| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
4. суманаваг̇г̇о
4. Sumanavaggo
1. суманасуд̇д̇аван̣н̣анаа
1. Sumanasuttavaṇṇanā
31. жад̇уд̇т̇асса батамз суманаа рааж̇агумаарийд̇и махаасаггаарам̣ гад̇ваа бад̇т̇анам̣ бад̇т̇зд̇ваа звам̣ лад̣̇д̇ханаамаа рааж̇аган̃н̃аа. вибассисаммаасамб̣уд̣̇д̇хагааласмим̣ хи нааг̇арзсу ‘‘яуд̣̇д̇хамби гад̇ваа сад̇т̇аарам̣ амхаагам̣ г̇ан̣хиссаамаа’’д̇и сзнаабад̇им̣ ниссааяа б̣уд̣̇д̇хаббамукам̣ сан̇гхам̣ лабхид̇ваа бадибаадияаа бун̃н̃аани гаад̇ум̣ аарад̣̇д̇хзсу саб̣б̣абатамад̣̇ивасо сзнаабад̇исса вааро ахоси. д̇асмим̣ д̣̇ивасз сзнаабад̇и махаад̣̇аанам̣ саж̇ж̇зд̇ваа ‘‘аж̇ж̇а яат̇аа ан̃н̃о гожи згабхигкамби на д̣̇зд̇и, звам̣ рагкат̇аа’’д̇и саманд̇аа бурисз табзси. д̇ам̣д̣̇ивасам̣ сздтибхарияаа род̣̇амаанаа бан̃жахи гумааригаасад̇зхи сад̣̇д̇хим̣ гийл̣ид̇ваа ааг̇ад̇ам̣ д̇хийд̇арам̣ ааха – ‘‘сажз, амма, д̇ава бид̇аа ж̇ийвзяяа, аж̇ж̇аахам̣ батамам̣ д̣̇асаб̣алам̣ бхож̇зяяа’’нд̇и. саа д̇ам̣ ааха – ‘‘амма, маа жинд̇аяи, ахам̣ д̇ат̇аа гариссаами, яат̇аа б̣уд̣̇д̇хаббамуко сан̇гхо амхаагам̣ батамам̣ бхигкам̣ бхун̃ж̇иссад̇ий’’д̇и. д̇ад̇о сад̇асахассаг̇гханигааяа суван̣н̣абаад̇ияаа нируд̣̇агабааяаасам̣ буурзд̇ваа саббимад̇хусагкараад̣̇ийхи абхисан̇карид̇ваа ан̃н̃иссаа баад̇ияаа бадигуж̇ж̇ид̇ваа д̇ам̣ суманамаалааг̇ул̣зхи баригкибид̇ваа маалааг̇ул̣асад̣̇исам̣ гад̇ваа бхаг̇авад̇о г̇аамам̣ бависанавзлааяа саяамзва угкибид̇ваа д̇хаад̇иг̇ан̣абаривуд̇аа гхараа нигками.
31. Catutthassa paṭhame sumanā rājakumārīti mahāsakkāraṃ katvā patthanaṃ patthetvā evaṃ laddhanāmā rājakaññā. Vipassisammāsambuddhakālasmiṃ hi nāgaresu ‘‘yuddhampi katvā satthāraṃ amhākaṃ gaṇhissāmā’’ti senāpatiṃ nissāya buddhappamukhaṃ saṅghaṃ labhitvā paṭipāṭiyā puññāni kātuṃ āraddhesu sabbapaṭhamadivaso senāpatissa vāro ahosi. Tasmiṃ divase senāpati mahādānaṃ sajjetvā ‘‘ajja yathā añño koci ekabhikkhampi na deti, evaṃ rakkhathā’’ti samantā purise ṭhapesi. Taṃdivasaṃ seṭṭhibhariyā rodamānā pañcahi kumārikāsatehi saddhiṃ kīḷitvā āgataṃ dhītaraṃ āha – ‘‘sace, amma, tava pitā jīveyya, ajjāhaṃ paṭhamaṃ dasabalaṃ bhojeyya’’nti. Sā taṃ āha – ‘‘amma, mā cintayi, ahaṃ tathā karissāmi, yathā buddhappamukho saṅgho amhākaṃ paṭhamaṃ bhikkhaṃ bhuñjissatī’’ti. Tato satasahassagghanikāya suvaṇṇapātiyā nirudakapāyāsaṃ pūretvā sappimadhusakkharādīhi abhisaṅkharitvā aññissā pātiyā paṭikujjitvā taṃ sumanamālāguḷehi parikkhipitvā mālāguḷasadisaṃ katvā bhagavato gāmaṃ pavisanavelāya sayameva ukkhipitvā dhātigaṇaparivutā gharā nikkhami.
анд̇араамаг̇г̇з сзнаабад̇ино убадтаагаа, ‘‘амма, маа ид̇о ааг̇амаа’’д̇и вад̣̇анд̇и. махаабун̃н̃аа наама манаабагат̇аа хонд̇и, на жа д̇зсам̣ бунаббунам̣ бхан̣анд̇аанам̣ гат̇аа бадигкибид̇ум̣ саггаа ход̇и. саа ‘‘жуул̣абид̇а, махаабид̇а, маад̇ула, гисса д̇умхз г̇анд̇ум̣ на д̣̇зт̇аа’’д̇и ааха. сзнаабад̇инаа ‘‘ан̃н̃асса гассажи каад̣̇анийяам̣ бхож̇анийяам̣ маа д̣̇зт̇аа’’д̇и табид̇амха, аммаад̇и. гим̣ бана мама хад̇т̇з каад̣̇анийяам̣ бхож̇анийяам̣ бассат̇аад̇и? маалааг̇ул̣ам̣ бассаамаад̇и. гим̣ д̇умхаагам̣ сзнаабад̇и маалаабууж̇амби гаад̇ум̣ на д̣̇зд̇ийд̇и? д̣̇зд̇и, аммаад̇и. д̇зна хи абзт̇аад̇и бхаг̇аванд̇ам̣ убасан̇гамид̇ваа ‘‘маалааг̇ул̣ам̣ г̇ан̣хат̇а бхаг̇аваа’’д̇и ааха. бхаг̇аваа згам̣ сзнаабад̇исса убадтаагам̣ ологзд̇ваа маалааг̇ул̣ам̣ г̇ан̣хаабзси. саа бхаг̇аванд̇ам̣ ванд̣̇ид̇ваа ‘‘бхаваабхаваабхиниб̣б̣ад̇д̇ияам̣ мз сад̇и барид̇ассанаж̇ийвид̇ам̣ наама маа ход̇у, аяам̣ суманамаалаа вияа ниб̣б̣ад̇д̇аниб̣б̣ад̇д̇адтаанз бияаава хоми, наамзна жа суманааязваа’’д̇и бад̇т̇анам̣ гад̇ваа сад̇т̇аараа ‘‘сукиний хохий’’д̇и вуд̇д̇аа ванд̣̇ид̇ваа бад̣̇агкин̣ам̣ гад̇ваа баггаами.
Antarāmagge senāpatino upaṭṭhākā, ‘‘amma, mā ito āgamā’’ti vadanti. Mahāpuññā nāma manāpakathā honti, na ca tesaṃ punappunaṃ bhaṇantānaṃ kathā paṭikkhipituṃ sakkā hoti. Sā ‘‘cūḷapita, mahāpita, mātula, kissa tumhe gantuṃ na dethā’’ti āha. Senāpatinā ‘‘aññassa kassaci khādanīyaṃ bhojanīyaṃ mā dethā’’ti ṭhapitamha, ammāti. Kiṃ pana mama hatthe khādanīyaṃ bhojanīyaṃ passathāti? Mālāguḷaṃ passāmāti. Kiṃ tumhākaṃ senāpati mālāpūjampi kātuṃ na detīti? Deti, ammāti. Tena hi apethāti bhagavantaṃ upasaṅkamitvā ‘‘mālāguḷaṃ gaṇhatha bhagavā’’ti āha. Bhagavā ekaṃ senāpatissa upaṭṭhākaṃ oloketvā mālāguḷaṃ gaṇhāpesi. Sā bhagavantaṃ vanditvā ‘‘bhavābhavābhinibbattiyaṃ me sati paritassanajīvitaṃ nāma mā hotu, ayaṃ sumanamālā viya nibbattanibbattaṭṭhāne piyāva homi, nāmena ca sumanāyevā’’ti patthanaṃ katvā satthārā ‘‘sukhinī hohī’’ti vuttā vanditvā padakkhiṇaṃ katvā pakkāmi.
бхаг̇авааби сзнаабад̇исса г̇зхам̣ г̇анд̇ваа бан̃н̃ад̇д̇аасанз нисийд̣̇и. сзнаабад̇и яааг̇ум̣ г̇ахзд̇ваа убаг̇ан̃чи, сад̇т̇аа хад̇т̇зна бад̇д̇ам̣ бид̣̇ахи. нисинно, бханд̇з, бхигкусан̇гход̇и . ад̇т̇и но зго анд̇араамаг̇г̇з бин̣д̣абаад̇о лад̣̇д̇ход̇и? маалам̣ абанзд̇ваа бин̣д̣абаад̇ам̣ ад̣̇д̣̇аса. жуул̣убадтааго ааха – ‘‘саами маалаад̇и мам̣ вад̇ваа маад̇уг̇аамо ван̃жзсий’’д̇и. бааяаасо бхаг̇аванд̇ам̣ аад̣̇им̣ гад̇ваа саб̣б̣абхигкуунам̣ бахоси. сзнаабад̇и ад̇д̇ано д̣̇зяяад̇хаммам̣ ад̣̇ааси. сад̇т̇аа бхад̇д̇агижжам̣ гад̇ваа ман̇г̇алам̣ вад̇ваа баггаами. сзнаабад̇и ‘‘гаа наама саа бин̣д̣абаад̇амад̣̇аасий’’д̇и бужчи. сздтид̇хийд̇аа саамийд̇и. саббан̃н̃аа ид̇т̇ий, зваруубааяа гхарз васанд̇ияаа бурисасса саг̇г̇асамбад̇д̇и наама на д̣̇уллабхаад̇и гам̣ аанзд̇ваа ж̇здтагадтаанз табзси?
Bhagavāpi senāpatissa gehaṃ gantvā paññattāsane nisīdi. Senāpati yāguṃ gahetvā upagañchi, satthā hatthena pattaṃ pidahi. Nisinno, bhante, bhikkhusaṅghoti . Atthi no eko antarāmagge piṇḍapāto laddhoti? Mālaṃ apanetvā piṇḍapātaṃ addasa. Cūḷupaṭṭhāko āha – ‘‘sāmi mālāti maṃ vatvā mātugāmo vañcesī’’ti. Pāyāso bhagavantaṃ ādiṃ katvā sabbabhikkhūnaṃ pahosi. Senāpati attano deyyadhammaṃ adāsi. Satthā bhattakiccaṃ katvā maṅgalaṃ vatvā pakkāmi. Senāpati ‘‘kā nāma sā piṇḍapātamadāsī’’ti pucchi. Seṭṭhidhītā sāmīti. Sappaññā itthī, evarūpāya ghare vasantiyā purisassa saggasampatti nāma na dullabhāti kaṃ ānetvā jeṭṭhakaṭṭhāne ṭhapesi?
саа бид̇уг̇зхз жа сзнаабад̇иг̇зхз жа д̇ханам̣ г̇ахзд̇ваа яаавад̇ааяугам̣ д̇ат̇ааг̇ад̇асса д̣̇аанам̣ д̣̇ад̇ваа бун̃н̃аани гарид̇ваа д̇ад̇о жуд̇аа гаамааважарад̣̇звалогз ниб̣б̣ад̇д̇и. ниб̣б̣ад̇д̇агкан̣зязва ж̇аан̣уббамаан̣зна од̇хинаа сагалам̣ д̣̇звалогам̣ барибуураяамаанам̣ суманавассам̣ васси. д̣̇звад̇аа ‘‘аяам̣ ад̇д̇анаава ад̇д̇ано наамам̣ г̇ахзд̇ваа ааг̇ад̇аа’’д̇и ‘‘суманаа д̣̇звад̇хийд̇аа’’д̇взвассаа наамам̣ агам̣су. саа зганавуд̇игаббз д̣̇звзсу жа мануссзсу жа сам̣саранд̇ий ниб̣б̣ад̇д̇аниб̣б̣ад̇д̇адтаанз авиж̇ахид̇асуманавассаа ‘‘суманаа суманаа’’д̇взва наамаа ахоси. имасмим̣ бана гаалз госаларан̃н̃о аг̇г̇амахзсияаа гужчисмим̣ бадисанд̇хим̣ г̇ан̣хи. д̇ааби бан̃жасад̇аа гумааригаа д̇ам̣д̣̇ивасан̃н̃зва д̇асмим̣ д̇асмим̣ гулз бадисанд̇хим̣ г̇ахзд̇ваа згад̣̇ивасзязва саб̣б̣аа маад̇угужчид̇о нигкамим̣су. д̇ам̣кан̣ам̣язва ж̇аан̣уббамаан̣зна од̇хинаа суманавассам̣ васси. д̇ам̣ д̣̇исваа рааж̇аа ‘‘буб̣б̣з гад̇аабхинийхаараа зсаа бхависсад̇ий’’д̇и д̇удтамаанасо ‘‘д̇хийд̇аа мз ад̇д̇анаава ад̇д̇ано наамам̣ г̇ахзд̇ваа ааг̇ад̇аа’’д̇и суманаад̇взвассаа наамам̣ гад̇ваа ‘‘маяхам̣ д̇хийд̇аа на згигаава ниб̣б̣ад̇д̇иссад̇ий’’д̇и наг̇арам̣ вижинаабзнд̇о ‘бан̃жа д̣̇ааригаасад̇аани ж̇аад̇ааний’’д̇и суд̇ваа саб̣б̣аа ад̇д̇анаава босаабзси. маасз маасз самбад̇з ‘‘аанзд̇ваа мама д̇хийд̇у д̣̇ассзт̇аа’’д̇и ааха. звамзсаа махаасаггаарам̣ гад̇ваа бад̇т̇анам̣ бад̇т̇зд̇ваа звам̣лад̣̇д̇ханаамаад̇и взд̣̇ид̇аб̣б̣аа.
Sā pitugehe ca senāpatigehe ca dhanaṃ gahetvā yāvatāyukaṃ tathāgatassa dānaṃ datvā puññāni karitvā tato cutā kāmāvacaradevaloke nibbatti. Nibbattakkhaṇeyeva jāṇuppamāṇena odhinā sakalaṃ devalokaṃ paripūrayamānaṃ sumanavassaṃ vassi. Devatā ‘‘ayaṃ attanāva attano nāmaṃ gahetvā āgatā’’ti ‘‘sumanā devadhītā’’tvevassā nāmaṃ akaṃsu. Sā ekanavutikappe devesu ca manussesu ca saṃsarantī nibbattanibbattaṭṭhāne avijahitasumanavassā ‘‘sumanā sumanā’’tveva nāmā ahosi. Imasmiṃ pana kāle kosalarañño aggamahesiyā kucchismiṃ paṭisandhiṃ gaṇhi. Tāpi pañcasatā kumārikā taṃdivasaññeva tasmiṃ tasmiṃ kule paṭisandhiṃ gahetvā ekadivaseyeva sabbā mātukucchito nikkhamiṃsu. Taṃkhaṇaṃyeva jāṇuppamāṇena odhinā sumanavassaṃ vassi. Taṃ disvā rājā ‘‘pubbe katābhinīhārā esā bhavissatī’’ti tuṭṭhamānaso ‘‘dhītā me attanāva attano nāmaṃ gahetvā āgatā’’ti sumanātvevassā nāmaṃ katvā ‘‘mayhaṃ dhītā na ekikāva nibbattissatī’’ti nagaraṃ vicināpento ‘pañca dārikāsatāni jātānī’’ti sutvā sabbā attanāva posāpesi. Māse māse sampate ‘‘ānetvā mama dhītu dassethā’’ti āha. Evamesā mahāsakkāraṃ katvā patthanaṃ patthetvā evaṃladdhanāmāti veditabbā.
д̇ассаа сад̇д̇авассигагаалз анаат̇абин̣д̣игзна вихаарам̣ нидтаабзд̇ваа д̇ат̇ааг̇ад̇асса д̣̇ууд̇з бзсид̇з сад̇т̇аа бхигкусан̇гхабаривааро саавад̇т̇им̣ аг̇амааси. анаат̇абин̣д̣иго г̇анд̇ваа рааж̇аанам̣ звамааха – ‘‘махаарааж̇а, сад̇т̇у ид̇хааг̇аманам̣ амхаагамби ман̇г̇алам̣ д̇умхаагамби ман̇г̇аламзва, суманам̣ рааж̇агумаарим̣ бан̃жахи д̣̇ааригаасад̇зхи сад̣̇д̇хим̣ бун̣н̣агхадз жа г̇анд̇хамаалаад̣̇ийни жа г̇аахаабзд̇ваа д̣̇асаб̣аласса бажжуг̇г̇аманам̣ бзсзт̇аа’’д̇и. рааж̇аа ‘‘саад̇ху махаасздтий’’д̇и д̇ат̇аа агааси. сааби ран̃н̃аа вуд̇д̇анаязнзва г̇анд̇ваа сад̇т̇аарам̣ ванд̣̇ид̇ваа г̇анд̇хамаалаад̣̇ийхи бууж̇зд̇ваа згаманд̇ам̣ адтааси. сад̇т̇аа д̇ассаа д̇хаммам̣ д̣̇зсзси. саа бан̃жахи гумааригаасад̇зхи сад̣̇д̇хим̣ сод̇аабад̇д̇ипалз бад̇идтааси. ан̃н̃ааниби бан̃жа д̣̇ааригаасад̇аани бан̃жа маад̇уг̇аамасад̇аани бан̃жа убаасагасад̇аани д̇асмим̣язва кан̣з сод̇аабад̇д̇ипалам̣ баабун̣им̣су. звам̣ д̇асмим̣ д̣̇ивасз анд̇араамаг̇г̇зязва д̣̇вз сод̇аабаннасахассаани ж̇аад̇аани.
Tassā sattavassikakāle anāthapiṇḍikena vihāraṃ niṭṭhāpetvā tathāgatassa dūte pesite satthā bhikkhusaṅghaparivāro sāvatthiṃ agamāsi. Anāthapiṇḍiko gantvā rājānaṃ evamāha – ‘‘mahārāja, satthu idhāgamanaṃ amhākampi maṅgalaṃ tumhākampi maṅgalameva, sumanaṃ rājakumāriṃ pañcahi dārikāsatehi saddhiṃ puṇṇaghaṭe ca gandhamālādīni ca gāhāpetvā dasabalassa paccuggamanaṃ pesethā’’ti. Rājā ‘‘sādhu mahāseṭṭhī’’ti tathā akāsi. Sāpi raññā vuttanayeneva gantvā satthāraṃ vanditvā gandhamālādīhi pūjetvā ekamantaṃ aṭṭhāsi. Satthā tassā dhammaṃ desesi. Sā pañcahi kumārikāsatehi saddhiṃ sotāpattiphale patiṭṭhāsi. Aññānipi pañca dārikāsatāni pañca mātugāmasatāni pañca upāsakasatāni tasmiṃyeva khaṇe sotāpattiphalaṃ pāpuṇiṃsu. Evaṃ tasmiṃ divase antarāmaggeyeva dve sotāpannasahassāni jātāni.
язна бхаг̇аваа д̇знубасан̇гамийд̇и гасмаа убасан̇гамийд̇и? бан̃хам̣ бужчид̇угаамад̇ааяа. гассабасаммаасамб̣уд̣̇д̇хагаалз гира сахааяагаа д̣̇вз бхигкуу ахзсум̣. д̇зсу зго сааран̣ийяад̇хаммам̣ буурзд̇и, зго бхад̇д̇аг̇г̇авад̇д̇ам̣. сааран̣ийяад̇хаммабуураго ид̇арам̣ ааха – ‘‘аавусо, ад̣̇иннасса палам̣ наама над̇т̇и, ад̇д̇анаа лад̣̇д̇хам̣ барзсам̣ д̣̇ад̇ваа бхун̃ж̇ид̇ум̣ ваддад̇ий’’д̇и. ид̇аро бана ааха – ‘‘аавусо, д̇вам̣ на ж̇аанааси, д̣̇зяяад̇хаммам̣ наама винибаад̇зд̇ум̣ на ваддад̇и, ад̇д̇ано яаабанамад̇д̇амзва г̇ан̣ханд̇зна бхад̇д̇аг̇г̇авад̇д̇ам̣ буурзд̇ум̣ ваддад̇ий’’д̇и. д̇зсу згоби згам̣ ад̇д̇ано оваад̣̇з од̇аарзд̇ум̣ наасагки. д̣̇взби ад̇д̇ано бадибад̇д̇им̣ буурзд̇ваа д̇ад̇о жуд̇аа гаамааважарад̣̇звалогз ниб̣б̣ад̇д̇им̣су. д̇ад̇т̇а сааран̣ийяад̇хаммабуураго ид̇арам̣ бан̃жахи д̇хаммзхи ад̇хиг̇ан̣хи.
Yena bhagavā tenupasaṅkamīti kasmā upasaṅkamīti? Pañhaṃ pucchitukāmatāya. Kassapasammāsambuddhakāle kira sahāyakā dve bhikkhū ahesuṃ. Tesu eko sāraṇīyadhammaṃ pūreti, eko bhattaggavattaṃ. Sāraṇīyadhammapūrako itaraṃ āha – ‘‘āvuso, adinnassa phalaṃ nāma natthi, attanā laddhaṃ paresaṃ datvā bhuñjituṃ vaṭṭatī’’ti. Itaro pana āha – ‘‘āvuso, tvaṃ na jānāsi, deyyadhammaṃ nāma vinipātetuṃ na vaṭṭati, attano yāpanamattameva gaṇhantena bhattaggavattaṃ pūretuṃ vaṭṭatī’’ti. Tesu ekopi ekaṃ attano ovāde otāretuṃ nāsakkhi. Dvepi attano paṭipattiṃ pūretvā tato cutā kāmāvacaradevaloke nibbattiṃsu. Tattha sāraṇīyadhammapūrako itaraṃ pañcahi dhammehi adhigaṇhi.
звам̣ д̇з д̣̇звзсу жа мануссзсу жа сам̣саранд̇аа згам̣ б̣уд̣̇д̇ханд̇арам̣ кзбзд̇ваа имасмим̣ гаалз саавад̇т̇ияам̣ ниб̣б̣ад̇д̇им̣су. сааран̣ийяад̇хаммабуураго госаларан̃н̃о аг̇г̇амахзсияаа гужчисмим̣ бадисанд̇хим̣ г̇ан̣хи , ид̇аро д̇ассааязва убадтаагаид̇т̇ияаа гужчисмим̣ бадисанд̇хим̣ г̇ан̣хи. д̇з д̣̇взби ж̇анаа згад̣̇ивасзнзва ж̇ааяим̣су. д̇з наамаг̇г̇ахан̣ад̣̇ивасз нхаабзд̇ваа сириг̇аб̣бхз нибаж̇ж̇аабзд̇ваа д̣̇виннамби маад̇аро б̣ахи саггаарам̣ сам̣вид̣̇ахим̣су. д̇зсу сааран̣ийяад̇хаммабуураго агкийни уммийлзд̇ваа маханд̇ам̣ сзд̇ажчад̇д̇ам̣ субан̃н̃ад̇д̇ам̣ сирисаяанам̣ алан̇гад̇абадияад̇д̇ан̃жа нивзсанам̣ д̣̇исваа ‘‘згасмим̣ рааж̇агулз ниб̣б̣ад̇д̇осмий’’д̇и ан̃н̃ааси. со ‘‘гим̣ ну ко гаммам̣ гад̇ваа ид̇ха ниб̣б̣ад̇д̇осмий’’д̇и ааваж̇ж̇знд̇о ‘‘сааран̣ийяад̇хамманиссанд̣̇знаа’’д̇и н̃ад̇ваа ‘‘сахааяо мз гухим̣ ну ко ниб̣б̣ад̇д̇о’’д̇и ааваж̇ж̇знд̇о нийжасаяанз нибаннам̣ д̣̇исваа ‘‘аяам̣ бхад̇д̇аг̇г̇авад̇д̇ам̣ буурзмийд̇и мама важанам̣ на г̇ан̣хи, имасмим̣ ид̣̇аани д̇ам̣ таанз ниг̇г̇ан̣хид̇ум̣ ваддад̇ий’’д̇и ‘‘самма мама важанам̣ наагаасий’’д̇и ааха. ат̇а гим̣ ж̇аад̇анд̇и. басса маяхам̣ самбад̇д̇им̣, сзд̇ажчад̇д̇асса хздтаа сирисаяанз нибанносми, д̇вам̣ нийжаман̃жз т̇ад̣̇д̇хаад̇т̇аран̣амад̇д̇з нибанносийд̇и. гим̣ бана д̇вам̣ зд̇ам̣ ниссааяа маанам̣ гароси, нану взл̣усалаагаахи гад̇ваа билод̇игааяа баливзтид̇ам̣ саб̣б̣амзд̇ам̣ бат̇авийд̇хаад̇умад̇д̇амзваад̇и?
Evaṃ te devesu ca manussesu ca saṃsarantā ekaṃ buddhantaraṃ khepetvā imasmiṃ kāle sāvatthiyaṃ nibbattiṃsu. Sāraṇīyadhammapūrako kosalarañño aggamahesiyā kucchismiṃ paṭisandhiṃ gaṇhi , itaro tassāyeva upaṭṭhākaitthiyā kucchismiṃ paṭisandhiṃ gaṇhi. Te dvepi janā ekadivaseneva jāyiṃsu. Te nāmaggahaṇadivase nhāpetvā sirigabbhe nipajjāpetvā dvinnampi mātaro bahi sakkāraṃ saṃvidahiṃsu. Tesu sāraṇīyadhammapūrako akkhīni ummīletvā mahantaṃ setacchattaṃ supaññattaṃ sirisayanaṃ alaṅkatapaṭiyattañca nivesanaṃ disvā ‘‘ekasmiṃ rājakule nibbattosmī’’ti aññāsi. So ‘‘kiṃ nu kho kammaṃ katvā idha nibbattosmī’’ti āvajjento ‘‘sāraṇīyadhammanissandenā’’ti ñatvā ‘‘sahāyo me kuhiṃ nu kho nibbatto’’ti āvajjento nīcasayane nipannaṃ disvā ‘‘ayaṃ bhattaggavattaṃ pūremīti mama vacanaṃ na gaṇhi, imasmiṃ idāni taṃ ṭhāne niggaṇhituṃ vaṭṭatī’’ti ‘‘samma mama vacanaṃ nākāsī’’ti āha. Atha kiṃ jātanti. Passa mayhaṃ sampattiṃ, setacchattassa heṭṭhā sirisayane nipannosmi, tvaṃ nīcamañce thaddhaattharaṇamatte nipannosīti. Kiṃ pana tvaṃ etaṃ nissāya mānaṃ karosi, nanu veḷusalākāhi katvā pilotikāya paliveṭhitaṃ sabbametaṃ pathavīdhātumattamevāti?
суманаа д̇зсам̣ гат̇ам̣ суд̇ваа ‘‘мама бхаад̇игаанам̣ санд̇игз гожи над̇т̇ий’’д̇и д̇зсам̣ самийбам̣ г̇ажчанд̇ий д̣̇ваарам̣ ниссааяа тид̇аа ‘‘д̇хаад̇уу’’д̇и важанам̣ суд̇ваа ‘‘ид̣̇ам̣ д̇хаад̇ууд̇и важанам̣ б̣ахид̣̇д̇хаа над̇т̇и. мама бхаад̇игаа саман̣ад̣̇звабуд̇д̇аа бхависсанд̇ий’’д̇и жинд̇зд̇ваа – ‘‘сажаахам̣ ‘имз звам̣ гат̇знд̇ий’д̇и маад̇аабид̇уунам̣ гат̇зссаами, ‘амануссаа зд̇з’д̇и нийхараабзссанд̇и. ид̣̇ам̣ гааран̣ам̣ ан̃н̃асса агат̇зд̇ваа ган̇кажчзд̣̇агам̣ бурисахзран̃н̃игам̣ мама бид̇арам̣ махааг̇од̇амад̣̇асаб̣алам̣язва бужчиссаамий’’д̇и бхуд̇д̇абаад̇араасаа рааж̇аанам̣ убасан̇гамид̇ваа ‘‘д̣̇асаб̣аласса убадтаанам̣ г̇амиссаамий’’д̇и ааха. рааж̇аа бан̃жа рат̇асад̇аани яож̇аабзси. ж̇амб̣уд̣̇ийбад̇аласмин̃хи д̇иссова гумаарияо бид̇уунам̣ санд̇игаа бан̃жа рат̇асад̇аани лабхим̣су – б̣имб̣исаараран̃н̃о д̇хийд̇аа жунд̣̇ий рааж̇аган̃н̃аа, д̇ханан̃жаяасса сздтисса д̇хийд̇аа висаакаа, аяам̣ суманаа рааж̇аган̃н̃аад̇и. саа г̇анд̇хамаалам̣ аад̣̇ааяа рат̇з тид̇аа бан̃жарат̇асад̇абариваараа ‘‘имам̣ бан̃хам̣ бужчиссаамий’’д̇и язна бхаг̇аваа д̇знубасан̇гами.
Sumanā tesaṃ kathaṃ sutvā ‘‘mama bhātikānaṃ santike koci natthī’’ti tesaṃ samīpaṃ gacchantī dvāraṃ nissāya ṭhitā ‘‘dhātū’’ti vacanaṃ sutvā ‘‘idaṃ dhātūti vacanaṃ bahiddhā natthi. Mama bhātikā samaṇadevaputtā bhavissantī’’ti cintetvā – ‘‘sacāhaṃ ‘ime evaṃ kathentī’ti mātāpitūnaṃ kathessāmi, ‘amanussā ete’ti nīharāpessanti. Idaṃ kāraṇaṃ aññassa akathetvā kaṅkhacchedakaṃ purisaheraññikaṃ mama pitaraṃ mahāgotamadasabalaṃyeva pucchissāmī’’ti bhuttapātarāsā rājānaṃ upasaṅkamitvā ‘‘dasabalassa upaṭṭhānaṃ gamissāmī’’ti āha. Rājā pañca rathasatāni yojāpesi. Jambudīpatalasmiñhi tissova kumāriyo pitūnaṃ santikā pañca rathasatāni labhiṃsu – bimbisārarañño dhītā cundī rājakaññā, dhanañcayassa seṭṭhissa dhītā visākhā, ayaṃ sumanā rājakaññāti. Sā gandhamālaṃ ādāya rathe ṭhitā pañcarathasataparivārā ‘‘imaṃ pañhaṃ pucchissāmī’’ti yena bhagavā tenupasaṅkami.
ид̇хассууд̇и ид̇ха бхавзяяум̣. зго д̣̇ааяагод̇и зго ад̇д̇анаа лад̣̇д̇халаабхад̇о барасса д̣̇ад̇ваа барибхун̃ж̇анаго сааран̣ийяад̇хаммабуураго. зго ад̣̇ааяагод̇и зго ад̇д̇анаа лад̣̇д̇хам̣ барасса ад̣̇ад̇ваа барибхун̃ж̇анаго бхад̇д̇аг̇г̇авад̇д̇абуураго. д̣̇звабхууд̇аанам̣ бана нзсанд̇и д̣̇звабхууд̇аанам̣ зд̇зсам̣. ад̇хиг̇ан̣хаад̇ийд̇и ад̇хибхавид̇ваа г̇ан̣хаад̇и аж̇жход̇т̇арад̇и ад̇исзд̇и. аад̇хибад̇зяязнаад̇и ж̇здтагагааран̣зна. имзхи бан̃жахи таанзхийд̇и сзсад̣̇звз сагго д̣̇зварааж̇аа вияа имзхи бан̃жахи гааран̣зхи ад̇хиг̇ан̣хаад̇и. маанусагзнаад̇иаад̣̇ийсу ааяунаа махаагассабад̇т̇зро вияа б̣аагулад̇т̇зро вияа аананд̣̇ад̇т̇зро вияа жа, ван̣н̣зна махааг̇ад̇имб̣аабхаяад̇т̇зро вияа бхан̣д̣ааг̇аараамажжо вияа жа, сукзна радтабаалагулабуд̇д̇о вияа сон̣асздтибуд̇д̇о вияа яасад̣̇аараго вияа жа, яасзна д̇хаммаасого вияа, д̇ат̇аа аад̇хибажжзнаад̇и имзхи бан̃жахи гааран̣зхи ад̇ирзго ж̇здтаго ход̇и.
Idhassūti idha bhaveyyuṃ. Eko dāyakoti eko attanā laddhalābhato parassa datvā paribhuñjanako sāraṇīyadhammapūrako. Eko adāyakoti eko attanā laddhaṃ parassa adatvā paribhuñjanako bhattaggavattapūrako. Devabhūtānaṃ pana nesanti devabhūtānaṃ etesaṃ. Adhigaṇhātīti adhibhavitvā gaṇhāti ajjhottharati atiseti. Ādhipateyyenāti jeṭṭhakakāraṇena. Imehi pañcahi ṭhānehīti sesadeve sakko devarājā viya imehi pañcahi kāraṇehi adhigaṇhāti. Mānusakenātiādīsu āyunā mahākassapatthero viya bākulatthero viya ānandatthero viya ca, vaṇṇena mahāgatimbaabhayatthero viya bhaṇḍāgāraamacco viya ca, sukhena raṭṭhapālakulaputto viya soṇaseṭṭhiputto viya yasadārako viya ca, yasena dhammāsoko viya, tathā ādhipaccenāti imehi pañcahi kāraṇehi atireko jeṭṭhako hoti.
яаажид̇ова б̣ахуланд̇и б̣аагулад̇т̇зра-сийвалид̇т̇зра-аананд̣̇ад̇т̇зраад̣̇аяо вияа яаажид̇ова б̣ахулам̣ жийвараад̣̇ийни барибхун̃ж̇ад̇ийд̇и имзхи гааран̣зхи ад̇ирзго ход̇и ж̇здтаго. яад̣̇ид̣̇ам̣ вимуд̇д̇ияаа вимуд̇д̇инд̇и яам̣ згасса вимуд̇д̇ияаа сад̣̇д̇хим̣ ид̇арасса вимуд̇д̇им̣ аараб̣бха наанаагаран̣ам̣ вад̇д̇аб̣б̣ам̣ бхавзяяа, д̇ам̣ на вад̣̇аамийд̇и ад̇т̇о. сад̇д̇авассигад̣̇аараго ваа хи вимуд̇д̇им̣ бадивиж̇жхад̇у вассасад̇игад̇т̇зро ваа бхигку ваа бхигкуний ваа убаасаго ваа убаасигаа ваа д̣̇зво ваа мааро ваа б̣рахмаа ваа, бадивид̣̇д̇халогуд̇д̇арамаг̇г̇з наанад̇д̇ам̣ наама над̇т̇и. аламзваад̇и яуд̇д̇амзва. яад̇ра хи наамаад̇и яаани наама.
Yācitova bahulanti bākulatthera-sīvalitthera-ānandattherādayo viya yācitova bahulaṃ cīvarādīni paribhuñjatīti imehi kāraṇehi atireko hoti jeṭṭhako. Yadidaṃ vimuttiyā vimuttinti yaṃ ekassa vimuttiyā saddhiṃ itarassa vimuttiṃ ārabbha nānākaraṇaṃ vattabbaṃ bhaveyya, taṃ na vadāmīti attho. Sattavassikadārako vā hi vimuttiṃ paṭivijjhatu vassasatikatthero vā bhikkhu vā bhikkhunī vā upāsako vā upāsikā vā devo vā māro vā brahmā vā, paṭividdhalokuttaramagge nānattaṃ nāma natthi. Alamevāti yuttameva. Yatra hi nāmāti yāni nāma.
г̇ажчам̣ аагаасад̇хаад̇уяаад̇и аагаасзна г̇ажчанд̇о. сад̣̇д̇ход̇и рад̇анад̇д̇аяаг̇ун̣аанам̣ сад̣̇д̇хаад̇аа. т̇анаяанд̇и г̇аж̇ж̇анд̇о. виж̇ж̇умаалийд̇и маалаасад̣̇исааяа мзгхамукз жаранд̇ияаа виж̇ж̇улад̇ааяа саманнааг̇ад̇о. сад̇аггагууд̇и сад̇агуудо, ид̇о жид̇о жа удтид̇зна валаахагагуудасад̇зна саманнааг̇ад̇од̇и ад̇т̇о. д̣̇ассанасамбаннод̇и сод̇аабанно. бхог̇абариб̣яуул̣ход̇и уд̣̇агогхзна вияа д̣̇аанавасзна д̣̇ийяамаанзхи бхог̇зхи бариб̣яуул̣хо, д̣̇звалогам̣ самбаабид̇од̇и ад̇т̇о. бзжжаад̇и баралогз. саг̇г̇з бамод̣̇ад̇ийд̇и яасмим̣ саг̇г̇з уббаж̇ж̇ад̇и, д̇ад̇т̇зва мод̣̇ад̇ийд̇и.
Gacchaṃ ākāsadhātuyāti ākāsena gacchanto. Saddhoti ratanattayaguṇānaṃ saddhātā. Thanayanti gajjanto. Vijjumālīti mālāsadisāya meghamukhe carantiyā vijjulatāya samannāgato. Satakkakūti satakūṭo, ito cito ca uṭṭhitena valāhakakūṭasatena samannāgatoti attho. Dassanasampannoti sotāpanno. Bhogaparibyūḷhoti udakoghena viya dānavasena dīyamānehi bhogehi paribyūḷho, devalokaṃ sampāpitoti attho. Peccāti paraloke. Sagge pamodatīti yasmiṃ sagge uppajjati, tattheva modatīti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 1. суманасуд̇д̇ам̣ • 1. Sumanasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1. суманасуд̇д̇аван̣н̣анаа • 1. Sumanasuttavaṇṇanā
