| Library / Tipiṭaka / ติปิฎก • Tipiṭaka / องฺคุตฺตรนิกาย (ฎีกา) • Aṅguttaranikāya (ṭīkā) |
๔. สุมนวโคฺค
4. Sumanavaggo
๑. สุมนสุตฺตวณฺณนา
1. Sumanasuttavaṇṇanā
๓๑. จตุตฺถสฺส ปฐเม สตกฺกกูติ สตสิขโร, อเนกกูโฎติ อโตฺถฯ อิทํ ตสฺส มหาเมฆภาวทสฺสนํฯ โส หิ มหาวสฺสํ วสฺสติฯ เตเนวาห – ‘‘อิโต จิโต จ อุฎฺฐิเตน วลาหกกูฎสเตน สมนฺนาคโตติ อโตฺถ’’ติฯ ทสฺสนสมฺปโนฺนติ เอตฺถ ทสฺสนํ นาม โสตาปตฺติมโคฺคฯ โส หิ ปฐมํ นิพฺพานทสฺสนโต ‘‘ทสฺสน’’นฺติ วุจฺจติฯ ยทิปิ ตํ โคตฺรภุ ปฐมตรํ ปสฺสติ, ทิสฺวา ปน กตฺตพฺพกิจฺจสฺส กิเลสปฺปหานสฺส อกรณโต น ตํ ‘‘ทสฺสน’’นฺติ วุจฺจติฯ อาวชฺชนฎฺฐานิยญฺหิ ตํ ญาณํฯ มคฺคสฺส นิพฺพานารมฺมณตาสามเญฺญน เจตํ วุตฺตํ, น นิพฺพานปฺปฎิวิชฺฌเนน, ตสฺมา ธมฺมจกฺขุํ ปุนปฺปุนํ นิพฺพตฺตเนน ภาวนํ อปฺปตฺตํ ทสฺสนํ, ธมฺมจกฺขุญฺจ ปริญฺญาทิกิจฺจกรเณน จตุสจฺจธมฺมทสฺสนํ ตทภิสมโยติ นเตฺถตฺถ โคตฺรภุสฺส ทสฺสนภาวาปตฺติฯ เสสเมตฺถ สุวิเญฺญยฺยเมวฯ
31. Catutthassa paṭhame satakkakūti satasikharo, anekakūṭoti attho. Idaṃ tassa mahāmeghabhāvadassanaṃ. So hi mahāvassaṃ vassati. Tenevāha – ‘‘ito cito ca uṭṭhitena valāhakakūṭasatena samannāgatoti attho’’ti. Dassanasampannoti ettha dassanaṃ nāma sotāpattimaggo. So hi paṭhamaṃ nibbānadassanato ‘‘dassana’’nti vuccati. Yadipi taṃ gotrabhu paṭhamataraṃ passati, disvā pana kattabbakiccassa kilesappahānassa akaraṇato na taṃ ‘‘dassana’’nti vuccati. Āvajjanaṭṭhāniyañhi taṃ ñāṇaṃ. Maggassa nibbānārammaṇatāsāmaññena cetaṃ vuttaṃ, na nibbānappaṭivijjhanena, tasmā dhammacakkhuṃ punappunaṃ nibbattanena bhāvanaṃ appattaṃ dassanaṃ, dhammacakkhuñca pariññādikiccakaraṇena catusaccadhammadassanaṃ tadabhisamayoti natthettha gotrabhussa dassanabhāvāpatti. Sesamettha suviññeyyameva.
สุมนสุตฺตวณฺณนา นิฎฺฐิตาฯ
Sumanasuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๑. สุมนสุตฺตํ • 1. Sumanasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) / ๑. สุมนสุตฺตวณฺณนา • 1. Sumanasuttavaṇṇanā
