| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[419] 3. суласааж̇аад̇агаван̣н̣анаа
[419] 3. Sulasājātakavaṇṇanā
ид̣̇ам̣ суван̣н̣агааяууранд̇и ид̣̇ам̣ сад̇т̇аа ж̇зд̇аванз вихаранд̇о згам̣ анаат̇абин̣д̣игасса д̣̇аасим̣ аараб̣бха гат̇зси. саа гира згасмим̣ уссавад̣̇ивасз д̣̇аасиг̇ан̣зна сад̣̇д̇хим̣ уяяаанам̣ г̇ажчанд̇ий ад̇д̇ано сааминим̣ бун̃н̃алагкан̣ад̣̇звим̣ аабхаран̣ам̣ яаажи. саа д̇ассаа сад̇асахассамуулам̣ ад̇д̇ано аабхаран̣ам̣ ад̣̇ааси. саа д̇ам̣ бил̣анд̇хид̇ваа д̣̇аасиг̇ан̣зна сад̣̇д̇хим̣ уяяаанам̣ баависи. ат̇зго жоро д̇ассаа аабхаран̣з лобхам̣ уббаад̣̇зд̇ваа ‘‘имам̣ маарзд̇ваа аабхаран̣ам̣ хариссаамий’’д̇и д̇ааяа сад̣̇д̇хим̣ саллабанд̇о уяяаанам̣ г̇анд̇ваа д̇ассаа мажчамам̣сасураад̣̇ийни ад̣̇ааси. саа ‘‘гилзсавасзна д̣̇зд̇и ман̃н̃з’’д̇и г̇ахзд̇ваа уяяаанагийл̣ам̣ гийл̣ид̇ваа виймам̣санад̇т̇ааяа сааяанхасамаяз нибаннз д̣̇аасиг̇ан̣з удтааяа д̇асса санд̇игам̣ аг̇амааси. со ‘‘бхад̣̇д̣̇з, имам̣ таанам̣ аббадижчаннам̣, т̇огам̣ бурад̇о г̇ажчаамаа’’д̇и ааха. д̇ам̣ суд̇ваа ид̇араа ‘‘имасмим̣ таанз саггаа рахассагаммам̣ гаад̇ум̣, аяам̣ бана ниссам̣саяам̣ мам̣ маарзд̇ваа бил̣анд̇ханабхан̣д̣ам̣ харид̇угаамо бхависсад̇и, ход̇у, сигкаабзссаами на’’нд̇и жинд̇зд̇ваа ‘‘саами, сураамад̣̇зна мз сугкам̣ сарийрам̣, баанийяам̣ д̇аава мам̣ бааязхий’’д̇и згам̣ гуубам̣ нзд̇ваа ‘‘ид̇о мз баанийяам̣ осин̃жаа’’д̇и раж̇ж̇ун̃жа гхадан̃жа д̣̇ассзси. жоро раж̇ж̇ум̣ гуубз од̇аарзси, ат̇а нам̣ онамид̇ваа уд̣̇агам̣ осин̃жанд̇ам̣ махаб̣б̣алад̣̇аасий убхохи хад̇т̇зхи аан̣исад̣̇ам̣ бахарид̇ваа гуубз кибид̇ваа ‘‘на д̇вам̣ зд̇д̇агзна мариссасий’’д̇и згам̣ маханд̇ам̣ идтагам̣ мад̇т̇агз аасумбхи. со д̇ад̇т̇зва ж̇ийвид̇агкаяам̣ бад̇д̇о. сааби наг̇арам̣ бависид̇ваа сааминияаа аабхаран̣ам̣ д̣̇ад̣̇амаанаа ‘‘манамхи аж̇ж̇а имам̣ аабхаран̣ам̣ ниссааяа мад̇аа’’д̇и саб̣б̣ам̣ д̇ам̣ бавад̇д̇им̣ аарожзси, сааби анаат̇абин̣д̣игасса аарожзси, анаат̇абин̣д̣иго д̇ат̇ааг̇ад̇асса аарожзси. сад̇т̇аа ‘‘на ко, г̇ахабад̇и, ид̣̇аанзва саа д̣̇аасий таануббад̇д̇игааяа бан̃н̃ааяа саманнааг̇ад̇аа, буб̣б̣зби саманнааг̇ад̇аава, на жа ид̣̇аанзва д̇ааяа со маарид̇о, буб̣б̣зби нам̣ маарзсиязваа’’д̇и вад̇ваа д̇зна яаажид̇о ад̇ийд̇ам̣ аахари.
Idaṃsuvaṇṇakāyūranti idaṃ satthā jetavane viharanto ekaṃ anāthapiṇḍikassa dāsiṃ ārabbha kathesi. Sā kira ekasmiṃ ussavadivase dāsigaṇena saddhiṃ uyyānaṃ gacchantī attano sāminiṃ puññalakkhaṇadeviṃ ābharaṇaṃ yāci. Sā tassā satasahassamūlaṃ attano ābharaṇaṃ adāsi. Sā taṃ piḷandhitvā dāsigaṇena saddhiṃ uyyānaṃ pāvisi. Atheko coro tassā ābharaṇe lobhaṃ uppādetvā ‘‘imaṃ māretvā ābharaṇaṃ harissāmī’’ti tāya saddhiṃ sallapanto uyyānaṃ gantvā tassā macchamaṃsasurādīni adāsi. Sā ‘‘kilesavasena deti maññe’’ti gahetvā uyyānakīḷaṃ kīḷitvā vīmaṃsanatthāya sāyanhasamaye nipanne dāsigaṇe uṭṭhāya tassa santikaṃ agamāsi. So ‘‘bhadde, imaṃ ṭhānaṃ appaṭicchannaṃ, thokaṃ purato gacchāmā’’ti āha. Taṃ sutvā itarā ‘‘imasmiṃ ṭhāne sakkā rahassakammaṃ kātuṃ, ayaṃ pana nissaṃsayaṃ maṃ māretvā piḷandhanabhaṇḍaṃ haritukāmo bhavissati, hotu, sikkhāpessāmi na’’nti cintetvā ‘‘sāmi, surāmadena me sukkhaṃ sarīraṃ, pānīyaṃ tāva maṃ pāyehī’’ti ekaṃ kūpaṃ netvā ‘‘ito me pānīyaṃ osiñcā’’ti rajjuñca ghaṭañca dassesi. Coro rajjuṃ kūpe otāresi, atha naṃ onamitvā udakaṃ osiñcantaṃ mahabbaladāsī ubhohi hatthehi āṇisadaṃ paharitvā kūpe khipitvā ‘‘na tvaṃ ettakena marissasī’’ti ekaṃ mahantaṃ iṭṭhakaṃ matthake āsumbhi. So tattheva jīvitakkhayaṃ patto. Sāpi nagaraṃ pavisitvā sāminiyā ābharaṇaṃ dadamānā ‘‘manamhi ajja imaṃ ābharaṇaṃ nissāya matā’’ti sabbaṃ taṃ pavattiṃ ārocesi, sāpi anāthapiṇḍikassa ārocesi, anāthapiṇḍiko tathāgatassa ārocesi. Satthā ‘‘na kho, gahapati, idāneva sā dāsī ṭhānuppattikāya paññāya samannāgatā, pubbepi samannāgatāva, na ca idāneva tāya so mārito, pubbepi naṃ māresiyevā’’ti vatvā tena yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з суласаа наама наг̇арасобхиний бан̃жасад̇аван̣н̣ад̣̇аасибариваараа ахоси, сахассзна рад̇д̇им̣ г̇ажчад̇и. д̇асмим̣язва наг̇арз сад̇д̇уго наама жоро ахоси нааг̇аб̣ало, рад̇д̇ибхааг̇з иссарагхараани бависид̇ваа яат̇ааружим̣ вилумбад̇и. нааг̇араа саннибад̇ид̇ваа ран̃н̃о убаггосим̣су. рааж̇аа наг̇араг̇уд̇д̇игам̣ аан̣аабзд̇ваа д̇ад̇т̇а д̇ад̇т̇а г̇умб̣ам̣ табаабзд̇ваа жорам̣ г̇ан̣хаабзд̇ваа ‘‘сийсамасса чинд̣̇ат̇аа’’д̇и ааха. д̇ам̣ бажчааб̣аахам̣ б̣анд̇хид̇ваа жад̇уггз жад̇уггз гасаахи д̇аал̣зд̇ваа аагхаад̇анам̣ нзнд̇и. ‘‘жоро гира г̇ахид̇о’’д̇и сагаланаг̇арам̣ сан̇кубхи. д̇ад̣̇аа суласаа ваад̇абаанз тад̇ваа анд̇аравийт̇им̣ ологзнд̇ий д̇ам̣ д̣̇исваа бадиб̣ад̣̇д̇хажид̇д̇аа худ̇ваа ‘‘сажз имам̣ жород̇и г̇ахид̇абурисам̣ можзд̇ум̣ сагкиссаами, ид̣̇ам̣ гилидтагаммам̣ агад̇ваа иминаава сад̣̇д̇хим̣ самаг̇г̇аваасам̣ габбзссаамий’’д̇и жинд̇зд̇ваа хздтаа ган̣авзраж̇аад̇агз (ж̇аа. 1.4.69 аад̣̇аяо) вуд̇д̇анаязнзва наг̇араг̇уд̇д̇игасса сахассам̣ бзсзд̇ваа д̇ам̣ можзд̇ваа д̇зна сад̣̇д̇хим̣ саммод̣̇амаанаа самаг̇г̇аваасам̣ васи. жоро д̇ин̣н̣ам̣ жад̇уннам̣ маасаанам̣ ажжаязна жинд̇зси ‘‘ахам̣ имасмим̣язва таанз васид̇ум̣ на сагкиссаами, д̇ужчахад̇т̇зна балааяид̇умби на саггаа, суласааяа бил̣анд̇ханабхан̣д̣ам̣ сад̇асахассам̣ аг̇гхад̇и, суласам̣ маарзд̇ваа ид̣̇ам̣ г̇ан̣хиссаамий’’д̇и. ат̇а нам̣ згад̣̇ивасам̣ ааха – ‘‘бхад̣̇д̣̇з, ахам̣ д̇ад̣̇аа рааж̇абурисзхи нийяамаано асугабаб̣б̣ад̇амад̇т̇агз ругкад̣̇звад̇ааяа б̣алигаммам̣ бадиссун̣им̣, саа мам̣ б̣алигаммам̣ алабхамаанаа бхааяаабзд̇и, б̣алигаммамассаа гаромаа’’д̇и. ‘‘саад̇ху, саами, саж̇ж̇зд̇ваа бзсзхий’’д̇и. ‘‘бхад̣̇д̣̇з, бзсзд̇ум̣ на ваддад̇и, маяам̣ убхоби саб̣б̣аабхаран̣абадиман̣д̣ид̇аа маханд̇зна бариваарзна г̇анд̇ваа д̣̇ассаамаа’’д̇и. ‘‘саад̇ху, саами, д̇ат̇аа гаромаа’’д̇и.
Atīte bārāṇasiyaṃ brahmadatte rajjaṃ kārente sulasā nāma nagarasobhinī pañcasatavaṇṇadāsiparivārā ahosi, sahassena rattiṃ gacchati. Tasmiṃyeva nagare sattuko nāma coro ahosi nāgabalo, rattibhāge issaragharāni pavisitvā yathāruciṃ vilumpati. Nāgarā sannipatitvā rañño upakkosiṃsu. Rājā nagaraguttikaṃ āṇāpetvā tattha tattha gumbaṃ ṭhapāpetvā coraṃ gaṇhāpetvā ‘‘sīsamassa chindathā’’ti āha. Taṃ pacchābāhaṃ bandhitvā catukke catukke kasāhi tāḷetvā āghātanaṃ nenti. ‘‘Coro kira gahito’’ti sakalanagaraṃ saṅkhubhi. Tadā sulasā vātapāne ṭhatvā antaravīthiṃ olokentī taṃ disvā paṭibaddhacittā hutvā ‘‘sace imaṃ coroti gahitapurisaṃ mocetuṃ sakkhissāmi, idaṃ kiliṭṭhakammaṃ akatvā imināva saddhiṃ samaggavāsaṃ kappessāmī’’ti cintetvā heṭṭhā kaṇaverajātake (jā. 1.4.69 ādayo) vuttanayeneva nagaraguttikassa sahassaṃ pesetvā taṃ mocetvā tena saddhiṃ sammodamānā samaggavāsaṃ vasi. Coro tiṇṇaṃ catunnaṃ māsānaṃ accayena cintesi ‘‘ahaṃ imasmiṃyeva ṭhāne vasituṃ na sakkhissāmi, tucchahatthena palāyitumpi na sakkā, sulasāya piḷandhanabhaṇḍaṃ satasahassaṃ agghati, sulasaṃ māretvā idaṃ gaṇhissāmī’’ti. Atha naṃ ekadivasaṃ āha – ‘‘bhadde, ahaṃ tadā rājapurisehi nīyamāno asukapabbatamatthake rukkhadevatāya balikammaṃ paṭissuṇiṃ, sā maṃ balikammaṃ alabhamānā bhāyāpeti, balikammamassā karomā’’ti. ‘‘Sādhu, sāmi, sajjetvā pesehī’’ti. ‘‘Bhadde, pesetuṃ na vaṭṭati, mayaṃ ubhopi sabbābharaṇapaṭimaṇḍitā mahantena parivārena gantvā dassāmā’’ti. ‘‘Sādhu, sāmi, tathā karomā’’ti.
ат̇а нам̣ д̇ат̇аа гаарзд̇ваа баб̣б̣ад̇абаад̣̇ам̣ г̇ад̇агаалз ааха – ‘‘бхад̣̇д̣̇з, махааж̇анам̣ д̣̇исваа д̣̇звад̇аа б̣алигаммам̣ на самбадижчиссад̇и, маяам̣ убхова абхирухид̇ваа д̣̇змаа’’д̇и. со д̇ааяа ‘‘саад̇хуу’’д̇и самбадижчид̇о д̇ам̣ б̣алибаад̇им̣ угкибаабзд̇ваа саяам̣ саннад̣̇д̇хабан̃жаавуд̇хо худ̇ваа баб̣б̣ад̇амад̇т̇агам̣ абхирухид̇ваа згам̣ сад̇аборисабабаад̇ам̣ ниссааяа ж̇аад̇аругкамуулз б̣алибхааж̇анам̣ табаабзд̇ваа ‘‘бхад̣̇д̣̇з, наахам̣ б̣алигаммад̇т̇ааяа ааг̇ад̇о, д̇ам̣ бана маарзд̇ваа бил̣анд̇ханам̣ д̇з г̇ахзд̇ваа г̇амиссаамийд̇и ааг̇ад̇омхи, д̇ава бил̣анд̇ханам̣ омун̃жид̇ваа уд̇д̇арасаадагзна бхан̣д̣игам̣ гарохий’’д̇и ааха. ‘‘саами, мам̣ гасмаа маарзсий’’д̇и? ‘‘д̇ханагааран̣аа’’д̇и. ‘‘саами, маяаа гад̇аг̇ун̣ам̣ ануссара, ахам̣ д̇ам̣ б̣анд̇хид̇ваа нийяамаанам̣ сздтибуд̇д̇зна баривад̇д̇зд̇ваа б̣ахум̣ д̇ханам̣ д̣̇ад̇ваа ж̇ийвид̇ам̣ лабхаабзсим̣, д̣̇звасигам̣ сахассам̣ лабхамаанааби ан̃н̃ам̣ бурисам̣ на ологзми, зван̃хи д̇ава убагааригам̣ маа мам̣ маарзхи, б̣ахун̃жа д̇з д̇ханам̣ д̣̇ассаами, д̇ава д̣̇аасий жа бхависсаамий’’д̇и яаажанд̇ий батамам̣ г̇аат̇амааха –
Atha naṃ tathā kāretvā pabbatapādaṃ gatakāle āha – ‘‘bhadde, mahājanaṃ disvā devatā balikammaṃ na sampaṭicchissati, mayaṃ ubhova abhiruhitvā demā’’ti. So tāya ‘‘sādhū’’ti sampaṭicchito taṃ balipātiṃ ukkhipāpetvā sayaṃ sannaddhapañcāvudho hutvā pabbatamatthakaṃ abhiruhitvā ekaṃ sataporisapapātaṃ nissāya jātarukkhamūle balibhājanaṃ ṭhapāpetvā ‘‘bhadde, nāhaṃ balikammatthāya āgato, taṃ pana māretvā piḷandhanaṃ te gahetvā gamissāmīti āgatomhi, tava piḷandhanaṃ omuñcitvā uttarasāṭakena bhaṇḍikaṃ karohī’’ti āha. ‘‘Sāmi, maṃ kasmā māresī’’ti? ‘‘Dhanakāraṇā’’ti. ‘‘Sāmi, mayā kataguṇaṃ anussara, ahaṃ taṃ bandhitvā nīyamānaṃ seṭṭhiputtena parivattetvā bahuṃ dhanaṃ datvā jīvitaṃ labhāpesiṃ, devasikaṃ sahassaṃ labhamānāpi aññaṃ purisaṃ na olokemi, evañhi tava upakārikaṃ mā maṃ mārehi, bahuñca te dhanaṃ dassāmi, tava dāsī ca bhavissāmī’’ti yācantī paṭhamaṃ gāthamāha –
18.
18.
‘‘ид̣̇ам̣ суван̣н̣агааяуурам̣, муд̇д̇аа взл̣урияаа б̣ахуу;
‘‘Idaṃ suvaṇṇakāyūraṃ, muttā veḷuriyā bahū;
саб̣б̣ам̣ харассу бхад̣̇д̣̇анд̇з, ман̃жа д̣̇аасийд̇и сааваяаа’’д̇и.
Sabbaṃ harassu bhaddante, mañca dāsīti sāvayā’’ti.
д̇ад̇т̇а гааяууранд̇и г̇ийвааяам̣ бил̣анд̇ханабасаад̇ханам̣ гааяуурам̣. сааваяаад̇и махааж̇анамаж̇жхз саавзд̇ваа д̣̇аасим̣ гад̇ваа г̇ан̣хаад̇и.
Tattha kāyūranti gīvāyaṃ piḷandhanapasādhanaṃ kāyūraṃ. Sāvayāti mahājanamajjhe sāvetvā dāsiṃ katvā gaṇhāti.
д̇ад̇о сад̇д̇угзна –
Tato sattukena –
19.
19.
‘‘оробаяассу галяаан̣и, маа б̣аал̣хам̣ барид̣̇зваси;
‘‘Oropayassu kalyāṇi, mā bāḷhaṃ paridevasi;
на жаахам̣ абхиж̇аанаами, аханд̇ваа д̇ханамаабхад̇а’’нд̇и. –
Na cāhaṃ abhijānāmi, ahantvā dhanamābhata’’nti. –
ад̇д̇ано аж̇жхаасаяаануруубам̣ д̣̇уд̇ияаг̇аат̇ааяа вуд̇д̇ааяа суласаа таануббад̇д̇игааран̣ам̣ бадилабхид̇ваа ‘‘аяам̣ жоро маяхам̣ ж̇ийвид̇ам̣ на д̣̇ассад̇и, убааязна нам̣ батамад̇арам̣ бабаад̇з баад̇зд̇ваа ж̇ийвид̇агкаяам̣ баабзссаамий’’д̇и жинд̇зд̇ваа г̇аат̇аад̣̇ваяамааха –
Attano ajjhāsayānurūpaṃ dutiyagāthāya vuttāya sulasā ṭhānuppattikāraṇaṃ paṭilabhitvā ‘‘ayaṃ coro mayhaṃ jīvitaṃ na dassati, upāyena naṃ paṭhamataraṃ papāte pātetvā jīvitakkhayaṃ pāpessāmī’’ti cintetvā gāthādvayamāha –
20.
20.
‘‘яад̇о сараами ад̇д̇аанам̣, яад̇о бад̇д̇аасми вин̃н̃уд̇ам̣;
‘‘Yato sarāmi attānaṃ, yato pattāsmi viññutaṃ;
на жаахам̣ абхиж̇аанаами, ан̃н̃ам̣ бияад̇арам̣ д̇аяаа.
Na cāhaṃ abhijānāmi, aññaṃ piyataraṃ tayā.
21.
21.
‘‘зхи д̇ам̣ убаг̇уухиссам̣, гариссан̃жа бад̣̇агкин̣ам̣;
‘‘Ehi taṃ upagūhissaṃ, karissañca padakkhiṇaṃ;
на хи д̣̇аани буна ад̇т̇и, мама д̇уяхан̃жа сан̇г̇амо’’д̇и.
Na hi dāni puna atthi, mama tuyhañca saṅgamo’’ti.
сад̇д̇уго д̇ассаад̇хиббааяам̣ аж̇аананд̇о ‘‘саад̇ху, бхад̣̇д̣̇з, зхи убаг̇уухассу ма’’нд̇и ааха. суласаа д̇ам̣ д̇игкад̇д̇ум̣ бад̣̇агкин̣ам̣ гад̇ваа убаг̇уухид̇ваа ‘‘ид̣̇аани д̇ам̣, саами, жад̇уусу бассзсу ванд̣̇иссаамий’’д̇и вад̇ваа баад̣̇абидтияам̣ сийсам̣ табзд̇ваа б̣аахубассз ванд̣̇ид̇ваа бажчимабассам̣ г̇анд̇ваа ванд̣̇амаанаа вияа худ̇ваа нааг̇аб̣алаа г̇ан̣игаа жорам̣ д̣̇вийсу бажчаабаад̣̇зсу г̇ахзд̇ваа хздтаа сийсам̣ гад̇ваа сад̇аборисз нарагз киби. со д̇ад̇т̇зва жун̣н̣авижун̣н̣ам̣ бад̇ваа мари. д̇ам̣ гирияам̣ д̣̇исваа баб̣б̣ад̇амад̇т̇агз ниб̣б̣ад̇д̇ад̣̇звад̇аа имаа г̇аат̇аа абхааси –
Sattuko tassādhippāyaṃ ajānanto ‘‘sādhu, bhadde, ehi upagūhassu ma’’nti āha. Sulasā taṃ tikkhattuṃ padakkhiṇaṃ katvā upagūhitvā ‘‘idāni taṃ, sāmi, catūsu passesu vandissāmī’’ti vatvā pādapiṭṭhiyaṃ sīsaṃ ṭhapetvā bāhupasse vanditvā pacchimapassaṃ gantvā vandamānā viya hutvā nāgabalā gaṇikā coraṃ dvīsu pacchāpādesu gahetvā heṭṭhā sīsaṃ katvā sataporise narake khipi. So tattheva cuṇṇavicuṇṇaṃ patvā mari. Taṃ kiriyaṃ disvā pabbatamatthake nibbattadevatā imā gāthā abhāsi –
22.
22.
‘‘на хи саб̣б̣зсу таанзсу, бурисо ход̇и бан̣д̣ид̇о;
‘‘Na hi sabbesu ṭhānesu, puriso hoti paṇḍito;
ид̇т̇ийби бан̣д̣ид̇аа ход̇и, д̇ад̇т̇а д̇ад̇т̇а вижагкан̣аа.
Itthīpi paṇḍitā hoti, tattha tattha vicakkhaṇā.
23.
23.
‘‘на хи саб̣б̣зсу таанзсу, бурисо ход̇и бан̣д̣ид̇о;
‘‘Na hi sabbesu ṭhānesu, puriso hoti paṇḍito;
ид̇т̇ийби бан̣д̣ид̇аа ход̇и, лахум̣ ад̇т̇ам̣ вижинд̇игаа.
Itthīpi paṇḍitā hoti, lahuṃ atthaṃ vicintikā.
24.
24.
‘‘лахун̃жа вад̇а киббан̃жа, нигадтз самажзд̇аяи;
‘‘Lahuñca vata khippañca, nikaṭṭhe samacetayi;
миг̇ам̣ бун̣н̣ааяад̇знзва, суласаа сад̇д̇угам̣ вад̇хи.
Migaṃ puṇṇāyateneva, sulasā sattukaṃ vadhi.
25.
25.
‘‘яод̇ха уббад̇ид̇ам̣ ад̇т̇ам̣, на киббамануб̣уж̇жхад̇и;
‘‘Yodha uppatitaṃ atthaṃ, na khippamanubujjhati;
со хан̃н̃ад̇и манд̣̇амад̇и, жорова г̇ириг̇аб̣бхарз.
So haññati mandamati, corova girigabbhare.
26.
26.
‘‘яо жа уббад̇ид̇ам̣ ад̇т̇ам̣, киббамзва ниб̣од̇хад̇и;
‘‘Yo ca uppatitaṃ atthaṃ, khippameva nibodhati;
мужжад̇з сад̇д̇усамб̣аад̇хаа, суласаа сад̇д̇угаамиваа’’д̇и.
Muccate sattusambādhā, sulasā sattukāmivā’’ti.
д̇ад̇т̇а бан̣д̣ид̇аа ход̇ийд̇и ид̇т̇ийби бан̣д̣ид̇аа д̇ад̇т̇а д̇ад̇т̇а вижагкан̣аа ход̇и, ат̇а ваа ид̇т̇ий бан̣д̣ид̇аа жзва д̇ад̇т̇а д̇ад̇т̇а вижагкан̣аа жа ход̇и. лахум̣ ад̇т̇ам̣ вижинд̇игаад̇и лахум̣ киббам̣ ад̇т̇ам̣ вижинд̇игаа. лахун̃жа вад̇аад̇и ад̣̇анд̇хан̃жа вад̇а. киббан̃жаад̇и ажирзнзва. нигадтз самажзд̇аяийд̇и санд̇игз тид̇аава д̇асса маран̣уубааяам̣ жинд̇зси. бун̣н̣ааяад̇знзваад̇и буурид̇ад̇ханусмим̣. ид̣̇ам̣ вуд̇д̇ам̣ ход̇и – яат̇аа чзго миг̇алуд̣̇д̣̇аго саган̣д̣абун̣н̣ад̇ханусмим̣ киббам̣ миг̇ам̣ вад̇хад̇и, звам̣ суласаа сад̇д̇угам̣ вад̇хийд̇и. яод̇хаад̇и яо имасмим̣ сад̇д̇алогз. ниб̣од̇хад̇ийд̇и ж̇аанаад̇и. сад̇д̇угаамиваад̇и сад̇д̇угаа ива, яат̇аа суласаа муд̇д̇аа, звам̣ мужжад̇ийд̇и ад̇т̇о.
Tattha paṇḍitā hotīti itthīpi paṇḍitā tattha tattha vicakkhaṇā hoti, atha vā itthī paṇḍitā ceva tattha tattha vicakkhaṇā ca hoti. Lahuṃ atthaṃ vicintikāti lahuṃ khippaṃ atthaṃ vicintikā. Lahuñca vatāti adandhañca vata. Khippañcāti acireneva. Nikaṭṭhe samacetayīti santike ṭhitāva tassa maraṇūpāyaṃ cintesi. Puṇṇāyatenevāti pūritadhanusmiṃ. Idaṃ vuttaṃ hoti – yathā cheko migaluddako sakaṇḍapuṇṇadhanusmiṃ khippaṃ migaṃ vadhati, evaṃ sulasā sattukaṃ vadhīti. Yodhāti yo imasmiṃ sattaloke. Nibodhatīti jānāti. Sattukāmivāti sattukā iva, yathā sulasā muttā, evaṃ muccatīti attho.
ид̇и суласаа жорам̣ вад̇хид̇ваа баб̣б̣ад̇аа оруяха ад̇д̇ано бариж̇анасса санд̇игам̣ г̇анд̇ваа ‘‘аяяабуд̇д̇о гаха’’нд̇и будтаа ‘‘маа д̇ам̣ бужчат̇аа’’д̇и вад̇ваа рат̇ам̣ абхирухид̇ваа наг̇арамзва баависи.
Iti sulasā coraṃ vadhitvā pabbatā oruyha attano parijanassa santikaṃ gantvā ‘‘ayyaputto kaha’’nti puṭṭhā ‘‘mā taṃ pucchathā’’ti vatvā rathaṃ abhiruhitvā nagarameva pāvisi.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси ‘‘д̇ад̣̇аа д̇з убхоби имзязва ахзсум̣, д̣̇звад̇аа бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi ‘‘tadā te ubhopi imeyeva ahesuṃ, devatā pana ahameva ahosi’’nti.
суласааж̇аад̇агаван̣н̣анаа д̇ад̇ияаа.
Sulasājātakavaṇṇanā tatiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 419. суласааж̇аад̇агам̣ • 419. Sulasājātakaṃ
