| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
9. суманад̇т̇зраабад̣̇аанаван̣н̣анаа
9. Sumanattheraapadānavaṇṇanā
сумано наама наамзнаад̇иаад̣̇игам̣ ааяасмад̇о суманад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о сикисса бхаг̇авад̇о гаалз маалаагаарасса гулаг̇зхз ниб̣б̣ад̇д̇о вуд̣̇д̇химанвааяа сад̣̇д̇хааж̇аад̇о бхаг̇авад̇и басаннамаанасо суманамаалаамудтияо г̇ахзд̇ваа убхохи хад̇т̇зхи бууж̇зси. со д̇зна бун̃н̃зна д̣̇звамануссзсу д̣̇вз самбад̇д̇ияо анубхавид̇ваа имасмим̣ б̣уд̣̇д̇хуббаад̣̇з згасмим̣ гулаг̇зхз ниб̣б̣ад̇д̇о вуд̣̇д̇химанвааяа буд̇д̇ад̣̇аарзхи вад̣дхид̇ваа сумананаамзна баагадо сад̇т̇ари басийд̣̇ид̇ваа баб̣б̣аж̇ид̇о нажирассзва арахаа ахоси.
Sumanonāma nāmenātiādikaṃ āyasmato sumanattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto sikhissa bhagavato kāle mālākārassa kulagehe nibbatto vuddhimanvāya saddhājāto bhagavati pasannamānaso sumanamālāmuṭṭhiyo gahetvā ubhohi hatthehi pūjesi. So tena puññena devamanussesu dve sampattiyo anubhavitvā imasmiṃ buddhuppāde ekasmiṃ kulagehe nibbatto vuddhimanvāya puttadārehi vaḍḍhitvā sumananāmena pākaṭo satthari pasīditvā pabbajito nacirasseva arahā ahosi.
62. со арахаа худ̇ваа ад̇д̇ано буб̣б̣агаммам̣ сарид̇ваа соманассаж̇аад̇о ад̇д̇ано буб̣б̣ажарид̇аабад̣̇аанам̣ багаасзнд̇о сумано наама наамзнаад̇иаад̣̇имааха. сунд̣̇арам̣ манам̣ жид̇д̇ам̣ яасса со сумано. сад̣̇д̇хаабасаад̣̇аб̣ахумаанзна яуд̇д̇о наамзна сумано наама маалаагааро д̇ад̣̇аа ахам̣ ахосим̣.
62. So arahā hutvā attano pubbakammaṃ saritvā somanassajāto attano pubbacaritāpadānaṃ pakāsento sumano nāma nāmenātiādimāha. Sundaraṃ manaṃ cittaṃ yassa so sumano. Saddhāpasādabahumānena yutto nāmena sumano nāma mālākāro tadā ahaṃ ahosiṃ.
63. сикино логаб̣анд̇хунод̇и сикаа муд̣̇д̇хаа гаасад̇ийд̇и сикий. ат̇а ваа самбаяуд̇д̇асамбаяог̇з каад̣̇ад̇и вид̣̇д̇хам̣сзд̇ийд̇и сикий, гаа саа? аг̇г̇исикаа, аг̇г̇исикаа вияа сикааяа д̣̇иббанад̇о сикий. яат̇аа аг̇г̇исикаа ж̇од̇ад̇и баагадаа ход̇и, сикий бад̇д̇ад̇ин̣агадтабалаасаад̣̇игз д̣̇ахад̇и, звамаяамби бхаг̇аваа нийлабийд̇аад̣̇ирам̣сийхи ж̇од̇ад̇и сагалалогасанниваасз баагадо ход̇и. сагасанд̇аанаг̇ад̇асаб̣б̣агилзсз сосзд̇и вид̣̇д̇хам̣сзд̇и жхаабзд̇ийд̇и вохааранаамам̣ наамагаммам̣ наамад̇хзяяам̣, д̇асса сикино. сагалалогасса б̣анд̇хун̃аад̇агод̇и логаб̣анд̇ху, д̇асса сикино логаб̣анд̇хуно бхаг̇авад̇о суманабубпам̣ абхиробаяим̣ бууж̇зсинд̇и ад̇т̇о.
63.Sikhino lokabandhunoti sikhā muddhā kāsatīti sikhī. Atha vā sampayuttasampayoge khādati viddhaṃsetīti sikhī, kā sā? Aggisikhā, aggisikhā viya sikhāya dippanato sikhī. Yathā aggisikhā jotati pākaṭā hoti, sikhī pattatiṇakaṭṭhapalāsādike dahati, evamayampi bhagavā nīlapītādiraṃsīhi jotati sakalalokasannivāse pākaṭo hoti. Sakasantānagatasabbakilese soseti viddhaṃseti jhāpetīti vohāranāmaṃ nāmakammaṃ nāmadheyyaṃ, tassa sikhino. Sakalalokassa bandhuñātakoti lokabandhu, tassa sikhino lokabandhuno bhagavato sumanapupphaṃ abhiropayiṃ pūjesinti attho.
суманад̇т̇зраабад̣̇аанаван̣н̣анаа самад̇д̇аа.
Sumanattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 9. суманад̇т̇зраабад̣̇аанам̣ • 9. Sumanattheraapadānaṃ
