| Library / Tipiṭaka / д̇ибидага • Tipiṭaka / б̣уд̣̇д̇хавам̣са-адтагат̇аа • Buddhavaṃsa-aṭṭhakathā |
13. сумзд̇хаб̣уд̣̇д̇хавам̣саван̣н̣анаа
13. Sumedhabuddhavaṃsavaṇṇanā
бад̣̇умуд̇д̇арз бана саммаасамб̣уд̣̇д̇хз бариниб̣б̣уд̇з саасанзбисса анд̇арахид̇з сад̇д̇ад̇игаббасахассаани б̣уд̣̇д̇хаа нуббаж̇ж̇им̣су, б̣уд̣̇д̇хасун̃н̃аани ахзсум̣. ид̇о бадтааяа д̇им̣сагаббасахассаанам̣ мад̇т̇агз згасмим̣ габбз сумзд̇хо суж̇аад̇о жаад̇и д̣̇вз саммаасамб̣уд̣̇д̇хаа ниб̣б̣ад̇д̇им̣су. д̇ад̇т̇а ад̇хиг̇ад̇амзд̇хо сумзд̇хо наама б̣од̇хисад̇д̇о баарамияо буурзд̇ваа д̇усид̇абурз ниб̣б̣ад̇д̇ид̇ваа д̇ад̇о жавид̇ваа суд̣̇ассананаг̇арз суд̣̇ад̇д̇асса наама ран̃н̃о аг̇г̇амахзсияаа суд̣̇ад̇д̇ааяа наама д̣̇звияаа гужчисмим̣ бадисанд̇хим̣ г̇ахзд̇ваа д̣̇асаннам̣ маасаанам̣ ажжаязна суд̣̇ассануяяаанз д̇арун̣ад̣̇ивасагаро вияа салилад̇харавивараг̇ад̇о маад̇угужчид̇о нигками. со нававассасахассаани аг̇аарам̣ аж̇жхааваси. д̇асса гира сужанд̣̇ана-ган̃жана-сиривад̣дхананаамагаа д̇аяо баасаад̣̇аа ахзсум̣. суманамахаад̣̇звиббамукаани адтажад̇д̇аалийсаид̇т̇исахассаани бажжубадтид̇аани ахзсум̣.
Padumuttare pana sammāsambuddhe parinibbute sāsanepissa antarahite sattatikappasahassāni buddhā nuppajjiṃsu, buddhasuññāni ahesuṃ. Ito paṭṭhāya tiṃsakappasahassānaṃ matthake ekasmiṃ kappe sumedho sujāto cāti dve sammāsambuddhā nibbattiṃsu. Tattha adhigatamedho sumedho nāma bodhisatto pāramiyo pūretvā tusitapure nibbattitvā tato cavitvā sudassananagare sudattassa nāma rañño aggamahesiyā sudattāya nāma deviyā kucchismiṃ paṭisandhiṃ gahetvā dasannaṃ māsānaṃ accayena sudassanuyyāne taruṇadivasakaro viya saliladharavivaragato mātukucchito nikkhami. So navavassasahassāni agāraṃ ajjhāvasi. Tassa kira sucandana-kañcana-sirivaḍḍhananāmakā tayo pāsādā ahesuṃ. Sumanamahādevippamukhāni aṭṭhacattālīsaitthisahassāni paccupaṭṭhitāni ahesuṃ.
со жад̇д̇аари нимид̇д̇аани д̣̇исваа суманад̣̇звияаа бунаб̣б̣асумид̇д̇з наама буд̇д̇з ж̇аад̇з хад̇т̇ияаанзна махаабхинигкаманам̣ нигкамид̇ваа баб̣б̣аж̇и. мануссаанан̃жа годисад̇аманубаб̣б̣аж̇и. со д̇зхи баривуд̇о ад̣дхамаасам̣ бад̇хаанажарияам̣ жарид̇ваа висаакабун̣н̣амааяа нагуланиг̇амз нагуласздтид̇хийд̇ааяа д̣̇иннам̣ мад̇хубааяаасам̣ барибхун̃ж̇ид̇ваа саалаванз д̣̇иваавихаарам̣ вийд̇инаамзд̇ваа сиривад̣дхааж̇ийвагзна д̣̇иннаа адта д̇ин̣амудтияо г̇ахзд̇ваа нийбаб̣од̇химуулз вийсад̇ихад̇т̇авид̇т̇ад̇ам̣ д̇ин̣асант̇арам̣ сант̇арид̇ваа самаарам̣ маараб̣алам̣ вид̇хамид̇ваа абхисамб̣од̇хим̣ баабун̣ид̇ваа ‘‘анзгаж̇аад̇исам̣саарам̣…бз… д̇ан̣хаанам̣ каяамаж̇жхаг̇аа’’д̇и уд̣̇аанам̣ уд̣̇аанзд̇ваа сад̇д̇асад̇д̇аахам̣ б̣од̇хисамийбзязва вийд̇инаамзд̇ваа адтамз сад̇д̇аахз б̣рахмуно д̇хаммад̣̇зсанааяаажанам̣ самбадижчид̇ваа бхаб̣б̣абуг̇г̇алз ологзнд̇о ад̇д̇ано ганидтабхаад̇игам̣ саран̣агумааран̃жа саб̣б̣агаамигумааран̃жа ад̇д̇анаа сад̣̇д̇хим̣ баб̣б̣аж̇ид̇аанам̣ бхигкуунан̃жа годисад̇ам̣ жад̇усажжад̇хаммабадивзд̇хасамад̇т̇з д̣̇исваа аагаасзна г̇анд̇ваа суд̣̇ассананаг̇арасамийбз суд̣̇ассануяяаанз од̇арид̇ваа уяяаанабаалзна ад̇д̇ано бхаад̇игз баггосаабзд̇ваа д̇зсам̣ бариваараанам̣ маж̇жхз д̇хаммажаггам̣ бавад̇д̇зси. д̇ад̣̇аа годисад̇асахассаанам̣ д̇хаммаабхисамаяо ахоси, аяам̣ батамо абхисамаяо. д̇зна вуд̇д̇ам̣ –
So cattāri nimittāni disvā sumanadeviyā punabbasumitte nāma putte jāte hatthiyānena mahābhinikkhamanaṃ nikkhamitvā pabbaji. Manussānañca koṭisatamanupabbaji. So tehi parivuto aḍḍhamāsaṃ padhānacariyaṃ caritvā visākhapuṇṇamāya nakulanigame nakulaseṭṭhidhītāya dinnaṃ madhupāyāsaṃ paribhuñjitvā sālavane divāvihāraṃ vītināmetvā sirivaḍḍhājīvakena dinnā aṭṭha tiṇamuṭṭhiyo gahetvā nīpabodhimūle vīsatihatthavitthataṃ tiṇasantharaṃ santharitvā samāraṃ mārabalaṃ vidhamitvā abhisambodhiṃ pāpuṇitvā ‘‘anekajātisaṃsāraṃ…pe… taṇhānaṃ khayamajjhagā’’ti udānaṃ udānetvā sattasattāhaṃ bodhisamīpeyeva vītināmetvā aṭṭhame sattāhe brahmuno dhammadesanāyācanaṃ sampaṭicchitvā bhabbapuggale olokento attano kaniṭṭhabhātikaṃ saraṇakumārañca sabbakāmikumārañca attanā saddhiṃ pabbajitānaṃ bhikkhūnañca koṭisataṃ catusaccadhammapaṭivedhasamatthe disvā ākāsena gantvā sudassananagarasamīpe sudassanuyyāne otaritvā uyyānapālena attano bhātike pakkosāpetvā tesaṃ parivārānaṃ majjhe dhammacakkaṃ pavattesi. Tadā koṭisatasahassānaṃ dhammābhisamayo ahosi, ayaṃ paṭhamo abhisamayo. Tena vuttaṃ –
1.
1.
‘‘бад̣̇умуд̇д̇арасса абарзна, сумзд̇хо наама нааяаго;
‘‘Padumuttarassa aparena, sumedho nāma nāyako;
д̣̇ураасад̣̇о уг̇г̇ад̇зж̇о, саб̣б̣алогуд̇д̇амо муни.
Durāsado uggatejo, sabbalokuttamo muni.
2.
2.
‘‘басаннанзд̇д̇о сумуко, б̣рахаа уж̇у бад̇аабаваа;
‘‘Pasannanetto sumukho, brahā uju patāpavā;
хид̇зсий саб̣б̣асад̇д̇аанам̣, б̣ахуу можзси б̣анд̇ханаа.
Hitesī sabbasattānaṃ, bahū mocesi bandhanā.
3.
3.
‘‘яад̣̇аа б̣уд̣̇д̇хо баабун̣ид̇ваа, гзвалам̣ б̣од̇химуд̇д̇амам̣;
‘‘Yadā buddho pāpuṇitvā, kevalaṃ bodhimuttamaṃ;
суд̣̇ассанамхи наг̇арз, д̇хаммажаггам̣ бавад̇д̇аяи.
Sudassanamhi nagare, dhammacakkaṃ pavattayi.
4.
4.
‘‘д̇ассаабхисамаяаа д̇ийн̣и, ахзсум̣ д̇хаммад̣̇зсанз;
‘‘Tassābhisamayā tīṇi, ahesuṃ dhammadesane;
годисад̇асахассаанам̣, батамаабхисамаяо ахуу’’д̇и.
Koṭisatasahassānaṃ, paṭhamābhisamayo ahū’’ti.
д̇ад̇т̇а уг̇г̇ад̇зж̇од̇и уг̇г̇ад̇ад̇зж̇о. басаннанзд̇д̇од̇и судту басаннанаяано, д̇ховид̇ваа маж̇ж̇ид̇ваа табид̇аман̣иг̇ул̣игаа вияа басаннаани нзд̇д̇аани хонд̇и. д̇асмаа со ‘‘басаннанзд̇д̇о’’д̇и вуд̇д̇о. муд̣̇усинид̣̇д̇ханийлавималасукумабакумаажид̇асуббасаннанаяанод̇и ад̇т̇о. ‘‘суббасаннабан̃жанаяано’’д̇иби вад̇д̇ум̣ ваддад̇и. сумукод̇и барибун̣н̣асарад̣̇асамаяажанд̣̇асад̣̇исавад̣̇ано. б̣рахаад̇и адтаасийд̇ихад̇т̇аббамаан̣асарийрад̇д̇аа б̣рахаа маханд̇о, ан̃н̃зхи асаад̇хааран̣асарийраббамаан̣од̇и ад̇т̇о. уж̇ууд̇и б̣рахмуж̇уг̇ад̇д̇о уж̇умзва уг̇г̇ад̇асарийро д̣̇званаг̇арз самуссид̇асуван̣н̣ад̇оран̣асад̣̇исаварасарийрод̇и ад̇т̇о. бад̇аабаваад̇и виж̇ж̇од̇амаанасарийро. хид̇зсийд̇и хид̇аг̇авзсий. абхисамаяаа д̇ийн̣ийд̇и абхисамаяаа д̇аяо, лин̇г̇авибаллаасо гад̇од̇и.
Tattha uggatejoti uggatatejo. Pasannanettoti suṭṭhu pasannanayano, dhovitvā majjitvā ṭhapitamaṇiguḷikā viya pasannāni nettāni honti. Tasmā so ‘‘pasannanetto’’ti vutto. Mudusiniddhanīlavimalasukhumapakhumācitasuppasannanayanoti attho. ‘‘Suppasannapañcanayano’’tipi vattuṃ vaṭṭati. Sumukhoti paripuṇṇasaradasamayacandasadisavadano. Brahāti aṭṭhāsītihatthappamāṇasarīrattā brahā mahanto, aññehi asādhāraṇasarīrappamāṇoti attho. Ujūti brahmujugatto ujumeva uggatasarīro devanagare samussitasuvaṇṇatoraṇasadisavarasarīroti attho. Patāpavāti vijjotamānasarīro. Hitesīti hitagavesī. Abhisamayā tīṇīti abhisamayā tayo, liṅgavipallāso katoti.
яад̣̇аа бана бхаг̇аваа гумбхаган̣н̣асад̣̇исаанубхаавам̣ гумбхаган̣н̣ам̣ наама мануссабхагкам̣ яагкам̣ махааадавимукз санд̣̇иссамаанагхорасарийрам̣ вад̇д̇аниадависан̃жаарам̣ бажчинд̣̇ид̇ваа бавад̇д̇амаанам̣ бажжуусасамаяз махаагарун̣аасамаабад̇д̇им̣ самаабаж̇ж̇ид̇ваа д̇ад̇о вудтааяа логам̣ ологзнд̇о д̣̇исваа згагова асахааяо д̇асса яагкасса бхаванам̣ г̇анд̇ваа анд̇о бависид̇ваа бан̃н̃ад̇д̇з сирисаяанз нисийд̣̇и. ат̇а ко со яагко магкам̣ асахамаано д̣̇ан̣д̣аахад̇о гхорависо аасивисо вияа сам̣гуд̣̇д̇хо д̣̇асаб̣алам̣ бхим̣саабзд̇угаамо ад̇д̇ано ад̇д̇абхаавам̣ гхорад̇арам̣ гад̇ваа баб̣б̣ад̇асад̣̇исам̣ сийсам̣ гад̇ваа суурияаман̣д̣аласад̣̇исаани агкийни нимминид̇ваа нан̇г̇аласийсасад̣̇исаад̇ид̣̇ийгхавибулад̇икин̣ад̣̇аатааяо гад̇ваа оламб̣анийлавибулависамод̣̇аро д̇аалагканд̇хасад̣̇исаб̣аахужибидагавируубаван̇ганаасо баб̣б̣ад̇аб̣иласад̣̇исавибуларад̇д̇амуко т̇уулабин̇г̇алакарапарусагзсо ад̇ибхаяаанагад̣̇ассано худ̇ваа ааг̇анд̇ваа сумзд̇хасса бхаг̇авад̇о бурад̇о тад̇ваа бад̇хуубааяанд̇о баж̇ж̇аланд̇о баасаан̣абаб̣б̣ад̇аг̇г̇иж̇аала-салила-гад̣̇д̣̇ама-чааригааяуд̇хан̇г̇аара-ваалугаббагаараа нававид̇хаа вассавудтияо вассзд̇вааби бхаг̇авад̇о ломаг̇г̇амад̇д̇амби жаалзд̇ум̣ асаггонд̇о ‘‘бхаг̇аванд̇ам̣ бан̃хам̣ бужчид̇ваа маарзссаамий’’д̇и аал̣аваго вияа бан̃хам̣ бужчи. аяам̣ бхаг̇аваа бан̃хааб̣яаагаран̣зна д̇ам̣ яагкам̣ винаяамубанзси. д̇ад̇о д̣̇уд̇ияад̣̇ивасз гирасса радтаваасино мануссаа сагадабхарид̇зна бхад̇д̇зна саха рааж̇агумаарам̣ аахарид̇ваа яагкасса ад̣̇ам̣су. ат̇а яагко рааж̇агумаарам̣ б̣уд̣̇д̇хасса ад̣̇ааси. адавид̣̇ваарз тид̇амануссаа бхаг̇аванд̇ам̣ убасан̇гамим̣су. д̇ад̣̇аа д̇асмим̣ самааг̇амз д̣̇асаб̣ало яагкасса манонугуулам̣ д̇хаммам̣ д̣̇зсзнд̇о. навуд̇игодисахассаанам̣ баан̣ийнам̣ д̇хаммажагкум̣ уббаад̣̇зси, со д̣̇уд̇ияо д̇хаммаабхисамаяо ахоси. д̇зна вуд̇д̇ам̣ –
Yadā pana bhagavā kumbhakaṇṇasadisānubhāvaṃ kumbhakaṇṇaṃ nāma manussabhakkhaṃ yakkhaṃ mahāaṭavimukhe sandissamānaghorasarīraṃ vattaniaṭavisañcāraṃ pacchinditvā pavattamānaṃ paccūsasamaye mahākaruṇāsamāpattiṃ samāpajjitvā tato vuṭṭhāya lokaṃ olokento disvā ekakova asahāyo tassa yakkhassa bhavanaṃ gantvā anto pavisitvā paññatte sirisayane nisīdi. Atha kho so yakkho makkhaṃ asahamāno daṇḍāhato ghoraviso āsiviso viya saṃkuddho dasabalaṃ bhiṃsāpetukāmo attano attabhāvaṃ ghorataraṃ katvā pabbatasadisaṃ sīsaṃ katvā sūriyamaṇḍalasadisāni akkhīni nimminitvā naṅgalasīsasadisātidīghavipulatikhiṇadāṭhāyo katvā olambanīlavipulavisamodaro tālakkhandhasadisabāhucipiṭakavirūpavaṅkanāso pabbatabilasadisavipularattamukho thūlapiṅgalakharapharusakeso atibhayānakadassano hutvā āgantvā sumedhassa bhagavato purato ṭhatvā padhūpāyanto pajjalanto pāsāṇapabbataggijāla-salila-kaddama-chārikāyudhaṅgāra-vālukappakārā navavidhā vassavuṭṭhiyo vassetvāpi bhagavato lomaggamattampi cāletuṃ asakkonto ‘‘bhagavantaṃ pañhaṃ pucchitvā māressāmī’’ti āḷavako viya pañhaṃ pucchi. Ayaṃ bhagavā pañhābyākaraṇena taṃ yakkhaṃ vinayamupanesi. Tato dutiyadivase kirassa raṭṭhavāsino manussā sakaṭabharitena bhattena saha rājakumāraṃ āharitvā yakkhassa adaṃsu. Atha yakkho rājakumāraṃ buddhassa adāsi. Aṭavidvāre ṭhitamanussā bhagavantaṃ upasaṅkamiṃsu. Tadā tasmiṃ samāgame dasabalo yakkhassa manonukūlaṃ dhammaṃ desento. Navutikoṭisahassānaṃ pāṇīnaṃ dhammacakkhuṃ uppādesi, so dutiyo dhammābhisamayo ahosi. Tena vuttaṃ –
5.
5.
‘‘бунаабарам̣ гумбхаган̣н̣ам̣, яагкам̣ со д̣̇амаяий ж̇ино;
‘‘Punāparaṃ kumbhakaṇṇaṃ, yakkhaṃ so damayī jino;
навуд̇игодисахассаанам̣, д̣̇уд̇ияаабхисамаяо ахуу’’д̇и.
Navutikoṭisahassānaṃ, dutiyābhisamayo ahū’’ti.
яад̣̇аа бана убагааринаг̇арз сиринанд̣̇ануяяаанз жад̇д̇аари сажжаани багаасаяи, д̇ад̣̇аа асийд̇игодисад̇асахассаанам̣ д̇ад̇ияо д̇хаммаабхисамаяо ахоси. д̇зна вуд̇д̇ам̣ –
Yadā pana upakārinagare sirinandanuyyāne cattāri saccāni pakāsayi, tadā asītikoṭisatasahassānaṃ tatiyo dhammābhisamayo ahosi. Tena vuttaṃ –
6.
6.
‘‘бунаабарам̣ амид̇аяасо, жад̇усажжам̣ багаасаяи;
‘‘Punāparaṃ amitayaso, catusaccaṃ pakāsayi;
асийд̇игодисахассаанам̣, д̇ад̇ияаабхисамаяо ахуу’’д̇и.
Asītikoṭisahassānaṃ, tatiyābhisamayo ahū’’ti.
сумзд̇хассааби бхаг̇авад̇о д̇аяо саавагасаннибаад̇аа ахзсум̣. батамасаннибаад̇з суд̣̇ассананаг̇арз годисад̇акийн̣аасаваа ахзсум̣. буна д̣̇звагуудз баб̣б̣ад̇з гат̇инад̇т̇ад̇з д̣̇уд̇ияз навуд̇игодияо. буна д̇ад̇ияз бхаг̇авад̇и жааригам̣ жарамаанз асийд̇игодияо ахзсум̣. д̇зна вуд̇д̇ам̣ –
Sumedhassāpi bhagavato tayo sāvakasannipātā ahesuṃ. Paṭhamasannipāte sudassananagare koṭisatakhīṇāsavā ahesuṃ. Puna devakūṭe pabbate kathinatthate dutiye navutikoṭiyo. Puna tatiye bhagavati cārikaṃ caramāne asītikoṭiyo ahesuṃ. Tena vuttaṃ –
7.
7.
‘‘саннибаад̇аа д̇аяо аасум̣, сумзд̇хасса махзсино;
‘‘Sannipātā tayo āsuṃ, sumedhassa mahesino;
кийн̣аасаваанам̣ вималаанам̣, санд̇ажид̇д̇аана д̇аад̣̇инам̣.
Khīṇāsavānaṃ vimalānaṃ, santacittāna tādinaṃ.
8.
8.
‘‘суд̣̇ассанам̣ наама наг̇арам̣, убаг̇ан̃чи ж̇ино яад̣̇аа;
‘‘Sudassanaṃ nāma nagaraṃ, upagañchi jino yadā;
д̇ад̣̇аа кийн̣аасаваа бхигкуу, самим̣су сад̇агодияо.
Tadā khīṇāsavā bhikkhū, samiṃsu satakoṭiyo.
9.
9.
‘‘бунаабарам̣ д̣̇звагуудз, бхигкуунам̣ гат̇инад̇т̇ад̇з;
‘‘Punāparaṃ devakūṭe, bhikkhūnaṃ kathinatthate;
д̇ад̣̇аа навуд̇игодийнам̣, д̣̇уд̇ияо ааси самааг̇амо.
Tadā navutikoṭīnaṃ, dutiyo āsi samāgamo.
10.
10.
‘‘бунаабарам̣ д̣̇асаб̣ало, яад̣̇аа жарад̇и жааригам̣;
‘‘Punāparaṃ dasabalo, yadā carati cārikaṃ;
д̇ад̣̇аа асийд̇игодийнам̣, д̇ад̇ияо ааси самааг̇амо’’д̇и.
Tadā asītikoṭīnaṃ, tatiyo āsi samāgamo’’ti.
д̇ад̣̇аа амхаагам̣ б̣од̇хисад̇д̇о уд̇д̇аро наама саб̣б̣аж̇ануд̇д̇аро маан̣аво худ̇ваа нид̣̇ахид̇ваа табид̇ам̣язва асийд̇игодид̇ханам̣ виссаж̇ж̇зд̇ваа б̣уд̣̇д̇хаббамукасса сан̇гхасса махаад̣̇аанам̣ д̣̇ад̇ваа д̇ад̣̇аа д̣̇асаб̣аласса д̇хаммам̣ суд̇ваа саран̣зсу бад̇идтааяа нигкамид̇ваа баб̣б̣аж̇и. соби нам̣ сад̇т̇аа бхож̇анаанумод̣̇анам̣ гаронд̇о – ‘‘анааг̇ад̇з г̇од̇амо наама б̣уд̣̇д̇хо бхависсад̇ий’’д̇и б̣яаагааси. д̇зна вуд̇д̇ам̣ –
Tadā amhākaṃ bodhisatto uttaro nāma sabbajanuttaro māṇavo hutvā nidahitvā ṭhapitaṃyeva asītikoṭidhanaṃ vissajjetvā buddhappamukhassa saṅghassa mahādānaṃ datvā tadā dasabalassa dhammaṃ sutvā saraṇesu patiṭṭhāya nikkhamitvā pabbaji. Sopi naṃ satthā bhojanānumodanaṃ karonto – ‘‘anāgate gotamo nāma buddho bhavissatī’’ti byākāsi. Tena vuttaṃ –
11.
11.
‘‘ахам̣ д̇зна самаязна, уд̇д̇аро наама маан̣аво;
‘‘Ahaṃ tena samayena, uttaro nāma māṇavo;
асийд̇игодияо маяхам̣, гхарз саннижид̇ам̣ д̇ханам̣.
Asītikoṭiyo mayhaṃ, ghare sannicitaṃ dhanaṃ.
12.
12.
‘‘гзвалам̣ саб̣б̣ам̣ д̣̇ад̇ваана, сасан̇гхз логанааяагз;
‘‘Kevalaṃ sabbaṃ datvāna, sasaṅghe lokanāyake;
саран̣ам̣ д̇ассуубаг̇ан̃чим̣, баб̣б̣аж̇ж̇ан̃жаабхирожаяим̣.
Saraṇaṃ tassūpagañchiṃ, pabbajjañcābhirocayiṃ.
13.
13.
‘‘соби мам̣ б̣уд̣̇д̇хо б̣яаагааси, гаронд̇о анумод̣̇анам̣;
‘‘Sopi maṃ buddho byākāsi, karonto anumodanaṃ;
д̇им̣сагаббасахассамхи, аяам̣ б̣уд̣̇д̇хо бхависсад̇и.
Tiṃsakappasahassamhi, ayaṃ buddho bhavissati.
14.
14.
‘‘бад̇хаанам̣ бад̣̇ахид̇ваана…бз… хзссаама саммукаа имам̣’’.
‘‘Padhānaṃ padahitvāna…pe… hessāma sammukhā imaṃ’’.
б̣яаагаран̣аг̇аат̇аа вид̇т̇аарзд̇аб̣б̣аа.
Byākaraṇagāthā vitthāretabbā.
15.
15.
‘‘д̇ассааби важанам̣ суд̇ваа, бхияяо жид̇д̇ам̣ басаад̣̇аяим̣;
‘‘Tassāpi vacanaṃ sutvā, bhiyyo cittaṃ pasādayiṃ;
уд̇д̇арим̣ вад̇амад̇хидтаасим̣, д̣̇асабаарамибуурияаа.
Uttariṃ vatamadhiṭṭhāsiṃ, dasapāramipūriyā.
16.
16.
‘‘суд̇д̇анд̇ам̣ винаяам̣ жааби, наван̇г̇ам̣ сад̇т̇усаасанам̣;
‘‘Suttantaṃ vinayaṃ cāpi, navaṅgaṃ satthusāsanaṃ;
саб̣б̣ам̣ барияаабун̣ид̇ваана, собхаяим̣ ж̇инасаасанам̣.
Sabbaṃ pariyāpuṇitvāna, sobhayiṃ jinasāsanaṃ.
17.
17.
‘‘д̇ад̇т̇аббамад̇д̇о вихаранд̇о, нисаж̇ж̇адтаанажан̇гамз;
‘‘Tatthappamatto viharanto, nisajjaṭṭhānacaṅkame;
абхин̃н̃аабаарамим̣ г̇анд̇ваа, б̣рахмалогамаг̇ан̃чаха’’нд̇и.
Abhiññāpāramiṃ gantvā, brahmalokamagañchaha’’nti.
д̇ад̇т̇а саннижид̇анд̇и нид̣̇ахид̇ам̣ нид̇хаанавасзна. гзваланд̇и сагаланд̇и ад̇т̇о. саб̣б̣анд̇и асзсад̇о д̣̇ад̇ваа. сасан̇гхзд̇и сасан̇гхасса. д̇ассуубаг̇ан̃чинд̇и д̇ам̣ убаг̇ан̃чим̣, убаяог̇ад̇т̇з саамиважанам̣. абхирожаяинд̇и баб̣б̣аж̇им̣. д̇им̣сагаббасахассамхийд̇и д̇им̣сагаббасахассзсу ад̇игганд̇зсууд̇и ад̇т̇о.
Tattha sannicitanti nidahitaṃ nidhānavasena. Kevalanti sakalanti attho. Sabbanti asesato datvā. Sasaṅgheti sasaṅghassa. Tassūpagañchinti taṃ upagañchiṃ, upayogatthe sāmivacanaṃ. Abhirocayinti pabbajiṃ. Tiṃsakappasahassamhīti tiṃsakappasahassesu atikkantesūti attho.
д̇асса бана сумзд̇хасса бхаг̇авад̇о суд̣̇ассанам̣ наама наг̇арам̣ ахоси, суд̣̇ад̇д̇о наама рааж̇аа бид̇аа, маад̇аа суд̣̇ад̇д̇аа наама, саран̣о жа саб̣б̣агаамо жа д̣̇вз аг̇г̇асаавагаа, сааг̇аро наамубадтааго, раамаа жа сураамаа жа д̣̇вз аг̇г̇асаавигаа, махаанийбаругко б̣од̇хи, сарийрам̣ адтаасийд̇ихад̇т̇уб̣б̣зд̇хам̣ ахоси, ааяу навуд̇ивассасахассаани, нававассасахассаани аг̇аарам̣ аж̇жхааваси, суманаа наамасса аг̇г̇амахзсий, бунаб̣б̣асумид̇д̇о наама буд̇д̇о, хад̇т̇ияаанзна нигками. сзсам̣ г̇аат̇аасу д̣̇иссад̇и. д̇зна вуд̇д̇ам̣ –
Tassa pana sumedhassa bhagavato sudassanaṃ nāma nagaraṃ ahosi, sudatto nāma rājā pitā, mātā sudattā nāma, saraṇo ca sabbakāmo ca dve aggasāvakā, sāgaro nāmupaṭṭhāko, rāmā ca surāmā ca dve aggasāvikā, mahānīparukkho bodhi, sarīraṃ aṭṭhāsītihatthubbedhaṃ ahosi, āyu navutivassasahassāni, navavassasahassāni agāraṃ ajjhāvasi, sumanā nāmassa aggamahesī, punabbasumitto nāma putto, hatthiyānena nikkhami. Sesaṃ gāthāsu dissati. Tena vuttaṃ –
18.
18.
‘‘суд̣̇ассанам̣ наама наг̇арам̣, суд̣̇ад̇д̇о наама кад̇д̇ияо;
‘‘Sudassanaṃ nāma nagaraṃ, sudatto nāma khattiyo;
суд̣̇ад̇д̇аа наама ж̇анигаа, сумзд̇хасса махзсино.
Sudattā nāma janikā, sumedhassa mahesino.
23.
23.
‘‘саран̣о саб̣б̣агаамо жа, ахзсум̣ аг̇г̇асаавагаа;
‘‘Saraṇo sabbakāmo ca, ahesuṃ aggasāvakā;
сааг̇аро наамубадтааго, сумзд̇хасса махзсино.
Sāgaro nāmupaṭṭhāko, sumedhassa mahesino.
24.
24.
‘‘раамаа жзва сураамаа жа, ахзсум̣ аг̇г̇асаавигаа;
‘‘Rāmā ceva surāmā ca, ahesuṃ aggasāvikā;
б̣од̇хи д̇асса бхаг̇авад̇о, махаанийбод̇и вужжад̇и.
Bodhi tassa bhagavato, mahānīpoti vuccati.
26.
26.
‘‘адтаасийд̇ирад̇анаани, ажжуг̇г̇ад̇о махаамуни;
‘‘Aṭṭhāsītiratanāni, accuggato mahāmuni;
обхаасзд̇и д̣̇исаа саб̣б̣аа, жанд̣̇о д̇аараг̇ан̣з яат̇аа.
Obhāseti disā sabbā, cando tāragaṇe yathā.
27.
27.
‘‘жаггавад̇д̇иман̣ий наама, яат̇аа д̇абад̇и яож̇анам̣;
‘‘Cakkavattimaṇī nāma, yathā tapati yojanaṃ;
д̇ат̇зва д̇асса рад̇анам̣, саманд̇аа парад̇и яож̇анам̣.
Tatheva tassa ratanaṃ, samantā pharati yojanaṃ.
28.
28.
‘‘навуд̇ивассасахассаани, ааяу виж̇ж̇ад̇и д̇аавад̣̇з;
‘‘Navutivassasahassāni, āyu vijjati tāvade;
д̇аавад̇аа д̇идтамаано со, д̇аарзси ж̇анад̇ам̣ б̣ахум̣.
Tāvatā tiṭṭhamāno so, tāresi janataṃ bahuṃ.
29.
29.
‘‘д̇звиж̇ж̇ачал̣абхин̃н̃зхи , б̣алаббад̇д̇зхи д̇аад̣̇ихи;
‘‘Tevijjachaḷabhiññehi , balappattehi tādihi;
самаагуламид̣̇ам̣ ааси, араханд̇зхи саад̇хухи.
Samākulamidaṃ āsi, arahantehi sādhuhi.
30.
30.
‘‘д̇зби саб̣б̣з амид̇аяасаа, виббамуд̇д̇аа нируубад̇хий;
‘‘Tepi sabbe amitayasā, vippamuttā nirūpadhī;
н̃аан̣аалогам̣ д̣̇ассаяид̇ваа, ниб̣б̣уд̇аа д̇з махааяасаа’’д̇и.
Ñāṇālokaṃ dassayitvā, nibbutā te mahāyasā’’ti.
д̇ад̇т̇а жанд̣̇о д̇аараг̇ан̣з яат̇аад̇и яат̇аа наама г̇аг̇анз барибун̣н̣ажанд̣̇о д̇аарааг̇ан̣з обхаасзд̇и багаасзд̇и, звамзва саб̣б̣ааби д̣̇исаа обхаасзд̇ийд̇и ад̇т̇о. гзжи ‘‘жанд̣̇о баннарасо яат̇аа’’д̇и батанд̇и, со уд̇д̇аанад̇т̇ова.
Tattha cando tāragaṇe yathāti yathā nāma gagane paripuṇṇacando tārāgaṇe obhāseti pakāseti, evameva sabbāpi disā obhāsetīti attho. Keci ‘‘cando pannaraso yathā’’ti paṭhanti, so uttānatthova.
жаггавад̇д̇иман̣ий наамаад̇и яат̇аа наама жаггавад̇д̇иран̃н̃о ман̣ирад̇анам̣ жад̇ухад̇т̇ааяаамам̣ сагаданаабхисамабарин̣аахам̣ жад̇ураасийд̇иман̣исахассабариваарам̣ д̇аарааг̇ан̣абаривуд̇асса сарад̣̇асамаяабарибун̣н̣араж̇анигарасса сирисамуд̣̇аяасобхам̣ авхаяанд̇амива взбуллабаб̣б̣ад̇ад̇о барамараман̣ийяад̣̇ассанам̣ ман̣ирад̇анамааг̇ажчад̇и, д̇ассзвам̣ ааг̇ажчанд̇асса саманд̇ад̇о яож̇анаббамаан̣ам̣ огаасам̣ аабхаа парад̇и, звамзва д̇асса сумзд̇хассааби бхаг̇авад̇о сарийрад̇о аабхаарад̇анам̣ саманд̇ад̇о яож̇анам̣ парад̇ийд̇и ад̇т̇о.
Cakkavattimaṇī nāmāti yathā nāma cakkavattirañño maṇiratanaṃ catuhatthāyāmaṃ sakaṭanābhisamapariṇāhaṃ caturāsītimaṇisahassaparivāraṃ tārāgaṇaparivutassa saradasamayaparipuṇṇarajanikarassa sirisamudayasobhaṃ avhayantamiva vepullapabbatato paramaramaṇīyadassanaṃ maṇiratanamāgacchati, tassevaṃ āgacchantassa samantato yojanappamāṇaṃ okāsaṃ ābhā pharati, evameva tassa sumedhassāpi bhagavato sarīrato ābhāratanaṃ samantato yojanaṃ pharatīti attho.
д̇звиж̇ж̇ачал̣абхин̃н̃зхийд̇и д̇звиж̇ж̇зхи чал̣абхин̃н̃зхи жаад̇и ад̇т̇о. б̣алаббад̇д̇зхийд̇и ид̣̇д̇хиб̣алаббад̇д̇зхи. д̇аад̣̇ихийд̇и д̇аад̣̇ибхааваббад̇д̇зхи. самаагуланд̇и сан̇гин̣н̣ам̣ згагаасаавабаж̇ж̇од̇ам̣. ид̣̇анд̇и саасанам̣ санд̇хааяааха, махийд̇алам̣ ваа. амид̇аяасаад̇и амид̇абариваараа, ад̇улагид̇д̇игхосо ваа. нируубад̇хийд̇и жад̇уруубад̇хивирахид̇аа. сзсамзд̇т̇а г̇аат̇аасу саб̣б̣ад̇т̇а баагадамзваад̇и.
Tevijjachaḷabhiññehīti tevijjehi chaḷabhiññehi cāti attho. Balappattehīti iddhibalappattehi. Tādihīti tādibhāvappattehi. Samākulanti saṅkiṇṇaṃ ekakāsāvapajjotaṃ. Idanti sāsanaṃ sandhāyāha, mahītalaṃ vā. Amitayasāti amitaparivārā, atulakittighoso vā. Nirūpadhīti caturūpadhivirahitā. Sesamettha gāthāsu sabbattha pākaṭamevāti.
сумзд̇хаб̣уд̣̇д̇хавам̣саван̣н̣анаа нидтид̇аа.
Sumedhabuddhavaṃsavaṇṇanā niṭṭhitā.
нидтид̇о згаад̣̇асамо б̣уд̣̇д̇хавам̣со.
Niṭṭhito ekādasamo buddhavaṃso.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / б̣уд̣̇д̇хавам̣сабаал̣и • Buddhavaṃsapāḷi / 13. сумзд̇хаб̣уд̣̇д̇хавам̣со • 13. Sumedhabuddhavaṃso
