| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๘. สุมนาเวฬิยเตฺถรอปทานํ
8. Sumanāveḷiyattheraapadānaṃ
๖๔.
64.
‘‘เวสฺสภุสฺส ภควโต, โลกเชฎฺฐสฺส ตาทิโน;
‘‘Vessabhussa bhagavato, lokajeṭṭhassa tādino;
สเพฺพ ชนา สมาคมฺม, มหาปูชํ กโรนฺติ เตฯ
Sabbe janā samāgamma, mahāpūjaṃ karonti te.
๖๕.
65.
‘‘สุธาย ปิณฺฑํ กตฺวาน, อาเวฬํ สุมนายหํ;
‘‘Sudhāya piṇḍaṃ katvāna, āveḷaṃ sumanāyahaṃ;
สีหาสนสฺส ปุรโต, อภิโรเปสหํ ตทาฯ
Sīhāsanassa purato, abhiropesahaṃ tadā.
๖๖.
66.
‘‘สเพฺพ ชนา สมาคมฺม, เปกฺขนฺติ ปุปฺผมุตฺตมํ;
‘‘Sabbe janā samāgamma, pekkhanti pupphamuttamaṃ;
เกนิทํ ปูชิตํ ปุปฺผํ, พุทฺธเสฎฺฐสฺส ตาทิโนฯ
Kenidaṃ pūjitaṃ pupphaṃ, buddhaseṭṭhassa tādino.
๖๗.
67.
‘‘เตน จิตฺตปฺปสาเทน, นิมฺมานํ อุปปชฺชหํ;
‘‘Tena cittappasādena, nimmānaṃ upapajjahaṃ;
๖๘.
68.
‘‘ยํ ยํ โยนุปปชฺชามิ, เทวตฺตํ อถ มานุสํ;
‘‘Yaṃ yaṃ yonupapajjāmi, devattaṃ atha mānusaṃ;
สเพฺพสานํ ปิโย โหมิ, ปุปฺผปูชายิทํ ผลํฯ
Sabbesānaṃ piyo homi, pupphapūjāyidaṃ phalaṃ.
๖๙.
69.
‘‘นาภิชานามิ กาเยน, วาจาย อุท เจตสา;
‘‘Nābhijānāmi kāyena, vācāya uda cetasā;
สํยตานํ ตปสฺสีนํ, กตํ อโกฺกสิตํ มยาฯ
Saṃyatānaṃ tapassīnaṃ, kataṃ akkositaṃ mayā.
๗๐.
70.
‘‘เตน สุจริเตนาหํ, จิตฺตสฺส ปณิธีหิ จ;
‘‘Tena sucaritenāhaṃ, cittassa paṇidhīhi ca;
สเพฺพสํ ปูชิโต โหมิ, อนโกฺกสสฺสิทํ ผลํฯ
Sabbesaṃ pūjito homi, anakkosassidaṃ phalaṃ.
๗๑.
71.
‘‘อิโต เอกาทเส กเปฺป, สหสฺสาโรสิ ขตฺติโย;
‘‘Ito ekādase kappe, sahassārosi khattiyo;
สตฺตรตนสมฺปโนฺน, จกฺกวตฺตี มหพฺพโลฯ
Sattaratanasampanno, cakkavattī mahabbalo.
๗๒.
72.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา สุมนาเวฬิโย เถโร อิมา คาถาโย อภาสิตฺถาติฯ
Itthaṃ sudaṃ āyasmā sumanāveḷiyo thero imā gāthāyo abhāsitthāti.
สุมนาเวฬิยเตฺถรสฺสาปทานํ อฎฺฐมํฯ
Sumanāveḷiyattherassāpadānaṃ aṭṭhamaṃ.
Footnotes:
