| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
4. ஸுமனவக்³கோ³
4. Sumanavaggo
1. ஸுமனஸுத்தவண்ணனா
1. Sumanasuttavaṇṇanā
31. சதுத்த²ஸ்ஸ பட²மே ஸதக்ககூதி ஸதஸிக²ரோ, அனேககூடோதி அத்தோ². இத³ங் தஸ்ஸ மஹாமேக⁴பா⁴வத³ஸ்ஸனங். ஸோ ஹி மஹாவஸ்ஸங் வஸ்ஸதி. தேனேவாஹ – ‘‘இதோ சிதோ ச உட்டி²தேன வலாஹககூடஸதேன ஸமன்னாக³தோதி அத்தோ²’’தி. த³ஸ்ஸனஸம்பன்னோதி எத்த² த³ஸ்ஸனங் நாம ஸோதாபத்திமக்³கோ³. ஸோ ஹி பட²மங் நிப்³பா³னத³ஸ்ஸனதோ ‘‘த³ஸ்ஸன’’ந்தி வுச்சதி. யதி³பி தங் கொ³த்ரபு⁴ பட²மதரங் பஸ்ஸதி, தி³ஸ்வா பன கத்தப்³ப³கிச்சஸ்ஸ கிலேஸப்பஹானஸ்ஸ அகரணதோ ந தங் ‘‘த³ஸ்ஸன’’ந்தி வுச்சதி. ஆவஜ்ஜனட்டா²னியஞ்ஹி தங் ஞாணங். மக்³க³ஸ்ஸ நிப்³பா³னாரம்மணதாஸாமஞ்ஞேன சேதங் வுத்தங், ந நிப்³பா³னப்படிவிஜ்ஜ²னேன, தஸ்மா த⁴ம்மசக்கு²ங் புனப்புனங் நிப்³ப³த்தனேன பா⁴வனங் அப்பத்தங் த³ஸ்ஸனங், த⁴ம்மசக்கு²ஞ்ச பரிஞ்ஞாதி³கிச்சகரணேன சதுஸச்சத⁴ம்மத³ஸ்ஸனங் தத³பி⁴ஸமயோதி நத்தெ²த்த² கொ³த்ரபு⁴ஸ்ஸ த³ஸ்ஸனபா⁴வாபத்தி. ஸேஸமெத்த² ஸுவிஞ்ஞெய்யமேவ.
31. Catutthassa paṭhame satakkakūti satasikharo, anekakūṭoti attho. Idaṃ tassa mahāmeghabhāvadassanaṃ. So hi mahāvassaṃ vassati. Tenevāha – ‘‘ito cito ca uṭṭhitena valāhakakūṭasatena samannāgatoti attho’’ti. Dassanasampannoti ettha dassanaṃ nāma sotāpattimaggo. So hi paṭhamaṃ nibbānadassanato ‘‘dassana’’nti vuccati. Yadipi taṃ gotrabhu paṭhamataraṃ passati, disvā pana kattabbakiccassa kilesappahānassa akaraṇato na taṃ ‘‘dassana’’nti vuccati. Āvajjanaṭṭhāniyañhi taṃ ñāṇaṃ. Maggassa nibbānārammaṇatāsāmaññena cetaṃ vuttaṃ, na nibbānappaṭivijjhanena, tasmā dhammacakkhuṃ punappunaṃ nibbattanena bhāvanaṃ appattaṃ dassanaṃ, dhammacakkhuñca pariññādikiccakaraṇena catusaccadhammadassanaṃ tadabhisamayoti natthettha gotrabhussa dassanabhāvāpatti. Sesamettha suviññeyyameva.
ஸுமனஸுத்தவண்ணனா நிட்டி²தா.
Sumanasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 1. ஸுமனஸுத்தங் • 1. Sumanasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 1. ஸுமனஸுத்தவண்ணனா • 1. Sumanasuttavaṇṇanā
