| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
сан̇гхаад̣̇исзсаган̣д̣ам̣
Saṅghādisesakaṇḍaṃ
бияаважанзна аалабананд̇и бияааяид̇аб̣б̣аважанзнаалабанам̣, саад̇хуунам̣ самаалабананд̇и вуд̇д̇ам̣ ход̇и. саад̇хаво хи барз ‘‘бхонд̇о’’д̇и ваа ‘‘д̣̇зваанам̣бияаа’’д̇и ваа ‘‘бхад̣̇рабхава’’нд̇и ваа ‘‘ааяасманд̇о’’д̇и ваа самаалабанд̇и.
Piyavacanenaālapananti piyāyitabbavacanenālapanaṃ, sādhūnaṃ samālapananti vuttaṃ hoti. Sādhavo hi pare ‘‘bhonto’’ti vā ‘‘devānaṃpiyā’’ti vā ‘‘bhadrabhava’’nti vā ‘‘āyasmanto’’ti vā samālapanti.
1. суггависсадтисигкаабад̣̇аван̣н̣анаа
1. Sukkavissaṭṭhisikkhāpadavaṇṇanā
сам̣-сад̣̇д̣̇о виж̇ж̇амаанад̇т̇од̇и ааха ‘‘сам̣виж̇ж̇ад̇ий’’д̇и. жзд̇анаад̇и вийд̇иггамавасаббавад̇д̇аа буб̣б̣абхааг̇ажзд̇анаа, можанассаад̣̇ажзд̇анаад̇и ад̇т̇о. ассаад̇и суггависсадтияаа. ан̃н̃абад̣̇ад̇т̇асамаасзнзва суггависсадтияаа вуд̇д̇ад̇д̇аа ига-сад̣̇д̣̇асса висум̣ ад̇т̇о над̇т̇ийд̇и ааха ‘‘сан̃жзд̇анаава сан̃жзд̇анигаа’’д̇и. ид̣̇аани ига-сад̣̇д̣̇ова ад̇т̇иад̇т̇ам̣ багаасзд̇ийд̇и д̣̇ассзнд̇о ‘‘сан̃жзд̇анаа ваа’’д̇иаад̣̇имааха. сам̣виж̇ж̇амаанаа жзд̇анаа сан̃жзд̇анаа. суггассаад̇и самбхавасса. висадтийд̇и виссаг̇г̇о.
Saṃ-saddo vijjamānatthoti āha ‘‘saṃvijjatī’’ti. Cetanāti vītikkamavasappavattā pubbabhāgacetanā, mocanassādacetanāti attho. Assāti sukkavissaṭṭhiyā. Aññapadatthasamāseneva sukkavissaṭṭhiyā vuttattā ika-saddassa visuṃ attho natthīti āha ‘‘sañcetanāva sañcetanikā’’ti. Idāni ika-saddova atthiatthaṃ pakāsetīti dassento ‘‘sañcetanā vā’’tiādimāha. Saṃvijjamānā cetanā sañcetanā. Sukkassāti sambhavassa. Visaṭṭhīti vissaggo.
ид̣̇аани д̇ам̣ яасмим̣ гаалз можзд̇и, язнаад̇хиббааязна можзд̇и, язна жобааязна можзд̇и, яан̃жа д̇асса ад̇хиббааяасса вад̇т̇у, д̇ам̣ саб̣б̣ам̣ сан̇кзбад̇о вибхаавзд̇ваа саруубад̇о д̇ам̣ висадтим̣ д̣̇ассзд̇ум̣ ‘‘рааг̇уубад̇т̇амбхаад̣̇ийсуу’’д̇иаад̣̇имааха. д̇ад̇т̇а рааг̇асса б̣алавабхааво, рааг̇зна ваа ан̇г̇аж̇аад̇ассуубад̇т̇амбхо т̇ад̣̇д̇хабхааво рааг̇уубад̇т̇амбхо, со аад̣̇и язсам̣ д̇з рааг̇уубад̇т̇амбхаад̣̇аяо, д̇зсу рааг̇уубад̇т̇амбхаад̣̇ийсу. аад̣̇исад̣̇д̣̇зна (баараа. 238) важжуубад̇т̇амбхабассаавуубад̇т̇амбхаваад̇уубад̇т̇амбхаужжаалин̇г̇абаан̣агад̣̇адтуубад̇т̇амбхаанам̣ г̇ахан̣ам̣. гамман̃н̃ад̇ам̣ бад̇д̇зд̇и можанагаммагкамад̇ааяа гамманияад̇ам̣ бад̇д̇з, аж̇жхад̇д̇аруубаад̣̇ийсу убаггамаарахабхаавам̣ бад̇д̇зд̇и ад̇т̇о. арог̇асса бхааво аарог̇яам̣, д̇ам̣ аад̣̇и язсам̣ д̇з аарог̇яаад̣̇аяо, д̇зсу аарог̇яаад̣̇ийсу. аад̣̇исад̣̇д̣̇зна сукабхзсаж̇ж̇ад̣̇аанабун̃н̃аяан̃н̃асаг̇г̇аб̣ийж̇авиймам̣сад̣̇аваанам̣ г̇ахан̣ам̣. аж̇жхад̇д̇аруубам̣ аж̇жхад̇д̇ам̣ убаад̣̇иннаруубам̣, д̇ам̣ аад̣̇и язсам̣ д̇з аж̇жхад̇д̇аруубаад̣̇аяо, д̇зсу. аад̣̇исад̣̇д̣̇зна б̣ахид̣̇д̇хааруубааж̇жхад̇д̇аб̣ахид̣̇д̇хааруубааагаасзгадигамбанаанам̣ г̇ахан̣ам̣. можанз ассаад̣̇о сукавзд̣̇анаа можанассаад̣̇о, можанад̇т̇ам̣ буб̣б̣абхааг̇з бавад̇д̇арааг̇о, самбаяуд̇д̇аассаад̣̇асийсзна жзд̇т̇а рааг̇о вуд̇д̇о, д̇зна самбаяуд̇д̇аа жзд̇анаа можанассаад̣̇ажзд̇анаа, д̇ааяа . иминаа мужжанассаад̣̇о (баараа. адта. 2.240) муд̇д̇ассаад̣̇о мзт̇унассаад̣̇о пассассаад̣̇о ган̣д̣уванассаад̣̇о д̣̇ассанассаад̣̇о нисаж̇ж̇ассаад̣̇о ваажассаад̣̇о г̇зхасид̇абзмам̣ ванабхан̇г̇ияанд̇и имзхи самбаяуд̇д̇аа жзд̇анааяо бадигкибад̇и, д̇аахи нимид̇д̇з убаггаманд̇асса муд̇д̇зби анаабад̇д̇и. ‘‘нимид̇д̇з убаггаманд̇ассаа’’д̇и иминаа бана уурумад̣̇д̣̇аабанаад̣̇ийни бадигкибад̇и. д̇зна хи сад̇иби можанассаад̣̇з нимид̇д̇з убаггамаабхаавад̇о муд̇д̇зби анаабад̇д̇и. вуд̇д̇ан̃хзд̇ам̣ саманд̇абаасаад̣̇игааяам̣ ‘‘саа жа ко нимид̇д̇з убаггаманд̇ассзва, хад̇т̇абаригаммабаад̣̇абаригаммаг̇ад̇д̇абаригаммагаран̣зна сажзби асужи мужжад̇и, анаабад̇д̇ий’’д̇и.
Idāni taṃ yasmiṃ kāle moceti, yenādhippāyena moceti, yena copāyena moceti, yañca tassa adhippāyassa vatthu, taṃ sabbaṃ saṅkhepato vibhāvetvā sarūpato taṃ visaṭṭhiṃ dassetuṃ ‘‘rāgūpatthambhādīsū’’tiādimāha. Tattha rāgassa balavabhāvo, rāgena vā aṅgajātassūpatthambho thaddhabhāvo rāgūpatthambho, so ādi yesaṃ te rāgūpatthambhādayo, tesu rāgūpatthambhādīsu. Ādisaddena (pārā. 238) vaccūpatthambhapassāvūpatthambhavātūpatthambhauccāliṅgapāṇakadaṭṭhūpatthambhānaṃ gahaṇaṃ. Kammaññataṃ patteti mocanakammakkhamatāya kammaniyataṃ patte, ajjhattarūpādīsu upakkamārahabhāvaṃ patteti attho. Arogassa bhāvo ārogyaṃ, taṃ ādi yesaṃ te ārogyādayo, tesu ārogyādīsu. Ādisaddena sukhabhesajjadānapuññayaññasaggabījavīmaṃsadavānaṃ gahaṇaṃ. Ajjhattarūpaṃ ajjhattaṃ upādinnarūpaṃ, taṃ ādi yesaṃ te ajjhattarūpādayo, tesu. Ādisaddena bahiddhārūpaajjhattabahiddhārūpaākāsekaṭikampanānaṃ gahaṇaṃ. Mocane assādo sukhavedanā mocanassādo, mocanatthaṃ pubbabhāge pavattarāgo, sampayuttaassādasīsena cettha rāgo vutto, tena sampayuttā cetanā mocanassādacetanā, tāya . Iminā muccanassādo (pārā. aṭṭha. 2.240) muttassādo methunassādo phassassādo kaṇḍuvanassādo dassanassādo nisajjassādo vācassādo gehasitapemaṃ vanabhaṅgiyanti imehi sampayuttā cetanāyo paṭikkhipati, tāhi nimitte upakkamantassa muttepi anāpatti. ‘‘Nimitte upakkamantassā’’ti iminā pana ūrumaddāpanādīni paṭikkhipati. Tena hi satipi mocanassāde nimitte upakkamābhāvato muttepi anāpatti. Vuttañhetaṃ samantapāsādikāyaṃ ‘‘sā ca kho nimitte upakkamantasseva, hatthaparikammapādaparikammagattaparikammakaraṇena sacepi asuci muccati, anāpattī’’ti.
аасаяад̇хаад̇унаанаад̇д̇ад̇од̇и бид̇д̇асзмхабуб̣б̣алохид̇аасаяаанан̃жзва бат̇авийд̇хаад̇уаад̣̇ийнан̃жа жад̇уннам̣ д̇хаад̇уунам̣, расасон̣ид̇аад̣̇ийнам̣ ваа сад̇д̇аннам̣ д̇хаад̇уунам̣ наанаад̇д̇ад̇о. таанаа жааванаад̇и суггасса яам̣ таанам̣, д̇ад̇о жуд̇и. суггасса хи вад̇т̇исийсам̣ гади гааяод̇и (баараа. адта. 2.237) д̇ид̇хаа таанам̣ багаббзнд̇и. зго гираажарияо ‘‘вад̇т̇исийсам̣ суггасса таана’’нд̇и ааха, зго ‘‘гадий’’д̇и, зго ‘‘сагало гааяо’’д̇и. д̇зсу д̇ад̇ияасса бхаасид̇ам̣ субхаасид̇ам̣. гзсаломанакад̣̇анд̇аанан̃хи мам̣савинимуд̇д̇адтаанам̣, ужжаарабассаавакзл̣асин̇гхаан̣игаа, т̇ад̣̇д̇хасугкажаммаани жа важ̇ж̇зд̇ваа авасзсо чавимам̣салохид̇аануг̇ад̇о саб̣б̣оби гааяо гааяаббасаад̣̇абхааваж̇ийвид̇инд̣̇рияааб̣ад̣̇д̇хабид̇д̇аанам̣, самбхавасса жа таанамзва. д̇ат̇аа хи рааг̇абарияудтаанзнаабхибхууд̇аанам̣ хад̇т̇ийнам̣ убхохи ган̣н̣ажуул̣игаахи самбхаво нигкамад̇и.
Āsayadhātunānāttatoti pittasemhapubbalohitāsayānañceva pathavīdhātuādīnañca catunnaṃ dhātūnaṃ, rasasoṇitādīnaṃ vā sattannaṃ dhātūnaṃ nānāttato. Ṭhānā cāvanāti sukkassa yaṃ ṭhānaṃ, tato cuti. Sukkassa hi vatthisīsaṃ kaṭi kāyoti (pārā. aṭṭha. 2.237) tidhā ṭhānaṃ pakappenti. Eko kirācariyo ‘‘vatthisīsaṃ sukkassa ṭhāna’’nti āha, eko ‘‘kaṭī’’ti, eko ‘‘sakalo kāyo’’ti. Tesu tatiyassa bhāsitaṃ subhāsitaṃ. Kesalomanakhadantānañhi maṃsavinimuttaṭṭhānaṃ, uccārapassāvakheḷasiṅghāṇikā, thaddhasukkhacammāni ca vajjetvā avaseso chavimaṃsalohitānugato sabbopi kāyo kāyappasādabhāvajīvitindriyābaddhapittānaṃ, sambhavassa ca ṭhānameva. Tathā hi rāgapariyuṭṭhānenābhibhūtānaṃ hatthīnaṃ ubhohi kaṇṇacūḷikāhi sambhavo nikkhamati.
зд̇т̇а жа ‘‘рааг̇уубад̇т̇амбхаад̣̇ийсуу’’д̇иаад̣̇инаа (баараа. адта. 2.237) гаало д̣̇ассид̇о. рааг̇уубад̇т̇амбхаад̣̇игаалзсу хи ан̇г̇аж̇аад̇ам̣ гамманияам̣ ход̇и. яасса гамманияад̇д̇з сад̇и можзд̇и, ид̇о барам̣ ан̃н̃о гаало над̇т̇и. на хи винаа рааг̇уубад̇т̇амбхаад̣̇ийхи буб̣б̣ан̣хаад̣̇аяо гаалабхзд̣̇аа можанз нимид̇д̇ам̣ хонд̇и. ‘‘аарог̇яаад̣̇ийсуу’’д̇иаад̣̇инаа бана ад̇хиббааяо д̣̇ассид̇о. зваруубзна хи ад̇хиббааяабхзд̣̇зна можзд̇и, на ан̃н̃ат̇аа. ‘‘аж̇жхад̇д̇аруубаад̣̇ийсуу’’д̇иаад̣̇инаа убааяо д̣̇ассид̇о. аж̇жхад̇д̇аруубз ваа хи можзяяа, б̣ахид̣̇д̇хааруубз ваа, убхаяад̇т̇а ваа, аагаасз ваа гадим̣ гамбзнд̇о, ид̇о барам̣ ан̃н̃о убааяо над̇т̇и. нийлаад̣̇ивасзнаа’’д̇иаад̣̇ийхи бана д̣̇асахи навамасса ад̇хиббааяасса вад̇т̇у д̣̇ассид̇ам̣. виймам̣санд̇о хи нийлаад̣̇ийсу ан̃н̃ад̇аравасзна виймам̣сад̇и, на д̇зхи винимуд̇д̇анд̇и. ‘‘таанаа жааванаа’’д̇и иминаа бана ад̇т̇ад̇о виссадти д̣̇ассид̇аа . яат̇ааха ‘‘виссадтийд̇и таанад̇о жааванаа вужжад̇ий’’д̇и (баараа. 237). саа жааяам̣ д̇асса суггасса таанаа жааванаа рааг̇авасзна. вуд̇д̇ан̃хзд̇ам̣ гат̇аавад̇т̇уадтагат̇ааяам̣ ‘‘суггависсадти наама рааг̇асамудтаанаа ход̇ий’’д̇и (гат̇аа. адта. 307). ан̃н̃ад̇ра субинанд̇аад̇и субино зва субинанд̇о, д̇ам̣ табзд̇ваад̇и вуд̇д̇ам̣ ход̇и. д̇знааха ‘‘яаа субинз’’д̇иаад̣̇и. сан̇гхаад̣̇исзсод̇и имасса аабад̇д̇инигааяасса наамам̣. д̇знааха ‘‘яаа ан̃н̃ад̇ра субинанд̇аа’’д̇иаад̣̇и. аабад̇д̇инигааяод̇и аабад̇д̇исамуухо. гин̃жааби аяам̣ згаава аабад̇д̇и, рул̣хисад̣̇д̣̇зна, бана аваяавз самуухавохаарзна ваа ‘‘нигааяо’’д̇и вуд̇д̇о ‘‘зго взд̣̇анаагканд̇хо, зго вин̃н̃аан̣агканд̇хо’’д̇иаад̣̇ийсу вияа.
Ettha ca ‘‘rāgūpatthambhādīsū’’tiādinā (pārā. aṭṭha. 2.237) kālo dassito. Rāgūpatthambhādikālesu hi aṅgajātaṃ kammaniyaṃ hoti. Yassa kammaniyatte sati moceti, ito paraṃ añño kālo natthi. Na hi vinā rāgūpatthambhādīhi pubbaṇhādayo kālabhedā mocane nimittaṃ honti. ‘‘Ārogyādīsū’’tiādinā pana adhippāyo dassito. Evarūpena hi adhippāyabhedena moceti, na aññathā. ‘‘Ajjhattarūpādīsū’’tiādinā upāyo dassito. Ajjhattarūpe vā hi moceyya, bahiddhārūpe vā, ubhayattha vā, ākāse vā kaṭiṃ kampento, ito paraṃ añño upāyo natthi. Nīlādivasenā’’tiādīhi pana dasahi navamassa adhippāyassa vatthu dassitaṃ. Vīmaṃsanto hi nīlādīsu aññataravasena vīmaṃsati, na tehi vinimuttanti. ‘‘Ṭhānā cāvanā’’ti iminā pana atthato vissaṭṭhi dassitā . Yathāha ‘‘vissaṭṭhīti ṭhānato cāvanā vuccatī’’ti (pārā. 237). Sā cāyaṃ tassa sukkassa ṭhānā cāvanā rāgavasena. Vuttañhetaṃ kathāvatthuaṭṭhakathāyaṃ ‘‘sukkavissaṭṭhi nāma rāgasamuṭṭhānā hotī’’ti (kathā. aṭṭha. 307). Aññatra supinantāti supino eva supinanto, taṃ ṭhapetvāti vuttaṃ hoti. Tenāha ‘‘yā supine’’tiādi. Saṅghādisesoti imassa āpattinikāyassa nāmaṃ. Tenāha ‘‘yā aññatra supinantā’’tiādi. Āpattinikāyoti āpattisamūho. Kiñcāpi ayaṃ ekāva āpatti, ruḷhisaddena, pana avayave samūhavohārena vā ‘‘nikāyo’’ti vutto ‘‘eko vedanākkhandho, eko viññāṇakkhandho’’tiādīsu viya.
ассаад̇и (саарад̇т̇а. дий. 2.16 сам̣гхаад̣̇исзсаган̣д̣а) аабад̇д̇инигааяасса. нану жа аяуд̇д̇ояам̣ нид̣̇д̣̇зсо ‘‘сан̇гхо аад̣̇имхи жзва сзсз жа ижчид̇аб̣б̣о ассаа’’д̇и. на хи аабад̇д̇инигааяасса аад̣̇имхи жзва сзсз жа сан̇гхо ижчид̇о, гин̃жарахи вудтаанассаад̇и имам̣ жод̣̇анам̣ манаси нид̇хааяа яат̇аа на вируж̇жхад̇и, д̇ат̇аа ад̇хиббааяам̣ виварид̇ум̣ ‘‘гим̣ вуд̇д̇ам̣ ход̇ий’’д̇иаад̣̇имааха. аабад̇д̇ид̇о вудтаанасса аад̣̇имхи жзва сзсз жа ижчид̇о сан̇гхо аабад̇д̇ияаава ижчид̇о наама ход̇ийд̇и аяамзд̇т̇а ад̇хиббааяо. аабад̇д̇ивудтаананд̇и аабад̇д̇ид̇о вудтаанам̣, анаабад̇д̇игабхаавуубаг̇амананд̇и ад̇т̇о.
Assāti (sārattha. ṭī. 2.16 saṃghādisesakaṇḍa) āpattinikāyassa. Nanu ca ayuttoyaṃ niddeso ‘‘saṅgho ādimhi ceva sese ca icchitabbo assā’’ti. Na hi āpattinikāyassa ādimhi ceva sese ca saṅgho icchito, kiñcarahi vuṭṭhānassāti imaṃ codanaṃ manasi nidhāya yathā na virujjhati, tathā adhippāyaṃ vivarituṃ ‘‘kiṃ vuttaṃ hotī’’tiādimāha. Āpattito vuṭṭhānassa ādimhi ceva sese ca icchito saṅgho āpattiyāva icchito nāma hotīti ayamettha adhippāyo. Āpattivuṭṭhānanti āpattito vuṭṭhānaṃ, anāpattikabhāvūpagamananti attho.
д̣̇агасод̇анд̇и бассаавамаг̇г̇ам̣, ан̇г̇аж̇аад̇аббад̣̇зсанд̇и вуд̇д̇ам̣ ход̇и. яад̣̇и звам̣ ат̇а гасмаа адтагат̇ааяам̣ ‘‘д̣̇агасод̇ам̣ од̇ин̣н̣амад̇д̇з’’д̇и вуд̇д̇анд̇и ааха ‘‘таанад̇о бана жуд̇а’’нд̇иаад̣̇и. авассамзва д̣̇агасод̇ам̣ од̇арад̇и ад̇хиваасзд̇ваа анд̇араа ниваарзд̇ум̣ асаггун̣зяяад̇д̇аа. д̣̇агасод̇ороханад̇о (саарад̇т̇а. дий. 2.236-237) бадтааяа бана убаад̣̇иннад̇о винимуд̇д̇ад̇д̇аа самбхаваруубам̣ уд̇усамудтаанамзва авасиссад̇и, сзсам̣ д̇исамудтаанам̣ над̇т̇ийд̇и взд̣̇ид̇аб̣б̣ам̣. д̇асмаад̇и яасмаа таанад̇о жуд̇ам̣ д̣̇агасод̇ам̣ од̇арад̇и, д̇асмаа.
Dakasotanti passāvamaggaṃ, aṅgajātappadesanti vuttaṃ hoti. Yadi evaṃ atha kasmā aṭṭhakathāyaṃ ‘‘dakasotaṃ otiṇṇamatte’’ti vuttanti āha ‘‘ṭhānato pana cuta’’ntiādi. Avassameva dakasotaṃ otarati adhivāsetvā antarā nivāretuṃ asakkuṇeyyattā. Dakasotorohanato (sārattha. ṭī. 2.236-237) paṭṭhāya pana upādinnato vinimuttattā sambhavarūpaṃ utusamuṭṭhānameva avasissati, sesaṃ tisamuṭṭhānaṃ natthīti veditabbaṃ. Tasmāti yasmā ṭhānato cutaṃ dakasotaṃ otarati, tasmā.
аможанаад̇хиббааяассаад̇и бхзсаж̇ж̇зна нимид̇д̇ам̣ аалимбанд̇асса ужжаараад̣̇ийни ваа гаронд̇асса. субинам̣ бассанд̇ассаад̇и (баараа. адта. 2.237) д̇хаад̇угкобхад̇о ваа анубхууд̇абуб̣б̣ад̇о ваа д̣̇звад̇обасам̣хаарад̇о ваа буб̣б̣анимид̇д̇ад̇о ваад̇и имзхи жад̇уухи гааран̣зхи субинам̣ бассанд̇асса. гим̣ банзд̇ам̣ бассанд̇о суд̇д̇о бассад̇и, бадиб̣уд̣̇д̇хо, уд̣̇ааху нзва суд̇д̇о, на бадиб̣уд̣̇д̇ход̇и? гин̃жзд̇т̇а – яад̣̇и д̇аава суд̇д̇о бассад̇и, абхид̇хаммавирод̇хо аабаж̇ж̇ад̇и. бхаван̇г̇ажид̇д̇зна хи субад̇и, д̇ам̣ руубанимид̇д̇аад̣̇иаарамман̣ам̣ ваа рааг̇аад̣̇исамбаяуд̇д̇ам̣ ваа на ход̇и. субинам̣ бассанд̇асса жа ийд̣̇исаани жид̇д̇аани уббаж̇ж̇анд̇и. ат̇а бадиб̣уд̣̇д̇хо бассад̇и, винаяавирод̇хо аабаж̇ж̇ад̇и. яан̃хи бадиб̣уд̣̇д̇хо бассад̇и, д̇ам̣ саб̣б̣охааригажид̇д̇зна бассад̇и. саб̣б̣охааригажид̇д̇зна жа гад̇з вийд̇иггамз анаабад̇д̇и наама над̇т̇и. субинам̣ бассанд̇зна бана гад̇зби вийд̇иггамз зганд̇ам̣ анаабад̇д̇и зва. ат̇а нзва суд̇д̇о на бадиб̣уд̣̇д̇хо бассад̇и, го наама бассад̇и, зван̃жа сад̇и субинасса абхаавова аабаж̇ж̇ад̇ийд̇и? на абхааво, гасмаа? яасмаа габимид̣̇д̇хабарзд̇о бассад̇и. вуд̇д̇ан̃хзд̇ам̣ ‘‘габимид̣̇д̇хабарзд̇о ко махаарааж̇а субинам̣ бассад̇ий’’д̇и (ми. ба. 5.3.5). габимид̣̇д̇хабарзд̇од̇и маггаданид̣̇д̣̇ааяа яуд̇д̇о. яат̇аа хи маггадасса нид̣̇д̣̇аа лахубаривад̇д̇аа ход̇и, звам̣ яаа нид̣̇д̣̇аа бунаббунам̣ гусалаад̣̇ижид̇д̇авогин̣н̣ад̇д̇аа лахубаривад̇д̇аа, яассаа бавад̇д̇ияам̣ бунаббунам̣ бхаван̇г̇ад̇о уд̇д̇аран̣ам̣ ход̇и, д̇ааяа яуд̇д̇о субинам̣ бассад̇и. яасса жа звам̣ бассанд̇асса субинз мзт̇унам̣ д̇хаммам̣ бадисзванд̇асса вияа, гааяасам̣саг̇г̇аад̣̇ийни аабаж̇ж̇анд̇асса вияа жа субинанд̇знзва гааран̣зна асужи мужжад̇и, д̇ассаби анаабад̇д̇и. субинз (баараа. адта. 2.262) бана уббаннааяа ассаад̣̇ажзд̇анааяа сажасса висаяо ход̇и, нижжалзна бхавид̇аб̣б̣ам̣, на хад̇т̇зна нимид̇д̇ам̣ гийл̣аабзд̇аб̣б̣ам̣. гаасаавабажжад̇т̇аран̣арагкан̣ад̇т̇ам̣ бана хад̇т̇абудзна г̇ахзд̇ваа ж̇аг̇г̇анад̇т̇ааяа уд̣̇агадтаанам̣ г̇анд̇ум̣ ваддад̇и.
Amocanādhippāyassāti bhesajjena nimittaṃ ālimpantassa uccārādīni vā karontassa. Supinaṃ passantassāti (pārā. aṭṭha. 2.237) dhātukkhobhato vā anubhūtapubbato vā devatopasaṃhārato vā pubbanimittato vāti imehi catūhi kāraṇehi supinaṃ passantassa. Kiṃ panetaṃ passanto sutto passati, paṭibuddho, udāhu neva sutto, na paṭibuddhoti? Kiñcettha – yadi tāva sutto passati, abhidhammavirodho āpajjati. Bhavaṅgacittena hi supati, taṃ rūpanimittādiārammaṇaṃ vā rāgādisampayuttaṃ vā na hoti. Supinaṃ passantassa ca īdisāni cittāni uppajjanti. Atha paṭibuddho passati, vinayavirodho āpajjati. Yañhi paṭibuddho passati, taṃ sabbohārikacittena passati. Sabbohārikacittena ca kate vītikkame anāpatti nāma natthi. Supinaṃ passantena pana katepi vītikkame ekantaṃ anāpatti eva. Atha neva sutto na paṭibuddho passati, ko nāma passati, evañca sati supinassa abhāvova āpajjatīti? Na abhāvo, kasmā? Yasmā kapimiddhapareto passati. Vuttañhetaṃ ‘‘kapimiddhapareto kho mahārāja supinaṃ passatī’’ti (mi. pa. 5.3.5). Kapimiddhaparetoti makkaṭaniddāya yutto. Yathā hi makkaṭassa niddā lahuparivattā hoti, evaṃ yā niddā punappunaṃ kusalādicittavokiṇṇattā lahuparivattā, yassā pavattiyaṃ punappunaṃ bhavaṅgato uttaraṇaṃ hoti, tāya yutto supinaṃ passati. Yassa ca evaṃ passantassa supine methunaṃ dhammaṃ paṭisevantassa viya, kāyasaṃsaggādīni āpajjantassa viya ca supinanteneva kāraṇena asuci muccati, tassapi anāpatti. Supine (pārā. aṭṭha. 2.262) pana uppannāya assādacetanāya sacassa visayo hoti, niccalena bhavitabbaṃ, na hatthena nimittaṃ kīḷāpetabbaṃ. Kāsāvapaccattharaṇarakkhaṇatthaṃ pana hatthapuṭena gahetvā jagganatthāya udakaṭṭhānaṃ gantuṃ vaṭṭati.
суггависсадтисигкаабад̣̇аван̣н̣анаа нидтид̇аа.
Sukkavissaṭṭhisikkhāpadavaṇṇanā niṭṭhitā.
