| Library / Tipiṭaka / ತಿಪಿಟಕ • Tipiṭaka / ಮಹಾವಿಭಙ್ಗ • Mahāvibhaṅga |
೨. ಸಙ್ಘಾದಿಸೇಸಕಣ್ಡಂ
2. Saṅghādisesakaṇḍaṃ
೧. ಸುಕ್ಕವಿಸ್ಸಟ್ಠಿಸಿಕ್ಖಾಪದಂ
1. Sukkavissaṭṭhisikkhāpadaṃ
ಇಮೇ ಖೋ ಪನಾಯಸ್ಮನ್ತೋ ತೇರಸ ಸಙ್ಘಾದಿಸೇಸಾ
Ime kho panāyasmanto terasa saṅghādisesā
ಧಮ್ಮಾ ಉದ್ದೇಸಂ ಆಗಚ್ಛನ್ತಿ।
Dhammā uddesaṃ āgacchanti.
೨೩೪. ತೇನ ಸಮಯೇನ ಬುದ್ಧೋ ಭಗವಾ ಸಾವತ್ಥಿಯಂ ವಿಹರತಿ ಜೇತವನೇ ಅನಾಥಪಿಣ್ಡಿಕಸ್ಸ ಆರಾಮೇ। ತೇನ ಖೋ ಪನ ಸಮಯೇನ ಆಯಸ್ಮಾ ಸೇಯ್ಯಸಕೋ ಅನಭಿರತೋ ಬ್ರಹ್ಮಚರಿಯಂ ಚರತಿ। ಸೋ ತೇನ ಕಿಸೋ ಹೋತಿ ಲೂಖೋ ದುಬ್ಬಣ್ಣೋ ಉಪ್ಪಣ್ಡುಪ್ಪಣ್ಡುಕಜಾತೋ ಧಮನಿಸನ್ಥತಗತ್ತೋ। ಅದ್ದಸ ಖೋ ಆಯಸ್ಮಾ ಉದಾಯೀ ಆಯಸ್ಮನ್ತಂ ಸೇಯ್ಯಸಕಂ ಕಿಸಂ ಲೂಖಂ ದುಬ್ಬಣ್ಣಂ ಉಪ್ಪಣ್ಡುಪ್ಪಣ್ಡುಕಜಾತಂ ಧಮನಿಸನ್ಥತಗತ್ತಂ। ದಿಸ್ವಾನ ಆಯಸ್ಮನ್ತಂ ಸೇಯ್ಯಸಕಂ ಏತದವೋಚ – ‘‘ಕಿಸ್ಸ ತ್ವಂ, ಆವುಸೋ ಸೇಯ್ಯಸಕ, ಕಿಸೋ ಲೂಖೋ ದುಬ್ಬಣ್ಣೋ ಉಪ್ಪಣ್ಡುಪ್ಪಣ್ಡುಕಜಾತೋ ಧಮನಿಸನ್ಥತಗತ್ತೋ? ಕಚ್ಚಿ ನೋ ತ್ವಂ, ಆವುಸೋ ಸೇಯ್ಯಸಕ, ಅನಭಿರತೋ ಬ್ರಹ್ಮಚರಿಯಂ ಚರಸೀ’’ತಿ? ‘‘ಏವಮಾವುಸೋ’’ತಿ। ‘‘ತೇನ ಹಿ ತ್ವಂ, ಆವುಸೋ ಸೇಯ್ಯಸಕ, ಯಾವದತ್ಥಂ ಭುಞ್ಜ ಯಾವದತ್ಥಂ ಸುಪ ಯಾವದತ್ಥಂ ನ್ಹಾಯ। ಯಾವದತ್ಥಂ ಭುಞ್ಜಿತ್ವಾ ಯಾವದತ್ಥಂ ಸುಪಿತ್ವಾ ಯಾವದತ್ಥಂ ನ್ಹಾಯಿತ್ವಾ ಯದಾ ತೇ ಅನಭಿರತಿ ಉಪ್ಪಜ್ಜತಿ ರಾಗೋ ಚಿತ್ತಂ ಅನುದ್ಧಂಸೇತಿ ತದಾ ಹತ್ಥೇನ ಉಪಕ್ಕಮಿತ್ವಾ ಅಸುಚಿಂ ಮೋಚೇಹೀ’’ತಿ। ‘‘ಕಿಂ ನು ಖೋ, ಆವುಸೋ, ಕಪ್ಪತಿ ಏವರೂಪಂ ಕಾತು’’ನ್ತಿ? ‘‘ಆಮ, ಆವುಸೋ। ಅಹಮ್ಪಿ ಏವಂ ಕರೋಮೀ’’ತಿ।
234. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena āyasmā seyyasako anabhirato brahmacariyaṃ carati. So tena kiso hoti lūkho dubbaṇṇo uppaṇḍuppaṇḍukajāto dhamanisanthatagatto. Addasa kho āyasmā udāyī āyasmantaṃ seyyasakaṃ kisaṃ lūkhaṃ dubbaṇṇaṃ uppaṇḍuppaṇḍukajātaṃ dhamanisanthatagattaṃ. Disvāna āyasmantaṃ seyyasakaṃ etadavoca – ‘‘kissa tvaṃ, āvuso seyyasaka, kiso lūkho dubbaṇṇo uppaṇḍuppaṇḍukajāto dhamanisanthatagatto? Kacci no tvaṃ, āvuso seyyasaka, anabhirato brahmacariyaṃ carasī’’ti? ‘‘Evamāvuso’’ti. ‘‘Tena hi tvaṃ, āvuso seyyasaka, yāvadatthaṃ bhuñja yāvadatthaṃ supa yāvadatthaṃ nhāya. Yāvadatthaṃ bhuñjitvā yāvadatthaṃ supitvā yāvadatthaṃ nhāyitvā yadā te anabhirati uppajjati rāgo cittaṃ anuddhaṃseti tadā hatthena upakkamitvā asuciṃ mocehī’’ti. ‘‘Kiṃ nu kho, āvuso, kappati evarūpaṃ kātu’’nti? ‘‘Āma, āvuso. Ahampi evaṃ karomī’’ti.
ಅಥ ಖೋ ಆಯಸ್ಮಾ ಸೇಯ್ಯಸಕೋ ಯಾವದತ್ಥಂ ಭುಞ್ಜಿ ಯಾವದತ್ಥಂ ಸುಪಿ ಯಾವದತ್ಥಂ ನ್ಹಾಯಿ। ಯಾವದತ್ಥಂ ಭುಞ್ಜಿತ್ವಾ ಯಾವದತ್ಥಂ ಸುಪಿತ್ವಾ ಯಾವದತ್ಥಂ ನ್ಹಾಯಿತ್ವಾ ಯದಾ ಅನಭಿರತಿ ಉಪ್ಪಜ್ಜತಿ ರಾಗೋ ಚಿತ್ತಂ ಅನುದ್ಧಂಸೇತಿ ತದಾ ಹತ್ಥೇನ ಉಪಕ್ಕಮಿತ್ವಾ ಅಸುಚಿಂ ಮೋಚೇಸಿ । ಅಥ ಖೋ ಆಯಸ್ಮಾ ಸೇಯ್ಯಸಕೋ ಅಪರೇನ ಸಮಯೇನ ವಣ್ಣವಾ ಅಹೋಸಿ ಪೀಣಿನ್ದ್ರಿಯೋ ಪಸನ್ನಮುಖವಣ್ಣೋ ವಿಪ್ಪಸನ್ನಛವಿವಣ್ಣೋ। ಅಥ ಖೋ ಆಯಸ್ಮತೋ ಸೇಯ್ಯಸಕಸ್ಸ ಸಹಾಯಕಾ ಭಿಕ್ಖೂ ಆಯಸ್ಮನ್ತಂ ಸೇಯ್ಯಸಕಂ ಏತದವೋಚುಂ – ‘‘ಪುಬ್ಬೇ ಖೋ ತ್ವಂ, ಆವುಸೋ ಸೇಯ್ಯಸಕ, ಕಿಸೋ ಅಹೋಸಿ ಲೂಖೋ ದುಬ್ಬಣ್ಣೋ ಉಪ್ಪಣ್ಡುಪ್ಪಣ್ಡುಕಜಾತೋ ಧಮನಿಸನ್ಥತಗತ್ತೋ। ಸೋ ದಾನಿ ತ್ವಂ ಏತರಹಿ ವಣ್ಣವಾ ಪೀಣಿನ್ದ್ರಿಯೋ ಪಸನ್ನಮುಖವಣ್ಣೋ ವಿಪ್ಪಸನ್ನಛವಿವಣ್ಣೋ। ಕಿಂ ನು ಖೋ ತ್ವಂ, ಆವುಸೋ ಸೇಯ್ಯಸಕ, ಭೇಸಜ್ಜಂ ಕರೋಸೀ’’ತಿ? ‘‘ನ ಖೋ ಅಹಂ, ಆವುಸೋ, ಭೇಸಜ್ಜಂ ಕರೋಮಿ । ಅಪಿಚಾಹಂ ಯಾವದತ್ಥಂ ಭುಞ್ಜಾಮಿ ಯಾವದತ್ಥಂ ಸುಪಾಮಿ ಯಾವದತ್ಥಂ ನ್ಹಾಯಾಮಿ। ಯಾವದತ್ಥಂ ಭುಞ್ಜಿತ್ವಾ ಯಾವದತ್ಥಂ ಸುಪಿತ್ವಾ ಯಾವದತ್ಥಂ ನ್ಹಾಯಿತ್ವಾ ಯದಾ ಮೇ ಅನಭಿರತಿ ಉಪ್ಪಜ್ಜತಿ ರಾಗೋ ಚಿತ್ತಂ ಅನುದ್ಧಂಸೇತಿ ತದಾ ಹತ್ಥೇನ ಉಪಕ್ಕಮಿತ್ವಾ ಅಸುಚಿಂ ಮೋಚೇಮೀ’’ತಿ। ‘‘ಕಿಂ ಪನ ತ್ವಂ, ಆವುಸೋ ಸೇಯ್ಯಸಕ, ಯೇನೇವ ಹತ್ಥೇನ ಸದ್ಧಾದೇಯ್ಯಂ ಭುಞ್ಜಸಿ ತೇನೇವ ಹತ್ಥೇನ ಉಪಕ್ಕಮಿತ್ವಾ ಅಸುಚಿಂ ಮೋಚೇಸೀ’’ತಿ? ‘‘ಏವಮಾವುಸೋ’’ತಿ। ಯೇ ತೇ ಭಿಕ್ಖೂ ಅಪ್ಪಿಚ್ಛಾ…ಪೇ॰… ತೇ ಉಜ್ಝಾಯನ್ತಿ ಖಿಯ್ಯನ್ತಿ ವಿಪಾಚೇನ್ತಿ – ‘‘ಕಥಞ್ಹಿ ನಾಮ ಆಯಸ್ಮಾ ಸೇಯ್ಯಸಕೋ ಹತ್ಥೇನ ಉಪಕ್ಕಮಿತ್ವಾ ಅಸುಚಿಂ ಮೋಚೇಸ್ಸತೀ’’ತಿ!
Atha kho āyasmā seyyasako yāvadatthaṃ bhuñji yāvadatthaṃ supi yāvadatthaṃ nhāyi. Yāvadatthaṃ bhuñjitvā yāvadatthaṃ supitvā yāvadatthaṃ nhāyitvā yadā anabhirati uppajjati rāgo cittaṃ anuddhaṃseti tadā hatthena upakkamitvā asuciṃ mocesi . Atha kho āyasmā seyyasako aparena samayena vaṇṇavā ahosi pīṇindriyo pasannamukhavaṇṇo vippasannachavivaṇṇo. Atha kho āyasmato seyyasakassa sahāyakā bhikkhū āyasmantaṃ seyyasakaṃ etadavocuṃ – ‘‘pubbe kho tvaṃ, āvuso seyyasaka, kiso ahosi lūkho dubbaṇṇo uppaṇḍuppaṇḍukajāto dhamanisanthatagatto. So dāni tvaṃ etarahi vaṇṇavā pīṇindriyo pasannamukhavaṇṇo vippasannachavivaṇṇo. Kiṃ nu kho tvaṃ, āvuso seyyasaka, bhesajjaṃ karosī’’ti? ‘‘Na kho ahaṃ, āvuso, bhesajjaṃ karomi . Apicāhaṃ yāvadatthaṃ bhuñjāmi yāvadatthaṃ supāmi yāvadatthaṃ nhāyāmi. Yāvadatthaṃ bhuñjitvā yāvadatthaṃ supitvā yāvadatthaṃ nhāyitvā yadā me anabhirati uppajjati rāgo cittaṃ anuddhaṃseti tadā hatthena upakkamitvā asuciṃ mocemī’’ti. ‘‘Kiṃ pana tvaṃ, āvuso seyyasaka, yeneva hatthena saddhādeyyaṃ bhuñjasi teneva hatthena upakkamitvā asuciṃ mocesī’’ti? ‘‘Evamāvuso’’ti. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma āyasmā seyyasako hatthena upakkamitvā asuciṃ mocessatī’’ti!
ಅಥ ಖೋ ತೇ ಭಿಕ್ಖೂ ಆಯಸ್ಮನ್ತಂ ಸೇಯ್ಯಸಕಂ ಅನೇಕಪರಿಯಾಯೇನ ವಿಗರಹಿತ್ವಾ ಭಗವತೋ ಏತಮತ್ಥಂ ಆರೋಚೇಸುಂ। ಅಥ ಖೋ ಭಗವಾ ಏತಸ್ಮಿಂ ನಿದಾನೇ ಏತಸ್ಮಿಂ ಪಕರಣೇ ಭಿಕ್ಖುಸಙ್ಘಂ ಸನ್ನಿಪಾತಾಪೇತ್ವಾ ಆಯಸ್ಮನ್ತಂ ಸೇಯ್ಯಸಕಂ ಪಟಿಪುಚ್ಛಿ – ‘‘ಸಚ್ಚಂ ಕಿರ ತ್ವಂ, ಸೇಯ್ಯಸಕ, ಹತ್ಥೇನ ಉಪಕ್ಕಮಿತ್ವಾ ಅಸುಚಿಂ ಮೋಚೇಸೀ’’ತಿ? ‘‘ಸಚ್ಚಂ, ಭಗವಾ’’ತಿ । ವಿಗರಹಿ ಬುದ್ಧೋ ಭಗವಾ – ‘‘ಅನನುಚ್ಛವಿಕಂ, ಮೋಘಪುರಿಸ, ಅನನುಲೋಮಿಕಂ ಅಪ್ಪತಿರೂಪಂ ಅಸ್ಸಾಮಣಕಂ ಅಕಪ್ಪಿಯಂ ಅಕರಣೀಯಂ। ಕಥಞ್ಹಿ ನಾಮ ತ್ವಂ, ಮೋಘಪುರಿಸ, ಹತ್ಥೇನ ಉಪಕ್ಕಮಿತ್ವಾ ಅಸುಚಿಂ ಮೋಚೇಸ್ಸಸಿ! ನನು ಮಯಾ, ಮೋಘಪುರಿಸ, ಅನೇಕಪರಿಯಾಯೇನ ವಿರಾಗಾಯ ಧಮ್ಮೋ ದೇಸಿತೋ ನೋ ಸರಾಗಾಯ, ವಿಸಞ್ಞೋಗಾಯ ಧಮ್ಮೋ ದೇಸಿತೋ ನೋ ಸಞ್ಞೋಗಾಯ, ಅನುಪಾದಾನಾಯ ಧಮ್ಮೋ ದೇಸಿತೋ ನೋ ಸಉಪಾದಾನಾಯ! ತತ್ಥ ನಾಮ ತ್ವಂ, ಮೋಘಪುರಿಸ, ಮಯಾ ವಿರಾಗಾಯ ಧಮ್ಮೇ ದೇಸಿತೇ ಸರಾಗಾಯ ಚೇತೇಸ್ಸಸಿ, ವಿಸಞ್ಞೋಗಾಯ ಧಮ್ಮೇ ದೇಸಿತೇ ಸಞ್ಞೋಗಾಯ ಚೇತೇಸ್ಸಸಿ, ಅನುಪಾದಾನಾಯ ಧಮ್ಮೇ ದೇಸಿತೇ ಸಉಪಾದಾನಾಯ ಚೇತೇಸ್ಸಸಿ! ನನು ಮಯಾ, ಮೋಘಪುರಿಸ, ಅನೇಕಪರಿಯಾಯೇನ ರಾಗವಿರಾಗಾಯ ಧಮ್ಮೋ ದೇಸಿತೋ, ಮದನಿಮ್ಮದನಾಯ ಪಿಪಾಸವಿನಯಾಯ ಆಲಯಸಮುಗ್ಘಾತಾಯ ವಟ್ಟುಪಚ್ಛೇದಾಯ ತಣ್ಹಕ್ಖಯಾಯ ವಿರಾಗಾಯ ನಿರೋಧಾಯ ನಿಬ್ಬಾನಾಯ ಧಮ್ಮೋ ದೇಸಿತೋ? ನನು ಮಯಾ, ಮೋಘಪುರಿಸ, ಅನೇಕಪರಿಯಾಯೇನ ಕಾಮಾನಂ ಪಹಾನಂ ಅಕ್ಖಾತಂ, ಕಾಮಸಞ್ಞಾನಂ ಪರಿಞ್ಞಾ ಅಕ್ಖಾತಾ, ಕಾಮಪಿಪಾಸಾನಂ ಪಟಿವಿನಯೋ ಅಕ್ಖಾತೋ, ಕಾಮವಿತಕ್ಕಾನಂ ಸಮುಗ್ಘಾತೋ ಅಕ್ಖಾತೋ, ಕಾಮಪರಿಳಾಹಾನಂ ವೂಪಸಮೋ ಅಕ್ಖಾತೋ? ನೇತಂ, ಮೋಘಪುರಿಸ, ಅಪ್ಪಸನ್ನಾನಂ ವಾ ಪಸಾದಾಯ, ಪಸನ್ನಾನಂ ವಾ ಭಿಯ್ಯೋಭಾವಾಯ। ಅಥ ಖ್ವೇತಂ, ಮೋಘಪುರಿಸ, ಅಪ್ಪಸನ್ನಾನಞ್ಚೇವ ಅಪ್ಪಸಾದಾಯ, ಪಸನ್ನಾನಞ್ಚ ಏಕಚ್ಚಾನಂ ಅಞ್ಞಥತ್ತಾಯಾ’’ತಿ। ಅಥ ಖೋ ಭಗವಾ ಆಯಸ್ಮನ್ತಂ ಸೇಯ್ಯಸಕಂ ಅನೇಕಪರಿಯಾಯೇನ ವಿಗರಹಿತ್ವಾ ದುಬ್ಭರತಾಯ…ಪೇ॰… ‘‘ಏವಞ್ಚ ಪನ, ಭಿಕ್ಖವೇ, ಇಮಂ ಸಿಕ್ಖಾಪದಂ ಉದ್ದಿಸೇಯ್ಯಾಥ –
Atha kho te bhikkhū āyasmantaṃ seyyasakaṃ anekapariyāyena vigarahitvā bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe bhikkhusaṅghaṃ sannipātāpetvā āyasmantaṃ seyyasakaṃ paṭipucchi – ‘‘saccaṃ kira tvaṃ, seyyasaka, hatthena upakkamitvā asuciṃ mocesī’’ti? ‘‘Saccaṃ, bhagavā’’ti . Vigarahi buddho bhagavā – ‘‘ananucchavikaṃ, moghapurisa, ananulomikaṃ appatirūpaṃ assāmaṇakaṃ akappiyaṃ akaraṇīyaṃ. Kathañhi nāma tvaṃ, moghapurisa, hatthena upakkamitvā asuciṃ mocessasi! Nanu mayā, moghapurisa, anekapariyāyena virāgāya dhammo desito no sarāgāya, visaññogāya dhammo desito no saññogāya, anupādānāya dhammo desito no saupādānāya! Tattha nāma tvaṃ, moghapurisa, mayā virāgāya dhamme desite sarāgāya cetessasi, visaññogāya dhamme desite saññogāya cetessasi, anupādānāya dhamme desite saupādānāya cetessasi! Nanu mayā, moghapurisa, anekapariyāyena rāgavirāgāya dhammo desito, madanimmadanāya pipāsavinayāya ālayasamugghātāya vaṭṭupacchedāya taṇhakkhayāya virāgāya nirodhāya nibbānāya dhammo desito? Nanu mayā, moghapurisa, anekapariyāyena kāmānaṃ pahānaṃ akkhātaṃ, kāmasaññānaṃ pariññā akkhātā, kāmapipāsānaṃ paṭivinayo akkhāto, kāmavitakkānaṃ samugghāto akkhāto, kāmapariḷāhānaṃ vūpasamo akkhāto? Netaṃ, moghapurisa, appasannānaṃ vā pasādāya, pasannānaṃ vā bhiyyobhāvāya. Atha khvetaṃ, moghapurisa, appasannānañceva appasādāya, pasannānañca ekaccānaṃ aññathattāyā’’ti. Atha kho bhagavā āyasmantaṃ seyyasakaṃ anekapariyāyena vigarahitvā dubbharatāya…pe… ‘‘evañca pana, bhikkhave, imaṃ sikkhāpadaṃ uddiseyyātha –
ಏವಞ್ಚಿದಂ ಭಗವತಾ ಭಿಕ್ಖೂನಂ ಸಿಕ್ಖಾಪದಂ ಪಞ್ಞತ್ತಂ ಹೋತಿ।
Evañcidaṃ bhagavatā bhikkhūnaṃ sikkhāpadaṃ paññattaṃ hoti.
೨೩೫. ತೇನ ಖೋ ಪನ ಸಮಯೇನ ಭಿಕ್ಖೂ ಪಣೀತಭೋಜನಾನಿ ಭುಞ್ಜಿತ್ವಾ ಮುಟ್ಠಸ್ಸತೀ ಅಸಮ್ಪಜಾನಾ ನಿದ್ದಂ ಓಕ್ಕಮನ್ತಿ। ತೇಸಂ ಮುಟ್ಠಸ್ಸತೀನಂ ಅಸಮ್ಪಜಾನಾನಂ ನಿದ್ದಂ ಓಕ್ಕಮನ್ತಾನಂ ಸುಪಿನನ್ತೇನ ಅಸುಚಿ ಮುಚ್ಚತಿ। ತೇಸಂ ಕುಕ್ಕುಚ್ಚಂ ಅಹೋಸಿ – ‘‘ಭಗವತಾ ಸಿಕ್ಖಾಪದಂ ಪಞ್ಞತ್ತಂ – ‘ಸಞ್ಚೇತನಿಕಾ ಸುಕ್ಕವಿಸ್ಸಟ್ಠಿ ಸಙ್ಘಾದಿಸೇಸೋ’ತಿ। ಅಮ್ಹಾಕಞ್ಚ ಸುಪಿನನ್ತೇನ ಅಸುಚಿ ಮುಚ್ಚತಿ। ಅತ್ಥಿ ಚೇತ್ಥ ಚೇತನಾ ಲಬ್ಭತಿ। ಕಚ್ಚಿ ನು ಖೋ ಮಯಂ ಸಙ್ಘಾದಿಸೇಸಂ ಆಪತ್ತಿಂ ಆಪನ್ನಾ’’ತಿ? ಭಗವತೋ ಏತಮತ್ಥಂ ಆರೋಚೇಸುಂ। ‘‘ಅತ್ಥೇಸಾ, ಭಿಕ್ಖವೇ, ಚೇತನಾ; ಸಾ ಚ ಖೋ ಅಬ್ಬೋಹಾರಿಕಾತಿ। ಏವಞ್ಚ ಪನ, ಭಿಕ್ಖವೇ, ಇಮಂ ಸಿಕ್ಖಾಪದಂ ಉದ್ದಿಸೇಯ್ಯಾಥ –
235. Tena kho pana samayena bhikkhū paṇītabhojanāni bhuñjitvā muṭṭhassatī asampajānā niddaṃ okkamanti. Tesaṃ muṭṭhassatīnaṃ asampajānānaṃ niddaṃ okkamantānaṃ supinantena asuci muccati. Tesaṃ kukkuccaṃ ahosi – ‘‘bhagavatā sikkhāpadaṃ paññattaṃ – ‘sañcetanikā sukkavissaṭṭhi saṅghādiseso’ti. Amhākañca supinantena asuci muccati. Atthi cettha cetanā labbhati. Kacci nu kho mayaṃ saṅghādisesaṃ āpattiṃ āpannā’’ti? Bhagavato etamatthaṃ ārocesuṃ. ‘‘Atthesā, bhikkhave, cetanā; sā ca kho abbohārikāti. Evañca pana, bhikkhave, imaṃ sikkhāpadaṃ uddiseyyātha –
೨೩೬. ‘‘ಸಞ್ಚೇತನಿಕಾ ಸುಕ್ಕವಿಸ್ಸಟ್ಠಿ ಅಞ್ಞತ್ರ ಸುಪಿನನ್ತಾ ಸಙ್ಘಾದಿಸೇಸೋ’’ತಿ।
236.‘‘Sañcetanikā sukkavissaṭṭhi aññatra supinantā saṅghādiseso’’ti.
೨೩೭. ಸಞ್ಚೇತನಿಕಾತಿ ಜಾನನ್ತೋ ಸಞ್ಜಾನನ್ತೋ ಚೇಚ್ಚ ಅಭಿವಿತರಿತ್ವಾ ವೀತಿಕ್ಕಮೋ।
237.Sañcetanikāti jānanto sañjānanto cecca abhivitaritvā vītikkamo.
ಸುಕ್ಕನ್ತಿ ದಸ ಸುಕ್ಕಾನಿ – ನೀಲಂ ಪೀತಕಂ ಲೋಹಿತಕಂ ಓದಾತಂ ತಕ್ಕವಣ್ಣಂ ದಕವಣ್ಣಂ ತೇಲವಣ್ಣಂ ಖೀರವಣ್ಣಂ ದಧಿವಣ್ಣಂ ಸಪ್ಪಿವಣ್ಣಂ।
Sukkanti dasa sukkāni – nīlaṃ pītakaṃ lohitakaṃ odātaṃ takkavaṇṇaṃ dakavaṇṇaṃ telavaṇṇaṃ khīravaṇṇaṃ dadhivaṇṇaṃ sappivaṇṇaṃ.
ವಿಸ್ಸಟ್ಠೀತಿ ಠಾನತೋ ಚಾವನಾ ವುಚ್ಚತಿ ವಿಸ್ಸಟ್ಠೀತಿ।
Vissaṭṭhīti ṭhānato cāvanā vuccati vissaṭṭhīti.
ಅಞ್ಞತ್ರ ಸುಪಿನನ್ತಾತಿ ಠಪೇತ್ವಾ ಸುಪಿನನ್ತಂ।
Aññatra supinantāti ṭhapetvā supinantaṃ.
ಸಙ್ಘಾದಿಸೇಸೋತಿ ಸಙ್ಘೋವ ತಸ್ಸಾ ಆಪತ್ತಿಯಾ ಪರಿವಾಸಂ ದೇತಿ, ಮೂಲಾಯ ಪಟಿಕಸ್ಸತಿ, ಮಾನತ್ತಂ ದೇತಿ , ಅಬ್ಭೇತಿ; ನ ಸಮ್ಬಹುಲಾ, ನ ಏಕಪುಗ್ಗಲೋ। ತೇನ ವುಚ್ಚತಿ – ‘‘ಸಙ್ಘಾದಿಸೇಸೋ’’ತಿ। ತಸ್ಸೇವ ಆಪತ್ತಿನಿಕಾಯಸ್ಸ ನಾಮಕಮ್ಮಂ ಅಧಿವಚನಂ। ತೇನಪಿ ವುಚ್ಚತಿ – ‘‘ಸಙ್ಘಾದಿಸೇಸೋ’’ತಿ।
Saṅghādisesoti saṅghova tassā āpattiyā parivāsaṃ deti, mūlāya paṭikassati, mānattaṃ deti , abbheti; na sambahulā, na ekapuggalo. Tena vuccati – ‘‘saṅghādiseso’’ti. Tasseva āpattinikāyassa nāmakammaṃ adhivacanaṃ. Tenapi vuccati – ‘‘saṅghādiseso’’ti.
ಅಜ್ಝತ್ತರೂಪೇ ಮೋಚೇತಿ, ಬಹಿದ್ಧಾರೂಪೇ ಮೋಚೇತಿ, ಅಜ್ಝತ್ತಬಹಿದ್ಧಾರೂಪೇ ಮೋಚೇತಿ, ಆಕಾಸೇ ಕಟಿಂ ಕಮ್ಪೇನ್ತೋ ಮೋಚೇತಿ; ರಾಗೂಪತ್ಥಮ್ಭೇ ಮೋಚೇತಿ, ವಚ್ಚೂಪತ್ಥಮ್ಭೇ ಮೋಚೇತಿ, ಪಸ್ಸಾವೂಪತ್ಥಮ್ಭೇ ಮೋಚೇತಿ, ವಾತೂಪತ್ಥಮ್ಭೇ ಮೋಚೇತಿ , ಉಚ್ಚಾಲಿಙ್ಗಪಾಣಕದಟ್ಠೂಪತ್ಥಮ್ಭೇ ಮೋಚೇತಿ; ಆರೋಗ್ಯತ್ಥಾಯ ಮೋಚೇತಿ, ಸುಖತ್ಥಾಯ ಮೋಚೇತಿ, ಭೇಸಜ್ಜತ್ಥಾಯ ಮೋಚೇತಿ, ದಾನತ್ಥಾಯ ಮೋಚೇತಿ, ಪುಞ್ಞತ್ಥಾಯ ಮೋಚೇತಿ, ಯಞ್ಞತ್ಥಾಯ ಮೋಚೇತಿ, ಸಗ್ಗತ್ಥಾಯ ಮೋಚೇತಿ, ಬೀಜತ್ಥಾಯ ಮೋಚೇತಿ, ವೀಮಂಸತ್ಥಾಯ ಮೋಚೇತಿ, ದವತ್ಥಾಯ ಮೋಚೇತಿ; ನೀಲಂ ಮೋಚೇತಿ, ಪೀತಕಂ ಮೋಚೇತಿ, ಲೋಹಿತಕಂ ಮೋಚೇತಿ, ಓದಾತಂ ಮೋಚೇತಿ, ತಕ್ಕವಣ್ಣಂ ಮೋಚೇತಿ, ದಕವಣ್ಣಂ ಮೋಚೇತಿ, ತೇಲವಣ್ಣಂ ಮೋಚೇತಿ, ಖೀರವಣ್ಣಂ ಮೋಚೇತಿ, ದಧಿವಣ್ಣಂ ಮೋಚೇತಿ, ಸಪ್ಪಿವಣ್ಣಂ ಮೋಚೇತಿ।
Ajjhattarūpe moceti, bahiddhārūpe moceti, ajjhattabahiddhārūpe moceti, ākāse kaṭiṃ kampento moceti; rāgūpatthambhe moceti, vaccūpatthambhe moceti, passāvūpatthambhe moceti, vātūpatthambhe moceti , uccāliṅgapāṇakadaṭṭhūpatthambhe moceti; ārogyatthāya moceti, sukhatthāya moceti, bhesajjatthāya moceti, dānatthāya moceti, puññatthāya moceti, yaññatthāya moceti, saggatthāya moceti, bījatthāya moceti, vīmaṃsatthāya moceti, davatthāya moceti; nīlaṃ moceti, pītakaṃ moceti, lohitakaṃ moceti, odātaṃ moceti, takkavaṇṇaṃ moceti, dakavaṇṇaṃ moceti, telavaṇṇaṃ moceti, khīravaṇṇaṃ moceti, dadhivaṇṇaṃ moceti, sappivaṇṇaṃ moceti.
ಬಹಿದ್ಧಾರೂಪೇತಿ ಬಹಿದ್ಧಾ ಉಪಾದಿನ್ನೇ ವಾ ಅನುಪಾದಿನ್ನೇ ವಾ।
Bahiddhārūpeti bahiddhā upādinne vā anupādinne vā.
ಅಜ್ಝತ್ತಬಹಿದ್ಧಾರೂಪೇತಿ ತದುಭಯೇ।
Ajjhattabahiddhārūpeti tadubhaye.
ಆಕಾಸೇ ಕಟಿಂ ಕಮ್ಪೇನ್ತೋತಿ ಆಕಾಸೇ ವಾಯಮನ್ತಸ್ಸ ಅಙ್ಗಜಾತಂ ಕಮ್ಮನಿಯಂ ಹೋತಿ।
Ākāse kaṭiṃ kampentoti ākāse vāyamantassa aṅgajātaṃ kammaniyaṃ hoti.
ರಾಗೂಪತ್ಥಮ್ಭೇತಿ ರಾಗೇನ ಪೀಳಿತಸ್ಸ ಅಙ್ಗಜಾತಂ ಕಮ್ಮನಿಯಂ ಹೋತಿ।
Rāgūpatthambheti rāgena pīḷitassa aṅgajātaṃ kammaniyaṃ hoti.
ವಚ್ಚೂಪತ್ಥಮ್ಭೇತಿ ವಚ್ಚೇನ ಪೀಳಿತಸ್ಸ ಅಙ್ಗಜಾತಂ ಕಮ್ಮನಿಯಂ ಹೋತಿ।
Vaccūpatthambheti vaccena pīḷitassa aṅgajātaṃ kammaniyaṃ hoti.
ಪಸ್ಸಾವೂಪತ್ಥಮ್ಭೇತಿ ಪಸ್ಸಾವೇನ ಪೀಳಿತಸ್ಸ ಅಙ್ಗಜಾತಂ ಕಮ್ಮನಿಯಂ ಹೋತಿ।
Passāvūpatthambheti passāvena pīḷitassa aṅgajātaṃ kammaniyaṃ hoti.
ವಾತೂಪತ್ಥಮ್ಭೇತಿ ವಾತೇನ ಪೀಳಿತಸ್ಸ ಅಙ್ಗಜಾತಂ ಕಮ್ಮನಿಯಂ ಹೋತಿ।
Vātūpatthambheti vātena pīḷitassa aṅgajātaṃ kammaniyaṃ hoti.
ಉಚ್ಚಾಲಿಙ್ಗಪಾಣಕದಟ್ಠೂಪತ್ಥಮ್ಭೇತಿ ಉಚ್ಚಾಲಿಙ್ಗಪಾಣಕದಟ್ಠೇನ ಅಙ್ಗಜಾತಂ ಕಮ್ಮನಿಯಂ ಹೋತಿ।
Uccāliṅgapāṇakadaṭṭhūpatthambheti uccāliṅgapāṇakadaṭṭhena aṅgajātaṃ kammaniyaṃ hoti.
೨೩೯. ಆರೋಗ್ಯತ್ಥಾಯಾತಿ ಅರೋಗೋ ಭವಿಸ್ಸಾಮಿ।
239.Ārogyatthāyāti arogo bhavissāmi.
ಸುಖತ್ಥಾಯಾತಿ ಸುಖಂ ವೇದನಂ ಉಪ್ಪಾದೇಸ್ಸಾಮಿ।
Sukhatthāyāti sukhaṃ vedanaṃ uppādessāmi.
ಭೇಸಜ್ಜತ್ಥಾಯಾತಿ ಭೇಸಜ್ಜಂ ಭವಿಸ್ಸತಿ।
Bhesajjatthāyāti bhesajjaṃ bhavissati.
ದಾನತ್ಥಾಯಾತಿ ದಾನಂ ದಸ್ಸಾಮಿ।
Dānatthāyāti dānaṃ dassāmi.
ಪುಞ್ಞತ್ಥಾಯಾತಿ ಪುಞ್ಞಂ ಭವಿಸ್ಸತಿ।
Puññatthāyāti puññaṃ bhavissati.
ಯಞ್ಞತ್ಥಾಯಾತಿ ಯಞ್ಞಂ ಯಜಿಸ್ಸಾಮಿ।
Yaññatthāyāti yaññaṃ yajissāmi.
ಸಗ್ಗತ್ಥಾಯಾತಿ ಸಗ್ಗಂ ಗಮಿಸ್ಸಾಮಿ।
Saggatthāyāti saggaṃ gamissāmi.
ಬೀಜತ್ಥಾಯಾತಿ ಬೀಜಂ ಭವಿಸ್ಸತಿ।
Bījatthāyāti bījaṃ bhavissati.
ವೀಮಂಸತ್ಥಾಯಾತಿ ನೀಲಂ ಭವಿಸ್ಸತಿ, ಪೀತಕಂ ಭವಿಸ್ಸತಿ, ಲೋಹಿತಕಂ ಭವಿಸ್ಸತಿ, ಓದಾತಂ ಭವಿಸ್ಸತಿ, ತಕ್ಕವಣ್ಣಂ ಭವಿಸ್ಸತಿ, ದಕವಣ್ಣಂ ಭವಿಸ್ಸತಿ, ತೇಲವಣ್ಣಂ ಭವಿಸ್ಸತಿ, ಖೀರವಣ್ಣಂ ಭವಿಸ್ಸತಿ, ದಧಿವಣ್ಣಂ ಭವಿಸ್ಸತಿ, ಸಪ್ಪಿವಣ್ಣಂ ಭವಿಸ್ಸತೀತಿ।
Vīmaṃsatthāyāti nīlaṃ bhavissati, pītakaṃ bhavissati, lohitakaṃ bhavissati, odātaṃ bhavissati, takkavaṇṇaṃ bhavissati, dakavaṇṇaṃ bhavissati, telavaṇṇaṃ bhavissati, khīravaṇṇaṃ bhavissati, dadhivaṇṇaṃ bhavissati, sappivaṇṇaṃ bhavissatīti.
ದವತ್ಥಾಯಾತಿ ಖಿಡ್ಡಾಧಿಪ್ಪಾಯೋ।
Davatthāyāti khiḍḍādhippāyo.
೨೪೦. ಅಜ್ಝತ್ತರೂಪೇ ಚೇತೇತಿ ಉಪಕ್ಕಮತಿ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
240. Ajjhattarūpe ceteti upakkamati muccati, āpatti saṅghādisesassa.
ಬಹಿದ್ಧಾರೂಪೇ ಚೇತೇತಿ ಉಪಕ್ಕಮತಿ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
Bahiddhārūpe ceteti upakkamati muccati, āpatti saṅghādisesassa.
ಅಜ್ಝತ್ತಬಹಿದ್ಧಾರೂಪೇ ಚೇತೇತಿ ಉಪಕ್ಕಮತಿ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
Ajjhattabahiddhārūpe ceteti upakkamati muccati, āpatti saṅghādisesassa.
ಆಕಾಸೇ ಕಟಿಂ ಕಮ್ಪೇನ್ತೋ ಚೇತೇತಿ ಉಪಕ್ಕಮತಿ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
Ākāse kaṭiṃ kampento ceteti upakkamati muccati, āpatti saṅghādisesassa.
ರಾಗೂಪತ್ಥಮ್ಭೇ ಚೇತೇತಿ ಉಪಕ್ಕಮತಿ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
Rāgūpatthambhe ceteti upakkamati muccati, āpatti saṅghādisesassa.
ವಚ್ಚೂಪತ್ಥಮ್ಭೇ ಚೇತೇತಿ ಉಪಕ್ಕಮತಿ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
Vaccūpatthambhe ceteti upakkamati muccati, āpatti saṅghādisesassa.
ಪಸ್ಸಾವೂಪತ್ಥಮ್ಭೇ ಚೇತೇತಿ ಉಪಕ್ಕಮತಿ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
Passāvūpatthambhe ceteti upakkamati muccati, āpatti saṅghādisesassa.
ವಾತೂಪತ್ಥಮ್ಭೇ ಚೇತೇತಿ ಉಪಕ್ಕಮತಿ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
Vātūpatthambhe ceteti upakkamati muccati, āpatti saṅghādisesassa.
ಉಚ್ಚಾಲಿಙ್ಗಪಾಣಕದಟ್ಠೂಪತ್ಥಮ್ಭೇ ಚೇತೇತಿ ಉಪಕ್ಕಮತಿ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
Uccāliṅgapāṇakadaṭṭhūpatthambhe ceteti upakkamati muccati, āpatti saṅghādisesassa.
ಆರೋಗ್ಯತ್ಥಾಯ ಚೇತೇತಿ ಉಪಕ್ಕಮತಿ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
Ārogyatthāya ceteti upakkamati muccati, āpatti saṅghādisesassa.
ಸುಖತ್ಥಾಯ…ಪೇ॰… ಭೇಸಜ್ಜತ್ಥಾಯ… ದಾನತ್ಥಾಯ… ಪುಞ್ಞತ್ಥಾಯ… ಯಞ್ಞತ್ಥಾಯ… ಸಗ್ಗತ್ಥಾಯ… ಬೀಜತ್ಥಾಯ… ವೀಮಂಸತ್ಥಾಯ… ದವತ್ಥಾಯ ಚೇತೇತಿ ಉಪಕ್ಕಮತಿ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
Sukhatthāya…pe… bhesajjatthāya… dānatthāya… puññatthāya… yaññatthāya… saggatthāya… bījatthāya… vīmaṃsatthāya… davatthāya ceteti upakkamati muccati, āpatti saṅghādisesassa.
ನೀಲಂ ಚೇತೇತಿ ಉಪಕ್ಕಮತಿ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ ।
Nīlaṃ ceteti upakkamati muccati, āpatti saṅghādisesassa .
ಪೀತಕಂ… ಲೋಹಿತಕಂ… ಓದಾತಂ… ತಕ್ಕವಣ್ಣಂ… ದಕವಣ್ಣಂ… ತೇಲವಣ್ಣಂ… ಖೀರವಣ್ಣಂ… ದಧಿವಣ್ಣಂ… ಸಪ್ಪಿವಣ್ಣಂ ಚೇತೇತಿ ಉಪಕ್ಕಮತಿ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
Pītakaṃ… lohitakaṃ… odātaṃ… takkavaṇṇaṃ… dakavaṇṇaṃ… telavaṇṇaṃ… khīravaṇṇaṃ… dadhivaṇṇaṃ… sappivaṇṇaṃ ceteti upakkamati muccati, āpatti saṅghādisesassa.
ಸುದ್ಧಿಕಂ ನಿಟ್ಠಿತಂ।
Suddhikaṃ niṭṭhitaṃ.
ಆರೋಗ್ಯತ್ಥಞ್ಚ ಸುಖತ್ಥಞ್ಚ ಚೇತೇತಿ ಉಪಕ್ಕಮತಿ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
Ārogyatthañca sukhatthañca ceteti upakkamati muccati, āpatti saṅghādisesassa.
ಆರೋಗ್ಯತ್ಥಞ್ಚ ಭೇಸಜ್ಜತ್ಥಞ್ಚ…ಪೇ॰… ಆರೋಗ್ಯತ್ಥಞ್ಚ ದಾನತ್ಥಞ್ಚ… ಆರೋಗ್ಯತ್ಥಞ್ಚ ಪುಞ್ಞತ್ಥಞ್ಚ… ಆರೋಗ್ಯತ್ಥಞ್ಚ ಯಞ್ಞತ್ಥಞ್ಚ… ಆರೋಗ್ಯತ್ಥಞ್ಚ ಸಗ್ಗತ್ಥಞ್ಚ… ಆರೋಗ್ಯತ್ಥಞ್ಚ ಬೀಜತ್ಥಞ್ಚ… ಆರೋಗ್ಯತ್ಥಞ್ಚ ವೀಮಂಸತ್ಥಞ್ಚ… ಆರೋಗ್ಯತ್ಥಞ್ಚ ದವತ್ಥಞ್ಚ ಚೇತೇತಿ ಉಪಕ್ಕಮತಿ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
Ārogyatthañca bhesajjatthañca…pe… ārogyatthañca dānatthañca… ārogyatthañca puññatthañca… ārogyatthañca yaññatthañca… ārogyatthañca saggatthañca… ārogyatthañca bījatthañca… ārogyatthañca vīmaṃsatthañca… ārogyatthañca davatthañca ceteti upakkamati muccati, āpatti saṅghādisesassa.
ಏಕಮೂಲಕಸ್ಸ ಖಣ್ಡಚಕ್ಕಂ ನಿಟ್ಠಿತಂ।
Ekamūlakassa khaṇḍacakkaṃ niṭṭhitaṃ.
೨೪೧. ಸುಖತ್ಥಞ್ಚ ಭೇಸಜ್ಜತ್ಥಞ್ಚ ಚೇತೇತಿ ಉಪಕ್ಕಮತಿ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
241. Sukhatthañca bhesajjatthañca ceteti upakkamati muccati, āpatti saṅghādisesassa.
ಸುಖತ್ಥಞ್ಚ ದಾನತ್ಥಞ್ಚ…ಪೇ॰… ಸುಖತ್ಥಞ್ಚ ಪುಞ್ಞತ್ಥಞ್ಚ… ಸುಖತ್ಥಞ್ಚ ಯಞ್ಞತ್ಥಞ್ಚ… ಸುಖತ್ಥಞ್ಚ ಸಗ್ಗತ್ಥಞ್ಚ… ಸುಖತ್ಥಞ್ಚ ಬೀಜತ್ಥಞ್ಚ… ಸುಖತ್ಥಞ್ಚ ವೀಮಂಸತ್ಥಞ್ಚ… ಸುಖತ್ಥಞ್ಚ ದವತ್ಥಞ್ಚ ಚೇತೇತಿ ಉಪಕ್ಕಮತಿ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
Sukhatthañca dānatthañca…pe… sukhatthañca puññatthañca… sukhatthañca yaññatthañca… sukhatthañca saggatthañca… sukhatthañca bījatthañca… sukhatthañca vīmaṃsatthañca… sukhatthañca davatthañca ceteti upakkamati muccati, āpatti saṅghādisesassa.
ಸುಖತ್ಥಞ್ಚ ಆರೋಗ್ಯತ್ಥಞ್ಚ ಚೇತೇತಿ ಉಪಕ್ಕಮತಿ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
Sukhatthañca ārogyatthañca ceteti upakkamati muccati, āpatti saṅghādisesassa.
೨೪೨. ಭೇಸಜ್ಜತ್ಥಞ್ಚ ದಾನತ್ಥಞ್ಚ…ಪೇ॰… ಭೇಸಜ್ಜತ್ಥಞ್ಚ ಪುಞ್ಞತ್ಥಞ್ಚ… ಭೇಸಜ್ಜತ್ಥಞ್ಚ ಯಞ್ಞತ್ಥಞ್ಚ… ಭೇಸಜ್ಜತ್ಥಞ್ಚ ಸಗ್ಗತ್ಥಞ್ಚ… ಭೇಸಜ್ಜತ್ಥಞ್ಚ ಬೀಜತ್ಥಞ್ಚ… ಭೇಸಜ್ಜತ್ಥಞ್ಚ ವೀಮಂಸತ್ಥಞ್ಚ… ಭೇಸಜ್ಜತ್ಥಞ್ಚ ದವತ್ಥಞ್ಚ ಚೇತೇತಿ ಉಪಕ್ಕಮತಿ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
242. Bhesajjatthañca dānatthañca…pe… bhesajjatthañca puññatthañca… bhesajjatthañca yaññatthañca… bhesajjatthañca saggatthañca… bhesajjatthañca bījatthañca… bhesajjatthañca vīmaṃsatthañca… bhesajjatthañca davatthañca ceteti upakkamati muccati, āpatti saṅghādisesassa.
ಭೇಸಜ್ಜತ್ಥಞ್ಚ ಆರೋಗ್ಯತ್ಥಞ್ಚ…ಪೇ॰… ಭೇಸಜ್ಜತ್ಥಞ್ಚ ಸುಖತ್ಥಞ್ಚ ಚೇತೇತಿ ಉಪಕ್ಕಮತಿ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
Bhesajjatthañca ārogyatthañca…pe… bhesajjatthañca sukhatthañca ceteti upakkamati muccati, āpatti saṅghādisesassa.
ದಾನತ್ಥಞ್ಚ ಪುಞ್ಞತ್ಥಞ್ಚ…ಪೇ॰… ದಾನತ್ಥಞ್ಚ ಯಞ್ಞತ್ಥಞ್ಚ… ದಾನತ್ಥಞ್ಚ ಸಗ್ಗತ್ಥಞ್ಚ… ದಾನತ್ಥಞ್ಚ ಬೀಜತ್ಥಞ್ಚ… ದಾನತ್ಥಞ್ಚ ವೀಮಂಸತ್ಥಞ್ಚ… ದಾನತ್ಥಞ್ಚ ದವತ್ಥಞ್ಚ ಚೇತೇತಿ ಉಪಕ್ಕಮತಿ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
Dānatthañca puññatthañca…pe… dānatthañca yaññatthañca… dānatthañca saggatthañca… dānatthañca bījatthañca… dānatthañca vīmaṃsatthañca… dānatthañca davatthañca ceteti upakkamati muccati, āpatti saṅghādisesassa.
ದಾನತ್ಥಞ್ಚ ಆರೋಗ್ಯತ್ಥಞ್ಚ…ಪೇ॰… ದಾನತ್ಥಞ್ಚ ಸುಖತ್ಥಞ್ಚ… ದಾನತ್ಥಞ್ಚ ಭೇಸಜ್ಜತ್ಥಞ್ಚ ಚೇತೇತಿ ಉಪಕ್ಕಮತಿ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
Dānatthañca ārogyatthañca…pe… dānatthañca sukhatthañca… dānatthañca bhesajjatthañca ceteti upakkamati muccati, āpatti saṅghādisesassa.
ಪುಞ್ಞತ್ಥಞ್ಚ ಯಞ್ಞತ್ಥಞ್ಚ…ಪೇ॰… ಪುಞ್ಞತ್ಥಞ್ಚ ಸಗ್ಗತ್ಥಞ್ಚ… ಪುಞ್ಞತ್ಥಞ್ಚ ಬೀಜತ್ಥಞ್ಚ… ಪುಞ್ಞತ್ಥಞ್ಚ ವೀಮಂಸತ್ಥಞ್ಚ… ಪುಞ್ಞತ್ಥಞ್ಚ ದವತ್ಥಞ್ಚ ಚೇತೇತಿ ಉಪಕ್ಕಮತಿ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
Puññatthañca yaññatthañca…pe… puññatthañca saggatthañca… puññatthañca bījatthañca… puññatthañca vīmaṃsatthañca… puññatthañca davatthañca ceteti upakkamati muccati, āpatti saṅghādisesassa.
ಪುಞ್ಞತ್ಥಞ್ಚ ಆರೋಗ್ಯತ್ಥಞ್ಚ…ಪೇ॰… ಪುಞ್ಞತ್ಥಞ್ಚ ಸುಖತ್ಥಞ್ಚ… ಪುಞ್ಞತ್ಥಞ್ಚ ಭೇಸಜ್ಜತ್ಥಞ್ಚ… ಪುಞ್ಞತ್ಥಞ್ಚ ದಾನತ್ಥಞ್ಚ ಚೇತೇತಿ ಉಪಕ್ಕಮತಿ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
Puññatthañca ārogyatthañca…pe… puññatthañca sukhatthañca… puññatthañca bhesajjatthañca… puññatthañca dānatthañca ceteti upakkamati muccati, āpatti saṅghādisesassa.
ಯಞ್ಞತ್ಥಞ್ಚ ಸಗ್ಗತ್ಥಞ್ಚ…ಪೇ॰… ಯಞ್ಞತ್ಥಞ್ಚ ಬೀಜತ್ಥಞ್ಚ… ಯಞ್ಞತ್ಥಞ್ಚ ವೀಮಂಸತ್ಥಞ್ಚ … ಯಞ್ಞತ್ಥಞ್ಚ ದವತ್ಥಞ್ಚ ಚೇತೇತಿ ಉಪಕ್ಕಮತಿ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
Yaññatthañca saggatthañca…pe… yaññatthañca bījatthañca… yaññatthañca vīmaṃsatthañca … yaññatthañca davatthañca ceteti upakkamati muccati, āpatti saṅghādisesassa.
ಯಞ್ಞತ್ಥಞ್ಚ ಆರೋಗ್ಯತ್ಥಞ್ಚ…ಪೇ॰… ಯಞ್ಞತ್ಥಞ್ಚ ಸುಖತ್ಥಞ್ಚ… ಯಞ್ಞತ್ಥಞ್ಚ ಭೇಸಜ್ಜತ್ಥಞ್ಚ… ಯಞ್ಞತ್ಥಞ್ಚ ದಾನತ್ಥಞ್ಚ… ಯಞ್ಞತ್ಥಞ್ಚ ಪುಞ್ಞತ್ಥಞ್ಚ ಚೇತೇತಿ ಉಪಕ್ಕಮತಿ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
Yaññatthañca ārogyatthañca…pe… yaññatthañca sukhatthañca… yaññatthañca bhesajjatthañca… yaññatthañca dānatthañca… yaññatthañca puññatthañca ceteti upakkamati muccati, āpatti saṅghādisesassa.
ಸಗ್ಗತ್ಥಞ್ಚ ಬೀಜತ್ಥಞ್ಚ…ಪೇ॰… ಸಗ್ಗತ್ಥಞ್ಚ ವೀಮಂಸತ್ಥಞ್ಚ… ಸಗ್ಗತ್ಥಞ್ಚ ದವತ್ಥಞ್ಚ ಚೇತೇತಿ ಉಪಕ್ಕಮತಿ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
Saggatthañca bījatthañca…pe… saggatthañca vīmaṃsatthañca… saggatthañca davatthañca ceteti upakkamati muccati, āpatti saṅghādisesassa.
ಸಗ್ಗತ್ಥಞ್ಚ ಆರೋಗ್ಯತ್ಥಞ್ಚ…ಪೇ॰… ಸಗ್ಗತ್ಥಞ್ಚ ಸುಖತ್ಥಞ್ಚ… ಸಗ್ಗತ್ಥಞ್ಚ ಭೇಸಜ್ಜತ್ಥಞ್ಚ… ಸಗ್ಗತ್ಥಞ್ಚ ದಾನತ್ಥಞ್ಚ… ಸಗ್ಗತ್ಥಞ್ಚ ಪುಞ್ಞತ್ಥಞ್ಚ… ಸಗ್ಗತ್ಥಞ್ಚ ಯಞ್ಞತ್ಥಞ್ಚ ಚೇತೇತಿ ಉಪಕ್ಕಮತಿ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
Saggatthañca ārogyatthañca…pe… saggatthañca sukhatthañca… saggatthañca bhesajjatthañca… saggatthañca dānatthañca… saggatthañca puññatthañca… saggatthañca yaññatthañca ceteti upakkamati muccati, āpatti saṅghādisesassa.
ಬೀಜತ್ಥಞ್ಚ ವೀಮಂಸತ್ಥಞ್ಚ…ಪೇ॰… ಬೀಜತ್ಥಞ್ಚ ದವತ್ಥಞ್ಚ ಚೇತೇತಿ ಉಪಕ್ಕಮತಿ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
Bījatthañca vīmaṃsatthañca…pe… bījatthañca davatthañca ceteti upakkamati muccati, āpatti saṅghādisesassa.
ಬೀಜತ್ಥಞ್ಚ ಆರೋಗ್ಯತ್ಥಞ್ಚ…ಪೇ॰… ಬೀಜತ್ಥಞ್ಚ ಸುಖತ್ಥಞ್ಚ… ಬೀಜತ್ಥಞ್ಚ ಭೇಸಜ್ಜತ್ಥಞ್ಚ… ಬೀಜತ್ಥಞ್ಚ ದಾನತ್ಥಞ್ಚ… ಬೀಜತ್ಥಞ್ಚ ಪುಞ್ಞತ್ಥಞ್ಚ… ಬೀಜತ್ಥಞ್ಚ ಯಞ್ಞತ್ಥಞ್ಚ… ಬೀಜತ್ಥಞ್ಚ ಸಗ್ಗತ್ಥಞ್ಚ ಚೇತೇತಿ ಉಪಕ್ಕಮತಿ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
Bījatthañca ārogyatthañca…pe… bījatthañca sukhatthañca… bījatthañca bhesajjatthañca… bījatthañca dānatthañca… bījatthañca puññatthañca… bījatthañca yaññatthañca… bījatthañca saggatthañca ceteti upakkamati muccati, āpatti saṅghādisesassa.
ವೀಮಂಸತ್ಥಞ್ಚ ದವತ್ಥಞ್ಚ ಚೇತೇತಿ ಉಪಕ್ಕಮತಿ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
Vīmaṃsatthañca davatthañca ceteti upakkamati muccati, āpatti saṅghādisesassa.
ವೀಮಂಸತ್ಥಞ್ಚ ಆರೋಗ್ಯತ್ಥಞ್ಚ…ಪೇ॰… ವೀಮಂಸತ್ಥಞ್ಚ ಸುಖತ್ಥಞ್ಚ… ವೀಮಂಸತ್ಥಞ್ಚ ಭೇಸಜ್ಜತ್ಥಞ್ಚ… ವೀಮಂಸತ್ಥಞ್ಚ ದಾನತ್ಥಞ್ಚ… ವೀಮಂಸತ್ಥಞ್ಚ ಪುಞ್ಞತ್ಥಞ್ಚ… ವೀಮಂಸತ್ಥಞ್ಚ ಯಞ್ಞತ್ಥಞ್ಚ… ವೀಮಂಸತ್ಥಞ್ಚ ಸಗ್ಗತ್ಥಞ್ಚ… ವೀಮಂಸತ್ಥಞ್ಚ ಬೀಜತ್ಥಞ್ಚ ಚೇತೇತಿ ಉಪಕ್ಕಮತಿ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
Vīmaṃsatthañca ārogyatthañca…pe… vīmaṃsatthañca sukhatthañca… vīmaṃsatthañca bhesajjatthañca… vīmaṃsatthañca dānatthañca… vīmaṃsatthañca puññatthañca… vīmaṃsatthañca yaññatthañca… vīmaṃsatthañca saggatthañca… vīmaṃsatthañca bījatthañca ceteti upakkamati muccati, āpatti saṅghādisesassa.
ದವತ್ಥಞ್ಚ ಆರೋಗ್ಯತ್ಥಞ್ಚ…ಪೇ॰… ದವತ್ಥಞ್ಚ ಸುಖತ್ಥಞ್ಚ… ದವತ್ಥಞ್ಚ ಭೇಸಜ್ಜತ್ಥಞ್ಚ… ದವತ್ಥಞ್ಚ ದಾನತ್ಥಞ್ಚ… ದವತ್ಥಞ್ಚ ಪುಞ್ಞತ್ಥಞ್ಚ… ದವತ್ಥಞ್ಚ ಯಞ್ಞತ್ಥಞ್ಚ… ದವತ್ಥಞ್ಚ ಸಗ್ಗತ್ಥಞ್ಚ… ದವತ್ಥಞ್ಚ ಬೀಜತ್ಥಞ್ಚ… ದವತ್ಥಞ್ಚ ವೀಮಂಸತ್ಥಞ್ಚ ಚೇತೇತಿ ಉಪಕ್ಕಮತಿ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
Davatthañca ārogyatthañca…pe… davatthañca sukhatthañca… davatthañca bhesajjatthañca… davatthañca dānatthañca… davatthañca puññatthañca… davatthañca yaññatthañca… davatthañca saggatthañca… davatthañca bījatthañca… davatthañca vīmaṃsatthañca ceteti upakkamati muccati, āpatti saṅghādisesassa.
ಏಕಮೂಲಕಸ್ಸ ಬದ್ಧಚಕ್ಕಂ ನಿಟ್ಠಿತಂ।
Ekamūlakassa baddhacakkaṃ niṭṭhitaṃ.
ಆರೋಗ್ಯತ್ಥಞ್ಚ ಸುಖತ್ಥಞ್ಚ ಭೇಸಜ್ಜತ್ಥಞ್ಚ ಚೇತೇತಿ ಉಪಕ್ಕಮತಿ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ…ಪೇ॰… ಆರೋಗ್ಯತ್ಥಞ್ಚ ಸುಖತ್ಥಞ್ಚ ದವತ್ಥಞ್ಚ ಚೇತೇತಿ ಉಪಕ್ಕಮತಿ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
Ārogyatthañca sukhatthañca bhesajjatthañca ceteti upakkamati muccati, āpatti saṅghādisesassa…pe… ārogyatthañca sukhatthañca davatthañca ceteti upakkamati muccati, āpatti saṅghādisesassa.
ದುಮೂಲಕಸ್ಸ ಖಣ್ಡಚಕ್ಕಂ।
Dumūlakassa khaṇḍacakkaṃ.
ಸುಖತ್ಥಞ್ಚ ಭೇಸಜ್ಜತ್ಥಞ್ಚ ದಾನತ್ಥಞ್ಚ ಚೇತೇತಿ ಉಪಕ್ಕಮತಿ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ…ಪೇ॰… ಸುಖತ್ಥಞ್ಚ ಭೇಸಜ್ಜತ್ಥಞ್ಚ ದವತ್ಥಞ್ಚ…ಪೇ॰… ಸುಖತ್ಥಞ್ಚ ಭೇಸಜ್ಜತ್ಥಞ್ಚ ಆರೋಗ್ಯತ್ಥಞ್ಚ ಚೇತೇತಿ ಉಪಕ್ಕಮತಿ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
Sukhatthañca bhesajjatthañca dānatthañca ceteti upakkamati muccati, āpatti saṅghādisesassa…pe… sukhatthañca bhesajjatthañca davatthañca…pe… sukhatthañca bhesajjatthañca ārogyatthañca ceteti upakkamati muccati, āpatti saṅghādisesassa.
ದುಮೂಲಕಸ್ಸ ಬದ್ಧಚಕ್ಕಂ ಸಂಖಿತ್ತಂ।
Dumūlakassa baddhacakkaṃ saṃkhittaṃ.
ವೀಮಂಸತ್ಥಞ್ಚ ದವತ್ಥಞ್ಚ ಆರೋಗ್ಯತ್ಥಞ್ಚ ಚೇತೇತಿ ಉಪಕ್ಕಮತಿ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ। ವೀಮಂಸತ್ಥಞ್ಚ ದವತ್ಥಞ್ಚ ಬೀಜತ್ಥಞ್ಚ ಚೇತೇತಿ ಉಪಕ್ಕಮತಿ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
Vīmaṃsatthañca davatthañca ārogyatthañca ceteti upakkamati muccati, āpatti saṅghādisesassa. Vīmaṃsatthañca davatthañca bījatthañca ceteti upakkamati muccati, āpatti saṅghādisesassa.
ದುಮೂಲಕಂ ನಿಟ್ಠಿತಂ।
Dumūlakaṃ niṭṭhitaṃ.
ತಿಮೂಲಕಮ್ಪಿ ಚತುಮೂಲಕಮ್ಪಿ ಪಞ್ಚಮೂಲಕಮ್ಪಿ ಛಮೂಲಕಮ್ಪಿ ಸತ್ತಮೂಲಕಮ್ಪಿ ಅಟ್ಠಮೂಲಕಮ್ಪಿ ನವಮೂಲಕಮ್ಪಿ ಏವಮೇವ ವಿತ್ಥಾರೇತಬ್ಬಂ।
Timūlakampi catumūlakampi pañcamūlakampi chamūlakampi sattamūlakampi aṭṭhamūlakampi navamūlakampi evameva vitthāretabbaṃ.
ಇದಂ ಸಬ್ಬಮೂಲಕಂ।
Idaṃ sabbamūlakaṃ.
೨೪೩. ಆರೋಗ್ಯತ್ಥಞ್ಚ ಸುಖತ್ಥಞ್ಚ ಭೇಸಜ್ಜತ್ಥಞ್ಚ ದಾನತ್ಥಞ್ಚ ಪುಞ್ಞತ್ಥಞ್ಚ ಯಞ್ಞತ್ಥಞ್ಚ ಸಗ್ಗತ್ಥಞ್ಚ ಬೀಜತ್ಥಞ್ಚ ವೀಮಂಸತ್ಥಞ್ಚ ದವತ್ಥಞ್ಚ ಚೇತೇತಿ ಉಪಕ್ಕಮತಿ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
243. Ārogyatthañca sukhatthañca bhesajjatthañca dānatthañca puññatthañca yaññatthañca saggatthañca bījatthañca vīmaṃsatthañca davatthañca ceteti upakkamati muccati, āpatti saṅghādisesassa.
ಸಬ್ಬಮೂಲಕಂ ನಿಟ್ಠಿತಂ।
Sabbamūlakaṃ niṭṭhitaṃ.
೨೪೪. ನೀಲಞ್ಚ ಪೀತಕಞ್ಚ ಚೇತೇತಿ ಉಪಕ್ಕಮತಿ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
244. Nīlañca pītakañca ceteti upakkamati muccati, āpatti saṅghādisesassa.
ನೀಲಞ್ಚ ಲೋಹಿತಕಞ್ಚ…ಪೇ॰… ನೀಲಞ್ಚ ಓದಾತಞ್ಚ… ನೀಲಞ್ಚ ತಕ್ಕವಣ್ಣಞ್ಚ… ನೀಲಞ್ಚ ದಕವಣ್ಣಞ್ಚ… ನೀಲಞ್ಚ ತೇಲವಣ್ಣಞ್ಚ… ನೀಲಞ್ಚ ಖೀರವಣ್ಣಞ್ಚ… ನೀಲಞ್ಚ ದಧಿವಣ್ಣಞ್ಚ… ನೀಲಞ್ಚ ಸಪ್ಪಿವಣ್ಣಞ್ಚ ಚೇತೇತಿ ಉಪಕ್ಕಮತಿ ಮುಚ್ಚತ್ತಿ, ಆಪತ್ತಿ ಸಙ್ಘಾದಿಸೇಸಸ್ಸ।
Nīlañca lohitakañca…pe… nīlañca odātañca… nīlañca takkavaṇṇañca… nīlañca dakavaṇṇañca… nīlañca telavaṇṇañca… nīlañca khīravaṇṇañca… nīlañca dadhivaṇṇañca… nīlañca sappivaṇṇañca ceteti upakkamati muccatti, āpatti saṅghādisesassa.
ಏಕಮೂಲಕಸ್ಸ ಖಣ್ಡಚಕ್ಕಂ ನಿಟ್ಠಿತಂ।
Ekamūlakassa khaṇḍacakkaṃ niṭṭhitaṃ.
೨೪೫. ಪೀತಕಞ್ಚ ಲೋಹಿತಕಞ್ಚ ಚೇತೇತಿ ಉಪಕ್ಕಮತಿ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
245. Pītakañca lohitakañca ceteti upakkamati muccati, āpatti saṅghādisesassa.
ಪೀತಕಞ್ಚ ಓದಾತಞ್ಚ…ಪೇ॰… ಪೀತಕಞ್ಚ ತಕ್ಕವಣ್ಣಞ್ಚ… ಪೀತಕಞ್ಚ ದಕವಣ್ಣಞ್ಚ… ಪೀತಕಞ್ಚ ತೇಲವಣ್ಣಞ್ಚ… ಪೀತಕಞ್ಚ ಖೀರವಣ್ಣಞ್ಚ… ಪೀತಕಞ್ಚ ದಧಿವಣ್ಣಞ್ಚ… ಪೀತಕಞ್ಚ ಸಪ್ಪಿವಣ್ಣಞ್ಚ ಚೇತೇತಿ ಉಪಕ್ಕಮತಿ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
Pītakañca odātañca…pe… pītakañca takkavaṇṇañca… pītakañca dakavaṇṇañca… pītakañca telavaṇṇañca… pītakañca khīravaṇṇañca… pītakañca dadhivaṇṇañca… pītakañca sappivaṇṇañca ceteti upakkamati muccati, āpatti saṅghādisesassa.
ಪೀತಕಞ್ಚ ನೀಲಞ್ಚ ಚೇತೇತಿ ಉಪಕ್ಕಮತಿ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
Pītakañca nīlañca ceteti upakkamati muccati, āpatti saṅghādisesassa.
ಏಕಮೂಲಕಸ್ಸ ಬದ್ಧಚಕ್ಕಂ।
Ekamūlakassa baddhacakkaṃ.
೨೪೬. ಲೋಹಿತಕಞ್ಚ ಓದಾತಞ್ಚ ಚೇತೇತಿ ಉಪಕ್ಕಮತಿ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
246. Lohitakañca odātañca ceteti upakkamati muccati, āpatti saṅghādisesassa.
ಲೋಹಿತಕಞ್ಚ ತಕ್ಕವಣ್ಣಞ್ಚ…ಪೇ॰… ಲೋಹಿತಕಞ್ಚ ದಕವಣ್ಣಞ್ಚ… ಲೋಹಿತಕಞ್ಚ ತೇಲವಣ್ಣಞ್ಚ… ಲೋಹಿತಕಞ್ಚ ಖೀರವಣ್ಣಞ್ಚ… ಲೋಹಿತಕಞ್ಚ ದಧಿವಣ್ಣಞ್ಚ… ಲೋಹಿತಕಞ್ಚ ಸಪ್ಪಿವಣ್ಣಞ್ಚ ಚೇತೇತಿ ಉಪಕ್ಕಮತಿ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
Lohitakañca takkavaṇṇañca…pe… lohitakañca dakavaṇṇañca… lohitakañca telavaṇṇañca… lohitakañca khīravaṇṇañca… lohitakañca dadhivaṇṇañca… lohitakañca sappivaṇṇañca ceteti upakkamati muccati, āpatti saṅghādisesassa.
ಲೋಹಿತಕಞ್ಚ ನೀಲಞ್ಚ…ಪೇ॰… ಲೋಹಿತಕಞ್ಚ ಪೀತಕಞ್ಚ ಚೇತೇತಿ ಉಪಕ್ಕಮತಿ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
Lohitakañca nīlañca…pe… lohitakañca pītakañca ceteti upakkamati muccati, āpatti saṅghādisesassa.
ಓದಾತಞ್ಚ ತಕ್ಕವಣ್ಣಞ್ಚ…ಪೇ॰… ಓದಾತಞ್ಚ ದಕವಣ್ಣಞ್ಚ… ಓದಾತಞ್ಚ ತೇಲವಣ್ಣಞ್ಚ… ಓದಾತಞ್ಚ ಖೀರವಣ್ಣಞ್ಚ… ಓದಾತಞ್ಚ ದಧಿವಣ್ಣಞ್ಚ… ಓದಾತಞ್ಚ ಸಪ್ಪಿವಣ್ಣಞ್ಚ ಚೇತೇತಿ ಉಪಕ್ಕಮತಿ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
Odātañca takkavaṇṇañca…pe… odātañca dakavaṇṇañca… odātañca telavaṇṇañca… odātañca khīravaṇṇañca… odātañca dadhivaṇṇañca… odātañca sappivaṇṇañca ceteti upakkamati muccati, āpatti saṅghādisesassa.
ಓದಾತಞ್ಚ ನೀಲಞ್ಚ…ಪೇ॰… ಓದಾತಞ್ಚ ಪೀತಕಞ್ಚ… ಓದಾತಞ್ಚ ಲೋಹಿತಕಞ್ಚ ಚೇತೇತಿ ಉಪಕ್ಕಮತಿ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
Odātañca nīlañca…pe… odātañca pītakañca… odātañca lohitakañca ceteti upakkamati muccati, āpatti saṅghādisesassa.
ತಕ್ಕವಣ್ಣಞ್ಚ ದಕವಣ್ಣಞ್ಚ…ಪೇ॰… ತಕ್ಕವಣ್ಣಞ್ಚ ತೇಲವಣ್ಣಞ್ಚ… ತಕ್ಕವಣ್ಣಞ್ಚ ಖೀರವಣ್ಣಞ್ಚ… ತಕ್ಕವಣ್ಣಞ್ಚ ದಧಿವಣ್ಣಞ್ಚ… ತಕ್ಕವಣ್ಣಞ್ಚ ಸಪ್ಪಿವಣ್ಣಞ್ಚ ಚೇತೇತಿ ಉಪಕ್ಕಮತಿ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
Takkavaṇṇañca dakavaṇṇañca…pe… takkavaṇṇañca telavaṇṇañca… takkavaṇṇañca khīravaṇṇañca… takkavaṇṇañca dadhivaṇṇañca… takkavaṇṇañca sappivaṇṇañca ceteti upakkamati muccati, āpatti saṅghādisesassa.
ತಕ್ಕವಣ್ಣಞ್ಚ ನೀಲಞ್ಚ…ಪೇ॰… ತಕ್ಕವಣ್ಣಞ್ಚ ಪೀತಕಞ್ಚ… ತಕ್ಕವಣ್ಣಞ್ಚ ಲೋಹಿತಕಞ್ಚ… ತಕ್ಕವಣ್ಣಞ್ಚ ಓದಾತಞ್ಚ ಚೇತೇತಿ ಉಪಕ್ಕಮತಿ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
Takkavaṇṇañca nīlañca…pe… takkavaṇṇañca pītakañca… takkavaṇṇañca lohitakañca… takkavaṇṇañca odātañca ceteti upakkamati muccati, āpatti saṅghādisesassa.
ದಕವಣ್ಣಞ್ಚ ತೇಲವಣ್ಣಞ್ಚ…ಪೇ॰… ದಕವಣ್ಣಞ್ಚ ಖೀರವಣ್ಣಞ್ಚ… ದಕವಣ್ಣಞ್ಚ ದಧಿವಣ್ಣಞ್ಚ… ದಕವಣ್ಣಞ್ಚ ಸಪ್ಪಿವಣ್ಣಞ್ಚ ಚೇತೇತಿ ಉಪಕ್ಕಮತಿ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
Dakavaṇṇañca telavaṇṇañca…pe… dakavaṇṇañca khīravaṇṇañca… dakavaṇṇañca dadhivaṇṇañca… dakavaṇṇañca sappivaṇṇañca ceteti upakkamati muccati, āpatti saṅghādisesassa.
ದಕವಣ್ಣಞ್ಚ ನೀಲಞ್ಚ…ಪೇ॰… ದಕವಣ್ಣಞ್ಚ ಪೀತಕಞ್ಚ… ದಕವಣ್ಣಞ್ಚ ಲೋಹಿತಕಞ್ಚ… ದಕವಣ್ಣಞ್ಚ ಓದಾತಞ್ಚ… ದಕವಣ್ಣಞ್ಚ ತಕ್ಕವಣ್ಣಞ್ಚ ಚೇತೇತಿ ಉಪಕ್ಕಮತಿ ಮುಚ್ಚತಿ , ಆಪತ್ತಿ ಸಙ್ಘಾದಿಸೇಸಸ್ಸ।
Dakavaṇṇañca nīlañca…pe… dakavaṇṇañca pītakañca… dakavaṇṇañca lohitakañca… dakavaṇṇañca odātañca… dakavaṇṇañca takkavaṇṇañca ceteti upakkamati muccati , āpatti saṅghādisesassa.
ತೇಲವಣ್ಣಞ್ಚ ಖೀರವಣ್ಣಞ್ಚ…ಪೇ॰… ತೇಲವಣ್ಣಞ್ಚ ದಧಿವಣ್ಣಞ್ಚ… ತೇಲವಣ್ಣಞ್ಚ ಸಪ್ಪಿವಣ್ಣಞ್ಚ ಚೇತೇತಿ ಉಪಕ್ಕಮತಿ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
Telavaṇṇañca khīravaṇṇañca…pe… telavaṇṇañca dadhivaṇṇañca… telavaṇṇañca sappivaṇṇañca ceteti upakkamati muccati, āpatti saṅghādisesassa.
ತೇಲವಣ್ಣಞ್ಚ ನೀಲಞ್ಚ…ಪೇ॰… ತೇಲವಣ್ಣಞ್ಚ ಪೀತಕಞ್ಚ… ತೇಲವಣ್ಣಞ್ಚ ಲೋಹಿತಕಞ್ಚ… ತೇಲವಣ್ಣಞ್ಚ ಓದಾತಞ್ಚ… ತೇಲವಣ್ಣಞ್ಚ ತಕ್ಕವಣ್ಣಞ್ಚ… ತೇಲವಣ್ಣಞ್ಚ ದಕವಣ್ಣಞ್ಚ ಚೇತೇತಿ ಉಪಕ್ಕಮತಿ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
Telavaṇṇañca nīlañca…pe… telavaṇṇañca pītakañca… telavaṇṇañca lohitakañca… telavaṇṇañca odātañca… telavaṇṇañca takkavaṇṇañca… telavaṇṇañca dakavaṇṇañca ceteti upakkamati muccati, āpatti saṅghādisesassa.
ಖೀರವಣ್ಣಞ್ಚ ದಧಿವಣ್ಣಞ್ಚ…ಪೇ॰… ಖೀರವಣ್ಣಞ್ಚ ಸಪ್ಪಿವಣ್ಣಞ್ಚ ಚೇತೇತಿ ಉಪಕ್ಕಮತಿ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
Khīravaṇṇañca dadhivaṇṇañca…pe… khīravaṇṇañca sappivaṇṇañca ceteti upakkamati muccati, āpatti saṅghādisesassa.
ಖೀರವಣ್ಣಞ್ಚ ನೀಲಞ್ಚ…ಪೇ॰… ಖೀರವಣ್ಣಞ್ಚ ಪೀತಕಞ್ಚ… ಖೀರವಣ್ಣಞ್ಚ ಲೋಹಿತಕಞ್ಚ… ಖೀರವಣ್ಣಞ್ಚ ಓದಾತಞ್ಚ… ಖೀರವಣ್ಣಞ್ಚ ತಕ್ಕವಣ್ಣಞ್ಚ… ಖೀರವಣ್ಣಞ್ಚ ದಕವಣ್ಣಞ್ಚ… ಖೀರವಣ್ಣಞ್ಚ ತೇಲವಣ್ಣಞ್ಚ ಚೇತೇತಿ ಉಪಕ್ಕಮತಿ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
Khīravaṇṇañca nīlañca…pe… khīravaṇṇañca pītakañca… khīravaṇṇañca lohitakañca… khīravaṇṇañca odātañca… khīravaṇṇañca takkavaṇṇañca… khīravaṇṇañca dakavaṇṇañca… khīravaṇṇañca telavaṇṇañca ceteti upakkamati muccati, āpatti saṅghādisesassa.
ದಧಿವಣ್ಣಞ್ಚ ಸಪ್ಪಿವಣ್ಣಞ್ಚ ಚೇತೇತಿ ಉಪಕ್ಕಮತಿ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
Dadhivaṇṇañca sappivaṇṇañca ceteti upakkamati muccati, āpatti saṅghādisesassa.
ದಧಿವಣ್ಣಞ್ಚ ನೀಲಞ್ಚ…ಪೇ॰… ದಧಿವಣ್ಣಞ್ಚ ಪೀತಕಞ್ಚ… ದಧಿವಣ್ಣಞ್ಚ ಲೋಹಿತಕಞ್ಚ… ದಧಿವಣ್ಣಞ್ಚ ಓದಾತಞ್ಚ… ದಧಿವಣ್ಣಞ್ಚ ತಕ್ಕವಣ್ಣಞ್ಚ… ದಧಿವಣ್ಣಞ್ಚ ದಕವಣ್ಣಞ್ಚ… ದಧಿವಣ್ಣಞ್ಚ ತೇಲವಣ್ಣಞ್ಚ… ದಧಿವಣ್ಣಞ್ಚ ಖೀರವಣ್ಣಞ್ಚ ಚೇತೇತಿ ಉಪಕ್ಕಮತಿ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
Dadhivaṇṇañca nīlañca…pe… dadhivaṇṇañca pītakañca… dadhivaṇṇañca lohitakañca… dadhivaṇṇañca odātañca… dadhivaṇṇañca takkavaṇṇañca… dadhivaṇṇañca dakavaṇṇañca… dadhivaṇṇañca telavaṇṇañca… dadhivaṇṇañca khīravaṇṇañca ceteti upakkamati muccati, āpatti saṅghādisesassa.
ಸಪ್ಪಿವಣ್ಣಞ್ಚ ನೀಲಞ್ಚ ಚೇತೇತಿ ಉಪಕ್ಕಮತಿ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
Sappivaṇṇañca nīlañca ceteti upakkamati muccati, āpatti saṅghādisesassa.
ಸಪ್ಪಿವಣ್ಣಞ್ಚ ಪೀತಕಞ್ಚ…ಪೇ॰… ಸಪ್ಪಿವಣ್ಣಞ್ಚ ಲೋಹಿತಕಞ್ಚ… ಸಪ್ಪಿವಣ್ಣಞ್ಚ ಓದಾತಞ್ಚ… ಸಪ್ಪಿವಣ್ಣಞ್ಚ ತಕ್ಕವಣ್ಣಞ್ಚ… ಸಪ್ಪಿವಣ್ಣಞ್ಚ ದಕವಣ್ಣಞ್ಚ… ಸಪ್ಪಿವಣ್ಣಞ್ಚ ತೇಲವಣ್ಣಞ್ಚ… ಸಪ್ಪಿವಣ್ಣಞ್ಚ ಖೀರವಣ್ಣಞ್ಚ … ಸಪ್ಪಿವಣ್ಣಞ್ಚ ದಧಿವಣ್ಣಞ್ಚ ಚೇತೇತಿ ಉಪಕ್ಕಮತಿ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
Sappivaṇṇañca pītakañca…pe… sappivaṇṇañca lohitakañca… sappivaṇṇañca odātañca… sappivaṇṇañca takkavaṇṇañca… sappivaṇṇañca dakavaṇṇañca… sappivaṇṇañca telavaṇṇañca… sappivaṇṇañca khīravaṇṇañca … sappivaṇṇañca dadhivaṇṇañca ceteti upakkamati muccati, āpatti saṅghādisesassa.
ಏಕಮೂಲಕಸ್ಸ ಬದ್ಧಚಕ್ಕಂ ನಿಟ್ಠಿತಂ।
Ekamūlakassa baddhacakkaṃ niṭṭhitaṃ.
ನೀಲಞ್ಚ ಪೀತಕಞ್ಚ ಲೋಹಿತಕಞ್ಚ ಚೇತೇತಿ ಉಪಕ್ಕಮತಿ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ…ಪೇ॰… ನೀಲಞ್ಚ ಪೀತಕಞ್ಚ ಸಪ್ಪಿವಣ್ಣಞ್ಚ ಚೇತೇತಿ ಉಪಕ್ಕಮತಿ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
Nīlañca pītakañca lohitakañca ceteti upakkamati muccati, āpatti saṅghādisesassa…pe… nīlañca pītakañca sappivaṇṇañca ceteti upakkamati muccati, āpatti saṅghādisesassa.
ದುಮೂಲಕಸ್ಸ ಖಣ್ಡಚಕ್ಕಂ।
Dumūlakassa khaṇḍacakkaṃ.
ಪೀತಕಞ್ಚ ಲೋಹಿತಕಞ್ಚ ಓದಾತಞ್ಚ ಚೇತೇತಿ ಉಪಕ್ಕಮತಿ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ…ಪೇ॰… ಪೀತಕಞ್ಚ ಲೋಹಿತಕಞ್ಚ ಸಪ್ಪಿವಣ್ಣಞ್ಚ…ಪೇ॰… ಪೀತಕಞ್ಚ ಲೋಹಿತಕಞ್ಚ ನೀಲಞ್ಚ ಚೇತೇತಿ ಉಪಕ್ಕಮತಿ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
Pītakañca lohitakañca odātañca ceteti upakkamati muccati, āpatti saṅghādisesassa…pe… pītakañca lohitakañca sappivaṇṇañca…pe… pītakañca lohitakañca nīlañca ceteti upakkamati muccati, āpatti saṅghādisesassa.
ದುಮೂಲಕಸ್ಸ ಬದ್ಧಚಕ್ಕಂ ಸಂಖಿತ್ತಂ।
Dumūlakassa baddhacakkaṃ saṃkhittaṃ.
ದಧಿವಣ್ಣಞ್ಚ ಸಪ್ಪಿವಣ್ಣಞ್ಚ ನೀಲಞ್ಚ ಚೇತೇತಿ ಉಪಕ್ಕಮತಿ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ…ಪೇ॰… ದಧಿವಣ್ಣಞ್ಚ ಸಪ್ಪಿವಣ್ಣಞ್ಚ ಖೀರವಣ್ಣಞ್ಚ ಚೇತೇತಿ ಉಪಕ್ಕಮತಿ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
Dadhivaṇṇañca sappivaṇṇañca nīlañca ceteti upakkamati muccati, āpatti saṅghādisesassa…pe… dadhivaṇṇañca sappivaṇṇañca khīravaṇṇañca ceteti upakkamati muccati, āpatti saṅghādisesassa.
ದುಮೂಲಕಂ ನಿಟ್ಠಿತಂ।
Dumūlakaṃ niṭṭhitaṃ.
ತಿಮೂಲಕಮ್ಪಿ ಚತುಮೂಲಕಮ್ಪಿ ಪಞ್ಚಮೂಲಕಮ್ಪಿ ಛಮೂಲಕಮ್ಪಿ ಸತ್ತಮೂಲಕಮ್ಪಿ ಅಟ್ಠಮೂಲಕಮ್ಪಿ ನವಮೂಲಕಮ್ಪಿ ಏವಮೇವ ವಿತ್ಥಾರೇತಬ್ಬಂ।
Timūlakampi catumūlakampi pañcamūlakampi chamūlakampi sattamūlakampi aṭṭhamūlakampi navamūlakampi evameva vitthāretabbaṃ.
ಇದಂ ಸಬ್ಬಮೂಲಕಂ।
Idaṃ sabbamūlakaṃ.
೨೪೭. ನೀಲಞ್ಚ ಪೀತಕಞ್ಚ ಲೋಹಿತಕಞ್ಚ ಓದಾತಞ್ಚ ತಕ್ಕವಣ್ಣಞ್ಚ ದಕವಣ್ಣಞ್ಚ ತೇಲವಣ್ಣಞ್ಚ ಖೀರವಣ್ಣಞ್ಚ ದಧಿವಣ್ಣಞ್ಚ ಸಪ್ಪಿವಣ್ಣಞ್ಚ ಚೇತೇತಿ ಉಪಕ್ಕಮತಿ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
247. Nīlañca pītakañca lohitakañca odātañca takkavaṇṇañca dakavaṇṇañca telavaṇṇañca khīravaṇṇañca dadhivaṇṇañca sappivaṇṇañca ceteti upakkamati muccati, āpatti saṅghādisesassa.
ಸಬ್ಬಮೂಲಕಂ ನಿಟ್ಠಿತಂ।
Sabbamūlakaṃ niṭṭhitaṃ.
೨೪೮. ಆರೋಗ್ಯತ್ಥಞ್ಚ ನೀಲಞ್ಚ 5 ಚೇತೇತಿ ಉಪಕ್ಕಮತಿ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
248. Ārogyatthañca nīlañca 6 ceteti upakkamati muccati, āpatti saṅghādisesassa.
ಆರೋಗ್ಯತ್ಥಞ್ಚ ಸುಖತ್ಥಞ್ಚ ನೀಲಞ್ಚ ಪೀತಕಞ್ಚ ಚೇತೇತಿ ಉಪಕ್ಕಮತಿ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
Ārogyatthañca sukhatthañca nīlañca pītakañca ceteti upakkamati muccati, āpatti saṅghādisesassa.
ಆರೋಗ್ಯತ್ಥಞ್ಚ ಸುಖತ್ಥಞ್ಚ ಭೇಸಜ್ಜತ್ಥಞ್ಚ ನೀಲಞ್ಚ ಪೀತಕಞ್ಚ ಲೋಹಿತಕಞ್ಚ ಚೇತೇತಿ ಉಪಕ್ಕಮತಿ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
Ārogyatthañca sukhatthañca bhesajjatthañca nīlañca pītakañca lohitakañca ceteti upakkamati muccati, āpatti saṅghādisesassa.
ಉಭತೋ ವಡ್ಢಕಂ ಏವಮೇವ ವಡ್ಢೇತಬ್ಬಂ।
Ubhato vaḍḍhakaṃ evameva vaḍḍhetabbaṃ.
ಆರೋಗ್ಯತ್ಥಞ್ಚ ಸುಖತ್ಥಞ್ಚ ಭೇಸಜ್ಜತ್ಥಞ್ಚ ದಾನತ್ಥಞ್ಚ ಪುಞ್ಞತ್ಥಞ್ಚ ಯಞ್ಞತ್ಥಞ್ಚ ಸಗ್ಗತ್ಥಞ್ಚ ಬೀಜತ್ಥಞ್ಚ ವೀಮಂಸತ್ಥಞ್ಚ ದವತ್ಥಞ್ಚ ನೀಲಞ್ಚ ಪೀತಕಞ್ಚ ಲೋಹಿತಕಞ್ಚ ಓದಾತಞ್ಚ ತಕ್ಕವಣ್ಣಞ್ಚ ದಕವಣ್ಣಞ್ಚ ತೇಲವಣ್ಣಞ್ಚ ಖೀರವಣ್ಣಞ್ಚ ದಧಿವಣ್ಣಞ್ಚ ಸಪ್ಪಿವಣ್ಣಞ್ಚ ಚೇತೇತಿ ಉಪಕ್ಕಮತಿ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
Ārogyatthañca sukhatthañca bhesajjatthañca dānatthañca puññatthañca yaññatthañca saggatthañca bījatthañca vīmaṃsatthañca davatthañca nīlañca pītakañca lohitakañca odātañca takkavaṇṇañca dakavaṇṇañca telavaṇṇañca khīravaṇṇañca dadhivaṇṇañca sappivaṇṇañca ceteti upakkamati muccati, āpatti saṅghādisesassa.
ಮಿಸ್ಸಕಚಕ್ಕಂ ನಿಟ್ಠಿತಂ।
Missakacakkaṃ niṭṭhitaṃ.
೨೪೯. ನೀಲಂ ಮೋಚೇಸ್ಸಾಮೀತಿ ಚೇತೇತಿ ಉಪಕ್ಕಮತಿ ಪೀತಕಂ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
249. Nīlaṃ mocessāmīti ceteti upakkamati pītakaṃ muccati, āpatti saṅghādisesassa.
ನೀಲಂ ಮೋಚೇಸ್ಸಾಮೀತಿ ಚೇತೇತಿ ಉಪಕ್ಕಮತಿ ಲೋಹಿತಕಂ…ಪೇ॰… ಓದಾತಂ … ತಕ್ಕವಣ್ಣಂ… ದಕವಣ್ಣಂ… ತೇಲವಣ್ಣಂ… ಖೀರವಣ್ಣಂ… ದಧಿವಣ್ಣಂ… ಸಪ್ಪಿವಣ್ಣಂ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
Nīlaṃ mocessāmīti ceteti upakkamati lohitakaṃ…pe… odātaṃ … takkavaṇṇaṃ… dakavaṇṇaṃ… telavaṇṇaṃ… khīravaṇṇaṃ… dadhivaṇṇaṃ… sappivaṇṇaṃ muccati, āpatti saṅghādisesassa.
ಖಣ್ಡಚಕ್ಕಂ ನಿಟ್ಠಿತಂ।
Khaṇḍacakkaṃ niṭṭhitaṃ.
೨೫೦. ಪೀತಕಂ ಮೋಚೇಸ್ಸಾಮೀತಿ ಚೇತೇತಿ ಉಪಕ್ಕಮತಿ ಲೋಹಿತಕಂ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
250. Pītakaṃ mocessāmīti ceteti upakkamati lohitakaṃ muccati, āpatti saṅghādisesassa.
ಪೀತಕಂ ಮೋಚೇಸ್ಸಾಮೀತಿ ಚೇತೇತಿ ಉಪಕ್ಕಮತಿ ಓದಾತಂ…ಪೇ॰… ತಕ್ಕವಣ್ಣಂ… ದಕವಣ್ಣಂ… ತೇಲವಣ್ಣಂ… ಖೀರವಣ್ಣಂ… ದಧಿವಣ್ಣಂ… ಸಪ್ಪಿವಣ್ಣಂ… ನೀಲಂ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
Pītakaṃ mocessāmīti ceteti upakkamati odātaṃ…pe… takkavaṇṇaṃ… dakavaṇṇaṃ… telavaṇṇaṃ… khīravaṇṇaṃ… dadhivaṇṇaṃ… sappivaṇṇaṃ… nīlaṃ muccati, āpatti saṅghādisesassa.
ಬದ್ಧಚಕ್ಕಮೂಲಂ ಸಂಖಿತ್ತಂ।
Baddhacakkamūlaṃ saṃkhittaṃ.
೨೫೧. ಸಪ್ಪಿವಣ್ಣಂ ಮೋಚೇಸ್ಸಾಮೀತಿ ಚೇತೇತಿ ಉಪಕ್ಕಮತಿ ನೀಲಂ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
251. Sappivaṇṇaṃ mocessāmīti ceteti upakkamati nīlaṃ muccati, āpatti saṅghādisesassa.
ಸಪ್ಪಿವಣ್ಣಂ ಮೋಚೇಸ್ಸಾಮೀತಿ ಚೇತೇತಿ ಉಪಕ್ಕಮತಿ ಪೀತಕಂ…ಪೇ॰… ಲೋಹಿತಕಂ… ಓದಾತಂ … ತಕ್ಕವಣ್ಣಂ… ದಕವಣ್ಣಂ… ತೇಲವಣ್ಣಂ… ಖೀರವಣ್ಣಂ… ದಧಿವಣ್ಣಂ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
Sappivaṇṇaṃ mocessāmīti ceteti upakkamati pītakaṃ…pe… lohitakaṃ… odātaṃ … takkavaṇṇaṃ… dakavaṇṇaṃ… telavaṇṇaṃ… khīravaṇṇaṃ… dadhivaṇṇaṃ muccati, āpatti saṅghādisesassa.
ಕುಚ್ಛಿಚಕ್ಕಂ ನಿಟ್ಠಿತಂ।
Kucchicakkaṃ niṭṭhitaṃ.
೨೫೨. ಪೀತಕಂ ಮೋಚೇಸ್ಸಾಮೀತಿ ಚೇತೇತಿ ಉಪಕ್ಕಮತಿ ನೀಲಂ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
252. Pītakaṃ mocessāmīti ceteti upakkamati nīlaṃ muccati, āpatti saṅghādisesassa.
ಲೋಹಿತಕಂ…ಪೇ॰… ಓದಾತಂ… ತಕ್ಕವಣ್ಣಂ… ದಕವಣ್ಣಂ… ತೇಲವಣ್ಣಂ… ಖೀರವಣ್ಣಂ… ದಧಿವಣ್ಣಂ… ಸಪ್ಪಿವಣ್ಣಂ ಮೋಚೇಸ್ಸಾಮೀತಿ ಚೇತೇತಿ ಉಪಕ್ಕಮತಿ ನೀಲಂ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
Lohitakaṃ…pe… odātaṃ… takkavaṇṇaṃ… dakavaṇṇaṃ… telavaṇṇaṃ… khīravaṇṇaṃ… dadhivaṇṇaṃ… sappivaṇṇaṃ mocessāmīti ceteti upakkamati nīlaṃ muccati, āpatti saṅghādisesassa.
ಪಿಟ್ಠಿಚಕ್ಕಸ್ಸ ಪಠಮಂ ಗಮನಂ ನಿಟ್ಠಿತಂ।
Piṭṭhicakkassa paṭhamaṃ gamanaṃ niṭṭhitaṃ.
೨೫೩. ಲೋಹಿತಕಂ ಮೋಚೇಸ್ಸಾಮೀತಿ ಚೇತೇತಿ ಉಪಕ್ಕಮತಿ ಪೀತಕಂ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
253. Lohitakaṃ mocessāmīti ceteti upakkamati pītakaṃ muccati, āpatti saṅghādisesassa.
ಓದಾತಂ…ಪೇ॰… ತಕ್ಕವಣ್ಣಂ… ದಕವಣ್ಣಂ… ತೇಲವಣ್ಣಂ… ಖೀರವಣ್ಣಂ
Odātaṃ…pe… takkavaṇṇaṃ… dakavaṇṇaṃ… telavaṇṇaṃ… khīravaṇṇaṃ
… ದಧಿವಣ್ಣಂ… ಸಪ್ಪಿವಣ್ಣಂ… ನೀಲಂ ಮೋಚೇಸ್ಸಾಮೀತಿ ಚೇತೇತಿ ಉಪಕ್ಕಮತಿ ಪೀತಕಂ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
… Dadhivaṇṇaṃ… sappivaṇṇaṃ… nīlaṃ mocessāmīti ceteti upakkamati pītakaṃ muccati, āpatti saṅghādisesassa.
ಪಿಟ್ಠಿಚಕ್ಕಸ್ಸ ದುತಿಯಂ ಗಮನಂ ನಿಟ್ಠಿತಂ।
Piṭṭhicakkassa dutiyaṃ gamanaṃ niṭṭhitaṃ.
೨೫೪. ಓದಾತಂ ಮೋಚೇಸ್ಸಾಮೀತಿ ಚೇತೇತಿ ಉಪಕ್ಕಮತಿ ಲೋಹಿತಕಂ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
254. Odātaṃ mocessāmīti ceteti upakkamati lohitakaṃ muccati, āpatti saṅghādisesassa.
ತಕ್ಕವಣ್ಣಂ…ಪೇ॰… ದಕವಣ್ಣಂ… ತೇಲವಣ್ಣಂ… ಖೀರವಣ್ಣಂ… ದಧಿವಣ್ಣಂ…
Takkavaṇṇaṃ…pe… dakavaṇṇaṃ… telavaṇṇaṃ… khīravaṇṇaṃ… dadhivaṇṇaṃ…
ಸಪ್ಪಿವಣ್ಣಂ… ನೀಲಂ … ಪೀತಕಂ ಮೋಚೇಸ್ಸಾಮೀತಿ ಚೇತೇತಿ ಉಪಕ್ಕಮತಿ ಲೋಹಿತಕಂ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
Sappivaṇṇaṃ… nīlaṃ … pītakaṃ mocessāmīti ceteti upakkamati lohitakaṃ muccati, āpatti saṅghādisesassa.
ಪಿಟ್ಠಿಚಕ್ಕಸ್ಸ ತತಿಯಂ ಗಮನಂ ನಿಟ್ಠಿತಂ।
Piṭṭhicakkassa tatiyaṃ gamanaṃ niṭṭhitaṃ.
೨೫೫. ತಕ್ಕವಣ್ಣಂ ಮೋಚೇಸ್ಸಾಮೀತಿ ಚೇತೇತಿ ಉಪಕ್ಕಮತಿ ಓದಾತಂ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
255. Takkavaṇṇaṃ mocessāmīti ceteti upakkamati odātaṃ muccati, āpatti saṅghādisesassa.
ದಕವಣ್ಣಂ…ಪೇ॰… ತೇಲವಣ್ಣಂ… ಖೀರವಣ್ಣಂ… ದಧಿವಣ್ಣಂ… ಸಪ್ಪಿವಣ್ಣಂ… ನೀಲಂ… ಪೀತಕಂ… ಲೋಹಿತಕಂ ಮೋಚೇಸ್ಸಾಮೀತಿ ಚೇತೇತಿ ಉಪಕ್ಕಮತಿ ಓದಾತಂ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
Dakavaṇṇaṃ…pe… telavaṇṇaṃ… khīravaṇṇaṃ… dadhivaṇṇaṃ… sappivaṇṇaṃ… nīlaṃ… pītakaṃ… lohitakaṃ mocessāmīti ceteti upakkamati odātaṃ muccati, āpatti saṅghādisesassa.
ಪಿಟ್ಠಿಚಕ್ಕಸ್ಸ ಚತುತ್ಥಂ ಗಮನಂ ನಿಟ್ಠಿತಂ।
Piṭṭhicakkassa catutthaṃ gamanaṃ niṭṭhitaṃ.
೨೫೬. ದಕವಣ್ಣಂ ಮೋಚೇಸ್ಸಾಮೀತಿ ಚೇತೇತಿ ಉಪಕ್ಕಮತಿ ತಕ್ಕವಣ್ಣಂ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
256. Dakavaṇṇaṃ mocessāmīti ceteti upakkamati takkavaṇṇaṃ muccati, āpatti saṅghādisesassa.
ತೇಲವಣ್ಣಂ …ಪೇ॰… ಖೀರವಣ್ಣಂ… ದಧಿವಣ್ಣಂ… ಸಪ್ಪಿವಣ್ಣಂ… ನೀಲ…
Telavaṇṇaṃ …pe… khīravaṇṇaṃ… dadhivaṇṇaṃ… sappivaṇṇaṃ… nīla…
ಪೀತಕಂ… ಲೋಹಿತಕಂ… ಓದಾತಂ ಮೋಚೇಸ್ಸಾಮೀತಿ ಚೇತೇತಿ ಉಪಕ್ಕಮತಿ ತಕ್ಕವಣ್ಣಂ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
Pītakaṃ… lohitakaṃ… odātaṃ mocessāmīti ceteti upakkamati takkavaṇṇaṃ muccati, āpatti saṅghādisesassa.
ಪಿಟ್ಠಿಚಕ್ಕಸ್ಸ ಪಞ್ಚಮಂ ಗಮನಂ ನಿಟ್ಠಿತಂ।
Piṭṭhicakkassa pañcamaṃ gamanaṃ niṭṭhitaṃ.
೨೫೭. ತೇಲವಣ್ಣಂ ಮೋಚೇಸ್ಸಾಮೀತಿ ಚೇತೇತಿ ಉಪಕ್ಕಮತಿ ದಕವಣ್ಣಂ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
257. Telavaṇṇaṃ mocessāmīti ceteti upakkamati dakavaṇṇaṃ muccati, āpatti saṅghādisesassa.
ಖೀರವಣ್ಣಂ…ಪೇ॰… ದಧಿವಣ್ಣಂ… ಸಪ್ಪಿವಣ್ಣಂ… ನೀಲಂ … ಪೀತಕಂ… ಲೋಹಿತಕಂ…
Khīravaṇṇaṃ…pe… dadhivaṇṇaṃ… sappivaṇṇaṃ… nīlaṃ … pītakaṃ… lohitakaṃ…
ಓದಾತಂ… ತಕ್ಕವಣ್ಣಂ ಮೋಚೇಸ್ಸಾಮೀತಿ ಚೇತೇತಿ ಉಪಕ್ಕಮತಿ ದಕವಣ್ಣಂ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
Odātaṃ… takkavaṇṇaṃ mocessāmīti ceteti upakkamati dakavaṇṇaṃ muccati, āpatti saṅghādisesassa.
ಪಿಟ್ಠಿಚಕ್ಕಸ್ಸ ಛಟ್ಠಂ ಗಮನಂ ನಿಟ್ಠಿತಂ।
Piṭṭhicakkassa chaṭṭhaṃ gamanaṃ niṭṭhitaṃ.
೨೫೮. ಖೀರವಣ್ಣಂ ಮೋಚೇಸ್ಸಾಮೀತಿ ಚೇತೇತಿ ಉಪಕ್ಕಮತಿ ತೇಲವಣ್ಣಂ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
258. Khīravaṇṇaṃ mocessāmīti ceteti upakkamati telavaṇṇaṃ muccati, āpatti saṅghādisesassa.
ದಧಿವಣ್ಣಂ…ಪೇ॰… ಸಪ್ಪಿವಣ್ಣಂ… ನೀಲಂ… ಪೀತಕಂ… ಲೋಹಿತಕಂ… ಓದಾತಂ… ತಕ್ಕವಣ್ಣಂ… ದಕವಣ್ಣಂ ಮೋಚೇಸ್ಸಾಮೀತಿ ಚೇತೇತಿ ಉಪಕ್ಕಮತಿ ತೇಲವಣ್ಣಂ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
Dadhivaṇṇaṃ…pe… sappivaṇṇaṃ… nīlaṃ… pītakaṃ… lohitakaṃ… odātaṃ… takkavaṇṇaṃ… dakavaṇṇaṃ mocessāmīti ceteti upakkamati telavaṇṇaṃ muccati, āpatti saṅghādisesassa.
ಪಿಟ್ಠಿಚಕ್ಕಸ್ಸ ಸತ್ತಮಂ ಗಮನಂ ನಿಟ್ಠಿತಂ।
Piṭṭhicakkassa sattamaṃ gamanaṃ niṭṭhitaṃ.
೨೫೯. ದಧಿವಣ್ಣಂ ಮೋಚೇಸ್ಸಾಮೀತಿ ಚೇತೇತಿ ಉಪಕ್ಕಮತಿ ಖೀರವಣ್ಣಂ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
259. Dadhivaṇṇaṃ mocessāmīti ceteti upakkamati khīravaṇṇaṃ muccati, āpatti saṅghādisesassa.
ಸಪ್ಪಿವಣ್ಣಂ…ಪೇ॰… ನೀಲಂ… ಪೀತಕಂ… ಲೋಹಿತಕಂ… ಓದಾತಂ… ತಕ್ಕವಣ್ಣಂ… ದಕವಣ್ಣಂ… ತೇಲವಣ್ಣಂ ಮೋಚೇಸ್ಸಾಮೀತಿ ಚೇತೇತಿ ಉಪಕ್ಕಮತಿ ಖೀರವಣ್ಣಂ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
Sappivaṇṇaṃ…pe… nīlaṃ… pītakaṃ… lohitakaṃ… odātaṃ… takkavaṇṇaṃ… dakavaṇṇaṃ… telavaṇṇaṃ mocessāmīti ceteti upakkamati khīravaṇṇaṃ muccati, āpatti saṅghādisesassa.
ಪಿಟ್ಠಿಚಕ್ಕಸ್ಸ ಅಟ್ಠಮಂ ಗಮನಂ ನಿಟ್ಠಿತಂ।
Piṭṭhicakkassa aṭṭhamaṃ gamanaṃ niṭṭhitaṃ.
೨೬೦. ಸಪ್ಪಿವಣ್ಣಂ ಮೋಚೇಸ್ಸಾಮೀತಿ ಚೇತೇತಿ ಉಪಕ್ಕಮತಿ ದಧಿವಣ್ಣಂ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
260. Sappivaṇṇaṃ mocessāmīti ceteti upakkamati dadhivaṇṇaṃ muccati, āpatti saṅghādisesassa.
ನೀಲಂ…ಪೇ॰… ಪೀತಕಂ… ಲೋಹಿತಕಂ… ಓದಾತಂ… ತಕ್ಕವಣ್ಣಂ… ದಕವಣ್ಣಂ… ತೇಲವಣ್ಣಂ… ಖೀರವಣ್ಣಂ ಮೋಚೇಸ್ಸಾಮೀತಿ ಚೇತೇತಿ ಉಪಕ್ಕಮತಿ ದಧಿವಣ್ಣಂ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
Nīlaṃ…pe… pītakaṃ… lohitakaṃ… odātaṃ… takkavaṇṇaṃ… dakavaṇṇaṃ… telavaṇṇaṃ… khīravaṇṇaṃ mocessāmīti ceteti upakkamati dadhivaṇṇaṃ muccati, āpatti saṅghādisesassa.
ಪಿಟ್ಠಿಚಕ್ಕಸ್ಸ ನವಮಂ ಗಮನಂ ನಿಟ್ಠಿತಂ।
Piṭṭhicakkassa navamaṃ gamanaṃ niṭṭhitaṃ.
೨೬೧. ನೀಲಂ ಮೋಚೇಸ್ಸಾಮೀತಿ ಚೇತೇತಿ ಉಪಕ್ಕಮತಿ ಸಪ್ಪಿವಣ್ಣಂ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
261. Nīlaṃ mocessāmīti ceteti upakkamati sappivaṇṇaṃ muccati, āpatti saṅghādisesassa.
ಪೀತಕಂ …ಪೇ॰… ಲೋಹಿತಕಂ… ಓದಾತಂ… ತಕ್ಕವಣ್ಣಂ… ದಕವಣ್ಣಂ … ತೇಲವಣ್ಣಂ… ಖೀರವಣ್ಣಂ… ದಧಿವಣ್ಣಂ ಮೋಚೇಸ್ಸಾಮೀತಿ ಚೇತೇತಿ ಉಪಕ್ಕಮತಿ ಸಪ್ಪಿವಣ್ಣಂ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
Pītakaṃ …pe… lohitakaṃ… odātaṃ… takkavaṇṇaṃ… dakavaṇṇaṃ … telavaṇṇaṃ… khīravaṇṇaṃ… dadhivaṇṇaṃ mocessāmīti ceteti upakkamati sappivaṇṇaṃ muccati, āpatti saṅghādisesassa.
ಪಿಟ್ಠಿಚಕ್ಕಸ್ಸ ದಸಮಂ ಗಮನಂ ನಿಟ್ಠಿತಂ।
Piṭṭhicakkassa dasamaṃ gamanaṃ niṭṭhitaṃ.
ಪಿಟ್ಠಿಚಕ್ಕಂ ನಿಟ್ಠಿತಂ।
Piṭṭhicakkaṃ niṭṭhitaṃ.
೨೬೨. ಚೇತೇತಿ ಉಪಕ್ಕಮತಿ ಮುಚ್ಚತಿ, ಆಪತ್ತಿ ಸಙ್ಘಾದಿಸೇಸಸ್ಸ।
262. Ceteti upakkamati muccati, āpatti saṅghādisesassa.
ಚೇತೇತಿ ಉಪಕ್ಕಮತಿ ನ ಮುಚ್ಚತಿ, ಆಪತ್ತಿ ಥುಲ್ಲಚ್ಚಯಸ್ಸ।
Ceteti upakkamati na muccati, āpatti thullaccayassa.
ಚೇತೇತಿ ನ ಉಪಕ್ಕಮತಿ ಮುಚ್ಚತಿ, ಅನಾಪತ್ತಿ।
Ceteti na upakkamati muccati, anāpatti.
ಚೇತೇತಿ ನ ಉಪಕ್ಕಮತಿ ನ ಮುಚ್ಚತಿ, ಅನಾಪತ್ತಿ।
Ceteti na upakkamati na muccati, anāpatti.
ನ ಚೇತೇತಿ ಉಪಕ್ಕಮತಿ ಮುಚ್ಚತಿ, ಅನಾಪತ್ತಿ।
Na ceteti upakkamati muccati, anāpatti.
ನ ಚೇತೇತಿ ಉಪಕ್ಕಮತಿ ನ ಮುಚ್ಚತಿ, ಅನಾಪತ್ತಿ।
Na ceteti upakkamati na muccati, anāpatti.
ನ ಚೇತೇತಿ ನ ಉಪಕ್ಕಮತಿ ಮುಚ್ಚತಿ, ಅನಾಪತ್ತಿ।
Na ceteti na upakkamati muccati, anāpatti.
ನ ಚೇತೇತಿ ನ ಉಪಕ್ಕಮತಿ ನ ಮುಚ್ಚತಿ, ಅನಾಪತ್ತಿ।
Na ceteti na upakkamati na muccati, anāpatti.
ಅನಾಪತ್ತಿ ಸುಪಿನನ್ತೇನ, ನಮೋಚನಾಧಿಪ್ಪಾಯಸ್ಸ, ಉಮ್ಮತ್ತಕಸ್ಸ, ಖಿತ್ತಚಿತ್ತಸ್ಸ, ವೇದನಾಟ್ಟಸ್ಸ, ಆದಿಕಮ್ಮಿಕಸ್ಸಾತಿ।
Anāpatti supinantena, namocanādhippāyassa, ummattakassa, khittacittassa, vedanāṭṭassa, ādikammikassāti.
ವಿನೀತವತ್ಥುಉದ್ದಾನಗಾಥಾ
Vinītavatthuuddānagāthā
ಸುಪಿನೋಚ್ಚಾರಪಸ್ಸಾವೋ , ವಿತಕ್ಕುಣ್ಹೋದಕೇನ ಚ।
Supinoccārapassāvo , vitakkuṇhodakena ca;
ಭೇಸಜ್ಜಂ ಕಣ್ಡುವಂ ಮಗ್ಗೋ, ವತ್ಥಿ ಜನ್ತಾಘರುಪಕ್ಕಮೋ 7॥
Bhesajjaṃ kaṇḍuvaṃ maggo, vatthi jantāgharupakkamo 8.
ಸಾಮಣೇರೋ ಚ ಸುತ್ತೋ ಚ, ಊರು ಮುಟ್ಠಿನಾ ಪೀಳಯಿ।
Sāmaṇero ca sutto ca, ūru muṭṭhinā pīḷayi;
ಆಕಾಸೇ ಥಮ್ಭಂ ನಿಜ್ಝಾಯಿ, ಛಿದ್ದಂ ಕಟ್ಠೇನ ಘಟ್ಟಯಿ॥
Ākāse thambhaṃ nijjhāyi, chiddaṃ kaṭṭhena ghaṭṭayi.
ಸೋತೋ ಉದಞ್ಜಲಂ ಧಾವಂ, ಪುಪ್ಫಾವಲಿಯಂ ಪೋಕ್ಖರಂ।
Soto udañjalaṃ dhāvaṃ, pupphāvaliyaṃ pokkharaṃ;
ವಿನೀತವತ್ಥು
Vinītavatthu
೨೬೩. ತೇನ ಖೋ ಪನ ಸಮಯೇನ ಅಞ್ಞತರಸ್ಸ ಭಿಕ್ಖುನೋ ಸುಪಿನನ್ತೇನ ಅಸುಚಿ ಮುಚ್ಚಿ। ತಸ್ಸ ಕುಕ್ಕುಚ್ಚಂ ಅಹೋಸಿ – ‘‘ಭಗವತಾ ಸಿಕ್ಖಾಪದಂ ಪಞ್ಞತ್ತಂ, ಕಚ್ಚಿ ನು ಖೋ ಅಹಂ ಸಙ್ಘಾದಿಸೇಸಂ ಆಪತ್ತಿಂ ಆಪನ್ನೋ’’ತಿ? ಭಗವತೋ ಏತಮತ್ಥಂ ಆರೋಚೇಸಿ। ‘‘ಅನಾಪತ್ತಿ, ಭಿಕ್ಖು, ಸುಪಿನನ್ತೇನಾ’’ತಿ।
263. Tena kho pana samayena aññatarassa bhikkhuno supinantena asuci mucci. Tassa kukkuccaṃ ahosi – ‘‘bhagavatā sikkhāpadaṃ paññattaṃ, kacci nu kho ahaṃ saṅghādisesaṃ āpattiṃ āpanno’’ti? Bhagavato etamatthaṃ ārocesi. ‘‘Anāpatti, bhikkhu, supinantenā’’ti.
ತೇನ ಖೋ ಪನ ಸಮಯೇನ ಅಞ್ಞತರಸ್ಸ ಭಿಕ್ಖುನೋ ಉಚ್ಚಾರಂ ಕರೋನ್ತಸ್ಸ ಅಸುಚಿ ಮುಚ್ಚಿ। ತಸ್ಸ ಕುಕ್ಕುಚ್ಚಂ ಅಹೋಸಿ…ಪೇ॰… ‘‘ಕಿಂಚಿತ್ತೋ ತ್ವಂ, ಭಿಕ್ಖೂ’’ತಿ? ‘‘ನಾಹಂ, ಭಗವಾ, ಮೋಚನಾಧಿಪ್ಪಾಯೋ’’ತಿ। ‘‘ಅನಾಪತ್ತಿ, ಭಿಕ್ಖು, ನಮೋಚನಾಧಿಪ್ಪಾಯಸ್ಸಾ’’ತಿ।
Tena kho pana samayena aññatarassa bhikkhuno uccāraṃ karontassa asuci mucci. Tassa kukkuccaṃ ahosi…pe… ‘‘kiṃcitto tvaṃ, bhikkhū’’ti? ‘‘Nāhaṃ, bhagavā, mocanādhippāyo’’ti. ‘‘Anāpatti, bhikkhu, namocanādhippāyassā’’ti.
ತೇನ ಖೋ ಪನ ಸಮಯೇನ ಅಞ್ಞತರಸ್ಸ ಭಿಕ್ಖುನೋ ಪಸ್ಸಾವಂ ಕರೋನ್ತಸ್ಸ ಅಸುಚಿ ಮುಚ್ಚಿ। ತಸ್ಸ ಕುಕ್ಕುಚ್ಚಂ ಅಹೋಸಿ…ಪೇ॰… ‘‘ಅನಾಪತ್ತಿ, ಭಿಕ್ಖು, ನಮೋಚನಾಧಿಪ್ಪಾಯಸ್ಸಾ’’ತಿ।
Tena kho pana samayena aññatarassa bhikkhuno passāvaṃ karontassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
ತೇನ ಖೋ ಪನ ಸಮಯೇನ ಅಞ್ಞತರಸ್ಸ ಭಿಕ್ಖುನೋ ಕಾಮವಿತಕ್ಕಂ ವಿತಕ್ಕೇನ್ತಸ್ಸ ಅಸುಚಿ ಮುಚ್ಚಿ। ತಸ್ಸ ಕುಕ್ಕುಚ್ಚಂ ಅಹೋಸಿ…ಪೇ॰… ‘‘ಅನಾಪತ್ತಿ, ಭಿಕ್ಖು, ವಿತಕ್ಕೇನ್ತಸ್ಸಾ’’ತಿ।
Tena kho pana samayena aññatarassa bhikkhuno kāmavitakkaṃ vitakkentassa asuci mucci. Tassa kukkuccaṃ ahosi…pe… ‘‘anāpatti, bhikkhu, vitakkentassā’’ti.
ತೇನ ಖೋ ಪನ ಸಮಯೇನ ಅಞ್ಞತರಸ್ಸ ಭಿಕ್ಖುನೋ ಉಣ್ಹೋದಕೇನ ನ್ಹಾಯನ್ತಸ್ಸ ಅಸುಚಿ ಮುಚ್ಚಿ। ತಸ್ಸ ಕುಕ್ಕುಚ್ಚಂ ಅಹೋಸಿ…ಪೇ॰… ‘‘ಕಿಂಚಿತ್ತೋ ತ್ವಂ, ಭಿಕ್ಖೂ’’ತಿ? ‘‘ನಾಹಂ, ಭಗವಾ, ಮೋಚನಾಧಿಪ್ಪಾಯೋ’’ತಿ। ‘‘ಅನಾಪತ್ತಿ, ಭಿಕ್ಖು, ನಮೋಚನಾಧಿಪ್ಪಾಯಸ್ಸಾ’’ತಿ।
Tena kho pana samayena aññatarassa bhikkhuno uṇhodakena nhāyantassa asuci mucci. Tassa kukkuccaṃ ahosi…pe… ‘‘kiṃcitto tvaṃ, bhikkhū’’ti? ‘‘Nāhaṃ, bhagavā, mocanādhippāyo’’ti. ‘‘Anāpatti, bhikkhu, namocanādhippāyassā’’ti.
ತೇನ ಖೋ ಪನ ಸಮಯೇನ ಅಞ್ಞತರಸ್ಸ ಭಿಕ್ಖುನೋ ಮೋಚನಾಧಿಪ್ಪಾಯಸ್ಸ ಉಣ್ಹೋದಕೇನ ನ್ಹಾಯನ್ತಸ್ಸ ಅಸುಚಿ ಮುಚ್ಚಿ। ತಸ್ಸ ಕುಕ್ಕುಚ್ಚಂ ಅಹೋಸಿ…ಪೇ॰… ‘‘ಆಪತ್ತಿಂ ತ್ವಂ, ಭಿಕ್ಖು, ಆಪನ್ನೋ ಸಙ್ಘಾದಿಸೇಸ’’ನ್ತಿ।
Tena kho pana samayena aññatarassa bhikkhuno mocanādhippāyassa uṇhodakena nhāyantassa asuci mucci. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno saṅghādisesa’’nti.
ತೇನ ಖೋ ಪನ ಸಮಯೇನ ಅಞ್ಞತರಸ್ಸ ಭಿಕ್ಖುನೋ ಮೋಚನಾಧಿಪ್ಪಾಯಸ್ಸ ಉಣ್ಹೋದಕೇನ ನ್ಹಾಯನ್ತಸ್ಸ ಅಸುಚಿ ನ ಮುಚ್ಚಿ। ತಸ್ಸ ಕುಕ್ಕುಚ್ಚಂ ಅಹೋಸಿ…ಪೇ॰… ‘‘ಅನಾಪತ್ತಿ, ಭಿಕ್ಖು, ಸಙ್ಘಾದಿಸೇಸಸ್ಸ; ಆಪತ್ತಿ ಥುಲ್ಲಚ್ಚಯಸ್ಸಾ’’ತಿ।
Tena kho pana samayena aññatarassa bhikkhuno mocanādhippāyassa uṇhodakena nhāyantassa asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
ತೇನ ಖೋ ಪನ ಸಮಯೇನ ಅಞ್ಞತರಸ್ಸ ಭಿಕ್ಖುನೋ ಅಙ್ಗಜಾತೇ ವಣೋ ಹೋತಿ। ಭೇಸಜ್ಜೇನ 11 ಆಲಿಮ್ಪೇನ್ತಸ್ಸ ಅಸುಚಿ ಮುಚ್ಚಿ। ತಸ್ಸ ಕುಕ್ಕುಚ್ಚಂ ಅಹೋಸಿ…ಪೇ॰… ‘‘ಅನಾಪತ್ತಿ, ಭಿಕ್ಖು, ನಮೋಚನಾಧಿಪ್ಪಾಯಸ್ಸಾ’’ತಿ।
Tena kho pana samayena aññatarassa bhikkhuno aṅgajāte vaṇo hoti. Bhesajjena 12 ālimpentassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
ತೇನ ಖೋ ಪನ ಸಮಯೇನ ಅಞ್ಞತರಸ್ಸ ಭಿಕ್ಖುನೋ ಅಙ್ಗಜಾತೇ ವಣೋ ಹೋತಿ। ಮೋಚನಾಧಿಪ್ಪಾಯಸ್ಸ 13 ಭೇಸಜ್ಜೇನ ಆಲಿಮ್ಪೇನ್ತಸ್ಸ ಅಸುಚಿ ಮುಚ್ಚಿ…ಪೇ॰… ಅಸುಚಿ ನ ಮುಚ್ಚಿ। ತಸ್ಸ ಕುಕ್ಕುಚ್ಚಂ ಅಹೋಸಿ…ಪೇ॰… ‘‘ಅನಾಪತ್ತಿ, ಭಿಕ್ಖು, ಸಙ್ಘಾದಿಸೇಸಸ್ಸ; ಆಪತ್ತಿ ಥುಲ್ಲಚ್ಚಯಸ್ಸಾ’’ತಿ।
Tena kho pana samayena aññatarassa bhikkhuno aṅgajāte vaṇo hoti. Mocanādhippāyassa 14 bhesajjena ālimpentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
ತೇನ ಖೋ ಪನ ಸಮಯೇನ ಅಞ್ಞತರಸ್ಸ ಭಿಕ್ಖುನೋ ಅಣ್ಡಂ ಕಣ್ಡುವನ್ತಸ್ಸ ಅಸುಚಿ ಮುಚ್ಚಿ। ತಸ್ಸ ಕುಕ್ಕುಚ್ಚಂ ಅಹೋಸಿ…ಪೇ॰… ‘‘ಅನಾಪತ್ತಿ , ಭಿಕ್ಖು, ನಮೋಚನಾಧಿಪ್ಪಾಯಸ್ಸಾ’’ತಿ।
Tena kho pana samayena aññatarassa bhikkhuno aṇḍaṃ kaṇḍuvantassa asuci mucci. Tassa kukkuccaṃ ahosi…pe… ‘‘anāpatti , bhikkhu, namocanādhippāyassā’’ti.
ತೇನ ಖೋ ಪನ ಸಮಯೇನ ಅಞ್ಞತರಸ್ಸ ಭಿಕ್ಖುನೋ ಮೋಚನಾಧಿಪ್ಪಾಯಸ್ಸ ಅಣ್ಡಂ ಕಣ್ಡುವನ್ತಸ್ಸ 15 ಅಸುಚಿ ಮುಚ್ಚಿ…ಪೇ॰… ಅಸುಚಿ ನ ಮುಚ್ಚಿ। ತಸ್ಸ ಕುಕ್ಕುಚ್ಚಂ ಅಹೋಸಿ…ಪೇ॰… ‘‘ಅನಾಪತ್ತಿ, ಭಿಕ್ಖು, ಸಙ್ಘಾದಿಸೇಸಸ್ಸ; ಆಪತ್ತಿ ಥುಲ್ಲಚ್ಚಯಸ್ಸಾ’’ತಿ।
Tena kho pana samayena aññatarassa bhikkhuno mocanādhippāyassa aṇḍaṃ kaṇḍuvantassa 16 asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
೨೬೪. ತೇನ ಖೋ ಪನ ಸಮಯೇನ ಅಞ್ಞತರಸ್ಸ ಭಿಕ್ಖುನೋ ಮಗ್ಗಂ ಗಚ್ಛನ್ತಸ್ಸ ಅಸುಚಿ ಮುಚ್ಚಿ। ತಸ್ಸ ಕುಕ್ಕುಚ್ಚಂ ಅಹೋಸಿ…ಪೇ॰… ‘‘ಅನಾಪತ್ತಿ, ಭಿಕ್ಖು, ನಮೋಚನಾಧಿಪ್ಪಾಯಸ್ಸಾ’’ತಿ।
264. Tena kho pana samayena aññatarassa bhikkhuno maggaṃ gacchantassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
ತೇನ ಖೋ ಪನ ಸಮಯೇನ ಅಞ್ಞತರಸ್ಸ ಭಿಕ್ಖುನೋ ಮೋಚನಾಧಿಪ್ಪಾಯಸ್ಸ ಮಗ್ಗಂ ಗಚ್ಛನ್ತಸ್ಸ ಅಸುಚಿ ಮುಚ್ಚಿ…ಪೇ॰… ಅಸುಚಿ ನ ಮುಚ್ಚಿ। ತಸ್ಸ ಕುಕ್ಕುಚ್ಚಂ ಅಹೋಸಿ…ಪೇ॰… ‘‘ಅನಾಪತ್ತಿ, ಭಿಕ್ಖು, ಸಙ್ಘಾದಿಸೇಸಸ್ಸ; ಆಪತ್ತಿ ಥುಲ್ಲಚ್ಚಯಸ್ಸಾ’’ತಿ।
Tena kho pana samayena aññatarassa bhikkhuno mocanādhippāyassa maggaṃ gacchantassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
ತೇನ ಖೋ ಪನ ಸಮಯೇನ ಅಞ್ಞತರಸ್ಸ ಭಿಕ್ಖುನೋ ವತ್ಥಿಂ ಗಹೇತ್ವಾ ಪಸ್ಸಾವಂ ಕರೋನ್ತಸ್ಸ ಅಸುಚಿ ಮುಚ್ಚಿ। ತಸ್ಸ ಕುಕ್ಕುಚ್ಚಂ ಅಹೋಸಿ…ಪೇ॰… ‘‘ಅನಾಪತ್ತಿ, ಭಿಕ್ಖು, ನಮೋಚನಾಧಿಪ್ಪಾಯಸ್ಸಾ’’ತಿ।
Tena kho pana samayena aññatarassa bhikkhuno vatthiṃ gahetvā passāvaṃ karontassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
ತೇನ ಖೋ ಪನ ಸಮಯೇನ ಅಞ್ಞತರಸ್ಸ ಭಿಕ್ಖುನೋ ಮೋಚನಾಧಿಪ್ಪಾಯಸ್ಸ ವತ್ಥಿಂ ಗಹೇತ್ವಾ ಪಸ್ಸಾವಂ ಕರೋನ್ತಸ್ಸ ಅಸುಚಿ ಮುಚ್ಚಿ…ಪೇ॰… ಅಸುಚಿ ನ ಮುಚ್ಚಿ। ತಸ್ಸ ಕುಕ್ಕುಚ್ಚಂ ಅಹೋಸಿ…ಪೇ॰… ‘‘ಅನಾಪತ್ತಿ, ಭಿಕ್ಖು, ಸಙ್ಘಾದಿಸೇಸಸ್ಸ; ಆಪತ್ತಿ ಥುಲ್ಲಚ್ಚಯಸ್ಸಾ’’ತಿ।
Tena kho pana samayena aññatarassa bhikkhuno mocanādhippāyassa vatthiṃ gahetvā passāvaṃ karontassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
ತೇನ ಖೋ ಪನ ಸಮಯೇನ ಅಞ್ಞತರಸ್ಸ ಭಿಕ್ಖುನೋ ಜನ್ತಾಘರೇ ಉದರವಟ್ಟಿಂ ತಾಪೇನ್ತಸ್ಸ ಅಸುಚಿ ಮುಚ್ಚಿ। ತಸ್ಸ ಕುಕ್ಕುಚ್ಚಂ ಅಹೋಸಿ…ಪೇ॰… ‘‘ಅನಾಪತ್ತಿ, ಭಿಕ್ಖು, ನಮೋಚನಾಧಿಪ್ಪಾಯಸ್ಸಾ’’ತಿ।
Tena kho pana samayena aññatarassa bhikkhuno jantāghare udaravaṭṭiṃ tāpentassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
ತೇನ ಖೋ ಪನ ಸಮಯೇನ ಅಞ್ಞತರಸ್ಸ ಭಿಕ್ಖುನೋ ಮೋಚನಾಧಿಪ್ಪಾಯಸ್ಸ ಜನ್ತಾಘರೇ ಉದರವಟ್ಟಿಂ ತಾಪೇನ್ತಸ್ಸ ಅಸುಚಿ ಮುಚ್ಚಿ…ಪೇ॰… ಅಸುಚಿ ನ ಮುಚ್ಚಿ। ತಸ್ಸ ಕುಕ್ಕುಚ್ಚಂ ಅಹೋಸಿ…ಪೇ॰… ‘‘ಅನಾಪತ್ತಿ, ಭಿಕ್ಖು, ಸಙ್ಘಾದಿಸೇಸಸ್ಸ; ಆಪತ್ತಿ ಥುಲ್ಲಚ್ಚಯಸ್ಸಾ’’ತಿ।
Tena kho pana samayena aññatarassa bhikkhuno mocanādhippāyassa jantāghare udaravaṭṭiṃ tāpentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
ತೇನ ಖೋ ಪನ ಸಮಯೇನ ಅಞ್ಞತರಸ್ಸ ಭಿಕ್ಖುನೋ ಜನ್ತಾಘರೇ ಉಪಜ್ಝಾಯಸ್ಸ ಪಿಟ್ಠಿಪರಿಕಮ್ಮಂ ಕರೋನ್ತಸ್ಸ ಅಸುಚಿ ಮುಚ್ಚಿ। ತಸ್ಸ ಕುಕ್ಕುಚ್ಚಂ ಅಹೋಸಿ…ಪೇ॰… ‘‘ಅನಾಪತ್ತಿ, ಭಿಕ್ಖು, ನಮೋಚನಾಧಿಪ್ಪಾಯಸ್ಸಾ’’ತಿ।
Tena kho pana samayena aññatarassa bhikkhuno jantāghare upajjhāyassa piṭṭhiparikammaṃ karontassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
ತೇನ ಖೋ ಪನ ಸಮಯೇನ ಅಞ್ಞತರಸ್ಸ ಭಿಕ್ಖುನೋ ಮೋಚನಾಧಿಪ್ಪಾಯಸ್ಸ ಜನ್ತಾಘರೇ ಉಪಜ್ಝಾಯಸ್ಸ ಪಿಟ್ಠಿಪರಿಕಮ್ಮಂ ಕರೋನ್ತಸ್ಸ ಅಸುಚಿ ಮುಚ್ಚಿ…ಪೇ॰… ಅಸುಚಿ ನ ಮುಚ್ಚಿ। ತಸ್ಸ ಕುಕ್ಕುಚ್ಚಂ ಅಹೋಸಿ…ಪೇ॰… ‘‘ಅನಾಪತ್ತಿ, ಭಿಕ್ಖು, ಸಙ್ಘಾದಿಸೇಸಸ್ಸ; ಆಪತ್ತಿ ಥುಲ್ಲಚ್ಚಯಸ್ಸಾ’’ತಿ।
Tena kho pana samayena aññatarassa bhikkhuno mocanādhippāyassa jantāghare upajjhāyassa piṭṭhiparikammaṃ karontassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
೨೬೫. ತೇನ ಖೋ ಪನ ಸಮಯೇನ ಅಞ್ಞತರಸ್ಸ ಭಿಕ್ಖುನೋ ಊರುಂ ಘಟ್ಟಾಪೇನ್ತಸ್ಸ ಅಸುಚಿ ಮುಚ್ಚಿ। ತಸ್ಸ ಕುಕ್ಕುಚ್ಚಂ ಅಹೋಸಿ…ಪೇ॰… ‘‘ಅನಾಪತ್ತಿ, ಭಿಕ್ಖು, ನಮೋಚನಾಧಿಪ್ಪಾಯಸ್ಸಾ’’ತಿ।
265. Tena kho pana samayena aññatarassa bhikkhuno ūruṃ ghaṭṭāpentassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
ತೇನ ಖೋ ಪನ ಸಮಯೇನ ಅಞ್ಞತರಸ್ಸ ಭಿಕ್ಖುನೋ ಮೋಚನಾಧಿಪ್ಪಾಯಸ್ಸ ಊರುಂ ಘಟ್ಟಾಪೇನ್ತಸ್ಸ ಅಸುಚಿ ಮುಚ್ಚಿ…ಪೇ॰… ಅಸುಚಿ ನ ಮುಚ್ಚಿ। ತಸ್ಸ ಕುಕ್ಕುಚ್ಚಂ ಅಹೋಸಿ…ಪೇ॰… ‘‘ಅನಾಪತ್ತಿ, ಭಿಕ್ಖು, ಸಙ್ಘಾದಿಸೇಸಸ್ಸ; ಆಪತ್ತಿ ಥುಲ್ಲಚ್ಚಯಸ್ಸಾ’’ತಿ।
Tena kho pana samayena aññatarassa bhikkhuno mocanādhippāyassa ūruṃ ghaṭṭāpentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
ತೇನ ಖೋ ಪನ ಸಮಯೇನ ಅಞ್ಞತರೋ ಭಿಕ್ಖು ಮೋಚನಾಧಿಪ್ಪಾಯೋ ಅಞ್ಞತರಂ ಸಾಮಣೇರಂ ಏತದವೋಚ – ‘‘ಏಹಿ ಮೇ ತ್ವಂ, ಆವುಸೋ ಸಾಮಣೇರ, ಅಙ್ಗಜಾತಂ ಗಣ್ಹಾಹೀ’’ತಿ। ಸೋ ತಸ್ಸ ಅಙ್ಗಜಾತಂ ಅಗ್ಗಹೇಸಿ। ತಸ್ಸೇವ ಅಸುಚಿ ಮುಚ್ಚಿ। ತಸ್ಸ ಕುಕ್ಕುಚ್ಚಂ ಅಹೋಸಿ…ಪೇ॰… ‘‘ಆಪತ್ತಿಂ ತ್ವಂ, ಭಿಕ್ಖು, ಆಪನ್ನೋ ಸಙ್ಘಾದಿಸೇಸ’’ನ್ತಿ।
Tena kho pana samayena aññataro bhikkhu mocanādhippāyo aññataraṃ sāmaṇeraṃ etadavoca – ‘‘ehi me tvaṃ, āvuso sāmaṇera, aṅgajātaṃ gaṇhāhī’’ti. So tassa aṅgajātaṃ aggahesi. Tasseva asuci mucci. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno saṅghādisesa’’nti.
ತೇನ ಖೋ ಪನ ಸಮಯೇನ ಅಞ್ಞತರೋ ಭಿಕ್ಖು ಸುತ್ತಸ್ಸ ಸಾಮಣೇರಸ್ಸ ಅಙ್ಗಜಾತಂ ಅಗ್ಗಹೇಸಿ। ತಸ್ಸೇವ ಅಸುಚಿ ಮುಚ್ಚಿ। ತಸ್ಸ ಕುಕ್ಕುಚ್ಚಂ ಅಹೋಸಿ …ಪೇ॰… ‘‘ಅನಾಪತ್ತಿ, ಭಿಕ್ಖು, ಸಙ್ಘಾದಿಸೇಸಸ್ಸ; ಆಪತ್ತಿ ದುಕ್ಕಟಸ್ಸಾ’’ತಿ।
Tena kho pana samayena aññataro bhikkhu suttassa sāmaṇerassa aṅgajātaṃ aggahesi. Tasseva asuci mucci. Tassa kukkuccaṃ ahosi …pe… ‘‘anāpatti, bhikkhu, saṅghādisesassa; āpatti dukkaṭassā’’ti.
೨೬೬. ತೇನ ಖೋ ಪನ ಸಮಯೇನ ಅಞ್ಞತರಸ್ಸ ಭಿಕ್ಖುನೋ ಮೋಚನಾಧಿಪ್ಪಾಯಸ್ಸ ಊರೂಹಿ ಅಙ್ಗಜಾತಂ ಪೀಳೇನ್ತಸ್ಸ ಅಸುಚಿ ಮುಚ್ಚಿ…ಪೇ॰… ಅಸುಚಿ ನ ಮುಚ್ಚಿ। ತಸ್ಸ ಕುಕ್ಕುಚ್ಚಂ ಅಹೋಸಿ…ಪೇ॰… ‘‘ಅನಾಪತ್ತಿ, ಭಿಕ್ಖು, ಸಙ್ಘಾದಿಸೇಸಸ್ಸ; ಆಪತ್ತಿ ಥುಲ್ಲಚ್ಚಯಸ್ಸಾ’’ತಿ।
266. Tena kho pana samayena aññatarassa bhikkhuno mocanādhippāyassa ūrūhi aṅgajātaṃ pīḷentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
ತೇನ ಖೋ ಪನ ಸಮಯೇನ ಅಞ್ಞತರಸ್ಸ ಭಿಕ್ಖುನೋ ಮೋಚನಾಧಿಪ್ಪಾಯಸ್ಸ ಮುಟ್ಠಿನಾ ಅಙ್ಗಜಾತಂ ಪೀಳೇನ್ತಸ್ಸ ಅಸುಚಿ ಮುಚ್ಚಿ…ಪೇ॰… ಅಸುಚಿ ನ ಮುಚ್ಚಿ। ತಸ್ಸ ಕುಕ್ಕುಚ್ಚಂ ಅಹೋಸಿ…ಪೇ॰… ‘‘ಅನಾಪತ್ತಿ, ಭಿಕ್ಖು, ಸಙ್ಘಾದಿಸೇಸಸ್ಸ; ಆಪತ್ತಿ ಥುಲ್ಲಚ್ಚಯಸ್ಸಾ’’ತಿ।
Tena kho pana samayena aññatarassa bhikkhuno mocanādhippāyassa muṭṭhinā aṅgajātaṃ pīḷentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
ತೇನ ಖೋ ಪನ ಸಮಯೇನ ಅಞ್ಞತರಸ್ಸ ಭಿಕ್ಖುನೋ ಮೋಚನಾಧಿಪ್ಪಾಯಸ್ಸ ಆಕಾಸೇ ಕಟಿಂ ಕಮ್ಪೇನ್ತಸ್ಸ ಅಸುಚಿ ಮುಚ್ಚಿ…ಪೇ॰… ಅಸುಚಿ ನ ಮುಚ್ಚಿ। ತಸ್ಸ ಕುಕ್ಕುಚ್ಚಂ ಅಹೋಸಿ…ಪೇ॰… ‘‘ಅನಾಪತ್ತಿ, ಭಿಕ್ಖು, ಸಙ್ಘಾದಿಸೇಸಸ್ಸ; ಆಪತ್ತಿ ಥುಲ್ಲಚ್ಚಯಸ್ಸಾ’’ತಿ।
Tena kho pana samayena aññatarassa bhikkhuno mocanādhippāyassa ākāse kaṭiṃ kampentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
ತೇನ ಖೋ ಪನ ಸಮಯೇನ ಅಞ್ಞತರಸ್ಸ ಭಿಕ್ಖುನೋ ಕಾಯಂ ಥಮ್ಭೇನ್ತಸ್ಸ ಅಸುಚಿ ಮುಚ್ಚಿ। ತಸ್ಸ ಕುಕ್ಕುಚ್ಚಂ ಅಹೋಸಿ…ಪೇ॰… ‘‘ಅನಾಪತ್ತಿ, ಭಿಕ್ಖು, ನಮೋಚನಾಧಿಪ್ಪಾಯಸ್ಸಾ’’ತಿ।
Tena kho pana samayena aññatarassa bhikkhuno kāyaṃ thambhentassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
ತೇನ ಖೋ ಪನ ಸಮಯೇನ ಅಞ್ಞತರಸ್ಸ ಭಿಕ್ಖುನೋ ಮೋಚನಾಧಿಪ್ಪಾಯಸ್ಸ ಕಾಯಂ ಥಮ್ಭೇನ್ತಸ್ಸ ಅಸುಚಿ ಮುಚ್ಚಿ…ಪೇ॰… ಅಸುಚಿ ನ ಮುಚ್ಚಿ। ತಸ್ಸ ಕುಕ್ಕುಚ್ಚಂ ಅಹೋಸಿ…ಪೇ॰… ‘‘ಅನಾಪತ್ತಿ, ಭಿಕ್ಖು, ಸಙ್ಘಾದಿಸೇಸಸ್ಸ; ಆಪತ್ತಿ ಥುಲ್ಲಚ್ಚಯಸ್ಸಾ’’ತಿ।
Tena kho pana samayena aññatarassa bhikkhuno mocanādhippāyassa kāyaṃ thambhentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
ತೇನ ಖೋ ಪನ ಸಮಯೇನ ಅಞ್ಞತರೋ ಭಿಕ್ಖು ಸಾರತ್ತೋ ಮಾತುಗಾಮಸ್ಸ ಅಙ್ಗಜಾತಂ ಉಪನಿಜ್ಝಾಯಿ। ತಸ್ಸ ಅಸುಚಿ ಮುಚ್ಚಿ। ತಸ್ಸ ಕುಕ್ಕುಚ್ಚಂ ಅಹೋಸಿ…ಪೇ॰… ‘‘ಅನಾಪತ್ತಿ, ಭಿಕ್ಖು, ಸಙ್ಘಾದಿಸೇಸಸ್ಸ। ನ ಚ, ಭಿಕ್ಖವೇ, ಸಾರತ್ತೇನ ಮಾತುಗಾಮಸ್ಸ ಅಙ್ಗಜಾತಂ ಉಪನಿಜ್ಝಾಯಿತಬ್ಬಂ। ಯೋ ಉಪನಿಜ್ಝಾಯೇಯ್ಯ, ಆಪತ್ತಿ ದುಕ್ಕಟಸ್ಸಾ’’ತಿ।
Tena kho pana samayena aññataro bhikkhu sāratto mātugāmassa aṅgajātaṃ upanijjhāyi. Tassa asuci mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa. Na ca, bhikkhave, sārattena mātugāmassa aṅgajātaṃ upanijjhāyitabbaṃ. Yo upanijjhāyeyya, āpatti dukkaṭassā’’ti.
೨೬೭. ತೇನ ಖೋ ಪನ ಸಮಯೇನ ಅಞ್ಞತರಸ್ಸ ಭಿಕ್ಖುನೋ ಮೋಚನಾಧಿಪ್ಪಾಯಸ್ಸ ತಾಳಚ್ಛಿದ್ದಂ ಅಙ್ಗಜಾತಂ ಪವೇಸೇನ್ತಸ್ಸ ಅಸುಚಿ ಮುಚ್ಚಿ…ಪೇ॰… ಅಸುಚಿ ನ ಮುಚ್ಚಿ। ತಸ್ಸ ಕುಕ್ಕುಚ್ಚಂ ಅಹೋಸಿ…ಪೇ॰… ‘‘ಅನಾಪತ್ತಿ, ಭಿಕ್ಖು, ಸಙ್ಘಾದಿಸೇಸಸ್ಸ; ಆಪತ್ತಿ ಥುಲ್ಲಚ್ಚಯಸ್ಸಾ’’ತಿ।
267. Tena kho pana samayena aññatarassa bhikkhuno mocanādhippāyassa tāḷacchiddaṃ aṅgajātaṃ pavesentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
ತೇನ ಖೋ ಪನ ಸಮಯೇನ ಅಞ್ಞತರಸ್ಸ ಭಿಕ್ಖುನೋ ಮೋಚನಾಧಿಪ್ಪಾಯಸ್ಸ ಕಟ್ಠೇನ ಅಙ್ಗಜಾತಂ ಘಟ್ಟೇನ್ತಸ್ಸ ಅಸುಚಿ ಮುಚ್ಚಿ…ಪೇ॰… ಅಸುಚಿ ನ ಮುಚ್ಚಿ। ತಸ್ಸ ಕುಕ್ಕುಚ್ಚಂ ಅಹೋಸಿ…ಪೇ॰… ‘‘ಅನಾಪತ್ತಿ, ಭಿಕ್ಖು, ಸಙ್ಘಾದಿಸೇಸಸ್ಸ ; ಆಪತ್ತಿ ಥುಲ್ಲಚ್ಚಯಸ್ಸಾ’’ತಿ।
Tena kho pana samayena aññatarassa bhikkhuno mocanādhippāyassa kaṭṭhena aṅgajātaṃ ghaṭṭentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa ; āpatti thullaccayassā’’ti.
ತೇನ ಖೋ ಪನ ಸಮಯೇನ ಅಞ್ಞತರಸ್ಸ ಭಿಕ್ಖುನೋ ಪಟಿಸೋತೇ ನ್ಹಾಯನ್ತಸ್ಸ ಅಸುಚಿ ಮುಚ್ಚಿ। ತಸ್ಸ ಕುಕ್ಕುಚ್ಚಂ ಅಹೋಸಿ…ಪೇ॰… ‘‘ಅನಾಪತ್ತಿ, ಭಿಕ್ಖು, ನಮೋಚನಾಧಿಪ್ಪಾಯಸ್ಸಾ’’ತಿ।
Tena kho pana samayena aññatarassa bhikkhuno paṭisote nhāyantassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
ತೇನ ಖೋ ಪನ ಸಮಯೇನ ಅಞ್ಞತರಸ್ಸ ಭಿಕ್ಖುನೋ ಮೋಚನಾಧಿಪ್ಪಾಯಸ್ಸ ಪಟಿಸೋತೇ ನ್ಹಾಯನ್ತಸ್ಸ ಅಸುಚಿ ಮುಚ್ಚಿ…ಪೇ॰… ಅಸುಚಿ ನ ಮುಚ್ಚಿ। ತಸ್ಸ ಕುಕ್ಕುಚ್ಚಂ ಅಹೋಸಿ…ಪೇ॰… ‘‘ಅನಾಪತ್ತಿ, ಭಿಕ್ಖು, ಸಙ್ಘಾದಿಸೇಸಸ್ಸ; ಆಪತ್ತಿ ಥುಲ್ಲಚ್ಚಯಸ್ಸಾ’’ತಿ।
Tena kho pana samayena aññatarassa bhikkhuno mocanādhippāyassa paṭisote nhāyantassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
ತೇನ ಖೋ ಪನ ಸಮಯೇನ ಅಞ್ಞತರಸ್ಸ ಭಿಕ್ಖುನೋ ಉದಞ್ಜಲಂ ಕೀಳನ್ತಸ್ಸ ಅಸುಚಿ ಮುಚ್ಚಿ। ತಸ್ಸ ಕುಕ್ಕುಚ್ಚಂ ಅಹೋಸಿ…ಪೇ॰… ‘‘ಅನಾಪತ್ತಿ, ಭಿಕ್ಖು, ನಮೋಚನಾಧಿಪ್ಪಾಯಸ್ಸಾ’’ತಿ।
Tena kho pana samayena aññatarassa bhikkhuno udañjalaṃ kīḷantassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
ತೇನ ಖೋ ಪನ ಸಮಯೇನ ಅಞ್ಞತರಸ್ಸ ಭಿಕ್ಖುನೋ ಮೋಚನಾಧಿಪ್ಪಾಯಸ್ಸ ಉದಞ್ಜಲಂ ಕೀಳನ್ತಸ್ಸ ಅಸುಚಿ ಮುಚ್ಚಿ…ಪೇ॰… ಅಸುಚಿ ನ ಮುಚ್ಚಿ। ತಸ್ಸ ಕುಕ್ಕುಚ್ಚಂ ಅಹೋಸಿ…ಪೇ॰… ‘‘ಅನಾಪತ್ತಿ, ಭಿಕ್ಖು, ಸಙ್ಘಾದಿಸೇಸಸ್ಸ; ಆಪತ್ತಿ ಥುಲ್ಲಚ್ಚಯಸ್ಸಾ’’ತಿ।
Tena kho pana samayena aññatarassa bhikkhuno mocanādhippāyassa udañjalaṃ kīḷantassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
ತೇನ ಖೋ ಪನ ಸಮಯೇನ ಅಞ್ಞತರಸ್ಸ ಭಿಕ್ಖುನೋ ಉದಕೇ ಧಾವನ್ತಸ್ಸ ಅಸುಚಿ ಮುಚ್ಚಿ। ತಸ್ಸ ಕುಕ್ಕುಚ್ಚಂ ಅಹೋಸಿ…ಪೇ॰… ‘‘ಅನಾಪತ್ತಿ, ಭಿಕ್ಖು, ನಮೋಚನಾಧಿಪ್ಪಾಯಸ್ಸಾ’’ತಿ।
Tena kho pana samayena aññatarassa bhikkhuno udake dhāvantassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
ತೇನ ಖೋ ಪನ ಸಮಯೇನ ಅಞ್ಞತರಸ್ಸ ಭಿಕ್ಖುನೋ ಮೋಚನಾಧಿಪ್ಪಾಯಸ್ಸ ಉದಕೇ ಧಾವನ್ತಸ್ಸ ಅಸುಚಿ ಮುಚ್ಚಿ…ಪೇ॰… ಅಸುಚಿ ನ ಮುಚ್ಚಿ। ತಸ್ಸ ಕುಕ್ಕುಚ್ಚಂ ಅಹೋಸಿ…ಪೇ॰… ‘‘ಅನಾಪತ್ತಿ, ಭಿಕ್ಖು, ಸಙ್ಘಾದಿಸೇಸಸ್ಸ; ಆಪತ್ತಿ ಥುಲ್ಲಚ್ಚಯಸ್ಸಾ’’ತಿ।
Tena kho pana samayena aññatarassa bhikkhuno mocanādhippāyassa udake dhāvantassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
ತೇನ ಖೋ ಪನ ಸಮಯೇನ ಅಞ್ಞತರಸ್ಸ ಭಿಕ್ಖುನೋ ಪುಪ್ಫಾವಲಿಯಂ 17 ಕೀಳನ್ತಸ್ಸ ಅಸುಚಿ ಮುಚ್ಚಿ। ತಸ್ಸ ಕುಕ್ಕುಚ್ಚಂ ಅಹೋಸಿ…ಪೇ॰… ‘‘ಅನಾಪತ್ತಿ, ಭಿಕ್ಖು, ನಮೋಚನಾಧಿಪ್ಪಾಯಸ್ಸಾ’’ತಿ।
Tena kho pana samayena aññatarassa bhikkhuno pupphāvaliyaṃ 18 kīḷantassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
ತೇನ ಖೋ ಪನ ಸಮಯೇನ ಅಞ್ಞತರಸ್ಸ ಭಿಕ್ಖುನೋ ಮೋಚನಾಧಿಪ್ಪಾಯಸ್ಸ ಪುಪ್ಫಾವಲಿಯಂ ಕೀಳನ್ತಸ್ಸ ಅಸುಚಿ ಮುಚ್ಚಿ…ಪೇ॰… ಅಸುಚಿ ನ ಮುಚ್ಚಿ। ತಸ್ಸ ಕುಕ್ಕುಚ್ಚಂ ಅಹೋಸಿ…ಪೇ॰… ‘‘ಅನಾಪತ್ತಿ, ಭಿಕ್ಖು, ಸಙ್ಘಾದಿಸೇಸಸ್ಸ; ಆಪತ್ತಿ ಥುಲ್ಲಚ್ಚಯಸ್ಸಾ’’ತಿ।
Tena kho pana samayena aññatarassa bhikkhuno mocanādhippāyassa pupphāvaliyaṃ kīḷantassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
೨೬೮. ತೇನ ಖೋ ಪನ ಸಮಯೇನ ಅಞ್ಞತರಸ್ಸ ಭಿಕ್ಖುನೋ ಪೋಕ್ಖರವನೇ ಧಾವನ್ತಸ್ಸ ಅಸುಚಿ ಮುಚ್ಚಿ। ತಸ್ಸ ಕುಕ್ಕುಚ್ಚಂ ಅಹೋಸಿ…ಪೇ॰… ‘‘ಅನಾಪತ್ತಿ, ಭಿಕ್ಖು, ನಮೋಚನಾಧಿಪ್ಪಾಯಸ್ಸಾ’’ತಿ।
268. Tena kho pana samayena aññatarassa bhikkhuno pokkharavane dhāvantassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
ತೇನ ಖೋ ಪನ ಸಮಯೇನ ಅಞ್ಞತರಸ್ಸ ಭಿಕ್ಖುನೋ ಮೋಚನಾಧಿಪ್ಪಾಯಸ್ಸ ಪೋಕ್ಖರವನೇ ಧಾವನ್ತಸ್ಸ ಅಸುಚಿ ಮುಚ್ಚಿ…ಪೇ॰… ಅಸುಚಿ ನ ಮುಚ್ಚಿ। ತಸ್ಸ ಕುಕ್ಕುಚ್ಚಂ ಅಹೋಸಿ…ಪೇ॰… ‘‘ಅನಾಪತ್ತಿ, ಭಿಕ್ಖು, ಸಙ್ಘಾದಿಸೇಸಸ್ಸ; ಆಪತ್ತಿ ಥುಲ್ಲಚ್ಚಯಸ್ಸಾ’’ತಿ।
Tena kho pana samayena aññatarassa bhikkhuno mocanādhippāyassa pokkharavane dhāvantassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
ತೇನ ಖೋ ಪನ ಸಮಯೇನ ಅಞ್ಞತರಸ್ಸ ಭಿಕ್ಖುನೋ ಮೋಚನಾಧಿಪ್ಪಾಯಸ್ಸ ವಾಲಿಕಂ ಅಙ್ಗಜಾತಂ ಪವೇಸೇನ್ತಸ್ಸ ಅಸುಚಿ ಮುಚ್ಚಿ…ಪೇ॰… ಅಸುಚಿ ನ ಮುಚ್ಚಿ। ತಸ್ಸ ಕುಕ್ಕುಚ್ಚಂ ಅಹೋಸಿ…ಪೇ॰… ‘‘ಅನಾಪತ್ತಿ, ಭಿಕ್ಖು, ಸಙ್ಘಾದಿಸೇಸಸ್ಸ; ಆಪತ್ತಿ ಥುಲ್ಲಚ್ಚಯಸ್ಸಾ’’ತಿ।
Tena kho pana samayena aññatarassa bhikkhuno mocanādhippāyassa vālikaṃ aṅgajātaṃ pavesentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
ತೇನ ಖೋ ಪನ ಸಮಯೇನ ಅಞ್ಞತರಸ್ಸ ಭಿಕ್ಖುನೋ ಮೋಚನಾಧಿಪ್ಪಾಯಸ್ಸ ಕದ್ದಮಂ ಅಙ್ಗಜಾತಂ ಪವೇಸೇನ್ತಸ್ಸ ಅಸುಚಿ ಮುಚ್ಚಿ…ಪೇ॰… ಅಸುಚಿ ನ ಮುಚ್ಚಿ । ತಸ್ಸ ಕುಕ್ಕುಚ್ಚಂ ಅಹೋಸಿ…ಪೇ॰… ‘‘ಅನಾಪತ್ತಿ, ಭಿಕ್ಖು, ಸಙ್ಘಾದಿಸೇಸಸ್ಸ; ಆಪತ್ತಿ ಥುಲ್ಲಚ್ಚಯಸ್ಸಾ’’ತಿ।
Tena kho pana samayena aññatarassa bhikkhuno mocanādhippāyassa kaddamaṃ aṅgajātaṃ pavesentassa asuci mucci…pe… asuci na mucci . Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
ತೇನ ಖೋ ಪನ ಸಮಯೇನ ಅಞ್ಞತರಸ್ಸ ಭಿಕ್ಖುನೋ ಉದಕೇನ ಅಙ್ಗಜಾತಂ ಓಸಿಞ್ಚನ್ತಸ್ಸ ಅಸುಚಿ ಮುಚ್ಚಿ। ತಸ್ಸ ಕುಕ್ಕುಚ್ಚಂ ಅಹೋಸಿ…ಪೇ॰… ‘‘ಅನಾಪತ್ತಿ, ಭಿಕ್ಖು, ನಮೋಚನಾಧಿಪ್ಪಾಯಸ್ಸಾ’’ತಿ।
Tena kho pana samayena aññatarassa bhikkhuno udakena aṅgajātaṃ osiñcantassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
ತೇನ ಖೋ ಪನ ಸಮಯೇನ ಅಞ್ಞತರಸ್ಸ ಭಿಕ್ಖುನೋ ಮೋಚನಾಧಿಪ್ಪಾಯಸ್ಸ ಉದಕೇನ ಅಙ್ಗಜಾತಂ ಓಸಿಞ್ಚನ್ತಸ್ಸ ಅಸುಚಿ ಮುಚ್ಚಿ…ಪೇ॰… ಅಸುಚಿ ನ ಮುಚ್ಚಿ। ತಸ್ಸ ಕುಕ್ಕುಚ್ಚಂ ಅಹೋಸಿ…ಪೇ॰… ‘‘ಅನಾಪತ್ತಿ, ಭಿಕ್ಖು, ಸಙ್ಘಾದಿಸೇಸಸ್ಸ; ಆಪತ್ತಿ ಥುಲ್ಲಚ್ಚಯಸ್ಸಾ’’ತಿ।
Tena kho pana samayena aññatarassa bhikkhuno mocanādhippāyassa udakena aṅgajātaṃ osiñcantassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
ತೇನ ಖೋ ಪನ ಸಮಯೇನ ಅಞ್ಞತರಸ್ಸ ಭಿಕ್ಖುನೋ ಮೋಚನಾಧಿಪ್ಪಾಯಸ್ಸ ಸಯನೇ ಅಙ್ಗಜಾತಂ ಘಟ್ಟೇನ್ತಸ್ಸ ಅಸುಚಿ ಮುಚ್ಚಿ…ಪೇ॰… ಅಸುಚಿ ನ ಮುಚ್ಚಿ। ತಸ್ಸ ಕುಕ್ಕುಚ್ಚಂ ಅಹೋಸಿ…ಪೇ॰… ‘‘ಅನಾಪತ್ತಿ, ಭಿಕ್ಖು, ಸಙ್ಘಾದಿಸೇಸಸ್ಸ; ಆಪತ್ತಿ ಥುಲ್ಲಚ್ಚಯಸ್ಸಾ’’ತಿ।
Tena kho pana samayena aññatarassa bhikkhuno mocanādhippāyassa sayane aṅgajātaṃ ghaṭṭentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
ತೇನ ಖೋ ಪನ ಸಮಯೇನ ಅಞ್ಞತರಸ್ಸ ಭಿಕ್ಖುನೋ ಮೋಚನಾಧಿಪ್ಪಾಯಸ್ಸ ಅಙ್ಗುಟ್ಠೇನ ಅಙ್ಗಜಾತಂ ಘಟ್ಟೇನ್ತಸ್ಸ ಅಸುಚಿ ಮುಚ್ಚಿ…ಪೇ॰… ಅಸುಚಿ ನ ಮುಚ್ಚಿ। ತಸ್ಸ ಕುಕ್ಕುಚ್ಚಂ ಅಹೋಸಿ – ‘‘ಭಗವತಾ ಸಿಕ್ಖಾಪದಂ ಪಞ್ಞತ್ತಂ, ಕಚ್ಚಿ ನು ಖೋ ಅಹಂ ಸಙ್ಘಾದಿಸೇಸಂ ಆಪತ್ತಿಂ ಆಪನ್ನೋ’’ತಿ? ಭಗವತೋ ಏತಮತ್ಥಂ ಆರೋಚೇಸಿ। ‘‘ಅನಾಪತ್ತಿ, ಭಿಕ್ಖು, ಸಙ್ಘಾದಿಸೇಸಸ್ಸ; ಆಪತ್ತಿ ಥುಲ್ಲಚ್ಚಯಸ್ಸಾ’’ತಿ।
Tena kho pana samayena aññatarassa bhikkhuno mocanādhippāyassa aṅguṭṭhena aṅgajātaṃ ghaṭṭentassa asuci mucci…pe… asuci na mucci. Tassa kukkuccaṃ ahosi – ‘‘bhagavatā sikkhāpadaṃ paññattaṃ, kacci nu kho ahaṃ saṅghādisesaṃ āpattiṃ āpanno’’ti? Bhagavato etamatthaṃ ārocesi. ‘‘Anāpatti, bhikkhu, saṅghādisesassa; āpatti thullaccayassā’’ti.
ಸುಕ್ಕವಿಸ್ಸಟ್ಠಿಸಿಕ್ಖಾಪದಂ ನಿಟ್ಠಿತಂ ಪಠಮಂ।
Sukkavissaṭṭhisikkhāpadaṃ niṭṭhitaṃ paṭhamaṃ.
Footnotes:
Related texts:
ಅಟ್ಠಕಥಾ • Aṭṭhakathā / ವಿನಯಪಿಟಕ (ಅಟ್ಠಕಥಾ) • Vinayapiṭaka (aṭṭhakathā) / ಮಹಾವಿಭಙ್ಗ-ಅಟ್ಠಕಥಾ • Mahāvibhaṅga-aṭṭhakathā / ೧. ಸುಕ್ಕವಿಸ್ಸಟ್ಠಿಸಿಕ್ಖಾಪದವಣ್ಣನಾ • 1. Sukkavissaṭṭhisikkhāpadavaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಸಾರತ್ಥದೀಪನೀ-ಟೀಕಾ • Sāratthadīpanī-ṭīkā / ೧. ಸುಕ್ಕವಿಸ್ಸಟ್ಠಿಸಿಕ್ಖಾಪದವಣ್ಣನಾ • 1. Sukkavissaṭṭhisikkhāpadavaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಜಿರಬುದ್ಧಿ-ಟೀಕಾ • Vajirabuddhi-ṭīkā / ೧. ಸುಕ್ಕವಿಸ್ಸಟ್ಠಿಸಿಕ್ಖಾಪದವಣ್ಣನಾ • 1. Sukkavissaṭṭhisikkhāpadavaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಿಮತಿವಿನೋದನೀ-ಟೀಕಾ • Vimativinodanī-ṭīkā / ೧. ಸುಕ್ಕವಿಸ್ಸಟ್ಠಿಸಿಕ್ಖಾಪದವಣ್ಣನಾ • 1. Sukkavissaṭṭhisikkhāpadavaṇṇanā
