| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
10. суманад̇т̇зраг̇аат̇ааван̣н̣анаа
10. Sumanattheragāthāvaṇṇanā
яад̣̇аа наво баб̣б̣аж̇ид̇од̇иаад̣̇игаа ааяасмад̇о суманад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз бун̃н̃аани убажинанд̇о сикисса бхаг̇авад̇о гаалз маалаагаарагулз ниб̣б̣ад̇д̇ид̇ваа вин̃н̃уд̇ам̣ бад̇д̇о згад̣̇ивасам̣ сиким̣ бхаг̇аванд̇ам̣ бассид̇ваа басаннамаанасо суманабубпзхи бууж̇ам̣ агааси. со д̇зна бун̃н̃агаммзна д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з ан̃н̃ад̇арасса убаасагасса г̇зхз бадисанд̇хим̣ г̇ан̣хи. со жа убаасаго ааяасмад̇о ануруд̣̇д̇хад̇т̇зрасса убадтааго ахоси. д̇асса жа д̇ад̇о буб̣б̣з ж̇аад̇ааж̇аад̇аа д̣̇аарагаа марим̣су. д̇зна со ‘‘сажаахам̣ ид̣̇аани згам̣ буд̇д̇ам̣ лабхиссаами, аяяасса ануруд̣̇д̇хад̇т̇зрасса санд̇игз баб̣б̣ааж̇зссаамий’’д̇и жид̇д̇ам̣ уббаад̣̇зси. со жа д̣̇асамаасажжаязна ж̇аад̇о арог̇оязва худ̇ваа ануггамзна вад̣дхзнд̇о сад̇д̇авассиго ахоси, д̇ам̣ бид̇аа т̇зрасса санд̇игз баб̣б̣ааж̇зси. со баб̣б̣аж̇ид̇ваа д̇ад̇о барибагган̃аан̣ад̇д̇аа вибассанааяа гаммам̣ гаронд̇о нажирассзва чал̣абхин̃н̃о худ̇ваа т̇зрам̣ убадтаханд̇о ‘‘баанийяам̣ аахариссаамий’’д̇и гхадам̣ аад̣̇ааяа ид̣̇д̇хияаа анод̇ад̇д̇ад̣̇ахам̣ аг̇амааси. ат̇зго мижчаад̣̇идтиго нааг̇арааж̇аа анод̇ад̇д̇ад̣̇ахам̣ бадижчаад̣̇знд̇о сад̇д̇агкад̇д̇ум̣ бхог̇зна баригкибид̇ваа убари маханд̇ам̣ пан̣ам̣ гад̇ваа суманасса баанийяам̣ г̇ахзд̇ум̣ огаасам̣ на д̣̇зд̇и. сумано г̇арул̣аруубам̣ г̇ахзд̇ваа д̇ам̣ нааг̇арааж̇ам̣ абхибхавид̇ваа баанийяам̣ г̇ахзд̇ваа т̇зрасса васанадтаанам̣ уд̣̇д̣̇исса аагаасзна г̇ажчад̇и. д̇ам̣ сад̇т̇аа ж̇зд̇аванз нисинно д̇ат̇аа г̇ажчанд̇ам̣ д̣̇исваа д̇хаммасзнаабад̇им̣ ааманд̇зд̇ваа, ‘‘саарибуд̇д̇а, имам̣ бассаа’’д̇иаад̣̇инаа жад̇уухи г̇аат̇аахи д̇асса г̇ун̣з абхааси. ат̇а суманад̇т̇зро –
Yadānavo pabbajitotiādikā āyasmato sumanattherassa gāthā. Kā uppatti? Ayampi purimabuddhesu katādhikāro tattha tattha bhave puññāni upacinanto sikhissa bhagavato kāle mālākārakule nibbattitvā viññutaṃ patto ekadivasaṃ sikhiṃ bhagavantaṃ passitvā pasannamānaso sumanapupphehi pūjaṃ akāsi. So tena puññakammena devamanussesu saṃsaranto imasmiṃ buddhuppāde aññatarassa upāsakassa gehe paṭisandhiṃ gaṇhi. So ca upāsako āyasmato anuruddhattherassa upaṭṭhāko ahosi. Tassa ca tato pubbe jātājātā dārakā mariṃsu. Tena so ‘‘sacāhaṃ idāni ekaṃ puttaṃ labhissāmi, ayyassa anuruddhattherassa santike pabbājessāmī’’ti cittaṃ uppādesi. So ca dasamāsaccayena jāto arogoyeva hutvā anukkamena vaḍḍhento sattavassiko ahosi, taṃ pitā therassa santike pabbājesi. So pabbajitvā tato paripakkañāṇattā vipassanāya kammaṃ karonto nacirasseva chaḷabhiñño hutvā theraṃ upaṭṭhahanto ‘‘pānīyaṃ āharissāmī’’ti ghaṭaṃ ādāya iddhiyā anotattadahaṃ agamāsi. Atheko micchādiṭṭhiko nāgarājā anotattadahaṃ paṭicchādento sattakkhattuṃ bhogena parikkhipitvā upari mahantaṃ phaṇaṃ katvā sumanassa pānīyaṃ gahetuṃ okāsaṃ na deti. Sumano garuḷarūpaṃ gahetvā taṃ nāgarājaṃ abhibhavitvā pānīyaṃ gahetvā therassa vasanaṭṭhānaṃ uddissa ākāsena gacchati. Taṃ satthā jetavane nisinno tathā gacchantaṃ disvā dhammasenāpatiṃ āmantetvā, ‘‘sāriputta, imaṃ passā’’tiādinā catūhi gāthāhi tassa guṇe abhāsi. Atha sumanatthero –
429.
429.
‘‘яад̣̇аа наво баб̣б̣аж̇ид̇о, ж̇аад̇ияаа сад̇д̇авассиго;
‘‘Yadā navo pabbajito, jātiyā sattavassiko;
ид̣̇д̇хияаа абхибход̇ваана, баннаг̇инд̣̇ам̣ махид̣̇д̇хигам̣.
Iddhiyā abhibhotvāna, pannagindaṃ mahiddhikaṃ.
430.
430.
‘‘убаж̇жхааяасса уд̣̇агам̣, анод̇ад̇д̇аа махаасараа;
‘‘Upajjhāyassa udakaṃ, anotattā mahāsarā;
аахараами д̇ад̇о д̣̇исваа, мам̣ сад̇т̇аа зд̇ад̣̇аб̣рави.
Āharāmi tato disvā, maṃ satthā etadabravi.
431.
431.
‘‘саарибуд̇д̇а имам̣ басса, ааг̇ажчанд̇ам̣ гумаарагам̣;
‘‘Sāriputta imaṃ passa, āgacchantaṃ kumārakaṃ;
уд̣̇агагумбхамаад̣̇ааяа, аж̇жхад̇д̇ам̣ сусамаахид̇ам̣.
Udakakumbhamādāya, ajjhattaṃ susamāhitaṃ.
432.
432.
‘‘баасаад̣̇игзна вад̇д̇зна, галяаан̣аирияаабат̇о;
‘‘Pāsādikena vattena, kalyāṇairiyāpatho;
сааман̣зронуруд̣̇д̇хасса, ид̣̇д̇хияаа жа висаарад̣̇о.
Sāmaṇeronuruddhassa, iddhiyā ca visārado.
433.
433.
‘‘ааж̇аанийязна ааж̇ан̃н̃о, саад̇хунаа саад̇хугаарид̇о;
‘‘Ājānīyena ājañño, sādhunā sādhukārito;
винийд̇о ануруд̣̇д̇хзна, гад̇агижжзна сигкид̇о.
Vinīto anuruddhena, katakiccena sikkhito.
434.
434.
‘‘со бад̇ваа барамам̣ санд̇им̣, сажчигад̇ваа агуббад̇ам̣;
‘‘So patvā paramaṃ santiṃ, sacchikatvā akuppataṃ;
сааман̣зро са сумано, маа мам̣ ж̇ан̃н̃аад̇и ижчад̇ий’’д̇и. –
Sāmaṇero sa sumano, mā maṃ jaññāti icchatī’’ti. –
ан̃н̃ааб̣яаагаран̣авасзна ча г̇аат̇аа абхааси.
Aññābyākaraṇavasena cha gāthā abhāsi.
д̇ад̇т̇а аад̣̇ид̇о д̣̇вз г̇аат̇аа суманад̇т̇зрзнзва бхаасид̇аа, ид̇араа жад̇ассо д̇ам̣ басам̣санд̇зна сад̇т̇аараа бхаасид̇аа. д̇аа саб̣б̣аа згаж̇жхам̣ гад̇ваа суманад̇т̇зро бажчаа ан̃н̃ааб̣яаагаран̣авасзна абхааси. д̇ад̇т̇а баннаг̇инд̣̇анд̇и нааг̇арааж̇ам̣. д̇ад̇од̇и д̇ад̇т̇а, яад̣̇аа наво баб̣б̣аж̇ид̇о ж̇аад̇ияаа сад̇д̇авассиго ид̣̇д̇хиб̣алзна махид̣̇д̇хигам̣ нааг̇арааж̇ам̣ абхибхавид̇ваа анод̇ад̇д̇ад̣̇ахад̇о убаж̇жхааяасса баанийяам̣ аахараами, д̇асмим̣ гаалзд̇и ад̇т̇о.
Tattha ādito dve gāthā sumanatthereneva bhāsitā, itarā catasso taṃ pasaṃsantena satthārā bhāsitā. Tā sabbā ekajjhaṃ katvā sumanatthero pacchā aññābyākaraṇavasena abhāsi. Tattha pannagindanti nāgarājaṃ. Tatoti tattha, yadā navo pabbajito jātiyā sattavassiko iddhibalena mahiddhikaṃ nāgarājaṃ abhibhavitvā anotattadahato upajjhāyassa pānīyaṃ āharāmi, tasmiṃ kāleti attho.
мам̣ уд̣̇д̣̇исса маяхам̣ сад̇т̇аа зд̇ад̣̇аб̣рави, д̇ам̣ д̣̇ассзнд̇о, ‘‘саарибуд̇д̇а, имам̣ бассаа’’д̇иаад̣̇имааха. аж̇жхад̇д̇ам̣ сусамаахид̇анд̇и висаяаж̇жхад̇д̇абхууд̇зна аг̇г̇апаласамаад̇хинаа судту самаахид̇ам̣.
Maṃ uddissa mayhaṃ satthā etadabravi, taṃ dassento, ‘‘sāriputta, imaṃ passā’’tiādimāha. Ajjhattaṃ susamāhitanti visayajjhattabhūtena aggaphalasamādhinā suṭṭhu samāhitaṃ.
баасаад̣̇игзна вад̇д̇знаад̇и бассанд̇аанам̣ басаад̣̇аавахзна аажааравад̇д̇зна, гаран̣ад̇т̇з ид̣̇ам̣ гаран̣аважанам̣. галяаан̣аирияаабат̇од̇и самбаннирияаабат̇о. баасаад̣̇игзна вад̇д̇знаад̇и ваа ид̇т̇амбхууд̇алагкан̣з гаран̣аважанам̣. саман̣асса бхааво сааман̣яам̣, сааман̃н̃анд̇и ад̇т̇о. д̇ад̣̇ад̇т̇ам̣ ийрад̇и бавад̇д̇ад̇ийд̇и сааман̣зро, саман̣уд̣̇д̣̇зсо. ид̣̇д̇хияаа жа висаарад̣̇од̇и ид̣̇д̇хияамби б̣яад̇д̇о сугусало. ааж̇аанийязнаад̇и бурисааж̇аанийязна. ад̇д̇ахид̇абарахид̇аанам̣ саад̇ханад̇о саад̇хунаа гад̇агижжзна ануруд̣̇д̇хзна саад̇ху убхаяахид̇асаад̇хаго, судту ваа ааж̇ан̃н̃о гаарид̇о д̣̇амид̇о. аг̇г̇авиж̇ж̇ааяа винийд̇о асзгкабхааваабаад̣̇анзна сигкид̇о сигкаабид̇од̇и ад̇т̇о.
Pāsādikena vattenāti passantānaṃ pasādāvahena ācāravattena, karaṇatthe idaṃ karaṇavacanaṃ. Kalyāṇairiyāpathoti sampanniriyāpatho. Pāsādikena vattenāti vā itthambhūtalakkhaṇe karaṇavacanaṃ. Samaṇassa bhāvo sāmaṇyaṃ, sāmaññanti attho. Tadatthaṃ īrati pavattatīti sāmaṇero, samaṇuddeso. Iddhiyā ca visāradoti iddhiyampi byatto sukusalo. Ājānīyenāti purisājānīyena. Attahitaparahitānaṃ sādhanato sādhunā katakiccena anuruddhena sādhu ubhayahitasādhako, suṭṭhu vā ājañño kārito damito. Aggavijjāya vinīto asekkhabhāvāpādanena sikkhito sikkhāpitoti attho.
со сааман̣зро сумано барамам̣ санд̇им̣ ниб̣б̣аанам̣ бад̇ваа аг̇г̇амаг̇г̇аад̇хиг̇амзна ад̇хиг̇анд̇ваа сажчигад̇ваа ад̇д̇абажжагкам̣ гад̇ваа агуббад̇ам̣ арахад̇д̇апалам̣ аббижчабхаавасса барамуггам̣саг̇ад̇ад̇д̇аа маа мам̣ ж̇ан̃н̃аад̇и мам̣ ‘‘аяам̣ кийн̣аасаво’’д̇и ваа ‘‘чал̣абхин̃н̃о’’д̇и ваа гожиби маа ж̇аанзяяаад̇и ижчад̇и абхиган̇кад̇ийд̇и.
So sāmaṇero sumano paramaṃ santiṃ nibbānaṃ patvā aggamaggādhigamena adhigantvā sacchikatvā attapaccakkhaṃ katvā akuppataṃ arahattaphalaṃ appicchabhāvassa paramukkaṃsagatattā mā maṃ jaññāti maṃ ‘‘ayaṃ khīṇāsavo’’ti vā ‘‘chaḷabhiñño’’ti vā kocipi mā jāneyyāti icchati abhikaṅkhatīti.
суманад̇т̇зраг̇аат̇ааван̣н̣анаа нидтид̇аа.
Sumanattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 10. суманад̇т̇зраг̇аат̇аа • 10. Sumanattheragāthā
