| Library / Tipiṭaka / д̇ибидага • Tipiṭaka / ид̇ивуд̇д̇ага-адтагат̇аа • Itivuttaka-aṭṭhakathā |
2. сулабхасуд̇д̇аван̣н̣анаа
2. Sulabhasuttavaṇṇanā
101. д̣̇уд̇ияз аббаанийд̇и барид̇д̇аани. сулабхаанийд̇и сукзна лад̣̇д̇хаб̣б̣аани, яад̇т̇а гад̇т̇ажи ваа саггаа ход̇и лад̣̇д̇хум̣. анаваж̇ж̇аанийд̇и важ̇ж̇арахид̇аани нид̣̇д̣̇осаани ааг̇аманасуд̣̇д̇хид̇о гааяаман̣д̣анаад̣̇игилзсавад̇т̇убхааваабхаавад̇о жа. д̇ад̇т̇а сулабхад̇ааяа бариязсанад̣̇угкасса абхааво д̣̇ассид̇о, аббад̇ааяа барихаран̣ад̣̇угкассаби абхааво д̣̇ассид̇о, анаваж̇ж̇ад̇ааяа аг̇арахид̇аб̣б̣ад̇ааяа бхигкусааруббабхааво д̣̇ассид̇о ход̇и. аббад̇ааяа ваа барид̇д̇аасасса авад̇т̇уд̇аа, сулабхад̇ааяа г̇зд̇хааяа авад̇т̇уд̇аа, анаваж̇ж̇ад̇ааяа аад̣̇ийнававасзна ниссаран̣абан̃н̃ааяа вад̇т̇уд̇аа д̣̇ассид̇аа ход̇и. аббад̇ааяа ваа лаабхзна на соманассам̣ ж̇анаяанд̇и, сулабхад̇ааяа алаабхзна на д̣̇оманассам̣ ж̇анаяанд̇и, анаваж̇ж̇ад̇ааяа виббадисааранимид̇д̇ам̣ ан̃н̃аан̣убзгкам̣ на ж̇анаяанд̇и авиббадисааравад̇т̇убхаавад̇о.
101. Dutiye appānīti parittāni. Sulabhānīti sukhena laddhabbāni, yattha katthaci vā sakkā hoti laddhuṃ. Anavajjānīti vajjarahitāni niddosāni āgamanasuddhito kāyamaṇḍanādikilesavatthubhāvābhāvato ca. Tattha sulabhatāya pariyesanadukkhassa abhāvo dassito, appatāya pariharaṇadukkhassapi abhāvo dassito, anavajjatāya agarahitabbatāya bhikkhusāruppabhāvo dassito hoti. Appatāya vā parittāsassa avatthutā, sulabhatāya gedhāya avatthutā, anavajjatāya ādīnavavasena nissaraṇapaññāya vatthutā dassitā hoti. Appatāya vā lābhena na somanassaṃ janayanti, sulabhatāya alābhena na domanassaṃ janayanti, anavajjatāya vippaṭisāranimittaṃ aññāṇupekkhaṃ na janayanti avippaṭisāravatthubhāvato.
бам̣сугууланд̇и рат̇игаасусаанасан̇гаарагуудаад̣̇ийсу яад̇т̇а гад̇т̇ажи бам̣суунам̣ убари тид̇ад̇д̇аа аб̣бхуг̇г̇ад̇адтзна бам̣сугуулам̣ вияаад̇и бам̣сугуулам̣, бам̣су вияа гужчид̇абхаавам̣ улад̇и г̇ажчад̇ийд̇и бам̣сугууланд̇и звам̣ лад̣̇д̇ханаамам̣ рат̇игаад̣̇ийсу бад̇ид̇ананд̇агаани ужжинид̇ваа гад̇ажийварам̣. бин̣д̣ияаалобод̇и ж̇ан̇гхабин̣д̣ияаа б̣алзна жарид̇ваа гхарз гхарз аалобамад̇д̇ам̣ гад̇ваа лад̣̇д̇хабхож̇анам̣. ругкамууланд̇и вивзгаануруубам̣ яам̣гин̃жи ругкасамийбам̣. бууд̇имуд̇д̇анд̇и яам̣гин̃жи г̇омуд̇д̇ам̣. яат̇аа хи суван̣н̣аван̣н̣оби гааяо бууд̇игааяова звам̣ абхинавамби муд̇д̇ам̣ бууд̇имуд̇д̇амзва. д̇ад̇т̇а гзжи г̇омуд̇д̇абхаавид̇ам̣ харид̇агийкан̣д̣ам̣ ‘‘бууд̇имуд̇д̇а’’нд̇и вад̣̇анд̇и, бууд̇ибхаавзна аабан̣аад̣̇ид̇о виссадтам̣ чад̣д̣ид̇ам̣ абариг̇г̇ахид̇ам̣ яам̣гин̃жи бхзсаж̇ж̇ам̣ бууд̇имуд̇д̇анд̇и ад̇хиббзд̇анд̇и абарз.
Paṃsukūlanti rathikāsusānasaṅkārakūṭādīsu yattha katthaci paṃsūnaṃ upari ṭhitattā abbhuggataṭṭhena paṃsukūlaṃ viyāti paṃsukūlaṃ, paṃsu viya kucchitabhāvaṃ ulati gacchatīti paṃsukūlanti evaṃ laddhanāmaṃ rathikādīsu patitanantakāni uccinitvā katacīvaraṃ. Piṇḍiyālopoti jaṅghapiṇḍiyā balena caritvā ghare ghare ālopamattaṃ katvā laddhabhojanaṃ. Rukkhamūlanti vivekānurūpaṃ yaṃkiñci rukkhasamīpaṃ. Pūtimuttanti yaṃkiñci gomuttaṃ. Yathā hi suvaṇṇavaṇṇopi kāyo pūtikāyova evaṃ abhinavampi muttaṃ pūtimuttameva. Tattha keci gomuttabhāvitaṃ haritakīkhaṇḍaṃ ‘‘pūtimutta’’nti vadanti, pūtibhāvena āpaṇādito vissaṭṭhaṃ chaḍḍitaṃ apariggahitaṃ yaṃkiñci bhesajjaṃ pūtimuttanti adhippetanti apare.
яад̇о код̇и бажжад̇д̇з ниссаггаважанам̣, яам̣ код̇и вуд̇д̇ам̣ ход̇и. д̇зна ‘‘д̇удто ход̇ий’’д̇и вуд̇д̇агирияам̣ бараамасад̇и. д̇удтод̇и санд̇удто. ид̣̇амассааханд̇и явааяам̣ жад̇уб̣б̣ид̇хзна яат̇аавуд̇д̇зна бажжаязна аббзна сулабхзна санд̇осо, ид̣̇ам̣ имасса бхигкуно сийласам̣вараад̣̇ийсу ан̃н̃ад̇арам̣ згам̣ сааман̃н̃ан̇г̇ам̣ саман̣абхаавагааран̣анд̇и ахам̣ вад̣̇аами. санд̇удтасса хи жад̇убаарисуд̣̇д̇хисийлам̣ субарибун̣н̣ам̣ ход̇и, самат̇авибассанаа жа бхааванаабаарибуурим̣ г̇ажчанд̇и. ат̇а ваа сааман̃н̃ам̣ наама арияамаг̇г̇о. д̇асса сан̇кзбад̇о д̣̇вз ан̇г̇аани – б̣аахирам̣, аж̇жхад̇д̇иганд̇и. д̇ад̇т̇а б̣аахирам̣ саббурисуубаниссаяо сад̣̇д̇хаммассаванан̃жа, аж̇жхад̇д̇игам̣ бана яонисо манасигааро д̇хаммаануд̇хаммабадибад̇д̇и жа. д̇зсу яасмаа яат̇аарахам̣ д̇хаммаануд̇хаммабадибад̇д̇ибхууд̇аа д̇ассаа муулабхууд̇аа жзд̇з д̇хаммаа, яад̣̇ид̣̇ам̣ аббижчад̇аа санд̇удтид̇аа бавивид̇д̇ад̇аа асам̣садтад̇аа аарад̣̇д̇хавийрияад̇аад̇и звамаад̣̇аяо, д̇асмаа вуд̇д̇ам̣ ‘‘ид̣̇амассаахам̣ ан̃н̃ад̇арам̣ сааман̃н̃ан̇г̇анд̇и вад̣̇аамий’’д̇и.
Yato khoti paccatte nissakkavacanaṃ, yaṃ khoti vuttaṃ hoti. Tena ‘‘tuṭṭho hotī’’ti vuttakiriyaṃ parāmasati. Tuṭṭhoti santuṭṭho. Idamassāhanti yvāyaṃ catubbidhena yathāvuttena paccayena appena sulabhena santoso, idaṃ imassa bhikkhuno sīlasaṃvarādīsu aññataraṃ ekaṃ sāmaññaṅgaṃ samaṇabhāvakāraṇanti ahaṃ vadāmi. Santuṭṭhassa hi catupārisuddhisīlaṃ suparipuṇṇaṃ hoti, samathavipassanā ca bhāvanāpāripūriṃ gacchanti. Atha vā sāmaññaṃ nāma ariyamaggo. Tassa saṅkhepato dve aṅgāni – bāhiraṃ, ajjhattikanti. Tattha bāhiraṃ sappurisūpanissayo saddhammassavanañca, ajjhattikaṃ pana yoniso manasikāro dhammānudhammapaṭipatti ca. Tesu yasmā yathārahaṃ dhammānudhammapaṭipattibhūtā tassā mūlabhūtā cete dhammā, yadidaṃ appicchatā santuṭṭhitā pavivittatā asaṃsaṭṭhatā āraddhavīriyatāti evamādayo, tasmā vuttaṃ ‘‘idamassāhaṃ aññataraṃ sāmaññaṅganti vadāmī’’ti.
г̇аат̇аасу сзнаасанамаараб̣бхаад̇и вихаараад̣̇им̣ ман̃жабийтаад̣̇ин̃жа сзнаасанам̣ ниссааяа. жийварам̣ баанабхож̇ананд̇и ниваасанаад̣̇ижийварам̣, амб̣абаанагаад̣̇ибаанам̣, каад̣̇анийяабхож̇анийяаад̣̇ибхун̃ж̇ид̇аб̣б̣авад̇т̇ун̃жа аараб̣бхаад̇и самб̣анд̇хо. вигхаад̇о вихад̇абхааво жзд̇од̣̇угкам̣ на ход̇ийд̇и яож̇анаа. аяан̃хзд̇т̇а сан̇кзбад̇т̇о – ‘‘асугасмим̣ наама ааваасз бажжаяаа сулабхаа’’д̇и лабхид̇аб̣б̣адтаанаг̇аманзна ваа ‘‘маяхам̣ баабун̣аад̇и на д̇уяха’’нд̇и виваад̣̇аабаж̇ж̇анзна ваа навагаммагаран̣аад̣̇ивасзна ваа сзнаасанаад̣̇ийни бариязсанд̇аанам̣ асанд̇удтаанам̣ ижчид̇алаабхаад̣̇инаа яо вигхаад̇о жид̇д̇асса ход̇и, со д̇ад̇т̇а санд̇удтасса на ход̇ийд̇и. д̣̇исаа наббадихан̃н̃ад̇ийд̇и санд̇удтияаа жаад̇уд̣̇д̣̇исаабхаавзна д̣̇исаа наббадиханд̇и. вуд̇д̇ан̃хзд̇ам̣ –
Gāthāsu senāsanamārabbhāti vihārādiṃ mañcapīṭhādiñca senāsanaṃ nissāya. Cīvaraṃ pānabhojananti nivāsanādicīvaraṃ, ambapānakādipānaṃ, khādanīyabhojanīyādibhuñjitabbavatthuñca ārabbhāti sambandho. Vighāto vihatabhāvo cetodukkhaṃ na hotīti yojanā. Ayañhettha saṅkhepattho – ‘‘asukasmiṃ nāma āvāse paccayā sulabhā’’ti labhitabbaṭṭhānagamanena vā ‘‘mayhaṃ pāpuṇāti na tuyha’’nti vivādāpajjanena vā navakammakaraṇādivasena vā senāsanādīni pariyesantānaṃ asantuṭṭhānaṃ icchitalābhādinā yo vighāto cittassa hoti, so tattha santuṭṭhassa na hotīti. Disā nappaṭihaññatīti santuṭṭhiyā cātuddisābhāvena disā nappaṭihanti. Vuttañhetaṃ –
‘‘жаад̇уд̣̇д̣̇исо аббадигхо жа ход̇и,
‘‘Cātuddiso appaṭigho ca hoti,
санд̇уссамаано ид̇арийд̇арзнаа’’д̇и. (су. ни. 42; жуул̣ани. каг̇г̇ависаан̣асуд̇д̇анид̣̇д̣̇зса 128);
Santussamāno itarītarenā’’ti. (su. ni. 42; cūḷani. khaggavisāṇasuttaniddesa 128);
яасса хи ‘‘асугадтаанам̣ наама г̇ад̇о жийвараад̣̇ийни лабхиссаамий’’д̇и жид̇д̇ам̣ уббаж̇ж̇ад̇и, д̇асса д̣̇исаа бадихан̃н̃ад̇и наама. яасса бана звам̣ на уббаж̇ж̇ад̇и, д̇асса д̣̇исаа на бадихан̃н̃ад̇и наама. д̇хаммаад̇и бадибад̇д̇ид̇хаммаа. сааман̃н̃ассаануломигаад̇и саман̣ад̇хаммасса самат̇авибассанаабхааванааяа арияамаг̇г̇ассзва ваа анужчавигаа аббижчад̇аад̣̇аяо. ад̇хиг̇г̇ахид̇аад̇и саб̣б̣з д̇з д̇удтажид̇д̇асса санд̇удтажид̇д̇зна бхигкунаа ад̇хиг̇г̇ахид̇аа бадибагкад̇хаммз абхибхавид̇ваа г̇ахид̇аа хонд̇и аб̣бханд̇араг̇ад̇аа, на б̣аахираг̇ад̇аад̇и.
Yassa hi ‘‘asukaṭṭhānaṃ nāma gato cīvarādīni labhissāmī’’ti cittaṃ uppajjati, tassa disā paṭihaññati nāma. Yassa pana evaṃ na uppajjati, tassa disā na paṭihaññati nāma. Dhammāti paṭipattidhammā. Sāmaññassānulomikāti samaṇadhammassa samathavipassanābhāvanāya ariyamaggasseva vā anucchavikā appicchatādayo. Adhiggahitāti sabbe te tuṭṭhacittassa santuṭṭhacittena bhikkhunā adhiggahitā paṭipakkhadhamme abhibhavitvā gahitā honti abbhantaragatā, na bāhiragatāti.
д̣̇уд̇ияасуд̇д̇аван̣н̣анаа нидтид̇аа.
Dutiyasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ид̇ивуд̇д̇агабаал̣и • Itivuttakapāḷi / 2. сулабхасуд̇д̇ам̣ • 2. Sulabhasuttaṃ
