| Library / Tipiṭaka / তিপিটক • Tipiṭaka / অঙ্গুত্তরনিকায (টীকা) • Aṅguttaranikāya (ṭīkā) |
৪. সুমনৰগ্গো
4. Sumanavaggo
১. সুমনসুত্তৰণ্ণনা
1. Sumanasuttavaṇṇanā
৩১. চতুত্থস্স পঠমে সতক্ককূতি সতসিখরো, অনেককূটোতি অত্থো। ইদং তস্স মহামেঘভাৰদস্সনং। সো হি মহাৰস্সং ৰস্সতি। তেনেৰাহ – ‘‘ইতো চিতো চ উট্ঠিতেন ৰলাহককূটসতেন সমন্নাগতোতি অত্থো’’তি। দস্সনসম্পন্নোতি এত্থ দস্সনং নাম সোতাপত্তিমগ্গো। সো হি পঠমং নিব্বানদস্সনতো ‘‘দস্সন’’ন্তি ৰুচ্চতি। যদিপি তং গোত্রভু পঠমতরং পস্সতি, দিস্ৰা পন কত্তব্বকিচ্চস্স কিলেসপ্পহানস্স অকরণতো ন তং ‘‘দস্সন’’ন্তি ৰুচ্চতি। আৰজ্জনট্ঠানিযঞ্হি তং ঞাণং। মগ্গস্স নিব্বানারম্মণতাসামঞ্ঞেন চেতং ৰুত্তং, ন নিব্বানপ্পটিৰিজ্ঝনেন, তস্মা ধম্মচক্খুং পুনপ্পুনং নিব্বত্তনেন ভাৰনং অপ্পত্তং দস্সনং, ধম্মচক্খুঞ্চ পরিঞ্ঞাদিকিচ্চকরণেন চতুসচ্চধম্মদস্সনং তদভিসমযোতি নত্থেত্থ গোত্রভুস্স দস্সনভাৰাপত্তি। সেসমেত্থ সুৰিঞ্ঞেয্যমেৰ।
31. Catutthassa paṭhame satakkakūti satasikharo, anekakūṭoti attho. Idaṃ tassa mahāmeghabhāvadassanaṃ. So hi mahāvassaṃ vassati. Tenevāha – ‘‘ito cito ca uṭṭhitena valāhakakūṭasatena samannāgatoti attho’’ti. Dassanasampannoti ettha dassanaṃ nāma sotāpattimaggo. So hi paṭhamaṃ nibbānadassanato ‘‘dassana’’nti vuccati. Yadipi taṃ gotrabhu paṭhamataraṃ passati, disvā pana kattabbakiccassa kilesappahānassa akaraṇato na taṃ ‘‘dassana’’nti vuccati. Āvajjanaṭṭhāniyañhi taṃ ñāṇaṃ. Maggassa nibbānārammaṇatāsāmaññena cetaṃ vuttaṃ, na nibbānappaṭivijjhanena, tasmā dhammacakkhuṃ punappunaṃ nibbattanena bhāvanaṃ appattaṃ dassanaṃ, dhammacakkhuñca pariññādikiccakaraṇena catusaccadhammadassanaṃ tadabhisamayoti natthettha gotrabhussa dassanabhāvāpatti. Sesamettha suviññeyyameva.
সুমনসুত্তৰণ্ণনা নিট্ঠিতা।
Sumanasuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya / ১. সুমনসুত্তং • 1. Sumanasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ১. সুমনসুত্তৰণ্ণনা • 1. Sumanasuttavaṇṇanā
