| Library / Tipiṭaka / திபிடக • Tipiṭaka / இதிவுத்தகபாளி • Itivuttakapāḷi |
2. ஸுலப⁴ஸுத்தங்
2. Sulabhasuttaṃ
101. வுத்தஞ்ஹேதங் ப⁴க³வதா, வுத்தமரஹதாதி மே ஸுதங் –
101. Vuttañhetaṃ bhagavatā, vuttamarahatāti me sutaṃ –
‘‘சத்தாரிமானி, பி⁴க்க²வே, அப்பானி சேவ ஸுலபா⁴னி ச, தானி ச அனவஜ்ஜானி. கதமானி சத்தாரி? பங்ஸுகூலங், பி⁴க்க²வே, சீவரானங் அப்பஞ்ச ஸுலப⁴ஞ்ச, தஞ்ச அனவஜ்ஜங். பிண்டி³யாலோபோ , பி⁴க்க²வே, போ⁴ஜனானங் அப்பஞ்ச ஸுலப⁴ஞ்ச, தஞ்ச அனவஜ்ஜங். ருக்க²மூலங், பி⁴க்க²வே , ஸேனாஸனானங் அப்பஞ்ச ஸுலப⁴ஞ்ச, தஞ்ச அனவஜ்ஜங். பூதிமுத்தங், பி⁴க்க²வே, பே⁴ஸஜ்ஜானங் அப்பஞ்ச ஸுலப⁴ஞ்ச தஞ்ச அனவஜ்ஜங். இமானி கோ², பி⁴க்க²வே, சத்தாரி அப்பானி சேவ ஸுலபா⁴னி ச, தானி ச அனவஜ்ஜானி. யதோ கோ², பி⁴க்க²வே, பி⁴க்கு² அப்பேன ச துட்டோ² ஹோதி ஸுலபே⁴ன ச (அனவஜ்ஜேன ச) 1, இமஸ்ஸாஹங் அஞ்ஞதரங் ஸாமஞ்ஞங்க³ந்தி வதா³மீ’’தி. ஏதமத்த²ங் ப⁴க³வா அவோச. தத்தே²தங் இதி வுச்சதி –
‘‘Cattārimāni, bhikkhave, appāni ceva sulabhāni ca, tāni ca anavajjāni. Katamāni cattāri? Paṃsukūlaṃ, bhikkhave, cīvarānaṃ appañca sulabhañca, tañca anavajjaṃ. Piṇḍiyālopo , bhikkhave, bhojanānaṃ appañca sulabhañca, tañca anavajjaṃ. Rukkhamūlaṃ, bhikkhave , senāsanānaṃ appañca sulabhañca, tañca anavajjaṃ. Pūtimuttaṃ, bhikkhave, bhesajjānaṃ appañca sulabhañca tañca anavajjaṃ. Imāni kho, bhikkhave, cattāri appāni ceva sulabhāni ca, tāni ca anavajjāni. Yato kho, bhikkhave, bhikkhu appena ca tuṭṭho hoti sulabhena ca (anavajjena ca) 2, imassāhaṃ aññataraṃ sāmaññaṅganti vadāmī’’ti. Etamatthaṃ bhagavā avoca. Tatthetaṃ iti vuccati –
‘‘அனவஜ்ஜேன துட்ட²ஸ்ஸ, அப்பேன ஸுலபே⁴ன ச;
‘‘Anavajjena tuṭṭhassa, appena sulabhena ca;
ந ஸேனாஸனமாரப்³ப⁴, சீவரங் பானபோ⁴ஜனங்;
Na senāsanamārabbha, cīvaraṃ pānabhojanaṃ;
விகா⁴தோ ஹோதி சித்தஸ்ஸ, தி³ஸா நப்படிஹஞ்ஞதி.
Vighāto hoti cittassa, disā nappaṭihaññati.
அதி⁴க்³க³ஹிதா துட்ட²ஸ்ஸ, அப்பமத்தஸ்ஸ பி⁴க்கு²னோ’’தி 5.
Adhiggahitā tuṭṭhassa, appamattassa bhikkhuno’’ti 6.
அயம்பி அத்தோ² வுத்தோ ப⁴க³வதா, இதி மே ஸுதந்தி. து³தியங்.
Ayampi attho vutto bhagavatā, iti me sutanti. Dutiyaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / இதிவுத்தக-அட்ட²கதா² • Itivuttaka-aṭṭhakathā / 2. ஸுலப⁴ஸுத்தவண்ணனா • 2. Sulabhasuttavaṇṇanā
