| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
4. суманад̇т̇зраг̇аат̇ааван̣н̣анаа
4. Sumanattheragāthāvaṇṇanā
яам̣ бад̇т̇аяаанод̇иаад̣̇игаа ааяасмад̇о суманад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз бун̃н̃аани убажинанд̇о ид̇о бан̃жанавуд̇з габбз б̣уд̣̇д̇хасун̃н̃з логз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇д̇о згам̣ бажжзгаб̣уд̣̇д̇хам̣ б̣яаад̇хид̇ам̣ д̣̇исваа харийд̇агам̣ ад̣̇ааси . со д̇зна бун̃н̃агаммзна д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з госаларадтз г̇ахабад̇игулз ниб̣б̣ад̇д̇ид̇ваа суманод̇и лад̣̇д̇ханаамо сукзна вад̣дхи. д̇асса бана маад̇уло баб̣б̣аж̇ид̇ваа арахаа худ̇ваа аран̃н̃з вихаранд̇о суманз ваяаббад̇д̇з д̇ам̣ баб̣б̣ааж̇зд̇ваа жарид̇аанугуулам̣ гаммадтаанам̣ ад̣̇ааси. со д̇ад̇т̇а яог̇агаммам̣ гаронд̇о жад̇д̇аари жхаанаани бан̃жа жа абхин̃н̃ааяо ниб̣б̣ад̇д̇зси. ат̇асса т̇зро вибассанаавид̇хим̣ аажигки. со жа нажирзнзва вибассанам̣ вад̣дхзд̇ваа арахад̇д̇з бад̇идтааси. д̇зна вуд̇д̇ам̣ абад̣̇аанз (аба. т̇зра 2.44.60-71) –
Yaṃ patthayānotiādikā āyasmato sumanattherassa gāthā. Kā uppatti? Ayampi purimabuddhesu katādhikāro tattha tattha bhave puññāni upacinanto ito pañcanavute kappe buddhasuññe loke kulagehe nibbattitvā viññutaṃ patto ekaṃ paccekabuddhaṃ byādhitaṃ disvā harītakaṃ adāsi . So tena puññakammena devamanussesu saṃsaranto imasmiṃ buddhuppāde kosalaraṭṭhe gahapatikule nibbattitvā sumanoti laddhanāmo sukhena vaḍḍhi. Tassa pana mātulo pabbajitvā arahā hutvā araññe viharanto sumane vayappatte taṃ pabbājetvā caritānukūlaṃ kammaṭṭhānaṃ adāsi. So tattha yogakammaṃ karonto cattāri jhānāni pañca ca abhiññāyo nibbattesi. Athassa thero vipassanāvidhiṃ ācikkhi. So ca nacireneva vipassanaṃ vaḍḍhetvā arahatte patiṭṭhāsi. Tena vuttaṃ apadāne (apa. thera 2.44.60-71) –
‘‘харийд̇агам̣ аамалагам̣, амб̣аж̇амб̣увибхийд̇агам̣;
‘‘Harītakaṃ āmalakaṃ, ambajambuvibhītakaṃ;
голам̣ бхаллаад̇агам̣ б̣иллам̣, саяамзва хараамахам̣.
Kolaṃ bhallātakaṃ billaṃ, sayameva harāmahaṃ.
‘‘д̣̇исваана баб̣бхаараг̇ад̇ам̣, жхааяим̣ жхаанарад̇ам̣ муним̣;
‘‘Disvāna pabbhāragataṃ, jhāyiṃ jhānarataṃ muniṃ;
ааб̣аад̇хзна аабийл̣знд̇ам̣, ад̣̇уд̇ийяам̣ махаамуним̣.
Ābādhena āpīḷentaṃ, adutīyaṃ mahāmuniṃ.
‘‘харийд̇агам̣ г̇ахзд̇ваана, саяамбхусса ад̣̇аасахам̣;
‘‘Harītakaṃ gahetvāna, sayambhussa adāsahaṃ;
каад̣̇амад̇д̇амхи бхзсаж̇ж̇з, б̣яаад̇хи бассамбхи д̇аавад̣̇з.
Khādamattamhi bhesajje, byādhi passambhi tāvade.
‘‘бахийнад̣̇арат̇о б̣уд̣̇д̇хо, анумод̣̇амагааси мз;
‘‘Pahīnadaratho buddho, anumodamakāsi me;
бхзсаж̇ж̇ад̣̇аанзниминаа, б̣яаад̇хивуубасамзна жа.
Bhesajjadāneniminā, byādhivūpasamena ca.
‘‘д̣̇звабхууд̇о мануссо ваа, ж̇аад̇о ваа ан̃н̃аж̇аад̇ияаа;
‘‘Devabhūto manusso vā, jāto vā aññajātiyā;
саб̣б̣ад̇т̇а сукид̇о ход̇у, маа жа д̇з б̣яаад̇химааг̇амаа.
Sabbattha sukhito hotu, mā ca te byādhimāgamā.
‘‘ид̣̇ам̣ вад̇ваана самб̣уд̣̇д̇хо, саяамбхуу абарааж̇ид̇о;
‘‘Idaṃ vatvāna sambuddho, sayambhū aparājito;
набхам̣ аб̣бхуг̇г̇амий д̇хийро, хам̣сарааж̇аава амб̣арз.
Nabhaṃ abbhuggamī dhīro, haṃsarājāva ambare.
‘‘яад̇о харийд̇агам̣ д̣̇иннам̣, саяамбхусса махзсино;
‘‘Yato harītakaṃ dinnaṃ, sayambhussa mahesino;
имам̣ ж̇аад̇им̣ убаад̣̇ааяа, б̣яаад̇хи мз нубабаж̇ж̇ат̇а.
Imaṃ jātiṃ upādāya, byādhi me nupapajjatha.
‘‘аяам̣ бажчимаго маяхам̣, жаримо вад̇д̇ад̇з бхаво;
‘‘Ayaṃ pacchimako mayhaṃ, carimo vattate bhavo;
д̇иссо виж̇ж̇аа сажчигад̇аа, гад̇ам̣ б̣уд̣̇д̇хасса саасанам̣.
Tisso vijjā sacchikatā, kataṃ buddhassa sāsanaṃ.
‘‘жад̇уннавуд̇ид̇о габбз, бхзсаж̇ж̇амад̣̇ад̣̇им̣ д̇ад̣̇аа;
‘‘Catunnavutito kappe, bhesajjamadadiṃ tadā;
д̣̇уг̇г̇ад̇им̣ наабхиж̇аанаами, бхзсаж̇ж̇асса ид̣̇ам̣ палам̣.
Duggatiṃ nābhijānāmi, bhesajjassa idaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇з бана бад̇идтид̇о згад̣̇ивасам̣ маад̇улад̇т̇зрасса убадтаанам̣ аг̇амааси. д̇ам̣ т̇зро ад̇хиг̇амам̣ бужчи, д̇ам̣ б̣яаагаронд̇о –
Arahatte pana patiṭṭhito ekadivasaṃ mātulattherassa upaṭṭhānaṃ agamāsi. Taṃ thero adhigamaṃ pucchi, taṃ byākaronto –
330.
330.
‘‘яам̣ бад̇т̇аяаано д̇хаммзсу, убаж̇жхааяо ануг̇г̇ахи;
‘‘Yaṃ patthayāno dhammesu, upajjhāyo anuggahi;
амад̇ам̣ абхиган̇канд̇ам̣, гад̇ам̣ гад̇д̇аб̣б̣агам̣ маяаа.
Amataṃ abhikaṅkhantaṃ, kataṃ kattabbakaṃ mayā.
331.
331.
‘‘ануббад̇д̇о сажчигад̇о, саяам̣ д̇хаммо анийд̇ихо;
‘‘Anuppatto sacchikato, sayaṃ dhammo anītiho;
висуд̣̇д̇хан̃аан̣о нигган̇ко, б̣яаагароми д̇аванд̇игз.
Visuddhañāṇo nikkaṅkho, byākaromi tavantike.
332.
332.
‘‘буб̣б̣зниваасам̣ ж̇аанаами, д̣̇иб̣б̣ажагку висод̇хид̇ам̣;
‘‘Pubbenivāsaṃ jānāmi, dibbacakkhu visodhitaṃ;
сад̣̇ад̇т̇о мз ануббад̇д̇о, гад̇ам̣ б̣уд̣̇д̇хасса саасанам̣.
Sadattho me anuppatto, kataṃ buddhassa sāsanaṃ.
333.
333.
‘‘аббамад̇д̇асса мз сигкаа, суссуд̇аа д̇ава саасанз;
‘‘Appamattassa me sikkhā, sussutā tava sāsane;
саб̣б̣з мз аасаваа кийн̣аа, над̇т̇и д̣̇аани бунаб̣бхаво.
Sabbe me āsavā khīṇā, natthi dāni punabbhavo.
334.
334.
‘‘анусааси мам̣ арияавад̇аа, анугамби ануг̇г̇ахи;
‘‘Anusāsi maṃ ariyavatā, anukampi anuggahi;
амогхо д̇уяхамоваад̣̇о, анд̇зваасимхи сигкид̇о’’д̇и. –
Amogho tuyhamovādo, antevāsimhi sikkhito’’ti. –
имаахи бан̃жахи г̇аат̇аахи сийханаад̣̇ам̣ над̣̇анд̇о ан̃н̃ам̣ б̣яаагааси.
Imāhi pañcahi gāthāhi sīhanādaṃ nadanto aññaṃ byākāsi.
д̇ад̇т̇а яам̣ бад̇т̇аяаано д̇хаммзсу, убаж̇жхааяо ануг̇г̇ахи. амад̇ам̣ абхиган̇канд̇анд̇и самат̇авибассанаад̣̇ийсу анаваж̇ж̇ад̇хаммзсу яам̣ д̇хаммам̣ маяхам̣ бад̇т̇аяанд̇о ааган̇канд̇о убаж̇жхааяо амад̇ам̣ ниб̣б̣аанам̣ абхиган̇канд̇ам̣ мам̣ оваад̣̇ад̣̇аанавасзна ануг̇г̇ан̣хи. гад̇ам̣ гад̇д̇аб̣б̣агам̣ маяаад̇и д̇асса ад̇хиг̇амад̇т̇ам̣ гад̇д̇аб̣б̣ам̣ барин̃н̃аад̣̇исол̣асавид̇хам̣ гижжам̣ гад̇ам̣ нидтаабид̇ам̣ маяаа.
Tattha yaṃ patthayāno dhammesu, upajjhāyo anuggahi. Amataṃ abhikaṅkhantanti samathavipassanādīsu anavajjadhammesu yaṃ dhammaṃ mayhaṃ patthayanto ākaṅkhanto upajjhāyo amataṃ nibbānaṃ abhikaṅkhantaṃ maṃ ovādadānavasena anuggaṇhi. Kataṃ kattabbakaṃ mayāti tassa adhigamatthaṃ kattabbaṃ pariññādisoḷasavidhaṃ kiccaṃ kataṃ niṭṭhāpitaṃ mayā.
д̇ад̇о зва ануббад̇д̇о ад̇хиг̇ад̇о жад̇уб̣б̣ид̇хоби маг̇г̇ад̇хаммо сажчигад̇о. саяам̣ д̇хаммо анийд̇иход̇и саяам̣ ад̇д̇анааязва ниб̣б̣аанад̇хаммо палад̇хаммо жа анийд̇ихо асанд̣̇ид̣̇д̇хо ад̇д̇абажжагко гад̇о, ‘‘ид̇иха, ид̇и гираа’’д̇и бавад̇д̇ияаа ид̇ихасан̇каад̇ам̣ сам̣саяам̣ самужчинд̣̇анд̇оязва арияамаг̇г̇о бавад̇д̇ад̇и. д̇знааха ‘‘висуд̣̇д̇хан̃аан̣о нигган̇ко’’д̇иаад̣̇и. д̇ад̇т̇а висуд̣̇д̇хан̃аан̣од̇и саб̣б̣асам̣гилзсависуд̣̇д̇хияаа висуд̣̇д̇хан̃аан̣о. д̇аванд̇игзд̇и д̇ава самийбз.
Tato eva anuppatto adhigato catubbidhopi maggadhammo sacchikato. Sayaṃ dhammo anītihoti sayaṃ attanāyeva nibbānadhammo phaladhammo ca anītiho asandiddho attapaccakkho kato, ‘‘itiha, iti kirā’’ti pavattiyā itihasaṅkhātaṃ saṃsayaṃ samucchindantoyeva ariyamaggo pavattati. Tenāha ‘‘visuddhañāṇo nikkaṅkho’’tiādi. Tattha visuddhañāṇoti sabbasaṃkilesavisuddhiyā visuddhañāṇo. Tavantiketi tava samīpe.
сад̣̇ад̇т̇од̇и арахад̇д̇ам̣. сигкаад̇и ад̇хисийласигкаад̣̇аяо. суссуд̇аад̇и барияад̇д̇иб̣аахусажжасса бадивзд̇хаб̣аахусажжасса жа баарибууривасзна судту суд̇аа. д̇ава саасанзд̇и д̇ава оваад̣̇з анусидтияам̣ тид̇асса.
Sadatthoti arahattaṃ. Sikkhāti adhisīlasikkhādayo. Sussutāti pariyattibāhusaccassa paṭivedhabāhusaccassa ca pāripūrivasena suṭṭhu sutā. Tava sāsaneti tava ovāde anusiṭṭhiyaṃ ṭhitassa.
арияавад̇аад̇и сувисуд̣̇д̇хасийлаад̣̇ивад̇асамаад̣̇аанзна. анд̇зваасимхи сигкид̇од̇и д̇уяхам̣ самийбз жин̣н̣аб̣рахмажарияаваасад̇ааяа анд̇зваасий сигкид̇аваа сигкид̇аад̇хисийлаад̣̇исигко амхийд̇и.
Ariyavatāti suvisuddhasīlādivatasamādānena. Antevāsimhi sikkhitoti tuyhaṃ samīpe ciṇṇabrahmacariyavāsatāya antevāsī sikkhitavā sikkhitaadhisīlādisikkho amhīti.
суманад̇т̇зраг̇аат̇ааван̣н̣анаа нидтид̇аа.
Sumanattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 4. суманад̇т̇зраг̇аат̇аа • 4. Sumanattheragāthā
