| Library / Tipiṭaka / තිපිටක • Tipiṭaka / ජාතකපාළි • Jātakapāḷi |
420. සුමඞ්‌ගලජාතකං (4)
420. Sumaṅgalajātakaṃ (4)
27.
27.
භුසම්‌හි 1 කුද්‌ධොති අවෙක්‌ඛියාන, න තාව දණ්‌ඩං පණයෙය්‍ය ඉස්‌සරො;
Bhusamhi 2 kuddhoti avekkhiyāna, na tāva daṇḍaṃ paṇayeyya issaro;
අට්‌ඨානසො අප්‌පතිරූපමත්‌තනො, පරස්‌ස දුක්‌ඛානි භුසං උදීරයෙ.
Aṭṭhānaso appatirūpamattano, parassa dukkhāni bhusaṃ udīraye.
28.
28.
යතො ච ජානෙය්‍ය පසාදමත්‌තනො, අත්‌ථං නියුඤ්‌ජෙය්‍ය පරස්‌ස දුක්‌කටං;
Yato ca jāneyya pasādamattano, atthaṃ niyuñjeyya parassa dukkaṭaṃ;
තදායමත්‌ථොති සයං අවෙක්‌ඛිය, අථස්‌ස දණ්‌ඩං සදිසං නිවෙසයෙ.
Tadāyamatthoti sayaṃ avekkhiya, athassa daṇḍaṃ sadisaṃ nivesaye.
29.
29.
න චාපි ඣාපෙති පරං න අත්‌තනං, අමුච්‌ඡිතො යො නයතෙ නයානයං;
Na cāpi jhāpeti paraṃ na attanaṃ, amucchito yo nayate nayānayaṃ;
යො දණ්‌ඩධාරො භවතීධ ඉස්‌සරො, ස වණ්‌ණගුත්‌තො සිරියා න ධංසති.
Yo daṇḍadhāro bhavatīdha issaro, sa vaṇṇagutto siriyā na dhaṃsati.
30.
30.
යෙ ඛත්‌තියා සෙ අනිසම්‌මකාරිනො, පණෙන්‌ති දණ්‌ඩං සහසා පමුච්‌ඡිතා;
Ye khattiyā se anisammakārino, paṇenti daṇḍaṃ sahasā pamucchitā;
අවණ්‌ණසංයුතා 3 ජහන්‌ති ජීවිතං, ඉතො විමුත්‌තාපි ච යන්‌ති දුග්‌ගතිං.
Avaṇṇasaṃyutā 4 jahanti jīvitaṃ, ito vimuttāpi ca yanti duggatiṃ.
31.
31.
ධම්‌මෙ ච යෙ අරියප්‌පවෙදිතෙ රතා, අනුත්‌තරා තෙ වචසා මනසා කම්‌මුනා ච;
Dhamme ca ye ariyappavedite ratā, anuttarā te vacasā manasā kammunā ca;
තෙ සන්‌තිසොරච්‌චසමාධිසණ්‌ඨිතා, වජන්‌ති ලොකං දුභයං තථාවිධා.
Te santisoraccasamādhisaṇṭhitā, vajanti lokaṃ dubhayaṃ tathāvidhā.
32.
32.
රාජාහමස්‌මි නරපමදානමිස්‌සරො, සචෙපි කුජ්‌ඣාමි ඨපෙමි අත්‌තනං;
Rājāhamasmi narapamadānamissaro, sacepi kujjhāmi ṭhapemi attanaṃ;
නිසෙධයන්‌තො ජනතං තථාවිධං, පණෙමි දණ්‌ඩං අනුකම්‌ප යොනිසො.
Nisedhayanto janataṃ tathāvidhaṃ, paṇemi daṇḍaṃ anukampa yoniso.
33.
33.
සිරී ච ලක්‌ඛී ච තවෙව ඛත්‌තිය, ජනාධිප මා විජහි කුදාචනං;
Sirī ca lakkhī ca taveva khattiya, janādhipa mā vijahi kudācanaṃ;
අක්‌කොධනො නිච්‌චපසන්‌නචිත්‌තො, අනීඝො තුවං වස්‌සසතානි පාලය.
Akkodhano niccapasannacitto, anīgho tuvaṃ vassasatāni pālaya.
34.
34.
ගුණෙහි එතෙහි උපෙත ඛත්‌තිය, ඨිතමරියවත්‌තී 5 සුවචො අකොධනො;
Guṇehi etehi upeta khattiya, ṭhitamariyavattī 6 suvaco akodhano;
සුඛී අනුප්‌පීළ පසාසමෙදිනිං 7, ඉතො විමුත්‌තොපි ච යාහි සුග්‌ගතිං.
Sukhī anuppīḷa pasāsamediniṃ 8, ito vimuttopi ca yāhi suggatiṃ.
35.
35.
එවං සුනීතෙන 9 සුභාසිතෙන, ධම්‌මෙන ඤායෙන උපායසො නයං;
Evaṃ sunītena 10 subhāsitena, dhammena ñāyena upāyaso nayaṃ;
නිබ්‌බාපයෙ සඞ්‌ඛුභිතං මහාජනං, මහාව මෙඝො සලිලෙන මෙදිනින්‌ති 11.
Nibbāpaye saṅkhubhitaṃ mahājanaṃ, mahāva megho salilena medininti 12.
සුමඞ්‌ගලජාතකං චතුත්‌ථං.
Sumaṅgalajātakaṃ catutthaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / ජාතක-අට්‌ඨකථා • Jātaka-aṭṭhakathā / [420] 4. සුමඞ්‌ගලජාතකවණ්‌ණනා • [420] 4. Sumaṅgalajātakavaṇṇanā
