| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੨. ਸੁਮਙ੍ਗਲਤ੍ਥੇਰਅਪਦਾਨવਣ੍ਣਨਾ
2. Sumaṅgalattheraapadānavaṇṇanā
ਅਤ੍ਥਦਸ੍ਸੀ ਜਿਨવਰੋਤਿਆਦਿਕਂ ਆਯਸ੍ਮਤੋ ਸੁਮਙ੍ਗਲਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਅਤ੍ਥਦਸ੍ਸਿਸ੍ਸ ਭਗવਤੋ ਕਾਲੇ ਏਕਸ੍ਮਿਂ ਤਲ਼ਾਕਸਮੀਪੇ ਰੁਕ੍ਖਦੇવਤਾ ਹੁਤ੍વਾ ਨਿਬ੍ਬਤ੍ਤਿ। ਤਸ੍ਮਿਂ ਸਮਯੇ ਭਗવਾ વਿਹਾਰਤੋ ਨਿਕ੍ਖਮਿਤ੍વਾ ਨਹਾਯਿਤੁਕਾਮੋ ਤਸ੍ਸ ਤਲ਼ਾਕਸ੍ਸ ਤੀਰਂ ਗਨ੍ਤ੍વਾ ਤਤ੍ਥ ਨ੍ਹਤ੍વਾ ਏਕਚੀવਰੋ ਜਲਮਾਨੋ ਬ੍ਰਹ੍ਮਾ વਿਯ ਸੂਰਿਯੋ વਿਯ ਸੁવਣ੍ਣਬਿਮ੍ਬਂ વਿਯ ਅਟ੍ਠਾਸਿ। ਅਥ ਸੋ ਦੇવਪੁਤ੍ਤੋ ਸੋਮਨਸ੍ਸਜਾਤੋ ਪਞ੍ਜਲਿਕੋ ਥੋਮਨਮਕਾਸਿ, ਅਤ੍ਤਨੋ ਦਿਬ੍ਬਗੀਤਤੂਰਿਯੇਹਿ ਉਪਹਾਰਞ੍ਚ ਅਕਾਸਿ। ਸੋ ਤੇਨ ਪੁਞ੍ਞਕਮ੍ਮੇਨ ਦੇવਮਨੁਸ੍ਸੇਸੁ ਸਮ੍ਪਤ੍ਤਿਯੋ ਅਨੁਭવਿਤ੍વਾ ਅਪਰਭਾਗੇ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਕੁਲਗੇਹੇ ਨਿਬ੍ਬਤ੍ਤੋ વਿਞ੍ਞੁਤਂ ਪਤ੍ਤੋ ਸਤ੍ਥਰਿ ਪਸੀਦਿਤ੍વਾ ਪਬ੍ਬਜਿਤ੍વਾ ਨਚਿਰਸ੍ਸੇવ ਅਰਹਾ ਅਹੋਸਿ।
Atthadassī jinavarotiādikaṃ āyasmato sumaṅgalattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto atthadassissa bhagavato kāle ekasmiṃ taḷākasamīpe rukkhadevatā hutvā nibbatti. Tasmiṃ samaye bhagavā vihārato nikkhamitvā nahāyitukāmo tassa taḷākassa tīraṃ gantvā tattha nhatvā ekacīvaro jalamāno brahmā viya sūriyo viya suvaṇṇabimbaṃ viya aṭṭhāsi. Atha so devaputto somanassajāto pañjaliko thomanamakāsi, attano dibbagītatūriyehi upahārañca akāsi. So tena puññakammena devamanussesu sampattiyo anubhavitvā aparabhāge imasmiṃ buddhuppāde kulagehe nibbatto viññutaṃ patto satthari pasīditvā pabbajitvā nacirasseva arahā ahosi.
੧੧. ਸੋ ਪਚ੍ਛਾ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਅਤ੍ਥਦਸ੍ਸੀ ਜਿਨવਰੋਤਿਆਦਿਮਾਹ। ਤਤ੍ਥ ਪਰਮਤ੍ਥਂ ਨਿਬ੍ਬਾਨਂ ਦਕ੍ਖਤਿ ਪਸ੍ਸਤੀਤਿ ਅਤ੍ਥਦਸ੍ਸੀ, ਅਥ વਾ ਸਬ੍ਬਸਤ੍ਤਾਨਂ ਚਤੁਰਾਰਿਯਸਚ੍ਚਸਙ੍ਖਾਤਂ ਅਤ੍ਥਪਯੋਜਨਂ ਦਸ੍ਸਨਸੀਲੋਤਿ ਅਤ੍ਥਦਸ੍ਸੀ, ਕਿਲੇਸੇ ਅਜਿਨਿ ਜਿਨਾਤਿ ਜਿਨਿਸ੍ਸਤੀਤਿ ਜਿਨੋ। વਰਿਤਬ੍ਬੋ ਪਤ੍ਥੇਤਬ੍ਬੋ ਸਬ੍ਬਸਤ੍ਤੇਹੀਤਿ વਰੋ, ਅਤ੍ਥਦਸ੍ਸੀ ਜਿਨੋ ਚ ਸੋ વਰੋ ਚਾਤਿ ਅਤ੍ਥਦਸ੍ਸੀ ਜਿਨવਰੋ। ਲੋਕਜੇਟ੍ਠੋਤਿ ਲੁਜ੍ਜਤਿ ਪਲੁਜ੍ਜਤੀਤਿ ਲੋਕੋ, ਲੋਕੀਯਤਿ ਪਸ੍ਸੀਯਤਿ ਬੁਦ੍ਧਾਦੀਹਿ ਪਾਰਪ੍ਪਤ੍ਤੋਤਿ વਾ ਲੋਕੋ, ਲੋਕੋ ਚ ਲੋਕੋ ਚ ਲੋਕੋ ਚਾਤਿ ਲੋਕੋ। ਏਕਸੇਸਸਮਾਸવਸੇਨ ‘‘ਲੋਕਾ’’ਤਿ વਤ੍ਤਬ੍ਬੇ ‘‘ਲੋਕੋ’’ਤਿ વੁਤ੍ਤੋ। ਲੋਕਸ੍ਸ ਜੇਟ੍ਠੋ ਲੋਕਜੇਟ੍ਠੋ, ਸੋ ਲੋਕਜੇਟ੍ਠੋ ਨਰਾਸਭੋਤਿ ਅਤ੍ਥੋ। ਸੇਸਂ ਸਬ੍ਬਤ੍ਥ ਉਤ੍ਤਾਨਮੇવਾਤਿ।
11. So pacchā pubbakammaṃ saritvā somanassajāto pubbacaritāpadānaṃ pakāsento atthadassī jinavarotiādimāha. Tattha paramatthaṃ nibbānaṃ dakkhati passatīti atthadassī, atha vā sabbasattānaṃ caturāriyasaccasaṅkhātaṃ atthapayojanaṃ dassanasīloti atthadassī, kilese ajini jināti jinissatīti jino. Varitabbo patthetabbo sabbasattehīti varo, atthadassī jino ca so varo cāti atthadassī jinavaro. Lokajeṭṭhoti lujjati palujjatīti loko, lokīyati passīyati buddhādīhi pārappattoti vā loko, loko ca loko ca loko cāti loko. Ekasesasamāsavasena ‘‘lokā’’ti vattabbe ‘‘loko’’ti vutto. Lokassa jeṭṭho lokajeṭṭho, so lokajeṭṭho narāsabhoti attho. Sesaṃ sabbattha uttānamevāti.
ਸੁਮਙ੍ਗਲਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Sumaṅgalattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੨. ਸੁਮਙ੍ਗਲਤ੍ਥੇਰਅਪਦਾਨਂ • 2. Sumaṅgalattheraapadānaṃ
