| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[420] 4. суман̇г̇алаж̇аад̇агаван̣н̣анаа
[420] 4. Sumaṅgalajātakavaṇṇanā
бхусамхи гуд̣̇д̇ход̇и ид̣̇ам̣ сад̇т̇аа ж̇зд̇аванз вихаранд̇о рааж̇оваад̣̇асуд̇д̇ам̣ аараб̣бха гат̇зси. д̇ад̣̇аа бана сад̇т̇аа ран̃н̃аа яаажид̇о ад̇ийд̇ам̣ аахари.
Bhusamhi kuddhoti idaṃ satthā jetavane viharanto rājovādasuttaṃ ārabbha kathesi. Tadā pana satthā raññā yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о д̇асса аг̇г̇амахзсияаа гужчимхи ниб̣б̣ад̇д̇о ваяаббад̇д̇о бид̇у ажжаязна раж̇ж̇ам̣ гаарзси, махаад̣̇аанам̣ бавад̇д̇зси. д̇асса суман̇г̇ало наама уяяаанабаало ахоси. ат̇зго бажжзгаб̣уд̣̇д̇хо нанд̣̇амуулагабаб̣бхаараа нигкамид̇ваа жааригам̣ жарамаано б̣аараан̣асим̣ бад̇ваа уяяаанз васид̇ваа бунад̣̇ивасз наг̇арам̣ бин̣д̣ааяа баависи. д̇амзнам̣ рааж̇аа д̣̇исваа басаннажид̇д̇о ванд̣̇ид̇ваа баасаад̣̇ам̣ ааробзд̇ваа рааж̇аасанз нисийд̣̇аабзд̇ваа наанаг̇г̇арасзхи каад̣̇анийяабхож̇анийязхи баривисид̇ваа анумод̣̇анам̣ суд̇ваа басанно ад̇д̇ано уяяаанз васанад̇т̇ааяа бадин̃н̃ам̣ г̇аахаабзд̇ваа уяяаанам̣ бавзсзд̇ваа саяамби бхуд̇д̇абаад̇араасо д̇ад̇т̇а г̇анд̇ваа рад̇д̇идтаанад̣̇иваадтаанаад̣̇ийни сам̣вид̣̇ахид̇ваа суман̇г̇алам̣ наама уяяаанабаалам̣ взяяааважжагарам̣ гад̇ваа наг̇арам̣ баависи. бажжзгаб̣уд̣̇д̇хо д̇ад̇о бадтааяа ниб̣ад̣̇д̇хам̣ рааж̇аг̇зхз бхун̃ж̇анд̇о д̇ад̇т̇а жирам̣ васи, суман̇г̇алоби нам̣ саггажжам̣ убадтахи.
Atīte bārāṇasiyaṃ brahmadatte rajjaṃ kārente bodhisatto tassa aggamahesiyā kucchimhi nibbatto vayappatto pitu accayena rajjaṃ kāresi, mahādānaṃ pavattesi. Tassa sumaṅgalo nāma uyyānapālo ahosi. Atheko paccekabuddho nandamūlakapabbhārā nikkhamitvā cārikaṃ caramāno bārāṇasiṃ patvā uyyāne vasitvā punadivase nagaraṃ piṇḍāya pāvisi. Tamenaṃ rājā disvā pasannacitto vanditvā pāsādaṃ āropetvā rājāsane nisīdāpetvā nānaggarasehi khādanīyabhojanīyehi parivisitvā anumodanaṃ sutvā pasanno attano uyyāne vasanatthāya paṭiññaṃ gāhāpetvā uyyānaṃ pavesetvā sayampi bhuttapātarāso tattha gantvā rattiṭṭhānadivāṭṭhānādīni saṃvidahitvā sumaṅgalaṃ nāma uyyānapālaṃ veyyāvaccakaraṃ katvā nagaraṃ pāvisi. Paccekabuddho tato paṭṭhāya nibaddhaṃ rājagehe bhuñjanto tattha ciraṃ vasi, sumaṅgalopi naṃ sakkaccaṃ upaṭṭhahi.
ат̇згад̣̇ивасам̣ бажжзгаб̣уд̣̇д̇хо суман̇г̇алам̣ ааманд̇зд̇ваа ‘‘ахам̣ гад̇ибаахам̣ асугаг̇аамам̣ ниссааяа васид̇ваа ааг̇ажчиссаами, ран̃н̃о аарожзхий’’д̇и вад̇ваа баггаами. суман̇г̇алоби ран̃н̃о аарожзси. бажжзгаб̣уд̣̇д̇хо гад̇ибаахам̣ д̇ад̇т̇а васид̇ваа сааяам̣ суурияз ад̇т̇ан̇г̇ад̇з д̇ам̣ уяяаанам̣ бажжааг̇ами. суман̇г̇ало д̇асса ааг̇ад̇абхаавам̣ аж̇аананд̇о ад̇д̇ано г̇зхам̣ аг̇амааси. бажжзгаб̣уд̣̇д̇хоби бад̇д̇ажийварам̣ бадисаамзд̇ваа т̇огам̣ жан̇гамид̇ваа баасаан̣апалагз нисийд̣̇и. д̇ам̣ д̣̇ивасам̣ бана уяяаанабааласса гхарам̣ баахунагаа ааг̇амим̣су. со д̇зсам̣ суубаб̣яан̃ж̇анад̇т̇ааяа ‘‘уяяаанз абхаяалад̣̇д̇хам̣ миг̇ам̣ маарзссаамий’’д̇и д̇ханум̣ аад̣̇ааяа уяяаанам̣ г̇анд̇ваа миг̇ам̣ убад̇хаарзнд̇о бажжзгаб̣уд̣̇д̇хам̣ д̣̇исваа ‘‘махаамиг̇о бхависсад̇ий’’д̇и сан̃н̃ааяа сарам̣ саннаяхид̇ваа виж̇жхи. бажжзгаб̣уд̣̇д̇хо сийсам̣ виварид̇ваа ‘‘суман̇г̇алаа’’д̇и ааха. со сам̣взг̇аббад̇д̇о ванд̣̇ид̇ваа ‘‘бханд̇з, ахам̣ д̇умхаагам̣ ааг̇ад̇абхаавам̣ аж̇аананд̇о ‘миг̇о’д̇и сан̃н̃ааяа виж̇жхим̣, камат̇а мз’’д̇и вад̇ваа ‘‘ход̇у д̣̇аани гим̣ гариссаси, зхи сарам̣ лун̃жид̇ваа г̇ан̣хаахий’’д̇и вуд̇д̇з ванд̣̇ид̇ваа сарам̣ лун̃жи, махад̇ий взд̣̇анаа уббаж̇ж̇и. бажжзгаб̣уд̣̇д̇хо д̇ад̇т̇зва бариниб̣б̣ааяи. уяяаанабаало ‘‘сажз рааж̇аа ж̇ааниссад̇и, наасзссад̇ий’’д̇и буд̇д̇ад̣̇аарам̣ г̇ахзд̇ваа д̇ад̇ова балааяи. д̇аавад̣̇зва ‘‘бажжзгаб̣уд̣̇д̇хо бариниб̣б̣уд̇о’’д̇и д̣̇звад̇аанубхаавзна сагаланаг̇арам̣ згаголаахалам̣ ж̇аад̇ам̣.
Athekadivasaṃ paccekabuddho sumaṅgalaṃ āmantetvā ‘‘ahaṃ katipāhaṃ asukagāmaṃ nissāya vasitvā āgacchissāmi, rañño ārocehī’’ti vatvā pakkāmi. Sumaṅgalopi rañño ārocesi. Paccekabuddho katipāhaṃ tattha vasitvā sāyaṃ sūriye atthaṅgate taṃ uyyānaṃ paccāgami. Sumaṅgalo tassa āgatabhāvaṃ ajānanto attano gehaṃ agamāsi. Paccekabuddhopi pattacīvaraṃ paṭisāmetvā thokaṃ caṅkamitvā pāsāṇaphalake nisīdi. Taṃ divasaṃ pana uyyānapālassa gharaṃ pāhunakā āgamiṃsu. So tesaṃ sūpabyañjanatthāya ‘‘uyyāne abhayaladdhaṃ migaṃ māressāmī’’ti dhanuṃ ādāya uyyānaṃ gantvā migaṃ upadhārento paccekabuddhaṃ disvā ‘‘mahāmigo bhavissatī’’ti saññāya saraṃ sannayhitvā vijjhi. Paccekabuddho sīsaṃ vivaritvā ‘‘sumaṅgalā’’ti āha. So saṃvegappatto vanditvā ‘‘bhante, ahaṃ tumhākaṃ āgatabhāvaṃ ajānanto ‘migo’ti saññāya vijjhiṃ, khamatha me’’ti vatvā ‘‘hotu dāni kiṃ karissasi, ehi saraṃ luñcitvā gaṇhāhī’’ti vutte vanditvā saraṃ luñci, mahatī vedanā uppajji. Paccekabuddho tattheva parinibbāyi. Uyyānapālo ‘‘sace rājā jānissati, nāsessatī’’ti puttadāraṃ gahetvā tatova palāyi. Tāvadeva ‘‘paccekabuddho parinibbuto’’ti devatānubhāvena sakalanagaraṃ ekakolāhalaṃ jātaṃ.
бунад̣̇ивасз мануссаа уяяаанам̣ г̇анд̇ваа бажжзгаб̣уд̣̇д̇хам̣ д̣̇исваа ‘‘уяяаанабаало бажжзгаб̣уд̣̇д̇хам̣ маарзд̇ваа балаад̇о’’д̇и ран̃н̃о гат̇аяим̣су. рааж̇аа маханд̇зна бариваарзна уяяаанам̣ г̇анд̇ваа сад̇д̇аахам̣ сарийрабууж̇ам̣ гад̇ваа маханд̇зна саггаарзна жхаабзд̇ваа д̇хаад̇уяо аад̣̇ааяа жзд̇ияам̣ гад̇ваа д̇ам̣ бууж̇знд̇о д̇хаммзна раж̇ж̇ам̣ гаарзси. суман̇г̇алоби згасам̣важчарам̣ вийд̇инаамзд̇ваа ‘‘ран̃н̃о жид̇д̇ам̣ ж̇ааниссаамий’’д̇и ааг̇анд̇ваа згам̣ амажжам̣ бассид̇ваа ‘‘маяи ран̃н̃о жид̇д̇ам̣ ж̇аанаахий’’д̇и ааха. амажжоби ран̃н̃о санд̇игам̣ г̇анд̇ваа д̇асса г̇ун̣ам̣ гат̇зси. рааж̇аа асун̣анд̇о вияа ахоси. буна гин̃жи авад̇ваа ран̃н̃о анад̇д̇аманабхаавам̣ суман̇г̇аласса гат̇зси. со д̣̇уд̇ияасам̣важчарзби ааг̇анд̇ваа д̇ат̇зва рааж̇аа д̇ун̣хий ахоси. д̇ад̇ияасам̣важчарз ааг̇анд̇ваа буд̇д̇ад̣̇аарам̣ г̇ахзд̇ваава ааг̇ами. амажжо ран̃н̃о жид̇д̇амуд̣̇убхаавам̣ н̃ад̇ваа д̇ам̣ рааж̇ад̣̇ваарз табзд̇ваа д̇ассааг̇ад̇абхаавам̣ ран̃н̃о гат̇зси. рааж̇аа д̇ам̣ баггосаабзд̇ваа бадисант̇аарам̣ гад̇ваа ‘‘суман̇г̇ала, гасмаа д̇аяаа мама бун̃н̃агкзд̇д̇ам̣ бажжзгаб̣уд̣̇д̇хо маарид̇о’’д̇и бужчи. со ‘‘наахам̣, д̣̇зва, ‘бажжзгаб̣уд̣̇д̇хам̣ маарзмий’д̇и маарзсим̣, абижа ко иминаа наама гааран̣зна ид̣̇ам̣ наама агааси’’нд̇и д̇ам̣ бавад̇д̇им̣ аажигки. ат̇а нам̣ рааж̇аа ‘‘д̇зна хи маа бхааяий’’д̇и самассаасзд̇ваа буна уяяаанабааламзва агааси.
Punadivase manussā uyyānaṃ gantvā paccekabuddhaṃ disvā ‘‘uyyānapālo paccekabuddhaṃ māretvā palāto’’ti rañño kathayiṃsu. Rājā mahantena parivārena uyyānaṃ gantvā sattāhaṃ sarīrapūjaṃ katvā mahantena sakkārena jhāpetvā dhātuyo ādāya cetiyaṃ katvā taṃ pūjento dhammena rajjaṃ kāresi. Sumaṅgalopi ekasaṃvaccharaṃ vītināmetvā ‘‘rañño cittaṃ jānissāmī’’ti āgantvā ekaṃ amaccaṃ passitvā ‘‘mayi rañño cittaṃ jānāhī’’ti āha. Amaccopi rañño santikaṃ gantvā tassa guṇaṃ kathesi. Rājā asuṇanto viya ahosi. Puna kiñci avatvā rañño anattamanabhāvaṃ sumaṅgalassa kathesi. So dutiyasaṃvaccharepi āgantvā tatheva rājā tuṇhī ahosi. Tatiyasaṃvacchare āgantvā puttadāraṃ gahetvāva āgami. Amacco rañño cittamudubhāvaṃ ñatvā taṃ rājadvāre ṭhapetvā tassāgatabhāvaṃ rañño kathesi. Rājā taṃ pakkosāpetvā paṭisanthāraṃ katvā ‘‘sumaṅgala, kasmā tayā mama puññakkhettaṃ paccekabuddho mārito’’ti pucchi. So ‘‘nāhaṃ, deva, ‘paccekabuddhaṃ māremī’ti māresiṃ, apica kho iminā nāma kāraṇena idaṃ nāma akāsi’’nti taṃ pavattiṃ ācikkhi. Atha naṃ rājā ‘‘tena hi mā bhāyī’’ti samassāsetvā puna uyyānapālameva akāsi.
ат̇а нам̣ со амажжо бужчи ‘‘д̣̇зва, гасмаа д̇умхз д̣̇вз ваарз суман̇г̇аласса г̇ун̣ам̣ суд̇вааби гин̃жи на гат̇аяид̇т̇а, гасмаа бана д̇ад̇ияаваарз суд̇ваа д̇ам̣ баггосид̇ваа анугамбид̇т̇аа’’д̇и? рааж̇аа ‘‘д̇аад̇а, ран̃н̃аа наама гуд̣̇д̇хзна сахасаа гин̃жи гаад̇ум̣ на ваддад̇и, д̇знаахам̣ буб̣б̣з д̇ун̣хий худ̇ваа д̇ад̇ияаваарз суман̇г̇алз мама жид̇д̇асса муд̣̇убхаавам̣ н̃ад̇ваа д̇ам̣ баггосаабзси’’нд̇и рааж̇авад̇д̇ам̣ гат̇знд̇о имаа г̇аат̇аа ааха –
Atha naṃ so amacco pucchi ‘‘deva, kasmā tumhe dve vāre sumaṅgalassa guṇaṃ sutvāpi kiñci na kathayittha, kasmā pana tatiyavāre sutvā taṃ pakkositvā anukampitthā’’ti? Rājā ‘‘tāta, raññā nāma kuddhena sahasā kiñci kātuṃ na vaṭṭati, tenāhaṃ pubbe tuṇhī hutvā tatiyavāre sumaṅgale mama cittassa mudubhāvaṃ ñatvā taṃ pakkosāpesi’’nti rājavattaṃ kathento imā gāthā āha –
27.
27.
‘‘бхусамхи гуд̣̇д̇ход̇и авзгкияаана, на д̇аава д̣̇ан̣д̣ам̣ бан̣аязяяа иссаро;
‘‘Bhusamhi kuddhoti avekkhiyāna, na tāva daṇḍaṃ paṇayeyya issaro;
адтаанасо аббад̇ируубамад̇д̇ано, барасса д̣̇угкаани бхусам̣ уд̣̇ийраяз.
Aṭṭhānaso appatirūpamattano, parassa dukkhāni bhusaṃ udīraye.
28.
28.
‘‘яад̇о жа ж̇аанзяяа басаад̣̇амад̇д̇ано, ад̇т̇ам̣ нияун̃ж̇зяяа барасса д̣̇уггадам̣;
‘‘Yato ca jāneyya pasādamattano, atthaṃ niyuñjeyya parassa dukkaṭaṃ;
д̇ад̣̇ааяамад̇т̇од̇и саяам̣ авзгкияа, ат̇асса д̣̇ан̣д̣ам̣ сад̣̇исам̣ нивзсаяз.
Tadāyamatthoti sayaṃ avekkhiya, athassa daṇḍaṃ sadisaṃ nivesaye.
29.
29.
‘‘на жааби жхаабзд̇и барам̣ на ад̇д̇анам̣, амужчид̇о яо наяад̇з наяаанаяам̣;
‘‘Na cāpi jhāpeti paraṃ na attanaṃ, amucchito yo nayate nayānayaṃ;
яо д̣̇ан̣д̣ад̇хааро бхавад̇ийд̇ха иссаро, са ван̣н̣аг̇уд̇д̇о сирияаа на д̇хам̣сад̇и.
Yo daṇḍadhāro bhavatīdha issaro, sa vaṇṇagutto siriyā na dhaṃsati.
30.
30.
‘‘яз кад̇д̇ияаа сз анисаммагаарино, бан̣знд̇и д̣̇ан̣д̣ам̣ сахасаа бамужчид̇аа;
‘‘Ye khattiyā se anisammakārino, paṇenti daṇḍaṃ sahasā pamucchitā;
аван̣н̣асам̣яуд̇аа ж̇аханд̇и ж̇ийвид̇ам̣, ид̇о вимуд̇д̇ааби жа яанд̇и д̣̇уг̇г̇ад̇им̣.
Avaṇṇasaṃyutā jahanti jīvitaṃ, ito vimuttāpi ca yanti duggatiṃ.
31.
31.
‘‘д̇хаммз жа яз арияаббавзд̣̇ид̇з рад̇аа, ануд̇д̇араа д̇з важасаа манасаа гаммунаа жа;
‘‘Dhamme ca ye ariyappavedite ratā, anuttarā te vacasā manasā kammunā ca;
д̇з санд̇исоражжасамаад̇хисан̣тид̇аа, важ̇анд̇и логам̣ д̣̇убхаяам̣ д̇ат̇аавид̇хаа.
Te santisoraccasamādhisaṇṭhitā, vajanti lokaṃ dubhayaṃ tathāvidhā.
32.
32.
‘‘рааж̇аахамасми нарабамад̣̇аанамиссаро, сажзби гуж̇жхаами табзми ад̇д̇анам̣;
‘‘Rājāhamasmi narapamadānamissaro, sacepi kujjhāmi ṭhapemi attanaṃ;
нисзд̇хаяанд̇о ж̇анад̇ам̣ д̇ат̇аавид̇хам̣, бан̣зми д̣̇ан̣д̣ам̣ анугамба яонисо’’д̇и.
Nisedhayanto janataṃ tathāvidhaṃ, paṇemi daṇḍaṃ anukampa yoniso’’ti.
д̇ад̇т̇а авзгкияаанаад̇и авзгкид̇ваа ж̇аанид̇ваа. ид̣̇ам̣ вуд̇д̇ам̣ ход̇и – д̇аад̇а, бат̇ависсаро рааж̇аа наама ‘‘ахам̣ бхусам̣ гуд̣̇д̇хо б̣алавагод̇хаабхибхууд̇о’’д̇и н̃ад̇ваа адтавад̇т̇угаад̣̇ибхзд̣̇ам̣ д̣̇ан̣д̣ам̣ барасса на бан̣аязяяа на вад̇д̇зяяа. гим̣гааран̣аа? гуд̣̇д̇хо хи адтавад̇т̇угам̣ сол̣асавад̇т̇угам̣ гад̇ваа адтаанзна агааран̣зна ад̇д̇ано рааж̇абхаавасса анануруубам̣ ‘‘имам̣ зд̇д̇агам̣ наама аахарат̇а, ид̣̇ан̃жа д̇асса гарот̇аа’’д̇и барасса бхусам̣ д̣̇угкаани б̣алавад̣̇угкаани уд̣̇ийраяз.
Tattha avekkhiyānāti avekkhitvā jānitvā. Idaṃ vuttaṃ hoti – tāta, pathavissaro rājā nāma ‘‘ahaṃ bhusaṃ kuddho balavakodhābhibhūto’’ti ñatvā aṭṭhavatthukādibhedaṃ daṇḍaṃ parassa na paṇayeyya na vatteyya. Kiṃkāraṇā? Kuddho hi aṭṭhavatthukaṃ soḷasavatthukaṃ katvā aṭṭhānena akāraṇena attano rājabhāvassa ananurūpaṃ ‘‘imaṃ ettakaṃ nāma āharatha, idañca tassa karothā’’ti parassa bhusaṃ dukkhāni balavadukkhāni udīraye.
яад̇од̇и яад̣̇аа. ид̣̇ам̣ вуд̇д̇ам̣ ход̇и – яад̣̇аа бана рааж̇аа барасмим̣ уббаннам̣ ад̇д̇ано басаад̣̇ам̣ ж̇аанзяяа, ат̇а барасса д̣̇уггадам̣ ад̇т̇ам̣ нияун̃ж̇зяяа убабаригкзяяа, д̇ад̣̇аа звам̣ нияун̃ж̇анд̇о ‘‘аяам̣ наамзд̇т̇а ад̇т̇о, аяам̣ зд̇асса д̣̇осо’’д̇и саяам̣ ад̇д̇абажжагкам̣ гад̇ваа ат̇асса абараад̇хагаарагасса адтавад̇т̇угахзд̇у адтзва, сол̣асавад̇т̇угахзд̇у сол̣асзва гахаабан̣з г̇ан̣хамаано д̣̇ан̣д̣ам̣ сад̣̇исам̣ гад̇ад̣̇осаануруубам̣ нивзсаяз табзяяа бавад̇д̇зяяаад̇и.
Yatoti yadā. Idaṃ vuttaṃ hoti – yadā pana rājā parasmiṃ uppannaṃ attano pasādaṃ jāneyya, atha parassa dukkaṭaṃ atthaṃ niyuñjeyya upaparikkheyya, tadā evaṃ niyuñjanto ‘‘ayaṃ nāmettha attho, ayaṃ etassa doso’’ti sayaṃ attapaccakkhaṃ katvā athassa aparādhakārakassa aṭṭhavatthukahetu aṭṭheva, soḷasavatthukahetu soḷaseva kahāpaṇe gaṇhamāno daṇḍaṃ sadisaṃ katadosānurūpaṃ nivesaye ṭhapeyya pavatteyyāti.
амужчид̇од̇и чанд̣̇аад̣̇ийхи аг̇ад̇игилзсзхи амужчид̇о анабхибхууд̇о худ̇ваа яо наяаанаяам̣ наяад̇з убабаригкад̇и, со нзва барам̣ жхаабзд̇и, на ад̇д̇аанам̣. чанд̣̇аад̣̇ивасзна хи ахзд̇угам̣ д̣̇ан̣д̣ам̣ бавад̇д̇знд̇о барамби д̇зна д̣̇ан̣д̣зна жхаабзд̇и д̣̇ахад̇и бийл̣зд̇и, ад̇д̇аанамби д̇ад̇онид̣̇аанзна баабзна. аяам̣ бана на барам̣ жхаабзд̇и, на ад̇д̇аанам̣. яо д̣̇ан̣д̣ад̇хааро бхавад̇ийд̇ха иссарод̇и яо ид̇ха бат̇ависсаро рааж̇аа ид̇ха сад̇д̇алогз д̣̇осаанужчавигам̣ д̣̇ан̣д̣ам̣ бавад̇д̇знд̇о д̣̇ан̣д̣ад̇хааро ход̇и. са ван̣н̣аг̇уд̇д̇од̇и г̇ун̣аван̣н̣зна жзва яасаван̣н̣зна жа г̇уд̇д̇о рагкид̇о сирияаа на д̇хам̣сад̇и на барихааяад̇и . аван̣н̣асам̣яуд̇аа ж̇аханд̇ийд̇и ад̇хаммигаа лоларааж̇аано аван̣н̣зна яуд̇д̇аа худ̇ваа ж̇ийвид̇ам̣ ж̇аханд̇и.
Amucchitoti chandādīhi agatikilesehi amucchito anabhibhūto hutvā yo nayānayaṃ nayate upaparikkhati, so neva paraṃ jhāpeti, na attānaṃ. Chandādivasena hi ahetukaṃ daṇḍaṃ pavattento parampi tena daṇḍena jhāpeti dahati pīḷeti, attānampi tatonidānena pāpena. Ayaṃ pana na paraṃ jhāpeti, na attānaṃ. Yo daṇḍadhāro bhavatīdha issaroti yo idha pathavissaro rājā idha sattaloke dosānucchavikaṃ daṇḍaṃ pavattento daṇḍadhāro hoti. Sa vaṇṇaguttoti guṇavaṇṇena ceva yasavaṇṇena ca gutto rakkhito siriyā na dhaṃsati na parihāyati . Avaṇṇasaṃyutā jahantīti adhammikā lolarājāno avaṇṇena yuttā hutvā jīvitaṃ jahanti.
д̇хаммз жа яз арияаббавзд̣̇ид̇зд̇и яз рааж̇аано аажаараариязхи д̇хаммигарааж̇уухи бавзд̣̇ид̇з д̣̇асавид̇хз рааж̇ад̇хаммз рад̇аа. ануд̇д̇араа д̇зд̇и д̇з важасаа манасаа гаммунаа жа д̇ийхиби зд̇зхи ануд̇д̇араа ж̇здтагаа. д̇з санд̇исоражжасамаад̇хисан̣тид̇аад̇и д̇з аг̇ад̇ибахаанзна гилзсасанд̇ияан̃жа сусийляасан̇каад̇з соражжз жа згаг̇г̇ад̇аасамаад̇химхи жа сан̣тид̇аа бад̇идтид̇аа д̇хаммигарааж̇аано. важ̇анд̇и логам̣ д̣̇убхаяанд̇и д̇хаммзна раж̇ж̇ам̣ гаарзд̇ваа мануссалогад̇о д̣̇звалогам̣, д̣̇звалогад̇о мануссалоганд̇и убхаяалогамзва важ̇анд̇и, нираяаад̣̇ийсу на ниб̣б̣ад̇д̇анд̇и. нарабамад̣̇аананд̇и нараанан̃жа наарийнан̃жа. табзми ад̇д̇ананд̇и гуд̣̇д̇хоби год̇хавасзна аг̇анд̇ваа ад̇д̇аанам̣ бораан̣агарааж̇уухи табид̇анаяасмим̣язва д̇хаммз табзми, винижчаяад̇хаммам̣ на бхинд̣̇аамийд̇и.
Dhamme ca ye ariyappavediteti ye rājāno ācāraariyehi dhammikarājūhi pavedite dasavidhe rājadhamme ratā. Anuttarā teti te vacasā manasā kammunā ca tīhipi etehi anuttarā jeṭṭhakā. Te santisoraccasamādhisaṇṭhitāti te agatipahānena kilesasantiyañca susīlyasaṅkhāte soracce ca ekaggatāsamādhimhi ca saṇṭhitā patiṭṭhitā dhammikarājāno. Vajanti lokaṃ dubhayanti dhammena rajjaṃ kāretvā manussalokato devalokaṃ, devalokato manussalokanti ubhayalokameva vajanti, nirayādīsu na nibbattanti. Narapamadānanti narānañca nārīnañca. Ṭhapemi attananti kuddhopi kodhavasena agantvā attānaṃ porāṇakarājūhi ṭhapitanayasmiṃyeva dhamme ṭhapemi, vinicchayadhammaṃ na bhindāmīti.
звам̣ чахи г̇аат̇аахи ран̃н̃аа ад̇д̇ано г̇ун̣з гат̇ид̇з саб̣б̣ааби рааж̇абарисаа д̇удтаа ‘‘аяам̣ сийлаажаараг̇ун̣асамбад̇д̇и д̇умхааган̃н̃зва ануруубаа’’д̇и ран̃н̃о г̇ун̣з гат̇зсум̣. суман̇г̇ало бана барисааяа гат̇ид̇аавасаанз удтааяа рааж̇аанам̣ ванд̣̇ид̇ваа ан̃ж̇алим̣ баг̇г̇аяха ран̃н̃о т̇уд̇им̣ гаронд̇о д̇иссо г̇аат̇аа абхааси –
Evaṃ chahi gāthāhi raññā attano guṇe kathite sabbāpi rājaparisā tuṭṭhā ‘‘ayaṃ sīlācāraguṇasampatti tumhākaññeva anurūpā’’ti rañño guṇe kathesuṃ. Sumaṅgalo pana parisāya kathitāvasāne uṭṭhāya rājānaṃ vanditvā añjaliṃ paggayha rañño thutiṃ karonto tisso gāthā abhāsi –
33.
33.
‘‘сирий жа лагкий жа д̇авзва кад̇д̇ияа, ж̇анаад̇хиба маа виж̇ахи гуд̣̇аажанам̣;
‘‘Sirī ca lakkhī ca taveva khattiya, janādhipa mā vijahi kudācanaṃ;
аггод̇хано нижжабасаннажид̇д̇о, анийгхо д̇увам̣ вассасад̇аани баалаяа.
Akkodhano niccapasannacitto, anīgho tuvaṃ vassasatāni pālaya.
34.
34.
‘‘г̇ун̣зхи зд̇зхи убзд̇а кад̇д̇ияа, тид̇амарияавад̇д̇ий суважо агод̇хано;
‘‘Guṇehi etehi upeta khattiya, ṭhitamariyavattī suvaco akodhano;
сукий ануббийл̣а басааса мзд̣̇иним̣, ид̇о вимуд̇д̇оби жа яаахи суг̇г̇ад̇им̣.
Sukhī anuppīḷa pasāsa mediniṃ, ito vimuttopi ca yāhi suggatiṃ.
35.
35.
‘‘звам̣ сунийд̇зна субхаасид̇зна, д̇хаммзна н̃ааязна убааяасо наяам̣;
‘‘Evaṃ sunītena subhāsitena, dhammena ñāyena upāyaso nayaṃ;
ниб̣б̣аабаяз сан̇кубхид̇ам̣ махааж̇анам̣, махаава мзгхо салилзна мзд̣̇ини’’нд̇и.
Nibbāpaye saṅkhubhitaṃ mahājanaṃ, mahāva megho salilena medini’’nti.
д̇ад̇т̇а сирий жа лагкий жаад̇и бариваарасамбад̇д̇и жа бан̃н̃аа жа. анийгход̇и нид̣̇д̣̇угко худ̇ваа. убзд̇а кад̇д̇ияаад̇и убзд̇о кад̇д̇ияа, аяамзва ваа баато. тид̇амарияавад̇д̇ийд̇и тид̇аарияавад̇д̇и, арияавад̇д̇и наама д̣̇асарааж̇ад̇хаммасан̇каад̇ам̣ бораан̣арааж̇авад̇д̇ам̣, д̇ад̇т̇а бад̇идтид̇ад̇д̇аа тид̇арааж̇ад̇хаммо худ̇ваад̇и ад̇т̇о. ануббийл̣а басааса мзд̣̇ининд̇и ануббийл̣ам̣ басааса мзд̣̇инин̃жа, аяамзва ваа баато. сунийд̇знаад̇и сунаязна судту гааран̣зна. д̇хаммзнаад̇и д̣̇асагусалагаммабат̇ад̇хаммзна. н̃ааязнаад̇и буримабад̣̇ассзва взважанам̣. убааяасод̇и убааяагосаллзна. наяанд̇и наяанд̇о раж̇ж̇ам̣ анусаасанд̇о д̇хаммигарааж̇аа. ниб̣б̣аабаязд̇и имааяа бадибад̇д̇ияаа гааяигажзд̇асигад̣̇угкам̣ д̣̇арат̇ам̣ абанзнд̇о гааяигажзд̇асигад̣̇угкасан̇кубхид̇амби махааж̇анам̣ махаамзгхо салилзна мзд̣̇иним̣ вияа ниб̣б̣аабзяяа, д̇вамби д̇ат̇зва ниб̣б̣аабзхийд̇и д̣̇ассзнд̇о звамааха.
Tattha sirī ca lakkhī cāti parivārasampatti ca paññā ca. Anīghoti niddukkho hutvā. Upeta khattiyāti upeto khattiya, ayameva vā pāṭho. Ṭhitamariyavattīti ṭhitaariyavatti, ariyavatti nāma dasarājadhammasaṅkhātaṃ porāṇarājavattaṃ, tattha patiṭṭhitattā ṭhitarājadhammo hutvāti attho. Anuppīḷa pasāsa medininti anuppīḷaṃ pasāsa mediniñca, ayameva vā pāṭho. Sunītenāti sunayena suṭṭhu kāraṇena. Dhammenāti dasakusalakammapathadhammena. Ñāyenāti purimapadasseva vevacanaṃ. Upāyasoti upāyakosallena. Nayanti nayanto rajjaṃ anusāsanto dhammikarājā. Nibbāpayeti imāya paṭipattiyā kāyikacetasikadukkhaṃ darathaṃ apanento kāyikacetasikadukkhasaṅkhubhitampi mahājanaṃ mahāmegho salilena mediniṃ viya nibbāpeyya, tvampi tatheva nibbāpehīti dassento evamāha.
сад̇т̇аа госаларан̃н̃о оваад̣̇авасзна имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа бажжзгаб̣уд̣̇д̇хо бариниб̣б̣уд̇о, суман̇г̇ало аананд̣̇о ахоси, рааж̇аа бана ахамзва ахоси’’нд̇и.
Satthā kosalarañño ovādavasena imaṃ dhammadesanaṃ āharitvā jātakaṃ samodhānesi – ‘‘tadā paccekabuddho parinibbuto, sumaṅgalo ānando ahosi, rājā pana ahameva ahosi’’nti.
суман̇г̇алаж̇аад̇агаван̣н̣анаа жад̇уд̇т̇аа.
Sumaṅgalajātakavaṇṇanā catutthā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 420. суман̇г̇алаж̇аад̇агам̣ • 420. Sumaṅgalajātakaṃ
