| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
сумано б̣уд̣̇д̇хо
Sumano buddho
звам̣ д̣̇асасахассилогад̇хаад̇ум̣ анд̇хагаарам̣ гад̇ваа бариниб̣б̣уд̇асса д̇асса бхаг̇авад̇о абарабхааг̇з сумано наама сад̇т̇аа логз уд̣̇абаад̣̇и. д̇ассааби д̇аяо саавагасаннибаад̇аа. батамасаннибаад̇з годисад̇асахассабхигкуу ахзсум̣. д̣̇уд̇ияз ган̃жанабаб̣б̣ад̇амхи навуд̇игодисахассаани, д̇ад̇ияз асийд̇игодисахассаани. д̇ад̣̇аа махаасад̇д̇о ад̇уло наама нааг̇арааж̇аа ахоси махид̣̇д̇хиго махаанубхааво. со ‘‘б̣уд̣̇д̇хо уббанно’’д̇и суд̇ваа н̃аад̇исан̇гхабаривуд̇о нааг̇абхаванаа нигкамид̇ваа годисад̇асахассабхигкубариваарасса д̇асса бхаг̇авад̇о д̣̇иб̣б̣ад̇ууриязхи убахаарам̣ гаарзд̇ваа махаад̣̇аанам̣ бавад̇д̇зд̇ваа бажжзгам̣ д̣̇уссаяуг̇аани д̣̇ад̇ваа саран̣зсу бад̇идтааси. соби нам̣ сад̇т̇аа ‘‘анааг̇ад̇з б̣уд̣̇д̇хо бхависсад̇ий’’д̇и б̣яаагааси. д̇асса бхаг̇авад̇о наг̇арам̣ мзкалам̣ наама ахоси, суд̣̇ад̇д̇о наама рааж̇аа бид̇аа, сиримаа наама маад̇аа д̣̇звий, саран̣о жа бхаавид̇ад̇д̇о жа д̣̇вз аг̇г̇асаавагаа, уд̣̇зно наамубадтааго, сон̣аа жа убасон̣аа жа д̣̇вз аг̇г̇асаавигаа, нааг̇аругко б̣од̇хи, навуд̇ихад̇т̇уб̣б̣зд̇хам̣ сарийрам̣ ахоси, навуд̇иязва вассасахассаани ааяуббамаан̣ам̣ ахоси.
Evaṃ dasasahassilokadhātuṃ andhakāraṃ katvā parinibbutassa tassa bhagavato aparabhāge sumano nāma satthā loke udapādi. Tassāpi tayo sāvakasannipātā. Paṭhamasannipāte koṭisatasahassabhikkhū ahesuṃ. Dutiye kañcanapabbatamhi navutikoṭisahassāni, tatiye asītikoṭisahassāni. Tadā mahāsatto atulo nāma nāgarājā ahosi mahiddhiko mahānubhāvo. So ‘‘buddho uppanno’’ti sutvā ñātisaṅghaparivuto nāgabhavanā nikkhamitvā koṭisatasahassabhikkhuparivārassa tassa bhagavato dibbatūriyehi upahāraṃ kāretvā mahādānaṃ pavattetvā paccekaṃ dussayugāni datvā saraṇesu patiṭṭhāsi. Sopi naṃ satthā ‘‘anāgate buddho bhavissatī’’ti byākāsi. Tassa bhagavato nagaraṃ mekhalaṃ nāma ahosi, sudatto nāma rājā pitā, sirimā nāma mātā devī, saraṇo ca bhāvitatto ca dve aggasāvakā, udeno nāmupaṭṭhāko, soṇā ca upasoṇā ca dve aggasāvikā, nāgarukkho bodhi, navutihatthubbedhaṃ sarīraṃ ahosi, navutiyeva vassasahassāni āyuppamāṇaṃ ahosi.
‘‘ман̇г̇аласса абарзна, сумано наама нааяаго;
‘‘Maṅgalassa aparena, sumano nāma nāyako;
саб̣б̣ад̇хаммзхи асамо, саб̣б̣асад̇д̇аанамуд̇д̇амо’’д̇и. (б̣у. вам̣. 6.1);
Sabbadhammehi asamo, sabbasattānamuttamo’’ti. (bu. vaṃ. 6.1);
