| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
2. сан̇гхаад̣̇исзсаган̣д̣ам̣
2. Saṅghādisesakaṇḍaṃ
1. суггависсадтисигкаабад̣̇аван̣н̣анаа
1. Sukkavissaṭṭhisikkhāpadavaṇṇanā
ид̣̇аани баарааж̇игасам̣ван̣н̣анаасамананд̇араа яаа д̇зрасагаад̣̇исам̣ван̣н̣анаа самаарад̣̇д̇хаа, д̇ассааби –
Idāni pārājikasaṃvaṇṇanāsamanantarā yā terasakādisaṃvaṇṇanā samāraddhā, tassāpi –
анаагулаа асанд̣̇зхаа, барибун̣н̣авинижчаяаа;
Anākulā asandehā, paripuṇṇavinicchayā;
ад̇т̇аб̣яан̃ж̇анасамбаннаа, ход̇и саарад̇т̇ад̣̇ийбаний.
Atthabyañjanasampannā, hoti sāratthadīpanī.
д̇зрасагассаад̇и д̇зраса сигкаабад̣̇аани баримаан̣аани асса ган̣д̣ассаад̇и д̇зрасагам̣, д̇асса д̇зрасагасса ган̣д̣ассаад̇и ад̇т̇о.
Terasakassāti terasa sikkhāpadāni parimāṇāni assa kaṇḍassāti terasakaṃ, tassa terasakassa kaṇḍassāti attho.
234. анабхирад̇од̇и ан̃н̃ад̇т̇а г̇ихибхаавам̣ бад̇т̇аяамаано вужжад̇и, ид̇ха бана гаамарааг̇авасзна угган̣тид̇ад̇ааяа вигкид̇д̇ажид̇д̇ад̇ааяа саманнааг̇ад̇о ад̇хиббзд̇од̇и ааха вигкид̇д̇ажид̇д̇од̇иаад̣̇и.
234.Anabhiratoti aññattha gihibhāvaṃ patthayamāno vuccati, idha pana kāmarāgavasena ukkaṇṭhitatāya vikkhittacittatāya samannāgato adhippetoti āha vikkhittacittotiādi.
236-237. сан̃жзд̇анигаад̇и зд̇т̇а сам̣-сад̣̇д̣̇о виж̇ж̇амаанад̇т̇ад̇ааяа саад̇т̇агод̇и д̣̇ассзнд̇о ааха сам̣виж̇ж̇ад̇и жзд̇анаа ассаад̇и. д̇ад̇т̇а жзд̇анаад̇и вийд̇иггамавасаббавад̇д̇аа буб̣б̣абхааг̇ажзд̇анаа. ассаад̇и суггависсадтияаа. имасмим̣ вигаббз ига-сад̣̇д̣̇асса висум̣ ад̇т̇о над̇т̇ийд̇и ааха сан̃жзд̇анаава сан̃жзд̇анигаад̇и. ид̣̇аани сам̣-сад̣̇д̣̇асса ад̇т̇ам̣ анабзгкид̇ваа ига-сад̣̇д̣̇ова ассад̇т̇иад̇т̇ам̣ багаасзд̇ийд̇и д̣̇ассзнд̇о сан̃жзд̇анаа ваа ассаа ад̇т̇ийд̇и сан̃жзд̇анигаад̇и д̣̇уд̇ияавигаббамааха. сам̣виж̇ж̇ад̇и жзд̇анаа ассаад̇и бад̣̇абхааж̇анз вад̇д̇аб̣б̣з б̣яан̃ж̇анз аад̣̇арам̣ агад̇ваа ж̇аананд̇од̇иаад̣̇и вуд̇д̇ам̣. убаггамаамийд̇и ж̇аананд̇од̇и можанад̇т̇ам̣ убаггамаамийд̇и ж̇аананд̇о.
236-237.Sañcetanikāti ettha saṃ-saddo vijjamānatthatāya sātthakoti dassento āha saṃvijjati cetanā assāti. Tattha cetanāti vītikkamavasappavattā pubbabhāgacetanā. Assāti sukkavissaṭṭhiyā. Imasmiṃ vikappe ika-saddassa visuṃ attho natthīti āha sañcetanāva sañcetanikāti. Idāni saṃ-saddassa atthaṃ anapekkhitvā ika-saddova assatthiatthaṃ pakāsetīti dassento sañcetanā vā assā atthīti sañcetanikāti dutiyavikappamāha. Saṃvijjati cetanā assāti padabhājane vattabbe byañjane ādaraṃ akatvā jānantotiādi vuttaṃ. Upakkamāmīti jānantoti mocanatthaṃ upakkamāmīti jānanto.
аасаяабхзд̣̇ад̇од̇и бид̇д̇аад̣̇иаасаяабхзд̣̇ад̇о. б̣уд̣̇д̇хабажжзгаб̣уд̣̇д̇хаанамби хи ран̃н̃оби жаггавад̇д̇исса бид̇д̇асзмхабуб̣б̣алохид̇аасаязсу жад̇уусу ан̃н̃ад̇аро аасаяо ход̇иязва, манд̣̇абан̃н̃аанам̣ бана жад̇д̇аароби аасаяаа хонд̇и. д̇хаад̇унаанад̇д̇ад̇од̇и бат̇авийд̇хаад̇уаад̣̇ийнам̣ жад̇уннам̣ д̇хаад̇уунам̣, жагкаад̣̇ийнам̣ ваа адтаарасаннам̣ д̇хаад̇уунам̣, расасон̣ид̇аад̣̇ийнам̣ ваа д̇хаад̇уунам̣ наанад̇д̇ад̇о.
Āsayabhedatoti pittādiāsayabhedato. Buddhapaccekabuddhānampi hi raññopi cakkavattissa pittasemhapubbalohitāsayesu catūsu aññataro āsayo hotiyeva, mandapaññānaṃ pana cattāropi āsayā honti. Dhātunānattatoti pathavīdhātuādīnaṃ catunnaṃ dhātūnaṃ, cakkhādīnaṃ vā aṭṭhārasannaṃ dhātūnaṃ, rasasoṇitādīnaṃ vā dhātūnaṃ nānattato.
вад̇т̇исийсанд̇и вад̇т̇ибудасса аб̣бханд̇арз мад̇т̇агабассам̣. ‘‘рааг̇а…бз… асаггонд̇о’’д̇и рааг̇абарияудтаанам̣ санд̇хааяа вуд̇д̇ам̣. рааж̇аа бана ‘‘самбхавасса сагалагааяо таана’’нд̇и суд̇абуб̣б̣ад̇д̇аа виймам̣санад̇т̇ам̣ звамагаасийд̇и вад̣̇анд̇и. д̣̇агасод̇анд̇и муд̇д̇амаг̇г̇ам̣, ан̇г̇аж̇аад̇аббад̣̇зсанд̇и вуд̇д̇ам̣ ход̇и. д̣̇агасод̇орохан̣ад̇о бадтааяа бана убаад̣̇иннад̇о винимуд̇д̇ад̇ааяа самбхавз уд̇усамудтаанамзва руубам̣ авасиссад̇и, сзсам̣ д̇исамудтаанам̣ над̇т̇ийд̇и взд̣̇ид̇аб̣б̣ам̣. аабод̇хаад̇уяаа санд̇аанавасзна бавад̇д̇амаанааяа авад̇т̇аависзсо самбхаво, со жад̇усамудтааниго адтагат̇ааяам̣ жад̇усамудтаанигзсу самбхавасса вуд̇д̇ад̇д̇аа. со бана сол̣асавассагаалз уббаж̇ж̇ад̇и, д̇асса рааг̇авасзна таанаажааванам̣ ход̇ийд̇и вад̣̇анд̇и, д̇асмаа яам̣ вуд̇д̇ам̣ гат̇аавад̇т̇уадтагат̇ааяам̣ ‘‘суггависсадти наама рааг̇асамудтаанаа ход̇ий’’д̇и, д̇ам̣ самбхавасса таанаажааванам̣ санд̇хааяа вуд̇д̇анд̇и взд̣̇ид̇аб̣б̣ам̣, на бана самбхаво жид̇д̇асамудтааноязваад̇и д̣̇ийбзд̇ум̣, д̇знзва д̇ад̇т̇а виссадтиг̇г̇ахан̣ам̣ гад̇ам̣. ‘‘кийн̣аасаваанам̣ бана б̣рахмаанан̃жа самбхаво над̇т̇ий’’д̇и аажарияад̇хаммабаалад̇т̇зрзна вуд̇д̇ам̣, д̇асмаа яам̣ вуд̇д̇ам̣ гат̇аавад̇т̇уадтагат̇ааяам̣ (гат̇аа. адта. 307) ‘‘д̇аасам̣ д̣̇звад̇аанам̣ суггависсадти наама над̇т̇ий’’д̇и, д̇амби таанаажааванам̣ санд̇хааяа вуд̇д̇анд̇и г̇ахзд̇аб̣б̣ам̣, на бана д̣̇звад̇аанам̣ саб̣б̣асо самбхавасса абхаавам̣ санд̇хааяа. чаннамби бана гаамааважарад̣̇звад̇аанам̣ гаамаа баагад̇игааязва. мануссаа вияа хи д̇з д̣̇ваяам̣д̣̇ваяасамаабад̇д̇ивасзнзва мзт̇унам̣ бадисзванд̇и, гзвалам̣ бана ниссанд̣̇аабхааво д̇зсам̣ вад̇д̇аб̣б̣о. д̇ан̇кан̣игабарил̣аахавуубасамаавахам̣ сампассасукамзва хи д̇зсам̣ гаамагижжам̣. гзжи бана ‘‘жаад̇умахаарааж̇игад̇аавад̇им̣саанам̣язва д̣̇ваяам̣д̣̇ваяасамаабад̇д̇ияаа гаамагижжам̣ иж̇жхад̇и, яаамаанам̣ ан̃н̃аман̃н̃ам̣ аалин̇г̇анамад̇д̇зна, д̇усид̇аанам̣ хад̇т̇аамасанамад̇д̇зна, ниммаанарад̇ийнам̣ хасид̇амад̇д̇зна, бараниммид̇авасавад̇д̇ийнам̣ ологид̇амад̇д̇зна гаамагижжам̣ иж̇жхад̇ий’’д̇и вад̣̇анд̇и, д̇ам̣ адтагат̇ааяам̣ бадигкид̇д̇ам̣ д̇аад̣̇исасса гаамзсу вираж̇ж̇анасса д̇зсу абхаавад̇о гаамаанан̃жа уд̇д̇аруд̇д̇ари бан̣ийд̇ад̇арабан̣ийд̇ад̇амабхаавад̇о.
Vatthisīsanti vatthipuṭassa abbhantare matthakapassaṃ. ‘‘Rāga…pe… asakkonto’’ti rāgapariyuṭṭhānaṃ sandhāya vuttaṃ. Rājā pana ‘‘sambhavassa sakalakāyo ṭhāna’’nti sutapubbattā vīmaṃsanatthaṃ evamakāsīti vadanti. Dakasotanti muttamaggaṃ, aṅgajātappadesanti vuttaṃ hoti. Dakasotorohaṇato paṭṭhāya pana upādinnato vinimuttatāya sambhave utusamuṭṭhānameva rūpaṃ avasissati, sesaṃ tisamuṭṭhānaṃ natthīti veditabbaṃ. Āpodhātuyā santānavasena pavattamānāya avatthāviseso sambhavo, so catusamuṭṭhāniko aṭṭhakathāyaṃ catusamuṭṭhānikesu sambhavassa vuttattā. So pana soḷasavassakāle uppajjati, tassa rāgavasena ṭhānācāvanaṃ hotīti vadanti, tasmā yaṃ vuttaṃ kathāvatthuaṭṭhakathāyaṃ ‘‘sukkavissaṭṭhi nāma rāgasamuṭṭhānā hotī’’ti, taṃ sambhavassa ṭhānācāvanaṃ sandhāya vuttanti veditabbaṃ, na pana sambhavo cittasamuṭṭhānoyevāti dīpetuṃ, teneva tattha vissaṭṭhiggahaṇaṃ kataṃ. ‘‘Khīṇāsavānaṃ pana brahmānañca sambhavo natthī’’ti ācariyadhammapālattherena vuttaṃ, tasmā yaṃ vuttaṃ kathāvatthuaṭṭhakathāyaṃ (kathā. aṭṭha. 307) ‘‘tāsaṃ devatānaṃ sukkavissaṭṭhi nāma natthī’’ti, tampi ṭhānācāvanaṃ sandhāya vuttanti gahetabbaṃ, na pana devatānaṃ sabbaso sambhavassa abhāvaṃ sandhāya. Channampi pana kāmāvacaradevatānaṃ kāmā pākatikāyeva. Manussā viya hi te dvayaṃdvayasamāpattivaseneva methunaṃ paṭisevanti, kevalaṃ pana nissandābhāvo tesaṃ vattabbo. Taṅkhaṇikapariḷāhavūpasamāvahaṃ samphassasukhameva hi tesaṃ kāmakiccaṃ. Keci pana ‘‘cātumahārājikatāvatiṃsānaṃyeva dvayaṃdvayasamāpattiyā kāmakiccaṃ ijjhati, yāmānaṃ aññamaññaṃ āliṅganamattena, tusitānaṃ hatthāmasanamattena, nimmānaratīnaṃ hasitamattena, paranimmitavasavattīnaṃ olokitamattena kāmakiccaṃ ijjhatī’’ti vadanti, taṃ aṭṭhakathāyaṃ paṭikkhittaṃ tādisassa kāmesu virajjanassa tesu abhāvato kāmānañca uttaruttari paṇītatarapaṇītatamabhāvato.
д̇ат̇зваад̇и ‘‘можанассаад̣̇зна нимид̇д̇з убаггамад̇о’’д̇иаад̣̇им̣ ад̇ид̣̇исад̇и. ‘‘виссадтийд̇и таанад̇о жааванаа вужжад̇ий’’д̇и вуд̇д̇ад̇д̇аа д̣̇агасод̇ам̣ од̇ин̣н̣амад̇д̇зд̇и гасмаа вуд̇д̇анд̇и ааха д̣̇агасод̇орохан̣ан̃жзд̇т̇аад̇иаад̣̇и. зд̇т̇аад̇и д̇ийсуби ваад̣̇зсу. ад̇хиваасзд̇ваад̇и нимид̇д̇з убаггамид̇ваа буна виббадисаарз уббаннз ад̇хиваасзд̇ваа. анд̇араа ниваарзд̇унд̇и таанад̇о жуд̇ам̣ д̣̇агасод̇ам̣ од̇арид̇ум̣ ад̣̇ад̇ваа анд̇араа ниваарзд̇ум̣. д̇знааха – таанаа жуд̇ан̃хи авассам̣ д̣̇агасод̇ам̣ од̇арад̇ийд̇и . таанаажааванамад̇д̇знзваад̇и д̣̇агасод̇ам̣ анод̇ин̣н̣збийд̇и ад̇хиббааяо. зд̇т̇а жа ‘‘сагало гааяо таана’’нд̇и ваад̣̇з таанаажааванам̣ вад̣̇анд̇зна сагаласарийрад̇о жуд̇ассаби д̣̇агасод̇орохан̣ад̇о буб̣б̣з аббамад̇д̇агасса анд̇араал̣асса самбхавад̇о вуд̇д̇ам̣. сагаласарийрз ваа д̇асмим̣ д̇асмим̣ бад̣̇зсз тид̇асса таанаа жуд̇ам̣ санд̇хааяа ‘‘таанаажааванамад̇д̇знзваа’’д̇и вуд̇д̇ам̣. нимид̇д̇з убаггаманд̇ассзваад̇и можанассаад̣̇зна убаггаманд̇асса. хад̇т̇абаригаммаад̣̇ийсу сад̇иби можанассаад̣̇з нимид̇д̇з убаггамаабхаавад̇о над̇т̇и аабад̇д̇ийд̇и ааха ‘‘хад̇д̇абаригамма…бз… анаабад̇д̇ий’’д̇и. аяам̣ саб̣б̣аажарияасаад̇хааран̣авинижчаяод̇и ‘‘д̣̇агасод̇орохан̣ан̃жзд̇т̇аа’’д̇иаад̣̇инаа вуд̇д̇о д̇ин̣н̣амби аажарияаанам̣ саад̇хааран̣о винижчаяо.
Tathevāti ‘‘mocanassādena nimitte upakkamato’’tiādiṃ atidisati. ‘‘Vissaṭṭhīti ṭhānato cāvanā vuccatī’’ti vuttattā dakasotaṃ otiṇṇamatteti kasmā vuttanti āha dakasotorohaṇañcetthātiādi. Etthāti tīsupi vādesu. Adhivāsetvāti nimitte upakkamitvā puna vippaṭisāre uppanne adhivāsetvā. Antarā nivāretunti ṭhānato cutaṃ dakasotaṃ otarituṃ adatvā antarā nivāretuṃ. Tenāha – ṭhānā cutañhi avassaṃ dakasotaṃ otaratīti . Ṭhānācāvanamattenevāti dakasotaṃ anotiṇṇepīti adhippāyo. Ettha ca ‘‘sakalo kāyo ṭhāna’’nti vāde ṭhānācāvanaṃ vadantena sakalasarīrato cutassapi dakasotorohaṇato pubbe appamattakassa antarāḷassa sambhavato vuttaṃ. Sakalasarīre vā tasmiṃ tasmiṃ padese ṭhitassa ṭhānā cutaṃ sandhāya ‘‘ṭhānācāvanamattenevā’’ti vuttaṃ. Nimitte upakkamantassevāti mocanassādena upakkamantassa. Hatthaparikammādīsu satipi mocanassāde nimitte upakkamābhāvato natthi āpattīti āha ‘‘hattaparikamma…pe… anāpattī’’ti. Ayaṃ sabbācariyasādhāraṇavinicchayoti ‘‘dakasotorohaṇañcetthā’’tiādinā vutto tiṇṇampi ācariyānaṃ sādhāraṇo vinicchayo.
кобхагаран̣абажжаяо наама висабхааг̇абхзсаж̇ж̇асзнаасанаахаараад̣̇ибажжаяо. ад̇т̇агаамад̇ааяа ваа анад̇т̇агаамад̇ааяа ваад̇и басаннаа ад̇т̇агаамад̇ааяа, гуд̣̇д̇хаа анад̇т̇агаамад̇ааяа. ад̇т̇ааяа ваа анад̇т̇ааяа ваад̇и сабхаавад̇о бхавид̇аб̣б̣ааяа ад̇т̇ааяа ваа анад̇т̇ааяа ваа. убасам̣харанд̇ийд̇и ад̇д̇ано д̣̇зваанубхаавзна убанзнд̇и. б̣од̇хисад̇д̇амаад̇аа вияа буд̇д̇абадилаабханимид̇д̇анд̇и д̇ад̣̇аа гира бурз бун̣н̣амааяа сад̇д̇амад̣̇ивасад̇о бадтааяа виг̇ад̇асураабаанам̣ маалааг̇анд̇хаад̣̇ивибхууд̇исамбаннам̣ нагкад̇д̇агийл̣ам̣ анубхавамаанаа б̣од̇хисад̇д̇амаад̇аа сад̇д̇амз д̣̇ивасз баад̇ова удтааяа г̇анд̇ход̣̇агзна нхааяид̇ваа саб̣б̣аалан̇гааравибхуусид̇аа варабхож̇анам̣ бхун̃ж̇ид̇ваа убосат̇ан̇г̇аани ад̇хидтааяа сириг̇аб̣бхам̣ бависид̇ваа сирисаяанз нибаннаа нид̣̇д̣̇ам̣ оггамамаанаа имам̣ субинам̣ ад̣̇д̣̇аса – жад̇д̇ааро гира нам̣ махаарааж̇аано саяанзнзва сад̣̇д̇хим̣ угкибид̇ваа анод̇ад̇д̇ад̣̇ахам̣ нзд̇ваа нхаабзд̇ваа д̣̇иб̣б̣авад̇т̇ам̣ ниваасзд̇ваа д̣̇иб̣б̣аг̇анд̇хзхи вилимбзд̇ваа д̣̇иб̣б̣абубпаани бил̣анд̇хид̇ваа д̇ад̇о авид̣̇уурз раж̇ад̇абаб̣б̣ад̇о, д̇асса анд̇о ганагавимаанам̣ ад̇т̇и, д̇асмим̣ баажийнад̇о сийсам̣ гад̇ваа нибаж̇ж̇аабзсум̣. ат̇а б̣од̇хисад̇д̇о сзд̇аваравааран̣о худ̇ваа д̇ад̇о авид̣̇уурз зго суван̣н̣абаб̣б̣ад̇о, д̇ад̇т̇а жарид̇ваа д̇ад̇о оруяха раж̇ад̇абаб̣б̣ад̇ам̣ абхирухид̇ваа ганагавимаанам̣ бависид̇ваа маад̇арам̣ бад̣̇агкин̣ам̣ гад̇ваа д̣̇агкин̣абассам̣ паалзд̇ваа гужчим̣ бавидтасад̣̇исо ахоси. имам̣ субинам̣ санд̇хааяа зд̇ам̣ вуд̇д̇ам̣ ‘‘б̣од̇хисад̇д̇амаад̇аа вияа буд̇д̇абадилаабханимид̇д̇а’’нд̇и.
Khobhakaraṇapaccayo nāma visabhāgabhesajjasenāsanāhārādipaccayo. Atthakāmatāya vā anatthakāmatāya vāti pasannā atthakāmatāya, kuddhā anatthakāmatāya. Atthāya vā anatthāya vāti sabhāvato bhavitabbāya atthāya vā anatthāya vā. Upasaṃharantīti attano devānubhāvena upanenti. Bodhisattamātā viya puttapaṭilābhanimittanti tadā kira pure puṇṇamāya sattamadivasato paṭṭhāya vigatasurāpānaṃ mālāgandhādivibhūtisampannaṃ nakkhattakīḷaṃ anubhavamānā bodhisattamātā sattame divase pātova uṭṭhāya gandhodakena nhāyitvā sabbālaṅkāravibhūsitā varabhojanaṃ bhuñjitvā uposathaṅgāni adhiṭṭhāya sirigabbhaṃ pavisitvā sirisayane nipannā niddaṃ okkamamānā imaṃ supinaṃ addasa – cattāro kira naṃ mahārājāno sayaneneva saddhiṃ ukkhipitvā anotattadahaṃ netvā nhāpetvā dibbavatthaṃ nivāsetvā dibbagandhehi vilimpetvā dibbapupphāni piḷandhitvā tato avidūre rajatapabbato, tassa anto kanakavimānaṃ atthi, tasmiṃ pācīnato sīsaṃ katvā nipajjāpesuṃ. Atha bodhisatto setavaravāraṇo hutvā tato avidūre eko suvaṇṇapabbato, tattha caritvā tato oruyha rajatapabbataṃ abhiruhitvā kanakavimānaṃ pavisitvā mātaraṃ padakkhiṇaṃ katvā dakkhiṇapassaṃ phāletvā kucchiṃ paviṭṭhasadiso ahosi. Imaṃ supinaṃ sandhāya etaṃ vuttaṃ ‘‘bodhisattamātā viya puttapaṭilābhanimitta’’nti.
бан̃жа махаасубинзд̇и (а. ни. адта. 3.5.196) маханд̇зхи бурисзхи бассид̇аб̣б̣ад̇о маханд̇аанан̃жа ад̇т̇аанам̣ нимид̇д̇абхаавад̇о махаасубинз. д̇з бана бан̃жа махаасубинз нзва логияамахааж̇ано бассад̇и, на махаарааж̇аано, на жаггавад̇д̇ирааж̇аано, на аг̇г̇асаавагаа, на бажжзгаб̣уд̣̇д̇хаа, на саммаасамб̣уд̣̇д̇хаа, зго саб̣б̣ан̃н̃уб̣од̇хисад̇д̇оязва бассад̇и. д̇зна вуд̇д̇ам̣ ‘‘б̣од̇хисад̇д̇о вияа бан̃жа махаасубинз’’д̇и. амхааган̃жа бана б̣од̇хисад̇д̇о гад̣̇аа д̇з субинз бассийд̇и? ‘‘свз б̣уд̣̇д̇хо бхависсаамий’’д̇и жаад̇уд̣̇д̣̇асияам̣ багкасса рад̇д̇ивибхааяанагаалз басси. гаалавасзна хи д̣̇иваа д̣̇идто субино на самзд̇и, д̇ат̇аа батамаяаамз маж̇жхимаяаамз жа. бажчимаяаамз б̣алавабажжуусз бана асид̇абийд̇асааяид̇з саммаабарин̣аамаг̇ад̇з гааяасмим̣ ож̇ааяа бад̇идтид̇ааяа арун̣з уг̇г̇ажчамаанз д̣̇идтасубино самзд̇и. идтанимид̇д̇ам̣ субинам̣ бассанд̇о идтам̣ бадилабхад̇и, анидтанимид̇д̇ам̣ бассанд̇о анидтам̣, д̇асмаа б̣од̇хисад̇д̇оби субинам̣ бассанд̇о рад̇д̇ивибхааяанагаалз басси.
Pañcamahāsupineti (a. ni. aṭṭha. 3.5.196) mahantehi purisehi passitabbato mahantānañca atthānaṃ nimittabhāvato mahāsupine. Te pana pañca mahāsupine neva lokiyamahājano passati, na mahārājāno, na cakkavattirājāno, na aggasāvakā, na paccekabuddhā, na sammāsambuddhā, eko sabbaññubodhisattoyeva passati. Tena vuttaṃ ‘‘bodhisatto viya pañca mahāsupine’’ti. Amhākañca pana bodhisatto kadā te supine passīti? ‘‘Sve buddho bhavissāmī’’ti cātuddasiyaṃ pakkhassa rattivibhāyanakāle passi. Kālavasena hi divā diṭṭho supino na sameti, tathā paṭhamayāme majjhimayāme ca. Pacchimayāme balavapaccūse pana asitapītasāyite sammāpariṇāmagate kāyasmiṃ ojāya patiṭṭhitāya aruṇe uggacchamāne diṭṭhasupino sameti. Iṭṭhanimittaṃ supinaṃ passanto iṭṭhaṃ paṭilabhati, aniṭṭhanimittaṃ passanto aniṭṭhaṃ, tasmā bodhisattopi supinaṃ passanto rattivibhāyanakāle passi.
гз бана д̇з бан̃жа махаасубинаад̇и? д̇ат̇ааг̇ад̇асса арахад̇о саммаасамб̣уд̣̇д̇хасса буб̣б̣зва самб̣од̇хаа анабхисамб̣уд̣̇д̇хасса б̣од̇хисад̇д̇ассзва сад̇о бан̃жа махаасубинаа баад̇урахзсум̣ (а. ни. 5.196) – аяам̣ махаабат̇авий махаасаяанам̣ ахоси, химаваа баб̣б̣ад̇арааж̇аа б̣имб̣оханам̣ ахоси, бурад̇т̇имз самуд̣̇д̣̇з ваамахад̇т̇о охид̇о ахоси, бажчимз самуд̣̇д̣̇з д̣̇агкин̣ахад̇т̇о охид̇о ахоси, д̣̇агкин̣асамуд̣̇д̣̇з убхо баад̣̇аа охид̇аа ахзсум̣, аяам̣ батамо махаасубино баад̇урахоси.
Ke pana te pañca mahāsupināti? Tathāgatassa arahato sammāsambuddhassa pubbeva sambodhā anabhisambuddhassa bodhisattasseva sato pañca mahāsupinā pāturahesuṃ (a. ni. 5.196) – ayaṃ mahāpathavī mahāsayanaṃ ahosi, himavā pabbatarājā bimbohanaṃ ahosi, puratthime samudde vāmahattho ohito ahosi, pacchime samudde dakkhiṇahattho ohito ahosi, dakkhiṇasamudde ubho pādā ohitā ahesuṃ, ayaṃ paṭhamo mahāsupino pāturahosi.
буна жабарам̣ д̣̇аб̣б̣ад̇ин̣асан̇каад̇аа д̇ирияаа наама д̇ин̣аж̇аад̇и нан̇г̇аламад̇д̇зна рад̇д̇ад̣̇ан̣д̣зна наабхид̇о уг̇г̇анд̇ваа д̇асса бассанд̇ассзва вид̣̇ад̇т̇имад̇д̇ам̣ рад̇анамад̇д̇ам̣ б̣яаамамад̇д̇ам̣ яадтимад̇д̇ам̣ г̇аавуд̇амад̇д̇ам̣ ад̣дхаяож̇анамад̇д̇ам̣ яож̇анамад̇д̇анд̇и звам̣ уг̇г̇анд̇ваа анзгаяож̇анасахассам̣ набхам̣ аахажжа тид̇аа ахоси, аяам̣ д̣̇уд̇ияо махаасубино баад̇урахоси.
Puna caparaṃ dabbatiṇasaṅkhātā tiriyā nāma tiṇajāti naṅgalamattena rattadaṇḍena nābhito uggantvā tassa passantasseva vidatthimattaṃ ratanamattaṃ byāmamattaṃ yaṭṭhimattaṃ gāvutamattaṃ aḍḍhayojanamattaṃ yojanamattanti evaṃ uggantvā anekayojanasahassaṃ nabhaṃ āhacca ṭhitā ahosi, ayaṃ dutiyo mahāsupino pāturahosi.
буна жабарам̣ сзд̇аа гимий ган̣хасийсаа баад̣̇зхи уссаггид̇ваа яаава ж̇аан̣уман̣д̣алаа бадижчаад̣̇зсум̣, аяам̣ д̇ад̇ияо махаасубино баад̇урахоси.
Puna caparaṃ setā kimī kaṇhasīsā pādehi ussakkitvā yāva jāṇumaṇḍalā paṭicchādesuṃ, ayaṃ tatiyo mahāsupino pāturahosi.
буна жабарам̣ жад̇д̇ааро сагун̣аа наанааван̣н̣аа жад̇уухи д̣̇исаахи ааг̇анд̇ваа баад̣̇амуулз нибад̇ид̇ваа саб̣б̣асзд̇аа самбаж̇ж̇им̣су, аяам̣ жад̇уд̇т̇о махаасубино баад̇урахоси.
Puna caparaṃ cattāro sakuṇā nānāvaṇṇā catūhi disāhi āgantvā pādamūle nipatitvā sabbasetā sampajjiṃsu, ayaṃ catuttho mahāsupino pāturahosi.
буна жабарам̣ б̣од̇хисад̇д̇о махад̇о мийл̣хабаб̣б̣ад̇асса убаруубари жан̇гамад̇и алиббамаано мийл̣хзна, аяам̣ бан̃жамо махаасубино баад̇урахоси. имз бан̃жа махаасубинаа.
Puna caparaṃ bodhisatto mahato mīḷhapabbatassa uparūpari caṅkamati alippamāno mīḷhena, ayaṃ pañcamo mahāsupino pāturahosi. Ime pañca mahāsupinā.
д̇ад̇т̇а батамо ануд̇д̇арааяа саммаасамб̣од̇хияаа буб̣б̣анимид̇д̇ам̣, д̣̇уд̇ияо арияасса адтан̇г̇игасса маг̇г̇асса д̣̇звамануссзсу суббагаасид̇абхаавасса буб̣б̣анимид̇д̇ам̣, д̇ад̇ияо б̣ахуунам̣ од̣̇аад̇авасанаанам̣ г̇ихийнам̣ бхаг̇аванд̇ам̣ убасан̇гамид̇ваа саран̣аг̇аманасса буб̣б̣анимид̇д̇ам̣, жад̇уд̇т̇о кад̇д̇ияаад̣̇ийнам̣ жад̇уннам̣ ван̣н̣аанам̣ д̇ат̇ааг̇ад̇аббавзд̣̇ид̇з д̇хаммавинаяз аг̇аарасмаа анаг̇аарияам̣ баб̣б̣аж̇ид̇ваа ануд̇д̇аравимуд̇д̇исажчигирияааяа буб̣б̣анимид̇д̇ам̣, бан̃жамо жад̇уннам̣ бажжаяаанам̣ лаабхид̇ааяа д̇зсу жа анубалид̇д̇абхаавасса буб̣б̣анимид̇д̇ам̣.
Tattha paṭhamo anuttarāya sammāsambodhiyā pubbanimittaṃ, dutiyo ariyassa aṭṭhaṅgikassa maggassa devamanussesu suppakāsitabhāvassa pubbanimittaṃ, tatiyo bahūnaṃ odātavasanānaṃ gihīnaṃ bhagavantaṃ upasaṅkamitvā saraṇagamanassa pubbanimittaṃ, catuttho khattiyādīnaṃ catunnaṃ vaṇṇānaṃ tathāgatappavedite dhammavinaye agārasmā anagāriyaṃ pabbajitvā anuttaravimuttisacchikiriyāya pubbanimittaṃ, pañcamo catunnaṃ paccayānaṃ lābhitāya tesu ca anupalittabhāvassa pubbanimittaṃ.
абижа яам̣ со жаггаваал̣амахаабат̇авим̣ сирисаяанабхууд̇ам̣ ад̣̇д̣̇аса, д̇ам̣ б̣уд̣̇д̇хабхаавасса буб̣б̣анимид̇д̇ам̣. яам̣ химаванд̇ам̣ баб̣б̣ад̇арааж̇аанам̣ б̣имб̣оханам̣ ад̣̇д̣̇аса, д̇ам̣ саб̣б̣ан̃н̃уд̇ан̃н̃аан̣аб̣имб̣оханасса буб̣б̣анимид̇д̇ам̣. яам̣ жад̇д̇ааро хад̇т̇абаад̣̇з самуд̣̇д̣̇асса убаруубарибхааг̇зна г̇анд̇ваа жаггаваал̣амад̇т̇агз тид̇з ад̣̇д̣̇аса, д̇ам̣ д̇хаммажаггасса аббадивад̇д̇ияабхаавз буб̣б̣анимид̇д̇ам̣. яам̣ ад̇д̇аанам̣ уд̇д̇аанагам̣ нибаннам̣ ад̣̇д̣̇аса, д̇ам̣ д̇ийсу бхавзсу авагуж̇ж̇аанам̣ сад̇д̇аанам̣ уд̇д̇аанамукабхаавасса буб̣б̣анимид̇д̇ам̣. яам̣ агкийни уммийлзд̇ваа бассанд̇о вияа ахоси, д̇ам̣ д̣̇иб̣б̣ажагкубадилаабхасса буб̣б̣анимид̇д̇ам̣. яам̣ яаава бхаваг̇г̇аа згаалогам̣ ахоси, д̇ам̣ анааваран̣ан̃аан̣асса буб̣б̣анимид̇д̇ам̣. сзсам̣ вуд̇д̇анаяамзва. ид̇и д̇ам̣д̇ам̣висзсаад̇хиг̇аманимид̇д̇абхууд̇з бан̃жа махаасубинз басси. д̇зна вуд̇д̇ам̣ ‘‘б̣од̇хисад̇д̇о вияа бан̃жа махаасубинз’’д̇и.
Apica yaṃ so cakkavāḷamahāpathaviṃ sirisayanabhūtaṃ addasa, taṃ buddhabhāvassa pubbanimittaṃ. Yaṃ himavantaṃ pabbatarājānaṃ bimbohanaṃ addasa, taṃ sabbaññutaññāṇabimbohanassa pubbanimittaṃ. Yaṃ cattāro hatthapāde samuddassa uparūparibhāgena gantvā cakkavāḷamatthake ṭhite addasa, taṃ dhammacakkassa appaṭivattiyabhāve pubbanimittaṃ. Yaṃ attānaṃ uttānakaṃ nipannaṃ addasa, taṃ tīsu bhavesu avakujjānaṃ sattānaṃ uttānamukhabhāvassa pubbanimittaṃ. Yaṃ akkhīni ummīletvā passanto viya ahosi, taṃ dibbacakkhupaṭilābhassa pubbanimittaṃ. Yaṃ yāva bhavaggā ekālokaṃ ahosi, taṃ anāvaraṇañāṇassa pubbanimittaṃ. Sesaṃ vuttanayameva. Iti taṃtaṃvisesādhigamanimittabhūte pañca mahāsupine passi. Tena vuttaṃ ‘‘bodhisatto viya pañca mahāsupine’’ti.
госаларааж̇аа вияа сол̣аса субинзд̇и –
Kosalarājā viya soḷasa supineti –
‘‘усабхаа ругкаа г̇аавияо г̇аваа жа,
‘‘Usabhā rukkhā gāviyo gavā ca,
ассо гам̣со син̇г̇аалий жа гумбхо;
Asso kaṃso siṅgālī ca kumbho;
богкаран̣ий жа абаагажанд̣̇анам̣,
Pokkharaṇī ca apākacandanaṃ,
лааб̣ууни сийд̣̇анд̇и силаа блаванд̇и.
Lābūni sīdanti silā plavanti.
‘‘ман̣д̣уугияо ган̣хасаббз г̇иланд̇и,
‘‘Maṇḍūkiyo kaṇhasappe gilanti,
гаагам̣ суван̣н̣аа бариваараяанд̇и;
Kākaṃ suvaṇṇā parivārayanti;
д̇асаа вагаа зл̣агаанам̣ бхаяаа хий’’д̇и. (ж̇аа. 1.1.77) –
Tasā vakā eḷakānaṃ bhayā hī’’ti. (jā. 1.1.77) –
имз сол̣аса субинз бассанд̇о госаларааж̇аа вияа.
Ime soḷasa supine passanto kosalarājā viya.
1. згад̣̇ивасам̣ гира госаларааж̇аа рад̇д̇им̣ нид̣̇д̣̇уубаг̇ад̇о бажчимаяаамз сол̣аса субинз басси (ж̇аа. адта. 1.1.махаасубинаж̇аад̇агаван̣н̣анаа). д̇ад̇т̇а жад̇д̇ааро ан̃ж̇анаван̣н̣аа гаал̣аусабхаа ‘‘яуж̇жхиссаамаа’’д̇и жад̇уухи д̣̇исаахи рааж̇ан̇г̇ан̣ам̣ ааг̇анд̇ваа ‘‘усабхаяуд̣̇д̇хам̣ бассиссаамаа’’д̇и махааж̇анз саннибад̇ид̇з яуж̇жханаагаарам̣ д̣̇ассзд̇ваа над̣̇ид̇ваа г̇аж̇ж̇ид̇ваа аяуж̇жхид̇ваава бадигганд̇аа. имам̣ батамам̣ субинам̣ ад̣̇д̣̇аса.
1. Ekadivasaṃ kira kosalarājā rattiṃ niddūpagato pacchimayāme soḷasa supine passi (jā. aṭṭha. 1.1.mahāsupinajātakavaṇṇanā). Tattha cattāro añjanavaṇṇā kāḷausabhā ‘‘yujjhissāmā’’ti catūhi disāhi rājaṅgaṇaṃ āgantvā ‘‘usabhayuddhaṃ passissāmā’’ti mahājane sannipatite yujjhanākāraṃ dassetvā naditvā gajjitvā ayujjhitvāva paṭikkantā. Imaṃ paṭhamaṃ supinaṃ addasa.
2. куд̣̇д̣̇агаа ругкаа жзва г̇ажчаа жа бат̇авим̣ бхинд̣̇ид̇ваа вид̣̇ад̇т̇имад̇д̇амби рад̇анамад̇д̇амби ануг̇г̇анд̇ваава бубпанд̇и жзва паланд̇и жа. имам̣ д̣̇уд̇ияам̣ ад̣̇д̣̇аса.
2. Khuddakā rukkhā ceva gacchā ca pathaviṃ bhinditvā vidatthimattampi ratanamattampi anuggantvāva pupphanti ceva phalanti ca. Imaṃ dutiyaṃ addasa.
3. г̇аавияо д̇ад̣̇ахуж̇аад̇аанам̣ важчаанам̣ кийрам̣ биванд̇ияо ад̣̇д̣̇аса. аяам̣ д̇ад̇ияо субино.
3. Gāviyo tadahujātānaṃ vacchānaṃ khīraṃ pivantiyo addasa. Ayaṃ tatiyo supino.
4. д̇хураваахз аарохабарин̣аахасамбаннз махааг̇он̣з яуг̇абарамбарааяа аяож̇зд̇ваа д̇арун̣з г̇од̣̇аммз д̇хурз яож̇знд̇з ад̣̇д̣̇аса, д̇з д̇хурам̣ вахид̇ум̣ асаггонд̇аа чад̣д̣зд̇ваа адтам̣су, сагадаани наббавад̇д̇им̣су. аяам̣ жад̇уд̇т̇о субино.
4. Dhuravāhe ārohapariṇāhasampanne mahāgoṇe yugaparamparāya ayojetvā taruṇe godamme dhure yojente addasa, te dhuraṃ vahituṃ asakkontā chaḍḍetvā aṭṭhaṃsu, sakaṭāni nappavattiṃsu. Ayaṃ catuttho supino.
5. згам̣ убхад̇омукам̣ ассам̣ ад̣̇д̣̇аса, д̇асса убхосу бассзсу яавасийсам̣ д̣̇знд̇и, со д̣̇вийхиби мукзхи каад̣̇ад̇и. аяам̣ бан̃жамо субино.
5. Ekaṃ ubhatomukhaṃ assaṃ addasa, tassa ubhosu passesu yavasīsaṃ denti, so dvīhipi mukhehi khādati. Ayaṃ pañcamo supino.
6. махааж̇ано сад̇асахассаг̇гханагам̣ суван̣н̣абаад̇им̣ саммаж̇ж̇ид̇ваа ‘‘ид̇ха бассаавам̣ гарохий’’д̇и згасса ж̇арасин̇г̇ааласса убанаамзси, д̇ам̣ д̇ад̇т̇а бассаавам̣ гаронд̇ам̣ ад̣̇д̣̇аса. аяам̣ чадто субино.
6. Mahājano satasahassagghanakaṃ suvaṇṇapātiṃ sammajjitvā ‘‘idha passāvaṃ karohī’’ti ekassa jarasiṅgālassa upanāmesi, taṃ tattha passāvaṃ karontaṃ addasa. Ayaṃ chaṭṭho supino.
7. зго бурисо раж̇ж̇ум̣ ваддзд̇ваа баад̣̇амуулз нигкибад̇и, д̇зна нисиннабийтасса хздтаа саяид̇аа чаад̇асин̇г̇аалий д̇асса аж̇аананд̇ассзва д̇ам̣ каад̣̇ад̇и. имам̣ сад̇д̇амам̣ субинам̣ ад̣̇д̣̇аса.
7. Eko puriso rajjuṃ vaṭṭetvā pādamūle nikkhipati, tena nisinnapīṭhassa heṭṭhā sayitā chātasiṅgālī tassa ajānantasseva taṃ khādati. Imaṃ sattamaṃ supinaṃ addasa.
8. рааж̇ад̣̇ваарз б̣ахуухи д̇ужчагумбхзхи бариваарзд̇ваа табид̇ам̣ згам̣ маханд̇ам̣ буурид̇агумбхам̣ ад̣̇д̣̇аса, жад̇д̇аароби бана ван̣н̣аа жад̇уухи д̣̇исаахи жад̇уухи ануд̣̇исаахи жа гхадзхи уд̣̇агам̣ аахарид̇ваа буурид̇агумбхамзва буурзнд̇и, буурид̇абуурид̇ам̣ уд̣̇агам̣ уд̇д̇арид̇ваа балааяад̇и, д̇зби бунаббунам̣ д̇ад̇т̇зва уд̣̇агам̣ аасин̃жанд̇и, д̇ужчагумбхз ологзнд̇ааби над̇т̇и. аяам̣ адтамо субино.
8. Rājadvāre bahūhi tucchakumbhehi parivāretvā ṭhapitaṃ ekaṃ mahantaṃ pūritakumbhaṃ addasa, cattāropi pana vaṇṇā catūhi disāhi catūhi anudisāhi ca ghaṭehi udakaṃ āharitvā pūritakumbhameva pūrenti, pūritapūritaṃ udakaṃ uttaritvā palāyati, tepi punappunaṃ tattheva udakaṃ āsiñcanti, tucchakumbhe olokentāpi natthi. Ayaṃ aṭṭhamo supino.
9. згам̣ бан̃жабад̣̇умасан̃чаннам̣ г̇амбхийрам̣ саб̣б̣ад̇од̇ид̇т̇ам̣ богкаран̣им̣ ад̣̇д̣̇аса, саманд̇ад̇о д̣̇вибад̣̇ажад̇уббад̣̇аа од̇арид̇ваа д̇ад̇т̇а баанийяам̣ биванд̇и, д̇ассаа маж̇жхз г̇амбхийрадтаанз уд̣̇агам̣ аавилам̣, д̇ийраббад̣̇зсз д̣̇вибад̣̇ажад̇уббад̣̇аанам̣ аггаманадтаанз ажчам̣ виббасаннам̣ анаавилам̣. аяам̣ навамо субино.
9. Ekaṃ pañcapadumasañchannaṃ gambhīraṃ sabbatotitthaṃ pokkharaṇiṃ addasa, samantato dvipadacatuppadā otaritvā tattha pānīyaṃ pivanti, tassā majjhe gambhīraṭṭhāne udakaṃ āvilaṃ, tīrappadese dvipadacatuppadānaṃ akkamanaṭṭhāne acchaṃ vippasannaṃ anāvilaṃ. Ayaṃ navamo supino.
10. згиссааязва жа гумбхияаа бажжамаанам̣ од̣̇анам̣ абаагам̣ ад̣̇д̣̇аса, ‘‘абаага’’нд̇и вижаарзд̇ваа вибхаж̇ид̇ваа табид̇ам̣ вияа д̇ийхаагаарзхи бажжамаанам̣ згасмим̣ бассз ад̇игилинно ход̇и, згасмим̣ уд̇д̇ан̣д̣уло, згасмим̣ субаггод̇и. аяам̣ д̣̇асамо субино.
10. Ekissāyeva ca kumbhiyā paccamānaṃ odanaṃ apākaṃ addasa, ‘‘apāka’’nti vicāretvā vibhajitvā ṭhapitaṃ viya tīhākārehi paccamānaṃ ekasmiṃ passe atikilinno hoti, ekasmiṃ uttaṇḍulo, ekasmiṃ supakkoti. Ayaṃ dasamo supino.
11. сад̇асахассаг̇гханагам̣ жанд̣̇анасаарам̣ бууд̇ид̇аггзна виггин̣анд̇з ад̣̇д̣̇аса. аяам̣ згаад̣̇асамо субино.
11. Satasahassagghanakaṃ candanasāraṃ pūtitakkena vikkiṇante addasa. Ayaṃ ekādasamo supino.
12. д̇ужчалааб̣ууни уд̣̇агз сийд̣̇анд̇аани ад̣̇д̣̇аса. аяам̣ д̣̇ваад̣̇асамо субино.
12. Tucchalābūni udake sīdantāni addasa. Ayaṃ dvādasamo supino.
13. маханд̇амаханд̇аа гуудааг̇аараббамаан̣аа гханасилаа нааваа вияа уд̣̇агз блавамаанаа ад̣̇д̣̇аса. аяам̣ д̇зрасамо субино.
13. Mahantamahantā kūṭāgārappamāṇā ghanasilā nāvā viya udake plavamānā addasa. Ayaṃ terasamo supino.
14. куд̣̇д̣̇агамад̇хугабубпаббамаан̣аа ман̣д̣уугияо маханд̇з ган̣хасаббз взг̇зна ануб̣анд̇хид̇ваа уббаланаал̣з вияа чинд̣̇ид̇ваа мам̣сам̣ каад̣̇ид̇ваа г̇иланд̇ияо ад̣̇д̣̇аса. аяам̣ жуд̣̇д̣̇асамо субино.
14. Khuddakamadhukapupphappamāṇā maṇḍūkiyo mahante kaṇhasappe vegena anubandhitvā uppalanāḷe viya chinditvā maṃsaṃ khāditvā gilantiyo addasa. Ayaṃ cuddasamo supino.
15. д̣̇асахи асад̣̇д̇хаммзхи саманнааг̇ад̇ам̣ г̇аамаг̇ожарам̣ гаагам̣ ган̃жанаван̣н̣аван̣н̣ад̇ааяа ‘‘суван̣н̣аа’’д̇и лад̣̇д̇ханаамз суван̣н̣арааж̇ахам̣сз бариваарзнд̇з ад̣̇д̣̇аса. аяам̣ баннарасамо субино.
15. Dasahi asaddhammehi samannāgataṃ gāmagocaraṃ kākaṃ kañcanavaṇṇavaṇṇatāya ‘‘suvaṇṇā’’ti laddhanāme suvaṇṇarājahaṃse parivārente addasa. Ayaṃ pannarasamo supino.
16. буб̣б̣з д̣̇ийбино зл̣агз каад̣̇анд̇и, д̇з бана зл̣агз д̣̇ийбино ануб̣анд̇хид̇ваа мураамураад̇и каад̣̇анд̇з ад̣̇д̣̇аса, ат̇ан̃н̃з д̇асаа вагаа зл̣агз д̣̇уурад̇ова д̣̇исваа д̇асид̇аа д̇аасаббад̇д̇аа худ̇ваа зл̣агаанам̣ бхаяаа балааяид̇ваа г̇умб̣аг̇аханаани бависид̇ваа нилийяим̣су. аяам̣ сол̣асамо субино.
16. Pubbe dīpino eḷake khādanti, te pana eḷake dīpino anubandhitvā murāmurāti khādante addasa, athaññe tasā vakā eḷake dūratova disvā tasitā tāsappattā hutvā eḷakānaṃ bhayā palāyitvā gumbagahanāni pavisitvā nilīyiṃsu. Ayaṃ soḷasamo supino.
1. д̇ад̇т̇а ад̇хаммигаанам̣ рааж̇уунам̣ ад̇хаммигаанан̃жа мануссаанам̣ гаалз логз вибаривад̇д̇амаанз гусалз осаннз агусалз уссаннз логасса барихийнагаалз д̣̇зво на саммаа вассиссад̇и, мзгхабаад̣̇аа чиж̇ж̇иссанд̇и, сассаани милааяиссанд̇и, д̣̇уб̣бхигкам̣ бхависсад̇и, вассид̇угаамаа вияа жад̇уухи д̣̇исаахи мзгхаа удтахид̇ваа ид̇т̇игаахи аад̇абз бад̇т̇адаанам̣ вийхиаад̣̇ийнам̣ д̇зманабхаязна анд̇о бавзсид̇агаалз бурисзсу гуд̣̇аалабидагз аад̣̇ааяа аал̣иб̣анд̇ханад̇т̇ааяа нигканд̇зсу вассанаагаарам̣ д̣̇ассзд̇ваа г̇аж̇ж̇ид̇ваа виж̇ж̇улад̇аа нижчаарзд̇ваа усабхаа вияа аяуж̇жхид̇ваа авассид̇ваава балааяиссанд̇и. аяам̣ батамасса вибааго.
1. Tattha adhammikānaṃ rājūnaṃ adhammikānañca manussānaṃ kāle loke viparivattamāne kusale osanne akusale ussanne lokassa parihīnakāle devo na sammā vassissati, meghapādā chijjissanti, sassāni milāyissanti, dubbhikkhaṃ bhavissati, vassitukāmā viya catūhi disāhi meghā uṭṭhahitvā itthikāhi ātape patthaṭānaṃ vīhiādīnaṃ temanabhayena anto pavesitakāle purisesu kudālapiṭake ādāya āḷibandhanatthāya nikkhantesu vassanākāraṃ dassetvā gajjitvā vijjulatā nicchāretvā usabhā viya ayujjhitvā avassitvāva palāyissanti. Ayaṃ paṭhamassa vipāko.
2. логасса барихийнагаалз мануссаанам̣ барид̇д̇ааяугагаалз сад̇д̇аа д̇иб̣б̣арааг̇аа бхависсанд̇и, асамбад̇д̇аваяаава гумаарияо бурисанд̇арам̣ г̇анд̇ваа уд̇унияо жзва г̇аб̣бхинияо жа худ̇ваа буд̇д̇ад̇хийд̇аахи вад̣дхиссанд̇и. куд̣̇д̣̇агаругкаанам̣ бубпам̣ вияа хи д̇аасам̣ уд̇унибхааво, палам̣ вияа жа буд̇д̇ад̇хийд̇аро бхависсанд̇и. аяам̣ д̣̇уд̇ияасса вибааго.
2. Lokassa parihīnakāle manussānaṃ parittāyukakāle sattā tibbarāgā bhavissanti, asampattavayāva kumāriyo purisantaraṃ gantvā utuniyo ceva gabbhiniyo ca hutvā puttadhītāhi vaḍḍhissanti. Khuddakarukkhānaṃ pupphaṃ viya hi tāsaṃ utunibhāvo, phalaṃ viya ca puttadhītaro bhavissanti. Ayaṃ dutiyassa vipāko.
3. мануссаанам̣ ж̇здтаабажааяигагаммасса надтагаалз сад̇д̇аа маад̇аабид̇уусу ваа сассусасурзсу ваа лаж̇ж̇ам̣ анубадтабзд̇ваа саяамзва гудумб̣ам̣ сам̣вид̣̇аханд̇аава гхаасажчаад̣̇анамад̇д̇амби махаллагаанам̣ д̣̇аад̇угаамаа д̣̇ассанд̇и, ад̣̇аад̇угаамаа на д̣̇ассанд̇и, махаллагаа анаат̇аа худ̇ваа асаяам̣васий д̣̇аарагз аараад̇хзд̇ваа ж̇ийвиссанд̇и д̇ад̣̇ахуж̇аад̇аанам̣ важчаанам̣ кийрам̣ биванд̇ияо махааг̇аавияо вияа. аяам̣ д̇ад̇ияасса вибааго.
3. Manussānaṃ jeṭṭhāpacāyikakammassa naṭṭhakāle sattā mātāpitūsu vā sassusasuresu vā lajjaṃ anupaṭṭhapetvā sayameva kuṭumbaṃ saṃvidahantāva ghāsacchādanamattampi mahallakānaṃ dātukāmā dassanti, adātukāmā na dassanti, mahallakā anāthā hutvā asayaṃvasī dārake ārādhetvā jīvissanti tadahujātānaṃ vacchānaṃ khīraṃ pivantiyo mahāgāviyo viya. Ayaṃ tatiyassa vipāko.
4. ад̇хаммигарааж̇уунам̣ гаалз ад̇хаммигарааж̇аано бан̣д̣ид̇аанам̣ бавзн̣игусалаанам̣ гамманид̇т̇аран̣асамад̇т̇аанам̣ махаамад̇д̇аанам̣ яасам̣ на д̣̇ассанд̇и, д̇хаммасабхааяам̣ винижчаяадтаанзби бан̣д̣ид̇з вохаарагусалз махаллагз амажжз на табзссанд̇и. д̇аб̣б̣ибарийд̇аанам̣ бана д̇арун̣ад̇арун̣аанам̣ яасам̣ д̣̇ассанд̇и, д̇ат̇ааруубз зва жа винижчаяадтаанз табзссанд̇и, д̇з рааж̇агаммаани жзва яуд̇д̇ааяуд̇д̇ан̃жа аж̇аананд̇аа нзва д̇ам̣ яасам̣ угкибид̇ум̣ сагкиссанд̇и, на рааж̇агаммаани нид̇т̇арид̇ум̣, д̇з асаггонд̇аа гаммад̇хурам̣ чад̣д̣зссанд̇и, махаллагааби бан̣д̣ид̇аа амажжаа яасам̣ алабханд̇аа гижжаани нид̇т̇арид̇ум̣ самад̇т̇ааби ‘‘гим̣ амхаагам̣ зд̇зхи, маяам̣ б̣аахирагаа ж̇аад̇аа, аб̣бханд̇аригаа д̇арун̣ад̣̇аарагаа ж̇ааниссанд̇ий’’д̇и уббаннаани гаммаани на гариссанд̇и, звам̣ саб̣б̣ат̇ааби д̇зсам̣ рааж̇уунам̣ хааниязва бхависсад̇и, д̇хурам̣ вахид̇ум̣ асамад̇т̇аанам̣ важчад̣̇аммаанам̣ д̇хурз яож̇ид̇агаало вияа, д̇хураваахаанан̃жа махааг̇он̣аанам̣ яуг̇абарамбарааяа аяож̇ид̇агаало вияа бхависсад̇и. аяам̣ жад̇уд̇т̇асса вибааго.
4. Adhammikarājūnaṃ kāle adhammikarājāno paṇḍitānaṃ paveṇikusalānaṃ kammanittharaṇasamatthānaṃ mahāmattānaṃ yasaṃ na dassanti, dhammasabhāyaṃ vinicchayaṭṭhānepi paṇḍite vohārakusale mahallake amacce na ṭhapessanti. Tabbiparītānaṃ pana taruṇataruṇānaṃ yasaṃ dassanti, tathārūpe eva ca vinicchayaṭṭhāne ṭhapessanti, te rājakammāni ceva yuttāyuttañca ajānantā neva taṃ yasaṃ ukkhipituṃ sakkhissanti, na rājakammāni nittharituṃ, te asakkontā kammadhuraṃ chaḍḍessanti, mahallakāpi paṇḍitā amaccā yasaṃ alabhantā kiccāni nittharituṃ samatthāpi ‘‘kiṃ amhākaṃ etehi, mayaṃ bāhirakā jātā, abbhantarikā taruṇadārakā jānissantī’’ti uppannāni kammāni na karissanti, evaṃ sabbathāpi tesaṃ rājūnaṃ hāniyeva bhavissati, dhuraṃ vahituṃ asamatthānaṃ vacchadammānaṃ dhure yojitakālo viya, dhuravāhānañca mahāgoṇānaṃ yugaparamparāya ayojitakālo viya bhavissati. Ayaṃ catutthassa vipāko.
5. ад̇хаммигарааж̇агаалзязва ад̇хаммигаб̣ааларааж̇аано ад̇хаммигз лоламануссз винижчаяз табзссанд̇и, д̇з баабабун̃н̃зсу анаад̣̇араа б̣аалаа сабхааяам̣ нисийд̣̇ид̇ваа винижчаяам̣ д̣̇знд̇аа убхиннамби ад̇т̇абажжад̇т̇игаанам̣ хад̇т̇ад̇о лан̃ж̇ам̣ г̇ахзд̇ваа каад̣̇иссанд̇и ассо вияа д̣̇вийхи мукзхи яавасийсам̣. аяам̣ бан̃жамасса вибааго.
5. Adhammikarājakāleyeva adhammikabālarājāno adhammike lolamanusse vinicchaye ṭhapessanti, te pāpapuññesu anādarā bālā sabhāyaṃ nisīditvā vinicchayaṃ dentā ubhinnampi atthapaccatthikānaṃ hatthato lañjaṃ gahetvā khādissanti asso viya dvīhi mukhehi yavasīsaṃ. Ayaṃ pañcamassa vipāko.
6. ад̇хаммигааязва виж̇аад̇ирааж̇аано ж̇аад̇исамбаннаанам̣ гулабуд̇д̇аанам̣ аасан̇гааяа яасам̣ на д̣̇ассанд̇и, агулийнз вад̣дхзссанд̇и, звам̣ махаагулаани д̣̇уг̇г̇ад̇аани бхависсанд̇и, лаамагагулаани иссараани. д̇з жа гулийнаа бурисаа ж̇ийвид̇ум̣ асаггонд̇аа ‘‘имз ниссааяа ж̇ийвиссаамаа’’д̇и агулийнаанам̣ д̇хийд̇аро д̣̇ассанд̇и, ид̇и д̇аасам̣ гулад̇хийд̇аанам̣ агулийнзхи сад̣̇д̇хим̣ сам̣ваасо ж̇арасин̇г̇ааласса суван̣н̣абаад̇ияам̣ бассаавагаран̣асад̣̇исо бхависсад̇и. аяам̣ чадтасса вибааго.
6. Adhammikāyeva vijātirājāno jātisampannānaṃ kulaputtānaṃ āsaṅkāya yasaṃ na dassanti, akulīne vaḍḍhessanti, evaṃ mahākulāni duggatāni bhavissanti, lāmakakulāni issarāni. Te ca kulīnā purisā jīvituṃ asakkontā ‘‘ime nissāya jīvissāmā’’ti akulīnānaṃ dhītaro dassanti, iti tāsaṃ kuladhītānaṃ akulīnehi saddhiṃ saṃvāso jarasiṅgālassa suvaṇṇapātiyaṃ passāvakaraṇasadiso bhavissati. Ayaṃ chaṭṭhassa vipāko.
7. г̇ажчанд̇з г̇ажчанд̇з гаалз ид̇т̇ияо бурисалолаа сураалолаа алан̇гааралолаа висикаалолаа аамисалолаа бхависсанд̇и д̣̇уссийлаа д̣̇ураажаараа. д̇аа саамигзхи гасиг̇орагкаад̣̇ийни гаммаани гад̇ваа гижчзна гасирзна самбхад̇ам̣ д̇ханам̣ ж̇аарзхи сад̣̇д̇хим̣ сурам̣ биванд̇ияо маалааг̇анд̇хавилзбанам̣ д̇хаараяамаанаа анд̇ог̇зхз ажжааяигамби гижжам̣ анологзд̇ваа г̇зхабаригкзбасса убарибхааг̇знаби чид̣̇д̣̇адтаанзхиби ж̇аарз убад̇хаараяамаанаа свз вабид̇аб̣б̣аяуд̇д̇агам̣ б̣ийж̇амби годдзд̇ваа яааг̇убхад̇д̇акаж̇ж̇агаани саж̇ж̇зд̇ваа каад̣̇амаанаа вилумбиссанд̇и хздтаабийтаганибаннагачаад̇агасин̇г̇аалий вияа ваддзд̇ваа ваддзд̇ваа баад̣̇амуулз нигкид̇д̇араж̇ж̇ум̣. аяам̣ сад̇д̇амасса вибааго.
7. Gacchante gacchante kāle itthiyo purisalolā surālolā alaṅkāralolā visikhālolā āmisalolā bhavissanti dussīlā durācārā. Tā sāmikehi kasigorakkhādīni kammāni katvā kicchena kasirena sambhataṃ dhanaṃ jārehi saddhiṃ suraṃ pivantiyo mālāgandhavilepanaṃ dhārayamānā antogehe accāyikampi kiccaṃ anoloketvā gehaparikkhepassa uparibhāgenapi chiddaṭṭhānehipi jāre upadhārayamānā sve vapitabbayuttakaṃ bījampi koṭṭetvā yāgubhattakhajjakāni sajjetvā khādamānā vilumpissanti heṭṭhāpīṭhakanipannakachātakasiṅgālī viya vaṭṭetvā vaṭṭetvā pādamūle nikkhittarajjuṃ. Ayaṃ sattamassa vipāko.
8. г̇ажчанд̇з г̇ажчанд̇з гаалз лого барихааяиссад̇и, радтам̣ нирож̇ам̣ бхависсад̇и, рааж̇аано д̣̇уг̇г̇ад̇аа габан̣аа бхависсанд̇и. яо иссаро бхависсад̇и, д̇асса бхан̣д̣ааг̇аарз сад̇асахассамад̇д̇аа гахаабан̣аа бхависсанд̇и, д̇з звам̣ д̣̇уг̇г̇ад̇аа саб̣б̣з ж̇анабад̣̇з ад̇д̇ано гаммам̣ гаараяиссанд̇и, убад̣̇д̣̇уд̇аа мануссаа сагз гамманд̇з чад̣д̣зд̇ваа рааж̇уунам̣язва ад̇т̇ааяа буб̣б̣ан̣н̣аабаран̣н̣аани вабанд̇аа рагканд̇аа лааяанд̇аа мад̣̇д̣̇анд̇аа бавзсзнд̇аа ужчукзд̇д̇аани гаронд̇аа яанд̇аани ваахзнд̇аа паан̣ид̇аад̣̇ийни бажанд̇аа бубпаараамз палаараамз жа гаронд̇аа д̇ад̇т̇а д̇ад̇т̇а нибпаннаани бубпапалаад̣̇ийни аахарид̇ваа ран̃н̃о годтааг̇аарамзва буурзссанд̇и, ад̇д̇ано г̇зхзсу д̇ужчагодтз ологзнд̇ааби на бхависсанд̇и, д̇ужчад̇ужчагумбхз анологзд̇ваа буурид̇агумбхабууран̣асад̣̇исамзва бхависсад̇и. аяам̣ адтамасса вибааго.
8. Gacchante gacchante kāle loko parihāyissati, raṭṭhaṃ nirojaṃ bhavissati, rājāno duggatā kapaṇā bhavissanti. Yo issaro bhavissati, tassa bhaṇḍāgāre satasahassamattā kahāpaṇā bhavissanti, te evaṃ duggatā sabbe janapade attano kammaṃ kārayissanti, upaddutā manussā sake kammante chaḍḍetvā rājūnaṃyeva atthāya pubbaṇṇāparaṇṇāni vapantā rakkhantā lāyantā maddantā pavesentā ucchukhettāni karontā yantāni vāhentā phāṇitādīni pacantā pupphārāme phalārāme ca karontā tattha tattha nipphannāni pupphaphalādīni āharitvā rañño koṭṭhāgārameva pūressanti, attano gehesu tucchakoṭṭhe olokentāpi na bhavissanti, tucchatucchakumbhe anoloketvā pūritakumbhapūraṇasadisameva bhavissati. Ayaṃ aṭṭhamassa vipāko.
9. г̇ажчанд̇з г̇ажчанд̇з гаалз рааж̇аано ад̇хаммигаа бхависсанд̇и, чанд̣̇аад̣̇ивасзна аг̇ад̇им̣ г̇ажчанд̇аа раж̇ж̇ам̣ гаарзссанд̇и, д̇хаммзна винижчаяам̣ наама на д̣̇ассанд̇и, лан̃ж̇авид̇д̇агаа бхависсанд̇и д̇ханалолаа, радтаваасигзсу д̇зсам̣ канд̇имзд̇д̇аануд̣̇д̣̇аяам̣ наама на бхависсад̇и, гагкал̣аа парусаа ужчуяанд̇з ужчуг̇ан̣тигаа вияа мануссз бийл̣знд̇аа наанаббагаарам̣ б̣алим̣ уббаад̣̇зд̇ваа д̇ханам̣ г̇ан̣хиссанд̇и, мануссаа б̣алибийл̣ид̇аа гин̃жи д̣̇аад̇ум̣ асаггонд̇аа г̇ааманиг̇амаад̣̇аяо чад̣д̣зд̇ваа бажжанд̇ам̣ г̇анд̇ваа ваасам̣ габбзссанд̇и, маж̇жхимаж̇анабад̣̇о сун̃н̃о бхависсад̇и, бажжанд̇о гханаваасо сзяяат̇ааби богкаран̣ияаа маж̇жхз уд̣̇агам̣ аавилам̣ барияанд̇з виббасаннам̣. аяам̣ навамасса вибааго.
9. Gacchante gacchante kāle rājāno adhammikā bhavissanti, chandādivasena agatiṃ gacchantā rajjaṃ kāressanti, dhammena vinicchayaṃ nāma na dassanti, lañjavittakā bhavissanti dhanalolā, raṭṭhavāsikesu tesaṃ khantimettānuddayaṃ nāma na bhavissati, kakkhaḷā pharusā ucchuyante ucchugaṇṭhikā viya manusse pīḷentā nānappakāraṃ baliṃ uppādetvā dhanaṃ gaṇhissanti, manussā balipīḷitā kiñci dātuṃ asakkontā gāmanigamādayo chaḍḍetvā paccantaṃ gantvā vāsaṃ kappessanti, majjhimajanapado suñño bhavissati, paccanto ghanavāso seyyathāpi pokkharaṇiyā majjhe udakaṃ āvilaṃ pariyante vippasannaṃ. Ayaṃ navamassa vipāko.
10. г̇ажчанд̇з г̇ажчанд̇з гаалз рааж̇аано ад̇хаммигаа бхависсанд̇и, д̇зсу ад̇хаммигзсу рааж̇аяуд̇д̇ааби б̣раахман̣аг̇ахабад̇игааби нзг̇амаж̇аанабад̣̇аабийд̇и саман̣аб̣раахман̣з убаад̣̇ааяа саб̣б̣з мануссаа ад̇хаммигаа бхависсанд̇и, д̇ад̇о д̇зсам̣ аарагкад̣̇звад̇аа б̣алибадиг̇г̇аахигад̣̇звад̇аа ругкад̣̇звад̇аа аагаасадтагад̣̇звад̇аад̇и звам̣ д̣̇звад̇ааби ад̇хаммигаа бхависсанд̇и, ад̇хаммигарааж̇уунам̣ раж̇ж̇з ваад̇аа висамаа караа вааяиссанд̇и, д̇з аагаасадтагавимаанаани гамбзссанд̇и, д̇зсу гамбид̇зсу д̣̇звад̇аа губид̇аа д̣̇звам̣ вассид̇ум̣ на д̣̇ассанд̇и, вассамааноби сагаларадтз згаббахаарзнзва на вассиссад̇и, вассамааноби саб̣б̣ад̇т̇а гасигаммасса ваа ваббагаммасса ваа убагааро худ̇ваа на вассиссад̇и. яат̇аа жа радтз, звам̣ ж̇анабад̣̇зби г̇аамзби згад̇ал̣аагассарзби згаббахаарзнзва на вассиссад̇и, д̇ал̣аагасса убарибхааг̇з вассанд̇о хздтаабхааг̇з на вассиссад̇и, хздтаа вассанд̇о убари на вассиссад̇и, згасмим̣ бхааг̇з сассам̣ ад̇ивассзна нассиссад̇и, згасмим̣ авассанд̇о милааяиссад̇и, згасмим̣ саммаа вассамаано самбаад̣̇зссад̇и, звам̣ згасса ран̃н̃о раж̇ж̇з вуд̇д̇аа сассаа д̇иббагаараа бхависсанд̇и згагумбхияаа од̣̇ано вияа. аяам̣ д̣̇асамасса вибааго.
10. Gacchante gacchante kāle rājāno adhammikā bhavissanti, tesu adhammikesu rājayuttāpi brāhmaṇagahapatikāpi negamajānapadāpīti samaṇabrāhmaṇe upādāya sabbe manussā adhammikā bhavissanti, tato tesaṃ ārakkhadevatā balipaṭiggāhikadevatā rukkhadevatā ākāsaṭṭhakadevatāti evaṃ devatāpi adhammikā bhavissanti, adhammikarājūnaṃ rajje vātā visamā kharā vāyissanti, te ākāsaṭṭhakavimānāni kampessanti, tesu kampitesu devatā kupitā devaṃ vassituṃ na dassanti, vassamānopi sakalaraṭṭhe ekappahāreneva na vassissati, vassamānopi sabbattha kasikammassa vā vappakammassa vā upakāro hutvā na vassissati. Yathā ca raṭṭhe, evaṃ janapadepi gāmepi ekataḷākassarepi ekappahāreneva na vassissati, taḷākassa uparibhāge vassanto heṭṭhābhāge na vassissati, heṭṭhā vassanto upari na vassissati, ekasmiṃ bhāge sassaṃ ativassena nassissati, ekasmiṃ avassanto milāyissati, ekasmiṃ sammā vassamāno sampādessati, evaṃ ekassa rañño rajje vuttā sassā tippakārā bhavissanti ekakumbhiyā odano viya. Ayaṃ dasamassa vipāko.
11. г̇ажчанд̇з г̇ажчанд̇з гаалз саасанз барихааяанд̇з бажжаяалолаа алаж̇ж̇игаа б̣ахуу бхигкуу бхависсанд̇и, д̇з бхаг̇авад̇аа бажжаяалолуббам̣ ниммат̇зд̇ваа гат̇ид̇ад̇хаммад̣̇зсанам̣ жийвараад̣̇ижад̇убажжаяахзд̇у барзсам̣ д̣̇зсзссанд̇и, бажжаязхи мужчид̇ваа нирад̇т̇агабагкз тид̇аа ниб̣б̣аанаабхимукам̣ гад̇ваа д̣̇зсзд̇ум̣ на сагкиссанд̇и, гзвалам̣ ‘‘бад̣̇аб̣яан̃ж̇анасамбад̇д̇ин̃жзва мад̇хурасад̣̇д̣̇ан̃жа суд̇ваа махаг̇гхаани жийвараани д̣̇ассанд̇и’’ижжзвам̣ д̣̇зсзссанд̇и. абарз анд̇аравийт̇ижад̇уггарааж̇ад̣̇ваараад̣̇ийсу нисийд̣̇ид̇ваа гахаабан̣аад̣дхагахаабан̣абаад̣̇амаасагаруубаад̣̇ийниби ниссааяа д̣̇зсзссанд̇и. ид̇и бхаг̇авад̇аа ниб̣б̣аанаг̇гханагам̣ гад̇ваа д̣̇зсид̇ам̣ д̇хаммам̣ жад̇убажжаяад̇т̇ааяа жзва гахаабан̣аад̣дхагахаабан̣аад̣̇иад̇т̇ааяа жа виггин̣ид̇ваа д̣̇зсзнд̇аа сад̇асахассаг̇гханагам̣ жанд̣̇анасаарам̣ бууд̇ид̇аггзна виггин̣анд̇аа вияа бхависсанд̇и. аяам̣ згаад̣̇асамасса вибааго.
11. Gacchante gacchante kāle sāsane parihāyante paccayalolā alajjikā bahū bhikkhū bhavissanti, te bhagavatā paccayaloluppaṃ nimmathetvā kathitadhammadesanaṃ cīvarādicatupaccayahetu paresaṃ desessanti, paccayehi mucchitvā niratthakapakkhe ṭhitā nibbānābhimukhaṃ katvā desetuṃ na sakkhissanti, kevalaṃ ‘‘padabyañjanasampattiñceva madhurasaddañca sutvā mahagghāni cīvarāni dassanti’’iccevaṃ desessanti. Apare antaravīthicatukkarājadvārādīsu nisīditvā kahāpaṇaaḍḍhakahāpaṇapādamāsakarūpādīnipi nissāya desessanti. Iti bhagavatā nibbānagghanakaṃ katvā desitaṃ dhammaṃ catupaccayatthāya ceva kahāpaṇaaḍḍhakahāpaṇādiatthāya ca vikkiṇitvā desentā satasahassagghanakaṃ candanasāraṃ pūtitakkena vikkiṇantā viya bhavissanti. Ayaṃ ekādasamassa vipāko.
12. ад̇хаммигарааж̇агаалз логз вибаривад̇д̇анд̇зязва рааж̇аано ж̇аад̇исамбаннаанам̣ гулабуд̇д̇аанам̣ яасам̣ на д̣̇ассанд̇и, агулийнаанан̃н̃зва д̣̇ассанд̇и, д̇з иссараа бхависсанд̇и, ид̇арз д̣̇алид̣̇д̣̇аа. рааж̇асаммукзби рааж̇ад̣̇ваарзби амажжасаммукзби винижчаяадтаанзби д̇ужчалааб̣усад̣̇исаанам̣ агулийнаанам̣язва гат̇аа осийд̣̇ид̇ваа тид̇аа вияа нижжалаа суббад̇идтид̇аа бхависсад̇и, сан̇гхасаннибаад̇зби сан̇гхагаммаг̇ан̣агаммадтаанзсу жзва бад̇д̇ажийварабаривзн̣аад̣̇ивинижчаяадтаанзсу жа д̣̇уссийлаанам̣ баабабуг̇г̇алаанам̣язва гат̇аа нияяаанигаа бхависсад̇и, на лаж̇ж̇ибхигкуунанд̇и звам̣ саб̣б̣ат̇ааби д̇ужчалааб̣уунам̣ сийд̣̇анагаало вияа бхависсад̇и. аяам̣ д̣̇ваад̣̇асамасса вибааго.
12. Adhammikarājakāle loke viparivattanteyeva rājāno jātisampannānaṃ kulaputtānaṃ yasaṃ na dassanti, akulīnānaññeva dassanti, te issarā bhavissanti, itare daliddā. Rājasammukhepi rājadvārepi amaccasammukhepi vinicchayaṭṭhānepi tucchalābusadisānaṃ akulīnānaṃyeva kathā osīditvā ṭhitā viya niccalā suppatiṭṭhitā bhavissati, saṅghasannipātepi saṅghakammagaṇakammaṭṭhānesu ceva pattacīvarapariveṇādivinicchayaṭṭhānesu ca dussīlānaṃ pāpapuggalānaṃyeva kathā niyyānikā bhavissati, na lajjibhikkhūnanti evaṃ sabbathāpi tucchalābūnaṃ sīdanakālo viya bhavissati. Ayaṃ dvādasamassa vipāko.
13. д̇аад̣̇исзязва гаалз ад̇хаммигарааж̇аано агулийнаанам̣ яасам̣ д̣̇ассанд̇и, д̇з иссараа бхависсанд̇и, гулийнаа д̣̇уг̇г̇ад̇аа. д̇зсу на гзжи г̇ааравам̣ гариссанд̇и, ид̇арзсуязва гариссанд̇и, рааж̇асаммукз ваа амажжасаммукз ваа винижчаяадтаанз ваа винижчаяагусалаанам̣ гханасилаасад̣̇исаанам̣ гулабуд̇д̇аанам̣ гат̇аа на ог̇аахид̇ваа бад̇идтахиссад̇и. д̇зсу гат̇знд̇зсу ‘‘гим̣ имз гат̇знд̇ий’’д̇и ид̇арз барихаасамзва гариссанд̇и, бхигкусаннибаад̇зби вуд̇д̇аббагаарзсу таанзсу нзва бзсалз бхигкуу г̇аругаад̇аб̣б̣з ман̃н̃иссанд̇и, нааби нзсам̣ гат̇аа барияог̇аахид̇ваа бад̇идтахиссад̇и, силаанам̣ блавагаало вияа бхависсад̇и. аяам̣ д̇зрасамасса вибааго.
13. Tādiseyeva kāle adhammikarājāno akulīnānaṃ yasaṃ dassanti, te issarā bhavissanti, kulīnā duggatā. Tesu na keci gāravaṃ karissanti, itaresuyeva karissanti, rājasammukhe vā amaccasammukhe vā vinicchayaṭṭhāne vā vinicchayakusalānaṃ ghanasilāsadisānaṃ kulaputtānaṃ kathā na ogāhitvā patiṭṭhahissati. Tesu kathentesu ‘‘kiṃ ime kathentī’’ti itare parihāsameva karissanti, bhikkhusannipātepi vuttappakāresu ṭhānesu neva pesale bhikkhū garukātabbe maññissanti, nāpi nesaṃ kathā pariyogāhitvā patiṭṭhahissati, silānaṃ plavakālo viya bhavissati. Ayaṃ terasamassa vipāko.
14. логз барихааяанд̇зязва мануссаа д̇иб̣б̣арааг̇аад̣̇иж̇аад̇игаа гилзсаанувад̇д̇агаа худ̇ваа д̇арун̣ад̇арун̣аанам̣ ад̇д̇ано бхарияаанам̣ васз вад̇д̇иссанд̇и, г̇зхз д̣̇аасагаммагараад̣̇аяоби г̇омахим̣саад̣̇аяоби хиран̃н̃асуван̣н̣амби саб̣б̣ам̣ д̇аасам̣язва ааяад̇д̇ам̣ бхависсад̇и, ‘‘асугахиран̃н̃асуван̣н̣ам̣ ваа барижчзд̣̇аад̣̇иж̇аад̇ам̣ ваа гаха’’нд̇и вуд̇д̇з ‘‘яад̇т̇а ваа д̇ад̇т̇а ваа ход̇у, гим̣ д̇уяхиминаа б̣яаабаарзна, д̇вам̣ маяхам̣ гхарз санд̇ам̣ ваа асанд̇ам̣ ваа ж̇аанид̇угаамо ж̇аад̇о’’д̇и вад̇ваа наанаббагаарзхи аггосид̇ваа мукасад̇д̇ийхи годдзд̇ваа д̣̇аасажздагам̣ вияа васз гад̇ваа ад̇д̇ано иссарияам̣ бавад̇д̇зссанд̇и, звам̣ мад̇хугабубпаббамаан̣аман̣д̣уугабод̇игаанам̣ аасийвисз ган̣хасаббз г̇иланагаало вияа бхависсад̇и. аяам̣ жуд̣̇д̣̇асамасса вибааго.
14. Loke parihāyanteyeva manussā tibbarāgādijātikā kilesānuvattakā hutvā taruṇataruṇānaṃ attano bhariyānaṃ vase vattissanti, gehe dāsakammakarādayopi gomahiṃsādayopi hiraññasuvaṇṇampi sabbaṃ tāsaṃyeva āyattaṃ bhavissati, ‘‘asukahiraññasuvaṇṇaṃ vā paricchedādijātaṃ vā kaha’’nti vutte ‘‘yattha vā tattha vā hotu, kiṃ tuyhiminā byāpārena, tvaṃ mayhaṃ ghare santaṃ vā asantaṃ vā jānitukāmo jāto’’ti vatvā nānappakārehi akkositvā mukhasattīhi koṭṭetvā dāsaceṭakaṃ viya vase katvā attano issariyaṃ pavattessanti, evaṃ madhukapupphappamāṇamaṇḍūkapotikānaṃ āsīvise kaṇhasappe gilanakālo viya bhavissati. Ayaṃ cuddasamassa vipāko.
15. д̣̇уб̣б̣аларааж̇агаалз рааж̇аано хад̇т̇исиббаад̣̇ийсу агусалаа яуд̣̇д̇хзсу ависаарад̣̇аа бхависсанд̇и, д̇з ад̇д̇ано рааж̇аад̇хибажжам̣ аасан̇гамаанаа самаанаж̇аад̇игаанам̣ гулабуд̇д̇аанам̣ иссарияам̣ ад̣̇ад̇ваа ад̇д̇ано баад̣̇амуулиганхаабагагаббагаад̣̇ийнам̣ д̣̇ассанд̇и, ж̇аад̇иг̇од̇д̇асамбаннаа гулабуд̇д̇аа рааж̇агулз бад̇идтам̣ алабхамаанаа ж̇ийвигам̣ габбзд̇ум̣ асамад̇т̇аа худ̇ваа иссарияадтаанз ж̇аад̇иг̇од̇д̇ахийнз агулийнз убадтаханд̇аа вижариссанд̇и, суван̣н̣арааж̇ахам̣сзхи гаагасса бариваарид̇агаало вияа бхависсад̇и. аяам̣ баннарасамасса вибааго.
15. Dubbalarājakāle rājāno hatthisippādīsu akusalā yuddhesu avisāradā bhavissanti, te attano rājādhipaccaṃ āsaṅkamānā samānajātikānaṃ kulaputtānaṃ issariyaṃ adatvā attano pādamūlikanhāpakakappakādīnaṃ dassanti, jātigottasampannā kulaputtā rājakule patiṭṭhaṃ alabhamānā jīvikaṃ kappetuṃ asamatthā hutvā issariyaṭṭhāne jātigottahīne akulīne upaṭṭhahantā vicarissanti, suvaṇṇarājahaṃsehi kākassa parivāritakālo viya bhavissati. Ayaṃ pannarasamassa vipāko.
16. ад̇хаммигарааж̇агаалзязва жа агулийнаава рааж̇аваллабхаа иссараа бхависсанд̇и, гулийнаа аббан̃н̃аад̇аа д̣̇уг̇г̇ад̇аа. д̇з рааж̇аваллабхаа рааж̇аанам̣ ад̇д̇ано гат̇ам̣ г̇аахаабзд̇ваа винижчаяадтаанаад̣̇ийсу б̣алаванд̇о худ̇ваа д̣̇уб̣б̣алаанам̣ бавзн̣иааг̇ад̇аани кзд̇д̇авад̇т̇уаад̣̇ийни ‘‘амхаагам̣ санд̇агаани зд̇ааний’’д̇и абхияун̃ж̇ид̇ваа д̇з ‘‘на д̇умхаагам̣, амхаага’’нд̇и ааг̇анд̇ваа винижчаяадтаанаад̣̇ийсу вивад̣̇анд̇з взд̇д̇алад̇аад̣̇ийхи бахаараабзд̇ваа г̇ийвааяам̣ г̇ахзд̇ваа абагад̣дхаабзд̇ваа ‘‘ад̇д̇ано бамаан̣ам̣ на ж̇аанаат̇а, амхзхи сад̣̇д̇хим̣ вивад̣̇ат̇а, ид̣̇аани во ран̃н̃о гат̇зд̇ваа хад̇т̇абаад̣̇ажчзд̣̇аад̣̇ийни гаарзссаамаа’’д̇и санд̇аж̇ж̇зссанд̇и, д̇з д̇зсам̣ бхаязна ад̇д̇ано санд̇агаани кзд̇д̇авад̇т̇ууни ‘‘д̇умхаагам̣язва д̇аани, г̇ан̣хат̇аа’’д̇и нияяаад̇зд̇ваа ад̇д̇ано г̇зхаани бависид̇ваа бхийд̇аа нибаж̇ж̇иссанд̇и. баабабхигкууби бзсалз бхигкуу яат̇ааружи вихзтзссанд̇и, бзсалаа бхигкуу бадисаран̣ам̣ алабхамаанаа аран̃н̃ам̣ бависид̇ваа г̇аханадтаанзсу нилийяиссанд̇и, звам̣ хийнаж̇ажжзхи жзва баабабхигкуухи жа убад̣̇д̣̇уд̇аанам̣ ж̇аад̇иманд̇агулабуд̇д̇аанан̃жзва бзсалабхигкуунан̃жа зл̣агаанам̣ бхаязна д̇асавагаанам̣ балааяанагаало вияа бхависсад̇и . аяам̣ сол̣асамасса вибааго. звам̣ д̇асса д̇асса ад̇т̇асса буб̣б̣анимид̇д̇абхууд̇з сол̣аса субинз басси. д̇зна вуд̇д̇ам̣ – ‘‘госаларааж̇аа вияа сол̣аса субинз’’д̇и. зд̇т̇а жа буб̣б̣анимид̇д̇ад̇о ад̇д̇ано ад̇т̇аанад̇т̇анимид̇д̇ам̣ субинам̣ бассанд̇о ад̇д̇ано гаммаанубхаавзна бассад̇и, госаларааж̇аа вияа логасса ад̇т̇аанад̇т̇анимид̇д̇ам̣ субинам̣ бассанд̇о бана саб̣б̣асад̇д̇асаад̇хааран̣агаммаанубхаавзна бассад̇ийд̇и взд̣̇ид̇аб̣б̣ам̣.
16. Adhammikarājakāleyeva ca akulīnāva rājavallabhā issarā bhavissanti, kulīnā appaññātā duggatā. Te rājavallabhā rājānaṃ attano kathaṃ gāhāpetvā vinicchayaṭṭhānādīsu balavanto hutvā dubbalānaṃ paveṇiāgatāni khettavatthuādīni ‘‘amhākaṃ santakāni etānī’’ti abhiyuñjitvā te ‘‘na tumhākaṃ, amhāka’’nti āgantvā vinicchayaṭṭhānādīsu vivadante vettalatādīhi pahārāpetvā gīvāyaṃ gahetvā apakaḍḍhāpetvā ‘‘attano pamāṇaṃ na jānātha, amhehi saddhiṃ vivadatha, idāni vo rañño kathetvā hatthapādacchedādīni kāressāmā’’ti santajjessanti, te tesaṃ bhayena attano santakāni khettavatthūni ‘‘tumhākaṃyeva tāni, gaṇhathā’’ti niyyātetvā attano gehāni pavisitvā bhītā nipajjissanti. Pāpabhikkhūpi pesale bhikkhū yathāruci viheṭhessanti, pesalā bhikkhū paṭisaraṇaṃ alabhamānā araññaṃ pavisitvā gahanaṭṭhānesu nilīyissanti, evaṃ hīnajaccehi ceva pāpabhikkhūhi ca upaddutānaṃ jātimantakulaputtānañceva pesalabhikkhūnañca eḷakānaṃ bhayena tasavakānaṃ palāyanakālo viya bhavissati . Ayaṃ soḷasamassa vipāko. Evaṃ tassa tassa atthassa pubbanimittabhūte soḷasa supine passi. Tena vuttaṃ – ‘‘kosalarājā viya soḷasa supine’’ti. Ettha ca pubbanimittato attano atthānatthanimittaṃ supinaṃ passanto attano kammānubhāvena passati, kosalarājā viya lokassa atthānatthanimittaṃ supinaṃ passanto pana sabbasattasādhāraṇakammānubhāvena passatīti veditabbaṃ.
гуд̣̇д̇хаа хи д̣̇звад̇аад̇и нааг̇амахаавихаарз махаат̇зрасса гуд̣̇д̇хаа д̣̇звад̇аа вияа. рохан̣з гира нааг̇амахаавихаарз махаат̇зро бхигкусан̇гхам̣ анабалогзд̇ваава згам̣ нааг̇аругкам̣ чинд̣̇аабзси. ругкз ад̇хивад̇т̇аа д̣̇звад̇аа т̇зрасса гуд̣̇д̇хаа батамамзва нам̣ сажжасубинзна балобхзд̇ваа бажчаа ‘‘ид̇о д̇з сад̇д̇ад̣̇ивасамад̇т̇агз убадтааго рааж̇аа мариссад̇ий’’д̇и субинз аарожзси. т̇зро д̇ам̣ гат̇ам̣ аахарид̇ваа рааж̇ород̇хаанам̣ аажигки. д̇аа згаббахаарзнзва махаавиравам̣ виравим̣су. рааж̇аа ‘‘гим̣ зд̇а’’нд̇и бужчи. д̇аа ‘звам̣ т̇зрзна вуд̇д̇а’’нд̇и аарожаяим̣су. рааж̇аа д̣̇ивасз г̇ан̣аабзд̇ваа сад̇д̇аахз вийд̇ивад̇д̇з т̇зрасса хад̇т̇абаад̣̇з чинд̣̇аабзси. зганд̇асажжамзва ход̇ийд̇и паласса сажжабхаавад̇о вуд̇д̇ам̣, д̣̇ассанам̣ бана вибаллад̇т̇амзва. д̇знзва бахийнавибаллаасаа буб̣б̣анимид̇д̇абхууд̇амби субинам̣ на бассанд̇и, д̣̇вийхи д̇ийхи ваа гааран̣зхи гад̣̇аажи субинам̣ бассанд̇ийд̇и ааха ‘‘сам̣саг̇г̇абхзд̣̇ад̇о’’д̇и. ‘‘асзгкаа на бассанд̇и бахийнавибаллаасад̇д̇аа’’д̇и важанад̇о жад̇уннамби гааран̣аанам̣ вибаллаасо зва муулагааран̣анд̇и д̣̇адтаб̣б̣ам̣.
Kuddhā hi devatāti nāgamahāvihāre mahātherassa kuddhā devatā viya. Rohaṇe kira nāgamahāvihāre mahāthero bhikkhusaṅghaṃ anapaloketvāva ekaṃ nāgarukkhaṃ chindāpesi. Rukkhe adhivatthā devatā therassa kuddhā paṭhamameva naṃ saccasupinena palobhetvā pacchā ‘‘ito te sattadivasamatthake upaṭṭhāko rājā marissatī’’ti supine ārocesi. Thero taṃ kathaṃ āharitvā rājorodhānaṃ ācikkhi. Tā ekappahāreneva mahāviravaṃ viraviṃsu. Rājā ‘‘kiṃ eta’’nti pucchi. Tā ‘evaṃ therena vutta’’nti ārocayiṃsu. Rājā divase gaṇāpetvā sattāhe vītivatte therassa hatthapāde chindāpesi. Ekantasaccameva hotīti phalassa saccabhāvato vuttaṃ, dassanaṃ pana vipallatthameva. Teneva pahīnavipallāsā pubbanimittabhūtampi supinaṃ na passanti, dvīhi tīhi vā kāraṇehi kadāci supinaṃ passantīti āha ‘‘saṃsaggabhedato’’ti. ‘‘Asekkhā na passanti pahīnavipallāsattā’’ti vacanato catunnampi kāraṇānaṃ vipallāso eva mūlakāraṇanti daṭṭhabbaṃ.
д̇анд̇и субинагаалз бавад̇д̇ам̣ бхаван̇г̇ажид̇д̇ам̣. руубанимид̇д̇аад̣̇иаарамман̣анд̇и гамманимид̇д̇аг̇ад̇инимид̇д̇ад̇о ан̃н̃ам̣ руубанимид̇д̇аад̣̇иаарамман̣ам̣ на ход̇и. ийд̣̇исаанийд̇и бажжагкад̇о анубхууд̇абуб̣б̣абаригаббид̇аруубаад̣̇иаарамман̣аани жзва рааг̇аад̣̇исамбаяуд̇д̇аани жа. саб̣б̣охааригажид̇д̇знаад̇и багад̇ижид̇д̇зна. д̣̇вийхи анд̇зхи муд̇д̇од̇и гусалаагусаласан̇каад̇зхи д̣̇вийхи анд̇зхи муд̇д̇о. ааваж̇ж̇анад̇ад̣̇аарамман̣агкан̣зд̇и ид̣̇ам̣ яаава д̇ад̣̇аарамман̣уббад̇д̇и, д̇аава бавад̇д̇ам̣ жид̇д̇аваарам̣ санд̇хааяа вуд̇д̇ам̣. ‘‘субинзнзва д̣̇идтам̣ вияа мз, суд̇ам̣ вияа мзд̇и гат̇анагаалз бана аб̣яаагад̇оязва ааваж̇ж̇анамад̇д̇ассзва уббаж̇ж̇анад̇о’’д̇и вад̣̇анд̇и. звам̣ вад̣̇анд̇зхи бан̃жад̣̇ваарз д̣̇уд̇ияамогхаваарз вияа манод̣̇ваарзби ааваж̇ж̇анам̣ д̣̇вад̇д̇игкад̇д̇ум̣ уббаж̇ж̇ид̇ваа ж̇аванадтаанз тад̇ваа бхаван̇г̇ам̣ од̇арад̇ийд̇и ад̇хиббзд̇анд̇и д̣̇адтаб̣б̣ам̣ згажид̇д̇агкан̣игасса ааваж̇ж̇анасса уббад̇д̇ияам̣ ‘‘д̣̇идтам̣ вияа мз, суд̇ам̣ вияа мз’’д̇и габбанааяа асамбхавад̇о.
Tanti supinakāle pavattaṃ bhavaṅgacittaṃ. Rūpanimittādiārammaṇanti kammanimittagatinimittato aññaṃ rūpanimittādiārammaṇaṃ na hoti. Īdisānīti paccakkhato anubhūtapubbaparikappitarūpādiārammaṇāni ceva rāgādisampayuttāni ca. Sabbohārikacittenāti pakaticittena. Dvīhi antehi muttoti kusalākusalasaṅkhātehi dvīhi antehi mutto. Āvajjanatadārammaṇakkhaṇeti idaṃ yāva tadārammaṇuppatti, tāva pavattaṃ cittavāraṃ sandhāya vuttaṃ. ‘‘Supineneva diṭṭhaṃ viya me, sutaṃ viya meti kathanakāle pana abyākatoyeva āvajjanamattasseva uppajjanato’’ti vadanti. Evaṃ vadantehi pañcadvāre dutiyamoghavāre viya manodvārepi āvajjanaṃ dvattikkhattuṃ uppajjitvā javanaṭṭhāne ṭhatvā bhavaṅgaṃ otaratīti adhippetanti daṭṭhabbaṃ ekacittakkhaṇikassa āvajjanassa uppattiyaṃ ‘‘diṭṭhaṃ viya me, sutaṃ viya me’’ti kappanāya asambhavato.
зд̇т̇а жа ‘‘субинанд̇зби д̇ад̣̇аарамман̣аважанад̇о бажжуббаннавасзна ваа ад̇ийд̇авасзна ваа сабхаавад̇хаммааби субинанд̇з аарамман̣ам̣ хонд̇ий’’д̇и вад̣̇анд̇и. ‘‘яад̣̇иби субинанд̇з вибхууд̇ам̣ худ̇ваа убадтид̇з руубаад̣̇ивад̇т̇умхи д̇ад̣̇аарамман̣ам̣ вуд̇д̇ам̣, д̇ат̇ааби субинанд̇з убадтид̇анимид̇д̇асса баригаббавасзна г̇ахзд̇аб̣б̣ад̇ааяа д̣̇уб̣б̣алабхаавад̇о д̣̇уб̣б̣алавад̇т̇угад̇д̇аад̇и вуд̇д̇а’’нд̇и д̇ийсуби г̇ан̣тибад̣̇зсу вуд̇д̇ам̣. гзжи бана ‘‘гараж̇агааяасса нируссаахасанд̇абхааваббад̇д̇ид̇о д̇анниссид̇ам̣ хад̣̇аяавад̇т̇у на суббасаннам̣ ход̇и, д̇ад̇о д̇анниссид̇ааби жид̇д̇уббад̇д̇и на суббасаннаа асуббасаннаваддиниссид̇ад̣̇ийбаббабхаа вияа, д̇асмаа д̣̇уб̣б̣алавад̇т̇угад̇д̇аад̇и зд̇т̇а д̣̇уб̣б̣алахад̣̇аяавад̇т̇угад̇д̇аа’’д̇и ад̇т̇ам̣ вад̣̇анд̇и, виймам̣сид̇ваа яуд̇д̇ад̇арам̣ г̇ахзд̇аб̣б̣ам̣.
Ettha ca ‘‘supinantepi tadārammaṇavacanato paccuppannavasena vā atītavasena vā sabhāvadhammāpi supinante ārammaṇaṃ hontī’’ti vadanti. ‘‘Yadipi supinante vibhūtaṃ hutvā upaṭṭhite rūpādivatthumhi tadārammaṇaṃ vuttaṃ, tathāpi supinante upaṭṭhitanimittassa parikappavasena gahetabbatāya dubbalabhāvato dubbalavatthukattāti vutta’’nti tīsupi gaṇṭhipadesu vuttaṃ. Keci pana ‘‘karajakāyassa nirussāhasantabhāvappattito tannissitaṃ hadayavatthu na suppasannaṃ hoti, tato tannissitāpi cittuppatti na suppasannā asuppasannavaṭṭinissitadīpappabhā viya, tasmā dubbalavatthukattāti ettha dubbalahadayavatthukattā’’ti atthaṃ vadanti, vīmaṃsitvā yuttataraṃ gahetabbaṃ.
субинанд̇ажзд̇анаад̇и манод̣̇вааригаж̇аванавасзна бавад̇д̇аа субинанд̇з жзд̇анаа. субинан̃хи бассанд̇о манод̣̇вааригзнзва ж̇аванзна бассад̇и, на бан̃жад̣̇вааригзна. бадиб̣уж̇жханд̇о жа манод̣̇вааригзнзва бадиб̣уж̇жхад̇и, на бан̃жад̣̇вааригзна. нид̣̇д̣̇ааяанд̇асса хи махааваддим̣ ж̇аалзд̇ваа д̣̇ийбз жагкусамийбам̣ убанийд̇з батамам̣ жагкуд̣̇вааригам̣ ааваж̇ж̇анам̣ бхаван̇г̇ам̣ на ааваддзд̇и, манод̣̇вааригамзва ааваддзд̇и, ат̇а ж̇аванам̣ ж̇авид̇ваа бхаван̇г̇ам̣ од̇арад̇и. д̣̇уд̇ияаваарз жагкуд̣̇вааригам̣ ааваж̇ж̇анам̣ бхаван̇г̇ам̣ ааваддзд̇и, д̇ад̇о жагкувин̃н̃аан̣аад̣̇ийни ж̇аванабарияосаанаани бавад̇д̇анд̇и, д̇ад̣̇ананд̇арам̣ бхаван̇г̇ам̣ бавад̇д̇ад̇и. д̇ад̇ияаваарз манод̣̇вааригаааваж̇ж̇анзна бхаван̇г̇з ааваддид̇з манод̣̇вааригаж̇аванам̣ ж̇авад̇и, д̇зна жид̇д̇зна ‘‘гим̣ аяам̣ имасмим̣ таанз аалого’’д̇и ж̇аанаад̇и. д̇ат̇аа нид̣̇д̣̇ааяанд̇асса ган̣н̣асамийбз д̇ууриязсу баг̇г̇ахид̇зсу гхаанасамийбз суг̇анд̇хзсу ваа д̣̇уг̇г̇анд̇хзсу ваа бубпзсу убанийд̇зсу мукз саббимхи ваа паан̣ид̇з ваа багкид̇д̇з бидтияам̣ баан̣инаа бахаарз д̣̇иннз батамам̣ сод̇ад̣̇вааригаад̣̇ийни ааваж̇ж̇анаани бхаван̇г̇ам̣ на ааваддзнд̇и , манод̣̇вааригамзва ааваддзд̇и, ат̇а ж̇аванам̣ ж̇авид̇ваа бхаван̇г̇ам̣ од̇арад̇и. д̣̇уд̇ияаваарз сод̇ад̣̇вааригаад̣̇ийни ааваж̇ж̇анаани бхаван̇г̇ам̣ ааваддзнд̇и, д̇ад̇о сод̇агхаанаж̇ивхаагааяавин̃н̃аан̣аад̣̇ийни ж̇аванабарияосаанаани бавад̇д̇анд̇и, д̇ад̣̇ананд̇арам̣ бхаван̇г̇ам̣ бавад̇д̇ад̇и. д̇ад̇ияаваарз манод̣̇вааригаааваж̇ж̇анзна бхаван̇г̇з ааваддид̇з манод̣̇вааригаж̇аванам̣ ж̇авад̇и, д̇зна жид̇д̇зна н̃ад̇ваа ‘‘гим̣ аяам̣ имасмим̣ таанз сад̣̇д̣̇о, сан̇касад̣̇д̣̇о бхзрисад̣̇д̣̇о’’д̇и ваа ‘‘гим̣ аяам̣ имасмим̣ таанз г̇анд̇хо, муулаг̇анд̇хо саараг̇анд̇хо’’д̇и ваа ‘‘гим̣ ид̣̇ам̣ маяхам̣ мукз багкид̇д̇ам̣, сабби паан̣ид̇а’’нд̇и ваа ‘‘гзнамхи бидтияам̣ бахадо, ад̇ит̇ад̣̇д̇хо мз бахааро’’д̇и ваа вад̇д̇аа ход̇и, звам̣ манод̣̇вааригаж̇аванзнзва бадиб̣уж̇жхад̇и, на бан̃жад̣̇вааригзна. субинамби д̇знзва бассад̇и, на бан̃жад̣̇вааригзна.
Supinantacetanāti manodvārikajavanavasena pavattā supinante cetanā. Supinañhi passanto manodvārikeneva javanena passati, na pañcadvārikena. Paṭibujjhanto ca manodvārikeneva paṭibujjhati, na pañcadvārikena. Niddāyantassa hi mahāvaṭṭiṃ jāletvā dīpe cakkhusamīpaṃ upanīte paṭhamaṃ cakkhudvārikaṃ āvajjanaṃ bhavaṅgaṃ na āvaṭṭeti, manodvārikameva āvaṭṭeti, atha javanaṃ javitvā bhavaṅgaṃ otarati. Dutiyavāre cakkhudvārikaṃ āvajjanaṃ bhavaṅgaṃ āvaṭṭeti, tato cakkhuviññāṇādīni javanapariyosānāni pavattanti, tadanantaraṃ bhavaṅgaṃ pavattati. Tatiyavāre manodvārikaāvajjanena bhavaṅge āvaṭṭite manodvārikajavanaṃ javati, tena cittena ‘‘kiṃ ayaṃ imasmiṃ ṭhāne āloko’’ti jānāti. Tathā niddāyantassa kaṇṇasamīpe tūriyesu paggahitesu ghānasamīpe sugandhesu vā duggandhesu vā pupphesu upanītesu mukhe sappimhi vā phāṇite vā pakkhitte piṭṭhiyaṃ pāṇinā pahāre dinne paṭhamaṃ sotadvārikādīni āvajjanāni bhavaṅgaṃ na āvaṭṭenti , manodvārikameva āvaṭṭeti, atha javanaṃ javitvā bhavaṅgaṃ otarati. Dutiyavāre sotadvārikādīni āvajjanāni bhavaṅgaṃ āvaṭṭenti, tato sotaghānajivhākāyaviññāṇādīni javanapariyosānāni pavattanti, tadanantaraṃ bhavaṅgaṃ pavattati. Tatiyavāre manodvārikaāvajjanena bhavaṅge āvaṭṭite manodvārikajavanaṃ javati, tena cittena ñatvā ‘‘kiṃ ayaṃ imasmiṃ ṭhāne saddo, saṅkhasaddo bherisaddo’’ti vā ‘‘kiṃ ayaṃ imasmiṃ ṭhāne gandho, mūlagandho sāragandho’’ti vā ‘‘kiṃ idaṃ mayhaṃ mukhe pakkhittaṃ, sappi phāṇita’’nti vā ‘‘kenamhi piṭṭhiyaṃ pahaṭo, atithaddho me pahāro’’ti vā vattā hoti, evaṃ manodvārikajavaneneva paṭibujjhati, na pañcadvārikena. Supinampi teneva passati, na pañcadvārikena.
ассаад̇и асса аабад̇д̇инигааяасса. нану жа аяуд̇д̇ояам̣ нид̣̇д̣̇зсо ‘‘сан̇гхо аад̣̇имхи жзва сзсз жа ижчид̇аб̣б̣о ассаа’’д̇и. на хи аабад̇д̇инигааяасса аад̣̇имхи жзва сзсз жа сан̇гхо ижчид̇о, гин̃жарахи вудтаанассаад̇и имам̣ жод̣̇анам̣ манаси саннид̇хааяа яат̇аа на вируж̇жхад̇и, д̇ат̇аа ад̇хиббааяам̣ виваранд̇о ‘‘гим̣ вуд̇д̇ам̣ ход̇ий’’д̇иаад̣̇имааха. аабад̇д̇ид̇о вудтаанасса аад̣̇имхи жзва сзсз жа ижчид̇о сан̇гхо аабад̇д̇ияаава ижчид̇о наама ход̇ийд̇и аяамзд̇т̇а ад̇хиббааяо. аабад̇д̇ивудтаананд̇и аабад̇д̇ид̇о вудтаанам̣, анаабад̇д̇игабхаавуубаг̇амананд̇и ад̇т̇о. важанагааран̣анд̇и ‘‘сан̇гхаад̣̇исзсо’’д̇и звам̣ важанз гааран̣ам̣. самуд̣̇ааяз нирул̣хо нигааяа-сад̣̇д̣̇о д̇ад̣̇згад̣̇зсз бавад̇д̇амааноби д̇ааяа зва рул̣хияаа бавад̇д̇ад̇ийд̇и ааха рул̣ийсад̣̇д̣̇знаад̇и. ат̇а ваа гин̃жи нимид̇д̇ам̣ г̇ахзд̇ваа сад̇иби ан̃н̃асмим̣ д̇ам̣нимид̇д̇аяуд̇д̇з гисмин̃жид̣̇зва висаяз саммуд̇ияаа жирагаалад̇аавасзна нимид̇д̇авирахзби бавад̇д̇анирул̣хо рул̣хий наама. яат̇аа махияам̣ сзд̇ийд̇и махим̣со, г̇ажчад̇ийд̇и г̇од̇и, звам̣ нигааяа-сад̣̇д̣̇ассаби рул̣хибхааво взд̣̇ид̇аб̣б̣о. згасмимби висидтз сад̇иби сааман̃н̃аа вияа самуд̣̇ааяз бавад̇д̇авохааро аваяавзби бавад̇д̇ад̇ийд̇и ааха аваяавз самуухавохаарзна ваад̇и. навамасса ад̇хиббааяассаад̇и виймам̣саад̇хиббааяасса.
Assāti assa āpattinikāyassa. Nanu ca ayuttoyaṃ niddeso ‘‘saṅgho ādimhi ceva sese ca icchitabbo assā’’ti. Na hi āpattinikāyassa ādimhi ceva sese ca saṅgho icchito, kiñcarahi vuṭṭhānassāti imaṃ codanaṃ manasi sannidhāya yathā na virujjhati, tathā adhippāyaṃ vivaranto ‘‘kiṃ vuttaṃ hotī’’tiādimāha. Āpattito vuṭṭhānassa ādimhi ceva sese ca icchito saṅgho āpattiyāva icchito nāma hotīti ayamettha adhippāyo. Āpattivuṭṭhānanti āpattito vuṭṭhānaṃ, anāpattikabhāvūpagamananti attho. Vacanakāraṇanti ‘‘saṅghādiseso’’ti evaṃ vacane kāraṇaṃ. Samudāye niruḷho nikāya-saddo tadekadese pavattamānopi tāya eva ruḷhiyā pavattatīti āha ruḷīsaddenāti. Atha vā kiñci nimittaṃ gahetvā satipi aññasmiṃ taṃnimittayutte kismiñcideva visaye sammutiyā cirakālatāvasena nimittavirahepi pavattaniruḷho ruḷhī nāma. Yathā mahiyaṃ setīti mahiṃso, gacchatīti goti, evaṃ nikāya-saddassapi ruḷhibhāvo veditabbo. Ekasmimpi visiṭṭhe satipi sāmaññā viya samudāye pavattavohāro avayavepi pavattatīti āha avayave samūhavohārena vāti. Navamassa adhippāyassāti vīmaṃsādhippāyassa.
238-239. ломаа зд̇зсам̣ санд̇ийд̇и ломасаа, б̣ахуломаад̇и вуд̇д̇ам̣ ход̇и. арог̇о бхависсаамийд̇и рааг̇абарил̣аахавуубасамад̇о нирог̇о бхависсаами. можанзнаад̇и можанад̇т̇ааяа убаггамагаран̣зна. убаггамагаран̣ан̃хзд̇т̇а можананд̇и ад̇хиббзд̇ам̣ можзд̇и зд̇знаад̇и гад̇ваа. б̣ийж̇ам̣ бхависсад̇ийд̇и жол̣аг̇г̇ахан̣аад̣̇игаммам̣ санд̇хааяа вуд̇д̇ам̣.
238-239. Lomā etesaṃ santīti lomasā, bahulomāti vuttaṃ hoti. Arogo bhavissāmīti rāgapariḷāhavūpasamato nirogo bhavissāmi. Mocanenāti mocanatthāya upakkamakaraṇena. Upakkamakaraṇañhettha mocananti adhippetaṃ moceti etenāti katvā. Bījaṃ bhavissatīti coḷaggahaṇādikammaṃ sandhāya vuttaṃ.
240. д̣̇вз аабад̇д̇исахассаанийд̇и кан̣д̣ажаггаад̣̇ибхзд̣̇ам̣ анаамасид̇ваа вуд̇д̇ам̣, ижчанд̇зна бана кан̣д̣ажаггаад̣̇ибхзд̣̇знаби аабад̇д̇иг̇ан̣анаа гаад̇аб̣б̣аа. миссагажагганд̇и убхад̇овад̣дханагам̣ санд̇хааяа вуд̇д̇ам̣. зд̇т̇а жа нийлан̃жа бийд̇аган̃жаад̇иаад̣̇инаа згагкан̣з анзгаван̣н̣аанам̣ можанаад̇хиббааяаважанам̣ яат̇аад̇хиббааязна можанам̣ бхавад̇у ваа маа ваа, иминааби ад̇хиббааязна убаггамид̇ваа можзнд̇асса аабад̇д̇и ход̇ийд̇и д̣̇ассанад̇т̇ам̣. на хи згасмим̣ кан̣з нийлаад̣̇ийнам̣ саб̣б̣зсамби муд̇д̇и самбхавад̇и. ан̃н̃ам̣ вад̣̇ад̇ийд̇и ад̇д̇ано д̣̇осам̣ уж̇ум̣ вад̇д̇ум̣ асаггонд̇о буна будто ан̃н̃ам̣ бхан̣ад̇и.
240.Dveāpattisahassānīti khaṇḍacakkādibhedaṃ anāmasitvā vuttaṃ, icchantena pana khaṇḍacakkādibhedenapi āpattigaṇanā kātabbā. Missakacakkanti ubhatovaḍḍhanakaṃ sandhāya vuttaṃ. Ettha ca nīlañca pītakañcātiādinā ekakkhaṇe anekavaṇṇānaṃ mocanādhippāyavacanaṃ yathādhippāyena mocanaṃ bhavatu vā mā vā, imināpi adhippāyena upakkamitvā mocentassa āpatti hotīti dassanatthaṃ. Na hi ekasmiṃ khaṇe nīlādīnaṃ sabbesampi mutti sambhavati. Aññaṃ vadatīti attano dosaṃ ujuṃ vattuṃ asakkonto puna puṭṭho aññaṃ bhaṇati.
можанассаад̣̇од̇и можанасса буб̣б̣абхааг̇з бавад̇д̇аассаад̣̇о. д̇знзва ‘‘можзд̇ум̣ ассаад̣̇о можанассаад̣̇о’’д̇и вуд̇д̇ам̣. г̇зхассид̇абзманд̇и зд̇т̇а г̇зха-сад̣̇д̣̇зна г̇зхз тид̇аа маад̇убхаг̇инийаад̣̇аяо аж̇жхад̇д̇иган̃аад̇агаа г̇ахид̇аа. д̇зсу маад̇убзмаад̣̇ивасзна уббанно синзхо г̇зхассид̇абзмам̣, ан̃н̃ад̇т̇а бана г̇зхассид̇абзманд̇и бан̃жагаамаг̇ун̣игарааг̇о вужжад̇и. самбаяуд̇д̇аассаад̣̇асийсзнаад̇и рааг̇асамбаяуд̇д̇асукавзд̣̇анаамукзна. згзна бад̣̇знаад̇и г̇зхассид̇абзма-бад̣̇зна.
Mocanassādoti mocanassa pubbabhāge pavattaassādo. Teneva ‘‘mocetuṃ assādo mocanassādo’’ti vuttaṃ. Gehassitapemanti ettha geha-saddena gehe ṭhitā mātubhaginīādayo ajjhattikañātakā gahitā. Tesu mātupemādivasena uppanno sineho gehassitapemaṃ, aññattha pana gehassitapemanti pañcakāmaguṇikarāgo vuccati. Sampayuttaassādasīsenāti rāgasampayuttasukhavedanāmukhena. Ekena padenāti gehassitapema-padena.
д̇ат̇зваад̇и можанассаад̣̇ажзд̇анааяа зва. буб̣б̣абхааг̇з можанассаад̣̇авасзна гад̇аббаяог̇ам̣ авиж̇ахид̇ваава саяид̇ад̇д̇аа ‘‘сажз бана…бз… сан̇гхаад̣̇исзсо’’д̇и вуд̇д̇ам̣. буна суд̣̇д̇хажид̇д̇з уббаннз д̇асса баяог̇асса бадиббассад̣̇д̇хад̇д̇аа ‘‘суд̣̇д̇хажид̇д̇о…бз… анаабад̇д̇ий’’д̇и вуд̇д̇ам̣. ж̇аг̇г̇анад̇т̇ааяаад̇и д̇хованад̇т̇ааяа. аногаасанд̇и ан̇г̇аж̇аад̇аббад̣̇зсам̣.
Tathevāti mocanassādacetanāya eva. Pubbabhāge mocanassādavasena katappayogaṃ avijahitvāva sayitattā ‘‘sace pana…pe… saṅghādiseso’’ti vuttaṃ. Puna suddhacitte uppanne tassa payogassa paṭippassaddhattā ‘‘suddhacitto…pe… anāpattī’’ti vuttaṃ. Jagganatthāyāti dhovanatthāya. Anokāsanti aṅgajātappadesaṃ.
263-264. г̇зхассид̇агаамавид̇агганд̇и бан̃жагаамаг̇ун̣асанниссид̇ам̣ гаамавид̇аггам̣. вад̇т̇им̣ д̣̇ал̣хам̣ г̇ахзд̇ваад̇и ан̇г̇аж̇аад̇асса аг̇г̇з бассааваниг̇г̇аманадтаанз жаммам̣ д̣̇ал̣хам̣ г̇ахзд̇ваа. нимид̇д̇з убаггамаабхаавад̇о ‘‘можанассаад̣̇аад̇хиббааяассаби муд̇д̇з анаабад̇д̇ий’’д̇и вуд̇д̇ам̣.
263-264.Gehassitakāmavitakkanti pañcakāmaguṇasannissitaṃ kāmavitakkaṃ. Vatthiṃ daḷhaṃ gahetvāti aṅgajātassa agge passāvaniggamanaṭṭhāne cammaṃ daḷhaṃ gahetvā. Nimitte upakkamābhāvato ‘‘mocanassādādhippāyassapi mutte anāpattī’’ti vuttaṃ.
265. ‘‘зхи мз д̇вам̣, аавусо, сааман̣зраад̇и аан̣ад̇д̇ияаа ан̃н̃зна гад̇оби баяог̇о ад̇д̇анаава гад̇о наама ход̇ийд̇и гад̇ваа аабад̇д̇и вуд̇д̇аа. яад̣̇и бана анаан̣ад̇д̇о саяамзва гарод̇и, ан̇г̇абаарибуурияаа абхаавад̇о анаабад̇д̇ий’’д̇и вад̣̇анд̇и. суд̇д̇асааман̣зравад̇т̇усмим̣ асужимхи муд̇д̇зби ан̇г̇аж̇аад̇асса г̇ахан̣абажжаяаа д̣̇уггадам̣ вуд̇д̇ам̣, на бана муд̇д̇абажжаяаа.
265. ‘‘Ehi me tvaṃ, āvuso, sāmaṇerāti āṇattiyā aññena katopi payogo attanāva kato nāma hotīti katvā āpatti vuttā. Yadi pana anāṇatto sayameva karoti, aṅgapāripūriyā abhāvato anāpattī’’ti vadanti. Suttasāmaṇeravatthusmiṃ asucimhi muttepi aṅgajātassa gahaṇapaccayā dukkaṭaṃ vuttaṃ, na pana muttapaccayā.
266. гааяад̇т̇амбханавад̇т̇усмим̣ жаланавасзна яат̇аа ан̇г̇аж̇аад̇зби убаггамо самбхавад̇и, д̇ат̇ааби виж̇амбхид̇ад̇д̇аа аабад̇д̇и вуд̇д̇аа. ‘‘бажчад̇о ваа’’д̇и важанад̇о убхосу бассзсу гадияам̣ ууруббад̣̇зсоби г̇ахид̇оязваад̇и д̣̇адтаб̣б̣ам̣, д̇асмаа убхосуби бассзсу тад̇ваа имасмим̣ огаасз нимид̇д̇анд̇и убаниж̇жхааяанд̇ассаби аабад̇д̇иязва. ‘‘ан̇г̇аж̇аад̇а’’нд̇и важанад̇о нимид̇д̇анд̇и бассаавамаг̇г̇ова вуд̇д̇о. уммийлананимийланавасзна бана на гаарзд̇аб̣б̣од̇и уммийлананимийланаббаяог̇авасазна аабад̇д̇ибхзд̣̇о на гаарзд̇аб̣б̣од̇и ад̇т̇о. анзгагкад̇д̇умби уммийлзд̇ваа нимийлзд̇ваа убаниж̇жхааяанд̇асса згамзва д̣̇уггаданд̇и вуд̇д̇ам̣ ход̇и. агкийни авибпанд̣̇зд̇ваа абхимукам̣ самбад̇д̇асса маад̇уг̇аамасса нимид̇д̇ологанзби аабад̇д̇иязваад̇и д̣̇адтаб̣б̣ам̣. ‘‘д̣̇ааруд̇хийд̇алигалзбажид̇д̇аанам̣ ан̇г̇аж̇аад̇убаниж̇жхаанзби д̣̇уггада’’нд̇и вад̣̇анд̇и.
266.Kāyatthambhanavatthusmiṃ calanavasena yathā aṅgajātepi upakkamo sambhavati, tathāpi vijambhitattā āpatti vuttā. ‘‘Pacchato vā’’ti vacanato ubhosu passesu kaṭiyaṃ ūruppadesopi gahitoyevāti daṭṭhabbaṃ, tasmā ubhosupi passesu ṭhatvā imasmiṃ okāse nimittanti upanijjhāyantassapi āpattiyeva. ‘‘Aṅgajāta’’nti vacanato nimittanti passāvamaggova vutto. Ummīlananimīlanavasena pana na kāretabboti ummīlananimīlanappayogavasaena āpattibhedo na kāretabboti attho. Anekakkhattumpi ummīletvā nimīletvā upanijjhāyantassa ekameva dukkaṭanti vuttaṃ hoti. Akkhīni avipphandetvā abhimukhaṃ sampattassa mātugāmassa nimittolokanepi āpattiyevāti daṭṭhabbaṃ. ‘‘Dārudhītalikalepacittānaṃ aṅgajātupanijjhānepi dukkaṭa’’nti vadanti.
267. бубпаавалийд̇и гийл̣аависзсассаад̇хиважанам̣. д̇ам̣ гийл̣анд̇аа над̣̇ийаад̣̇ийсу чиннад̇адам̣ уд̣̇агзна жигкаллам̣ гад̇ваа д̇ад̇т̇а убхо баад̣̇з басаарзд̇ваа нисиннаа бабад̇анд̇и. ‘‘бубпаавалияа’’нд̇иби баато. бавзсзнд̇ассаад̇и д̣̇вигаммагад̇д̇аа ваалигам̣ ан̇г̇аж̇аад̇анд̇и убхаяад̇т̇ааби убаяог̇аважанам̣ гад̇ам̣. ваалиганд̇и ваалигааяаад̇и ад̇т̇о. жзд̇анаа, убаггамо, мужжананд̇и имаанзд̇т̇а д̇ийн̣и ан̇г̇аани взд̣̇ид̇аб̣б̣аани.
267.Pupphāvalīti kīḷāvisesassādhivacanaṃ. Taṃ kīḷantā nadīādīsu chinnataṭaṃ udakena cikkhallaṃ katvā tattha ubho pāde pasāretvā nisinnā papatanti. ‘‘Pupphāvaliya’’ntipi pāṭho. Pavesentassāti dvikammakattā vālikaṃ aṅgajātanti ubhayatthāpi upayogavacanaṃ kataṃ. Vālikanti vālikāyāti attho. Cetanā, upakkamo, muccananti imānettha tīṇi aṅgāni veditabbāni.
суггависсадтисигкаабад̣̇аван̣н̣анаа нидтид̇аа.
Sukkavissaṭṭhisikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 1. суггависсадтисигкаабад̣̇ам̣ • 1. Sukkavissaṭṭhisikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 1. суггависсадтисигкаабад̣̇аван̣н̣анаа • 1. Sukkavissaṭṭhisikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 1. суггависсадтисигкаабад̣̇аван̣н̣анаа • 1. Sukkavissaṭṭhisikkhāpadavaṇṇanā
батамаж̇жхаанагат̇ааван̣н̣анаа • Paṭhamajjhānakathāvaṇṇanā
буб̣б̣зниваасагат̇ааван̣н̣анаа • Pubbenivāsakathāvaṇṇanā
д̣̇иб̣б̣ажагкун̃аан̣агат̇ааван̣н̣анаа • Dibbacakkhuñāṇakathāvaṇṇanā
аасавагкаяан̃аан̣агат̇ааван̣н̣анаа • Āsavakkhayañāṇakathāvaṇṇanā
убаасагад̇д̇абадивзд̣̇анаагат̇ааван̣н̣анаа • Upāsakattapaṭivedanākathāvaṇṇanā
