| Library / Tipiṭaka / д̇ибидага • Tipiṭaka / ган̇каавид̇аран̣ий-бураан̣а-дийгаа • Kaṅkhāvitaraṇī-purāṇa-ṭīkā |
сан̇гхаад̣̇исзсаган̣д̣ам̣
Saṅghādisesakaṇḍaṃ
1. суггависсадтисигкаабад̣̇аван̣н̣анаа
1. Sukkavissaṭṭhisikkhāpadavaṇṇanā
ан̃н̃ад̇ра субинанд̇аад̇и свааяам̣ д̣̇уб̣б̣алавад̇т̇угад̇д̇аа жзд̇анааяа бадисанд̇хим̣ аагад̣дхид̇ум̣ асамад̇т̇аа, субинз убадтид̇ам̣ нимид̇д̇ан̃хи д̣̇уб̣б̣алам̣. бавад̇д̇з бана ан̃н̃зхи гусалаагусалзхи убад̇т̇амбхид̇аа вибаагам̣ д̣̇зд̇и. гин̃жааби вибаагам̣ д̣̇зд̇и, ат̇а ко ависаяз уббаннад̇д̇аа аб̣б̣охааригаава субинанд̇ажзд̇анаад̇и ликид̇ам̣. яам̣ банзд̇т̇а ‘‘субинз убадтид̇ам̣ нимид̇д̇ан̃хи д̣̇уб̣б̣ала’’нд̇и вуд̇д̇ам̣, д̇ам̣ анзганд̇ам̣, на жа аарамман̣ад̣̇уб̣б̣алад̇ааяа жид̇д̇аббавад̇д̇и д̣̇уб̣б̣алаа ад̇ийд̇аанааг̇ад̇аарамман̣ааяа, бан̃н̃ад̇д̇аарамман̣ааяа ваа ад̣̇уб̣б̣алад̇д̇аа. д̇асмаа д̣̇уб̣б̣алавад̇т̇угад̇д̇аад̇и д̣̇уб̣б̣алахад̣̇аяавад̇т̇угад̇д̇аад̇и но д̇аггод̇и (важ̇ира. дий. баарааж̇ига 236-237) аажарияо. авад̇т̇угад̇ааяа д̣̇уб̣б̣алабхааво яуж̇ж̇ад̇ийд̇и жз? на, авад̇т̇угааяа бхааванаабабхавааяа ад̇ирзгаб̣алавасамбхавад̇о. бхааванааб̣аласамаббид̇ан̃хи жид̇д̇ам̣ аруубамби самаанам̣ ад̇ибхаарамби гараж̇агааяам̣ г̇ахзд̇ваа згажид̇д̇агкан̣знзва б̣рахмалогамби баабзд̇ваа табзд̇и, д̇аббадибхааг̇ам̣ анаббид̇амби гаамааважаражид̇д̇ам̣ гараж̇агааяам̣ аагаасз лан̇гханасамад̇т̇ам̣ гарод̇и. гим̣ банзд̇т̇а д̇ам̣ анумаанагаран̣ам̣? язна жид̇д̇ассзва аанубхаавод̇и бан̃н̃ааязяяа жид̇д̇аанубхаавзна табаналан̇гханаад̣̇игирияаависзсаниб̣б̣ад̇д̇ид̣̇ассанад̇о. багад̇ижид̇д̇асамудтаанаруубам̣ вияа асам̣садтад̇д̇аа, нигкаманад̇д̇аа жа вад̇т̇исийсам̣, гади, гааяод̇и д̇ид̇хаа суггасса таанам̣ багаббзнд̇и аажарияаа. саббависам̣ вияа д̇ам̣ д̣̇адтаб̣б̣ам̣, на жа висз таананияамо, год̇хавасзна бассанд̇асса ход̇и. звамасса на таананияамо, рааг̇авасзна убаггаманд̇асса ход̇ийд̇и но д̇аггод̇и аажарияо.
Aññatrasupinantāti svāyaṃ dubbalavatthukattā cetanāya paṭisandhiṃ ākaḍḍhituṃ asamatthā, supine upaṭṭhitaṃ nimittañhi dubbalaṃ. Pavatte pana aññehi kusalākusalehi upatthambhitā vipākaṃ deti. Kiñcāpi vipākaṃ deti, atha kho avisaye uppannattā abbohārikāva supinantacetanāti likhitaṃ. Yaṃ panettha ‘‘supine upaṭṭhitaṃ nimittañhi dubbala’’nti vuttaṃ, taṃ anekantaṃ, na ca ārammaṇadubbalatāya cittappavatti dubbalā atītānāgatārammaṇāya, paññattārammaṇāya vā adubbalattā. Tasmā dubbalavatthukattāti dubbalahadayavatthukattāti no takkoti (vajira. ṭī. pārājika 236-237) ācariyo. Avatthukatāya dubbalabhāvo yujjatīti ce? Na, avatthukāya bhāvanāpabhavāya atirekabalavasambhavato. Bhāvanābalasamappitañhi cittaṃ arūpampi samānaṃ atibhārampi karajakāyaṃ gahetvā ekacittakkhaṇeneva brahmalokampi pāpetvā ṭhapeti, tappaṭibhāgaṃ anappitampi kāmāvacaracittaṃ karajakāyaṃ ākāse laṅghanasamatthaṃ karoti. Kiṃ panettha taṃ anumānakaraṇaṃ? Yena cittasseva ānubhāvoti paññāyeyya cittānubhāvena ṭhapanalaṅghanādikiriyāvisesanibbattidassanato. Pakaticittasamuṭṭhānarūpaṃ viya asaṃsaṭṭhattā, nikkhamanattā ca vatthisīsaṃ, kaṭi, kāyoti tidhā sukkassa ṭhānaṃ pakappenti ācariyā. Sappavisaṃ viya taṃ daṭṭhabbaṃ, na ca vise ṭhānaniyamo, kodhavasena passantassa hoti. Evamassa na ṭhānaniyamo, rāgavasena upakkamantassa hotīti no takkoti ācariyo.
‘‘д̣̇агасод̇ам̣ анод̇ин̣н̣збий’’д̇и ид̣̇ам̣ ‘‘од̇ин̣н̣амад̇д̇з’’д̇и иминаа вируж̇жхад̇ийд̇и жз, д̇ам̣ д̣̇ассзд̇ум̣ ‘‘таанад̇о бана жуд̇а’’нд̇иаад̣̇имааха. д̇ассад̇т̇о – нимид̇д̇з убаггамам̣ гад̇ваа суггам̣ таанаа жаавзд̇ваа буна виббадисааравасзна д̣̇агасод̇орохан̣ам̣ ниваарзд̇ум̣ на саггаа, д̇ат̇ааби ад̇хиваасаад̇хиббааязна ад̇хиваасзд̇ваа анд̇араа д̣̇агасод̇ад̇о уд̣̇д̇хам̣ ниваарзд̇ум̣ асаггун̣зяяад̇ааяа ‘‘б̣ахи нигканд̇з ваа’’д̇и вуд̇д̇ам̣, д̇асмаа таанаа жуд̇ан̃хи авассам̣ д̣̇агасод̇ам̣ од̇арад̇ийд̇и адтагат̇ааяа ад̇хиббааяо. д̇асмаа убхаяам̣ самзд̇ийд̇и г̇ахзд̇аб̣б̣о.
‘‘Dakasotaṃ anotiṇṇepī’’ti idaṃ ‘‘otiṇṇamatte’’ti iminā virujjhatīti ce, taṃ dassetuṃ ‘‘ṭhānato pana cuta’’ntiādimāha. Tassattho – nimitte upakkamaṃ katvā sukkaṃ ṭhānā cāvetvā puna vippaṭisāravasena dakasotorohaṇaṃ nivāretuṃ na sakkā, tathāpi adhivāsādhippāyena adhivāsetvā antarā dakasotato uddhaṃ nivāretuṃ asakkuṇeyyatāya ‘‘bahi nikkhante vā’’ti vuttaṃ, tasmā ṭhānā cutañhi avassaṃ dakasotaṃ otaratīti aṭṭhakathāya adhippāyo. Tasmā ubhayaṃ sametīti gahetabbo.
зд̇т̇ааха – гасмаа имасмим̣ сигкаабад̣̇з ‘‘яо бана бхигкуу’’д̇иаад̣̇инаа гаараго на нид̣̇д̣̇идтод̇и? вужжад̇з – ад̇хиббааяаабзгкааяа бхаавад̇о гаараго на нид̣̇д̣̇идто д̇асса саабзгкабхаавад̣̇ассанад̇т̇ам̣. гат̇ам̣? ган̣д̣уванаад̣̇иад̇хиббааяажзд̇анаавасзна жзд̇знд̇асса ган̣д̣уванаад̣̇иубаггамзна убаггаманд̇асса мзт̇унарааг̇авасзна ууруаад̣̇ийсу д̣̇уггадавад̇т̇уусу, ван̣аад̣̇ийсу т̇уллажжаяавад̇т̇уусу жа убаггаманд̇асса суггависадтияаа сад̇иби на сан̇гхаад̣̇исзсо ‘‘анаабад̇д̇и бхигку на можанаад̇хиббааяассаа’’д̇и (баараа. 263) важанад̇о. д̇асмаа д̇ад̣̇ад̇т̇ад̣̇ассанад̇т̇ам̣ ид̇ха гаараго на нид̣̇д̣̇идто. ан̃н̃ат̇аа ‘‘яо бана бхигку сан̃жзд̇анигам̣ суггависадтим̣ аабаж̇ж̇зяяа, сан̇гхаад̣̇исзсо’’д̇и нид̣̇д̣̇идтз гаарагз ‘‘жзд̇зд̇и на убаггамад̇и мужжад̇и, анаабад̇д̇ий’’д̇и (баараа. 262) вуд̇д̇аважанавирод̇хо. д̇ат̇аа ‘‘сан̃жзд̇анигааяа суггависадтияаа ан̃н̃ад̇ра субинанд̇аа сан̇гхаад̣̇исзсо’’д̇и бхуммз нид̣̇д̣̇идтзби со зва вирод̇хо хзд̇вад̇т̇анияамасид̣̇д̇хид̇о. д̇асмаа д̇ад̣̇убхаяамби важанаггамам̣ авад̇ваа ‘‘сан̃жзд̇анигаа суггависадти ан̃н̃ад̇ра субинанд̇аа сан̇гхаад̣̇исзсо’’д̇и вуд̇д̇ам̣. д̇ад̇т̇а нимид̇д̇ад̇т̇з бхуммаважанаабхаавад̇о хзд̇вад̇т̇анияамо на гад̇о ход̇и. д̇асмим̣ агад̇з сан̃жзд̇анигаа суггависадти ан̃н̃ад̇ра субинанд̇аа сан̇гхаад̣̇исзсод̇и, убаггамз асад̇и анаабад̇д̇ийд̇и аяамад̇т̇о д̣̇ийбид̇о ход̇ийд̇и взд̣̇ид̇аб̣б̣ам̣.
Etthāha – kasmā imasmiṃ sikkhāpade ‘‘yo pana bhikkhū’’tiādinā kārako na niddiṭṭhoti? Vuccate – adhippāyāpekkhāya bhāvato kārako na niddiṭṭho tassa sāpekkhabhāvadassanatthaṃ. Kathaṃ? Kaṇḍuvanādiadhippāyacetanāvasena cetentassa kaṇḍuvanādiupakkamena upakkamantassa methunarāgavasena ūruādīsu dukkaṭavatthūsu, vaṇādīsu thullaccayavatthūsu ca upakkamantassa sukkavisaṭṭhiyā satipi na saṅghādiseso ‘‘anāpatti bhikkhu na mocanādhippāyassā’’ti (pārā. 263) vacanato. Tasmā tadatthadassanatthaṃ idha kārako na niddiṭṭho. Aññathā ‘‘yo pana bhikkhu sañcetanikaṃ sukkavisaṭṭhiṃ āpajjeyya, saṅghādiseso’’ti niddiṭṭhe kārake ‘‘ceteti na upakkamati muccati, anāpattī’’ti (pārā. 262) vuttavacanavirodho. Tathā ‘‘sañcetanikāya sukkavisaṭṭhiyā aññatra supinantā saṅghādiseso’’ti bhumme niddiṭṭhepi so eva virodho hetvatthaniyamasiddhito. Tasmā tadubhayampi vacanakkamaṃ avatvā ‘‘sañcetanikā sukkavisaṭṭhi aññatra supinantā saṅghādiseso’’ti vuttaṃ. Tattha nimittatthe bhummavacanābhāvato hetvatthaniyamo na kato hoti. Tasmiṃ akate sañcetanikā sukkavisaṭṭhi aññatra supinantā saṅghādisesoti, upakkame asati anāpattīti ayamattho dīpito hotīti veditabbaṃ.
имасмим̣ сигкаабад̣̇з д̣̇вз аабад̇д̇исахассаани хонд̇и. гат̇ам̣? ад̇д̇ано хад̇т̇аад̣̇ибхзд̣̇з аж̇жхад̇д̇аруубз рааг̇уубад̇т̇амбханавасзна ан̇г̇аж̇аад̇з гамманияаббад̇д̇з аарог̇яад̇т̇ааяа нийлам̣ можзнд̇асса згаа аабад̇д̇и, аж̇жхад̇д̇аруубз зва рааг̇уубад̇т̇амбхз бийд̇агаад̣̇ийнам̣ можанавасзна наваад̇и д̣̇аса. звам̣ ‘‘сукад̇т̇ааяаа’’д̇иаад̣̇ийнам̣ наваннам̣ васзнаад̇и рааг̇уубад̇т̇амбхз аж̇жхад̇д̇аруубавасзна сад̇ам̣. звамзвам̣ важжаббассаававаад̇аужжаалин̇г̇абаан̣агад̣̇адтуубад̇т̇амбхзсу жа сад̇ам̣ сад̇ам̣ гад̇ваа саб̣б̣ам̣ бан̃жасад̇ам̣. яат̇аа аж̇жхад̇д̇аруубз бан̃жасад̇ам̣, звам̣ б̣ахид̣̇д̇хааруубз ваа аж̇жхад̇д̇аб̣ахид̣̇д̇хааруубз ваа аагаасз ваа гадим̣ гамбзнд̇од̇и д̣̇вз сахассаани аабад̇д̇ияо хонд̇ийд̇и.
Imasmiṃ sikkhāpade dve āpattisahassāni honti. Kathaṃ? Attano hatthādibhede ajjhattarūpe rāgūpatthambhanavasena aṅgajāte kammaniyappatte ārogyatthāya nīlaṃ mocentassa ekā āpatti, ajjhattarūpe eva rāgūpatthambhe pītakādīnaṃ mocanavasena navāti dasa. Evaṃ ‘‘sukhatthāyā’’tiādīnaṃ navannaṃ vasenāti rāgūpatthambhe ajjhattarūpavasena sataṃ. Evamevaṃ vaccappassāvavātauccāliṅgapāṇakadaṭṭhūpatthambhesu ca sataṃ sataṃ katvā sabbaṃ pañcasataṃ. Yathā ajjhattarūpe pañcasataṃ, evaṃ bahiddhārūpe vā ajjhattabahiddhārūpe vā ākāse vā kaṭiṃ kampentoti dve sahassāni āpattiyo hontīti.
суггависсадтисигкаабад̣̇аван̣н̣анаа нидтид̇аа.
Sukkavissaṭṭhisikkhāpadavaṇṇanā niṭṭhitā.
