| Library / Tipiṭaka / තිපිටක • Tipiṭaka / මහාවිභඞ්‌ග • Mahāvibhaṅga |
2. සඞ්‌ඝාදිසෙසකණ්‌ඩං
2. Saṅghādisesakaṇḍaṃ
1. සුක්‌කවිස්‌සට්‌ඨිසික්‌ඛාපදං
1. Sukkavissaṭṭhisikkhāpadaṃ
ඉමෙ ඛො පනායස්‌මන්‌තො තෙරස සඞ්‌ඝාදිසෙසා
Ime kho panāyasmanto terasa saṅghādisesā
ධම්‌මා උද්‌දෙසං ආගච්‌ඡන්‌ති.
Dhammā uddesaṃ āgacchanti.
234. තෙන සමයෙන බුද්‌ධො භගවා සාවත්‌ථියං විහරති ජෙතවනෙ අනාථපිණ්‌ඩිකස්‌ස ආරාමෙ. තෙන ඛො පන සමයෙන ආයස්‌මා සෙය්‍යසකො අනභිරතො බ්‍රහ්‌මචරියං චරති. සො තෙන කිසො හොති ලූඛො දුබ්‌බණ්‌ණො උප්‌පණ්‌ඩුප්‌පණ්‌ඩුකජාතො ධමනිසන්‌ථතගත්‌තො. අද්‌දස ඛො ආයස්‌මා උදායී ආයස්‌මන්‌තං සෙය්‍යසකං කිසං ලූඛං දුබ්‌බණ්‌ණං උප්‌පණ්‌ඩුප්‌පණ්‌ඩුකජාතං ධමනිසන්‌ථතගත්‌තං. දිස්‌වාන ආයස්‌මන්‌තං සෙය්‍යසකං එතදවොච – ‘‘කිස්‌ස ත්‌වං, ආවුසො සෙය්‍යසක, කිසො ලූඛො දුබ්‌බණ්‌ණො උප්‌පණ්‌ඩුප්‌පණ්‌ඩුකජාතො ධමනිසන්‌ථතගත්‌තො? කච්‌චි නො ත්‌වං, ආවුසො සෙය්‍යසක, අනභිරතො බ්‍රහ්‌මචරියං චරසී’’ති? ‘‘එවමාවුසො’’ති. ‘‘තෙන හි ත්‌වං, ආවුසො සෙය්‍යසක, යාවදත්‌ථං භුඤ්‌ජ යාවදත්‌ථං සුප යාවදත්‌ථං න්‌හාය. යාවදත්‌ථං භුඤ්‌ජිත්‌වා යාවදත්‌ථං සුපිත්‌වා යාවදත්‌ථං න්‌හායිත්‌වා යදා තෙ අනභිරති උප්‌පජ්‌ජති රාගො චිත්‌තං අනුද්‌ධංසෙති තදා හත්‌ථෙන උපක්‌කමිත්‌වා අසුචිං මොචෙහී’’ති. ‘‘කිං නු ඛො, ආවුසො, කප්‌පති එවරූපං කාතු’’න්‌ති? ‘‘ආම, ආවුසො. අහම්‌පි එවං කරොමී’’ති.
234. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena āyasmā seyyasako anabhirato brahmacariyaṃ carati. So tena kiso hoti lūkho dubbaṇṇo uppaṇḍuppaṇḍukajāto dhamanisanthatagatto. Addasa kho āyasmā udāyī āyasmantaṃ seyyasakaṃ kisaṃ lūkhaṃ dubbaṇṇaṃ uppaṇḍuppaṇḍukajātaṃ dhamanisanthatagattaṃ. Disvāna āyasmantaṃ seyyasakaṃ etadavoca – ‘‘kissa tvaṃ, āvuso seyyasaka, kiso lūkho dubbaṇṇo uppaṇḍuppaṇḍukajāto dhamanisanthatagatto? Kacci no tvaṃ, āvuso seyyasaka, anabhirato brahmacariyaṃ carasī’’ti? ‘‘Evamāvuso’’ti. ‘‘Tena hi tvaṃ, āvuso seyyasaka, yāvadatthaṃ bhuñja yāvadatthaṃ supa yāvadatthaṃ nhāya. Yāvadatthaṃ bhuñjitvā yāvadatthaṃ supitvā yāvadatthaṃ nhāyitvā yadā te anabhirati uppajjati rāgo cittaṃ anuddhaṃseti tadā hatthena upakkamitvā asuciṃ mocehī’’ti. ‘‘Kiṃ nu kho, āvuso, kappati evarūpaṃ kātu’’nti? ‘‘Āma, āvuso. Ahampi evaṃ karomī’’ti.
අථ ඛො ආයස්‌මා සෙය්‍යසකො යාවදත්‌ථං භුඤ්‌ජි යාවදත්‌ථං සුපි යාවදත්‌ථං න්‌හායි. යාවදත්‌ථං භුඤ්‌ජිත්‌වා යාවදත්‌ථං සුපිත්‌වා යාවදත්‌ථං න්‌හායිත්‌වා යදා අනභිරති උප්‌පජ්‌ජති රාගො චිත්‌තං අනුද්‌ධංසෙති තදා හත්‌ථෙන උපක්‌කමිත්‌වා අසුචිං මොචෙසි . අථ ඛො ආයස්‌මා සෙය්‍යසකො අපරෙන සමයෙන වණ්‌ණවා අහොසි පීණින්‌ද්‍රියො පසන්‌නමුඛවණ්‌ණො විප්‌පසන්‌නඡවිවණ්‌ණො. අථ ඛො ආයස්‌මතො සෙය්‍යසකස්‌ස සහායකා භික්‌ඛූ ආයස්‌මන්‌තං සෙය්‍යසකං එතදවොචුං – ‘‘පුබ්‌බෙ ඛො ත්‌වං, ආවුසො සෙය්‍යසක, කිසො අහොසි ලූඛො දුබ්‌බණ්‌ණො උප්‌පණ්‌ඩුප්‌පණ්‌ඩුකජාතො ධමනිසන්‌ථතගත්‌තො. සො දානි ත්‌වං එතරහි වණ්‌ණවා පීණින්‌ද්‍රියො පසන්‌නමුඛවණ්‌ණො විප්‌පසන්‌නඡවිවණ්‌ණො. කිං නු ඛො ත්‌වං, ආවුසො සෙය්‍යසක, භෙසජ්‌ජං කරොසී’’ති? ‘‘න ඛො අහං, ආවුසො, භෙසජ්‌ජං කරොමි . අපිචාහං යාවදත්‌ථං භුඤ්‌ජාමි යාවදත්‌ථං සුපාමි යාවදත්‌ථං න්‌හායාමි. යාවදත්‌ථං භුඤ්‌ජිත්‌වා යාවදත්‌ථං සුපිත්‌වා යාවදත්‌ථං න්‌හායිත්‌වා යදා මෙ අනභිරති උප්‌පජ්‌ජති රාගො චිත්‌තං අනුද්‌ධංසෙති තදා හත්‌ථෙන උපක්‌කමිත්‌වා අසුචිං මොචෙමී’’ති. ‘‘කිං පන ත්‌වං, ආවුසො සෙය්‍යසක, යෙනෙව හත්‌ථෙන සද්‌ධාදෙය්‍යං භුඤ්‌ජසි තෙනෙව හත්‌ථෙන උපක්‌කමිත්‌වා අසුචිං මොචෙසී’’ති? ‘‘එවමාවුසො’’ති. යෙ තෙ භික්‌ඛූ අප්‌පිච්‌ඡා…පෙ.… තෙ උජ්‌ඣායන්‌ති ඛිය්‍යන්‌ති විපාචෙන්‌ති – ‘‘කථඤ්‌හි නාම ආයස්‌මා සෙය්‍යසකො හත්‌ථෙන උපක්‌කමිත්‌වා අසුචිං මොචෙස්‌සතී’’ති!
Atha kho āyasmā seyyasako yāvadatthaṃ bhuñji yāvadatthaṃ supi yāvadatthaṃ nhāyi. Yāvadatthaṃ bhuñjitvā yāvadatthaṃ supitvā yāvadatthaṃ nhāyitvā yadā anabhirati uppajjati rāgo cittaṃ anuddhaṃseti tadā hatthena upakkamitvā asuciṃ mocesi . Atha kho āyasmā seyyasako aparena samayena vaṇṇavā ahosi pīṇindriyo pasannamukhavaṇṇo vippasannachavivaṇṇo. Atha kho āyasmato seyyasakassa sahāyakā bhikkhū āyasmantaṃ seyyasakaṃ etadavocuṃ – ‘‘pubbe kho tvaṃ, āvuso seyyasaka, kiso ahosi lūkho dubbaṇṇo uppaṇḍuppaṇḍukajāto dhamanisanthatagatto. So dāni tvaṃ etarahi vaṇṇavā pīṇindriyo pasannamukhavaṇṇo vippasannachavivaṇṇo. Kiṃ nu kho tvaṃ, āvuso seyyasaka, bhesajjaṃ karosī’’ti? ‘‘Na kho ahaṃ, āvuso, bhesajjaṃ karomi . Apicāhaṃ yāvadatthaṃ bhuñjāmi yāvadatthaṃ supāmi yāvadatthaṃ nhāyāmi. Yāvadatthaṃ bhuñjitvā yāvadatthaṃ supitvā yāvadatthaṃ nhāyitvā yadā me anabhirati uppajjati rāgo cittaṃ anuddhaṃseti tadā hatthena upakkamitvā asuciṃ mocemī’’ti. ‘‘Kiṃ pana tvaṃ, āvuso seyyasaka, yeneva hatthena saddhādeyyaṃ bhuñjasi teneva hatthena upakkamitvā asuciṃ mocesī’’ti? ‘‘Evamāvuso’’ti. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma āyasmā seyyasako hatthena upakkamitvā asuciṃ mocessatī’’ti!
අථ ඛො තෙ භික්‌ඛූ ආයස්‌මන්‌තං සෙය්‍යසකං අනෙකපරියායෙන විගරහිත්‌වා භගවතො එතමත්‌ථං ආරොචෙසුං. අථ ඛො භගවා එතස්‌මිං නිදානෙ එතස්‌මිං පකරණෙ භික්‌ඛුසඞ්‌ඝං සන්‌නිපාතාපෙත්‌වා ආයස්‌මන්‌තං සෙය්‍යසකං පටිපුච්‌ඡි – ‘‘සච්‌චං කිර ත්‌වං, සෙය්‍යසක, හත්‌ථෙන උපක්‌කමිත්‌වා අසුචිං මොචෙසී’’ති? ‘‘සච්‌චං, භගවා’’ති . විගරහි බුද්‌ධො භගවා – ‘‘අනනුච්‌ඡවිකං, මොඝපුරිස, අනනුලොමිකං අප්‌පතිරූපං අස්‌සාමණකං අකප්‌පියං අකරණීයං. කථඤ්‌හි නාම ත්‌වං, මොඝපුරිස, හත්‌ථෙන උපක්‌කමිත්‌වා අසුචිං මොචෙස්‌සසි! නනු මයා, මොඝපුරිස, අනෙකපරියායෙන විරාගාය ධම්‌මො දෙසිතො නො සරාගාය, විසඤ්‌ඤොගාය ධම්‌මො දෙසිතො නො සඤ්‌ඤොගාය, අනුපාදානාය ධම්‌මො දෙසිතො නො සඋපාදානාය! තත්‌ථ නාම ත්‌වං, මොඝපුරිස, මයා විරාගාය ධම්‌මෙ දෙසිතෙ සරාගාය චෙතෙස්‌සසි, විසඤ්‌ඤොගාය ධම්‌මෙ දෙසිතෙ සඤ්‌ඤොගාය චෙතෙස්‌සසි, අනුපාදානාය ධම්‌මෙ දෙසිතෙ සඋපාදානාය චෙතෙස්‌සසි! නනු මයා, මොඝපුරිස, අනෙකපරියායෙන රාගවිරාගාය ධම්‌මො දෙසිතො, මදනිම්‌මදනාය පිපාසවිනයාය ආලයසමුග්‌ඝාතාය වට්‌ටුපච්‌ඡෙදාය තණ්‌හක්‌ඛයාය විරාගාය නිරොධාය නිබ්‌බානාය ධම්‌මො දෙසිතො? නනු මයා, මොඝපුරිස, අනෙකපරියායෙන කාමානං පහානං අක්‌ඛාතං, කාමසඤ්‌ඤානං පරිඤ්‌ඤා අක්‌ඛාතා, කාමපිපාසානං පටිවිනයො අක්‌ඛාතො, කාමවිතක්‌කානං සමුග්‌ඝාතො අක්‌ඛාතො, කාමපරිළාහානං වූපසමො අක්‌ඛාතො? නෙතං, මොඝපුරිස, අප්‌පසන්‌නානං වා පසාදාය, පසන්‌නානං වා භිය්‍යොභාවාය. අථ ඛ්‌වෙතං, මොඝපුරිස, අප්‌පසන්‌නානඤ්‌චෙව අප්‌පසාදාය, පසන්‌නානඤ්‌ච එකච්‌චානං අඤ්‌ඤථත්‌තායා’’ති. අථ ඛො භගවා ආයස්‌මන්‌තං සෙය්‍යසකං අනෙකපරියායෙන විගරහිත්‌වා දුබ්‌භරතාය…පෙ.… ‘‘එවඤ්‌ච පන, භික්‌ඛවෙ, ඉමං සික්‌ඛාපදං උද්‌දිසෙය්‍යාථ –
Atha kho te bhikkhū āyasmantaṃ seyyasakaṃ anekapariyāyena vigarahitvā bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe bhikkhusaṅghaṃ sannipātāpetvā āyasmantaṃ seyyasakaṃ paṭipucchi – ‘‘saccaṃ kira tvaṃ, seyyasaka, hatthena upakkamitvā asuciṃ mocesī’’ti? ‘‘Saccaṃ, bhagavā’’ti . Vigarahi buddho bhagavā – ‘‘ananucchavikaṃ, moghapurisa, ananulomikaṃ appatirūpaṃ assāmaṇakaṃ akappiyaṃ akaraṇīyaṃ. Kathañhi nāma tvaṃ, moghapurisa, hatthena upakkamitvā asuciṃ mocessasi! Nanu mayā, moghapurisa, anekapariyāyena virāgāya dhammo desito no sarāgāya, visaññogāya dhammo desito no saññogāya, anupādānāya dhammo desito no saupādānāya! Tattha nāma tvaṃ, moghapurisa, mayā virāgāya dhamme desite sarāgāya cetessasi, visaññogāya dhamme desite saññogāya cetessasi, anupādānāya dhamme desite saupādānāya cetessasi! Nanu mayā, moghapurisa, anekapariyāyena rāgavirāgāya dhammo desito, madanimmadanāya pipāsavinayāya ālayasamugghātāya vaṭṭupacchedāya taṇhakkhayāya virāgāya nirodhāya nibbānāya dhammo desito? Nanu mayā, moghapurisa, anekapariyāyena kāmānaṃ pahānaṃ akkhātaṃ, kāmasaññānaṃ pariññā akkhātā, kāmapipāsānaṃ paṭivinayo akkhāto, kāmavitakkānaṃ samugghāto akkhāto, kāmapariḷāhānaṃ vūpasamo akkhāto? Netaṃ, moghapurisa, appasannānaṃ vā pasādāya, pasannānaṃ vā bhiyyobhāvāya. Atha khvetaṃ, moghapurisa, appasannānañceva appasādāya, pasannānañca ekaccānaṃ aññathattāyā’’ti. Atha kho bhagavā āyasmantaṃ seyyasakaṃ anekapariyāyena vigarahitvā dubbharatāya…pe… ‘‘evañca pana, bhikkhave, imaṃ sikkhāpadaṃ uddiseyyātha –
එවඤ්‌චිදං භගවතා භික්‌ඛූනං සික්‌ඛාපදං පඤ්‌ඤත්‌තං හොති.
Evañcidaṃ bhagavatā bhikkhūnaṃ sikkhāpadaṃ paññattaṃ hoti.
235. තෙන ඛො පන සමයෙන භික්‌ඛූ පණීතභොජනානි භුඤ්‌ජිත්‌වා මුට්‌ඨස්‌සතී අසම්‌පජානා නිද්‌දං ඔක්‌කමන්‌ති. තෙසං මුට්‌ඨස්‌සතීනං අසම්‌පජානානං නිද්‌දං ඔක්‌කමන්‌තානං සුපිනන්‌තෙන අසුචි මුච්‌චති. තෙසං කුක්‌කුච්‌චං අහොසි – ‘‘භගවතා සික්‌ඛාපදං පඤ්‌ඤත්‌තං – ‘සඤ්‌චෙතනිකා සුක්‌කවිස්‌සට්‌ඨි සඞ්‌ඝාදිසෙසො’ති. අම්‌හාකඤ්‌ච සුපිනන්‌තෙන අසුචි මුච්‌චති. අත්‌ථි චෙත්‌ථ චෙතනා ලබ්‌භති. කච්‌චි නු ඛො මයං සඞ්‌ඝාදිසෙසං ආපත්‌තිං ආපන්‌නා’’ති? භගවතො එතමත්‌ථං ආරොචෙසුං. ‘‘අත්‌ථෙසා, භික්‌ඛවෙ, චෙතනා; සා ච ඛො අබ්‌බොහාරිකාති. එවඤ්‌ච පන, භික්‌ඛවෙ, ඉමං සික්‌ඛාපදං උද්‌දිසෙය්‍යාථ –
235. Tena kho pana samayena bhikkhū paṇītabhojanāni bhuñjitvā muṭṭhassatī asampajānā niddaṃ okkamanti. Tesaṃ muṭṭhassatīnaṃ asampajānānaṃ niddaṃ okkamantānaṃ supinantena asuci muccati. Tesaṃ kukkuccaṃ ahosi – ‘‘bhagavatā sikkhāpadaṃ paññattaṃ – ‘sañcetanikā sukkavissaṭṭhi saṅghādiseso’ti. Amhākañca supinantena asuci muccati. Atthi cettha cetanā labbhati. Kacci nu kho mayaṃ saṅghādisesaṃ āpattiṃ āpannā’’ti? Bhagavato etamatthaṃ ārocesuṃ. ‘‘Atthesā, bhikkhave, cetanā; sā ca kho abbohārikāti. Evañca pana, bhikkhave, imaṃ sikkhāpadaṃ uddiseyyātha –
236. ‘‘සඤ්‌චෙතනිකා සුක්‌කවිස්‌සට්‌ඨි අඤ්‌ඤත්‍ර සුපිනන්‌තා සඞ්‌ඝාදිසෙසො’’ති.
236.‘‘Sañcetanikā sukkavissaṭṭhi aññatra supinantā saṅghādiseso’’ti.
237. සඤ්‌චෙතනිකාති ජානන්‌තො සඤ්‌ජානන්‌තො චෙච්‌ච අභිවිතරිත්‌වා වීතික්‌කමො.
237.Sañcetanikāti jānanto sañjānanto cecca abhivitaritvā vītikkamo.
සුක්‌කන්‌ති දස සුක්‌කානි – නීලං පීතකං ලොහිතකං ඔදාතං තක්‌කවණ්‌ණං දකවණ්‌ණං තෙලවණ්‌ණං ඛීරවණ්‌ණං දධිවණ්‌ණං සප්‌පිවණ්‌ණං.
Sukkanti dasa sukkāni – nīlaṃ pītakaṃ lohitakaṃ odātaṃ takkavaṇṇaṃ dakavaṇṇaṃ telavaṇṇaṃ khīravaṇṇaṃ dadhivaṇṇaṃ sappivaṇṇaṃ.
විස්‌සට්‌ඨීති ඨානතො චාවනා වුච්‌චති විස්‌සට්‌ඨීති.
Vissaṭṭhīti ṭhānato cāvanā vuccati vissaṭṭhīti.
අඤ්‌ඤත්‍ර සුපිනන්‌තාති ඨපෙත්‌වා සුපිනන්‌තං.
Aññatra supinantāti ṭhapetvā supinantaṃ.
සඞ්‌ඝාදිසෙසොති සඞ්‌ඝොව තස්‌සා ආපත්‌තියා පරිවාසං දෙති, මූලාය පටිකස්‌සති, මානත්‌තං දෙති , අබ්‌භෙති; න සම්‌බහුලා, න එකපුග්‌ගලො. තෙන වුච්‌චති – ‘‘සඞ්‌ඝාදිසෙසො’’ති. තස්‌සෙව ආපත්‌තිනිකායස්‌ස නාමකම්‌මං අධිවචනං. තෙනපි වුච්‌චති – ‘‘සඞ්‌ඝාදිසෙසො’’ති.
Saṅghādisesoti saṅghova tassā āpattiyā parivāsaṃ deti, mūlāya paṭikassati, mānattaṃ deti , abbheti; na sambahulā, na ekapuggalo. Tena vuccati – ‘‘saṅghādiseso’’ti. Tasseva āpattinikāyassa nāmakammaṃ adhivacanaṃ. Tenapi vuccati – ‘‘saṅghādiseso’’ti.
අජ්‌ඣත්‌තරූපෙ මොචෙති, බහිද්‌ධාරූපෙ මොචෙති, අජ්‌ඣත්‌තබහිද්‌ධාරූපෙ මොචෙති, ආකාසෙ කටිං කම්‌පෙන්‌තො මොචෙති; රාගූපත්‌ථම්‌භෙ මොචෙති, වච්‌චූපත්‌ථම්‌භෙ මොචෙති, පස්‌සාවූපත්‌ථම්‌භෙ මොචෙති, වාතූපත්‌ථම්‌භෙ මොචෙති , උච්‌චාලිඞ්‌ගපාණකදට්‌ඨූපත්‌ථම්‌භෙ මොචෙති; ආරොග්‍යත්‌ථාය මොචෙති, සුඛත්‌ථාය මොචෙති, භෙසජ්‌ජත්‌ථාය මොචෙති, දානත්‌ථාය මොචෙති, පුඤ්‌ඤත්‌ථාය මොචෙති, යඤ්‌ඤත්‌ථාය මොචෙති, සග්‌ගත්‌ථාය මොචෙති, බීජත්‌ථාය මොචෙති, වීමංසත්‌ථාය මොචෙති, දවත්‌ථාය මොචෙති; නීලං මොචෙති, පීතකං මොචෙති, ලොහිතකං මොචෙති, ඔදාතං මොචෙති, තක්‌කවණ්‌ණං මොචෙති, දකවණ්‌ණං මොචෙති, තෙලවණ්‌ණං මොචෙති, ඛීරවණ්‌ණං මොචෙති, දධිවණ්‌ණං මොචෙති, සප්‌පිවණ්‌ණං මොචෙති.
Ajjhattarūpe moceti, bahiddhārūpe moceti, ajjhattabahiddhārūpe moceti, ākāse kaṭiṃ kampento moceti; rāgūpatthambhe moceti, vaccūpatthambhe moceti, passāvūpatthambhe moceti, vātūpatthambhe moceti , uccāliṅgapāṇakadaṭṭhūpatthambhe moceti; ārogyatthāya moceti, sukhatthāya moceti, bhesajjatthāya moceti, dānatthāya moceti, puññatthāya moceti, yaññatthāya moceti, saggatthāya moceti, bījatthāya moceti, vīmaṃsatthāya moceti, davatthāya moceti; nīlaṃ moceti, pītakaṃ moceti, lohitakaṃ moceti, odātaṃ moceti, takkavaṇṇaṃ moceti, dakavaṇṇaṃ moceti, telavaṇṇaṃ moceti, khīravaṇṇaṃ moceti, dadhivaṇṇaṃ moceti, sappivaṇṇaṃ moceti.
බහිද්‌ධාරූපෙති බහිද්‌ධා උපාදින්‌නෙ වා අනුපාදින්‌නෙ වා.
Bahiddhārūpeti bahiddhā upādinne vā anupādinne vā.
අජ්‌ඣත්‌තබහිද්‌ධාරූපෙති තදුභයෙ.
Ajjhattabahiddhārūpeti tadubhaye.
ආකාසෙ කටිං කම්‌පෙන්‌තොති ආකාසෙ වායමන්‌තස්‌ස අඞ්‌ගජාතං කම්‌මනියං හොති.
Ākāse kaṭiṃ kampentoti ākāse vāyamantassa aṅgajātaṃ kammaniyaṃ hoti.
රාගූපත්‌ථම්‌භෙති රාගෙන පීළිතස්‌ස අඞ්‌ගජාතං කම්‌මනියං හොති.
Rāgūpatthambheti rāgena pīḷitassa aṅgajātaṃ kammaniyaṃ hoti.
වච්‌චූපත්‌ථම්‌භෙති වච්‌චෙන පීළිතස්‌ස අඞ්‌ගජාතං කම්‌මනියං හොති.
Vaccūpatthambheti vaccena pīḷitassa aṅgajātaṃ kammaniyaṃ hoti.
පස්‌සාවූපත්‌ථම්‌භෙති පස්‌සාවෙන පීළිතස්‌ස අඞ්‌ගජාතං කම්‌මනියං හොති.
Passāvūpatthambheti passāvena pīḷitassa aṅgajātaṃ kammaniyaṃ hoti.
වාතූපත්‌ථම්‌භෙති වාතෙන පීළිතස්‌ස අඞ්‌ගජාතං කම්‌මනියං හොති.
Vātūpatthambheti vātena pīḷitassa aṅgajātaṃ kammaniyaṃ hoti.
උච්‌චාලිඞ්‌ගපාණකදට්‌ඨූපත්‌ථම්‌භෙති උච්‌චාලිඞ්‌ගපාණකදට්‌ඨෙන අඞ්‌ගජාතං කම්‌මනියං හොති.
Uccāliṅgapāṇakadaṭṭhūpatthambheti uccāliṅgapāṇakadaṭṭhena aṅgajātaṃ kammaniyaṃ hoti.
239. ආරොග්‍යත්‌ථායාති අරොගො භවිස්‌සාමි.
239.Ārogyatthāyāti arogo bhavissāmi.
සුඛත්‌ථායාති සුඛං වෙදනං උප්‌පාදෙස්‌සාමි.
Sukhatthāyāti sukhaṃ vedanaṃ uppādessāmi.
භෙසජ්‌ජත්‌ථායාති භෙසජ්‌ජං භවිස්‌සති.
Bhesajjatthāyāti bhesajjaṃ bhavissati.
දානත්‌ථායාති දානං දස්‌සාමි.
Dānatthāyāti dānaṃ dassāmi.
පුඤ්‌ඤත්‌ථායාති පුඤ්‌ඤං භවිස්‌සති.
Puññatthāyāti puññaṃ bhavissati.
යඤ්‌ඤත්‌ථායාති යඤ්‌ඤං යජිස්‌සාමි.
Yaññatthāyāti yaññaṃ yajissāmi.
සග්‌ගත්‌ථායාති සග්‌ගං ගමිස්‌සාමි.
Saggatthāyāti saggaṃ gamissāmi.
බීජත්‌ථායාති බීජං භවිස්‌සති.
Bījatthāyāti bījaṃ bhavissati.
වීමංසත්‌ථායාති නීලං භවිස්‌සති, පීතකං භවිස්‌සති, ලොහිතකං භවිස්‌සති, ඔදාතං භවිස්‌සති, තක්‌කවණ්‌ණං භවිස්‌සති, දකවණ්‌ණං භවිස්‌සති, තෙලවණ්‌ණං භවිස්‌සති, ඛීරවණ්‌ණං භවිස්‌සති, දධිවණ්‌ණං භවිස්‌සති, සප්‌පිවණ්‌ණං භවිස්‌සතීති.
Vīmaṃsatthāyāti nīlaṃ bhavissati, pītakaṃ bhavissati, lohitakaṃ bhavissati, odātaṃ bhavissati, takkavaṇṇaṃ bhavissati, dakavaṇṇaṃ bhavissati, telavaṇṇaṃ bhavissati, khīravaṇṇaṃ bhavissati, dadhivaṇṇaṃ bhavissati, sappivaṇṇaṃ bhavissatīti.
දවත්‌ථායාති ඛිඩ්‌ඩාධිප්‌පායො.
Davatthāyāti khiḍḍādhippāyo.
240. අජ්‌ඣත්‌තරූපෙ චෙතෙති උපක්‌කමති මුච්‌චති, ආපත්‌ති සඞ්‌ඝාදිසෙසස්‌ස.
240. Ajjhattarūpe ceteti upakkamati muccati, āpatti saṅghādisesassa.
බහිද්‌ධාරූපෙ චෙතෙති උපක්‌කමති මුච්‌චති, ආපත්‌ති සඞ්‌ඝාදිසෙසස්‌ස.
Bahiddhārūpe ceteti upakkamati muccati, āpatti saṅghādisesassa.
අජ්‌ඣත්‌තබහිද්‌ධාරූපෙ චෙතෙති උපක්‌කමති මුච්‌චති, ආපත්‌ති සඞ්‌ඝාදිසෙසස්‌ස.
Ajjhattabahiddhārūpe ceteti upakkamati muccati, āpatti saṅghādisesassa.
ආකාසෙ කටිං කම්‌පෙන්‌තො චෙතෙති උපක්‌කමති මුච්‌චති, ආපත්‌ති සඞ්‌ඝාදිසෙසස්‌ස.
Ākāse kaṭiṃ kampento ceteti upakkamati muccati, āpatti saṅghādisesassa.
රාගූපත්‌ථම්‌භෙ චෙතෙති උපක්‌කමති මුච්‌චති, ආපත්‌ති සඞ්‌ඝාදිසෙසස්‌ස.
Rāgūpatthambhe ceteti upakkamati muccati, āpatti saṅghādisesassa.
වච්‌චූපත්‌ථම්‌භෙ චෙතෙති උපක්‌කමති මුච්‌චති, ආපත්‌ති සඞ්‌ඝාදිසෙසස්‌ස.
Vaccūpatthambhe ceteti upakkamati muccati, āpatti saṅghādisesassa.
පස්‌සාවූපත්‌ථම්‌භෙ චෙතෙති උපක්‌කමති මුච්‌චති, ආපත්‌ති සඞ්‌ඝාදිසෙසස්‌ස.
Passāvūpatthambhe ceteti upakkamati muccati, āpatti saṅghādisesassa.
වාතූපත්‌ථම්‌භෙ චෙතෙති උපක්‌කමති මුච්‌චති, ආපත්‌ති සඞ්‌ඝාදිසෙසස්‌ස.
Vātūpatthambhe ceteti upakkamati muccati, āpatti saṅghādisesassa.
උච්‌චාලිඞ්‌ගපාණකදට්‌ඨූපත්‌ථම්‌භෙ චෙතෙති උපක්‌කමති මුච්‌චති, ආපත්‌ති සඞ්‌ඝාදිසෙසස්‌ස.
Uccāliṅgapāṇakadaṭṭhūpatthambhe ceteti upakkamati muccati, āpatti saṅghādisesassa.
ආරොග්‍යත්‌ථාය චෙතෙති උපක්‌කමති මුච්‌චති, ආපත්‌ති සඞ්‌ඝාදිසෙසස්‌ස.
Ārogyatthāya ceteti upakkamati muccati, āpatti saṅghādisesassa.
සුඛත්‌ථාය…පෙ.… භෙසජ්‌ජත්‌ථාය… දානත්‌ථාය… පුඤ්‌ඤත්‌ථාය… යඤ්‌ඤත්‌ථාය… සග්‌ගත්‌ථාය… බීජත්‌ථාය… වීමංසත්‌ථාය… දවත්‌ථාය චෙතෙති උපක්‌කමති මුච්‌චති, ආපත්‌ති සඞ්‌ඝාදිසෙසස්‌ස.
Sukhatthāya…pe… bhesajjatthāya… dānatthāya… puññatthāya… yaññatthāya… saggatthāya… bījatthāya… vīmaṃsatthāya… davatthāya ceteti upakkamati muccati, āpatti saṅghādisesassa.
නීලං චෙතෙති උපක්‌කමති මුච්‌චති, ආපත්‌ති සඞ්‌ඝාදිසෙසස්‌ස .
Nīlaṃ ceteti upakkamati muccati, āpatti saṅghādisesassa .
පීතකං… ලොහිතකං… ඔදාතං… තක්‌කවණ්‌ණං… දකවණ්‌ණං… තෙලවණ්‌ණං… ඛීරවණ්‌ණං… දධිවණ්‌ණං… සප්‌පිවණ්‌ණං චෙතෙති උපක්‌කමති මුච්‌චති, ආපත්‌ති සඞ්‌ඝාදිසෙසස්‌ස.
Pītakaṃ… lohitakaṃ… odātaṃ… takkavaṇṇaṃ… dakavaṇṇaṃ… telavaṇṇaṃ… khīravaṇṇaṃ… dadhivaṇṇaṃ… sappivaṇṇaṃ ceteti upakkamati muccati, āpatti saṅghādisesassa.
සුද්‌ධිකං නිට්‌ඨිතං.
Suddhikaṃ niṭṭhitaṃ.
ආරොග්‍යත්‌ථඤ්‌ච සුඛත්‌ථඤ්‌ච චෙතෙති උපක්‌කමති මුච්‌චති, ආපත්‌ති සඞ්‌ඝාදිසෙසස්‌ස.
Ārogyatthañca sukhatthañca ceteti upakkamati muccati, āpatti saṅghādisesassa.
ආරොග්‍යත්‌ථඤ්‌ච භෙසජ්‌ජත්‌ථඤ්‌ච…පෙ.… ආරොග්‍යත්‌ථඤ්‌ච දානත්‌ථඤ්‌ච… ආරොග්‍යත්‌ථඤ්‌ච පුඤ්‌ඤත්‌ථඤ්‌ච… ආරොග්‍යත්‌ථඤ්‌ච යඤ්‌ඤත්‌ථඤ්‌ච… ආරොග්‍යත්‌ථඤ්‌ච සග්‌ගත්‌ථඤ්‌ච… ආරොග්‍යත්‌ථඤ්‌ච බීජත්‌ථඤ්‌ච… ආරොග්‍යත්‌ථඤ්‌ච වීමංසත්‌ථඤ්‌ච… ආරොග්‍යත්‌ථඤ්‌ච දවත්‌ථඤ්‌ච චෙතෙති උපක්‌කමති මුච්‌චති, ආපත්‌ති සඞ්‌ඝාදිසෙසස්‌ස.
Ārogyatthañca bhesajjatthañca…pe… ārogyatthañca dānatthañca… ārogyatthañca puññatthañca… ārogyatthañca yaññatthañca… ārogyatthañca saggatthañca… ārogyatthañca bījatthañca… ārogyatthañca vīmaṃsatthañca… ārogyatthañca davatthañca ceteti upakkamati muccati, āpatti saṅghādisesassa.
එකමූලකස්‌ස ඛණ්‌ඩචක්‌කං නිට්‌ඨිතං.
Ekamūlakassa khaṇḍacakkaṃ niṭṭhitaṃ.
241. සුඛත්‌ථඤ්‌ච භෙසජ්‌ජත්‌ථඤ්‌ච චෙතෙති උපක්‌කමති මුච්‌චති, ආපත්‌ති සඞ්‌ඝාදිසෙසස්‌ස.
241. Sukhatthañca bhesajjatthañca ceteti upakkamati muccati, āpatti saṅghādisesassa.
සුඛත්‌ථඤ්‌ච දානත්‌ථඤ්‌ච…පෙ.… සුඛත්‌ථඤ්‌ච පුඤ්‌ඤත්‌ථඤ්‌ච… සුඛත්‌ථඤ්‌ච යඤ්‌ඤත්‌ථඤ්‌ච… සුඛත්‌ථඤ්‌ච සග්‌ගත්‌ථඤ්‌ච… සුඛත්‌ථඤ්‌ච බීජත්‌ථඤ්‌ච… සුඛත්‌ථඤ්‌ච වීමංසත්‌ථඤ්‌ච… සුඛත්‌ථඤ්‌ච දවත්‌ථඤ්‌ච චෙතෙති උපක්‌කමති මුච්‌චති, ආපත්‌ති සඞ්‌ඝාදිසෙසස්‌ස.
Sukhatthañca dānatthañca…pe… sukhatthañca puññatthañca… sukhatthañca yaññatthañca… sukhatthañca saggatthañca… sukhatthañca bījatthañca… sukhatthañca vīmaṃsatthañca… sukhatthañca davatthañca ceteti upakkamati muccati, āpatti saṅghādisesassa.
සුඛත්‌ථඤ්‌ච ආරොග්‍යත්‌ථඤ්‌ච චෙතෙති උපක්‌කමති මුච්‌චති, ආපත්‌ති සඞ්‌ඝාදිසෙසස්‌ස.
Sukhatthañca ārogyatthañca ceteti upakkamati muccati, āpatti saṅghādisesassa.
242. භෙසජ්‌ජත්‌ථඤ්‌ච දානත්‌ථඤ්‌ච…පෙ.… භෙසජ්‌ජත්‌ථඤ්‌ච පුඤ්‌ඤත්‌ථඤ්‌ච… භෙසජ්‌ජත්‌ථඤ්‌ච යඤ්‌ඤත්‌ථඤ්‌ච… භෙසජ්‌ජත්‌ථඤ්‌ච සග්‌ගත්‌ථඤ්‌ච… භෙසජ්‌ජත්‌ථඤ්‌ච බීජත්‌ථඤ්‌ච… භෙසජ්‌ජත්‌ථඤ්‌ච වීමංසත්‌ථඤ්‌ච… භෙසජ්‌ජත්‌ථඤ්‌ච දවත්‌ථඤ්‌ච චෙතෙති උපක්‌කමති මුච්‌චති, ආපත්‌ති සඞ්‌ඝාදිසෙසස්‌ස.
242. Bhesajjatthañca dānatthañca…pe… bhesajjatthañca puññatthañca… bhesajjatthañca yaññatthañca… bhesajjatthañca saggatthañca… bhesajjatthañca bījatthañca… bhesajjatthañca vīmaṃsatthañca… bhesajjatthañca davatthañca ceteti upakkamati muccati, āpatti saṅghādisesassa.
භෙසජ්‌ජත්‌ථඤ්‌ච ආරොග්‍යත්‌ථඤ්‌ච…පෙ.… භෙසජ්‌ජත්‌ථඤ්‌ච සුඛත්‌ථඤ්‌ච චෙතෙති උපක්‌කමති මුච්‌චති, ආපත්‌ති සඞ්‌ඝාදිසෙසස්‌ස.
Bhesajjatthañca ārogyatthañca…pe… bhesajjatthañca sukhatthañca ceteti upakkamati muccati, āpatti saṅghādisesassa.
දානත්‌ථඤ්‌ච පුඤ්‌ඤත්‌ථඤ්‌ච…පෙ.… දානත්‌ථඤ්‌ච යඤ්‌ඤත්‌ථඤ්‌ච… දානත්‌ථඤ්‌ච සග්‌ගත්‌ථඤ්‌ච… දානත්‌ථඤ්‌ච බීජත්‌ථඤ්‌ච… දානත්‌ථඤ්‌ච වීමංසත්‌ථඤ්‌ච… දානත්‌ථඤ්‌ච දවත්‌ථඤ්‌ච චෙතෙති උපක්‌කමති මුච්‌චති, ආපත්‌ති සඞ්‌ඝාදිසෙසස්‌ස.
Dānatthañca puññatthañca…pe… dānatthañca yaññatthañca… dānatthañca saggatthañca… dānatthañca bījatthañca… dānatthañca vīmaṃsatthañca… dānatthañca davatthañca ceteti upakkamati muccati, āpatti saṅghādisesassa.
දානත්‌ථඤ්‌ච ආරොග්‍යත්‌ථඤ්‌ච…පෙ.… දානත්‌ථඤ්‌ච සුඛත්‌ථඤ්‌ච… දානත්‌ථඤ්‌ච භෙසජ්‌ජත්‌ථඤ්‌ච චෙතෙති උපක්‌කමති මුච්‌චති, ආපත්‌ති සඞ්‌ඝාදිසෙසස්‌ස.
Dānatthañca ārogyatthañca…pe… dānatthañca sukhatthañca… dānatthañca bhesajjatthañca ceteti upakkamati muccati, āpatti saṅghādisesassa.
පුඤ්‌ඤත්‌ථඤ්‌ච යඤ්‌ඤත්‌ථඤ්‌ච…පෙ.… පුඤ්‌ඤත්‌ථඤ්‌ච සග්‌ගත්‌ථඤ්‌ච… පුඤ්‌ඤත්‌ථඤ්‌ච බීජත්‌ථඤ්‌ච… පුඤ්‌ඤත්‌ථඤ්‌ච වීමංසත්‌ථඤ්‌ච… පුඤ්‌ඤත්‌ථඤ්‌ච දවත්‌ථඤ්‌ච චෙතෙති උපක්‌කමති මුච්‌චති, ආපත්‌ති සඞ්‌ඝාදිසෙසස්‌ස.
Puññatthañca yaññatthañca…pe… puññatthañca saggatthañca… puññatthañca bījatthañca… puññatthañca vīmaṃsatthañca… puññatthañca davatthañca ceteti upakkamati muccati, āpatti saṅghādisesassa.
පුඤ්‌ඤත්‌ථඤ්‌ච ආරොග්‍යත්‌ථඤ්‌ච…පෙ.… පුඤ්‌ඤත්‌ථඤ්‌ච සුඛත්‌ථඤ්‌ච… පුඤ්‌ඤත්‌ථඤ්‌ච භෙසජ්‌ජත්‌ථඤ්‌ච… පුඤ්‌ඤත්‌ථඤ්‌ච දානත්‌ථඤ්‌ච චෙතෙති උපක්‌කමති මුච්‌චති, ආපත්‌ති සඞ්‌ඝාදිසෙසස්‌ස.
Puññatthañca ārogyatthañca…pe… puññatthañca sukhatthañca… puññatthañca bhesajjatthañca… puññatthañca dānatthañca ceteti upakkamati muccati, āpatti saṅghādisesassa.
යඤ්‌ඤත්‌ථඤ්‌ච සග්‌ගත්‌ථඤ්‌ච…පෙ.… යඤ්‌ඤත්‌ථඤ්‌ච බීජත්‌ථඤ්‌ච… යඤ්‌ඤත්‌ථඤ්‌ච වීමංසත්‌ථඤ්‌ච … යඤ්‌ඤත්‌ථඤ්‌ච දවත්‌ථඤ්‌ච චෙතෙති උපක්‌කමති මුච්‌චති, ආපත්‌ති සඞ්‌ඝාදිසෙසස්‌ස.
Yaññatthañca saggatthañca…pe… yaññatthañca bījatthañca… yaññatthañca vīmaṃsatthañca … yaññatthañca davatthañca ceteti upakkamati muccati, āpatti saṅghādisesassa.
යඤ්‌ඤත්‌ථඤ්‌ච ආරොග්‍යත්‌ථඤ්‌ච…පෙ.… යඤ්‌ඤත්‌ථඤ්‌ච සුඛත්‌ථඤ්‌ච… යඤ්‌ඤත්‌ථඤ්‌ච භෙසජ්‌ජත්‌ථඤ්‌ච… යඤ්‌ඤත්‌ථඤ්‌ච දානත්‌ථඤ්‌ච… යඤ්‌ඤත්‌ථඤ්‌ච පුඤ්‌ඤත්‌ථඤ්‌ච චෙතෙති උපක්‌කමති මුච්‌චති, ආපත්‌ති සඞ්‌ඝාදිසෙසස්‌ස.
Yaññatthañca ārogyatthañca…pe… yaññatthañca sukhatthañca… yaññatthañca bhesajjatthañca… yaññatthañca dānatthañca… yaññatthañca puññatthañca ceteti upakkamati muccati, āpatti saṅghādisesassa.
සග්‌ගත්‌ථඤ්‌ච බීජත්‌ථඤ්‌ච…පෙ.… සග්‌ගත්‌ථඤ්‌ච වීමංසත්‌ථඤ්‌ච… සග්‌ගත්‌ථඤ්‌ච දවත්‌ථඤ්‌ච චෙතෙති උපක්‌කමති මුච්‌චති, ආපත්‌ති සඞ්‌ඝාදිසෙසස්‌ස.
Saggatthañca bījatthañca…pe… saggatthañca vīmaṃsatthañca… saggatthañca davatthañca ceteti upakkamati muccati, āpatti saṅghādisesassa.
සග්‌ගත්‌ථඤ්‌ච ආරොග්‍යත්‌ථඤ්‌ච…පෙ.… සග්‌ගත්‌ථඤ්‌ච සුඛත්‌ථඤ්‌ච… සග්‌ගත්‌ථඤ්‌ච භෙසජ්‌ජත්‌ථඤ්‌ච… සග්‌ගත්‌ථඤ්‌ච දානත්‌ථඤ්‌ච… සග්‌ගත්‌ථඤ්‌ච පුඤ්‌ඤත්‌ථඤ්‌ච… සග්‌ගත්‌ථඤ්‌ච යඤ්‌ඤත්‌ථඤ්‌ච චෙතෙති උපක්‌කමති මුච්‌චති, ආපත්‌ති සඞ්‌ඝාදිසෙසස්‌ස.
Saggatthañca ārogyatthañca…pe… saggatthañca sukhatthañca… saggatthañca bhesajjatthañca… saggatthañca dānatthañca… saggatthañca puññatthañca… saggatthañca yaññatthañca ceteti upakkamati muccati, āpatti saṅghādisesassa.
බීජත්‌ථඤ්‌ච වීමංසත්‌ථඤ්‌ච…පෙ.… බීජත්‌ථඤ්‌ච දවත්‌ථඤ්‌ච චෙතෙති උපක්‌කමති මුච්‌චති, ආපත්‌ති සඞ්‌ඝාදිසෙසස්‌ස.
Bījatthañca vīmaṃsatthañca…pe… bījatthañca davatthañca ceteti upakkamati muccati, āpatti saṅghādisesassa.
බීජත්‌ථඤ්‌ච ආරොග්‍යත්‌ථඤ්‌ච…පෙ.… බීජත්‌ථඤ්‌ච සුඛත්‌ථඤ්‌ච… බීජත්‌ථඤ්‌ච භෙසජ්‌ජත්‌ථඤ්‌ච… බීජත්‌ථඤ්‌ච දානත්‌ථඤ්‌ච… බීජත්‌ථඤ්‌ච පුඤ්‌ඤත්‌ථඤ්‌ච… බීජත්‌ථඤ්‌ච යඤ්‌ඤත්‌ථඤ්‌ච… බීජත්‌ථඤ්‌ච සග්‌ගත්‌ථඤ්‌ච චෙතෙති උපක්‌කමති මුච්‌චති, ආපත්‌ති සඞ්‌ඝාදිසෙසස්‌ස.
Bījatthañca ārogyatthañca…pe… bījatthañca sukhatthañca… bījatthañca bhesajjatthañca… bījatthañca dānatthañca… bījatthañca puññatthañca… bījatthañca yaññatthañca… bījatthañca saggatthañca ceteti upakkamati muccati, āpatti saṅghādisesassa.
වීමංසත්‌ථඤ්‌ච දවත්‌ථඤ්‌ච චෙතෙති උපක්‌කමති මුච්‌චති, ආපත්‌ති සඞ්‌ඝාදිසෙසස්‌ස.
Vīmaṃsatthañca davatthañca ceteti upakkamati muccati, āpatti saṅghādisesassa.
වීමංසත්‌ථඤ්‌ච ආරොග්‍යත්‌ථඤ්‌ච…පෙ.… වීමංසත්‌ථඤ්‌ච සුඛත්‌ථඤ්‌ච… වීමංසත්‌ථඤ්‌ච භෙසජ්‌ජත්‌ථඤ්‌ච… වීමංසත්‌ථඤ්‌ච දානත්‌ථඤ්‌ච… වීමංසත්‌ථඤ්‌ච පුඤ්‌ඤත්‌ථඤ්‌ච… වීමංසත්‌ථඤ්‌ච යඤ්‌ඤත්‌ථඤ්‌ච… වීමංසත්‌ථඤ්‌ච සග්‌ගත්‌ථඤ්‌ච… වීමංසත්‌ථඤ්‌ච බීජත්‌ථඤ්‌ච චෙතෙති උපක්‌කමති මුච්‌චති, ආපත්‌ති සඞ්‌ඝාදිසෙසස්‌ස.
Vīmaṃsatthañca ārogyatthañca…pe… vīmaṃsatthañca sukhatthañca… vīmaṃsatthañca bhesajjatthañca… vīmaṃsatthañca dānatthañca… vīmaṃsatthañca puññatthañca… vīmaṃsatthañca yaññatthañca… vīmaṃsatthañca saggatthañca… vīmaṃsatthañca bījatthañca ceteti upakkamati muccati, āpatti saṅghādisesassa.
දවත්‌ථඤ්‌ච ආරොග්‍යත්‌ථඤ්‌ච…පෙ.… දවත්‌ථඤ්‌ච සුඛත්‌ථඤ්‌ච… දවත්‌ථඤ්‌ච භෙසජ්‌ජත්‌ථඤ්‌ච… දවත්‌ථඤ්‌ච දානත්‌ථඤ්‌ච… දවත්‌ථඤ්‌ච පුඤ්‌ඤත්‌ථඤ්‌ච… දවත්‌ථඤ්‌ච යඤ්‌ඤත්‌ථඤ්‌ච… දවත්‌ථඤ්‌ච සග්‌ගත්‌ථඤ්‌ච… දවත්‌ථඤ්‌ච බීජත්‌ථඤ්‌ච… දවත්‌ථඤ්‌ච වීමංසත්‌ථඤ්‌ච චෙතෙති උපක්‌කමති මුච්‌චති, ආපත්‌ති සඞ්‌ඝාදිසෙසස්‌ස.
Davatthañca ārogyatthañca…pe… davatthañca sukhatthañca… davatthañca bhesajjatthañca… davatthañca dānatthañca… davatthañca puññatthañca… davatthañca yaññatthañca… davatthañca saggatthañca… davatthañca bījatthañca… davatthañca vīmaṃsatthañca ceteti upakkamati muccati, āpatti saṅghādisesassa.
එකමූලකස්‌ස බද්‌ධචක්‌කං නිට්‌ඨිතං.
Ekamūlakassa baddhacakkaṃ niṭṭhitaṃ.
ආරොග්‍යත්‌ථඤ්‌ච සුඛත්‌ථඤ්‌ච භෙසජ්‌ජත්‌ථඤ්‌ච චෙතෙති උපක්‌කමති මුච්‌චති, ආපත්‌ති සඞ්‌ඝාදිසෙසස්‌ස…පෙ.… ආරොග්‍යත්‌ථඤ්‌ච සුඛත්‌ථඤ්‌ච දවත්‌ථඤ්‌ච චෙතෙති උපක්‌කමති මුච්‌චති, ආපත්‌ති සඞ්‌ඝාදිසෙසස්‌ස.
Ārogyatthañca sukhatthañca bhesajjatthañca ceteti upakkamati muccati, āpatti saṅghādisesassa…pe… ārogyatthañca sukhatthañca davatthañca ceteti upakkamati muccati, āpatti saṅghādisesassa.
දුමූලකස්‌ස ඛණ්‌ඩචක්‌කං.
Dumūlakassa khaṇḍacakkaṃ.
සුඛත්‌ථඤ්‌ච භෙසජ්‌ජත්‌ථඤ්‌ච දානත්‌ථඤ්‌ච චෙතෙති උපක්‌කමති මුච්‌චති, ආපත්‌ති සඞ්‌ඝාදිසෙසස්‌ස…පෙ.… සුඛත්‌ථඤ්‌ච භෙසජ්‌ජත්‌ථඤ්‌ච දවත්‌ථඤ්‌ච…පෙ.… සුඛත්‌ථඤ්‌ච භෙසජ්‌ජත්‌ථඤ්‌ච ආරොග්‍යත්‌ථඤ්‌ච චෙතෙති උපක්‌කමති මුච්‌චති, ආපත්‌ති සඞ්‌ඝාදිසෙසස්‌ස.
Sukhatthañca bhesajjatthañca dānatthañca ceteti upakkamati muccati, āpatti saṅghādisesassa…pe… sukhatthañca bhesajjatthañca davatthañca…pe… sukhatthañca bhesajjatthañca ārogyatthañca ceteti upakkamati muccati, āpatti saṅghādisesassa.
දුමූලකස්‌ස බද්‌ධචක්‌කං සංඛිත්‌තං.
Dumūlakassa baddhacakkaṃ saṃkhittaṃ.
වීමංසත්‌ථඤ්‌ච දවත්‌ථඤ්‌ච ආරොග්‍යත්‌ථඤ්‌ච චෙතෙති උපක්‌කමති මුච්‌චති, ආපත්‌ති සඞ්‌ඝාදිසෙසස්‌ස. වීමංසත්‌ථඤ්‌ච දවත්‌ථඤ්‌ච බීජත්‌ථඤ්‌ච චෙතෙති උපක්‌කමති මුච්‌චති, ආපත්‌ති සඞ්‌ඝාදිසෙසස්‌ස.
Vīmaṃsatthañca davatthañca ārogyatthañca ceteti upakkamati muccati, āpatti saṅghādisesassa. Vīmaṃsatthañca davatthañca bījatthañca ceteti upakkamati muccati, āpatti saṅghādisesassa.
දුමූලකං නිට්‌ඨිතං.
Dumūlakaṃ niṭṭhitaṃ.
තිමූලකම්‌පි චතුමූලකම්‌පි පඤ්‌චමූලකම්‌පි ඡමූලකම්‌පි සත්‌තමූලකම්‌පි අට්‌ඨමූලකම්‌පි නවමූලකම්‌පි එවමෙව විත්‌ථාරෙතබ්‌බං.
Timūlakampi catumūlakampi pañcamūlakampi chamūlakampi sattamūlakampi aṭṭhamūlakampi navamūlakampi evameva vitthāretabbaṃ.
ඉදං සබ්‌බමූලකං.
Idaṃ sabbamūlakaṃ.
243. ආරොග්‍යත්‌ථඤ්‌ච සුඛත්‌ථඤ්‌ච භෙසජ්‌ජත්‌ථඤ්‌ච දානත්‌ථඤ්‌ච පුඤ්‌ඤත්‌ථඤ්‌ච යඤ්‌ඤත්‌ථඤ්‌ච සග්‌ගත්‌ථඤ්‌ච බීජත්‌ථඤ්‌ච වීමංසත්‌ථඤ්‌ච දවත්‌ථඤ්‌ච චෙතෙති උපක්‌කමති මුච්‌චති, ආපත්‌ති සඞ්‌ඝාදිසෙසස්‌ස.
243. Ārogyatthañca sukhatthañca bhesajjatthañca dānatthañca puññatthañca yaññatthañca saggatthañca bījatthañca vīmaṃsatthañca davatthañca ceteti upakkamati muccati, āpatti saṅghādisesassa.
සබ්‌බමූලකං නිට්‌ඨිතං.
Sabbamūlakaṃ niṭṭhitaṃ.
244. නීලඤ්‌ච පීතකඤ්‌ච චෙතෙති උපක්‌කමති මුච්‌චති, ආපත්‌ති සඞ්‌ඝාදිසෙසස්‌ස.
244. Nīlañca pītakañca ceteti upakkamati muccati, āpatti saṅghādisesassa.
නීලඤ්‌ච ලොහිතකඤ්‌ච…පෙ.… නීලඤ්‌ච ඔදාතඤ්‌ච… නීලඤ්‌ච තක්‌කවණ්‌ණඤ්‌ච… නීලඤ්‌ච දකවණ්‌ණඤ්‌ච… නීලඤ්‌ච තෙලවණ්‌ණඤ්‌ච… නීලඤ්‌ච ඛීරවණ්‌ණඤ්‌ච… නීලඤ්‌ච දධිවණ්‌ණඤ්‌ච… නීලඤ්‌ච සප්‌පිවණ්‌ණඤ්‌ච චෙතෙති උපක්‌කමති මුච්‌චත්‌ති, ආපත්‌ති සඞ්‌ඝාදිසෙසස්‌ස.
Nīlañca lohitakañca…pe… nīlañca odātañca… nīlañca takkavaṇṇañca… nīlañca dakavaṇṇañca… nīlañca telavaṇṇañca… nīlañca khīravaṇṇañca… nīlañca dadhivaṇṇañca… nīlañca sappivaṇṇañca ceteti upakkamati muccatti, āpatti saṅghādisesassa.
එකමූලකස්‌ස ඛණ්‌ඩචක්‌කං නිට්‌ඨිතං.
Ekamūlakassa khaṇḍacakkaṃ niṭṭhitaṃ.
245. පීතකඤ්‌ච ලොහිතකඤ්‌ච චෙතෙති උපක්‌කමති මුච්‌චති, ආපත්‌ති සඞ්‌ඝාදිසෙසස්‌ස.
245. Pītakañca lohitakañca ceteti upakkamati muccati, āpatti saṅghādisesassa.
පීතකඤ්‌ච ඔදාතඤ්‌ච…පෙ.… පීතකඤ්‌ච තක්‌කවණ්‌ණඤ්‌ච… පීතකඤ්‌ච දකවණ්‌ණඤ්‌ච… පීතකඤ්‌ච තෙලවණ්‌ණඤ්‌ච… පීතකඤ්‌ච ඛීරවණ්‌ණඤ්‌ච… පීතකඤ්‌ච දධිවණ්‌ණඤ්‌ච… පීතකඤ්‌ච සප්‌පිවණ්‌ණඤ්‌ච චෙතෙති උපක්‌කමති මුච්‌චති, ආපත්‌ති සඞ්‌ඝාදිසෙසස්‌ස.
Pītakañca odātañca…pe… pītakañca takkavaṇṇañca… pītakañca dakavaṇṇañca… pītakañca telavaṇṇañca… pītakañca khīravaṇṇañca… pītakañca dadhivaṇṇañca… pītakañca sappivaṇṇañca ceteti upakkamati muccati, āpatti saṅghādisesassa.
පීතකඤ්‌ච නීලඤ්‌ච චෙතෙති උපක්‌කමති මුච්‌චති, ආපත්‌ති සඞ්‌ඝාදිසෙසස්‌ස.
Pītakañca nīlañca ceteti upakkamati muccati, āpatti saṅghādisesassa.
එකමූලකස්‌ස බද්‌ධචක්‌කං.
Ekamūlakassa baddhacakkaṃ.
246. ලොහිතකඤ්‌ච ඔදාතඤ්‌ච චෙතෙති උපක්‌කමති මුච්‌චති, ආපත්‌ති සඞ්‌ඝාදිසෙසස්‌ස.
246. Lohitakañca odātañca ceteti upakkamati muccati, āpatti saṅghādisesassa.
ලොහිතකඤ්‌ච තක්‌කවණ්‌ණඤ්‌ච…පෙ.… ලොහිතකඤ්‌ච දකවණ්‌ණඤ්‌ච… ලොහිතකඤ්‌ච තෙලවණ්‌ණඤ්‌ච… ලොහිතකඤ්‌ච ඛීරවණ්‌ණඤ්‌ච… ලොහිතකඤ්‌ච දධිවණ්‌ණඤ්‌ච… ලොහිතකඤ්‌ච සප්‌පිවණ්‌ණඤ්‌ච චෙතෙති උපක්‌කමති මුච්‌චති, ආපත්‌ති සඞ්‌ඝාදිසෙසස්‌ස.
Lohitakañca takkavaṇṇañca…pe… lohitakañca dakavaṇṇañca… lohitakañca telavaṇṇañca… lohitakañca khīravaṇṇañca… lohitakañca dadhivaṇṇañca… lohitakañca sappivaṇṇañca ceteti upakkamati muccati, āpatti saṅghādisesassa.
ලොහිතකඤ්‌ච නීලඤ්‌ච…පෙ.… ලොහිතකඤ්‌ච පීතකඤ්‌ච චෙතෙති උපක්‌කමති මුච්‌චති, ආපත්‌ති සඞ්‌ඝාදිසෙසස්‌ස.
Lohitakañca nīlañca…pe… lohitakañca pītakañca ceteti upakkamati muccati, āpatti saṅghādisesassa.
ඔදාතඤ්‌ච තක්‌කවණ්‌ණඤ්‌ච…පෙ.… ඔදාතඤ්‌ච දකවණ්‌ණඤ්‌ච… ඔදාතඤ්‌ච තෙලවණ්‌ණඤ්‌ච… ඔදාතඤ්‌ච ඛීරවණ්‌ණඤ්‌ච… ඔදාතඤ්‌ච දධිවණ්‌ණඤ්‌ච… ඔදාතඤ්‌ච සප්‌පිවණ්‌ණඤ්‌ච චෙතෙති උපක්‌කමති මුච්‌චති, ආපත්‌ති සඞ්‌ඝාදිසෙසස්‌ස.
Odātañca takkavaṇṇañca…pe… odātañca dakavaṇṇañca… odātañca telavaṇṇañca… odātañca khīravaṇṇañca… odātañca dadhivaṇṇañca… odātañca sappivaṇṇañca ceteti upakkamati muccati, āpatti saṅghādisesassa.
ඔදාතඤ්‌ච නීලඤ්‌ච…පෙ.… ඔදාතඤ්‌ච පීතකඤ්‌ච… ඔදාතඤ්‌ච ලොහිතකඤ්‌ච චෙතෙති උපක්‌කමති මුච්‌චති, ආපත්‌ති සඞ්‌ඝාදිසෙසස්‌ස.
Odātañca nīlañca…pe… odātañca pītakañca… odātañca lohitakañca ceteti upakkamati muccati, āpatti saṅghādisesassa.
තක්‌කවණ්‌ණඤ්‌ච දකවණ්‌ණඤ්‌ච…පෙ.… තක්‌කවණ්‌ණඤ්‌ච තෙලවණ්‌ණඤ්‌ච… තක්‌කවණ්‌ණඤ්‌ච ඛීරවණ්‌ණඤ්‌ච… තක්‌කවණ්‌ණඤ්‌ච දධිවණ්‌ණඤ්‌ච… තක්‌කවණ්‌ණඤ්‌ච සප්‌පිවණ්‌ණඤ්‌ච චෙතෙති උපක්‌කමති මුච්‌චති, ආපත්‌ති සඞ්‌ඝාදිසෙසස්‌ස.
Takkavaṇṇañca dakavaṇṇañca…pe… takkavaṇṇañca telavaṇṇañca… takkavaṇṇañca khīravaṇṇañca… takkavaṇṇañca dadhivaṇṇañca… takkavaṇṇañca sappivaṇṇañca ceteti upakkamati muccati, āpatti saṅghādisesassa.
තක්‌කවණ්‌ණඤ්‌ච නීලඤ්‌ච…පෙ.… තක්‌කවණ්‌ණඤ්‌ච පීතකඤ්‌ච… තක්‌කවණ්‌ණඤ්‌ච ලොහිතකඤ්‌ච… තක්‌කවණ්‌ණඤ්‌ච ඔදාතඤ්‌ච චෙතෙති උපක්‌කමති මුච්‌චති, ආපත්‌ති සඞ්‌ඝාදිසෙසස්‌ස.
Takkavaṇṇañca nīlañca…pe… takkavaṇṇañca pītakañca… takkavaṇṇañca lohitakañca… takkavaṇṇañca odātañca ceteti upakkamati muccati, āpatti saṅghādisesassa.
දකවණ්‌ණඤ්‌ච තෙලවණ්‌ණඤ්‌ච…පෙ.… දකවණ්‌ණඤ්‌ච ඛීරවණ්‌ණඤ්‌ච… දකවණ්‌ණඤ්‌ච දධිවණ්‌ණඤ්‌ච… දකවණ්‌ණඤ්‌ච සප්‌පිවණ්‌ණඤ්‌ච චෙතෙති උපක්‌කමති මුච්‌චති, ආපත්‌ති සඞ්‌ඝාදිසෙසස්‌ස.
Dakavaṇṇañca telavaṇṇañca…pe… dakavaṇṇañca khīravaṇṇañca… dakavaṇṇañca dadhivaṇṇañca… dakavaṇṇañca sappivaṇṇañca ceteti upakkamati muccati, āpatti saṅghādisesassa.
දකවණ්‌ණඤ්‌ච නීලඤ්‌ච…පෙ.… දකවණ්‌ණඤ්‌ච පීතකඤ්‌ච… දකවණ්‌ණඤ්‌ච ලොහිතකඤ්‌ච… දකවණ්‌ණඤ්‌ච ඔදාතඤ්‌ච… දකවණ්‌ණඤ්‌ච තක්‌කවණ්‌ණඤ්‌ච චෙතෙති උපක්‌කමති මුච්‌චති , ආපත්‌ති සඞ්‌ඝාදිසෙසස්‌ස.
Dakavaṇṇañca nīlañca…pe… dakavaṇṇañca pītakañca… dakavaṇṇañca lohitakañca… dakavaṇṇañca odātañca… dakavaṇṇañca takkavaṇṇañca ceteti upakkamati muccati , āpatti saṅghādisesassa.
තෙලවණ්‌ණඤ්‌ච ඛීරවණ්‌ණඤ්‌ච…පෙ.… තෙලවණ්‌ණඤ්‌ච දධිවණ්‌ණඤ්‌ච… තෙලවණ්‌ණඤ්‌ච සප්‌පිවණ්‌ණඤ්‌ච චෙතෙති උපක්‌කමති මුච්‌චති, ආපත්‌ති සඞ්‌ඝාදිසෙසස්‌ස.
Telavaṇṇañca khīravaṇṇañca…pe… telavaṇṇañca dadhivaṇṇañca… telavaṇṇañca sappivaṇṇañca ceteti upakkamati muccati, āpatti saṅghādisesassa.
තෙලවණ්‌ණඤ්‌ච නීලඤ්‌ච…පෙ.… තෙලවණ්‌ණඤ්‌ච පීතකඤ්‌ච… තෙලවණ්‌ණඤ්‌ච ලොහිතකඤ්‌ච… තෙලවණ්‌ණඤ්‌ච ඔදාතඤ්‌ච… තෙලවණ්‌ණඤ්‌ච තක්‌කවණ්‌ණඤ්‌ච… තෙලවණ්‌ණඤ්‌ච දකවණ්‌ණඤ්‌ච චෙතෙති උපක්‌කමති මුච්‌චති, ආපත්‌ති සඞ්‌ඝාදිසෙසස්‌ස.
Telavaṇṇañca nīlañca…pe… telavaṇṇañca pītakañca… telavaṇṇañca lohitakañca… telavaṇṇañca odātañca… telavaṇṇañca takkavaṇṇañca… telavaṇṇañca dakavaṇṇañca ceteti upakkamati muccati, āpatti saṅghādisesassa.
ඛීරවණ්‌ණඤ්‌ච දධිවණ්‌ණඤ්‌ච…පෙ.… ඛීරවණ්‌ණඤ්‌ච සප්‌පිවණ්‌ණඤ්‌ච චෙතෙති උපක්‌කමති මුච්‌චති, ආපත්‌ති සඞ්‌ඝාදිසෙසස්‌ස.
Khīravaṇṇañca dadhivaṇṇañca…pe… khīravaṇṇañca sappivaṇṇañca ceteti upakkamati muccati, āpatti saṅghādisesassa.
ඛීරවණ්‌ණඤ්‌ච නීලඤ්‌ච…පෙ.… ඛීරවණ්‌ණඤ්‌ච පීතකඤ්‌ච… ඛීරවණ්‌ණඤ්‌ච ලොහිතකඤ්‌ච… ඛීරවණ්‌ණඤ්‌ච ඔදාතඤ්‌ච… ඛීරවණ්‌ණඤ්‌ච තක්‌කවණ්‌ණඤ්‌ච… ඛීරවණ්‌ණඤ්‌ච දකවණ්‌ණඤ්‌ච… ඛීරවණ්‌ණඤ්‌ච තෙලවණ්‌ණඤ්‌ච චෙතෙති උපක්‌කමති මුච්‌චති, ආපත්‌ති සඞ්‌ඝාදිසෙසස්‌ස.
Khīravaṇṇañca nīlañca…pe… khīravaṇṇañca pītakañca… khīravaṇṇañca lohitakañca… khīravaṇṇañca odātañca… khīravaṇṇañca takkavaṇṇañca… khīravaṇṇañca dakavaṇṇañca… khīravaṇṇañca telavaṇṇañca ceteti upakkamati muccati, āpatti saṅghādisesassa.
දධිවණ්‌ණඤ්‌ච සප්‌පිවණ්‌ණඤ්‌ච චෙතෙති උපක්‌කමති මුච්‌චති, ආපත්‌ති සඞ්‌ඝාදිසෙසස්‌ස.
Dadhivaṇṇañca sappivaṇṇañca ceteti upakkamati muccati, āpatti saṅghādisesassa.
දධිවණ්‌ණඤ්‌ච නීලඤ්‌ච…පෙ.… දධිවණ්‌ණඤ්‌ච පීතකඤ්‌ච… දධිවණ්‌ණඤ්‌ච ලොහිතකඤ්‌ච… දධිවණ්‌ණඤ්‌ච ඔදාතඤ්‌ච… දධිවණ්‌ණඤ්‌ච තක්‌කවණ්‌ණඤ්‌ච… දධිවණ්‌ණඤ්‌ච දකවණ්‌ණඤ්‌ච… දධිවණ්‌ණඤ්‌ච තෙලවණ්‌ණඤ්‌ච… දධිවණ්‌ණඤ්‌ච ඛීරවණ්‌ණඤ්‌ච චෙතෙති උපක්‌කමති මුච්‌චති, ආපත්‌ති සඞ්‌ඝාදිසෙසස්‌ස.
Dadhivaṇṇañca nīlañca…pe… dadhivaṇṇañca pītakañca… dadhivaṇṇañca lohitakañca… dadhivaṇṇañca odātañca… dadhivaṇṇañca takkavaṇṇañca… dadhivaṇṇañca dakavaṇṇañca… dadhivaṇṇañca telavaṇṇañca… dadhivaṇṇañca khīravaṇṇañca ceteti upakkamati muccati, āpatti saṅghādisesassa.
සප්‌පිවණ්‌ණඤ්‌ච නීලඤ්‌ච චෙතෙති උපක්‌කමති මුච්‌චති, ආපත්‌ති සඞ්‌ඝාදිසෙසස්‌ස.
Sappivaṇṇañca nīlañca ceteti upakkamati muccati, āpatti saṅghādisesassa.
සප්‌පිවණ්‌ණඤ්‌ච පීතකඤ්‌ච…පෙ.… සප්‌පිවණ්‌ණඤ්‌ච ලොහිතකඤ්‌ච… සප්‌පිවණ්‌ණඤ්‌ච ඔදාතඤ්‌ච… සප්‌පිවණ්‌ණඤ්‌ච තක්‌කවණ්‌ණඤ්‌ච… සප්‌පිවණ්‌ණඤ්‌ච දකවණ්‌ණඤ්‌ච… සප්‌පිවණ්‌ණඤ්‌ච තෙලවණ්‌ණඤ්‌ච… සප්‌පිවණ්‌ණඤ්‌ච ඛීරවණ්‌ණඤ්‌ච … සප්‌පිවණ්‌ණඤ්‌ච දධිවණ්‌ණඤ්‌ච චෙතෙති උපක්‌කමති මුච්‌චති, ආපත්‌ති සඞ්‌ඝාදිසෙසස්‌ස.
Sappivaṇṇañca pītakañca…pe… sappivaṇṇañca lohitakañca… sappivaṇṇañca odātañca… sappivaṇṇañca takkavaṇṇañca… sappivaṇṇañca dakavaṇṇañca… sappivaṇṇañca telavaṇṇañca… sappivaṇṇañca khīravaṇṇañca … sappivaṇṇañca dadhivaṇṇañca ceteti upakkamati muccati, āpatti saṅghādisesassa.
එකමූලකස්‌ස බද්‌ධචක්‌කං නිට්‌ඨිතං.
Ekamūlakassa baddhacakkaṃ niṭṭhitaṃ.
නීලඤ්‌ච පීතකඤ්‌ච ලොහිතකඤ්‌ච චෙතෙති උපක්‌කමති මුච්‌චති, ආපත්‌ති සඞ්‌ඝාදිසෙසස්‌ස…පෙ.… නීලඤ්‌ච පීතකඤ්‌ච සප්‌පිවණ්‌ණඤ්‌ච චෙතෙති උපක්‌කමති මුච්‌චති, ආපත්‌ති සඞ්‌ඝාදිසෙසස්‌ස.
Nīlañca pītakañca lohitakañca ceteti upakkamati muccati, āpatti saṅghādisesassa…pe… nīlañca pītakañca sappivaṇṇañca ceteti upakkamati muccati, āpatti saṅghādisesassa.
දුමූලකස්‌ස ඛණ්‌ඩචක්‌කං.
Dumūlakassa khaṇḍacakkaṃ.
පීතකඤ්‌ච ලොහිතකඤ්‌ච ඔදාතඤ්‌ච චෙතෙති උපක්‌කමති මුච්‌චති, ආපත්‌ති සඞ්‌ඝාදිසෙසස්‌ස…පෙ.… පීතකඤ්‌ච ලොහිතකඤ්‌ච සප්‌පිවණ්‌ණඤ්‌ච…පෙ.… පීතකඤ්‌ච ලොහිතකඤ්‌ච නීලඤ්‌ච චෙතෙති උපක්‌කමති මුච්‌චති, ආපත්‌ති සඞ්‌ඝාදිසෙසස්‌ස.
Pītakañca lohitakañca odātañca ceteti upakkamati muccati, āpatti saṅghādisesassa…pe… pītakañca lohitakañca sappivaṇṇañca…pe… pītakañca lohitakañca nīlañca ceteti upakkamati muccati, āpatti saṅghādisesassa.
දුමූලකස්‌ස බද්‌ධචක්‌කං සංඛිත්‌තං.
Dumūlakassa baddhacakkaṃ saṃkhittaṃ.
දධිවණ්‌ණඤ්‌ච සප්‌පිවණ්‌ණඤ්‌ච නීලඤ්‌ච චෙතෙති උපක්‌කමති මුච්‌චති, ආපත්‌ති සඞ්‌ඝාදිසෙසස්‌ස…පෙ.… දධිවණ්‌ණඤ්‌ච සප්‌පිවණ්‌ණඤ්‌ච ඛීරවණ්‌ණඤ්‌ච චෙතෙති උපක්‌කමති මුච්‌චති, ආපත්‌ති සඞ්‌ඝාදිසෙසස්‌ස.
Dadhivaṇṇañca sappivaṇṇañca nīlañca ceteti upakkamati muccati, āpatti saṅghādisesassa…pe… dadhivaṇṇañca sappivaṇṇañca khīravaṇṇañca ceteti upakkamati muccati, āpatti saṅghādisesassa.
දුමූලකං නිට්‌ඨිතං.
Dumūlakaṃ niṭṭhitaṃ.
තිමූලකම්‌පි චතුමූලකම්‌පි පඤ්‌චමූලකම්‌පි ඡමූලකම්‌පි සත්‌තමූලකම්‌පි අට්‌ඨමූලකම්‌පි නවමූලකම්‌පි එවමෙව විත්‌ථාරෙතබ්‌බං.
Timūlakampi catumūlakampi pañcamūlakampi chamūlakampi sattamūlakampi aṭṭhamūlakampi navamūlakampi evameva vitthāretabbaṃ.
ඉදං සබ්‌බමූලකං.
Idaṃ sabbamūlakaṃ.
247. නීලඤ්‌ච පීතකඤ්‌ච ලොහිතකඤ්‌ච ඔදාතඤ්‌ච තක්‌කවණ්‌ණඤ්‌ච දකවණ්‌ණඤ්‌ච තෙලවණ්‌ණඤ්‌ච ඛීරවණ්‌ණඤ්‌ච දධිවණ්‌ණඤ්‌ච සප්‌පිවණ්‌ණඤ්‌ච චෙතෙති උපක්‌කමති මුච්‌චති, ආපත්‌ති සඞ්‌ඝාදිසෙසස්‌ස.
247. Nīlañca pītakañca lohitakañca odātañca takkavaṇṇañca dakavaṇṇañca telavaṇṇañca khīravaṇṇañca dadhivaṇṇañca sappivaṇṇañca ceteti upakkamati muccati, āpatti saṅghādisesassa.
සබ්‌බමූලකං නිට්‌ඨිතං.
Sabbamūlakaṃ niṭṭhitaṃ.
248. ආරොග්‍යත්‌ථඤ්‌ච නීලඤ්‌ච 5 චෙතෙති උපක්‌කමති මුච්‌චති, ආපත්‌ති සඞ්‌ඝාදිසෙසස්‌ස.
248. Ārogyatthañca nīlañca 6 ceteti upakkamati muccati, āpatti saṅghādisesassa.
ආරොග්‍යත්‌ථඤ්‌ච සුඛත්‌ථඤ්‌ච නීලඤ්‌ච පීතකඤ්‌ච චෙතෙති උපක්‌කමති මුච්‌චති, ආපත්‌ති සඞ්‌ඝාදිසෙසස්‌ස.
Ārogyatthañca sukhatthañca nīlañca pītakañca ceteti upakkamati muccati, āpatti saṅghādisesassa.
ආරොග්‍යත්‌ථඤ්‌ච සුඛත්‌ථඤ්‌ච භෙසජ්‌ජත්‌ථඤ්‌ච නීලඤ්‌ච පීතකඤ්‌ච ලොහිතකඤ්‌ච චෙතෙති උපක්‌කමති මුච්‌චති, ආපත්‌ති සඞ්‌ඝාදිසෙසස්‌ස.
Ārogyatthañca sukhatthañca bhesajjatthañca nīlañca pītakañca lohitakañca ceteti upakkamati muccati, āpatti saṅghādisesassa.
උභතො වඩ්‌ඪකං එවමෙව වඩ්‌ඪෙතබ්‌බං.
Ubhato vaḍḍhakaṃ evameva vaḍḍhetabbaṃ.
ආරොග්‍යත්‌ථඤ්‌ච සුඛත්‌ථඤ්‌ච භෙසජ්‌ජත්‌ථඤ්‌ච දානත්‌ථඤ්‌ච පුඤ්‌ඤත්‌ථඤ්‌ච යඤ්‌ඤත්‌ථඤ්‌ච සග්‌ගත්‌ථඤ්‌ච බීජත්‌ථඤ්‌ච වීමංසත්‌ථඤ්‌ච දවත්‌ථඤ්‌ච නීලඤ්‌ච පීතකඤ්‌ච ලොහිතකඤ්‌ච ඔදාතඤ්‌ච තක්‌කවණ්‌ණඤ්‌ච දකවණ්‌ණඤ්‌ච තෙලවණ්‌ණඤ්‌ච ඛීරවණ්‌ණඤ්‌ච දධිවණ්‌ණඤ්‌ච සප්‌පිවණ්‌ණඤ්‌ච චෙතෙති උපක්‌කමති මුච්‌චති, ආපත්‌ති සඞ්‌ඝාදිසෙසස්‌ස.
Ārogyatthañca sukhatthañca bhesajjatthañca dānatthañca puññatthañca yaññatthañca saggatthañca bījatthañca vīmaṃsatthañca davatthañca nīlañca pītakañca lohitakañca odātañca takkavaṇṇañca dakavaṇṇañca telavaṇṇañca khīravaṇṇañca dadhivaṇṇañca sappivaṇṇañca ceteti upakkamati muccati, āpatti saṅghādisesassa.
මිස්‌සකචක්‌කං නිට්‌ඨිතං.
Missakacakkaṃ niṭṭhitaṃ.
249. නීලං මොචෙස්‌සාමීති චෙතෙති උපක්‌කමති පීතකං මුච්‌චති, ආපත්‌ති සඞ්‌ඝාදිසෙසස්‌ස.
249. Nīlaṃ mocessāmīti ceteti upakkamati pītakaṃ muccati, āpatti saṅghādisesassa.
නීලං මොචෙස්‌සාමීති චෙතෙති උපක්‌කමති ලොහිතකං…පෙ.… ඔදාතං … තක්‌කවණ්‌ණං… දකවණ්‌ණං… තෙලවණ්‌ණං… ඛීරවණ්‌ණං… දධිවණ්‌ණං… සප්‌පිවණ්‌ණං මුච්‌චති, ආපත්‌ති සඞ්‌ඝාදිසෙසස්‌ස.
Nīlaṃ mocessāmīti ceteti upakkamati lohitakaṃ…pe… odātaṃ … takkavaṇṇaṃ… dakavaṇṇaṃ… telavaṇṇaṃ… khīravaṇṇaṃ… dadhivaṇṇaṃ… sappivaṇṇaṃ muccati, āpatti saṅghādisesassa.
ඛණ්‌ඩචක්‌කං නිට්‌ඨිතං.
Khaṇḍacakkaṃ niṭṭhitaṃ.
250. පීතකං මොචෙස්‌සාමීති චෙතෙති උපක්‌කමති ලොහිතකං මුච්‌චති, ආපත්‌ති සඞ්‌ඝාදිසෙසස්‌ස.
250. Pītakaṃ mocessāmīti ceteti upakkamati lohitakaṃ muccati, āpatti saṅghādisesassa.
පීතකං මොචෙස්‌සාමීති චෙතෙති උපක්‌කමති ඔදාතං…පෙ.… තක්‌කවණ්‌ණං… දකවණ්‌ණං… තෙලවණ්‌ණං… ඛීරවණ්‌ණං… දධිවණ්‌ණං… සප්‌පිවණ්‌ණං… නීලං මුච්‌චති, ආපත්‌ති සඞ්‌ඝාදිසෙසස්‌ස.
Pītakaṃ mocessāmīti ceteti upakkamati odātaṃ…pe… takkavaṇṇaṃ… dakavaṇṇaṃ… telavaṇṇaṃ… khīravaṇṇaṃ… dadhivaṇṇaṃ… sappivaṇṇaṃ… nīlaṃ muccati, āpatti saṅghādisesassa.
බද්‌ධචක්‌කමූලං සංඛිත්‌තං.
Baddhacakkamūlaṃ saṃkhittaṃ.
251. සප්‌පිවණ්‌ණං මොචෙස්‌සාමීති චෙතෙති උපක්‌කමති නීලං මුච්‌චති, ආපත්‌ති සඞ්‌ඝාදිසෙසස්‌ස.
251. Sappivaṇṇaṃ mocessāmīti ceteti upakkamati nīlaṃ muccati, āpatti saṅghādisesassa.
සප්‌පිවණ්‌ණං මොචෙස්‌සාමීති චෙතෙති උපක්‌කමති පීතකං…පෙ.… ලොහිතකං… ඔදාතං … තක්‌කවණ්‌ණං… දකවණ්‌ණං… තෙලවණ්‌ණං… ඛීරවණ්‌ණං… දධිවණ්‌ණං මුච්‌චති, ආපත්‌ති සඞ්‌ඝාදිසෙසස්‌ස.
Sappivaṇṇaṃ mocessāmīti ceteti upakkamati pītakaṃ…pe… lohitakaṃ… odātaṃ … takkavaṇṇaṃ… dakavaṇṇaṃ… telavaṇṇaṃ… khīravaṇṇaṃ… dadhivaṇṇaṃ muccati, āpatti saṅghādisesassa.
කුච්‌ඡිචක්‌කං නිට්‌ඨිතං.
Kucchicakkaṃ niṭṭhitaṃ.
252. පීතකං මොචෙස්‌සාමීති චෙතෙති උපක්‌කමති නීලං මුච්‌චති, ආපත්‌ති සඞ්‌ඝාදිසෙසස්‌ස.
252. Pītakaṃ mocessāmīti ceteti upakkamati nīlaṃ muccati, āpatti saṅghādisesassa.
ලොහිතකං…පෙ.… ඔදාතං… තක්‌කවණ්‌ණං… දකවණ්‌ණං… තෙලවණ්‌ණං… ඛීරවණ්‌ණං… දධිවණ්‌ණං… සප්‌පිවණ්‌ණං මොචෙස්‌සාමීති චෙතෙති උපක්‌කමති නීලං මුච්‌චති, ආපත්‌ති සඞ්‌ඝාදිසෙසස්‌ස.
Lohitakaṃ…pe… odātaṃ… takkavaṇṇaṃ… dakavaṇṇaṃ… telavaṇṇaṃ… khīravaṇṇaṃ… dadhivaṇṇaṃ… sappivaṇṇaṃ mocessāmīti ceteti upakkamati nīlaṃ muccati, āpatti saṅghādisesassa.
පිට්‌ඨිචක්‌කස්‌ස පඨමං ගමනං නිට්‌ඨිතං.
Piṭṭhicakkassa paṭhamaṃ gamanaṃ niṭṭhitaṃ.
253. ලොහිතකං මොචෙස්‌සාමීති චෙතෙති උපක්‌කමති පීතකං මුච්‌චති, ආපත්‌ති සඞ්‌ඝාදිසෙසස්‌ස.
253. Lohitakaṃ mocessāmīti ceteti upakkamati pītakaṃ muccati, āpatti saṅghādisesassa.
ඔදාතං…පෙ.… තක්‌කවණ්‌ණං… දකවණ්‌ණං… තෙලවණ්‌ණං… ඛීරවණ්‌ණං
Odātaṃ…pe… takkavaṇṇaṃ… dakavaṇṇaṃ… telavaṇṇaṃ… khīravaṇṇaṃ
… දධිවණ්‌ණං… සප්‌පිවණ්‌ණං… නීලං මොචෙස්‌සාමීති චෙතෙති උපක්‌කමති පීතකං මුච්‌චති, ආපත්‌ති සඞ්‌ඝාදිසෙසස්‌ස.
… Dadhivaṇṇaṃ… sappivaṇṇaṃ… nīlaṃ mocessāmīti ceteti upakkamati pītakaṃ muccati, āpatti saṅghādisesassa.
පිට්‌ඨිචක්‌කස්‌ස දුතියං ගමනං නිට්‌ඨිතං.
Piṭṭhicakkassa dutiyaṃ gamanaṃ niṭṭhitaṃ.
254. ඔදාතං මොචෙස්‌සාමීති චෙතෙති උපක්‌කමති ලොහිතකං මුච්‌චති, ආපත්‌ති සඞ්‌ඝාදිසෙසස්‌ස.
254. Odātaṃ mocessāmīti ceteti upakkamati lohitakaṃ muccati, āpatti saṅghādisesassa.
තක්‌කවණ්‌ණං…පෙ.… දකවණ්‌ණං… තෙලවණ්‌ණං… ඛීරවණ්‌ණං… දධිවණ්‌ණං…
Takkavaṇṇaṃ…pe… dakavaṇṇaṃ… telavaṇṇaṃ… khīravaṇṇaṃ… dadhivaṇṇaṃ…
සප්‌පිවණ්‌ණං… නීලං … පීතකං මොචෙස්‌සාමීති චෙතෙති උපක්‌කමති ලොහිතකං මුච්‌චති, ආපත්‌ති සඞ්‌ඝාදිසෙසස්‌ස.
Sappivaṇṇaṃ… nīlaṃ … pītakaṃ mocessāmīti ceteti upakkamati lohitakaṃ muccati, āpatti saṅghādisesassa.
පිට්‌ඨිචක්‌කස්‌ස තතියං ගමනං නිට්‌ඨිතං.
Piṭṭhicakkassa tatiyaṃ gamanaṃ niṭṭhitaṃ.
255. තක්‌කවණ්‌ණං මොචෙස්‌සාමීති චෙතෙති උපක්‌කමති ඔදාතං මුච්‌චති, ආපත්‌ති සඞ්‌ඝාදිසෙසස්‌ස.
255. Takkavaṇṇaṃ mocessāmīti ceteti upakkamati odātaṃ muccati, āpatti saṅghādisesassa.
දකවණ්‌ණං…පෙ.… තෙලවණ්‌ණං… ඛීරවණ්‌ණං… දධිවණ්‌ණං… සප්‌පිවණ්‌ණං… නීලං… පීතකං… ලොහිතකං මොචෙස්‌සාමීති චෙතෙති උපක්‌කමති ඔදාතං මුච්‌චති, ආපත්‌ති සඞ්‌ඝාදිසෙසස්‌ස.
Dakavaṇṇaṃ…pe… telavaṇṇaṃ… khīravaṇṇaṃ… dadhivaṇṇaṃ… sappivaṇṇaṃ… nīlaṃ… pītakaṃ… lohitakaṃ mocessāmīti ceteti upakkamati odātaṃ muccati, āpatti saṅghādisesassa.
පිට්‌ඨිචක්‌කස්‌ස චතුත්‌ථං ගමනං නිට්‌ඨිතං.
Piṭṭhicakkassa catutthaṃ gamanaṃ niṭṭhitaṃ.
256. දකවණ්‌ණං මොචෙස්‌සාමීති චෙතෙති උපක්‌කමති තක්‌කවණ්‌ණං මුච්‌චති, ආපත්‌ති සඞ්‌ඝාදිසෙසස්‌ස.
256. Dakavaṇṇaṃ mocessāmīti ceteti upakkamati takkavaṇṇaṃ muccati, āpatti saṅghādisesassa.
තෙලවණ්‌ණං …පෙ.… ඛීරවණ්‌ණං… දධිවණ්‌ණං… සප්‌පිවණ්‌ණං… නීල…
Telavaṇṇaṃ …pe… khīravaṇṇaṃ… dadhivaṇṇaṃ… sappivaṇṇaṃ… nīla…
පීතකං… ලොහිතකං… ඔදාතං මොචෙස්‌සාමීති චෙතෙති උපක්‌කමති තක්‌කවණ්‌ණං මුච්‌චති, ආපත්‌ති සඞ්‌ඝාදිසෙසස්‌ස.
Pītakaṃ… lohitakaṃ… odātaṃ mocessāmīti ceteti upakkamati takkavaṇṇaṃ muccati, āpatti saṅghādisesassa.
පිට්‌ඨිචක්‌කස්‌ස පඤ්‌චමං ගමනං නිට්‌ඨිතං.
Piṭṭhicakkassa pañcamaṃ gamanaṃ niṭṭhitaṃ.
257. තෙලවණ්‌ණං මොචෙස්‌සාමීති චෙතෙති උපක්‌කමති දකවණ්‌ණං මුච්‌චති, ආපත්‌ති සඞ්‌ඝාදිසෙසස්‌ස.
257. Telavaṇṇaṃ mocessāmīti ceteti upakkamati dakavaṇṇaṃ muccati, āpatti saṅghādisesassa.
ඛීරවණ්‌ණං…පෙ.… දධිවණ්‌ණං… සප්‌පිවණ්‌ණං… නීලං … පීතකං… ලොහිතකං…
Khīravaṇṇaṃ…pe… dadhivaṇṇaṃ… sappivaṇṇaṃ… nīlaṃ … pītakaṃ… lohitakaṃ…
ඔදාතං… තක්‌කවණ්‌ණං මොචෙස්‌සාමීති චෙතෙති උපක්‌කමති දකවණ්‌ණං මුච්‌චති, ආපත්‌ති සඞ්‌ඝාදිසෙසස්‌ස.
Odātaṃ… takkavaṇṇaṃ mocessāmīti ceteti upakkamati dakavaṇṇaṃ muccati, āpatti saṅghādisesassa.
පිට්‌ඨිචක්‌කස්‌ස ඡට්‌ඨං ගමනං නිට්‌ඨිතං.
Piṭṭhicakkassa chaṭṭhaṃ gamanaṃ niṭṭhitaṃ.
258. ඛීරවණ්‌ණං මොචෙස්‌සාමීති චෙතෙති උපක්‌කමති තෙලවණ්‌ණං මුච්‌චති, ආපත්‌ති සඞ්‌ඝාදිසෙසස්‌ස.
258. Khīravaṇṇaṃ mocessāmīti ceteti upakkamati telavaṇṇaṃ muccati, āpatti saṅghādisesassa.
දධිවණ්‌ණං…පෙ.… සප්‌පිවණ්‌ණං… නීලං… පීතකං… ලොහිතකං… ඔදාතං… තක්‌කවණ්‌ණං… දකවණ්‌ණං මොචෙස්‌සාමීති චෙතෙති උපක්‌කමති තෙලවණ්‌ණං මුච්‌චති, ආපත්‌ති සඞ්‌ඝාදිසෙසස්‌ස.
Dadhivaṇṇaṃ…pe… sappivaṇṇaṃ… nīlaṃ… pītakaṃ… lohitakaṃ… odātaṃ… takkavaṇṇaṃ… dakavaṇṇaṃ mocessāmīti ceteti upakkamati telavaṇṇaṃ muccati, āpatti saṅghādisesassa.
පිට්‌ඨිචක්‌කස්‌ස සත්‌තමං ගමනං නිට්‌ඨිතං.
Piṭṭhicakkassa sattamaṃ gamanaṃ niṭṭhitaṃ.
259. දධිවණ්‌ණං මොචෙස්‌සාමීති චෙතෙති උපක්‌කමති ඛීරවණ්‌ණං මුච්‌චති, ආපත්‌ති සඞ්‌ඝාදිසෙසස්‌ස.
259. Dadhivaṇṇaṃ mocessāmīti ceteti upakkamati khīravaṇṇaṃ muccati, āpatti saṅghādisesassa.
සප්‌පිවණ්‌ණං…පෙ.… නීලං… පීතකං… ලොහිතකං… ඔදාතං… තක්‌කවණ්‌ණං… දකවණ්‌ණං… තෙලවණ්‌ණං මොචෙස්‌සාමීති චෙතෙති උපක්‌කමති ඛීරවණ්‌ණං මුච්‌චති, ආපත්‌ති සඞ්‌ඝාදිසෙසස්‌ස.
Sappivaṇṇaṃ…pe… nīlaṃ… pītakaṃ… lohitakaṃ… odātaṃ… takkavaṇṇaṃ… dakavaṇṇaṃ… telavaṇṇaṃ mocessāmīti ceteti upakkamati khīravaṇṇaṃ muccati, āpatti saṅghādisesassa.
පිට්‌ඨිචක්‌කස්‌ස අට්‌ඨමං ගමනං නිට්‌ඨිතං.
Piṭṭhicakkassa aṭṭhamaṃ gamanaṃ niṭṭhitaṃ.
260. සප්‌පිවණ්‌ණං මොචෙස්‌සාමීති චෙතෙති උපක්‌කමති දධිවණ්‌ණං මුච්‌චති, ආපත්‌ති සඞ්‌ඝාදිසෙසස්‌ස.
260. Sappivaṇṇaṃ mocessāmīti ceteti upakkamati dadhivaṇṇaṃ muccati, āpatti saṅghādisesassa.
නීලං…පෙ.… පීතකං… ලොහිතකං… ඔදාතං… තක්‌කවණ්‌ණං… දකවණ්‌ණං… තෙලවණ්‌ණං… ඛීරවණ්‌ණං මොචෙස්‌සාමීති චෙතෙති උපක්‌කමති දධිවණ්‌ණං මුච්‌චති, ආපත්‌ති සඞ්‌ඝාදිසෙසස්‌ස.
Nīlaṃ…pe… pītakaṃ… lohitakaṃ… odātaṃ… takkavaṇṇaṃ… dakavaṇṇaṃ… telavaṇṇaṃ… khīravaṇṇaṃ mocessāmīti ceteti upakkamati dadhivaṇṇaṃ muccati, āpatti saṅghādisesassa.
පිට්‌ඨිචක්‌කස්‌ස නවමං ගමනං නිට්‌ඨිතං.
Piṭṭhicakkassa navamaṃ gamanaṃ niṭṭhitaṃ.
261. නීලං මොචෙස්‌සාමීති චෙතෙති උපක්‌කමති සප්‌පිවණ්‌ණං මුච්‌චති, ආපත්‌ති සඞ්‌ඝාදිසෙසස්‌ස.
261. Nīlaṃ mocessāmīti ceteti upakkamati sappivaṇṇaṃ muccati, āpatti saṅghādisesassa.
පීතකං …පෙ.… ලොහිතකං… ඔදාතං… තක්‌කවණ්‌ණං… දකවණ්‌ණං … තෙලවණ්‌ණං… ඛීරවණ්‌ණං… දධිවණ්‌ණං මොචෙස්‌සාමීති චෙතෙති උපක්‌කමති සප්‌පිවණ්‌ණං මුච්‌චති, ආපත්‌ති සඞ්‌ඝාදිසෙසස්‌ස.
Pītakaṃ …pe… lohitakaṃ… odātaṃ… takkavaṇṇaṃ… dakavaṇṇaṃ … telavaṇṇaṃ… khīravaṇṇaṃ… dadhivaṇṇaṃ mocessāmīti ceteti upakkamati sappivaṇṇaṃ muccati, āpatti saṅghādisesassa.
පිට්‌ඨිචක්‌කස්‌ස දසමං ගමනං නිට්‌ඨිතං.
Piṭṭhicakkassa dasamaṃ gamanaṃ niṭṭhitaṃ.
පිට්‌ඨිචක්‌කං නිට්‌ඨිතං.
Piṭṭhicakkaṃ niṭṭhitaṃ.
262. චෙතෙති උපක්‌කමති මුච්‌චති, ආපත්‌ති සඞ්‌ඝාදිසෙසස්‌ස.
262. Ceteti upakkamati muccati, āpatti saṅghādisesassa.
චෙතෙති උපක්‌කමති න මුච්‌චති, ආපත්‌ති ථුල්‌ලච්‌චයස්‌ස.
Ceteti upakkamati na muccati, āpatti thullaccayassa.
චෙතෙති න උපක්‌කමති මුච්‌චති, අනාපත්‌ති.
Ceteti na upakkamati muccati, anāpatti.
චෙතෙති න උපක්‌කමති න මුච්‌චති, අනාපත්‌ති.
Ceteti na upakkamati na muccati, anāpatti.
න චෙතෙති උපක්‌කමති මුච්‌චති, අනාපත්‌ති.
Na ceteti upakkamati muccati, anāpatti.
න චෙතෙති උපක්‌කමති න මුච්‌චති, අනාපත්‌ති.
Na ceteti upakkamati na muccati, anāpatti.
න චෙතෙති න උපක්‌කමති මුච්‌චති, අනාපත්‌ති.
Na ceteti na upakkamati muccati, anāpatti.
න චෙතෙති න උපක්‌කමති න මුච්‌චති, අනාපත්‌ති.
Na ceteti na upakkamati na muccati, anāpatti.
අනාපත්‌ති සුපිනන්‌තෙන, නමොචනාධිප්‌පායස්‌ස, උම්‌මත්‌තකස්‌ස, ඛිත්‌තචිත්‌තස්‌ස, වෙදනාට්‌ටස්‌ස, ආදිකම්‌මිකස්‌සාති.
Anāpatti supinantena, namocanādhippāyassa, ummattakassa, khittacittassa, vedanāṭṭassa, ādikammikassāti.
විනීතවත්‌ථුඋද්‌දානගාථා
Vinītavatthuuddānagāthā
සුපිනොච්‌චාරපස්‌සාවො , විතක්‌කුණ්‌හොදකෙන ච;
Supinoccārapassāvo , vitakkuṇhodakena ca;
භෙසජ්‌ජං කණ්‌ඩුවං මග්‌ගො, වත්‌ථි ජන්‌තාඝරුපක්‌කමො 7.
Bhesajjaṃ kaṇḍuvaṃ maggo, vatthi jantāgharupakkamo 8.
සාමණෙරො ච සුත්‌තො ච, ඌරු මුට්‌ඨිනා පීළයි;
Sāmaṇero ca sutto ca, ūru muṭṭhinā pīḷayi;
ආකාසෙ ථම්‌භං නිජ්‌ඣායි, ඡිද්‌දං කට්‌ඨෙන ඝට්‌ටයි.
Ākāse thambhaṃ nijjhāyi, chiddaṃ kaṭṭhena ghaṭṭayi.
සොතො උදඤ්‌ජලං ධාවං, පුප්‌ඵාවලියං පොක්‌ඛරං;
Soto udañjalaṃ dhāvaṃ, pupphāvaliyaṃ pokkharaṃ;
විනීතවත්‌ථු
Vinītavatthu
263. තෙන ඛො පන සමයෙන අඤ්‌ඤතරස්‌ස භික්‌ඛුනො සුපිනන්‌තෙන අසුචි මුච්‌චි. තස්‌ස කුක්‌කුච්‌චං අහොසි – ‘‘භගවතා සික්‌ඛාපදං පඤ්‌ඤත්‌තං, කච්‌චි නු ඛො අහං සඞ්‌ඝාදිසෙසං ආපත්‌තිං ආපන්‌නො’’ති? භගවතො එතමත්‌ථං ආරොචෙසි. ‘‘අනාපත්‌ති, භික්‌ඛු, සුපිනන්‌තෙනා’’ති.
263. Tena kho pana samayena aññatarassa bhikkhuno supinantena asuci mucci. Tassa kukkuccaṃ ahosi – ‘‘bhagavatā sikkhāpadaṃ paññattaṃ, kacci nu kho ahaṃ saṅghādisesaṃ āpattiṃ āpanno’’ti? Bhagavato etamatthaṃ ārocesi. ‘‘Anāpatti, bhikkhu, supinantenā’’ti.
තෙන ඛො පන සමයෙන අඤ්‌ඤතරස්‌ස භික්‌ඛුනො උච්‌චාරං කරොන්‌තස්‌ස අසුචි මුච්‌චි. තස්‌ස කුක්‌කුච්‌චං අහොසි…පෙ.… ‘‘කිංචිත්‌තො ත්‌වං, භික්‌ඛූ’’ති? ‘‘නාහං, භගවා, මොචනාධිප්‌පායො’’ති. ‘‘අනාපත්‌ති, භික්‌ඛු, නමොචනාධිප්‌පායස්‌සා’’ති.
Tena kho pana samayena aññatarassa bhikkhuno uccāraṃ karontassa asuci mucci. Tassa kukkuccaṃ ahosi…pe… ‘‘kiṃcitto tvaṃ, bhikkhū’’ti? ‘‘Nāhaṃ, bhagavā, mocanādhippāyo’’ti. ‘‘Anāpatti, bhikkhu, namocanādhippāyassā’’ti.
තෙන ඛො පන සමයෙන අඤ්‌ඤතරස්‌ස භික්‌ඛුනො පස්‌සාවං කරොන්‌තස්‌ස අසුචි මුච්‌චි. තස්‌ස කුක්‌කුච්‌චං අහොසි…පෙ.… ‘‘අනාපත්‌ති, භික්‌ඛු, නමොචනාධිප්‌පායස්‌සා’’ති.
Tena kho pana samayena aññatarassa bhikkhuno passāvaṃ karontassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
තෙන ඛො පන සමයෙන අඤ්‌ඤතරස්‌ස භික්‌ඛුනො කාමවිතක්‌කං විතක්‌කෙන්‌තස්‌ස අසුචි මුච්‌චි. තස්‌ස කුක්‌කුච්‌චං අහොසි…පෙ.… ‘‘අනාපත්‌ති, භික්‌ඛු, විතක්‌කෙන්‌තස්‌සා’’ති.
Tena kho pana samayena aññatarassa bhikkhuno kāmavitakkaṃ vitakkentassa asuci mucci. Tassa kukkuccaṃ ahosi…pe… ‘‘anāpatti, bhikkhu, vitakkentassā’’ti.
තෙන ඛො පන සමයෙන අඤ්‌ඤතරස්‌ස භික්‌ඛුනො උණ්‌හොදකෙන න්‌හායන්‌තස්‌ස අසුචි මුච්‌චි. තස්‌ස කුක්‌කුච්‌චං අහොසි…පෙ.… ‘‘කිංචිත්‌තො ත්‌වං, භික්‌ඛූ’’ති? ‘‘නාහං, භගවා, මොචනාධිප්‌පායො’’ති. ‘‘අනාපත්‌ති, භික්‌ඛු, නමොචනාධිප්‌පායස්‌සා’’ති.
Tena kho pana samayena aññatarassa bhikkhuno uṇhodakena nhāyantassa asuci mucci. Tassa kukkuccaṃ ahosi…pe… ‘‘kiṃcitto tvaṃ, bhikkhū’’ti? ‘‘Nāhaṃ, bhagavā, mocanādhippāyo’’ti. ‘‘Anāpatti, bhikkhu, namocanādhippāyassā’’ti.
තෙන ඛො පන සමයෙන අඤ්‌ඤතරස්‌ස භික්‌ඛුනො මොචනාධිප්‌පායස්‌ස උණ්‌හොදකෙන න්‌හායන්‌තස්‌ස අසුචි මුච්‌චි. තස්‌ස කුක්‌කුච්‌චං අහොසි…පෙ.… ‘‘ආපත්‌තිං ත්‌වං, භික්‌ඛු, ආපන්‌නො සඞ්‌ඝාදිසෙස’’න්‌ති.
Tena kho pana samayena aññatarassa bhikkhuno mocanādhippāyassa uṇhodakena nhāyantassa asuci mucci. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno saṅghādisesa’’nti.
තෙන ඛො පන සමයෙන අඤ්‌ඤතරස්‌ස භික්‌ඛුනො මොචනාධිප්‌පායස්‌ස උණ්‌හොදකෙන න්‌හායන්‌තස්‌ස අසුචි න මුච්‌චි. තස්‌ස කුක්‌කුච්‌චං අහොසි…පෙ.… ‘‘අනාපත්‌ති, භික්‌ඛු, සඞ්‌ඝාදිසෙසස්‌ස; ආපත්‌ති ථුල්‌ලච්‌චයස්‌සා’’ති.
Tena kho pana samayena aññatarassa bhikkhuno mocanādhippāyassa uṇhodakena nhāyantassa asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
තෙන ඛො පන සමයෙන අඤ්‌ඤතරස්‌ස භික්‌ඛුනො අඞ්‌ගජාතෙ වණො හොති. භෙසජ්‌ජෙන 11 ආලිම්‌පෙන්‌තස්‌ස අසුචි මුච්‌චි. තස්‌ස කුක්‌කුච්‌චං අහොසි…පෙ.… ‘‘අනාපත්‌ති, භික්‌ඛු, නමොචනාධිප්‌පායස්‌සා’’ති.
Tena kho pana samayena aññatarassa bhikkhuno aṅgajāte vaṇo hoti. Bhesajjena 12 ālimpentassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
තෙන ඛො පන සමයෙන අඤ්‌ඤතරස්‌ස භික්‌ඛුනො අඞ්‌ගජාතෙ වණො හොති. මොචනාධිප්‌පායස්‌ස 13 භෙසජ්‌ජෙන ආලිම්‌පෙන්‌තස්‌ස අසුචි මුච්‌චි…පෙ.… අසුචි න මුච්‌චි. තස්‌ස කුක්‌කුච්‌චං අහොසි…පෙ.… ‘‘අනාපත්‌ති, භික්‌ඛු, සඞ්‌ඝාදිසෙසස්‌ස; ආපත්‌ති ථුල්‌ලච්‌චයස්‌සා’’ති.
Tena kho pana samayena aññatarassa bhikkhuno aṅgajāte vaṇo hoti. Mocanādhippāyassa 14 bhesajjena ālimpentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
තෙන ඛො පන සමයෙන අඤ්‌ඤතරස්‌ස භික්‌ඛුනො අණ්‌ඩං කණ්‌ඩුවන්‌තස්‌ස අසුචි මුච්‌චි. තස්‌ස කුක්‌කුච්‌චං අහොසි…පෙ.… ‘‘අනාපත්‌ති , භික්‌ඛු, නමොචනාධිප්‌පායස්‌සා’’ති.
Tena kho pana samayena aññatarassa bhikkhuno aṇḍaṃ kaṇḍuvantassa asuci mucci. Tassa kukkuccaṃ ahosi…pe… ‘‘anāpatti , bhikkhu, namocanādhippāyassā’’ti.
තෙන ඛො පන සමයෙන අඤ්‌ඤතරස්‌ස භික්‌ඛුනො මොචනාධිප්‌පායස්‌ස අණ්‌ඩං කණ්‌ඩුවන්‌තස්‌ස 15 අසුචි මුච්‌චි…පෙ.… අසුචි න මුච්‌චි. තස්‌ස කුක්‌කුච්‌චං අහොසි…පෙ.… ‘‘අනාපත්‌ති, භික්‌ඛු, සඞ්‌ඝාදිසෙසස්‌ස; ආපත්‌ති ථුල්‌ලච්‌චයස්‌සා’’ති.
Tena kho pana samayena aññatarassa bhikkhuno mocanādhippāyassa aṇḍaṃ kaṇḍuvantassa 16 asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
264. තෙන ඛො පන සමයෙන අඤ්‌ඤතරස්‌ස භික්‌ඛුනො මග්‌ගං ගච්‌ඡන්‌තස්‌ස අසුචි මුච්‌චි. තස්‌ස කුක්‌කුච්‌චං අහොසි…පෙ.… ‘‘අනාපත්‌ති, භික්‌ඛු, නමොචනාධිප්‌පායස්‌සා’’ති.
264. Tena kho pana samayena aññatarassa bhikkhuno maggaṃ gacchantassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
තෙන ඛො පන සමයෙන අඤ්‌ඤතරස්‌ස භික්‌ඛුනො මොචනාධිප්‌පායස්‌ස මග්‌ගං ගච්‌ඡන්‌තස්‌ස අසුචි මුච්‌චි…පෙ.… අසුචි න මුච්‌චි. තස්‌ස කුක්‌කුච්‌චං අහොසි…පෙ.… ‘‘අනාපත්‌ති, භික්‌ඛු, සඞ්‌ඝාදිසෙසස්‌ස; ආපත්‌ති ථුල්‌ලච්‌චයස්‌සා’’ති.
Tena kho pana samayena aññatarassa bhikkhuno mocanādhippāyassa maggaṃ gacchantassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
තෙන ඛො පන සමයෙන අඤ්‌ඤතරස්‌ස භික්‌ඛුනො වත්‌ථිං ගහෙත්‌වා පස්‌සාවං කරොන්‌තස්‌ස අසුචි මුච්‌චි. තස්‌ස කුක්‌කුච්‌චං අහොසි…පෙ.… ‘‘අනාපත්‌ති, භික්‌ඛු, නමොචනාධිප්‌පායස්‌සා’’ති.
Tena kho pana samayena aññatarassa bhikkhuno vatthiṃ gahetvā passāvaṃ karontassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
තෙන ඛො පන සමයෙන අඤ්‌ඤතරස්‌ස භික්‌ඛුනො මොචනාධිප්‌පායස්‌ස වත්‌ථිං ගහෙත්‌වා පස්‌සාවං කරොන්‌තස්‌ස අසුචි මුච්‌චි…පෙ.… අසුචි න මුච්‌චි. තස්‌ස කුක්‌කුච්‌චං අහොසි…පෙ.… ‘‘අනාපත්‌ති, භික්‌ඛු, සඞ්‌ඝාදිසෙසස්‌ස; ආපත්‌ති ථුල්‌ලච්‌චයස්‌සා’’ති.
Tena kho pana samayena aññatarassa bhikkhuno mocanādhippāyassa vatthiṃ gahetvā passāvaṃ karontassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
තෙන ඛො පන සමයෙන අඤ්‌ඤතරස්‌ස භික්‌ඛුනො ජන්‌තාඝරෙ උදරවට්‌ටිං තාපෙන්‌තස්‌ස අසුචි මුච්‌චි. තස්‌ස කුක්‌කුච්‌චං අහොසි…පෙ.… ‘‘අනාපත්‌ති, භික්‌ඛු, නමොචනාධිප්‌පායස්‌සා’’ති.
Tena kho pana samayena aññatarassa bhikkhuno jantāghare udaravaṭṭiṃ tāpentassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
තෙන ඛො පන සමයෙන අඤ්‌ඤතරස්‌ස භික්‌ඛුනො මොචනාධිප්‌පායස්‌ස ජන්‌තාඝරෙ උදරවට්‌ටිං තාපෙන්‌තස්‌ස අසුචි මුච්‌චි…පෙ.… අසුචි න මුච්‌චි. තස්‌ස කුක්‌කුච්‌චං අහොසි…පෙ.… ‘‘අනාපත්‌ති, භික්‌ඛු, සඞ්‌ඝාදිසෙසස්‌ස; ආපත්‌ති ථුල්‌ලච්‌චයස්‌සා’’ති.
Tena kho pana samayena aññatarassa bhikkhuno mocanādhippāyassa jantāghare udaravaṭṭiṃ tāpentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
තෙන ඛො පන සමයෙන අඤ්‌ඤතරස්‌ස භික්‌ඛුනො ජන්‌තාඝරෙ උපජ්‌ඣායස්‌ස පිට්‌ඨිපරිකම්‌මං කරොන්‌තස්‌ස අසුචි මුච්‌චි. තස්‌ස කුක්‌කුච්‌චං අහොසි…පෙ.… ‘‘අනාපත්‌ති, භික්‌ඛු, නමොචනාධිප්‌පායස්‌සා’’ති.
Tena kho pana samayena aññatarassa bhikkhuno jantāghare upajjhāyassa piṭṭhiparikammaṃ karontassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
තෙන ඛො පන සමයෙන අඤ්‌ඤතරස්‌ස භික්‌ඛුනො මොචනාධිප්‌පායස්‌ස ජන්‌තාඝරෙ උපජ්‌ඣායස්‌ස පිට්‌ඨිපරිකම්‌මං කරොන්‌තස්‌ස අසුචි මුච්‌චි…පෙ.… අසුචි න මුච්‌චි. තස්‌ස කුක්‌කුච්‌චං අහොසි…පෙ.… ‘‘අනාපත්‌ති, භික්‌ඛු, සඞ්‌ඝාදිසෙසස්‌ස; ආපත්‌ති ථුල්‌ලච්‌චයස්‌සා’’ති.
Tena kho pana samayena aññatarassa bhikkhuno mocanādhippāyassa jantāghare upajjhāyassa piṭṭhiparikammaṃ karontassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
265. තෙන ඛො පන සමයෙන අඤ්‌ඤතරස්‌ස භික්‌ඛුනො ඌරුං ඝට්‌ටාපෙන්‌තස්‌ස අසුචි මුච්‌චි. තස්‌ස කුක්‌කුච්‌චං අහොසි…පෙ.… ‘‘අනාපත්‌ති, භික්‌ඛු, නමොචනාධිප්‌පායස්‌සා’’ති.
265. Tena kho pana samayena aññatarassa bhikkhuno ūruṃ ghaṭṭāpentassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
තෙන ඛො පන සමයෙන අඤ්‌ඤතරස්‌ස භික්‌ඛුනො මොචනාධිප්‌පායස්‌ස ඌරුං ඝට්‌ටාපෙන්‌තස්‌ස අසුචි මුච්‌චි…පෙ.… අසුචි න මුච්‌චි. තස්‌ස කුක්‌කුච්‌චං අහොසි…පෙ.… ‘‘අනාපත්‌ති, භික්‌ඛු, සඞ්‌ඝාදිසෙසස්‌ස; ආපත්‌ති ථුල්‌ලච්‌චයස්‌සා’’ති.
Tena kho pana samayena aññatarassa bhikkhuno mocanādhippāyassa ūruṃ ghaṭṭāpentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
තෙන ඛො පන සමයෙන අඤ්‌ඤතරො භික්‌ඛු මොචනාධිප්‌පායො අඤ්‌ඤතරං සාමණෙරං එතදවොච – ‘‘එහි මෙ ත්‌වං, ආවුසො සාමණෙර, අඞ්‌ගජාතං ගණ්‌හාහී’’ති. සො තස්‌ස අඞ්‌ගජාතං අග්‌ගහෙසි. තස්‌සෙව අසුචි මුච්‌චි. තස්‌ස කුක්‌කුච්‌චං අහොසි…පෙ.… ‘‘ආපත්‌තිං ත්‌වං, භික්‌ඛු, ආපන්‌නො සඞ්‌ඝාදිසෙස’’න්‌ති.
Tena kho pana samayena aññataro bhikkhu mocanādhippāyo aññataraṃ sāmaṇeraṃ etadavoca – ‘‘ehi me tvaṃ, āvuso sāmaṇera, aṅgajātaṃ gaṇhāhī’’ti. So tassa aṅgajātaṃ aggahesi. Tasseva asuci mucci. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno saṅghādisesa’’nti.
තෙන ඛො පන සමයෙන අඤ්‌ඤතරො භික්‌ඛු සුත්‌තස්‌ස සාමණෙරස්‌ස අඞ්‌ගජාතං අග්‌ගහෙසි. තස්‌සෙව අසුචි මුච්‌චි. තස්‌ස කුක්‌කුච්‌චං අහොසි …පෙ.… ‘‘අනාපත්‌ති, භික්‌ඛු, සඞ්‌ඝාදිසෙසස්‌ස; ආපත්‌ති දුක්‌කටස්‌සා’’ති.
Tena kho pana samayena aññataro bhikkhu suttassa sāmaṇerassa aṅgajātaṃ aggahesi. Tasseva asuci mucci. Tassa kukkuccaṃ ahosi …pe… ‘‘anāpatti, bhikkhu, saṅghādisesassa; āpatti dukkaṭassā’’ti.
266. තෙන ඛො පන සමයෙන අඤ්‌ඤතරස්‌ස භික්‌ඛුනො මොචනාධිප්‌පායස්‌ස ඌරූහි අඞ්‌ගජාතං පීළෙන්‌තස්‌ස අසුචි මුච්‌චි…පෙ.… අසුචි න මුච්‌චි. තස්‌ස කුක්‌කුච්‌චං අහොසි…පෙ.… ‘‘අනාපත්‌ති, භික්‌ඛු, සඞ්‌ඝාදිසෙසස්‌ස; ආපත්‌ති ථුල්‌ලච්‌චයස්‌සා’’ති.
266. Tena kho pana samayena aññatarassa bhikkhuno mocanādhippāyassa ūrūhi aṅgajātaṃ pīḷentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
තෙන ඛො පන සමයෙන අඤ්‌ඤතරස්‌ස භික්‌ඛුනො මොචනාධිප්‌පායස්‌ස මුට්‌ඨිනා අඞ්‌ගජාතං පීළෙන්‌තස්‌ස අසුචි මුච්‌චි…පෙ.… අසුචි න මුච්‌චි. තස්‌ස කුක්‌කුච්‌චං අහොසි…පෙ.… ‘‘අනාපත්‌ති, භික්‌ඛු, සඞ්‌ඝාදිසෙසස්‌ස; ආපත්‌ති ථුල්‌ලච්‌චයස්‌සා’’ති.
Tena kho pana samayena aññatarassa bhikkhuno mocanādhippāyassa muṭṭhinā aṅgajātaṃ pīḷentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
තෙන ඛො පන සමයෙන අඤ්‌ඤතරස්‌ස භික්‌ඛුනො මොචනාධිප්‌පායස්‌ස ආකාසෙ කටිං කම්‌පෙන්‌තස්‌ස අසුචි මුච්‌චි…පෙ.… අසුචි න මුච්‌චි. තස්‌ස කුක්‌කුච්‌චං අහොසි…පෙ.… ‘‘අනාපත්‌ති, භික්‌ඛු, සඞ්‌ඝාදිසෙසස්‌ස; ආපත්‌ති ථුල්‌ලච්‌චයස්‌සා’’ති.
Tena kho pana samayena aññatarassa bhikkhuno mocanādhippāyassa ākāse kaṭiṃ kampentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
තෙන ඛො පන සමයෙන අඤ්‌ඤතරස්‌ස භික්‌ඛුනො කායං ථම්‌භෙන්‌තස්‌ස අසුචි මුච්‌චි. තස්‌ස කුක්‌කුච්‌චං අහොසි…පෙ.… ‘‘අනාපත්‌ති, භික්‌ඛු, නමොචනාධිප්‌පායස්‌සා’’ති.
Tena kho pana samayena aññatarassa bhikkhuno kāyaṃ thambhentassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
තෙන ඛො පන සමයෙන අඤ්‌ඤතරස්‌ස භික්‌ඛුනො මොචනාධිප්‌පායස්‌ස කායං ථම්‌භෙන්‌තස්‌ස අසුචි මුච්‌චි…පෙ.… අසුචි න මුච්‌චි. තස්‌ස කුක්‌කුච්‌චං අහොසි…පෙ.… ‘‘අනාපත්‌ති, භික්‌ඛු, සඞ්‌ඝාදිසෙසස්‌ස; ආපත්‌ති ථුල්‌ලච්‌චයස්‌සා’’ති.
Tena kho pana samayena aññatarassa bhikkhuno mocanādhippāyassa kāyaṃ thambhentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
තෙන ඛො පන සමයෙන අඤ්‌ඤතරො භික්‌ඛු සාරත්‌තො මාතුගාමස්‌ස අඞ්‌ගජාතං උපනිජ්‌ඣායි. තස්‌ස අසුචි මුච්‌චි. තස්‌ස කුක්‌කුච්‌චං අහොසි…පෙ.… ‘‘අනාපත්‌ති, භික්‌ඛු, සඞ්‌ඝාදිසෙසස්‌ස. න ච, භික්‌ඛවෙ, සාරත්‌තෙන මාතුගාමස්‌ස අඞ්‌ගජාතං උපනිජ්‌ඣායිතබ්‌බං. යො උපනිජ්‌ඣායෙය්‍ය, ආපත්‌ති දුක්‌කටස්‌සා’’ති.
Tena kho pana samayena aññataro bhikkhu sāratto mātugāmassa aṅgajātaṃ upanijjhāyi. Tassa asuci mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa. Na ca, bhikkhave, sārattena mātugāmassa aṅgajātaṃ upanijjhāyitabbaṃ. Yo upanijjhāyeyya, āpatti dukkaṭassā’’ti.
267. තෙන ඛො පන සමයෙන අඤ්‌ඤතරස්‌ස භික්‌ඛුනො මොචනාධිප්‌පායස්‌ස තාළච්‌ඡිද්‌දං අඞ්‌ගජාතං පවෙසෙන්‌තස්‌ස අසුචි මුච්‌චි…පෙ.… අසුචි න මුච්‌චි. තස්‌ස කුක්‌කුච්‌චං අහොසි…පෙ.… ‘‘අනාපත්‌ති, භික්‌ඛු, සඞ්‌ඝාදිසෙසස්‌ස; ආපත්‌ති ථුල්‌ලච්‌චයස්‌සා’’ති.
267. Tena kho pana samayena aññatarassa bhikkhuno mocanādhippāyassa tāḷacchiddaṃ aṅgajātaṃ pavesentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
තෙන ඛො පන සමයෙන අඤ්‌ඤතරස්‌ස භික්‌ඛුනො මොචනාධිප්‌පායස්‌ස කට්‌ඨෙන අඞ්‌ගජාතං ඝට්‌ටෙන්‌තස්‌ස අසුචි මුච්‌චි…පෙ.… අසුචි න මුච්‌චි. තස්‌ස කුක්‌කුච්‌චං අහොසි…පෙ.… ‘‘අනාපත්‌ති, භික්‌ඛු, සඞ්‌ඝාදිසෙසස්‌ස ; ආපත්‌ති ථුල්‌ලච්‌චයස්‌සා’’ති.
Tena kho pana samayena aññatarassa bhikkhuno mocanādhippāyassa kaṭṭhena aṅgajātaṃ ghaṭṭentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa ; āpatti thullaccayassā’’ti.
තෙන ඛො පන සමයෙන අඤ්‌ඤතරස්‌ස භික්‌ඛුනො පටිසොතෙ න්‌හායන්‌තස්‌ස අසුචි මුච්‌චි. තස්‌ස කුක්‌කුච්‌චං අහොසි…පෙ.… ‘‘අනාපත්‌ති, භික්‌ඛු, නමොචනාධිප්‌පායස්‌සා’’ති.
Tena kho pana samayena aññatarassa bhikkhuno paṭisote nhāyantassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
තෙන ඛො පන සමයෙන අඤ්‌ඤතරස්‌ස භික්‌ඛුනො මොචනාධිප්‌පායස්‌ස පටිසොතෙ න්‌හායන්‌තස්‌ස අසුචි මුච්‌චි…පෙ.… අසුචි න මුච්‌චි. තස්‌ස කුක්‌කුච්‌චං අහොසි…පෙ.… ‘‘අනාපත්‌ති, භික්‌ඛු, සඞ්‌ඝාදිසෙසස්‌ස; ආපත්‌ති ථුල්‌ලච්‌චයස්‌සා’’ති.
Tena kho pana samayena aññatarassa bhikkhuno mocanādhippāyassa paṭisote nhāyantassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
තෙන ඛො පන සමයෙන අඤ්‌ඤතරස්‌ස භික්‌ඛුනො උදඤ්‌ජලං කීළන්‌තස්‌ස අසුචි මුච්‌චි. තස්‌ස කුක්‌කුච්‌චං අහොසි…පෙ.… ‘‘අනාපත්‌ති, භික්‌ඛු, නමොචනාධිප්‌පායස්‌සා’’ති.
Tena kho pana samayena aññatarassa bhikkhuno udañjalaṃ kīḷantassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
තෙන ඛො පන සමයෙන අඤ්‌ඤතරස්‌ස භික්‌ඛුනො මොචනාධිප්‌පායස්‌ස උදඤ්‌ජලං කීළන්‌තස්‌ස අසුචි මුච්‌චි…පෙ.… අසුචි න මුච්‌චි. තස්‌ස කුක්‌කුච්‌චං අහොසි…පෙ.… ‘‘අනාපත්‌ති, භික්‌ඛු, සඞ්‌ඝාදිසෙසස්‌ස; ආපත්‌ති ථුල්‌ලච්‌චයස්‌සා’’ති.
Tena kho pana samayena aññatarassa bhikkhuno mocanādhippāyassa udañjalaṃ kīḷantassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
තෙන ඛො පන සමයෙන අඤ්‌ඤතරස්‌ස භික්‌ඛුනො උදකෙ ධාවන්‌තස්‌ස අසුචි මුච්‌චි. තස්‌ස කුක්‌කුච්‌චං අහොසි…පෙ.… ‘‘අනාපත්‌ති, භික්‌ඛු, නමොචනාධිප්‌පායස්‌සා’’ති.
Tena kho pana samayena aññatarassa bhikkhuno udake dhāvantassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
තෙන ඛො පන සමයෙන අඤ්‌ඤතරස්‌ස භික්‌ඛුනො මොචනාධිප්‌පායස්‌ස උදකෙ ධාවන්‌තස්‌ස අසුචි මුච්‌චි…පෙ.… අසුචි න මුච්‌චි. තස්‌ස කුක්‌කුච්‌චං අහොසි…පෙ.… ‘‘අනාපත්‌ති, භික්‌ඛු, සඞ්‌ඝාදිසෙසස්‌ස; ආපත්‌ති ථුල්‌ලච්‌චයස්‌සා’’ති.
Tena kho pana samayena aññatarassa bhikkhuno mocanādhippāyassa udake dhāvantassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
තෙන ඛො පන සමයෙන අඤ්‌ඤතරස්‌ස භික්‌ඛුනො පුප්‌ඵාවලියං 17 කීළන්‌තස්‌ස අසුචි මුච්‌චි. තස්‌ස කුක්‌කුච්‌චං අහොසි…පෙ.… ‘‘අනාපත්‌ති, භික්‌ඛු, නමොචනාධිප්‌පායස්‌සා’’ති.
Tena kho pana samayena aññatarassa bhikkhuno pupphāvaliyaṃ 18 kīḷantassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
තෙන ඛො පන සමයෙන අඤ්‌ඤතරස්‌ස භික්‌ඛුනො මොචනාධිප්‌පායස්‌ස පුප්‌ඵාවලියං කීළන්‌තස්‌ස අසුචි මුච්‌චි…පෙ.… අසුචි න මුච්‌චි. තස්‌ස කුක්‌කුච්‌චං අහොසි…පෙ.… ‘‘අනාපත්‌ති, භික්‌ඛු, සඞ්‌ඝාදිසෙසස්‌ස; ආපත්‌ති ථුල්‌ලච්‌චයස්‌සා’’ති.
Tena kho pana samayena aññatarassa bhikkhuno mocanādhippāyassa pupphāvaliyaṃ kīḷantassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
268. තෙන ඛො පන සමයෙන අඤ්‌ඤතරස්‌ස භික්‌ඛුනො පොක්‌ඛරවනෙ ධාවන්‌තස්‌ස අසුචි මුච්‌චි. තස්‌ස කුක්‌කුච්‌චං අහොසි…පෙ.… ‘‘අනාපත්‌ති, භික්‌ඛු, නමොචනාධිප්‌පායස්‌සා’’ති.
268. Tena kho pana samayena aññatarassa bhikkhuno pokkharavane dhāvantassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
තෙන ඛො පන සමයෙන අඤ්‌ඤතරස්‌ස භික්‌ඛුනො මොචනාධිප්‌පායස්‌ස පොක්‌ඛරවනෙ ධාවන්‌තස්‌ස අසුචි මුච්‌චි…පෙ.… අසුචි න මුච්‌චි. තස්‌ස කුක්‌කුච්‌චං අහොසි…පෙ.… ‘‘අනාපත්‌ති, භික්‌ඛු, සඞ්‌ඝාදිසෙසස්‌ස; ආපත්‌ති ථුල්‌ලච්‌චයස්‌සා’’ති.
Tena kho pana samayena aññatarassa bhikkhuno mocanādhippāyassa pokkharavane dhāvantassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
තෙන ඛො පන සමයෙන අඤ්‌ඤතරස්‌ස භික්‌ඛුනො මොචනාධිප්‌පායස්‌ස වාලිකං අඞ්‌ගජාතං පවෙසෙන්‌තස්‌ස අසුචි මුච්‌චි…පෙ.… අසුචි න මුච්‌චි. තස්‌ස කුක්‌කුච්‌චං අහොසි…පෙ.… ‘‘අනාපත්‌ති, භික්‌ඛු, සඞ්‌ඝාදිසෙසස්‌ස; ආපත්‌ති ථුල්‌ලච්‌චයස්‌සා’’ති.
Tena kho pana samayena aññatarassa bhikkhuno mocanādhippāyassa vālikaṃ aṅgajātaṃ pavesentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
තෙන ඛො පන සමයෙන අඤ්‌ඤතරස්‌ස භික්‌ඛුනො මොචනාධිප්‌පායස්‌ස කද්‌දමං අඞ්‌ගජාතං පවෙසෙන්‌තස්‌ස අසුචි මුච්‌චි…පෙ.… අසුචි න මුච්‌චි . තස්‌ස කුක්‌කුච්‌චං අහොසි…පෙ.… ‘‘අනාපත්‌ති, භික්‌ඛු, සඞ්‌ඝාදිසෙසස්‌ස; ආපත්‌ති ථුල්‌ලච්‌චයස්‌සා’’ති.
Tena kho pana samayena aññatarassa bhikkhuno mocanādhippāyassa kaddamaṃ aṅgajātaṃ pavesentassa asuci mucci…pe… asuci na mucci . Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
තෙන ඛො පන සමයෙන අඤ්‌ඤතරස්‌ස භික්‌ඛුනො උදකෙන අඞ්‌ගජාතං ඔසිඤ්‌චන්‌තස්‌ස අසුචි මුච්‌චි. තස්‌ස කුක්‌කුච්‌චං අහොසි…පෙ.… ‘‘අනාපත්‌ති, භික්‌ඛු, නමොචනාධිප්‌පායස්‌සා’’ති.
Tena kho pana samayena aññatarassa bhikkhuno udakena aṅgajātaṃ osiñcantassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
තෙන ඛො පන සමයෙන අඤ්‌ඤතරස්‌ස භික්‌ඛුනො මොචනාධිප්‌පායස්‌ස උදකෙන අඞ්‌ගජාතං ඔසිඤ්‌චන්‌තස්‌ස අසුචි මුච්‌චි…පෙ.… අසුචි න මුච්‌චි. තස්‌ස කුක්‌කුච්‌චං අහොසි…පෙ.… ‘‘අනාපත්‌ති, භික්‌ඛු, සඞ්‌ඝාදිසෙසස්‌ස; ආපත්‌ති ථුල්‌ලච්‌චයස්‌සා’’ති.
Tena kho pana samayena aññatarassa bhikkhuno mocanādhippāyassa udakena aṅgajātaṃ osiñcantassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
තෙන ඛො පන සමයෙන අඤ්‌ඤතරස්‌ස භික්‌ඛුනො මොචනාධිප්‌පායස්‌ස සයනෙ අඞ්‌ගජාතං ඝට්‌ටෙන්‌තස්‌ස අසුචි මුච්‌චි…පෙ.… අසුචි න මුච්‌චි. තස්‌ස කුක්‌කුච්‌චං අහොසි…පෙ.… ‘‘අනාපත්‌ති, භික්‌ඛු, සඞ්‌ඝාදිසෙසස්‌ස; ආපත්‌ති ථුල්‌ලච්‌චයස්‌සා’’ති.
Tena kho pana samayena aññatarassa bhikkhuno mocanādhippāyassa sayane aṅgajātaṃ ghaṭṭentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
තෙන ඛො පන සමයෙන අඤ්‌ඤතරස්‌ස භික්‌ඛුනො මොචනාධිප්‌පායස්‌ස අඞ්‌ගුට්‌ඨෙන අඞ්‌ගජාතං ඝට්‌ටෙන්‌තස්‌ස අසුචි මුච්‌චි…පෙ.… අසුචි න මුච්‌චි. තස්‌ස කුක්‌කුච්‌චං අහොසි – ‘‘භගවතා සික්‌ඛාපදං පඤ්‌ඤත්‌තං, කච්‌චි නු ඛො අහං සඞ්‌ඝාදිසෙසං ආපත්‌තිං ආපන්‌නො’’ති? භගවතො එතමත්‌ථං ආරොචෙසි. ‘‘අනාපත්‌ති, භික්‌ඛු, සඞ්‌ඝාදිසෙසස්‌ස; ආපත්‌ති ථුල්‌ලච්‌චයස්‌සා’’ති.
Tena kho pana samayena aññatarassa bhikkhuno mocanādhippāyassa aṅguṭṭhena aṅgajātaṃ ghaṭṭentassa asuci mucci…pe… asuci na mucci. Tassa kukkuccaṃ ahosi – ‘‘bhagavatā sikkhāpadaṃ paññattaṃ, kacci nu kho ahaṃ saṅghādisesaṃ āpattiṃ āpanno’’ti? Bhagavato etamatthaṃ ārocesi. ‘‘Anāpatti, bhikkhu, saṅghādisesassa; āpatti thullaccayassā’’ti.
සුක්‌කවිස්‌සට්‌ඨිසික්‌ඛාපදං නිට්‌ඨිතං පඨමං.
Sukkavissaṭṭhisikkhāpadaṃ niṭṭhitaṃ paṭhamaṃ.
Footnotes:
Related texts:
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / මහාවිභඞ්‌ග-අට්‌ඨකථා • Mahāvibhaṅga-aṭṭhakathā / 1. සුක්‌කවිස්‌සට්‌ඨිසික්‌ඛාපදවණ්‌ණනා • 1. Sukkavissaṭṭhisikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / 1. සුක්‌කවිස්‌සට්‌ඨිසික්‌ඛාපදවණ්‌ණනා • 1. Sukkavissaṭṭhisikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / 1. සුක්‌කවිස්‌සට්‌ඨිසික්‌ඛාපදවණ්‌ණනා • 1. Sukkavissaṭṭhisikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / 1. සුක්‌කවිස්‌සට්‌ඨිසික්‌ඛාපදවණ්‌ණනා • 1. Sukkavissaṭṭhisikkhāpadavaṇṇanā
