| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੯. ਸੁਮਨਤ੍ਥੇਰਅਪਦਾਨવਣ੍ਣਨਾ
9. Sumanattheraapadānavaṇṇanā
ਸੁਮਨੋ ਨਾਮ ਨਾਮੇਨਾਤਿਆਦਿਕਂ ਆਯਸ੍ਮਤੋ ਸੁਮਨਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਸਿਖਿਸ੍ਸ ਭਗવਤੋ ਕਾਲੇ ਮਾਲਾਕਾਰਸ੍ਸ ਕੁਲਗੇਹੇ ਨਿਬ੍ਬਤ੍ਤੋ વੁਦ੍ਧਿਮਨ੍વਾਯ ਸਦ੍ਧਾਜਾਤੋ ਭਗવਤਿ ਪਸਨ੍ਨਮਾਨਸੋ ਸੁਮਨਮਾਲਾਮੁਟ੍ਠਿਯੋ ਗਹੇਤ੍વਾ ਉਭੋਹਿ ਹਤ੍ਥੇਹਿ ਪੂਜੇਸਿ। ਸੋ ਤੇਨ ਪੁਞ੍ਞੇਨ ਦੇવਮਨੁਸ੍ਸੇਸੁ ਦ੍વੇ ਸਮ੍ਪਤ੍ਤਿਯੋ ਅਨੁਭવਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਏਕਸ੍ਮਿਂ ਕੁਲਗੇਹੇ ਨਿਬ੍ਬਤ੍ਤੋ વੁਦ੍ਧਿਮਨ੍વਾਯ ਪੁਤ੍ਤਦਾਰੇਹਿ વਡ੍ਢਿਤ੍વਾ ਸੁਮਨਨਾਮੇਨ ਪਾਕਟੋ ਸਤ੍ਥਰਿ ਪਸੀਦਿਤ੍વਾ ਪਬ੍ਬਜਿਤੋ ਨਚਿਰਸ੍ਸੇવ ਅਰਹਾ ਅਹੋਸਿ।
Sumanonāma nāmenātiādikaṃ āyasmato sumanattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto sikhissa bhagavato kāle mālākārassa kulagehe nibbatto vuddhimanvāya saddhājāto bhagavati pasannamānaso sumanamālāmuṭṭhiyo gahetvā ubhohi hatthehi pūjesi. So tena puññena devamanussesu dve sampattiyo anubhavitvā imasmiṃ buddhuppāde ekasmiṃ kulagehe nibbatto vuddhimanvāya puttadārehi vaḍḍhitvā sumananāmena pākaṭo satthari pasīditvā pabbajito nacirasseva arahā ahosi.
੬੨. ਸੋ ਅਰਹਾ ਹੁਤ੍વਾ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਅਤ੍ਤਨੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਸੁਮਨੋ ਨਾਮ ਨਾਮੇਨਾਤਿਆਦਿਮਾਹ। ਸੁਨ੍ਦਰਂ ਮਨਂ ਚਿਤ੍ਤਂ ਯਸ੍ਸ ਸੋ ਸੁਮਨੋ। ਸਦ੍ਧਾਪਸਾਦਬਹੁਮਾਨੇਨ ਯੁਤ੍ਤੋ ਨਾਮੇਨ ਸੁਮਨੋ ਨਾਮ ਮਾਲਾਕਾਰੋ ਤਦਾ ਅਹਂ ਅਹੋਸਿਂ।
62. So arahā hutvā attano pubbakammaṃ saritvā somanassajāto attano pubbacaritāpadānaṃ pakāsento sumano nāma nāmenātiādimāha. Sundaraṃ manaṃ cittaṃ yassa so sumano. Saddhāpasādabahumānena yutto nāmena sumano nāma mālākāro tadā ahaṃ ahosiṃ.
੬੩. ਸਿਖਿਨੋ ਲੋਕਬਨ੍ਧੁਨੋਤਿ ਸਿਖਾ ਮੁਦ੍ਧਾ ਕਾਸਤੀਤਿ ਸਿਖੀ। ਅਥ વਾ ਸਮ੍ਪਯੁਤ੍ਤਸਮ੍ਪਯੋਗੇ ਖਾਦਤਿ વਿਦ੍ਧਂਸੇਤੀਤਿ ਸਿਖੀ, ਕਾ ਸਾ? ਅਗ੍ਗਿਸਿਖਾ, ਅਗ੍ਗਿਸਿਖਾ વਿਯ ਸਿਖਾਯ ਦਿਪ੍ਪਨਤੋ ਸਿਖੀ। ਯਥਾ ਅਗ੍ਗਿਸਿਖਾ ਜੋਤਤਿ ਪਾਕਟਾ ਹੋਤਿ, ਸਿਖੀ ਪਤ੍ਤਤਿਣਕਟ੍ਠਪਲਾਸਾਦਿਕੇ ਦਹਤਿ, ਏવਮਯਮ੍ਪਿ ਭਗવਾ ਨੀਲਪੀਤਾਦਿਰਂਸੀਹਿ ਜੋਤਤਿ ਸਕਲਲੋਕਸਨ੍ਨਿવਾਸੇ ਪਾਕਟੋ ਹੋਤਿ। ਸਕਸਨ੍ਤਾਨਗਤਸਬ੍ਬਕਿਲੇਸੇ ਸੋਸੇਤਿ વਿਦ੍ਧਂਸੇਤਿ ਝਾਪੇਤੀਤਿ વੋਹਾਰਨਾਮਂ ਨਾਮਕਮ੍ਮਂ ਨਾਮਧੇਯ੍ਯਂ, ਤਸ੍ਸ ਸਿਖਿਨੋ। ਸਕਲਲੋਕਸ੍ਸ ਬਨ੍ਧੁਞਾਤਕੋਤਿ ਲੋਕਬਨ੍ਧੁ, ਤਸ੍ਸ ਸਿਖਿਨੋ ਲੋਕਬਨ੍ਧੁਨੋ ਭਗવਤੋ ਸੁਮਨਪੁਪ੍ਫਂ ਅਭਿਰੋਪਯਿਂ ਪੂਜੇਸਿਨ੍ਤਿ ਅਤ੍ਥੋ।
63.Sikhino lokabandhunoti sikhā muddhā kāsatīti sikhī. Atha vā sampayuttasampayoge khādati viddhaṃsetīti sikhī, kā sā? Aggisikhā, aggisikhā viya sikhāya dippanato sikhī. Yathā aggisikhā jotati pākaṭā hoti, sikhī pattatiṇakaṭṭhapalāsādike dahati, evamayampi bhagavā nīlapītādiraṃsīhi jotati sakalalokasannivāse pākaṭo hoti. Sakasantānagatasabbakilese soseti viddhaṃseti jhāpetīti vohāranāmaṃ nāmakammaṃ nāmadheyyaṃ, tassa sikhino. Sakalalokassa bandhuñātakoti lokabandhu, tassa sikhino lokabandhuno bhagavato sumanapupphaṃ abhiropayiṃ pūjesinti attho.
ਸੁਮਨਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Sumanattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੯. ਸੁਮਨਤ੍ਥੇਰਅਪਦਾਨਂ • 9. Sumanattheraapadānaṃ
