| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
2. сан̇гхаад̣̇исзсаган̣д̣ам̣
2. Saṅghādisesakaṇḍaṃ
1. суггависсадтисигкаабад̣̇аван̣н̣анаа
1. Sukkavissaṭṭhisikkhāpadavaṇṇanā
яам̣ баарааж̇игаган̣д̣асса, сан̇г̇ийд̇ам̣ самананд̇арам̣;
Yaṃ pārājikakaṇḍassa, saṅgītaṃ samanantaraṃ;
д̇асса д̇зрасагассааяамабуб̣б̣абад̣̇аван̣н̣анаа.
Tassa terasakassāyamapubbapadavaṇṇanā.
234. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна ааяасмаа сзяяасаго анабхирад̇о б̣рахмажарияам̣ жарад̇ийд̇и зд̇т̇а ааяасмаад̇и бияаважанам̣. сзяяасагод̇и д̇асса бхигкуно наамам̣. анабхирад̇од̇и вигкид̇д̇ажид̇д̇о гаамарааг̇абарил̣аахзна барид̣аяхамаано на бана г̇ихибхаавам̣ бад̇т̇аяамаано. со д̇зна гисо ход̇ийд̇и со сзяяасаго д̇зна анабхирад̇абхаавзна гисо ход̇и.
234. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena āyasmā seyyasako anabhirato brahmacariyaṃ caratīti ettha āyasmāti piyavacanaṃ. Seyyasakoti tassa bhikkhuno nāmaṃ. Anabhiratoti vikkhittacitto kāmarāgapariḷāhena pariḍayhamāno na pana gihibhāvaṃ patthayamāno. So tena kiso hotīti so seyyasako tena anabhiratabhāvena kiso hoti.
ад̣̇д̣̇асаа ко ааяасмаа уд̣̇ааяийд̇и зд̇т̇а уд̣̇ааяийд̇и д̇асса т̇зрасса наамам̣, аяан̃хи сзяяасагасса убаж̇жхааяо лаал̣уд̣̇ааяий наама бханд̇амиг̇асаббадибхааг̇о нид̣̇д̣̇аараамад̇аад̣̇имануяуд̇д̇аанам̣ ан̃н̃ад̇аро лолабхигку. гажжи но д̇ванд̇и гажжи ну д̇вам̣. яаавад̣̇ад̇т̇ам̣ бхун̃ж̇аад̇иаад̣̇ийсу яаавад̇аа ад̇т̇од̇и яаавад̣̇ад̇т̇ам̣. ид̣̇ам̣ вуд̇д̇ам̣ ход̇и – яаавад̇аа д̇з бхож̇анзна ад̇т̇о яад̇д̇агам̣ д̇вам̣ ижчаси д̇ад̇д̇агам̣ бхун̃ж̇а, яад̇д̇агам̣ гаалам̣ рад̇д̇им̣ ваа д̣̇иваа ваа субид̇ум̣ ижчаси д̇ад̇д̇агам̣ суба, мад̇д̇игаад̣̇ийхи гааяам̣ уб̣б̣аддзд̇ваа жун̣н̣аад̣̇ийхи гхам̣сид̇ваа яад̇д̇агам̣ нхаанам̣ ижчаси д̇ад̇д̇агам̣ нхааяа, уд̣̇д̣̇зсзна ваа барибужчааяа ваа вад̇д̇абадибад̇д̇ияаа ваа гаммадтаанзна ваа ад̇т̇о над̇т̇ийд̇и. яад̣̇аа д̇з анабхирад̇и уббаж̇ж̇ад̇ийд̇и яасмим̣ гаалз д̇ава гаамарааг̇авасзна угган̣тид̇ад̇аа вигкид̇д̇ажид̇д̇ад̇аа уббаж̇ж̇ад̇и. рааг̇о жид̇д̇ам̣ ануд̣̇д̇хам̣сзд̇ийд̇и гаамарааг̇о жид̇д̇ам̣ д̇хам̣сзд̇и бад̇хам̣сзд̇и вигкибад̇и жзва милаабзд̇и жа. д̇ад̣̇аа хад̇т̇зна убаггамид̇ваа асужим̣ можзхийд̇и д̇асмим̣ гаалз хад̇т̇зна вааяамид̇ваа асужиможанам̣ гарохи, зван̃хи д̇з жид̇д̇згаг̇г̇ад̇аа бхависсад̇и. ид̇и д̇ам̣ убаж̇жхааяо анусааси яат̇аа д̇ам̣ б̣аало б̣аалам̣ маг̇о маг̇ам̣.
Addasā kho āyasmā udāyīti ettha udāyīti tassa therassa nāmaṃ, ayañhi seyyasakassa upajjhāyo lāḷudāyī nāma bhantamigasappaṭibhāgo niddārāmatādimanuyuttānaṃ aññataro lolabhikkhu. Kacci no tvanti kacci nu tvaṃ. Yāvadatthaṃ bhuñjātiādīsu yāvatā atthoti yāvadatthaṃ. Idaṃ vuttaṃ hoti – yāvatā te bhojanena attho yattakaṃ tvaṃ icchasi tattakaṃ bhuñja, yattakaṃ kālaṃ rattiṃ vā divā vā supituṃ icchasi tattakaṃ supa, mattikādīhi kāyaṃ ubbaṭṭetvā cuṇṇādīhi ghaṃsitvā yattakaṃ nhānaṃ icchasi tattakaṃ nhāya, uddesena vā paripucchāya vā vattapaṭipattiyā vā kammaṭṭhānena vā attho natthīti. Yadā te anabhirati uppajjatīti yasmiṃ kāle tava kāmarāgavasena ukkaṇṭhitatā vikkhittacittatā uppajjati. Rāgo cittaṃ anuddhaṃsetīti kāmarāgo cittaṃ dhaṃseti padhaṃseti vikkhipati ceva milāpeti ca. Tadā hatthena upakkamitvā asuciṃ mocehīti tasmiṃ kāle hatthena vāyamitvā asucimocanaṃ karohi, evañhi te cittekaggatā bhavissati. Iti taṃ upajjhāyo anusāsi yathā taṃ bālo bālaṃ mago magaṃ.
235. д̇зсам̣ мудтассад̇ийнам̣ асамбаж̇аанаанам̣ нид̣̇д̣̇ам̣ оггаманд̇аананд̇и сад̇исамбаж̇ан̃н̃ам̣ бахааяа нид̣̇д̣̇ам̣ од̇аранд̇аанам̣. д̇ад̇т̇а гин̃жааби нид̣̇д̣̇ам̣ оггаманд̇аанам̣ аб̣яаагад̇о бхаван̇г̇авааро бавад̇д̇ад̇и, сад̇исамбаж̇ан̃н̃авааро г̇ал̣ад̇и, д̇ат̇ааби саяанагаалз манасигааро гаад̇аб̣б̣о. д̣̇иваа субанд̇зна яаава нхаад̇асса бхигкуно гзсаа на сугканд̇и д̇аава субид̇ваа вудтахиссаамийд̇и сауссаахзна субид̇аб̣б̣ам̣. рад̇д̇им̣ субанд̇зна зд̇д̇агам̣ наама рад̇д̇ибхааг̇ам̣ субид̇ваа жанд̣̇зна ваа д̇аарагааяа ваа ид̣̇ам̣ наама таанам̣ бад̇д̇агаалз вудтахиссаамийд̇и сауссаахзна субид̇аб̣б̣ам̣. б̣уд̣̇д̇хаануссад̇иаад̣̇ийсу жа д̣̇асасу гаммадтаанзсу згам̣ ан̃н̃ам̣ ваа жид̇д̇аружияам̣ гаммадтаанам̣ г̇ахзд̇ваава нид̣̇д̣̇аа оггамид̇аб̣б̣аа. звам̣ гаронд̇о хи сад̇о самбаж̇аано сад̇ин̃жа самбаж̇ан̃н̃ан̃жа авиж̇ахид̇ваава нид̣̇д̣̇ам̣ оггамад̇ийд̇и вужжад̇и. д̇з бана бхигкуу б̣аалаа лолаа бханд̇амиг̇асаббадибхааг̇аа на звамагам̣су. д̇зна вуд̇д̇ам̣ – ‘‘д̇зсам̣ мудтассад̇ийнам̣ асамбаж̇аанаанам̣ нид̣̇д̣̇ам̣ оггаманд̇аана’’нд̇и.
235.Tesaṃ muṭṭhassatīnaṃ asampajānānaṃ niddaṃ okkamantānanti satisampajaññaṃ pahāya niddaṃ otarantānaṃ. Tattha kiñcāpi niddaṃ okkamantānaṃ abyākato bhavaṅgavāro pavattati, satisampajaññavāro gaḷati, tathāpi sayanakāle manasikāro kātabbo. Divā supantena yāva nhātassa bhikkhuno kesā na sukkhanti tāva supitvā vuṭṭhahissāmīti saussāhena supitabbaṃ. Rattiṃ supantena ettakaṃ nāma rattibhāgaṃ supitvā candena vā tārakāya vā idaṃ nāma ṭhānaṃ pattakāle vuṭṭhahissāmīti saussāhena supitabbaṃ. Buddhānussatiādīsu ca dasasu kammaṭṭhānesu ekaṃ aññaṃ vā cittaruciyaṃ kammaṭṭhānaṃ gahetvāva niddā okkamitabbā. Evaṃ karonto hi sato sampajāno satiñca sampajaññañca avijahitvāva niddaṃ okkamatīti vuccati. Te pana bhikkhū bālā lolā bhantamigasappaṭibhāgā na evamakaṃsu. Tena vuttaṃ – ‘‘tesaṃ muṭṭhassatīnaṃ asampajānānaṃ niddaṃ okkamantāna’’nti.
ад̇т̇и жзд̇т̇а жзд̇анаа лаб̣бхад̇ийд̇и зд̇т̇а жа субинанд̇з ассаад̣̇ажзд̇анаа ад̇т̇и убалаб̣бхад̇и. ад̇т̇зсаа, бхигкавз, жзд̇анаа; саа жа ко аб̣б̣охааригаад̇и бхигкавз зсаа ассаад̣̇ажзд̇анаа ад̇т̇и, саа жа ко ависаяз уббаннад̇д̇аа аб̣б̣охааригаа, аабад̇д̇ияаа ан̇г̇ам̣ на ход̇и. ид̇и бхаг̇аваа субинанд̇з жзд̇анааяа аб̣б̣охааригабхаавам̣ д̣̇ассзд̇ваа ‘‘зван̃жа бана бхигкавз имам̣ сигкаабад̣̇ам̣ уд̣̇д̣̇исзяяаат̇а, сан̃жзд̇анигаа суггависсадти ан̃н̃ад̇ра субинанд̇аа сан̇гхаад̣̇исзсо’’д̇и саанубан̃н̃ад̇д̇игам̣ сигкаабад̣̇ам̣ бан̃н̃аабзси.
Atthi cettha cetanā labbhatīti ettha ca supinante assādacetanā atthi upalabbhati. Atthesā, bhikkhave, cetanā; sā ca kho abbohārikāti bhikkhave esā assādacetanā atthi, sā ca kho avisaye uppannattā abbohārikā, āpattiyā aṅgaṃ na hoti. Iti bhagavā supinante cetanāya abbohārikabhāvaṃ dassetvā ‘‘evañca pana bhikkhave imaṃ sikkhāpadaṃ uddiseyyātha, sañcetanikā sukkavissaṭṭhi aññatra supinantā saṅghādiseso’’ti sānupaññattikaṃ sikkhāpadaṃ paññāpesi.
236-237. д̇ад̇т̇а сам̣виж̇ж̇ад̇и жзд̇анаа ассаад̇и сан̃жзд̇анаа, сан̃жзд̇анаава сан̃жзд̇анигаа, сан̃жзд̇анаа ваа ассаа ад̇т̇ийд̇и сан̃жзд̇анигаа. яасмаа бана яасса сан̃жзд̇анигаа суггависсадти ход̇и со ж̇аананд̇о сан̃ж̇аананд̇о ход̇и, саа жасса суггависсадти жзжжа абхивид̇арид̇ваа вийд̇иггамо ход̇и, д̇асмаа б̣яан̃ж̇анз аад̣̇арам̣ агад̇ваа ад̇т̇амзва д̣̇ассзд̇ум̣ ‘‘ж̇аананд̇о сан̃ж̇аананд̇о жзжжа абхивид̇арид̇ваа вийд̇иггамо’’д̇и звамасса бад̣̇абхааж̇анам̣ вуд̇д̇ам̣. д̇ад̇т̇а ж̇аананд̇од̇и убаггамаамийд̇и ж̇аананд̇о. сан̃ж̇аананд̇од̇и суггам̣ можзмийд̇и сан̃ж̇аананд̇о, д̇знзва убаггамаж̇аананаагаарзна сад̣̇д̇хим̣ ж̇аананд̇од̇и ад̇т̇о. жзжжаад̇и можанассаад̣̇ажзд̇анаавасзна жзд̇зд̇ваа багаббзд̇ваа. абхивид̇арид̇ваад̇и убаггамавасзна мад̣̇д̣̇анд̇о нираасан̇гажид̇д̇ам̣ бзсзд̇ваа. вийд̇иггамод̇и звам̣ бавад̇д̇асса яо вийд̇иггамо аяам̣ сан̃жзд̇анигаасад̣̇д̣̇асса сикааббад̇д̇о ад̇т̇од̇и вуд̇д̇ам̣ ход̇и.
236-237. Tattha saṃvijjati cetanā assāti sañcetanā, sañcetanāva sañcetanikā, sañcetanā vā assā atthīti sañcetanikā. Yasmā pana yassa sañcetanikā sukkavissaṭṭhi hoti so jānanto sañjānanto hoti, sā cassa sukkavissaṭṭhi cecca abhivitaritvā vītikkamo hoti, tasmā byañjane ādaraṃ akatvā atthameva dassetuṃ ‘‘jānanto sañjānanto cecca abhivitaritvā vītikkamo’’ti evamassa padabhājanaṃ vuttaṃ. Tattha jānantoti upakkamāmīti jānanto. Sañjānantoti sukkaṃ mocemīti sañjānanto, teneva upakkamajānanākārena saddhiṃ jānantoti attho. Ceccāti mocanassādacetanāvasena cetetvā pakappetvā. Abhivitaritvāti upakkamavasena maddanto nirāsaṅkacittaṃ pesetvā. Vītikkamoti evaṃ pavattassa yo vītikkamo ayaṃ sañcetanikāsaddassa sikhāppatto atthoti vuttaṃ hoti.
ид̣̇аани суггависсадтийд̇и зд̇т̇а яасса суггасса виссадти д̇ам̣ д̇аава сан̇кяаад̇о ван̣н̣абхзд̣̇ад̇о жа д̣̇ассзд̇ум̣ ‘‘сугганд̇и д̣̇аса суггааний’’д̇иаад̣̇имааха. д̇ад̇т̇а суггаанам̣ аасаяабхзд̣̇ад̇о д̇хаад̇унаанад̇д̇ад̇о жа нийлаад̣̇иван̣н̣абхзд̣̇о взд̣̇ид̇аб̣б̣о.
Idāni sukkavissaṭṭhīti ettha yassa sukkassa vissaṭṭhi taṃ tāva saṅkhyāto vaṇṇabhedato ca dassetuṃ ‘‘sukkanti dasa sukkānī’’tiādimāha. Tattha sukkānaṃ āsayabhedato dhātunānattato ca nīlādivaṇṇabhedo veditabbo.
виссадтийд̇и виссаг̇г̇о, ад̇т̇ад̇о банзд̇ам̣ таанаажааванам̣ ход̇и, д̇знааха – ‘‘виссадтийд̇и таанад̇ожааванаа вужжад̇ий’’д̇и. д̇ад̇т̇а вад̇т̇исийсам̣ гади гааяод̇и д̇ид̇хаа суггасса таанам̣ багаббзнд̇и, зго гираажарияо ‘‘вад̇т̇исийсам̣ суггасса таана’’нд̇и ааха. зго ‘‘гадий’’д̇и, зго ‘‘сагало гааяо’’д̇и, д̇зсу д̇ад̇ияасса бхаасид̇ам̣ субхаасид̇ам̣. гзсаломанакад̣̇анд̇аанан̃хи мам̣савинимуд̇д̇адтаанам̣ ужжаарабассаавакзл̣асин̇гхаан̣игаат̇ад̣̇д̇хасугкажаммаани жа важ̇ж̇зд̇ваа авасзсо чавимам̣салохид̇аануг̇ад̇о саб̣б̣оби гааяо гааяаббасаад̣̇абхааваж̇ийвид̇инд̣̇рияааб̣ад̣̇д̇хабид̇д̇аанам̣ самбхавасса жа таанамзва. д̇ат̇аа хи рааг̇абарияудтаанзнаабхибхууд̇аанам̣ хад̇т̇ийнам̣ убхохи ган̣н̣ажуул̣игаахи самбхаво нигкамад̇и, махаасзнарааж̇аа жа рааг̇абарияудтид̇о самбхававзг̇ам̣ ад̇хиваасзд̇ум̣ асаггонд̇о сад̇т̇зна б̣аахусийсам̣ паалзд̇ваа ван̣амукзна нигканд̇ам̣ самбхавам̣ д̣̇ассзсийд̇и.
Vissaṭṭhīti vissaggo, atthato panetaṃ ṭhānācāvanaṃ hoti, tenāha – ‘‘vissaṭṭhīti ṭhānatocāvanā vuccatī’’ti. Tattha vatthisīsaṃ kaṭi kāyoti tidhā sukkassa ṭhānaṃ pakappenti, eko kirācariyo ‘‘vatthisīsaṃ sukkassa ṭhāna’’nti āha. Eko ‘‘kaṭī’’ti, eko ‘‘sakalo kāyo’’ti, tesu tatiyassa bhāsitaṃ subhāsitaṃ. Kesalomanakhadantānañhi maṃsavinimuttaṭṭhānaṃ uccārapassāvakheḷasiṅghāṇikāthaddhasukkhacammāni ca vajjetvā avaseso chavimaṃsalohitānugato sabbopi kāyo kāyappasādabhāvajīvitindriyābaddhapittānaṃ sambhavassa ca ṭhānameva. Tathā hi rāgapariyuṭṭhānenābhibhūtānaṃ hatthīnaṃ ubhohi kaṇṇacūḷikāhi sambhavo nikkhamati, mahāsenarājā ca rāgapariyuṭṭhito sambhavavegaṃ adhivāsetuṃ asakkonto satthena bāhusīsaṃ phāletvā vaṇamukhena nikkhantaṃ sambhavaṃ dassesīti.
зд̇т̇а бана батамасса аажарияасса ваад̣̇з можанассаад̣̇зна нимид̇д̇з убаггамад̇о яад̇д̇агам̣ згаа куд̣̇д̣̇агамагкигаа бивзяяа д̇ад̇д̇агз асужимхи вад̇т̇исийсад̇о мун̃жид̇ваа д̣̇агасод̇ам̣ од̇ин̣н̣амад̇д̇з б̣ахи нигканд̇з ваа анигканд̇з ваа сан̇гхаад̣̇исзсо. д̣̇уд̇ияасса ваад̣̇з д̇ат̇зва гадид̇о мужжид̇ваа д̣̇агасод̇ам̣ од̇ин̣н̣амад̇д̇з, д̇ад̇ияасса ваад̣̇з д̇ат̇зва сагалагааяам̣ сан̇кобхзд̇ваа д̇ад̇о мужжид̇ваа д̣̇агасод̇ам̣ од̇ин̣н̣амад̇д̇з б̣ахи нигканд̇з ваа анигканд̇з ваа сан̇гхаад̣̇исзсо. д̣̇агасод̇орохан̣ан̃жзд̇т̇а ад̇хиваасзд̇ваа анд̇араа ниваарзд̇ум̣ асаггун̣зяяад̇ааяа вуд̇д̇ам̣, таанаа жуд̇ан̃хи авассам̣ д̣̇агасод̇ам̣ од̇арад̇и. д̇асмаа таанаа жааванамад̇д̇знзвзд̇т̇а аабад̇д̇и взд̣̇ид̇аб̣б̣аа, саа жа ко нимид̇д̇з убаггаманд̇ассзва хад̇т̇абаригаммабаад̣̇абаригаммаг̇ад̇д̇абаригаммагаран̣зна сажзби асужи мужжад̇и, анаабад̇д̇и. аяам̣ саб̣б̣аажарияасаад̇хааран̣авинижчаяо.
Ettha pana paṭhamassa ācariyassa vāde mocanassādena nimitte upakkamato yattakaṃ ekā khuddakamakkhikā piveyya tattake asucimhi vatthisīsato muñcitvā dakasotaṃ otiṇṇamatte bahi nikkhante vā anikkhante vā saṅghādiseso. Dutiyassa vāde tatheva kaṭito muccitvā dakasotaṃ otiṇṇamatte, tatiyassa vāde tatheva sakalakāyaṃ saṅkhobhetvā tato muccitvā dakasotaṃ otiṇṇamatte bahi nikkhante vā anikkhante vā saṅghādiseso. Dakasotorohaṇañcettha adhivāsetvā antarā nivāretuṃ asakkuṇeyyatāya vuttaṃ, ṭhānā cutañhi avassaṃ dakasotaṃ otarati. Tasmā ṭhānā cāvanamattenevettha āpatti veditabbā, sā ca kho nimitte upakkamantasseva hatthaparikammapādaparikammagattaparikammakaraṇena sacepi asuci muccati, anāpatti. Ayaṃ sabbācariyasādhāraṇavinicchayo.
ан̃н̃ад̇ра субинанд̇аад̇и зд̇т̇а субино зва субинанд̇о, д̇ам̣ табзд̇ваа абанзд̇ваад̇и вуд̇д̇ам̣ ход̇и. д̇ан̃жа бана субинам̣ бассанд̇о жад̇уухи гааран̣зхи бассад̇и д̇хаад̇угкобхад̇о ваа анубхууд̇абуб̣б̣ад̇о ваа д̣̇звад̇обасам̣хаарад̇о ваа буб̣б̣анимид̇д̇ад̇о ваад̇и.
Aññatra supinantāti ettha supino eva supinanto, taṃ ṭhapetvā apanetvāti vuttaṃ hoti. Tañca pana supinaṃ passanto catūhi kāraṇehi passati dhātukkhobhato vā anubhūtapubbato vā devatopasaṃhārato vā pubbanimittato vāti.
д̇ад̇т̇а бид̇д̇аад̣̇ийнам̣ кобхагаран̣абажжаяаяог̇зна кубхид̇ад̇хаад̇уго д̇хаад̇угкобхад̇о субинам̣ бассад̇и, бассанд̇о жа наанаавид̇хам̣ субинам̣ бассад̇и – баб̣б̣ад̇аа бад̇анд̇о вияа, аагаасзна г̇ажчанд̇о вияа, ваал̣амиг̇ахад̇т̇ийжораад̣̇ийхи ануб̣ад̣̇д̇хо вияа ход̇и. анубхууд̇абуб̣б̣ад̇о бассанд̇о буб̣б̣з анубхууд̇абуб̣б̣ам̣ аарамман̣ам̣ бассад̇и. д̣̇звад̇обасам̣хаарад̇о бассанд̇асса д̣̇звад̇аа ад̇т̇агаамад̇ааяа ваа анад̇т̇агаамад̇ааяа ваа ад̇т̇ааяа ваа анад̇т̇ааяа ваа наанаавид̇хаани аарамман̣аани убасам̣харанд̇и, со д̇аасам̣ д̣̇звад̇аанам̣ аанубхаавзна д̇аани аарамман̣аани бассад̇и. буб̣б̣анимид̇д̇ад̇о бассанд̇о бун̃н̃аабун̃н̃авасзна уббаж̇ж̇ид̇угаамасса ад̇т̇асса ваа анад̇т̇асса ваа буб̣б̣анимид̇д̇абхууд̇ам̣ субинам̣ бассад̇и, б̣од̇хисад̇д̇ассамаад̇аа вияа буд̇д̇абадилаабханимид̇д̇ам̣, б̣од̇хисад̇д̇о вияа бан̃жа махаасубинз (а. ни. 5.196), госаларааж̇аа вияа сол̣аса субинзд̇и.
Tattha pittādīnaṃ khobhakaraṇapaccayayogena khubhitadhātuko dhātukkhobhato supinaṃ passati, passanto ca nānāvidhaṃ supinaṃ passati – pabbatā patanto viya, ākāsena gacchanto viya, vāḷamigahatthīcorādīhi anubaddho viya hoti. Anubhūtapubbato passanto pubbe anubhūtapubbaṃ ārammaṇaṃ passati. Devatopasaṃhārato passantassa devatā atthakāmatāya vā anatthakāmatāya vā atthāya vā anatthāya vā nānāvidhāni ārammaṇāni upasaṃharanti, so tāsaṃ devatānaṃ ānubhāvena tāni ārammaṇāni passati. Pubbanimittato passanto puññāpuññavasena uppajjitukāmassa atthassa vā anatthassa vā pubbanimittabhūtaṃ supinaṃ passati, bodhisattassamātā viya puttapaṭilābhanimittaṃ, bodhisatto viya pañca mahāsupine (a. ni. 5.196), kosalarājā viya soḷasa supineti.
д̇ад̇т̇а яам̣ д̇хаад̇угкобхад̇о анубхууд̇абуб̣б̣ад̇о жа субинам̣ бассад̇и на д̇ам̣ сажжам̣ ход̇и. яам̣ д̣̇звад̇обасам̣хаарад̇о бассад̇и д̇ам̣ сажжам̣ ваа ход̇и алийгам̣ ваа, гуд̣̇д̇хаа хи д̣̇звад̇аа убааязна винаасзд̇угаамаа вибарийд̇амби гад̇ваа д̣̇ассзнд̇и. яам̣ бана буб̣б̣анимид̇д̇ад̇о бассад̇и д̇ам̣ зганд̇асажжамзва ход̇и. зд̇зсан̃жа жад̇уннам̣ муулагааран̣аанам̣ сам̣саг̇г̇абхзд̣̇ад̇оби субинабхзд̣̇о ход̇иязва.
Tattha yaṃ dhātukkhobhato anubhūtapubbato ca supinaṃ passati na taṃ saccaṃ hoti. Yaṃ devatopasaṃhārato passati taṃ saccaṃ vā hoti alīkaṃ vā, kuddhā hi devatā upāyena vināsetukāmā viparītampi katvā dassenti. Yaṃ pana pubbanimittato passati taṃ ekantasaccameva hoti. Etesañca catunnaṃ mūlakāraṇānaṃ saṃsaggabhedatopi supinabhedo hotiyeva.
д̇ан̃жа банзд̇ам̣ жад̇уб̣б̣ид̇хамби субинам̣ сзгкабут̇уж̇ж̇анаава бассанд̇и аббахийнавибаллаасад̇д̇аа, асзгкаа бана на бассанд̇и бахийнавибаллаасад̇д̇аа. гим̣ банзд̇ам̣ бассанд̇о суд̇д̇о бассад̇и бадиб̣уд̣̇д̇хо, уд̣̇ааху нзва суд̇д̇о на бадиб̣уд̣̇д̇ход̇и? гин̃жзд̇т̇а яад̣̇и д̇аава суд̇д̇о бассад̇и абхид̇хаммавирод̇хо аабаж̇ж̇ад̇и, бхаван̇г̇ажид̇д̇зна хи субад̇и д̇ам̣ руубанимид̇д̇аад̣̇иаарамман̣ам̣ рааг̇аад̣̇исамбаяуд̇д̇ам̣ ваа на ход̇и, субинам̣ бассанд̇асса жа ийд̣̇исаани жид̇д̇аани уббаж̇ж̇анд̇и. ат̇а бадиб̣уд̣̇д̇хо бассад̇и винаяавирод̇хо аабаж̇ж̇ад̇и, яан̃хи бадиб̣уд̣̇д̇хо бассад̇и д̇ам̣ саб̣б̣охааригажид̇д̇зна бассад̇и, саб̣б̣охааригажид̇д̇зна жа гад̇з вийд̇иггамз анаабад̇д̇и наама над̇т̇и. субинам̣ бассанд̇зна бана гад̇зби вийд̇иггамз зганд̇ам̣ анаабад̇д̇и зва. ат̇а нзва суд̇д̇о на бадиб̣уд̣̇д̇хо бассад̇и, го наама бассад̇и; зван̃жа сад̇и субинасса абхаавова аабаж̇ж̇ад̇ийд̇и, на абхааво. гасмаа ? яасмаа габимид̣̇д̇хабарзд̇о бассад̇и. вуд̇д̇ан̃хзд̇ам̣ – ‘‘габимид̣̇д̇хабарзд̇о ко, махаарааж̇а, субинам̣ бассад̇ий’’д̇и. габимид̣̇д̇хабарзд̇од̇и маггаданид̣̇д̣̇ааяа яуд̇д̇о. яат̇аа хи маггадасса нид̣̇д̣̇аа лахубаривад̇д̇аа ход̇и; звам̣ яаа нид̣̇д̣̇аа бунаббунам̣ гусалаад̣̇ижид̇д̇авогин̣н̣ад̇д̇аа лахубаривад̇д̇аа, яассаа бавад̇д̇ияам̣ бунаббунам̣ бхаван̇г̇ад̇о уд̇д̇аран̣ам̣ ход̇и д̇ааяа яуд̇д̇о субинам̣ бассад̇и, д̇знааяам̣ субино гусалоби ход̇и агусалоби аб̣яаагад̇оби. д̇ад̇т̇а субинанд̇з жзд̇ияаванд̣̇анад̇хаммассаванад̇хаммад̣̇зсанаад̣̇ийни гаронд̇асса гусало, баан̣аад̇ибаад̇аад̣̇ийни гаронд̇асса агусало, д̣̇вийхи анд̇зхи муд̇д̇о ааваж̇ж̇анад̇ад̣̇аарамман̣агкан̣з аб̣яаагад̇од̇и взд̣̇ид̇аб̣б̣о. свааяам̣ д̣̇уб̣б̣алавад̇т̇угад̇д̇аа жзд̇анааяа бадисанд̇хим̣ аагад̣дхид̇ум̣ асамад̇т̇о, бавад̇д̇з бана ан̃н̃зхи гусалаагусалзхи убад̇т̇амбхид̇о вибаагам̣ д̣̇зд̇и. гин̃жааби вибаагам̣ д̣̇зд̇и? ат̇а ко ависаяз уббаннад̇д̇аа аб̣б̣охааригаава субинанд̇ажзд̇анаа. д̇знааха – ‘‘табзд̇ваа субинанд̇а’’нд̇и.
Tañca panetaṃ catubbidhampi supinaṃ sekkhaputhujjanāva passanti appahīnavipallāsattā, asekkhā pana na passanti pahīnavipallāsattā. Kiṃ panetaṃ passanto sutto passati paṭibuddho, udāhu neva sutto na paṭibuddhoti? Kiñcettha yadi tāva sutto passati abhidhammavirodho āpajjati, bhavaṅgacittena hi supati taṃ rūpanimittādiārammaṇaṃ rāgādisampayuttaṃ vā na hoti, supinaṃ passantassa ca īdisāni cittāni uppajjanti. Atha paṭibuddho passati vinayavirodho āpajjati, yañhi paṭibuddho passati taṃ sabbohārikacittena passati, sabbohārikacittena ca kate vītikkame anāpatti nāma natthi. Supinaṃ passantena pana katepi vītikkame ekantaṃ anāpatti eva. Atha neva sutto na paṭibuddho passati, ko nāma passati; evañca sati supinassa abhāvova āpajjatīti, na abhāvo. Kasmā ? Yasmā kapimiddhapareto passati. Vuttañhetaṃ – ‘‘kapimiddhapareto kho, mahārāja, supinaṃ passatī’’ti. Kapimiddhaparetoti makkaṭaniddāya yutto. Yathā hi makkaṭassa niddā lahuparivattā hoti; evaṃ yā niddā punappunaṃ kusalādicittavokiṇṇattā lahuparivattā, yassā pavattiyaṃ punappunaṃ bhavaṅgato uttaraṇaṃ hoti tāya yutto supinaṃ passati, tenāyaṃ supino kusalopi hoti akusalopi abyākatopi. Tattha supinante cetiyavandanadhammassavanadhammadesanādīni karontassa kusalo, pāṇātipātādīni karontassa akusalo, dvīhi antehi mutto āvajjanatadārammaṇakkhaṇe abyākatoti veditabbo. Svāyaṃ dubbalavatthukattā cetanāya paṭisandhiṃ ākaḍḍhituṃ asamattho, pavatte pana aññehi kusalākusalehi upatthambhito vipākaṃ deti. Kiñcāpi vipākaṃ deti? Atha kho avisaye uppannattā abbohārikāva supinantacetanā. Tenāha – ‘‘ṭhapetvā supinanta’’nti.
сан̇гхаад̣̇исзсод̇и имасса аабад̇д̇инигааяасса наамам̣. д̇асмаа яаа ан̃н̃ад̇ра субинанд̇аа сан̃жзд̇анигаа суггависсадти , аяам̣ сан̇гхаад̣̇исзсо наама аабад̇д̇инигааяод̇и звамзд̇т̇а самб̣анд̇хо взд̣̇ид̇аб̣б̣о . важанад̇т̇о банзд̇т̇а сан̇гхо аад̣̇имхи жзва сзсз жа ижчид̇аб̣б̣о ассаад̇и сан̇гхаад̣̇исзсо. гим̣ вуд̇д̇ам̣ ход̇и? имам̣ аабад̇д̇им̣ аабаж̇ж̇ид̇ваа вудтаад̇угаамасса яам̣ д̇ам̣ аабад̇д̇ивудтаанам̣, д̇асса аад̣̇имхи жзва бариваасад̣̇аанад̇т̇ааяа аад̣̇ид̇о сзсз жа маж̇жхз маанад̇д̇ад̣̇аанад̇т̇ааяа муулааяа бадигассанзна ваа саха маанад̇д̇ад̣̇аанад̇т̇ааяа авасаанз аб̣бхаанад̇т̇ааяа сан̇гхо ижчид̇аб̣б̣о. на хзд̇т̇а згамби гаммам̣ винаа сан̇гхзна саггаа гаад̇унд̇и сан̇гхо аад̣̇имхи жзва сзсз жа ижчид̇аб̣б̣о ассаад̇и сан̇гхаад̣̇исзсод̇и. б̣яан̃ж̇анам̣ бана анаад̣̇ияид̇ваа ад̇т̇амзва д̣̇ассзд̇ум̣ ‘‘сан̇гхова д̇ассаа аабад̇д̇ияаа бариваасам̣ д̣̇зд̇и, муулааяа бадигассад̇и, маанад̇д̇ам̣ д̣̇зд̇и, аб̣бхзд̇и на самб̣ахулаа на згабуг̇г̇ало, д̇зна вужжад̇и сан̇гхаад̣̇исзсо’’д̇и ид̣̇амасса бад̣̇абхааж̇анам̣ –
Saṅghādisesoti imassa āpattinikāyassa nāmaṃ. Tasmā yā aññatra supinantā sañcetanikā sukkavissaṭṭhi , ayaṃ saṅghādiseso nāma āpattinikāyoti evamettha sambandho veditabbo . Vacanattho panettha saṅgho ādimhi ceva sese ca icchitabbo assāti saṅghādiseso. Kiṃ vuttaṃ hoti? Imaṃ āpattiṃ āpajjitvā vuṭṭhātukāmassa yaṃ taṃ āpattivuṭṭhānaṃ, tassa ādimhi ceva parivāsadānatthāya ādito sese ca majjhe mānattadānatthāya mūlāya paṭikassanena vā saha mānattadānatthāya avasāne abbhānatthāya saṅgho icchitabbo. Na hettha ekampi kammaṃ vinā saṅghena sakkā kātunti saṅgho ādimhi ceva sese ca icchitabbo assāti saṅghādisesoti. Byañjanaṃ pana anādiyitvā atthameva dassetuṃ ‘‘saṅghova tassā āpattiyā parivāsaṃ deti, mūlāya paṭikassati, mānattaṃ deti, abbheti na sambahulā na ekapuggalo, tena vuccati saṅghādiseso’’ti idamassa padabhājanaṃ –
‘‘сан̇гхаад̣̇исзсод̇и яам̣ вуд̇д̇ам̣, д̇ам̣ сун̣охи яат̇аад̇ат̇ам̣;
‘‘Saṅghādisesoti yaṃ vuttaṃ, taṃ suṇohi yathātathaṃ;
сан̇гхова д̣̇зд̇и бариваасам̣, муулааяа бадигассад̇и;
Saṅghova deti parivāsaṃ, mūlāya paṭikassati;
маанад̇д̇ам̣ д̣̇зд̇и аб̣бхзд̇и, д̇знзд̇ам̣ ид̇и вужжад̇ий’’д̇и. (бари. 339) –
Mānattaṃ deti abbheti, tenetaṃ iti vuccatī’’ti. (pari. 339) –
бариваарз важанагааран̣ан̃жа вуд̇д̇ам̣, д̇ад̇т̇а бариваасад̣̇аанаад̣̇ийни самужжаяагканд̇хагз вид̇т̇аарад̇о ааг̇ад̇аани, д̇ад̇т̇зва нзсам̣ сам̣ван̣н̣анам̣ гариссаама.
Parivāre vacanakāraṇañca vuttaṃ, tattha parivāsadānādīni samuccayakkhandhake vitthārato āgatāni, tattheva nesaṃ saṃvaṇṇanaṃ karissāma.
д̇ассзва аабад̇д̇инигааяассаад̇и д̇асса зва аабад̇д̇исамуухасса. д̇ад̇т̇а гин̃жааби аяам̣ згаава аабад̇д̇и, руул̣хисад̣̇д̣̇зна бана аваяавз самуухавохаарзна ваа ‘‘нигааяо’’д̇и вуд̇д̇о – ‘‘зго взд̣̇анаагканд̇хо, зго вин̃н̃аан̣агканд̇хо’’д̇иаад̣̇ийсу вияа.
Tasseva āpattinikāyassāti tassa eva āpattisamūhassa. Tattha kiñcāpi ayaṃ ekāva āpatti, rūḷhisaddena pana avayave samūhavohārena vā ‘‘nikāyo’’ti vutto – ‘‘eko vedanākkhandho, eko viññāṇakkhandho’’tiādīsu viya.
звам̣ уд̣̇д̣̇идтасигкаабад̣̇ам̣ бад̣̇аануггамзна вибхаж̇ид̇ваа ид̣̇аани имам̣ суггависсадтим̣ аабаж̇ж̇анд̇асса убааяан̃жа гаалан̃жа ад̇хиббааяан̃жа ад̇хиббааяавад̇т̇ун̃жа д̣̇ассзд̇ум̣ ‘‘аж̇жхад̇д̇аруубз можзд̇ий’’д̇иаад̣̇имааха. зд̇т̇а хи аж̇жхад̇д̇аруубаад̣̇ийхи жад̇уухи бад̣̇зхи убааяо д̣̇ассид̇о, аж̇жхад̇д̇аруубз ваа можзяяа б̣ахид̣̇д̇хааруубз ваа убхаяад̇т̇а ваа аагаасз ваа гадим̣ гамбзнд̇о, ид̇о барам̣ ан̃н̃о убааяо над̇т̇и. д̇ад̇т̇а руубз гхаддзд̇ваа можзнд̇оби руубзна гхаддзд̇ваа можзнд̇оби руубз можзд̇ижжзва взд̣̇ид̇аб̣б̣о. руубз хи сад̇и со можзд̇и на руубам̣ алабхид̇ваа. рааг̇уубад̇т̇амбхаад̣̇ийхи бана бан̃жахи гаало д̣̇ассид̇о. рааг̇уубад̇т̇амбхаад̣̇игаалзсу хи ан̇г̇аж̇аад̇ам̣ гамманияам̣ ход̇и, яасса гамманияад̇д̇з сад̇и можзд̇и. ид̇о барам̣ ан̃н̃о гаало над̇т̇и, на хи винаа рааг̇уубад̇т̇амбхаад̣̇ийхи буб̣б̣ан̣хаад̣̇аяо гаалабхзд̣̇аа можанз нимид̇д̇ам̣ хонд̇и.
Evaṃ uddiṭṭhasikkhāpadaṃ padānukkamena vibhajitvā idāni imaṃ sukkavissaṭṭhiṃ āpajjantassa upāyañca kālañca adhippāyañca adhippāyavatthuñca dassetuṃ ‘‘ajjhattarūpe mocetī’’tiādimāha. Ettha hi ajjhattarūpādīhi catūhi padehi upāyo dassito, ajjhattarūpe vā moceyya bahiddhārūpe vā ubhayattha vā ākāse vā kaṭiṃ kampento, ito paraṃ añño upāyo natthi. Tattha rūpe ghaṭṭetvā mocentopi rūpena ghaṭṭetvā mocentopi rūpe moceticceva veditabbo. Rūpe hi sati so moceti na rūpaṃ alabhitvā. Rāgūpatthambhādīhi pana pañcahi kālo dassito. Rāgūpatthambhādikālesu hi aṅgajātaṃ kammaniyaṃ hoti, yassa kammaniyatte sati moceti. Ito paraṃ añño kālo natthi, na hi vinā rāgūpatthambhādīhi pubbaṇhādayo kālabhedā mocane nimittaṃ honti.
аарог̇яад̇т̇ааяаад̇иаад̣̇ийхи д̣̇асахи ад̇хиббааяо д̣̇ассид̇о, зваруубзна хи ад̇хиббааяабхзд̣̇зна можзд̇и на ан̃н̃ат̇аа. нийлаад̣̇ийхи бана д̣̇асахи навамасса ад̇хиббааяасса вад̇т̇у д̣̇ассид̇ам̣, виймам̣санд̇о хи нийлаад̣̇ийсу ан̃н̃ад̇арасса васзна виймам̣сад̇и на д̇зхи винимуд̇д̇анд̇и.
Ārogyatthāyātiādīhi dasahi adhippāyo dassito, evarūpena hi adhippāyabhedena moceti na aññathā. Nīlādīhi pana dasahi navamassa adhippāyassa vatthu dassitaṃ, vīmaṃsanto hi nīlādīsu aññatarassa vasena vīmaṃsati na tehi vinimuttanti.
238. ид̇о барам̣ бана имзсам̣язва аж̇жхад̇д̇аруубаад̣̇ийнам̣ бад̣̇аанам̣ багаасанад̇т̇ам̣ ‘‘аж̇жхад̇д̇аруубзд̇и аж̇жхад̇д̇ам̣ убаад̣̇иннз руубз’’д̇иаад̣̇и вуд̇д̇ам̣, д̇ад̇т̇а аж̇жхад̇д̇ам̣ убаад̣̇иннз руубзд̇и ад̇д̇ано хад̇т̇аад̣̇ибхзд̣̇з руубз. б̣ахид̣̇д̇хаа убаад̣̇иннзд̇и барасса д̇аад̣̇исзязва. анубаад̣̇иннзд̇и д̇аал̣ажчид̣̇д̣̇аад̣̇ибхзд̣̇з. д̇ад̣̇убхаязд̇и ад̇д̇ано жа барасса жа руубз, убхаяагхадданавасзнзд̇ам̣ вуд̇д̇ам̣. ад̇д̇ано руубзна жа анубаад̣̇иннаруубзна жа згад̇о гхадданзби лаб̣бхад̇и. аагаасз вааяаманд̇ассаад̇и гзнажи руубзна агхаддзд̇ваа аагаасзязва гадигамбанабаяаог̇зна ан̇г̇аж̇аад̇ам̣ жаалзнд̇асса.
238. Ito paraṃ pana imesaṃyeva ajjhattarūpādīnaṃ padānaṃ pakāsanatthaṃ ‘‘ajjhattarūpeti ajjhattaṃ upādinne rūpe’’tiādi vuttaṃ, tattha ajjhattaṃ upādinne rūpeti attano hatthādibhede rūpe. Bahiddhā upādinneti parassa tādiseyeva. Anupādinneti tāḷacchiddādibhede. Tadubhayeti attano ca parassa ca rūpe, ubhayaghaṭṭanavasenetaṃ vuttaṃ. Attano rūpena ca anupādinnarūpena ca ekato ghaṭṭanepi labbhati. Ākāse vāyamantassāti kenaci rūpena aghaṭṭetvā ākāseyeva kaṭikampanapayaogena aṅgajātaṃ cālentassa.
рааг̇уубад̇т̇амбхзд̇и рааг̇асса б̣алавабхаавз, рааг̇зна ваа ан̇г̇аж̇аад̇асса убад̇т̇амбхз, т̇ад̣̇д̇хабхаавз сан̃ж̇аад̇зд̇и вуд̇д̇ам̣ ход̇и. гамманияам̣ ход̇ийд̇и можанагаммагкамам̣ аж̇жхад̇д̇аруубаад̣̇ийсу убаггамаарахам̣ ход̇и.
Rāgūpatthambheti rāgassa balavabhāve, rāgena vā aṅgajātassa upatthambhe, thaddhabhāve sañjāteti vuttaṃ hoti. Kammaniyaṃ hotīti mocanakammakkhamaṃ ajjhattarūpādīsu upakkamārahaṃ hoti.
ужжаалин̇г̇абаан̣агад̣̇адтуубад̇т̇амбхзд̇и ужжаалин̇г̇абаан̣агад̣̇адтзна ан̇г̇аж̇аад̇з убад̇т̇амбхз. ужжаалин̇г̇абаан̣агаа наама ломасабаан̣агаа хонд̇и, д̇зсам̣ ломзхи пудтам̣ ан̇г̇аж̇аад̇ам̣ ган̣д̣ум̣ г̇ахзд̇ваа т̇ад̣̇д̇хам̣ ход̇и, д̇ад̇т̇а яасмаа д̇аани ломаани ан̇г̇аж̇аад̇ам̣ д̣ам̣санд̇аани вияа виж̇жханд̇и, д̇асмаа ‘‘ужжаалин̇г̇абаан̣агад̣̇адтзнаа’’д̇и вуд̇д̇ам̣, ад̇т̇ад̇о бана ужжаалин̇г̇абаан̣агаломавзд̇ханзнаад̇и вуд̇д̇ам̣ ход̇и.
Uccāliṅgapāṇakadaṭṭhūpatthambheti uccāliṅgapāṇakadaṭṭhena aṅgajāte upatthambhe. Uccāliṅgapāṇakā nāma lomasapāṇakā honti, tesaṃ lomehi phuṭṭhaṃ aṅgajātaṃ kaṇḍuṃ gahetvā thaddhaṃ hoti, tattha yasmā tāni lomāni aṅgajātaṃ ḍaṃsantāni viya vijjhanti, tasmā ‘‘uccāliṅgapāṇakadaṭṭhenā’’ti vuttaṃ, atthato pana uccāliṅgapāṇakalomavedhanenāti vuttaṃ hoti.
239. арог̇о бхависсаамийд̇и можзд̇ваа арог̇о бхависсаами. сукам̣ взд̣̇анам̣ уббаад̣̇зссаамийд̇и можанзна жа мужжануббад̇д̇ияаа муд̇д̇абажжаяаа жа яаа сукаа взд̣̇анаа ход̇и, д̇ам̣ уббаад̣̇зссаамийд̇и ад̇т̇о. бхзсаж̇ж̇ам̣ бхависсад̇ийд̇и ид̣̇ам̣ мз можид̇ам̣ гин̃жид̣̇зва бхзсаж̇ж̇ам̣ бхависсад̇и. д̣̇аанам̣ д̣̇ассаамийд̇и можзд̇ваа гийдагибиллигаад̣̇ийнам̣ д̣̇аанам̣ д̣̇ассаами. бун̃н̃ам̣ бхависсад̇ийд̇и можзд̇ваа гийдаад̣̇ийнам̣ д̣̇знд̇асса бун̃н̃ам̣ бхависсад̇и. яан̃н̃ам̣ яаж̇иссаамийд̇и можзд̇ваа гийдаад̣̇ийнам̣ яан̃н̃ам̣ яаж̇иссаами. гин̃жи гин̃жи манд̇абад̣̇ам̣ вад̇ваа д̣̇ассаамийд̇и вуд̇д̇ам̣ ход̇и. саг̇г̇ам̣ г̇амиссаамийд̇и можзд̇ваа гийдаад̣̇ийнам̣ д̣̇иннад̣̇аанзна ваа бун̃н̃зна ваа яан̃н̃зна ваа саг̇г̇ам̣ г̇амиссаами. б̣ийж̇ам̣ бхависсад̇ийд̇и гулавам̣сан̇гурасса д̣̇аарагасса б̣ийж̇ам̣ бхависсад̇и, ‘‘иминаа б̣ийж̇зна буд̇д̇о ниб̣б̣ад̇д̇иссад̇ий’’д̇и иминаа ад̇хиббааязна можзд̇ийд̇и ад̇т̇о. виймам̣сад̇т̇ааяаад̇и ж̇аананад̇т̇ааяа. нийлам̣ бхависсад̇ийд̇иаад̣̇ийсу ж̇ааниссаами д̇аава гим̣ мз можид̇ам̣ нийлам̣ бхависсад̇и бийд̇агаад̣̇ийсу ан̃н̃ад̇араван̣н̣анд̇и звамад̇т̇о д̣̇адтаб̣б̣о. кид̣д̣аад̇хиббааяод̇и кид̣д̣аабасуд̇о, д̇зна д̇зна ад̇хиббааязна гийл̣анд̇о можзд̇ийд̇и вуд̇д̇ам̣ ход̇и.
239.Arogo bhavissāmīti mocetvā arogo bhavissāmi. Sukhaṃ vedanaṃ uppādessāmīti mocanena ca muccanuppattiyā muttapaccayā ca yā sukhā vedanā hoti, taṃ uppādessāmīti attho. Bhesajjaṃ bhavissatīti idaṃ me mocitaṃ kiñcideva bhesajjaṃ bhavissati. Dānaṃ dassāmīti mocetvā kīṭakipillikādīnaṃ dānaṃ dassāmi. Puññaṃ bhavissatīti mocetvā kīṭādīnaṃ dentassa puññaṃ bhavissati. Yaññaṃ yajissāmīti mocetvā kīṭādīnaṃ yaññaṃ yajissāmi. Kiñci kiñci mantapadaṃ vatvā dassāmīti vuttaṃ hoti. Saggaṃ gamissāmīti mocetvā kīṭādīnaṃ dinnadānena vā puññena vā yaññena vā saggaṃ gamissāmi. Bījaṃ bhavissatīti kulavaṃsaṅkurassa dārakassa bījaṃ bhavissati, ‘‘iminā bījena putto nibbattissatī’’ti iminā adhippāyena mocetīti attho. Vīmaṃsatthāyāti jānanatthāya. Nīlaṃ bhavissatītiādīsu jānissāmi tāva kiṃ me mocitaṃ nīlaṃ bhavissati pītakādīsu aññataravaṇṇanti evamattho daṭṭhabbo. Khiḍḍādhippāyoti khiḍḍāpasuto, tena tena adhippāyena kīḷanto mocetīti vuttaṃ hoti.
240. ид̣̇аани яад̣̇ид̣̇ам̣ ‘‘аж̇жхад̇д̇аруубз можзд̇ий’’д̇иаад̣̇и вуд̇д̇ам̣ д̇ад̇т̇а яат̇аа можзнд̇о аабад̇д̇им̣ аабаж̇ж̇ад̇и, д̇зсан̃жа бад̣̇аанам̣ васзна яад̇д̇аго аабад̇д̇ибхзд̣̇о ход̇и, д̇ам̣ саб̣б̣ам̣ д̣̇ассзнд̇о ‘‘аж̇жхад̇д̇аруубз жзд̇зд̇и убаггамад̇и мужжад̇и аабад̇д̇и сан̇гхаад̣̇исзсассаа’’д̇иаад̣̇имааха.
240. Idāni yadidaṃ ‘‘ajjhattarūpe mocetī’’tiādi vuttaṃ tattha yathā mocento āpattiṃ āpajjati, tesañca padānaṃ vasena yattako āpattibhedo hoti, taṃ sabbaṃ dassento ‘‘ajjhattarūpe ceteti upakkamati muccati āpatti saṅghādisesassā’’tiādimāha.
д̇ад̇т̇а жзд̇зд̇ийд̇и можанассаад̣̇асамбаяуд̇д̇ааяа жзд̇анааяа мужжад̇ууд̇и жзд̇зд̇и. убаггамад̇ийд̇и д̇ад̣̇ануруубам̣ вааяаамам̣ гарод̇и. мужжад̇ийд̇и звам̣ жзд̇знд̇асса д̇ад̣̇ануруубзна вааяаамзна вааяамад̇о суггам̣ таанаа жавад̇и. аабад̇д̇и сан̇гхаад̣̇исзсассаад̇и имзхи д̇ийхи ан̇г̇зхи асса буг̇г̇аласса сан̇гхаад̣̇исзсо наама аабад̇д̇инигааяо ход̇ийд̇и ад̇т̇о. зса наяо б̣ахид̣̇д̇хааруубзд̇иаад̣̇ийсуби авасзсзсу адтавийсад̇ияаа бад̣̇зсу.
Tattha cetetīti mocanassādasampayuttāya cetanāya muccatūti ceteti. Upakkamatīti tadanurūpaṃ vāyāmaṃ karoti. Muccatīti evaṃ cetentassa tadanurūpena vāyāmena vāyamato sukkaṃ ṭhānā cavati. Āpatti saṅghādisesassāti imehi tīhi aṅgehi assa puggalassa saṅghādiseso nāma āpattinikāyo hotīti attho. Esa nayo bahiddhārūpetiādīsupi avasesesu aṭṭhavīsatiyā padesu.
зд̇т̇а бана д̣̇вз аабад̇д̇исахассаани нийхарид̇ваа д̣̇ассзд̇аб̣б̣аани. гат̇ам̣? аж̇жхад̇д̇аруубз д̇аава рааг̇уубад̇т̇амбхз аарог̇яад̇т̇ааяа нийлам̣ можзнд̇асса згаа аабад̇д̇и, аж̇жхад̇д̇аруубзязва рааг̇уубад̇т̇амбхз аарог̇яад̇т̇ааяа бийд̇аад̣̇ийнам̣ можанавасзна абараа наваад̇и д̣̇аса. яат̇аа жа аарог̇яад̇т̇ааяа д̣̇аса, звам̣ сукаад̣̇ийнам̣ наваннам̣ бад̣̇аанам̣ ад̇т̇ааяа згзгабад̣̇з д̣̇аса д̣̇аса гад̇ваа навуд̇и, ид̇и имаа жа навуд̇и буримаа жа д̣̇асаад̇и рааг̇уубад̇т̇амбхз д̇аава сад̇ам̣. яат̇аа бана рааг̇уубад̇т̇амбхз звам̣ важжуубад̇т̇амбхаад̣̇ийсуби жад̇уусу згзгасмим̣ убад̇т̇амбхз сад̇ам̣ сад̇ам̣ гад̇ваа жад̇д̇аари сад̇аани, ид̇и имаани жад̇д̇аари буриман̃жа зганд̇и аж̇жхад̇д̇аруубз д̇аава бан̃жаннам̣ убад̇т̇амбхаанам̣ васзна бан̃жа сад̇аани. яат̇аа жа аж̇жхад̇д̇аруубз бан̃жа, звам̣ б̣ахид̣̇д̇хааруубз бан̃жа, аж̇жхад̇д̇аб̣ахид̣̇д̇хааруубз бан̃жа, аагаасз гадим̣ гамбзнд̇асса бан̃жаад̇и саб̣б̣ааниби жад̇уннам̣ бан̃жагаанам̣ васзна д̣̇вз аабад̇д̇исахассаани взд̣̇ид̇аб̣б̣аани.
Ettha pana dve āpattisahassāni nīharitvā dassetabbāni. Kathaṃ? Ajjhattarūpe tāva rāgūpatthambhe ārogyatthāya nīlaṃ mocentassa ekā āpatti, ajjhattarūpeyeva rāgūpatthambhe ārogyatthāya pītādīnaṃ mocanavasena aparā navāti dasa. Yathā ca ārogyatthāya dasa, evaṃ sukhādīnaṃ navannaṃ padānaṃ atthāya ekekapade dasa dasa katvā navuti, iti imā ca navuti purimā ca dasāti rāgūpatthambhe tāva sataṃ. Yathā pana rāgūpatthambhe evaṃ vaccūpatthambhādīsupi catūsu ekekasmiṃ upatthambhe sataṃ sataṃ katvā cattāri satāni, iti imāni cattāri purimañca ekanti ajjhattarūpe tāva pañcannaṃ upatthambhānaṃ vasena pañca satāni. Yathā ca ajjhattarūpe pañca, evaṃ bahiddhārūpe pañca, ajjhattabahiddhārūpe pañca, ākāse kaṭiṃ kampentassa pañcāti sabbānipi catunnaṃ pañcakānaṃ vasena dve āpattisahassāni veditabbāni.
ид̣̇аани аарог̇яад̇т̇ааяаад̇иаад̣̇ийсу д̇аава д̣̇асасу бад̣̇зсу бадибаадияаа ваа уббадибаадияаа ваа хздтаа ваа г̇ахзд̇ваа убари г̇ан̣ханд̇асса, убари ваа г̇ахзд̇ваа хздтаа г̇ан̣ханд̇асса, убхад̇о ваа г̇ахзд̇ваа маж̇жхз табзнд̇асса, маж̇жхз ваа г̇ахзд̇ваа убхад̇о харанд̇асса, саб̣б̣амуулам̣ ваа гад̇ваа г̇ан̣ханд̇асса жзд̇ануубаггамаможанз сад̇и висан̇гзд̇о наама над̇т̇ийд̇и д̣̇ассзд̇ум̣ ‘‘аарог̇яад̇т̇ан̃жа сукад̇т̇ан̃жаа’’д̇и кан̣д̣ажаггаб̣ад̣̇д̇хажаггаад̣̇ибхзд̣̇авижид̇д̇ам̣ баал̣имааха.
Idāni ārogyatthāyātiādīsu tāva dasasu padesu paṭipāṭiyā vā uppaṭipāṭiyā vā heṭṭhā vā gahetvā upari gaṇhantassa, upari vā gahetvā heṭṭhā gaṇhantassa, ubhato vā gahetvā majjhe ṭhapentassa, majjhe vā gahetvā ubhato harantassa, sabbamūlaṃ vā katvā gaṇhantassa cetanūpakkamamocane sati visaṅketo nāma natthīti dassetuṃ ‘‘ārogyatthañca sukhatthañcā’’ti khaṇḍacakkabaddhacakkādibhedavicittaṃ pāḷimāha.
д̇ад̇т̇а аарог̇яад̇т̇ан̃жа сукад̇т̇ан̃жа аарог̇яад̇т̇ан̃жа бхзсаж̇ж̇ад̇т̇ан̃жаа д̇и звам̣ аарог̇яабад̣̇ам̣ саб̣б̣абад̣̇зхи яож̇зд̇ваа вуд̇д̇амзгам̣ кан̣д̣ажаггам̣. сукабад̣̇аад̣̇ийни саб̣б̣абад̣̇зхи яож̇зд̇ваа яаава ад̇д̇ано ад̇д̇ано ад̇ийд̇аананд̇арабад̣̇ам̣ д̇аава аанзд̇ваа вуд̇д̇аани нава б̣ад̣̇д̇хажаггаанийд̇и звам̣ згзгамуулагаани д̣̇аса жаггаани хонд̇и, д̇аани д̣̇умуулагаад̣̇ийхи сад̣̇д̇хим̣ асаммохад̇о вид̇т̇аарзд̇ваа взд̣̇ид̇аб̣б̣аани. ад̇т̇о банзд̇т̇а баагадоязва.
Tattha ārogyatthañca sukhatthañca ārogyatthañca bhesajjatthañcā ti evaṃ ārogyapadaṃ sabbapadehi yojetvā vuttamekaṃ khaṇḍacakkaṃ. Sukhapadādīni sabbapadehi yojetvā yāva attano attano atītānantarapadaṃ tāva ānetvā vuttāni nava baddhacakkānīti evaṃ ekekamūlakāni dasa cakkāni honti, tāni dumūlakādīhi saddhiṃ asammohato vitthāretvā veditabbāni. Attho panettha pākaṭoyeva.
яат̇аа жа аарог̇яад̇т̇ааяаад̇иаад̣̇ийсу д̣̇асасу бад̣̇зсу, звам̣ нийлаад̣̇ийсуби ‘‘нийлан̃жа бийд̇аган̃жа жзд̇зд̇и убаггамад̇ий’’д̇иаад̣̇инаа наязна д̣̇аса жаггаани вуд̇д̇аани, д̇ааниби асаммохад̇о вид̇т̇аарзд̇ваа взд̣̇ид̇аб̣б̣аани. ад̇т̇о банзд̇т̇а баагадоязва.
Yathā ca ārogyatthāyātiādīsu dasasu padesu, evaṃ nīlādīsupi ‘‘nīlañca pītakañca ceteti upakkamatī’’tiādinā nayena dasa cakkāni vuttāni, tānipi asammohato vitthāretvā veditabbāni. Attho panettha pākaṭoyeva.
буна аарог̇яад̇т̇ан̃жа нийлан̃жа аарог̇яад̇т̇ан̃жа сукад̇т̇ан̃жа нийлан̃жа бийд̇аган̃жаад̇и згзнзгам̣ д̣̇вийхи д̣̇вз…бз… д̣̇асахи д̣̇асаад̇и звам̣ буримабад̣̇зхи сад̣̇д̇хим̣ бажчимабад̣̇аани яож̇зд̇ваа згам̣ миссагажаггам̣ вуд̇д̇ам̣.
Puna ārogyatthañca nīlañca ārogyatthañca sukhatthañca nīlañca pītakañcāti ekenekaṃ dvīhi dve…pe… dasahi dasāti evaṃ purimapadehi saddhiṃ pacchimapadāni yojetvā ekaṃ missakacakkaṃ vuttaṃ.
ид̣̇аани яасмаа ‘‘нийлам̣ можзссаамий’’д̇и жзд̇зд̇ваа убаггаманд̇асса бийд̇агаад̣̇ийсу муд̇д̇зсуби бийд̇агаад̣̇ивасзна жзд̇зд̇ваа убаггаманд̇асса ид̇арзсу муд̇д̇зсуби нзвад̇т̇и висан̇гзд̇о , д̇асмаа зд̇амби наяам̣ д̣̇ассзд̇ум̣ ‘‘нийлам̣ можзссаамийд̇и жзд̇зд̇и убаггамад̇и бийд̇агам̣ мужжад̇ий’’д̇иаад̣̇инаа наязна жаггаани вуд̇д̇аани. д̇ад̇о барам̣ саб̣б̣абажчимабад̣̇ам̣ нийлаад̣̇ийхи навахи бад̣̇зхи сад̣̇д̇хим̣ яож̇зд̇ваа гужчижаггам̣ наама вуд̇д̇ам̣. д̇ад̇о бийд̇агаад̣̇ийни нава бад̣̇аани згзна нийлабад̣̇знзва сад̣̇д̇хим̣ яож̇зд̇ваа бидтижаггам̣ наама вуд̇д̇ам̣. д̇ад̇о лохид̇агаад̣̇ийни нава бад̣̇аани згзна бийд̇агабад̣̇знзва сад̣̇д̇хим̣ яож̇зд̇ваа д̣̇уд̇ияам̣ бидтижаггам̣ вуд̇д̇ам̣. звам̣ лохид̇агабад̣̇аад̣̇ийхи сад̣̇д̇хим̣ ид̇араани нава нава бад̣̇аани яож̇зд̇ваа ан̃н̃ааниби адта жаггаани вуд̇д̇аанийд̇и звам̣ д̣̇асаг̇ад̇игам̣ бидтижаггам̣ взд̣̇ид̇аб̣б̣ам̣.
Idāni yasmā ‘‘nīlaṃ mocessāmī’’ti cetetvā upakkamantassa pītakādīsu muttesupi pītakādivasena cetetvā upakkamantassa itaresu muttesupi nevatthi visaṅketo , tasmā etampi nayaṃ dassetuṃ ‘‘nīlaṃ mocessāmīti ceteti upakkamati pītakaṃ muccatī’’tiādinā nayena cakkāni vuttāni. Tato paraṃ sabbapacchimapadaṃ nīlādīhi navahi padehi saddhiṃ yojetvā kucchicakkaṃ nāma vuttaṃ. Tato pītakādīni nava padāni ekena nīlapadeneva saddhiṃ yojetvā piṭṭhicakkaṃ nāma vuttaṃ. Tato lohitakādīni nava padāni ekena pītakapadeneva saddhiṃ yojetvā dutiyaṃ piṭṭhicakkaṃ vuttaṃ. Evaṃ lohitakapadādīhi saddhiṃ itarāni nava nava padāni yojetvā aññānipi aṭṭha cakkāni vuttānīti evaṃ dasagatikaṃ piṭṭhicakkaṃ veditabbaṃ.
звам̣ кан̣д̣ажаггаад̣̇ийнам̣ анзгзсам̣ жаггаанам̣ васзна вид̇т̇аарад̇о г̇аругаабад̇д̇имзва д̣̇ассзд̇ваа ид̣̇аани ан̇г̇авасзнзва г̇аругаабад̇д̇ин̃жа лахугаабад̇д̇ин̃жа анаабад̇д̇ин̃жа д̣̇ассзд̇ум̣ ‘‘жзд̇зд̇и убаггамад̇и мужжад̇ий’’д̇иаад̣̇имааха. д̇ад̇т̇а буриманаязна аж̇жхад̇д̇аруубаад̣̇ийсу рааг̇аад̣̇иубад̇т̇амбхз сад̇и аарог̇яаад̣̇ийнам̣ ад̇т̇ааяа жзд̇знд̇асса убаггамид̇ваа асужиможанз д̇иван̇г̇асамбаннаа г̇аругаабад̇д̇и вуд̇д̇аа. д̣̇уд̇иязна наязна жзд̇знд̇асса убаггаманд̇асса жа можанз асад̇и д̣̇уван̇г̇асамбаннаа лахугаа т̇уллажжаяаабад̇д̇и. ‘‘жзд̇зд̇и на убаггамад̇и мужжад̇ий’’д̇иаад̣̇ийхи чахи наязхи анаабад̇д̇и.
Evaṃ khaṇḍacakkādīnaṃ anekesaṃ cakkānaṃ vasena vitthārato garukāpattimeva dassetvā idāni aṅgavaseneva garukāpattiñca lahukāpattiñca anāpattiñca dassetuṃ ‘‘ceteti upakkamati muccatī’’tiādimāha. Tattha purimanayena ajjhattarūpādīsu rāgādiupatthambhe sati ārogyādīnaṃ atthāya cetentassa upakkamitvā asucimocane tivaṅgasampannā garukāpatti vuttā. Dutiyena nayena cetentassa upakkamantassa ca mocane asati duvaṅgasampannā lahukā thullaccayāpatti. ‘‘Ceteti na upakkamati muccatī’’tiādīhi chahi nayehi anāpatti.
аяам̣ бана аабад̇д̇аанаабад̇д̇ибхзд̣̇о сан̣хо сукумо, д̇асмаа судту саллагкзд̇аб̣б̣о . судту саллагкзд̇ваа гуггужжам̣ бужчид̇зна аабад̇д̇и ваа анаабад̇д̇и ваа аажигкид̇аб̣б̣аа, винаяагаммам̣ ваа гаад̇аб̣б̣ам̣. асаллагкзд̇ваа гаронд̇о хи рог̇анид̣̇аанам̣ аж̇аанид̇ваа бхзсаж̇ж̇ам̣ гаронд̇о взж̇ж̇о вияа вигхаад̇ан̃жа аабаж̇ж̇ад̇и, на жа д̇ам̣ буг̇г̇алам̣ д̇игижчид̇ум̣ самад̇т̇о ход̇и. д̇ад̇рааяам̣ саллагкан̣авид̇хи – гуггужжзна ааг̇ад̇о бхигку яаавад̇ад̇ияам̣ бужчид̇аб̣б̣о – ‘‘гад̇арзна баяог̇зна гад̇арзна рааг̇зна аабанносий’’д̇и. сажз батамам̣ ан̃н̃ам̣ вад̇ваа бажчаа ан̃н̃ам̣ вад̣̇ад̇и на згамаг̇г̇зна гат̇зд̇и, со вад̇д̇аб̣б̣о – ‘‘д̇вам̣ на згамаг̇г̇зна гат̇зси барихараси, на саггаа д̇ава винаяагаммам̣ гаад̇ум̣ г̇ажча сод̇т̇им̣ г̇авзсаа’’д̇и. сажз бана д̇игкад̇д̇умби згамаг̇г̇знзва гат̇зд̇и, яат̇аабхууд̇ам̣ ад̇д̇аанам̣ аавигарод̇и, ат̇асса аабад̇д̇аанаабад̇д̇иг̇аругалахугаабад̇д̇ивинижчаяад̇т̇ам̣ згаад̣̇асаннам̣ рааг̇аанам̣ васзна згаад̣̇аса баяог̇аа самавзгкид̇аб̣б̣аа.
Ayaṃ pana āpattānāpattibhedo saṇho sukhumo, tasmā suṭṭhu sallakkhetabbo . Suṭṭhu sallakkhetvā kukkuccaṃ pucchitena āpatti vā anāpatti vā ācikkhitabbā, vinayakammaṃ vā kātabbaṃ. Asallakkhetvā karonto hi roganidānaṃ ajānitvā bhesajjaṃ karonto vejjo viya vighātañca āpajjati, na ca taṃ puggalaṃ tikicchituṃ samattho hoti. Tatrāyaṃ sallakkhaṇavidhi – kukkuccena āgato bhikkhu yāvatatiyaṃ pucchitabbo – ‘‘katarena payogena katarena rāgena āpannosī’’ti. Sace paṭhamaṃ aññaṃ vatvā pacchā aññaṃ vadati na ekamaggena katheti, so vattabbo – ‘‘tvaṃ na ekamaggena kathesi pariharasi, na sakkā tava vinayakammaṃ kātuṃ gaccha sotthiṃ gavesā’’ti. Sace pana tikkhattumpi ekamaggeneva katheti, yathābhūtaṃ attānaṃ āvikaroti, athassa āpattānāpattigarukalahukāpattivinicchayatthaṃ ekādasannaṃ rāgānaṃ vasena ekādasa payogā samavekkhitabbā.
д̇ад̇римз згаад̣̇аса рааг̇аа – можанассаад̣̇о, мужжанассаад̣̇о, муд̇д̇ассаад̣̇о, мзт̇унассаад̣̇о, пассассаад̣̇о, ган̣д̣уванассаад̣̇о, д̣̇ассанассаад̣̇о, нисаж̇ж̇ассаад̣̇о, ваажассаад̣̇о, г̇зхассид̇абзмам̣, ванабхан̇г̇ияанд̇и. д̇ад̇т̇а можзд̇ум̣ ассаад̣̇о можанассаад̣̇о, мужжанз ассаад̣̇о мужжанассаад̣̇о, муд̇д̇з ассаад̣̇о муд̇д̇ассаад̣̇о, мзт̇унз ассаад̣̇о мзт̇унассаад̣̇о, пассз ассаад̣̇о пассассаад̣̇о, ган̣д̣уванз ассаад̣̇о ган̣д̣уванассаад̣̇о, д̣̇ассанз ассаад̣̇о д̣̇ассанассаад̣̇о, нисаж̇ж̇ааяа ассаад̣̇о нисаж̇ж̇ассаад̣̇о, ваажааяа ассаад̣̇о ваажассаад̣̇о, г̇зхассид̇ам̣ бзмам̣ г̇зхассид̇абзмам̣, ванабхан̇г̇ияанд̇и яам̣гин̃жи бубпапалаад̣̇и ванад̇о бхан̃ж̇ид̇ваа аахадам̣. зд̇т̇а жа навахи бад̣̇зхи самбаяуд̇д̇аассаад̣̇асийсзна рааг̇о вуд̇д̇о. згзна бад̣̇зна саруубзнзва, згзна бад̣̇зна вад̇т̇унаа вуд̇д̇о, ванабхан̇г̇о хи рааг̇асса вад̇т̇у на рааг̇оязва.
Tatrime ekādasa rāgā – mocanassādo, muccanassādo, muttassādo, methunassādo, phassassādo, kaṇḍuvanassādo, dassanassādo, nisajjassādo, vācassādo, gehassitapemaṃ, vanabhaṅgiyanti. Tattha mocetuṃ assādo mocanassādo, muccane assādo muccanassādo, mutte assādo muttassādo, methune assādo methunassādo, phasse assādo phassassādo, kaṇḍuvane assādo kaṇḍuvanassādo, dassane assādo dassanassādo, nisajjāya assādo nisajjassādo, vācāya assādo vācassādo, gehassitaṃ pemaṃ gehassitapemaṃ, vanabhaṅgiyanti yaṃkiñci pupphaphalādi vanato bhañjitvā āhaṭaṃ. Ettha ca navahi padehi sampayuttaassādasīsena rāgo vutto. Ekena padena sarūpeneva, ekena padena vatthunā vutto, vanabhaṅgo hi rāgassa vatthu na rāgoyeva.
зд̇зсам̣ бана рааг̇аанам̣ васзна звам̣ баяог̇аа самавзгкид̇аб̣б̣аа – можанассаад̣̇з можанассаад̣̇ажзд̇анааяа жзд̇знд̇о жзва ассаад̣̇знд̇о жа убаггамад̇и мужжад̇и сан̇гхаад̣̇исзсо. д̇ат̇зва жзд̇знд̇о жа ассаад̣̇знд̇о жа убаггамад̇и на мужжад̇и т̇уллажжаяам̣. сажз бана саяанагаалз рааг̇абарияудтид̇о худ̇ваа уурунаа ваа мудтинаа ваа ан̇г̇аж̇аад̇ам̣ г̇аал̣хам̣ бийл̣зд̇ваа можанад̇т̇ааяа сауссаахова субад̇и, субанд̇асса жасса асужи мужжад̇и сан̇гхаад̣̇исзсо. сажз рааг̇абарияудтаанам̣ асубхаманасигаарзна вуубасамзд̇ваа суд̣̇д̇хажид̇д̇о субад̇и, субанд̇асса муд̇д̇зби анаабад̇д̇и.
Etesaṃ pana rāgānaṃ vasena evaṃ payogā samavekkhitabbā – mocanassāde mocanassādacetanāya cetento ceva assādento ca upakkamati muccati saṅghādiseso. Tatheva cetento ca assādento ca upakkamati na muccati thullaccayaṃ. Sace pana sayanakāle rāgapariyuṭṭhito hutvā ūrunā vā muṭṭhinā vā aṅgajātaṃ gāḷhaṃ pīḷetvā mocanatthāya saussāhova supati, supantassa cassa asuci muccati saṅghādiseso. Sace rāgapariyuṭṭhānaṃ asubhamanasikārena vūpasametvā suddhacitto supati, supantassa muttepi anāpatti.
мужжанассаад̣̇з ад̇д̇ано д̇хаммад̇ааяа мужжамаанам̣ ассаад̣̇зд̇и на убаггамад̇и анаабад̇д̇и. сажз бана мужжамаанам̣ ассаад̣̇знд̇о убаггамад̇и, д̇зна убаггамзна муд̇д̇з сан̇гхаад̣̇исзсо. ад̇д̇ано д̇хаммад̇ааяа мужжамаанз ‘‘маа гаасаавам̣ ваа сзнаасанам̣ ваа д̣̇уссий’’д̇и ан̇г̇аж̇аад̇ам̣ г̇ахзд̇ваа ж̇аг̇г̇анад̇т̇ааяа уд̣̇агадтаанам̣ г̇ажчад̇и ваддад̇ийд̇и махаабажжарияам̣ вуд̇д̇ам̣.
Muccanassāde attano dhammatāya muccamānaṃ assādeti na upakkamati anāpatti. Sace pana muccamānaṃ assādento upakkamati, tena upakkamena mutte saṅghādiseso. Attano dhammatāya muccamāne ‘‘mā kāsāvaṃ vā senāsanaṃ vā dussī’’ti aṅgajātaṃ gahetvā jagganatthāya udakaṭṭhānaṃ gacchati vaṭṭatīti mahāpaccariyaṃ vuttaṃ.
муд̇д̇ассаад̣̇з ад̇д̇ано д̇хаммад̇ааяа муд̇д̇з таанаа жуд̇з асужимхи бажчаа ассаад̣̇знд̇асса винаа убаггамзна мужжад̇и, анаабад̇д̇и. сажз ассаад̣̇зд̇ваа буна можанад̇т̇ааяа нимид̇д̇з убаггамид̇ваа можзд̇и, сан̇гхаад̣̇исзсо.
Muttassāde attano dhammatāya mutte ṭhānā cute asucimhi pacchā assādentassa vinā upakkamena muccati, anāpatti. Sace assādetvā puna mocanatthāya nimitte upakkamitvā moceti, saṅghādiseso.
мзт̇унассаад̣̇з мзт̇унарааг̇зна маад̇уг̇аамам̣ г̇ан̣хаад̇и, д̇зна баяог̇зна асужи мужжад̇и, анаабад̇д̇и. мзт̇унад̇хаммасса баяог̇ад̇д̇аа бана д̇аад̣̇исз г̇ахан̣з д̣̇уггадам̣, сийсам̣ бад̇д̇з баарааж̇игам̣. сажз мзт̇унарааг̇зна рад̇д̇о буна ассаад̣̇зд̇ваа можанад̇т̇ааяа нимид̇д̇з убаггамид̇ваа можзд̇и, сан̇гхаад̣̇исзсо.
Methunassāde methunarāgena mātugāmaṃ gaṇhāti, tena payogena asuci muccati, anāpatti. Methunadhammassa payogattā pana tādise gahaṇe dukkaṭaṃ, sīsaṃ patte pārājikaṃ. Sace methunarāgena ratto puna assādetvā mocanatthāya nimitte upakkamitvā moceti, saṅghādiseso.
пассассаад̣̇з д̣̇увид̇хо пассо – аж̇жхад̇д̇иго, б̣аахиро жа. аж̇жхад̇д̇игз д̇аава ад̇д̇ано нимид̇д̇ам̣ т̇ад̣̇д̇хам̣ муд̣̇уганд̇и ж̇ааниссаамийд̇и ваа лолабхаавзна ваа гийл̣аабаяад̇о асужи мужжад̇и, анаабад̇д̇и. сажз гийл̣аабзнд̇о ассаад̣̇зд̇ваа можанад̇т̇ааяа нимид̇д̇з убаггамид̇ваа можзд̇и, сан̇гхаад̣̇исзсо. б̣аахирапассз бана гааяасам̣саг̇г̇арааг̇зна маад̇уг̇аамасса ан̇г̇аман̇г̇аани бараамасад̇о жзва аалин̇г̇ад̇о жа асужи мужжад̇и, анаабад̇д̇и. гааяасам̣саг̇г̇асан̇гхаад̣̇исзсам̣ бана аабаж̇ж̇ад̇и. сажз гааяасам̣саг̇г̇арааг̇зна рад̇д̇о буна ассаад̣̇зд̇ваа можанад̇т̇ааяа нимид̇д̇з убаггамид̇ваа можзд̇и висадтибажжаяааби сан̇гхаад̣̇исзсо.
Phassassāde duvidho phasso – ajjhattiko, bāhiro ca. Ajjhattike tāva attano nimittaṃ thaddhaṃ mudukanti jānissāmīti vā lolabhāvena vā kīḷāpayato asuci muccati, anāpatti. Sace kīḷāpento assādetvā mocanatthāya nimitte upakkamitvā moceti, saṅghādiseso. Bāhiraphasse pana kāyasaṃsaggarāgena mātugāmassa aṅgamaṅgāni parāmasato ceva āliṅgato ca asuci muccati, anāpatti. Kāyasaṃsaggasaṅghādisesaṃ pana āpajjati. Sace kāyasaṃsaggarāgena ratto puna assādetvā mocanatthāya nimitte upakkamitvā moceti visaṭṭhipaccayāpi saṅghādiseso.
ган̣д̣уванассаад̣̇з д̣̇ад̣̇д̣̇угажчубил̣агабаан̣агаад̣̇ийнам̣ ан̃н̃ад̇аравасзна ган̣д̣увамаанам̣ нимид̇д̇ам̣ ган̣д̣уванассаад̣̇з нзва ган̣д̣увад̇о асужи мужжад̇и, анаабад̇д̇и. ган̣д̣уванассаад̣̇зна рад̇д̇о буна ассаад̣̇зд̇ваа можанад̇т̇ааяа нимид̇д̇з убаггамид̇ваа можзд̇и, сан̇гхаад̣̇исзсо.
Kaṇḍuvanassāde daddukacchupiḷakapāṇakādīnaṃ aññataravasena kaṇḍuvamānaṃ nimittaṃ kaṇḍuvanassāde neva kaṇḍuvato asuci muccati, anāpatti. Kaṇḍuvanassādena ratto puna assādetvā mocanatthāya nimitte upakkamitvā moceti, saṅghādiseso.
д̣̇ассанассаад̣̇з д̣̇ассанассаад̣̇зна бунаббунам̣ маад̇уг̇аамасса аногаасам̣ убаниж̇жхааяад̇о асужи мужжад̇и, анаабад̇д̇и. маад̇уг̇аамасса аногаасубаниж̇жхаанз бана д̣̇уггадам̣. сажз д̣̇ассанассаад̣̇зна рад̇д̇о буна ассаад̣̇зд̇ваа можанад̇т̇ааяа нимид̇д̇з убаггамид̇ваа можзд̇и, сан̇гхаад̣̇исзсо.
Dassanassāde dassanassādena punappunaṃ mātugāmassa anokāsaṃ upanijjhāyato asuci muccati, anāpatti. Mātugāmassa anokāsupanijjhāne pana dukkaṭaṃ. Sace dassanassādena ratto puna assādetvā mocanatthāya nimitte upakkamitvā moceti, saṅghādiseso.
нисаж̇ж̇ассаад̣̇з маад̇уг̇аамзна сад̣̇д̇хим̣ рахо нисаж̇ж̇ассаад̣̇арааг̇зна нисиннасса асужи мужжад̇и, анаабад̇д̇и. рахо нисаж̇ж̇абажжаяаа бана аабаннааяа аабад̇д̇ияаа гаарзд̇аб̣б̣о. сажз нисаж̇ж̇ассаад̣̇зна рад̇д̇о буна ассаад̣̇зд̇ваа можанад̇т̇ааяа нимид̇д̇з убаггамид̇ваа можзд̇и, сан̇гхаад̣̇исзсо.
Nisajjassāde mātugāmena saddhiṃ raho nisajjassādarāgena nisinnassa asuci muccati, anāpatti. Raho nisajjapaccayā pana āpannāya āpattiyā kāretabbo. Sace nisajjassādena ratto puna assādetvā mocanatthāya nimitte upakkamitvā moceti, saṅghādiseso.
ваажассаад̣̇з ваажассаад̣̇арааг̇зна маад̇уг̇аамам̣ мзт̇унасанниссид̇аахи ваажаахи обхаасанд̇асса асужи мужжад̇и, анаабад̇д̇и. д̣̇удтуллаваажаасан̇гхаад̣̇исзсам̣ бана аабаж̇ж̇ад̇и. сажз ваажассаад̣̇зна рад̇д̇о буна ассаад̣̇зд̇ваа можанад̇т̇ааяа нимид̇д̇з убаггамид̇ваа можзд̇и, сан̇гхаад̣̇исзсо.
Vācassāde vācassādarāgena mātugāmaṃ methunasannissitāhi vācāhi obhāsantassa asuci muccati, anāpatti. Duṭṭhullavācāsaṅghādisesaṃ pana āpajjati. Sace vācassādena ratto puna assādetvā mocanatthāya nimitte upakkamitvā moceti, saṅghādiseso.
г̇зхассид̇абзмз маад̇арам̣ ваа маад̇убзмзна бхаг̇иним̣ ваа бхаг̇инибзмзна бунаббунам̣ бараамасад̇о жзва аалин̇г̇ад̇о жа асужи мужжад̇и, анаабад̇д̇и. г̇зхассид̇абзмзна бана пусанабажжаяаа д̣̇уггадам̣. сажз г̇зхассид̇абзмзна рад̇д̇о буна ассаад̣̇зд̇ваа можанад̇т̇ааяа нимид̇д̇з убаггамид̇ваа можзд̇и, сан̇гхаад̣̇исзсо.
Gehassitapeme mātaraṃ vā mātupemena bhaginiṃ vā bhaginipemena punappunaṃ parāmasato ceva āliṅgato ca asuci muccati, anāpatti. Gehassitapemena pana phusanapaccayā dukkaṭaṃ. Sace gehassitapemena ratto puna assādetvā mocanatthāya nimitte upakkamitvā moceti, saṅghādiseso.
ванабхан̇г̇з ид̇т̇ибурисаа ан̃н̃аман̃н̃ам̣ гин̃жид̣̇зва д̇амб̣уулаг̇анд̇хабубпаваасаад̣̇иббагаарам̣ бан̣н̣аагаарам̣ мид̇д̇асант̇авабхаавасса д̣̇ал̣хабхаавад̇т̇ааяа бзсзнд̇и аяам̣ ванабхан̇г̇о наама. д̇ан̃жз маад̇уг̇аамо гассажи сам̣садтавихааригасса гулуубагабхигкуно бзсзд̇и, д̇асса жа ‘‘асугааяа наама ид̣̇ам̣ бзсид̇а’’нд̇и саарад̇д̇асса бунаббунам̣ хад̇т̇зхи д̇ам̣ ванабхан̇г̇ам̣ гийл̣аабаяад̇о асужи мужжад̇и, анаабад̇д̇и. сажз ванабхан̇г̇з саарад̇д̇о буна ассаад̣̇зд̇ваа можанад̇т̇ааяа нимид̇д̇з убаггамид̇ваа можзд̇и, сан̇гхаад̣̇исзсо. сажз убаггаманд̇зби на мужжад̇и, т̇уллажжаяам̣.
Vanabhaṅge itthipurisā aññamaññaṃ kiñcideva tambūlagandhapupphavāsādippakāraṃ paṇṇākāraṃ mittasanthavabhāvassa daḷhabhāvatthāya pesenti ayaṃ vanabhaṅgo nāma. Tañce mātugāmo kassaci saṃsaṭṭhavihārikassa kulūpakabhikkhuno peseti, tassa ca ‘‘asukāya nāma idaṃ pesita’’nti sārattassa punappunaṃ hatthehi taṃ vanabhaṅgaṃ kīḷāpayato asuci muccati, anāpatti. Sace vanabhaṅge sāratto puna assādetvā mocanatthāya nimitte upakkamitvā moceti, saṅghādiseso. Sace upakkamantepi na muccati, thullaccayaṃ.
звамзд̇зсам̣ згаад̣̇асаннам̣ рааг̇аанам̣ васзна имз згаад̣̇аса баяог̇з самзвзгкид̇ваа аабад̇д̇и ваа анаабад̇д̇и ваа саллагкзд̇аб̣б̣аа. саллагкзд̇ваа сажз г̇аругаа ход̇и ‘‘г̇аругаа’’д̇и аажигкид̇аб̣б̣аа. сажз лахугаа ход̇и ‘‘лахугаа’’д̇и аажигкид̇аб̣б̣аа. д̇ад̣̇ануруубан̃жа винаяагаммам̣ гаад̇аб̣б̣ам̣. зван̃хи гад̇ам̣ сугад̇ам̣ ход̇и рог̇анид̣̇аанам̣ н̃ад̇ваа взж̇ж̇зна гад̇абхзсаж̇ж̇амива, д̇асса жа буг̇г̇аласса сод̇т̇ибхаавааяа сам̣вад̇д̇ад̇и.
Evametesaṃ ekādasannaṃ rāgānaṃ vasena ime ekādasa payoge samevekkhitvā āpatti vā anāpatti vā sallakkhetabbā. Sallakkhetvā sace garukā hoti ‘‘garukā’’ti ācikkhitabbā. Sace lahukā hoti ‘‘lahukā’’ti ācikkhitabbā. Tadanurūpañca vinayakammaṃ kātabbaṃ. Evañhi kataṃ sukataṃ hoti roganidānaṃ ñatvā vejjena katabhesajjamiva, tassa ca puggalassa sotthibhāvāya saṃvattati.
262. жзд̇зд̇и на убаггамад̇ийд̇иаад̣̇ийсу можанассаад̣̇ажзд̇анааяа жзд̇зд̇и, на убаггамад̇и, мужжад̇и, анаабад̇д̇и. можанассаад̣̇абийл̣ид̇о ‘‘ахо вад̇а мужжзяяаа’’д̇и жзд̇зд̇и, на убаггамад̇и, на мужжад̇и, анаабад̇д̇и. можанассаад̣̇зна на жзд̇зд̇и, пассассаад̣̇зна ган̣д̣уванассаад̣̇зна ваа убаггамад̇и, мужжад̇и, анаабад̇д̇и. д̇ат̇зва на жзд̇зд̇и, убаггамад̇и, на мужжад̇и, анаабад̇д̇и. гаамавид̇аггам̣ вид̇аггзнд̇о можанад̇т̇ааяа на жзд̇зд̇и, на убаггамад̇и, мужжад̇и, анаабад̇д̇и. сажз банасса вид̇аггаяад̇оби на мужжад̇и ид̣̇ам̣ ааг̇ад̇амзва ход̇и, ‘‘на жзд̇зд̇и, на убаггамад̇и, на мужжад̇и, анаабад̇д̇ий’’д̇и.
262.Ceteti na upakkamatītiādīsu mocanassādacetanāya ceteti, na upakkamati, muccati, anāpatti. Mocanassādapīḷito ‘‘aho vata mucceyyā’’ti ceteti, na upakkamati, na muccati, anāpatti. Mocanassādena na ceteti, phassassādena kaṇḍuvanassādena vā upakkamati, muccati, anāpatti. Tatheva na ceteti, upakkamati, na muccati, anāpatti. Kāmavitakkaṃ vitakkento mocanatthāya na ceteti, na upakkamati, muccati, anāpatti. Sace panassa vitakkayatopi na muccati idaṃ āgatameva hoti, ‘‘na ceteti, na upakkamati, na muccati, anāpattī’’ti.
анаабад̇д̇и субинанд̇знаад̇и суд̇д̇асса субинз мзт̇унам̣ д̇хаммам̣ бадисзванд̇асса вияа гааяасам̣саг̇г̇аад̣̇ийни аабаж̇ж̇анд̇асса вияа субинанд̇знзва гааран̣зна яасса асужи мужжад̇и, д̇асса анаабад̇д̇и. субинз бана уббаннааяа ассаад̣̇ажзд̇анааяа сажасса висаяо ход̇и, нижжалзна бхавид̇аб̣б̣ам̣, на хад̇т̇зна нимид̇д̇ам̣ гийл̣аабзд̇аб̣б̣ам̣, гаасаавабажжад̇т̇аран̣арагкан̣ад̇т̇ам̣ бана хад̇т̇абудзна г̇ахзд̇ваа ж̇аг̇г̇анад̇т̇ааяа уд̣̇агадтаанам̣ г̇анд̇ум̣ ваддад̇и.
Anāpattisupinantenāti suttassa supine methunaṃ dhammaṃ paṭisevantassa viya kāyasaṃsaggādīni āpajjantassa viya supinanteneva kāraṇena yassa asuci muccati, tassa anāpatti. Supine pana uppannāya assādacetanāya sacassa visayo hoti, niccalena bhavitabbaṃ, na hatthena nimittaṃ kīḷāpetabbaṃ, kāsāvapaccattharaṇarakkhaṇatthaṃ pana hatthapuṭena gahetvā jagganatthāya udakaṭṭhānaṃ gantuṃ vaṭṭati.
наможанаад̇хиббааяассаад̇и яасса бхзсаж̇ж̇зна ваа нимид̇д̇ам̣ аалимбанд̇асса ужжаараад̣̇ийни ваа гаронд̇асса наможанаад̇хиббааяасса мужжад̇и, д̇ассааби анаабад̇д̇и. уммад̇д̇агасса д̣̇увид̇хассааби анаабад̇д̇и. ид̇ха сзяяасаго аад̣̇игаммиго, д̇асса анаабад̇д̇и аад̣̇игаммигассаад̇и.
Namocanādhippāyassāti yassa bhesajjena vā nimittaṃ ālimpantassa uccārādīni vā karontassa namocanādhippāyassa muccati, tassāpi anāpatti. Ummattakassa duvidhassāpi anāpatti. Idha seyyasako ādikammiko, tassa anāpatti ādikammikassāti.
бад̣̇абхааж̇анийяаван̣н̣анаа нидтид̇аа.
Padabhājanīyavaṇṇanā niṭṭhitā.
самудтаанаад̣̇ийсу ид̣̇ам̣ сигкаабад̣̇ам̣ батамабаарааж̇игасамудтаанам̣ гааяажид̇д̇ад̇о самудтаад̇и. гирияаа, сан̃н̃аавимогкам̣, сажид̇д̇агам̣, логаваж̇ж̇ам̣, гааяагаммам̣, агусалажид̇д̇ам̣, д̣̇вивзд̣̇анам̣, сукамаж̇жхад̇д̇ад̣̇ваязнаад̇и.
Samuṭṭhānādīsu idaṃ sikkhāpadaṃ paṭhamapārājikasamuṭṭhānaṃ kāyacittato samuṭṭhāti. Kiriyā, saññāvimokkhaṃ, sacittakaṃ, lokavajjaṃ, kāyakammaṃ, akusalacittaṃ, dvivedanaṃ, sukhamajjhattadvayenāti.
263. винийд̇авад̇т̇уусу субинавад̇т̇у анубан̃н̃ад̇д̇ияам̣ вуд̇д̇анаяамзва. ужжаарабассаававад̇т̇ууни уд̇д̇аанад̇т̇аанзва.
263. Vinītavatthūsu supinavatthu anupaññattiyaṃ vuttanayameva. Uccārapassāvavatthūni uttānatthāneva.
вид̇аггавад̇т̇усмим̣ гаамавид̇агганд̇и г̇зхассид̇агаамавид̇аггам̣. д̇ад̇т̇а гин̃жааби анаабад̇д̇и вуд̇д̇аа, ат̇а ко вид̇аггаг̇ад̇игзна на бхавид̇аб̣б̣ам̣. ун̣ход̣̇агавад̇т̇уусу батамам̣ уд̇д̇аанамзва. д̣̇уд̇ияз со бхигку можзд̇угаамо ун̣ход̣̇агзна нимид̇д̇ам̣ бахарид̇ваа бахарид̇ваа нхааяи, д̇знасса аабад̇д̇и вуд̇д̇аа. д̇ад̇ияз убаггамасса ад̇т̇ид̇ааяа т̇уллажжаяам̣. бхзсаж̇ж̇аган̣д̣уванавад̇т̇ууни уд̇д̇аанад̇т̇аанзва.
Vitakkavatthusmiṃ kāmavitakkanti gehassitakāmavitakkaṃ. Tattha kiñcāpi anāpatti vuttā, atha kho vitakkagatikena na bhavitabbaṃ. Uṇhodakavatthūsu paṭhamaṃ uttānameva. Dutiye so bhikkhu mocetukāmo uṇhodakena nimittaṃ paharitvā paharitvā nhāyi, tenassa āpatti vuttā. Tatiye upakkamassa atthitāya thullaccayaṃ. Bhesajjakaṇḍuvanavatthūni uttānatthāneva.
264. маг̇г̇авад̇т̇уусу батамасса т̇улаууругасса маг̇г̇ам̣ г̇ажчанд̇асса самб̣аад̇хадтаанз гхадданааяа асужи мужжи, д̇асса наможанаад̇хиббааяад̇д̇аа анаабад̇д̇и. д̣̇уд̇ияасса д̇ат̇зва мужжи, можанаад̇хиббааяад̇д̇аа бана сан̇гхаад̣̇исзсо. д̇ад̇ияасса на мужжи, убаггамасаб̣бхаавад̇о бана т̇уллажжаяам̣. д̇асмаа маг̇г̇ам̣ г̇ажчанд̇зна уббаннз барил̣аахз на г̇анд̇аб̣б̣ам̣, г̇аманам̣ убажчинд̣̇ид̇ваа асубхаад̣̇иманасигаарзна жид̇д̇ам̣ вуубасамзд̇ваа суд̣̇д̇хажид̇д̇зна гаммадтаанам̣ аад̣̇ааяа г̇анд̇аб̣б̣ам̣. сажз тид̇о винод̣̇зд̇ум̣ на саггод̇и, маг̇г̇аа оггамма нисийд̣̇ид̇ваа винод̣̇зд̇ваа гаммадтаанам̣ аад̣̇ааяа суд̣̇д̇хажид̇д̇знзва г̇анд̇аб̣б̣ам̣.
264.Maggavatthūsu paṭhamassa thulaūrukassa maggaṃ gacchantassa sambādhaṭṭhāne ghaṭṭanāya asuci mucci, tassa namocanādhippāyattā anāpatti. Dutiyassa tatheva mucci, mocanādhippāyattā pana saṅghādiseso. Tatiyassa na mucci, upakkamasabbhāvato pana thullaccayaṃ. Tasmā maggaṃ gacchantena uppanne pariḷāhe na gantabbaṃ, gamanaṃ upacchinditvā asubhādimanasikārena cittaṃ vūpasametvā suddhacittena kammaṭṭhānaṃ ādāya gantabbaṃ. Sace ṭhito vinodetuṃ na sakkoti, maggā okkamma nisīditvā vinodetvā kammaṭṭhānaṃ ādāya suddhacitteneva gantabbaṃ.
вад̇т̇ивад̇т̇уусу д̇з бхигкуу вад̇т̇им̣ д̣̇ал̣хам̣ г̇ахзд̇ваа буурзд̇ваа буурзд̇ваа виссаж̇ж̇знд̇аа г̇аамад̣̇аарагаа вияа бассаавамагам̣су. ж̇анд̇аагхаравад̇т̇усмим̣ уд̣̇арам̣ д̇аабзнд̇асса можанаад̇хиббааяассааби аможанаад̇хиббааяассааби муд̇д̇з анаабад̇д̇иязва. баригаммам̣ гаронд̇асса нимид̇д̇ажааланавасзна асужи мужжи, д̇асмаа аабад̇д̇идтаанз аабад̇д̇и вуд̇д̇аа.
Vatthivatthūsu te bhikkhū vatthiṃ daḷhaṃ gahetvā pūretvā pūretvā vissajjentā gāmadārakā viya passāvamakaṃsu. Jantāgharavatthusmiṃ udaraṃ tāpentassa mocanādhippāyassāpi amocanādhippāyassāpi mutte anāpattiyeva. Parikammaṃ karontassa nimittacālanavasena asuci mucci, tasmā āpattiṭṭhāne āpatti vuttā.
265. ууругхаддаабанавад̇т̇уусу язсам̣ аабад̇д̇и вуд̇д̇аа д̇з ан̇г̇аж̇аад̇амби пусаабзсунд̇и взд̣̇ид̇аб̣б̣аад̇и звам̣ гурунд̣̇адтагат̇ааяам̣ вуд̇д̇ам̣. сааман̣зраад̣̇ивад̇т̇ууни уд̇д̇аанад̇т̇аанзва.
265.Ūrughaṭṭāpanavatthūsu yesaṃ āpatti vuttā te aṅgajātampi phusāpesunti veditabbāti evaṃ kurundaṭṭhakathāyaṃ vuttaṃ. Sāmaṇerādivatthūni uttānatthāneva.
266. гааяад̇т̇амбханавад̇т̇усмим̣ гааяам̣ т̇амбхзнд̇ассаад̇и жирам̣ нисийд̣̇ид̇ваа ваа нибаж̇ж̇ид̇ваа ваа навагаммам̣ ваа гад̇ваа ааласияавиможанад̇т̇ам̣ виж̇амбхзнд̇асса.
266. Kāyatthambhanavatthusmiṃ kāyaṃ thambhentassāti ciraṃ nisīditvā vā nipajjitvā vā navakammaṃ vā katvā ālasiyavimocanatthaṃ vijambhentassa.
убаниж̇жхааяанавад̇т̇усмим̣ сажзби бадасад̇ам̣ нивад̇т̇аа ход̇и бурад̇о ваа бажчад̇о ваа тад̇ваа ‘‘имасмим̣ наама огаасз нимид̇д̇а’’нд̇и убаниж̇жхааяанд̇асса д̣̇уггадамзва. анивад̇т̇аанам̣ г̇аамад̣̇ааригаанам̣ нимид̇д̇ам̣ убаниж̇жхааяанд̇асса бана гимзва вад̇д̇аб̣б̣ам̣. д̇иражчаанаг̇ад̇аанамби нимид̇д̇з зсзва наяо. ид̇о жид̇о жа авилогзд̇ваа бана д̣̇ивасамби згабаяог̇зна убаниж̇жхааяанд̇асса згамзва д̣̇уггадам̣. ид̇о жид̇о жа вилогзд̇ваа бунаббунам̣ убаниж̇жхааяанд̇асса баяог̇з баяог̇з д̣̇уггадам̣. уммийлананимийланавасзна бана на гаарзд̇аб̣б̣о. сахасаа убаниж̇жхааяид̇ваа буна бадисан̇кааяа сам̣варз д̇идтад̇о анаабад̇д̇и, д̇ам̣ сам̣варам̣ бахааяа буна убаниж̇жхааяад̇о д̣̇уггадамзва.
Upanijjhāyanavatthusmiṃ sacepi paṭasataṃ nivatthā hoti purato vā pacchato vā ṭhatvā ‘‘imasmiṃ nāma okāse nimitta’’nti upanijjhāyantassa dukkaṭameva. Anivatthānaṃ gāmadārikānaṃ nimittaṃ upanijjhāyantassa pana kimeva vattabbaṃ. Tiracchānagatānampi nimitte eseva nayo. Ito cito ca aviloketvā pana divasampi ekapayogena upanijjhāyantassa ekameva dukkaṭaṃ. Ito cito ca viloketvā punappunaṃ upanijjhāyantassa payoge payoge dukkaṭaṃ. Ummīlananimīlanavasena pana na kāretabbo. Sahasā upanijjhāyitvā puna paṭisaṅkhāya saṃvare tiṭṭhato anāpatti, taṃ saṃvaraṃ pahāya puna upanijjhāyato dukkaṭameva.
267. д̇аал̣ажчид̣̇д̣̇аад̣̇ивад̇т̇ууни уд̇д̇аанад̇т̇аанзва. нхаанавад̇т̇уусу яз уд̣̇агасод̇ам̣ нимид̇д̇зна бахарим̣су д̇зсам̣ аабад̇д̇и вуд̇д̇аа. уд̣̇ан̃ж̇алавад̇т̇уусуби зсзва наяо. зд̇т̇а жа уд̣̇ан̃ж̇аланд̇и уд̣̇агажигкалло вужжад̇и. зд̇знзва убааязна ид̇о бараани саб̣б̣аанзва уд̣̇агз д̇хааванаад̣̇ивад̇т̇ууни взд̣̇ид̇аб̣б̣аани. аяам̣ бана висзсо. бубпаавал̣ияавад̇т̇уусу сажзби наможанаад̇хиббааяасса анаабад̇д̇и, гийл̣анабажжаяаа бана д̣̇уггадам̣ ход̇ийд̇и.
267.Tāḷacchiddādivatthūni uttānatthāneva. Nhānavatthūsu ye udakasotaṃ nimittena pahariṃsu tesaṃ āpatti vuttā. Udañjalavatthūsupi eseva nayo. Ettha ca udañjalanti udakacikkhallo vuccati. Eteneva upāyena ito parāni sabbāneva udake dhāvanādivatthūni veditabbāni. Ayaṃ pana viseso. Pupphāvaḷiyavatthūsu sacepi namocanādhippāyassa anāpatti, kīḷanapaccayā pana dukkaṭaṃ hotīti.
суггависсадтисигкаабад̣̇аван̣н̣анаа нидтид̇аа.
Sukkavissaṭṭhisikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 1. суггависсадтисигкаабад̣̇ам̣ • 1. Sukkavissaṭṭhisikkhāpadaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 1. суггависсадтисигкаабад̣̇аван̣н̣анаа • 1. Sukkavissaṭṭhisikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 1. суггависсадтисигкаабад̣̇аван̣н̣анаа • 1. Sukkavissaṭṭhisikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. суггависсадтисигкаабад̣̇аван̣н̣анаа • 1. Sukkavissaṭṭhisikkhāpadavaṇṇanā
