| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๙. สุมนเตฺถรอปทานํ
9. Sumanattheraapadānaṃ
๖๒.
62.
‘‘สุมโน นาม นาเมน, มาลากาโร อหํ ตทา;
‘‘Sumano nāma nāmena, mālākāro ahaṃ tadā;
อทฺทสํ วิรชํ พุทฺธํ, โลกาหุติปฎิคฺคหํฯ
Addasaṃ virajaṃ buddhaṃ, lokāhutipaṭiggahaṃ.
๖๓.
63.
‘‘อุโภ หเตฺถหิ ปคฺคยฺห, สุมนํ ปุปฺผมุตฺตมํ;
‘‘Ubho hatthehi paggayha, sumanaṃ pupphamuttamaṃ;
พุทฺธสฺส อภิโรเปสิํ, สิขิโน โลกพนฺธุโนฯ
Buddhassa abhiropesiṃ, sikhino lokabandhuno.
๖๔.
64.
‘‘อิมาย ปุปฺผปูชาย, เจตนาปณิธีหิ จ;
‘‘Imāya pupphapūjāya, cetanāpaṇidhīhi ca;
ทุคฺคติํ นาภิชานามิ, พุทฺธปูชายิทํ ผลํฯ
Duggatiṃ nābhijānāmi, buddhapūjāyidaṃ phalaṃ.
๖๕.
65.
‘‘เอกตฺติํเส อิโต กเปฺป, ยํ ปุปฺผมภิโรปยิํ;
‘‘Ekattiṃse ito kappe, yaṃ pupphamabhiropayiṃ;
๖๖.
66.
‘‘ฉพฺพีสติมฺหิ กปฺปมฺหิ, จตฺตาโรสุํ มหายสา;
‘‘Chabbīsatimhi kappamhi, cattārosuṃ mahāyasā;
สตฺตรตนสมฺปนฺนา, ราชาโน จกฺกวตฺติโนฯ
Sattaratanasampannā, rājāno cakkavattino.
๖๗.
67.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา สุมโน เถโร อิมา คาถาโย อภาสิตฺถาติฯ
Itthaṃ sudaṃ āyasmā sumano thero imā gāthāyo abhāsitthāti.
สุมนเตฺถรสฺสาปทานํ นวมํฯ
Sumanattherassāpadānaṃ navamaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๙. สุมนเตฺถรอปทานวณฺณนา • 9. Sumanattheraapadānavaṇṇanā
