| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (ටීකා) • Aṅguttaranikāya (ṭīkā) |
4. සුමනවග්‌ගො
4. Sumanavaggo
1. සුමනසුත්‌තවණ්‌ණනා
1. Sumanasuttavaṇṇanā
31. චතුත්‌ථස්‌ස පඨමෙ සතක්‌කකූති සතසිඛරො, අනෙකකූටොති අත්‌ථො. ඉදං තස්‌ස මහාමෙඝභාවදස්‌සනං. සො හි මහාවස්‌සං වස්‌සති. තෙනෙවාහ – ‘‘ඉතො චිතො ච උට්‌ඨිතෙන වලාහකකූටසතෙන සමන්‌නාගතොති අත්‌ථො’’ති. දස්‌සනසම්‌පන්‌නොති එත්‌ථ දස්‌සනං නාම සොතාපත්‌තිමග්‌ගො. සො හි පඨමං නිබ්‌බානදස්‌සනතො ‘‘දස්‌සන’’න්‌ති වුච්‌චති. යදිපි තං ගොත්‍රභු පඨමතරං පස්‌සති, දිස්‌වා පන කත්‌තබ්‌බකිච්‌චස්‌ස කිලෙසප්‌පහානස්‌ස අකරණතො න තං ‘‘දස්‌සන’’න්‌ති වුච්‌චති. ආවජ්‌ජනට්‌ඨානියඤ්‌හි තං ඤාණං. මග්‌ගස්‌ස නිබ්‌බානාරම්‌මණතාසාමඤ්‌ඤෙන චෙතං වුත්‌තං, න නිබ්‌බානප්‌පටිවිජ්‌ඣනෙන, තස්‌මා ධම්‌මචක්‌ඛුං පුනප්‌පුනං නිබ්‌බත්‌තනෙන භාවනං අප්‌පත්‌තං දස්‌සනං, ධම්‌මචක්‌ඛුඤ්‌ච පරිඤ්‌ඤාදිකිච්‌චකරණෙන චතුසච්‌චධම්‌මදස්‌සනං තදභිසමයොති නත්‌ථෙත්‌ථ ගොත්‍රභුස්‌ස දස්‌සනභාවාපත්‌ති. සෙසමෙත්‌ථ සුවිඤ්‌ඤෙය්‍යමෙව.
31. Catutthassa paṭhame satakkakūti satasikharo, anekakūṭoti attho. Idaṃ tassa mahāmeghabhāvadassanaṃ. So hi mahāvassaṃ vassati. Tenevāha – ‘‘ito cito ca uṭṭhitena valāhakakūṭasatena samannāgatoti attho’’ti. Dassanasampannoti ettha dassanaṃ nāma sotāpattimaggo. So hi paṭhamaṃ nibbānadassanato ‘‘dassana’’nti vuccati. Yadipi taṃ gotrabhu paṭhamataraṃ passati, disvā pana kattabbakiccassa kilesappahānassa akaraṇato na taṃ ‘‘dassana’’nti vuccati. Āvajjanaṭṭhāniyañhi taṃ ñāṇaṃ. Maggassa nibbānārammaṇatāsāmaññena cetaṃ vuttaṃ, na nibbānappaṭivijjhanena, tasmā dhammacakkhuṃ punappunaṃ nibbattanena bhāvanaṃ appattaṃ dassanaṃ, dhammacakkhuñca pariññādikiccakaraṇena catusaccadhammadassanaṃ tadabhisamayoti natthettha gotrabhussa dassanabhāvāpatti. Sesamettha suviññeyyameva.
සුමනසුත්‌තවණ්‌ණනා නිට්‌ඨිතා.
Sumanasuttavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 1. සුමනසුත්‌තං • 1. Sumanasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 1. සුමනසුත්‌තවණ්‌ණනා • 1. Sumanasuttavaṇṇanā
