| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೮. ಸುಮನಾವೇಳಿಯತ್ಥೇರಅಪದಾನಂ
8. Sumanāveḷiyattheraapadānaṃ
೬೪.
64.
‘‘ವೇಸ್ಸಭುಸ್ಸ ಭಗವತೋ, ಲೋಕಜೇಟ್ಠಸ್ಸ ತಾದಿನೋ।
‘‘Vessabhussa bhagavato, lokajeṭṭhassa tādino;
ಸಬ್ಬೇ ಜನಾ ಸಮಾಗಮ್ಮ, ಮಹಾಪೂಜಂ ಕರೋನ್ತಿ ತೇ॥
Sabbe janā samāgamma, mahāpūjaṃ karonti te.
೬೫.
65.
‘‘ಸುಧಾಯ ಪಿಣ್ಡಂ ಕತ್ವಾನ, ಆವೇಳಂ ಸುಮನಾಯಹಂ।
‘‘Sudhāya piṇḍaṃ katvāna, āveḷaṃ sumanāyahaṃ;
ಸೀಹಾಸನಸ್ಸ ಪುರತೋ, ಅಭಿರೋಪೇಸಹಂ ತದಾ॥
Sīhāsanassa purato, abhiropesahaṃ tadā.
೬೬.
66.
‘‘ಸಬ್ಬೇ ಜನಾ ಸಮಾಗಮ್ಮ, ಪೇಕ್ಖನ್ತಿ ಪುಪ್ಫಮುತ್ತಮಂ।
‘‘Sabbe janā samāgamma, pekkhanti pupphamuttamaṃ;
ಕೇನಿದಂ ಪೂಜಿತಂ ಪುಪ್ಫಂ, ಬುದ್ಧಸೇಟ್ಠಸ್ಸ ತಾದಿನೋ॥
Kenidaṃ pūjitaṃ pupphaṃ, buddhaseṭṭhassa tādino.
೬೭.
67.
‘‘ತೇನ ಚಿತ್ತಪ್ಪಸಾದೇನ, ನಿಮ್ಮಾನಂ ಉಪಪಜ್ಜಹಂ।
‘‘Tena cittappasādena, nimmānaṃ upapajjahaṃ;
೬೮.
68.
‘‘ಯಂ ಯಂ ಯೋನುಪಪಜ್ಜಾಮಿ, ದೇವತ್ತಂ ಅಥ ಮಾನುಸಂ।
‘‘Yaṃ yaṃ yonupapajjāmi, devattaṃ atha mānusaṃ;
ಸಬ್ಬೇಸಾನಂ ಪಿಯೋ ಹೋಮಿ, ಪುಪ್ಫಪೂಜಾಯಿದಂ ಫಲಂ॥
Sabbesānaṃ piyo homi, pupphapūjāyidaṃ phalaṃ.
೬೯.
69.
‘‘ನಾಭಿಜಾನಾಮಿ ಕಾಯೇನ, ವಾಚಾಯ ಉದ ಚೇತಸಾ।
‘‘Nābhijānāmi kāyena, vācāya uda cetasā;
ಸಂಯತಾನಂ ತಪಸ್ಸೀನಂ, ಕತಂ ಅಕ್ಕೋಸಿತಂ ಮಯಾ॥
Saṃyatānaṃ tapassīnaṃ, kataṃ akkositaṃ mayā.
೭೦.
70.
‘‘ತೇನ ಸುಚರಿತೇನಾಹಂ, ಚಿತ್ತಸ್ಸ ಪಣಿಧೀಹಿ ಚ।
‘‘Tena sucaritenāhaṃ, cittassa paṇidhīhi ca;
ಸಬ್ಬೇಸಂ ಪೂಜಿತೋ ಹೋಮಿ, ಅನಕ್ಕೋಸಸ್ಸಿದಂ ಫಲಂ॥
Sabbesaṃ pūjito homi, anakkosassidaṃ phalaṃ.
೭೧.
71.
‘‘ಇತೋ ಏಕಾದಸೇ ಕಪ್ಪೇ, ಸಹಸ್ಸಾರೋಸಿ ಖತ್ತಿಯೋ।
‘‘Ito ekādase kappe, sahassārosi khattiyo;
ಸತ್ತರತನಸಮ್ಪನ್ನೋ, ಚಕ್ಕವತ್ತೀ ಮಹಬ್ಬಲೋ॥
Sattaratanasampanno, cakkavattī mahabbalo.
೭೨.
72.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ಸುಮನಾವೇಳಿಯೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ āyasmā sumanāveḷiyo thero imā gāthāyo abhāsitthāti.
ಸುಮನಾವೇಳಿಯತ್ಥೇರಸ್ಸಾಪದಾನಂ ಅಟ್ಠಮಂ।
Sumanāveḷiyattherassāpadānaṃ aṭṭhamaṃ.
Footnotes:
