| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
4. суманаваг̇г̇о
4. Sumanavaggo
1. суманасуд̇д̇ам̣
1. Sumanasuttaṃ
31. згам̣ самаяам̣…бз… анаат̇абин̣д̣игасса аараамз. ат̇а ко суманаа рааж̇агумаарий бан̃жахи рат̇асад̇зхи бан̃жахи рааж̇агумаарисад̇зхи баривуд̇аа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннаа ко суманаа рааж̇агумаарий бхаг̇аванд̇ам̣ зд̇ад̣̇авожа –
31. Ekaṃ samayaṃ…pe… anāthapiṇḍikassa ārāme. Atha kho sumanā rājakumārī pañcahi rathasatehi pañcahi rājakumārisatehi parivutā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinnā kho sumanā rājakumārī bhagavantaṃ etadavoca –
‘‘ид̇хассу, бханд̇з, бхаг̇авад̇о д̣̇вз саавагаа самасад̣̇д̇хаа самасийлаа самабан̃н̃аа – зго д̣̇ааяаго, зго ад̣̇ааяаго. д̇з гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇зяяум̣. д̣̇звабхууд̇аанам̣ бана нзсам̣ 1, бханд̇з, сияаа висзсо, сияаа наанаагаран̣а’’нд̇и?
‘‘Idhassu, bhante, bhagavato dve sāvakā samasaddhā samasīlā samapaññā – eko dāyako, eko adāyako. Te kāyassa bhedā paraṃ maraṇā sugatiṃ saggaṃ lokaṃ upapajjeyyuṃ. Devabhūtānaṃ pana nesaṃ 2, bhante, siyā viseso, siyā nānākaraṇa’’nti?
‘‘сияаа, суманз’’д̇и бхаг̇аваа авожа – ‘‘яо со, суманз, д̣̇ааяаго со амум̣ ад̣̇ааяагам̣ д̣̇звабхууд̇о самаано бан̃жахи таанзхи ад̇хиг̇ан̣хаад̇и – д̣̇иб̣б̣зна ааяунаа, д̣̇иб̣б̣зна ван̣н̣зна, д̣̇иб̣б̣зна сукзна, д̣̇иб̣б̣зна яасзна, д̣̇иб̣б̣зна аад̇хибад̇зяязна. яо со, суманз, д̣̇ааяаго со амум̣ ад̣̇ааяагам̣ д̣̇звабхууд̇о самаано имзхи бан̃жахи таанзхи ад̇хиг̇ан̣хаад̇и’’.
‘‘Siyā, sumane’’ti bhagavā avoca – ‘‘yo so, sumane, dāyako so amuṃ adāyakaṃ devabhūto samāno pañcahi ṭhānehi adhigaṇhāti – dibbena āyunā, dibbena vaṇṇena, dibbena sukhena, dibbena yasena, dibbena ādhipateyyena. Yo so, sumane, dāyako so amuṃ adāyakaṃ devabhūto samāno imehi pañcahi ṭhānehi adhigaṇhāti’’.
‘‘сажз бана д̇з, бханд̇з, д̇ад̇о жуд̇аа ид̇т̇ад̇д̇ам̣ ааг̇ажчанд̇и, мануссабхууд̇аанам̣ бана нзсам̣, бханд̇з, сияаа висзсо, сияаа наанаагаран̣а’’нд̇и? ‘‘сияаа, суманз’’д̇и бхаг̇аваа авожа – ‘‘яо со, суманз, д̣̇ааяаго со амум̣ ад̣̇ааяагам̣ мануссабхууд̇о самаано бан̃жахи таанзхи ад̇хиг̇ан̣хаад̇и – маанусагзна ааяунаа, маанусагзна ван̣н̣зна, маанусагзна сукзна, маанусагзна яасзна, маанусагзна аад̇хибад̇зяязна. яо со, суманз, д̣̇ааяаго со амум̣ ад̣̇ааяагам̣ мануссабхууд̇о самаано имзхи бан̃жахи таанзхи ад̇хиг̇ан̣хаад̇и’’.
‘‘Sace pana te, bhante, tato cutā itthattaṃ āgacchanti, manussabhūtānaṃ pana nesaṃ, bhante, siyā viseso, siyā nānākaraṇa’’nti? ‘‘Siyā, sumane’’ti bhagavā avoca – ‘‘yo so, sumane, dāyako so amuṃ adāyakaṃ manussabhūto samāno pañcahi ṭhānehi adhigaṇhāti – mānusakena āyunā, mānusakena vaṇṇena, mānusakena sukhena, mānusakena yasena, mānusakena ādhipateyyena. Yo so, sumane, dāyako so amuṃ adāyakaṃ manussabhūto samāno imehi pañcahi ṭhānehi adhigaṇhāti’’.
‘‘сажз бана д̇з, бханд̇з, убхо аг̇аарасмаа анаг̇аарияам̣ баб̣б̣аж̇анд̇и, баб̣б̣аж̇ид̇аанам̣ бана нзсам̣, бханд̇з , сияаа висзсо, сияаа наанаагаран̣а’’нд̇и? ‘‘сияаа, суманз’’д̇и бхаг̇аваа авожа – ‘‘яо со, суманз, д̣̇ааяаго со амум̣ ад̣̇ааяагам̣ баб̣б̣аж̇ид̇о самаано бан̃жахи таанзхи ад̇хиг̇ан̣хаад̇и – яаажид̇ова б̣ахулам̣ жийварам̣ барибхун̃ж̇ад̇и аббам̣ аяаажид̇о, яаажид̇ова б̣ахулам̣ бин̣д̣абаад̇ам̣ барибхун̃ж̇ад̇и аббам̣ аяаажид̇о, яаажид̇ова б̣ахулам̣ сзнаасанам̣ барибхун̃ж̇ад̇и аббам̣ аяаажид̇о, яаажид̇ова б̣ахулам̣ г̇илаанаббажжаяабхзсаж̇ж̇абаригкаарам̣ барибхун̃ж̇ад̇и аббам̣ аяаажид̇о. язхи ко бана саб̣рахмажаарийхи сад̣̇д̇хим̣ вихарад̇и д̇яасса манаабзнзва б̣ахулам̣ гааяагаммзна самуд̣̇аажаранд̇и аббам̣ аманаабзна, манаабзнзва б̣ахулам̣ важийгаммзна самуд̣̇аажаранд̇и аббам̣ аманаабзна, манаабзнзва б̣ахулам̣ маногаммзна самуд̣̇аажаранд̇и аббам̣ аманаабзна, манаабам̣язва б̣ахулам̣ убахаарам̣ убахаранд̇и аббам̣ аманаабам̣ . яо со, суманз, д̣̇ааяаго со амум̣ ад̣̇ааяагам̣ баб̣б̣аж̇ид̇о самаано имзхи бан̃жахи таанзхи ад̇хиг̇ан̣хаад̇ий’’д̇и.
‘‘Sace pana te, bhante, ubho agārasmā anagāriyaṃ pabbajanti, pabbajitānaṃ pana nesaṃ, bhante , siyā viseso, siyā nānākaraṇa’’nti? ‘‘Siyā, sumane’’ti bhagavā avoca – ‘‘yo so, sumane, dāyako so amuṃ adāyakaṃ pabbajito samāno pañcahi ṭhānehi adhigaṇhāti – yācitova bahulaṃ cīvaraṃ paribhuñjati appaṃ ayācito, yācitova bahulaṃ piṇḍapātaṃ paribhuñjati appaṃ ayācito, yācitova bahulaṃ senāsanaṃ paribhuñjati appaṃ ayācito, yācitova bahulaṃ gilānappaccayabhesajjaparikkhāraṃ paribhuñjati appaṃ ayācito. Yehi kho pana sabrahmacārīhi saddhiṃ viharati tyassa manāpeneva bahulaṃ kāyakammena samudācaranti appaṃ amanāpena, manāpeneva bahulaṃ vacīkammena samudācaranti appaṃ amanāpena, manāpeneva bahulaṃ manokammena samudācaranti appaṃ amanāpena, manāpaṃyeva bahulaṃ upahāraṃ upaharanti appaṃ amanāpaṃ . Yo so, sumane, dāyako so amuṃ adāyakaṃ pabbajito samāno imehi pañcahi ṭhānehi adhigaṇhātī’’ti.
‘‘сажз бана д̇з, бханд̇з, убхо арахад̇д̇ам̣ баабун̣анд̇и, арахад̇д̇аббад̇д̇аанам̣ бана нзсам̣, бханд̇з, сияаа висзсо, сияаа наанаагаран̣а’’нд̇и? ‘‘зд̇т̇а ко банзсаахам̣, суманз, на гин̃жи наанаагаран̣ам̣ вад̣̇аами, яад̣̇ид̣̇ам̣ вимуд̇д̇ияаа вимуд̇д̇и’’нд̇и 3.
‘‘Sace pana te, bhante, ubho arahattaṃ pāpuṇanti, arahattappattānaṃ pana nesaṃ, bhante, siyā viseso, siyā nānākaraṇa’’nti? ‘‘Ettha kho panesāhaṃ, sumane, na kiñci nānākaraṇaṃ vadāmi, yadidaṃ vimuttiyā vimutti’’nti 4.
‘‘ажчарияам̣, бханд̇з, аб̣бхуд̇ам̣, бханд̇з! яааван̃жид̣̇ам̣, бханд̇з, аламзва д̣̇аанаани д̣̇аад̇ум̣ алам̣ бун̃н̃аани гаад̇ум̣; яад̇ра хи наама д̣̇звабхууд̇ассааби убагаараани бун̃н̃аани, мануссабхууд̇ассааби убагаараани бун̃н̃аани, баб̣б̣аж̇ид̇ассааби убагаараани бун̃н̃ааний’’д̇и. ‘‘звамзд̇ам̣, суманз! алан̃хи, суманз, д̣̇аанаани д̣̇аад̇ум̣ алам̣ бун̃н̃аани гаад̇ум̣! д̣̇звабхууд̇ассааби убагаараани бун̃н̃аани, мануссабхууд̇ассааби убагаараани бун̃н̃аани, баб̣б̣аж̇ид̇ассааби убагаараани бун̃н̃ааний’’д̇и .
‘‘Acchariyaṃ, bhante, abbhutaṃ, bhante! Yāvañcidaṃ, bhante, alameva dānāni dātuṃ alaṃ puññāni kātuṃ; yatra hi nāma devabhūtassāpi upakārāni puññāni, manussabhūtassāpi upakārāni puññāni, pabbajitassāpi upakārāni puññānī’’ti. ‘‘Evametaṃ, sumane! Alañhi, sumane, dānāni dātuṃ alaṃ puññāni kātuṃ! Devabhūtassāpi upakārāni puññāni, manussabhūtassāpi upakārāni puññāni, pabbajitassāpi upakārāni puññānī’’ti .
ид̣̇амавожа бхаг̇аваа. ид̣̇ам̣ вад̇ваана 5 суг̇ад̇о ат̇аабарам̣ зд̇ад̣̇авожа сад̇т̇аа –
Idamavoca bhagavā. Idaṃ vatvāna 6 sugato athāparaṃ etadavoca satthā –
‘‘яат̇ааби жанд̣̇о вимало, г̇ажчам̣ аагаасад̇хаад̇уяаа;
‘‘Yathāpi cando vimalo, gacchaṃ ākāsadhātuyā;
саб̣б̣з д̇аарааг̇ан̣з логз, аабхааяа ад̇ирожад̇и.
Sabbe tārāgaṇe loke, ābhāya atirocati.
‘‘д̇ат̇зва сийласамбанно, сад̣̇д̇хо бурисабуг̇г̇ало;
‘‘Tatheva sīlasampanno, saddho purisapuggalo;
саб̣б̣з мажчарино логз, жааг̇зна ад̇ирожад̇и.
Sabbe maccharino loke, cāgena atirocati.
‘‘яат̇ааби мзгхо т̇анаяам̣, виж̇ж̇умаалий сад̇аггагу;
‘‘Yathāpi megho thanayaṃ, vijjumālī satakkaku;
т̇алам̣ ниннан̃жа буурзд̇и, абхивассам̣ васунд̇харам̣.
Thalaṃ ninnañca pūreti, abhivassaṃ vasundharaṃ.
‘‘звам̣ д̣̇ассанасамбанно, саммаасамб̣уд̣̇д̇хасааваго;
‘‘Evaṃ dassanasampanno, sammāsambuddhasāvako;
мажчарим̣ ад̇хиг̇ан̣хаад̇и, бан̃жатаанзхи бан̣д̣ид̇о.
Macchariṃ adhigaṇhāti, pañcaṭhānehi paṇḍito.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 1. суманасуд̇д̇аван̣н̣анаа • 1. Sumanasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1. суманасуд̇д̇аван̣н̣анаа • 1. Sumanasuttavaṇṇanā
