| Library / Tipiṭaka / തിപിടക • Tipiṭaka / മഹാവിഭങ്ഗ • Mahāvibhaṅga |
൨. സങ്ഘാദിസേസകണ്ഡം
2. Saṅghādisesakaṇḍaṃ
൧. സുക്കവിസ്സട്ഠിസിക്ഖാപദം
1. Sukkavissaṭṭhisikkhāpadaṃ
ഇമേ ഖോ പനായസ്മന്തോ തേരസ സങ്ഘാദിസേസാ
Ime kho panāyasmanto terasa saṅghādisesā
ധമ്മാ ഉദ്ദേസം ആഗച്ഛന്തി.
Dhammā uddesaṃ āgacchanti.
൨൩൪. തേന സമയേന ബുദ്ധോ ഭഗവാ സാവത്ഥിയം വിഹരതി ജേതവനേ അനാഥപിണ്ഡികസ്സ ആരാമേ. തേന ഖോ പന സമയേന ആയസ്മാ സേയ്യസകോ അനഭിരതോ ബ്രഹ്മചരിയം ചരതി. സോ തേന കിസോ ഹോതി ലൂഖോ ദുബ്ബണ്ണോ ഉപ്പണ്ഡുപ്പണ്ഡുകജാതോ ധമനിസന്ഥതഗത്തോ. അദ്ദസ ഖോ ആയസ്മാ ഉദായീ ആയസ്മന്തം സേയ്യസകം കിസം ലൂഖം ദുബ്ബണ്ണം ഉപ്പണ്ഡുപ്പണ്ഡുകജാതം ധമനിസന്ഥതഗത്തം. ദിസ്വാന ആയസ്മന്തം സേയ്യസകം ഏതദവോച – ‘‘കിസ്സ ത്വം, ആവുസോ സേയ്യസക, കിസോ ലൂഖോ ദുബ്ബണ്ണോ ഉപ്പണ്ഡുപ്പണ്ഡുകജാതോ ധമനിസന്ഥതഗത്തോ? കച്ചി നോ ത്വം, ആവുസോ സേയ്യസക, അനഭിരതോ ബ്രഹ്മചരിയം ചരസീ’’തി? ‘‘ഏവമാവുസോ’’തി. ‘‘തേന ഹി ത്വം, ആവുസോ സേയ്യസക, യാവദത്ഥം ഭുഞ്ജ യാവദത്ഥം സുപ യാവദത്ഥം ന്ഹായ. യാവദത്ഥം ഭുഞ്ജിത്വാ യാവദത്ഥം സുപിത്വാ യാവദത്ഥം ന്ഹായിത്വാ യദാ തേ അനഭിരതി ഉപ്പജ്ജതി രാഗോ ചിത്തം അനുദ്ധംസേതി തദാ ഹത്ഥേന ഉപക്കമിത്വാ അസുചിം മോചേഹീ’’തി. ‘‘കിം നു ഖോ, ആവുസോ, കപ്പതി ഏവരൂപം കാതു’’ന്തി? ‘‘ആമ, ആവുസോ. അഹമ്പി ഏവം കരോമീ’’തി.
234. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena āyasmā seyyasako anabhirato brahmacariyaṃ carati. So tena kiso hoti lūkho dubbaṇṇo uppaṇḍuppaṇḍukajāto dhamanisanthatagatto. Addasa kho āyasmā udāyī āyasmantaṃ seyyasakaṃ kisaṃ lūkhaṃ dubbaṇṇaṃ uppaṇḍuppaṇḍukajātaṃ dhamanisanthatagattaṃ. Disvāna āyasmantaṃ seyyasakaṃ etadavoca – ‘‘kissa tvaṃ, āvuso seyyasaka, kiso lūkho dubbaṇṇo uppaṇḍuppaṇḍukajāto dhamanisanthatagatto? Kacci no tvaṃ, āvuso seyyasaka, anabhirato brahmacariyaṃ carasī’’ti? ‘‘Evamāvuso’’ti. ‘‘Tena hi tvaṃ, āvuso seyyasaka, yāvadatthaṃ bhuñja yāvadatthaṃ supa yāvadatthaṃ nhāya. Yāvadatthaṃ bhuñjitvā yāvadatthaṃ supitvā yāvadatthaṃ nhāyitvā yadā te anabhirati uppajjati rāgo cittaṃ anuddhaṃseti tadā hatthena upakkamitvā asuciṃ mocehī’’ti. ‘‘Kiṃ nu kho, āvuso, kappati evarūpaṃ kātu’’nti? ‘‘Āma, āvuso. Ahampi evaṃ karomī’’ti.
അഥ ഖോ ആയസ്മാ സേയ്യസകോ യാവദത്ഥം ഭുഞ്ജി യാവദത്ഥം സുപി യാവദത്ഥം ന്ഹായി. യാവദത്ഥം ഭുഞ്ജിത്വാ യാവദത്ഥം സുപിത്വാ യാവദത്ഥം ന്ഹായിത്വാ യദാ അനഭിരതി ഉപ്പജ്ജതി രാഗോ ചിത്തം അനുദ്ധംസേതി തദാ ഹത്ഥേന ഉപക്കമിത്വാ അസുചിം മോചേസി . അഥ ഖോ ആയസ്മാ സേയ്യസകോ അപരേന സമയേന വണ്ണവാ അഹോസി പീണിന്ദ്രിയോ പസന്നമുഖവണ്ണോ വിപ്പസന്നഛവിവണ്ണോ. അഥ ഖോ ആയസ്മതോ സേയ്യസകസ്സ സഹായകാ ഭിക്ഖൂ ആയസ്മന്തം സേയ്യസകം ഏതദവോചും – ‘‘പുബ്ബേ ഖോ ത്വം, ആവുസോ സേയ്യസക, കിസോ അഹോസി ലൂഖോ ദുബ്ബണ്ണോ ഉപ്പണ്ഡുപ്പണ്ഡുകജാതോ ധമനിസന്ഥതഗത്തോ. സോ ദാനി ത്വം ഏതരഹി വണ്ണവാ പീണിന്ദ്രിയോ പസന്നമുഖവണ്ണോ വിപ്പസന്നഛവിവണ്ണോ. കിം നു ഖോ ത്വം, ആവുസോ സേയ്യസക, ഭേസജ്ജം കരോസീ’’തി? ‘‘ന ഖോ അഹം, ആവുസോ, ഭേസജ്ജം കരോമി . അപിചാഹം യാവദത്ഥം ഭുഞ്ജാമി യാവദത്ഥം സുപാമി യാവദത്ഥം ന്ഹായാമി. യാവദത്ഥം ഭുഞ്ജിത്വാ യാവദത്ഥം സുപിത്വാ യാവദത്ഥം ന്ഹായിത്വാ യദാ മേ അനഭിരതി ഉപ്പജ്ജതി രാഗോ ചിത്തം അനുദ്ധംസേതി തദാ ഹത്ഥേന ഉപക്കമിത്വാ അസുചിം മോചേമീ’’തി. ‘‘കിം പന ത്വം, ആവുസോ സേയ്യസക, യേനേവ ഹത്ഥേന സദ്ധാദേയ്യം ഭുഞ്ജസി തേനേവ ഹത്ഥേന ഉപക്കമിത്വാ അസുചിം മോചേസീ’’തി? ‘‘ഏവമാവുസോ’’തി. യേ തേ ഭിക്ഖൂ അപ്പിച്ഛാ…പേ॰… തേ ഉജ്ഝായന്തി ഖിയ്യന്തി വിപാചേന്തി – ‘‘കഥഞ്ഹി നാമ ആയസ്മാ സേയ്യസകോ ഹത്ഥേന ഉപക്കമിത്വാ അസുചിം മോചേസ്സതീ’’തി!
Atha kho āyasmā seyyasako yāvadatthaṃ bhuñji yāvadatthaṃ supi yāvadatthaṃ nhāyi. Yāvadatthaṃ bhuñjitvā yāvadatthaṃ supitvā yāvadatthaṃ nhāyitvā yadā anabhirati uppajjati rāgo cittaṃ anuddhaṃseti tadā hatthena upakkamitvā asuciṃ mocesi . Atha kho āyasmā seyyasako aparena samayena vaṇṇavā ahosi pīṇindriyo pasannamukhavaṇṇo vippasannachavivaṇṇo. Atha kho āyasmato seyyasakassa sahāyakā bhikkhū āyasmantaṃ seyyasakaṃ etadavocuṃ – ‘‘pubbe kho tvaṃ, āvuso seyyasaka, kiso ahosi lūkho dubbaṇṇo uppaṇḍuppaṇḍukajāto dhamanisanthatagatto. So dāni tvaṃ etarahi vaṇṇavā pīṇindriyo pasannamukhavaṇṇo vippasannachavivaṇṇo. Kiṃ nu kho tvaṃ, āvuso seyyasaka, bhesajjaṃ karosī’’ti? ‘‘Na kho ahaṃ, āvuso, bhesajjaṃ karomi . Apicāhaṃ yāvadatthaṃ bhuñjāmi yāvadatthaṃ supāmi yāvadatthaṃ nhāyāmi. Yāvadatthaṃ bhuñjitvā yāvadatthaṃ supitvā yāvadatthaṃ nhāyitvā yadā me anabhirati uppajjati rāgo cittaṃ anuddhaṃseti tadā hatthena upakkamitvā asuciṃ mocemī’’ti. ‘‘Kiṃ pana tvaṃ, āvuso seyyasaka, yeneva hatthena saddhādeyyaṃ bhuñjasi teneva hatthena upakkamitvā asuciṃ mocesī’’ti? ‘‘Evamāvuso’’ti. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma āyasmā seyyasako hatthena upakkamitvā asuciṃ mocessatī’’ti!
അഥ ഖോ തേ ഭിക്ഖൂ ആയസ്മന്തം സേയ്യസകം അനേകപരിയായേന വിഗരഹിത്വാ ഭഗവതോ ഏതമത്ഥം ആരോചേസും. അഥ ഖോ ഭഗവാ ഏതസ്മിം നിദാനേ ഏതസ്മിം പകരണേ ഭിക്ഖുസങ്ഘം സന്നിപാതാപേത്വാ ആയസ്മന്തം സേയ്യസകം പടിപുച്ഛി – ‘‘സച്ചം കിര ത്വം, സേയ്യസക, ഹത്ഥേന ഉപക്കമിത്വാ അസുചിം മോചേസീ’’തി? ‘‘സച്ചം, ഭഗവാ’’തി . വിഗരഹി ബുദ്ധോ ഭഗവാ – ‘‘അനനുച്ഛവികം, മോഘപുരിസ, അനനുലോമികം അപ്പതിരൂപം അസ്സാമണകം അകപ്പിയം അകരണീയം. കഥഞ്ഹി നാമ ത്വം, മോഘപുരിസ, ഹത്ഥേന ഉപക്കമിത്വാ അസുചിം മോചേസ്സസി! നനു മയാ, മോഘപുരിസ, അനേകപരിയായേന വിരാഗായ ധമ്മോ ദേസിതോ നോ സരാഗായ, വിസഞ്ഞോഗായ ധമ്മോ ദേസിതോ നോ സഞ്ഞോഗായ, അനുപാദാനായ ധമ്മോ ദേസിതോ നോ സഉപാദാനായ! തത്ഥ നാമ ത്വം, മോഘപുരിസ, മയാ വിരാഗായ ധമ്മേ ദേസിതേ സരാഗായ ചേതേസ്സസി, വിസഞ്ഞോഗായ ധമ്മേ ദേസിതേ സഞ്ഞോഗായ ചേതേസ്സസി, അനുപാദാനായ ധമ്മേ ദേസിതേ സഉപാദാനായ ചേതേസ്സസി! നനു മയാ, മോഘപുരിസ, അനേകപരിയായേന രാഗവിരാഗായ ധമ്മോ ദേസിതോ, മദനിമ്മദനായ പിപാസവിനയായ ആലയസമുഗ്ഘാതായ വട്ടുപച്ഛേദായ തണ്ഹക്ഖയായ വിരാഗായ നിരോധായ നിബ്ബാനായ ധമ്മോ ദേസിതോ? നനു മയാ, മോഘപുരിസ, അനേകപരിയായേന കാമാനം പഹാനം അക്ഖാതം, കാമസഞ്ഞാനം പരിഞ്ഞാ അക്ഖാതാ, കാമപിപാസാനം പടിവിനയോ അക്ഖാതോ, കാമവിതക്കാനം സമുഗ്ഘാതോ അക്ഖാതോ, കാമപരിളാഹാനം വൂപസമോ അക്ഖാതോ? നേതം, മോഘപുരിസ, അപ്പസന്നാനം വാ പസാദായ, പസന്നാനം വാ ഭിയ്യോഭാവായ. അഥ ഖ്വേതം, മോഘപുരിസ, അപ്പസന്നാനഞ്ചേവ അപ്പസാദായ, പസന്നാനഞ്ച ഏകച്ചാനം അഞ്ഞഥത്തായാ’’തി. അഥ ഖോ ഭഗവാ ആയസ്മന്തം സേയ്യസകം അനേകപരിയായേന വിഗരഹിത്വാ ദുബ്ഭരതായ…പേ॰… ‘‘ഏവഞ്ച പന, ഭിക്ഖവേ, ഇമം സിക്ഖാപദം ഉദ്ദിസേയ്യാഥ –
Atha kho te bhikkhū āyasmantaṃ seyyasakaṃ anekapariyāyena vigarahitvā bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe bhikkhusaṅghaṃ sannipātāpetvā āyasmantaṃ seyyasakaṃ paṭipucchi – ‘‘saccaṃ kira tvaṃ, seyyasaka, hatthena upakkamitvā asuciṃ mocesī’’ti? ‘‘Saccaṃ, bhagavā’’ti . Vigarahi buddho bhagavā – ‘‘ananucchavikaṃ, moghapurisa, ananulomikaṃ appatirūpaṃ assāmaṇakaṃ akappiyaṃ akaraṇīyaṃ. Kathañhi nāma tvaṃ, moghapurisa, hatthena upakkamitvā asuciṃ mocessasi! Nanu mayā, moghapurisa, anekapariyāyena virāgāya dhammo desito no sarāgāya, visaññogāya dhammo desito no saññogāya, anupādānāya dhammo desito no saupādānāya! Tattha nāma tvaṃ, moghapurisa, mayā virāgāya dhamme desite sarāgāya cetessasi, visaññogāya dhamme desite saññogāya cetessasi, anupādānāya dhamme desite saupādānāya cetessasi! Nanu mayā, moghapurisa, anekapariyāyena rāgavirāgāya dhammo desito, madanimmadanāya pipāsavinayāya ālayasamugghātāya vaṭṭupacchedāya taṇhakkhayāya virāgāya nirodhāya nibbānāya dhammo desito? Nanu mayā, moghapurisa, anekapariyāyena kāmānaṃ pahānaṃ akkhātaṃ, kāmasaññānaṃ pariññā akkhātā, kāmapipāsānaṃ paṭivinayo akkhāto, kāmavitakkānaṃ samugghāto akkhāto, kāmapariḷāhānaṃ vūpasamo akkhāto? Netaṃ, moghapurisa, appasannānaṃ vā pasādāya, pasannānaṃ vā bhiyyobhāvāya. Atha khvetaṃ, moghapurisa, appasannānañceva appasādāya, pasannānañca ekaccānaṃ aññathattāyā’’ti. Atha kho bhagavā āyasmantaṃ seyyasakaṃ anekapariyāyena vigarahitvā dubbharatāya…pe… ‘‘evañca pana, bhikkhave, imaṃ sikkhāpadaṃ uddiseyyātha –
ഏവഞ്ചിദം ഭഗവതാ ഭിക്ഖൂനം സിക്ഖാപദം പഞ്ഞത്തം ഹോതി.
Evañcidaṃ bhagavatā bhikkhūnaṃ sikkhāpadaṃ paññattaṃ hoti.
൨൩൫. തേന ഖോ പന സമയേന ഭിക്ഖൂ പണീതഭോജനാനി ഭുഞ്ജിത്വാ മുട്ഠസ്സതീ അസമ്പജാനാ നിദ്ദം ഓക്കമന്തി. തേസം മുട്ഠസ്സതീനം അസമ്പജാനാനം നിദ്ദം ഓക്കമന്താനം സുപിനന്തേന അസുചി മുച്ചതി. തേസം കുക്കുച്ചം അഹോസി – ‘‘ഭഗവതാ സിക്ഖാപദം പഞ്ഞത്തം – ‘സഞ്ചേതനികാ സുക്കവിസ്സട്ഠി സങ്ഘാദിസേസോ’തി. അമ്ഹാകഞ്ച സുപിനന്തേന അസുചി മുച്ചതി. അത്ഥി ചേത്ഥ ചേതനാ ലബ്ഭതി. കച്ചി നു ഖോ മയം സങ്ഘാദിസേസം ആപത്തിം ആപന്നാ’’തി? ഭഗവതോ ഏതമത്ഥം ആരോചേസും. ‘‘അത്ഥേസാ, ഭിക്ഖവേ, ചേതനാ; സാ ച ഖോ അബ്ബോഹാരികാതി. ഏവഞ്ച പന, ഭിക്ഖവേ, ഇമം സിക്ഖാപദം ഉദ്ദിസേയ്യാഥ –
235. Tena kho pana samayena bhikkhū paṇītabhojanāni bhuñjitvā muṭṭhassatī asampajānā niddaṃ okkamanti. Tesaṃ muṭṭhassatīnaṃ asampajānānaṃ niddaṃ okkamantānaṃ supinantena asuci muccati. Tesaṃ kukkuccaṃ ahosi – ‘‘bhagavatā sikkhāpadaṃ paññattaṃ – ‘sañcetanikā sukkavissaṭṭhi saṅghādiseso’ti. Amhākañca supinantena asuci muccati. Atthi cettha cetanā labbhati. Kacci nu kho mayaṃ saṅghādisesaṃ āpattiṃ āpannā’’ti? Bhagavato etamatthaṃ ārocesuṃ. ‘‘Atthesā, bhikkhave, cetanā; sā ca kho abbohārikāti. Evañca pana, bhikkhave, imaṃ sikkhāpadaṃ uddiseyyātha –
൨൩൬. ‘‘സഞ്ചേതനികാ സുക്കവിസ്സട്ഠി അഞ്ഞത്ര സുപിനന്താ സങ്ഘാദിസേസോ’’തി.
236.‘‘Sañcetanikā sukkavissaṭṭhi aññatra supinantā saṅghādiseso’’ti.
൨൩൭. സഞ്ചേതനികാതി ജാനന്തോ സഞ്ജാനന്തോ ചേച്ച അഭിവിതരിത്വാ വീതിക്കമോ.
237.Sañcetanikāti jānanto sañjānanto cecca abhivitaritvā vītikkamo.
സുക്കന്തി ദസ സുക്കാനി – നീലം പീതകം ലോഹിതകം ഓദാതം തക്കവണ്ണം ദകവണ്ണം തേലവണ്ണം ഖീരവണ്ണം ദധിവണ്ണം സപ്പിവണ്ണം.
Sukkanti dasa sukkāni – nīlaṃ pītakaṃ lohitakaṃ odātaṃ takkavaṇṇaṃ dakavaṇṇaṃ telavaṇṇaṃ khīravaṇṇaṃ dadhivaṇṇaṃ sappivaṇṇaṃ.
വിസ്സട്ഠീതി ഠാനതോ ചാവനാ വുച്ചതി വിസ്സട്ഠീതി.
Vissaṭṭhīti ṭhānato cāvanā vuccati vissaṭṭhīti.
അഞ്ഞത്ര സുപിനന്താതി ഠപേത്വാ സുപിനന്തം.
Aññatra supinantāti ṭhapetvā supinantaṃ.
സങ്ഘാദിസേസോതി സങ്ഘോവ തസ്സാ ആപത്തിയാ പരിവാസം ദേതി, മൂലായ പടികസ്സതി, മാനത്തം ദേതി , അബ്ഭേതി; ന സമ്ബഹുലാ, ന ഏകപുഗ്ഗലോ. തേന വുച്ചതി – ‘‘സങ്ഘാദിസേസോ’’തി. തസ്സേവ ആപത്തിനികായസ്സ നാമകമ്മം അധിവചനം. തേനപി വുച്ചതി – ‘‘സങ്ഘാദിസേസോ’’തി.
Saṅghādisesoti saṅghova tassā āpattiyā parivāsaṃ deti, mūlāya paṭikassati, mānattaṃ deti , abbheti; na sambahulā, na ekapuggalo. Tena vuccati – ‘‘saṅghādiseso’’ti. Tasseva āpattinikāyassa nāmakammaṃ adhivacanaṃ. Tenapi vuccati – ‘‘saṅghādiseso’’ti.
അജ്ഝത്തരൂപേ മോചേതി, ബഹിദ്ധാരൂപേ മോചേതി, അജ്ഝത്തബഹിദ്ധാരൂപേ മോചേതി, ആകാസേ കടിം കമ്പേന്തോ മോചേതി; രാഗൂപത്ഥമ്ഭേ മോചേതി, വച്ചൂപത്ഥമ്ഭേ മോചേതി, പസ്സാവൂപത്ഥമ്ഭേ മോചേതി, വാതൂപത്ഥമ്ഭേ മോചേതി , ഉച്ചാലിങ്ഗപാണകദട്ഠൂപത്ഥമ്ഭേ മോചേതി; ആരോഗ്യത്ഥായ മോചേതി, സുഖത്ഥായ മോചേതി, ഭേസജ്ജത്ഥായ മോചേതി, ദാനത്ഥായ മോചേതി, പുഞ്ഞത്ഥായ മോചേതി, യഞ്ഞത്ഥായ മോചേതി, സഗ്ഗത്ഥായ മോചേതി, ബീജത്ഥായ മോചേതി, വീമംസത്ഥായ മോചേതി, ദവത്ഥായ മോചേതി; നീലം മോചേതി, പീതകം മോചേതി, ലോഹിതകം മോചേതി, ഓദാതം മോചേതി, തക്കവണ്ണം മോചേതി, ദകവണ്ണം മോചേതി, തേലവണ്ണം മോചേതി, ഖീരവണ്ണം മോചേതി, ദധിവണ്ണം മോചേതി, സപ്പിവണ്ണം മോചേതി.
Ajjhattarūpe moceti, bahiddhārūpe moceti, ajjhattabahiddhārūpe moceti, ākāse kaṭiṃ kampento moceti; rāgūpatthambhe moceti, vaccūpatthambhe moceti, passāvūpatthambhe moceti, vātūpatthambhe moceti , uccāliṅgapāṇakadaṭṭhūpatthambhe moceti; ārogyatthāya moceti, sukhatthāya moceti, bhesajjatthāya moceti, dānatthāya moceti, puññatthāya moceti, yaññatthāya moceti, saggatthāya moceti, bījatthāya moceti, vīmaṃsatthāya moceti, davatthāya moceti; nīlaṃ moceti, pītakaṃ moceti, lohitakaṃ moceti, odātaṃ moceti, takkavaṇṇaṃ moceti, dakavaṇṇaṃ moceti, telavaṇṇaṃ moceti, khīravaṇṇaṃ moceti, dadhivaṇṇaṃ moceti, sappivaṇṇaṃ moceti.
ബഹിദ്ധാരൂപേതി ബഹിദ്ധാ ഉപാദിന്നേ വാ അനുപാദിന്നേ വാ.
Bahiddhārūpeti bahiddhā upādinne vā anupādinne vā.
അജ്ഝത്തബഹിദ്ധാരൂപേതി തദുഭയേ.
Ajjhattabahiddhārūpeti tadubhaye.
ആകാസേ കടിം കമ്പേന്തോതി ആകാസേ വായമന്തസ്സ അങ്ഗജാതം കമ്മനിയം ഹോതി.
Ākāse kaṭiṃ kampentoti ākāse vāyamantassa aṅgajātaṃ kammaniyaṃ hoti.
രാഗൂപത്ഥമ്ഭേതി രാഗേന പീളിതസ്സ അങ്ഗജാതം കമ്മനിയം ഹോതി.
Rāgūpatthambheti rāgena pīḷitassa aṅgajātaṃ kammaniyaṃ hoti.
വച്ചൂപത്ഥമ്ഭേതി വച്ചേന പീളിതസ്സ അങ്ഗജാതം കമ്മനിയം ഹോതി.
Vaccūpatthambheti vaccena pīḷitassa aṅgajātaṃ kammaniyaṃ hoti.
പസ്സാവൂപത്ഥമ്ഭേതി പസ്സാവേന പീളിതസ്സ അങ്ഗജാതം കമ്മനിയം ഹോതി.
Passāvūpatthambheti passāvena pīḷitassa aṅgajātaṃ kammaniyaṃ hoti.
വാതൂപത്ഥമ്ഭേതി വാതേന പീളിതസ്സ അങ്ഗജാതം കമ്മനിയം ഹോതി.
Vātūpatthambheti vātena pīḷitassa aṅgajātaṃ kammaniyaṃ hoti.
ഉച്ചാലിങ്ഗപാണകദട്ഠൂപത്ഥമ്ഭേതി ഉച്ചാലിങ്ഗപാണകദട്ഠേന അങ്ഗജാതം കമ്മനിയം ഹോതി.
Uccāliṅgapāṇakadaṭṭhūpatthambheti uccāliṅgapāṇakadaṭṭhena aṅgajātaṃ kammaniyaṃ hoti.
൨൩൯. ആരോഗ്യത്ഥായാതി അരോഗോ ഭവിസ്സാമി.
239.Ārogyatthāyāti arogo bhavissāmi.
സുഖത്ഥായാതി സുഖം വേദനം ഉപ്പാദേസ്സാമി.
Sukhatthāyāti sukhaṃ vedanaṃ uppādessāmi.
ഭേസജ്ജത്ഥായാതി ഭേസജ്ജം ഭവിസ്സതി.
Bhesajjatthāyāti bhesajjaṃ bhavissati.
ദാനത്ഥായാതി ദാനം ദസ്സാമി.
Dānatthāyāti dānaṃ dassāmi.
പുഞ്ഞത്ഥായാതി പുഞ്ഞം ഭവിസ്സതി.
Puññatthāyāti puññaṃ bhavissati.
യഞ്ഞത്ഥായാതി യഞ്ഞം യജിസ്സാമി.
Yaññatthāyāti yaññaṃ yajissāmi.
സഗ്ഗത്ഥായാതി സഗ്ഗം ഗമിസ്സാമി.
Saggatthāyāti saggaṃ gamissāmi.
ബീജത്ഥായാതി ബീജം ഭവിസ്സതി.
Bījatthāyāti bījaṃ bhavissati.
വീമംസത്ഥായാതി നീലം ഭവിസ്സതി, പീതകം ഭവിസ്സതി, ലോഹിതകം ഭവിസ്സതി, ഓദാതം ഭവിസ്സതി, തക്കവണ്ണം ഭവിസ്സതി, ദകവണ്ണം ഭവിസ്സതി, തേലവണ്ണം ഭവിസ്സതി, ഖീരവണ്ണം ഭവിസ്സതി, ദധിവണ്ണം ഭവിസ്സതി, സപ്പിവണ്ണം ഭവിസ്സതീതി.
Vīmaṃsatthāyāti nīlaṃ bhavissati, pītakaṃ bhavissati, lohitakaṃ bhavissati, odātaṃ bhavissati, takkavaṇṇaṃ bhavissati, dakavaṇṇaṃ bhavissati, telavaṇṇaṃ bhavissati, khīravaṇṇaṃ bhavissati, dadhivaṇṇaṃ bhavissati, sappivaṇṇaṃ bhavissatīti.
ദവത്ഥായാതി ഖിഡ്ഡാധിപ്പായോ.
Davatthāyāti khiḍḍādhippāyo.
൨൪൦. അജ്ഝത്തരൂപേ ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.
240. Ajjhattarūpe ceteti upakkamati muccati, āpatti saṅghādisesassa.
ബഹിദ്ധാരൂപേ ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.
Bahiddhārūpe ceteti upakkamati muccati, āpatti saṅghādisesassa.
അജ്ഝത്തബഹിദ്ധാരൂപേ ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.
Ajjhattabahiddhārūpe ceteti upakkamati muccati, āpatti saṅghādisesassa.
ആകാസേ കടിം കമ്പേന്തോ ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.
Ākāse kaṭiṃ kampento ceteti upakkamati muccati, āpatti saṅghādisesassa.
രാഗൂപത്ഥമ്ഭേ ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.
Rāgūpatthambhe ceteti upakkamati muccati, āpatti saṅghādisesassa.
വച്ചൂപത്ഥമ്ഭേ ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.
Vaccūpatthambhe ceteti upakkamati muccati, āpatti saṅghādisesassa.
പസ്സാവൂപത്ഥമ്ഭേ ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.
Passāvūpatthambhe ceteti upakkamati muccati, āpatti saṅghādisesassa.
വാതൂപത്ഥമ്ഭേ ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.
Vātūpatthambhe ceteti upakkamati muccati, āpatti saṅghādisesassa.
ഉച്ചാലിങ്ഗപാണകദട്ഠൂപത്ഥമ്ഭേ ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.
Uccāliṅgapāṇakadaṭṭhūpatthambhe ceteti upakkamati muccati, āpatti saṅghādisesassa.
ആരോഗ്യത്ഥായ ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.
Ārogyatthāya ceteti upakkamati muccati, āpatti saṅghādisesassa.
സുഖത്ഥായ…പേ॰… ഭേസജ്ജത്ഥായ… ദാനത്ഥായ… പുഞ്ഞത്ഥായ… യഞ്ഞത്ഥായ… സഗ്ഗത്ഥായ… ബീജത്ഥായ… വീമംസത്ഥായ… ദവത്ഥായ ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.
Sukhatthāya…pe… bhesajjatthāya… dānatthāya… puññatthāya… yaññatthāya… saggatthāya… bījatthāya… vīmaṃsatthāya… davatthāya ceteti upakkamati muccati, āpatti saṅghādisesassa.
നീലം ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ .
Nīlaṃ ceteti upakkamati muccati, āpatti saṅghādisesassa .
പീതകം… ലോഹിതകം… ഓദാതം… തക്കവണ്ണം… ദകവണ്ണം… തേലവണ്ണം… ഖീരവണ്ണം… ദധിവണ്ണം… സപ്പിവണ്ണം ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.
Pītakaṃ… lohitakaṃ… odātaṃ… takkavaṇṇaṃ… dakavaṇṇaṃ… telavaṇṇaṃ… khīravaṇṇaṃ… dadhivaṇṇaṃ… sappivaṇṇaṃ ceteti upakkamati muccati, āpatti saṅghādisesassa.
സുദ്ധികം നിട്ഠിതം.
Suddhikaṃ niṭṭhitaṃ.
ആരോഗ്യത്ഥഞ്ച സുഖത്ഥഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.
Ārogyatthañca sukhatthañca ceteti upakkamati muccati, āpatti saṅghādisesassa.
ആരോഗ്യത്ഥഞ്ച ഭേസജ്ജത്ഥഞ്ച…പേ॰… ആരോഗ്യത്ഥഞ്ച ദാനത്ഥഞ്ച… ആരോഗ്യത്ഥഞ്ച പുഞ്ഞത്ഥഞ്ച… ആരോഗ്യത്ഥഞ്ച യഞ്ഞത്ഥഞ്ച… ആരോഗ്യത്ഥഞ്ച സഗ്ഗത്ഥഞ്ച… ആരോഗ്യത്ഥഞ്ച ബീജത്ഥഞ്ച… ആരോഗ്യത്ഥഞ്ച വീമംസത്ഥഞ്ച… ആരോഗ്യത്ഥഞ്ച ദവത്ഥഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.
Ārogyatthañca bhesajjatthañca…pe… ārogyatthañca dānatthañca… ārogyatthañca puññatthañca… ārogyatthañca yaññatthañca… ārogyatthañca saggatthañca… ārogyatthañca bījatthañca… ārogyatthañca vīmaṃsatthañca… ārogyatthañca davatthañca ceteti upakkamati muccati, āpatti saṅghādisesassa.
ഏകമൂലകസ്സ ഖണ്ഡചക്കം നിട്ഠിതം.
Ekamūlakassa khaṇḍacakkaṃ niṭṭhitaṃ.
൨൪൧. സുഖത്ഥഞ്ച ഭേസജ്ജത്ഥഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.
241. Sukhatthañca bhesajjatthañca ceteti upakkamati muccati, āpatti saṅghādisesassa.
സുഖത്ഥഞ്ച ദാനത്ഥഞ്ച…പേ॰… സുഖത്ഥഞ്ച പുഞ്ഞത്ഥഞ്ച… സുഖത്ഥഞ്ച യഞ്ഞത്ഥഞ്ച… സുഖത്ഥഞ്ച സഗ്ഗത്ഥഞ്ച… സുഖത്ഥഞ്ച ബീജത്ഥഞ്ച… സുഖത്ഥഞ്ച വീമംസത്ഥഞ്ച… സുഖത്ഥഞ്ച ദവത്ഥഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.
Sukhatthañca dānatthañca…pe… sukhatthañca puññatthañca… sukhatthañca yaññatthañca… sukhatthañca saggatthañca… sukhatthañca bījatthañca… sukhatthañca vīmaṃsatthañca… sukhatthañca davatthañca ceteti upakkamati muccati, āpatti saṅghādisesassa.
സുഖത്ഥഞ്ച ആരോഗ്യത്ഥഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.
Sukhatthañca ārogyatthañca ceteti upakkamati muccati, āpatti saṅghādisesassa.
൨൪൨. ഭേസജ്ജത്ഥഞ്ച ദാനത്ഥഞ്ച…പേ॰… ഭേസജ്ജത്ഥഞ്ച പുഞ്ഞത്ഥഞ്ച… ഭേസജ്ജത്ഥഞ്ച യഞ്ഞത്ഥഞ്ച… ഭേസജ്ജത്ഥഞ്ച സഗ്ഗത്ഥഞ്ച… ഭേസജ്ജത്ഥഞ്ച ബീജത്ഥഞ്ച… ഭേസജ്ജത്ഥഞ്ച വീമംസത്ഥഞ്ച… ഭേസജ്ജത്ഥഞ്ച ദവത്ഥഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.
242. Bhesajjatthañca dānatthañca…pe… bhesajjatthañca puññatthañca… bhesajjatthañca yaññatthañca… bhesajjatthañca saggatthañca… bhesajjatthañca bījatthañca… bhesajjatthañca vīmaṃsatthañca… bhesajjatthañca davatthañca ceteti upakkamati muccati, āpatti saṅghādisesassa.
ഭേസജ്ജത്ഥഞ്ച ആരോഗ്യത്ഥഞ്ച…പേ॰… ഭേസജ്ജത്ഥഞ്ച സുഖത്ഥഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.
Bhesajjatthañca ārogyatthañca…pe… bhesajjatthañca sukhatthañca ceteti upakkamati muccati, āpatti saṅghādisesassa.
ദാനത്ഥഞ്ച പുഞ്ഞത്ഥഞ്ച…പേ॰… ദാനത്ഥഞ്ച യഞ്ഞത്ഥഞ്ച… ദാനത്ഥഞ്ച സഗ്ഗത്ഥഞ്ച… ദാനത്ഥഞ്ച ബീജത്ഥഞ്ച… ദാനത്ഥഞ്ച വീമംസത്ഥഞ്ച… ദാനത്ഥഞ്ച ദവത്ഥഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.
Dānatthañca puññatthañca…pe… dānatthañca yaññatthañca… dānatthañca saggatthañca… dānatthañca bījatthañca… dānatthañca vīmaṃsatthañca… dānatthañca davatthañca ceteti upakkamati muccati, āpatti saṅghādisesassa.
ദാനത്ഥഞ്ച ആരോഗ്യത്ഥഞ്ച…പേ॰… ദാനത്ഥഞ്ച സുഖത്ഥഞ്ച… ദാനത്ഥഞ്ച ഭേസജ്ജത്ഥഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.
Dānatthañca ārogyatthañca…pe… dānatthañca sukhatthañca… dānatthañca bhesajjatthañca ceteti upakkamati muccati, āpatti saṅghādisesassa.
പുഞ്ഞത്ഥഞ്ച യഞ്ഞത്ഥഞ്ച…പേ॰… പുഞ്ഞത്ഥഞ്ച സഗ്ഗത്ഥഞ്ച… പുഞ്ഞത്ഥഞ്ച ബീജത്ഥഞ്ച… പുഞ്ഞത്ഥഞ്ച വീമംസത്ഥഞ്ച… പുഞ്ഞത്ഥഞ്ച ദവത്ഥഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.
Puññatthañca yaññatthañca…pe… puññatthañca saggatthañca… puññatthañca bījatthañca… puññatthañca vīmaṃsatthañca… puññatthañca davatthañca ceteti upakkamati muccati, āpatti saṅghādisesassa.
പുഞ്ഞത്ഥഞ്ച ആരോഗ്യത്ഥഞ്ച…പേ॰… പുഞ്ഞത്ഥഞ്ച സുഖത്ഥഞ്ച… പുഞ്ഞത്ഥഞ്ച ഭേസജ്ജത്ഥഞ്ച… പുഞ്ഞത്ഥഞ്ച ദാനത്ഥഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.
Puññatthañca ārogyatthañca…pe… puññatthañca sukhatthañca… puññatthañca bhesajjatthañca… puññatthañca dānatthañca ceteti upakkamati muccati, āpatti saṅghādisesassa.
യഞ്ഞത്ഥഞ്ച സഗ്ഗത്ഥഞ്ച…പേ॰… യഞ്ഞത്ഥഞ്ച ബീജത്ഥഞ്ച… യഞ്ഞത്ഥഞ്ച വീമംസത്ഥഞ്ച … യഞ്ഞത്ഥഞ്ച ദവത്ഥഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.
Yaññatthañca saggatthañca…pe… yaññatthañca bījatthañca… yaññatthañca vīmaṃsatthañca … yaññatthañca davatthañca ceteti upakkamati muccati, āpatti saṅghādisesassa.
യഞ്ഞത്ഥഞ്ച ആരോഗ്യത്ഥഞ്ച…പേ॰… യഞ്ഞത്ഥഞ്ച സുഖത്ഥഞ്ച… യഞ്ഞത്ഥഞ്ച ഭേസജ്ജത്ഥഞ്ച… യഞ്ഞത്ഥഞ്ച ദാനത്ഥഞ്ച… യഞ്ഞത്ഥഞ്ച പുഞ്ഞത്ഥഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.
Yaññatthañca ārogyatthañca…pe… yaññatthañca sukhatthañca… yaññatthañca bhesajjatthañca… yaññatthañca dānatthañca… yaññatthañca puññatthañca ceteti upakkamati muccati, āpatti saṅghādisesassa.
സഗ്ഗത്ഥഞ്ച ബീജത്ഥഞ്ച…പേ॰… സഗ്ഗത്ഥഞ്ച വീമംസത്ഥഞ്ച… സഗ്ഗത്ഥഞ്ച ദവത്ഥഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.
Saggatthañca bījatthañca…pe… saggatthañca vīmaṃsatthañca… saggatthañca davatthañca ceteti upakkamati muccati, āpatti saṅghādisesassa.
സഗ്ഗത്ഥഞ്ച ആരോഗ്യത്ഥഞ്ച…പേ॰… സഗ്ഗത്ഥഞ്ച സുഖത്ഥഞ്ച… സഗ്ഗത്ഥഞ്ച ഭേസജ്ജത്ഥഞ്ച… സഗ്ഗത്ഥഞ്ച ദാനത്ഥഞ്ച… സഗ്ഗത്ഥഞ്ച പുഞ്ഞത്ഥഞ്ച… സഗ്ഗത്ഥഞ്ച യഞ്ഞത്ഥഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.
Saggatthañca ārogyatthañca…pe… saggatthañca sukhatthañca… saggatthañca bhesajjatthañca… saggatthañca dānatthañca… saggatthañca puññatthañca… saggatthañca yaññatthañca ceteti upakkamati muccati, āpatti saṅghādisesassa.
ബീജത്ഥഞ്ച വീമംസത്ഥഞ്ച…പേ॰… ബീജത്ഥഞ്ച ദവത്ഥഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.
Bījatthañca vīmaṃsatthañca…pe… bījatthañca davatthañca ceteti upakkamati muccati, āpatti saṅghādisesassa.
ബീജത്ഥഞ്ച ആരോഗ്യത്ഥഞ്ച…പേ॰… ബീജത്ഥഞ്ച സുഖത്ഥഞ്ച… ബീജത്ഥഞ്ച ഭേസജ്ജത്ഥഞ്ച… ബീജത്ഥഞ്ച ദാനത്ഥഞ്ച… ബീജത്ഥഞ്ച പുഞ്ഞത്ഥഞ്ച… ബീജത്ഥഞ്ച യഞ്ഞത്ഥഞ്ച… ബീജത്ഥഞ്ച സഗ്ഗത്ഥഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.
Bījatthañca ārogyatthañca…pe… bījatthañca sukhatthañca… bījatthañca bhesajjatthañca… bījatthañca dānatthañca… bījatthañca puññatthañca… bījatthañca yaññatthañca… bījatthañca saggatthañca ceteti upakkamati muccati, āpatti saṅghādisesassa.
വീമംസത്ഥഞ്ച ദവത്ഥഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.
Vīmaṃsatthañca davatthañca ceteti upakkamati muccati, āpatti saṅghādisesassa.
വീമംസത്ഥഞ്ച ആരോഗ്യത്ഥഞ്ച…പേ॰… വീമംസത്ഥഞ്ച സുഖത്ഥഞ്ച… വീമംസത്ഥഞ്ച ഭേസജ്ജത്ഥഞ്ച… വീമംസത്ഥഞ്ച ദാനത്ഥഞ്ച… വീമംസത്ഥഞ്ച പുഞ്ഞത്ഥഞ്ച… വീമംസത്ഥഞ്ച യഞ്ഞത്ഥഞ്ച… വീമംസത്ഥഞ്ച സഗ്ഗത്ഥഞ്ച… വീമംസത്ഥഞ്ച ബീജത്ഥഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.
Vīmaṃsatthañca ārogyatthañca…pe… vīmaṃsatthañca sukhatthañca… vīmaṃsatthañca bhesajjatthañca… vīmaṃsatthañca dānatthañca… vīmaṃsatthañca puññatthañca… vīmaṃsatthañca yaññatthañca… vīmaṃsatthañca saggatthañca… vīmaṃsatthañca bījatthañca ceteti upakkamati muccati, āpatti saṅghādisesassa.
ദവത്ഥഞ്ച ആരോഗ്യത്ഥഞ്ച…പേ॰… ദവത്ഥഞ്ച സുഖത്ഥഞ്ച… ദവത്ഥഞ്ച ഭേസജ്ജത്ഥഞ്ച… ദവത്ഥഞ്ച ദാനത്ഥഞ്ച… ദവത്ഥഞ്ച പുഞ്ഞത്ഥഞ്ച… ദവത്ഥഞ്ച യഞ്ഞത്ഥഞ്ച… ദവത്ഥഞ്ച സഗ്ഗത്ഥഞ്ച… ദവത്ഥഞ്ച ബീജത്ഥഞ്ച… ദവത്ഥഞ്ച വീമംസത്ഥഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.
Davatthañca ārogyatthañca…pe… davatthañca sukhatthañca… davatthañca bhesajjatthañca… davatthañca dānatthañca… davatthañca puññatthañca… davatthañca yaññatthañca… davatthañca saggatthañca… davatthañca bījatthañca… davatthañca vīmaṃsatthañca ceteti upakkamati muccati, āpatti saṅghādisesassa.
ഏകമൂലകസ്സ ബദ്ധചക്കം നിട്ഠിതം.
Ekamūlakassa baddhacakkaṃ niṭṭhitaṃ.
ആരോഗ്യത്ഥഞ്ച സുഖത്ഥഞ്ച ഭേസജ്ജത്ഥഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ…പേ॰… ആരോഗ്യത്ഥഞ്ച സുഖത്ഥഞ്ച ദവത്ഥഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.
Ārogyatthañca sukhatthañca bhesajjatthañca ceteti upakkamati muccati, āpatti saṅghādisesassa…pe… ārogyatthañca sukhatthañca davatthañca ceteti upakkamati muccati, āpatti saṅghādisesassa.
ദുമൂലകസ്സ ഖണ്ഡചക്കം.
Dumūlakassa khaṇḍacakkaṃ.
സുഖത്ഥഞ്ച ഭേസജ്ജത്ഥഞ്ച ദാനത്ഥഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ…പേ॰… സുഖത്ഥഞ്ച ഭേസജ്ജത്ഥഞ്ച ദവത്ഥഞ്ച…പേ॰… സുഖത്ഥഞ്ച ഭേസജ്ജത്ഥഞ്ച ആരോഗ്യത്ഥഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.
Sukhatthañca bhesajjatthañca dānatthañca ceteti upakkamati muccati, āpatti saṅghādisesassa…pe… sukhatthañca bhesajjatthañca davatthañca…pe… sukhatthañca bhesajjatthañca ārogyatthañca ceteti upakkamati muccati, āpatti saṅghādisesassa.
ദുമൂലകസ്സ ബദ്ധചക്കം സംഖിത്തം.
Dumūlakassa baddhacakkaṃ saṃkhittaṃ.
വീമംസത്ഥഞ്ച ദവത്ഥഞ്ച ആരോഗ്യത്ഥഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ. വീമംസത്ഥഞ്ച ദവത്ഥഞ്ച ബീജത്ഥഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.
Vīmaṃsatthañca davatthañca ārogyatthañca ceteti upakkamati muccati, āpatti saṅghādisesassa. Vīmaṃsatthañca davatthañca bījatthañca ceteti upakkamati muccati, āpatti saṅghādisesassa.
ദുമൂലകം നിട്ഠിതം.
Dumūlakaṃ niṭṭhitaṃ.
തിമൂലകമ്പി ചതുമൂലകമ്പി പഞ്ചമൂലകമ്പി ഛമൂലകമ്പി സത്തമൂലകമ്പി അട്ഠമൂലകമ്പി നവമൂലകമ്പി ഏവമേവ വിത്ഥാരേതബ്ബം.
Timūlakampi catumūlakampi pañcamūlakampi chamūlakampi sattamūlakampi aṭṭhamūlakampi navamūlakampi evameva vitthāretabbaṃ.
ഇദം സബ്ബമൂലകം.
Idaṃ sabbamūlakaṃ.
൨൪൩. ആരോഗ്യത്ഥഞ്ച സുഖത്ഥഞ്ച ഭേസജ്ജത്ഥഞ്ച ദാനത്ഥഞ്ച പുഞ്ഞത്ഥഞ്ച യഞ്ഞത്ഥഞ്ച സഗ്ഗത്ഥഞ്ച ബീജത്ഥഞ്ച വീമംസത്ഥഞ്ച ദവത്ഥഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.
243. Ārogyatthañca sukhatthañca bhesajjatthañca dānatthañca puññatthañca yaññatthañca saggatthañca bījatthañca vīmaṃsatthañca davatthañca ceteti upakkamati muccati, āpatti saṅghādisesassa.
സബ്ബമൂലകം നിട്ഠിതം.
Sabbamūlakaṃ niṭṭhitaṃ.
൨൪൪. നീലഞ്ച പീതകഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.
244. Nīlañca pītakañca ceteti upakkamati muccati, āpatti saṅghādisesassa.
നീലഞ്ച ലോഹിതകഞ്ച…പേ॰… നീലഞ്ച ഓദാതഞ്ച… നീലഞ്ച തക്കവണ്ണഞ്ച… നീലഞ്ച ദകവണ്ണഞ്ച… നീലഞ്ച തേലവണ്ണഞ്ച… നീലഞ്ച ഖീരവണ്ണഞ്ച… നീലഞ്ച ദധിവണ്ണഞ്ച… നീലഞ്ച സപ്പിവണ്ണഞ്ച ചേതേതി ഉപക്കമതി മുച്ചത്തി, ആപത്തി സങ്ഘാദിസേസസ്സ.
Nīlañca lohitakañca…pe… nīlañca odātañca… nīlañca takkavaṇṇañca… nīlañca dakavaṇṇañca… nīlañca telavaṇṇañca… nīlañca khīravaṇṇañca… nīlañca dadhivaṇṇañca… nīlañca sappivaṇṇañca ceteti upakkamati muccatti, āpatti saṅghādisesassa.
ഏകമൂലകസ്സ ഖണ്ഡചക്കം നിട്ഠിതം.
Ekamūlakassa khaṇḍacakkaṃ niṭṭhitaṃ.
൨൪൫. പീതകഞ്ച ലോഹിതകഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.
245. Pītakañca lohitakañca ceteti upakkamati muccati, āpatti saṅghādisesassa.
പീതകഞ്ച ഓദാതഞ്ച…പേ॰… പീതകഞ്ച തക്കവണ്ണഞ്ച… പീതകഞ്ച ദകവണ്ണഞ്ച… പീതകഞ്ച തേലവണ്ണഞ്ച… പീതകഞ്ച ഖീരവണ്ണഞ്ച… പീതകഞ്ച ദധിവണ്ണഞ്ച… പീതകഞ്ച സപ്പിവണ്ണഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.
Pītakañca odātañca…pe… pītakañca takkavaṇṇañca… pītakañca dakavaṇṇañca… pītakañca telavaṇṇañca… pītakañca khīravaṇṇañca… pītakañca dadhivaṇṇañca… pītakañca sappivaṇṇañca ceteti upakkamati muccati, āpatti saṅghādisesassa.
പീതകഞ്ച നീലഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.
Pītakañca nīlañca ceteti upakkamati muccati, āpatti saṅghādisesassa.
ഏകമൂലകസ്സ ബദ്ധചക്കം.
Ekamūlakassa baddhacakkaṃ.
൨൪൬. ലോഹിതകഞ്ച ഓദാതഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.
246. Lohitakañca odātañca ceteti upakkamati muccati, āpatti saṅghādisesassa.
ലോഹിതകഞ്ച തക്കവണ്ണഞ്ച…പേ॰… ലോഹിതകഞ്ച ദകവണ്ണഞ്ച… ലോഹിതകഞ്ച തേലവണ്ണഞ്ച… ലോഹിതകഞ്ച ഖീരവണ്ണഞ്ച… ലോഹിതകഞ്ച ദധിവണ്ണഞ്ച… ലോഹിതകഞ്ച സപ്പിവണ്ണഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.
Lohitakañca takkavaṇṇañca…pe… lohitakañca dakavaṇṇañca… lohitakañca telavaṇṇañca… lohitakañca khīravaṇṇañca… lohitakañca dadhivaṇṇañca… lohitakañca sappivaṇṇañca ceteti upakkamati muccati, āpatti saṅghādisesassa.
ലോഹിതകഞ്ച നീലഞ്ച…പേ॰… ലോഹിതകഞ്ച പീതകഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.
Lohitakañca nīlañca…pe… lohitakañca pītakañca ceteti upakkamati muccati, āpatti saṅghādisesassa.
ഓദാതഞ്ച തക്കവണ്ണഞ്ച…പേ॰… ഓദാതഞ്ച ദകവണ്ണഞ്ച… ഓദാതഞ്ച തേലവണ്ണഞ്ച… ഓദാതഞ്ച ഖീരവണ്ണഞ്ച… ഓദാതഞ്ച ദധിവണ്ണഞ്ച… ഓദാതഞ്ച സപ്പിവണ്ണഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.
Odātañca takkavaṇṇañca…pe… odātañca dakavaṇṇañca… odātañca telavaṇṇañca… odātañca khīravaṇṇañca… odātañca dadhivaṇṇañca… odātañca sappivaṇṇañca ceteti upakkamati muccati, āpatti saṅghādisesassa.
ഓദാതഞ്ച നീലഞ്ച…പേ॰… ഓദാതഞ്ച പീതകഞ്ച… ഓദാതഞ്ച ലോഹിതകഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.
Odātañca nīlañca…pe… odātañca pītakañca… odātañca lohitakañca ceteti upakkamati muccati, āpatti saṅghādisesassa.
തക്കവണ്ണഞ്ച ദകവണ്ണഞ്ച…പേ॰… തക്കവണ്ണഞ്ച തേലവണ്ണഞ്ച… തക്കവണ്ണഞ്ച ഖീരവണ്ണഞ്ച… തക്കവണ്ണഞ്ച ദധിവണ്ണഞ്ച… തക്കവണ്ണഞ്ച സപ്പിവണ്ണഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.
Takkavaṇṇañca dakavaṇṇañca…pe… takkavaṇṇañca telavaṇṇañca… takkavaṇṇañca khīravaṇṇañca… takkavaṇṇañca dadhivaṇṇañca… takkavaṇṇañca sappivaṇṇañca ceteti upakkamati muccati, āpatti saṅghādisesassa.
തക്കവണ്ണഞ്ച നീലഞ്ച…പേ॰… തക്കവണ്ണഞ്ച പീതകഞ്ച… തക്കവണ്ണഞ്ച ലോഹിതകഞ്ച… തക്കവണ്ണഞ്ച ഓദാതഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.
Takkavaṇṇañca nīlañca…pe… takkavaṇṇañca pītakañca… takkavaṇṇañca lohitakañca… takkavaṇṇañca odātañca ceteti upakkamati muccati, āpatti saṅghādisesassa.
ദകവണ്ണഞ്ച തേലവണ്ണഞ്ച…പേ॰… ദകവണ്ണഞ്ച ഖീരവണ്ണഞ്ച… ദകവണ്ണഞ്ച ദധിവണ്ണഞ്ച… ദകവണ്ണഞ്ച സപ്പിവണ്ണഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.
Dakavaṇṇañca telavaṇṇañca…pe… dakavaṇṇañca khīravaṇṇañca… dakavaṇṇañca dadhivaṇṇañca… dakavaṇṇañca sappivaṇṇañca ceteti upakkamati muccati, āpatti saṅghādisesassa.
ദകവണ്ണഞ്ച നീലഞ്ച…പേ॰… ദകവണ്ണഞ്ച പീതകഞ്ച… ദകവണ്ണഞ്ച ലോഹിതകഞ്ച… ദകവണ്ണഞ്ച ഓദാതഞ്ച… ദകവണ്ണഞ്ച തക്കവണ്ണഞ്ച ചേതേതി ഉപക്കമതി മുച്ചതി , ആപത്തി സങ്ഘാദിസേസസ്സ.
Dakavaṇṇañca nīlañca…pe… dakavaṇṇañca pītakañca… dakavaṇṇañca lohitakañca… dakavaṇṇañca odātañca… dakavaṇṇañca takkavaṇṇañca ceteti upakkamati muccati , āpatti saṅghādisesassa.
തേലവണ്ണഞ്ച ഖീരവണ്ണഞ്ച…പേ॰… തേലവണ്ണഞ്ച ദധിവണ്ണഞ്ച… തേലവണ്ണഞ്ച സപ്പിവണ്ണഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.
Telavaṇṇañca khīravaṇṇañca…pe… telavaṇṇañca dadhivaṇṇañca… telavaṇṇañca sappivaṇṇañca ceteti upakkamati muccati, āpatti saṅghādisesassa.
തേലവണ്ണഞ്ച നീലഞ്ച…പേ॰… തേലവണ്ണഞ്ച പീതകഞ്ച… തേലവണ്ണഞ്ച ലോഹിതകഞ്ച… തേലവണ്ണഞ്ച ഓദാതഞ്ച… തേലവണ്ണഞ്ച തക്കവണ്ണഞ്ച… തേലവണ്ണഞ്ച ദകവണ്ണഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.
Telavaṇṇañca nīlañca…pe… telavaṇṇañca pītakañca… telavaṇṇañca lohitakañca… telavaṇṇañca odātañca… telavaṇṇañca takkavaṇṇañca… telavaṇṇañca dakavaṇṇañca ceteti upakkamati muccati, āpatti saṅghādisesassa.
ഖീരവണ്ണഞ്ച ദധിവണ്ണഞ്ച…പേ॰… ഖീരവണ്ണഞ്ച സപ്പിവണ്ണഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.
Khīravaṇṇañca dadhivaṇṇañca…pe… khīravaṇṇañca sappivaṇṇañca ceteti upakkamati muccati, āpatti saṅghādisesassa.
ഖീരവണ്ണഞ്ച നീലഞ്ച…പേ॰… ഖീരവണ്ണഞ്ച പീതകഞ്ച… ഖീരവണ്ണഞ്ച ലോഹിതകഞ്ച… ഖീരവണ്ണഞ്ച ഓദാതഞ്ച… ഖീരവണ്ണഞ്ച തക്കവണ്ണഞ്ച… ഖീരവണ്ണഞ്ച ദകവണ്ണഞ്ച… ഖീരവണ്ണഞ്ച തേലവണ്ണഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.
Khīravaṇṇañca nīlañca…pe… khīravaṇṇañca pītakañca… khīravaṇṇañca lohitakañca… khīravaṇṇañca odātañca… khīravaṇṇañca takkavaṇṇañca… khīravaṇṇañca dakavaṇṇañca… khīravaṇṇañca telavaṇṇañca ceteti upakkamati muccati, āpatti saṅghādisesassa.
ദധിവണ്ണഞ്ച സപ്പിവണ്ണഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.
Dadhivaṇṇañca sappivaṇṇañca ceteti upakkamati muccati, āpatti saṅghādisesassa.
ദധിവണ്ണഞ്ച നീലഞ്ച…പേ॰… ദധിവണ്ണഞ്ച പീതകഞ്ച… ദധിവണ്ണഞ്ച ലോഹിതകഞ്ച… ദധിവണ്ണഞ്ച ഓദാതഞ്ച… ദധിവണ്ണഞ്ച തക്കവണ്ണഞ്ച… ദധിവണ്ണഞ്ച ദകവണ്ണഞ്ച… ദധിവണ്ണഞ്ച തേലവണ്ണഞ്ച… ദധിവണ്ണഞ്ച ഖീരവണ്ണഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.
Dadhivaṇṇañca nīlañca…pe… dadhivaṇṇañca pītakañca… dadhivaṇṇañca lohitakañca… dadhivaṇṇañca odātañca… dadhivaṇṇañca takkavaṇṇañca… dadhivaṇṇañca dakavaṇṇañca… dadhivaṇṇañca telavaṇṇañca… dadhivaṇṇañca khīravaṇṇañca ceteti upakkamati muccati, āpatti saṅghādisesassa.
സപ്പിവണ്ണഞ്ച നീലഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.
Sappivaṇṇañca nīlañca ceteti upakkamati muccati, āpatti saṅghādisesassa.
സപ്പിവണ്ണഞ്ച പീതകഞ്ച…പേ॰… സപ്പിവണ്ണഞ്ച ലോഹിതകഞ്ച… സപ്പിവണ്ണഞ്ച ഓദാതഞ്ച… സപ്പിവണ്ണഞ്ച തക്കവണ്ണഞ്ച… സപ്പിവണ്ണഞ്ച ദകവണ്ണഞ്ച… സപ്പിവണ്ണഞ്ച തേലവണ്ണഞ്ച… സപ്പിവണ്ണഞ്ച ഖീരവണ്ണഞ്ച … സപ്പിവണ്ണഞ്ച ദധിവണ്ണഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.
Sappivaṇṇañca pītakañca…pe… sappivaṇṇañca lohitakañca… sappivaṇṇañca odātañca… sappivaṇṇañca takkavaṇṇañca… sappivaṇṇañca dakavaṇṇañca… sappivaṇṇañca telavaṇṇañca… sappivaṇṇañca khīravaṇṇañca … sappivaṇṇañca dadhivaṇṇañca ceteti upakkamati muccati, āpatti saṅghādisesassa.
ഏകമൂലകസ്സ ബദ്ധചക്കം നിട്ഠിതം.
Ekamūlakassa baddhacakkaṃ niṭṭhitaṃ.
നീലഞ്ച പീതകഞ്ച ലോഹിതകഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ…പേ॰… നീലഞ്ച പീതകഞ്ച സപ്പിവണ്ണഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.
Nīlañca pītakañca lohitakañca ceteti upakkamati muccati, āpatti saṅghādisesassa…pe… nīlañca pītakañca sappivaṇṇañca ceteti upakkamati muccati, āpatti saṅghādisesassa.
ദുമൂലകസ്സ ഖണ്ഡചക്കം.
Dumūlakassa khaṇḍacakkaṃ.
പീതകഞ്ച ലോഹിതകഞ്ച ഓദാതഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ…പേ॰… പീതകഞ്ച ലോഹിതകഞ്ച സപ്പിവണ്ണഞ്ച…പേ॰… പീതകഞ്ച ലോഹിതകഞ്ച നീലഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.
Pītakañca lohitakañca odātañca ceteti upakkamati muccati, āpatti saṅghādisesassa…pe… pītakañca lohitakañca sappivaṇṇañca…pe… pītakañca lohitakañca nīlañca ceteti upakkamati muccati, āpatti saṅghādisesassa.
ദുമൂലകസ്സ ബദ്ധചക്കം സംഖിത്തം.
Dumūlakassa baddhacakkaṃ saṃkhittaṃ.
ദധിവണ്ണഞ്ച സപ്പിവണ്ണഞ്ച നീലഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ…പേ॰… ദധിവണ്ണഞ്ച സപ്പിവണ്ണഞ്ച ഖീരവണ്ണഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.
Dadhivaṇṇañca sappivaṇṇañca nīlañca ceteti upakkamati muccati, āpatti saṅghādisesassa…pe… dadhivaṇṇañca sappivaṇṇañca khīravaṇṇañca ceteti upakkamati muccati, āpatti saṅghādisesassa.
ദുമൂലകം നിട്ഠിതം.
Dumūlakaṃ niṭṭhitaṃ.
തിമൂലകമ്പി ചതുമൂലകമ്പി പഞ്ചമൂലകമ്പി ഛമൂലകമ്പി സത്തമൂലകമ്പി അട്ഠമൂലകമ്പി നവമൂലകമ്പി ഏവമേവ വിത്ഥാരേതബ്ബം.
Timūlakampi catumūlakampi pañcamūlakampi chamūlakampi sattamūlakampi aṭṭhamūlakampi navamūlakampi evameva vitthāretabbaṃ.
ഇദം സബ്ബമൂലകം.
Idaṃ sabbamūlakaṃ.
൨൪൭. നീലഞ്ച പീതകഞ്ച ലോഹിതകഞ്ച ഓദാതഞ്ച തക്കവണ്ണഞ്ച ദകവണ്ണഞ്ച തേലവണ്ണഞ്ച ഖീരവണ്ണഞ്ച ദധിവണ്ണഞ്ച സപ്പിവണ്ണഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.
247. Nīlañca pītakañca lohitakañca odātañca takkavaṇṇañca dakavaṇṇañca telavaṇṇañca khīravaṇṇañca dadhivaṇṇañca sappivaṇṇañca ceteti upakkamati muccati, āpatti saṅghādisesassa.
സബ്ബമൂലകം നിട്ഠിതം.
Sabbamūlakaṃ niṭṭhitaṃ.
൨൪൮. ആരോഗ്യത്ഥഞ്ച നീലഞ്ച 5 ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.
248. Ārogyatthañca nīlañca 6 ceteti upakkamati muccati, āpatti saṅghādisesassa.
ആരോഗ്യത്ഥഞ്ച സുഖത്ഥഞ്ച നീലഞ്ച പീതകഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.
Ārogyatthañca sukhatthañca nīlañca pītakañca ceteti upakkamati muccati, āpatti saṅghādisesassa.
ആരോഗ്യത്ഥഞ്ച സുഖത്ഥഞ്ച ഭേസജ്ജത്ഥഞ്ച നീലഞ്ച പീതകഞ്ച ലോഹിതകഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.
Ārogyatthañca sukhatthañca bhesajjatthañca nīlañca pītakañca lohitakañca ceteti upakkamati muccati, āpatti saṅghādisesassa.
ഉഭതോ വഡ്ഢകം ഏവമേവ വഡ്ഢേതബ്ബം.
Ubhato vaḍḍhakaṃ evameva vaḍḍhetabbaṃ.
ആരോഗ്യത്ഥഞ്ച സുഖത്ഥഞ്ച ഭേസജ്ജത്ഥഞ്ച ദാനത്ഥഞ്ച പുഞ്ഞത്ഥഞ്ച യഞ്ഞത്ഥഞ്ച സഗ്ഗത്ഥഞ്ച ബീജത്ഥഞ്ച വീമംസത്ഥഞ്ച ദവത്ഥഞ്ച നീലഞ്ച പീതകഞ്ച ലോഹിതകഞ്ച ഓദാതഞ്ച തക്കവണ്ണഞ്ച ദകവണ്ണഞ്ച തേലവണ്ണഞ്ച ഖീരവണ്ണഞ്ച ദധിവണ്ണഞ്ച സപ്പിവണ്ണഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.
Ārogyatthañca sukhatthañca bhesajjatthañca dānatthañca puññatthañca yaññatthañca saggatthañca bījatthañca vīmaṃsatthañca davatthañca nīlañca pītakañca lohitakañca odātañca takkavaṇṇañca dakavaṇṇañca telavaṇṇañca khīravaṇṇañca dadhivaṇṇañca sappivaṇṇañca ceteti upakkamati muccati, āpatti saṅghādisesassa.
മിസ്സകചക്കം നിട്ഠിതം.
Missakacakkaṃ niṭṭhitaṃ.
൨൪൯. നീലം മോചേസ്സാമീതി ചേതേതി ഉപക്കമതി പീതകം മുച്ചതി, ആപത്തി സങ്ഘാദിസേസസ്സ.
249. Nīlaṃ mocessāmīti ceteti upakkamati pītakaṃ muccati, āpatti saṅghādisesassa.
നീലം മോചേസ്സാമീതി ചേതേതി ഉപക്കമതി ലോഹിതകം…പേ॰… ഓദാതം … തക്കവണ്ണം… ദകവണ്ണം… തേലവണ്ണം… ഖീരവണ്ണം… ദധിവണ്ണം… സപ്പിവണ്ണം മുച്ചതി, ആപത്തി സങ്ഘാദിസേസസ്സ.
Nīlaṃ mocessāmīti ceteti upakkamati lohitakaṃ…pe… odātaṃ … takkavaṇṇaṃ… dakavaṇṇaṃ… telavaṇṇaṃ… khīravaṇṇaṃ… dadhivaṇṇaṃ… sappivaṇṇaṃ muccati, āpatti saṅghādisesassa.
ഖണ്ഡചക്കം നിട്ഠിതം.
Khaṇḍacakkaṃ niṭṭhitaṃ.
൨൫൦. പീതകം മോചേസ്സാമീതി ചേതേതി ഉപക്കമതി ലോഹിതകം മുച്ചതി, ആപത്തി സങ്ഘാദിസേസസ്സ.
250. Pītakaṃ mocessāmīti ceteti upakkamati lohitakaṃ muccati, āpatti saṅghādisesassa.
പീതകം മോചേസ്സാമീതി ചേതേതി ഉപക്കമതി ഓദാതം…പേ॰… തക്കവണ്ണം… ദകവണ്ണം… തേലവണ്ണം… ഖീരവണ്ണം… ദധിവണ്ണം… സപ്പിവണ്ണം… നീലം മുച്ചതി, ആപത്തി സങ്ഘാദിസേസസ്സ.
Pītakaṃ mocessāmīti ceteti upakkamati odātaṃ…pe… takkavaṇṇaṃ… dakavaṇṇaṃ… telavaṇṇaṃ… khīravaṇṇaṃ… dadhivaṇṇaṃ… sappivaṇṇaṃ… nīlaṃ muccati, āpatti saṅghādisesassa.
ബദ്ധചക്കമൂലം സംഖിത്തം.
Baddhacakkamūlaṃ saṃkhittaṃ.
൨൫൧. സപ്പിവണ്ണം മോചേസ്സാമീതി ചേതേതി ഉപക്കമതി നീലം മുച്ചതി, ആപത്തി സങ്ഘാദിസേസസ്സ.
251. Sappivaṇṇaṃ mocessāmīti ceteti upakkamati nīlaṃ muccati, āpatti saṅghādisesassa.
സപ്പിവണ്ണം മോചേസ്സാമീതി ചേതേതി ഉപക്കമതി പീതകം…പേ॰… ലോഹിതകം… ഓദാതം … തക്കവണ്ണം… ദകവണ്ണം… തേലവണ്ണം… ഖീരവണ്ണം… ദധിവണ്ണം മുച്ചതി, ആപത്തി സങ്ഘാദിസേസസ്സ.
Sappivaṇṇaṃ mocessāmīti ceteti upakkamati pītakaṃ…pe… lohitakaṃ… odātaṃ … takkavaṇṇaṃ… dakavaṇṇaṃ… telavaṇṇaṃ… khīravaṇṇaṃ… dadhivaṇṇaṃ muccati, āpatti saṅghādisesassa.
കുച്ഛിചക്കം നിട്ഠിതം.
Kucchicakkaṃ niṭṭhitaṃ.
൨൫൨. പീതകം മോചേസ്സാമീതി ചേതേതി ഉപക്കമതി നീലം മുച്ചതി, ആപത്തി സങ്ഘാദിസേസസ്സ.
252. Pītakaṃ mocessāmīti ceteti upakkamati nīlaṃ muccati, āpatti saṅghādisesassa.
ലോഹിതകം…പേ॰… ഓദാതം… തക്കവണ്ണം… ദകവണ്ണം… തേലവണ്ണം… ഖീരവണ്ണം… ദധിവണ്ണം… സപ്പിവണ്ണം മോചേസ്സാമീതി ചേതേതി ഉപക്കമതി നീലം മുച്ചതി, ആപത്തി സങ്ഘാദിസേസസ്സ.
Lohitakaṃ…pe… odātaṃ… takkavaṇṇaṃ… dakavaṇṇaṃ… telavaṇṇaṃ… khīravaṇṇaṃ… dadhivaṇṇaṃ… sappivaṇṇaṃ mocessāmīti ceteti upakkamati nīlaṃ muccati, āpatti saṅghādisesassa.
പിട്ഠിചക്കസ്സ പഠമം ഗമനം നിട്ഠിതം.
Piṭṭhicakkassa paṭhamaṃ gamanaṃ niṭṭhitaṃ.
൨൫൩. ലോഹിതകം മോചേസ്സാമീതി ചേതേതി ഉപക്കമതി പീതകം മുച്ചതി, ആപത്തി സങ്ഘാദിസേസസ്സ.
253. Lohitakaṃ mocessāmīti ceteti upakkamati pītakaṃ muccati, āpatti saṅghādisesassa.
ഓദാതം…പേ॰… തക്കവണ്ണം… ദകവണ്ണം… തേലവണ്ണം… ഖീരവണ്ണം
Odātaṃ…pe… takkavaṇṇaṃ… dakavaṇṇaṃ… telavaṇṇaṃ… khīravaṇṇaṃ
… ദധിവണ്ണം… സപ്പിവണ്ണം… നീലം മോചേസ്സാമീതി ചേതേതി ഉപക്കമതി പീതകം മുച്ചതി, ആപത്തി സങ്ഘാദിസേസസ്സ.
… Dadhivaṇṇaṃ… sappivaṇṇaṃ… nīlaṃ mocessāmīti ceteti upakkamati pītakaṃ muccati, āpatti saṅghādisesassa.
പിട്ഠിചക്കസ്സ ദുതിയം ഗമനം നിട്ഠിതം.
Piṭṭhicakkassa dutiyaṃ gamanaṃ niṭṭhitaṃ.
൨൫൪. ഓദാതം മോചേസ്സാമീതി ചേതേതി ഉപക്കമതി ലോഹിതകം മുച്ചതി, ആപത്തി സങ്ഘാദിസേസസ്സ.
254. Odātaṃ mocessāmīti ceteti upakkamati lohitakaṃ muccati, āpatti saṅghādisesassa.
തക്കവണ്ണം…പേ॰… ദകവണ്ണം… തേലവണ്ണം… ഖീരവണ്ണം… ദധിവണ്ണം…
Takkavaṇṇaṃ…pe… dakavaṇṇaṃ… telavaṇṇaṃ… khīravaṇṇaṃ… dadhivaṇṇaṃ…
സപ്പിവണ്ണം… നീലം … പീതകം മോചേസ്സാമീതി ചേതേതി ഉപക്കമതി ലോഹിതകം മുച്ചതി, ആപത്തി സങ്ഘാദിസേസസ്സ.
Sappivaṇṇaṃ… nīlaṃ … pītakaṃ mocessāmīti ceteti upakkamati lohitakaṃ muccati, āpatti saṅghādisesassa.
പിട്ഠിചക്കസ്സ തതിയം ഗമനം നിട്ഠിതം.
Piṭṭhicakkassa tatiyaṃ gamanaṃ niṭṭhitaṃ.
൨൫൫. തക്കവണ്ണം മോചേസ്സാമീതി ചേതേതി ഉപക്കമതി ഓദാതം മുച്ചതി, ആപത്തി സങ്ഘാദിസേസസ്സ.
255. Takkavaṇṇaṃ mocessāmīti ceteti upakkamati odātaṃ muccati, āpatti saṅghādisesassa.
ദകവണ്ണം…പേ॰… തേലവണ്ണം… ഖീരവണ്ണം… ദധിവണ്ണം… സപ്പിവണ്ണം… നീലം… പീതകം… ലോഹിതകം മോചേസ്സാമീതി ചേതേതി ഉപക്കമതി ഓദാതം മുച്ചതി, ആപത്തി സങ്ഘാദിസേസസ്സ.
Dakavaṇṇaṃ…pe… telavaṇṇaṃ… khīravaṇṇaṃ… dadhivaṇṇaṃ… sappivaṇṇaṃ… nīlaṃ… pītakaṃ… lohitakaṃ mocessāmīti ceteti upakkamati odātaṃ muccati, āpatti saṅghādisesassa.
പിട്ഠിചക്കസ്സ ചതുത്ഥം ഗമനം നിട്ഠിതം.
Piṭṭhicakkassa catutthaṃ gamanaṃ niṭṭhitaṃ.
൨൫൬. ദകവണ്ണം മോചേസ്സാമീതി ചേതേതി ഉപക്കമതി തക്കവണ്ണം മുച്ചതി, ആപത്തി സങ്ഘാദിസേസസ്സ.
256. Dakavaṇṇaṃ mocessāmīti ceteti upakkamati takkavaṇṇaṃ muccati, āpatti saṅghādisesassa.
തേലവണ്ണം …പേ॰… ഖീരവണ്ണം… ദധിവണ്ണം… സപ്പിവണ്ണം… നീല…
Telavaṇṇaṃ …pe… khīravaṇṇaṃ… dadhivaṇṇaṃ… sappivaṇṇaṃ… nīla…
പീതകം… ലോഹിതകം… ഓദാതം മോചേസ്സാമീതി ചേതേതി ഉപക്കമതി തക്കവണ്ണം മുച്ചതി, ആപത്തി സങ്ഘാദിസേസസ്സ.
Pītakaṃ… lohitakaṃ… odātaṃ mocessāmīti ceteti upakkamati takkavaṇṇaṃ muccati, āpatti saṅghādisesassa.
പിട്ഠിചക്കസ്സ പഞ്ചമം ഗമനം നിട്ഠിതം.
Piṭṭhicakkassa pañcamaṃ gamanaṃ niṭṭhitaṃ.
൨൫൭. തേലവണ്ണം മോചേസ്സാമീതി ചേതേതി ഉപക്കമതി ദകവണ്ണം മുച്ചതി, ആപത്തി സങ്ഘാദിസേസസ്സ.
257. Telavaṇṇaṃ mocessāmīti ceteti upakkamati dakavaṇṇaṃ muccati, āpatti saṅghādisesassa.
ഖീരവണ്ണം…പേ॰… ദധിവണ്ണം… സപ്പിവണ്ണം… നീലം … പീതകം… ലോഹിതകം…
Khīravaṇṇaṃ…pe… dadhivaṇṇaṃ… sappivaṇṇaṃ… nīlaṃ … pītakaṃ… lohitakaṃ…
ഓദാതം… തക്കവണ്ണം മോചേസ്സാമീതി ചേതേതി ഉപക്കമതി ദകവണ്ണം മുച്ചതി, ആപത്തി സങ്ഘാദിസേസസ്സ.
Odātaṃ… takkavaṇṇaṃ mocessāmīti ceteti upakkamati dakavaṇṇaṃ muccati, āpatti saṅghādisesassa.
പിട്ഠിചക്കസ്സ ഛട്ഠം ഗമനം നിട്ഠിതം.
Piṭṭhicakkassa chaṭṭhaṃ gamanaṃ niṭṭhitaṃ.
൨൫൮. ഖീരവണ്ണം മോചേസ്സാമീതി ചേതേതി ഉപക്കമതി തേലവണ്ണം മുച്ചതി, ആപത്തി സങ്ഘാദിസേസസ്സ.
258. Khīravaṇṇaṃ mocessāmīti ceteti upakkamati telavaṇṇaṃ muccati, āpatti saṅghādisesassa.
ദധിവണ്ണം…പേ॰… സപ്പിവണ്ണം… നീലം… പീതകം… ലോഹിതകം… ഓദാതം… തക്കവണ്ണം… ദകവണ്ണം മോചേസ്സാമീതി ചേതേതി ഉപക്കമതി തേലവണ്ണം മുച്ചതി, ആപത്തി സങ്ഘാദിസേസസ്സ.
Dadhivaṇṇaṃ…pe… sappivaṇṇaṃ… nīlaṃ… pītakaṃ… lohitakaṃ… odātaṃ… takkavaṇṇaṃ… dakavaṇṇaṃ mocessāmīti ceteti upakkamati telavaṇṇaṃ muccati, āpatti saṅghādisesassa.
പിട്ഠിചക്കസ്സ സത്തമം ഗമനം നിട്ഠിതം.
Piṭṭhicakkassa sattamaṃ gamanaṃ niṭṭhitaṃ.
൨൫൯. ദധിവണ്ണം മോചേസ്സാമീതി ചേതേതി ഉപക്കമതി ഖീരവണ്ണം മുച്ചതി, ആപത്തി സങ്ഘാദിസേസസ്സ.
259. Dadhivaṇṇaṃ mocessāmīti ceteti upakkamati khīravaṇṇaṃ muccati, āpatti saṅghādisesassa.
സപ്പിവണ്ണം…പേ॰… നീലം… പീതകം… ലോഹിതകം… ഓദാതം… തക്കവണ്ണം… ദകവണ്ണം… തേലവണ്ണം മോചേസ്സാമീതി ചേതേതി ഉപക്കമതി ഖീരവണ്ണം മുച്ചതി, ആപത്തി സങ്ഘാദിസേസസ്സ.
Sappivaṇṇaṃ…pe… nīlaṃ… pītakaṃ… lohitakaṃ… odātaṃ… takkavaṇṇaṃ… dakavaṇṇaṃ… telavaṇṇaṃ mocessāmīti ceteti upakkamati khīravaṇṇaṃ muccati, āpatti saṅghādisesassa.
പിട്ഠിചക്കസ്സ അട്ഠമം ഗമനം നിട്ഠിതം.
Piṭṭhicakkassa aṭṭhamaṃ gamanaṃ niṭṭhitaṃ.
൨൬൦. സപ്പിവണ്ണം മോചേസ്സാമീതി ചേതേതി ഉപക്കമതി ദധിവണ്ണം മുച്ചതി, ആപത്തി സങ്ഘാദിസേസസ്സ.
260. Sappivaṇṇaṃ mocessāmīti ceteti upakkamati dadhivaṇṇaṃ muccati, āpatti saṅghādisesassa.
നീലം…പേ॰… പീതകം… ലോഹിതകം… ഓദാതം… തക്കവണ്ണം… ദകവണ്ണം… തേലവണ്ണം… ഖീരവണ്ണം മോചേസ്സാമീതി ചേതേതി ഉപക്കമതി ദധിവണ്ണം മുച്ചതി, ആപത്തി സങ്ഘാദിസേസസ്സ.
Nīlaṃ…pe… pītakaṃ… lohitakaṃ… odātaṃ… takkavaṇṇaṃ… dakavaṇṇaṃ… telavaṇṇaṃ… khīravaṇṇaṃ mocessāmīti ceteti upakkamati dadhivaṇṇaṃ muccati, āpatti saṅghādisesassa.
പിട്ഠിചക്കസ്സ നവമം ഗമനം നിട്ഠിതം.
Piṭṭhicakkassa navamaṃ gamanaṃ niṭṭhitaṃ.
൨൬൧. നീലം മോചേസ്സാമീതി ചേതേതി ഉപക്കമതി സപ്പിവണ്ണം മുച്ചതി, ആപത്തി സങ്ഘാദിസേസസ്സ.
261. Nīlaṃ mocessāmīti ceteti upakkamati sappivaṇṇaṃ muccati, āpatti saṅghādisesassa.
പീതകം …പേ॰… ലോഹിതകം… ഓദാതം… തക്കവണ്ണം… ദകവണ്ണം … തേലവണ്ണം… ഖീരവണ്ണം… ദധിവണ്ണം മോചേസ്സാമീതി ചേതേതി ഉപക്കമതി സപ്പിവണ്ണം മുച്ചതി, ആപത്തി സങ്ഘാദിസേസസ്സ.
Pītakaṃ …pe… lohitakaṃ… odātaṃ… takkavaṇṇaṃ… dakavaṇṇaṃ … telavaṇṇaṃ… khīravaṇṇaṃ… dadhivaṇṇaṃ mocessāmīti ceteti upakkamati sappivaṇṇaṃ muccati, āpatti saṅghādisesassa.
പിട്ഠിചക്കസ്സ ദസമം ഗമനം നിട്ഠിതം.
Piṭṭhicakkassa dasamaṃ gamanaṃ niṭṭhitaṃ.
പിട്ഠിചക്കം നിട്ഠിതം.
Piṭṭhicakkaṃ niṭṭhitaṃ.
൨൬൨. ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.
262. Ceteti upakkamati muccati, āpatti saṅghādisesassa.
ചേതേതി ഉപക്കമതി ന മുച്ചതി, ആപത്തി ഥുല്ലച്ചയസ്സ.
Ceteti upakkamati na muccati, āpatti thullaccayassa.
ചേതേതി ന ഉപക്കമതി മുച്ചതി, അനാപത്തി.
Ceteti na upakkamati muccati, anāpatti.
ചേതേതി ന ഉപക്കമതി ന മുച്ചതി, അനാപത്തി.
Ceteti na upakkamati na muccati, anāpatti.
ന ചേതേതി ഉപക്കമതി മുച്ചതി, അനാപത്തി.
Na ceteti upakkamati muccati, anāpatti.
ന ചേതേതി ഉപക്കമതി ന മുച്ചതി, അനാപത്തി.
Na ceteti upakkamati na muccati, anāpatti.
ന ചേതേതി ന ഉപക്കമതി മുച്ചതി, അനാപത്തി.
Na ceteti na upakkamati muccati, anāpatti.
ന ചേതേതി ന ഉപക്കമതി ന മുച്ചതി, അനാപത്തി.
Na ceteti na upakkamati na muccati, anāpatti.
അനാപത്തി സുപിനന്തേന, നമോചനാധിപ്പായസ്സ, ഉമ്മത്തകസ്സ, ഖിത്തചിത്തസ്സ, വേദനാട്ടസ്സ, ആദികമ്മികസ്സാതി.
Anāpatti supinantena, namocanādhippāyassa, ummattakassa, khittacittassa, vedanāṭṭassa, ādikammikassāti.
വിനീതവത്ഥുഉദ്ദാനഗാഥാ
Vinītavatthuuddānagāthā
സുപിനോച്ചാരപസ്സാവോ , വിതക്കുണ്ഹോദകേന ച;
Supinoccārapassāvo , vitakkuṇhodakena ca;
ഭേസജ്ജം കണ്ഡുവം മഗ്ഗോ, വത്ഥി ജന്താഘരുപക്കമോ 7.
Bhesajjaṃ kaṇḍuvaṃ maggo, vatthi jantāgharupakkamo 8.
സാമണേരോ ച സുത്തോ ച, ഊരു മുട്ഠിനാ പീളയി;
Sāmaṇero ca sutto ca, ūru muṭṭhinā pīḷayi;
ആകാസേ ഥമ്ഭം നിജ്ഝായി, ഛിദ്ദം കട്ഠേന ഘട്ടയി.
Ākāse thambhaṃ nijjhāyi, chiddaṃ kaṭṭhena ghaṭṭayi.
സോതോ ഉദഞ്ജലം ധാവം, പുപ്ഫാവലിയം പോക്ഖരം;
Soto udañjalaṃ dhāvaṃ, pupphāvaliyaṃ pokkharaṃ;
വിനീതവത്ഥു
Vinītavatthu
൨൬൩. തേന ഖോ പന സമയേന അഞ്ഞതരസ്സ ഭിക്ഖുനോ സുപിനന്തേന അസുചി മുച്ചി. തസ്സ കുക്കുച്ചം അഹോസി – ‘‘ഭഗവതാ സിക്ഖാപദം പഞ്ഞത്തം, കച്ചി നു ഖോ അഹം സങ്ഘാദിസേസം ആപത്തിം ആപന്നോ’’തി? ഭഗവതോ ഏതമത്ഥം ആരോചേസി. ‘‘അനാപത്തി, ഭിക്ഖു, സുപിനന്തേനാ’’തി.
263. Tena kho pana samayena aññatarassa bhikkhuno supinantena asuci mucci. Tassa kukkuccaṃ ahosi – ‘‘bhagavatā sikkhāpadaṃ paññattaṃ, kacci nu kho ahaṃ saṅghādisesaṃ āpattiṃ āpanno’’ti? Bhagavato etamatthaṃ ārocesi. ‘‘Anāpatti, bhikkhu, supinantenā’’ti.
തേന ഖോ പന സമയേന അഞ്ഞതരസ്സ ഭിക്ഖുനോ ഉച്ചാരം കരോന്തസ്സ അസുചി മുച്ചി. തസ്സ കുക്കുച്ചം അഹോസി…പേ॰… ‘‘കിംചിത്തോ ത്വം, ഭിക്ഖൂ’’തി? ‘‘നാഹം, ഭഗവാ, മോചനാധിപ്പായോ’’തി. ‘‘അനാപത്തി, ഭിക്ഖു, നമോചനാധിപ്പായസ്സാ’’തി.
Tena kho pana samayena aññatarassa bhikkhuno uccāraṃ karontassa asuci mucci. Tassa kukkuccaṃ ahosi…pe… ‘‘kiṃcitto tvaṃ, bhikkhū’’ti? ‘‘Nāhaṃ, bhagavā, mocanādhippāyo’’ti. ‘‘Anāpatti, bhikkhu, namocanādhippāyassā’’ti.
തേന ഖോ പന സമയേന അഞ്ഞതരസ്സ ഭിക്ഖുനോ പസ്സാവം കരോന്തസ്സ അസുചി മുച്ചി. തസ്സ കുക്കുച്ചം അഹോസി…പേ॰… ‘‘അനാപത്തി, ഭിക്ഖു, നമോചനാധിപ്പായസ്സാ’’തി.
Tena kho pana samayena aññatarassa bhikkhuno passāvaṃ karontassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
തേന ഖോ പന സമയേന അഞ്ഞതരസ്സ ഭിക്ഖുനോ കാമവിതക്കം വിതക്കേന്തസ്സ അസുചി മുച്ചി. തസ്സ കുക്കുച്ചം അഹോസി…പേ॰… ‘‘അനാപത്തി, ഭിക്ഖു, വിതക്കേന്തസ്സാ’’തി.
Tena kho pana samayena aññatarassa bhikkhuno kāmavitakkaṃ vitakkentassa asuci mucci. Tassa kukkuccaṃ ahosi…pe… ‘‘anāpatti, bhikkhu, vitakkentassā’’ti.
തേന ഖോ പന സമയേന അഞ്ഞതരസ്സ ഭിക്ഖുനോ ഉണ്ഹോദകേന ന്ഹായന്തസ്സ അസുചി മുച്ചി. തസ്സ കുക്കുച്ചം അഹോസി…പേ॰… ‘‘കിംചിത്തോ ത്വം, ഭിക്ഖൂ’’തി? ‘‘നാഹം, ഭഗവാ, മോചനാധിപ്പായോ’’തി. ‘‘അനാപത്തി, ഭിക്ഖു, നമോചനാധിപ്പായസ്സാ’’തി.
Tena kho pana samayena aññatarassa bhikkhuno uṇhodakena nhāyantassa asuci mucci. Tassa kukkuccaṃ ahosi…pe… ‘‘kiṃcitto tvaṃ, bhikkhū’’ti? ‘‘Nāhaṃ, bhagavā, mocanādhippāyo’’ti. ‘‘Anāpatti, bhikkhu, namocanādhippāyassā’’ti.
തേന ഖോ പന സമയേന അഞ്ഞതരസ്സ ഭിക്ഖുനോ മോചനാധിപ്പായസ്സ ഉണ്ഹോദകേന ന്ഹായന്തസ്സ അസുചി മുച്ചി. തസ്സ കുക്കുച്ചം അഹോസി…പേ॰… ‘‘ആപത്തിം ത്വം, ഭിക്ഖു, ആപന്നോ സങ്ഘാദിസേസ’’ന്തി.
Tena kho pana samayena aññatarassa bhikkhuno mocanādhippāyassa uṇhodakena nhāyantassa asuci mucci. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno saṅghādisesa’’nti.
തേന ഖോ പന സമയേന അഞ്ഞതരസ്സ ഭിക്ഖുനോ മോചനാധിപ്പായസ്സ ഉണ്ഹോദകേന ന്ഹായന്തസ്സ അസുചി ന മുച്ചി. തസ്സ കുക്കുച്ചം അഹോസി…പേ॰… ‘‘അനാപത്തി, ഭിക്ഖു, സങ്ഘാദിസേസസ്സ; ആപത്തി ഥുല്ലച്ചയസ്സാ’’തി.
Tena kho pana samayena aññatarassa bhikkhuno mocanādhippāyassa uṇhodakena nhāyantassa asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
തേന ഖോ പന സമയേന അഞ്ഞതരസ്സ ഭിക്ഖുനോ അങ്ഗജാതേ വണോ ഹോതി. ഭേസജ്ജേന 11 ആലിമ്പേന്തസ്സ അസുചി മുച്ചി. തസ്സ കുക്കുച്ചം അഹോസി…പേ॰… ‘‘അനാപത്തി, ഭിക്ഖു, നമോചനാധിപ്പായസ്സാ’’തി.
Tena kho pana samayena aññatarassa bhikkhuno aṅgajāte vaṇo hoti. Bhesajjena 12 ālimpentassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
തേന ഖോ പന സമയേന അഞ്ഞതരസ്സ ഭിക്ഖുനോ അങ്ഗജാതേ വണോ ഹോതി. മോചനാധിപ്പായസ്സ 13 ഭേസജ്ജേന ആലിമ്പേന്തസ്സ അസുചി മുച്ചി…പേ॰… അസുചി ന മുച്ചി. തസ്സ കുക്കുച്ചം അഹോസി…പേ॰… ‘‘അനാപത്തി, ഭിക്ഖു, സങ്ഘാദിസേസസ്സ; ആപത്തി ഥുല്ലച്ചയസ്സാ’’തി.
Tena kho pana samayena aññatarassa bhikkhuno aṅgajāte vaṇo hoti. Mocanādhippāyassa 14 bhesajjena ālimpentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
തേന ഖോ പന സമയേന അഞ്ഞതരസ്സ ഭിക്ഖുനോ അണ്ഡം കണ്ഡുവന്തസ്സ അസുചി മുച്ചി. തസ്സ കുക്കുച്ചം അഹോസി…പേ॰… ‘‘അനാപത്തി , ഭിക്ഖു, നമോചനാധിപ്പായസ്സാ’’തി.
Tena kho pana samayena aññatarassa bhikkhuno aṇḍaṃ kaṇḍuvantassa asuci mucci. Tassa kukkuccaṃ ahosi…pe… ‘‘anāpatti , bhikkhu, namocanādhippāyassā’’ti.
തേന ഖോ പന സമയേന അഞ്ഞതരസ്സ ഭിക്ഖുനോ മോചനാധിപ്പായസ്സ അണ്ഡം കണ്ഡുവന്തസ്സ 15 അസുചി മുച്ചി…പേ॰… അസുചി ന മുച്ചി. തസ്സ കുക്കുച്ചം അഹോസി…പേ॰… ‘‘അനാപത്തി, ഭിക്ഖു, സങ്ഘാദിസേസസ്സ; ആപത്തി ഥുല്ലച്ചയസ്സാ’’തി.
Tena kho pana samayena aññatarassa bhikkhuno mocanādhippāyassa aṇḍaṃ kaṇḍuvantassa 16 asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
൨൬൪. തേന ഖോ പന സമയേന അഞ്ഞതരസ്സ ഭിക്ഖുനോ മഗ്ഗം ഗച്ഛന്തസ്സ അസുചി മുച്ചി. തസ്സ കുക്കുച്ചം അഹോസി…പേ॰… ‘‘അനാപത്തി, ഭിക്ഖു, നമോചനാധിപ്പായസ്സാ’’തി.
264. Tena kho pana samayena aññatarassa bhikkhuno maggaṃ gacchantassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
തേന ഖോ പന സമയേന അഞ്ഞതരസ്സ ഭിക്ഖുനോ മോചനാധിപ്പായസ്സ മഗ്ഗം ഗച്ഛന്തസ്സ അസുചി മുച്ചി…പേ॰… അസുചി ന മുച്ചി. തസ്സ കുക്കുച്ചം അഹോസി…പേ॰… ‘‘അനാപത്തി, ഭിക്ഖു, സങ്ഘാദിസേസസ്സ; ആപത്തി ഥുല്ലച്ചയസ്സാ’’തി.
Tena kho pana samayena aññatarassa bhikkhuno mocanādhippāyassa maggaṃ gacchantassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
തേന ഖോ പന സമയേന അഞ്ഞതരസ്സ ഭിക്ഖുനോ വത്ഥിം ഗഹേത്വാ പസ്സാവം കരോന്തസ്സ അസുചി മുച്ചി. തസ്സ കുക്കുച്ചം അഹോസി…പേ॰… ‘‘അനാപത്തി, ഭിക്ഖു, നമോചനാധിപ്പായസ്സാ’’തി.
Tena kho pana samayena aññatarassa bhikkhuno vatthiṃ gahetvā passāvaṃ karontassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
തേന ഖോ പന സമയേന അഞ്ഞതരസ്സ ഭിക്ഖുനോ മോചനാധിപ്പായസ്സ വത്ഥിം ഗഹേത്വാ പസ്സാവം കരോന്തസ്സ അസുചി മുച്ചി…പേ॰… അസുചി ന മുച്ചി. തസ്സ കുക്കുച്ചം അഹോസി…പേ॰… ‘‘അനാപത്തി, ഭിക്ഖു, സങ്ഘാദിസേസസ്സ; ആപത്തി ഥുല്ലച്ചയസ്സാ’’തി.
Tena kho pana samayena aññatarassa bhikkhuno mocanādhippāyassa vatthiṃ gahetvā passāvaṃ karontassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
തേന ഖോ പന സമയേന അഞ്ഞതരസ്സ ഭിക്ഖുനോ ജന്താഘരേ ഉദരവട്ടിം താപേന്തസ്സ അസുചി മുച്ചി. തസ്സ കുക്കുച്ചം അഹോസി…പേ॰… ‘‘അനാപത്തി, ഭിക്ഖു, നമോചനാധിപ്പായസ്സാ’’തി.
Tena kho pana samayena aññatarassa bhikkhuno jantāghare udaravaṭṭiṃ tāpentassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
തേന ഖോ പന സമയേന അഞ്ഞതരസ്സ ഭിക്ഖുനോ മോചനാധിപ്പായസ്സ ജന്താഘരേ ഉദരവട്ടിം താപേന്തസ്സ അസുചി മുച്ചി…പേ॰… അസുചി ന മുച്ചി. തസ്സ കുക്കുച്ചം അഹോസി…പേ॰… ‘‘അനാപത്തി, ഭിക്ഖു, സങ്ഘാദിസേസസ്സ; ആപത്തി ഥുല്ലച്ചയസ്സാ’’തി.
Tena kho pana samayena aññatarassa bhikkhuno mocanādhippāyassa jantāghare udaravaṭṭiṃ tāpentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
തേന ഖോ പന സമയേന അഞ്ഞതരസ്സ ഭിക്ഖുനോ ജന്താഘരേ ഉപജ്ഝായസ്സ പിട്ഠിപരികമ്മം കരോന്തസ്സ അസുചി മുച്ചി. തസ്സ കുക്കുച്ചം അഹോസി…പേ॰… ‘‘അനാപത്തി, ഭിക്ഖു, നമോചനാധിപ്പായസ്സാ’’തി.
Tena kho pana samayena aññatarassa bhikkhuno jantāghare upajjhāyassa piṭṭhiparikammaṃ karontassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
തേന ഖോ പന സമയേന അഞ്ഞതരസ്സ ഭിക്ഖുനോ മോചനാധിപ്പായസ്സ ജന്താഘരേ ഉപജ്ഝായസ്സ പിട്ഠിപരികമ്മം കരോന്തസ്സ അസുചി മുച്ചി…പേ॰… അസുചി ന മുച്ചി. തസ്സ കുക്കുച്ചം അഹോസി…പേ॰… ‘‘അനാപത്തി, ഭിക്ഖു, സങ്ഘാദിസേസസ്സ; ആപത്തി ഥുല്ലച്ചയസ്സാ’’തി.
Tena kho pana samayena aññatarassa bhikkhuno mocanādhippāyassa jantāghare upajjhāyassa piṭṭhiparikammaṃ karontassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
൨൬൫. തേന ഖോ പന സമയേന അഞ്ഞതരസ്സ ഭിക്ഖുനോ ഊരും ഘട്ടാപേന്തസ്സ അസുചി മുച്ചി. തസ്സ കുക്കുച്ചം അഹോസി…പേ॰… ‘‘അനാപത്തി, ഭിക്ഖു, നമോചനാധിപ്പായസ്സാ’’തി.
265. Tena kho pana samayena aññatarassa bhikkhuno ūruṃ ghaṭṭāpentassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
തേന ഖോ പന സമയേന അഞ്ഞതരസ്സ ഭിക്ഖുനോ മോചനാധിപ്പായസ്സ ഊരും ഘട്ടാപേന്തസ്സ അസുചി മുച്ചി…പേ॰… അസുചി ന മുച്ചി. തസ്സ കുക്കുച്ചം അഹോസി…പേ॰… ‘‘അനാപത്തി, ഭിക്ഖു, സങ്ഘാദിസേസസ്സ; ആപത്തി ഥുല്ലച്ചയസ്സാ’’തി.
Tena kho pana samayena aññatarassa bhikkhuno mocanādhippāyassa ūruṃ ghaṭṭāpentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
തേന ഖോ പന സമയേന അഞ്ഞതരോ ഭിക്ഖു മോചനാധിപ്പായോ അഞ്ഞതരം സാമണേരം ഏതദവോച – ‘‘ഏഹി മേ ത്വം, ആവുസോ സാമണേര, അങ്ഗജാതം ഗണ്ഹാഹീ’’തി. സോ തസ്സ അങ്ഗജാതം അഗ്ഗഹേസി. തസ്സേവ അസുചി മുച്ചി. തസ്സ കുക്കുച്ചം അഹോസി…പേ॰… ‘‘ആപത്തിം ത്വം, ഭിക്ഖു, ആപന്നോ സങ്ഘാദിസേസ’’ന്തി.
Tena kho pana samayena aññataro bhikkhu mocanādhippāyo aññataraṃ sāmaṇeraṃ etadavoca – ‘‘ehi me tvaṃ, āvuso sāmaṇera, aṅgajātaṃ gaṇhāhī’’ti. So tassa aṅgajātaṃ aggahesi. Tasseva asuci mucci. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno saṅghādisesa’’nti.
തേന ഖോ പന സമയേന അഞ്ഞതരോ ഭിക്ഖു സുത്തസ്സ സാമണേരസ്സ അങ്ഗജാതം അഗ്ഗഹേസി. തസ്സേവ അസുചി മുച്ചി. തസ്സ കുക്കുച്ചം അഹോസി …പേ॰… ‘‘അനാപത്തി, ഭിക്ഖു, സങ്ഘാദിസേസസ്സ; ആപത്തി ദുക്കടസ്സാ’’തി.
Tena kho pana samayena aññataro bhikkhu suttassa sāmaṇerassa aṅgajātaṃ aggahesi. Tasseva asuci mucci. Tassa kukkuccaṃ ahosi …pe… ‘‘anāpatti, bhikkhu, saṅghādisesassa; āpatti dukkaṭassā’’ti.
൨൬൬. തേന ഖോ പന സമയേന അഞ്ഞതരസ്സ ഭിക്ഖുനോ മോചനാധിപ്പായസ്സ ഊരൂഹി അങ്ഗജാതം പീളേന്തസ്സ അസുചി മുച്ചി…പേ॰… അസുചി ന മുച്ചി. തസ്സ കുക്കുച്ചം അഹോസി…പേ॰… ‘‘അനാപത്തി, ഭിക്ഖു, സങ്ഘാദിസേസസ്സ; ആപത്തി ഥുല്ലച്ചയസ്സാ’’തി.
266. Tena kho pana samayena aññatarassa bhikkhuno mocanādhippāyassa ūrūhi aṅgajātaṃ pīḷentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
തേന ഖോ പന സമയേന അഞ്ഞതരസ്സ ഭിക്ഖുനോ മോചനാധിപ്പായസ്സ മുട്ഠിനാ അങ്ഗജാതം പീളേന്തസ്സ അസുചി മുച്ചി…പേ॰… അസുചി ന മുച്ചി. തസ്സ കുക്കുച്ചം അഹോസി…പേ॰… ‘‘അനാപത്തി, ഭിക്ഖു, സങ്ഘാദിസേസസ്സ; ആപത്തി ഥുല്ലച്ചയസ്സാ’’തി.
Tena kho pana samayena aññatarassa bhikkhuno mocanādhippāyassa muṭṭhinā aṅgajātaṃ pīḷentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
തേന ഖോ പന സമയേന അഞ്ഞതരസ്സ ഭിക്ഖുനോ മോചനാധിപ്പായസ്സ ആകാസേ കടിം കമ്പേന്തസ്സ അസുചി മുച്ചി…പേ॰… അസുചി ന മുച്ചി. തസ്സ കുക്കുച്ചം അഹോസി…പേ॰… ‘‘അനാപത്തി, ഭിക്ഖു, സങ്ഘാദിസേസസ്സ; ആപത്തി ഥുല്ലച്ചയസ്സാ’’തി.
Tena kho pana samayena aññatarassa bhikkhuno mocanādhippāyassa ākāse kaṭiṃ kampentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
തേന ഖോ പന സമയേന അഞ്ഞതരസ്സ ഭിക്ഖുനോ കായം ഥമ്ഭേന്തസ്സ അസുചി മുച്ചി. തസ്സ കുക്കുച്ചം അഹോസി…പേ॰… ‘‘അനാപത്തി, ഭിക്ഖു, നമോചനാധിപ്പായസ്സാ’’തി.
Tena kho pana samayena aññatarassa bhikkhuno kāyaṃ thambhentassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
തേന ഖോ പന സമയേന അഞ്ഞതരസ്സ ഭിക്ഖുനോ മോചനാധിപ്പായസ്സ കായം ഥമ്ഭേന്തസ്സ അസുചി മുച്ചി…പേ॰… അസുചി ന മുച്ചി. തസ്സ കുക്കുച്ചം അഹോസി…പേ॰… ‘‘അനാപത്തി, ഭിക്ഖു, സങ്ഘാദിസേസസ്സ; ആപത്തി ഥുല്ലച്ചയസ്സാ’’തി.
Tena kho pana samayena aññatarassa bhikkhuno mocanādhippāyassa kāyaṃ thambhentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
തേന ഖോ പന സമയേന അഞ്ഞതരോ ഭിക്ഖു സാരത്തോ മാതുഗാമസ്സ അങ്ഗജാതം ഉപനിജ്ഝായി. തസ്സ അസുചി മുച്ചി. തസ്സ കുക്കുച്ചം അഹോസി…പേ॰… ‘‘അനാപത്തി, ഭിക്ഖു, സങ്ഘാദിസേസസ്സ. ന ച, ഭിക്ഖവേ, സാരത്തേന മാതുഗാമസ്സ അങ്ഗജാതം ഉപനിജ്ഝായിതബ്ബം. യോ ഉപനിജ്ഝായേയ്യ, ആപത്തി ദുക്കടസ്സാ’’തി.
Tena kho pana samayena aññataro bhikkhu sāratto mātugāmassa aṅgajātaṃ upanijjhāyi. Tassa asuci mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa. Na ca, bhikkhave, sārattena mātugāmassa aṅgajātaṃ upanijjhāyitabbaṃ. Yo upanijjhāyeyya, āpatti dukkaṭassā’’ti.
൨൬൭. തേന ഖോ പന സമയേന അഞ്ഞതരസ്സ ഭിക്ഖുനോ മോചനാധിപ്പായസ്സ താളച്ഛിദ്ദം അങ്ഗജാതം പവേസേന്തസ്സ അസുചി മുച്ചി…പേ॰… അസുചി ന മുച്ചി. തസ്സ കുക്കുച്ചം അഹോസി…പേ॰… ‘‘അനാപത്തി, ഭിക്ഖു, സങ്ഘാദിസേസസ്സ; ആപത്തി ഥുല്ലച്ചയസ്സാ’’തി.
267. Tena kho pana samayena aññatarassa bhikkhuno mocanādhippāyassa tāḷacchiddaṃ aṅgajātaṃ pavesentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
തേന ഖോ പന സമയേന അഞ്ഞതരസ്സ ഭിക്ഖുനോ മോചനാധിപ്പായസ്സ കട്ഠേന അങ്ഗജാതം ഘട്ടേന്തസ്സ അസുചി മുച്ചി…പേ॰… അസുചി ന മുച്ചി. തസ്സ കുക്കുച്ചം അഹോസി…പേ॰… ‘‘അനാപത്തി, ഭിക്ഖു, സങ്ഘാദിസേസസ്സ ; ആപത്തി ഥുല്ലച്ചയസ്സാ’’തി.
Tena kho pana samayena aññatarassa bhikkhuno mocanādhippāyassa kaṭṭhena aṅgajātaṃ ghaṭṭentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa ; āpatti thullaccayassā’’ti.
തേന ഖോ പന സമയേന അഞ്ഞതരസ്സ ഭിക്ഖുനോ പടിസോതേ ന്ഹായന്തസ്സ അസുചി മുച്ചി. തസ്സ കുക്കുച്ചം അഹോസി…പേ॰… ‘‘അനാപത്തി, ഭിക്ഖു, നമോചനാധിപ്പായസ്സാ’’തി.
Tena kho pana samayena aññatarassa bhikkhuno paṭisote nhāyantassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
തേന ഖോ പന സമയേന അഞ്ഞതരസ്സ ഭിക്ഖുനോ മോചനാധിപ്പായസ്സ പടിസോതേ ന്ഹായന്തസ്സ അസുചി മുച്ചി…പേ॰… അസുചി ന മുച്ചി. തസ്സ കുക്കുച്ചം അഹോസി…പേ॰… ‘‘അനാപത്തി, ഭിക്ഖു, സങ്ഘാദിസേസസ്സ; ആപത്തി ഥുല്ലച്ചയസ്സാ’’തി.
Tena kho pana samayena aññatarassa bhikkhuno mocanādhippāyassa paṭisote nhāyantassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
തേന ഖോ പന സമയേന അഞ്ഞതരസ്സ ഭിക്ഖുനോ ഉദഞ്ജലം കീളന്തസ്സ അസുചി മുച്ചി. തസ്സ കുക്കുച്ചം അഹോസി…പേ॰… ‘‘അനാപത്തി, ഭിക്ഖു, നമോചനാധിപ്പായസ്സാ’’തി.
Tena kho pana samayena aññatarassa bhikkhuno udañjalaṃ kīḷantassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
തേന ഖോ പന സമയേന അഞ്ഞതരസ്സ ഭിക്ഖുനോ മോചനാധിപ്പായസ്സ ഉദഞ്ജലം കീളന്തസ്സ അസുചി മുച്ചി…പേ॰… അസുചി ന മുച്ചി. തസ്സ കുക്കുച്ചം അഹോസി…പേ॰… ‘‘അനാപത്തി, ഭിക്ഖു, സങ്ഘാദിസേസസ്സ; ആപത്തി ഥുല്ലച്ചയസ്സാ’’തി.
Tena kho pana samayena aññatarassa bhikkhuno mocanādhippāyassa udañjalaṃ kīḷantassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
തേന ഖോ പന സമയേന അഞ്ഞതരസ്സ ഭിക്ഖുനോ ഉദകേ ധാവന്തസ്സ അസുചി മുച്ചി. തസ്സ കുക്കുച്ചം അഹോസി…പേ॰… ‘‘അനാപത്തി, ഭിക്ഖു, നമോചനാധിപ്പായസ്സാ’’തി.
Tena kho pana samayena aññatarassa bhikkhuno udake dhāvantassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
തേന ഖോ പന സമയേന അഞ്ഞതരസ്സ ഭിക്ഖുനോ മോചനാധിപ്പായസ്സ ഉദകേ ധാവന്തസ്സ അസുചി മുച്ചി…പേ॰… അസുചി ന മുച്ചി. തസ്സ കുക്കുച്ചം അഹോസി…പേ॰… ‘‘അനാപത്തി, ഭിക്ഖു, സങ്ഘാദിസേസസ്സ; ആപത്തി ഥുല്ലച്ചയസ്സാ’’തി.
Tena kho pana samayena aññatarassa bhikkhuno mocanādhippāyassa udake dhāvantassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
തേന ഖോ പന സമയേന അഞ്ഞതരസ്സ ഭിക്ഖുനോ പുപ്ഫാവലിയം 17 കീളന്തസ്സ അസുചി മുച്ചി. തസ്സ കുക്കുച്ചം അഹോസി…പേ॰… ‘‘അനാപത്തി, ഭിക്ഖു, നമോചനാധിപ്പായസ്സാ’’തി.
Tena kho pana samayena aññatarassa bhikkhuno pupphāvaliyaṃ 18 kīḷantassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
തേന ഖോ പന സമയേന അഞ്ഞതരസ്സ ഭിക്ഖുനോ മോചനാധിപ്പായസ്സ പുപ്ഫാവലിയം കീളന്തസ്സ അസുചി മുച്ചി…പേ॰… അസുചി ന മുച്ചി. തസ്സ കുക്കുച്ചം അഹോസി…പേ॰… ‘‘അനാപത്തി, ഭിക്ഖു, സങ്ഘാദിസേസസ്സ; ആപത്തി ഥുല്ലച്ചയസ്സാ’’തി.
Tena kho pana samayena aññatarassa bhikkhuno mocanādhippāyassa pupphāvaliyaṃ kīḷantassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
൨൬൮. തേന ഖോ പന സമയേന അഞ്ഞതരസ്സ ഭിക്ഖുനോ പോക്ഖരവനേ ധാവന്തസ്സ അസുചി മുച്ചി. തസ്സ കുക്കുച്ചം അഹോസി…പേ॰… ‘‘അനാപത്തി, ഭിക്ഖു, നമോചനാധിപ്പായസ്സാ’’തി.
268. Tena kho pana samayena aññatarassa bhikkhuno pokkharavane dhāvantassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
തേന ഖോ പന സമയേന അഞ്ഞതരസ്സ ഭിക്ഖുനോ മോചനാധിപ്പായസ്സ പോക്ഖരവനേ ധാവന്തസ്സ അസുചി മുച്ചി…പേ॰… അസുചി ന മുച്ചി. തസ്സ കുക്കുച്ചം അഹോസി…പേ॰… ‘‘അനാപത്തി, ഭിക്ഖു, സങ്ഘാദിസേസസ്സ; ആപത്തി ഥുല്ലച്ചയസ്സാ’’തി.
Tena kho pana samayena aññatarassa bhikkhuno mocanādhippāyassa pokkharavane dhāvantassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
തേന ഖോ പന സമയേന അഞ്ഞതരസ്സ ഭിക്ഖുനോ മോചനാധിപ്പായസ്സ വാലികം അങ്ഗജാതം പവേസേന്തസ്സ അസുചി മുച്ചി…പേ॰… അസുചി ന മുച്ചി. തസ്സ കുക്കുച്ചം അഹോസി…പേ॰… ‘‘അനാപത്തി, ഭിക്ഖു, സങ്ഘാദിസേസസ്സ; ആപത്തി ഥുല്ലച്ചയസ്സാ’’തി.
Tena kho pana samayena aññatarassa bhikkhuno mocanādhippāyassa vālikaṃ aṅgajātaṃ pavesentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
തേന ഖോ പന സമയേന അഞ്ഞതരസ്സ ഭിക്ഖുനോ മോചനാധിപ്പായസ്സ കദ്ദമം അങ്ഗജാതം പവേസേന്തസ്സ അസുചി മുച്ചി…പേ॰… അസുചി ന മുച്ചി . തസ്സ കുക്കുച്ചം അഹോസി…പേ॰… ‘‘അനാപത്തി, ഭിക്ഖു, സങ്ഘാദിസേസസ്സ; ആപത്തി ഥുല്ലച്ചയസ്സാ’’തി.
Tena kho pana samayena aññatarassa bhikkhuno mocanādhippāyassa kaddamaṃ aṅgajātaṃ pavesentassa asuci mucci…pe… asuci na mucci . Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
തേന ഖോ പന സമയേന അഞ്ഞതരസ്സ ഭിക്ഖുനോ ഉദകേന അങ്ഗജാതം ഓസിഞ്ചന്തസ്സ അസുചി മുച്ചി. തസ്സ കുക്കുച്ചം അഹോസി…പേ॰… ‘‘അനാപത്തി, ഭിക്ഖു, നമോചനാധിപ്പായസ്സാ’’തി.
Tena kho pana samayena aññatarassa bhikkhuno udakena aṅgajātaṃ osiñcantassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
തേന ഖോ പന സമയേന അഞ്ഞതരസ്സ ഭിക്ഖുനോ മോചനാധിപ്പായസ്സ ഉദകേന അങ്ഗജാതം ഓസിഞ്ചന്തസ്സ അസുചി മുച്ചി…പേ॰… അസുചി ന മുച്ചി. തസ്സ കുക്കുച്ചം അഹോസി…പേ॰… ‘‘അനാപത്തി, ഭിക്ഖു, സങ്ഘാദിസേസസ്സ; ആപത്തി ഥുല്ലച്ചയസ്സാ’’തി.
Tena kho pana samayena aññatarassa bhikkhuno mocanādhippāyassa udakena aṅgajātaṃ osiñcantassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
തേന ഖോ പന സമയേന അഞ്ഞതരസ്സ ഭിക്ഖുനോ മോചനാധിപ്പായസ്സ സയനേ അങ്ഗജാതം ഘട്ടേന്തസ്സ അസുചി മുച്ചി…പേ॰… അസുചി ന മുച്ചി. തസ്സ കുക്കുച്ചം അഹോസി…പേ॰… ‘‘അനാപത്തി, ഭിക്ഖു, സങ്ഘാദിസേസസ്സ; ആപത്തി ഥുല്ലച്ചയസ്സാ’’തി.
Tena kho pana samayena aññatarassa bhikkhuno mocanādhippāyassa sayane aṅgajātaṃ ghaṭṭentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
തേന ഖോ പന സമയേന അഞ്ഞതരസ്സ ഭിക്ഖുനോ മോചനാധിപ്പായസ്സ അങ്ഗുട്ഠേന അങ്ഗജാതം ഘട്ടേന്തസ്സ അസുചി മുച്ചി…പേ॰… അസുചി ന മുച്ചി. തസ്സ കുക്കുച്ചം അഹോസി – ‘‘ഭഗവതാ സിക്ഖാപദം പഞ്ഞത്തം, കച്ചി നു ഖോ അഹം സങ്ഘാദിസേസം ആപത്തിം ആപന്നോ’’തി? ഭഗവതോ ഏതമത്ഥം ആരോചേസി. ‘‘അനാപത്തി, ഭിക്ഖു, സങ്ഘാദിസേസസ്സ; ആപത്തി ഥുല്ലച്ചയസ്സാ’’തി.
Tena kho pana samayena aññatarassa bhikkhuno mocanādhippāyassa aṅguṭṭhena aṅgajātaṃ ghaṭṭentassa asuci mucci…pe… asuci na mucci. Tassa kukkuccaṃ ahosi – ‘‘bhagavatā sikkhāpadaṃ paññattaṃ, kacci nu kho ahaṃ saṅghādisesaṃ āpattiṃ āpanno’’ti? Bhagavato etamatthaṃ ārocesi. ‘‘Anāpatti, bhikkhu, saṅghādisesassa; āpatti thullaccayassā’’ti.
സുക്കവിസ്സട്ഠിസിക്ഖാപദം നിട്ഠിതം പഠമം.
Sukkavissaṭṭhisikkhāpadaṃ niṭṭhitaṃ paṭhamaṃ.
Footnotes:
Related texts:
അട്ഠകഥാ • Aṭṭhakathā / വിനയപിടക (അട്ഠകഥാ) • Vinayapiṭaka (aṭṭhakathā) / മഹാവിഭങ്ഗ-അട്ഠകഥാ • Mahāvibhaṅga-aṭṭhakathā / ൧. സുക്കവിസ്സട്ഠിസിക്ഖാപദവണ്ണനാ • 1. Sukkavissaṭṭhisikkhāpadavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / സാരത്ഥദീപനീ-ടീകാ • Sāratthadīpanī-ṭīkā / ൧. സുക്കവിസ്സട്ഠിസിക്ഖാപദവണ്ണനാ • 1. Sukkavissaṭṭhisikkhāpadavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വജിരബുദ്ധി-ടീകാ • Vajirabuddhi-ṭīkā / ൧. സുക്കവിസ്സട്ഠിസിക്ഖാപദവണ്ണനാ • 1. Sukkavissaṭṭhisikkhāpadavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വിമതിവിനോദനീ-ടീകാ • Vimativinodanī-ṭīkā / ൧. സുക്കവിസ്സട്ഠിസിക്ഖാപദവണ്ണനാ • 1. Sukkavissaṭṭhisikkhāpadavaṇṇanā
