி, த³வத்தா²ய மோசேதி; நீலங் மோசேதி, பீதகங் மோசேதி, லோஹிதகங் மோசேதி, ஓதா³தங் மோசேதி, தக்கவண்ணங் மோசேதி, த³கவண்ணங் மோசேதி, தேலவண்ணங் மோசேதி, கீ²ரவண்ணங் மோசேதி, த³தி⁴வண்ணங் மோசேதி, ஸப்பிவண்ணங் மோசேதி.
Ajjhattarūpe moceti, bahiddhārūpe moceti, ajjhattabahiddhārūpe moceti, ākāse kaṭiṃ kampento moceti; rāgūpatthambhe moceti, vaccūpatthambhe moceti, passāvūpatthambhe moceti, vātūpatthambhe moceti , uccāliṅgapāṇakadaṭṭhūpatthambhe moceti; ārogyatthāya moceti, sukhatthāya moceti, bhesajjatthāya moceti, dānatthāya moceti, puññatthāya moceti, yaññatthāya moceti, saggatthāya moceti, bījatthāya moceti, vīmaṃsatthāya moceti, davatthāya moceti; nīlaṃ moceti, pītakaṃ moceti, lohitakaṃ moceti, odātaṃ moceti, takkavaṇṇaṃ moceti, dakavaṇṇaṃ moceti, telavaṇṇaṃ moceti, khīravaṇṇaṃ moceti, dadhivaṇṇaṃ moceti, sappivaṇṇaṃ moceti.
ப³ஹித்³தா⁴ரூபேதி ப³ஹித்³தா⁴ உபாதி³ன்னே வா அனுபாதி³ன்னே வா.
Bahiddhārūpeti bahiddhā upādinne vā anupādinne vā.
அஜ்ஜ²த்தப³ஹித்³தா⁴ரூபேதி தது³ப⁴யே.
Ajjhattabahiddhārūpeti tadubhaye.
ஆகாஸே கடிங் கம்பெந்தோதி ஆகாஸே வாயமந்தஸ்ஸ அங்க³ஜாதங் கம்மனியங் ஹோதி.
Ākāse kaṭiṃ kampentoti ākāse vāyamantassa aṅgajātaṃ kammaniyaṃ hoti.
ராகூ³பத்த²ம்பே⁴தி ராகே³ன பீளிதஸ்ஸ அங்க³ஜாதங் கம்மனியங் ஹோதி.
Rāgūpatthambheti rāgena pīḷitassa aṅgajātaṃ kammaniyaṃ hoti.
வச்சூபத்த²ம்பே⁴தி வச்சேன பீளிதஸ்ஸ அங்க³ஜாதங் கம்மனியங் ஹோதி.
Vaccūpatthambheti vaccena pīḷitassa aṅgajātaṃ kammaniyaṃ hoti.
பஸ்ஸாவூபத்த²ம்பே⁴தி பஸ்ஸாவேன பீளிதஸ்ஸ அங்க³ஜாதங் கம்மனியங் ஹோதி.
Passāvūpatthambheti passāvena pīḷitassa aṅgajātaṃ kammaniyaṃ hoti.
வாதூபத்த²ம்பே⁴தி வாதேன பீளிதஸ்ஸ அங்க³ஜாதங் கம்மனியங் ஹோதி.
Vātūpatthambheti vātena pīḷitassa aṅgajātaṃ kammaniyaṃ hoti.
உச்சாலிங்க³பாணகத³ட்டூ²பத்த²ம்பே⁴தி உச்சாலிங்க³பாணகத³ட்டே²ன அங்க³ஜாதங் கம்மனியங் ஹோதி.
Uccāliṅgapāṇakadaṭṭhūpatthambheti uccāliṅgapāṇakadaṭṭhena aṅgajātaṃ kammaniyaṃ hoti.
239. ஆரொக்³யத்தா²யாதி அரோகோ³ ப⁴விஸ்ஸாமி.
239.Ārogyatthāyāti arogo bhavissāmi.
ஸுக²த்தா²யாதி ஸுக²ங் வேத³னங் உப்பாதெ³ஸ்ஸாமி.
Sukhatthāyāti sukhaṃ vedanaṃ uppādessāmi.
பே⁴ஸஜ்ஜத்தா²யாதி பே⁴ஸஜ்ஜங் ப⁴விஸ்ஸதி.
Bhesajjatthāyāti bhesajjaṃ bhavissati.
தா³னத்தா²யாதி தா³னங் த³ஸ்ஸாமி.
Dānatthāyāti dānaṃ dassāmi.
புஞ்ஞத்தா²யாதி புஞ்ஞங் ப⁴விஸ்ஸதி.
Puññatthāyāti puññaṃ bhavissati.
யஞ்ஞத்தா²யாதி யஞ்ஞங் யஜிஸ்ஸாமி.
Yaññatthāyāti yaññaṃ yajissāmi.
ஸக்³க³த்தா²யாதி ஸக்³க³ங் க³மிஸ்ஸாமி.
Saggatthāyāti saggaṃ gamissāmi.
பீ³ஜத்தா²யாதி பீ³ஜங் ப⁴விஸ்ஸதி.
Bījatthāyāti bījaṃ bhavissati.
வீமங்ஸத்தா²யாதி நீலங் ப⁴விஸ்ஸதி, பீதகங் ப⁴விஸ்ஸதி, லோஹிதகங் ப⁴விஸ்ஸதி, ஓதா³தங் ப⁴விஸ்ஸதி, தக்கவண்ணங் ப⁴விஸ்ஸதி, த³கவண்ணங் ப⁴விஸ்ஸதி, தேலவண்ணங் ப⁴விஸ்ஸதி, கீ²ரவண்ணங் ப⁴விஸ்ஸதி, த³தி⁴வண்ணங் ப⁴விஸ்ஸதி, ஸப்பிவண்ணங் ப⁴விஸ்ஸதீதி.
Vīmaṃsatthāyāti nīlaṃ bhavissati, pītakaṃ bhavissati, lohitakaṃ bhavissati, odātaṃ bhavissati, takkavaṇṇaṃ bhavissati, dakavaṇṇaṃ bhavissati, telavaṇṇaṃ bhavissati, khīravaṇṇaṃ bhavissati, dadhivaṇṇaṃ bhavissati, sappivaṇṇaṃ bhavissatīti.
த³வத்தா²யாதி கி²ட்³டா³தி⁴ப்பாயோ.
Davatthāyāti khiḍḍādhippāyo.
240. அஜ்ஜ²த்தரூபே சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.
240. Ajjhattarūpe ceteti upakkamati muccati, āpatti saṅghādisesassa.
ப³ஹித்³தா⁴ரூபே சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.
Bahiddhārūpe ceteti upakkamati muccati, āpatti saṅghādisesassa.
அஜ்ஜ²த்தப³ஹித்³தா⁴ரூபே சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.
Ajjhattabahiddhārūpe ceteti upakkamati muccati, āpatti saṅghādisesassa.
ஆகாஸே கடிங் கம்பெந்தோ சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.
Ākāse kaṭiṃ kampento ceteti upakkamati muccati, āpatti saṅghādisesassa.
ராகூ³பத்த²ம்பே⁴ சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.
Rāgūpatthambhe ceteti upakkamati muccati, āpatti saṅghādisesassa.
வச்சூபத்த²ம்பே⁴ சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.
Vaccūpatthambhe ceteti upakkamati muccati, āpatti saṅghādisesassa.
பஸ்ஸாவூபத்த²ம்பே⁴ சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.
Passāvūpatthambhe ceteti upakkamati muccati, āpatti saṅghādisesassa.
வாதூபத்த²ம்பே⁴ சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.
Vātūpatthambhe ceteti upakkamati muccati, āpatti saṅghādisesassa.
உச்சாலிங்க³பாணகத³ட்டூ²பத்த²ம்பே⁴ சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.
Uccāliṅgapāṇakadaṭṭhūpatthambhe ceteti upakkamati muccati, āpatti saṅghādisesassa.
ஆரொக்³யத்தா²ய சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.
Ārogyatthāya ceteti upakkamati muccati, āpatti saṅghādisesassa.
ஸுக²த்தா²ய…பே॰… பே⁴ஸஜ்ஜத்தா²ய… தா³னத்தா²ய… புஞ்ஞத்தா²ய… யஞ்ஞத்தா²ய… ஸக்³க³த்தா²ய… பீ³ஜத்தா²ய… வீமங்ஸத்தா²ய… த³வத்தா²ய சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.
Sukhatthāya…pe… bhesajjatthāya… dānatthāya… puññatthāya… yaññatthāya… saggatthāya… bījatthāya… vīmaṃsatthāya… davatthāya ceteti upakkamati muccati, āpatti saṅghādisesassa.
நீலங் சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ .
Nīlaṃ ceteti upakkamati muccati, āpatti saṅghādisesassa .
பீதகங்… லோஹிதகங்… ஓதா³தங்… தக்கவண்ணங்… த³கவண்ணங்… தேலவண்ணங்… கீ²ரவண்ணங்… த³தி⁴வண்ணங்… ஸப்பிவண்ணங் சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.
Pītakaṃ… lohitakaṃ… odātaṃ… takkavaṇṇaṃ… dakavaṇṇaṃ… telavaṇṇaṃ… khīravaṇṇaṃ… dadhivaṇṇaṃ… sappivaṇṇaṃ ceteti upakkamati muccati, āpatti saṅghādisesassa.
ஸுத்³தி⁴கங் நிட்டி²தங்.
Suddhikaṃ niṭṭhitaṃ.
ஆரொக்³யத்த²ஞ்ச ஸுக²த்த²ஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.
Ārogyatthañca sukhatthañca ceteti upakkamati muccati, āpatti saṅghādisesassa.
ஆரொக்³யத்த²ஞ்ச பே⁴ஸஜ்ஜத்த²ஞ்ச…பே॰… ஆரொக்³யத்த²ஞ்ச தா³னத்த²ஞ்ச… ஆரொக்³யத்த²ஞ்ச புஞ்ஞத்த²ஞ்ச… ஆரொக்³யத்த²ஞ்ச யஞ்ஞத்த²ஞ்ச… ஆரொக்³யத்த²ஞ்ச ஸக்³க³த்த²ஞ்ச… ஆரொக்³யத்த²ஞ்ச பீ³ஜத்த²ஞ்ச… ஆரொக்³யத்த²ஞ்ச வீமங்ஸத்த²ஞ்ச… ஆரொக்³யத்த²ஞ்ச த³வத்த²ஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.
Ārogyatthañca bhesajjatthañca…pe… ārogyatthañca dānatthañca… ārogyatthañca puññatthañca… ārogyatthañca yaññatthañca… ārogyatthañca saggatthañca… ārogyatthañca bījatthañca… ārogyatthañca vīmaṃsatthañca… ārogyatthañca davatthañca ceteti upakkamati muccati, āpatti saṅghādisesassa.
ஏகமூலகஸ்ஸ க²ண்ட³சக்கங் நிட்டி²தங்.
Ekamūlakassa khaṇḍacakkaṃ niṭṭhitaṃ.
241. ஸுக²த்த²ஞ்ச பே⁴ஸஜ்ஜத்த²ஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.
241. Sukhatthañca bhesajjatthañca ceteti upakkamati muccati, āpatti saṅghādisesassa.
ஸுக²த்த²ஞ்ச தா³னத்த²ஞ்ச…பே॰… ஸுக²த்த²ஞ்ச புஞ்ஞத்த²ஞ்ச… ஸுக²த்த²ஞ்ச யஞ்ஞத்த²ஞ்ச… ஸுக²த்த²ஞ்ச ஸக்³க³த்த²ஞ்ச… ஸுக²த்த²ஞ்ச பீ³ஜத்த²ஞ்ச… ஸுக²த்த²ஞ்ச வீமங்ஸத்த²ஞ்ச… ஸுக²த்த²ஞ்ச த³வத்த²ஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.
Sukhatthañca dānatthañca…pe… sukhatthañca puññatthañca… sukhatthañca yaññatthañca… sukhatthañca saggatthañca… sukhatthañca bījatthañca… sukhatthañca vīmaṃsatthañca… sukhatthañca davatthañca ceteti upakkamati muccati, āpatti saṅghādisesassa.
ஸுக²த்த²ஞ்ச ஆரொக்³யத்த²ஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.
Sukhatthañca ārogyatthañca ceteti upakkamati muccati, āpatti saṅghādisesassa.
242. பே⁴ஸஜ்ஜத்த²ஞ்ச தா³னத்த²ஞ்ச…பே॰… பே⁴ஸஜ்ஜத்த²ஞ்ச புஞ்ஞத்த²ஞ்ச… பே⁴ஸஜ்ஜத்த²ஞ்ச யஞ்ஞத்த²ஞ்ச… பே⁴ஸஜ்ஜத்த²ஞ்ச ஸக்³க³த்த²ஞ்ச… பே⁴ஸஜ்ஜத்த²ஞ்ச பீ³ஜத்த²ஞ்ச… பே⁴ஸஜ்ஜத்த²ஞ்ச வீமங்ஸத்த²ஞ்ச… பே⁴ஸஜ்ஜத்த²ஞ்ச த³வத்த²ஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.
242. Bhesajjatthañca dānatthañca…pe… bhesajjatthañca puññatthañca… bhesajjatthañca yaññatthañca… bhesajjatthañca saggatthañca… bhesajjatthañca bījatthañca… bhesajjatthañca vīmaṃsatthañca… bhesajjatthañca davatthañca ceteti upakkamati muccati, āpatti saṅghādisesassa.
பே⁴ஸஜ்ஜத்த²ஞ்ச ஆரொக்³யத்த²ஞ்ச…பே॰… பே⁴ஸஜ்ஜத்த²ஞ்ச ஸுக²த்த²ஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.
Bhesajjatthañca ārogyatthañca…pe… bhesajjatthañca sukhatthañca ceteti upakkamati muccati, āpatti saṅghādisesassa.
தா³னத்த²ஞ்ச புஞ்ஞத்த²ஞ்ச…பே॰… தா³னத்த²ஞ்ச யஞ்ஞத்த²ஞ்ச… தா³னத்த²ஞ்ச ஸக்³க³த்த²ஞ்ச… தா³னத்த²ஞ்ச பீ³ஜத்த²ஞ்ச… தா³னத்த²ஞ்ச வீமங்ஸத்த²ஞ்ச… தா³னத்த²ஞ்ச த³வத்த²ஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.
Dānatthañca puññatthañca…pe… dānatthañca yaññatthañca… dānatthañca saggatthañca… dānatthañca bījatthañca… dānatthañca vīmaṃsatthañca… dānatthañca davatthañca ceteti upakkamati muccati, āpatti saṅghādisesassa.
தா³னத்த²ஞ்ச ஆரொக்³யத்த²ஞ்ச…பே॰… தா³னத்த²ஞ்ச ஸுக²த்த²ஞ்ச… தா³னத்த²ஞ்ச பே⁴ஸஜ்ஜத்த²ஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.
Dānatthañca ārogyatthañca…pe… dānatthañca sukhatthañca… dānatthañca bhesajjatthañca ceteti upakkamati muccati, āpatti saṅghādisesassa.
புஞ்ஞத்த²ஞ்ச யஞ்ஞத்த²ஞ்ச…பே॰… புஞ்ஞத்த²ஞ்ச ஸக்³க³த்த²ஞ்ச… புஞ்ஞத்த²ஞ்ச பீ³ஜத்த²ஞ்ச… புஞ்ஞத்த²ஞ்ச வீமங்ஸத்த²ஞ்ச… புஞ்ஞத்த²ஞ்ச த³வத்த²ஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.
Puññatthañca yaññatthañca…pe… puññatthañca saggatthañca… puññatthañca bījatthañca… puññatthañca vīmaṃsatthañca… puññatthañca davatthañca ceteti upakkamati muccati, āpatti saṅghādisesassa.
புஞ்ஞத்த²ஞ்ச ஆரொக்³யத்த²ஞ்ச…பே॰… புஞ்ஞத்த²ஞ்ச ஸுக²த்த²ஞ்ச… புஞ்ஞத்த²ஞ்ச பே⁴ஸஜ்ஜத்த²ஞ்ச… புஞ்ஞத்த²ஞ்ச தா³னத்த²ஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.
Puññatthañca ārogyatthañca…pe… puññatthañca sukhatthañca… puññatthañca bhesajjatthañca… puññatthañca dānatthañca ceteti upakkamati muccati, āpatti saṅghādisesassa.
யஞ்ஞத்த²ஞ்ச ஸக்³க³த்த²ஞ்ச…பே॰… யஞ்ஞத்த²ஞ்ச பீ³ஜத்த²ஞ்ச… யஞ்ஞத்த²ஞ்ச வீமங்ஸத்த²ஞ்ச … யஞ்ஞத்த²ஞ்ச த³வத்த²ஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.
Yaññatthañca saggatthañca…pe… yaññatthañca bījatthañca… yaññatthañca vīmaṃsatthañca … yaññatthañca davatthañca ceteti upakkamati muccati, āpatti saṅghādisesassa.
யஞ்ஞத்த²ஞ்ச ஆரொக்³யத்த²ஞ்ச…பே॰… யஞ்ஞத்த²ஞ்ச ஸுக²த்த²ஞ்ச… யஞ்ஞத்த²ஞ்ச பே⁴ஸஜ்ஜத்த²ஞ்ச… யஞ்ஞத்த²ஞ்ச தா³னத்த²ஞ்ச… யஞ்ஞத்த²ஞ்ச புஞ்ஞத்த²ஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.
Yaññatthañca ārogyatthañca…pe… yaññatthañca sukhatthañca… yaññatthañca bhesajjatthañca… yaññatthañca dānatthañca… yaññatthañca puññatthañca ceteti upakkamati muccati, āpatti saṅghādisesassa.
ஸக்³க³த்த²ஞ்ச பீ³ஜத்த²ஞ்ச…பே॰… ஸக்³க³த்த²ஞ்ச வீமங்ஸத்த²ஞ்ச… ஸக்³க³த்த²ஞ்ச த³வத்த²ஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.
Saggatthañca bījatthañca…pe… saggatthañca vīmaṃsatthañca… saggatthañca davatthañca ceteti upakkamati muccati, āpatti saṅghādisesassa.
ஸக்³க³த்த²ஞ்ச ஆரொக்³யத்த²ஞ்ச…பே॰… ஸக்³க³த்த²ஞ்ச ஸுக²த்த²ஞ்ச… ஸக்³க³த்த²ஞ்ச பே⁴ஸஜ்ஜத்த²ஞ்ச… ஸக்³க³த்த²ஞ்ச தா³னத்த²ஞ்ச… ஸக்³க³த்த²ஞ்ச புஞ்ஞத்த²ஞ்ச… ஸக்³க³த்த²ஞ்ச யஞ்ஞத்த²ஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.
Saggatthañca ārogyatthañca…pe… saggatthañca sukhatthañca… saggatthañca bhesajjatthañca… saggatthañca dānatthañca… saggatthañca puññatthañca… saggatthañca yaññatthañca ceteti upakkamati muccati, āpatti saṅghādisesassa.
பீ³ஜத்த²ஞ்ச வீமங்ஸத்த²ஞ்ச…பே॰… பீ³ஜத்த²ஞ்ச த³வத்த²ஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.
Bījatthañca vīmaṃsatthañca…pe… bījatthañca davatthañca ceteti upakkamati muccati, āpatti saṅghādisesassa.
பீ³ஜத்த²ஞ்ச ஆரொக்³யத்த²ஞ்ச…பே॰… பீ³ஜத்த²ஞ்ச ஸுக²த்த²ஞ்ச… பீ³ஜத்த²ஞ்ச பே⁴ஸஜ்ஜத்த²ஞ்ச… பீ³ஜத்த²ஞ்ச தா³னத்த²ஞ்ச… பீ³ஜத்த²ஞ்ச புஞ்ஞத்த²ஞ்ச… பீ³ஜத்த²ஞ்ச யஞ்ஞத்த²ஞ்ச… பீ³ஜத்த²ஞ்ச ஸக்³க³த்த²ஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.
Bījatthañca ārogyatthañca…pe… bījatthañca sukhatthañca… bījatthañca bhesajjatthañca… bījatthañca dānatthañca… bījatthañca puññatthañca… bījatthañca yaññatthañca… bījatthañca saggatthañca ceteti upakkamati muccati, āpatti saṅghādisesassa.
வீமங்ஸத்த²ஞ்ச த³வத்த²ஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.
Vīmaṃsatthañca davatthañca ceteti upakkamati muccati, āpatti saṅghādisesassa.
வீமங்ஸத்த²ஞ்ச ஆரொக்³யத்த²ஞ்ச…பே॰… வீமங்ஸத்த²ஞ்ச ஸுக²த்த²ஞ்ச… வீமங்ஸத்த²ஞ்ச பே⁴ஸஜ்ஜத்த²ஞ்ச… வீமங்ஸத்த²ஞ்ச தா³னத்த²ஞ்ச… வீமங்ஸத்த²ஞ்ச புஞ்ஞத்த²ஞ்ச… வீமங்ஸத்த²ஞ்ச யஞ்ஞத்த²ஞ்ச… வீமங்ஸத்த²ஞ்ச ஸக்³க³த்த²ஞ்ச… வீமங்ஸத்த²ஞ்ச பீ³ஜத்த²ஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.
Vīmaṃsatthañca ārogyatthañca…pe… vīmaṃsatthañca sukhatthañca… vīmaṃsatthañca bhesajjatthañca… vīmaṃsatthañca dānatthañca… vīmaṃsatthañca puññatthañca… vīmaṃsatthañca yaññatthañca… vīmaṃsatthañca saggatthañca… vīmaṃsatthañca bījatthañca ceteti upakkamati muccati, āpatti saṅghādisesassa.
த³வத்த²ஞ்ச ஆரொக்³யத்த²ஞ்ச…பே॰… த³வத்த²ஞ்ச ஸுக²த்த²ஞ்ச… த³வத்த²ஞ்ச பே⁴ஸஜ்ஜத்த²ஞ்ச… த³வத்த²ஞ்ச தா³னத்த²ஞ்ச… த³வத்த²ஞ்ச புஞ்ஞத்த²ஞ்ச… த³வத்த²ஞ்ச யஞ்ஞத்த²ஞ்ச… த³வத்த²ஞ்ச ஸக்³க³த்த²ஞ்ச… த³வத்த²ஞ்ச பீ³ஜத்த²ஞ்ச… த³வத்த²ஞ்ச வீமங்ஸத்த²ஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.
Davatthañca ārogyatthañca…pe… davatthañca sukhatthañca… davatthañca bhesajjatthañca… davatthañca dānatthañca… davatthañca puññatthañca… davatthañca yaññatthañca… davatthañca saggatthañca… davatthañca bījatthañca… davatthañca vīmaṃsatthañca ceteti upakkamati muccati, āpatti saṅghādisesassa.
ஏகமூலகஸ்ஸ ப³த்³த⁴சக்கங் நிட்டி²தங்.
Ekamūlakassa baddhacakkaṃ niṭṭhitaṃ.
ஆரொக்³யத்த²ஞ்ச ஸுக²த்த²ஞ்ச பே⁴ஸஜ்ஜத்த²ஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ…பே॰… ஆரொக்³யத்த²ஞ்ச ஸுக²த்த²ஞ்ச த³வத்த²ஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.
Ārogyatthañca sukhatthañca bhesajjatthañca ceteti upakkamati muccati, āpatti saṅghādisesassa…pe… ārogyatthañca sukhatthañca davatthañca ceteti upakkamati muccati, āpatti saṅghādisesassa.
து³மூலகஸ்ஸ க²ண்ட³சக்கங்.
Dumūlakassa khaṇḍacakkaṃ.
ஸுக²த்த²ஞ்ச பே⁴ஸஜ்ஜத்த²ஞ்ச தா³னத்த²ஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ…பே॰… ஸுக²த்த²ஞ்ச பே⁴ஸஜ்ஜத்த²ஞ்ச த³வத்த²ஞ்ச…பே॰… ஸுக²த்த²ஞ்ச பே⁴ஸஜ்ஜத்த²ஞ்ச ஆரொக்³யத்த²ஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.
Sukhatthañca bhesajjatthañca dānatthañca ceteti upakkamati muccati, āpatti saṅghādisesassa…pe… sukhatthañca bhesajjatthañca davatthañca…pe… sukhatthañca bhesajjatthañca ārogyatthañca ceteti upakkamati muccati, āpatti saṅghādisesassa.
து³மூலகஸ்ஸ ப³த்³த⁴சக்கங் ஸங்கி²த்தங்.
Dumūlakassa baddhacakkaṃ saṃkhittaṃ.
வீமங்ஸத்த²ஞ்ச த³வத்த²ஞ்ச ஆரொக்³யத்த²ஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ. வீமங்ஸத்த²ஞ்ச த³வத்த²ஞ்ச பீ³ஜத்த²ஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.
Vīmaṃsatthañca davatthañca ārogyatthañca ceteti upakkamati muccati, āpatti saṅghādisesassa. Vīmaṃsatthañca davatthañca bījatthañca ceteti upakkamati muccati, āpatti saṅghādisesassa.
து³மூலகங் நிட்டி²தங்.
Dumūlakaṃ niṭṭhitaṃ.
திமூலகம்பி சதுமூலகம்பி பஞ்சமூலகம்பி ச²மூலகம்பி ஸத்தமூலகம்பி அட்ட²மூலகம்பி நவமூலகம்பி ஏவமேவ வித்தா²ரேதப்³ப³ங்.
Timūlakampi catumūlakampi pañcamūlakampi chamūlakampi sattamūlakampi aṭṭhamūlakampi navamūlakampi evameva vitthāretabbaṃ.
இத³ங் ஸப்³ப³மூலகங்.
Idaṃ sabbamūlakaṃ.
243. ஆரொக்³யத்த²ஞ்ச ஸுக²த்த²ஞ்ச பே⁴ஸஜ்ஜத்த²ஞ்ச தா³னத்த²ஞ்ச புஞ்ஞத்த²ஞ்ச யஞ்ஞத்த²ஞ்ச ஸக்³க³த்த²ஞ்ச பீ³ஜத்த²ஞ்ச வீமங்ஸத்த²ஞ்ச த³வத்த²ஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.
243. Ārogyatthañca sukhatthañca bhesajjatthañca dānatthañca puññatthañca yaññatthañca saggatthañca bījatthañca vīmaṃsatthañca davatthañca ceteti upakkamati muccati, āpatti saṅghādisesassa.
ஸப்³ப³மூலகங் நிட்டி²தங்.
Sabbamūlakaṃ niṭṭhitaṃ.
244. நீலஞ்ச பீதகஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.
244. Nīlañca pītakañca ceteti upakkamati muccati, āpatti saṅghādisesassa.
நீலஞ்ச லோஹிதகஞ்ச…பே॰… நீலஞ்ச ஓதா³தஞ்ச… நீலஞ்ச தக்கவண்ணஞ்ச… நீலஞ்ச த³கவண்ணஞ்ச… நீலஞ்ச தேலவண்ணஞ்ச… நீலஞ்ச கீ²ரவண்ணஞ்ச… நீலஞ்ச த³தி⁴வண்ணஞ்ச… நீலஞ்ச ஸப்பிவண்ணஞ்ச சேதேதி உபக்கமதி முச்சத்தி, ஆபத்தி ஸங்கா⁴தி³ஸேஸஸ்ஸ.
Nīlañca lohitakañca…pe… nīlañca odātañca… nīlañca takkavaṇṇañca… nīlañca dakavaṇṇañca… nīlañca telavaṇṇañca… nīlañca khīravaṇṇañca… nīlañca dadhivaṇṇañca… nīlañca sappivaṇṇañca ceteti upakkamati muccatti, āpatti saṅghādisesassa.
ஏகமூலகஸ்ஸ க²ண்ட³சக்கங் நிட்டி²தங்.
Ekamūlakassa khaṇḍacakkaṃ niṭṭhitaṃ.
245. பீதகஞ்ச லோஹிதகஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.
245. Pītakañca lohitakañca ceteti upakkamati muccati, āpatti saṅghādisesassa.
பீதகஞ்ச ஓதா³தஞ்ச…பே॰… பீதகஞ்ச தக்கவண்ணஞ்ச… பீதகஞ்ச த³கவண்ணஞ்ச… பீதகஞ்ச தேலவண்ணஞ்ச… பீதகஞ்ச கீ²ரவண்ணஞ்ச… பீதகஞ்ச த³தி⁴வண்ணஞ்ச… பீதகஞ்ச ஸப்பிவண்ணஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.
Pītakañca odātañca…pe… pītakañca takkavaṇṇañca… pītakañca dakavaṇṇañca… pītakañca telavaṇṇañca… pītakañca khīravaṇṇañca… pītakañca dadhivaṇṇañca… pītakañca sappivaṇṇañca ceteti upakkamati muccati, āpatti saṅghādisesassa.
பீதகஞ்ச நீலஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.
Pītakañca nīlañca ceteti upakkamati muccati, āpatti saṅghādisesassa.
ஏகமூலகஸ்ஸ ப³த்³த⁴சக்கங்.
Ekamūlakassa baddhacakkaṃ.
246. லோஹிதகஞ்ச ஓதா³தஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.
246. Lohitakañca odātañca ceteti upakkamati muccati, āpatti saṅghādisesassa.
லோஹிதகஞ்ச தக்கவண்ணஞ்ச…பே॰… லோஹிதகஞ்ச த³கவண்ணஞ்ச… லோஹிதகஞ்ச தேலவண்ணஞ்ச… லோஹிதகஞ்ச கீ²ரவண்ணஞ்ச… லோஹிதகஞ்ச த³தி⁴வண்ணஞ்ச… லோஹிதகஞ்ச ஸப்பிவண்ணஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.
Lohitakañca takkavaṇṇañca…pe… lohitakañca dakavaṇṇañca… lohitakañca telavaṇṇañca… lohitakañca khīravaṇṇañca… lohitakañca dadhivaṇṇañca… lohitakañca sappivaṇṇañca ceteti upakkamati muccati, āpatti saṅghādisesassa.
லோஹிதகஞ்ச நீலஞ்ச…பே॰… லோஹிதகஞ்ச பீதகஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.
Lohitakañca nīlañca…pe… lohitakañca pītakañca ceteti upakkamati muccati, āpatti saṅghādisesassa.
ஓதா³தஞ்ச தக்கவண்ணஞ்ச…பே॰… ஓதா³தஞ்ச த³கவண்ணஞ்ச… ஓதா³தஞ்ச தேலவண்ணஞ்ச… ஓதா³தஞ்ச கீ²ரவண்ணஞ்ச… ஓதா³தஞ்ச த³தி⁴வண்ணஞ்ச… ஓதா³தஞ்ச ஸப்பிவண்ணஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.
Odātañca takkavaṇṇañca…pe… odātañca dakavaṇṇañca… odātañca telavaṇṇañca… odātañca khīravaṇṇañca… odātañca dadhivaṇṇañca… odātañca sappivaṇṇañca ceteti upakkamati muccati, āpatti saṅghādisesassa.
ஓதா³தஞ்ச நீலஞ்ச…பே॰… ஓதா³தஞ்ச பீதகஞ்ச… ஓதா³தஞ்ச லோஹிதகஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.
Odātañca nīlañca…pe… odātañca pītakañca… odātañca lohitakañca ceteti upakkamati muccati, āpatti saṅghādisesassa.
தக்கவண்ணஞ்ச த³கவண்ணஞ்ச…பே॰… தக்கவண்ணஞ்ச தேலவண்ணஞ்ச… தக்கவண்ணஞ்ச கீ²ரவண்ணஞ்ச… தக்கவண்ணஞ்ச த³தி⁴வண்ணஞ்ச… தக்கவண்ணஞ்ச ஸப்பிவண்ணஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.
Takkavaṇṇañca dakavaṇṇañca…pe… takkavaṇṇañca telavaṇṇañca… takkavaṇṇañca khīravaṇṇañca… takkavaṇṇañca dadhivaṇṇañca… takkavaṇṇañca sappivaṇṇañca ceteti upakkamati muccati, āpatti saṅghādisesassa.
தக்கவண்ணஞ்ச நீலஞ்ச…பே॰… தக்கவண்ணஞ்ச பீதகஞ்ச… தக்கவண்ணஞ்ச லோஹிதகஞ்ச… தக்கவண்ணஞ்ச ஓதா³தஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.
Takkavaṇṇañca nīlañca…pe… takkavaṇṇañca pītakañca… takkavaṇṇañca lohitakañca… takkavaṇṇañca odātañca ceteti upakkamati muccati, āpatti saṅghādisesassa.
த³கவண்ணஞ்ச தேலவண்ணஞ்ச…பே॰… த³கவண்ணஞ்ச கீ²ரவண்ணஞ்ச… த³கவண்ணஞ்ச த³தி⁴வண்ணஞ்ச… த³கவண்ணஞ்ச ஸப்பிவண்ணஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.
Dakavaṇṇañca telavaṇṇañca…pe… dakavaṇṇañca khīravaṇṇañca… dakavaṇṇañca dadhivaṇṇañca… dakavaṇṇañca sappivaṇṇañca ceteti upakkamati muccati, āpatti saṅghādisesassa.
த³கவண்ணஞ்ச நீலஞ்ச…பே॰… த³கவண்ணஞ்ச பீதகஞ்ச… த³கவண்ணஞ்ச லோஹிதகஞ்ச… த³கவண்ணஞ்ச ஓதா³தஞ்ச… த³கவண்ணஞ்ச தக்கவண்ணஞ்ச சேதேதி உபக்கமதி முச்சதி , ஆபத்தி ஸங்கா⁴தி³ஸேஸஸ்ஸ.
Dakavaṇṇañca nīlañca…pe… dakavaṇṇañca pītakañca… dakavaṇṇañca lohitakañca… dakavaṇṇañca odātañca… dakavaṇṇañca takkavaṇṇañca ceteti upakkamati muccati , āpatti saṅghādisesassa.
தேலவண்ணஞ்ச கீ²ரவண்ணஞ்ச…பே॰… தேலவண்ணஞ்ச த³தி⁴வண்ணஞ்ச… தேலவண்ணஞ்ச ஸப்பிவண்ணஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.
Telavaṇṇañca khīravaṇṇañca…pe… telavaṇṇañca dadhivaṇṇañca… telavaṇṇañca sappivaṇṇañca ceteti upakkamati muccati, āpatti saṅghādisesassa.
தேலவண்ணஞ்ச நீலஞ்ச…பே॰… தேலவண்ணஞ்ச பீதகஞ்ச… தேலவண்ணஞ்ச லோஹிதகஞ்ச… தேலவண்ணஞ்ச ஓதா³தஞ்ச… தேலவண்ணஞ்ச தக்கவண்ணஞ்ச… தேலவண்ணஞ்ச த³கவண்ணஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.
Telavaṇṇañca nīlañca…pe… telavaṇṇañca pītakañca… telavaṇṇañca lohitakañca… telavaṇṇañca odātañca… telavaṇṇañca takkavaṇṇañca… telavaṇṇañca dakavaṇṇañca ceteti upakkamati muccati, āpatti saṅghādisesassa.
கீ²ரவண்ணஞ்ச த³தி⁴வண்ணஞ்ச…பே॰… கீ²ரவண்ணஞ்ச ஸப்பிவண்ணஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.
Khīravaṇṇañca dadhivaṇṇañca…pe… khīravaṇṇañca sappivaṇṇañca ceteti upakkamati muccati, āpatti saṅghādisesassa.
கீ²ரவண்ணஞ்ச நீலஞ்ச…பே॰… கீ²ரவண்ணஞ்ச பீதகஞ்ச… கீ²ரவண்ணஞ்ச லோஹிதகஞ்ச… கீ²ரவண்ணஞ்ச ஓதா³தஞ்ச… கீ²ரவண்ணஞ்ச தக்கவண்ணஞ்ச… கீ²ரவண்ணஞ்ச த³கவண்ணஞ்ச… கீ²ரவண்ணஞ்ச தேலவண்ணஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.
Khīravaṇṇañca nīlañca…pe… khīravaṇṇañca pītakañca… khīravaṇṇañca lohitakañca… khīravaṇṇañca odātañca… khīravaṇṇañca takkavaṇṇañca… khīravaṇṇañca dakavaṇṇañca… khīravaṇṇañca telavaṇṇañca ceteti upakkamati muccati, āpatti saṅghādisesassa.
த³தி⁴வண்ணஞ்ச ஸப்பிவண்ணஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.
Dadhivaṇṇañca sappivaṇṇañca ceteti upakkamati muccati, āpatti saṅghādisesassa.
த³தி⁴வண்ணஞ்ச நீலஞ்ச…பே॰… த³தி⁴வண்ணஞ்ச பீதகஞ்ச… த³தி⁴வண்ணஞ்ச லோஹிதகஞ்ச… த³தி⁴வண்ணஞ்ச ஓதா³தஞ்ச… த³தி⁴வண்ணஞ்ச தக்கவண்ணஞ்ச… த³தி⁴வண்ணஞ்ச த³கவண்ணஞ்ச… த³தி⁴வண்ணஞ்ச தேலவண்ணஞ்ச… த³தி⁴வண்ணஞ்ச கீ²ரவண்ணஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.
Dadhivaṇṇañca nīlañca…pe… dadhivaṇṇañca pītakañca… dadhivaṇṇañca lohitakañca… dadhivaṇṇañca odātañca… dadhivaṇṇañca takkavaṇṇañca… dadhivaṇṇañca dakavaṇṇañca… dadhivaṇṇañca telavaṇṇañca… dadhivaṇṇañca khīravaṇṇañca ceteti upakkamati muccati, āpatti saṅghādisesassa.
ஸப்பிவண்ணஞ்ச நீலஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.
Sappivaṇṇañca nīlañca ceteti upakkamati muccati, āpatti saṅghādisesassa.
ஸப்பிவண்ணஞ்ச பீதகஞ்ச…பே॰… ஸப்பிவண்ணஞ்ச லோஹிதகஞ்ச… ஸப்பிவண்ணஞ்ச ஓதா³தஞ்ச… ஸப்பிவண்ணஞ்ச தக்கவண்ணஞ்ச… ஸப்பிவண்ணஞ்ச த³கவண்ணஞ்ச… ஸப்பிவண்ணஞ்ச தேலவண்ணஞ்ச… ஸப்பிவண்ணஞ்ச கீ²ரவண்ணஞ்ச … ஸப்பிவண்ணஞ்ச த³தி⁴வண்ணஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.
Sappivaṇṇañca pītakañca…pe… sappivaṇṇañca lohitakañca… sappivaṇṇañca odātañca… sappivaṇṇañca takkavaṇṇañca… sappivaṇṇañca dakavaṇṇañca… sappivaṇṇañca telavaṇṇañca… sappivaṇṇañca khīravaṇṇañca … sappivaṇṇañca dadhivaṇṇañca ceteti upakkamati muccati, āpatti saṅghādisesassa.
ஏகமூலகஸ்ஸ ப³த்³த⁴சக்கங் நிட்டி²தங்.
Ekamūlakassa baddhacakkaṃ niṭṭhitaṃ.
நீலஞ்ச பீதகஞ்ச லோஹிதகஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ…பே॰… நீலஞ்ச பீதகஞ்ச ஸப்பிவண்ணஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.
Nīlañca pītakañca lohitakañca ceteti upakkamati muccati, āpatti saṅghādisesassa…pe… nīlañca pītakañca sappivaṇṇañca ceteti upakkamati muccati, āpatti saṅghādisesassa.
து³மூலகஸ்ஸ க²ண்ட³சக்கங்.
Dumūlakassa khaṇḍacakkaṃ.
பீதகஞ்ச லோஹிதகஞ்ச ஓதா³தஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ…பே॰… பீதகஞ்ச லோஹிதகஞ்ச ஸப்பிவண்ணஞ்ச…பே॰… பீதகஞ்ச லோஹிதகஞ்ச நீலஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.
Pītakañca lohitakañca odātañca ceteti upakkamati muccati, āpatti saṅghādisesassa…pe… pītakañca lohitakañca sappivaṇṇañca…pe… pītakañca lohitakañca nīlañca ceteti upakkamati muccati, āpatti saṅghādisesassa.
து³மூலகஸ்ஸ ப³த்³த⁴சக்கங் ஸங்கி²த்தங்.
Dumūlakassa baddhacakkaṃ saṃkhittaṃ.
த³தி⁴வண்ணஞ்ச ஸப்பிவண்ணஞ்ச நீலஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ…பே॰… த³தி⁴வண்ணஞ்ச ஸப்பிவண்ணஞ்ச கீ²ரவண்ணஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.
Dadhivaṇṇañca sappivaṇṇañca nīlañca ceteti upakkamati muccati, āpatti saṅghādisesassa…pe… dadhivaṇṇañca sappivaṇṇañca khīravaṇṇañca ceteti upakkamati muccati, āpatti saṅghādisesassa.
து³மூலகங் நிட்டி²தங்.
Dumūlakaṃ niṭṭhitaṃ.
திமூலகம்பி சதுமூலகம்பி பஞ்சமூலகம்பி ச²மூலகம்பி ஸத்தமூலகம்பி அட்ட²மூலகம்பி நவமூலகம்பி ஏவமேவ வித்தா²ரேதப்³ப³ங்.
Timūlakampi catumūlakampi pañcamūlakampi chamūlakampi sattamūlakampi aṭṭhamūlakampi navamūlakampi evameva vitthāretabbaṃ.
இத³ங் ஸப்³ப³மூலகங்.
Idaṃ sabbamūlakaṃ.
247. நீலஞ்ச பீதகஞ்ச லோஹிதகஞ்ச ஓதா³தஞ்ச தக்கவண்ணஞ்ச த³கவண்ணஞ்ச தேலவண்ணஞ்ச கீ²ரவண்ணஞ்ச த³தி⁴வண்ணஞ்ச ஸப்பிவண்ணஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.
247. Nīlañca pītakañca lohitakañca odātañca takkavaṇṇañca dakavaṇṇañca telavaṇṇañca khīravaṇṇañca dadhivaṇṇañca sappivaṇṇañca ceteti upakkamati muccati, āpatti saṅghādisesassa.
ஸப்³ப³மூலகங் நிட்டி²தங்.
Sabbamūlakaṃ niṭṭhitaṃ.
248. ஆரொக்³யத்த²ஞ்ச நீலஞ்ச 5 சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.
248. Ārogyatthañca nīlañca 6 ceteti upakkamati muccati, āpatti saṅghādisesassa.
ஆரொக்³யத்த²ஞ்ச ஸுக²த்த²ஞ்ச நீலஞ்ச பீதகஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.
Ārogyatthañca sukhatthañca nīlañca pītakañca ceteti upakkamati muccati, āpatti saṅghādisesassa.
ஆரொக்³யத்த²ஞ்ச ஸுக²த்த²ஞ்ச பே⁴ஸஜ்ஜத்த²ஞ்ச நீலஞ்ச பீதகஞ்ச லோஹிதகஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.
Ārogyatthañca sukhatthañca bhesajjatthañca nīlañca pītakañca lohitakañca ceteti upakkamati muccati, āpatti saṅghādisesassa.
உப⁴தோ வட்³ட⁴கங் ஏவமேவ வட்³டே⁴தப்³ப³ங்.
Ubhato vaḍḍhakaṃ evameva vaḍḍhetabbaṃ.
ஆரொக்³யத்த²ஞ்ச ஸுக²த்த²ஞ்ச பே⁴ஸஜ்ஜத்த²ஞ்ச தா³னத்த²ஞ்ச புஞ்ஞத்த²ஞ்ச யஞ்ஞத்த²ஞ்ச ஸக்³க³த்த²ஞ்ச பீ³ஜத்த²ஞ்ச வீமங்ஸத்த²ஞ்ச த³வத்த²ஞ்ச நீலஞ்ச பீதகஞ்ச லோஹிதகஞ்ச ஓதா³தஞ்ச தக்கவண்ணஞ்ச த³கவண்ணஞ்ச தேலவண்ணஞ்ச கீ²ரவண்ணஞ்ச த³தி⁴வண்ணஞ்ச ஸப்பிவண்ணஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.
Ārogyatthañca sukhatthañca bhesajjatthañca dānatthañca puññatthañca yaññatthañca saggatthañca bījatthañca vīmaṃsatthañca davatthañca nīlañca pītakañca lohitakañca odātañca takkavaṇṇañca dakavaṇṇañca telavaṇṇañca khīravaṇṇañca dadhivaṇṇañca sappivaṇṇañca ceteti upakkamati muccati, āpatti saṅghādisesassa.
மிஸ்ஸகசக்கங் நிட்டி²தங்.
Missakacakkaṃ niṭṭhitaṃ.
249. நீலங் மோசெஸ்ஸாமீதி சேதேதி உபக்கமதி பீதகங் முச்சதி, ஆபத்தி ஸங்கா⁴தி³ஸேஸஸ்ஸ.
249. Nīlaṃ mocessāmīti ceteti upakkamati pītakaṃ muccati, āpatti saṅghādisesassa.
நீலங் மோசெஸ்ஸாமீதி சேதேதி உபக்கமதி லோஹிதகங்…பே॰… ஓதா³தங் … தக்கவண்ணங்… த³கவண்ணங்… தேலவண்ணங்… கீ²ரவண்ணங்… த³தி⁴வண்ணங்… ஸப்பிவண்ணங் முச்சதி, ஆபத்தி ஸங்கா⁴தி³ஸேஸஸ்ஸ.
Nīlaṃ mocessāmīti ceteti upakkamati lohitakaṃ…pe… odātaṃ … takkavaṇṇaṃ… dakavaṇṇaṃ… telavaṇṇaṃ… khīravaṇṇaṃ… dadhivaṇṇaṃ… sappivaṇṇaṃ muccati, āpatti saṅghādisesassa.
க²ண்ட³சக்கங் நிட்டி²தங்.
Khaṇḍacakkaṃ niṭṭhitaṃ.
250. பீதகங் மோசெஸ்ஸாமீதி சேதேதி உபக்கமதி லோஹிதகங் முச்சதி, ஆபத்தி ஸங்கா⁴தி³ஸேஸஸ்ஸ.
250. Pītakaṃ mocessāmīti ceteti upakkamati lohitakaṃ muccati, āpatti saṅghādisesassa.
பீதகங் மோசெஸ்ஸாமீதி சேதேதி உபக்கமதி ஓதா³தங்…பே॰… தக்கவண்ணங்… த³கவண்ணங்… தேலவண்ணங்… கீ²ரவண்ணங்… த³தி⁴வண்ணங்… ஸப்பிவண்ணங்… நீலங் முச்சதி, ஆபத்தி ஸங்கா⁴தி³ஸேஸஸ்ஸ.
Pītakaṃ mocessāmīti ceteti upakkamati odātaṃ…pe… takkavaṇṇaṃ… dakavaṇṇaṃ… telavaṇṇaṃ… khīravaṇṇaṃ… dadhivaṇṇaṃ… sappivaṇṇaṃ… nīlaṃ muccati, āpatti saṅghādisesassa.
ப³த்³த⁴சக்கமூலங் ஸங்கி²த்தங்.
Baddhacakkamūlaṃ saṃkhittaṃ.
251. ஸப்பிவண்ணங் மோசெஸ்ஸாமீதி சேதேதி உபக்கமதி நீலங் முச்சதி, ஆபத்தி ஸங்கா⁴தி³ஸேஸஸ்ஸ.
251. Sappivaṇṇaṃ mocessāmīti ceteti upakkamati nīlaṃ muccati, āpatti saṅghādisesassa.
ஸப்பிவண்ணங் மோசெஸ்ஸாமீதி சேதேதி உபக்கமதி பீதகங்…பே॰… லோஹிதகங்… ஓதா³தங் … தக்கவண்ணங்… த³கவண்ணங்… தேலவண்ணங்… கீ²ரவண்ணங்… த³தி⁴வண்ணங் முச்சதி, ஆபத்தி ஸங்கா⁴தி³ஸேஸஸ்ஸ.
Sappivaṇṇaṃ mocessāmīti ceteti upakkamati pītakaṃ…pe… lohitakaṃ… odātaṃ … takkavaṇṇaṃ… dakavaṇṇaṃ… telavaṇṇaṃ… khīravaṇṇaṃ… dadhivaṇṇaṃ muccati, āpatti saṅghādisesassa.
குச்சி²சக்கங் நிட்டி²தங்.
Kucchicakkaṃ niṭṭhitaṃ.
252. பீதகங் மோசெஸ்ஸாமீதி சேதேதி உபக்கமதி நீலங் முச்சதி, ஆபத்தி ஸங்கா⁴தி³ஸேஸஸ்ஸ.
252. Pītakaṃ mocessāmīti ceteti upakkamati nīlaṃ muccati, āpatti saṅghādisesassa.
லோஹிதகங்…பே॰… ஓதா³தங்… தக்கவண்ணங்… த³கவண்ணங்… தேலவண்ணங்… கீ²ரவண்ணங்… த³தி⁴வண்ணங்… ஸப்பிவண்ணங் மோசெஸ்ஸாமீதி சேதேதி உபக்கமதி நீலங் முச்சதி, ஆபத்தி ஸங்கா⁴தி³ஸேஸஸ்ஸ.
Lohitakaṃ…pe… odātaṃ… takkavaṇṇaṃ… dakavaṇṇaṃ… telavaṇṇaṃ… khīravaṇṇaṃ… dadhivaṇṇaṃ… sappivaṇṇaṃ mocessāmīti ceteti upakkamati nīlaṃ muccati, āpatti saṅghādisesassa.
பிட்டி²சக்கஸ்ஸ பட²மங் க³மனங் நிட்டி²தங்.
Piṭṭhicakkassa paṭhamaṃ gamanaṃ niṭṭhitaṃ.
253. லோஹிதகங் மோசெஸ்ஸாமீதி சேதேதி உபக்கமதி பீதகங் முச்சதி, ஆபத்தி ஸங்கா⁴தி³ஸேஸஸ்ஸ.
253. Lohitakaṃ mocessāmīti ceteti upakkamati pītakaṃ muccati, āpatti saṅghādisesassa.
ஓதா³தங்…பே॰… தக்கவண்ணங்… த³கவண்ணங்… தேலவண்ணங்… கீ²ரவண்ணங்
Odātaṃ…pe… takkavaṇṇaṃ… dakavaṇṇaṃ… telavaṇṇaṃ… khīravaṇṇaṃ
… த³தி⁴வண்ணங்… ஸப்பிவண்ணங்… நீலங் மோசெஸ்ஸாமீதி சேதேதி உபக்கமதி பீதகங் முச்சதி, ஆபத்தி ஸங்கா⁴தி³ஸேஸஸ்ஸ.
… Dadhivaṇṇaṃ… sappivaṇṇaṃ… nīlaṃ mocessāmīti ceteti upakkamati pītakaṃ muccati, āpatti saṅghādisesassa.
பிட்டி²சக்கஸ்ஸ து³தியங் க³மனங் நிட்டி²தங்.
Piṭṭhicakkassa dutiyaṃ gamanaṃ niṭṭhitaṃ.
254. ஓதா³தங் மோசெஸ்ஸாமீதி சேதேதி உபக்கமதி லோஹிதகங் முச்சதி, ஆபத்தி ஸங்கா⁴தி³ஸேஸஸ்ஸ.
254. Odātaṃ mocessāmīti ceteti upakkamati lohitakaṃ muccati, āpatti saṅghādisesassa.
தக்கவண்ணங்…பே॰… த³கவண்ணங்… தேலவண்ணங்… கீ²ரவண்ணங்… த³தி⁴வண்ணங்…
Takkavaṇṇaṃ…pe… dakavaṇṇaṃ… telavaṇṇaṃ… khīravaṇṇaṃ… dadhivaṇṇaṃ…
ஸப்பிவண்ணங்… நீலங் … பீதகங் மோசெஸ்ஸாமீதி சேதேதி உபக்கமதி லோஹிதகங் முச்சதி, ஆபத்தி ஸங்கா⁴தி³ஸேஸஸ்ஸ.
Sappivaṇṇaṃ… nīlaṃ … pītakaṃ mocessāmīti ceteti upakkamati lohitakaṃ muccati, āpatti saṅghādisesassa.
பிட்டி²சக்கஸ்ஸ ததியங் க³மனங் நிட்டி²தங்.
Piṭṭhicakkassa tatiyaṃ gamanaṃ niṭṭhitaṃ.
255. தக்கவண்ணங் மோசெஸ்ஸாமீதி சேதேதி உபக்கமதி ஓதா³தங் முச்சதி, ஆபத்தி ஸங்கா⁴தி³ஸேஸஸ்ஸ.
255. Takkavaṇṇaṃ mocessāmīti ceteti upakkamati odātaṃ muccati, āpatti saṅghādisesassa.
த³கவண்ணங்…பே॰… தேலவண்ணங்… கீ²ரவண்ணங்… த³தி⁴வண்ணங்… ஸப்பிவண்ணங்… நீலங்… பீதகங்… லோஹிதகங் மோசெஸ்ஸாமீதி சேதேதி உபக்கமதி ஓதா³தங் முச்சதி, ஆபத்தி ஸங்கா⁴தி³ஸேஸஸ்ஸ.
Dakavaṇṇaṃ…pe… telavaṇṇaṃ… khīravaṇṇaṃ… dadhivaṇṇaṃ… sappivaṇṇaṃ… nīlaṃ… pītakaṃ… lohitakaṃ mocessāmīti ceteti upakkamati odātaṃ muccati, āpatti saṅghādisesassa.
பிட்டி²சக்கஸ்ஸ சதுத்த²ங் க³மனங் நிட்டி²தங்.
Piṭṭhicakkassa catutthaṃ gamanaṃ niṭṭhitaṃ.
256. த³கவண்ணங் மோசெஸ்ஸாமீதி சேதேதி உபக்கமதி தக்கவண்ணங் முச்சதி, ஆபத்தி ஸங்கா⁴தி³ஸேஸஸ்ஸ.
256. Dakavaṇṇaṃ mocessāmīti ceteti upakkamati takkavaṇṇaṃ muccati, āpatti saṅghādisesassa.
தேலவண்ணங் …பே॰… கீ²ரவண்ணங்… த³தி⁴வண்ணங்… ஸப்பிவண்ணங்… நீல…
Telavaṇṇaṃ …pe… khīravaṇṇaṃ… dadhivaṇṇaṃ… sappivaṇṇaṃ… nīla…
பீதகங்… லோஹிதகங்… ஓதா³தங் மோசெஸ்ஸாமீதி சேதேதி உபக்கமதி தக்கவண்ணங் முச்சதி, ஆபத்தி ஸங்கா⁴தி³ஸேஸஸ்ஸ.
Pītakaṃ… lohitakaṃ… odātaṃ mocessāmīti ceteti upakkamati takkavaṇṇaṃ muccati, āpatti saṅghādisesassa.
பிட்டி²சக்கஸ்ஸ பஞ்சமங் க³மனங் நிட்டி²தங்.
Piṭṭhicakkassa pañcamaṃ gamanaṃ niṭṭhitaṃ.
257. தேலவண்ணங் மோசெஸ்ஸாமீதி சேதேதி உபக்கமதி த³கவண்ணங் முச்சதி, ஆபத்தி ஸங்கா⁴தி³ஸேஸஸ்ஸ.
257. Telavaṇṇaṃ mocessāmīti ceteti upakkamati dakavaṇṇaṃ muccati, āpatti saṅghādisesassa.
கீ²ரவண்ணங்…பே॰… த³தி⁴வண்ணங்… ஸப்பிவண்ணங்… நீலங் … பீதகங்… லோஹிதகங்…
Khīravaṇṇaṃ…pe… dadhivaṇṇaṃ… sappivaṇṇaṃ… nīlaṃ … pītakaṃ… lohitakaṃ…
ஓதா³தங்… தக்கவண்ணங் மோசெஸ்ஸாமீதி சேதேதி உபக்கமதி த³கவண்ணங் முச்சதி, ஆபத்தி ஸங்கா⁴தி³ஸேஸஸ்ஸ.
Odātaṃ… takkavaṇṇaṃ mocessāmīti ceteti upakkamati dakavaṇṇaṃ muccati, āpatti saṅghādisesassa.
பிட்டி²சக்கஸ்ஸ ச²ட்ட²ங் க³மனங் நிட்டி²தங்.
Piṭṭhicakkassa chaṭṭhaṃ gamanaṃ niṭṭhitaṃ.
258. கீ²ரவண்ணங் மோசெஸ்ஸாமீதி சேதேதி உபக்கமதி தேலவண்ணங் முச்சதி, ஆபத்தி ஸங்கா⁴தி³ஸேஸஸ்ஸ.
258. Khīravaṇṇaṃ mocessāmīti ceteti upakkamati telavaṇṇaṃ muccati, āpatti saṅghādisesassa.
த³தி⁴வண்ணங்…பே॰… ஸப்பிவண்ணங்… நீலங்… பீதகங்… லோஹிதகங்… ஓதா³தங்… தக்கவண்ணங்… த³கவண்ணங் மோசெஸ்ஸாமீதி சேதேதி உபக்கமதி தேலவண்ணங் முச்சதி, ஆபத்தி ஸங்கா⁴தி³ஸேஸஸ்ஸ.
Dadhivaṇṇaṃ…pe… sappivaṇṇaṃ… nīlaṃ… pītakaṃ… lohitakaṃ… odātaṃ… takkavaṇṇaṃ… dakavaṇṇaṃ mocessāmīti ceteti upakkamati telavaṇṇaṃ muccati, āpatti saṅghādisesassa.
பிட்டி²சக்கஸ்ஸ ஸத்தமங் க³மனங் நிட்டி²தங்.
Piṭṭhicakkassa sattamaṃ gamanaṃ niṭṭhitaṃ.
259. த³தி⁴வண்ணங் மோசெஸ்ஸாமீதி சேதேதி உபக்கமதி கீ²ரவண்ணங் முச்சதி, ஆபத்தி ஸங்கா⁴தி³ஸேஸஸ்ஸ.
259. Dadhivaṇṇaṃ mocessāmīti ceteti upakkamati khīravaṇṇaṃ muccati, āpatti saṅghādisesassa.
ஸப்பிவண்ணங்…பே॰… நீலங்… பீதகங்… லோஹிதகங்… ஓதா³தங்… தக்கவண்ணங்… த³கவண்ணங்… தேலவண்ணங் மோசெஸ்ஸாமீதி சேதேதி உபக்கமதி கீ²ரவண்ணங் முச்சதி, ஆபத்தி ஸங்கா⁴தி³ஸேஸஸ்ஸ.
Sappivaṇṇaṃ…pe… nīlaṃ… pītakaṃ… lohitakaṃ… odātaṃ… takkavaṇṇaṃ… dakavaṇṇaṃ… telavaṇṇaṃ mocessāmīti ceteti upakkamati khīravaṇṇaṃ muccati, āpatti saṅghādisesassa.
பிட்டி²சக்கஸ்ஸ அட்ட²மங் க³மனங் நிட்டி²தங்.
Piṭṭhicakkassa aṭṭhamaṃ gamanaṃ niṭṭhitaṃ.
260. ஸப்பிவண்ணங் மோசெஸ்ஸாமீதி சேதேதி உபக்கமதி த³தி⁴வண்ணங் முச்சதி, ஆபத்தி ஸங்கா⁴தி³ஸேஸஸ்ஸ.
260. Sappivaṇṇaṃ mocessāmīti ceteti upakkamati dadhivaṇṇaṃ muccati, āpatti saṅghādisesassa.
நீலங்…பே॰… பீதகங்… லோஹிதகங்… ஓதா³தங்… தக்கவண்ணங்… த³கவண்ணங்… தேலவண்ணங்… கீ²ரவண்ணங் மோசெஸ்ஸாமீதி சேதேதி உபக்கமதி த³தி⁴வண்ணங் முச்சதி, ஆபத்தி ஸங்கா⁴தி³ஸேஸஸ்ஸ.
Nīlaṃ…pe… pītakaṃ… lohitakaṃ… odātaṃ… takkavaṇṇaṃ… dakavaṇṇaṃ… telavaṇṇaṃ… khīravaṇṇaṃ mocessāmīti ceteti upakkamati dadhivaṇṇaṃ muccati, āpatti saṅghādisesassa.
பிட்டி²சக்கஸ்ஸ நவமங் க³மனங் நிட்டி²தங்.
Piṭṭhicakkassa navamaṃ gamanaṃ niṭṭhitaṃ.
261. நீலங் மோசெஸ்ஸாமீதி சேதேதி உபக்கமதி ஸப்பிவண்ணங் முச்சதி, ஆபத்தி ஸங்கா⁴தி³ஸேஸஸ்ஸ.
261. Nīlaṃ mocessāmīti ceteti upakkamati sappivaṇṇaṃ muccati, āpatti saṅghādisesassa.
பீதகங் …பே॰… லோஹிதகங்… ஓதா³தங்… தக்கவண்ணங்… த³கவண்ணங் … தேலவண்ணங்… கீ²ரவண்ணங்… த³தி⁴வண்ணங் மோசெஸ்ஸாமீதி சேதேதி உபக்கமதி ஸப்பிவண்ணங் முச்சதி, ஆபத்தி ஸங்கா⁴தி³ஸேஸஸ்ஸ.
Pītakaṃ …pe… lohitakaṃ… odātaṃ… takkavaṇṇaṃ… dakavaṇṇaṃ … telavaṇṇaṃ… khīravaṇṇaṃ… dadhivaṇṇaṃ mocessāmīti ceteti upakkamati sappivaṇṇaṃ muccati, āpatti saṅghādisesassa.
பிட்டி²சக்கஸ்ஸ த³ஸமங் க³மனங் நிட்டி²தங்.
Piṭṭhicakkassa dasamaṃ gamanaṃ niṭṭhitaṃ.
பிட்டி²சக்கங் நிட்டி²தங்.
Piṭṭhicakkaṃ niṭṭhitaṃ.
262. சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.
262. Ceteti upakkamati muccati, āpatti saṅghādisesassa.
சேதேதி உபக்கமதி ந முச்சதி, ஆபத்தி து²ல்லச்சயஸ்ஸ.
Ceteti upakkamati na muccati, āpatti thullaccayassa.
சேதேதி ந உபக்கமதி முச்சதி, அனாபத்தி.
Ceteti na upakkamati muccati, anāpatti.
சேதேதி ந உபக்கமதி ந முச்சதி, அனாபத்தி.
Ceteti na upakkamati na muccati, anāpatti.
ந சேதேதி உபக்கமதி முச்சதி, அனாபத்தி.
Na ceteti upakkamati muccati, anāpatti.
ந சேதேதி உபக்கமதி ந முச்சதி, அனாபத்தி.
Na ceteti upakkamati na muccati, anāpatti.
ந சேதேதி ந உபக்கமதி முச்சதி, அனாபத்தி.
Na ceteti na upakkamati muccati, anāpatti.
ந சேதேதி ந உபக்கமதி ந முச்சதி, அனாபத்தி.
Na ceteti na upakkamati na muccati, anāpatti.
அனாபத்தி ஸுபினந்தேன, நமோசனாதி⁴ப்பாயஸ்ஸ, உம்மத்தகஸ்ஸ, கி²த்தசித்தஸ்ஸ, வேத³னாட்டஸ்ஸ, ஆதி³கம்மிகஸ்ஸாதி.
Anāpatti supinantena, namocanādhippāyassa, ummattakassa, khittacittassa, vedanāṭṭassa, ādikammikassāti.
வினீதவத்து²உத்³தா³னகா³தா²
Vinītavatthuuddānagāthā
ஸுபினோச்சாரபஸ்ஸாவோ , விதக்குண்ஹோத³கேன ச;
Supinoccārapassāvo , vitakkuṇhodakena ca;
பே⁴ஸஜ்ஜங் கண்டு³வங் மக்³கோ³, வத்தி² ஜந்தாக⁴ருபக்கமோ 7.
Bhesajjaṃ kaṇḍuvaṃ maggo, vatthi jantāgharupakkamo 8.
ஸாமணேரோ ச ஸுத்தோ ச, ஊரு முட்டி²னா பீளயி;
Sāmaṇero ca sutto ca, ūru muṭṭhinā pīḷayi;
ஆகாஸே த²ம்ப⁴ங் நிஜ்ஜா²யி, சி²த்³த³ங் கட்டே²ன க⁴ட்டயி.
Ākāse thambhaṃ nijjhāyi, chiddaṃ kaṭṭhena ghaṭṭayi.
ஸோதோ உத³ஞ்ஜலங் தா⁴வங், புப்பா²வலியங் பொக்க²ரங்;
Soto udañjalaṃ dhāvaṃ, pupphāvaliyaṃ pokkharaṃ;
வினீதவத்து²
Vinītavatthu
263. தேன கோ² பன ஸமயேன அஞ்ஞதரஸ்ஸ பி⁴க்கு²னோ ஸுபினந்தேன அஸுசி முச்சி. தஸ்ஸ குக்குச்சங் அஹோஸி – ‘‘ப⁴க³வதா ஸிக்கா²பத³ங் பஞ்ஞத்தங், கச்சி நு கோ² அஹங் ஸங்கா⁴தி³ஸேஸங் ஆபத்திங் ஆபன்னோ’’தி? ப⁴க³வதோ ஏதமத்த²ங் ஆரோசேஸி. ‘‘அனாபத்தி, பி⁴க்கு², ஸுபினந்தேனா’’தி.
263. Tena kho pana samayena aññatarassa bhikkhuno supinantena asuci mucci. Tassa kukkuccaṃ ahosi – ‘‘bhagavatā sikkhāpadaṃ paññattaṃ, kacci nu kho ahaṃ saṅghādisesaṃ āpattiṃ āpanno’’ti? Bhagavato etamatthaṃ ārocesi. ‘‘Anāpatti, bhikkhu, supinantenā’’ti.
தேன கோ² பன ஸமயேன அஞ்ஞதரஸ்ஸ பி⁴க்கு²னோ உச்சாரங் கரொந்தஸ்ஸ அஸுசி முச்சி. தஸ்ஸ குக்குச்சங் அஹோஸி…பே॰… ‘‘கிங்சித்தோ த்வங், பி⁴க்கூ²’’தி? ‘‘நாஹங், ப⁴க³வா, மோசனாதி⁴ப்பாயோ’’தி. ‘‘அனாபத்தி, பி⁴க்கு², நமோசனாதி⁴ப்பாயஸ்ஸா’’தி.
Tena kho pana samayena aññatarassa bhikkhuno uccāraṃ karontassa asuci mucci. Tassa kukkuccaṃ ahosi…pe… ‘‘kiṃcitto tvaṃ, bhikkhū’’ti? ‘‘Nāhaṃ, bhagavā, mocanādhippāyo’’ti. ‘‘Anāpatti, bhikkhu, namocanādhippāyassā’’ti.
தேன கோ² பன ஸமயேன அஞ்ஞதரஸ்ஸ பி⁴க்கு²னோ பஸ்ஸாவங் கரொந்தஸ்ஸ அஸுசி முச்சி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², நமோசனாதி⁴ப்பாயஸ்ஸா’’தி.
Tena kho pana samayena aññatarassa bhikkhuno passāvaṃ karontassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
தேன கோ² பன ஸமயேன அஞ்ஞதரஸ்ஸ பி⁴க்கு²னோ காமவிதக்கங் விதக்கெந்தஸ்ஸ அஸுசி முச்சி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², விதக்கெந்தஸ்ஸா’’தி.
Tena kho pana samayena aññatarassa bhikkhuno kāmavitakkaṃ vitakkentassa asuci mucci. Tassa kukkuccaṃ ahosi…pe… ‘‘anāpatti, bhikkhu, vitakkentassā’’ti.
தேன கோ² பன ஸமயேன அஞ்ஞதரஸ்ஸ பி⁴க்கு²னோ உண்ஹோத³கேன ந்ஹாயந்தஸ்ஸ அஸுசி முச்சி. தஸ்ஸ குக்குச்சங் அஹோஸி…பே॰… ‘‘கிங்சித்தோ த்வங், பி⁴க்கூ²’’தி? ‘‘நாஹங், ப⁴க³வா, மோசனாதி⁴ப்பாயோ’’தி. ‘‘அனாபத்தி, பி⁴க்கு², நமோசனாதி⁴ப்பாயஸ்ஸா’’தி.
Tena kho pana samayena aññatarassa bhikkhuno uṇhodakena nhāyantassa asuci mucci. Tassa kukkuccaṃ ahosi…pe… ‘‘kiṃcitto tvaṃ, bhikkhū’’ti? ‘‘Nāhaṃ, bhagavā, mocanādhippāyo’’ti. ‘‘Anāpatti, bhikkhu, namocanādhippāyassā’’ti.
தேன கோ² பன ஸமயேன அஞ்ஞதரஸ்ஸ பி⁴க்கு²னோ மோசனாதி⁴ப்பாயஸ்ஸ உண்ஹோத³கேன ந்ஹாயந்தஸ்ஸ அஸுசி முச்சி. தஸ்ஸ குக்குச்சங் அஹோஸி…பே॰… ‘‘ஆபத்திங் த்வங், பி⁴க்கு², ஆபன்னோ ஸங்கா⁴தி³ஸேஸ’’ந்தி.
Tena kho pana samayena aññatarassa bhikkhuno mocanādhippāyassa uṇhodakena nhāyantassa asuci mucci. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno saṅghādisesa’’nti.
தேன கோ² பன ஸமயேன அஞ்ஞதரஸ்ஸ பி⁴க்கு²னோ மோசனாதி⁴ப்பாயஸ்ஸ உண்ஹோத³கேன ந்ஹாயந்தஸ்ஸ அஸுசி ந முச்சி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², ஸங்கா⁴தி³ஸேஸஸ்ஸ; ஆபத்தி து²ல்லச்சயஸ்ஸா’’தி.
Tena kho pana samayena aññatarassa bhikkhuno mocanādhippāyassa uṇhodakena nhāyantassa asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
தேன கோ² பன ஸமயேன அஞ்ஞதரஸ்ஸ பி⁴க்கு²னோ அங்க³ஜாதே வணோ ஹோதி. பே⁴ஸஜ்ஜேன 11 ஆலிம்பெந்தஸ்ஸ அஸுசி முச்சி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², நமோசனாதி⁴ப்பாயஸ்ஸா’’தி.
Tena kho pana samayena aññatarassa bhikkhuno aṅgajāte vaṇo hoti. Bhesajjena 12 ālimpentassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
தேன கோ² பன ஸமயேன அஞ்ஞதரஸ்ஸ பி⁴க்கு²னோ அங்க³ஜாதே வணோ ஹோதி. மோசனாதி⁴ப்பாயஸ்ஸ 13 பே⁴ஸஜ்ஜேன ஆலிம்பெந்தஸ்ஸ அஸுசி முச்சி…பே॰… அஸுசி ந முச்சி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², ஸங்கா⁴தி³ஸேஸஸ்ஸ; ஆபத்தி து²ல்லச்சயஸ்ஸா’’தி.
Tena kho pana samayena aññatarassa bhikkhuno aṅgajāte vaṇo hoti. Mocanādhippāyassa 14 bhesajjena ālimpentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
தேன கோ² பன ஸமயேன அஞ்ஞதரஸ்ஸ பி⁴க்கு²னோ அண்ட³ங் கண்டு³வந்தஸ்ஸ அஸுசி முச்சி. தஸ்ஸ குக்குச்சங் அஹோஸி…பே॰… ‘‘அனாபத்தி , பி⁴க்கு², நமோசனாதி⁴ப்பாயஸ்ஸா’’தி.
Tena kho pana samayena aññatarassa bhikkhuno aṇḍaṃ kaṇḍuvantassa asuci mucci. Tassa kukkuccaṃ ahosi…pe… ‘‘anāpatti , bhikkhu, namocanādhippāyassā’’ti.
தேன கோ² பன ஸமயேன அஞ்ஞதரஸ்ஸ பி⁴க்கு²னோ மோசனாதி⁴ப்பாயஸ்ஸ அண்ட³ங் கண்டு³வந்தஸ்ஸ 15 அஸுசி முச்சி…பே॰… அஸுசி ந முச்சி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², ஸங்கா⁴தி³ஸேஸஸ்ஸ; ஆபத்தி து²ல்லச்சயஸ்ஸா’’தி.
Tena kho pana samayena aññatarassa bhikkhuno mocanādhippāyassa aṇḍaṃ kaṇḍuvantassa 16 asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
264. தேன கோ² பன ஸமயேன அஞ்ஞதரஸ்ஸ பி⁴க்கு²னோ மக்³க³ங் க³ச்ச²ந்தஸ்ஸ அஸுசி முச்சி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², நமோசனாதி⁴ப்பாயஸ்ஸா’’தி.
264. Tena kho pana samayena aññatarassa bhikkhuno maggaṃ gacchantassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
தேன கோ² பன ஸமயேன அஞ்ஞதரஸ்ஸ பி⁴க்கு²னோ மோசனாதி⁴ப்பாயஸ்ஸ மக்³க³ங் க³ச்ச²ந்தஸ்ஸ அஸுசி முச்சி…பே॰… அஸுசி ந முச்சி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², ஸங்கா⁴தி³ஸேஸஸ்ஸ; ஆபத்தி து²ல்லச்சயஸ்ஸா’’தி.
Tena kho pana samayena aññatarassa bhikkhuno mocanādhippāyassa maggaṃ gacchantassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
தேன கோ² பன ஸமயேன அஞ்ஞதரஸ்ஸ பி⁴க்கு²னோ வத்தி²ங் க³ஹெத்வா பஸ்ஸாவங் கரொந்தஸ்ஸ அஸுசி முச்சி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², நமோசனாதி⁴ப்பாயஸ்ஸா’’தி.
Tena kho pana samayena aññatarassa bhikkhuno vatthiṃ gahetvā passāvaṃ karontassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
தேன கோ² பன ஸமயேன அஞ்ஞதரஸ்ஸ பி⁴க்கு²னோ மோசனாதி⁴ப்பாயஸ்ஸ வத்தி²ங் க³ஹெத்வா பஸ்ஸாவங் கரொந்தஸ்ஸ அஸுசி முச்சி…பே॰… அஸுசி ந முச்சி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², ஸங்கா⁴தி³ஸேஸஸ்ஸ; ஆபத்தி து²ல்லச்சயஸ்ஸா’’தி.
Tena kho pana samayena aññatarassa bhikkhuno mocanādhippāyassa vatthiṃ gahetvā passāvaṃ karontassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
தேன கோ² பன ஸமயேன அஞ்ஞதரஸ்ஸ பி⁴க்கு²னோ ஜந்தாக⁴ரே உத³ரவட்டிங் தாபெந்தஸ்ஸ அஸுசி முச்சி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², நமோசனாதி⁴ப்பாயஸ்ஸா’’தி.
Tena kho pana samayena aññatarassa bhikkhuno jantāghare udaravaṭṭiṃ tāpentassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
தேன கோ² பன ஸமயேன அஞ்ஞதரஸ்ஸ பி⁴க்கு²னோ மோசனாதி⁴ப்பாயஸ்ஸ ஜந்தாக⁴ரே உத³ரவட்டிங் தாபெந்தஸ்ஸ அஸுசி முச்சி…பே॰… அஸுசி ந முச்சி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², ஸங்கா⁴தி³ஸேஸஸ்ஸ; ஆபத்தி து²ல்லச்சயஸ்ஸா’’தி.
Tena kho pana samayena aññatarassa bhikkhuno mocanādhippāyassa jantāghare udaravaṭṭiṃ tāpentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
தேன கோ² பன ஸமயேன அஞ்ஞதரஸ்ஸ பி⁴க்கு²னோ ஜந்தாக⁴ரே உபஜ்ஜா²யஸ்ஸ பிட்டி²பரிகம்மங் கரொந்தஸ்ஸ அஸுசி முச்சி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², நமோசனாதி⁴ப்பாயஸ்ஸா’’தி.
Tena kho pana samayena aññatarassa bhikkhuno jantāghare upajjhāyassa piṭṭhiparikammaṃ karontassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
தேன கோ² பன ஸமயேன அஞ்ஞதரஸ்ஸ பி⁴க்கு²னோ மோசனாதி⁴ப்பாயஸ்ஸ ஜந்தாக⁴ரே உபஜ்ஜா²யஸ்ஸ பிட்டி²பரிகம்மங் கரொந்தஸ்ஸ அஸுசி முச்சி…பே॰… அஸுசி ந முச்சி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², ஸங்கா⁴தி³ஸேஸஸ்ஸ; ஆபத்தி து²ல்லச்சயஸ்ஸா’’தி.
Tena kho pana samayena aññatarassa bhikkhuno mocanādhippāyassa jantāghare upajjhāyassa piṭṭhiparikammaṃ karontassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
265. தேன கோ² பன ஸமயேன அஞ்ஞதரஸ்ஸ பி⁴க்கு²னோ ஊருங் க⁴ட்டாபெந்தஸ்ஸ அஸுசி முச்சி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², நமோசனாதி⁴ப்பாயஸ்ஸா’’தி.
265. Tena kho pana samayena aññatarassa bhikkhuno ūruṃ ghaṭṭāpentassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
தேன கோ² பன ஸமயேன அஞ்ஞதரஸ்ஸ பி⁴க்கு²னோ மோசனாதி⁴ப்பாயஸ்ஸ ஊருங் க⁴ட்டாபெந்தஸ்ஸ அஸுசி முச்சி…பே॰… அஸுசி ந முச்சி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², ஸங்கா⁴தி³ஸேஸஸ்ஸ; ஆபத்தி து²ல்லச்சயஸ்ஸா’’தி.
Tena kho pana samayena aññatarassa bhikkhuno mocanādhippāyassa ūruṃ ghaṭṭāpentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
தேன கோ² பன ஸமயேன அஞ்ஞதரோ பி⁴க்கு² மோசனாதி⁴ப்பாயோ அஞ்ஞதரங் ஸாமணேரங் ஏதத³வோச – ‘‘ஏஹி மே த்வங், ஆவுஸோ ஸாமணேர, அங்க³ஜாதங் க³ண்ஹாஹீ’’தி. ஸோ தஸ்ஸ அங்க³ஜாதங் அக்³க³ஹேஸி. தஸ்ஸேவ அஸுசி முச்சி. தஸ்ஸ குக்குச்சங் அஹோஸி…பே॰… ‘‘ஆபத்திங் த்வங், பி⁴க்கு², ஆபன்னோ ஸங்கா⁴தி³ஸேஸ’’ந்தி.
Tena kho pana samayena aññataro bhikkhu mocanādhippāyo aññataraṃ sāmaṇeraṃ etadavoca – ‘‘ehi me tvaṃ, āvuso sāmaṇera, aṅgajātaṃ gaṇhāhī’’ti. So tassa aṅgajātaṃ aggahesi. Tasseva asuci mucci. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno saṅghādisesa’’nti.
தேன கோ² பன ஸமயேன அஞ்ஞதரோ பி⁴க்கு² ஸுத்தஸ்ஸ ஸாமணேரஸ்ஸ அங்க³ஜாதங் அக்³க³ஹேஸி. தஸ்ஸேவ அஸுசி முச்சி. தஸ்ஸ குக்குச்சங் அஹோஸி …பே॰… ‘‘அனாபத்தி, பி⁴க்கு², ஸங்கா⁴தி³ஸேஸஸ்ஸ; ஆபத்தி து³க்கடஸ்ஸா’’தி.
Tena kho pana samayena aññataro bhikkhu suttassa sāmaṇerassa aṅgajātaṃ aggahesi. Tasseva asuci mucci. Tassa kukkuccaṃ ahosi …pe… ‘‘anāpatti, bhikkhu, saṅghādisesassa; āpatti dukkaṭassā’’ti.
266. தேன கோ² பன ஸமயேன அஞ்ஞதரஸ்ஸ பி⁴க்கு²னோ மோசனாதி⁴ப்பாயஸ்ஸ ஊரூஹி அங்க³ஜாதங் பீளெந்தஸ்ஸ அஸுசி முச்சி…பே॰… அஸுசி ந முச்சி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², ஸங்கா⁴தி³ஸேஸஸ்ஸ; ஆபத்தி து²ல்லச்சயஸ்ஸா’’தி.
266. Tena kho pana samayena aññatarassa bhikkhuno mocanādhippāyassa ūrūhi aṅgajātaṃ pīḷentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
தேன கோ² பன ஸமயேன அஞ்ஞதரஸ்ஸ பி⁴க்கு²னோ மோசனாதி⁴ப்பாயஸ்ஸ முட்டி²னா அங்க³ஜாதங் பீளெந்தஸ்ஸ அஸுசி முச்சி…பே॰… அஸுசி ந முச்சி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², ஸங்கா⁴தி³ஸேஸஸ்ஸ; ஆபத்தி து²ல்லச்சயஸ்ஸா’’தி.
Tena kho pana samayena aññatarassa bhikkhuno mocanādhippāyassa muṭṭhinā aṅgajātaṃ pīḷentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
தேன கோ² பன ஸமயேன அஞ்ஞதரஸ்ஸ பி⁴க்கு²னோ மோசனாதி⁴ப்பாயஸ்ஸ ஆகாஸே கடிங் கம்பெந்தஸ்ஸ அஸுசி முச்சி…பே॰… அஸுசி ந முச்சி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², ஸங்கா⁴தி³ஸேஸஸ்ஸ; ஆபத்தி து²ல்லச்சயஸ்ஸா’’தி.
Tena kho pana samayena aññatarassa bhikkhuno mocanādhippāyassa ākāse kaṭiṃ kampentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
தேன கோ² பன ஸமயேன அஞ்ஞதரஸ்ஸ பி⁴க்கு²னோ காயங் த²ம்பெ⁴ந்தஸ்ஸ அஸுசி முச்சி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², நமோசனாதி⁴ப்பாயஸ்ஸா’’தி.
Tena kho pana samayena aññatarassa bhikkhuno kāyaṃ thambhentassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
தேன கோ² பன ஸமயேன அஞ்ஞதரஸ்ஸ பி⁴க்கு²னோ மோசனாதி⁴ப்பாயஸ்ஸ காயங் த²ம்பெ⁴ந்தஸ்ஸ அஸுசி முச்சி…பே॰… அஸுசி ந முச்சி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², ஸங்கா⁴தி³ஸேஸஸ்ஸ; ஆபத்தி து²ல்லச்சயஸ்ஸா’’தி.
Tena kho pana samayena aññatarassa bhikkhuno mocanādhippāyassa kāyaṃ thambhentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
தேன கோ² பன ஸமயேன அஞ்ஞதரோ பி⁴க்கு² ஸாரத்தோ மாதுகா³மஸ்ஸ அங்க³ஜாதங் உபனிஜ்ஜா²யி. தஸ்ஸ அஸுசி முச்சி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², ஸங்கா⁴தி³ஸேஸஸ்ஸ. ந ச, பி⁴க்க²வே, ஸாரத்தேன மாதுகா³மஸ்ஸ அங்க³ஜாதங் உபனிஜ்ஜா²யிதப்³ப³ங். யோ உபனிஜ்ஜா²யெய்ய, ஆபத்தி து³க்கடஸ்ஸா’’தி.
Tena kho pana samayena aññataro bhikkhu sāratto mātugāmassa aṅgajātaṃ upanijjhāyi. Tassa asuci mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa. Na ca, bhikkhave, sārattena mātugāmassa aṅgajātaṃ upanijjhāyitabbaṃ. Yo upanijjhāyeyya, āpatti dukkaṭassā’’ti.
267. தேன கோ² பன ஸமயேன அஞ்ஞதரஸ்ஸ பி⁴க்கு²னோ மோசனாதி⁴ப்பாயஸ்ஸ தாளச்சி²த்³த³ங் அங்க³ஜாதங் பவேஸெந்தஸ்ஸ அஸுசி முச்சி…பே॰… அஸுசி ந முச்சி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², ஸங்கா⁴தி³ஸேஸஸ்ஸ; ஆபத்தி து²ல்லச்சயஸ்ஸா’’தி.
267. Tena kho pana samayena aññatarassa bhikkhuno mocanādhippāyassa tāḷacchiddaṃ aṅgajātaṃ pavesentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
தேன கோ² பன ஸமயேன அஞ்ஞதரஸ்ஸ பி⁴க்கு²னோ மோசனாதி⁴ப்பாயஸ்ஸ கட்டே²ன அங்க³ஜாதங் க⁴ட்டெந்தஸ்ஸ அஸுசி முச்சி…பே॰… அஸுசி ந முச்சி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², ஸங்கா⁴தி³ஸேஸஸ்ஸ ; ஆபத்தி து²ல்லச்சயஸ்ஸா’’தி.
Tena kho pana samayena aññatarassa bhikkhuno mocanādhippāyassa kaṭṭhena aṅgajātaṃ ghaṭṭentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa ; āpatti thullaccayassā’’ti.
தேன கோ² பன ஸமயேன அஞ்ஞதரஸ்ஸ பி⁴க்கு²னோ படிஸோதே ந்ஹாயந்தஸ்ஸ அஸுசி முச்சி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², நமோசனாதி⁴ப்பாயஸ்ஸா’’தி.
Tena kho pana samayena aññatarassa bhikkhuno paṭisote nhāyantassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
தேன கோ² பன ஸமயேன அஞ்ஞதரஸ்ஸ பி⁴க்கு²னோ மோசனாதி⁴ப்பாயஸ்ஸ படிஸோதே ந்ஹாயந்தஸ்ஸ அஸுசி முச்சி…பே॰… அஸுசி ந முச்சி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², ஸங்கா⁴தி³ஸேஸஸ்ஸ; ஆபத்தி து²ல்லச்சயஸ்ஸா’’தி.
Tena kho pana samayena aññatarassa bhikkhuno mocanādhippāyassa paṭisote nhāyantassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
தேன கோ² பன ஸமயேன அஞ்ஞதரஸ்ஸ பி⁴க்கு²னோ உத³ஞ்ஜலங் கீளந்தஸ்ஸ அஸுசி முச்சி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², நமோசனாதி⁴ப்பாயஸ்ஸா’’தி.
Tena kho pana samayena aññatarassa bhikkhuno udañjalaṃ kīḷantassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
தேன கோ² பன ஸமயேன அஞ்ஞதரஸ்ஸ பி⁴க்கு²னோ மோசனாதி⁴ப்பாயஸ்ஸ உத³ஞ்ஜலங் கீளந்தஸ்ஸ அஸுசி முச்சி…பே॰… அஸுசி ந முச்சி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², ஸங்கா⁴தி³ஸேஸஸ்ஸ; ஆபத்தி து²ல்லச்சயஸ்ஸா’’தி.
Tena kho pana samayena aññatarassa bhikkhuno mocanādhippāyassa udañjalaṃ kīḷantassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
தேன கோ² பன ஸமயேன அஞ்ஞதரஸ்ஸ பி⁴க்கு²னோ உத³கே தா⁴வந்தஸ்ஸ அஸுசி முச்சி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², நமோசனாதி⁴ப்பாயஸ்ஸா’’தி.
Tena kho pana samayena aññatarassa bhikkhuno udake dhāvantassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
தேன கோ² பன ஸமயேன அஞ்ஞதரஸ்ஸ பி⁴க்கு²னோ மோசனாதி⁴ப்பாயஸ்ஸ உத³கே தா⁴வந்தஸ்ஸ அஸுசி முச்சி…பே॰… அஸுசி ந முச்சி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², ஸங்கா⁴தி³ஸேஸஸ்ஸ; ஆபத்தி து²ல்லச்சயஸ்ஸா’’தி.
Tena kho pana samayena aññatarassa bhikkhuno mocanādhippāyassa udake dhāvantassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
தேன கோ² பன ஸமயேன அஞ்ஞதரஸ்ஸ பி⁴க்கு²னோ புப்பா²வலியங் 17 கீளந்தஸ்ஸ அஸுசி முச்சி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², நமோசனாதி⁴ப்பாயஸ்ஸா’’தி.
Tena kho pana samayena aññatarassa bhikkhuno pupphāvaliyaṃ 18 kīḷantassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
தேன கோ² பன ஸமயேன அஞ்ஞதரஸ்ஸ பி⁴க்கு²னோ மோசனாதி⁴ப்பாயஸ்ஸ புப்பா²வலியங் கீளந்தஸ்ஸ அஸுசி முச்சி…பே॰… அஸுசி ந முச்சி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², ஸங்கா⁴தி³ஸேஸஸ்ஸ; ஆபத்தி து²ல்லச்சயஸ்ஸா’’தி.
Tena kho pana samayena aññatarassa bhikkhuno mocanādhippāyassa pupphāvaliyaṃ kīḷantassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
268. தேன கோ² பன ஸமயேன அஞ்ஞதரஸ்ஸ பி⁴க்கு²னோ பொக்க²ரவனே தா⁴வந்தஸ்ஸ அஸுசி முச்சி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², நமோசனாதி⁴ப்பாயஸ்ஸா’’தி.
268. Tena kho pana samayena aññatarassa bhikkhuno pokkharavane dhāvantassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
தேன கோ² பன ஸமயேன அஞ்ஞதரஸ்ஸ பி⁴க்கு²னோ மோசனாதி⁴ப்பாயஸ்ஸ பொக்க²ரவனே தா⁴வந்தஸ்ஸ அஸுசி முச்சி…பே॰… அஸுசி ந முச்சி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², ஸங்கா⁴தி³ஸேஸஸ்ஸ; ஆபத்தி து²ல்லச்சயஸ்ஸா’’தி.
Tena kho pana samayena aññatarassa bhikkhuno mocanādhippāyassa pokkharavane dhāvantassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
தேன கோ² பன ஸமயேன அஞ்ஞதரஸ்ஸ பி⁴க்கு²னோ மோசனாதி⁴ப்பாயஸ்ஸ வாலிகங் அங்க³ஜாதங் பவேஸெந்தஸ்ஸ அஸுசி முச்சி…பே॰… அஸுசி ந முச்சி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², ஸங்கா⁴தி³ஸேஸஸ்ஸ; ஆபத்தி து²ல்லச்சயஸ்ஸா’’தி.
Tena kho pana samayena aññatarassa bhikkhuno mocanādhippāyassa vālikaṃ aṅgajātaṃ pavesentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
தேன கோ² பன ஸமயேன அஞ்ஞதரஸ்ஸ பி⁴க்கு²னோ மோசனாதி⁴ப்பாயஸ்ஸ கத்³த³மங் அங்க³ஜாதங் பவேஸெந்தஸ்ஸ அஸுசி முச்சி…பே॰… அஸுசி ந முச்சி . தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², ஸங்கா⁴தி³ஸேஸஸ்ஸ; ஆபத்தி து²ல்லச்சயஸ்ஸா’’தி.
Tena kho pana samayena aññatarassa bhikkhuno mocanādhippāyassa kaddamaṃ aṅgajātaṃ pavesentassa asuci mucci…pe… asuci na mucci . Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
தேன கோ² பன ஸமயேன அஞ்ஞதரஸ்ஸ பி⁴க்கு²னோ உத³கேன அங்க³ஜாதங் ஓஸிஞ்சந்தஸ்ஸ அஸுசி முச்சி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², நமோசனாதி⁴ப்பாயஸ்ஸா’’தி.
Tena kho pana samayena aññatarassa bhikkhuno udakena aṅgajātaṃ osiñcantassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
தேன கோ² பன ஸமயேன அஞ்ஞதரஸ்ஸ பி⁴க்கு²னோ மோசனாதி⁴ப்பாயஸ்ஸ உத³கேன அங்க³ஜாதங் ஓஸிஞ்சந்தஸ்ஸ அஸுசி முச்சி…பே॰… அஸுசி ந முச்சி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², ஸங்கா⁴தி³ஸேஸஸ்ஸ; ஆபத்தி து²ல்லச்சயஸ்ஸா’’தி.
Tena kho pana samayena aññatarassa bhikkhuno mocanādhippāyassa udakena aṅgajātaṃ osiñcantassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
தேன கோ² பன ஸமயேன அஞ்ஞதரஸ்ஸ பி⁴க்கு²னோ மோசனாதி⁴ப்பாயஸ்ஸ ஸயனே அங்க³ஜாதங் க⁴ட்டெந்தஸ்ஸ அஸுசி முச்சி…பே॰… அஸுசி ந முச்சி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², ஸங்கா⁴தி³ஸேஸஸ்ஸ; ஆபத்தி து²ல்லச்சயஸ்ஸா’’தி.
Tena kho pana samayena aññatarassa bhikkhuno mocanādhippāyassa sayane aṅgajātaṃ ghaṭṭentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
தேன கோ² பன ஸமயேன அஞ்ஞதரஸ்ஸ பி⁴க்கு²னோ மோசனாதி⁴ப்பாயஸ்ஸ அங்கு³ட்டே²ன அங்க³ஜாதங் க⁴ட்டெந்தஸ்ஸ அஸுசி முச்சி…பே॰… அஸுசி ந முச்சி. தஸ்ஸ குக்குச்சங் அஹோஸி – ‘‘ப⁴க³வதா ஸிக்கா²பத³ங் பஞ்ஞத்தங், கச்சி நு கோ² அஹங் ஸங்கா⁴தி³ஸேஸங் ஆபத்திங் ஆபன்னோ’’தி? ப⁴க³வதோ ஏதமத்த²ங் ஆரோசேஸி. ‘‘அனாபத்தி, பி⁴க்கு², ஸங்கா⁴தி³ஸேஸஸ்ஸ; ஆபத்தி து²ல்லச்சயஸ்ஸா’’தி.
Tena kho pana samayena aññatarassa bhikkhuno mocanādhippāyassa aṅguṭṭhena aṅgajātaṃ ghaṭṭentassa asuci mucci…pe… asuci na mucci. Tassa kukkuccaṃ ahosi – ‘‘bhagavatā sikkhāpadaṃ paññattaṃ, kacci nu kho ahaṃ saṅghādisesaṃ āpattiṃ āpanno’’ti? Bhagavato etamatthaṃ ārocesi. ‘‘Anāpatti, bhikkhu, saṅghādisesassa; āpatti thullaccayassā’’ti.
ஸுக்கவிஸ்ஸட்டி²ஸிக்கா²பத³ங் நிட்டி²தங் பட²மங்.
Sukkavissaṭṭhisikkhāpadaṃ niṭṭhitaṃ paṭhamaṃ.
Footnotes:
Related texts:
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 1. ஸுக்கவிஸ்ஸட்டி²ஸிக்கா²பத³வண்ணனா • 1. Sukkavissaṭṭhisikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 1. ஸுக்கவிஸ்ஸட்டி²ஸிக்கா²பத³வண்ணனா • 1. Sukkavissaṭṭhisikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 1. ஸுக்கவிஸ்ஸட்டி²ஸிக்கா²பத³வண்ணனா • 1. Sukkavissaṭṭhisikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 1. ஸுக்கவிஸ்ஸட்டி²ஸிக்கா²பத³வண்ணனா • 1. Sukkavissaṭṭhisikkhāpadavaṇṇanā
