| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
3. суман̇г̇алад̇т̇зраг̇аат̇ааван̣н̣анаа
3. Sumaṅgalattheragāthāvaṇṇanā
сумуд̇д̇игод̇и ааяасмад̇о суман̇г̇алад̇т̇зрасса г̇аат̇аа. гаа уббад̇д̇и? соби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяам̣ бун̃н̃ам̣ убажинанд̇о сид̣̇д̇хад̇т̇асса бхаг̇авад̇о гаалз ругкад̣̇звад̇аа худ̇ваа ниб̣б̣ад̇д̇и. со згад̣̇ивасам̣ сад̇т̇аарам̣ нхааяид̇ваа згажийварам̣ тид̇ам̣ д̣̇исваа соманассаббад̇д̇о худ̇ваа абподзси. со д̇зна бун̃н̃агаммзна д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з саавад̇т̇ияаа авид̣̇уурз ан̃н̃ад̇арасмим̣ г̇аамагз д̇аад̣̇исзна гамманиссанд̣̇зна д̣̇алид̣̇д̣̇агулз ниб̣б̣ад̇д̇и. д̇асса суман̇г̇алод̇и наамам̣ ахоси. со ваяаббад̇д̇о куж̇ж̇агаасид̇анан̇г̇алагуд̣̇д̣̇аалабаригкааро худ̇ваа гасияаа ж̇ийвад̇и. со згад̣̇ивасам̣ ран̃н̃аа басзнад̣̇игосалзна бхаг̇авад̇о бхигкусан̇гхасса жа махаад̣̇аанз бавад̇д̇ияамаанз д̣̇аанобагаран̣аани г̇ахзд̇ваа ааг̇ажчанд̇зхи мануссзхи сад̣̇д̇хим̣ д̣̇ад̇хигхадам̣ г̇ахзд̇ваа ааг̇ад̇о бхигкуунам̣ саггаарасаммаанам̣ д̣̇исваа ‘‘имз саман̣аа сагяабуд̇д̇ияаа сукумавад̇т̇асунивад̇т̇аа субхож̇анаани бхун̃ж̇ид̇ваа ниваад̇зсу сзнаасанзсу вихаранд̇и, яам̣нуунаахамби баб̣б̣аж̇зяяа’’нд̇и жинд̇зд̇ваа, ан̃н̃ад̇арам̣ махаат̇зрам̣ убасан̇гамид̇ваа ад̇д̇ано баб̣б̣аж̇ж̇аад̇хиббааяам̣ нивзд̣̇зси. со д̇ам̣ гарун̣ааяанд̇о баб̣б̣ааж̇зд̇ваа гаммадтаанам̣ аажигки. со аран̃н̃з вихаранд̇о згавихаарз ниб̣б̣инно угган̣тид̇о худ̇ваа, виб̣бхамид̇угаамо н̃аад̇иг̇аамам̣ г̇ажчанд̇о анд̇араамаг̇г̇з гажчам̣ б̣анд̇хид̇ваа кзд̇д̇ам̣ гасанд̇з гилидтавад̇т̇анивад̇т̇з саманд̇ад̇о раж̇огин̣н̣асарийрз ваад̇аад̇абзна пуссанд̇з гассагз д̣̇исваа, ‘‘маханд̇ам̣ вад̇имз сад̇д̇аа ж̇ийвиганимид̇д̇ам̣ д̣̇угкам̣ бажжанубхонд̇ий’’д̇и сам̣взг̇ам̣ бадилабхи. н̃аан̣асса барибаагам̣ г̇ад̇ад̇д̇аа яат̇ааг̇ахид̇ам̣ гаммадтаанам̣ убадтааси. со ан̃н̃ад̇арам̣ ругкамуулам̣ убаг̇анд̇ваа вивзгам̣ лабхид̇ваа яонисо манасигаронд̇о вибассанам̣ вад̣дхзд̇ваа маг̇г̇абадибаадияаа арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 1.12.11-19) –
Sumuttikoti āyasmato sumaṅgalattherassa gāthā. Kā uppatti? Sopi purimabuddhesu katādhikāro tattha tattha bhave vivaṭṭūpanissayaṃ puññaṃ upacinanto siddhatthassa bhagavato kāle rukkhadevatā hutvā nibbatti. So ekadivasaṃ satthāraṃ nhāyitvā ekacīvaraṃ ṭhitaṃ disvā somanassappatto hutvā apphoṭesi. So tena puññakammena devamanussesu saṃsaranto imasmiṃ buddhuppāde sāvatthiyā avidūre aññatarasmiṃ gāmake tādisena kammanissandena daliddakule nibbatti. Tassa sumaṅgaloti nāmaṃ ahosi. So vayappatto khujjakāsitanaṅgalakuddālaparikkhāro hutvā kasiyā jīvati. So ekadivasaṃ raññā pasenadikosalena bhagavato bhikkhusaṅghassa ca mahādāne pavattiyamāne dānopakaraṇāni gahetvā āgacchantehi manussehi saddhiṃ dadhighaṭaṃ gahetvā āgato bhikkhūnaṃ sakkārasammānaṃ disvā ‘‘ime samaṇā sakyaputtiyā sukhumavatthasunivatthā subhojanāni bhuñjitvā nivātesu senāsanesu viharanti, yaṃnūnāhampi pabbajeyya’’nti cintetvā, aññataraṃ mahātheraṃ upasaṅkamitvā attano pabbajjādhippāyaṃ nivedesi. So taṃ karuṇāyanto pabbājetvā kammaṭṭhānaṃ ācikkhi. So araññe viharanto ekavihāre nibbinno ukkaṇṭhito hutvā, vibbhamitukāmo ñātigāmaṃ gacchanto antarāmagge kacchaṃ bandhitvā khettaṃ kasante kiliṭṭhavatthanivatthe samantato rajokiṇṇasarīre vātātapena phussante kassake disvā, ‘‘mahantaṃ vatime sattā jīvikanimittaṃ dukkhaṃ paccanubhontī’’ti saṃvegaṃ paṭilabhi. Ñāṇassa paripākaṃ gatattā yathāgahitaṃ kammaṭṭhānaṃ upaṭṭhāsi. So aññataraṃ rukkhamūlaṃ upagantvā vivekaṃ labhitvā yoniso manasikaronto vipassanaṃ vaḍḍhetvā maggapaṭipāṭiyā arahattaṃ pāpuṇi. Tena vuttaṃ apadāne (apa. thera 1.12.11-19) –
‘‘ад̇т̇ад̣̇ассий ж̇инаваро, логаж̇здто нараасабхо;
‘‘Atthadassī jinavaro, lokajeṭṭho narāsabho;
вихаараа абхинигкамма, д̇ал̣аагам̣ убасан̇гами.
Vihārā abhinikkhamma, taḷākaṃ upasaṅkami.
‘‘нхаад̇ваа бид̇ваа жа самб̣уд̣̇д̇хо, уд̇д̇арид̇взгажийваро;
‘‘Nhātvā pitvā ca sambuddho, uttaritvekacīvaro;
адтааси бхаг̇аваа д̇ад̇т̇а, вилогзнд̇о д̣̇исод̣̇исам̣.
Aṭṭhāsi bhagavā tattha, vilokento disodisaṃ.
‘‘бхаванз убавидтохам̣, ад̣̇д̣̇асам̣ логанааяагам̣;
‘‘Bhavane upaviṭṭhohaṃ, addasaṃ lokanāyakaṃ;
хадто хадтзна жид̇д̇зна, абподзсим̣ ахам̣ д̇ад̣̇аа.
Haṭṭho haṭṭhena cittena, apphoṭesiṃ ahaṃ tadā.
‘‘сад̇арам̣сим̣ва ж̇од̇анд̇ам̣, бабхаасанд̇ам̣ва ган̃жанам̣;
‘‘Sataraṃsiṃva jotantaṃ, pabhāsantaṃva kañcanaṃ;
нажжаг̇ийд̇з баяуд̇д̇охам̣, бан̃жан̇г̇ад̇уурияамхи жа.
Naccagīte payuttohaṃ, pañcaṅgatūriyamhi ca.
‘‘яам̣ яам̣ яонубабаж̇ж̇аами, д̣̇звад̇д̇ам̣ ат̇а маанусам̣;
‘‘Yaṃ yaṃ yonupapajjāmi, devattaṃ atha mānusaṃ;
саб̣б̣з сад̇д̇з абхибхоми, вибуло ход̇и мз яасо.
Sabbe satte abhibhomi, vipulo hoti me yaso.
‘‘намо д̇з бурисааж̇ан̃н̃а, намо д̇з бурисуд̇д̇ама;
‘‘Namo te purisājañña, namo te purisuttama;
ад̇д̇аанам̣ д̇осаяид̇ваана, барз д̇осзси д̇вам̣ муни.
Attānaṃ tosayitvāna, pare tosesi tvaṃ muni.
‘‘бариг̇г̇ахз нисийд̣̇ид̇ваа, хаасам̣ гад̇ваана суб̣б̣ад̇з;
‘‘Pariggahe nisīditvā, hāsaṃ katvāna subbate;
убадтахид̇ваа самб̣уд̣̇д̇хам̣, д̇усид̇ам̣ убабаж̇ж̇ахам̣.
Upaṭṭhahitvā sambuddhaṃ, tusitaṃ upapajjahaṃ.
‘‘сол̣асзд̇о габбасад̇з, д̣̇винавазгажинд̇ид̇аа;
‘‘Soḷaseto kappasate, dvinavaekacintitā;
сад̇д̇арад̇анасамбаннаа, жаггавад̇д̇ий махаб̣б̣алаа.
Sattaratanasampannā, cakkavattī mahabbalā.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа самбад̇д̇им̣ ад̇д̇ано д̣̇угкавимуд̇д̇ин̃жа гид̇д̇анавасзна уд̣̇аанам̣ уд̣̇аанзнд̇о ‘‘сумуд̇д̇иго’’д̇иаад̣̇имааха.
Arahattaṃ pana patvā sampattiṃ attano dukkhavimuttiñca kittanavasena udānaṃ udānento ‘‘sumuttiko’’tiādimāha.
43. д̇ад̇т̇а сумуд̇д̇игод̇и сунд̣̇араа ажжанд̇игад̇ааяа абунаб̣бхавигаа муд̇д̇и зд̇ассаад̇и сумуд̇д̇иго. д̇асса бана вимуд̇д̇ияаа баасам̣сияад̇ааяа ажчарияад̇ааяа жа абподзнд̇о ааха ‘‘сумуд̇д̇иго’’д̇и. буна д̇ад̇т̇а вимуд̇д̇ияам̣ ад̇д̇ано басаад̣̇асса д̣̇ал̣хабхаавам̣ д̣̇ассзнд̇о ‘‘сааху сумуд̇д̇игомхий’’д̇и ааха. ‘‘саад̇ху судту муд̇д̇иго вад̇амхий’’д̇и ад̇т̇о. ‘‘гуд̇о банааяам̣ сумуд̇д̇игад̇аа’’д̇и? гааман̃жааяам̣ т̇зро саб̣б̣асмааби ваддад̣̇угкад̇о сувимуд̇д̇о, ад̇д̇ано бана д̇аава убадтид̇ам̣ ад̇ивияа анидтабхууд̇ам̣ д̣̇угкам̣ д̣̇ассзнд̇о ‘‘д̇ийхи куж̇ж̇агзхий’’д̇иаад̣̇имааха. д̇ад̇т̇а куж̇ж̇агзхийд̇и куж̇ж̇асабхаавзхи, куж̇ж̇аагаарзхи ваа. ниссаггаважанан̃жзд̇ам̣ муд̇д̇асад̣̇д̣̇аабзгкааяа. гассаго хи акуж̇ж̇оби самаано д̇ийсу таанзсу ад̇д̇аанам̣ куж̇ж̇ам̣ гад̇ваа д̣̇ассзд̇и лааяанз гасанз гуд̣̇д̣̇аалагаммз жа. яо хи бана гассаго лааяанаад̣̇ийни гарод̇и , д̇ааниби асид̇аад̣̇ийни гудилаагаарад̇о куж̇ж̇агаанийд̇и вуд̇д̇ам̣ ‘‘д̇ийхи куж̇ж̇агзхий’’д̇и.
43. Tattha sumuttikoti sundarā accantikatāya apunabbhavikā mutti etassāti sumuttiko. Tassa pana vimuttiyā pāsaṃsiyatāya acchariyatāya ca apphoṭento āha ‘‘sumuttiko’’ti. Puna tattha vimuttiyaṃ attano pasādassa daḷhabhāvaṃ dassento ‘‘sāhu sumuttikomhī’’ti āha. ‘‘Sādhu suṭṭhu muttiko vatamhī’’ti attho. ‘‘Kuto panāyaṃ sumuttikatā’’ti? Kāmañcāyaṃ thero sabbasmāpi vaṭṭadukkhato suvimutto, attano pana tāva upaṭṭhitaṃ ativiya aniṭṭhabhūtaṃ dukkhaṃ dassento ‘‘tīhi khujjakehī’’tiādimāha. Tattha khujjakehīti khujjasabhāvehi, khujjākārehi vā. Nissakkavacanañcetaṃ muttasaddāpekkhāya. Kassako hi akhujjopi samāno tīsu ṭhānesu attānaṃ khujjaṃ katvā dasseti lāyane kasane kuddālakamme ca. Yo hi pana kassako lāyanādīni karoti , tānipi asitādīni kuṭilākārato khujjakānīti vuttaṃ ‘‘tīhi khujjakehī’’ti.
ид̣̇аани д̇аани саруубад̇о д̣̇ассзнд̇о ‘‘асид̇аасу маяаа, нан̇г̇алаасу маяаа, куд̣̇д̣̇агуд̣̇д̣̇аалаасу маяаа’’д̇и ааха. д̇ад̇т̇а асид̇аасу маяаад̇и лавид̇д̇зхи маяаа муд̇д̇анд̇и ад̇т̇о. ниссаггз жзд̇ам̣ бхуммаважанам̣. сзсзсуби зсзва наяо. абарз бана ‘‘асид̇аасу маяаад̇и лавид̇д̇зхи гаран̣абхууд̇зхи маяаа куж̇ж̇ид̇а’’нд̇и вад̣̇анд̇и. д̇зсам̣ мад̇зна гаран̣ад̇т̇з хзд̇умхи ваа бхуммаважанам̣. ‘‘нан̇г̇алаасуу’’д̇и лин̇г̇авибаллаасам̣ гад̇ваа вуд̇д̇ам̣, нан̇г̇алзхи гасирзхийд̇и ад̇т̇о. ад̇д̇анаа вал̣ан̃ж̇ид̇агуд̣̇д̣̇ааласса сабхаавад̇о вал̣ан̃ж̇анзна ваа аббагад̇ааяа вуд̇д̇ам̣ ‘‘куд̣̇д̣̇агуд̣̇д̣̇аалаасуу’’д̇и ‘‘гун̣тагуд̣̇д̣̇аалаасуу’’д̇иби баал̣и. вал̣ан̃ж̇анзнзва ад̇икин̣акан̣ид̇д̇зсууд̇и ад̇т̇о. ид̇хамзваад̇и ма-гааро бад̣̇асанд̇хигаро. ат̇а ваабийд̇и ваа-сад̣̇д̣̇о нибаад̇амад̇д̇ам̣. г̇аамагз тид̇ад̇д̇аа д̇аани асид̇аад̣̇ийни гин̃жааби ид̇хзва мама самийбзязва, д̇ат̇ааби аламзва ход̇ийд̇и ад̇т̇о. д̇урид̇авасзна жзд̇ам̣ аамзд̣ид̇аважанам̣. жхааяаад̇и паласамаабад̇д̇иж̇жхаанавасзна д̣̇идтад̇хаммасукавихаарад̇т̇ам̣ д̣̇иб̣б̣авихаараад̣̇ивасзна жа жхааяа. суман̇г̇алаад̇и ад̇д̇аанам̣ аалабад̇и. жхаанз бана аад̣̇арад̣̇ассанад̇т̇ам̣ аамзд̣ид̇ам̣ гад̇ам̣. аббамад̇д̇о вихараад̇и сад̇ибан̃н̃аавзбуллаббад̇д̇ияаа саб̣б̣ад̇т̇агамзва аббамад̇д̇оси д̇вам̣, д̇асмаа ид̣̇аани сукам̣ вихара, суман̇г̇ала. гзжи бана ‘‘арахад̇д̇ам̣ аббад̇ваа зва вибассанааяа вийт̇ибадибаннааяа саасанз сан̃ж̇аад̇аабхирад̇ияаа яат̇аанубхууд̇ам̣ гхарааваасад̣̇угкам̣ ж̇иг̇ужчанд̇о т̇зро имам̣ г̇аат̇ам̣ вад̇ваа бажчаа вибассанам̣ вад̣дхзд̇ваа арахад̇д̇ам̣ баабун̣ий’’д̇и вад̣̇анд̇и. д̇зсам̣ мад̇зна ‘‘жхааяа аббамад̇д̇о вихараа’’д̇и бад̣̇аанам̣ ад̇т̇о вибассанаамаг̇г̇авасзнаби яуж̇ж̇ад̇и зва.
Idāni tāni sarūpato dassento ‘‘asitāsu mayā, naṅgalāsu mayā, khuddakuddālāsu mayā’’ti āha. Tattha asitāsu mayāti lavittehi mayā muttanti attho. Nissakke cetaṃ bhummavacanaṃ. Sesesupi eseva nayo. Apare pana ‘‘asitāsu mayāti lavittehi karaṇabhūtehi mayā khujjita’’nti vadanti. Tesaṃ matena karaṇatthe hetumhi vā bhummavacanaṃ. ‘‘Naṅgalāsū’’ti liṅgavipallāsaṃ katvā vuttaṃ, naṅgalehi kasirehīti attho. Attanā vaḷañjitakuddālassa sabhāvato vaḷañjanena vā appakatāya vuttaṃ ‘‘khuddakuddālāsū’’ti ‘‘kuṇṭhakuddālāsū’’tipi pāḷi. Vaḷañjaneneva atikhiṇakhaṇittesūti attho. Idhamevāti ma-kāro padasandhikaro. Atha vāpīti vā-saddo nipātamattaṃ. Gāmake ṭhitattā tāni asitādīni kiñcāpi idheva mama samīpeyeva, tathāpi alameva hotīti attho. Turitavasena cetaṃ āmeḍitavacanaṃ. Jhāyāti phalasamāpattijjhānavasena diṭṭhadhammasukhavihāratthaṃ dibbavihārādivasena ca jhāya. Sumaṅgalāti attānaṃ ālapati. Jhāne pana ādaradassanatthaṃ āmeḍitaṃ kataṃ. Appamatto viharāti satipaññāvepullappattiyā sabbatthakameva appamattosi tvaṃ, tasmā idāni sukhaṃ vihara, sumaṅgala. Keci pana ‘‘arahattaṃ appatvā eva vipassanāya vīthipaṭipannāya sāsane sañjātābhiratiyā yathānubhūtaṃ gharāvāsadukkhaṃ jigucchanto thero imaṃ gāthaṃ vatvā pacchā vipassanaṃ vaḍḍhetvā arahattaṃ pāpuṇī’’ti vadanti. Tesaṃ matena ‘‘jhāya appamatto viharā’’ti padānaṃ attho vipassanāmaggavasenapi yujjati eva.
суман̇г̇алад̇т̇зраг̇аат̇ааван̣н̣анаа нидтид̇аа.
Sumaṅgalattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 3. суман̇г̇алад̇т̇зраг̇аат̇аа • 3. Sumaṅgalattheragāthā
