| Library / Tipiṭaka / ཏིཔིཊཀ • Tipiṭaka / མཧཱཝིབྷངྒ • Mahāvibhaṅga |
༢. སངྒྷཱདིསེསཀཎྜཾ
2. Saṅghādisesakaṇḍaṃ
༡. སུཀྐཝིསྶཊྛིསིཀྑཱཔདཾ
1. Sukkavissaṭṭhisikkhāpadaṃ
ཨིམེ ཁོ པནཱཡསྨནྟོ ཏེརས སངྒྷཱདིསེསཱ
Ime kho panāyasmanto terasa saṅghādisesā
དྷམྨཱ ཨུདྡེསཾ ཨཱགཙྪནྟི།
Dhammā uddesaṃ āgacchanti.
༢༣༤. ཏེན སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ། ཏེན ཁོ པན སམཡེན ཨཱཡསྨཱ སེཡྻསཀོ ཨནབྷིརཏོ བྲཧྨཙརིཡཾ ཙརཏི། སོ ཏེན ཀིསོ ཧོཏི ལཱུཁོ དུབྦཎྞོ ཨུཔྤཎྜུཔྤཎྜུཀཛཱཏོ དྷམནིསནྠཏགཏྟོ། ཨདྡས ཁོ ཨཱཡསྨཱ ཨུདཱཡཱི ཨཱཡསྨནྟཾ སེཡྻསཀཾ ཀིསཾ ལཱུཁཾ དུབྦཎྞཾ ཨུཔྤཎྜུཔྤཎྜུཀཛཱཏཾ དྷམནིསནྠཏགཏྟཾ། དིསྭཱན ཨཱཡསྨནྟཾ སེཡྻསཀཾ ཨེཏདཝོཙ – ‘‘ཀིསྶ ཏྭཾ, ཨཱཝུསོ སེཡྻསཀ, ཀིསོ ལཱུཁོ དུབྦཎྞོ ཨུཔྤཎྜུཔྤཎྜུཀཛཱཏོ དྷམནིསནྠཏགཏྟོ? ཀཙྩི ནོ ཏྭཾ, ཨཱཝུསོ སེཡྻསཀ, ཨནབྷིརཏོ བྲཧྨཙརིཡཾ ཙརསཱི’’ཏི? ‘‘ཨེཝམཱཝུསོ’’ཏི། ‘‘ཏེན ཧི ཏྭཾ, ཨཱཝུསོ སེཡྻསཀ, ཡཱཝདཏྠཾ བྷུཉྫ ཡཱཝདཏྠཾ སུཔ ཡཱཝདཏྠཾ ནྷཱཡ། ཡཱཝདཏྠཾ བྷུཉྫིཏྭཱ ཡཱཝདཏྠཾ སུཔིཏྭཱ ཡཱཝདཏྠཾ ནྷཱཡིཏྭཱ ཡདཱ ཏེ ཨནབྷིརཏི ཨུཔྤཛྫཏི རཱགོ ཙིཏྟཾ ཨནུདྡྷཾསེཏི ཏདཱ ཧཏྠེན ཨུཔཀྐམིཏྭཱ ཨསུཙིཾ མོཙེཧཱི’’ཏི། ‘‘ཀིཾ ནུ ཁོ, ཨཱཝུསོ, ཀཔྤཏི ཨེཝརཱུཔཾ ཀཱཏུ’’ནྟི? ‘‘ཨཱམ, ཨཱཝུསོ། ཨཧམྤི ཨེཝཾ ཀརོམཱི’’ཏི།
234. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena āyasmā seyyasako anabhirato brahmacariyaṃ carati. So tena kiso hoti lūkho dubbaṇṇo uppaṇḍuppaṇḍukajāto dhamanisanthatagatto. Addasa kho āyasmā udāyī āyasmantaṃ seyyasakaṃ kisaṃ lūkhaṃ dubbaṇṇaṃ uppaṇḍuppaṇḍukajātaṃ dhamanisanthatagattaṃ. Disvāna āyasmantaṃ seyyasakaṃ etadavoca – ‘‘kissa tvaṃ, āvuso seyyasaka, kiso lūkho dubbaṇṇo uppaṇḍuppaṇḍukajāto dhamanisanthatagatto? Kacci no tvaṃ, āvuso seyyasaka, anabhirato brahmacariyaṃ carasī’’ti? ‘‘Evamāvuso’’ti. ‘‘Tena hi tvaṃ, āvuso seyyasaka, yāvadatthaṃ bhuñja yāvadatthaṃ supa yāvadatthaṃ nhāya. Yāvadatthaṃ bhuñjitvā yāvadatthaṃ supitvā yāvadatthaṃ nhāyitvā yadā te anabhirati uppajjati rāgo cittaṃ anuddhaṃseti tadā hatthena upakkamitvā asuciṃ mocehī’’ti. ‘‘Kiṃ nu kho, āvuso, kappati evarūpaṃ kātu’’nti? ‘‘Āma, āvuso. Ahampi evaṃ karomī’’ti.
ཨཐ ཁོ ཨཱཡསྨཱ སེཡྻསཀོ ཡཱཝདཏྠཾ བྷུཉྫི ཡཱཝདཏྠཾ སུཔི ཡཱཝདཏྠཾ ནྷཱཡི། ཡཱཝདཏྠཾ བྷུཉྫིཏྭཱ ཡཱཝདཏྠཾ སུཔིཏྭཱ ཡཱཝདཏྠཾ ནྷཱཡིཏྭཱ ཡདཱ ཨནབྷིརཏི ཨུཔྤཛྫཏི རཱགོ ཙིཏྟཾ ཨནུདྡྷཾསེཏི ཏདཱ ཧཏྠེན ཨུཔཀྐམིཏྭཱ ཨསུཙིཾ མོཙེསི ། ཨཐ ཁོ ཨཱཡསྨཱ སེཡྻསཀོ ཨཔརེན སམཡེན ཝཎྞཝཱ ཨཧོསི པཱིཎིནྡྲིཡོ པསནྣམུཁཝཎྞོ ཝིཔྤསནྣཚཝིཝཎྞོ། ཨཐ ཁོ ཨཱཡསྨཏོ སེཡྻསཀསྶ སཧཱཡཀཱ བྷིཀྑཱུ ཨཱཡསྨནྟཾ སེཡྻསཀཾ ཨེཏདཝོཙུཾ – ‘‘པུབྦེ ཁོ ཏྭཾ, ཨཱཝུསོ སེཡྻསཀ, ཀིསོ ཨཧོསི ལཱུཁོ དུབྦཎྞོ ཨུཔྤཎྜུཔྤཎྜུཀཛཱཏོ དྷམནིསནྠཏགཏྟོ། སོ དཱནི ཏྭཾ ཨེཏརཧི ཝཎྞཝཱ པཱིཎིནྡྲིཡོ པསནྣམུཁཝཎྞོ ཝིཔྤསནྣཚཝིཝཎྞོ། ཀིཾ ནུ ཁོ ཏྭཾ, ཨཱཝུསོ སེཡྻསཀ, བྷེསཛྫཾ ཀརོསཱི’’ཏི? ‘‘ན ཁོ ཨཧཾ, ཨཱཝུསོ, བྷེསཛྫཾ ཀརོམི ། ཨཔིཙཱཧཾ ཡཱཝདཏྠཾ བྷུཉྫཱམི ཡཱཝདཏྠཾ སུཔཱམི ཡཱཝདཏྠཾ ནྷཱཡཱམི། ཡཱཝདཏྠཾ བྷུཉྫིཏྭཱ ཡཱཝདཏྠཾ སུཔིཏྭཱ ཡཱཝདཏྠཾ ནྷཱཡིཏྭཱ ཡདཱ མེ ཨནབྷིརཏི ཨུཔྤཛྫཏི རཱགོ ཙིཏྟཾ ཨནུདྡྷཾསེཏི ཏདཱ ཧཏྠེན ཨུཔཀྐམིཏྭཱ ཨསུཙིཾ མོཙེམཱི’’ཏི། ‘‘ཀིཾ པན ཏྭཾ, ཨཱཝུསོ སེཡྻསཀ, ཡེནེཝ ཧཏྠེན སདྡྷཱདེཡྻཾ བྷུཉྫསི ཏེནེཝ ཧཏྠེན ཨུཔཀྐམིཏྭཱ ཨསུཙིཾ མོཙེསཱི’’ཏི? ‘‘ཨེཝམཱཝུསོ’’ཏི། ཡེ ཏེ བྷིཀྑཱུ ཨཔྤིཙྪཱ…པེ॰… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཱཡསྨཱ སེཡྻསཀོ ཧཏྠེན ཨུཔཀྐམིཏྭཱ ཨསུཙིཾ མོཙེསྶཏཱི’’ཏི!
Atha kho āyasmā seyyasako yāvadatthaṃ bhuñji yāvadatthaṃ supi yāvadatthaṃ nhāyi. Yāvadatthaṃ bhuñjitvā yāvadatthaṃ supitvā yāvadatthaṃ nhāyitvā yadā anabhirati uppajjati rāgo cittaṃ anuddhaṃseti tadā hatthena upakkamitvā asuciṃ mocesi . Atha kho āyasmā seyyasako aparena samayena vaṇṇavā ahosi pīṇindriyo pasannamukhavaṇṇo vippasannachavivaṇṇo. Atha kho āyasmato seyyasakassa sahāyakā bhikkhū āyasmantaṃ seyyasakaṃ etadavocuṃ – ‘‘pubbe kho tvaṃ, āvuso seyyasaka, kiso ahosi lūkho dubbaṇṇo uppaṇḍuppaṇḍukajāto dhamanisanthatagatto. So dāni tvaṃ etarahi vaṇṇavā pīṇindriyo pasannamukhavaṇṇo vippasannachavivaṇṇo. Kiṃ nu kho tvaṃ, āvuso seyyasaka, bhesajjaṃ karosī’’ti? ‘‘Na kho ahaṃ, āvuso, bhesajjaṃ karomi . Apicāhaṃ yāvadatthaṃ bhuñjāmi yāvadatthaṃ supāmi yāvadatthaṃ nhāyāmi. Yāvadatthaṃ bhuñjitvā yāvadatthaṃ supitvā yāvadatthaṃ nhāyitvā yadā me anabhirati uppajjati rāgo cittaṃ anuddhaṃseti tadā hatthena upakkamitvā asuciṃ mocemī’’ti. ‘‘Kiṃ pana tvaṃ, āvuso seyyasaka, yeneva hatthena saddhādeyyaṃ bhuñjasi teneva hatthena upakkamitvā asuciṃ mocesī’’ti? ‘‘Evamāvuso’’ti. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma āyasmā seyyasako hatthena upakkamitvā asuciṃ mocessatī’’ti!
ཨཐ ཁོ ཏེ བྷིཀྑཱུ ཨཱཡསྨནྟཾ སེཡྻསཀཾ ཨནེཀཔརིཡཱཡེན ཝིགརཧིཏྭཱ བྷགཝཏོ ཨེཏམཏྠཾ ཨཱརོཙེསུཾ། ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ བྷིཀྑུསངྒྷཾ སནྣིཔཱཏཱཔེཏྭཱ ཨཱཡསྨནྟཾ སེཡྻསཀཾ པཊིཔུཙྪི – ‘‘སཙྩཾ ཀིར ཏྭཾ, སེཡྻསཀ, ཧཏྠེན ཨུཔཀྐམིཏྭཱ ཨསུཙིཾ མོཙེསཱི’’ཏི? ‘‘སཙྩཾ, བྷགཝཱ’’ཏི ། ཝིགརཧི བུདྡྷོ བྷགཝཱ – ‘‘ཨནནུཙྪཝིཀཾ, མོགྷཔུརིས, ཨནནུལོམིཀཾ ཨཔྤཏིརཱུཔཾ ཨསྶཱམཎཀཾ ཨཀཔྤིཡཾ ཨཀརཎཱིཡཾ། ཀཐཉྷི ནཱམ ཏྭཾ, མོགྷཔུརིས, ཧཏྠེན ཨུཔཀྐམིཏྭཱ ཨསུཙིཾ མོཙེསྶསི! ནནུ མཡཱ, མོགྷཔུརིས, ཨནེཀཔརིཡཱཡེན ཝིརཱགཱཡ དྷམྨོ དེསིཏོ ནོ སརཱགཱཡ, ཝིསཉྙོགཱཡ དྷམྨོ དེསིཏོ ནོ སཉྙོགཱཡ, ཨནུཔཱདཱནཱཡ དྷམྨོ དེསིཏོ ནོ སཨུཔཱདཱནཱཡ! ཏཏྠ ནཱམ ཏྭཾ, མོགྷཔུརིས, མཡཱ ཝིརཱགཱཡ དྷམྨེ དེསིཏེ སརཱགཱཡ ཙེཏེསྶསི, ཝིསཉྙོགཱཡ དྷམྨེ དེསིཏེ སཉྙོགཱཡ ཙེཏེསྶསི, ཨནུཔཱདཱནཱཡ དྷམྨེ དེསིཏེ སཨུཔཱདཱནཱཡ ཙེཏེསྶསི! ནནུ མཡཱ, མོགྷཔུརིས, ཨནེཀཔརིཡཱཡེན རཱགཝིརཱགཱཡ དྷམྨོ དེསིཏོ, མདནིམྨདནཱཡ པིཔཱསཝིནཡཱཡ ཨཱལཡསམུགྒྷཱཏཱཡ ཝཊྚུཔཙྪེདཱཡ ཏཎྷཀྑཡཱཡ ཝིརཱགཱཡ ནིརོདྷཱཡ ནིབྦཱནཱཡ དྷམྨོ དེསིཏོ? ནནུ མཡཱ, མོགྷཔུརིས, ཨནེཀཔརིཡཱཡེན ཀཱམཱནཾ པཧཱནཾ ཨཀྑཱཏཾ, ཀཱམསཉྙཱནཾ པརིཉྙཱ ཨཀྑཱཏཱ, ཀཱམཔིཔཱསཱནཾ པཊིཝིནཡོ ཨཀྑཱཏོ, ཀཱམཝིཏཀྐཱནཾ སམུགྒྷཱཏོ ཨཀྑཱཏོ, ཀཱམཔརིལཱ༹ཧཱནཾ ཝཱུཔསམོ ཨཀྑཱཏོ? ནེཏཾ, མོགྷཔུརིས, ཨཔྤསནྣཱནཾ ཝཱ པསཱདཱཡ, པསནྣཱནཾ ཝཱ བྷིཡྻོབྷཱཝཱཡ། ཨཐ ཁྭེཏཾ, མོགྷཔུརིས, ཨཔྤསནྣཱནཉྩེཝ ཨཔྤསཱདཱཡ, པསནྣཱནཉྩ ཨེཀཙྩཱནཾ ཨཉྙཐཏྟཱཡཱ’’ཏི། ཨཐ ཁོ བྷགཝཱ ཨཱཡསྨནྟཾ སེཡྻསཀཾ ཨནེཀཔརིཡཱཡེན ཝིགརཧིཏྭཱ དུབྦྷརཏཱཡ…པེ॰… ‘‘ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –
Atha kho te bhikkhū āyasmantaṃ seyyasakaṃ anekapariyāyena vigarahitvā bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe bhikkhusaṅghaṃ sannipātāpetvā āyasmantaṃ seyyasakaṃ paṭipucchi – ‘‘saccaṃ kira tvaṃ, seyyasaka, hatthena upakkamitvā asuciṃ mocesī’’ti? ‘‘Saccaṃ, bhagavā’’ti . Vigarahi buddho bhagavā – ‘‘ananucchavikaṃ, moghapurisa, ananulomikaṃ appatirūpaṃ assāmaṇakaṃ akappiyaṃ akaraṇīyaṃ. Kathañhi nāma tvaṃ, moghapurisa, hatthena upakkamitvā asuciṃ mocessasi! Nanu mayā, moghapurisa, anekapariyāyena virāgāya dhammo desito no sarāgāya, visaññogāya dhammo desito no saññogāya, anupādānāya dhammo desito no saupādānāya! Tattha nāma tvaṃ, moghapurisa, mayā virāgāya dhamme desite sarāgāya cetessasi, visaññogāya dhamme desite saññogāya cetessasi, anupādānāya dhamme desite saupādānāya cetessasi! Nanu mayā, moghapurisa, anekapariyāyena rāgavirāgāya dhammo desito, madanimmadanāya pipāsavinayāya ālayasamugghātāya vaṭṭupacchedāya taṇhakkhayāya virāgāya nirodhāya nibbānāya dhammo desito? Nanu mayā, moghapurisa, anekapariyāyena kāmānaṃ pahānaṃ akkhātaṃ, kāmasaññānaṃ pariññā akkhātā, kāmapipāsānaṃ paṭivinayo akkhāto, kāmavitakkānaṃ samugghāto akkhāto, kāmapariḷāhānaṃ vūpasamo akkhāto? Netaṃ, moghapurisa, appasannānaṃ vā pasādāya, pasannānaṃ vā bhiyyobhāvāya. Atha khvetaṃ, moghapurisa, appasannānañceva appasādāya, pasannānañca ekaccānaṃ aññathattāyā’’ti. Atha kho bhagavā āyasmantaṃ seyyasakaṃ anekapariyāyena vigarahitvā dubbharatāya…pe… ‘‘evañca pana, bhikkhave, imaṃ sikkhāpadaṃ uddiseyyātha –
ཨེཝཉྩིདཾ བྷགཝཏཱ བྷིཀྑཱུནཾ སིཀྑཱཔདཾ པཉྙཏྟཾ ཧོཏི།
Evañcidaṃ bhagavatā bhikkhūnaṃ sikkhāpadaṃ paññattaṃ hoti.
༢༣༥. ཏེན ཁོ པན སམཡེན བྷིཀྑཱུ པཎཱིཏབྷོཛནཱནི བྷུཉྫིཏྭཱ མུཊྛསྶཏཱི ཨསམྤཛཱནཱ ནིདྡཾ ཨོཀྐམནྟི། ཏེསཾ མུཊྛསྶཏཱིནཾ ཨསམྤཛཱནཱནཾ ནིདྡཾ ཨོཀྐམནྟཱནཾ སུཔིནནྟེན ཨསུཙི མུཙྩཏི། ཏེསཾ ཀུཀྐུཙྩཾ ཨཧོསི – ‘‘བྷགཝཏཱ སིཀྑཱཔདཾ པཉྙཏྟཾ – ‘སཉྩེཏནིཀཱ སུཀྐཝིསྶཊྛི སངྒྷཱདིསེསོ’ཏི། ཨམྷཱཀཉྩ སུཔིནནྟེན ཨསུཙི མུཙྩཏི། ཨཏྠི ཙེཏྠ ཙེཏནཱ ལབྦྷཏི། ཀཙྩི ནུ ཁོ མཡཾ སངྒྷཱདིསེསཾ ཨཱཔཏྟིཾ ཨཱཔནྣཱ’’ཏི? བྷགཝཏོ ཨེཏམཏྠཾ ཨཱརོཙེསུཾ། ‘‘ཨཏྠེསཱ, བྷིཀྑཝེ, ཙེཏནཱ; སཱ ཙ ཁོ ཨབྦོཧཱརིཀཱཏི། ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –
235. Tena kho pana samayena bhikkhū paṇītabhojanāni bhuñjitvā muṭṭhassatī asampajānā niddaṃ okkamanti. Tesaṃ muṭṭhassatīnaṃ asampajānānaṃ niddaṃ okkamantānaṃ supinantena asuci muccati. Tesaṃ kukkuccaṃ ahosi – ‘‘bhagavatā sikkhāpadaṃ paññattaṃ – ‘sañcetanikā sukkavissaṭṭhi saṅghādiseso’ti. Amhākañca supinantena asuci muccati. Atthi cettha cetanā labbhati. Kacci nu kho mayaṃ saṅghādisesaṃ āpattiṃ āpannā’’ti? Bhagavato etamatthaṃ ārocesuṃ. ‘‘Atthesā, bhikkhave, cetanā; sā ca kho abbohārikāti. Evañca pana, bhikkhave, imaṃ sikkhāpadaṃ uddiseyyātha –
༢༣༦. ‘‘སཉྩེཏནིཀཱ སུཀྐཝིསྶཊྛི ཨཉྙཏྲ སུཔིནནྟཱ སངྒྷཱདིསེསོ’’ཏི།
236.‘‘Sañcetanikā sukkavissaṭṭhi aññatra supinantā saṅghādiseso’’ti.
༢༣༧. སཉྩེཏནིཀཱཏི ཛཱནནྟོ སཉྫཱནནྟོ ཙེཙྩ ཨབྷིཝིཏརིཏྭཱ ཝཱིཏིཀྐམོ།
237.Sañcetanikāti jānanto sañjānanto cecca abhivitaritvā vītikkamo.
སུཀྐནྟི དས སུཀྐཱནི – ནཱིལཾ པཱིཏཀཾ ལོཧིཏཀཾ ཨོདཱཏཾ ཏཀྐཝཎྞཾ དཀཝཎྞཾ ཏེལཝཎྞཾ ཁཱིརཝཎྞཾ དདྷིཝཎྞཾ སཔྤིཝཎྞཾ།
Sukkanti dasa sukkāni – nīlaṃ pītakaṃ lohitakaṃ odātaṃ takkavaṇṇaṃ dakavaṇṇaṃ telavaṇṇaṃ khīravaṇṇaṃ dadhivaṇṇaṃ sappivaṇṇaṃ.
ཝིསྶཊྛཱིཏི ཋཱནཏོ ཙཱཝནཱ ཝུཙྩཏི ཝིསྶཊྛཱིཏི།
Vissaṭṭhīti ṭhānato cāvanā vuccati vissaṭṭhīti.
ཨཉྙཏྲ སུཔིནནྟཱཏི ཋཔེཏྭཱ སུཔིནནྟཾ།
Aññatra supinantāti ṭhapetvā supinantaṃ.
སངྒྷཱདིསེསོཏི སངྒྷོཝ ཏསྶཱ ཨཱཔཏྟིཡཱ པརིཝཱསཾ དེཏི, མཱུལཱཡ པཊིཀསྶཏི, མཱནཏྟཾ དེཏི , ཨབྦྷེཏི; ན སམྦཧུལཱ, ན ཨེཀཔུགྒལོ། ཏེན ཝུཙྩཏི – ‘‘སངྒྷཱདིསེསོ’’ཏི། ཏསྶེཝ ཨཱཔཏྟིནིཀཱཡསྶ ནཱམཀམྨཾ ཨདྷིཝཙནཾ། ཏེནཔི ཝུཙྩཏི – ‘‘སངྒྷཱདིསེསོ’’ཏི།
Saṅghādisesoti saṅghova tassā āpattiyā parivāsaṃ deti, mūlāya paṭikassati, mānattaṃ deti , abbheti; na sambahulā, na ekapuggalo. Tena vuccati – ‘‘saṅghādiseso’’ti. Tasseva āpattinikāyassa nāmakammaṃ adhivacanaṃ. Tenapi vuccati – ‘‘saṅghādiseso’’ti.
ཨཛ྄ཛྷཏྟརཱུཔེ མོཙེཏི, བཧིདྡྷཱརཱུཔེ མོཙེཏི, ཨཛ྄ཛྷཏྟབཧིདྡྷཱརཱུཔེ མོཙེཏི, ཨཱཀཱསེ ཀཊིཾ ཀམྤེནྟོ མོཙེཏི; རཱགཱུཔཏྠམྦྷེ མོཙེཏི, ཝཙྩཱུཔཏྠམྦྷེ མོཙེཏི, པསྶཱཝཱུཔཏྠམྦྷེ མོཙེཏི, ཝཱཏཱུཔཏྠམྦྷེ མོཙེཏི , ཨུཙྩཱལིངྒཔཱཎཀདཊྛཱུཔཏྠམྦྷེ མོཙེཏི; ཨཱརོགྱཏྠཱཡ མོཙེཏི, སུཁཏྠཱཡ མོཙེཏི, བྷེསཛྫཏྠཱཡ མོཙེཏི, དཱནཏྠཱཡ མོཙེཏི, པུཉྙཏྠཱཡ མོཙེཏི, ཡཉྙཏྠཱཡ མོཙེཏི, སགྒཏྠཱཡ མོཙེཏི, བཱིཛཏྠཱཡ མོཙེཏི, ཝཱིམཾསཏྠཱཡ མོཙེཏི, དཝཏྠཱཡ མོཙེཏི; ནཱིལཾ མོཙེཏི, པཱིཏཀཾ མོཙེཏི, ལོཧིཏཀཾ མོཙེཏི, ཨོདཱཏཾ མོཙེཏི, ཏཀྐཝཎྞཾ མོཙེཏི, དཀཝཎྞཾ མོཙེཏི, ཏེལཝཎྞཾ མོཙེཏི, ཁཱིརཝཎྞཾ མོཙེཏི, དདྷིཝཎྞཾ མོཙེཏི, སཔྤིཝཎྞཾ མོཙེཏི།
Ajjhattarūpe moceti, bahiddhārūpe moceti, ajjhattabahiddhārūpe moceti, ākāse kaṭiṃ kampento moceti; rāgūpatthambhe moceti, vaccūpatthambhe moceti, passāvūpatthambhe moceti, vātūpatthambhe moceti , uccāliṅgapāṇakadaṭṭhūpatthambhe moceti; ārogyatthāya moceti, sukhatthāya moceti, bhesajjatthāya moceti, dānatthāya moceti, puññatthāya moceti, yaññatthāya moceti, saggatthāya moceti, bījatthāya moceti, vīmaṃsatthāya moceti, davatthāya moceti; nīlaṃ moceti, pītakaṃ moceti, lohitakaṃ moceti, odātaṃ moceti, takkavaṇṇaṃ moceti, dakavaṇṇaṃ moceti, telavaṇṇaṃ moceti, khīravaṇṇaṃ moceti, dadhivaṇṇaṃ moceti, sappivaṇṇaṃ moceti.
བཧིདྡྷཱརཱུཔེཏི བཧིདྡྷཱ ཨུཔཱདིནྣེ ཝཱ ཨནུཔཱདིནྣེ ཝཱ།
Bahiddhārūpeti bahiddhā upādinne vā anupādinne vā.
ཨཛ྄ཛྷཏྟབཧིདྡྷཱརཱུཔེཏི ཏདུབྷཡེ།
Ajjhattabahiddhārūpeti tadubhaye.
ཨཱཀཱསེ ཀཊིཾ ཀམྤེནྟོཏི ཨཱཀཱསེ ཝཱཡམནྟསྶ ཨངྒཛཱཏཾ ཀམྨནིཡཾ ཧོཏི།
Ākāse kaṭiṃ kampentoti ākāse vāyamantassa aṅgajātaṃ kammaniyaṃ hoti.
རཱགཱུཔཏྠམྦྷེཏི རཱགེན པཱིལི༹ཏསྶ ཨངྒཛཱཏཾ ཀམྨནིཡཾ ཧོཏི།
Rāgūpatthambheti rāgena pīḷitassa aṅgajātaṃ kammaniyaṃ hoti.
ཝཙྩཱུཔཏྠམྦྷེཏི ཝཙྩེན པཱིལི༹ཏསྶ ཨངྒཛཱཏཾ ཀམྨནིཡཾ ཧོཏི།
Vaccūpatthambheti vaccena pīḷitassa aṅgajātaṃ kammaniyaṃ hoti.
པསྶཱཝཱུཔཏྠམྦྷེཏི པསྶཱཝེན པཱིལི༹ཏསྶ ཨངྒཛཱཏཾ ཀམྨནིཡཾ ཧོཏི།
Passāvūpatthambheti passāvena pīḷitassa aṅgajātaṃ kammaniyaṃ hoti.
ཝཱཏཱུཔཏྠམྦྷེཏི ཝཱཏེན པཱིལི༹ཏསྶ ཨངྒཛཱཏཾ ཀམྨནིཡཾ ཧོཏི།
Vātūpatthambheti vātena pīḷitassa aṅgajātaṃ kammaniyaṃ hoti.
ཨུཙྩཱལིངྒཔཱཎཀདཊྛཱུཔཏྠམྦྷེཏི ཨུཙྩཱལིངྒཔཱཎཀདཊྛེན ཨངྒཛཱཏཾ ཀམྨནིཡཾ ཧོཏི།
Uccāliṅgapāṇakadaṭṭhūpatthambheti uccāliṅgapāṇakadaṭṭhena aṅgajātaṃ kammaniyaṃ hoti.
༢༣༩. ཨཱརོགྱཏྠཱཡཱཏི ཨརོགོ བྷཝིསྶཱམི།
239.Ārogyatthāyāti arogo bhavissāmi.
སུཁཏྠཱཡཱཏི སུཁཾ ཝེདནཾ ཨུཔྤཱདེསྶཱམི།
Sukhatthāyāti sukhaṃ vedanaṃ uppādessāmi.
བྷེསཛྫཏྠཱཡཱཏི བྷེསཛྫཾ བྷཝིསྶཏི།
Bhesajjatthāyāti bhesajjaṃ bhavissati.
དཱནཏྠཱཡཱཏི དཱནཾ དསྶཱམི།
Dānatthāyāti dānaṃ dassāmi.
པུཉྙཏྠཱཡཱཏི པུཉྙཾ བྷཝིསྶཏི།
Puññatthāyāti puññaṃ bhavissati.
ཡཉྙཏྠཱཡཱཏི ཡཉྙཾ ཡཛིསྶཱམི།
Yaññatthāyāti yaññaṃ yajissāmi.
སགྒཏྠཱཡཱཏི སགྒཾ གམིསྶཱམི།
Saggatthāyāti saggaṃ gamissāmi.
བཱིཛཏྠཱཡཱཏི བཱིཛཾ བྷཝིསྶཏི།
Bījatthāyāti bījaṃ bhavissati.
ཝཱིམཾསཏྠཱཡཱཏི ནཱིལཾ བྷཝིསྶཏི, པཱིཏཀཾ བྷཝིསྶཏི, ལོཧིཏཀཾ བྷཝིསྶཏི, ཨོདཱཏཾ བྷཝིསྶཏི, ཏཀྐཝཎྞཾ བྷཝིསྶཏི, དཀཝཎྞཾ བྷཝིསྶཏི, ཏེལཝཎྞཾ བྷཝིསྶཏི, ཁཱིརཝཎྞཾ བྷཝིསྶཏི, དདྷིཝཎྞཾ བྷཝིསྶཏི, སཔྤིཝཎྞཾ བྷཝིསྶཏཱིཏི།
Vīmaṃsatthāyāti nīlaṃ bhavissati, pītakaṃ bhavissati, lohitakaṃ bhavissati, odātaṃ bhavissati, takkavaṇṇaṃ bhavissati, dakavaṇṇaṃ bhavissati, telavaṇṇaṃ bhavissati, khīravaṇṇaṃ bhavissati, dadhivaṇṇaṃ bhavissati, sappivaṇṇaṃ bhavissatīti.
དཝཏྠཱཡཱཏི ཁིཌྜཱདྷིཔྤཱཡོ།
Davatthāyāti khiḍḍādhippāyo.
༢༤༠. ཨཛ྄ཛྷཏྟརཱུཔེ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ།
240. Ajjhattarūpe ceteti upakkamati muccati, āpatti saṅghādisesassa.
བཧིདྡྷཱརཱུཔེ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ།
Bahiddhārūpe ceteti upakkamati muccati, āpatti saṅghādisesassa.
ཨཛ྄ཛྷཏྟབཧིདྡྷཱརཱུཔེ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ།
Ajjhattabahiddhārūpe ceteti upakkamati muccati, āpatti saṅghādisesassa.
ཨཱཀཱསེ ཀཊིཾ ཀམྤེནྟོ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ།
Ākāse kaṭiṃ kampento ceteti upakkamati muccati, āpatti saṅghādisesassa.
རཱགཱུཔཏྠམྦྷེ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ།
Rāgūpatthambhe ceteti upakkamati muccati, āpatti saṅghādisesassa.
ཝཙྩཱུཔཏྠམྦྷེ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ།
Vaccūpatthambhe ceteti upakkamati muccati, āpatti saṅghādisesassa.
པསྶཱཝཱུཔཏྠམྦྷེ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ།
Passāvūpatthambhe ceteti upakkamati muccati, āpatti saṅghādisesassa.
ཝཱཏཱུཔཏྠམྦྷེ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ།
Vātūpatthambhe ceteti upakkamati muccati, āpatti saṅghādisesassa.
ཨུཙྩཱལིངྒཔཱཎཀདཊྛཱུཔཏྠམྦྷེ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ།
Uccāliṅgapāṇakadaṭṭhūpatthambhe ceteti upakkamati muccati, āpatti saṅghādisesassa.
ཨཱརོགྱཏྠཱཡ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ།
Ārogyatthāya ceteti upakkamati muccati, āpatti saṅghādisesassa.
སུཁཏྠཱཡ…པེ॰… བྷེསཛྫཏྠཱཡ… དཱནཏྠཱཡ… པུཉྙཏྠཱཡ… ཡཉྙཏྠཱཡ… སགྒཏྠཱཡ… བཱིཛཏྠཱཡ… ཝཱིམཾསཏྠཱཡ… དཝཏྠཱཡ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ།
Sukhatthāya…pe… bhesajjatthāya… dānatthāya… puññatthāya… yaññatthāya… saggatthāya… bījatthāya… vīmaṃsatthāya… davatthāya ceteti upakkamati muccati, āpatti saṅghādisesassa.
ནཱིལཾ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ །
Nīlaṃ ceteti upakkamati muccati, āpatti saṅghādisesassa .
པཱིཏཀཾ… ལོཧིཏཀཾ… ཨོདཱཏཾ… ཏཀྐཝཎྞཾ… དཀཝཎྞཾ… ཏེལཝཎྞཾ… ཁཱིརཝཎྞཾ… དདྷིཝཎྞཾ… སཔྤིཝཎྞཾ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ།
Pītakaṃ… lohitakaṃ… odātaṃ… takkavaṇṇaṃ… dakavaṇṇaṃ… telavaṇṇaṃ… khīravaṇṇaṃ… dadhivaṇṇaṃ… sappivaṇṇaṃ ceteti upakkamati muccati, āpatti saṅghādisesassa.
སུདྡྷིཀཾ ནིཊྛིཏཾ།
Suddhikaṃ niṭṭhitaṃ.
ཨཱརོགྱཏྠཉྩ སུཁཏྠཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ།
Ārogyatthañca sukhatthañca ceteti upakkamati muccati, āpatti saṅghādisesassa.
ཨཱརོགྱཏྠཉྩ བྷེསཛྫཏྠཉྩ…པེ॰… ཨཱརོགྱཏྠཉྩ དཱནཏྠཉྩ… ཨཱརོགྱཏྠཉྩ པུཉྙཏྠཉྩ… ཨཱརོགྱཏྠཉྩ ཡཉྙཏྠཉྩ… ཨཱརོགྱཏྠཉྩ སགྒཏྠཉྩ… ཨཱརོགྱཏྠཉྩ བཱིཛཏྠཉྩ… ཨཱརོགྱཏྠཉྩ ཝཱིམཾསཏྠཉྩ… ཨཱརོགྱཏྠཉྩ དཝཏྠཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ།
Ārogyatthañca bhesajjatthañca…pe… ārogyatthañca dānatthañca… ārogyatthañca puññatthañca… ārogyatthañca yaññatthañca… ārogyatthañca saggatthañca… ārogyatthañca bījatthañca… ārogyatthañca vīmaṃsatthañca… ārogyatthañca davatthañca ceteti upakkamati muccati, āpatti saṅghādisesassa.
ཨེཀམཱུལཀསྶ ཁཎྜཙཀྐཾ ནིཊྛིཏཾ།
Ekamūlakassa khaṇḍacakkaṃ niṭṭhitaṃ.
༢༤༡. སུཁཏྠཉྩ བྷེསཛྫཏྠཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ།
241. Sukhatthañca bhesajjatthañca ceteti upakkamati muccati, āpatti saṅghādisesassa.
སུཁཏྠཉྩ དཱནཏྠཉྩ…པེ॰… སུཁཏྠཉྩ པུཉྙཏྠཉྩ… སུཁཏྠཉྩ ཡཉྙཏྠཉྩ… སུཁཏྠཉྩ སགྒཏྠཉྩ… སུཁཏྠཉྩ བཱིཛཏྠཉྩ… སུཁཏྠཉྩ ཝཱིམཾསཏྠཉྩ… སུཁཏྠཉྩ དཝཏྠཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ།
Sukhatthañca dānatthañca…pe… sukhatthañca puññatthañca… sukhatthañca yaññatthañca… sukhatthañca saggatthañca… sukhatthañca bījatthañca… sukhatthañca vīmaṃsatthañca… sukhatthañca davatthañca ceteti upakkamati muccati, āpatti saṅghādisesassa.
སུཁཏྠཉྩ ཨཱརོགྱཏྠཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ།
Sukhatthañca ārogyatthañca ceteti upakkamati muccati, āpatti saṅghādisesassa.
༢༤༢. བྷེསཛྫཏྠཉྩ དཱནཏྠཉྩ…པེ॰… བྷེསཛྫཏྠཉྩ པུཉྙཏྠཉྩ… བྷེསཛྫཏྠཉྩ ཡཉྙཏྠཉྩ… བྷེསཛྫཏྠཉྩ སགྒཏྠཉྩ… བྷེསཛྫཏྠཉྩ བཱིཛཏྠཉྩ… བྷེསཛྫཏྠཉྩ ཝཱིམཾསཏྠཉྩ… བྷེསཛྫཏྠཉྩ དཝཏྠཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ།
242. Bhesajjatthañca dānatthañca…pe… bhesajjatthañca puññatthañca… bhesajjatthañca yaññatthañca… bhesajjatthañca saggatthañca… bhesajjatthañca bījatthañca… bhesajjatthañca vīmaṃsatthañca… bhesajjatthañca davatthañca ceteti upakkamati muccati, āpatti saṅghādisesassa.
བྷེསཛྫཏྠཉྩ ཨཱརོགྱཏྠཉྩ…པེ॰… བྷེསཛྫཏྠཉྩ སུཁཏྠཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ།
Bhesajjatthañca ārogyatthañca…pe… bhesajjatthañca sukhatthañca ceteti upakkamati muccati, āpatti saṅghādisesassa.
དཱནཏྠཉྩ པུཉྙཏྠཉྩ…པེ॰… དཱནཏྠཉྩ ཡཉྙཏྠཉྩ… དཱནཏྠཉྩ སགྒཏྠཉྩ… དཱནཏྠཉྩ བཱིཛཏྠཉྩ… དཱནཏྠཉྩ ཝཱིམཾསཏྠཉྩ… དཱནཏྠཉྩ དཝཏྠཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ།
Dānatthañca puññatthañca…pe… dānatthañca yaññatthañca… dānatthañca saggatthañca… dānatthañca bījatthañca… dānatthañca vīmaṃsatthañca… dānatthañca davatthañca ceteti upakkamati muccati, āpatti saṅghādisesassa.
དཱནཏྠཉྩ ཨཱརོགྱཏྠཉྩ…པེ॰… དཱནཏྠཉྩ སུཁཏྠཉྩ… དཱནཏྠཉྩ བྷེསཛྫཏྠཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ།
Dānatthañca ārogyatthañca…pe… dānatthañca sukhatthañca… dānatthañca bhesajjatthañca ceteti upakkamati muccati, āpatti saṅghādisesassa.
པུཉྙཏྠཉྩ ཡཉྙཏྠཉྩ…པེ॰… པུཉྙཏྠཉྩ སགྒཏྠཉྩ… པུཉྙཏྠཉྩ བཱིཛཏྠཉྩ… པུཉྙཏྠཉྩ ཝཱིམཾསཏྠཉྩ… པུཉྙཏྠཉྩ དཝཏྠཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ།
Puññatthañca yaññatthañca…pe… puññatthañca saggatthañca… puññatthañca bījatthañca… puññatthañca vīmaṃsatthañca… puññatthañca davatthañca ceteti upakkamati muccati, āpatti saṅghādisesassa.
པུཉྙཏྠཉྩ ཨཱརོགྱཏྠཉྩ…པེ॰… པུཉྙཏྠཉྩ སུཁཏྠཉྩ… པུཉྙཏྠཉྩ བྷེསཛྫཏྠཉྩ… པུཉྙཏྠཉྩ དཱནཏྠཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ།
Puññatthañca ārogyatthañca…pe… puññatthañca sukhatthañca… puññatthañca bhesajjatthañca… puññatthañca dānatthañca ceteti upakkamati muccati, āpatti saṅghādisesassa.
ཡཉྙཏྠཉྩ སགྒཏྠཉྩ…པེ॰… ཡཉྙཏྠཉྩ བཱིཛཏྠཉྩ… ཡཉྙཏྠཉྩ ཝཱིམཾསཏྠཉྩ … ཡཉྙཏྠཉྩ དཝཏྠཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ།
Yaññatthañca saggatthañca…pe… yaññatthañca bījatthañca… yaññatthañca vīmaṃsatthañca … yaññatthañca davatthañca ceteti upakkamati muccati, āpatti saṅghādisesassa.
ཡཉྙཏྠཉྩ ཨཱརོགྱཏྠཉྩ…པེ॰… ཡཉྙཏྠཉྩ སུཁཏྠཉྩ… ཡཉྙཏྠཉྩ བྷེསཛྫཏྠཉྩ… ཡཉྙཏྠཉྩ དཱནཏྠཉྩ… ཡཉྙཏྠཉྩ པུཉྙཏྠཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ།
Yaññatthañca ārogyatthañca…pe… yaññatthañca sukhatthañca… yaññatthañca bhesajjatthañca… yaññatthañca dānatthañca… yaññatthañca puññatthañca ceteti upakkamati muccati, āpatti saṅghādisesassa.
སགྒཏྠཉྩ བཱིཛཏྠཉྩ…པེ॰… སགྒཏྠཉྩ ཝཱིམཾསཏྠཉྩ… སགྒཏྠཉྩ དཝཏྠཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ།
Saggatthañca bījatthañca…pe… saggatthañca vīmaṃsatthañca… saggatthañca davatthañca ceteti upakkamati muccati, āpatti saṅghādisesassa.
སགྒཏྠཉྩ ཨཱརོགྱཏྠཉྩ…པེ॰… སགྒཏྠཉྩ སུཁཏྠཉྩ… སགྒཏྠཉྩ བྷེསཛྫཏྠཉྩ… སགྒཏྠཉྩ དཱནཏྠཉྩ… སགྒཏྠཉྩ པུཉྙཏྠཉྩ… སགྒཏྠཉྩ ཡཉྙཏྠཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ།
Saggatthañca ārogyatthañca…pe… saggatthañca sukhatthañca… saggatthañca bhesajjatthañca… saggatthañca dānatthañca… saggatthañca puññatthañca… saggatthañca yaññatthañca ceteti upakkamati muccati, āpatti saṅghādisesassa.
བཱིཛཏྠཉྩ ཝཱིམཾསཏྠཉྩ…པེ॰… བཱིཛཏྠཉྩ དཝཏྠཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ།
Bījatthañca vīmaṃsatthañca…pe… bījatthañca davatthañca ceteti upakkamati muccati, āpatti saṅghādisesassa.
བཱིཛཏྠཉྩ ཨཱརོགྱཏྠཉྩ…པེ॰… བཱིཛཏྠཉྩ སུཁཏྠཉྩ… བཱིཛཏྠཉྩ བྷེསཛྫཏྠཉྩ… བཱིཛཏྠཉྩ དཱནཏྠཉྩ… བཱིཛཏྠཉྩ པུཉྙཏྠཉྩ… བཱིཛཏྠཉྩ ཡཉྙཏྠཉྩ… བཱིཛཏྠཉྩ སགྒཏྠཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ།
Bījatthañca ārogyatthañca…pe… bījatthañca sukhatthañca… bījatthañca bhesajjatthañca… bījatthañca dānatthañca… bījatthañca puññatthañca… bījatthañca yaññatthañca… bījatthañca saggatthañca ceteti upakkamati muccati, āpatti saṅghādisesassa.
ཝཱིམཾསཏྠཉྩ དཝཏྠཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ།
Vīmaṃsatthañca davatthañca ceteti upakkamati muccati, āpatti saṅghādisesassa.
ཝཱིམཾསཏྠཉྩ ཨཱརོགྱཏྠཉྩ…པེ॰… ཝཱིམཾསཏྠཉྩ སུཁཏྠཉྩ… ཝཱིམཾསཏྠཉྩ བྷེསཛྫཏྠཉྩ… ཝཱིམཾསཏྠཉྩ དཱནཏྠཉྩ… ཝཱིམཾསཏྠཉྩ པུཉྙཏྠཉྩ… ཝཱིམཾསཏྠཉྩ ཡཉྙཏྠཉྩ… ཝཱིམཾསཏྠཉྩ སགྒཏྠཉྩ… ཝཱིམཾསཏྠཉྩ བཱིཛཏྠཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ།
Vīmaṃsatthañca ārogyatthañca…pe… vīmaṃsatthañca sukhatthañca… vīmaṃsatthañca bhesajjatthañca… vīmaṃsatthañca dānatthañca… vīmaṃsatthañca puññatthañca… vīmaṃsatthañca yaññatthañca… vīmaṃsatthañca saggatthañca… vīmaṃsatthañca bījatthañca ceteti upakkamati muccati, āpatti saṅghādisesassa.
དཝཏྠཉྩ ཨཱརོགྱཏྠཉྩ…པེ॰… དཝཏྠཉྩ སུཁཏྠཉྩ… དཝཏྠཉྩ བྷེསཛྫཏྠཉྩ… དཝཏྠཉྩ དཱནཏྠཉྩ… དཝཏྠཉྩ པུཉྙཏྠཉྩ… དཝཏྠཉྩ ཡཉྙཏྠཉྩ… དཝཏྠཉྩ སགྒཏྠཉྩ… དཝཏྠཉྩ བཱིཛཏྠཉྩ… དཝཏྠཉྩ ཝཱིམཾསཏྠཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ།
Davatthañca ārogyatthañca…pe… davatthañca sukhatthañca… davatthañca bhesajjatthañca… davatthañca dānatthañca… davatthañca puññatthañca… davatthañca yaññatthañca… davatthañca saggatthañca… davatthañca bījatthañca… davatthañca vīmaṃsatthañca ceteti upakkamati muccati, āpatti saṅghādisesassa.
ཨེཀམཱུལཀསྶ བདྡྷཙཀྐཾ ནིཊྛིཏཾ།
Ekamūlakassa baddhacakkaṃ niṭṭhitaṃ.
ཨཱརོགྱཏྠཉྩ སུཁཏྠཉྩ བྷེསཛྫཏྠཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ…པེ॰… ཨཱརོགྱཏྠཉྩ སུཁཏྠཉྩ དཝཏྠཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ།
Ārogyatthañca sukhatthañca bhesajjatthañca ceteti upakkamati muccati, āpatti saṅghādisesassa…pe… ārogyatthañca sukhatthañca davatthañca ceteti upakkamati muccati, āpatti saṅghādisesassa.
དུམཱུལཀསྶ ཁཎྜཙཀྐཾ།
Dumūlakassa khaṇḍacakkaṃ.
སུཁཏྠཉྩ བྷེསཛྫཏྠཉྩ དཱནཏྠཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ…པེ॰… སུཁཏྠཉྩ བྷེསཛྫཏྠཉྩ དཝཏྠཉྩ…པེ॰… སུཁཏྠཉྩ བྷེསཛྫཏྠཉྩ ཨཱརོགྱཏྠཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ།
Sukhatthañca bhesajjatthañca dānatthañca ceteti upakkamati muccati, āpatti saṅghādisesassa…pe… sukhatthañca bhesajjatthañca davatthañca…pe… sukhatthañca bhesajjatthañca ārogyatthañca ceteti upakkamati muccati, āpatti saṅghādisesassa.
དུམཱུལཀསྶ བདྡྷཙཀྐཾ སཾཁིཏྟཾ།
Dumūlakassa baddhacakkaṃ saṃkhittaṃ.
ཝཱིམཾསཏྠཉྩ དཝཏྠཉྩ ཨཱརོགྱཏྠཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ། ཝཱིམཾསཏྠཉྩ དཝཏྠཉྩ བཱིཛཏྠཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ།
Vīmaṃsatthañca davatthañca ārogyatthañca ceteti upakkamati muccati, āpatti saṅghādisesassa. Vīmaṃsatthañca davatthañca bījatthañca ceteti upakkamati muccati, āpatti saṅghādisesassa.
དུམཱུལཀཾ ནིཊྛིཏཾ།
Dumūlakaṃ niṭṭhitaṃ.
ཏིམཱུལཀམྤི ཙཏུམཱུལཀམྤི པཉྩམཱུལཀམྤི ཚམཱུལཀམྤི སཏྟམཱུལཀམྤི ཨཊྛམཱུལཀམྤི ནཝམཱུལཀམྤི ཨེཝམེཝ ཝིཏྠཱརེཏབྦཾ།
Timūlakampi catumūlakampi pañcamūlakampi chamūlakampi sattamūlakampi aṭṭhamūlakampi navamūlakampi evameva vitthāretabbaṃ.
ཨིདཾ སབྦམཱུལཀཾ།
Idaṃ sabbamūlakaṃ.
༢༤༣. ཨཱརོགྱཏྠཉྩ སུཁཏྠཉྩ བྷེསཛྫཏྠཉྩ དཱནཏྠཉྩ པུཉྙཏྠཉྩ ཡཉྙཏྠཉྩ སགྒཏྠཉྩ བཱིཛཏྠཉྩ ཝཱིམཾསཏྠཉྩ དཝཏྠཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ།
243. Ārogyatthañca sukhatthañca bhesajjatthañca dānatthañca puññatthañca yaññatthañca saggatthañca bījatthañca vīmaṃsatthañca davatthañca ceteti upakkamati muccati, āpatti saṅghādisesassa.
སབྦམཱུལཀཾ ནིཊྛིཏཾ།
Sabbamūlakaṃ niṭṭhitaṃ.
༢༤༤. ནཱིལཉྩ པཱིཏཀཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ།
244. Nīlañca pītakañca ceteti upakkamati muccati, āpatti saṅghādisesassa.
ནཱིལཉྩ ལོཧིཏཀཉྩ…པེ॰… ནཱིལཉྩ ཨོདཱཏཉྩ… ནཱིལཉྩ ཏཀྐཝཎྞཉྩ… ནཱིལཉྩ དཀཝཎྞཉྩ… ནཱིལཉྩ ཏེལཝཎྞཉྩ… ནཱིལཉྩ ཁཱིརཝཎྞཉྩ… ནཱིལཉྩ དདྷིཝཎྞཉྩ… ནཱིལཉྩ སཔྤིཝཎྞཉྩ ཙེཏེཏི ཨུཔཀྐམཏི མུཙྩཏྟི, ཨཱཔཏྟི སངྒྷཱདིསེསསྶ།
Nīlañca lohitakañca…pe… nīlañca odātañca… nīlañca takkavaṇṇañca… nīlañca dakavaṇṇañca… nīlañca telavaṇṇañca… nīlañca khīravaṇṇañca… nīlañca dadhivaṇṇañca… nīlañca sappivaṇṇañca ceteti upakkamati muccatti, āpatti saṅghādisesassa.
ཨེཀམཱུལཀསྶ ཁཎྜཙཀྐཾ ནིཊྛིཏཾ།
Ekamūlakassa khaṇḍacakkaṃ niṭṭhitaṃ.
༢༤༥. པཱིཏཀཉྩ ལོཧིཏཀཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ།
245. Pītakañca lohitakañca ceteti upakkamati muccati, āpatti saṅghādisesassa.
པཱིཏཀཉྩ ཨོདཱཏཉྩ…པེ॰… པཱིཏཀཉྩ ཏཀྐཝཎྞཉྩ… པཱིཏཀཉྩ དཀཝཎྞཉྩ… པཱིཏཀཉྩ ཏེལཝཎྞཉྩ… པཱིཏཀཉྩ ཁཱིརཝཎྞཉྩ… པཱིཏཀཉྩ དདྷིཝཎྞཉྩ… པཱིཏཀཉྩ སཔྤིཝཎྞཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ།
Pītakañca odātañca…pe… pītakañca takkavaṇṇañca… pītakañca dakavaṇṇañca… pītakañca telavaṇṇañca… pītakañca khīravaṇṇañca… pītakañca dadhivaṇṇañca… pītakañca sappivaṇṇañca ceteti upakkamati muccati, āpatti saṅghādisesassa.
པཱིཏཀཉྩ ནཱིལཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ།
Pītakañca nīlañca ceteti upakkamati muccati, āpatti saṅghādisesassa.
ཨེཀམཱུལཀསྶ བདྡྷཙཀྐཾ།
Ekamūlakassa baddhacakkaṃ.
༢༤༦. ལོཧིཏཀཉྩ ཨོདཱཏཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ།
246. Lohitakañca odātañca ceteti upakkamati muccati, āpatti saṅghādisesassa.
ལོཧིཏཀཉྩ ཏཀྐཝཎྞཉྩ…པེ॰… ལོཧིཏཀཉྩ དཀཝཎྞཉྩ… ལོཧིཏཀཉྩ ཏེལཝཎྞཉྩ… ལོཧིཏཀཉྩ ཁཱིརཝཎྞཉྩ… ལོཧིཏཀཉྩ དདྷིཝཎྞཉྩ… ལོཧིཏཀཉྩ སཔྤིཝཎྞཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ།
Lohitakañca takkavaṇṇañca…pe… lohitakañca dakavaṇṇañca… lohitakañca telavaṇṇañca… lohitakañca khīravaṇṇañca… lohitakañca dadhivaṇṇañca… lohitakañca sappivaṇṇañca ceteti upakkamati muccati, āpatti saṅghādisesassa.
ལོཧིཏཀཉྩ ནཱིལཉྩ…པེ॰… ལོཧིཏཀཉྩ པཱིཏཀཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ།
Lohitakañca nīlañca…pe… lohitakañca pītakañca ceteti upakkamati muccati, āpatti saṅghādisesassa.
ཨོདཱཏཉྩ ཏཀྐཝཎྞཉྩ…པེ॰… ཨོདཱཏཉྩ དཀཝཎྞཉྩ… ཨོདཱཏཉྩ ཏེལཝཎྞཉྩ… ཨོདཱཏཉྩ ཁཱིརཝཎྞཉྩ… ཨོདཱཏཉྩ དདྷིཝཎྞཉྩ… ཨོདཱཏཉྩ སཔྤིཝཎྞཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ།
Odātañca takkavaṇṇañca…pe… odātañca dakavaṇṇañca… odātañca telavaṇṇañca… odātañca khīravaṇṇañca… odātañca dadhivaṇṇañca… odātañca sappivaṇṇañca ceteti upakkamati muccati, āpatti saṅghādisesassa.
ཨོདཱཏཉྩ ནཱིལཉྩ…པེ॰… ཨོདཱཏཉྩ པཱིཏཀཉྩ… ཨོདཱཏཉྩ ལོཧིཏཀཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ།
Odātañca nīlañca…pe… odātañca pītakañca… odātañca lohitakañca ceteti upakkamati muccati, āpatti saṅghādisesassa.
ཏཀྐཝཎྞཉྩ དཀཝཎྞཉྩ…པེ॰… ཏཀྐཝཎྞཉྩ ཏེལཝཎྞཉྩ… ཏཀྐཝཎྞཉྩ ཁཱིརཝཎྞཉྩ… ཏཀྐཝཎྞཉྩ དདྷིཝཎྞཉྩ… ཏཀྐཝཎྞཉྩ སཔྤིཝཎྞཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ།
Takkavaṇṇañca dakavaṇṇañca…pe… takkavaṇṇañca telavaṇṇañca… takkavaṇṇañca khīravaṇṇañca… takkavaṇṇañca dadhivaṇṇañca… takkavaṇṇañca sappivaṇṇañca ceteti upakkamati muccati, āpatti saṅghādisesassa.
ཏཀྐཝཎྞཉྩ ནཱིལཉྩ…པེ॰… ཏཀྐཝཎྞཉྩ པཱིཏཀཉྩ… ཏཀྐཝཎྞཉྩ ལོཧིཏཀཉྩ… ཏཀྐཝཎྞཉྩ ཨོདཱཏཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ།
Takkavaṇṇañca nīlañca…pe… takkavaṇṇañca pītakañca… takkavaṇṇañca lohitakañca… takkavaṇṇañca odātañca ceteti upakkamati muccati, āpatti saṅghādisesassa.
དཀཝཎྞཉྩ ཏེལཝཎྞཉྩ…པེ॰… དཀཝཎྞཉྩ ཁཱིརཝཎྞཉྩ… དཀཝཎྞཉྩ དདྷིཝཎྞཉྩ… དཀཝཎྞཉྩ སཔྤིཝཎྞཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ།
Dakavaṇṇañca telavaṇṇañca…pe… dakavaṇṇañca khīravaṇṇañca… dakavaṇṇañca dadhivaṇṇañca… dakavaṇṇañca sappivaṇṇañca ceteti upakkamati muccati, āpatti saṅghādisesassa.
དཀཝཎྞཉྩ ནཱིལཉྩ…པེ॰… དཀཝཎྞཉྩ པཱིཏཀཉྩ… དཀཝཎྞཉྩ ལོཧིཏཀཉྩ… དཀཝཎྞཉྩ ཨོདཱཏཉྩ… དཀཝཎྞཉྩ ཏཀྐཝཎྞཉྩ ཙེཏེཏི ཨུཔཀྐམཏི མུཙྩཏི , ཨཱཔཏྟི སངྒྷཱདིསེསསྶ།
Dakavaṇṇañca nīlañca…pe… dakavaṇṇañca pītakañca… dakavaṇṇañca lohitakañca… dakavaṇṇañca odātañca… dakavaṇṇañca takkavaṇṇañca ceteti upakkamati muccati , āpatti saṅghādisesassa.
ཏེལཝཎྞཉྩ ཁཱིརཝཎྞཉྩ…པེ॰… ཏེལཝཎྞཉྩ དདྷིཝཎྞཉྩ… ཏེལཝཎྞཉྩ སཔྤིཝཎྞཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ།
Telavaṇṇañca khīravaṇṇañca…pe… telavaṇṇañca dadhivaṇṇañca… telavaṇṇañca sappivaṇṇañca ceteti upakkamati muccati, āpatti saṅghādisesassa.
ཏེལཝཎྞཉྩ ནཱིལཉྩ…པེ॰… ཏེལཝཎྞཉྩ པཱིཏཀཉྩ… ཏེལཝཎྞཉྩ ལོཧིཏཀཉྩ… ཏེལཝཎྞཉྩ ཨོདཱཏཉྩ… ཏེལཝཎྞཉྩ ཏཀྐཝཎྞཉྩ… ཏེལཝཎྞཉྩ དཀཝཎྞཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ།
Telavaṇṇañca nīlañca…pe… telavaṇṇañca pītakañca… telavaṇṇañca lohitakañca… telavaṇṇañca odātañca… telavaṇṇañca takkavaṇṇañca… telavaṇṇañca dakavaṇṇañca ceteti upakkamati muccati, āpatti saṅghādisesassa.
ཁཱིརཝཎྞཉྩ དདྷིཝཎྞཉྩ…པེ॰… ཁཱིརཝཎྞཉྩ སཔྤིཝཎྞཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ།
Khīravaṇṇañca dadhivaṇṇañca…pe… khīravaṇṇañca sappivaṇṇañca ceteti upakkamati muccati, āpatti saṅghādisesassa.
ཁཱིརཝཎྞཉྩ ནཱིལཉྩ…པེ॰… ཁཱིརཝཎྞཉྩ པཱིཏཀཉྩ… ཁཱིརཝཎྞཉྩ ལོཧིཏཀཉྩ… ཁཱིརཝཎྞཉྩ ཨོདཱཏཉྩ… ཁཱིརཝཎྞཉྩ ཏཀྐཝཎྞཉྩ… ཁཱིརཝཎྞཉྩ དཀཝཎྞཉྩ… ཁཱིརཝཎྞཉྩ ཏེལཝཎྞཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ།
Khīravaṇṇañca nīlañca…pe… khīravaṇṇañca pītakañca… khīravaṇṇañca lohitakañca… khīravaṇṇañca odātañca… khīravaṇṇañca takkavaṇṇañca… khīravaṇṇañca dakavaṇṇañca… khīravaṇṇañca telavaṇṇañca ceteti upakkamati muccati, āpatti saṅghādisesassa.
དདྷིཝཎྞཉྩ སཔྤིཝཎྞཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ།
Dadhivaṇṇañca sappivaṇṇañca ceteti upakkamati muccati, āpatti saṅghādisesassa.
དདྷིཝཎྞཉྩ ནཱིལཉྩ…པེ॰… དདྷིཝཎྞཉྩ པཱིཏཀཉྩ… དདྷིཝཎྞཉྩ ལོཧིཏཀཉྩ… དདྷིཝཎྞཉྩ ཨོདཱཏཉྩ… དདྷིཝཎྞཉྩ ཏཀྐཝཎྞཉྩ… དདྷིཝཎྞཉྩ དཀཝཎྞཉྩ… དདྷིཝཎྞཉྩ ཏེལཝཎྞཉྩ… དདྷིཝཎྞཉྩ ཁཱིརཝཎྞཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ།
Dadhivaṇṇañca nīlañca…pe… dadhivaṇṇañca pītakañca… dadhivaṇṇañca lohitakañca… dadhivaṇṇañca odātañca… dadhivaṇṇañca takkavaṇṇañca… dadhivaṇṇañca dakavaṇṇañca… dadhivaṇṇañca telavaṇṇañca… dadhivaṇṇañca khīravaṇṇañca ceteti upakkamati muccati, āpatti saṅghādisesassa.
སཔྤིཝཎྞཉྩ ནཱིལཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ།
Sappivaṇṇañca nīlañca ceteti upakkamati muccati, āpatti saṅghādisesassa.
སཔྤིཝཎྞཉྩ པཱིཏཀཉྩ…པེ॰… སཔྤིཝཎྞཉྩ ལོཧིཏཀཉྩ… སཔྤིཝཎྞཉྩ ཨོདཱཏཉྩ… སཔྤིཝཎྞཉྩ ཏཀྐཝཎྞཉྩ… སཔྤིཝཎྞཉྩ དཀཝཎྞཉྩ… སཔྤིཝཎྞཉྩ ཏེལཝཎྞཉྩ… སཔྤིཝཎྞཉྩ ཁཱིརཝཎྞཉྩ … སཔྤིཝཎྞཉྩ དདྷིཝཎྞཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ།
Sappivaṇṇañca pītakañca…pe… sappivaṇṇañca lohitakañca… sappivaṇṇañca odātañca… sappivaṇṇañca takkavaṇṇañca… sappivaṇṇañca dakavaṇṇañca… sappivaṇṇañca telavaṇṇañca… sappivaṇṇañca khīravaṇṇañca … sappivaṇṇañca dadhivaṇṇañca ceteti upakkamati muccati, āpatti saṅghādisesassa.
ཨེཀམཱུལཀསྶ བདྡྷཙཀྐཾ ནིཊྛིཏཾ།
Ekamūlakassa baddhacakkaṃ niṭṭhitaṃ.
ནཱིལཉྩ པཱིཏཀཉྩ ལོཧིཏཀཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ…པེ॰… ནཱིལཉྩ པཱིཏཀཉྩ སཔྤིཝཎྞཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ།
Nīlañca pītakañca lohitakañca ceteti upakkamati muccati, āpatti saṅghādisesassa…pe… nīlañca pītakañca sappivaṇṇañca ceteti upakkamati muccati, āpatti saṅghādisesassa.
དུམཱུལཀསྶ ཁཎྜཙཀྐཾ།
Dumūlakassa khaṇḍacakkaṃ.
པཱིཏཀཉྩ ལོཧིཏཀཉྩ ཨོདཱཏཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ…པེ॰… པཱིཏཀཉྩ ལོཧིཏཀཉྩ སཔྤིཝཎྞཉྩ…པེ॰… པཱིཏཀཉྩ ལོཧིཏཀཉྩ ནཱིལཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ།
Pītakañca lohitakañca odātañca ceteti upakkamati muccati, āpatti saṅghādisesassa…pe… pītakañca lohitakañca sappivaṇṇañca…pe… pītakañca lohitakañca nīlañca ceteti upakkamati muccati, āpatti saṅghādisesassa.
དུམཱུལཀསྶ བདྡྷཙཀྐཾ སཾཁིཏྟཾ།
Dumūlakassa baddhacakkaṃ saṃkhittaṃ.
དདྷིཝཎྞཉྩ སཔྤིཝཎྞཉྩ ནཱིལཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ…པེ॰… དདྷིཝཎྞཉྩ སཔྤིཝཎྞཉྩ ཁཱིརཝཎྞཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ།
Dadhivaṇṇañca sappivaṇṇañca nīlañca ceteti upakkamati muccati, āpatti saṅghādisesassa…pe… dadhivaṇṇañca sappivaṇṇañca khīravaṇṇañca ceteti upakkamati muccati, āpatti saṅghādisesassa.
དུམཱུལཀཾ ནིཊྛིཏཾ།
Dumūlakaṃ niṭṭhitaṃ.
ཏིམཱུལཀམྤི ཙཏུམཱུལཀམྤི པཉྩམཱུལཀམྤི ཚམཱུལཀམྤི སཏྟམཱུལཀམྤི ཨཊྛམཱུལཀམྤི ནཝམཱུལཀམྤི ཨེཝམེཝ ཝིཏྠཱརེཏབྦཾ།
Timūlakampi catumūlakampi pañcamūlakampi chamūlakampi sattamūlakampi aṭṭhamūlakampi navamūlakampi evameva vitthāretabbaṃ.
ཨིདཾ སབྦམཱུལཀཾ།
Idaṃ sabbamūlakaṃ.
༢༤༧. ནཱིལཉྩ པཱིཏཀཉྩ ལོཧིཏཀཉྩ ཨོདཱཏཉྩ ཏཀྐཝཎྞཉྩ དཀཝཎྞཉྩ ཏེལཝཎྞཉྩ ཁཱིརཝཎྞཉྩ དདྷིཝཎྞཉྩ སཔྤིཝཎྞཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ།
247. Nīlañca pītakañca lohitakañca odātañca takkavaṇṇañca dakavaṇṇañca telavaṇṇañca khīravaṇṇañca dadhivaṇṇañca sappivaṇṇañca ceteti upakkamati muccati, āpatti saṅghādisesassa.
སབྦམཱུལཀཾ ནིཊྛིཏཾ།
Sabbamūlakaṃ niṭṭhitaṃ.
༢༤༨. ཨཱརོགྱཏྠཉྩ ནཱིལཉྩ 5 ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ།
248. Ārogyatthañca nīlañca 6 ceteti upakkamati muccati, āpatti saṅghādisesassa.
ཨཱརོགྱཏྠཉྩ སུཁཏྠཉྩ ནཱིལཉྩ པཱིཏཀཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ།
Ārogyatthañca sukhatthañca nīlañca pītakañca ceteti upakkamati muccati, āpatti saṅghādisesassa.
ཨཱརོགྱཏྠཉྩ སུཁཏྠཉྩ བྷེསཛྫཏྠཉྩ ནཱིལཉྩ པཱིཏཀཉྩ ལོཧིཏཀཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ།
Ārogyatthañca sukhatthañca bhesajjatthañca nīlañca pītakañca lohitakañca ceteti upakkamati muccati, āpatti saṅghādisesassa.
ཨུབྷཏོ ཝཌྜྷཀཾ ཨེཝམེཝ ཝཌྜྷེཏབྦཾ།
Ubhato vaḍḍhakaṃ evameva vaḍḍhetabbaṃ.
ཨཱརོགྱཏྠཉྩ སུཁཏྠཉྩ བྷེསཛྫཏྠཉྩ དཱནཏྠཉྩ པུཉྙཏྠཉྩ ཡཉྙཏྠཉྩ སགྒཏྠཉྩ བཱིཛཏྠཉྩ ཝཱིམཾསཏྠཉྩ དཝཏྠཉྩ ནཱིལཉྩ པཱིཏཀཉྩ ལོཧིཏཀཉྩ ཨོདཱཏཉྩ ཏཀྐཝཎྞཉྩ དཀཝཎྞཉྩ ཏེལཝཎྞཉྩ ཁཱིརཝཎྞཉྩ དདྷིཝཎྞཉྩ སཔྤིཝཎྞཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ།
Ārogyatthañca sukhatthañca bhesajjatthañca dānatthañca puññatthañca yaññatthañca saggatthañca bījatthañca vīmaṃsatthañca davatthañca nīlañca pītakañca lohitakañca odātañca takkavaṇṇañca dakavaṇṇañca telavaṇṇañca khīravaṇṇañca dadhivaṇṇañca sappivaṇṇañca ceteti upakkamati muccati, āpatti saṅghādisesassa.
མིསྶཀཙཀྐཾ ནིཊྛིཏཾ།
Missakacakkaṃ niṭṭhitaṃ.
༢༤༩. ནཱིལཾ མོཙེསྶཱམཱིཏི ཙེཏེཏི ཨུཔཀྐམཏི པཱིཏཀཾ མུཙྩཏི, ཨཱཔཏྟི སངྒྷཱདིསེསསྶ།
249. Nīlaṃ mocessāmīti ceteti upakkamati pītakaṃ muccati, āpatti saṅghādisesassa.
ནཱིལཾ མོཙེསྶཱམཱིཏི ཙེཏེཏི ཨུཔཀྐམཏི ལོཧིཏཀཾ…པེ॰… ཨོདཱཏཾ … ཏཀྐཝཎྞཾ… དཀཝཎྞཾ… ཏེལཝཎྞཾ… ཁཱིརཝཎྞཾ… དདྷིཝཎྞཾ… སཔྤིཝཎྞཾ མུཙྩཏི, ཨཱཔཏྟི སངྒྷཱདིསེསསྶ།
Nīlaṃ mocessāmīti ceteti upakkamati lohitakaṃ…pe… odātaṃ … takkavaṇṇaṃ… dakavaṇṇaṃ… telavaṇṇaṃ… khīravaṇṇaṃ… dadhivaṇṇaṃ… sappivaṇṇaṃ muccati, āpatti saṅghādisesassa.
ཁཎྜཙཀྐཾ ནིཊྛིཏཾ།
Khaṇḍacakkaṃ niṭṭhitaṃ.
༢༥༠. པཱིཏཀཾ མོཙེསྶཱམཱིཏི ཙེཏེཏི ཨུཔཀྐམཏི ལོཧིཏཀཾ མུཙྩཏི, ཨཱཔཏྟི སངྒྷཱདིསེསསྶ།
250. Pītakaṃ mocessāmīti ceteti upakkamati lohitakaṃ muccati, āpatti saṅghādisesassa.
པཱིཏཀཾ མོཙེསྶཱམཱིཏི ཙེཏེཏི ཨུཔཀྐམཏི ཨོདཱཏཾ…པེ॰… ཏཀྐཝཎྞཾ… དཀཝཎྞཾ… ཏེལཝཎྞཾ… ཁཱིརཝཎྞཾ… དདྷིཝཎྞཾ… སཔྤིཝཎྞཾ… ནཱིལཾ མུཙྩཏི, ཨཱཔཏྟི སངྒྷཱདིསེསསྶ།
Pītakaṃ mocessāmīti ceteti upakkamati odātaṃ…pe… takkavaṇṇaṃ… dakavaṇṇaṃ… telavaṇṇaṃ… khīravaṇṇaṃ… dadhivaṇṇaṃ… sappivaṇṇaṃ… nīlaṃ muccati, āpatti saṅghādisesassa.
བདྡྷཙཀྐམཱུལཾ སཾཁིཏྟཾ།
Baddhacakkamūlaṃ saṃkhittaṃ.
༢༥༡. སཔྤིཝཎྞཾ མོཙེསྶཱམཱིཏི ཙེཏེཏི ཨུཔཀྐམཏི ནཱིལཾ མུཙྩཏི, ཨཱཔཏྟི སངྒྷཱདིསེསསྶ།
251. Sappivaṇṇaṃ mocessāmīti ceteti upakkamati nīlaṃ muccati, āpatti saṅghādisesassa.
སཔྤིཝཎྞཾ མོཙེསྶཱམཱིཏི ཙེཏེཏི ཨུཔཀྐམཏི པཱིཏཀཾ…པེ॰… ལོཧིཏཀཾ… ཨོདཱཏཾ … ཏཀྐཝཎྞཾ… དཀཝཎྞཾ… ཏེལཝཎྞཾ… ཁཱིརཝཎྞཾ… དདྷིཝཎྞཾ མུཙྩཏི, ཨཱཔཏྟི སངྒྷཱདིསེསསྶ།
Sappivaṇṇaṃ mocessāmīti ceteti upakkamati pītakaṃ…pe… lohitakaṃ… odātaṃ … takkavaṇṇaṃ… dakavaṇṇaṃ… telavaṇṇaṃ… khīravaṇṇaṃ… dadhivaṇṇaṃ muccati, āpatti saṅghādisesassa.
ཀུཙྪིཙཀྐཾ ནིཊྛིཏཾ།
Kucchicakkaṃ niṭṭhitaṃ.
༢༥༢. པཱིཏཀཾ མོཙེསྶཱམཱིཏི ཙེཏེཏི ཨུཔཀྐམཏི ནཱིལཾ མུཙྩཏི, ཨཱཔཏྟི སངྒྷཱདིསེསསྶ།
252. Pītakaṃ mocessāmīti ceteti upakkamati nīlaṃ muccati, āpatti saṅghādisesassa.
ལོཧིཏཀཾ…པེ॰… ཨོདཱཏཾ… ཏཀྐཝཎྞཾ… དཀཝཎྞཾ… ཏེལཝཎྞཾ… ཁཱིརཝཎྞཾ… དདྷིཝཎྞཾ… སཔྤིཝཎྞཾ མོཙེསྶཱམཱིཏི ཙེཏེཏི ཨུཔཀྐམཏི ནཱིལཾ མུཙྩཏི, ཨཱཔཏྟི སངྒྷཱདིསེསསྶ།
Lohitakaṃ…pe… odātaṃ… takkavaṇṇaṃ… dakavaṇṇaṃ… telavaṇṇaṃ… khīravaṇṇaṃ… dadhivaṇṇaṃ… sappivaṇṇaṃ mocessāmīti ceteti upakkamati nīlaṃ muccati, āpatti saṅghādisesassa.
པིཊྛིཙཀྐསྶ པཋམཾ གམནཾ ནིཊྛིཏཾ།
Piṭṭhicakkassa paṭhamaṃ gamanaṃ niṭṭhitaṃ.
༢༥༣. ལོཧིཏཀཾ མོཙེསྶཱམཱིཏི ཙེཏེཏི ཨུཔཀྐམཏི པཱིཏཀཾ མུཙྩཏི, ཨཱཔཏྟི སངྒྷཱདིསེསསྶ།
253. Lohitakaṃ mocessāmīti ceteti upakkamati pītakaṃ muccati, āpatti saṅghādisesassa.
ཨོདཱཏཾ…པེ॰… ཏཀྐཝཎྞཾ… དཀཝཎྞཾ… ཏེལཝཎྞཾ… ཁཱིརཝཎྞཾ
Odātaṃ…pe… takkavaṇṇaṃ… dakavaṇṇaṃ… telavaṇṇaṃ… khīravaṇṇaṃ
… དདྷིཝཎྞཾ… སཔྤིཝཎྞཾ… ནཱིལཾ མོཙེསྶཱམཱིཏི ཙེཏེཏི ཨུཔཀྐམཏི པཱིཏཀཾ མུཙྩཏི, ཨཱཔཏྟི སངྒྷཱདིསེསསྶ།
… Dadhivaṇṇaṃ… sappivaṇṇaṃ… nīlaṃ mocessāmīti ceteti upakkamati pītakaṃ muccati, āpatti saṅghādisesassa.
པིཊྛིཙཀྐསྶ དུཏིཡཾ གམནཾ ནིཊྛིཏཾ།
Piṭṭhicakkassa dutiyaṃ gamanaṃ niṭṭhitaṃ.
༢༥༤. ཨོདཱཏཾ མོཙེསྶཱམཱིཏི ཙེཏེཏི ཨུཔཀྐམཏི ལོཧིཏཀཾ མུཙྩཏི, ཨཱཔཏྟི སངྒྷཱདིསེསསྶ།
254. Odātaṃ mocessāmīti ceteti upakkamati lohitakaṃ muccati, āpatti saṅghādisesassa.
ཏཀྐཝཎྞཾ…པེ॰… དཀཝཎྞཾ… ཏེལཝཎྞཾ… ཁཱིརཝཎྞཾ… དདྷིཝཎྞཾ…
Takkavaṇṇaṃ…pe… dakavaṇṇaṃ… telavaṇṇaṃ… khīravaṇṇaṃ… dadhivaṇṇaṃ…
སཔྤིཝཎྞཾ… ནཱིལཾ … པཱིཏཀཾ མོཙེསྶཱམཱིཏི ཙེཏེཏི ཨུཔཀྐམཏི ལོཧིཏཀཾ མུཙྩཏི, ཨཱཔཏྟི སངྒྷཱདིསེསསྶ།
Sappivaṇṇaṃ… nīlaṃ … pītakaṃ mocessāmīti ceteti upakkamati lohitakaṃ muccati, āpatti saṅghādisesassa.
པིཊྛིཙཀྐསྶ ཏཏིཡཾ གམནཾ ནིཊྛིཏཾ།
Piṭṭhicakkassa tatiyaṃ gamanaṃ niṭṭhitaṃ.
༢༥༥. ཏཀྐཝཎྞཾ མོཙེསྶཱམཱིཏི ཙེཏེཏི ཨུཔཀྐམཏི ཨོདཱཏཾ མུཙྩཏི, ཨཱཔཏྟི སངྒྷཱདིསེསསྶ།
255. Takkavaṇṇaṃ mocessāmīti ceteti upakkamati odātaṃ muccati, āpatti saṅghādisesassa.
དཀཝཎྞཾ…པེ॰… ཏེལཝཎྞཾ… ཁཱིརཝཎྞཾ… དདྷིཝཎྞཾ… སཔྤིཝཎྞཾ… ནཱིལཾ… པཱིཏཀཾ… ལོཧིཏཀཾ མོཙེསྶཱམཱིཏི ཙེཏེཏི ཨུཔཀྐམཏི ཨོདཱཏཾ མུཙྩཏི, ཨཱཔཏྟི སངྒྷཱདིསེསསྶ།
Dakavaṇṇaṃ…pe… telavaṇṇaṃ… khīravaṇṇaṃ… dadhivaṇṇaṃ… sappivaṇṇaṃ… nīlaṃ… pītakaṃ… lohitakaṃ mocessāmīti ceteti upakkamati odātaṃ muccati, āpatti saṅghādisesassa.
པིཊྛིཙཀྐསྶ ཙཏུཏྠཾ གམནཾ ནིཊྛིཏཾ།
Piṭṭhicakkassa catutthaṃ gamanaṃ niṭṭhitaṃ.
༢༥༦. དཀཝཎྞཾ མོཙེསྶཱམཱིཏི ཙེཏེཏི ཨུཔཀྐམཏི ཏཀྐཝཎྞཾ མུཙྩཏི, ཨཱཔཏྟི སངྒྷཱདིསེསསྶ།
256. Dakavaṇṇaṃ mocessāmīti ceteti upakkamati takkavaṇṇaṃ muccati, āpatti saṅghādisesassa.
ཏེལཝཎྞཾ …པེ॰… ཁཱིརཝཎྞཾ… དདྷིཝཎྞཾ… སཔྤིཝཎྞཾ… ནཱིལ…
Telavaṇṇaṃ …pe… khīravaṇṇaṃ… dadhivaṇṇaṃ… sappivaṇṇaṃ… nīla…
པཱིཏཀཾ… ལོཧིཏཀཾ… ཨོདཱཏཾ མོཙེསྶཱམཱིཏི ཙེཏེཏི ཨུཔཀྐམཏི ཏཀྐཝཎྞཾ མུཙྩཏི, ཨཱཔཏྟི སངྒྷཱདིསེསསྶ།
Pītakaṃ… lohitakaṃ… odātaṃ mocessāmīti ceteti upakkamati takkavaṇṇaṃ muccati, āpatti saṅghādisesassa.
པིཊྛིཙཀྐསྶ པཉྩམཾ གམནཾ ནིཊྛིཏཾ།
Piṭṭhicakkassa pañcamaṃ gamanaṃ niṭṭhitaṃ.
༢༥༧. ཏེལཝཎྞཾ མོཙེསྶཱམཱིཏི ཙེཏེཏི ཨུཔཀྐམཏི དཀཝཎྞཾ མུཙྩཏི, ཨཱཔཏྟི སངྒྷཱདིསེསསྶ།
257. Telavaṇṇaṃ mocessāmīti ceteti upakkamati dakavaṇṇaṃ muccati, āpatti saṅghādisesassa.
ཁཱིརཝཎྞཾ…པེ॰… དདྷིཝཎྞཾ… སཔྤིཝཎྞཾ… ནཱིལཾ … པཱིཏཀཾ… ལོཧིཏཀཾ…
Khīravaṇṇaṃ…pe… dadhivaṇṇaṃ… sappivaṇṇaṃ… nīlaṃ … pītakaṃ… lohitakaṃ…
ཨོདཱཏཾ… ཏཀྐཝཎྞཾ མོཙེསྶཱམཱིཏི ཙེཏེཏི ཨུཔཀྐམཏི དཀཝཎྞཾ མུཙྩཏི, ཨཱཔཏྟི སངྒྷཱདིསེསསྶ།
Odātaṃ… takkavaṇṇaṃ mocessāmīti ceteti upakkamati dakavaṇṇaṃ muccati, āpatti saṅghādisesassa.
པིཊྛིཙཀྐསྶ ཚཊྛཾ གམནཾ ནིཊྛིཏཾ།
Piṭṭhicakkassa chaṭṭhaṃ gamanaṃ niṭṭhitaṃ.
༢༥༨. ཁཱིརཝཎྞཾ མོཙེསྶཱམཱིཏི ཙེཏེཏི ཨུཔཀྐམཏི ཏེལཝཎྞཾ མུཙྩཏི, ཨཱཔཏྟི སངྒྷཱདིསེསསྶ།
258. Khīravaṇṇaṃ mocessāmīti ceteti upakkamati telavaṇṇaṃ muccati, āpatti saṅghādisesassa.
དདྷིཝཎྞཾ…པེ॰… སཔྤིཝཎྞཾ… ནཱིལཾ… པཱིཏཀཾ… ལོཧིཏཀཾ… ཨོདཱཏཾ… ཏཀྐཝཎྞཾ… དཀཝཎྞཾ མོཙེསྶཱམཱིཏི ཙེཏེཏི ཨུཔཀྐམཏི ཏེལཝཎྞཾ མུཙྩཏི, ཨཱཔཏྟི སངྒྷཱདིསེསསྶ།
Dadhivaṇṇaṃ…pe… sappivaṇṇaṃ… nīlaṃ… pītakaṃ… lohitakaṃ… odātaṃ… takkavaṇṇaṃ… dakavaṇṇaṃ mocessāmīti ceteti upakkamati telavaṇṇaṃ muccati, āpatti saṅghādisesassa.
པིཊྛིཙཀྐསྶ སཏྟམཾ གམནཾ ནིཊྛིཏཾ།
Piṭṭhicakkassa sattamaṃ gamanaṃ niṭṭhitaṃ.
༢༥༩. དདྷིཝཎྞཾ མོཙེསྶཱམཱིཏི ཙེཏེཏི ཨུཔཀྐམཏི ཁཱིརཝཎྞཾ མུཙྩཏི, ཨཱཔཏྟི སངྒྷཱདིསེསསྶ།
259. Dadhivaṇṇaṃ mocessāmīti ceteti upakkamati khīravaṇṇaṃ muccati, āpatti saṅghādisesassa.
སཔྤིཝཎྞཾ…པེ॰… ནཱིལཾ… པཱིཏཀཾ… ལོཧིཏཀཾ… ཨོདཱཏཾ… ཏཀྐཝཎྞཾ… དཀཝཎྞཾ… ཏེལཝཎྞཾ མོཙེསྶཱམཱིཏི ཙེཏེཏི ཨུཔཀྐམཏི ཁཱིརཝཎྞཾ མུཙྩཏི, ཨཱཔཏྟི སངྒྷཱདིསེསསྶ།
Sappivaṇṇaṃ…pe… nīlaṃ… pītakaṃ… lohitakaṃ… odātaṃ… takkavaṇṇaṃ… dakavaṇṇaṃ… telavaṇṇaṃ mocessāmīti ceteti upakkamati khīravaṇṇaṃ muccati, āpatti saṅghādisesassa.
པིཊྛིཙཀྐསྶ ཨཊྛམཾ གམནཾ ནིཊྛིཏཾ།
Piṭṭhicakkassa aṭṭhamaṃ gamanaṃ niṭṭhitaṃ.
༢༦༠. སཔྤིཝཎྞཾ མོཙེསྶཱམཱིཏི ཙེཏེཏི ཨུཔཀྐམཏི དདྷིཝཎྞཾ མུཙྩཏི, ཨཱཔཏྟི སངྒྷཱདིསེསསྶ།
260. Sappivaṇṇaṃ mocessāmīti ceteti upakkamati dadhivaṇṇaṃ muccati, āpatti saṅghādisesassa.
ནཱིལཾ…པེ॰… པཱིཏཀཾ… ལོཧིཏཀཾ… ཨོདཱཏཾ… ཏཀྐཝཎྞཾ… དཀཝཎྞཾ… ཏེལཝཎྞཾ… ཁཱིརཝཎྞཾ མོཙེསྶཱམཱིཏི ཙེཏེཏི ཨུཔཀྐམཏི དདྷིཝཎྞཾ མུཙྩཏི, ཨཱཔཏྟི སངྒྷཱདིསེསསྶ།
Nīlaṃ…pe… pītakaṃ… lohitakaṃ… odātaṃ… takkavaṇṇaṃ… dakavaṇṇaṃ… telavaṇṇaṃ… khīravaṇṇaṃ mocessāmīti ceteti upakkamati dadhivaṇṇaṃ muccati, āpatti saṅghādisesassa.
པིཊྛིཙཀྐསྶ ནཝམཾ གམནཾ ནིཊྛིཏཾ།
Piṭṭhicakkassa navamaṃ gamanaṃ niṭṭhitaṃ.
༢༦༡. ནཱིལཾ མོཙེསྶཱམཱིཏི ཙེཏེཏི ཨུཔཀྐམཏི སཔྤིཝཎྞཾ མུཙྩཏི, ཨཱཔཏྟི སངྒྷཱདིསེསསྶ།
261. Nīlaṃ mocessāmīti ceteti upakkamati sappivaṇṇaṃ muccati, āpatti saṅghādisesassa.
པཱིཏཀཾ …པེ॰… ལོཧིཏཀཾ… ཨོདཱཏཾ… ཏཀྐཝཎྞཾ… དཀཝཎྞཾ … ཏེལཝཎྞཾ… ཁཱིརཝཎྞཾ… དདྷིཝཎྞཾ མོཙེསྶཱམཱིཏི ཙེཏེཏི ཨུཔཀྐམཏི སཔྤིཝཎྞཾ མུཙྩཏི, ཨཱཔཏྟི སངྒྷཱདིསེསསྶ།
Pītakaṃ …pe… lohitakaṃ… odātaṃ… takkavaṇṇaṃ… dakavaṇṇaṃ … telavaṇṇaṃ… khīravaṇṇaṃ… dadhivaṇṇaṃ mocessāmīti ceteti upakkamati sappivaṇṇaṃ muccati, āpatti saṅghādisesassa.
པིཊྛིཙཀྐསྶ དསམཾ གམནཾ ནིཊྛིཏཾ།
Piṭṭhicakkassa dasamaṃ gamanaṃ niṭṭhitaṃ.
པིཊྛིཙཀྐཾ ནིཊྛིཏཾ།
Piṭṭhicakkaṃ niṭṭhitaṃ.
༢༦༢. ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ།
262. Ceteti upakkamati muccati, āpatti saṅghādisesassa.
ཙེཏེཏི ཨུཔཀྐམཏི ན མུཙྩཏི, ཨཱཔཏྟི ཐུལླཙྩཡསྶ།
Ceteti upakkamati na muccati, āpatti thullaccayassa.
ཙེཏེཏི ན ཨུཔཀྐམཏི མུཙྩཏི, ཨནཱཔཏྟི།
Ceteti na upakkamati muccati, anāpatti.
ཙེཏེཏི ན ཨུཔཀྐམཏི ན མུཙྩཏི, ཨནཱཔཏྟི།
Ceteti na upakkamati na muccati, anāpatti.
ན ཙེཏེཏི ཨུཔཀྐམཏི མུཙྩཏི, ཨནཱཔཏྟི།
Na ceteti upakkamati muccati, anāpatti.
ན ཙེཏེཏི ཨུཔཀྐམཏི ན མུཙྩཏི, ཨནཱཔཏྟི།
Na ceteti upakkamati na muccati, anāpatti.
ན ཙེཏེཏི ན ཨུཔཀྐམཏི མུཙྩཏི, ཨནཱཔཏྟི།
Na ceteti na upakkamati muccati, anāpatti.
ན ཙེཏེཏི ན ཨུཔཀྐམཏི ན མུཙྩཏི, ཨནཱཔཏྟི།
Na ceteti na upakkamati na muccati, anāpatti.
ཨནཱཔཏྟི སུཔིནནྟེན, ནམོཙནཱདྷིཔྤཱཡསྶ, ཨུམྨཏྟཀསྶ, ཁིཏྟཙིཏྟསྶ, ཝེདནཱཊྚསྶ, ཨཱདིཀམྨིཀསྶཱཏི།
Anāpatti supinantena, namocanādhippāyassa, ummattakassa, khittacittassa, vedanāṭṭassa, ādikammikassāti.
ཝིནཱིཏཝཏྠུཨུདྡཱནགཱཐཱ
Vinītavatthuuddānagāthā
སུཔིནོཙྩཱརཔསྶཱཝོ , ཝིཏཀྐུཎྷོདཀེན ཙ།
Supinoccārapassāvo , vitakkuṇhodakena ca;
སཱམཎེརོ ཙ སུཏྟོ ཙ, ཨཱུརུ མུཊྛིནཱ པཱིལ༹ཡི།
Sāmaṇero ca sutto ca, ūru muṭṭhinā pīḷayi;
ཨཱཀཱསེ ཐམྦྷཾ ནིཛ྄ཛྷཱཡི, ཚིདྡཾ ཀཊྛེན གྷཊྚཡི༎
Ākāse thambhaṃ nijjhāyi, chiddaṃ kaṭṭhena ghaṭṭayi.
སོཏོ ཨུདཉྫལཾ དྷཱཝཾ, པུཔྥཱཝལིཡཾ པོཀྑརཾ།
Soto udañjalaṃ dhāvaṃ, pupphāvaliyaṃ pokkharaṃ;
ཝིནཱིཏཝཏྠུ
Vinītavatthu
༢༦༣. ཏེན ཁོ པན སམཡེན ཨཉྙཏརསྶ བྷིཀྑུནོ སུཔིནནྟེན ཨསུཙི མུཙྩི། ཏསྶ ཀུཀྐུཙྩཾ ཨཧོསི – ‘‘བྷགཝཏཱ སིཀྑཱཔདཾ པཉྙཏྟཾ, ཀཙྩི ནུ ཁོ ཨཧཾ སངྒྷཱདིསེསཾ ཨཱཔཏྟིཾ ཨཱཔནྣོ’’ཏི? བྷགཝཏོ ཨེཏམཏྠཾ ཨཱརོཙེསི། ‘‘ཨནཱཔཏྟི, བྷིཀྑུ, སུཔིནནྟེནཱ’’ཏི།
263. Tena kho pana samayena aññatarassa bhikkhuno supinantena asuci mucci. Tassa kukkuccaṃ ahosi – ‘‘bhagavatā sikkhāpadaṃ paññattaṃ, kacci nu kho ahaṃ saṅghādisesaṃ āpattiṃ āpanno’’ti? Bhagavato etamatthaṃ ārocesi. ‘‘Anāpatti, bhikkhu, supinantenā’’ti.
ཏེན ཁོ པན སམཡེན ཨཉྙཏརསྶ བྷིཀྑུནོ ཨུཙྩཱརཾ ཀརོནྟསྶ ཨསུཙི མུཙྩི། ཏསྶ ཀུཀྐུཙྩཾ ཨཧོསི…པེ॰… ‘‘ཀིཾཙིཏྟོ ཏྭཾ, བྷིཀྑཱུ’’ཏི? ‘‘ནཱཧཾ, བྷགཝཱ, མོཙནཱདྷིཔྤཱཡོ’’ཏི། ‘‘ཨནཱཔཏྟི, བྷིཀྑུ, ནམོཙནཱདྷིཔྤཱཡསྶཱ’’ཏི།
Tena kho pana samayena aññatarassa bhikkhuno uccāraṃ karontassa asuci mucci. Tassa kukkuccaṃ ahosi…pe… ‘‘kiṃcitto tvaṃ, bhikkhū’’ti? ‘‘Nāhaṃ, bhagavā, mocanādhippāyo’’ti. ‘‘Anāpatti, bhikkhu, namocanādhippāyassā’’ti.
ཏེན ཁོ པན སམཡེན ཨཉྙཏརསྶ བྷིཀྑུནོ པསྶཱཝཾ ཀརོནྟསྶ ཨསུཙི མུཙྩི། ཏསྶ ཀུཀྐུཙྩཾ ཨཧོསི…པེ॰… ‘‘ཨནཱཔཏྟི, བྷིཀྑུ, ནམོཙནཱདྷིཔྤཱཡསྶཱ’’ཏི།
Tena kho pana samayena aññatarassa bhikkhuno passāvaṃ karontassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
ཏེན ཁོ པན སམཡེན ཨཉྙཏརསྶ བྷིཀྑུནོ ཀཱམཝིཏཀྐཾ ཝིཏཀྐེནྟསྶ ཨསུཙི མུཙྩི། ཏསྶ ཀུཀྐུཙྩཾ ཨཧོསི…པེ॰… ‘‘ཨནཱཔཏྟི, བྷིཀྑུ, ཝིཏཀྐེནྟསྶཱ’’ཏི།
Tena kho pana samayena aññatarassa bhikkhuno kāmavitakkaṃ vitakkentassa asuci mucci. Tassa kukkuccaṃ ahosi…pe… ‘‘anāpatti, bhikkhu, vitakkentassā’’ti.
ཏེན ཁོ པན སམཡེན ཨཉྙཏརསྶ བྷིཀྑུནོ ཨུཎྷོདཀེན ནྷཱཡནྟསྶ ཨསུཙི མུཙྩི། ཏསྶ ཀུཀྐུཙྩཾ ཨཧོསི…པེ॰… ‘‘ཀིཾཙིཏྟོ ཏྭཾ, བྷིཀྑཱུ’’ཏི? ‘‘ནཱཧཾ, བྷགཝཱ, མོཙནཱདྷིཔྤཱཡོ’’ཏི། ‘‘ཨནཱཔཏྟི, བྷིཀྑུ, ནམོཙནཱདྷིཔྤཱཡསྶཱ’’ཏི།
Tena kho pana samayena aññatarassa bhikkhuno uṇhodakena nhāyantassa asuci mucci. Tassa kukkuccaṃ ahosi…pe… ‘‘kiṃcitto tvaṃ, bhikkhū’’ti? ‘‘Nāhaṃ, bhagavā, mocanādhippāyo’’ti. ‘‘Anāpatti, bhikkhu, namocanādhippāyassā’’ti.
ཏེན ཁོ པན སམཡེན ཨཉྙཏརསྶ བྷིཀྑུནོ མོཙནཱདྷིཔྤཱཡསྶ ཨུཎྷོདཀེན ནྷཱཡནྟསྶ ཨསུཙི མུཙྩི། ཏསྶ ཀུཀྐུཙྩཾ ཨཧོསི…པེ॰… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ སངྒྷཱདིསེས’’ནྟི།
Tena kho pana samayena aññatarassa bhikkhuno mocanādhippāyassa uṇhodakena nhāyantassa asuci mucci. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno saṅghādisesa’’nti.
ཏེན ཁོ པན སམཡེན ཨཉྙཏརསྶ བྷིཀྑུནོ མོཙནཱདྷིཔྤཱཡསྶ ཨུཎྷོདཀེན ནྷཱཡནྟསྶ ཨསུཙི ན མུཙྩི། ཏསྶ ཀུཀྐུཙྩཾ ཨཧོསི…པེ॰… ‘‘ཨནཱཔཏྟི, བྷིཀྑུ, སངྒྷཱདིསེསསྶ; ཨཱཔཏྟི ཐུལླཙྩཡསྶཱ’’ཏི།
Tena kho pana samayena aññatarassa bhikkhuno mocanādhippāyassa uṇhodakena nhāyantassa asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
ཏེན ཁོ པན སམཡེན ཨཉྙཏརསྶ བྷིཀྑུནོ ཨངྒཛཱཏེ ཝཎོ ཧོཏི། བྷེསཛྫེན 11 ཨཱལིམྤེནྟསྶ ཨསུཙི མུཙྩི། ཏསྶ ཀུཀྐུཙྩཾ ཨཧོསི…པེ॰… ‘‘ཨནཱཔཏྟི, བྷིཀྑུ, ནམོཙནཱདྷིཔྤཱཡསྶཱ’’ཏི།
Tena kho pana samayena aññatarassa bhikkhuno aṅgajāte vaṇo hoti. Bhesajjena 12 ālimpentassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
ཏེན ཁོ པན སམཡེན ཨཉྙཏརསྶ བྷིཀྑུནོ ཨངྒཛཱཏེ ཝཎོ ཧོཏི། མོཙནཱདྷིཔྤཱཡསྶ 13 བྷེསཛྫེན ཨཱལིམྤེནྟསྶ ཨསུཙི མུཙྩི…པེ॰… ཨསུཙི ན མུཙྩི། ཏསྶ ཀུཀྐུཙྩཾ ཨཧོསི…པེ॰… ‘‘ཨནཱཔཏྟི, བྷིཀྑུ, སངྒྷཱདིསེསསྶ; ཨཱཔཏྟི ཐུལླཙྩཡསྶཱ’’ཏི།
Tena kho pana samayena aññatarassa bhikkhuno aṅgajāte vaṇo hoti. Mocanādhippāyassa 14 bhesajjena ālimpentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
ཏེན ཁོ པན སམཡེན ཨཉྙཏརསྶ བྷིཀྑུནོ ཨཎྜཾ ཀཎྜུཝནྟསྶ ཨསུཙི མུཙྩི། ཏསྶ ཀུཀྐུཙྩཾ ཨཧོསི…པེ॰… ‘‘ཨནཱཔཏྟི , བྷིཀྑུ, ནམོཙནཱདྷིཔྤཱཡསྶཱ’’ཏི།
Tena kho pana samayena aññatarassa bhikkhuno aṇḍaṃ kaṇḍuvantassa asuci mucci. Tassa kukkuccaṃ ahosi…pe… ‘‘anāpatti , bhikkhu, namocanādhippāyassā’’ti.
ཏེན ཁོ པན སམཡེན ཨཉྙཏརསྶ བྷིཀྑུནོ མོཙནཱདྷིཔྤཱཡསྶ ཨཎྜཾ ཀཎྜུཝནྟསྶ 15 ཨསུཙི མུཙྩི…པེ॰… ཨསུཙི ན མུཙྩི། ཏསྶ ཀུཀྐུཙྩཾ ཨཧོསི…པེ॰… ‘‘ཨནཱཔཏྟི, བྷིཀྑུ, སངྒྷཱདིསེསསྶ; ཨཱཔཏྟི ཐུལླཙྩཡསྶཱ’’ཏི།
Tena kho pana samayena aññatarassa bhikkhuno mocanādhippāyassa aṇḍaṃ kaṇḍuvantassa 16 asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
༢༦༤. ཏེན ཁོ པན སམཡེན ཨཉྙཏརསྶ བྷིཀྑུནོ མགྒཾ གཙྪནྟསྶ ཨསུཙི མུཙྩི། ཏསྶ ཀུཀྐུཙྩཾ ཨཧོསི…པེ॰… ‘‘ཨནཱཔཏྟི, བྷིཀྑུ, ནམོཙནཱདྷིཔྤཱཡསྶཱ’’ཏི།
264. Tena kho pana samayena aññatarassa bhikkhuno maggaṃ gacchantassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
ཏེན ཁོ པན སམཡེན ཨཉྙཏརསྶ བྷིཀྑུནོ མོཙནཱདྷིཔྤཱཡསྶ མགྒཾ གཙྪནྟསྶ ཨསུཙི མུཙྩི…པེ॰… ཨསུཙི ན མུཙྩི། ཏསྶ ཀུཀྐུཙྩཾ ཨཧོསི…པེ॰… ‘‘ཨནཱཔཏྟི, བྷིཀྑུ, སངྒྷཱདིསེསསྶ; ཨཱཔཏྟི ཐུལླཙྩཡསྶཱ’’ཏི།
Tena kho pana samayena aññatarassa bhikkhuno mocanādhippāyassa maggaṃ gacchantassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
ཏེན ཁོ པན སམཡེན ཨཉྙཏརསྶ བྷིཀྑུནོ ཝཏྠིཾ གཧེཏྭཱ པསྶཱཝཾ ཀརོནྟསྶ ཨསུཙི མུཙྩི། ཏསྶ ཀུཀྐུཙྩཾ ཨཧོསི…པེ॰… ‘‘ཨནཱཔཏྟི, བྷིཀྑུ, ནམོཙནཱདྷིཔྤཱཡསྶཱ’’ཏི།
Tena kho pana samayena aññatarassa bhikkhuno vatthiṃ gahetvā passāvaṃ karontassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
ཏེན ཁོ པན སམཡེན ཨཉྙཏརསྶ བྷིཀྑུནོ མོཙནཱདྷིཔྤཱཡསྶ ཝཏྠིཾ གཧེཏྭཱ པསྶཱཝཾ ཀརོནྟསྶ ཨསུཙི མུཙྩི…པེ॰… ཨསུཙི ན མུཙྩི། ཏསྶ ཀུཀྐུཙྩཾ ཨཧོསི…པེ॰… ‘‘ཨནཱཔཏྟི, བྷིཀྑུ, སངྒྷཱདིསེསསྶ; ཨཱཔཏྟི ཐུལླཙྩཡསྶཱ’’ཏི།
Tena kho pana samayena aññatarassa bhikkhuno mocanādhippāyassa vatthiṃ gahetvā passāvaṃ karontassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
ཏེན ཁོ པན སམཡེན ཨཉྙཏརསྶ བྷིཀྑུནོ ཛནྟཱགྷརེ ཨུདརཝཊྚིཾ ཏཱཔེནྟསྶ ཨསུཙི མུཙྩི། ཏསྶ ཀུཀྐུཙྩཾ ཨཧོསི…པེ॰… ‘‘ཨནཱཔཏྟི, བྷིཀྑུ, ནམོཙནཱདྷིཔྤཱཡསྶཱ’’ཏི།
Tena kho pana samayena aññatarassa bhikkhuno jantāghare udaravaṭṭiṃ tāpentassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
ཏེན ཁོ པན སམཡེན ཨཉྙཏརསྶ བྷིཀྑུནོ མོཙནཱདྷིཔྤཱཡསྶ ཛནྟཱགྷརེ ཨུདརཝཊྚིཾ ཏཱཔེནྟསྶ ཨསུཙི མུཙྩི…པེ॰… ཨསུཙི ན མུཙྩི། ཏསྶ ཀུཀྐུཙྩཾ ཨཧོསི…པེ॰… ‘‘ཨནཱཔཏྟི, བྷིཀྑུ, སངྒྷཱདིསེསསྶ; ཨཱཔཏྟི ཐུལླཙྩཡསྶཱ’’ཏི།
Tena kho pana samayena aññatarassa bhikkhuno mocanādhippāyassa jantāghare udaravaṭṭiṃ tāpentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
ཏེན ཁོ པན སམཡེན ཨཉྙཏརསྶ བྷིཀྑུནོ ཛནྟཱགྷརེ ཨུཔཛ྄ཛྷཱཡསྶ པིཊྛིཔརིཀམྨཾ ཀརོནྟསྶ ཨསུཙི མུཙྩི། ཏསྶ ཀུཀྐུཙྩཾ ཨཧོསི…པེ॰… ‘‘ཨནཱཔཏྟི, བྷིཀྑུ, ནམོཙནཱདྷིཔྤཱཡསྶཱ’’ཏི།
Tena kho pana samayena aññatarassa bhikkhuno jantāghare upajjhāyassa piṭṭhiparikammaṃ karontassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
ཏེན ཁོ པན སམཡེན ཨཉྙཏརསྶ བྷིཀྑུནོ མོཙནཱདྷིཔྤཱཡསྶ ཛནྟཱགྷརེ ཨུཔཛ྄ཛྷཱཡསྶ པིཊྛིཔརིཀམྨཾ ཀརོནྟསྶ ཨསུཙི མུཙྩི…པེ॰… ཨསུཙི ན མུཙྩི། ཏསྶ ཀུཀྐུཙྩཾ ཨཧོསི…པེ॰… ‘‘ཨནཱཔཏྟི, བྷིཀྑུ, སངྒྷཱདིསེསསྶ; ཨཱཔཏྟི ཐུལླཙྩཡསྶཱ’’ཏི།
Tena kho pana samayena aññatarassa bhikkhuno mocanādhippāyassa jantāghare upajjhāyassa piṭṭhiparikammaṃ karontassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
༢༦༥. ཏེན ཁོ པན སམཡེན ཨཉྙཏརསྶ བྷིཀྑུནོ ཨཱུརུཾ གྷཊྚཱཔེནྟསྶ ཨསུཙི མུཙྩི། ཏསྶ ཀུཀྐུཙྩཾ ཨཧོསི…པེ॰… ‘‘ཨནཱཔཏྟི, བྷིཀྑུ, ནམོཙནཱདྷིཔྤཱཡསྶཱ’’ཏི།
265. Tena kho pana samayena aññatarassa bhikkhuno ūruṃ ghaṭṭāpentassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
ཏེན ཁོ པན སམཡེན ཨཉྙཏརསྶ བྷིཀྑུནོ མོཙནཱདྷིཔྤཱཡསྶ ཨཱུརུཾ གྷཊྚཱཔེནྟསྶ ཨསུཙི མུཙྩི…པེ॰… ཨསུཙི ན མུཙྩི། ཏསྶ ཀུཀྐུཙྩཾ ཨཧོསི…པེ॰… ‘‘ཨནཱཔཏྟི, བྷིཀྑུ, སངྒྷཱདིསེསསྶ; ཨཱཔཏྟི ཐུལླཙྩཡསྶཱ’’ཏི།
Tena kho pana samayena aññatarassa bhikkhuno mocanādhippāyassa ūruṃ ghaṭṭāpentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
ཏེན ཁོ པན སམཡེན ཨཉྙཏརོ བྷིཀྑུ མོཙནཱདྷིཔྤཱཡོ ཨཉྙཏརཾ སཱམཎེརཾ ཨེཏདཝོཙ – ‘‘ཨེཧི མེ ཏྭཾ, ཨཱཝུསོ སཱམཎེར, ཨངྒཛཱཏཾ གཎྷཱཧཱི’’ཏི། སོ ཏསྶ ཨངྒཛཱཏཾ ཨགྒཧེསི། ཏསྶེཝ ཨསུཙི མུཙྩི། ཏསྶ ཀུཀྐུཙྩཾ ཨཧོསི…པེ॰… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ སངྒྷཱདིསེས’’ནྟི།
Tena kho pana samayena aññataro bhikkhu mocanādhippāyo aññataraṃ sāmaṇeraṃ etadavoca – ‘‘ehi me tvaṃ, āvuso sāmaṇera, aṅgajātaṃ gaṇhāhī’’ti. So tassa aṅgajātaṃ aggahesi. Tasseva asuci mucci. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno saṅghādisesa’’nti.
ཏེན ཁོ པན སམཡེན ཨཉྙཏརོ བྷིཀྑུ སུཏྟསྶ སཱམཎེརསྶ ཨངྒཛཱཏཾ ཨགྒཧེསི། ཏསྶེཝ ཨསུཙི མུཙྩི། ཏསྶ ཀུཀྐུཙྩཾ ཨཧོསི …པེ॰… ‘‘ཨནཱཔཏྟི, བྷིཀྑུ, སངྒྷཱདིསེསསྶ; ཨཱཔཏྟི དུཀྐཊསྶཱ’’ཏི།
Tena kho pana samayena aññataro bhikkhu suttassa sāmaṇerassa aṅgajātaṃ aggahesi. Tasseva asuci mucci. Tassa kukkuccaṃ ahosi …pe… ‘‘anāpatti, bhikkhu, saṅghādisesassa; āpatti dukkaṭassā’’ti.
༢༦༦. ཏེན ཁོ པན སམཡེན ཨཉྙཏརསྶ བྷིཀྑུནོ མོཙནཱདྷིཔྤཱཡསྶ ཨཱུརཱུཧི ཨངྒཛཱཏཾ པཱིལེ༹ནྟསྶ ཨསུཙི མུཙྩི…པེ॰… ཨསུཙི ན མུཙྩི། ཏསྶ ཀུཀྐུཙྩཾ ཨཧོསི…པེ॰… ‘‘ཨནཱཔཏྟི, བྷིཀྑུ, སངྒྷཱདིསེསསྶ; ཨཱཔཏྟི ཐུལླཙྩཡསྶཱ’’ཏི།
266. Tena kho pana samayena aññatarassa bhikkhuno mocanādhippāyassa ūrūhi aṅgajātaṃ pīḷentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
ཏེན ཁོ པན སམཡེན ཨཉྙཏརསྶ བྷིཀྑུནོ མོཙནཱདྷིཔྤཱཡསྶ མུཊྛིནཱ ཨངྒཛཱཏཾ པཱིལེ༹ནྟསྶ ཨསུཙི མུཙྩི…པེ॰… ཨསུཙི ན མུཙྩི། ཏསྶ ཀུཀྐུཙྩཾ ཨཧོསི…པེ॰… ‘‘ཨནཱཔཏྟི, བྷིཀྑུ, སངྒྷཱདིསེསསྶ; ཨཱཔཏྟི ཐུལླཙྩཡསྶཱ’’ཏི།
Tena kho pana samayena aññatarassa bhikkhuno mocanādhippāyassa muṭṭhinā aṅgajātaṃ pīḷentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
ཏེན ཁོ པན སམཡེན ཨཉྙཏརསྶ བྷིཀྑུནོ མོཙནཱདྷིཔྤཱཡསྶ ཨཱཀཱསེ ཀཊིཾ ཀམྤེནྟསྶ ཨསུཙི མུཙྩི…པེ॰… ཨསུཙི ན མུཙྩི། ཏསྶ ཀུཀྐུཙྩཾ ཨཧོསི…པེ॰… ‘‘ཨནཱཔཏྟི, བྷིཀྑུ, སངྒྷཱདིསེསསྶ; ཨཱཔཏྟི ཐུལླཙྩཡསྶཱ’’ཏི།
Tena kho pana samayena aññatarassa bhikkhuno mocanādhippāyassa ākāse kaṭiṃ kampentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
ཏེན ཁོ པན སམཡེན ཨཉྙཏརསྶ བྷིཀྑུནོ ཀཱཡཾ ཐམྦྷེནྟསྶ ཨསུཙི མུཙྩི། ཏསྶ ཀུཀྐུཙྩཾ ཨཧོསི…པེ॰… ‘‘ཨནཱཔཏྟི, བྷིཀྑུ, ནམོཙནཱདྷིཔྤཱཡསྶཱ’’ཏི།
Tena kho pana samayena aññatarassa bhikkhuno kāyaṃ thambhentassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
ཏེན ཁོ པན སམཡེན ཨཉྙཏརསྶ བྷིཀྑུནོ མོཙནཱདྷིཔྤཱཡསྶ ཀཱཡཾ ཐམྦྷེནྟསྶ ཨསུཙི མུཙྩི…པེ॰… ཨསུཙི ན མུཙྩི། ཏསྶ ཀུཀྐུཙྩཾ ཨཧོསི…པེ॰… ‘‘ཨནཱཔཏྟི, བྷིཀྑུ, སངྒྷཱདིསེསསྶ; ཨཱཔཏྟི ཐུལླཙྩཡསྶཱ’’ཏི།
Tena kho pana samayena aññatarassa bhikkhuno mocanādhippāyassa kāyaṃ thambhentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
ཏེན ཁོ པན སམཡེན ཨཉྙཏརོ བྷིཀྑུ སཱརཏྟོ མཱཏུགཱམསྶ ཨངྒཛཱཏཾ ཨུཔནིཛ྄ཛྷཱཡི། ཏསྶ ཨསུཙི མུཙྩི། ཏསྶ ཀུཀྐུཙྩཾ ཨཧོསི…པེ॰… ‘‘ཨནཱཔཏྟི, བྷིཀྑུ, སངྒྷཱདིསེསསྶ། ན ཙ, བྷིཀྑཝེ, སཱརཏྟེན མཱཏུགཱམསྶ ཨངྒཛཱཏཾ ཨུཔནིཛ྄ཛྷཱཡིཏབྦཾ། ཡོ ཨུཔནིཛ྄ཛྷཱཡེཡྻ, ཨཱཔཏྟི དུཀྐཊསྶཱ’’ཏི།
Tena kho pana samayena aññataro bhikkhu sāratto mātugāmassa aṅgajātaṃ upanijjhāyi. Tassa asuci mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa. Na ca, bhikkhave, sārattena mātugāmassa aṅgajātaṃ upanijjhāyitabbaṃ. Yo upanijjhāyeyya, āpatti dukkaṭassā’’ti.
༢༦༧. ཏེན ཁོ པན སམཡེན ཨཉྙཏརསྶ བྷིཀྑུནོ མོཙནཱདྷིཔྤཱཡསྶ ཏཱལ༹ཙྪིདྡཾ ཨངྒཛཱཏཾ པཝེསེནྟསྶ ཨསུཙི མུཙྩི…པེ॰… ཨསུཙི ན མུཙྩི། ཏསྶ ཀུཀྐུཙྩཾ ཨཧོསི…པེ॰… ‘‘ཨནཱཔཏྟི, བྷིཀྑུ, སངྒྷཱདིསེསསྶ; ཨཱཔཏྟི ཐུལླཙྩཡསྶཱ’’ཏི།
267. Tena kho pana samayena aññatarassa bhikkhuno mocanādhippāyassa tāḷacchiddaṃ aṅgajātaṃ pavesentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
ཏེན ཁོ པན སམཡེན ཨཉྙཏརསྶ བྷིཀྑུནོ མོཙནཱདྷིཔྤཱཡསྶ ཀཊྛེན ཨངྒཛཱཏཾ གྷཊྚེནྟསྶ ཨསུཙི མུཙྩི…པེ॰… ཨསུཙི ན མུཙྩི། ཏསྶ ཀུཀྐུཙྩཾ ཨཧོསི…པེ॰… ‘‘ཨནཱཔཏྟི, བྷིཀྑུ, སངྒྷཱདིསེསསྶ ; ཨཱཔཏྟི ཐུལླཙྩཡསྶཱ’’ཏི།
Tena kho pana samayena aññatarassa bhikkhuno mocanādhippāyassa kaṭṭhena aṅgajātaṃ ghaṭṭentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa ; āpatti thullaccayassā’’ti.
ཏེན ཁོ པན སམཡེན ཨཉྙཏརསྶ བྷིཀྑུནོ པཊིསོཏེ ནྷཱཡནྟསྶ ཨསུཙི མུཙྩི། ཏསྶ ཀུཀྐུཙྩཾ ཨཧོསི…པེ॰… ‘‘ཨནཱཔཏྟི, བྷིཀྑུ, ནམོཙནཱདྷིཔྤཱཡསྶཱ’’ཏི།
Tena kho pana samayena aññatarassa bhikkhuno paṭisote nhāyantassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
ཏེན ཁོ པན སམཡེན ཨཉྙཏརསྶ བྷིཀྑུནོ མོཙནཱདྷིཔྤཱཡསྶ པཊིསོཏེ ནྷཱཡནྟསྶ ཨསུཙི མུཙྩི…པེ॰… ཨསུཙི ན མུཙྩི། ཏསྶ ཀུཀྐུཙྩཾ ཨཧོསི…པེ॰… ‘‘ཨནཱཔཏྟི, བྷིཀྑུ, སངྒྷཱདིསེསསྶ; ཨཱཔཏྟི ཐུལླཙྩཡསྶཱ’’ཏི།
Tena kho pana samayena aññatarassa bhikkhuno mocanādhippāyassa paṭisote nhāyantassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
ཏེན ཁོ པན སམཡེན ཨཉྙཏརསྶ བྷིཀྑུནོ ཨུདཉྫལཾ ཀཱིལ༹ནྟསྶ ཨསུཙི མུཙྩི། ཏསྶ ཀུཀྐུཙྩཾ ཨཧོསི…པེ॰… ‘‘ཨནཱཔཏྟི, བྷིཀྑུ, ནམོཙནཱདྷིཔྤཱཡསྶཱ’’ཏི།
Tena kho pana samayena aññatarassa bhikkhuno udañjalaṃ kīḷantassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
ཏེན ཁོ པན སམཡེན ཨཉྙཏརསྶ བྷིཀྑུནོ མོཙནཱདྷིཔྤཱཡསྶ ཨུདཉྫལཾ ཀཱིལ༹ནྟསྶ ཨསུཙི མུཙྩི…པེ॰… ཨསུཙི ན མུཙྩི། ཏསྶ ཀུཀྐུཙྩཾ ཨཧོསི…པེ॰… ‘‘ཨནཱཔཏྟི, བྷིཀྑུ, སངྒྷཱདིསེསསྶ; ཨཱཔཏྟི ཐུལླཙྩཡསྶཱ’’ཏི།
Tena kho pana samayena aññatarassa bhikkhuno mocanādhippāyassa udañjalaṃ kīḷantassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
ཏེན ཁོ པན སམཡེན ཨཉྙཏརསྶ བྷིཀྑུནོ ཨུདཀེ དྷཱཝནྟསྶ ཨསུཙི མུཙྩི། ཏསྶ ཀུཀྐུཙྩཾ ཨཧོསི…པེ॰… ‘‘ཨནཱཔཏྟི, བྷིཀྑུ, ནམོཙནཱདྷིཔྤཱཡསྶཱ’’ཏི།
Tena kho pana samayena aññatarassa bhikkhuno udake dhāvantassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
ཏེན ཁོ པན སམཡེན ཨཉྙཏརསྶ བྷིཀྑུནོ མོཙནཱདྷིཔྤཱཡསྶ ཨུདཀེ དྷཱཝནྟསྶ ཨསུཙི མུཙྩི…པེ॰… ཨསུཙི ན མུཙྩི། ཏསྶ ཀུཀྐུཙྩཾ ཨཧོསི…པེ॰… ‘‘ཨནཱཔཏྟི, བྷིཀྑུ, སངྒྷཱདིསེསསྶ; ཨཱཔཏྟི ཐུལླཙྩཡསྶཱ’’ཏི།
Tena kho pana samayena aññatarassa bhikkhuno mocanādhippāyassa udake dhāvantassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
ཏེན ཁོ པན སམཡེན ཨཉྙཏརསྶ བྷིཀྑུནོ པུཔྥཱཝལིཡཾ 17 ཀཱིལ༹ནྟསྶ ཨསུཙི མུཙྩི། ཏསྶ ཀུཀྐུཙྩཾ ཨཧོསི…པེ॰… ‘‘ཨནཱཔཏྟི, བྷིཀྑུ, ནམོཙནཱདྷིཔྤཱཡསྶཱ’’ཏི།
Tena kho pana samayena aññatarassa bhikkhuno pupphāvaliyaṃ 18 kīḷantassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
ཏེན ཁོ པན སམཡེན ཨཉྙཏརསྶ བྷིཀྑུནོ མོཙནཱདྷིཔྤཱཡསྶ པུཔྥཱཝལིཡཾ ཀཱིལ༹ནྟསྶ ཨསུཙི མུཙྩི…པེ॰… ཨསུཙི ན མུཙྩི། ཏསྶ ཀུཀྐུཙྩཾ ཨཧོསི…པེ॰… ‘‘ཨནཱཔཏྟི, བྷིཀྑུ, སངྒྷཱདིསེསསྶ; ཨཱཔཏྟི ཐུལླཙྩཡསྶཱ’’ཏི།
Tena kho pana samayena aññatarassa bhikkhuno mocanādhippāyassa pupphāvaliyaṃ kīḷantassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
༢༦༨. ཏེན ཁོ པན སམཡེན ཨཉྙཏརསྶ བྷིཀྑུནོ པོཀྑརཝནེ དྷཱཝནྟསྶ ཨསུཙི མུཙྩི། ཏསྶ ཀུཀྐུཙྩཾ ཨཧོསི…པེ॰… ‘‘ཨནཱཔཏྟི, བྷིཀྑུ, ནམོཙནཱདྷིཔྤཱཡསྶཱ’’ཏི།
268. Tena kho pana samayena aññatarassa bhikkhuno pokkharavane dhāvantassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
ཏེན ཁོ པན སམཡེན ཨཉྙཏརསྶ བྷིཀྑུནོ མོཙནཱདྷིཔྤཱཡསྶ པོཀྑརཝནེ དྷཱཝནྟསྶ ཨསུཙི མུཙྩི…པེ॰… ཨསུཙི ན མུཙྩི། ཏསྶ ཀུཀྐུཙྩཾ ཨཧོསི…པེ॰… ‘‘ཨནཱཔཏྟི, བྷིཀྑུ, སངྒྷཱདིསེསསྶ; ཨཱཔཏྟི ཐུལླཙྩཡསྶཱ’’ཏི།
Tena kho pana samayena aññatarassa bhikkhuno mocanādhippāyassa pokkharavane dhāvantassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
ཏེན ཁོ པན སམཡེན ཨཉྙཏརསྶ བྷིཀྑུནོ མོཙནཱདྷིཔྤཱཡསྶ ཝཱལིཀཾ ཨངྒཛཱཏཾ པཝེསེནྟསྶ ཨསུཙི མུཙྩི…པེ॰… ཨསུཙི ན མུཙྩི། ཏསྶ ཀུཀྐུཙྩཾ ཨཧོསི…པེ॰… ‘‘ཨནཱཔཏྟི, བྷིཀྑུ, སངྒྷཱདིསེསསྶ; ཨཱཔཏྟི ཐུལླཙྩཡསྶཱ’’ཏི།
Tena kho pana samayena aññatarassa bhikkhuno mocanādhippāyassa vālikaṃ aṅgajātaṃ pavesentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
ཏེན ཁོ པན སམཡེན ཨཉྙཏརསྶ བྷིཀྑུནོ མོཙནཱདྷིཔྤཱཡསྶ ཀདྡམཾ ཨངྒཛཱཏཾ པཝེསེནྟསྶ ཨསུཙི མུཙྩི…པེ॰… ཨསུཙི ན མུཙྩི ། ཏསྶ ཀུཀྐུཙྩཾ ཨཧོསི…པེ॰… ‘‘ཨནཱཔཏྟི, བྷིཀྑུ, སངྒྷཱདིསེསསྶ; ཨཱཔཏྟི ཐུལླཙྩཡསྶཱ’’ཏི།
Tena kho pana samayena aññatarassa bhikkhuno mocanādhippāyassa kaddamaṃ aṅgajātaṃ pavesentassa asuci mucci…pe… asuci na mucci . Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
ཏེན ཁོ པན སམཡེན ཨཉྙཏརསྶ བྷིཀྑུནོ ཨུདཀེན ཨངྒཛཱཏཾ ཨོསིཉྩནྟསྶ ཨསུཙི མུཙྩི། ཏསྶ ཀུཀྐུཙྩཾ ཨཧོསི…པེ॰… ‘‘ཨནཱཔཏྟི, བྷིཀྑུ, ནམོཙནཱདྷིཔྤཱཡསྶཱ’’ཏི།
Tena kho pana samayena aññatarassa bhikkhuno udakena aṅgajātaṃ osiñcantassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
ཏེན ཁོ པན སམཡེན ཨཉྙཏརསྶ བྷིཀྑུནོ མོཙནཱདྷིཔྤཱཡསྶ ཨུདཀེན ཨངྒཛཱཏཾ ཨོསིཉྩནྟསྶ ཨསུཙི མུཙྩི…པེ॰… ཨསུཙི ན མུཙྩི། ཏསྶ ཀུཀྐུཙྩཾ ཨཧོསི…པེ॰… ‘‘ཨནཱཔཏྟི, བྷིཀྑུ, སངྒྷཱདིསེསསྶ; ཨཱཔཏྟི ཐུལླཙྩཡསྶཱ’’ཏི།
Tena kho pana samayena aññatarassa bhikkhuno mocanādhippāyassa udakena aṅgajātaṃ osiñcantassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
ཏེན ཁོ པན སམཡེན ཨཉྙཏརསྶ བྷིཀྑུནོ མོཙནཱདྷིཔྤཱཡསྶ སཡནེ ཨངྒཛཱཏཾ གྷཊྚེནྟསྶ ཨསུཙི མུཙྩི…པེ॰… ཨསུཙི ན མུཙྩི། ཏསྶ ཀུཀྐུཙྩཾ ཨཧོསི…པེ॰… ‘‘ཨནཱཔཏྟི, བྷིཀྑུ, སངྒྷཱདིསེསསྶ; ཨཱཔཏྟི ཐུལླཙྩཡསྶཱ’’ཏི།
Tena kho pana samayena aññatarassa bhikkhuno mocanādhippāyassa sayane aṅgajātaṃ ghaṭṭentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
ཏེན ཁོ པན སམཡེན ཨཉྙཏརསྶ བྷིཀྑུནོ མོཙནཱདྷིཔྤཱཡསྶ ཨངྒུཊྛེན ཨངྒཛཱཏཾ གྷཊྚེནྟསྶ ཨསུཙི མུཙྩི…པེ॰… ཨསུཙི ན མུཙྩི། ཏསྶ ཀུཀྐུཙྩཾ ཨཧོསི – ‘‘བྷགཝཏཱ སིཀྑཱཔདཾ པཉྙཏྟཾ, ཀཙྩི ནུ ཁོ ཨཧཾ སངྒྷཱདིསེསཾ ཨཱཔཏྟིཾ ཨཱཔནྣོ’’ཏི? བྷགཝཏོ ཨེཏམཏྠཾ ཨཱརོཙེསི། ‘‘ཨནཱཔཏྟི, བྷིཀྑུ, སངྒྷཱདིསེསསྶ; ཨཱཔཏྟི ཐུལླཙྩཡསྶཱ’’ཏི།
Tena kho pana samayena aññatarassa bhikkhuno mocanādhippāyassa aṅguṭṭhena aṅgajātaṃ ghaṭṭentassa asuci mucci…pe… asuci na mucci. Tassa kukkuccaṃ ahosi – ‘‘bhagavatā sikkhāpadaṃ paññattaṃ, kacci nu kho ahaṃ saṅghādisesaṃ āpattiṃ āpanno’’ti? Bhagavato etamatthaṃ ārocesi. ‘‘Anāpatti, bhikkhu, saṅghādisesassa; āpatti thullaccayassā’’ti.
སུཀྐཝིསྶཊྛིསིཀྑཱཔདཾ ནིཊྛིཏཾ པཋམཾ།
Sukkavissaṭṭhisikkhāpadaṃ niṭṭhitaṃ paṭhamaṃ.
Footnotes:
Related texts:
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / མཧཱཝིབྷངྒ-ཨཊྛཀཐཱ • Mahāvibhaṅga-aṭṭhakathā / ༡. སུཀྐཝིསྶཊྛིསིཀྑཱཔདཝཎྞནཱ • 1. Sukkavissaṭṭhisikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / ༡. སུཀྐཝིསྶཊྛིསིཀྑཱཔདཝཎྞནཱ • 1. Sukkavissaṭṭhisikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / ༡. སུཀྐཝིསྶཊྛིསིཀྑཱཔདཝཎྞནཱ • 1. Sukkavissaṭṭhisikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ༡. སུཀྐཝིསྶཊྛིསིཀྑཱཔདཝཎྞནཱ • 1. Sukkavissaṭṭhisikkhāpadavaṇṇanā
