Library / Tipiṭaka / д̇ибидага • Tipiṭaka / т̇зрийг̇аат̇аа-адтагат̇аа • Therīgāthā-aṭṭhakathā

16. махаанибаад̇о

16. Mahānipāto

1. сумзд̇хаат̇зрийг̇аат̇ааван̣н̣анаа

1. Sumedhātherīgāthāvaṇṇanā

махаанибаад̇з манд̇аавад̇ияаа наг̇арзд̇иаад̣̇игаа сумзд̇хааяа т̇зрияаа г̇аат̇аа. аяамби буримаб̣уд̣̇д̇хзсу гад̇аад̇хигаараа д̇ад̇т̇а д̇ад̇т̇а бхавз виваддуубаниссаяам̣ гусалам̣ убажинанд̇ий, саггажжам̣ вимогкасамбхаарз самбхаарзнд̇ий гон̣ааг̇аманасса бхаг̇авад̇о гаалз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇ваа, ад̇д̇ано сакийхи гулад̇хийд̇аахи сад̣̇д̇хим̣ згаж̇жхаасаяаа худ̇ваа маханд̇ам̣ аараамам̣ гаарзд̇ваа б̣уд̣̇д̇хаббамукасса бхигкусан̇гхасса нияяаад̣̇зси. саа д̇зна бун̃н̃агаммзна гааяасса бхзд̣̇аа д̇аавад̇им̣сам̣ убаг̇ажчи. д̇ад̇т̇а яаавад̇ааяугам̣ д̣̇иб̣б̣асамбад̇д̇им̣ анубхавид̇ваа д̇ад̇о жуд̇аа яаамзсу убабаж̇ж̇и. д̇ад̇о жуд̇аа д̇усид̇зсу, д̇ад̇о жуд̇аа ниммаанарад̇ийсу, д̇ад̇о жуд̇аа бараниммид̇авасавад̇д̇ийсууд̇и ануггамзна бан̃жасу гаамасаг̇г̇зсу уббаж̇ж̇ид̇ваа д̇ад̇т̇а д̇ад̇т̇а д̣̇зварааж̇уунам̣ махзсий худ̇ваа д̇ад̇о жуд̇аа гассабасса бхаг̇авад̇о гаалз махаавибхавасса сздтино д̇хийд̇аа худ̇ваа ануггамзна вин̃н̃уд̇ам̣ бад̇ваа саасанз абхиббасаннаа худ̇ваа рад̇анад̇д̇аяам̣ уд̣̇д̣̇исса ул̣аарабун̃н̃агаммам̣ агааси.

Mahānipāte mantāvatiyā nagaretiādikā sumedhāya theriyā gāthā. Ayampi purimabuddhesu katādhikārā tattha tattha bhave vivaṭṭūpanissayaṃ kusalaṃ upacinantī, sakkaccaṃ vimokkhasambhāre sambhārentī koṇāgamanassa bhagavato kāle kulagehe nibbattitvā viññutaṃ patvā, attano sakhīhi kuladhītāhi saddhiṃ ekajjhāsayā hutvā mahantaṃ ārāmaṃ kāretvā buddhappamukhassa bhikkhusaṅghassa niyyādesi. Sā tena puññakammena kāyassa bhedā tāvatiṃsaṃ upagacchi. Tattha yāvatāyukaṃ dibbasampattiṃ anubhavitvā tato cutā yāmesu upapajji. Tato cutā tusitesu, tato cutā nimmānaratīsu, tato cutā paranimmitavasavattīsūti anukkamena pañcasu kāmasaggesu uppajjitvā tattha tattha devarājūnaṃ mahesī hutvā tato cutā kassapassa bhagavato kāle mahāvibhavassa seṭṭhino dhītā hutvā anukkamena viññutaṃ patvā sāsane abhippasannā hutvā ratanattayaṃ uddissa uḷārapuññakammaṃ akāsi.

д̇ад̇т̇а яааваж̇ийвам̣ д̇хаммуубаж̇ийвиний гусалад̇хамманирад̇аа худ̇ваа д̇ад̇о жуд̇аа д̇аавад̇им̣сзсу ниб̣б̣ад̇д̇ид̇ваа абараабарам̣ суг̇ад̇ийсуязва сам̣саранд̇ий, имасмим̣ б̣уд̣̇д̇хуббаад̣̇з манд̇аавад̇ийнаг̇арз гон̃жасса наама ран̃н̃о д̇хийд̇аа худ̇ваа ниб̣б̣ад̇д̇и. д̇ассаа маад̇аабид̇аро сумзд̇хаад̇и наамам̣ агам̣су. д̇ам̣ ануггамзна вуд̣̇д̇хиббад̇д̇аваяаббад̇д̇агаалз маад̇аабид̇аро ‘‘вааран̣авад̇ийнаг̇арз анигарад̇д̇асса наама ран̃н̃о д̣̇ассаамаа’’д̇и самманд̇зсум̣. саа бана д̣̇ахарагаалад̇о бадтааяа ад̇д̇ано самаанаваяаахи рааж̇аган̃н̃аахи д̣̇аасиж̇анзхи жа сад̣̇д̇хим̣ бхигкунубассаяам̣ г̇анд̇ваа бхигкунийнам̣ санд̇игз д̇хаммам̣ суд̇ваа жирагаалад̇о бадтааяа гад̇аад̇хигаарад̇ааяа сам̣саарз ж̇аад̇асам̣взг̇аа саасанз абхиббасаннаа худ̇ваа ваяаббад̇д̇агаалз гаамзхи винивад̇д̇ид̇амаанасаа ахоси. д̇зна саа маад̇аабид̇уунам̣ н̃аад̇ийнам̣ самманд̇анам̣ суд̇ваа ‘‘на маяхам̣ гхарааваасзна гижжам̣, баб̣б̣аж̇иссаамаха’’нд̇и ааха. д̇ам̣ маад̇аабид̇аро гхарааваасз нияож̇знд̇аа наанаббагаарзна яаажанд̇ааби сан̃н̃аабзд̇ум̣ наасагким̣су. саа ‘‘звам̣ мз баб̣б̣аж̇ид̇ум̣ лаб̣бхад̇ий’’д̇и каг̇г̇ам̣ г̇ахзд̇ваа саяамзва ад̇д̇ано гзсз чинд̣̇ид̇ваа д̇з зва гзсз аараб̣бха бадиггууламанасигаарам̣ бавад̇д̇знд̇ий д̇ад̇т̇а гад̇аад̇хигаарад̇ааяа бхигкунийнам̣ санд̇игз манасигааравид̇хаанасса суд̇абуб̣б̣ад̇д̇аа жа асубханимид̇д̇ам̣ уббаад̣̇зд̇ваа д̇ад̇т̇а батамаж̇жхаанам̣ ад̇хиг̇ажчи. ад̇хиг̇ад̇абатамаж̇жхаанаа жа ад̇д̇анаа гхарааваасз уяяож̇зд̇ум̣ убаг̇ад̇з маад̇аабид̇аро аад̣̇им̣ гад̇ваа анд̇ож̇анабариж̇анам̣ саб̣б̣ам̣ рааж̇агулам̣ саасанз абхиббасаннам̣ гаарзд̇ваа гхарад̇о нигкамид̇ваа бхигкунубассаяам̣ г̇анд̇ваа баб̣б̣аж̇и. баб̣б̣аж̇ид̇ваа жа вибассанам̣ бадтабзд̇ваа саммад̣̇зва барибагган̃аан̣аа вимуд̇д̇ибарибаажанийяаанам̣ д̇хаммаанам̣ висзсид̇ааяа на жирассзва саха бадисамбхид̣̇аахи арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зрий 2.1.1-19) –

Tattha yāvajīvaṃ dhammūpajīvinī kusaladhammaniratā hutvā tato cutā tāvatiṃsesu nibbattitvā aparāparaṃ sugatīsuyeva saṃsarantī, imasmiṃ buddhuppāde mantāvatīnagare koñcassa nāma rañño dhītā hutvā nibbatti. Tassā mātāpitaro sumedhāti nāmaṃ akaṃsu. Taṃ anukkamena vuddhippattavayappattakāle mātāpitaro ‘‘vāraṇavatīnagare anikarattassa nāma rañño dassāmā’’ti sammantesuṃ. Sā pana daharakālato paṭṭhāya attano samānavayāhi rājakaññāhi dāsijanehi ca saddhiṃ bhikkhunupassayaṃ gantvā bhikkhunīnaṃ santike dhammaṃ sutvā cirakālato paṭṭhāya katādhikāratāya saṃsāre jātasaṃvegā sāsane abhippasannā hutvā vayappattakāle kāmehi vinivattitamānasā ahosi. Tena sā mātāpitūnaṃ ñātīnaṃ sammantanaṃ sutvā ‘‘na mayhaṃ gharāvāsena kiccaṃ, pabbajissāmaha’’nti āha. Taṃ mātāpitaro gharāvāse niyojentā nānappakārena yācantāpi saññāpetuṃ nāsakkhiṃsu. Sā ‘‘evaṃ me pabbajituṃ labbhatī’’ti khaggaṃ gahetvā sayameva attano kese chinditvā te eva kese ārabbha paṭikkūlamanasikāraṃ pavattentī tattha katādhikāratāya bhikkhunīnaṃ santike manasikāravidhānassa sutapubbattā ca asubhanimittaṃ uppādetvā tattha paṭhamajjhānaṃ adhigacchi. Adhigatapaṭhamajjhānā ca attanā gharāvāse uyyojetuṃ upagate mātāpitaro ādiṃ katvā antojanaparijanaṃ sabbaṃ rājakulaṃ sāsane abhippasannaṃ kāretvā gharato nikkhamitvā bhikkhunupassayaṃ gantvā pabbaji. Pabbajitvā ca vipassanaṃ paṭṭhapetvā sammadeva paripakkañāṇā vimuttiparipācanīyānaṃ dhammānaṃ visesitāya na cirasseva saha paṭisambhidāhi arahattaṃ pāpuṇi. Tena vuttaṃ apadāne (apa. therī 2.1.1-19) –

‘‘бхаг̇авад̇и гон̣ааг̇аманз, сан̇гхаараамамхи наванивзсамхи;

‘‘Bhagavati koṇāgamane, saṅghārāmamhi navanivesamhi;

сакияо д̇иссо ж̇анияо, вихаарад̣̇аанам̣ ад̣̇аасимха.

Sakhiyo tisso janiyo, vihāradānaṃ adāsimha.

‘‘д̣̇асагкад̇д̇ум̣ сад̇агкад̇д̇ум̣, д̣̇асасад̇агкад̇д̇ум̣ сад̇аани жа сад̇агкад̇д̇ум̣;

‘‘Dasakkhattuṃ satakkhattuṃ, dasasatakkhattuṃ satāni ca satakkhattuṃ;

д̣̇звзсу убабаж̇ж̇имха, го бана ваад̣̇о мануссзсу.

Devesu upapajjimha, ko pana vādo manussesu.

‘‘д̣̇звзсу махид̣̇д̇хигаа ахумха, маанусагамхи го бана ваад̣̇о;

‘‘Devesu mahiddhikā ahumha, mānusakamhi ko pana vādo;

сад̇д̇арад̇анасса махзсий, ид̇т̇ирад̇анам̣ ахам̣ аасим̣.

Sattaratanassa mahesī, itthiratanaṃ ahaṃ āsiṃ.

‘‘ид̇ха сан̃жид̇агусалаа, сусамид̣̇д̇хагулаббаж̇аа;

‘‘Idha sañcitakusalā, susamiddhakulappajā;

д̇ханан̃ж̇ааний жа кзмаа жа, ахамби жа д̇аяо ж̇анаа.

Dhanañjānī ca khemā ca, ahampi ca tayo janā.

‘‘аараамам̣ сугад̇ам̣ гад̇ваа, саб̣б̣ааваяаваман̣д̣ид̇ам̣;

‘‘Ārāmaṃ sukataṃ katvā, sabbāvayavamaṇḍitaṃ;

б̣уд̣̇д̇хаббамукасан̇гхасса, нияяаад̣̇зд̇ваа бамод̣̇ид̇аа.

Buddhappamukhasaṅghassa, niyyādetvā pamoditā.

‘‘яад̇т̇а яад̇т̇уубабаж̇ж̇аами, д̇асса гаммасса ваахасаа;

‘‘Yattha yatthūpapajjāmi, tassa kammassa vāhasā;

д̣̇звзсу аг̇г̇ад̇ам̣ бад̇д̇аа, мануссзсу д̇ат̇зва жа.

Devesu aggataṃ pattā, manussesu tatheva ca.

‘‘имасмим̣язва габбамхи, б̣рахмаб̣анд̇ху махааяасо;

‘‘Imasmiṃyeva kappamhi, brahmabandhu mahāyaso;

гассабо наама г̇од̇д̇зна, уббаж̇ж̇и вад̣̇ад̇ам̣ варо.

Kassapo nāma gottena, uppajji vadataṃ varo.

‘‘убадтааго махзсисса, д̇ад̣̇аа ааси нариссаро;

‘‘Upaṭṭhāko mahesissa, tadā āsi narissaro;

гаасирааж̇аа гигий наама, б̣аараан̣асибуруд̇д̇амз.

Kāsirājā kikī nāma, bārāṇasipuruttame.

‘‘д̇ассаасум̣ сад̇д̇а д̇хийд̇аро, рааж̇аган̃н̃аа сукзд̇хид̇аа;

‘‘Tassāsuṃ satta dhītaro, rājakaññā sukhedhitā;

б̣уд̣̇д̇хобадтаананирад̇аа, б̣рахмажарияам̣ жарим̣су д̇аа.

Buddhopaṭṭhānaniratā, brahmacariyaṃ cariṃsu tā.

‘‘д̇аасам̣ сахааяигаа худ̇ваа, сийлзсу сусамаахид̇аа;

‘‘Tāsaṃ sahāyikā hutvā, sīlesu susamāhitā;

д̣̇ад̇ваа д̣̇аанаани саггажжам̣, аг̇аарзва вад̇ам̣ жарим̣.

Datvā dānāni sakkaccaṃ, agāreva vataṃ cariṃ.

‘‘д̇зна гаммзна сугад̇зна, жзд̇анаабан̣ид̇хийхи жа;

‘‘Tena kammena sukatena, cetanāpaṇidhīhi ca;

ж̇ахид̇ваа маанусам̣ д̣̇зхам̣, д̇аавад̇им̣суубаг̇аа ахам̣.

Jahitvā mānusaṃ dehaṃ, tāvatiṃsūpagā ahaṃ.

‘‘д̇ад̇о жуд̇аа яаамамаг̇ам̣, д̇ад̇охам̣ д̇усид̇ам̣ г̇ад̇аа;

‘‘Tato cutā yāmamagaṃ, tatohaṃ tusitaṃ gatā;

д̇ад̇о жа ниммаанарад̇им̣, васавад̇д̇ибурам̣ г̇ад̇аа.

Tato ca nimmānaratiṃ, vasavattipuraṃ gatā.

‘‘яад̇т̇а яад̇т̇уубабаж̇ж̇аами, бун̃н̃агаммасамохид̇аа;

‘‘Yattha yatthūpapajjāmi, puññakammasamohitā;

д̇ад̇т̇а д̇ад̇т̇зва рааж̇уунам̣, махзсид̇д̇амахаараяим̣.

Tattha tattheva rājūnaṃ, mahesittamahārayiṃ.

‘‘д̇ад̇о жуд̇аа мануссад̇д̇з, рааж̇уунам̣ жаггавад̇д̇инам̣;

‘‘Tato cutā manussatte, rājūnaṃ cakkavattinaṃ;

ман̣д̣алийнан̃жа рааж̇уунам̣, махзсид̇д̇амагаараяим̣.

Maṇḍalīnañca rājūnaṃ, mahesittamakārayiṃ.

‘‘самбад̇д̇иманубход̇ваана, д̣̇звзсу маанусзсу жа;

‘‘Sampattimanubhotvāna, devesu mānusesu ca;

саб̣б̣ад̇т̇а сукид̇аа худ̇ваа, нзгаж̇аад̇ийсу сам̣сарим̣.

Sabbattha sukhitā hutvā, nekajātīsu saṃsariṃ.

‘‘со хзд̇у со бабхаво, д̇аммуулам̣ саава саасанз канд̇ий;

‘‘So hetu so pabhavo, tammūlaṃ sāva sāsane khantī;

д̇ам̣ батамасамод̇хаанам̣, д̇ам̣ д̇хаммарад̇ааяа ниб̣б̣аанам̣.

Taṃ paṭhamasamodhānaṃ, taṃ dhammaratāya nibbānaṃ.

‘‘гилзсаа жхаабид̇аа маяхам̣, бхаваа саб̣б̣з самуухад̇аа;

‘‘Kilesā jhāpitā mayhaṃ, bhavā sabbe samūhatā;

нааг̇ийва б̣анд̇ханам̣ чзд̇ваа, вихараами анаасаваа.

Nāgīva bandhanaṃ chetvā, viharāmi anāsavā.

‘‘свааг̇ад̇ам̣ вад̇а мз ааси, б̣уд̣̇д̇хасздтасса санд̇игз;

‘‘Svāgataṃ vata me āsi, buddhaseṭṭhassa santike;

д̇иссо виж̇ж̇аа ануббад̇д̇аа, гад̇ам̣ б̣уд̣̇д̇хасса саасанам̣.

Tisso vijjā anuppattā, kataṃ buddhassa sāsanaṃ.

‘‘бадисамбхид̣̇аа жад̇ассо, вимогкааби жа адтимз;

‘‘Paṭisambhidā catasso, vimokkhāpi ca aṭṭhime;

чал̣абхин̃н̃аа сажчигад̇аа, гад̇ам̣ б̣уд̣̇д̇хасса саасана’’нд̇и.

Chaḷabhiññā sacchikatā, kataṃ buddhassa sāsana’’nti.

арахад̇д̇ам̣ бана бад̇ваа ад̇д̇ано бадибад̇д̇им̣ бажжавзгкид̇ваа уд̣̇аанавасзна –

Arahattaṃ pana patvā attano paṭipattiṃ paccavekkhitvā udānavasena –

450.

‘‘манд̇аавад̇ияаа наг̇арз, ран̃н̃о гон̃жасса аг̇г̇амахзсияаа;

‘‘Mantāvatiyā nagare, rañño koñcassa aggamahesiyā;

д̇хийд̇аа аасим̣ сумзд̇хаа, басаад̣̇ид̇аа саасанагарзхи.

Dhītā āsiṃ sumedhā, pasāditā sāsanakarehi.

451.

‘‘сийлавад̇ий жид̇д̇агат̇аа, б̣ахуссуд̇аа б̣уд̣̇д̇хасаасанз винид̇аа;

‘‘Sīlavatī cittakathā, bahussutā buddhasāsane vinitā;

маад̇аабид̇аро убаг̇амма, бхан̣ад̇и убхаяо нисаамзт̇а.

Mātāpitaro upagamma, bhaṇati ubhayo nisāmetha.

452.

‘‘ниб̣б̣аанаабхирад̇аахам̣ , асассад̇ам̣ бхаваг̇ад̇ам̣ яад̣̇иби д̣̇иб̣б̣ам̣;

‘‘Nibbānābhiratāhaṃ , asassataṃ bhavagataṃ yadipi dibbaṃ;

гиман̇г̇ам̣ бана д̇ужчаа гаамаа, аббассаад̣̇аа б̣ахувигхаад̇аа.

Kimaṅgaṃ pana tucchā kāmā, appassādā bahuvighātā.

453.

‘‘гаамаа гадугаа аасий, висуубамаа язсу мужчид̇аа б̣аалаа;

‘‘Kāmā kaṭukā āsī, visūpamā yesu mucchitā bālā;

д̇з д̣̇ийгхарад̇д̇ам̣ нираяз, самаббид̇аа хан̃н̃анд̇з д̣̇угкид̇аа.

Te dīgharattaṃ niraye, samappitā haññante dukkhitā.

454.

‘‘сожанд̇и баабагаммаа, винибаад̇з баабавад̣̇д̇хино сад̣̇аа;

‘‘Socanti pāpakammā, vinipāte pāpavaddhino sadā;

гааязна жа ваажааяа жа, манасаа жа асам̣вуд̇аа б̣аалаа.

Kāyena ca vācāya ca, manasā ca asaṃvutā bālā.

455.

‘‘б̣аалаа д̇з д̣̇уббан̃н̃аа, ажзд̇анаа д̣̇угкасамуд̣̇аяоруд̣̇д̇хаа;

‘‘Bālā te duppaññā, acetanā dukkhasamudayoruddhā;

д̣̇зсзнд̇з аж̇аананд̇аа, на б̣уж̇жхарз арияасажжаани.

Desente ajānantā, na bujjhare ariyasaccāni.

456.

‘‘сажжаани ‘амма’б̣уд̣̇д̇хаварад̣̇зси, д̇аани д̇з б̣ахуд̇араа аж̇аананд̇аа яз;

‘‘Saccāni ‘amma’buddhavaradesi, tāni te bahutarā ajānantā ye;

абхинанд̣̇анд̇и бхаваг̇ад̇ам̣, бихзнд̇и д̣̇звзсу убабад̇д̇им̣.

Abhinandanti bhavagataṃ, pihenti devesu upapattiṃ.

457.

‘‘д̣̇звзсуби убабад̇д̇и, асассад̇аа бхаваг̇ад̇з анижжамхи;

‘‘Devesupi upapatti, asassatā bhavagate aniccamhi;

на жа санд̇асанд̇и б̣аалаа, бунаббунам̣ ж̇ааяид̇аб̣б̣асса.

Na ca santasanti bālā, punappunaṃ jāyitabbassa.

458.

‘‘жад̇д̇ааро винибаад̇аа, д̣̇увз жа г̇ад̇ияо гат̇ан̃жи лаб̣бханд̇и;

‘‘Cattāro vinipātā, duve ca gatiyo kathañci labbhanti;

на жа винибаад̇аг̇ад̇аанам̣, баб̣б̣аж̇ж̇аа ад̇т̇и нираязсу.

Na ca vinipātagatānaṃ, pabbajjā atthi nirayesu.

459.

‘‘ануж̇аанаат̇а мам̣ убхаяо, баб̣б̣аж̇ид̇ум̣ д̣̇асаб̣аласса бааважанз;

‘‘Anujānātha maṃ ubhayo, pabbajituṃ dasabalassa pāvacane;

аббоссуггаа гхадиссам̣, ж̇аад̇имаран̣аббахаанааяа.

Appossukkā ghaṭissaṃ, jātimaraṇappahānāya.

460.

‘‘гим̣ бхаваг̇ад̇з абхинанд̣̇и, д̇зна гааяагалинаа асаарзна;

‘‘Kiṃ bhavagate abhinandi, tena kāyakalinā asārena;

бхавад̇ан̣хааяа нирод̇хаа, ануж̇аанаат̇а баб̣б̣аж̇иссаами.

Bhavataṇhāya nirodhā, anujānātha pabbajissāmi.

461.

‘‘б̣уд̣̇д̇хаанам̣ уббаад̣̇о, виваж̇ж̇ид̇о агкан̣о кан̣о лад̣̇д̇хо;

‘‘Buddhānaṃ uppādo, vivajjito akkhaṇo khaṇo laddho;

сийлаани б̣рахмажарияам̣, яааваж̇ийвам̣ на д̣̇уусзяяам̣.

Sīlāni brahmacariyaṃ, yāvajīvaṃ na dūseyyaṃ.

462.

‘‘звам̣ бхан̣ад̇и сумзд̇хаа, маад̇аабид̇аро ‘на д̇аава аахаарам̣;

‘‘Evaṃ bhaṇati sumedhā, mātāpitaro ‘na tāva āhāraṃ;

аахариссам̣ г̇ахадтаа, маран̣авасам̣ г̇ад̇аава хзссаами’.

Āharissaṃ gahaṭṭhā, maraṇavasaṃ gatāva hessāmi’.

463.

‘‘маад̇аа д̣̇угкид̇аа род̣̇ад̇и бид̇аа жа;

‘‘Mātā dukkhitā rodati pitā ca;

ассаа саб̣б̣асо самабхихад̇о;

Assā sabbaso samabhihato;

гхадзнд̇и сан̃н̃аабзд̇ум̣, баасаад̣̇ад̇алз чамаабад̇ид̇ам̣.

Ghaṭenti saññāpetuṃ, pāsādatale chamāpatitaṃ.

464.

‘‘удтзхи буд̇д̇ага гим̣ сожи, д̇зна д̣̇иннааси вааран̣авад̇имхи;

‘‘Uṭṭhehi puttaka kiṃ soci, tena dinnāsi vāraṇavatimhi;

рааж̇аа анийгарад̇д̇о, абхируубо д̇асса д̇вам̣ д̣̇иннаа.

Rājā anīkaratto, abhirūpo tassa tvaṃ dinnā.

465.

‘‘аг̇г̇амахзсий бхависсаси, анигарад̇д̇асса рааж̇ино бхарияаа;

‘‘Aggamahesī bhavissasi, anikarattassa rājino bhariyā;

сийлаани б̣рахмажарияам̣, баб̣б̣аж̇ж̇аа д̣̇уггараа буд̇д̇ага.

Sīlāni brahmacariyaṃ, pabbajjā dukkarā puttaka.

466.

‘‘раж̇ж̇з аан̣аа д̇ханамиссарияам̣, бхог̇аа сукаа д̣̇ахаригааси;

‘‘Rajje āṇā dhanamissariyaṃ, bhogā sukhā daharikāsi;

бхун̃ж̇аахи гаамабхог̇з, ваарзяяам̣ ход̇у д̇з буд̇д̇а.

Bhuñjāhi kāmabhoge, vāreyyaṃ hotu te putta.

467.

‘‘ат̇а нз бхан̣ад̇и сумзд̇хаа, маа зд̣̇исигаани бхаваг̇ад̇амасаарам̣;

‘‘Atha ne bhaṇati sumedhā, mā edisikāni bhavagatamasāraṃ;

баб̣б̣аж̇ж̇аа ваа хохид̇и, маран̣ам̣ ваа мз на жзва ваарзяяам̣.

Pabbajjā vā hohiti, maraṇaṃ vā me na ceva vāreyyaṃ.

468.

‘‘гимива бууд̇игааяамасужим̣, саванаг̇анд̇хам̣ бхаяаанагам̣ гун̣абам̣;

‘‘Kimiva pūtikāyamasuciṃ, savanagandhaṃ bhayānakaṃ kuṇapaṃ;

абхисам̣висзяяам̣ бхасд̇ам̣, асагим̣ баг̇гхарид̇ам̣ асужибун̣н̣ам̣.

Abhisaṃviseyyaṃ bhastaṃ, asakiṃ paggharitaṃ asucipuṇṇaṃ.

469.

‘‘гимива д̇ахам̣ ж̇аананд̇ий, вигуулагам̣ мам̣сасон̣ид̇убалид̇д̇ам̣;

‘‘Kimiva tahaṃ jānantī, vikūlakaṃ maṃsasoṇitupalittaṃ;

гимигулалаяам̣ сагун̣абхад̇д̇ам̣, гал̣зварам̣ гисса д̣̇ияад̇ийд̇и.

Kimikulalayaṃ sakuṇabhattaṃ, kaḷevaraṃ kissa diyatīti.

470.

‘‘ниб̣б̣уяхад̇и сусаанам̣, ажирам̣ гааяо абзд̇авин̃н̃аан̣о;

‘‘Nibbuyhati susānaṃ, aciraṃ kāyo apetaviññāṇo;

чуд̣̇д̇хо гал̣ин̇г̇арам̣ вияа, ж̇иг̇ужчамаанзхи н̃аад̇ийхи.

Chuddho kaḷiṅgaraṃ viya, jigucchamānehi ñātīhi.

471.

‘‘чуд̣̇д̇хууна нам̣ сусаанз, барабхад̇д̇ам̣ нхааяанд̇и ж̇иг̇ужчанд̇аа;

‘‘Chuddhūna naṃ susāne, parabhattaṃ nhāyanti jigucchantā;

нияагаа маад̇аабид̇аро, гим̣ бана саад̇хааран̣аа ж̇анад̇аа.

Niyakā mātāpitaro, kiṃ pana sādhāraṇā janatā.

472.

‘‘аж̇жхосид̇аа асаарз, гал̣зварз адтинхаарусан̇гхаад̇з;

‘‘Ajjhositā asāre, kaḷevare aṭṭhinhārusaṅghāte;

кзл̣ассужжаарассавабарибун̣н̣з бууд̇игааяамхи.

Kheḷassuccārassavaparipuṇṇe pūtikāyamhi.

473.

‘‘яо нам̣ виниб̣бхуж̇ид̇ваа, аб̣бханд̇арамасса б̣аахирам̣ гаяираа;

‘‘Yo naṃ vinibbhujitvā, abbhantaramassa bāhiraṃ kayirā;

г̇анд̇хасса асахамаанаа, сагааби маад̇аа ж̇иг̇ужчзяяа.

Gandhassa asahamānā, sakāpi mātā jiguccheyya.

474.

‘‘канд̇хад̇хаад̇уааяад̇анам̣, сан̇кад̇ам̣ ж̇аад̇имуулагам̣ д̣̇угкам̣;

‘‘Khandhadhātuāyatanaṃ, saṅkhataṃ jātimūlakaṃ dukkhaṃ;

яонисо анувижинанд̇ий, ваарзяяам̣ гисса ижчзяяам̣.

Yoniso anuvicinantī, vāreyyaṃ kissa iccheyyaṃ.

475.

‘‘д̣̇ивасз д̣̇ивасз д̇исад̇д̇и, сад̇аани наванаваа бад̇зяяум̣ гааяамхи;

‘‘Divase divase tisatti, satāni navanavā pateyyuṃ kāyamhi;

вассасад̇амби жа гхаад̇о, сзяяо д̣̇угкасса жзвам̣ каяо.

Vassasatampi ca ghāto, seyyo dukkhassa cevaṃ khayo.

476.

‘‘аж̇жхубаг̇ажчз гхаад̇ам̣, яо вин̃н̃ааязвам̣ сад̇т̇уно важанам̣;

‘‘Ajjhupagacche ghātaṃ, yo viññāyevaṃ satthuno vacanaṃ;

д̣̇ийгхо д̇зсам̣ сам̣сааро, бунаббунам̣ хан̃н̃амаанаанам̣.

Dīgho tesaṃ saṃsāro, punappunaṃ haññamānānaṃ.

477.

‘‘д̣̇звзсу мануссзсу жа, д̇иражчаанаяонияаа асурагааяз;

‘‘Devesu manussesu ca, tiracchānayoniyā asurakāye;

бзд̇зсу жа нираязсу жа, абаримид̇аа д̣̇иссанд̇з гхаад̇аа.

Petesu ca nirayesu ca, aparimitā dissante ghātā.

478.

‘‘гхаад̇аа нираязсу б̣ахуу, винибаад̇аг̇ад̇асса бийл̣ияамаанасса;

‘‘Ghātā nirayesu bahū, vinipātagatassa pīḷiyamānassa;

д̣̇звзсуби ад̇д̇аан̣ам̣, ниб̣б̣аанасукаа барам̣ над̇т̇и.

Devesupi attāṇaṃ, nibbānasukhā paraṃ natthi.

479.

‘‘бад̇д̇аа д̇з ниб̣б̣аанам̣, яз яуд̇д̇аа д̣̇асаб̣аласса бааважанз;

‘‘Pattā te nibbānaṃ, ye yuttā dasabalassa pāvacane;

аббоссуггаа гхадзнд̇и, ж̇аад̇имаран̣аббахаанааяа.

Appossukkā ghaṭenti, jātimaraṇappahānāya.

480.

‘‘аж̇ж̇зва д̇аад̇абхинигкамиссам̣, бхог̇зхи гим̣ асаарзхи;

‘‘Ajjeva tātabhinikkhamissaṃ, bhogehi kiṃ asārehi;

ниб̣б̣иннаа мз гаамаа, ванд̇асамаа д̇аалавад̇т̇угад̇аа.

Nibbinnā me kāmā, vantasamā tālavatthukatā.

481.

‘‘саа жзвам̣ бхан̣ад̇и бид̇араманийгарад̇д̇о, жа яасса саа д̣̇иннаа;

‘‘Sā cevaṃ bhaṇati pitaramanīkaratto, ca yassa sā dinnā;

убаяааси вааран̣авад̇з, ваарзяяамубадтид̇з гаалз.

Upayāsi vāraṇavate, vāreyyamupaṭṭhite kāle.

482.

‘‘ат̇а асид̇анижид̇амуд̣̇угз, гзсз каг̇г̇зна чинд̣̇ияа сумзд̇хаа;

‘‘Atha asitanicitamuduke, kese khaggena chindiya sumedhā;

баасаад̣̇ам̣ бид̣̇ахид̇ваа, батамаж̇жхаанам̣ самаабаж̇ж̇и.

Pāsādaṃ pidahitvā, paṭhamajjhānaṃ samāpajji.

483.

‘‘саа жа д̇ахим̣ самаабаннаа, анийгарад̇д̇о жа ааг̇ад̇о наг̇арам̣;

‘‘Sā ca tahiṃ samāpannā, anīkaratto ca āgato nagaraṃ;

баасаад̣̇з жа сумзд̇хаа, анижжасан̃н̃ам̣ субхаавзд̇и.

Pāsāde ca sumedhā, aniccasaññaṃ subhāveti.

484.

‘‘саа жа манаси гарод̇и, анийгарад̇д̇о жа аарухий д̇урид̇ам̣;

‘‘Sā ca manasi karoti, anīkaratto ca āruhī turitaṃ;

ман̣иганагабхуусид̇ан̇г̇о, гад̇ан̃ж̇алий яаажад̇и сумзд̇хам̣.

Maṇikanakabhūsitaṅgo, katañjalī yācati sumedhaṃ.

485.

‘‘раж̇ж̇з аан̣аа д̇ханамиссарияам̣, бхог̇аа сукаа д̣̇ахаригааси;

‘‘Rajje āṇā dhanamissariyaṃ, bhogā sukhā daharikāsi;

бхун̃ж̇аахи гаамабхог̇з, гаамасукаа д̣̇уллабхаа логз.

Bhuñjāhi kāmabhoge, kāmasukhā dullabhā loke.

486.

‘‘ниссадтам̣ д̇з раж̇ж̇ам̣, бхог̇з бхун̃ж̇ассу д̣̇зхи д̣̇аанаани;

‘‘Nissaṭṭhaṃ te rajjaṃ, bhoge bhuñjassu dehi dānāni;

маа д̣̇умманаа ахоси, маад̇аабид̇аро д̇з д̣̇угкид̇аа.

Mā dummanā ahosi, mātāpitaro te dukkhitā.

487.

‘‘д̇ам̣ д̇ам̣ бхан̣ад̇и сумзд̇хаа, гаамзхи анад̇т̇игаа виг̇ад̇амохаа;

‘‘Taṃ taṃ bhaṇati sumedhā, kāmehi anatthikā vigatamohā;

маа гаамз абхинанд̣̇и, гаамзсваад̣̇ийнавам̣ басса.

Mā kāme abhinandi, kāmesvādīnavaṃ passa.

488.

‘‘жаад̇уд̣̇д̣̇ийбо рааж̇аа, манд̇хаад̇аа ааси гаамабхог̇инамаг̇г̇о;

‘‘Cātuddīpo rājā, mandhātā āsi kāmabhoginamaggo;

ад̇ид̇д̇о гаалан̇гад̇о, на жасса барибуурид̇аа ижчаа.

Atitto kālaṅkato, na cassa paripūritā icchā.

489.

‘‘сад̇д̇а рад̇анаани вассзяяа, вудтимаа д̣̇асад̣̇исаа саманд̇зна;

‘‘Satta ratanāni vasseyya, vuṭṭhimā dasadisā samantena;

на жад̇т̇и д̇ид̇д̇и гаамаанам̣, ад̇ид̇д̇аава маранд̇и нараа.

Na catthi titti kāmānaṃ, atittāva maranti narā.

490.

‘‘асисуунуубамаа гаамаа, гаамаа саббасиробамаа;

‘‘Asisūnūpamā kāmā, kāmā sappasiropamā;

уггобамаа ануд̣̇аханд̇и, адтиган̇галасаннибхаа.

Ukkopamā anudahanti, aṭṭhikaṅkalasannibhā.

491.

‘‘анижжаа ад̇хуваа гаамаа, б̣ахуд̣̇угкаа махаависаа;

‘‘Aniccā adhuvā kāmā, bahudukkhā mahāvisā;

аяог̇ул̣ова санд̇ад̇д̇о, агхамуулаа д̣̇укабпалаа.

Ayoguḷova santatto, aghamūlā dukhapphalā.

492.

‘‘ругкапалуубамаа гаамаа, мам̣сабзсуубамаа д̣̇укаа;

‘‘Rukkhaphalūpamā kāmā, maṃsapesūpamā dukhā;

субинобамаа ван̃жанияаа, гаамаа яаажид̇агуубамаа.

Supinopamā vañcaniyā, kāmā yācitakūpamā.

493.

‘‘сад̇д̇исуулуубамаа гаамаа, рог̇о г̇ан̣д̣о агхам̣ нигхам̣;

‘‘Sattisūlūpamā kāmā, rogo gaṇḍo aghaṃ nighaṃ;

ан̇г̇аарагаасусад̣̇исаа, агхамуулам̣ бхаяам̣ вад̇хо.

Aṅgārakāsusadisā, aghamūlaṃ bhayaṃ vadho.

494.

‘‘звам̣ б̣ахуд̣̇угкаа гаамаа, агкаад̇аа анд̇арааяигаа;

‘‘Evaṃ bahudukkhā kāmā, akkhātā antarāyikā;

г̇ажчат̇а на мз бхаваг̇ад̇з, виссаасо ад̇т̇и ад̇д̇ано.

Gacchatha na me bhavagate, vissāso atthi attano.

495.

‘‘гим̣ мама баро гариссад̇и, ад̇д̇ано сийсамхи д̣аяхамаанамхи;

‘‘Kiṃ mama paro karissati, attano sīsamhi ḍayhamānamhi;

ануб̣анд̇хз ж̇араамаран̣з, д̇асса гхаад̇ааяа гхадид̇аб̣б̣ам̣.

Anubandhe jarāmaraṇe, tassa ghātāya ghaṭitabbaṃ.

496.

‘‘д̣̇ваарам̣ абаабурид̇ваанахам̣, маад̇аабид̇аро анийгарад̇д̇ан̃жа;

‘‘Dvāraṃ apāpuritvānahaṃ, mātāpitaro anīkarattañca;

д̣̇исваана чамам̣ нисиннз, род̣̇анд̇з ид̣̇амавожам̣.

Disvāna chamaṃ nisinne, rodante idamavocaṃ.

497.

‘‘д̣̇ийгхо б̣аалаанам̣ сам̣сааро, бунаббунан̃жа род̣̇ад̇ам̣;

‘‘Dīgho bālānaṃ saṃsāro, punappunañca rodataṃ;

анамад̇аг̇г̇з бид̇у маран̣з, бхаад̇у вад̇хз ад̇д̇ано жа вад̇хз.

Anamatagge pitu maraṇe, bhātu vadhe attano ca vadhe.

498.

‘‘ассу т̇ан̃н̃ам̣ руд̇хирам̣, сам̣саарам̣ анамад̇аг̇г̇ад̇о сарат̇а;

‘‘Assu thaññaṃ rudhiraṃ, saṃsāraṃ anamataggato saratha;

сад̇д̇аанам̣ сам̣сарад̇ам̣, сараахи адтийнан̃жа саннижаяам̣.

Sattānaṃ saṃsarataṃ, sarāhi aṭṭhīnañca sannicayaṃ.

499.

‘‘сара жад̇урод̣̇ад̇хий, убанийд̇з ассут̇ан̃н̃аруд̇хирамхи;

‘‘Sara caturodadhī, upanīte assuthaññarudhiramhi;

сара згагаббамадтийнам̣, сан̃жаяам̣ вибулзна самам̣.

Sara ekakappamaṭṭhīnaṃ, sañcayaṃ vipulena samaṃ.

500.

‘‘анамад̇аг̇г̇з сам̣сарад̇о, махим̣ ж̇амб̣уд̣̇ийбамубанийд̇ам̣;

‘‘Anamatagge saṃsarato, mahiṃ jambudīpamupanītaṃ;

голадтимад̇д̇аг̇ул̣игаа, маад̇аа маад̇усвзва наббахонд̇и.

Kolaṭṭhimattaguḷikā, mātā mātusveva nappahonti.

501.

‘‘д̇ин̣агадтасаакаабалаасам̣, убанийд̇ам̣ анамад̇аг̇г̇ад̇о сара;

‘‘Tiṇakaṭṭhasākhāpalāsaṃ, upanītaṃ anamataggato sara;

жад̇уран̇г̇улигаа гхадигаа, бид̇убид̇усвзва наббахонд̇и.

Caturaṅgulikā ghaṭikā, pitupitusveva nappahonti.

502.

‘‘сара гаан̣агажчабам̣ буб̣б̣асамуд̣̇д̣̇з, абарад̇о жа яуг̇ачид̣̇д̣̇ам̣;

‘‘Sara kāṇakacchapaṃ pubbasamudde, aparato ca yugachiddaṃ;

сирам̣ д̇асса жа бадимуггам̣, мануссалаабхамхи обаммам̣.

Siraṃ tassa ca paṭimukkaṃ, manussalābhamhi opammaṃ.

503.

‘‘сара руубам̣ пзн̣абин̣д̣обамасса, гааяагалино асаарасса;

‘‘Sara rūpaṃ pheṇapiṇḍopamassa, kāyakalino asārassa;

канд̇хз басса анижжз, сараахи нираяз б̣ахувигхаад̇з.

Khandhe passa anicce, sarāhi niraye bahuvighāte.

504.

‘‘сара гадасим̣ вад̣дхзнд̇з, бунаббунам̣ д̇аасу д̇аасу ж̇аад̇ийсу;

‘‘Sara kaṭasiṃ vaḍḍhente, punappunaṃ tāsu tāsu jātīsu;

сара гумбхийлабхаяаани жа, сараахи жад̇д̇аари сажжаани.

Sara kumbhīlabhayāni ca, sarāhi cattāri saccāni.

505.

‘‘амад̇амхи виж̇ж̇амаанз, гим̣ д̇ава бан̃жагадугзна бийд̇зна;

‘‘Amatamhi vijjamāne, kiṃ tava pañcakaṭukena pītena;

саб̣б̣аа хи гаамарад̇ияо, гадугад̇араа бан̃жагадугзна.

Sabbā hi kāmaratiyo, kaṭukatarā pañcakaṭukena.

506.

‘‘амад̇амхи виж̇ж̇амаанз, гим̣ д̇ава гаамзхи яз барил̣аахаа;

‘‘Amatamhi vijjamāne, kiṃ tava kāmehi ye pariḷāhā;

саб̣б̣аа хи гаамарад̇ияо, ж̇алид̇аа гут̇ид̇аа гамбид̇аа санд̇аабид̇аа.

Sabbā hi kāmaratiyo, jalitā kuthitā kampitā santāpitā.

507.

‘‘асабад̇д̇амхи самаанз, гим̣ д̇ава гаамзхи яз б̣ахусабад̇д̇аа;

‘‘Asapattamhi samāne, kiṃ tava kāmehi ye bahusapattā;

рааж̇аг̇г̇ижорауд̣̇агаббиязхи, саад̇хааран̣аа гаамаа б̣ахусабад̇д̇аа.

Rājaggicoraudakappiyehi, sādhāraṇā kāmā bahusapattā.

508.

‘‘могкамхи виж̇ж̇амаанз, гим̣ д̇ава гаамзхи язсу вад̇хаб̣анд̇хо;

‘‘Mokkhamhi vijjamāne, kiṃ tava kāmehi yesu vadhabandho;

гаамзсу хи асагаамаа, вад̇хаб̣анд̇хад̣̇укаани анубхонд̇и.

Kāmesu hi asakāmā, vadhabandhadukhāni anubhonti.

509.

‘‘аад̣̇ийбид̇аа д̇ин̣уггаа, г̇ан̣ханд̇ам̣ д̣̇аханд̇и нзва мун̃жанд̇ам̣;

‘‘Ādīpitā tiṇukkā, gaṇhantaṃ dahanti neva muñcantaṃ;

уггобамаа хи гаамаа, д̣̇аханд̇и яз д̇з на мун̃жанд̇и.

Ukkopamā hi kāmā, dahanti ye te na muñcanti.

510.

‘‘маа аббагасса хзд̇у, гаамасукасса вибулам̣ ж̇ахий сукам̣;

‘‘Mā appakassa hetu, kāmasukhassa vipulaṃ jahī sukhaṃ;

маа бут̇уломова б̣ал̣исам̣, г̇илид̇ваа бажчаа вихан̃н̃аси.

Mā puthulomova baḷisaṃ, gilitvā pacchā vihaññasi.

511.

‘‘гаамам̣ гаамзсу д̣̇амассу, д̇аава сунакова сан̇калааб̣ад̣̇д̇хо;

‘‘Kāmaṃ kāmesu damassu, tāva sunakhova saṅkhalābaddho;

гаахинд̇и ку д̇ам̣ гаамаа, чаад̇аа сунакам̣ва жан̣д̣аалаа.

Kāhinti khu taṃ kāmā, chātā sunakhaṃva caṇḍālā.

512.

‘‘абаримид̇ан̃жа д̣̇угкам̣, б̣ахууни жа жид̇д̇ад̣̇оманассаани;

‘‘Aparimitañca dukkhaṃ, bahūni ca cittadomanassāni;

анубхохиси гаамаяуд̇д̇о, бадиниссаж̇а ад̣̇д̇хувз гаамз.

Anubhohisi kāmayutto, paṭinissaja addhuve kāme.

513.

‘‘аж̇арамхи виж̇ж̇амаанз, гим̣ д̇ава гаамзхи язсу ж̇араа;

‘‘Ajaramhi vijjamāne, kiṃ tava kāmehi yesu jarā;

маран̣аб̣яаад̇хиг̇ахид̇аа, саб̣б̣аа саб̣б̣ад̇т̇а ж̇аад̇ияо.

Maraṇabyādhigahitā, sabbā sabbattha jātiyo.

514.

‘‘ид̣̇амаж̇арамид̣̇амамарам̣, ид̣̇амаж̇араамарам̣ бад̣̇амасогам̣;

‘‘Idamajaramidamamaraṃ, idamajarāmaraṃ padamasokaṃ;

асабад̇д̇амасамб̣аад̇хам̣, акалид̇амабхаяам̣ нирубад̇аабам̣.

Asapattamasambādhaṃ, akhalitamabhayaṃ nirupatāpaṃ.

515.

‘‘ад̇хиг̇ад̇амид̣̇ам̣ б̣ахуухи, амад̇ам̣ аж̇ж̇ааби жа лабханийяамид̣̇ам̣;

‘‘Adhigatamidaṃ bahūhi, amataṃ ajjāpi ca labhanīyamidaṃ;

яо яонисо баяун̃ж̇ад̇и, на жа саггаа агхадамаанзна.

Yo yoniso payuñjati, na ca sakkā aghaṭamānena.

516.

‘‘звам̣ бхан̣ад̇и сумзд̇хаа, сан̇каараг̇ад̇з рад̇им̣ алабхамаанаа;

‘‘Evaṃ bhaṇati sumedhā, saṅkhāragate ratiṃ alabhamānā;

анунзнд̇ий анигарад̇д̇ам̣, гзсз жа чамам̣ киби сумзд̇хаа.

Anunentī anikarattaṃ, kese ca chamaṃ khipi sumedhā.

517.

‘‘удтааяа анигарад̇д̇о, бан̃ж̇алиго яаажад̇ассаа бид̇арам̣ со;

‘‘Uṭṭhāya anikaratto, pañjaliko yācatassā pitaraṃ so;

виссаж̇ж̇зт̇а сумзд̇хам̣, баб̣б̣аж̇ид̇ум̣ вимогкасажжад̣̇ассаа.

Vissajjetha sumedhaṃ, pabbajituṃ vimokkhasaccadassā.

518.

‘‘виссаж̇ж̇ид̇аа маад̇аабид̇уухи, баб̣б̣аж̇и согабхаяабхийд̇аа;

‘‘Vissajjitā mātāpitūhi, pabbaji sokabhayabhītā;

ча абхин̃н̃аа сажчигад̇аа, аг̇г̇апалам̣ сигкамаанааяа.

Cha abhiññā sacchikatā, aggaphalaṃ sikkhamānāya.

519.

‘‘ажчарияамаб̣бхуд̇ам̣ д̇ам̣, ниб̣б̣аанам̣ ааси рааж̇аган̃н̃ааяа;

‘‘Acchariyamabbhutaṃ taṃ, nibbānaṃ āsi rājakaññāya;

буб̣б̣зниваасажарид̇ам̣, яат̇аа б̣яаагари бажчимз гаалз.

Pubbenivāsacaritaṃ, yathā byākari pacchime kāle.

520.

‘‘бхаг̇авад̇и гон̣ааг̇аманз, сан̇гхаараамамхи наванивзсамхи;

‘‘Bhagavati koṇāgamane, saṅghārāmamhi navanivesamhi;

сакияо д̇иссо ж̇анияо, вихаарад̣̇аанам̣ ад̣̇аасимха.

Sakhiyo tisso janiyo, vihāradānaṃ adāsimha.

521.

‘‘д̣̇асагкад̇д̇ум̣ сад̇агкад̇д̇ум̣, д̣̇асасад̇агкад̇д̇ум̣ сад̇аани жа сад̇агкад̇д̇ум̣;

‘‘Dasakkhattuṃ satakkhattuṃ, dasasatakkhattuṃ satāni ca satakkhattuṃ;

д̣̇звзсу убабаж̇ж̇имха, го бана ваад̣̇о мануссзсу.

Devesu upapajjimha, ko pana vādo manussesu.

522.

‘‘д̣̇звзсу махид̣̇д̇хигаа ахумха, маанусагамхи го бана ваад̣̇о;

‘‘Devesu mahiddhikā ahumha, mānusakamhi ko pana vādo;

сад̇д̇арад̇анасса махзсий, ид̇т̇ирад̇анам̣ ахам̣ аасим̣.

Sattaratanassa mahesī, itthiratanaṃ ahaṃ āsiṃ.

523.

‘‘со хзд̇у со бабхаво, д̇ам̣ муулам̣ саава саасанз канд̇ий;

‘‘So hetu so pabhavo, taṃ mūlaṃ sāva sāsane khantī;

д̇ам̣ батамасамод̇хаанам̣, д̇ам̣ д̇хаммарад̇ааяа ниб̣б̣аанам̣.

Taṃ paṭhamasamodhānaṃ, taṃ dhammaratāya nibbānaṃ.

524.

‘‘звам̣ гаронд̇и яз сад̣̇д̣̇аханд̇и, важанам̣ аномабан̃н̃асса;

‘‘Evaṃ karonti ye saddahanti, vacanaṃ anomapaññassa;

ниб̣б̣инд̣̇анд̇и бхаваг̇ад̇з, ниб̣б̣инд̣̇ид̇ваа вираж̇ж̇анд̇ий’’д̇и. –

Nibbindanti bhavagate, nibbinditvā virajjantī’’ti. –

имаа г̇аат̇аа абхааси.

Imā gāthā abhāsi.

д̇ад̇т̇а манд̇авад̇ияаа наг̇арзд̇и манд̇авад̇ийд̇и звам̣наамагз наг̇арз. ран̃н̃о гон̃жассаад̇и гон̃жасса наама ран̃н̃о махзсияаа гужчимхи ж̇аад̇аа д̇хийд̇аа аасим̣. сумзд̇хаад̇и наамзна сумзд̇хаа. басаад̣̇ид̇аа саасанагарзхийд̇и сад̇т̇усаасанагарзхи ариязхи д̇хаммад̣̇зсанааяа саасанз басаад̣̇ид̇аа сан̃ж̇аад̇арад̇анад̇д̇аяаббасаад̣̇аа гад̇аа.

Tattha mantavatiyā nagareti mantavatīti evaṃnāmake nagare. Rañño koñcassāti koñcassa nāma rañño mahesiyā kucchimhi jātā dhītā āsiṃ. Sumedhāti nāmena sumedhā. Pasāditā sāsanakarehīti satthusāsanakarehi ariyehi dhammadesanāya sāsane pasāditā sañjātaratanattayappasādā katā.

сийлавад̇ийд̇и аажаарасийласамбаннаа. жид̇д̇агат̇аад̇и жид̇д̇ад̇хаммагат̇аа. б̣ахуссуд̇аад̇и бхигкунийнам̣ санд̇игз барияад̇д̇ид̇хаммассуд̇ияуд̇аа. б̣уд̣̇д̇хасаасанз винийд̇аад̇и звам̣ бавад̇д̇и, звам̣ нивад̇д̇и, ид̇и сийлам̣, ид̇и самаад̇хи, ид̇и бан̃н̃аад̇и суд̇д̇аануг̇ад̇зна (д̣̇ий. ни. 2.186) яонисоманасигаарзна д̇ад̣̇ан̇г̇ад̇о гилзсаанам̣ винивад̇д̇ад̇д̇аа б̣уд̣̇д̇хаанам̣ саасанз винийд̇аа сам̣яад̇агааяаваажаажид̇д̇аа. убхаяо нисаамзт̇аад̇и д̇умхз д̣̇взби мама важанам̣ нисаамзт̇а, маад̇аабид̇аро убаг̇анд̇ваа бхан̣ад̇ийд̇и яож̇анаа.

Sīlavatīti ācārasīlasampannā. Cittakathāti cittadhammakathā. Bahussutāti bhikkhunīnaṃ santike pariyattidhammassutiyutā. Buddhasāsane vinītāti evaṃ pavatti, evaṃ nivatti, iti sīlaṃ, iti samādhi, iti paññāti suttānugatena (dī. ni. 2.186) yonisomanasikārena tadaṅgato kilesānaṃ vinivattattā buddhānaṃ sāsane vinītā saṃyatakāyavācācittā. Ubhayo nisāmethāti tumhe dvepi mama vacanaṃ nisāmetha, mātāpitaro upagantvā bhaṇatīti yojanā.

яад̣̇иби д̣̇иб̣б̣анд̇и д̣̇звалогабарияаабаннамби бхаваг̇ад̇ам̣ наама саб̣б̣амби асассад̇ам̣ анижжам̣ д̣̇угкам̣ вибарин̣аамад̇хаммам̣. гиман̇г̇ам̣ бана д̇ужчаа гаамаад̇и гиман̇г̇ам̣ бана маанусагаа гаамаа, д̇з саб̣б̣зби асаарагабхаавад̇о д̇ужчаа рид̇д̇аа, сад̇т̇ад̇хаарааяам̣ мад̇хуб̣инд̣̇у вияа аббассаад̣̇аа, зд̇арахи ааяад̇ин̃жа вибулад̣̇угкад̇ааяа б̣ахувигхаад̇аа.

Yadipi dibbanti devalokapariyāpannampi bhavagataṃ nāma sabbampi asassataṃ aniccaṃ dukkhaṃ vipariṇāmadhammaṃ. Kimaṅgaṃ pana tucchā kāmāti kimaṅgaṃ pana mānusakā kāmā, te sabbepi asārakabhāvato tucchā rittā, satthadhārāyaṃ madhubindu viya appassādā, etarahi āyatiñca vipuladukkhatāya bahuvighātā.

гадугаад̇и анидтаа. саббадибхаяадтзна аасийвисуубамаа. язсу гаамзсу. мужчид̇аад̇и аж̇жхосид̇аа. самаббид̇аад̇и сагаммунаа саб̣б̣асо аббид̇аа кид̇д̇аа, убабаннаад̇и ад̇т̇о . хан̃н̃анд̇зд̇и б̣аад̇хийяанд̇и.

Kaṭukāti aniṭṭhā. Sappaṭibhayaṭṭhena āsīvisūpamā. Yesu kāmesu. Mucchitāti ajjhositā. Samappitāti sakammunā sabbaso appitā khittā, upapannāti attho . Haññanteti bādhīyanti.

винибаад̇зд̇и абааяз.

Vinipāteti apāye.

ажзд̇анаад̇и ад̇д̇ахид̇ажзд̇анааяа абхаавзна ажзд̇анаа. д̣̇угкасамуд̣̇аяоруд̣̇д̇хаад̇и д̇ан̣хаанимид̇д̇асам̣саарз аваруд̣̇д̇хаа. д̣̇зсзнд̇зд̇и жад̇усажжад̇хаммз д̣̇зсияамаанз. аж̇аананд̇аад̇и ад̇т̇ам̣ аж̇аананд̇аа. на б̣уж̇жхарз арияасажжаанийд̇и д̣̇угкаад̣̇ийни арияасажжаани на бадиб̣уж̇жханд̇и.

Acetanāti attahitacetanāya abhāvena acetanā. Dukkhasamudayoruddhāti taṇhānimittasaṃsāre avaruddhā. Desenteti catusaccadhamme desiyamāne. Ajānantāti atthaṃ ajānantā. Na bujjhare ariyasaccānīti dukkhādīni ariyasaccāni na paṭibujjhanti.

аммаад̇и маад̇арам̣ бамукам̣ гад̇ваа аалабад̇и. д̇з б̣ахуд̇араа аж̇аананд̇аад̇и яз абхинанд̣̇анд̇и бхаваг̇ад̇ам̣ бихзнд̇и д̣̇звзсу убабад̇д̇им̣ б̣уд̣̇д̇хаварад̣̇зсид̇аани сажжаани аж̇аананд̇аа, д̇зязва жа имасмим̣ логз б̣ахуд̇араад̇и яож̇анаа.

Ammāti mātaraṃ pamukhaṃ katvā ālapati. Te bahutarā ajānantāti ye abhinandanti bhavagataṃ pihenti devesu upapattiṃ buddhavaradesitāni saccāni ajānantā, teyeva ca imasmiṃ loke bahutarāti yojanā.

бхаваг̇ад̇з анижжамхийд̇и саб̣б̣асмим̣ бхавз анижжз д̣̇звзсу убабад̇д̇и на сассад̇аа, звам̣ санд̇зби на жа санд̇асанд̇и б̣аалаа на уд̇д̇асанд̇и на сам̣взг̇ам̣ аабаж̇ж̇анд̇и. бунаббунам̣ ж̇ааяид̇аб̣б̣ассаад̇и абараабарам̣ убабаж̇ж̇амаанасса.

Bhavagate aniccamhīti sabbasmiṃ bhave anicce devesu upapatti na sassatā, evaṃ santepi na ca santasanti bālā na uttasanti na saṃvegaṃ āpajjanti. Punappunaṃ jāyitabbassāti aparāparaṃ upapajjamānassa.

жад̇д̇ааро винибаад̇аад̇и нираяо д̇иражчаанаяони бзд̇д̇ивисаяо асураяонийд̇и имз жад̇д̇ааро сукасамуссаяад̇о винибаад̇аг̇ад̇ияо. мануссад̣̇звуубабад̇д̇исан̃н̃ид̇аа бана д̣̇взва г̇ад̇ияо гат̇ан̃жи гижчзна гасирзна лаб̣бханд̇и бун̃н̃агаммасса д̣̇уггарад̇д̇аа. нираязсууд̇и сукарахид̇зсу абааязсу.

Cattāro vinipātāti nirayo tiracchānayoni pettivisayo asurayonīti ime cattāro sukhasamussayato vinipātagatiyo. Manussadevūpapattisaññitā pana dveva gatiyo kathañci kicchena kasirena labbhanti puññakammassa dukkarattā. Nirayesūti sukharahitesu apāyesu.

аббоссуггаад̇и ан̃н̃агижжзсу нируссуггаа. гхадиссанд̇и вааяамиссам̣ бхааванам̣ ануяун̃ж̇иссаами, гааяагалинаа асаарзна бхаваг̇ад̇з гим̣ абхинанд̣̇ид̇знаад̇и яож̇анаа.

Appossukkāti aññakiccesu nirussukkā. Ghaṭissanti vāyamissaṃ bhāvanaṃ anuyuñjissāmi, kāyakalinā asārena bhavagate kiṃ abhinanditenāti yojanā.

бхавад̇ан̣хааяа нирод̇хаад̇и бхаваг̇ад̇ааяа д̇ан̣хааяа нирод̇хахзд̇у нирод̇хад̇т̇ам̣.

Bhavataṇhāya nirodhāti bhavagatāya taṇhāya nirodhahetu nirodhatthaṃ.

б̣уд̣̇д̇хаанам̣ уббаад̣̇о лад̣̇д̇хо, виваж̇ж̇ид̇о нираяуубабад̇д̇иаад̣̇иго адтавид̇хо агкан̣о, кан̣о навамо кан̣о лад̣̇д̇ход̇и яож̇анаа. сийлаанийд̇и жад̇убаарисуд̣̇д̇хисийлаани. б̣рахмажарияанд̇и саасанаб̣рахмажарияам̣. на д̣̇уусзяяанд̇и на гобзяяаами.

Buddhānaṃ uppādo laddho, vivajjito nirayūpapattiādiko aṭṭhavidho akkhaṇo, khaṇo navamo khaṇo laddhoti yojanā. Sīlānīti catupārisuddhisīlāni. Brahmacariyanti sāsanabrahmacariyaṃ. Na dūseyyanti na kopeyyāmi.

на д̇аава аахаарам̣ аахариссам̣ г̇ахадтаад̇и ‘‘нзва д̇аава ахам̣ г̇ахадтаа худ̇ваа аахаарам̣ аахариссаами, сажз баб̣б̣аж̇ж̇ам̣ на лабхиссаами, маран̣авасамзва г̇ад̇аа бхависсаамий’’д̇и звам̣ сумзд̇хаа маад̇аабид̇аро бхан̣ад̇ийд̇и яож̇анаа.

Na tāva āhāraṃ āharissaṃ gahaṭṭhāti ‘‘neva tāva ahaṃ gahaṭṭhā hutvā āhāraṃ āharissāmi, sace pabbajjaṃ na labhissāmi, maraṇavasameva gatā bhavissāmī’’ti evaṃ sumedhā mātāpitaro bhaṇatīti yojanā.

ассаад̇и сумзд̇хааяа. саб̣б̣асо самабхихад̇од̇и ассуухи саб̣б̣асо абхихад̇амуко. гхадзнд̇и сан̃н̃аабзд̇унд̇и баасаад̣̇ад̇алз чамаабад̇ид̇ам̣ сумзд̇хам̣ маад̇аа жа бид̇аа жа г̇ихибхаавааяа сан̃н̃аабзд̇ум̣ гхадзнд̇и вааяаманд̇и. ‘‘гхадзнд̇и вааяаманд̇ий’’д̇иби баато, со звад̇т̇о.

Assāti sumedhāya. Sabbaso samabhihatoti assūhi sabbaso abhihatamukho. Ghaṭenti saññāpetunti pāsādatale chamāpatitaṃ sumedhaṃ mātā ca pitā ca gihibhāvāya saññāpetuṃ ghaṭenti vāyamanti. ‘‘Ghaṭenti vāyamantī’’tipi pāṭho, so evattho.

гим̣ сожид̇знаад̇и ‘‘баб̣б̣аж̇ж̇ам̣ на лабхиссаамий’’д̇и гим̣ сожанзна. д̣̇иннааси вааран̣авад̇имхийд̇и вааран̣авад̇ийнаг̇арз д̣̇иннаа аси. ‘‘д̣̇иннаасий’’д̇и вад̇ваа бунаби ‘‘д̇вам̣ д̣̇иннаа’’д̇и важанам̣ д̣̇ал̣хам̣ д̣̇иннабхаавад̣̇ассанад̇т̇ам̣.

Kiṃ socitenāti ‘‘pabbajjaṃ na labhissāmī’’ti kiṃ socanena. Dinnāsi vāraṇavatimhīti vāraṇavatīnagare dinnā asi. ‘‘Dinnāsī’’ti vatvā punapi ‘‘tvaṃ dinnā’’ti vacanaṃ daḷhaṃ dinnabhāvadassanatthaṃ.

раж̇ж̇з аан̣аад̇и анигарад̇д̇асса раж̇ж̇з д̇ава аан̣аа бавад̇д̇ад̇и. д̇ханамиссарияанд̇и имасмим̣ гулз бад̇игулз жа д̇ханам̣ иссарияан̃жа, бхог̇аа сукаа ад̇ивияа идтаа бхог̇аад̇и саб̣б̣амид̣̇ам̣ д̇уяхам̣ убадтид̇ам̣ хад̇т̇аг̇ад̇ам̣. д̣̇ахаригаасийд̇и д̇арун̣ий жааси, д̇асмаа бхун̃ж̇аахи гаамабхог̇з. д̇зна гааран̣зна ваарзяяам̣ ход̇у д̇з буд̇д̇аад̇и яож̇анаа.

Rajje āṇāti anikarattassa rajje tava āṇā pavattati. Dhanamissariyanti imasmiṃ kule patikule ca dhanaṃ issariyañca, bhogā sukhā ativiya iṭṭhā bhogāti sabbamidaṃ tuyhaṃ upaṭṭhitaṃ hatthagataṃ. Daharikāsīti taruṇī cāsi, tasmā bhuñjāhi kāmabhoge. Tena kāraṇena vāreyyaṃ hotu te puttāti yojanā.

нзд̇и маад̇аабид̇аро. маа зд̣̇исигаанийд̇и зваруубаани раж̇ж̇з аан̣аад̣̇ийни маа бхаванд̇у. гасмаад̇и жз ааха ‘‘бхаг̇авад̇амасаара’’нд̇иаад̣̇и.

Neti mātāpitaro. Mā edisikānīti evarūpāni rajje āṇādīni mā bhavantu. Kasmāti ce āha ‘‘bhagavatamasāra’’ntiādi.

гимиваад̇и гими вияа. бууд̇игааяанд̇и имам̣ бууд̇игал̣зварам̣. саванаг̇анд̇ханд̇и виссадтависсаг̇анд̇хам̣. бхаяаанаганд̇и авийд̇арааг̇аанам̣ бхаяаавахам̣. гун̣абам̣ абхисам̣висзяяам̣ бхасд̇анд̇и гун̣абабхарид̇ам̣ жаммабасиб̣б̣агам̣, асагим̣ баг̇гхарид̇ам̣ асужибун̣н̣ам̣ наанаббагаарасса асужино бун̣н̣ам̣ худ̇ваа асагим̣ саб̣б̣агаалам̣ ад̇хибаг̇гхаранд̇ам̣ ‘‘мама ид̣̇а’’нд̇и абхинивзсзяяам̣.

Kimivāti kimi viya. Pūtikāyanti imaṃ pūtikaḷevaraṃ. Savanagandhanti vissaṭṭhavissagandhaṃ. Bhayānakanti avītarāgānaṃ bhayāvahaṃ. Kuṇapaṃ abhisaṃviseyyaṃ bhastanti kuṇapabharitaṃ cammapasibbakaṃ, asakiṃ paggharitaṃ asucipuṇṇaṃ nānappakārassa asucino puṇṇaṃ hutvā asakiṃ sabbakālaṃ adhipaggharantaṃ ‘‘mama ida’’nti abhiniveseyyaṃ.

гимива д̇ахам̣ ж̇аананд̇ий, вигуулаганд̇и ад̇ивияа бадиггуулам̣ асужийхи мам̣сабзсийхи сон̣ид̇зхи жа убалид̇д̇ам̣ анзгзсам̣ гимигулаанам̣ аалаяам̣ сагун̣аанам̣ бхад̇д̇абхууд̇ам̣. ‘‘гимигулааласагун̣абхад̇д̇а’’нд̇иби баато, гимийнам̣ авасидтасагун̣аанан̃жа бхад̇д̇абхууд̇анд̇и ад̇т̇о. д̇ам̣ ахам̣ гал̣зварам̣ ж̇аананд̇ий тид̇аа. д̇ам̣ мам̣ ид̣̇аани ваарзяяавасзна гисса гзна наама гааран̣зна д̣̇ияяад̇ийд̇и д̣̇ассзд̇и. д̇асса д̇ан̃жа д̣̇аанам̣ гимива гим̣ вияа ход̇ийд̇и яож̇анаа.

Kimiva tahaṃ jānantī, vikūlakanti ativiya paṭikkūlaṃ asucīhi maṃsapesīhi soṇitehi ca upalittaṃ anekesaṃ kimikulānaṃ ālayaṃ sakuṇānaṃ bhattabhūtaṃ. ‘‘Kimikulālasakuṇabhatta’’ntipi pāṭho, kimīnaṃ avasiṭṭhasakuṇānañca bhattabhūtanti attho. Taṃ ahaṃ kaḷevaraṃ jānantī ṭhitā. Taṃ maṃ idāni vāreyyavasena kissa kena nāma kāraṇena diyyatīti dasseti. Tassa tañca dānaṃ kimiva kiṃ viya hotīti yojanā.

ниб̣б̣уяхад̇и сусаанам̣, ажирам̣ гааяо абзд̇авин̃н̃аан̣од̇и аяам̣ гааяо ажирзнзва абаг̇ад̇авин̃н̃аан̣о сусаанам̣ ниб̣б̣уяхад̇и убанийяад̇и. чуд̣̇д̇ход̇и чад̣д̣ид̇о. гал̣ин̇г̇арам̣ вияаад̇и нирад̇т̇агагадтакан̣д̣асад̣̇исо. ж̇иг̇ужчамаанзхи н̃аад̇ийхийд̇и н̃аад̇иж̇анзхиби ж̇иг̇ужчамаанзхи.

Nibbuyhati susānaṃ, aciraṃ kāyo apetaviññāṇoti ayaṃ kāyo acireneva apagataviññāṇo susānaṃ nibbuyhati upanīyati. Chuddhoti chaḍḍito. Kaḷiṅgaraṃ viyāti niratthakakaṭṭhakhaṇḍasadiso. Jigucchamānehi ñātīhīti ñātijanehipi jigucchamānehi.

чуд̣̇д̇хууна нам̣ сусаанзд̇и нам̣ гал̣зварам̣ сусаанз чад̣д̣зд̇ваа. барабхад̇д̇анд̇и барзсам̣ сон̣асин̇г̇аалаад̣̇ийнам̣ бхад̇д̇абхууд̇ам̣. нхааяанд̇и ж̇иг̇ужчанд̇аад̇и ‘‘имасса бажчад̇о ааг̇ад̇аа’’д̇и зд̇д̇агзнааби ж̇иг̇ужчамаанаа сасийсам̣ нимуж̇ж̇анд̇аа нхааяанд̇и, баг̇зва пудтаванд̇о. нияагаа маад̇аабид̇арод̇и ад̇д̇ано маад̇аабид̇ароби. гим̣ бана саад̇хааран̣аа ж̇анад̇аад̇и ид̇аро бана самуухо ж̇иг̇ужчад̇ийд̇и гимзва вад̇д̇аб̣б̣ам̣.

Chuddhūna naṃ susāneti naṃ kaḷevaraṃ susāne chaḍḍetvā. Parabhattanti paresaṃ soṇasiṅgālādīnaṃ bhattabhūtaṃ. Nhāyanti jigucchantāti ‘‘imassa pacchato āgatā’’ti ettakenāpi jigucchamānā sasīsaṃ nimujjantā nhāyanti, pageva phuṭṭhavanto. Niyakā mātāpitaroti attano mātāpitaropi. Kiṃ pana sādhāraṇā janatāti itaro pana samūho jigucchatīti kimeva vattabbaṃ.

аж̇жхосид̇аад̇и д̇ан̣хаавасзна абхинивидтаа. асаарзд̇и нижжасаараад̣̇исаарарахид̇з.

Ajjhositāti taṇhāvasena abhiniviṭṭhā. Asāreti niccasārādisārarahite.

виниб̣бхуж̇ид̇ваад̇и вин̃н̃аан̣авиниб̣бхог̇ам̣ гад̇ваа. г̇анд̇хасса асахамаанаад̇и г̇анд̇хам̣ асса гааяасса асаханд̇ий. сагааби маад̇аад̇и ад̇д̇ано маад̇ааби ж̇иг̇ужчзяяа годтаасаанам̣ виниб̣бхуж̇ж̇анзна бадиггуулабхаавааяа судтуд̇арам̣ убадтаханад̇о.

Vinibbhujitvāti viññāṇavinibbhogaṃ katvā. Gandhassa asahamānāti gandhaṃ assa kāyassa asahantī. Sakāpi mātāti attano mātāpi jiguccheyya koṭṭhāsānaṃ vinibbhujjanena paṭikkūlabhāvāya suṭṭhutaraṃ upaṭṭhahanato.

канд̇хад̇хаад̇уааяад̇ананд̇и руубагканд̇хаад̣̇аяо имз бан̃жагканд̇хаа, жагкуд̇хаад̇уаад̣̇аяо имаа адтаарасад̇хаад̇уяо, жагкааяад̇анаад̣̇ийни имаани д̣̇ваад̣̇асааяад̇анаанийд̇и звам̣ канд̇хаа д̇хаад̇уяо ааяад̇анаани жаад̇и саб̣б̣ам̣ ид̣̇ам̣ руубааруубад̇хаммаж̇аад̇ам̣ самзжжа самбхуяяа бажжаязхи гад̇ад̇д̇аа сан̇кад̇ам̣, д̇аяид̣̇ам̣ д̇асмим̣ бхавз бавад̇д̇амаанам̣ д̣̇угкам̣, ж̇аад̇ибажжаяад̇д̇аа ж̇аад̇имуулаганд̇и. звам̣ яонисо убааязна анувижинанд̇ий жинд̇аяанд̇ий, ваарзяяам̣ виваахам̣, гисса гзна гааран̣зна ижчиссаами.

Khandhadhātuāyatananti rūpakkhandhādayo ime pañcakkhandhā, cakkhudhātuādayo imā aṭṭhārasadhātuyo, cakkhāyatanādīni imāni dvādasāyatanānīti evaṃ khandhā dhātuyo āyatanāni cāti sabbaṃ idaṃ rūpārūpadhammajātaṃ samecca sambhuyya paccayehi katattā saṅkhataṃ, tayidaṃ tasmiṃ bhave pavattamānaṃ dukkhaṃ, jātipaccayattā jātimūlakanti. Evaṃ yoniso upāyena anuvicinantī cintayantī, vāreyyaṃ vivāhaṃ, kissa kena kāraṇena icchissāmi.

‘‘сийлаани б̣рахмажарияам̣, баб̣б̣аж̇ж̇аа д̣̇уггараа’’д̇и яад̣̇зд̇ам̣ маад̇аабид̇уухи вуд̇д̇ам̣ д̇асса бадиважанам̣ д̣̇аад̇ум̣ ‘‘д̣̇ивасз д̣̇ивасз’’д̇иаад̣̇и вуд̇д̇ам̣. д̇ад̇т̇а д̣̇ивасз д̣̇ивасз д̇исад̇д̇исад̇аани наванаваа бад̇зяяум̣ гааяамхийд̇и д̣̇инз д̣̇инз д̇ийн̣и сад̇д̇исад̇аани д̇аавад̣̇зва бийд̇анисид̇абхаавзна абхинаваани гааяасмим̣ самбад̇зяяум̣. вассасад̇амби жа гхаад̇о сзяяод̇и ниранд̇арам̣ вассасад̇амби бад̇амаано яат̇аавуд̇д̇о сад̇д̇игхаад̇о сзяяо. д̣̇угкасса жзвам̣ каяод̇и звам̣ жз ваддад̣̇угкасса баригкаяо бхавзяяа, звам̣ маханд̇амби бавад̇д̇ид̣̇угкам̣ ад̇хиваасзд̇ваа ниб̣б̣аанаад̇хиг̇амааяа уссаахо гаран̣ийяод̇и ад̇хиббааяо.

‘‘Sīlāni brahmacariyaṃ, pabbajjā dukkarā’’ti yadetaṃ mātāpitūhi vuttaṃ tassa paṭivacanaṃ dātuṃ ‘‘divase divase’’tiādi vuttaṃ. Tattha divase divase tisattisatāni navanavā pateyyuṃ kāyamhīti dine dine tīṇi sattisatāni tāvadeva pītanisitabhāvena abhinavāni kāyasmiṃ sampateyyuṃ. Vassasatampi ca ghāto seyyoti nirantaraṃ vassasatampi patamāno yathāvutto sattighāto seyyo. Dukkhassa cevaṃ khayoti evaṃ ce vaṭṭadukkhassa parikkhayo bhaveyya, evaṃ mahantampi pavattidukkhaṃ adhivāsetvā nibbānādhigamāya ussāho karaṇīyoti adhippāyo.

аж̇жхубаг̇ажчзд̇и самбадижчзяяа. званд̇и вуд̇д̇анаязна. ид̣̇ам̣ вуд̇д̇ам̣ ход̇и – яо буг̇г̇ало анамад̇аг̇г̇ам̣ сам̣саарам̣ абаримаан̣ан̃жа ваддад̣̇угкам̣ д̣̇ийбзнд̇ам̣ сад̇т̇уно важанам̣ вин̃н̃ааяа тид̇о яат̇аавуд̇д̇ам̣ сад̇д̇игхаад̇ад̣̇угкам̣ самбадижчзяяа, д̇зна жзва ваддад̣̇угкасса баригкаяо сияаад̇и. д̇знааха – ‘‘д̣̇ийгхо д̇зсам̣ сам̣сааро, бунаббунан̃жа хан̃н̃амаанаана’’нд̇и, абараабарам̣ ж̇аад̇иж̇арааб̣яаад̇химаран̣аад̣̇ийхи б̣аад̇хияамаанаананд̇и ад̇т̇о.

Ajjhupagaccheti sampaṭiccheyya. Evanti vuttanayena. Idaṃ vuttaṃ hoti – yo puggalo anamataggaṃ saṃsāraṃ aparimāṇañca vaṭṭadukkhaṃ dīpentaṃ satthuno vacanaṃ viññāya ṭhito yathāvuttaṃ sattighātadukkhaṃ sampaṭiccheyya, tena ceva vaṭṭadukkhassa parikkhayo siyāti. Tenāha – ‘‘dīgho tesaṃ saṃsāro, punappunañca haññamānāna’’nti, aparāparaṃ jātijarābyādhimaraṇādīhi bādhiyamānānanti attho.

асурагааязд̇и гаалаган̃жигаад̣̇и бзд̇аасуранигааяз. гхаад̇аад̇и гааяажид̇д̇аанам̣ убагхаад̇аа вад̇хаа.

Asurakāyeti kālakañcikādi petāsuranikāye. Ghātāti kāyacittānaṃ upaghātā vadhā.

б̣ахууд̇и бан̃жавид̇хаб̣анд̇ханаад̣̇игаммагааран̣авасзна бавад̇д̇ияамаанаа б̣ахуу анзгагхаад̇аа. винибаад̇аг̇ад̇ассаад̇и сзсаабааяасан̇каад̇ам̣ винибаад̇ам̣ убаг̇ад̇ассааби. бийл̣ияамаанассаад̇и д̇иражчаанаад̣̇иад̇д̇абхаавз абхигхаад̇аад̣̇ийхи ааб̣аад̇хияамаанасса. д̣̇звзсуби ад̇д̇аан̣анд̇и д̣̇звад̇д̇абхаавзсуби д̇аан̣ам̣ над̇т̇и рааг̇абарил̣аахаад̣̇инаа сад̣̇угкасавигхаад̇абхаавад̇о. ниб̣б̣аанасукаа барам̣ над̇т̇ийд̇и ниб̣б̣аанасукад̇о барам̣ ан̃н̃ам̣ уд̇д̇амам̣ сукам̣ наама над̇т̇и логияасукасса вибарин̣аамасан̇каарад̣̇угкасабхаавад̇д̇аа . д̇знааха бхаг̇аваа – ‘‘ниб̣б̣аанам̣ барамам̣ сука’’нд̇и (д̇ха. ба. 203-204).

Bahūti pañcavidhabandhanādikammakāraṇavasena pavattiyamānā bahū anekaghātā. Vinipātagatassāti sesāpāyasaṅkhātaṃ vinipātaṃ upagatassāpi. Pīḷiyamānassāti tiracchānādiattabhāve abhighātādīhi ābādhiyamānassa. Devesupi attāṇanti devattabhāvesupi tāṇaṃ natthi rāgapariḷāhādinā sadukkhasavighātabhāvato. Nibbānasukhā paraṃnatthīti nibbānasukhato paraṃ aññaṃ uttamaṃ sukhaṃ nāma natthi lokiyasukhassa vipariṇāmasaṅkhāradukkhasabhāvattā . Tenāha bhagavā – ‘‘nibbānaṃ paramaṃ sukha’’nti (dha. pa. 203-204).

бад̇д̇аа д̇з ниб̣б̣аананд̇и д̇з ниб̣б̣аанам̣ бад̇д̇ааязва наама. ат̇а ваа д̇зязва ниб̣б̣аанам̣ бад̇д̇аа. яз яуд̇д̇аа д̣̇асаб̣аласса бааважанзд̇и саммаасамб̣уд̣̇д̇хасса саасанз яз яуд̇д̇аа баяуд̇д̇аа.

Pattā te nibbānanti te nibbānaṃ pattāyeva nāma. Atha vā teyeva nibbānaṃ pattā. Ye yuttā dasabalassa pāvacaneti sammāsambuddhassa sāsane ye yuttā payuttā.

ниб̣б̣иннаад̇и вирад̇д̇аа. мзд̇и маяаа. ванд̇асамаад̇и суваанавамат̇усад̣̇исаа. д̇аалавад̇т̇угад̇аад̇и д̇ааласса бад̇идтаанасад̣̇исаа гад̇аа.

Nibbinnāti virattā. Meti mayā. Vantasamāti suvānavamathusadisā. Tālavatthukatāti tālassa patiṭṭhānasadisā katā.

ат̇аад̇и бажчаа, маад̇аабид̇уунам̣ ад̇д̇ано аж̇жхаасаяам̣ бавзд̣̇зд̇ваа анигарад̇д̇асса жа ааг̇ад̇абхаавам̣ суд̇ваа. асид̇анижид̇амуд̣̇угзд̇и инд̣̇анийлабхамарасамаанаван̣н̣ад̇ааяа асид̇з, гханабхаавзна нижид̇з, симб̣алид̇ууласамасампассад̇ааяа муд̣̇угз. гзсз каг̇г̇зна чинд̣̇ияаад̇и ад̇д̇ано гзсз сунисид̇зна асинаа чинд̣̇ид̇ваа. баасаад̣̇ам̣ бид̣̇ахид̇ваад̇и ад̇д̇ано васанабаасаад̣̇з сириг̇аб̣бхам̣ бид̇хааяа, д̇асса д̣̇ваарам̣ т̇агзд̇ваад̇и ад̇т̇о. батамаж̇жхаанам̣ самаабаж̇ж̇ийд̇и каг̇г̇зна чиннз ад̇д̇ано гзсз бурад̇о табзд̇ваа д̇ад̇т̇а бадиггууламанасигаарам̣ бавад̇д̇знд̇ий яат̇ааубадтид̇з нимид̇д̇з уббаннам̣ батамам̣ жхаанам̣ васийбхаавам̣ аабаад̣̇зд̇ваа самаабаж̇ж̇и.

Athāti pacchā, mātāpitūnaṃ attano ajjhāsayaṃ pavedetvā anikarattassa ca āgatabhāvaṃ sutvā. Asitanicitamuduketi indanīlabhamarasamānavaṇṇatāya asite, ghanabhāvena nicite, simbalitūlasamasamphassatāya muduke. Kese khaggena chindiyāti attano kese sunisitena asinā chinditvā. Pāsādaṃ pidahitvāti attano vasanapāsāde sirigabbhaṃ pidhāya, tassa dvāraṃ thaketvāti attho. Paṭhamajjhānaṃ samāpajjīti khaggena chinne attano kese purato ṭhapetvā tattha paṭikkūlamanasikāraṃ pavattentī yathāupaṭṭhite nimitte uppannaṃ paṭhamaṃ jhānaṃ vasībhāvaṃ āpādetvā samāpajji.

саа жа сумзд̇хаа д̇ахим̣ баасаад̣̇з самаабаннаа жхаананд̇и ад̇хиббааяо. анижжасан̃н̃ам̣ субхаавзд̇ийд̇и жхаанад̇о вудтахид̇ваа жхаанам̣ баад̣̇агам̣ гад̇ваа вибассанам̣ бадтабзд̇ваа ‘‘яам̣гин̃жи рууба’’нд̇иаад̣̇инаа (а. ни. 4.181; ма. ни. 1.244; бади. ма. 1.48) анижжаанубассанам̣ судту бхаавзд̇и, анижжасан̃н̃ааг̇ахан̣знзва жзд̇т̇а д̣̇угкасан̃н̃аад̣̇ийнамби г̇ахан̣ам̣ гад̇анд̇и взд̣̇ид̇аб̣б̣ам̣.

Sā ca sumedhā tahiṃ pāsāde samāpannā jhānanti adhippāyo. Aniccasaññaṃ subhāvetīti jhānato vuṭṭhahitvā jhānaṃ pādakaṃ katvā vipassanaṃ paṭṭhapetvā ‘‘yaṃkiñci rūpa’’ntiādinā (a. ni. 4.181; ma. ni. 1.244; paṭi. ma. 1.48) aniccānupassanaṃ suṭṭhu bhāveti, aniccasaññāgahaṇeneva cettha dukkhasaññādīnampi gahaṇaṃ katanti veditabbaṃ.

ман̣иганагабхуусид̇ан̇г̇од̇и ман̣ивижид̇д̇зхи хзмамаалаалан̇гаарзхи вибхуусид̇аг̇ад̇д̇о.

Maṇikanakabhūsitaṅgoti maṇivicittehi hemamālālaṅkārehi vibhūsitagatto.

раж̇ж̇з аан̣аад̇иаад̣̇и яаажид̇аагааранид̣̇ассанам̣. д̇ад̇т̇а аан̣аад̇и аад̇хибажжам̣. иссарияанд̇и яасо вибхавасамбад̇д̇и. бхог̇аа сукаад̇и идтаа манаабияаа гаамуубабхог̇аа. д̣̇ахаригаасийд̇и д̇вам̣ ид̣̇аани д̣̇ахараа д̇арун̣ий аси.

Rajje āṇātiādi yācitākāranidassanaṃ. Tattha āṇāti ādhipaccaṃ. Issariyanti yaso vibhavasampatti. Bhogā sukhāti iṭṭhā manāpiyā kāmūpabhogā. Daharikāsīti tvaṃ idāni daharā taruṇī asi.

ниссадтам̣ д̇з раж̇ж̇анд̇и маяхам̣ саб̣б̣амби д̇ияож̇анигам̣ раж̇ж̇ам̣ д̇уяхам̣ барижжад̇д̇ам̣, д̇ам̣ бадибаж̇ж̇ид̇ваа бхог̇з жа бхун̃ж̇ассу, аяам̣ мам̣ гаамзхиязва ниманд̇зд̇ийд̇и маа д̣̇умманаа ахоси. д̣̇зхи д̣̇аанаанийд̇и яат̇ааружияаа маханд̇аани д̣̇аанаани саман̣аб̣раахман̣зсу бавад̇д̇зхи, маад̇аабид̇аро д̇з д̣̇угкид̇аа д̣̇оманассаббад̇д̇аа д̇ава баб̣б̣аж̇ж̇аад̇хиббааяам̣ суд̇ваа д̇асмаа гаамз барибхун̃ж̇анд̇ий. д̇зби убадтаханд̇ий д̇зсам̣ жид̇д̇ам̣ д̣̇угкаа можзхийд̇и звамзд̇т̇а бад̣̇ад̇т̇аяож̇анаа взд̣̇ид̇аб̣б̣аа.

Nissaṭṭhaṃte rajjanti mayhaṃ sabbampi tiyojanikaṃ rajjaṃ tuyhaṃ pariccattaṃ, taṃ paṭipajjitvā bhoge ca bhuñjassu, ayaṃ maṃ kāmehiyeva nimantetīti mā dummanā ahosi. Dehi dānānīti yathāruciyā mahantāni dānāni samaṇabrāhmaṇesu pavattehi, mātāpitaro te dukkhitā domanassappattā tava pabbajjādhippāyaṃ sutvā tasmā kāme paribhuñjantī. Tepi upaṭṭhahantī tesaṃ cittaṃ dukkhā mocehīti evamettha padatthayojanā veditabbā.

маа гаамз абхинанд̣̇ийд̇и вад̇т̇угаамз гилзсагаамз маа абхинанд̣̇и. ат̇а ко д̇зсу гаамзсу аад̣̇ийнавам̣ д̣̇осам̣ маяхам̣ важанаанусаарзна басса н̃аан̣ажагкунаа ологзхи.

Mā kāme abhinandīti vatthukāme kilesakāme mā abhinandi. Atha kho tesu kāmesu ādīnavaṃ dosaṃ mayhaṃ vacanānusārena passa ñāṇacakkhunā olokehi.

жаад̇уд̣̇д̣̇ийбод̇и ж̇амб̣уд̣̇ийбаад̣̇ийнам̣ жад̇уннам̣ махаад̣̇ийбаанам̣ иссаро. манд̇хаад̇аад̇и звам̣наамо рааж̇аа, гаамабхог̇ийнам̣ аг̇г̇о аг̇г̇абхууд̇о ааси. д̇знааха бхаг̇аваа – ‘‘раахуг̇г̇ам̣ ад̇д̇абхаавийнам̣, манд̇хаад̇аа гаамабхог̇ина’’нд̇и (а. ни. 4.15). ад̇ид̇д̇о гаалан̇гад̇од̇и жад̇ураасийд̇ивассасахассаани гумаарагийл̣аавасзна жад̇ураасийд̇ивассасахассаани обараж̇ж̇авасзна жад̇ураасийд̇ивассасахассаани жаггавад̇д̇ий рааж̇аа худ̇ваа д̣̇звабхог̇асад̣̇исз бхог̇з бхун̃ж̇ид̇ваа чад̇д̇им̣сааяа саггаанам̣ ааяуббамаан̣агаалам̣ д̇аавад̇им̣сабхаванз саг̇г̇асамбад̇д̇им̣ анубхавид̇вааби гаамзхи ад̇ид̇д̇ова гаалан̇гад̇о. на жасса барибуурид̇аа ижчаа асса манд̇хаад̇уран̃н̃о гаамзсу аасаа на жа барибун̣н̣аа ааси.

Cātuddīpoti jambudīpādīnaṃ catunnaṃ mahādīpānaṃ issaro. Mandhātāti evaṃnāmo rājā, kāmabhogīnaṃ aggo aggabhūto āsi. Tenāha bhagavā – ‘‘rāhuggaṃ attabhāvīnaṃ, mandhātā kāmabhogina’’nti (a. ni. 4.15). Atitto kālaṅkatoti caturāsītivassasahassāni kumārakīḷāvasena caturāsītivassasahassāni oparajjavasena caturāsītivassasahassāni cakkavattī rājā hutvā devabhogasadise bhoge bhuñjitvā chattiṃsāya sakkānaṃ āyuppamāṇakālaṃ tāvatiṃsabhavane saggasampattiṃ anubhavitvāpi kāmehi atittova kālaṅkato. Na cassa paripūritā icchā assa mandhāturañño kāmesu āsā na ca paripuṇṇā āsi.

сад̇д̇а рад̇анаани вассзяяаад̇и сад̇д̇аби рад̇анаани, вудтимаа д̣̇зво д̣̇асад̣̇исаа б̣яаабзд̇ваа, саманд̇зна саманд̇ад̇о бурисасса руживасзна яад̣̇иби вассзяяа, яат̇аа д̇ам̣ манд̇хаад̇умахаарааж̇асса звам̣ санд̇зби на жад̇т̇и д̇ид̇д̇и гаамаанам̣, ад̇ид̇д̇аава маранд̇и нараа. д̇знааха бхаг̇аваа – ‘‘на гахаабан̣авассзна, д̇ид̇д̇и гаамзсу виж̇ж̇ад̇ий’’д̇и (д̇ха. ба. 186; ж̇аа. 1.3.23).

Satta ratanāni vasseyyāti sattapi ratanāni, vuṭṭhimā devo dasadisā byāpetvā, samantena samantato purisassa rucivasena yadipi vasseyya, yathā taṃ mandhātumahārājassa evaṃ santepi na catthi titti kāmānaṃ, atittāva maranti narā. Tenāha bhagavā – ‘‘na kahāpaṇavassena, titti kāmesu vijjatī’’ti (dha. pa. 186; jā. 1.3.23).

асисуунуубамаа гаамаа ад̇хигудданадтзна, саббасиробамаа саббадибхаяадтзна, уггобамаа д̇ин̣уггуубамаа ануд̣̇аханадтзна. д̇знааха ‘‘ануд̣̇аханд̇ий’’д̇и. адтиган̇галасаннибхаа аббассаад̣̇адтзна.

Asisūnūpamā kāmā adhikuṭṭanaṭṭhena, sappasiropamā sappaṭibhayaṭṭhena, ukkopamā tiṇukkūpamā anudahanaṭṭhena. Tenāha ‘‘anudahantī’’ti. Aṭṭhikaṅkalasannibhā appassādaṭṭhena.

махаависаад̇и халаахалаад̣̇имахаависасад̣̇исаа. агхамуулаад̇и агхасса д̣̇угкасса муулаа гааран̣абхууд̇аа. д̇знааха ‘‘д̣̇укабпалаа’’д̇и.

Mahāvisāti halāhalādimahāvisasadisā. Aghamūlāti aghassa dukkhassa mūlā kāraṇabhūtā. Tenāha ‘‘dukhapphalā’’ti.

ругкабпалуубамаа ан̇г̇абажжан̇г̇аанам̣ палибхан̃ж̇анадтзна. мам̣сабзсуубамаа б̣ахусаад̇хааран̣адтзна. субинобамаа ид̇д̇арабажжубадтаанадтзна мааяаа вияа балобханад̇о. д̇знааха ‘‘ван̃жанияаа’’д̇и, ван̃жагаад̇и ад̇т̇о. яаажид̇агуубамаад̇и яаажид̇агабхан̣д̣асад̣̇исаа д̇аавагаалигадтзна.

Rukkhapphalūpamā aṅgapaccaṅgānaṃ phalibhañjanaṭṭhena. Maṃsapesūpamā bahusādhāraṇaṭṭhena. Supinopamā ittarapaccupaṭṭhānaṭṭhena māyā viya palobhanato. Tenāha ‘‘vañcaniyā’’ti, vañcakāti attho. Yācitakūpamāti yācitakabhaṇḍasadisā tāvakālikaṭṭhena.

сад̇д̇исуулуубамаа винивиж̇жханадтзна. руж̇ж̇анадтзна рог̇о д̣̇угкад̇аасулабхад̇д̇аа. г̇ан̣д̣о гилзсаасужибаг̇гхаран̣ад̇о. д̣̇угкуббаад̣̇анадтзна агхам̣. маран̣асамбаабанзна нигхам̣. ан̇г̇аарагаасусад̣̇исаа махаабхид̇аабанадтзна. бхаяахзд̇уд̇ааяа жзва вад̇хагабахууд̇ад̇ааяа жа бхаяам̣ вад̇хо наама, гаамаад̇и яож̇анаа.

Sattisūlūpamā vinivijjhanaṭṭhena. Rujjanaṭṭhena rogo dukkhatāsulabhattā. Gaṇḍo kilesāsucipaggharaṇato. Dukkhuppādanaṭṭhena aghaṃ. Maraṇasampāpanena nighaṃ. Aṅgārakāsusadisā mahābhitāpanaṭṭhena. Bhayahetutāya ceva vadhakapahūtatāya ca bhayaṃ vadho nāma, kāmāti yojanā.

агкаад̇аа анд̇арааяигаад̇и ‘‘саг̇г̇амаг̇г̇аад̇хиг̇амасса ниб̣б̣аанаг̇аамимаг̇г̇асса жа анд̇арааяагараа’’д̇и жагкубхууд̇зхи б̣уд̣̇д̇хаад̣̇ийхи вуд̇д̇аа. г̇ажчат̇аад̇и анигарад̇д̇ам̣ сабарисам̣ виссаж̇ж̇зд̇и.

Akkhātā antarāyikāti ‘‘saggamaggādhigamassa nibbānagāmimaggassa ca antarāyakarā’’ti cakkhubhūtehi buddhādīhi vuttā. Gacchathāti anikarattaṃ saparisaṃ vissajjeti.

гим̣ мама баро гариссад̇ийд̇и баро ан̃н̃о мама гим̣ наама хид̇ам̣ гариссад̇и ад̇д̇ано сийсамхи уд̇д̇аман̇г̇з згаад̣̇асахи аг̇г̇ийхи д̣аяхамаанз. д̇знааха ‘‘ануб̣анд̇хз ж̇араамаран̣з’’д̇и. д̇асса ж̇араамаран̣асса сийсад̣аахасса, гхаад̇ааяа самуг̇гхаад̇ааяа, гхадид̇аб̣б̣ам̣ вааяамид̇аб̣б̣ам̣.

Kiṃ mama paro karissatīti paro añño mama kiṃ nāma hitaṃ karissati attano sīsamhi uttamaṅge ekādasahi aggīhi ḍayhamāne. Tenāha ‘‘anubandhe jarāmaraṇe’’ti. Tassa jarāmaraṇassa sīsaḍāhassa, ghātāya samugghātāya, ghaṭitabbaṃ vāyamitabbaṃ.

чаманд̇и чамааяам̣. ид̣̇амавожанд̇и ид̣̇ам̣ ‘‘д̣̇ийгхо б̣аалаанам̣ сам̣сааро’’д̇иаад̣̇игам̣ сам̣взг̇асам̣вад̇д̇анагам̣ важанам̣ авожам̣.

Chamanti chamāyaṃ. Idamavocanti idaṃ ‘‘dīgho bālānaṃ saṃsāro’’tiādikaṃ saṃvegasaṃvattanakaṃ vacanaṃ avocaṃ.

д̣̇ийгхо б̣аалаанам̣ сам̣саарод̇и гилзсагаммавибаагаваддабхууд̇аанам̣ канд̇хааяад̇анаад̣̇ийнам̣ бадибаадибавад̇д̇исан̇каад̇о сам̣сааро абарин̃н̃аад̇авад̇т̇угаанам̣ анд̇хаб̣аалаанам̣ д̣̇ийгхо б̣уд̣̇д̇хан̃аан̣знаби абарижчинд̣̇анияо. яат̇аа хи анубажчиннад̇д̇аа авиж̇ж̇аад̇ан̣хаанам̣ абарижчиннад̇ааязва бхавабаб̣анд̇хасса буб̣б̣аа годи на бан̃н̃ааяад̇и, звам̣ барааби годийд̇и. бунаббунан̃жа род̣̇ад̇анд̇и абараабарам̣ согавасзна руд̣̇анд̇аанам̣. иминааби авиж̇ж̇аад̇ан̣хаанам̣ анубажчиннад̇ам̣язва д̇зсам̣ вибхаавзд̇и.

Dīgho bālānaṃ saṃsāroti kilesakammavipākavaṭṭabhūtānaṃ khandhāyatanādīnaṃ paṭipāṭipavattisaṅkhāto saṃsāro apariññātavatthukānaṃ andhabālānaṃ dīgho buddhañāṇenapi aparicchindaniyo. Yathā hi anupacchinnattā avijjātaṇhānaṃ aparicchinnatāyeva bhavapabandhassa pubbā koṭi na paññāyati, evaṃ parāpi koṭīti. Punappunañca rodatanti aparāparaṃ sokavasena rudantānaṃ. Imināpi avijjātaṇhānaṃ anupacchinnataṃyeva tesaṃ vibhāveti.

ассу т̇ан̃н̃ам̣ руд̇хиранд̇и яам̣ н̃аад̇иб̣яасанаад̣̇инаа пудтаанам̣ род̣̇анд̇аанам̣ ассу жа д̣̇аарагагаалз маад̇ут̇анад̇о бийд̇ам̣ т̇ан̃н̃ан̃жа яан̃жа бажжад̇т̇игзхи гхаад̇ид̇аанам̣ руд̇хирам̣. сам̣саарам̣ анамад̇аг̇г̇ад̇о сам̣саарасса ану амад̇аг̇г̇ад̇д̇аа н̃аан̣зна ануг̇анд̇вааби амад̇ааг̇г̇ад̇д̇аа авид̣̇ид̇аг̇г̇ад̇д̇аа иминаа д̣̇ийгхзна ад̣̇д̇хунаа сад̇д̇аанам̣ сам̣сарад̇ам̣, абараабарам̣ сам̣саранд̇аанам̣ сам̣сарид̇ам̣ сараахи, д̇ам̣ ‘‘гийва б̣ахуга’’нд̇и ануссараахи, адтийнам̣ саннижаяам̣ сараахи ануссара, убад̇хаарзхийд̇и ад̇т̇о.

Assu thaññaṃ rudhiranti yaṃ ñātibyasanādinā phuṭṭhānaṃ rodantānaṃ assu ca dārakakāle mātuthanato pītaṃ thaññañca yañca paccatthikehi ghātitānaṃ rudhiraṃ. Saṃsāraṃ anamataggato saṃsārassa anu amataggattā ñāṇena anugantvāpi amataaggattā aviditaggattā iminā dīghena addhunā sattānaṃ saṃsarataṃ, aparāparaṃ saṃsarantānaṃ saṃsaritaṃ sarāhi, taṃ ‘‘kīva bahuka’’nti anussarāhi, aṭṭhīnaṃ sannicayaṃ sarāhi anussara, upadhārehīti attho.

ид̣̇аани аад̣̇ийнавасса б̣ахубхааван̃жа убамааяа д̣̇ассзд̇ум̣ ‘‘сара жад̇урод̣̇ад̇хий’’д̇и г̇аат̇амааха. д̇ад̇т̇а сара жад̇урод̣̇ад̇хий убанийд̇з ассут̇ан̃н̃аруд̇хирамхийд̇и имзсам̣ сад̇д̇аанам̣ анамад̇аг̇г̇асам̣саарз сам̣саранд̇аанам̣ згзгассаби ассумхи т̇ан̃н̃з руд̇хирамхи жа бамаан̣ад̇о убамзд̇аб̣б̣з жад̇урод̣̇ад̇хий жад̇д̇ааро махаасамуд̣̇д̣̇з убамаавасзна б̣уд̣̇д̇хзхи убанийд̇з сара сараахи. згагаббамадтийнам̣, сан̃жаяам̣ вибулзна саманд̇и згасса буг̇г̇аласса згасмим̣ габбз адтийнам̣ сан̃жаяам̣ взбуллабаб̣б̣ад̇зна самам̣ убанийд̇ам̣ сара. вуд̇д̇амби жзсам̣ –

Idāni ādīnavassa bahubhāvañca upamāya dassetuṃ ‘‘sara caturodadhī’’ti gāthamāha. Tattha sara caturodadhī upanīte assuthaññarudhiramhīti imesaṃ sattānaṃ anamataggasaṃsāre saṃsarantānaṃ ekekassapi assumhi thaññe rudhiramhi ca pamāṇato upametabbe caturodadhī cattāro mahāsamudde upamāvasena buddhehi upanīte sara sarāhi. Ekakappamaṭṭhīnaṃ, sañcayaṃ vipulena samanti ekassa puggalassa ekasmiṃ kappe aṭṭhīnaṃ sañcayaṃ vepullapabbatena samaṃ upanītaṃ sara. Vuttampi cesaṃ –

‘‘згассзгзна габбзна, буг̇г̇алассадтисан̃жаяо;

‘‘Ekassekena kappena, puggalassaṭṭhisañcayo;

сияаа баб̣б̣ад̇асамо рааси, ид̇и вуд̇д̇ам̣ махзсинаа.

Siyā pabbatasamo rāsi, iti vuttaṃ mahesinā.

‘‘со ко банааяам̣ агкаад̇о, взбулло баб̣б̣ад̇о махаа;

‘‘So kho panāyaṃ akkhāto, vepullo pabbato mahā;

уд̇д̇аро г̇иж̇жхагуудасса, маг̇ад̇хаанам̣ г̇ириб̣б̣аж̇з’’д̇и. (сам̣. ни. 2.133);

Uttaro gijjhakūṭassa, magadhānaṃ giribbaje’’ti. (saṃ. ni. 2.133);

махим̣ ж̇амб̣уд̣̇ийбамубанийд̇ам̣. голадтимад̇д̇аг̇ул̣игаа, маад̇аа маад̇усвзва наббахонд̇ийд̇и ж̇амб̣уд̣̇ийбод̇исан̇каад̇ам̣ махаабат̇авим̣ голадтимад̇д̇аа б̣ад̣̇арадтимад̇д̇аа г̇ул̣игаа гад̇ваа д̇ад̇т̇згзгаа ‘‘аяам̣ мз маад̇у, аяам̣ мз маад̇умаад̇уу’’д̇и звам̣ вибхааж̇ияамаанз д̇аа г̇ул̣игаа маад̇аа маад̇уусвзва наббахонд̇и, маад̇аа маад̇уусу акийн̣аасвзва барияанд̇игаа д̇аа г̇ул̣игаа баригкаяам̣ барияаад̣̇аанам̣ г̇ажчзяяум̣, на д̇взва анамад̇аг̇г̇з сам̣саарз сам̣сарад̇о сад̇д̇асса маад̇умаад̇арод̇и . звам̣ ж̇амб̣уд̣̇ийбамахим̣ сам̣саарасса д̣̇ийгхабхаавзна убамаабхаавзна убанийд̇ам̣ манаси гарохийд̇и.

Mahiṃ jambudīpamupanītaṃ. Kolaṭṭhimattaguḷikā, mātā mātusveva nappahontīti jambudīpotisaṅkhātaṃ mahāpathaviṃ kolaṭṭhimattā badaraṭṭhimattā guḷikā katvā tatthekekā ‘‘ayaṃ me mātu, ayaṃ me mātumātū’’ti evaṃ vibhājiyamāne tā guḷikā mātā mātūsveva nappahonti, mātā mātūsu akhīṇāsveva pariyantikā tā guḷikā parikkhayaṃ pariyādānaṃ gaccheyyuṃ, na tveva anamatagge saṃsāre saṃsarato sattassa mātumātaroti . Evaṃ jambudīpamahiṃ saṃsārassa dīghabhāvena upamābhāvena upanītaṃ manasi karohīti.

д̇ин̣агадтасаакаабалаасанд̇и д̇ин̣ан̃жа гадтан̃жа саакаабалаасан̃жа. убанийд̇анд̇и убамаабхаавзна убанийд̇ам̣. анамад̇аг̇г̇ад̇од̇и сам̣саарасса анамад̇аг̇г̇абхаавад̇о. жад̇уран̇г̇улигаа гхадигаад̇и жад̇уран̇г̇улаббамаан̣аани кан̣д̣аани. бид̇убид̇усвзва наббахонд̇ийд̇и бид̇убид̇аамахзсу зва д̇аа гхадигаа наббахонд̇и. ид̣̇ам̣ вуд̇д̇ам̣ ход̇и – имасмим̣ логз саб̣б̣ам̣ д̇ин̣ан̃жа гадтан̃жа саакаабалаасан̃жа жад̇уран̇г̇улигаа гад̇ваа д̇ад̇т̇згзгаа ‘‘аяам̣ мз бид̇у, аяам̣ мз бид̇аамахассаа’’д̇и вибхааж̇ияамаанз д̇аа гхадигаава баригкаяам̣ барияаад̣̇аанам̣ г̇ажчзяяум̣, на д̇взва анамад̇аг̇г̇з сам̣саарз сам̣сарад̇о сад̇д̇асса бид̇убид̇аамахаад̇и. звам̣ д̇ин̣ан̃жа гадтан̃жа саакаабалаасан̃жа сам̣саарасса д̣̇ийгхабхаавзна убанийд̇ам̣ сараахийд̇и. имасмим̣ бана таанз –

Tiṇakaṭṭhasākhāpalāsanti tiṇañca kaṭṭhañca sākhāpalāsañca. Upanītanti upamābhāvena upanītaṃ. Anamataggatoti saṃsārassa anamataggabhāvato. Caturaṅgulikā ghaṭikāti caturaṅgulappamāṇāni khaṇḍāni. Pitupitusveva nappahontīti pitupitāmahesu eva tā ghaṭikā nappahonti. Idaṃ vuttaṃ hoti – imasmiṃ loke sabbaṃ tiṇañca kaṭṭhañca sākhāpalāsañca caturaṅgulikā katvā tatthekekā ‘‘ayaṃ me pitu, ayaṃ me pitāmahassā’’ti vibhājiyamāne tā ghaṭikāva parikkhayaṃ pariyādānaṃ gaccheyyuṃ, na tveva anamatagge saṃsāre saṃsarato sattassa pitupitāmahāti. Evaṃ tiṇañca kaṭṭhañca sākhāpalāsañca saṃsārassa dīghabhāvena upanītaṃ sarāhīti. Imasmiṃ pana ṭhāne –

‘‘анамад̇аг̇г̇ояам̣ , бхигкавз, сам̣сааро, буб̣б̣аа годи на бан̃н̃ааяад̇и авиж̇ж̇аанийваран̣аанам̣ сад̇д̇аанам̣ д̇ан̣хаасам̣яож̇анаанам̣ санд̇хаавад̇ам̣ сам̣сарад̇ам̣. д̇ам̣ гим̣ ман̃н̃ат̇а, бхигкавз, гад̇амам̣ ну ко б̣ахуд̇арам̣, яам̣ ваа во иминаа д̣̇ийгхзна ад̣̇д̇хунаа санд̇хаавад̇ам̣ сам̣сарад̇ам̣ аманаабасамбаяог̇аа манаабавиббаяог̇аа ганд̣̇анд̇аанам̣ род̣̇анд̇аанам̣ ассубассаннам̣ баг̇гхарид̇ам̣, яам̣ ваа жад̇уусу махаасамуд̣̇д̣̇зсу уд̣̇ага’’нд̇иаад̣̇игаа (сам̣. ни. 2.126) – ‘анамад̇аг̇г̇абаал̣и’ аахарид̇аб̣б̣аа.

‘‘Anamataggoyaṃ , bhikkhave, saṃsāro, pubbā koṭi na paññāyati avijjānīvaraṇānaṃ sattānaṃ taṇhāsaṃyojanānaṃ sandhāvataṃ saṃsarataṃ. Taṃ kiṃ maññatha, bhikkhave, katamaṃ nu kho bahutaraṃ, yaṃ vā vo iminā dīghena addhunā sandhāvataṃ saṃsarataṃ amanāpasampayogā manāpavippayogā kandantānaṃ rodantānaṃ assupassannaṃ paggharitaṃ, yaṃ vā catūsu mahāsamuddesu udaka’’ntiādikā (saṃ. ni. 2.126) – ‘anamataggapāḷi’ āharitabbā.

сара гаан̣агажчабанд̇и убхаяагкигаан̣ам̣ гажчабам̣ ануссара. буб̣б̣асамуд̣̇д̣̇з абарад̇о жа яуг̇ачид̣̇д̣̇анд̇и бурад̇т̇имасамуд̣̇д̣̇з абарад̇о жа бажчимуд̇д̇арад̣̇агкин̣асамуд̣̇д̣̇з ваад̇авзг̇зна бариб̣бхаманд̇асса яуг̇асса згажчид̣̇д̣̇ам̣. сирам̣ д̇асса жа бадимугганд̇и гаан̣агажчабасса сийсам̣ д̇асса жа вассасад̇асса вассасад̇асса ажжаязна г̇ийвам̣ угкибанд̇асса сийсасса яуг̇ажчид̣̇д̣̇з бавзсанан̃жа сара. мануссалаабхамхи обамманд̇и д̇аяид̣̇ам̣ саб̣б̣амби б̣уд̣̇д̇хуббаад̣̇ад̇хаммад̣̇зсанаасу вияа мануссад̇д̇алаабхз обаммам̣ гад̇ваа бан̃н̃ааяа сара, д̇асса ад̇ийва д̣̇уллабхасабхаавад̇д̇ам̣ саараж̇ж̇абхаяассааби ад̇ижжасабхаавад̇д̇аа. вуд̇д̇ан̃хзд̇ам̣ – ‘‘сзяяат̇ааби, бхигкавз, бурисо махаасамуд̣̇д̣̇з згажчиг̇г̇ал̣хам̣ яуг̇ам̣ багкибзяяаа’’д̇иаад̣̇и (ма. ни. 3.252; сам̣. ни. 5.1117).

Sara kāṇakacchapanti ubhayakkhikāṇaṃ kacchapaṃ anussara. Pubbasamudde aparato ca yugachiddanti puratthimasamudde aparato ca pacchimuttaradakkhiṇasamudde vātavegena paribbhamantassa yugassa ekacchiddaṃ. Siraṃ tassa ca paṭimukkanti kāṇakacchapassa sīsaṃ tassa ca vassasatassa vassasatassa accayena gīvaṃ ukkhipantassa sīsassa yugacchidde pavesanañca sara. Manussalābhamhi opammanti tayidaṃ sabbampi buddhuppādadhammadesanāsu viya manussattalābhe opammaṃ katvā paññāya sara, tassa atīva dullabhasabhāvattaṃ sārajjabhayassāpi aticcasabhāvattā. Vuttañhetaṃ – ‘‘seyyathāpi, bhikkhave, puriso mahāsamudde ekacchiggaḷhaṃ yugaṃ pakkhipeyyā’’tiādi (ma. ni. 3.252; saṃ. ni. 5.1117).

сара руубам̣ пзн̣абин̣д̣обамассаад̇и вимад̣̇д̣̇аасаханад̇о пзн̣абин̣д̣асад̣̇исасса анзгаанад̇т̇асаннибаад̇ад̇о гааяасан̇каад̇асса галино, нижжасаараад̣̇ивирахзна асаарасса руубам̣ асужид̣̇уг̇г̇анд̇хам̣ ж̇зг̇ужчабадиггуулабхаавам̣ сара. канд̇хз басса анижжзд̇и бан̃жаби убаад̣̇аанагканд̇хз худ̇ваа абхаавадтзна анижжз басса н̃аан̣ажагкунаа ологзхи. сараахи нираяз б̣ахувигхаад̇зд̇и адта махаанираяз сол̣асауссад̣̇анираяз жа б̣ахувигхаад̇з б̣ахуд̣̇угкз махаад̣̇угкз жа ануссара.

Sara rūpaṃ pheṇapiṇḍopamassāti vimaddāsahanato pheṇapiṇḍasadisassa anekānatthasannipātato kāyasaṅkhātassa kalino, niccasārādivirahena asārassa rūpaṃ asuciduggandhaṃ jegucchapaṭikkūlabhāvaṃ sara. Khandhe passa anicceti pañcapi upādānakkhandhe hutvā abhāvaṭṭhena anicce passa ñāṇacakkhunā olokehi. Sarāhi niraye bahuvighāteti aṭṭha mahāniraye soḷasaussadaniraye ca bahuvighāte bahudukkhe mahādukkhe ca anussara.

сара гадасим̣ вад̣дхзнд̇зд̇и бунаббунам̣ д̇аасу д̇аасу ж̇аад̇ийсу абараабарам̣ уббад̇д̇ияаа бунаббунам̣ гадасим̣ сусаанам̣ аал̣аханамзва вад̣дхзнд̇з сад̇д̇з ануссара. ‘‘вад̣дханд̇о’’д̇и ваа баал̣и, д̇вам̣ вад̣дханд̇од̇и яож̇анаа. гумбхийлабхаяаанийд̇и уд̣̇арабосанад̇т̇ам̣ агижжагаарид̇аавасзна од̣̇аригад̇д̇абхаяаани. вуд̇д̇ан̃хи ‘‘гумбхийлабхаяанд̇и ко, бхигкавз, од̣̇аригад̇д̇ассзд̇ам̣ ад̇хиважана’’нд̇и (а. ни. 4.122). сараахи жад̇д̇аари сажжаанийд̇и ‘‘ид̣̇ам̣ д̣̇угкам̣ арияасажжам̣…бз… аяам̣ д̣̇угканирод̇хаг̇ааминибадибад̣̇аа арияасажжа’’нд̇и жад̇д̇аари арияасажжаани яаат̇аавад̇о ануссара убад̇хаарзхи.

Sara kaṭasiṃ vaḍḍhenteti punappunaṃ tāsu tāsu jātīsu aparāparaṃ uppattiyā punappunaṃ kaṭasiṃ susānaṃ āḷahanameva vaḍḍhente satte anussara. ‘‘Vaḍḍhanto’’ti vā pāḷi, tvaṃ vaḍḍhantoti yojanā. Kumbhīlabhayānīti udaraposanatthaṃ akiccakāritāvasena odarikattabhayāni. Vuttañhi ‘‘kumbhīlabhayanti kho, bhikkhave, odarikattassetaṃ adhivacana’’nti (a. ni. 4.122). Sarāhi cattārisaccānīti ‘‘idaṃ dukkhaṃ ariyasaccaṃ…pe… ayaṃ dukkhanirodhagāminipaṭipadā ariyasacca’’nti cattāri ariyasaccāni yāthāvato anussara upadhārehi.

звам̣ рааж̇абуд̇д̇ий анзгаагааравогаарам̣ ануссаран̣авасзна гаамзсу сам̣саарз жа аад̣̇ийнавам̣ багаасзд̇ваа ид̣̇аани б̣яад̇ирзгзнаби д̇ам̣ багаасзд̇ум̣ ‘‘амад̇амхи виж̇ж̇амаанз’’д̇иаад̣̇имааха. д̇ад̇т̇а амад̇амхи виж̇ж̇амаанзд̇и саммаасамб̣уд̣̇д̇хзна махаагарун̣ааяа убанийд̇з сад̣̇д̇хаммаамад̇з убалаб̣бхамаанз. гим̣ д̇ава бан̃жагадугзна бийд̇знаад̇и бариязсанаа бариг̇г̇ахо аарагкаа барибхог̇о вибааго жаад̇и бан̃жасуби таанзсу д̇икин̣ад̇арад̣̇угкаануб̣анд̇хад̇ааяа савигхаад̇ад̇д̇аа саубааяаасад̇д̇аа гим̣ д̇уяхам̣ бан̃жагадугзна бан̃жагаамаг̇ун̣арасзна бийд̇зна? ид̣̇аани вуд̇д̇амзвад̇т̇ам̣ баагадад̇арам̣ гаронд̇ий ааха – ‘‘саб̣б̣аа хи гаамарад̇ияо, гадугад̇араа бан̃жагадугзнаа’’д̇и , ад̇ивияа гадугад̇араад̇и ад̇т̇о.

Evaṃ rājaputtī anekākāravokāraṃ anussaraṇavasena kāmesu saṃsāre ca ādīnavaṃ pakāsetvā idāni byatirekenapi taṃ pakāsetuṃ ‘‘amatamhi vijjamāne’’tiādimāha. Tattha amatamhivijjamāneti sammāsambuddhena mahākaruṇāya upanīte saddhammāmate upalabbhamāne. Kiṃ tava pañcakaṭukena pītenāti pariyesanā pariggaho ārakkhā paribhogo vipāko cāti pañcasupi ṭhānesu tikhiṇataradukkhānubandhatāya savighātattā saupāyāsattā kiṃ tuyhaṃ pañcakaṭukena pañcakāmaguṇarasena pītena? Idāni vuttamevatthaṃ pākaṭataraṃ karontī āha – ‘‘sabbā hi kāmaratiyo, kaṭukatarā pañcakaṭukenā’’ti , ativiya kaṭukatarāti attho.

яз барил̣аахаад̇и яз гаамаа самбад̇и гилзсабарил̣аахзна ааяад̇им̣ вибаагабарил̣аахзна жа сабарил̣аахаа махаавигхаад̇аа. ж̇алид̇аа гут̇ид̇аа гамбид̇аа санд̇аабид̇аад̇и згаад̣̇асахи аг̇г̇ийхи баж̇ж̇алид̇аа баггут̇ид̇аа жа худ̇ваа д̇ам̣саман̇г̇ийнам̣ гамбанагаа санд̇аабанагаа жа.

Ye pariḷāhāti ye kāmā sampati kilesapariḷāhena āyatiṃ vipākapariḷāhena ca sapariḷāhā mahāvighātā. Jalitā kuthitā kampitā santāpitāti ekādasahi aggīhi pajjalitā pakkuthitā ca hutvā taṃsamaṅgīnaṃ kampanakā santāpanakā ca.

асабад̇д̇амхийд̇и сабад̇д̇арахид̇з нзгкаммз. самаанзд̇и санд̇з виж̇ж̇амаанз. ‘‘б̣ахусабад̇д̇аа’’д̇и вад̇ваа язхи б̣ахуу сабад̇д̇аа, д̇з д̣̇ассзд̇ум̣ ‘‘рааж̇аг̇г̇ий’’д̇иаад̣̇и вуд̇д̇ам̣. рааж̇уухи жа аг̇г̇инаа жа жорзхи жа уд̣̇агзна жа д̣̇ааяаад̣̇аад̣̇иаббиязхи жа рааж̇аг̇г̇ижорауд̣̇агаббиязхи саад̇хааран̣ад̇о д̇зсвзвобамаа вуд̇д̇аа.

Asapattamhīti sapattarahite nekkhamme. Samāneti sante vijjamāne. ‘‘Bahusapattā’’ti vatvā yehi bahū sapattā, te dassetuṃ ‘‘rājaggī’’tiādi vuttaṃ. Rājūhi ca agginā ca corehi ca udakena ca dāyādādiappiyehi ca rājaggicoraudakappiyehi sādhāraṇato tesvevopamā vuttā.

язсу вад̇хаб̣анд̇ход̇и язсу гаамзсу гааманимид̇д̇ам̣ маран̣абот̇анаад̣̇ибариггилзсо анд̣̇уб̣анд̇ханаад̣̇иб̣анд̇хо жа ход̇ийд̇и ад̇т̇о. гаамзсууд̇иаад̣̇и вуд̇д̇ассзвад̇т̇асса баагадагаран̣ам̣. д̇ад̇т̇а хийд̇и хзд̇уад̇т̇з нибаад̇о. яасмаа гаамзсу гаамахзд̇у имз сад̇д̇аа вад̇хаб̣анд̇ханад̣̇угкаани анубхаванд̇и баабун̣анд̇и, д̇асмаа ааха – ‘‘асагаамаа’’д̇и, гаамаа наамзд̇з асанд̇о хийнаа лаамагаад̇и ад̇т̇о. ‘‘ахагаамаа’’д̇и ваа баато, со звад̇т̇о. ахаад̇и хи лаамагабарияааяо ‘‘ахалогид̇т̇ияо наамаа’’д̇иаад̣̇ийсу вияа.

Yesu vadhabandhoti yesu kāmesu kāmanimittaṃ maraṇapothanādiparikkileso andubandhanādibandho ca hotīti attho. Kāmesūtiādi vuttassevatthassa pākaṭakaraṇaṃ. Tattha hīti hetuatthe nipāto. Yasmā kāmesu kāmahetu ime sattā vadhabandhanadukkhāni anubhavanti pāpuṇanti, tasmā āha – ‘‘asakāmā’’ti, kāmā nāmete asanto hīnā lāmakāti attho. ‘‘Ahakāmā’’ti vā pāṭho, so evattho. Ahāti hi lāmakapariyāyo ‘‘ahalokitthiyo nāmā’’tiādīsu viya.

аад̣̇ийбид̇аад̇и баж̇ж̇алид̇аа. д̇ин̣уггаад̇и д̇ин̣зхи гад̇аа уггаа. д̣̇аханд̇и яз д̇з мун̃жанд̇ийд̇и яз сад̇д̇аа д̇з гаамз на мун̃жанд̇и, ан̃н̃ад̣̇ад̇т̇у г̇ан̣ханд̇и, д̇з д̣̇аханд̇иязва, самбад̇и ааяад̇ин̃жа жхаабзнд̇и.

Ādīpitāti pajjalitā. Tiṇukkāti tiṇehi katā ukkā. Dahanti ye te muñcantīti ye sattā te kāme na muñcanti, aññadatthu gaṇhanti, te dahantiyeva, sampati āyatiñca jhāpenti.

маа аббагасса хзд̇ууд̇и бубпассаад̣̇асад̣̇исасса барид̇д̇агасса гаамасукасса хзд̇у вибулам̣ ул̣аарам̣ бан̣ийд̇ан̃жа логуд̇д̇арам̣ сукам̣ маа ж̇ахи маа чад̣д̣зхи. маа бут̇уломова б̣ал̣исам̣ г̇илид̇ваад̇и аамисалобхзна б̣ал̣исам̣ г̇илид̇ваа б̣яасанам̣ баабун̣анд̇о ‘‘бут̇уломо’’д̇и лад̣̇д̇ханаамо мажчо вияа гаамз абарижжаж̇ид̇ваа маа бажчаа вихан̃н̃аси бажчаа вигхаадам̣ аабаж̇ж̇аси.

Mā appakassa hetūti pupphassādasadisassa parittakassa kāmasukhassa hetu vipulaṃ uḷāraṃ paṇītañca lokuttaraṃ sukhaṃ mā jahi mā chaḍḍehi. Mā puthulomova baḷisaṃ gilitvāti āmisalobhena baḷisaṃ gilitvā byasanaṃ pāpuṇanto ‘‘puthulomo’’ti laddhanāmo maccho viya kāme apariccajitvā mā pacchā vihaññasi pacchā vighāṭaṃ āpajjasi.

сунакова сан̇калааб̣ад̣̇д̇ход̇и яат̇аа г̇ад̣̇д̣̇улзна б̣ад̣̇д̇хо сунако г̇ад̣̇д̣̇улаб̣анд̇хзна т̇амбхз убаниб̣ад̣̇д̇хо ан̃н̃ад̇о г̇анд̇ум̣ асаггонд̇о д̇ад̇т̇зва бариб̣бхамад̇и, звам̣ д̇вам̣ гаамад̇ан̣хааяа б̣ад̣̇д̇хо, ид̣̇аани гаамам̣ яад̣̇иби гаамзсу д̇аава д̣̇амассу инд̣̇рияаани д̣̇амзхи. гаахинд̇и ку д̇ам̣ гаамаа, чаад̇аа сунакам̣ва жан̣д̣аалаад̇и кууд̇и нибаад̇амад̇д̇ам̣. д̇з бана гаамаа д̇ам̣ д̇ат̇аа гариссанд̇и, яат̇аа чаад̇аж̇жхад̇д̇аа сабаагаа сунакам̣ лабхид̇ваа анаяаб̣яасанам̣ баабзнд̇ийд̇и ад̇т̇о.

Sunakhova saṅkhalābaddhoti yathā gaddulena baddho sunakho gaddulabandhena thambhe upanibaddho aññato gantuṃ asakkonto tattheva paribbhamati, evaṃ tvaṃ kāmataṇhāya baddho, idāni kāmaṃ yadipi kāmesu tāva damassu indriyāni damehi. Kāhinti khu taṃ kāmā, chātā sunakhaṃva caṇḍālāti khūti nipātamattaṃ. Te pana kāmā taṃ tathā karissanti, yathā chātajjhattā sapākā sunakhaṃ labhitvā anayabyasanaṃ pāpentīti attho.

абаримид̇ан̃жа д̣̇угканд̇и абаримаан̣ам̣ ‘‘зд̇д̇ага’’нд̇и барижчинд̣̇ид̇ум̣ асаггун̣зяяам̣ нираяаад̣̇ийсу гааяигам̣ д̣̇угкам̣. б̣ахууни жа жид̇д̇ад̣̇оманассаанийд̇и жид̇д̇з лаб̣бхамаанаани б̣ахууни анзгаани д̣̇оманассаани жзд̇од̣̇угкаани. анубхохисийд̇и анубхависсаси. гаамаяуд̇д̇од̇и гаамзхи яуд̇д̇о, д̇з аббадиниссаж̇ж̇анд̇о. бадиниссаж̇а ад̣̇д̇хувз гаамзд̇и ад̣̇д̇хувзхи анижжзхи гаамзхи виниссаж̇а абзхийд̇и ад̇т̇о.

Aparimitañca dukkhanti aparimāṇaṃ ‘‘ettaka’’nti paricchindituṃ asakkuṇeyyaṃ nirayādīsu kāyikaṃ dukkhaṃ. Bahūni ca cittadomanassānīti citte labbhamānāni bahūni anekāni domanassāni cetodukkhāni. Anubhohisīti anubhavissasi. Kāmayuttoti kāmehi yutto, te appaṭinissajjanto. Paṭinissaja addhuve kāmeti addhuvehi aniccehi kāmehi vinissaja apehīti attho.

ж̇араамаран̣аб̣яаад̇хиг̇ахид̇аа, саб̣б̣аа саб̣б̣ад̇т̇а ж̇аад̇ияод̇и яасмаа хийнаад̣̇ибхзд̣̇абхиннаа саб̣б̣ад̇т̇а бхаваад̣̇ийсу ж̇аад̇ияо ж̇араамаран̣аб̣яаад̇хинаа жа г̇ахид̇аа, д̇зхи абаримуд̇д̇аа, д̇асмаа аж̇арамхи ниб̣б̣аанз виж̇ж̇амаанз ж̇араад̣̇ийхи абаримуд̇д̇зхи гаамзхи гим̣ д̇ава баяож̇ананд̇и яож̇анаа.

Jarāmaraṇabyādhigahitā, sabbā sabbattha jātiyoti yasmā hīnādibhedabhinnā sabbattha bhavādīsu jātiyo jarāmaraṇabyādhinā ca gahitā, tehi aparimuttā, tasmā ajaramhi nibbāne vijjamāne jarādīhi aparimuttehi kāmehi kiṃ tava payojananti yojanā.

звам̣ ниб̣б̣аанаг̇ун̣ад̣̇ассанамукзна гаамзсу бхавзсу жа аад̣̇ийнавам̣ багаасзд̇ваа ид̣̇аани ниб̣б̣ад̇д̇ид̇ам̣ ниб̣б̣аанаг̇ун̣амзва багаасзнд̇ий ‘‘ид̣̇амаж̇ара’’нд̇иаад̣̇инаа д̣̇вз г̇аат̇аа абхааси. д̇ад̇т̇а ид̣̇амаж̇аранд̇и ид̣̇амзвзгам̣ ад̇д̇ани ж̇араабхаавад̇о ад̇хиг̇ад̇асса жа ж̇араабхаавахзд̇уд̇о аж̇арам̣. ид̣̇амамаранд̇и зд̇т̇ааби зсзва наяо. ид̣̇амаж̇араамаранд̇и д̇ад̣̇убхаяамзгаж̇жхам̣ гад̇ваа т̇оманаавасзна вад̣̇ад̇и. бад̣̇анд̇и ваддад̣̇угкад̇о мужжид̇угаамзхи баб̣б̣аж̇ид̇аб̣б̣ад̇о бадибаж̇ж̇ид̇аб̣б̣ад̇о бад̣̇ам̣. согахзд̇уунам̣ абхаавад̇о согаабхаавад̇о жа асогам̣. сабад̇д̇агарад̇хаммаабхаавад̇о асабад̇д̇ам̣. гилзсасамб̣аад̇хаабхаавад̇о асамб̣аад̇хам̣. калид̇асан̇каад̇аанам̣ д̣̇ужжарид̇аанам̣ абхаавзна акалид̇ам̣. ад̇д̇аануваад̣̇аад̣̇ибхаяаанам̣ ваддабхаяасса жа саб̣б̣асо абхааваа абхаяам̣. д̣̇угкуубад̇аабасса гилзсассааби абхаавзна нирубад̇аабам̣. саб̣б̣амзд̇ам̣ амад̇амахааниб̣б̣аанамзва санд̇хааяа вад̣̇ад̇и. д̇ан̃хи саа ануссаваад̣̇исид̣̇д̇хзна аагаарзна ад̇д̇ано убадтаханд̇ий д̇зсам̣ бажжагкад̇о д̣̇ассзнд̇ий вияа ‘‘ид̣̇а’’нд̇и авожа.

Evaṃ nibbānaguṇadassanamukhena kāmesu bhavesu ca ādīnavaṃ pakāsetvā idāni nibbattitaṃ nibbānaguṇameva pakāsentī ‘‘idamajara’’ntiādinā dve gāthā abhāsi. Tattha idamajaranti idamevekaṃ attani jarābhāvato adhigatassa ca jarābhāvahetuto ajaraṃ. Idamamaranti etthāpi eseva nayo. Idamajarāmaranti tadubhayamekajjhaṃ katvā thomanāvasena vadati. Padanti vaṭṭadukkhato muccitukāmehi pabbajitabbato paṭipajjitabbato padaṃ. Sokahetūnaṃ abhāvato sokābhāvato ca asokaṃ. Sapattakaradhammābhāvato asapattaṃ. Kilesasambādhābhāvato asambādhaṃ. Khalitasaṅkhātānaṃ duccaritānaṃ abhāvena akhalitaṃ. Attānuvādādibhayānaṃ vaṭṭabhayassa ca sabbaso abhāvā abhayaṃ. Dukkhūpatāpassa kilesassāpi abhāvena nirupatāpaṃ. Sabbametaṃ amatamahānibbānameva sandhāya vadati. Tañhi sā anussavādisiddhena ākārena attano upaṭṭhahantī tesaṃ paccakkhato dassentī viya ‘‘ida’’nti avoca.

авиг̇ад̇амид̣̇ам̣ б̣ахуухи амад̇анд̇и ид̣̇ам̣ амад̇ам̣ ниб̣б̣аанам̣ б̣ахуухи ананд̇аабаримаан̣зхи б̣уд̣̇д̇хаад̣̇ийхи ариязхи ад̇хиг̇ад̇ам̣ н̃аад̇ам̣ ад̇д̇ано бажжагкам̣ гад̇ам̣. на гзвалам̣ д̇зхи ад̇хиг̇ад̇амзва санд̇хааяа вад̣̇ад̇и, ат̇а ко аж̇ж̇ааби жа лабханийяам̣ ид̣̇ааниби ад̇хиг̇аманийяам̣ ад̇хиг̇анд̇ум̣ саггаа. гзна лабханийяанд̇и ааха ‘‘яо яонисо баяун̃ж̇ад̇ий’’д̇и, яо буг̇г̇ало яонисо убааязна сад̇т̇аараа д̣̇иннаоваад̣̇з тад̇ваа яун̃ж̇ад̇и саммаабаяог̇ан̃жа гарод̇и, д̇зна лабханийяанд̇и яож̇анаа. на жа саггаа агхадамаанзнаад̇и яо бана яонисо на баяун̃ж̇ад̇и, д̇зна агхадамаанзна на жа саггаа, гад̣̇аажиби лад̣̇д̇хум̣ на саггааязваад̇и ад̇т̇о.

Avigatamidaṃbahūhi amatanti idaṃ amataṃ nibbānaṃ bahūhi anantaaparimāṇehi buddhādīhi ariyehi adhigataṃ ñātaṃ attano paccakkhaṃ kataṃ. Na kevalaṃ tehi adhigatameva sandhāya vadati, atha kho ajjāpi ca labhanīyaṃ idānipi adhigamanīyaṃ adhigantuṃ sakkā. Kena labhanīyanti āha ‘‘yo yoniso payuñjatī’’ti, yo puggalo yoniso upāyena satthārā dinnaovāde ṭhatvā yuñjati sammāpayogañca karoti, tena labhanīyanti yojanā. Na ca sakkā aghaṭamānenāti yo pana yoniso na payuñjati, tena aghaṭamānena na ca sakkā, kadācipi laddhuṃ na sakkāyevāti attho.

звам̣ бхан̣ад̇и сумзд̇хаад̇и звам̣ вуд̇д̇аббагаарзна сумзд̇хаа рааж̇аган̃н̃аа сам̣саарз ад̇д̇ано сам̣взг̇ад̣̇ийбаним̣ гаамзсу ниб̣б̣зд̇хабхааг̇иним̣ д̇хаммагат̇ам̣ гат̇зд̇и. сан̇каараг̇ад̇з рад̇им̣ алабхамаанаад̇и ан̣умад̇д̇зби сан̇каарабавад̇д̇з абхирад̇им̣ авинд̣̇анд̇ий. анунзнд̇ий анигарад̇д̇анд̇и анигарад̇д̇ам̣ рааж̇аанам̣ сан̃н̃аабзнд̇ий. гзсз жа чамам̣ кибийд̇и ад̇д̇ано каг̇г̇зна чиннз гзсз жа бхуумияам̣ киби чад̣д̣зси.

Evaṃ bhaṇati sumedhāti evaṃ vuttappakārena sumedhā rājakaññā saṃsāre attano saṃvegadīpaniṃ kāmesu nibbedhabhāginiṃ dhammakathaṃ katheti. Saṅkhāragate ratiṃ alabhamānāti aṇumattepi saṅkhārapavatte abhiratiṃ avindantī. Anunentī anikarattanti anikarattaṃ rājānaṃ saññāpentī. Kese ca chamaṃ khipīti attano khaggena chinne kese ca bhūmiyaṃ khipi chaḍḍesi.

яаажад̇ассаа бид̇арам̣ сод̇и со анигарад̇д̇о ассаа сумзд̇хааяа бид̇арам̣ гон̃жарааж̇аанам̣ яаажад̇и. гинд̇и яаажад̇ийд̇и ааха ‘‘виссаж̇ж̇зт̇а сумзд̇хам̣, баб̣б̣аж̇ид̇ум̣ вимогкасажжад̣̇ассаа’’д̇и, сумзд̇хам̣ рааж̇абуд̇д̇им̣ баб̣б̣аж̇ид̇ум̣ виссаж̇ж̇зт̇а, саа жа баб̣б̣аж̇ид̇ваа вимогкасажжад̣̇ассаа авибарийд̇аниб̣б̣аанад̣̇ассаавиний ход̇ууд̇и ад̇т̇о.

Yācatassā pitaraṃ soti so anikaratto assā sumedhāya pitaraṃ koñcarājānaṃ yācati. Kinti yācatīti āha ‘‘vissajjetha sumedhaṃ, pabbajituṃ vimokkhasaccadassā’’ti, sumedhaṃ rājaputtiṃ pabbajituṃ vissajjetha, sā ca pabbajitvā vimokkhasaccadassā aviparītanibbānadassāvinī hotūti attho.

согабхаяабхийд̇аад̇и н̃аад̇ивияог̇аад̣̇ихзд̇уд̇о саб̣б̣асмааби сам̣саарабхаяад̇о бхийд̇аа н̃аан̣уд̇д̇аравасзна уд̇раасид̇аа. сигкамаанааяаад̇и сигкамаанааяа самаанааяа ча абхин̃н̃аа сажчигад̇аа, д̇ад̇о зва аг̇г̇апалам̣ арахад̇д̇ам̣ сажчигад̇ам̣.

Sokabhayabhītāti ñātiviyogādihetuto sabbasmāpi saṃsārabhayato bhītā ñāṇuttaravasena utrāsitā. Sikkhamānāyāti sikkhamānāya samānāya cha abhiññā sacchikatā, tato eva aggaphalaṃ arahattaṃ sacchikataṃ.

ажчарияамаб̣бхуд̇ам̣ д̇ам̣, ниб̣б̣аанам̣ ааси рааж̇аган̃н̃ааяаад̇и рааж̇абуд̇д̇ияаа сумзд̇хааяа гилзсзхи бариниб̣б̣аанам̣ ажчарияам̣ аб̣бхуд̇ан̃жа ааси. чал̣абхин̃н̃аава сид̣̇д̇хияаа гат̇анд̇и жз буб̣б̣зниваасажарид̇ам̣, яат̇аа б̣яаагари бажчимз гаалзд̇и, бажчимз канд̇хабариниб̣б̣аанагаалз ад̇д̇ано буб̣б̣зниваасабарияаабаннажарид̇ам̣ яат̇аа б̣яаагааси, д̇ат̇аа д̇ам̣ ж̇аанид̇аб̣б̣анд̇и.

Acchariyamabbhutaṃ taṃ, nibbānaṃ āsi rājakaññāyāti rājaputtiyā sumedhāya kilesehi parinibbānaṃ acchariyaṃ abbhutañca āsi. Chaḷabhiññāva siddhiyā kathanti ce pubbenivāsacaritaṃ, yathā byākari pacchime kāleti, pacchime khandhaparinibbānakāle attano pubbenivāsapariyāpannacaritaṃ yathā byākāsi, tathā taṃ jānitabbanti.

буб̣б̣зниваасам̣ бана д̇ааяа яат̇аа б̣яаагад̇ам̣, д̇ам̣ д̣̇ассзд̇ум̣ ‘‘бхаг̇авад̇и гон̣ааг̇аманз’’д̇иаад̣̇и вуд̇д̇ам̣. д̇ад̇т̇а бхаг̇авад̇и гон̣ааг̇аманзд̇и гон̣ааг̇аманз саммаасамб̣уд̣̇д̇хз логз уббаннз. сан̇гхаараамамхи наванивзсамхийд̇и сан̇гхам̣ уд̣̇д̣̇исса абхинаванивзсид̇з аараамз. сакияо д̇иссо ж̇анияо, вихаарад̣̇аанам̣ ад̣̇аасимхаад̇и д̇ханан̃ж̇ааний кзмаа ахан̃жаад̇и маяам̣ д̇иссо сакияо аараамам̣ сан̇гхасса вихаарад̣̇аанам̣ ад̣̇амха.

Pubbenivāsaṃ pana tāya yathā byākataṃ, taṃ dassetuṃ ‘‘bhagavati koṇāgamane’’tiādi vuttaṃ. Tattha bhagavati koṇāgamaneti koṇāgamane sammāsambuddhe loke uppanne. Saṅghārāmamhi navanivesamhīti saṅghaṃ uddissa abhinavanivesite ārāme. Sakhiyo tisso janiyo, vihāradānaṃ adāsimhāti dhanañjānī khemā ahañcāti mayaṃ tisso sakhiyo ārāmaṃ saṅghassa vihāradānaṃ adamha.

д̣̇асагкад̇д̇ум̣ сад̇агкад̇д̇унд̇и д̇асса вихаарад̣̇аанасса аанубхаавзна д̣̇асаваарз д̣̇звзсу убабаж̇имха, д̇ад̇о мануссзсу убабаж̇ж̇ид̇ваа буна сад̇агкад̇д̇ум̣ д̣̇звзсу убабаж̇ж̇имха, д̇ад̇оби мануссзсу убабаж̇ж̇ид̇ваа буна д̣̇асасад̇агкад̇д̇ум̣ сахассаваарам̣ д̣̇звзсу убабаж̇ж̇имха, д̇ад̇оби мануссзсу убабаж̇ж̇ид̇ваа буна сад̇аани сад̇агкад̇д̇ум̣ д̣̇асасахассаваарз д̣̇звзсу убабаж̇ж̇имха, го бана ваад̣̇о мануссзсу. звам̣ мануссзсу уббаннаваарзсу гат̇аава над̇т̇и, анзгасахассаваарам̣ убабаж̇ж̇имхаад̇и ад̇т̇о.

Dasakkhattuṃ satakkhattunti tassa vihāradānassa ānubhāvena dasavāre devesu upapajimha, tato manussesu upapajjitvā puna satakkhattuṃ devesu upapajjimha, tatopi manussesu upapajjitvā puna dasasatakkhattuṃ sahassavāraṃ devesu upapajjimha, tatopi manussesu upapajjitvā puna satāni satakkhattuṃ dasasahassavāre devesu upapajjimha, ko pana vādo manussesu. Evaṃ manussesu uppannavāresu kathāva natthi, anekasahassavāraṃ upapajjimhāti attho.

д̣̇звзсу махид̣̇д̇хигаа ахумхаад̇и д̣̇звзсу убабаннагаалз д̇асмим̣ д̇асмим̣ д̣̇званигааяз махид̣̇д̇хигаа махаанубхааваа ахумха. маанусагамхи го бана ваад̣̇од̇и мануссад̇д̇алаабхз махид̣̇д̇хигад̇ааяа гат̇аава над̇т̇и. ид̣̇аани д̇амзва мануссад̇д̇абхаавз уггам̣сад̇ам̣ махид̣̇д̇хигад̇ам̣ д̣̇ассзнд̇ий ‘‘сад̇д̇арад̇анасса махзсий, ид̇т̇ирад̇анам̣ ахам̣ ааси’’нд̇и ааха. д̇ад̇т̇а жаггарад̇анаад̣̇ийни сад̇д̇а рад̇анаани зд̇асса санд̇ийд̇и сад̇д̇арад̇ано, жаггавад̇д̇ий, д̇асса сад̇д̇арад̇анасса. чад̣̇осарахид̇аа бан̃жагаляаан̣аа ад̇игганд̇амануссаван̣н̣аа абад̇д̇ад̣̇иб̣б̣аван̣н̣аад̇и звамаад̣̇иг̇ун̣асаманнааг̇амзна ид̇т̇ийсу рад̇анабхууд̇аа ахам̣ ахосим̣.

Devesu mahiddhikā ahumhāti devesu upapannakāle tasmiṃ tasmiṃ devanikāye mahiddhikā mahānubhāvā ahumha. Mānusakamhi ko pana vādoti manussattalābhe mahiddhikatāya kathāva natthi. Idāni tameva manussattabhāve ukkaṃsataṃ mahiddhikataṃ dassentī ‘‘sattaratanassa mahesī, itthiratanaṃ ahaṃ āsi’’nti āha. Tattha cakkaratanādīni satta ratanāni etassa santīti sattaratano, cakkavattī, tassa sattaratanassa. Chadosarahitā pañcakalyāṇā atikkantamanussavaṇṇā apattadibbavaṇṇāti evamādiguṇasamannāgamena itthīsu ratanabhūtā ahaṃ ahosiṃ.

со хзд̇ууд̇и яам̣ д̇ам̣ гон̣ааг̇аманасса бхаг̇авад̇о гаалз сан̇гхасса вихаарад̣̇аанам̣ гад̇ам̣, со яат̇аавуд̇д̇ааяа д̣̇иб̣б̣асамбад̇д̇ияаа жа хзд̇у. со бабхаво д̇ам̣ мууланд̇и д̇ассзва барияааяаважанам̣. саава саасанз канд̇ийд̇и саа зва ид̇ха сад̇т̇усаасанз д̇хаммз ниж̇жхаанагканд̇ий. д̇ам̣ батамасамод̇хаананд̇и д̇ад̣̇зва сад̇т̇усаасанад̇хаммзна батамам̣ самод̇хаанам̣ батамо самааг̇амо, д̇ад̣̇зва сад̇т̇усаасанад̇хаммз абхирад̇ааяа барияосаанз ниб̣б̣аананд̇и палуубажаарзна гааран̣ам̣ вад̣̇ад̇и. имаа бана жад̇ассо г̇аат̇аа т̇зрияаа абад̣̇аанасса вибхааванавасзна бавад̇д̇ад̇д̇аа абад̣̇аанабаал̣ияамби сан̇г̇ахам̣ ааробид̇аа.

So hetūti yaṃ taṃ koṇāgamanassa bhagavato kāle saṅghassa vihāradānaṃ kataṃ, so yathāvuttāya dibbasampattiyā ca hetu. So pabhavo taṃ mūlanti tasseva pariyāyavacanaṃ. Sāva sāsane khantīti sā eva idha satthusāsane dhamme nijjhānakkhantī. Taṃ paṭhamasamodhānanti tadeva satthusāsanadhammena paṭhamaṃ samodhānaṃ paṭhamo samāgamo, tadeva satthusāsanadhamme abhiratāya pariyosāne nibbānanti phalūpacārena kāraṇaṃ vadati. Imā pana catasso gāthā theriyā apadānassa vibhāvanavasena pavattattā apadānapāḷiyampi saṅgahaṃ āropitā.

осаанаг̇аат̇ааяа звам̣ гаронд̇ийд̇и яат̇аа маяаа буримад̇д̇абхаавз зд̇арахи жа гад̇ам̣ бадибаннам̣, звам̣ ан̃н̃зби гаронд̇и бадибаж̇ж̇анд̇и. гз звам̣ гаронд̇ийд̇и ааха – ‘‘яз сад̣̇д̣̇аханд̇и важанам̣ аномабан̃н̃ассаа’’д̇и, н̃зяяабарияанд̇иган̃аан̣ад̇ааяа барибун̣н̣абан̃н̃асса саммаасамб̣уд̣̇д̇хасса важанам̣ яз буг̇г̇алаа сад̣̇д̣̇аханд̇и ‘‘звамзд̇а’’нд̇и огаббанд̇и, д̇з звам̣ гаронд̇и бадибаж̇ж̇анд̇и. ид̣̇аани д̇ааяа уггам̣саг̇ад̇ааяа бадибад̇д̇ияаа д̇ам̣ д̣̇ассзд̇ум̣ ‘‘ниб̣б̣инд̣̇анд̇и бхаваг̇ад̇з, ниб̣б̣инд̣̇ид̇ваа вираж̇ж̇анд̇ий’’д̇и вуд̇д̇ам̣. д̇ассад̇т̇о – яз бхаг̇авад̇о важанам̣ яаат̇аавад̇о сад̣̇д̣̇аханд̇и, д̇з висуд̣̇д̇хибадибад̣̇ам̣ бадибаж̇ж̇анд̇аа саб̣б̣асмим̣ бхаваг̇ад̇з д̇збхуумагз сан̇каарз вибассанаабан̃н̃ааяа ниб̣б̣инд̣̇анд̇и, ниб̣б̣инд̣̇ид̇ваа жа бана арияамаг̇г̇зна саб̣б̣асо вираж̇ж̇анд̇и, саб̣б̣асмааби бхаваг̇ад̇аа вимужжанд̇ийд̇и ад̇т̇о. вирааг̇з арияамаг̇г̇з ад̇хиг̇ад̇з вимуд̇д̇ааязва хонд̇ийд̇и.

Osānagāthāya evaṃ karontīti yathā mayā purimattabhāve etarahi ca kataṃ paṭipannaṃ, evaṃ aññepi karonti paṭipajjanti. Ke evaṃ karontīti āha – ‘‘ye saddahanti vacanaṃ anomapaññassā’’ti, ñeyyapariyantikañāṇatāya paripuṇṇapaññassa sammāsambuddhassa vacanaṃ ye puggalā saddahanti ‘‘evameta’’nti okappanti, te evaṃ karonti paṭipajjanti. Idāni tāya ukkaṃsagatāya paṭipattiyā taṃ dassetuṃ ‘‘nibbindanti bhavagate, nibbinditvā virajjantī’’ti vuttaṃ. Tassattho – ye bhagavato vacanaṃ yāthāvato saddahanti, te visuddhipaṭipadaṃ paṭipajjantā sabbasmiṃ bhavagate tebhūmake saṅkhāre vipassanāpaññāya nibbindanti, nibbinditvā ca pana ariyamaggena sabbaso virajjanti, sabbasmāpi bhavagatā vimuccantīti attho. Virāge ariyamagge adhigate vimuttāyeva hontīti.

звамзд̇аа т̇зригаад̣̇аяо сумзд̇хаабарияосаанаа г̇аат̇аасабхааг̇зна ид̇ха згаж̇жхам̣ сан̇г̇ахам̣ ааруул̣хаа ‘‘д̇исад̇д̇ад̇ибаримаан̣аа’’д̇и. бхаан̣аваарад̇о бана д̣̇ваад̇хигаа часад̇амад̇д̇аа т̇зрияо г̇аат̇аа жа. д̇аа саб̣б̣ааби яат̇аа саммаасамб̣уд̣̇д̇хасса саавигаабхаавзна згавид̇хаа, д̇ат̇аа асзкабхаавзна угкид̇д̇абалигхад̇ааяа сам̣гин̣н̣абаригкад̇ааяа аб̣б̣уул̣хзсигад̇ааяа нираг̇г̇алад̇ааяа баннабхаарад̇ааяа висан̃н̃уд̇д̇ад̇ааяа д̣̇асасу арияаваасзсу вудтаваасад̇ааяа жа, д̇ат̇аа хи д̇аа бан̃жан̇г̇авиббахийнаа чал̣ан̇г̇асаманнааг̇ад̇аа згаарагкаа жад̇ураабассзнаа бан̣уннабажжзгасажжаа самаваяасадтзсанаа анаавиласан̇габбаа бассад̣̇д̇хагааяасан̇каараа сувимуд̇д̇ажид̇д̇аа сувимуд̇д̇абан̃н̃аа жаад̇и звамаад̣̇инаа (д̣̇ий. ни. 3.360) наязна згавид̇хаа.

Evametā therikādayo sumedhāpariyosānā gāthāsabhāgena idha ekajjhaṃ saṅgahaṃ ārūḷhā ‘‘tisattatiparimāṇā’’ti. Bhāṇavārato pana dvādhikā chasatamattā theriyo gāthā ca. Tā sabbāpi yathā sammāsambuddhassa sāvikābhāvena ekavidhā, tathā asekhabhāvena ukkhittapalighatāya saṃkiṇṇaparikkhatāya abbūḷhesikatāya niraggalatāya pannabhāratāya visaññuttatāya dasasu ariyavāsesu vuṭṭhavāsatāya ca, tathā hi tā pañcaṅgavippahīnā chaḷaṅgasamannāgatā ekārakkhā caturāpassenā paṇunnapaccekasaccā samavayasaṭṭhesanā anāvilasaṅkappā passaddhakāyasaṅkhārā suvimuttacittā suvimuttapaññā cāti evamādinā (dī. ni. 3.360) nayena ekavidhā.

саммукаабараммукаабхзд̣̇ад̇о д̣̇увид̇хаа. яаа хи сад̇т̇уд̇харамаанагаалз арияааяа ж̇аад̇ияаа ж̇аад̇аа махаабаж̇аабад̇иг̇од̇амиаад̣̇аяо, д̇аа саммукаасаавигаа наама. яаа бана бхаг̇авад̇о канд̇хабариниб̣б̣аанад̇о бажчаа ад̇хиг̇ад̇ависзсаа, д̇аа сад̇иби сад̇т̇уд̇хаммасарийрасса бажжагкабхаавз сад̇т̇усарийрасса абажжагкабхаавад̇о бараммукаасаавигаа наама. д̇ат̇аа убхад̇обхааг̇авимуд̇д̇ибан̃н̃аавимуд̇д̇ид̇аавасзна. ид̇ха баал̣ияааг̇ад̇аа бана убхад̇обхааг̇авимуд̇д̇ааязва. д̇ат̇аа саабад̣̇аананаабад̣̇аанабхзд̣̇ад̇о. яаасан̃хи буримзсу саммаасамб̣уд̣̇д̇хзсу бажжзгаб̣уд̣̇д̇хзсу саавагаб̣уд̣̇д̇хзсу ваа бун̃н̃агирияаавасзна гад̇аад̇хигаарад̇аасан̇каад̇ам̣ ад̇т̇и абад̣̇аанам̣, д̇аа саабад̣̇аанаа. яаасам̣ д̇ам̣ над̇т̇и, д̇аа наабад̣̇аанаа. д̇ат̇аа сад̇т̇улад̣̇д̇хуубасамбад̣̇аа сан̇гхад̇о лад̣̇д̇хуубасамбад̣̇аад̇и д̣̇увид̇хаа. г̇аруд̇хаммабадиг̇г̇ахан̣амхи лад̣̇д̇хуубасамбад̣̇аа махаабаж̇аабад̇иг̇од̇амий сад̇т̇усанд̇игаава лад̣̇д̇хуубасамбад̣̇ад̇д̇аа сад̇т̇улад̣̇д̇хуубасамбад̣̇аа наама. сзсаа саб̣б̣ааби сан̇гхад̇о лад̣̇д̇хуубасамбад̣̇аа. д̇ааби згад̇оубасамбаннаа убхад̇оубасамбаннаад̇и д̣̇увид̇хаа. д̇ад̇т̇а яаа д̇аа махаабаж̇аабад̇иг̇од̇амияаа сад̣̇д̇хим̣ нигканд̇аа бан̃жасад̇аа саагияаанияо, д̇аа згад̇оубасамбаннаа бхигкусан̇гхад̇о зва лад̣̇д̇хуубасамбад̣̇ад̇д̇аа махаабаж̇аабад̇иг̇од̇амим̣ табзд̇ваа. ид̇араа убхад̇оубасамбаннаа убхад̇осан̇гхз убасамбад̣̇ад̇д̇аа.

Sammukhāparammukhābhedato duvidhā. Yā hi satthudharamānakāle ariyāya jātiyā jātā mahāpajāpatigotamiādayo, tā sammukhāsāvikā nāma. Yā pana bhagavato khandhaparinibbānato pacchā adhigatavisesā, tā satipi satthudhammasarīrassa paccakkhabhāve satthusarīrassa apaccakkhabhāvato parammukhāsāvikā nāma. Tathā ubhatobhāgavimuttipaññāvimuttitāvasena. Idha pāḷiyāgatā pana ubhatobhāgavimuttāyeva. Tathā sāpadānanāpadānabhedato. Yāsañhi purimesu sammāsambuddhesu paccekabuddhesu sāvakabuddhesu vā puññakiriyāvasena katādhikāratāsaṅkhātaṃ atthi apadānaṃ, tā sāpadānā. Yāsaṃ taṃ natthi, tā nāpadānā. Tathā satthuladdhūpasampadā saṅghato laddhūpasampadāti duvidhā. Garudhammapaṭiggahaṇamhi laddhūpasampadā mahāpajāpatigotamī satthusantikāva laddhūpasampadattā satthuladdhūpasampadā nāma. Sesā sabbāpi saṅghato laddhūpasampadā. Tāpi ekatoupasampannā ubhatoupasampannāti duvidhā. Tattha yā tā mahāpajāpatigotamiyā saddhiṃ nikkhantā pañcasatā sākiyāniyo, tā ekatoupasampannā bhikkhusaṅghato eva laddhūpasampadattā mahāpajāpatigotamiṃ ṭhapetvā. Itarā ubhatoupasampannā ubhatosaṅghe upasampadattā.

зхибхигкуд̣̇уго вияа зхибхигкунид̣̇уго ид̇ха на лаб̣бхад̇и. гасмаа? бхигкунийнам̣ д̇ат̇аа убасамбад̣̇ааяа абхаавад̇о. яад̣̇и звам̣ яам̣ д̇ам̣ т̇зриг̇аат̇ааяа субхад̣̇д̣̇ааяа гун̣д̣алагзсааяа вуд̇д̇ам̣ –

Ehibhikkhuduko viya ehibhikkhuniduko idha na labbhati. Kasmā? Bhikkhunīnaṃ tathā upasampadāya abhāvato. Yadi evaṃ yaṃ taṃ therigāthāya subhaddāya kuṇḍalakesāya vuttaṃ –

‘‘нихажжа ж̇аан̣ум̣ ванд̣̇ид̇ваа, саммукаа ан̃ж̇алим̣ агам̣;

‘‘Nihacca jāṇuṃ vanditvā, sammukhā añjaliṃ akaṃ;

зхи бхад̣̇д̣̇зд̇и мам̣ аважа, саа мз аасуубасамбад̣̇аа’’д̇и. (т̇зрийг̇аа. 109);

Ehi bhaddeti maṃ avaca, sā me āsūpasampadā’’ti. (therīgā. 109);

д̇ат̇аа абад̣̇аанзби –

Tathā apadānepi –

‘‘ааяаажид̇о д̇ад̣̇аа ааха, зхи бхад̣̇д̣̇зд̇и нааяаго;

‘‘Āyācito tadā āha, ehi bhaddeti nāyako;

д̇ад̣̇аахам̣ убасамбаннаа, барид̇д̇ам̣ д̇ояамад̣̇д̣̇аса’’нд̇и. (аба. т̇зрий 2.3.44);

Tadāhaṃ upasampannā, parittaṃ toyamaddasa’’nti. (apa. therī 2.3.44);

д̇ам̣ гат̇анд̇и? наяид̣̇ам̣ зхибхигкунибхаавзна убасамбад̣̇ам̣ санд̇хааяа вуд̇д̇ам̣. убасамбад̣̇ааяа бана хзд̇убхаавад̇о яаа сад̇т̇у аан̣ад̇д̇и, саа мз аасуубасамбад̣̇аад̇и вуд̇д̇ам̣.

Taṃ kathanti? Nayidaṃ ehibhikkhunibhāvena upasampadaṃ sandhāya vuttaṃ. Upasampadāya pana hetubhāvato yā satthu āṇatti, sā me āsūpasampadāti vuttaṃ.

д̇ат̇аа хи вуд̇д̇ам̣ адтагат̇ааяам̣ ‘‘зхи, бхад̣̇д̣̇з, бхигкунубассаяам̣ г̇анд̇ваа бхигкунийнам̣ санд̇игз баб̣б̣аж̇ж̇а убасамбаж̇ж̇ассууд̇и мам̣ авожа аан̣аабзси. саа сад̇т̇у аан̣аа маяхам̣ убасамбад̣̇ааяа гааран̣ад̇д̇аа убасамбад̣̇аа ахосий’’д̇и. зд̇знзва абад̣̇аанаг̇аат̇ааяаби ад̇т̇о сам̣ван̣н̣ид̇од̇и д̣̇адтаб̣б̣о.

Tathā hi vuttaṃ aṭṭhakathāyaṃ ‘‘ehi, bhadde, bhikkhunupassayaṃ gantvā bhikkhunīnaṃ santike pabbajja upasampajjassūti maṃ avoca āṇāpesi. Sā satthu āṇā mayhaṃ upasampadāya kāraṇattā upasampadā ahosī’’ti. Eteneva apadānagāthāyapi attho saṃvaṇṇitoti daṭṭhabbo.

звамби бхигкунивибхан̇г̇з зхи бхигкунийд̇и ид̣̇ам̣ гат̇анд̇и? зхибхигкунибхаавзна бхигкунийнам̣ убасамбад̣̇ааяа асабхааваж̇од̇анаважанам̣ д̇ат̇аа убасамбад̣̇ааяа бхигкунийнам̣ абхаавад̇о. яад̣̇и звам̣, гат̇ам̣ зхибхигкунийд̇и вибхан̇г̇з нид̣̇д̣̇зсо гад̇од̇и? д̣̇зсанаанаяасод̇абад̇ид̇абхаавзна. аяан̃хи сод̇абад̇ид̇ад̇аа наама гад̇т̇ажи лаб̣бхамаанассааби анаахадам̣ ход̇и.

Evampi bhikkhunivibhaṅge ehi bhikkhunīti idaṃ kathanti? Ehibhikkhunibhāvena bhikkhunīnaṃ upasampadāya asabhāvajotanavacanaṃ tathā upasampadāya bhikkhunīnaṃ abhāvato. Yadi evaṃ, kathaṃ ehibhikkhunīti vibhaṅge niddeso katoti? Desanānayasotapatitabhāvena. Ayañhi sotapatitatā nāma katthaci labbhamānassāpi anāhaṭaṃ hoti.

яат̇аа абхид̇хаммз манод̇хаад̇унид̣̇д̣̇зсз (д̇ха. са. 566-567) лаб̣бхамаанамби жхаанан̇г̇ам̣ бан̃жавин̃н̃аан̣асод̇абад̇ид̇ад̇ааяа на уд̣̇д̇хадам̣ гад̇т̇ажи д̣̇зсанааяа асамбхавад̇о. яат̇аа д̇ад̇т̇зва вад̇т̇унид̣̇д̣̇зсз хад̣̇аяавад̇т̇у, гад̇т̇ажи алаб̣бхамаанассааби г̇ахан̣авасзна. д̇ат̇аа тид̇агаббинид̣̇д̣̇зсз. яат̇ааха –

Yathā abhidhamme manodhātuniddese (dha. sa. 566-567) labbhamānampi jhānaṅgaṃ pañcaviññāṇasotapatitatāya na uddhaṭaṃ katthaci desanāya asambhavato. Yathā tattheva vatthuniddese hadayavatthu, katthaci alabbhamānassāpi gahaṇavasena. Tathā ṭhitakappiniddese. Yathāha –

‘‘гад̇амо жа буг̇г̇ало тид̇агаббий? аяан̃жа буг̇г̇ало сод̇аабад̇д̇ипаласажчигирияааяа бадибанно асса, габбасса жа уд̣д̣аяханавзлаа асса, нзва д̇аава габбо уд̣д̣аяхзяяа, яаавааяам̣ буг̇г̇ало на сод̇аабад̇д̇ипалам̣ сажчигарод̇ий’’д̇и (бу. ба. 17).

‘‘Katamo ca puggalo ṭhitakappī? Ayañca puggalo sotāpattiphalasacchikiriyāya paṭipanno assa, kappassa ca uḍḍayhanavelā assa, neva tāva kappo uḍḍayheyya, yāvāyaṃ puggalo na sotāpattiphalaṃ sacchikarotī’’ti (pu. pa. 17).

звамид̇хааби алаб̣бхамаанаг̇ахан̣авасзна взд̣̇ид̇аб̣б̣ам̣, баригаббаважанан̃хзд̇ам̣ сажз бхаг̇аваа бхигкунибхааваяог̇яам̣ ган̃жи маад̇уг̇аамам̣ зхи бхигкунийд̇и вад̣̇зяяа, звамби бхигкунибхааво сияаад̇и. гасмаа бана бхаг̇аваа звам̣ на гат̇зсийд̇и? д̇ат̇аа гад̇аад̇хигаараанам̣ абхаавад̇о. яз бана ‘‘анаасаннасаннихид̇абхаавад̇о’’д̇и гааран̣ам̣ вад̇ваа ‘‘бхигкуу зва хи сад̇т̇у аасаннажаарий сад̣̇аа саннихид̇аава, д̇асмаа д̇з ‘зхибхигкуу’д̇и вад̇д̇аб̣б̣ад̇ам̣ араханд̇и, на бхигкунияо’’д̇и вад̣̇анд̇и, д̇ам̣ д̇зсам̣ мад̇имад̇д̇ам̣. сад̇т̇у аасаннад̣̇уурабхаавасса бхаб̣б̣аабхаб̣б̣абхааваасид̣̇д̇хад̇д̇аа. вуд̇д̇ан̃хзд̇ам̣ бхаг̇авад̇аа –

Evamidhāpi alabbhamānagahaṇavasena veditabbaṃ, parikappavacanañhetaṃ sace bhagavā bhikkhunibhāvayogyaṃ kañci mātugāmaṃ ehi bhikkhunīti vadeyya, evampi bhikkhunibhāvo siyāti. Kasmā pana bhagavā evaṃ na kathesīti? Tathā katādhikārānaṃ abhāvato. Ye pana ‘‘anāsannasannihitabhāvato’’ti kāraṇaṃ vatvā ‘‘bhikkhū eva hi satthu āsannacārī sadā sannihitāva, tasmā te ‘ehibhikkhū’ti vattabbataṃ arahanti, na bhikkhuniyo’’ti vadanti, taṃ tesaṃ matimattaṃ. Satthu āsannadūrabhāvassa bhabbābhabbabhāvāsiddhattā. Vuttañhetaṃ bhagavatā –

‘‘сан̇гхаадиган̣н̣з жзби, бхигкавз, бхигку г̇ахзд̇ваа бидтид̇о бидтид̇о ануб̣анд̇хо асса бад̣̇з бад̣̇ам̣ нигкибанд̇о, со жа ход̇и абхиж̇жхаалу гаамзсу д̇иб̣б̣асаарааг̇о б̣яаабаннажид̇д̇о бад̣̇удтаманасан̇габбо мудтассад̇и асамбаж̇аано асамаахид̇о виб̣бханд̇ажид̇д̇о баагад̇инд̣̇рияо , ат̇а ко со аарагаава маяхам̣, ахан̃жа д̇асса. д̇ам̣ гисса хзд̇у? д̇хамман̃хи со, бхигкавз, бхигку на бассад̇и, д̇хаммам̣ абассанд̇о на мам̣ бассад̇и.

‘‘Saṅghāṭikaṇṇe cepi, bhikkhave, bhikkhu gahetvā piṭṭhito piṭṭhito anubandho assa pade padaṃ nikkhipanto, so ca hoti abhijjhālu kāmesu tibbasārāgo byāpannacitto paduṭṭhamanasaṅkappo muṭṭhassati asampajāno asamāhito vibbhantacitto pākatindriyo , atha kho so ārakāva mayhaṃ, ahañca tassa. Taṃ kissa hetu? Dhammañhi so, bhikkhave, bhikkhu na passati, dhammaṃ apassanto na maṃ passati.

‘‘яож̇анасад̇з жзби со, бхигкавз, бхигку вихарзяяа. со жа ход̇и анабхиж̇жхаалу гаамзсу на д̇иб̣б̣асаарааг̇о аб̣яаабаннажид̇д̇о аббад̣̇удтаманасан̇габбо убадтид̇ассад̇и самбаж̇аано самаахид̇о згаг̇г̇ажид̇д̇о сам̣вуд̇инд̣̇рияо, ат̇а ко со санд̇игзва маяхам̣, ахан̃жа д̇асса. д̇ам̣ гисса хзд̇у? д̇хамман̃хи со, бхигкавз, бхигку бассад̇и, д̇хаммам̣ бассанд̇о мам̣ бассад̇ий’’д̇и (ид̇иву. 92).

‘‘Yojanasate cepi so, bhikkhave, bhikkhu vihareyya. So ca hoti anabhijjhālu kāmesu na tibbasārāgo abyāpannacitto appaduṭṭhamanasaṅkappo upaṭṭhitassati sampajāno samāhito ekaggacitto saṃvutindriyo, atha kho so santikeva mayhaṃ, ahañca tassa. Taṃ kissa hetu? Dhammañhi so, bhikkhave, bhikkhu passati, dhammaṃ passanto maṃ passatī’’ti (itivu. 92).

д̇асмаа агааран̣ам̣ д̣̇зсад̇о сад̇т̇у аасаннаанаасаннад̇аа. агад̇аад̇хигаарад̇ааяа бана бхигкунийнам̣ д̇ад̇т̇а аяог̇яад̇аа. д̇зна вуд̇д̇ам̣ – ‘‘зхибхигкунид̣̇уго ид̇ха на лаб̣бхад̇ий’’д̇и. звам̣ д̣̇увид̇хаа.

Tasmā akāraṇaṃ desato satthu āsannānāsannatā. Akatādhikāratāya pana bhikkhunīnaṃ tattha ayogyatā. Tena vuttaṃ – ‘‘ehibhikkhuniduko idha na labbhatī’’ti. Evaṃ duvidhā.

аг̇г̇асаавигаа, махаасаавигаа, багад̇исаавигаад̇и д̇ивид̇хаа. д̇ад̇т̇а кзмаа, уббалаван̣н̣аад̇и имаа д̣̇вз т̇зрияо аг̇г̇асаавигаа наама. гаамам̣ саб̣б̣ааби кийн̣аасавад̇т̇зрияо сийласуд̣̇д̇хиаад̣̇игз самбаад̣̇знд̇ияо жад̇уусу сад̇ибадтаанзсу субадтид̇ажид̇д̇аа сад̇д̇аб̣ож̇жхан̇г̇з яат̇аабхууд̇ам̣ бхаавзд̇ваа маг̇г̇абадибаадияаа анавасзсад̇о гилзсз кзбзд̇ваа аг̇г̇апалз бад̇идтаханд̇и. д̇ат̇ааби яат̇аа сад̣̇д̇хаавимуд̇д̇ад̇о д̣̇идтиббад̇д̇асса бан̃н̃аавимуд̇д̇ад̇о жа убхад̇обхааг̇авимуд̇д̇асса буб̣б̣абхааг̇абхааванаависзсасид̣̇д̇хо ижчид̇о висзсо, звам̣ абхинийхаарамаханд̇ад̇аабуб̣б̣аяог̇амаханд̇ад̇аахисасанд̇аанз саад̇исаяаг̇ун̣ависзсасса нибпаад̣̇ид̇ад̇д̇аа сийлаад̣̇ийхи г̇ун̣зхи маханд̇аа саавигаад̇и махаасаавигаа. д̇зсуязва бана б̣од̇хибагкияад̇хаммзсу баамогкабхаавзна д̇хурабхууд̇аанам̣ саммаад̣̇идтисаммаасамаад̇хийнам̣ саад̇исаяагижжаанубхааваниб̣б̣ад̇д̇ияаа гааран̣абхууд̇ааяа д̇аж̇ж̇аабхинийхаарад̇ааяа саггажжам̣ ниранд̇арам̣ жирагааласамбхууд̇ааяа саммаабадибад̇д̇ияаа яат̇ааггамам̣ бан̃н̃ааяа самаад̇химхи жа уггам̣сабаарамиббад̇д̇ияаа сависзсам̣ саб̣б̣аг̇ун̣зхи аг̇г̇абхаавз тид̇ад̇д̇аа д̇аа д̣̇взби аг̇г̇асаавигаа наама. махаабаж̇аабад̇иг̇од̇амиаад̣̇аяо бана абхинийхаарамаханд̇ад̇ааяа буб̣б̣аяог̇амаханд̇ад̇ааяа жа бадилад̣̇д̇хаг̇ун̣ависзсавасзна махад̇ияо саавигаад̇и махаасаавигаа наама. ид̇араа т̇зригаа д̇иссаа вийраа д̇хийраад̇и звамаад̣̇игаа абхинийхаарамаханд̇ад̇аад̣̇ийнам̣ абхаавзна багад̇исаавигаа наама. д̇аа бана аг̇г̇асаавигаа вияа махаасаавигаа вияа жа на баримид̇аа, ат̇а ко анзгасад̇аани анзгасахассаани взд̣̇ид̇аб̣б̣аани. звам̣ аг̇г̇асаавигаад̣̇ибхзд̣̇ад̇о д̇ивид̇хаа. д̇ат̇аа сун̃н̃ад̇авимогкаад̣̇ибхзд̣̇ад̇о д̇ивид̇хаа.

Aggasāvikā, mahāsāvikā, pakatisāvikāti tividhā. Tattha khemā, uppalavaṇṇāti imā dve theriyo aggasāvikā nāma. Kāmaṃ sabbāpi khīṇāsavattheriyo sīlasuddhiādike sampādentiyo catūsu satipaṭṭhānesu supaṭṭhitacittā sattabojjhaṅge yathābhūtaṃ bhāvetvā maggapaṭipāṭiyā anavasesato kilese khepetvā aggaphale patiṭṭhahanti. Tathāpi yathā saddhāvimuttato diṭṭhippattassa paññāvimuttato ca ubhatobhāgavimuttassa pubbabhāgabhāvanāvisesasiddho icchito viseso, evaṃ abhinīhāramahantatāpubbayogamahantatāhisasantāne sātisayaguṇavisesassa nipphāditattā sīlādīhi guṇehi mahantā sāvikāti mahāsāvikā. Tesuyeva pana bodhipakkhiyadhammesu pāmokkhabhāvena dhurabhūtānaṃ sammādiṭṭhisammāsamādhīnaṃ sātisayakiccānubhāvanibbattiyā kāraṇabhūtāya tajjābhinīhāratāya sakkaccaṃ nirantaraṃ cirakālasambhūtāya sammāpaṭipattiyā yathākkamaṃ paññāya samādhimhi ca ukkaṃsapāramippattiyā savisesaṃ sabbaguṇehi aggabhāve ṭhitattā tā dvepi aggasāvikā nāma. Mahāpajāpatigotamiādayo pana abhinīhāramahantatāya pubbayogamahantatāya ca paṭiladdhaguṇavisesavasena mahatiyo sāvikāti mahāsāvikā nāma. Itarā therikā tissā vīrā dhīrāti evamādikā abhinīhāramahantatādīnaṃ abhāvena pakatisāvikā nāma. Tā pana aggasāvikā viya mahāsāvikā viya ca na parimitā, atha kho anekasatāni anekasahassāni veditabbāni. Evaṃ aggasāvikādibhedato tividhā. Tathā suññatavimokkhādibhedato tividhā.

бадибад̣̇аад̣̇ивибхааг̇зна жад̇уб̣б̣ид̇хаа. инд̣̇рияаад̇хигавибхааг̇зна бан̃жавид̇хаа. д̇ат̇аа бадибад̇д̇ияаад̣̇ивибхааг̇зна бан̃жавид̇хаа. анимид̇д̇авимуд̇д̇аад̣̇ивасзна чаб̣б̣ид̇хаа. ад̇химуд̇д̇ибхзд̣̇зна сад̇д̇авид̇хаа. д̇хурабадибад̣̇аад̣̇ивибхааг̇зна адтавид̇хаа. вимуд̇д̇ивибхааг̇зна нававид̇хаа д̣̇асавид̇хаа жа. д̇аа банзд̇аа яат̇аавуд̇д̇зна д̇хурабхзд̣̇зна вибхаж̇ж̇амаанаа вийсад̇и хонд̇и, бадибад̣̇аавибхааг̇зна вибхаж̇ж̇амаанаа жад̇д̇аалийса хонд̇и. буна бадибад̣̇аабхзд̣̇зна д̇хурабхзд̣̇зна вибхаж̇ж̇амаанаа асийд̇и хонд̇и. ат̇а ваа сун̃н̃ад̇аавимуд̇д̇аад̣̇ивибхааг̇зна вибхаж̇ж̇амаанаа жад̇д̇аалийсаад̇хигаани д̣̇взсад̇аани хонд̇и. буна инд̣̇рияаад̇хигавибхааг̇зна вибхаж̇ж̇амаанаа д̣̇висад̇уд̇д̇арасахассам̣ хонд̇ийд̇и. звамзд̇аасам̣ т̇зрийнам̣ ад̇д̇ано г̇ун̣авасзнзва анзгабхзд̣̇абхиннад̇аа взд̣̇ид̇аб̣б̣аа. аяамзд̇т̇а сан̇кзбо, вид̇т̇ааро бана хздтаа т̇зраг̇аат̇аасам̣ван̣н̣анааяам̣ вуд̇д̇анаязнзва г̇ахзд̇аб̣б̣од̇и.

Paṭipadādivibhāgena catubbidhā. Indriyādhikavibhāgena pañcavidhā. Tathā paṭipattiyādivibhāgena pañcavidhā. Animittavimuttādivasena chabbidhā. Adhimuttibhedena sattavidhā. Dhurapaṭipadādivibhāgena aṭṭhavidhā. Vimuttivibhāgena navavidhā dasavidhā ca. Tā panetā yathāvuttena dhurabhedena vibhajjamānā vīsati honti, paṭipadāvibhāgena vibhajjamānā cattālīsa honti. Puna paṭipadābhedena dhurabhedena vibhajjamānā asīti honti. Atha vā suññatāvimuttādivibhāgena vibhajjamānā cattālīsādhikāni dvesatāni honti. Puna indriyādhikavibhāgena vibhajjamānā dvisatuttarasahassaṃ hontīti. Evametāsaṃ therīnaṃ attano guṇavaseneva anekabhedabhinnatā veditabbā. Ayamettha saṅkhepo, vitthāro pana heṭṭhā theragāthāsaṃvaṇṇanāyaṃ vuttanayeneva gahetabboti.

сумзд̇хаат̇зрийг̇аат̇ааван̣н̣анаа нидтид̇аа.

Sumedhātherīgāthāvaṇṇanā niṭṭhitā.

махаанибаад̇аван̣н̣анаа нидтид̇аа.

Mahānipātavaṇṇanā niṭṭhitā.

Next: ниг̇аманаг̇аат̇аа • Nigamanagāthā

Related texts:

д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зрийг̇аат̇аабаал̣и • Therīgāthāpāḷi / 1. сумзд̇хаат̇зрийг̇аат̇аа • 1. Sumedhātherīgāthā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact