| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
10. суман̇г̇алад̇т̇зраабад̣̇аанаван̣н̣анаа
10. Sumaṅgalattheraapadānavaṇṇanā
аахуд̇им̣ яидтугаамод̇иаад̣̇игам̣ ааяасмад̇о суман̇г̇алад̇т̇зрасса абад̣̇аанам̣. аяамбааяасмаа буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о бияад̣̇ассисса бхаг̇авад̇о гаалз ругкад̣̇звад̇аа худ̇ваа ниб̣б̣ад̇д̇и. со згад̣̇ивасам̣ сад̇т̇аарам̣ нхад̇ваа згажийварам̣ тид̇ам̣ д̣̇исваа соманассаббад̇д̇о абподзси. со д̇зна бун̃н̃зна д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з саавад̇т̇ияаа авид̣̇уурз ан̃н̃ад̇арасмим̣ г̇аамагз д̇аад̣̇исзна гамманиссанд̣̇зна д̣̇алид̣̇д̣̇агулз ниб̣б̣ад̇д̇и, д̇асса суман̇г̇алод̇и наамам̣ ахоси. со ваяаббад̇д̇о куж̇ж̇агаасид̇анан̇г̇алагуд̣̇д̣̇аалабаригкааро худ̇ваа гасияаа ж̇ийвигам̣ габбзси. со згад̣̇ивасам̣ ран̃н̃аа басзнад̣̇инаа госалзна бхаг̇авад̇о бхигкусан̇гхасса жа махаад̣̇аанз бавад̇д̇ияамаанз д̣̇аануубагаран̣аани г̇ахзд̇ваа ааг̇ажчанд̇зхи мануссзхи сад̣̇д̇хим̣ д̣̇ад̇хигхадам̣ г̇ахзд̇ваа ааг̇ад̇о бхигкуунам̣ саггаарасаммаанам̣ д̣̇исваа ‘‘имз саман̣аа сагяабуд̇д̇ияаа сукумавад̇т̇анивад̇т̇аа субхож̇анаани бхун̃ж̇ид̇ваа ниваад̇зсу сзнаасанзсу вихаранд̇и, яам̣нуунаахамби баб̣б̣аж̇зяяа’’нд̇и жинд̇зд̇ваа ан̃н̃ад̇арам̣ махаат̇зрам̣ убасан̇гамид̇ваа ад̇д̇ано баб̣б̣аж̇аад̇хиббааяам̣ нивзд̣̇зси. со д̇ам̣ гарун̣ааяанд̇о баб̣б̣ааж̇зд̇ваа гаммадтаанам̣ аажигки. со аран̃н̃з вихаранд̇о згагавихаарз ниб̣б̣инно угган̣тид̇о худ̇ваа виб̣бхамид̇угаамо н̃аад̇иг̇аамам̣ г̇ажчанд̇о анд̇араамаг̇г̇з гажчам̣ б̣анд̇хид̇ваа кзд̇д̇ам̣ гасанд̇з гилидтавад̇т̇анивад̇т̇з саманд̇ад̇о раж̇огин̣н̣асарийрз ваад̇аад̇абзна суссанд̇з кзд̇д̇ам̣ гассагз мануссз д̣̇исваа ‘‘маханд̇ам̣ вад̇имз сад̇д̇аа ж̇ийвиганимид̇д̇ам̣ д̣̇угкам̣ бажжанубхаванд̇ий’’д̇и сам̣взг̇ам̣ бадилабхи. н̃аан̣асса барибаагаг̇ад̇ад̇д̇аа жасса яат̇ааг̇ахид̇ам̣ гаммадтаанам̣ убадтааси. со ан̃н̃ад̇арам̣ ругкамуулам̣ убаг̇анд̇ваа вивзгам̣ лабхид̇ваа яонисоманасигаронд̇о вибассанам̣ вад̣дхзд̇ваа маг̇г̇абадибаадияаа арахад̇д̇ам̣ баабун̣и.
Āhutiṃyiṭṭhukāmotiādikaṃ āyasmato sumaṅgalattherassa apadānaṃ. Ayampāyasmā purimabuddhesu katādhikāro tattha tattha bhave vivaṭṭūpanissayāni puññāni upacinanto piyadassissa bhagavato kāle rukkhadevatā hutvā nibbatti. So ekadivasaṃ satthāraṃ nhatvā ekacīvaraṃ ṭhitaṃ disvā somanassappatto apphoṭesi. So tena puññena devamanussesu saṃsaranto imasmiṃ buddhuppāde sāvatthiyā avidūre aññatarasmiṃ gāmake tādisena kammanissandena daliddakule nibbatti, tassa sumaṅgaloti nāmaṃ ahosi. So vayappatto khujjakāsitanaṅgalakuddālaparikkhāro hutvā kasiyā jīvikaṃ kappesi. So ekadivasaṃ raññā pasenadinā kosalena bhagavato bhikkhusaṅghassa ca mahādāne pavattiyamāne dānūpakaraṇāni gahetvā āgacchantehi manussehi saddhiṃ dadhighaṭaṃ gahetvā āgato bhikkhūnaṃ sakkārasammānaṃ disvā ‘‘ime samaṇā sakyaputtiyā sukhumavatthanivatthā subhojanāni bhuñjitvā nivātesu senāsanesu viharanti, yaṃnūnāhampi pabbajeyya’’nti cintetvā aññataraṃ mahātheraṃ upasaṅkamitvā attano pabbajādhippāyaṃ nivedesi. So taṃ karuṇāyanto pabbājetvā kammaṭṭhānaṃ ācikkhi. So araññe viharanto ekakavihāre nibbinno ukkaṇṭhito hutvā vibbhamitukāmo ñātigāmaṃ gacchanto antarāmagge kacchaṃ bandhitvā khettaṃ kasante kiliṭṭhavatthanivatthe samantato rajokiṇṇasarīre vātātapena sussante khettaṃ kassake manusse disvā ‘‘mahantaṃ vatime sattā jīvikanimittaṃ dukkhaṃ paccanubhavantī’’ti saṃvegaṃ paṭilabhi. Ñāṇassa paripākagatattā cassa yathāgahitaṃ kammaṭṭhānaṃ upaṭṭhāsi. So aññataraṃ rukkhamūlaṃ upagantvā vivekaṃ labhitvā yonisomanasikaronto vipassanaṃ vaḍḍhetvā maggapaṭipāṭiyā arahattaṃ pāpuṇi.
124. звам̣ со бад̇д̇аарахад̇д̇апало ад̇д̇ано буб̣б̣агаммам̣ сарид̇ваа соманассавасзна буб̣б̣ажарид̇аабад̣̇аанам̣ багаасзнд̇о аахуд̇им̣ яидтугаамоханд̇иаад̣̇имааха. д̇ад̇т̇а аахуд̇инд̇и аннабаанаад̣̇ианзгавид̇хам̣ бууж̇аасаггааруубагаран̣ам̣. яидтугаамод̇и яаж̇ид̇угаамо, д̣̇аанам̣ д̣̇аад̇угаамо ахам̣. бадияаад̣̇зд̇ваана бхож̇ананд̇и аахаарам̣ бадияаад̣̇зд̇ваа нибпаад̣̇зд̇ваа. б̣раахман̣з бадимаанзнд̇од̇и бадиг̇г̇аахагз суд̣̇д̇хабаб̣б̣аж̇ид̇з бариязсанд̇о. висаалз маал̣агз тид̇од̇и барисуд̣̇д̇хабан̣д̣арабулинад̇алаабхираамз вибулз маал̣агз тид̇о.
124. Evaṃ so pattaarahattaphalo attano pubbakammaṃ saritvā somanassavasena pubbacaritāpadānaṃ pakāsento āhutiṃ yiṭṭhukāmohantiādimāha. Tattha āhutinti annapānādianekavidhaṃ pūjāsakkārūpakaraṇaṃ. Yiṭṭhukāmoti yajitukāmo, dānaṃ dātukāmo ahaṃ. Paṭiyādetvāna bhojananti āhāraṃ paṭiyādetvā nipphādetvā. Brāhmaṇe paṭimānentoti paṭiggāhake suddhapabbajite pariyesanto. Visāle māḷake ṭhitoti parisuddhapaṇḍarapulinatalābhirāme vipule māḷake ṭhito.
125-7. ат̇ад̣̇д̣̇асаасим̣ самб̣уд̣̇д̇ханд̇иаад̣̇ийсу махааяасам̣ махаабариваарам̣ саб̣б̣алогам̣ сагаласад̇д̇алогам̣ винзд̇аанам̣ висзсзна нзд̇аарам̣ ниб̣б̣аанасамбаабагам̣ саяамбхум̣ саяамзва бхууд̇ам̣ анаажарияагам̣ аг̇г̇абуг̇г̇алам̣ сздтабуг̇г̇алам̣ бхаг̇аванд̇ам̣ бхаг̇яаванд̇аад̣̇иг̇ун̣аяуд̇д̇ам̣ ж̇уд̇иманд̇ам̣ нийлабийд̇аад̣̇ибабхаасамбаннам̣ саавагзхи бурагкад̇ам̣ бариваарид̇ам̣ аад̣̇ижжамива суурияамива рожанд̇ам̣ собхамаанам̣ рат̇ияам̣ вийт̇ияам̣ бадибаннагам̣ г̇ажчанд̇ам̣ бияад̣̇ассим̣ наама самб̣уд̣̇д̇хам̣ ад̣̇д̣̇асинд̇и самб̣анд̇хо. ан̃ж̇алим̣ баг̇г̇ахзд̇ваанаад̇и б̣анд̇хан̃ж̇алибудам̣ сираси гад̇ваа сагам̣ жид̇д̇ам̣ ад̇д̇ано жид̇д̇ам̣ басаад̣̇аяим̣ ид̇т̇амбхууд̇асса бхаг̇авад̇о г̇ун̣з басаад̣̇зсим̣ басаннамагаасинд̇и ад̇т̇о. манасаава ниманд̇зсинд̇и жид̇д̇зна баваарзсим̣. ааг̇ажчад̇у махаамунийд̇и махид̇о бууж̇аарахо муни бхаг̇аваа мама нивзсанам̣ ааг̇ажчад̇у.
125-7.Athaddasāsiṃ sambuddhantiādīsu mahāyasaṃ mahāparivāraṃ sabbalokaṃ sakalasattalokaṃ vinetānaṃ visesena netāraṃ nibbānasampāpakaṃ sayambhuṃ sayameva bhūtaṃ anācariyakaṃ aggapuggalaṃ seṭṭhapuggalaṃ bhagavantaṃ bhagyavantādiguṇayuttaṃ jutimantaṃ nīlapītādipabhāsampannaṃ sāvakehi purakkhataṃ parivāritaṃ ādiccamiva sūriyamiva rocantaṃ sobhamānaṃ rathiyaṃ vīthiyaṃ paṭipannakaṃ gacchantaṃ piyadassiṃ nāma sambuddhaṃ addasinti sambandho. Añjaliṃ paggahetvānāti bandhañjalipuṭaṃ sirasi katvā sakaṃ cittaṃ attano cittaṃ pasādayiṃ itthambhūtassa bhagavato guṇe pasādesiṃ pasannamakāsinti attho. Manasāva nimantesinti cittena pavāresiṃ. Āgacchatu mahāmunīti mahito pūjāraho muni bhagavā mama nivesanaṃ āgacchatu.
128. мама сан̇габбаман̃н̃ааяаад̇и маяхам̣ жид̇д̇асан̇габбам̣ н̃ад̇ваа логз сад̇д̇алогз ануд̇д̇аро уд̇д̇аравирахид̇о сад̇т̇аа кийн̣аасавасахассзхи араханд̇асахассзхи баривуд̇о мама д̣̇ваарам̣ маяхам̣ г̇зхад̣̇ваарам̣ убааг̇ами самбаабун̣и.
128.Mama saṅkappamaññāyāti mayhaṃ cittasaṅkappaṃ ñatvā loke sattaloke anuttaro uttaravirahito satthā khīṇāsavasahassehi arahantasahassehi parivuto mama dvāraṃ mayhaṃ gehadvāraṃ upāgami sampāpuṇi.
129. д̇асса самбад̇д̇асса сад̇т̇уно звам̣ намаггаарамагаасим̣. бурисааж̇ан̃н̃а бурисаанам̣ ааж̇ан̃н̃а, сздта, мама намаггааро д̇з д̇уяхам̣ ад̇т̇у бхавад̇у. бурисуд̇д̇ама бурисаанам̣ уд̇д̇ама ад̇хигаг̇ун̣ависидта д̇з д̇уяхам̣ мама намаггааро ад̇т̇у. баасаад̣̇ам̣ басаад̣̇аж̇анагам̣ мама нивзсанам̣ абхирухид̇ваа сийхаасанз уд̇д̇амаасанз нисийд̣̇ад̇анд̇и ааяаажинд̇и ад̇т̇о.
129. Tassa sampattassa satthuno evaṃ namakkāramakāsiṃ. Purisājañña purisānaṃ ājañña, seṭṭha, mama namakkāro te tuyhaṃ atthu bhavatu. Purisuttama purisānaṃ uttama adhikaguṇavisiṭṭha te tuyhaṃ mama namakkāro atthu. Pāsādaṃ pasādajanakaṃ mama nivesanaṃ abhiruhitvā sīhāsane uttamāsane nisīdatanti āyācinti attho.
130. д̣̇анд̇о д̣̇анд̇абариваарод̇и саяам̣ д̣̇ваарад̇д̇аязна д̣̇анд̇о д̇ат̇аа д̣̇анд̇аахи бхигкубхигкунийубаасагаубаасигаасан̇каад̇аахи жад̇уухи барисаахи бариваарид̇о. д̇ин̣н̣о д̇аараяад̇ам̣ варод̇и саяам̣ д̇ин̣н̣о сам̣саарад̇о уд̇д̇ин̣н̣о нигканд̇о д̇аараяад̇ам̣ д̇аараяанд̇аанам̣ висидтабуг̇г̇алаанам̣ варо уд̇д̇амо бхаг̇аваа мамаараад̇ханзна баасаад̣̇ам̣ абхирухид̇ваа бавараасанз уд̇д̇амаасанз нисийд̣̇и нисаж̇ж̇ам̣ габбзси.
130.Danto dantaparivāroti sayaṃ dvārattayena danto tathā dantāhi bhikkhubhikkhunīupāsakaupāsikāsaṅkhātāhi catūhi parisāhi parivārito. Tiṇṇo tārayataṃ varoti sayaṃ tiṇṇo saṃsārato uttiṇṇo nikkhanto tārayataṃ tārayantānaṃ visiṭṭhapuggalānaṃ varo uttamo bhagavā mamārādhanena pāsādaṃ abhiruhitvā pavarāsane uttamāsane nisīdi nisajjaṃ kappesi.
131. яам̣ мз ад̇т̇и сагз г̇зхзд̇и ад̇д̇ано г̇зхз яам̣ аамисам̣ бажжубадтид̇ам̣ самбаад̣̇ид̇ам̣ раасигад̇ам̣ ад̇т̇и. д̇аахам̣ б̣уд̣̇д̇хасса баад̣̇аасинд̇и б̣уд̣̇д̇хасса б̣уд̣̇д̇хаббамукасса сан̇гхасса д̇ам̣ аамисам̣ баад̣̇аасим̣ ба-гаарзна аад̣̇арзна ваа ад̣̇аасинд̇и ад̇т̇о. басанно сзхи баан̣ибхийд̇и ад̇д̇ано д̣̇вийхи хад̇т̇зхи бассаннажид̇д̇о г̇ахзд̇ваа баад̣̇аасинд̇и ад̇т̇о.
131.Yaṃ me atthi sake geheti attano gehe yaṃ āmisaṃ paccupaṭṭhitaṃ sampāditaṃ rāsikataṃ atthi. Tāhaṃ buddhassa pādāsinti buddhassa buddhappamukhassa saṅghassa taṃ āmisaṃ pādāsiṃ pa-kārena ādarena vā adāsinti attho. Pasanno sehi pāṇibhīti attano dvīhi hatthehi passannacitto gahetvā pādāsinti attho.
132. басаннажид̇д̇о басаад̣̇ид̇аманасан̇габбо сумано сунд̣̇арамано. взд̣̇аж̇аад̇о ж̇аад̇авзд̣̇о уббаннасоманассо гад̇ан̃ж̇алий сираси табид̇аан̃ж̇алибудо б̣уд̣̇д̇хасздтам̣ намассаами сздтасса б̣уд̣̇д̇хасса бан̣аамам̣ гаромийд̇и ад̇т̇о. ахо б̣уд̣̇д̇хассул̣аарад̇аад̇и бадивид̣̇д̇хажад̇усажжасса сад̇т̇уно ул̣аарад̇аа маханд̇абхааво ахо ажчарияанд̇и ад̇т̇о.
132.Pasannacitto pasāditamanasaṅkappo sumano sundaramano. Vedajāto jātavedo uppannasomanasso katañjalī sirasi ṭhapitaañjalipuṭo buddhaseṭṭhaṃ namassāmi seṭṭhassa buddhassa paṇāmaṃ karomīti attho. Aho buddhassuḷāratāti paṭividdhacatusaccassa satthuno uḷāratā mahantabhāvo aho acchariyanti attho.
133. адтаннам̣ баяируубаасад̇анд̇и баяирубаасанд̇аанам̣ бхун̃ж̇ам̣ бхун̃ж̇анд̇аанам̣ адтаннам̣ арияабуг̇г̇алаанам̣ анд̇арз кийн̣аасаваа араханд̇ова б̣ахууд̇и ад̇т̇о. д̇уяхзвзсо аанубхаавод̇и зсо аагаасажаран̣ауммуж̇ж̇ананимуж̇ж̇анаад̣̇иаанубхааво д̇уяхзва д̇уяхам̣ зва аанубхааво, наан̃н̃зсам̣. саран̣ам̣ д̇ам̣ убзмаханд̇и д̇ам̣ ид̇т̇амбхууд̇ам̣ д̇увам̣ саран̣ам̣ д̇аан̣ам̣ лзн̣ам̣ барааяананд̇и убзми г̇ажчаами ж̇аанаами ваад̇и ад̇т̇о.
133.Aṭṭhannaṃpayirūpāsatanti payirupāsantānaṃ bhuñjaṃ bhuñjantānaṃ aṭṭhannaṃ ariyapuggalānaṃ antare khīṇāsavā arahantova bahūti attho. Tuyheveso ānubhāvoti eso ākāsacaraṇaummujjananimujjanādiānubhāvo tuyheva tuyhaṃ eva ānubhāvo, nāññesaṃ. Saraṇaṃ taṃ upemahanti taṃ itthambhūtaṃ tuvaṃ saraṇaṃ tāṇaṃ leṇaṃ parāyananti upemi gacchāmi jānāmi vāti attho.
134. логаж̇здто нараасабхо бияад̣̇ассий бхаг̇аваа бхигкусан̇гхамаж̇жхз нисийд̣̇ид̇ваа имаа б̣яаагаран̣аг̇аат̇аа абхаасат̇а гат̇зсийд̇и ад̇т̇о. сзсам̣ сувин̃н̃зяяамзваад̇и.
134. Lokajeṭṭho narāsabho piyadassī bhagavā bhikkhusaṅghamajjhe nisīditvā imā byākaraṇagāthā abhāsatha kathesīti attho. Sesaṃ suviññeyyamevāti.
суман̇г̇алад̇т̇зраабад̣̇аанаван̣н̣анаа самад̇д̇аа.
Sumaṅgalattheraapadānavaṇṇanā samattā.
д̣̇уд̇ияасса сийхаасанаваг̇г̇асса ван̣н̣анаа самад̇д̇аа.
Dutiyassa sīhāsanavaggassa vaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 10. суман̇г̇алад̇т̇зраабад̣̇аанам̣ • 10. Sumaṅgalattheraapadānaṃ
