| Library / Tipiṭaka / তিপিটক • Tipiṭaka / মহাৰিভঙ্গ • Mahāvibhaṅga |
২. সঙ্ঘাদিসেসকণ্ডং
2. Saṅghādisesakaṇḍaṃ
১. সুক্কৰিস্সট্ঠিসিক্খাপদং
1. Sukkavissaṭṭhisikkhāpadaṃ
ইমে খো পনাযস্মন্তো তেরস সঙ্ঘাদিসেসা
Ime kho panāyasmanto terasa saṅghādisesā
ধম্মা উদ্দেসং আগচ্ছন্তি।
Dhammā uddesaṃ āgacchanti.
২৩৪. তেন সমযেন বুদ্ধো ভগৰা সাৰত্থিযং ৰিহরতি জেতৰনে অনাথপিণ্ডিকস্স আরামে। তেন খো পন সমযেন আযস্মা সেয্যসকো অনভিরতো ব্রহ্মচরিযং চরতি। সো তেন কিসো হোতি লূখো দুব্বণ্ণো উপ্পণ্ডুপ্পণ্ডুকজাতো ধমনিসন্থতগত্তো। অদ্দস খো আযস্মা উদাযী আযস্মন্তং সেয্যসকং কিসং লূখং দুব্বণ্ণং উপ্পণ্ডুপ্পণ্ডুকজাতং ধমনিসন্থতগত্তং। দিস্ৰান আযস্মন্তং সেয্যসকং এতদৰোচ – ‘‘কিস্স ত্ৰং, আৰুসো সেয্যসক, কিসো লূখো দুব্বণ্ণো উপ্পণ্ডুপ্পণ্ডুকজাতো ধমনিসন্থতগত্তো? কচ্চি নো ত্ৰং, আৰুসো সেয্যসক, অনভিরতো ব্রহ্মচরিযং চরসী’’তি? ‘‘এৰমাৰুসো’’তি। ‘‘তেন হি ত্ৰং, আৰুসো সেয্যসক, যাৰদত্থং ভুঞ্জ যাৰদত্থং সুপ যাৰদত্থং ন্হায। যাৰদত্থং ভুঞ্জিত্ৰা যাৰদত্থং সুপিত্ৰা যাৰদত্থং ন্হাযিত্ৰা যদা তে অনভিরতি উপ্পজ্জতি রাগো চিত্তং অনুদ্ধংসেতি তদা হত্থেন উপক্কমিত্ৰা অসুচিং মোচেহী’’তি। ‘‘কিং নু খো, আৰুসো, কপ্পতি এৰরূপং কাতু’’ন্তি? ‘‘আম, আৰুসো। অহম্পি এৰং করোমী’’তি।
234. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena āyasmā seyyasako anabhirato brahmacariyaṃ carati. So tena kiso hoti lūkho dubbaṇṇo uppaṇḍuppaṇḍukajāto dhamanisanthatagatto. Addasa kho āyasmā udāyī āyasmantaṃ seyyasakaṃ kisaṃ lūkhaṃ dubbaṇṇaṃ uppaṇḍuppaṇḍukajātaṃ dhamanisanthatagattaṃ. Disvāna āyasmantaṃ seyyasakaṃ etadavoca – ‘‘kissa tvaṃ, āvuso seyyasaka, kiso lūkho dubbaṇṇo uppaṇḍuppaṇḍukajāto dhamanisanthatagatto? Kacci no tvaṃ, āvuso seyyasaka, anabhirato brahmacariyaṃ carasī’’ti? ‘‘Evamāvuso’’ti. ‘‘Tena hi tvaṃ, āvuso seyyasaka, yāvadatthaṃ bhuñja yāvadatthaṃ supa yāvadatthaṃ nhāya. Yāvadatthaṃ bhuñjitvā yāvadatthaṃ supitvā yāvadatthaṃ nhāyitvā yadā te anabhirati uppajjati rāgo cittaṃ anuddhaṃseti tadā hatthena upakkamitvā asuciṃ mocehī’’ti. ‘‘Kiṃ nu kho, āvuso, kappati evarūpaṃ kātu’’nti? ‘‘Āma, āvuso. Ahampi evaṃ karomī’’ti.
অথ খো আযস্মা সেয্যসকো যাৰদত্থং ভুঞ্জি যাৰদত্থং সুপি যাৰদত্থং ন্হাযি। যাৰদত্থং ভুঞ্জিত্ৰা যাৰদত্থং সুপিত্ৰা যাৰদত্থং ন্হাযিত্ৰা যদা অনভিরতি উপ্পজ্জতি রাগো চিত্তং অনুদ্ধংসেতি তদা হত্থেন উপক্কমিত্ৰা অসুচিং মোচেসি । অথ খো আযস্মা সেয্যসকো অপরেন সমযেন ৰণ্ণৰা অহোসি পীণিন্দ্রিযো পসন্নমুখৰণ্ণো ৰিপ্পসন্নছৰিৰণ্ণো। অথ খো আযস্মতো সেয্যসকস্স সহাযকা ভিক্খূ আযস্মন্তং সেয্যসকং এতদৰোচুং – ‘‘পুব্বে খো ত্ৰং, আৰুসো সেয্যসক, কিসো অহোসি লূখো দুব্বণ্ণো উপ্পণ্ডুপ্পণ্ডুকজাতো ধমনিসন্থতগত্তো। সো দানি ত্ৰং এতরহি ৰণ্ণৰা পীণিন্দ্রিযো পসন্নমুখৰণ্ণো ৰিপ্পসন্নছৰিৰণ্ণো। কিং নু খো ত্ৰং, আৰুসো সেয্যসক, ভেসজ্জং করোসী’’তি? ‘‘ন খো অহং, আৰুসো, ভেসজ্জং করোমি । অপিচাহং যাৰদত্থং ভুঞ্জামি যাৰদত্থং সুপামি যাৰদত্থং ন্হাযামি। যাৰদত্থং ভুঞ্জিত্ৰা যাৰদত্থং সুপিত্ৰা যাৰদত্থং ন্হাযিত্ৰা যদা মে অনভিরতি উপ্পজ্জতি রাগো চিত্তং অনুদ্ধংসেতি তদা হত্থেন উপক্কমিত্ৰা অসুচিং মোচেমী’’তি। ‘‘কিং পন ত্ৰং, আৰুসো সেয্যসক, যেনেৰ হত্থেন সদ্ধাদেয্যং ভুঞ্জসি তেনেৰ হত্থেন উপক্কমিত্ৰা অসুচিং মোচেসী’’তি? ‘‘এৰমাৰুসো’’তি। যে তে ভিক্খূ অপ্পিচ্ছা…পে॰… তে উজ্ঝাযন্তি খিয্যন্তি ৰিপাচেন্তি – ‘‘কথঞ্হি নাম আযস্মা সেয্যসকো হত্থেন উপক্কমিত্ৰা অসুচিং মোচেস্সতী’’তি!
Atha kho āyasmā seyyasako yāvadatthaṃ bhuñji yāvadatthaṃ supi yāvadatthaṃ nhāyi. Yāvadatthaṃ bhuñjitvā yāvadatthaṃ supitvā yāvadatthaṃ nhāyitvā yadā anabhirati uppajjati rāgo cittaṃ anuddhaṃseti tadā hatthena upakkamitvā asuciṃ mocesi . Atha kho āyasmā seyyasako aparena samayena vaṇṇavā ahosi pīṇindriyo pasannamukhavaṇṇo vippasannachavivaṇṇo. Atha kho āyasmato seyyasakassa sahāyakā bhikkhū āyasmantaṃ seyyasakaṃ etadavocuṃ – ‘‘pubbe kho tvaṃ, āvuso seyyasaka, kiso ahosi lūkho dubbaṇṇo uppaṇḍuppaṇḍukajāto dhamanisanthatagatto. So dāni tvaṃ etarahi vaṇṇavā pīṇindriyo pasannamukhavaṇṇo vippasannachavivaṇṇo. Kiṃ nu kho tvaṃ, āvuso seyyasaka, bhesajjaṃ karosī’’ti? ‘‘Na kho ahaṃ, āvuso, bhesajjaṃ karomi . Apicāhaṃ yāvadatthaṃ bhuñjāmi yāvadatthaṃ supāmi yāvadatthaṃ nhāyāmi. Yāvadatthaṃ bhuñjitvā yāvadatthaṃ supitvā yāvadatthaṃ nhāyitvā yadā me anabhirati uppajjati rāgo cittaṃ anuddhaṃseti tadā hatthena upakkamitvā asuciṃ mocemī’’ti. ‘‘Kiṃ pana tvaṃ, āvuso seyyasaka, yeneva hatthena saddhādeyyaṃ bhuñjasi teneva hatthena upakkamitvā asuciṃ mocesī’’ti? ‘‘Evamāvuso’’ti. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma āyasmā seyyasako hatthena upakkamitvā asuciṃ mocessatī’’ti!
অথ খো তে ভিক্খূ আযস্মন্তং সেয্যসকং অনেকপরিযাযেন ৰিগরহিত্ৰা ভগৰতো এতমত্থং আরোচেসুং। অথ খো ভগৰা এতস্মিং নিদানে এতস্মিং পকরণে ভিক্খুসঙ্ঘং সন্নিপাতাপেত্ৰা আযস্মন্তং সেয্যসকং পটিপুচ্ছি – ‘‘সচ্চং কির ত্ৰং, সেয্যসক, হত্থেন উপক্কমিত্ৰা অসুচিং মোচেসী’’তি? ‘‘সচ্চং, ভগৰা’’তি । ৰিগরহি বুদ্ধো ভগৰা – ‘‘অননুচ্ছৰিকং, মোঘপুরিস, অননুলোমিকং অপ্পতিরূপং অস্সামণকং অকপ্পিযং অকরণীযং। কথঞ্হি নাম ত্ৰং, মোঘপুরিস, হত্থেন উপক্কমিত্ৰা অসুচিং মোচেস্সসি! ননু মযা, মোঘপুরিস, অনেকপরিযাযেন ৰিরাগায ধম্মো দেসিতো নো সরাগায, ৰিসঞ্ঞোগায ধম্মো দেসিতো নো সঞ্ঞোগায, অনুপাদানায ধম্মো দেসিতো নো সউপাদানায! তত্থ নাম ত্ৰং, মোঘপুরিস, মযা ৰিরাগায ধম্মে দেসিতে সরাগায চেতেস্সসি, ৰিসঞ্ঞোগায ধম্মে দেসিতে সঞ্ঞোগায চেতেস্সসি, অনুপাদানায ধম্মে দেসিতে সউপাদানায চেতেস্সসি! ননু মযা, মোঘপুরিস, অনেকপরিযাযেন রাগৰিরাগায ধম্মো দেসিতো, মদনিম্মদনায পিপাসৰিনযায আলযসমুগ্ঘাতায ৰট্টুপচ্ছেদায তণ্হক্খযায ৰিরাগায নিরোধায নিব্বানায ধম্মো দেসিতো? ননু মযা, মোঘপুরিস, অনেকপরিযাযেন কামানং পহানং অক্খাতং, কামসঞ্ঞানং পরিঞ্ঞা অক্খাতা, কামপিপাসানং পটিৰিনযো অক্খাতো, কামৰিতক্কানং সমুগ্ঘাতো অক্খাতো, কামপরিল়াহানং ৰূপসমো অক্খাতো? নেতং, মোঘপুরিস, অপ্পসন্নানং ৰা পসাদায, পসন্নানং ৰা ভিয্যোভাৰায। অথ খ্ৰেতং, মোঘপুরিস, অপ্পসন্নানঞ্চেৰ অপ্পসাদায, পসন্নানঞ্চ একচ্চানং অঞ্ঞথত্তাযা’’তি। অথ খো ভগৰা আযস্মন্তং সেয্যসকং অনেকপরিযাযেন ৰিগরহিত্ৰা দুব্ভরতায…পে॰… ‘‘এৰঞ্চ পন, ভিক্খৰে, ইমং সিক্খাপদং উদ্দিসেয্যাথ –
Atha kho te bhikkhū āyasmantaṃ seyyasakaṃ anekapariyāyena vigarahitvā bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe bhikkhusaṅghaṃ sannipātāpetvā āyasmantaṃ seyyasakaṃ paṭipucchi – ‘‘saccaṃ kira tvaṃ, seyyasaka, hatthena upakkamitvā asuciṃ mocesī’’ti? ‘‘Saccaṃ, bhagavā’’ti . Vigarahi buddho bhagavā – ‘‘ananucchavikaṃ, moghapurisa, ananulomikaṃ appatirūpaṃ assāmaṇakaṃ akappiyaṃ akaraṇīyaṃ. Kathañhi nāma tvaṃ, moghapurisa, hatthena upakkamitvā asuciṃ mocessasi! Nanu mayā, moghapurisa, anekapariyāyena virāgāya dhammo desito no sarāgāya, visaññogāya dhammo desito no saññogāya, anupādānāya dhammo desito no saupādānāya! Tattha nāma tvaṃ, moghapurisa, mayā virāgāya dhamme desite sarāgāya cetessasi, visaññogāya dhamme desite saññogāya cetessasi, anupādānāya dhamme desite saupādānāya cetessasi! Nanu mayā, moghapurisa, anekapariyāyena rāgavirāgāya dhammo desito, madanimmadanāya pipāsavinayāya ālayasamugghātāya vaṭṭupacchedāya taṇhakkhayāya virāgāya nirodhāya nibbānāya dhammo desito? Nanu mayā, moghapurisa, anekapariyāyena kāmānaṃ pahānaṃ akkhātaṃ, kāmasaññānaṃ pariññā akkhātā, kāmapipāsānaṃ paṭivinayo akkhāto, kāmavitakkānaṃ samugghāto akkhāto, kāmapariḷāhānaṃ vūpasamo akkhāto? Netaṃ, moghapurisa, appasannānaṃ vā pasādāya, pasannānaṃ vā bhiyyobhāvāya. Atha khvetaṃ, moghapurisa, appasannānañceva appasādāya, pasannānañca ekaccānaṃ aññathattāyā’’ti. Atha kho bhagavā āyasmantaṃ seyyasakaṃ anekapariyāyena vigarahitvā dubbharatāya…pe… ‘‘evañca pana, bhikkhave, imaṃ sikkhāpadaṃ uddiseyyātha –
এৰঞ্চিদং ভগৰতা ভিক্খূনং সিক্খাপদং পঞ্ঞত্তং হোতি।
Evañcidaṃ bhagavatā bhikkhūnaṃ sikkhāpadaṃ paññattaṃ hoti.
২৩৫. তেন খো পন সমযেন ভিক্খূ পণীতভোজনানি ভুঞ্জিত্ৰা মুট্ঠস্সতী অসম্পজানা নিদ্দং ওক্কমন্তি। তেসং মুট্ঠস্সতীনং অসম্পজানানং নিদ্দং ওক্কমন্তানং সুপিনন্তেন অসুচি মুচ্চতি। তেসং কুক্কুচ্চং অহোসি – ‘‘ভগৰতা সিক্খাপদং পঞ্ঞত্তং – ‘সঞ্চেতনিকা সুক্কৰিস্সট্ঠি সঙ্ঘাদিসেসো’তি। অম্হাকঞ্চ সুপিনন্তেন অসুচি মুচ্চতি। অত্থি চেত্থ চেতনা লব্ভতি। কচ্চি নু খো মযং সঙ্ঘাদিসেসং আপত্তিং আপন্না’’তি? ভগৰতো এতমত্থং আরোচেসুং। ‘‘অত্থেসা, ভিক্খৰে, চেতনা; সা চ খো অব্বোহারিকাতি। এৰঞ্চ পন, ভিক্খৰে, ইমং সিক্খাপদং উদ্দিসেয্যাথ –
235. Tena kho pana samayena bhikkhū paṇītabhojanāni bhuñjitvā muṭṭhassatī asampajānā niddaṃ okkamanti. Tesaṃ muṭṭhassatīnaṃ asampajānānaṃ niddaṃ okkamantānaṃ supinantena asuci muccati. Tesaṃ kukkuccaṃ ahosi – ‘‘bhagavatā sikkhāpadaṃ paññattaṃ – ‘sañcetanikā sukkavissaṭṭhi saṅghādiseso’ti. Amhākañca supinantena asuci muccati. Atthi cettha cetanā labbhati. Kacci nu kho mayaṃ saṅghādisesaṃ āpattiṃ āpannā’’ti? Bhagavato etamatthaṃ ārocesuṃ. ‘‘Atthesā, bhikkhave, cetanā; sā ca kho abbohārikāti. Evañca pana, bhikkhave, imaṃ sikkhāpadaṃ uddiseyyātha –
২৩৬. ‘‘সঞ্চেতনিকা সুক্কৰিস্সট্ঠি অঞ্ঞত্র সুপিনন্তা সঙ্ঘাদিসেসো’’তি।
236.‘‘Sañcetanikā sukkavissaṭṭhi aññatra supinantā saṅghādiseso’’ti.
২৩৭. সঞ্চেতনিকাতি জানন্তো সঞ্জানন্তো চেচ্চ অভিৰিতরিত্ৰা ৰীতিক্কমো।
237.Sañcetanikāti jānanto sañjānanto cecca abhivitaritvā vītikkamo.
সুক্কন্তি দস সুক্কানি – নীলং পীতকং লোহিতকং ওদাতং তক্কৰণ্ণং দকৰণ্ণং তেলৰণ্ণং খীরৰণ্ণং দধিৰণ্ণং সপ্পিৰণ্ণং।
Sukkanti dasa sukkāni – nīlaṃ pītakaṃ lohitakaṃ odātaṃ takkavaṇṇaṃ dakavaṇṇaṃ telavaṇṇaṃ khīravaṇṇaṃ dadhivaṇṇaṃ sappivaṇṇaṃ.
ৰিস্সট্ঠীতি ঠানতো চাৰনা ৰুচ্চতি ৰিস্সট্ঠীতি।
Vissaṭṭhīti ṭhānato cāvanā vuccati vissaṭṭhīti.
অঞ্ঞত্র সুপিনন্তাতি ঠপেত্ৰা সুপিনন্তং।
Aññatra supinantāti ṭhapetvā supinantaṃ.
সঙ্ঘাদিসেসোতি সঙ্ঘোৰ তস্সা আপত্তিযা পরিৰাসং দেতি, মূলায পটিকস্সতি, মানত্তং দেতি , অব্ভেতি; ন সম্বহুলা, ন একপুগ্গলো। তেন ৰুচ্চতি – ‘‘সঙ্ঘাদিসেসো’’তি। তস্সেৰ আপত্তিনিকাযস্স নামকম্মং অধিৰচনং। তেনপি ৰুচ্চতি – ‘‘সঙ্ঘাদিসেসো’’তি।
Saṅghādisesoti saṅghova tassā āpattiyā parivāsaṃ deti, mūlāya paṭikassati, mānattaṃ deti , abbheti; na sambahulā, na ekapuggalo. Tena vuccati – ‘‘saṅghādiseso’’ti. Tasseva āpattinikāyassa nāmakammaṃ adhivacanaṃ. Tenapi vuccati – ‘‘saṅghādiseso’’ti.
অজ্ঝত্তরূপে মোচেতি, বহিদ্ধারূপে মোচেতি, অজ্ঝত্তবহিদ্ধারূপে মোচেতি, আকাসে কটিং কম্পেন্তো মোচেতি; রাগূপত্থম্ভে মোচেতি, ৰচ্চূপত্থম্ভে মোচেতি, পস্সাৰূপত্থম্ভে মোচেতি, ৰাতূপত্থম্ভে মোচেতি , উচ্চালিঙ্গপাণকদট্ঠূপত্থম্ভে মোচেতি; আরোগ্যত্থায মোচেতি, সুখত্থায মোচেতি, ভেসজ্জত্থায মোচেতি, দানত্থায মোচেতি, পুঞ্ঞত্থায মোচেতি, যঞ্ঞত্থায মোচেতি, সগ্গত্থায মোচেতি, বীজত্থায মোচেতি, ৰীমংসত্থায মোচেতি, দৰত্থায মোচেতি; নীলং মোচেতি, পীতকং মোচেতি, লোহিতকং মোচেতি, ওদাতং মোচেতি, তক্কৰণ্ণং মোচেতি, দকৰণ্ণং মোচেতি, তেলৰণ্ণং মোচেতি, খীরৰণ্ণং মোচেতি, দধিৰণ্ণং মোচেতি, সপ্পিৰণ্ণং মোচেতি।
Ajjhattarūpe moceti, bahiddhārūpe moceti, ajjhattabahiddhārūpe moceti, ākāse kaṭiṃ kampento moceti; rāgūpatthambhe moceti, vaccūpatthambhe moceti, passāvūpatthambhe moceti, vātūpatthambhe moceti , uccāliṅgapāṇakadaṭṭhūpatthambhe moceti; ārogyatthāya moceti, sukhatthāya moceti, bhesajjatthāya moceti, dānatthāya moceti, puññatthāya moceti, yaññatthāya moceti, saggatthāya moceti, bījatthāya moceti, vīmaṃsatthāya moceti, davatthāya moceti; nīlaṃ moceti, pītakaṃ moceti, lohitakaṃ moceti, odātaṃ moceti, takkavaṇṇaṃ moceti, dakavaṇṇaṃ moceti, telavaṇṇaṃ moceti, khīravaṇṇaṃ moceti, dadhivaṇṇaṃ moceti, sappivaṇṇaṃ moceti.
বহিদ্ধারূপেতি বহিদ্ধা উপাদিন্নে ৰা অনুপাদিন্নে ৰা।
Bahiddhārūpeti bahiddhā upādinne vā anupādinne vā.
অজ্ঝত্তবহিদ্ধারূপেতি তদুভযে।
Ajjhattabahiddhārūpeti tadubhaye.
আকাসে কটিং কম্পেন্তোতি আকাসে ৰাযমন্তস্স অঙ্গজাতং কম্মনিযং হোতি।
Ākāse kaṭiṃ kampentoti ākāse vāyamantassa aṅgajātaṃ kammaniyaṃ hoti.
রাগূপত্থম্ভেতি রাগেন পীল়িতস্স অঙ্গজাতং কম্মনিযং হোতি।
Rāgūpatthambheti rāgena pīḷitassa aṅgajātaṃ kammaniyaṃ hoti.
ৰচ্চূপত্থম্ভেতি ৰচ্চেন পীল়িতস্স অঙ্গজাতং কম্মনিযং হোতি।
Vaccūpatthambheti vaccena pīḷitassa aṅgajātaṃ kammaniyaṃ hoti.
পস্সাৰূপত্থম্ভেতি পস্সাৰেন পীল়িতস্স অঙ্গজাতং কম্মনিযং হোতি।
Passāvūpatthambheti passāvena pīḷitassa aṅgajātaṃ kammaniyaṃ hoti.
ৰাতূপত্থম্ভেতি ৰাতেন পীল়িতস্স অঙ্গজাতং কম্মনিযং হোতি।
Vātūpatthambheti vātena pīḷitassa aṅgajātaṃ kammaniyaṃ hoti.
উচ্চালিঙ্গপাণকদট্ঠূপত্থম্ভেতি উচ্চালিঙ্গপাণকদট্ঠেন অঙ্গজাতং কম্মনিযং হোতি।
Uccāliṅgapāṇakadaṭṭhūpatthambheti uccāliṅgapāṇakadaṭṭhena aṅgajātaṃ kammaniyaṃ hoti.
২৩৯. আরোগ্যত্থাযাতি অরোগো ভৰিস্সামি।
239.Ārogyatthāyāti arogo bhavissāmi.
সুখত্থাযাতি সুখং ৰেদনং উপ্পাদেস্সামি।
Sukhatthāyāti sukhaṃ vedanaṃ uppādessāmi.
ভেসজ্জত্থাযাতি ভেসজ্জং ভৰিস্সতি।
Bhesajjatthāyāti bhesajjaṃ bhavissati.
দানত্থাযাতি দানং দস্সামি।
Dānatthāyāti dānaṃ dassāmi.
পুঞ্ঞত্থাযাতি পুঞ্ঞং ভৰিস্সতি।
Puññatthāyāti puññaṃ bhavissati.
যঞ্ঞত্থাযাতি যঞ্ঞং যজিস্সামি।
Yaññatthāyāti yaññaṃ yajissāmi.
সগ্গত্থাযাতি সগ্গং গমিস্সামি।
Saggatthāyāti saggaṃ gamissāmi.
বীজত্থাযাতি বীজং ভৰিস্সতি।
Bījatthāyāti bījaṃ bhavissati.
ৰীমংসত্থাযাতি নীলং ভৰিস্সতি, পীতকং ভৰিস্সতি, লোহিতকং ভৰিস্সতি, ওদাতং ভৰিস্সতি, তক্কৰণ্ণং ভৰিস্সতি, দকৰণ্ণং ভৰিস্সতি, তেলৰণ্ণং ভৰিস্সতি, খীরৰণ্ণং ভৰিস্সতি, দধিৰণ্ণং ভৰিস্সতি, সপ্পিৰণ্ণং ভৰিস্সতীতি।
Vīmaṃsatthāyāti nīlaṃ bhavissati, pītakaṃ bhavissati, lohitakaṃ bhavissati, odātaṃ bhavissati, takkavaṇṇaṃ bhavissati, dakavaṇṇaṃ bhavissati, telavaṇṇaṃ bhavissati, khīravaṇṇaṃ bhavissati, dadhivaṇṇaṃ bhavissati, sappivaṇṇaṃ bhavissatīti.
দৰত্থাযাতি খিড্ডাধিপ্পাযো।
Davatthāyāti khiḍḍādhippāyo.
২৪০. অজ্ঝত্তরূপে চেতেতি উপক্কমতি মুচ্চতি, আপত্তি সঙ্ঘাদিসেসস্স।
240. Ajjhattarūpe ceteti upakkamati muccati, āpatti saṅghādisesassa.
বহিদ্ধারূপে চেতেতি উপক্কমতি মুচ্চতি, আপত্তি সঙ্ঘাদিসেসস্স।
Bahiddhārūpe ceteti upakkamati muccati, āpatti saṅghādisesassa.
অজ্ঝত্তবহিদ্ধারূপে চেতেতি উপক্কমতি মুচ্চতি, আপত্তি সঙ্ঘাদিসেসস্স।
Ajjhattabahiddhārūpe ceteti upakkamati muccati, āpatti saṅghādisesassa.
আকাসে কটিং কম্পেন্তো চেতেতি উপক্কমতি মুচ্চতি, আপত্তি সঙ্ঘাদিসেসস্স।
Ākāse kaṭiṃ kampento ceteti upakkamati muccati, āpatti saṅghādisesassa.
রাগূপত্থম্ভে চেতেতি উপক্কমতি মুচ্চতি, আপত্তি সঙ্ঘাদিসেসস্স।
Rāgūpatthambhe ceteti upakkamati muccati, āpatti saṅghādisesassa.
ৰচ্চূপত্থম্ভে চেতেতি উপক্কমতি মুচ্চতি, আপত্তি সঙ্ঘাদিসেসস্স।
Vaccūpatthambhe ceteti upakkamati muccati, āpatti saṅghādisesassa.
পস্সাৰূপত্থম্ভে চেতেতি উপক্কমতি মুচ্চতি, আপত্তি সঙ্ঘাদিসেসস্স।
Passāvūpatthambhe ceteti upakkamati muccati, āpatti saṅghādisesassa.
ৰাতূপত্থম্ভে চেতেতি উপক্কমতি মুচ্চতি, আপত্তি সঙ্ঘাদিসেসস্স।
Vātūpatthambhe ceteti upakkamati muccati, āpatti saṅghādisesassa.
উচ্চালিঙ্গপাণকদট্ঠূপত্থম্ভে চেতেতি উপক্কমতি মুচ্চতি, আপত্তি সঙ্ঘাদিসেসস্স।
Uccāliṅgapāṇakadaṭṭhūpatthambhe ceteti upakkamati muccati, āpatti saṅghādisesassa.
আরোগ্যত্থায চেতেতি উপক্কমতি মুচ্চতি, আপত্তি সঙ্ঘাদিসেসস্স।
Ārogyatthāya ceteti upakkamati muccati, āpatti saṅghādisesassa.
সুখত্থায…পে॰… ভেসজ্জত্থায… দানত্থায… পুঞ্ঞত্থায… যঞ্ঞত্থায… সগ্গত্থায… বীজত্থায… ৰীমংসত্থায… দৰত্থায চেতেতি উপক্কমতি মুচ্চতি, আপত্তি সঙ্ঘাদিসেসস্স।
Sukhatthāya…pe… bhesajjatthāya… dānatthāya… puññatthāya… yaññatthāya… saggatthāya… bījatthāya… vīmaṃsatthāya… davatthāya ceteti upakkamati muccati, āpatti saṅghādisesassa.
নীলং চেতেতি উপক্কমতি মুচ্চতি, আপত্তি সঙ্ঘাদিসেসস্স ।
Nīlaṃ ceteti upakkamati muccati, āpatti saṅghādisesassa .
পীতকং… লোহিতকং… ওদাতং… তক্কৰণ্ণং… দকৰণ্ণং… তেলৰণ্ণং… খীরৰণ্ণং… দধিৰণ্ণং… সপ্পিৰণ্ণং চেতেতি উপক্কমতি মুচ্চতি, আপত্তি সঙ্ঘাদিসেসস্স।
Pītakaṃ… lohitakaṃ… odātaṃ… takkavaṇṇaṃ… dakavaṇṇaṃ… telavaṇṇaṃ… khīravaṇṇaṃ… dadhivaṇṇaṃ… sappivaṇṇaṃ ceteti upakkamati muccati, āpatti saṅghādisesassa.
সুদ্ধিকং নিট্ঠিতং।
Suddhikaṃ niṭṭhitaṃ.
আরোগ্যত্থঞ্চ সুখত্থঞ্চ চেতেতি উপক্কমতি মুচ্চতি, আপত্তি সঙ্ঘাদিসেসস্স।
Ārogyatthañca sukhatthañca ceteti upakkamati muccati, āpatti saṅghādisesassa.
আরোগ্যত্থঞ্চ ভেসজ্জত্থঞ্চ…পে॰… আরোগ্যত্থঞ্চ দানত্থঞ্চ… আরোগ্যত্থঞ্চ পুঞ্ঞত্থঞ্চ… আরোগ্যত্থঞ্চ যঞ্ঞত্থঞ্চ… আরোগ্যত্থঞ্চ সগ্গত্থঞ্চ… আরোগ্যত্থঞ্চ বীজত্থঞ্চ… আরোগ্যত্থঞ্চ ৰীমংসত্থঞ্চ… আরোগ্যত্থঞ্চ দৰত্থঞ্চ চেতেতি উপক্কমতি মুচ্চতি, আপত্তি সঙ্ঘাদিসেসস্স।
Ārogyatthañca bhesajjatthañca…pe… ārogyatthañca dānatthañca… ārogyatthañca puññatthañca… ārogyatthañca yaññatthañca… ārogyatthañca saggatthañca… ārogyatthañca bījatthañca… ārogyatthañca vīmaṃsatthañca… ārogyatthañca davatthañca ceteti upakkamati muccati, āpatti saṅghādisesassa.
একমূলকস্স খণ্ডচক্কং নিট্ঠিতং।
Ekamūlakassa khaṇḍacakkaṃ niṭṭhitaṃ.
২৪১. সুখত্থঞ্চ ভেসজ্জত্থঞ্চ চেতেতি উপক্কমতি মুচ্চতি, আপত্তি সঙ্ঘাদিসেসস্স।
241. Sukhatthañca bhesajjatthañca ceteti upakkamati muccati, āpatti saṅghādisesassa.
সুখত্থঞ্চ দানত্থঞ্চ…পে॰… সুখত্থঞ্চ পুঞ্ঞত্থঞ্চ… সুখত্থঞ্চ যঞ্ঞত্থঞ্চ… সুখত্থঞ্চ সগ্গত্থঞ্চ… সুখত্থঞ্চ বীজত্থঞ্চ… সুখত্থঞ্চ ৰীমংসত্থঞ্চ… সুখত্থঞ্চ দৰত্থঞ্চ চেতেতি উপক্কমতি মুচ্চতি, আপত্তি সঙ্ঘাদিসেসস্স।
Sukhatthañca dānatthañca…pe… sukhatthañca puññatthañca… sukhatthañca yaññatthañca… sukhatthañca saggatthañca… sukhatthañca bījatthañca… sukhatthañca vīmaṃsatthañca… sukhatthañca davatthañca ceteti upakkamati muccati, āpatti saṅghādisesassa.
সুখত্থঞ্চ আরোগ্যত্থঞ্চ চেতেতি উপক্কমতি মুচ্চতি, আপত্তি সঙ্ঘাদিসেসস্স।
Sukhatthañca ārogyatthañca ceteti upakkamati muccati, āpatti saṅghādisesassa.
২৪২. ভেসজ্জত্থঞ্চ দানত্থঞ্চ…পে॰… ভেসজ্জত্থঞ্চ পুঞ্ঞত্থঞ্চ… ভেসজ্জত্থঞ্চ যঞ্ঞত্থঞ্চ… ভেসজ্জত্থঞ্চ সগ্গত্থঞ্চ… ভেসজ্জত্থঞ্চ বীজত্থঞ্চ… ভেসজ্জত্থঞ্চ ৰীমংসত্থঞ্চ… ভেসজ্জত্থঞ্চ দৰত্থঞ্চ চেতেতি উপক্কমতি মুচ্চতি, আপত্তি সঙ্ঘাদিসেসস্স।
242. Bhesajjatthañca dānatthañca…pe… bhesajjatthañca puññatthañca… bhesajjatthañca yaññatthañca… bhesajjatthañca saggatthañca… bhesajjatthañca bījatthañca… bhesajjatthañca vīmaṃsatthañca… bhesajjatthañca davatthañca ceteti upakkamati muccati, āpatti saṅghādisesassa.
ভেসজ্জত্থঞ্চ আরোগ্যত্থঞ্চ…পে॰… ভেসজ্জত্থঞ্চ সুখত্থঞ্চ চেতেতি উপক্কমতি মুচ্চতি, আপত্তি সঙ্ঘাদিসেসস্স।
Bhesajjatthañca ārogyatthañca…pe… bhesajjatthañca sukhatthañca ceteti upakkamati muccati, āpatti saṅghādisesassa.
দানত্থঞ্চ পুঞ্ঞত্থঞ্চ…পে॰… দানত্থঞ্চ যঞ্ঞত্থঞ্চ… দানত্থঞ্চ সগ্গত্থঞ্চ… দানত্থঞ্চ বীজত্থঞ্চ… দানত্থঞ্চ ৰীমংসত্থঞ্চ… দানত্থঞ্চ দৰত্থঞ্চ চেতেতি উপক্কমতি মুচ্চতি, আপত্তি সঙ্ঘাদিসেসস্স।
Dānatthañca puññatthañca…pe… dānatthañca yaññatthañca… dānatthañca saggatthañca… dānatthañca bījatthañca… dānatthañca vīmaṃsatthañca… dānatthañca davatthañca ceteti upakkamati muccati, āpatti saṅghādisesassa.
দানত্থঞ্চ আরোগ্যত্থঞ্চ…পে॰… দানত্থঞ্চ সুখত্থঞ্চ… দানত্থঞ্চ ভেসজ্জত্থঞ্চ চেতেতি উপক্কমতি মুচ্চতি, আপত্তি সঙ্ঘাদিসেসস্স।
Dānatthañca ārogyatthañca…pe… dānatthañca sukhatthañca… dānatthañca bhesajjatthañca ceteti upakkamati muccati, āpatti saṅghādisesassa.
পুঞ্ঞত্থঞ্চ যঞ্ঞত্থঞ্চ…পে॰… পুঞ্ঞত্থঞ্চ সগ্গত্থঞ্চ… পুঞ্ঞত্থঞ্চ বীজত্থঞ্চ… পুঞ্ঞত্থঞ্চ ৰীমংসত্থঞ্চ… পুঞ্ঞত্থঞ্চ দৰত্থঞ্চ চেতেতি উপক্কমতি মুচ্চতি, আপত্তি সঙ্ঘাদিসেসস্স।
Puññatthañca yaññatthañca…pe… puññatthañca saggatthañca… puññatthañca bījatthañca… puññatthañca vīmaṃsatthañca… puññatthañca davatthañca ceteti upakkamati muccati, āpatti saṅghādisesassa.
পুঞ্ঞত্থঞ্চ আরোগ্যত্থঞ্চ…পে॰… পুঞ্ঞত্থঞ্চ সুখত্থঞ্চ… পুঞ্ঞত্থঞ্চ ভেসজ্জত্থঞ্চ… পুঞ্ঞত্থঞ্চ দানত্থঞ্চ চেতেতি উপক্কমতি মুচ্চতি, আপত্তি সঙ্ঘাদিসেসস্স।
Puññatthañca ārogyatthañca…pe… puññatthañca sukhatthañca… puññatthañca bhesajjatthañca… puññatthañca dānatthañca ceteti upakkamati muccati, āpatti saṅghādisesassa.
যঞ্ঞত্থঞ্চ সগ্গত্থঞ্চ…পে॰… যঞ্ঞত্থঞ্চ বীজত্থঞ্চ… যঞ্ঞত্থঞ্চ ৰীমংসত্থঞ্চ … যঞ্ঞত্থঞ্চ দৰত্থঞ্চ চেতেতি উপক্কমতি মুচ্চতি, আপত্তি সঙ্ঘাদিসেসস্স।
Yaññatthañca saggatthañca…pe… yaññatthañca bījatthañca… yaññatthañca vīmaṃsatthañca … yaññatthañca davatthañca ceteti upakkamati muccati, āpatti saṅghādisesassa.
যঞ্ঞত্থঞ্চ আরোগ্যত্থঞ্চ…পে॰… যঞ্ঞত্থঞ্চ সুখত্থঞ্চ… যঞ্ঞত্থঞ্চ ভেসজ্জত্থঞ্চ… যঞ্ঞত্থঞ্চ দানত্থঞ্চ… যঞ্ঞত্থঞ্চ পুঞ্ঞত্থঞ্চ চেতেতি উপক্কমতি মুচ্চতি, আপত্তি সঙ্ঘাদিসেসস্স।
Yaññatthañca ārogyatthañca…pe… yaññatthañca sukhatthañca… yaññatthañca bhesajjatthañca… yaññatthañca dānatthañca… yaññatthañca puññatthañca ceteti upakkamati muccati, āpatti saṅghādisesassa.
সগ্গত্থঞ্চ বীজত্থঞ্চ…পে॰… সগ্গত্থঞ্চ ৰীমংসত্থঞ্চ… সগ্গত্থঞ্চ দৰত্থঞ্চ চেতেতি উপক্কমতি মুচ্চতি, আপত্তি সঙ্ঘাদিসেসস্স।
Saggatthañca bījatthañca…pe… saggatthañca vīmaṃsatthañca… saggatthañca davatthañca ceteti upakkamati muccati, āpatti saṅghādisesassa.
সগ্গত্থঞ্চ আরোগ্যত্থঞ্চ…পে॰… সগ্গত্থঞ্চ সুখত্থঞ্চ… সগ্গত্থঞ্চ ভেসজ্জত্থঞ্চ… সগ্গত্থঞ্চ দানত্থঞ্চ… সগ্গত্থঞ্চ পুঞ্ঞত্থঞ্চ… সগ্গত্থঞ্চ যঞ্ঞত্থঞ্চ চেতেতি উপক্কমতি মুচ্চতি, আপত্তি সঙ্ঘাদিসেসস্স।
Saggatthañca ārogyatthañca…pe… saggatthañca sukhatthañca… saggatthañca bhesajjatthañca… saggatthañca dānatthañca… saggatthañca puññatthañca… saggatthañca yaññatthañca ceteti upakkamati muccati, āpatti saṅghādisesassa.
বীজত্থঞ্চ ৰীমংসত্থঞ্চ…পে॰… বীজত্থঞ্চ দৰত্থঞ্চ চেতেতি উপক্কমতি মুচ্চতি, আপত্তি সঙ্ঘাদিসেসস্স।
Bījatthañca vīmaṃsatthañca…pe… bījatthañca davatthañca ceteti upakkamati muccati, āpatti saṅghādisesassa.
বীজত্থঞ্চ আরোগ্যত্থঞ্চ…পে॰… বীজত্থঞ্চ সুখত্থঞ্চ… বীজত্থঞ্চ ভেসজ্জত্থঞ্চ… বীজত্থঞ্চ দানত্থঞ্চ… বীজত্থঞ্চ পুঞ্ঞত্থঞ্চ… বীজত্থঞ্চ যঞ্ঞত্থঞ্চ… বীজত্থঞ্চ সগ্গত্থঞ্চ চেতেতি উপক্কমতি মুচ্চতি, আপত্তি সঙ্ঘাদিসেসস্স।
Bījatthañca ārogyatthañca…pe… bījatthañca sukhatthañca… bījatthañca bhesajjatthañca… bījatthañca dānatthañca… bījatthañca puññatthañca… bījatthañca yaññatthañca… bījatthañca saggatthañca ceteti upakkamati muccati, āpatti saṅghādisesassa.
ৰীমংসত্থঞ্চ দৰত্থঞ্চ চেতেতি উপক্কমতি মুচ্চতি, আপত্তি সঙ্ঘাদিসেসস্স।
Vīmaṃsatthañca davatthañca ceteti upakkamati muccati, āpatti saṅghādisesassa.
ৰীমংসত্থঞ্চ আরোগ্যত্থঞ্চ…পে॰… ৰীমংসত্থঞ্চ সুখত্থঞ্চ… ৰীমংসত্থঞ্চ ভেসজ্জত্থঞ্চ… ৰীমংসত্থঞ্চ দানত্থঞ্চ… ৰীমংসত্থঞ্চ পুঞ্ঞত্থঞ্চ… ৰীমংসত্থঞ্চ যঞ্ঞত্থঞ্চ… ৰীমংসত্থঞ্চ সগ্গত্থঞ্চ… ৰীমংসত্থঞ্চ বীজত্থঞ্চ চেতেতি উপক্কমতি মুচ্চতি, আপত্তি সঙ্ঘাদিসেসস্স।
Vīmaṃsatthañca ārogyatthañca…pe… vīmaṃsatthañca sukhatthañca… vīmaṃsatthañca bhesajjatthañca… vīmaṃsatthañca dānatthañca… vīmaṃsatthañca puññatthañca… vīmaṃsatthañca yaññatthañca… vīmaṃsatthañca saggatthañca… vīmaṃsatthañca bījatthañca ceteti upakkamati muccati, āpatti saṅghādisesassa.
দৰত্থঞ্চ আরোগ্যত্থঞ্চ…পে॰… দৰত্থঞ্চ সুখত্থঞ্চ… দৰত্থঞ্চ ভেসজ্জত্থঞ্চ… দৰত্থঞ্চ দানত্থঞ্চ… দৰত্থঞ্চ পুঞ্ঞত্থঞ্চ… দৰত্থঞ্চ যঞ্ঞত্থঞ্চ… দৰত্থঞ্চ সগ্গত্থঞ্চ… দৰত্থঞ্চ বীজত্থঞ্চ… দৰত্থঞ্চ ৰীমংসত্থঞ্চ চেতেতি উপক্কমতি মুচ্চতি, আপত্তি সঙ্ঘাদিসেসস্স।
Davatthañca ārogyatthañca…pe… davatthañca sukhatthañca… davatthañca bhesajjatthañca… davatthañca dānatthañca… davatthañca puññatthañca… davatthañca yaññatthañca… davatthañca saggatthañca… davatthañca bījatthañca… davatthañca vīmaṃsatthañca ceteti upakkamati muccati, āpatti saṅghādisesassa.
একমূলকস্স বদ্ধচক্কং নিট্ঠিতং।
Ekamūlakassa baddhacakkaṃ niṭṭhitaṃ.
আরোগ্যত্থঞ্চ সুখত্থঞ্চ ভেসজ্জত্থঞ্চ চেতেতি উপক্কমতি মুচ্চতি, আপত্তি সঙ্ঘাদিসেসস্স…পে॰… আরোগ্যত্থঞ্চ সুখত্থঞ্চ দৰত্থঞ্চ চেতেতি উপক্কমতি মুচ্চতি, আপত্তি সঙ্ঘাদিসেসস্স।
Ārogyatthañca sukhatthañca bhesajjatthañca ceteti upakkamati muccati, āpatti saṅghādisesassa…pe… ārogyatthañca sukhatthañca davatthañca ceteti upakkamati muccati, āpatti saṅghādisesassa.
দুমূলকস্স খণ্ডচক্কং।
Dumūlakassa khaṇḍacakkaṃ.
সুখত্থঞ্চ ভেসজ্জত্থঞ্চ দানত্থঞ্চ চেতেতি উপক্কমতি মুচ্চতি, আপত্তি সঙ্ঘাদিসেসস্স…পে॰… সুখত্থঞ্চ ভেসজ্জত্থঞ্চ দৰত্থঞ্চ…পে॰… সুখত্থঞ্চ ভেসজ্জত্থঞ্চ আরোগ্যত্থঞ্চ চেতেতি উপক্কমতি মুচ্চতি, আপত্তি সঙ্ঘাদিসেসস্স।
Sukhatthañca bhesajjatthañca dānatthañca ceteti upakkamati muccati, āpatti saṅghādisesassa…pe… sukhatthañca bhesajjatthañca davatthañca…pe… sukhatthañca bhesajjatthañca ārogyatthañca ceteti upakkamati muccati, āpatti saṅghādisesassa.
দুমূলকস্স বদ্ধচক্কং সংখিত্তং।
Dumūlakassa baddhacakkaṃ saṃkhittaṃ.
ৰীমংসত্থঞ্চ দৰত্থঞ্চ আরোগ্যত্থঞ্চ চেতেতি উপক্কমতি মুচ্চতি, আপত্তি সঙ্ঘাদিসেসস্স। ৰীমংসত্থঞ্চ দৰত্থঞ্চ বীজত্থঞ্চ চেতেতি উপক্কমতি মুচ্চতি, আপত্তি সঙ্ঘাদিসেসস্স।
Vīmaṃsatthañca davatthañca ārogyatthañca ceteti upakkamati muccati, āpatti saṅghādisesassa. Vīmaṃsatthañca davatthañca bījatthañca ceteti upakkamati muccati, āpatti saṅghādisesassa.
দুমূলকং নিট্ঠিতং।
Dumūlakaṃ niṭṭhitaṃ.
তিমূলকম্পি চতুমূলকম্পি পঞ্চমূলকম্পি ছমূলকম্পি সত্তমূলকম্পি অট্ঠমূলকম্পি নৰমূলকম্পি এৰমেৰ ৰিত্থারেতব্বং।
Timūlakampi catumūlakampi pañcamūlakampi chamūlakampi sattamūlakampi aṭṭhamūlakampi navamūlakampi evameva vitthāretabbaṃ.
ইদং সব্বমূলকং।
Idaṃ sabbamūlakaṃ.
২৪৩. আরোগ্যত্থঞ্চ সুখত্থঞ্চ ভেসজ্জত্থঞ্চ দানত্থঞ্চ পুঞ্ঞত্থঞ্চ যঞ্ঞত্থঞ্চ সগ্গত্থঞ্চ বীজত্থঞ্চ ৰীমংসত্থঞ্চ দৰত্থঞ্চ চেতেতি উপক্কমতি মুচ্চতি, আপত্তি সঙ্ঘাদিসেসস্স।
243. Ārogyatthañca sukhatthañca bhesajjatthañca dānatthañca puññatthañca yaññatthañca saggatthañca bījatthañca vīmaṃsatthañca davatthañca ceteti upakkamati muccati, āpatti saṅghādisesassa.
সব্বমূলকং নিট্ঠিতং।
Sabbamūlakaṃ niṭṭhitaṃ.
২৪৪. নীলঞ্চ পীতকঞ্চ চেতেতি উপক্কমতি মুচ্চতি, আপত্তি সঙ্ঘাদিসেসস্স।
244. Nīlañca pītakañca ceteti upakkamati muccati, āpatti saṅghādisesassa.
নীলঞ্চ লোহিতকঞ্চ…পে॰… নীলঞ্চ ওদাতঞ্চ… নীলঞ্চ তক্কৰণ্ণঞ্চ… নীলঞ্চ দকৰণ্ণঞ্চ… নীলঞ্চ তেলৰণ্ণঞ্চ… নীলঞ্চ খীরৰণ্ণঞ্চ… নীলঞ্চ দধিৰণ্ণঞ্চ… নীলঞ্চ সপ্পিৰণ্ণঞ্চ চেতেতি উপক্কমতি মুচ্চত্তি, আপত্তি সঙ্ঘাদিসেসস্স।
Nīlañca lohitakañca…pe… nīlañca odātañca… nīlañca takkavaṇṇañca… nīlañca dakavaṇṇañca… nīlañca telavaṇṇañca… nīlañca khīravaṇṇañca… nīlañca dadhivaṇṇañca… nīlañca sappivaṇṇañca ceteti upakkamati muccatti, āpatti saṅghādisesassa.
একমূলকস্স খণ্ডচক্কং নিট্ঠিতং।
Ekamūlakassa khaṇḍacakkaṃ niṭṭhitaṃ.
২৪৫. পীতকঞ্চ লোহিতকঞ্চ চেতেতি উপক্কমতি মুচ্চতি, আপত্তি সঙ্ঘাদিসেসস্স।
245. Pītakañca lohitakañca ceteti upakkamati muccati, āpatti saṅghādisesassa.
পীতকঞ্চ ওদাতঞ্চ…পে॰… পীতকঞ্চ তক্কৰণ্ণঞ্চ… পীতকঞ্চ দকৰণ্ণঞ্চ… পীতকঞ্চ তেলৰণ্ণঞ্চ… পীতকঞ্চ খীরৰণ্ণঞ্চ… পীতকঞ্চ দধিৰণ্ণঞ্চ… পীতকঞ্চ সপ্পিৰণ্ণঞ্চ চেতেতি উপক্কমতি মুচ্চতি, আপত্তি সঙ্ঘাদিসেসস্স।
Pītakañca odātañca…pe… pītakañca takkavaṇṇañca… pītakañca dakavaṇṇañca… pītakañca telavaṇṇañca… pītakañca khīravaṇṇañca… pītakañca dadhivaṇṇañca… pītakañca sappivaṇṇañca ceteti upakkamati muccati, āpatti saṅghādisesassa.
পীতকঞ্চ নীলঞ্চ চেতেতি উপক্কমতি মুচ্চতি, আপত্তি সঙ্ঘাদিসেসস্স।
Pītakañca nīlañca ceteti upakkamati muccati, āpatti saṅghādisesassa.
একমূলকস্স বদ্ধচক্কং।
Ekamūlakassa baddhacakkaṃ.
২৪৬. লোহিতকঞ্চ ওদাতঞ্চ চেতেতি উপক্কমতি মুচ্চতি, আপত্তি সঙ্ঘাদিসেসস্স।
246. Lohitakañca odātañca ceteti upakkamati muccati, āpatti saṅghādisesassa.
লোহিতকঞ্চ তক্কৰণ্ণঞ্চ…পে॰… লোহিতকঞ্চ দকৰণ্ণঞ্চ… লোহিতকঞ্চ তেলৰণ্ণঞ্চ… লোহিতকঞ্চ খীরৰণ্ণঞ্চ… লোহিতকঞ্চ দধিৰণ্ণঞ্চ… লোহিতকঞ্চ সপ্পিৰণ্ণঞ্চ চেতেতি উপক্কমতি মুচ্চতি, আপত্তি সঙ্ঘাদিসেসস্স।
Lohitakañca takkavaṇṇañca…pe… lohitakañca dakavaṇṇañca… lohitakañca telavaṇṇañca… lohitakañca khīravaṇṇañca… lohitakañca dadhivaṇṇañca… lohitakañca sappivaṇṇañca ceteti upakkamati muccati, āpatti saṅghādisesassa.
লোহিতকঞ্চ নীলঞ্চ…পে॰… লোহিতকঞ্চ পীতকঞ্চ চেতেতি উপক্কমতি মুচ্চতি, আপত্তি সঙ্ঘাদিসেসস্স।
Lohitakañca nīlañca…pe… lohitakañca pītakañca ceteti upakkamati muccati, āpatti saṅghādisesassa.
ওদাতঞ্চ তক্কৰণ্ণঞ্চ…পে॰… ওদাতঞ্চ দকৰণ্ণঞ্চ… ওদাতঞ্চ তেলৰণ্ণঞ্চ… ওদাতঞ্চ খীরৰণ্ণঞ্চ… ওদাতঞ্চ দধিৰণ্ণঞ্চ… ওদাতঞ্চ সপ্পিৰণ্ণঞ্চ চেতেতি উপক্কমতি মুচ্চতি, আপত্তি সঙ্ঘাদিসেসস্স।
Odātañca takkavaṇṇañca…pe… odātañca dakavaṇṇañca… odātañca telavaṇṇañca… odātañca khīravaṇṇañca… odātañca dadhivaṇṇañca… odātañca sappivaṇṇañca ceteti upakkamati muccati, āpatti saṅghādisesassa.
ওদাতঞ্চ নীলঞ্চ…পে॰… ওদাতঞ্চ পীতকঞ্চ… ওদাতঞ্চ লোহিতকঞ্চ চেতেতি উপক্কমতি মুচ্চতি, আপত্তি সঙ্ঘাদিসেসস্স।
Odātañca nīlañca…pe… odātañca pītakañca… odātañca lohitakañca ceteti upakkamati muccati, āpatti saṅghādisesassa.
তক্কৰণ্ণঞ্চ দকৰণ্ণঞ্চ…পে॰… তক্কৰণ্ণঞ্চ তেলৰণ্ণঞ্চ… তক্কৰণ্ণঞ্চ খীরৰণ্ণঞ্চ… তক্কৰণ্ণঞ্চ দধিৰণ্ণঞ্চ… তক্কৰণ্ণঞ্চ সপ্পিৰণ্ণঞ্চ চেতেতি উপক্কমতি মুচ্চতি, আপত্তি সঙ্ঘাদিসেসস্স।
Takkavaṇṇañca dakavaṇṇañca…pe… takkavaṇṇañca telavaṇṇañca… takkavaṇṇañca khīravaṇṇañca… takkavaṇṇañca dadhivaṇṇañca… takkavaṇṇañca sappivaṇṇañca ceteti upakkamati muccati, āpatti saṅghādisesassa.
তক্কৰণ্ণঞ্চ নীলঞ্চ…পে॰… তক্কৰণ্ণঞ্চ পীতকঞ্চ… তক্কৰণ্ণঞ্চ লোহিতকঞ্চ… তক্কৰণ্ণঞ্চ ওদাতঞ্চ চেতেতি উপক্কমতি মুচ্চতি, আপত্তি সঙ্ঘাদিসেসস্স।
Takkavaṇṇañca nīlañca…pe… takkavaṇṇañca pītakañca… takkavaṇṇañca lohitakañca… takkavaṇṇañca odātañca ceteti upakkamati muccati, āpatti saṅghādisesassa.
দকৰণ্ণঞ্চ তেলৰণ্ণঞ্চ…পে॰… দকৰণ্ণঞ্চ খীরৰণ্ণঞ্চ… দকৰণ্ণঞ্চ দধিৰণ্ণঞ্চ… দকৰণ্ণঞ্চ সপ্পিৰণ্ণঞ্চ চেতেতি উপক্কমতি মুচ্চতি, আপত্তি সঙ্ঘাদিসেসস্স।
Dakavaṇṇañca telavaṇṇañca…pe… dakavaṇṇañca khīravaṇṇañca… dakavaṇṇañca dadhivaṇṇañca… dakavaṇṇañca sappivaṇṇañca ceteti upakkamati muccati, āpatti saṅghādisesassa.
দকৰণ্ণঞ্চ নীলঞ্চ…পে॰… দকৰণ্ণঞ্চ পীতকঞ্চ… দকৰণ্ণঞ্চ লোহিতকঞ্চ… দকৰণ্ণঞ্চ ওদাতঞ্চ… দকৰণ্ণঞ্চ তক্কৰণ্ণঞ্চ চেতেতি উপক্কমতি মুচ্চতি , আপত্তি সঙ্ঘাদিসেসস্স।
Dakavaṇṇañca nīlañca…pe… dakavaṇṇañca pītakañca… dakavaṇṇañca lohitakañca… dakavaṇṇañca odātañca… dakavaṇṇañca takkavaṇṇañca ceteti upakkamati muccati , āpatti saṅghādisesassa.
তেলৰণ্ণঞ্চ খীরৰণ্ণঞ্চ…পে॰… তেলৰণ্ণঞ্চ দধিৰণ্ণঞ্চ… তেলৰণ্ণঞ্চ সপ্পিৰণ্ণঞ্চ চেতেতি উপক্কমতি মুচ্চতি, আপত্তি সঙ্ঘাদিসেসস্স।
Telavaṇṇañca khīravaṇṇañca…pe… telavaṇṇañca dadhivaṇṇañca… telavaṇṇañca sappivaṇṇañca ceteti upakkamati muccati, āpatti saṅghādisesassa.
তেলৰণ্ণঞ্চ নীলঞ্চ…পে॰… তেলৰণ্ণঞ্চ পীতকঞ্চ… তেলৰণ্ণঞ্চ লোহিতকঞ্চ… তেলৰণ্ণঞ্চ ওদাতঞ্চ… তেলৰণ্ণঞ্চ তক্কৰণ্ণঞ্চ… তেলৰণ্ণঞ্চ দকৰণ্ণঞ্চ চেতেতি উপক্কমতি মুচ্চতি, আপত্তি সঙ্ঘাদিসেসস্স।
Telavaṇṇañca nīlañca…pe… telavaṇṇañca pītakañca… telavaṇṇañca lohitakañca… telavaṇṇañca odātañca… telavaṇṇañca takkavaṇṇañca… telavaṇṇañca dakavaṇṇañca ceteti upakkamati muccati, āpatti saṅghādisesassa.
খীরৰণ্ণঞ্চ দধিৰণ্ণঞ্চ…পে॰… খীরৰণ্ণঞ্চ সপ্পিৰণ্ণঞ্চ চেতেতি উপক্কমতি মুচ্চতি, আপত্তি সঙ্ঘাদিসেসস্স।
Khīravaṇṇañca dadhivaṇṇañca…pe… khīravaṇṇañca sappivaṇṇañca ceteti upakkamati muccati, āpatti saṅghādisesassa.
খীরৰণ্ণঞ্চ নীলঞ্চ…পে॰… খীরৰণ্ণঞ্চ পীতকঞ্চ… খীরৰণ্ণঞ্চ লোহিতকঞ্চ… খীরৰণ্ণঞ্চ ওদাতঞ্চ… খীরৰণ্ণঞ্চ তক্কৰণ্ণঞ্চ… খীরৰণ্ণঞ্চ দকৰণ্ণঞ্চ… খীরৰণ্ণঞ্চ তেলৰণ্ণঞ্চ চেতেতি উপক্কমতি মুচ্চতি, আপত্তি সঙ্ঘাদিসেসস্স।
Khīravaṇṇañca nīlañca…pe… khīravaṇṇañca pītakañca… khīravaṇṇañca lohitakañca… khīravaṇṇañca odātañca… khīravaṇṇañca takkavaṇṇañca… khīravaṇṇañca dakavaṇṇañca… khīravaṇṇañca telavaṇṇañca ceteti upakkamati muccati, āpatti saṅghādisesassa.
দধিৰণ্ণঞ্চ সপ্পিৰণ্ণঞ্চ চেতেতি উপক্কমতি মুচ্চতি, আপত্তি সঙ্ঘাদিসেসস্স।
Dadhivaṇṇañca sappivaṇṇañca ceteti upakkamati muccati, āpatti saṅghādisesassa.
দধিৰণ্ণঞ্চ নীলঞ্চ…পে॰… দধিৰণ্ণঞ্চ পীতকঞ্চ… দধিৰণ্ণঞ্চ লোহিতকঞ্চ… দধিৰণ্ণঞ্চ ওদাতঞ্চ… দধিৰণ্ণঞ্চ তক্কৰণ্ণঞ্চ… দধিৰণ্ণঞ্চ দকৰণ্ণঞ্চ… দধিৰণ্ণঞ্চ তেলৰণ্ণঞ্চ… দধিৰণ্ণঞ্চ খীরৰণ্ণঞ্চ চেতেতি উপক্কমতি মুচ্চতি, আপত্তি সঙ্ঘাদিসেসস্স।
Dadhivaṇṇañca nīlañca…pe… dadhivaṇṇañca pītakañca… dadhivaṇṇañca lohitakañca… dadhivaṇṇañca odātañca… dadhivaṇṇañca takkavaṇṇañca… dadhivaṇṇañca dakavaṇṇañca… dadhivaṇṇañca telavaṇṇañca… dadhivaṇṇañca khīravaṇṇañca ceteti upakkamati muccati, āpatti saṅghādisesassa.
সপ্পিৰণ্ণঞ্চ নীলঞ্চ চেতেতি উপক্কমতি মুচ্চতি, আপত্তি সঙ্ঘাদিসেসস্স।
Sappivaṇṇañca nīlañca ceteti upakkamati muccati, āpatti saṅghādisesassa.
সপ্পিৰণ্ণঞ্চ পীতকঞ্চ…পে॰… সপ্পিৰণ্ণঞ্চ লোহিতকঞ্চ… সপ্পিৰণ্ণঞ্চ ওদাতঞ্চ… সপ্পিৰণ্ণঞ্চ তক্কৰণ্ণঞ্চ… সপ্পিৰণ্ণঞ্চ দকৰণ্ণঞ্চ… সপ্পিৰণ্ণঞ্চ তেলৰণ্ণঞ্চ… সপ্পিৰণ্ণঞ্চ খীরৰণ্ণঞ্চ … সপ্পিৰণ্ণঞ্চ দধিৰণ্ণঞ্চ চেতেতি উপক্কমতি মুচ্চতি, আপত্তি সঙ্ঘাদিসেসস্স।
Sappivaṇṇañca pītakañca…pe… sappivaṇṇañca lohitakañca… sappivaṇṇañca odātañca… sappivaṇṇañca takkavaṇṇañca… sappivaṇṇañca dakavaṇṇañca… sappivaṇṇañca telavaṇṇañca… sappivaṇṇañca khīravaṇṇañca … sappivaṇṇañca dadhivaṇṇañca ceteti upakkamati muccati, āpatti saṅghādisesassa.
একমূলকস্স বদ্ধচক্কং নিট্ঠিতং।
Ekamūlakassa baddhacakkaṃ niṭṭhitaṃ.
নীলঞ্চ পীতকঞ্চ লোহিতকঞ্চ চেতেতি উপক্কমতি মুচ্চতি, আপত্তি সঙ্ঘাদিসেসস্স…পে॰… নীলঞ্চ পীতকঞ্চ সপ্পিৰণ্ণঞ্চ চেতেতি উপক্কমতি মুচ্চতি, আপত্তি সঙ্ঘাদিসেসস্স।
Nīlañca pītakañca lohitakañca ceteti upakkamati muccati, āpatti saṅghādisesassa…pe… nīlañca pītakañca sappivaṇṇañca ceteti upakkamati muccati, āpatti saṅghādisesassa.
দুমূলকস্স খণ্ডচক্কং।
Dumūlakassa khaṇḍacakkaṃ.
পীতকঞ্চ লোহিতকঞ্চ ওদাতঞ্চ চেতেতি উপক্কমতি মুচ্চতি, আপত্তি সঙ্ঘাদিসেসস্স…পে॰… পীতকঞ্চ লোহিতকঞ্চ সপ্পিৰণ্ণঞ্চ…পে॰… পীতকঞ্চ লোহিতকঞ্চ নীলঞ্চ চেতেতি উপক্কমতি মুচ্চতি, আপত্তি সঙ্ঘাদিসেসস্স।
Pītakañca lohitakañca odātañca ceteti upakkamati muccati, āpatti saṅghādisesassa…pe… pītakañca lohitakañca sappivaṇṇañca…pe… pītakañca lohitakañca nīlañca ceteti upakkamati muccati, āpatti saṅghādisesassa.
দুমূলকস্স বদ্ধচক্কং সংখিত্তং।
Dumūlakassa baddhacakkaṃ saṃkhittaṃ.
দধিৰণ্ণঞ্চ সপ্পিৰণ্ণঞ্চ নীলঞ্চ চেতেতি উপক্কমতি মুচ্চতি, আপত্তি সঙ্ঘাদিসেসস্স…পে॰… দধিৰণ্ণঞ্চ সপ্পিৰণ্ণঞ্চ খীরৰণ্ণঞ্চ চেতেতি উপক্কমতি মুচ্চতি, আপত্তি সঙ্ঘাদিসেসস্স।
Dadhivaṇṇañca sappivaṇṇañca nīlañca ceteti upakkamati muccati, āpatti saṅghādisesassa…pe… dadhivaṇṇañca sappivaṇṇañca khīravaṇṇañca ceteti upakkamati muccati, āpatti saṅghādisesassa.
দুমূলকং নিট্ঠিতং।
Dumūlakaṃ niṭṭhitaṃ.
তিমূলকম্পি চতুমূলকম্পি পঞ্চমূলকম্পি ছমূলকম্পি সত্তমূলকম্পি অট্ঠমূলকম্পি নৰমূলকম্পি এৰমেৰ ৰিত্থারেতব্বং।
Timūlakampi catumūlakampi pañcamūlakampi chamūlakampi sattamūlakampi aṭṭhamūlakampi navamūlakampi evameva vitthāretabbaṃ.
ইদং সব্বমূলকং।
Idaṃ sabbamūlakaṃ.
২৪৭. নীলঞ্চ পীতকঞ্চ লোহিতকঞ্চ ওদাতঞ্চ তক্কৰণ্ণঞ্চ দকৰণ্ণঞ্চ তেলৰণ্ণঞ্চ খীরৰণ্ণঞ্চ দধিৰণ্ণঞ্চ সপ্পিৰণ্ণঞ্চ চেতেতি উপক্কমতি মুচ্চতি, আপত্তি সঙ্ঘাদিসেসস্স।
247. Nīlañca pītakañca lohitakañca odātañca takkavaṇṇañca dakavaṇṇañca telavaṇṇañca khīravaṇṇañca dadhivaṇṇañca sappivaṇṇañca ceteti upakkamati muccati, āpatti saṅghādisesassa.
সব্বমূলকং নিট্ঠিতং।
Sabbamūlakaṃ niṭṭhitaṃ.
২৪৮. আরোগ্যত্থঞ্চ নীলঞ্চ 5 চেতেতি উপক্কমতি মুচ্চতি, আপত্তি সঙ্ঘাদিসেসস্স।
248. Ārogyatthañca nīlañca 6 ceteti upakkamati muccati, āpatti saṅghādisesassa.
আরোগ্যত্থঞ্চ সুখত্থঞ্চ নীলঞ্চ পীতকঞ্চ চেতেতি উপক্কমতি মুচ্চতি, আপত্তি সঙ্ঘাদিসেসস্স।
Ārogyatthañca sukhatthañca nīlañca pītakañca ceteti upakkamati muccati, āpatti saṅghādisesassa.
আরোগ্যত্থঞ্চ সুখত্থঞ্চ ভেসজ্জত্থঞ্চ নীলঞ্চ পীতকঞ্চ লোহিতকঞ্চ চেতেতি উপক্কমতি মুচ্চতি, আপত্তি সঙ্ঘাদিসেসস্স।
Ārogyatthañca sukhatthañca bhesajjatthañca nīlañca pītakañca lohitakañca ceteti upakkamati muccati, āpatti saṅghādisesassa.
উভতো ৰড্ঢকং এৰমেৰ ৰড্ঢেতব্বং।
Ubhato vaḍḍhakaṃ evameva vaḍḍhetabbaṃ.
আরোগ্যত্থঞ্চ সুখত্থঞ্চ ভেসজ্জত্থঞ্চ দানত্থঞ্চ পুঞ্ঞত্থঞ্চ যঞ্ঞত্থঞ্চ সগ্গত্থঞ্চ বীজত্থঞ্চ ৰীমংসত্থঞ্চ দৰত্থঞ্চ নীলঞ্চ পীতকঞ্চ লোহিতকঞ্চ ওদাতঞ্চ তক্কৰণ্ণঞ্চ দকৰণ্ণঞ্চ তেলৰণ্ণঞ্চ খীরৰণ্ণঞ্চ দধিৰণ্ণঞ্চ সপ্পিৰণ্ণঞ্চ চেতেতি উপক্কমতি মুচ্চতি, আপত্তি সঙ্ঘাদিসেসস্স।
Ārogyatthañca sukhatthañca bhesajjatthañca dānatthañca puññatthañca yaññatthañca saggatthañca bījatthañca vīmaṃsatthañca davatthañca nīlañca pītakañca lohitakañca odātañca takkavaṇṇañca dakavaṇṇañca telavaṇṇañca khīravaṇṇañca dadhivaṇṇañca sappivaṇṇañca ceteti upakkamati muccati, āpatti saṅghādisesassa.
মিস্সকচক্কং নিট্ঠিতং।
Missakacakkaṃ niṭṭhitaṃ.
২৪৯. নীলং মোচেস্সামীতি চেতেতি উপক্কমতি পীতকং মুচ্চতি, আপত্তি সঙ্ঘাদিসেসস্স।
249. Nīlaṃ mocessāmīti ceteti upakkamati pītakaṃ muccati, āpatti saṅghādisesassa.
নীলং মোচেস্সামীতি চেতেতি উপক্কমতি লোহিতকং…পে॰… ওদাতং … তক্কৰণ্ণং… দকৰণ্ণং… তেলৰণ্ণং… খীরৰণ্ণং… দধিৰণ্ণং… সপ্পিৰণ্ণং মুচ্চতি, আপত্তি সঙ্ঘাদিসেসস্স।
Nīlaṃ mocessāmīti ceteti upakkamati lohitakaṃ…pe… odātaṃ … takkavaṇṇaṃ… dakavaṇṇaṃ… telavaṇṇaṃ… khīravaṇṇaṃ… dadhivaṇṇaṃ… sappivaṇṇaṃ muccati, āpatti saṅghādisesassa.
খণ্ডচক্কং নিট্ঠিতং।
Khaṇḍacakkaṃ niṭṭhitaṃ.
২৫০. পীতকং মোচেস্সামীতি চেতেতি উপক্কমতি লোহিতকং মুচ্চতি, আপত্তি সঙ্ঘাদিসেসস্স।
250. Pītakaṃ mocessāmīti ceteti upakkamati lohitakaṃ muccati, āpatti saṅghādisesassa.
পীতকং মোচেস্সামীতি চেতেতি উপক্কমতি ওদাতং…পে॰… তক্কৰণ্ণং… দকৰণ্ণং… তেলৰণ্ণং… খীরৰণ্ণং… দধিৰণ্ণং… সপ্পিৰণ্ণং… নীলং মুচ্চতি, আপত্তি সঙ্ঘাদিসেসস্স।
Pītakaṃ mocessāmīti ceteti upakkamati odātaṃ…pe… takkavaṇṇaṃ… dakavaṇṇaṃ… telavaṇṇaṃ… khīravaṇṇaṃ… dadhivaṇṇaṃ… sappivaṇṇaṃ… nīlaṃ muccati, āpatti saṅghādisesassa.
বদ্ধচক্কমূলং সংখিত্তং।
Baddhacakkamūlaṃ saṃkhittaṃ.
২৫১. সপ্পিৰণ্ণং মোচেস্সামীতি চেতেতি উপক্কমতি নীলং মুচ্চতি, আপত্তি সঙ্ঘাদিসেসস্স।
251. Sappivaṇṇaṃ mocessāmīti ceteti upakkamati nīlaṃ muccati, āpatti saṅghādisesassa.
সপ্পিৰণ্ণং মোচেস্সামীতি চেতেতি উপক্কমতি পীতকং…পে॰… লোহিতকং… ওদাতং … তক্কৰণ্ণং… দকৰণ্ণং… তেলৰণ্ণং… খীরৰণ্ণং… দধিৰণ্ণং মুচ্চতি, আপত্তি সঙ্ঘাদিসেসস্স।
Sappivaṇṇaṃ mocessāmīti ceteti upakkamati pītakaṃ…pe… lohitakaṃ… odātaṃ … takkavaṇṇaṃ… dakavaṇṇaṃ… telavaṇṇaṃ… khīravaṇṇaṃ… dadhivaṇṇaṃ muccati, āpatti saṅghādisesassa.
কুচ্ছিচক্কং নিট্ঠিতং।
Kucchicakkaṃ niṭṭhitaṃ.
২৫২. পীতকং মোচেস্সামীতি চেতেতি উপক্কমতি নীলং মুচ্চতি, আপত্তি সঙ্ঘাদিসেসস্স।
252. Pītakaṃ mocessāmīti ceteti upakkamati nīlaṃ muccati, āpatti saṅghādisesassa.
লোহিতকং…পে॰… ওদাতং… তক্কৰণ্ণং… দকৰণ্ণং… তেলৰণ্ণং… খীরৰণ্ণং… দধিৰণ্ণং… সপ্পিৰণ্ণং মোচেস্সামীতি চেতেতি উপক্কমতি নীলং মুচ্চতি, আপত্তি সঙ্ঘাদিসেসস্স।
Lohitakaṃ…pe… odātaṃ… takkavaṇṇaṃ… dakavaṇṇaṃ… telavaṇṇaṃ… khīravaṇṇaṃ… dadhivaṇṇaṃ… sappivaṇṇaṃ mocessāmīti ceteti upakkamati nīlaṃ muccati, āpatti saṅghādisesassa.
পিট্ঠিচক্কস্স পঠমং গমনং নিট্ঠিতং।
Piṭṭhicakkassa paṭhamaṃ gamanaṃ niṭṭhitaṃ.
২৫৩. লোহিতকং মোচেস্সামীতি চেতেতি উপক্কমতি পীতকং মুচ্চতি, আপত্তি সঙ্ঘাদিসেসস্স।
253. Lohitakaṃ mocessāmīti ceteti upakkamati pītakaṃ muccati, āpatti saṅghādisesassa.
ওদাতং…পে॰… তক্কৰণ্ণং… দকৰণ্ণং… তেলৰণ্ণং… খীরৰণ্ণং
Odātaṃ…pe… takkavaṇṇaṃ… dakavaṇṇaṃ… telavaṇṇaṃ… khīravaṇṇaṃ
… দধিৰণ্ণং… সপ্পিৰণ্ণং… নীলং মোচেস্সামীতি চেতেতি উপক্কমতি পীতকং মুচ্চতি, আপত্তি সঙ্ঘাদিসেসস্স।
… Dadhivaṇṇaṃ… sappivaṇṇaṃ… nīlaṃ mocessāmīti ceteti upakkamati pītakaṃ muccati, āpatti saṅghādisesassa.
পিট্ঠিচক্কস্স দুতিযং গমনং নিট্ঠিতং।
Piṭṭhicakkassa dutiyaṃ gamanaṃ niṭṭhitaṃ.
২৫৪. ওদাতং মোচেস্সামীতি চেতেতি উপক্কমতি লোহিতকং মুচ্চতি, আপত্তি সঙ্ঘাদিসেসস্স।
254. Odātaṃ mocessāmīti ceteti upakkamati lohitakaṃ muccati, āpatti saṅghādisesassa.
তক্কৰণ্ণং…পে॰… দকৰণ্ণং… তেলৰণ্ণং… খীরৰণ্ণং… দধিৰণ্ণং…
Takkavaṇṇaṃ…pe… dakavaṇṇaṃ… telavaṇṇaṃ… khīravaṇṇaṃ… dadhivaṇṇaṃ…
সপ্পিৰণ্ণং… নীলং … পীতকং মোচেস্সামীতি চেতেতি উপক্কমতি লোহিতকং মুচ্চতি, আপত্তি সঙ্ঘাদিসেসস্স।
Sappivaṇṇaṃ… nīlaṃ … pītakaṃ mocessāmīti ceteti upakkamati lohitakaṃ muccati, āpatti saṅghādisesassa.
পিট্ঠিচক্কস্স ততিযং গমনং নিট্ঠিতং।
Piṭṭhicakkassa tatiyaṃ gamanaṃ niṭṭhitaṃ.
২৫৫. তক্কৰণ্ণং মোচেস্সামীতি চেতেতি উপক্কমতি ওদাতং মুচ্চতি, আপত্তি সঙ্ঘাদিসেসস্স।
255. Takkavaṇṇaṃ mocessāmīti ceteti upakkamati odātaṃ muccati, āpatti saṅghādisesassa.
দকৰণ্ণং…পে॰… তেলৰণ্ণং… খীরৰণ্ণং… দধিৰণ্ণং… সপ্পিৰণ্ণং… নীলং… পীতকং… লোহিতকং মোচেস্সামীতি চেতেতি উপক্কমতি ওদাতং মুচ্চতি, আপত্তি সঙ্ঘাদিসেসস্স।
Dakavaṇṇaṃ…pe… telavaṇṇaṃ… khīravaṇṇaṃ… dadhivaṇṇaṃ… sappivaṇṇaṃ… nīlaṃ… pītakaṃ… lohitakaṃ mocessāmīti ceteti upakkamati odātaṃ muccati, āpatti saṅghādisesassa.
পিট্ঠিচক্কস্স চতুত্থং গমনং নিট্ঠিতং।
Piṭṭhicakkassa catutthaṃ gamanaṃ niṭṭhitaṃ.
২৫৬. দকৰণ্ণং মোচেস্সামীতি চেতেতি উপক্কমতি তক্কৰণ্ণং মুচ্চতি, আপত্তি সঙ্ঘাদিসেসস্স।
256. Dakavaṇṇaṃ mocessāmīti ceteti upakkamati takkavaṇṇaṃ muccati, āpatti saṅghādisesassa.
তেলৰণ্ণং …পে॰… খীরৰণ্ণং… দধিৰণ্ণং… সপ্পিৰণ্ণং… নীল…
Telavaṇṇaṃ …pe… khīravaṇṇaṃ… dadhivaṇṇaṃ… sappivaṇṇaṃ… nīla…
পীতকং… লোহিতকং… ওদাতং মোচেস্সামীতি চেতেতি উপক্কমতি তক্কৰণ্ণং মুচ্চতি, আপত্তি সঙ্ঘাদিসেসস্স।
Pītakaṃ… lohitakaṃ… odātaṃ mocessāmīti ceteti upakkamati takkavaṇṇaṃ muccati, āpatti saṅghādisesassa.
পিট্ঠিচক্কস্স পঞ্চমং গমনং নিট্ঠিতং।
Piṭṭhicakkassa pañcamaṃ gamanaṃ niṭṭhitaṃ.
২৫৭. তেলৰণ্ণং মোচেস্সামীতি চেতেতি উপক্কমতি দকৰণ্ণং মুচ্চতি, আপত্তি সঙ্ঘাদিসেসস্স।
257. Telavaṇṇaṃ mocessāmīti ceteti upakkamati dakavaṇṇaṃ muccati, āpatti saṅghādisesassa.
খীরৰণ্ণং…পে॰… দধিৰণ্ণং… সপ্পিৰণ্ণং… নীলং … পীতকং… লোহিতকং…
Khīravaṇṇaṃ…pe… dadhivaṇṇaṃ… sappivaṇṇaṃ… nīlaṃ … pītakaṃ… lohitakaṃ…
ওদাতং… তক্কৰণ্ণং মোচেস্সামীতি চেতেতি উপক্কমতি দকৰণ্ণং মুচ্চতি, আপত্তি সঙ্ঘাদিসেসস্স।
Odātaṃ… takkavaṇṇaṃ mocessāmīti ceteti upakkamati dakavaṇṇaṃ muccati, āpatti saṅghādisesassa.
পিট্ঠিচক্কস্স ছট্ঠং গমনং নিট্ঠিতং।
Piṭṭhicakkassa chaṭṭhaṃ gamanaṃ niṭṭhitaṃ.
২৫৮. খীরৰণ্ণং মোচেস্সামীতি চেতেতি উপক্কমতি তেলৰণ্ণং মুচ্চতি, আপত্তি সঙ্ঘাদিসেসস্স।
258. Khīravaṇṇaṃ mocessāmīti ceteti upakkamati telavaṇṇaṃ muccati, āpatti saṅghādisesassa.
দধিৰণ্ণং…পে॰… সপ্পিৰণ্ণং… নীলং… পীতকং… লোহিতকং… ওদাতং… তক্কৰণ্ণং… দকৰণ্ণং মোচেস্সামীতি চেতেতি উপক্কমতি তেলৰণ্ণং মুচ্চতি, আপত্তি সঙ্ঘাদিসেসস্স।
Dadhivaṇṇaṃ…pe… sappivaṇṇaṃ… nīlaṃ… pītakaṃ… lohitakaṃ… odātaṃ… takkavaṇṇaṃ… dakavaṇṇaṃ mocessāmīti ceteti upakkamati telavaṇṇaṃ muccati, āpatti saṅghādisesassa.
পিট্ঠিচক্কস্স সত্তমং গমনং নিট্ঠিতং।
Piṭṭhicakkassa sattamaṃ gamanaṃ niṭṭhitaṃ.
২৫৯. দধিৰণ্ণং মোচেস্সামীতি চেতেতি উপক্কমতি খীরৰণ্ণং মুচ্চতি, আপত্তি সঙ্ঘাদিসেসস্স।
259. Dadhivaṇṇaṃ mocessāmīti ceteti upakkamati khīravaṇṇaṃ muccati, āpatti saṅghādisesassa.
সপ্পিৰণ্ণং…পে॰… নীলং… পীতকং… লোহিতকং… ওদাতং… তক্কৰণ্ণং… দকৰণ্ণং… তেলৰণ্ণং মোচেস্সামীতি চেতেতি উপক্কমতি খীরৰণ্ণং মুচ্চতি, আপত্তি সঙ্ঘাদিসেসস্স।
Sappivaṇṇaṃ…pe… nīlaṃ… pītakaṃ… lohitakaṃ… odātaṃ… takkavaṇṇaṃ… dakavaṇṇaṃ… telavaṇṇaṃ mocessāmīti ceteti upakkamati khīravaṇṇaṃ muccati, āpatti saṅghādisesassa.
পিট্ঠিচক্কস্স অট্ঠমং গমনং নিট্ঠিতং।
Piṭṭhicakkassa aṭṭhamaṃ gamanaṃ niṭṭhitaṃ.
২৬০. সপ্পিৰণ্ণং মোচেস্সামীতি চেতেতি উপক্কমতি দধিৰণ্ণং মুচ্চতি, আপত্তি সঙ্ঘাদিসেসস্স।
260. Sappivaṇṇaṃ mocessāmīti ceteti upakkamati dadhivaṇṇaṃ muccati, āpatti saṅghādisesassa.
নীলং…পে॰… পীতকং… লোহিতকং… ওদাতং… তক্কৰণ্ণং… দকৰণ্ণং… তেলৰণ্ণং… খীরৰণ্ণং মোচেস্সামীতি চেতেতি উপক্কমতি দধিৰণ্ণং মুচ্চতি, আপত্তি সঙ্ঘাদিসেসস্স।
Nīlaṃ…pe… pītakaṃ… lohitakaṃ… odātaṃ… takkavaṇṇaṃ… dakavaṇṇaṃ… telavaṇṇaṃ… khīravaṇṇaṃ mocessāmīti ceteti upakkamati dadhivaṇṇaṃ muccati, āpatti saṅghādisesassa.
পিট্ঠিচক্কস্স নৰমং গমনং নিট্ঠিতং।
Piṭṭhicakkassa navamaṃ gamanaṃ niṭṭhitaṃ.
২৬১. নীলং মোচেস্সামীতি চেতেতি উপক্কমতি সপ্পিৰণ্ণং মুচ্চতি, আপত্তি সঙ্ঘাদিসেসস্স।
261. Nīlaṃ mocessāmīti ceteti upakkamati sappivaṇṇaṃ muccati, āpatti saṅghādisesassa.
পীতকং …পে॰… লোহিতকং… ওদাতং… তক্কৰণ্ণং… দকৰণ্ণং … তেলৰণ্ণং… খীরৰণ্ণং… দধিৰণ্ণং মোচেস্সামীতি চেতেতি উপক্কমতি সপ্পিৰণ্ণং মুচ্চতি, আপত্তি সঙ্ঘাদিসেসস্স।
Pītakaṃ …pe… lohitakaṃ… odātaṃ… takkavaṇṇaṃ… dakavaṇṇaṃ … telavaṇṇaṃ… khīravaṇṇaṃ… dadhivaṇṇaṃ mocessāmīti ceteti upakkamati sappivaṇṇaṃ muccati, āpatti saṅghādisesassa.
পিট্ঠিচক্কস্স দসমং গমনং নিট্ঠিতং।
Piṭṭhicakkassa dasamaṃ gamanaṃ niṭṭhitaṃ.
পিট্ঠিচক্কং নিট্ঠিতং।
Piṭṭhicakkaṃ niṭṭhitaṃ.
২৬২. চেতেতি উপক্কমতি মুচ্চতি, আপত্তি সঙ্ঘাদিসেসস্স।
262. Ceteti upakkamati muccati, āpatti saṅghādisesassa.
চেতেতি উপক্কমতি ন মুচ্চতি, আপত্তি থুল্লচ্চযস্স।
Ceteti upakkamati na muccati, āpatti thullaccayassa.
চেতেতি ন উপক্কমতি মুচ্চতি, অনাপত্তি।
Ceteti na upakkamati muccati, anāpatti.
চেতেতি ন উপক্কমতি ন মুচ্চতি, অনাপত্তি।
Ceteti na upakkamati na muccati, anāpatti.
ন চেতেতি উপক্কমতি মুচ্চতি, অনাপত্তি।
Na ceteti upakkamati muccati, anāpatti.
ন চেতেতি উপক্কমতি ন মুচ্চতি, অনাপত্তি।
Na ceteti upakkamati na muccati, anāpatti.
ন চেতেতি ন উপক্কমতি মুচ্চতি, অনাপত্তি।
Na ceteti na upakkamati muccati, anāpatti.
ন চেতেতি ন উপক্কমতি ন মুচ্চতি, অনাপত্তি।
Na ceteti na upakkamati na muccati, anāpatti.
অনাপত্তি সুপিনন্তেন, নমোচনাধিপ্পাযস্স, উম্মত্তকস্স, খিত্তচিত্তস্স, ৰেদনাট্টস্স, আদিকম্মিকস্সাতি।
Anāpatti supinantena, namocanādhippāyassa, ummattakassa, khittacittassa, vedanāṭṭassa, ādikammikassāti.
ৰিনীতৰত্থুউদ্দানগাথা
Vinītavatthuuddānagāthā
সুপিনোচ্চারপস্সাৰো , ৰিতক্কুণ্হোদকেন চ।
Supinoccārapassāvo , vitakkuṇhodakena ca;
ভেসজ্জং কণ্ডুৰং মগ্গো, ৰত্থি জন্তাঘরুপক্কমো 7॥
Bhesajjaṃ kaṇḍuvaṃ maggo, vatthi jantāgharupakkamo 8.
সামণেরো চ সুত্তো চ, ঊরু মুট্ঠিনা পীল়যি।
Sāmaṇero ca sutto ca, ūru muṭṭhinā pīḷayi;
আকাসে থম্ভং নিজ্ঝাযি, ছিদ্দং কট্ঠেন ঘট্টযি॥
Ākāse thambhaṃ nijjhāyi, chiddaṃ kaṭṭhena ghaṭṭayi.
সোতো উদঞ্জলং ধাৰং, পুপ্ফাৰলিযং পোক্খরং।
Soto udañjalaṃ dhāvaṃ, pupphāvaliyaṃ pokkharaṃ;
ৰিনীতৰত্থু
Vinītavatthu
২৬৩. তেন খো পন সমযেন অঞ্ঞতরস্স ভিক্খুনো সুপিনন্তেন অসুচি মুচ্চি। তস্স কুক্কুচ্চং অহোসি – ‘‘ভগৰতা সিক্খাপদং পঞ্ঞত্তং, কচ্চি নু খো অহং সঙ্ঘাদিসেসং আপত্তিং আপন্নো’’তি? ভগৰতো এতমত্থং আরোচেসি। ‘‘অনাপত্তি, ভিক্খু, সুপিনন্তেনা’’তি।
263. Tena kho pana samayena aññatarassa bhikkhuno supinantena asuci mucci. Tassa kukkuccaṃ ahosi – ‘‘bhagavatā sikkhāpadaṃ paññattaṃ, kacci nu kho ahaṃ saṅghādisesaṃ āpattiṃ āpanno’’ti? Bhagavato etamatthaṃ ārocesi. ‘‘Anāpatti, bhikkhu, supinantenā’’ti.
তেন খো পন সমযেন অঞ্ঞতরস্স ভিক্খুনো উচ্চারং করোন্তস্স অসুচি মুচ্চি। তস্স কুক্কুচ্চং অহোসি…পে॰… ‘‘কিংচিত্তো ত্ৰং, ভিক্খূ’’তি? ‘‘নাহং, ভগৰা, মোচনাধিপ্পাযো’’তি। ‘‘অনাপত্তি, ভিক্খু, নমোচনাধিপ্পাযস্সা’’তি।
Tena kho pana samayena aññatarassa bhikkhuno uccāraṃ karontassa asuci mucci. Tassa kukkuccaṃ ahosi…pe… ‘‘kiṃcitto tvaṃ, bhikkhū’’ti? ‘‘Nāhaṃ, bhagavā, mocanādhippāyo’’ti. ‘‘Anāpatti, bhikkhu, namocanādhippāyassā’’ti.
তেন খো পন সমযেন অঞ্ঞতরস্স ভিক্খুনো পস্সাৰং করোন্তস্স অসুচি মুচ্চি। তস্স কুক্কুচ্চং অহোসি…পে॰… ‘‘অনাপত্তি, ভিক্খু, নমোচনাধিপ্পাযস্সা’’তি।
Tena kho pana samayena aññatarassa bhikkhuno passāvaṃ karontassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
তেন খো পন সমযেন অঞ্ঞতরস্স ভিক্খুনো কামৰিতক্কং ৰিতক্কেন্তস্স অসুচি মুচ্চি। তস্স কুক্কুচ্চং অহোসি…পে॰… ‘‘অনাপত্তি, ভিক্খু, ৰিতক্কেন্তস্সা’’তি।
Tena kho pana samayena aññatarassa bhikkhuno kāmavitakkaṃ vitakkentassa asuci mucci. Tassa kukkuccaṃ ahosi…pe… ‘‘anāpatti, bhikkhu, vitakkentassā’’ti.
তেন খো পন সমযেন অঞ্ঞতরস্স ভিক্খুনো উণ্হোদকেন ন্হাযন্তস্স অসুচি মুচ্চি। তস্স কুক্কুচ্চং অহোসি…পে॰… ‘‘কিংচিত্তো ত্ৰং, ভিক্খূ’’তি? ‘‘নাহং, ভগৰা, মোচনাধিপ্পাযো’’তি। ‘‘অনাপত্তি, ভিক্খু, নমোচনাধিপ্পাযস্সা’’তি।
Tena kho pana samayena aññatarassa bhikkhuno uṇhodakena nhāyantassa asuci mucci. Tassa kukkuccaṃ ahosi…pe… ‘‘kiṃcitto tvaṃ, bhikkhū’’ti? ‘‘Nāhaṃ, bhagavā, mocanādhippāyo’’ti. ‘‘Anāpatti, bhikkhu, namocanādhippāyassā’’ti.
তেন খো পন সমযেন অঞ্ঞতরস্স ভিক্খুনো মোচনাধিপ্পাযস্স উণ্হোদকেন ন্হাযন্তস্স অসুচি মুচ্চি। তস্স কুক্কুচ্চং অহোসি…পে॰… ‘‘আপত্তিং ত্ৰং, ভিক্খু, আপন্নো সঙ্ঘাদিসেস’’ন্তি।
Tena kho pana samayena aññatarassa bhikkhuno mocanādhippāyassa uṇhodakena nhāyantassa asuci mucci. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno saṅghādisesa’’nti.
তেন খো পন সমযেন অঞ্ঞতরস্স ভিক্খুনো মোচনাধিপ্পাযস্স উণ্হোদকেন ন্হাযন্তস্স অসুচি ন মুচ্চি। তস্স কুক্কুচ্চং অহোসি…পে॰… ‘‘অনাপত্তি, ভিক্খু, সঙ্ঘাদিসেসস্স; আপত্তি থুল্লচ্চযস্সা’’তি।
Tena kho pana samayena aññatarassa bhikkhuno mocanādhippāyassa uṇhodakena nhāyantassa asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
তেন খো পন সমযেন অঞ্ঞতরস্স ভিক্খুনো অঙ্গজাতে ৰণো হোতি। ভেসজ্জেন 11 আলিম্পেন্তস্স অসুচি মুচ্চি। তস্স কুক্কুচ্চং অহোসি…পে॰… ‘‘অনাপত্তি, ভিক্খু, নমোচনাধিপ্পাযস্সা’’তি।
Tena kho pana samayena aññatarassa bhikkhuno aṅgajāte vaṇo hoti. Bhesajjena 12 ālimpentassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
তেন খো পন সমযেন অঞ্ঞতরস্স ভিক্খুনো অঙ্গজাতে ৰণো হোতি। মোচনাধিপ্পাযস্স 13 ভেসজ্জেন আলিম্পেন্তস্স অসুচি মুচ্চি…পে॰… অসুচি ন মুচ্চি। তস্স কুক্কুচ্চং অহোসি…পে॰… ‘‘অনাপত্তি, ভিক্খু, সঙ্ঘাদিসেসস্স; আপত্তি থুল্লচ্চযস্সা’’তি।
Tena kho pana samayena aññatarassa bhikkhuno aṅgajāte vaṇo hoti. Mocanādhippāyassa 14 bhesajjena ālimpentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
তেন খো পন সমযেন অঞ্ঞতরস্স ভিক্খুনো অণ্ডং কণ্ডুৰন্তস্স অসুচি মুচ্চি। তস্স কুক্কুচ্চং অহোসি…পে॰… ‘‘অনাপত্তি , ভিক্খু, নমোচনাধিপ্পাযস্সা’’তি।
Tena kho pana samayena aññatarassa bhikkhuno aṇḍaṃ kaṇḍuvantassa asuci mucci. Tassa kukkuccaṃ ahosi…pe… ‘‘anāpatti , bhikkhu, namocanādhippāyassā’’ti.
তেন খো পন সমযেন অঞ্ঞতরস্স ভিক্খুনো মোচনাধিপ্পাযস্স অণ্ডং কণ্ডুৰন্তস্স 15 অসুচি মুচ্চি…পে॰… অসুচি ন মুচ্চি। তস্স কুক্কুচ্চং অহোসি…পে॰… ‘‘অনাপত্তি, ভিক্খু, সঙ্ঘাদিসেসস্স; আপত্তি থুল্লচ্চযস্সা’’তি।
Tena kho pana samayena aññatarassa bhikkhuno mocanādhippāyassa aṇḍaṃ kaṇḍuvantassa 16 asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
২৬৪. তেন খো পন সমযেন অঞ্ঞতরস্স ভিক্খুনো মগ্গং গচ্ছন্তস্স অসুচি মুচ্চি। তস্স কুক্কুচ্চং অহোসি…পে॰… ‘‘অনাপত্তি, ভিক্খু, নমোচনাধিপ্পাযস্সা’’তি।
264. Tena kho pana samayena aññatarassa bhikkhuno maggaṃ gacchantassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
তেন খো পন সমযেন অঞ্ঞতরস্স ভিক্খুনো মোচনাধিপ্পাযস্স মগ্গং গচ্ছন্তস্স অসুচি মুচ্চি…পে॰… অসুচি ন মুচ্চি। তস্স কুক্কুচ্চং অহোসি…পে॰… ‘‘অনাপত্তি, ভিক্খু, সঙ্ঘাদিসেসস্স; আপত্তি থুল্লচ্চযস্সা’’তি।
Tena kho pana samayena aññatarassa bhikkhuno mocanādhippāyassa maggaṃ gacchantassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
তেন খো পন সমযেন অঞ্ঞতরস্স ভিক্খুনো ৰত্থিং গহেত্ৰা পস্সাৰং করোন্তস্স অসুচি মুচ্চি। তস্স কুক্কুচ্চং অহোসি…পে॰… ‘‘অনাপত্তি, ভিক্খু, নমোচনাধিপ্পাযস্সা’’তি।
Tena kho pana samayena aññatarassa bhikkhuno vatthiṃ gahetvā passāvaṃ karontassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
তেন খো পন সমযেন অঞ্ঞতরস্স ভিক্খুনো মোচনাধিপ্পাযস্স ৰত্থিং গহেত্ৰা পস্সাৰং করোন্তস্স অসুচি মুচ্চি…পে॰… অসুচি ন মুচ্চি। তস্স কুক্কুচ্চং অহোসি…পে॰… ‘‘অনাপত্তি, ভিক্খু, সঙ্ঘাদিসেসস্স; আপত্তি থুল্লচ্চযস্সা’’তি।
Tena kho pana samayena aññatarassa bhikkhuno mocanādhippāyassa vatthiṃ gahetvā passāvaṃ karontassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
তেন খো পন সমযেন অঞ্ঞতরস্স ভিক্খুনো জন্তাঘরে উদরৰট্টিং তাপেন্তস্স অসুচি মুচ্চি। তস্স কুক্কুচ্চং অহোসি…পে॰… ‘‘অনাপত্তি, ভিক্খু, নমোচনাধিপ্পাযস্সা’’তি।
Tena kho pana samayena aññatarassa bhikkhuno jantāghare udaravaṭṭiṃ tāpentassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
তেন খো পন সমযেন অঞ্ঞতরস্স ভিক্খুনো মোচনাধিপ্পাযস্স জন্তাঘরে উদরৰট্টিং তাপেন্তস্স অসুচি মুচ্চি…পে॰… অসুচি ন মুচ্চি। তস্স কুক্কুচ্চং অহোসি…পে॰… ‘‘অনাপত্তি, ভিক্খু, সঙ্ঘাদিসেসস্স; আপত্তি থুল্লচ্চযস্সা’’তি।
Tena kho pana samayena aññatarassa bhikkhuno mocanādhippāyassa jantāghare udaravaṭṭiṃ tāpentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
তেন খো পন সমযেন অঞ্ঞতরস্স ভিক্খুনো জন্তাঘরে উপজ্ঝাযস্স পিট্ঠিপরিকম্মং করোন্তস্স অসুচি মুচ্চি। তস্স কুক্কুচ্চং অহোসি…পে॰… ‘‘অনাপত্তি, ভিক্খু, নমোচনাধিপ্পাযস্সা’’তি।
Tena kho pana samayena aññatarassa bhikkhuno jantāghare upajjhāyassa piṭṭhiparikammaṃ karontassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
তেন খো পন সমযেন অঞ্ঞতরস্স ভিক্খুনো মোচনাধিপ্পাযস্স জন্তাঘরে উপজ্ঝাযস্স পিট্ঠিপরিকম্মং করোন্তস্স অসুচি মুচ্চি…পে॰… অসুচি ন মুচ্চি। তস্স কুক্কুচ্চং অহোসি…পে॰… ‘‘অনাপত্তি, ভিক্খু, সঙ্ঘাদিসেসস্স; আপত্তি থুল্লচ্চযস্সা’’তি।
Tena kho pana samayena aññatarassa bhikkhuno mocanādhippāyassa jantāghare upajjhāyassa piṭṭhiparikammaṃ karontassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
২৬৫. তেন খো পন সমযেন অঞ্ঞতরস্স ভিক্খুনো ঊরুং ঘট্টাপেন্তস্স অসুচি মুচ্চি। তস্স কুক্কুচ্চং অহোসি…পে॰… ‘‘অনাপত্তি, ভিক্খু, নমোচনাধিপ্পাযস্সা’’তি।
265. Tena kho pana samayena aññatarassa bhikkhuno ūruṃ ghaṭṭāpentassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
তেন খো পন সমযেন অঞ্ঞতরস্স ভিক্খুনো মোচনাধিপ্পাযস্স ঊরুং ঘট্টাপেন্তস্স অসুচি মুচ্চি…পে॰… অসুচি ন মুচ্চি। তস্স কুক্কুচ্চং অহোসি…পে॰… ‘‘অনাপত্তি, ভিক্খু, সঙ্ঘাদিসেসস্স; আপত্তি থুল্লচ্চযস্সা’’তি।
Tena kho pana samayena aññatarassa bhikkhuno mocanādhippāyassa ūruṃ ghaṭṭāpentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
তেন খো পন সমযেন অঞ্ঞতরো ভিক্খু মোচনাধিপ্পাযো অঞ্ঞতরং সামণেরং এতদৰোচ – ‘‘এহি মে ত্ৰং, আৰুসো সামণের, অঙ্গজাতং গণ্হাহী’’তি। সো তস্স অঙ্গজাতং অগ্গহেসি। তস্সেৰ অসুচি মুচ্চি। তস্স কুক্কুচ্চং অহোসি…পে॰… ‘‘আপত্তিং ত্ৰং, ভিক্খু, আপন্নো সঙ্ঘাদিসেস’’ন্তি।
Tena kho pana samayena aññataro bhikkhu mocanādhippāyo aññataraṃ sāmaṇeraṃ etadavoca – ‘‘ehi me tvaṃ, āvuso sāmaṇera, aṅgajātaṃ gaṇhāhī’’ti. So tassa aṅgajātaṃ aggahesi. Tasseva asuci mucci. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno saṅghādisesa’’nti.
তেন খো পন সমযেন অঞ্ঞতরো ভিক্খু সুত্তস্স সামণেরস্স অঙ্গজাতং অগ্গহেসি। তস্সেৰ অসুচি মুচ্চি। তস্স কুক্কুচ্চং অহোসি …পে॰… ‘‘অনাপত্তি, ভিক্খু, সঙ্ঘাদিসেসস্স; আপত্তি দুক্কটস্সা’’তি।
Tena kho pana samayena aññataro bhikkhu suttassa sāmaṇerassa aṅgajātaṃ aggahesi. Tasseva asuci mucci. Tassa kukkuccaṃ ahosi …pe… ‘‘anāpatti, bhikkhu, saṅghādisesassa; āpatti dukkaṭassā’’ti.
২৬৬. তেন খো পন সমযেন অঞ্ঞতরস্স ভিক্খুনো মোচনাধিপ্পাযস্স ঊরূহি অঙ্গজাতং পীল়েন্তস্স অসুচি মুচ্চি…পে॰… অসুচি ন মুচ্চি। তস্স কুক্কুচ্চং অহোসি…পে॰… ‘‘অনাপত্তি, ভিক্খু, সঙ্ঘাদিসেসস্স; আপত্তি থুল্লচ্চযস্সা’’তি।
266. Tena kho pana samayena aññatarassa bhikkhuno mocanādhippāyassa ūrūhi aṅgajātaṃ pīḷentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
তেন খো পন সমযেন অঞ্ঞতরস্স ভিক্খুনো মোচনাধিপ্পাযস্স মুট্ঠিনা অঙ্গজাতং পীল়েন্তস্স অসুচি মুচ্চি…পে॰… অসুচি ন মুচ্চি। তস্স কুক্কুচ্চং অহোসি…পে॰… ‘‘অনাপত্তি, ভিক্খু, সঙ্ঘাদিসেসস্স; আপত্তি থুল্লচ্চযস্সা’’তি।
Tena kho pana samayena aññatarassa bhikkhuno mocanādhippāyassa muṭṭhinā aṅgajātaṃ pīḷentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
তেন খো পন সমযেন অঞ্ঞতরস্স ভিক্খুনো মোচনাধিপ্পাযস্স আকাসে কটিং কম্পেন্তস্স অসুচি মুচ্চি…পে॰… অসুচি ন মুচ্চি। তস্স কুক্কুচ্চং অহোসি…পে॰… ‘‘অনাপত্তি, ভিক্খু, সঙ্ঘাদিসেসস্স; আপত্তি থুল্লচ্চযস্সা’’তি।
Tena kho pana samayena aññatarassa bhikkhuno mocanādhippāyassa ākāse kaṭiṃ kampentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
তেন খো পন সমযেন অঞ্ঞতরস্স ভিক্খুনো কাযং থম্ভেন্তস্স অসুচি মুচ্চি। তস্স কুক্কুচ্চং অহোসি…পে॰… ‘‘অনাপত্তি, ভিক্খু, নমোচনাধিপ্পাযস্সা’’তি।
Tena kho pana samayena aññatarassa bhikkhuno kāyaṃ thambhentassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
তেন খো পন সমযেন অঞ্ঞতরস্স ভিক্খুনো মোচনাধিপ্পাযস্স কাযং থম্ভেন্তস্স অসুচি মুচ্চি…পে॰… অসুচি ন মুচ্চি। তস্স কুক্কুচ্চং অহোসি…পে॰… ‘‘অনাপত্তি, ভিক্খু, সঙ্ঘাদিসেসস্স; আপত্তি থুল্লচ্চযস্সা’’তি।
Tena kho pana samayena aññatarassa bhikkhuno mocanādhippāyassa kāyaṃ thambhentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
তেন খো পন সমযেন অঞ্ঞতরো ভিক্খু সারত্তো মাতুগামস্স অঙ্গজাতং উপনিজ্ঝাযি। তস্স অসুচি মুচ্চি। তস্স কুক্কুচ্চং অহোসি…পে॰… ‘‘অনাপত্তি, ভিক্খু, সঙ্ঘাদিসেসস্স। ন চ, ভিক্খৰে, সারত্তেন মাতুগামস্স অঙ্গজাতং উপনিজ্ঝাযিতব্বং। যো উপনিজ্ঝাযেয্য, আপত্তি দুক্কটস্সা’’তি।
Tena kho pana samayena aññataro bhikkhu sāratto mātugāmassa aṅgajātaṃ upanijjhāyi. Tassa asuci mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa. Na ca, bhikkhave, sārattena mātugāmassa aṅgajātaṃ upanijjhāyitabbaṃ. Yo upanijjhāyeyya, āpatti dukkaṭassā’’ti.
২৬৭. তেন খো পন সমযেন অঞ্ঞতরস্স ভিক্খুনো মোচনাধিপ্পাযস্স তাল়চ্ছিদ্দং অঙ্গজাতং পৰেসেন্তস্স অসুচি মুচ্চি…পে॰… অসুচি ন মুচ্চি। তস্স কুক্কুচ্চং অহোসি…পে॰… ‘‘অনাপত্তি, ভিক্খু, সঙ্ঘাদিসেসস্স; আপত্তি থুল্লচ্চযস্সা’’তি।
267. Tena kho pana samayena aññatarassa bhikkhuno mocanādhippāyassa tāḷacchiddaṃ aṅgajātaṃ pavesentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
তেন খো পন সমযেন অঞ্ঞতরস্স ভিক্খুনো মোচনাধিপ্পাযস্স কট্ঠেন অঙ্গজাতং ঘট্টেন্তস্স অসুচি মুচ্চি…পে॰… অসুচি ন মুচ্চি। তস্স কুক্কুচ্চং অহোসি…পে॰… ‘‘অনাপত্তি, ভিক্খু, সঙ্ঘাদিসেসস্স ; আপত্তি থুল্লচ্চযস্সা’’তি।
Tena kho pana samayena aññatarassa bhikkhuno mocanādhippāyassa kaṭṭhena aṅgajātaṃ ghaṭṭentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa ; āpatti thullaccayassā’’ti.
তেন খো পন সমযেন অঞ্ঞতরস্স ভিক্খুনো পটিসোতে ন্হাযন্তস্স অসুচি মুচ্চি। তস্স কুক্কুচ্চং অহোসি…পে॰… ‘‘অনাপত্তি, ভিক্খু, নমোচনাধিপ্পাযস্সা’’তি।
Tena kho pana samayena aññatarassa bhikkhuno paṭisote nhāyantassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
তেন খো পন সমযেন অঞ্ঞতরস্স ভিক্খুনো মোচনাধিপ্পাযস্স পটিসোতে ন্হাযন্তস্স অসুচি মুচ্চি…পে॰… অসুচি ন মুচ্চি। তস্স কুক্কুচ্চং অহোসি…পে॰… ‘‘অনাপত্তি, ভিক্খু, সঙ্ঘাদিসেসস্স; আপত্তি থুল্লচ্চযস্সা’’তি।
Tena kho pana samayena aññatarassa bhikkhuno mocanādhippāyassa paṭisote nhāyantassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
তেন খো পন সমযেন অঞ্ঞতরস্স ভিক্খুনো উদঞ্জলং কীল়ন্তস্স অসুচি মুচ্চি। তস্স কুক্কুচ্চং অহোসি…পে॰… ‘‘অনাপত্তি, ভিক্খু, নমোচনাধিপ্পাযস্সা’’তি।
Tena kho pana samayena aññatarassa bhikkhuno udañjalaṃ kīḷantassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
তেন খো পন সমযেন অঞ্ঞতরস্স ভিক্খুনো মোচনাধিপ্পাযস্স উদঞ্জলং কীল়ন্তস্স অসুচি মুচ্চি…পে॰… অসুচি ন মুচ্চি। তস্স কুক্কুচ্চং অহোসি…পে॰… ‘‘অনাপত্তি, ভিক্খু, সঙ্ঘাদিসেসস্স; আপত্তি থুল্লচ্চযস্সা’’তি।
Tena kho pana samayena aññatarassa bhikkhuno mocanādhippāyassa udañjalaṃ kīḷantassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
তেন খো পন সমযেন অঞ্ঞতরস্স ভিক্খুনো উদকে ধাৰন্তস্স অসুচি মুচ্চি। তস্স কুক্কুচ্চং অহোসি…পে॰… ‘‘অনাপত্তি, ভিক্খু, নমোচনাধিপ্পাযস্সা’’তি।
Tena kho pana samayena aññatarassa bhikkhuno udake dhāvantassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
তেন খো পন সমযেন অঞ্ঞতরস্স ভিক্খুনো মোচনাধিপ্পাযস্স উদকে ধাৰন্তস্স অসুচি মুচ্চি…পে॰… অসুচি ন মুচ্চি। তস্স কুক্কুচ্চং অহোসি…পে॰… ‘‘অনাপত্তি, ভিক্খু, সঙ্ঘাদিসেসস্স; আপত্তি থুল্লচ্চযস্সা’’তি।
Tena kho pana samayena aññatarassa bhikkhuno mocanādhippāyassa udake dhāvantassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
তেন খো পন সমযেন অঞ্ঞতরস্স ভিক্খুনো পুপ্ফাৰলিযং 17 কীল়ন্তস্স অসুচি মুচ্চি। তস্স কুক্কুচ্চং অহোসি…পে॰… ‘‘অনাপত্তি, ভিক্খু, নমোচনাধিপ্পাযস্সা’’তি।
Tena kho pana samayena aññatarassa bhikkhuno pupphāvaliyaṃ 18 kīḷantassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
তেন খো পন সমযেন অঞ্ঞতরস্স ভিক্খুনো মোচনাধিপ্পাযস্স পুপ্ফাৰলিযং কীল়ন্তস্স অসুচি মুচ্চি…পে॰… অসুচি ন মুচ্চি। তস্স কুক্কুচ্চং অহোসি…পে॰… ‘‘অনাপত্তি, ভিক্খু, সঙ্ঘাদিসেসস্স; আপত্তি থুল্লচ্চযস্সা’’তি।
Tena kho pana samayena aññatarassa bhikkhuno mocanādhippāyassa pupphāvaliyaṃ kīḷantassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
২৬৮. তেন খো পন সমযেন অঞ্ঞতরস্স ভিক্খুনো পোক্খরৰনে ধাৰন্তস্স অসুচি মুচ্চি। তস্স কুক্কুচ্চং অহোসি…পে॰… ‘‘অনাপত্তি, ভিক্খু, নমোচনাধিপ্পাযস্সা’’তি।
268. Tena kho pana samayena aññatarassa bhikkhuno pokkharavane dhāvantassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
তেন খো পন সমযেন অঞ্ঞতরস্স ভিক্খুনো মোচনাধিপ্পাযস্স পোক্খরৰনে ধাৰন্তস্স অসুচি মুচ্চি…পে॰… অসুচি ন মুচ্চি। তস্স কুক্কুচ্চং অহোসি…পে॰… ‘‘অনাপত্তি, ভিক্খু, সঙ্ঘাদিসেসস্স; আপত্তি থুল্লচ্চযস্সা’’তি।
Tena kho pana samayena aññatarassa bhikkhuno mocanādhippāyassa pokkharavane dhāvantassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
তেন খো পন সমযেন অঞ্ঞতরস্স ভিক্খুনো মোচনাধিপ্পাযস্স ৰালিকং অঙ্গজাতং পৰেসেন্তস্স অসুচি মুচ্চি…পে॰… অসুচি ন মুচ্চি। তস্স কুক্কুচ্চং অহোসি…পে॰… ‘‘অনাপত্তি, ভিক্খু, সঙ্ঘাদিসেসস্স; আপত্তি থুল্লচ্চযস্সা’’তি।
Tena kho pana samayena aññatarassa bhikkhuno mocanādhippāyassa vālikaṃ aṅgajātaṃ pavesentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
তেন খো পন সমযেন অঞ্ঞতরস্স ভিক্খুনো মোচনাধিপ্পাযস্স কদ্দমং অঙ্গজাতং পৰেসেন্তস্স অসুচি মুচ্চি…পে॰… অসুচি ন মুচ্চি । তস্স কুক্কুচ্চং অহোসি…পে॰… ‘‘অনাপত্তি, ভিক্খু, সঙ্ঘাদিসেসস্স; আপত্তি থুল্লচ্চযস্সা’’তি।
Tena kho pana samayena aññatarassa bhikkhuno mocanādhippāyassa kaddamaṃ aṅgajātaṃ pavesentassa asuci mucci…pe… asuci na mucci . Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
তেন খো পন সমযেন অঞ্ঞতরস্স ভিক্খুনো উদকেন অঙ্গজাতং ওসিঞ্চন্তস্স অসুচি মুচ্চি। তস্স কুক্কুচ্চং অহোসি…পে॰… ‘‘অনাপত্তি, ভিক্খু, নমোচনাধিপ্পাযস্সা’’তি।
Tena kho pana samayena aññatarassa bhikkhuno udakena aṅgajātaṃ osiñcantassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
তেন খো পন সমযেন অঞ্ঞতরস্স ভিক্খুনো মোচনাধিপ্পাযস্স উদকেন অঙ্গজাতং ওসিঞ্চন্তস্স অসুচি মুচ্চি…পে॰… অসুচি ন মুচ্চি। তস্স কুক্কুচ্চং অহোসি…পে॰… ‘‘অনাপত্তি, ভিক্খু, সঙ্ঘাদিসেসস্স; আপত্তি থুল্লচ্চযস্সা’’তি।
Tena kho pana samayena aññatarassa bhikkhuno mocanādhippāyassa udakena aṅgajātaṃ osiñcantassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
তেন খো পন সমযেন অঞ্ঞতরস্স ভিক্খুনো মোচনাধিপ্পাযস্স সযনে অঙ্গজাতং ঘট্টেন্তস্স অসুচি মুচ্চি…পে॰… অসুচি ন মুচ্চি। তস্স কুক্কুচ্চং অহোসি…পে॰… ‘‘অনাপত্তি, ভিক্খু, সঙ্ঘাদিসেসস্স; আপত্তি থুল্লচ্চযস্সা’’তি।
Tena kho pana samayena aññatarassa bhikkhuno mocanādhippāyassa sayane aṅgajātaṃ ghaṭṭentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
তেন খো পন সমযেন অঞ্ঞতরস্স ভিক্খুনো মোচনাধিপ্পাযস্স অঙ্গুট্ঠেন অঙ্গজাতং ঘট্টেন্তস্স অসুচি মুচ্চি…পে॰… অসুচি ন মুচ্চি। তস্স কুক্কুচ্চং অহোসি – ‘‘ভগৰতা সিক্খাপদং পঞ্ঞত্তং, কচ্চি নু খো অহং সঙ্ঘাদিসেসং আপত্তিং আপন্নো’’তি? ভগৰতো এতমত্থং আরোচেসি। ‘‘অনাপত্তি, ভিক্খু, সঙ্ঘাদিসেসস্স; আপত্তি থুল্লচ্চযস্সা’’তি।
Tena kho pana samayena aññatarassa bhikkhuno mocanādhippāyassa aṅguṭṭhena aṅgajātaṃ ghaṭṭentassa asuci mucci…pe… asuci na mucci. Tassa kukkuccaṃ ahosi – ‘‘bhagavatā sikkhāpadaṃ paññattaṃ, kacci nu kho ahaṃ saṅghādisesaṃ āpattiṃ āpanno’’ti? Bhagavato etamatthaṃ ārocesi. ‘‘Anāpatti, bhikkhu, saṅghādisesassa; āpatti thullaccayassā’’ti.
সুক্কৰিস্সট্ঠিসিক্খাপদং নিট্ঠিতং পঠমং।
Sukkavissaṭṭhisikkhāpadaṃ niṭṭhitaṃ paṭhamaṃ.
Footnotes:
Related texts:
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰিভঙ্গ-অট্ঠকথা • Mahāvibhaṅga-aṭṭhakathā / ১. সুক্কৰিস্সট্ঠিসিক্খাপদৰণ্ণনা • 1. Sukkavissaṭṭhisikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / ১. সুক্কৰিস্সট্ঠিসিক্খাপদৰণ্ণনা • 1. Sukkavissaṭṭhisikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / ১. সুক্কৰিস্সট্ঠিসিক্খাপদৰণ্ণনা • 1. Sukkavissaṭṭhisikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / ১. সুক্কৰিস্সট্ঠিসিক্খাপদৰণ্ণনা • 1. Sukkavissaṭṭhisikkhāpadavaṇṇanā
